12 ᠳ᠋ᠤᠭᠠᠷ ᠰᠠᠷᠠᠶᠢᠨ 23ᠤ ᠡᠳᠦᠷ᠂ ᠤᠯᠠᠨ ᠵᠢᠯᠦᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠪᠠᠷ ᠳᠠᠮᠵᠢᠨ ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠪᠦᠬᠦ ᠱᠤᠭᠤᠮᠢᠶᠠᠷᠢᠶᠠᠨ ᠲᠡᠷᠭᠡ ᠨᠡᠪᠲᠡᠷᠡᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠭᠠᠵᠠᠷ ᠣᠷᠣᠨᠤ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠬᠥᠪᠡᠭᠦᠳ ᠥᠬᠢᠳᠦᠨ ᠬᠦᠰᠡᠭᠡᠳ ᠤᠳᠠᠭᠰᠠᠨ 《ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮᠤᠨ ᠴᠠᠭ ᠦᠶᠡ》 ᠵᠢᠩᠬᠢᠨᠢᠪᠡᠷ ᠬᠦᠷᠴᠦ ᠢᠷᠡᠪᠡ᠃
ᠪᠣᠭᠣᠮᠲᠠᠶᠢᠨ ᠭᠠᠳᠠᠨᠠᠬᠢ ᠲᠠᠯᠠ ᠨᠤᠲᠤᠭᠲᠤ᠂ ᠪᠣᠯᠣᠳ ᠲᠡᠮᠦᠷᠦᠨ ᠠᠪᠤᠷᠭᠤ ᠯᠣᠣ ᠣᠮᠣᠭᠯᠠᠩ ᠳᠠᠪᠬᠢᠨᠠ᠃ ᠣᠷᠣᠨ ᠪᠦᠰᠡᠶᠢᠨ ᠵᠣᠬᠢᠴᠠᠩᠭᠤᠢ ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠬᠤᠶᠢᠨ ᠲᠥᠯᠥᠭᠡ᠂ ᠥᠪᠥᠷ ᠮᠣᠩᠭᠣᠯ ᠶᠠᠭ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮᠤᠨ ᠲᠣᠣᠷᠢᠶᠠᠷ ᠳᠠᠮᠵᠢᠭᠤᠯᠤᠨ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠨᠢᠭᠡᠳᠦᠯᠲᠡᠢ ᠲᠣᠮᠣ᠌ ᠵᠠᠬᠠ ᠳᠡᠯᠭᠡᠭᠦᠷᠲᠦ ᠲᠦᠷᠭᠡᠨ ᠠᠭᠤᠰᠤᠯᠴᠠᠵᠤ ᠪᠣᠢ᠃
ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠭᠠᠯᠲᠤ ᠲᠡᠷᠭᠡᠨᠦ ᠠᠩᠬᠠᠨᠤ ᠡᠭᠡᠯᠵᠢ ᠭᠠᠯᠲᠤ ᠲᠡᠷᠭᠡ ᠮᠣᠷᠳᠠᠯᠠ᠃ （ᠵᠣᠣ ᠶᠠ ᠯᠦ᠍ ᠰᠡᠭᠦᠳᠡᠷᠯᠡᠪᠡ）
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠲᠢᠩᠬᠢᠮᠦᠨ ᠬᠠᠮᠢᠶᠠ ᠪᠦᠬᠦᠢ ᠬᠠᠷᠢᠭᠤᠴᠠᠯᠭᠠᠲᠠᠨ ᠢᠯᠡᠷᠬᠡᠢᠯᠡᠬᠦᠳᠤᠪᠠᠨ᠂ ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮᠤᠨ ᠪᠤᠭᠤᠲᠤᠠᠴᠠ ᠾᠦᠢ ᠨᠦᠩ ᠬᠦᠷᠬᠦ ᠬᠡᠰᠡᠭ ᠵᠠᠮᠤᠨ ᠲᠡᠷᠭᠡ ᠨᠡᠪᠲᠡᠷᠡᠭᠰᠡᠨ ᠨᠢ ᠪᠡᠭᠡᠵᠢᠩ᠂ ᠾᠧᠪᠧᠢ᠂ ᠥᠪᠥᠷ ᠮᠣᠩᠭᠣᠯ᠂ ᠨᠢᠩᠰᠢᠶᠠ᠂ ᠭᠠᠨᠰᠤᠶᠢ ᠬᠥᠨᠳᠡᠯᠡᠨᠢᠶᠡᠷ ᠬᠣᠯᠪᠣᠭᠰᠠᠨ ᠪᠡᠭᠡᠵᠢᠩᠡᠴᠡ ᠯᠠᠨᠵᠧᠦ ᠬᠦᠷᠬᠦ ᠨᠡᠪᠲᠡᠷᠡᠯ ᠵᠠᠮ ᠪᠥᠬᠥ ᠱᠤᠭᠤᠮᠢᠶᠠᠷᠢᠶᠠᠨ ᠬᠣᠯᠪᠣᠯᠳᠤᠨ ᠨᠡᠪᠲᠡᠷᠡᠭᠰᠡᠨᠢ ᠬᠠᠷᠠᠭᠤᠯᠵᠤ ᠪᠠᠢᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠭᠠᠵᠠᠷ ᠣᠷᠣᠨᠤ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮᠤᠨ ᠲᠣᠣᠷ ᠨᠡᠪᠲᠡᠷᠡᠭᠰᠡᠨ ᠦᠭᠡᠢ ᠪᠠᠢᠭ᠍ᠰᠠᠨᠢ ᠨᠥᠬᠥᠪᠦᠷᠢᠯᠡᠵᠦ᠂ ᠪᠠᠷᠠᠭᠤᠨ ᠬᠣᠢᠲᠤ ᠣᠷᠣᠨ᠂ ᠬᠤᠸᠠᠪᠧᠢ ᠣᠷᠣᠨ᠂ ᠵᠡᠭᠦᠨ ᠬᠣᠢᠲᠤ ᠣᠷᠣᠨᠢ ᠬᠣᠯᠪᠣᠨ ᠨᠡᠪᠲᠡᠷᠡᠭᠦᠯᠦᠭᠰᠡᠨ ᠲᠦᠷᠭᠡᠨ ᠨᠡᠪᠲᠡᠷᠡᠯ ᠵᠠᠮᠢ ᠪᠠᠢᠭᠤᠯᠵᠠᠢ ᠭᠡᠪᠡ᠃
ᠠᠶᠠᠨᠴᠢᠳᠢ ᠪᠠᠶᠠᠷᠲᠠᠢᠬᠠᠨ ᠤᠭᠲᠤᠨᠠ᠃ （ᠵᠣᠣ ᠶᠠ ᠯᠦ᠍ ᠰᠡᠭᠦᠳᠡᠷᠯᠡᠪᠡ）
ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠪᠦᠬᠦ ᠱᠤᠭᠤᠮᠢᠶᠠᠷ ᠲᠡᠷᠭᠡ ᠨᠡᠪᠲᠡᠷᠡᠭᠰᠡᠨᠦ ᠳᠠᠷᠠᠭᠠ᠂ ᠪᠤᠭᠤᠲᠤᠠᠴᠠ ᠢᠷᠭᠠᠢᠳᠤ ᠬᠦᠷᠬᠦ ᠲᠡᠮᠦᠷ ᠵᠠᠮᠤᠨ ᠠᠶᠠᠯᠠᠯᠤᠨ ᠴᠠᠭᠢ ᠤᠤᠯᠤᠨ 6 ᠴᠠᠭ ᠭᠠᠷᠤᠢᠠᠴᠠ 2.5 ᠴᠠᠭ ᠣᠷᠴᠢᠮ ᠪᠣᠯᠭᠠᠨ ᠪᠣᠭᠣᠨᠢᠰᠬᠠᠪᠠ᠃ ᠡᠨᠡ ᠨᠢ ᠵᠠᠮ ᠳᠠᠭᠠᠤᠶᠢᠨ ᠤᠯᠠᠨ ᠲᠦᠮᠡᠨᠦ ᠶᠠᠪᠤᠵᠤ ᠰᠠᠭᠤᠬᠤᠳᠤ ᠲᠤᠢᠯᠤᠨ ᠶᠡᠬᠡᠪᠠᠷ ᠲᠦᠬᠦᠮ ᠦᠵᠡᠭᠦᠯᠵᠦ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠭᠠᠶᠢ ᠠᠬᠢᠭᠤᠯᠤᠨ᠂ ᠪᠠᠷᠠᠭᠤᠨ ᠣᠷᠣᠨᠢ ᠶᠡᠬᠡᠪᠡᠷ ᠨᠡᠭᠡᠭᠡᠨ ᠬᠥᠭᠵᠢᠭᠦᠯᠬᠦ ᠰᠢᠨᠡ ᠲᠥᠯᠥᠪ ᠪᠠᠢᠳᠠᠯᠳᠤ ᠬᠦᠴᠦᠷᠬᠡᠭ ᠶᠡᠬᠡ ᠬᠥᠳᠡᠯᠭᠡᠭᠴᠢ ᠬᠦᠴᠦᠨ ᠨᠡᠮᠡᠷᠢᠯᠡᠵᠡᠢ᠃ ᠡᠭᠦᠨᠦ ᠬᠠᠮᠲᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠭᠠᠵᠠᠷ ᠣᠷᠣᠨ ᠨᠢ ᠤᠯᠤᠰᠤᠨ 《ᠨᠠᠢ᠍ᠮᠠᠨ ᠭᠤᠯᠳᠤ ᠨᠠᠢ᠍ᠮᠠᠨ ᠬᠥᠨᠳᠡᠯᠡᠨ》 ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮᠤᠨ ᠲᠣᠣᠷᠤᠨ ᠭᠣᠣᠯ ᠵᠠᠮᠳᠤ ᠪᠥᠬᠥ ᠲᠠᠯᠠᠪᠠᠷ ᠠᠭᠤᠰᠤᠯᠴᠠᠵᠤ᠂ ᠲᠣᠰ ᠭᠠᠵᠠᠷ ᠣᠷᠣᠨᠤᠪᠠᠨ ᠨᠡᠭᠡᠭᠡᠯᠲᠡ ᠬᠢᠬᠦ ᠣᠷᠣᠨ ᠪᠠᠢᠷᠢᠶᠢᠨ ᠴᠢᠳᠠᠪᠤᠷᠢ ᠲᠠᠰᠤᠨ ᠳᠡᠭᠡᠭᠰᠢᠯᠡᠯᠲᠡᠶᠢ ᠪᠡᠶᠡᠯᠡᠭᠦᠯᠪᠡ᠃
ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠪᠦᠬᠦ ᠱᠤᠭᠤᠮᠢᠶᠠᠷ ᠲᠡᠷᠭᠡ ᠨᠡᠪᠲᠡᠷᠡᠵᠦ ᠠᠩᠬᠠᠨᠤ ᠡᠭᠡᠯᠵᠢᠶᠢᠨ ᠭᠠᠯᠲᠤ ᠲᠡᠷᠭᠡ ᠮᠣᠷᠳᠠᠬᠤᠳᠤ ᠬᠠᠮᠲᠤᠶᠢᠨ ᠵᠢᠷᠤᠭ ᠠᠪᠴᠤ ᠳᠤᠷᠠᠰᠬᠠᠯ ᠦᠯᠡᠳᠡᠭᠡᠵᠦ ᠪᠠᠢᠭᠠ ᠨᠢ᠃ （ᠵᠣᠣ ᠶᠠ ᠯᠦ᠍ ᠰᠡᠭᠦᠳᠡᠷᠯᠡᠪᠡ）
ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠠᠬᠤᠢᠶᠢᠨ ᠭᠣᠣᠯ ᠣᠷᠣᠨ ᠪᠦᠰᠡ — ᠪᠣᠷᠣᠳᠣᠬᠣᠢᠶᠢᠨ ᠲᠠᠯᠠ ᠭᠠᠵᠠᠷ ᠪᠠ ᠬᠥᠬᠡᠬᠣᠲᠠ ᠪᠤᠭᠤᠲᠤ ᠣᠷᠳᠣᠰ ᠤᠯᠠᠭᠠᠨᠴᠠᠪᠤᠨ ᠬᠤᠳᠠᠶᠢᠨ ᠪᠦᠯᠦᠭᠵᠢᠯᠢ ᠭᠤᠯᠳᠤᠪᠠᠷ ᠨᠡᠪᠲᠡᠷᠡᠭᠦᠯᠪᠡ᠃
《ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠨᠡᠪᠲᠡᠷᠡᠭᠰᠡᠨᠳᠦ ᠮᠢᠨᠤ ᠰᠡᠳᠬᠢᠯ ᠮᠠᠰᠢ ᠥᠨᠳᠥᠷ ᠪᠠᠢᠨᠠ᠂ ᠡᠨᠡ ᠨᠢ ᠪᠢᠳᠡᠨᠦ ᠶᠠᠪᠤᠵᠤ ᠰᠠᠭᠤᠬᠤᠳᠤ ᠲᠤᠢᠯᠤᠨ ᠶᠡᠬᠡᠪᠡᠷ ᠲᠦᠭᠦᠮ ᠦᠵᠡᠭᠦᠯᠵᠦ᠂ ᠬᠣᠶᠠᠷ ᠭᠠᠵᠠᠷᠤᠨ ᠵᠢᠭᠤᠯᠴᠢᠯᠠᠯᠳᠤ ᠴᠤ᠌ ᠮᠠᠰᠢ ᠶᠡᠬᠡ ᠳᠠᠢᠴᠢᠯᠠᠬᠤ ᠦᠢᠯᠡᠳᠦᠯ ᠦᠵᠡᠭᠦᠯᠦᠨ᠂ ᠵᠠᠮ ᠳᠠᠭᠠᠤᠶᠢᠨ ᠭᠠᠵᠠᠷ ᠣᠷᠣᠨᠤ ᠠᠵᠤ ᠠᠬᠤᠢᠶᠢᠨ ᠰᠣᠯᠢᠯᠴᠠᠭᠠ ᠪᠠ ᠣᠯᠣᠯᠴᠠᠭᠠᠶᠢ ᠴᠢᠩᠭᠠᠳᠬᠠᠵᠤ᠂ ᠢᠯᠠᠩᠭᠤᠶᠠ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠰᠣᠶᠣᠯᠤᠨ ᠠᠭᠤᠰᠤᠯᠴᠠᠯᠳᠤ ᠲᠤᠢᠯᠤᠨ ᠶᠡᠬᠡ ᠠᠬᠢᠭᠤᠯᠬᠤ ᠦᠢᠯᠡᠳᠦᠯ ᠦᠵᠡᠭᠦᠯᠵᠡᠢ᠃》 ᠭᠡᠵᠦ ᠪᠤᠭᠤᠲᠤ ᠬᠤᠳᠠᠶᠢᠨ ᠵᠢᠤ ᠶᠤᠸᠠᠨ ᠲᠣᠭᠣᠷᠢᠭ᠋ᠤᠨ ᠾᠧᠩ ᠱᠤ᠌ ᠵᠡᠭᠡᠯᠢᠶᠢᠨ 《ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ》ᠶᠢ ᠡᠵᠡᠩᠨᠡᠵᠦ ᠪᠠᠢᠭᠠ ᠵᠢᠶᠦ᠋ᠨ ᠮᠧᠢ ᠱᠧᠩ ᠬᠤᠳᠠᠯᠳᠤᠭᠠᠨᠤ ᠡᠵᠡᠩᠨᠡᠯᠲᠡ ᠬᠠᠮᠢᠶᠠᠷᠤᠯᠲᠠᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶᠢᠨ ᠳᠡᠳ᠋ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠮᠠ ᠵᠢᠶᠠ ᠯᠸ᠋ ᠬᠡᠯᠡᠪᠡ᠃
ᠠᠩᠬᠠᠨᠤ ᠡᠭᠡᠯᠵᠢᠶᠢᠨ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡᠬᠢ ᠤᠷᠠᠨ ᠰᠠᠢᠬᠠᠨᠤ ᠲᠣᠭᠯᠠᠯᠲᠠ᠃
ᠢᠷᠭᠠᠢᠠᠴᠠ ᠪᠤᠭᠤᠲᠤᠳᠦ 3 ᠴᠠᠭᠤᠨ ᠳᠣᠲᠣᠷᠠ ᠬᠦᠷᠴᠦ᠂ 《ᠬᠠᠭᠠᠰ ᠡᠳᠦᠷᠦᠨ ᠠᠵᠤ ᠠᠬᠤᠢᠶᠢᠨ ᠬᠦᠷᠢᠶᠡ》 ᠨᠢ ᠬᠦᠰᠡᠯ ᠵᠡᠭᠦᠳᠦ ᠪᠠᠢᠭ᠍ᠰᠠᠨᠡᠴᠡᠪᠡᠨ ᠪᠣᠳᠠᠲᠤ ᠠᠬᠤᠢ ᠪᠣᠯᠵᠤ ᠪᠡᠶᠡᠯᠡᠭᠳᠡᠭᠰᠡᠨ ᠪᠠᠢᠨᠠ᠃ ᠪᠤᠭᠤᠲᠤᠡᠴᠡ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠠᠬᠤᠢᠶᠢᠨ ᠭᠣᠣᠯ ᠣᠷᠣᠨ ᠪᠦᠰᠡ — ᠪᠣᠷᠣᠳᠣᠬᠣᠢᠶᠢᠨ ᠲᠠᠯᠠ ᠭᠠᠵᠠᠷ ᠪᠠ ᠬᠥᠬᠡᠬᠣᠲᠠ ᠪᠤᠭᠤᠲᠤ ᠣᠷᠳᠣᠰᠤᠨ ᠬᠤᠳᠠᠶᠢᠨ ᠪᠦᠯᠦᠭᠵᠢᠯᠢ ᠨᠡᠪᠲᠡᠷᠡᠭᠦᠯᠵᠡᠢ᠂ ᠡᠨᠳᠡ ᠪᠦᠬᠦ ᠣᠷᠣᠨᠤ ᠬᠠᠮᠤᠭᠤᠨ ᠴᠢᠬᠤᠯᠠ ᠡᠨᠧᠷᠭᠢ᠂ ᠬᠦᠨᠳᠦ ᠬᠢᠮᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢ᠂ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢ ᠦᠢᠯᠡᠳᠬᠦ ᠪᠠ ᠪᠣᠬᠢᠷᠲᠤᠯ ᠦᠭᠡᠢ ᠮᠠᠯ ᠲᠠᠷᠢᠶᠠᠯᠠᠩᠤᠨ ᠭᠠᠷᠤᠯᠲᠠᠶᠢᠨ ᠰᠠᠭᠤᠷᠢᠨ ᠭᠠᠵᠠᠷᠢ ᠲᠥᠪᠯᠡᠷᠡᠭᠦᠯᠵᠡᠢ᠃ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠨᠢ ᠬᠥᠮᠥᠰᠦᠨ ᠶᠠᠪᠤᠯᠴᠠᠭᠠᠳᠤ ᠲᠥᠬᠥᠮ ᠦᠵᠡᠭᠦᠯᠦᠭᠰᠡᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ᠂ ᠨᠠᠩ ᠴᠤ᠌ ᠳᠡᠭᠡᠳᠦ ᠲᠠᠰᠤᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠦᠴᠦᠨ ᠵᠦᠢᠯᠦᠨ ᠥᠨᠳᠥᠷ ᠬᠤᠷᠳᠤᠴᠠᠪᠠᠷ ᠰᠢᠯᠵᠢᠬᠦ ᠪᠠ ᠰᠢᠯᠢᠳᠡᠭᠵᠢᠭᠦᠯᠦᠨ ᠲᠣᠬᠢᠷᠠᠭᠤᠯᠬᠤᠶᠢ ᠠᠬᠢᠭᠤᠯᠵᠤ᠂ ᠴᠢᠩᠭᠠ ᠬᠦᠴᠦᠲᠡᠢ 《ᠠᠵᠤ ᠠᠬᠤᠢᠶᠢᠨ ᠳᠠᠮᠵᠢᠭᠤᠯᠬᠤ ᠬᠣᠭᠣᠯᠠᠢ》 ᠮᠡᠲᠦ ᠵᠠᠮ ᠳᠠᠭᠠᠤᠶᠢᠨ ᠡᠯᠡ ᠬᠣᠲᠠᠶᠢᠨ ᠠᠵᠤ ᠦᠢᠯᠡᠰᠦᠨ ᠥᠨᠥᠴᠢᠨ ᠠᠷᠠᠯᠢ ᠬᠠᠮᠵᠢᠯᠴᠠᠨ ᠬᠥᠭᠵᠢᠬᠦ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡ᠂ ᠰᠢᠨᠡᠶᠢ ᠡᠭᠦᠳᠬᠦ ᠬᠡᠯᠬᠢᠶᠡ ᠪᠣᠯᠭᠠᠨ ᠬᠣᠯᠪᠣᠯᠳᠤᠭᠤᠯᠤᠭᠰᠠᠨ ᠪᠠᠢᠨᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠮᠦᠽᠧᠢᠶᠢᠨ ᠬᠢᠨ ᠰᠣᠶᠣᠯᠤᠨ ᠪᠦᠲᠦᠭᠡᠯᠴᠢ ᠪᠦᠲᠦᠭᠡᠭᠳᠡᠬᠦᠨᠢᠶᠡᠨ ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠭᠠᠯᠲᠤ ᠲᠡᠷᠭᠡᠨᠳᠦ ᠠᠪᠴᠤ ᠭᠠᠷᠴᠠᠢ᠃ （ᠵᠣᠣ ᠶᠠ ᠯᠦ᠍ ᠰᠡᠭᠦᠳᠡᠷᠯᠡᠪᠡ）
ᠡᠨᠡ ᠬᠦ᠌ ᠨᠡᠪᠲᠡᠷᠡᠯ ᠵᠠᠮᠳᠤ ᠲᠦᠰᠢᠭᠯᠡᠨ᠂ ᠪᠤᠭᠤᠲᠤᠶᠢᠨ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢ ᠦᠢᠯᠡᠳᠬᠦ ᠦᠢᠯᠡᠰ ᠨᠢ ᠣᠷᠳᠣᠰᠤᠨ ᠡᠨᠧᠷᠭᠢᠶᠢᠨ ᠨᠡᠭᠡᠭᠡᠨ ᠠᠰᠢᠭ᠍ᠯᠠᠯᠲᠠᠳᠤ ᠨᠡᠩ ᠥᠨᠳᠥᠷ ᠪᠦᠲᠦᠮᠵᠢᠲᠡᠢ ᠦᠢᠯᠡᠴᠢᠯᠡᠵᠦ᠂ ᠪᠠᠶᠠᠨᠨᠠᠭᠤᠷᠤᠨ ᠴᠢᠨᠠᠷᠯᠢᠭ᠋ ᠮᠠᠯ ᠲᠠᠷᠢᠶᠠᠯᠠᠩᠤᠨ ᠭᠠᠷᠤᠯᠲᠠᠶᠢ ᠨᠡᠩ ᠲᠦᠷᠭᠡᠨᠢᠶᠠᠷ ᠪᠦᠬᠦ ᠤᠯᠤᠰᠤᠨ ᠵᠠᠬᠠ ᠳᠡᠯᠭᠡᠭᠦᠷᠲᠦ ᠬᠦᠷᠭᠡᠬᠦ ᠪᠣᠯᠣᠨᠠ᠃ ᠪᠤᠭᠤᠲᠤᠠᠴᠠ ᠢᠷᠭᠠᠢ ᠬᠦᠷᠬᠦ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠨᠢ ᠰᠠᠭᠤᠷᠢ ᠪᠡᠯᠡᠳᠬᠡᠮᠵᠢᠶᠢᠨ ᠬᠠᠲᠠᠭᠤ ᠬᠣᠯᠪᠣᠯᠳᠤᠯᠢᠶᠠᠷ ᠥᠪᠥᠷ ᠮᠣᠩᠭᠣᠯᠤᠨ ᠳᠣᠲᠣᠭᠠᠳᠤ ᠬᠥᠳᠡᠯᠭᠡᠭᠴᠢ ᠬᠦᠴᠦᠨᠢ ᠬᠥᠭᠵᠢᠭᠡᠬᠦ᠂ ᠠᠵᠤ ᠦᠢᠯᠡᠰᠦᠨ ᠰᠢᠯᠵᠢᠯᠲᠡᠶᠢ ᠳᠠᠭᠠᠭᠠᠨ ᠠᠪᠬᠤ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠠᠵᠤ ᠦᠢᠯᠡᠰᠦᠨ ᠠᠵᠢᠯᠤᠨ ᠬᠤᠪᠢᠶᠠᠷᠢᠯᠠᠯᠳᠤ ᠭᠦᠨᠵᠡᠭᠡᠢ ᠣᠷᠣᠯᠴᠠᠬᠤᠳᠤ ᠨᠥᠬᠥᠴᠡᠯ ᠪᠦᠷᠢᠯᠳᠦᠭᠦᠯᠵᠦ ᠥᠭᠴᠡᠢ᠃ ᠬᠠᠲᠤᠨ ᠭᠣᠣᠯ ᠳᠠᠭᠠᠤᠶᠢᠨ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮᠤᠨ ᠠᠵᠤ ᠠᠬᠤᠢᠶᠢᠨ ᠪᠦᠰᠡ ᠨᠢ ᠲᠦᠷᠭᠡᠨ ᠬᠥᠭᠵᠢᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠬᠤ ᠴᠢᠬᠤᠯᠠ ᠬᠥᠳᠡᠯᠭᠡᠭᠦᠷ ᠪᠣᠯᠵᠤ ᠪᠣᠢ᠃
ᠠᠩᠬᠠᠨᠤ ᠡᠭᠡᠯᠵᠢᠶᠢᠨ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡᠬᠢ ᠠᠶᠠᠨᠴᠢᠳ ᠢᠷᠡᠭᠡᠳᠦᠢᠳᠦᠪᠡᠨ ᠢᠲᠡᠭᠡᠯ ᠬᠦᠰᠡᠯᠢᠶᠡᠷ ᠳᠦᠭᠦᠷᠡᠩ ᠪᠠᠢᠨᠠ᠃ （ᠵᠣᠣ ᠶᠠ ᠯᠦ᠍ ᠰᠡᠭᠦᠳᠡᠷᠯᠡᠪᠡ）
ᠵᠤᠨᠤ ᠤᠯᠠᠷᠢᠯᠳᠡᠬᠢ ᠪᠤᠭᠤᠲᠤ ᠬᠤᠳᠠᠶᠢᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠲᠠᠯᠠ ᠨᠤᠲᠤᠭᠤᠨ ᠭᠤᠶᠤ ᠦᠵᠡᠮᠵᠢ᠃ （ᠵᠣᠣ ᠶᠠ ᠯᠦ᠍ ᠰᠡᠭᠦᠳᠡᠷᠯᠡᠪᠡ）
