2025 ᠣᠨᠤ 12 ᠳ᠋ᠤᠭᠠᠷ ᠰᠠᠷᠠᠶᠢᠨ 3ᠤ ᠡᠳᠦᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠯᠪᠠᠨ ᠲᠢᠩᠬᠢᠮ 《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠳᠤ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠬᠦ ᠲᠤᠬᠠᠢ ᠮᠡᠳᠡᠭᠳᠡᠯ 》 （ ᠥᠪᠥᠷ ᠵᠠᠰᠠᠭ ᠠᠯᠪᠠᠨ ᠲᠠᠷᠬᠠᠭᠠᠭᠰᠠᠨ 〔2025〕 40 ᠳ᠋ᠦ᠍ᠭᠡᠷ ᠲᠣᠭᠠᠲᠤ ）ᠢ ᠳᠠᠷᠤᠮᠠᠯᠯᠠᠨ ᠶᠠᠪᠤᠭᠤᠯᠪᠠ᠂ ᠡᠳᠦᠭᠡ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠠᠭᠤᠯᠭᠠᠶᠢ ᠳᠠᠷᠠᠭᠠᠬᠢ ᠮᠡᠲᠦ ᠲᠠᠢᠯᠪᠤᠷᠢᠯᠠᠶᠠ᠃
ᠨᠢᠭᠡ᠂ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢᠨ ᠤᠬᠠᠭᠳᠠᠬᠤᠨ
ᠬᠠᠮᠤᠭᠤᠨ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠ ᠭᠡᠳᠡᠭ ᠪᠣᠯ ᠬᠠᠤᠯᠢᠪᠠᠷ ᠲᠣᠭᠲᠠᠭᠠᠭᠰᠠᠨ ᠠᠵᠢᠯᠯᠠᠬᠤ ᠴᠠᠭ ᠪᠤᠶᠤ ᠬᠠᠤᠯᠢ ᠶᠣᠰᠣᠭᠠᠷ ᠲᠣᠭᠲᠠᠭᠠᠭᠰᠠᠨ ᠬᠥᠳᠡᠯᠮᠦᠷᠢᠶᠢᠨ ᠭᠡᠷᠡᠪᠡᠷ ᠪᠣᠯᠵᠣᠨ ᠲᠣᠭᠲᠠᠭᠰᠠᠨ ᠠᠵᠢᠯᠯᠠᠬᠤ ᠴᠠᠭᠤᠨ ᠳᠣᠲᠣᠷᠠ ᠬᠥᠳᠡᠯᠮᠦᠷᠢᠴᠢᠳ ᠬᠡᠪᠦᠨ ᠶᠣᠰᠣᠭᠠᠷ ᠬᠥᠳᠡᠯᠮᠦᠷᠢᠯᠡᠭᠰᠡᠨ ᠤᠷᠢᠲᠠᠯᠳᠤ᠂ ᠬᠥᠮᠥᠨ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠴᠢᠶᠢᠨ ᠬᠢᠨᠦ ᠬᠠᠤᠯᠢ ᠶᠣᠰᠣᠭᠠᠷ ᠣᠯᠭᠣᠬᠤ ᠶᠣᠰᠣᠲᠠᠢ ᠬᠥᠳᠡᠯᠮᠦᠷᠢᠶᠢᠨ ᠬᠠᠮᠤᠭ ᠳᠣᠣᠷᠠ ᠬᠥᠯᠥᠰᠦ ᠣᠯᠭᠣᠮᠵᠢᠶᠢ ᠵᠢᠭᠠᠵᠤ ᠪᠠᠢᠨᠠ᠃
ᠬᠣᠶᠠᠷ᠂ ᠮᠠᠨᠤ ᠣᠷᠣᠨᠤ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠬᠡᠷᠡᠭᠵᠢᠭᠦᠯᠬᠦ ᠬᠡᠪᠴᠢᠶᠡ
ᠮᠠᠨᠤ ᠣᠷᠣᠨᠤ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠣᠷᠣᠨᠤ ᠳᠣᠲᠣᠷᠠᠬᠢ ᠡᠯᠡ ᠲᠥᠷᠥᠯᠦᠨ ᠠᠵᠤ ᠠᠬᠤᠢᠯᠠᠯ᠂ ᠠᠷᠠᠳᠡᠴᠡ ᠡᠷᠭᠢᠯᠡᠭᠰᠡᠨ ᠠᠵᠤ ᠠᠬᠤᠢᠯᠠᠯᠤᠨ ᠪᠤᠰᠤ ᠨᠢᠭᠡᠴᠢ᠂ ᠬᠥᠯᠥᠰᠦᠨ ᠠᠵᠢᠯᠴᠢᠨᠲᠠᠢ ᠬᠤᠪᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠᠨᠤ ᠡᠷᠦᠬᠡ ᠪᠠ ᠲᠡᠳᠡᠭᠡᠷ ᠯᠦ᠍ᠭᠡ ᠬᠥᠳᠡᠯᠮᠦᠷᠢᠶᠢᠨ ᠬᠠᠷᠢᠴᠠᠭᠠᠲᠠᠢ ᠪᠣᠯᠤᠭᠰᠠᠨ ᠬᠥᠳᠡᠯᠮᠦᠷᠢᠴᠢᠳᠲᠦ ᠳᠣᠬᠢᠷᠠᠭᠤᠯᠤᠨ ᠬᠡᠷᠡᠭᠵᠢᠭᠦᠯᠦᠨᠡ᠃ ᠲᠥᠷᠥᠶᠢᠨ ᠠᠯᠪᠠᠨ ᠪᠠᠢᠭᠤᠯᠭᠠ᠂ ᠠᠵᠢᠯ ᠦᠢᠯᠡᠰᠦᠨ ᠨᠢᠭᠡᠴᠢ᠂ ᠨᠡᠢᠭᠡᠮᠦᠨ ᠪᠦᠯᠬᠦᠮ ᠪᠠ ᠲᠡᠳᠡᠭᠡᠷ ᠯᠦ᠍ᠭᠡ ᠬᠥᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢᠨ ᠬᠠᠷᠢᠴᠠᠭᠠ ᠪᠠᠢᠭᠤᠯᠤᠭᠰᠠᠨ ᠬᠦᠳᠡᠯᠮᠦᠷᠢᠴᠢᠳᠲᠦ ᠲᠤᠰ ᠪᠠᠷᠢᠮᠵᠢᠶᠠᠶᠢ ᠦᠨᠳᠦᠰᠦᠯᠡᠨ ᠪᠠᠢᠵᠤ ᠬᠡᠷᠡᠭᠵᠢᠭᠦᠯᠦᠨᠡ᠃
ᠭᠤᠷᠪᠠ᠂ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢᠨ ᠬᠡᠯᠪᠡᠷᠢ
ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠ ᠨᠢ ᠶᠡᠷᠦᠳᠤᠪᠠᠨ ᠰᠠᠷᠠᠶᠢᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠ ᠪᠠ ᠴᠠᠭᠤᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢᠨ ᠬᠡᠯᠪᠡᠷᠢ ᠲᠠᠢ ᠪᠠᠢᠳᠠᠭ᠃ ᠰᠠᠷᠠᠶᠢᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠪᠦᠬᠦᠯᠢ ᠡᠳᠦᠷᠦᠨ ᠳᠦᠷᠢᠮᠢᠶᠡᠷ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠦᠳᠡᠯᠮᠦᠷᠢᠴᠢᠳᠲᠦ ᠳᠣᠬᠢᠷᠠᠭᠤᠯᠤᠨ ᠬᠡᠷᠡᠭᠵᠢᠭᠦᠯᠵᠦ᠂ ᠴᠠᠭᠤᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠪᠦᠬᠦᠯᠢ ᠡᠳᠦᠷᠦᠨ ᠪᠤᠰᠤ ᠳᠦᠷᠢᠮᠢᠶᠡᠷ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠦᠳᠡᠯᠮᠦᠷᠢᠴᠢᠳᠲᠦ ᠳᠣᠬᠢᠷᠠᠭᠤᠯᠤᠨ ᠬᠡᠷᠡᠭᠵᠢᠭᠦᠯᠦᠨᠡ᠃
ᠳᠥᠷᠪᠡ᠂ ᠬᠠᠮᠤᠭᠤᠨ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠳᠤ ᠪᠠᠭᠲᠠᠬᠤ ᠲᠥᠷᠥᠯ ᠵᠦᠢᠯ
ᠰᠠᠷᠠᠶᠢᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠳᠤ᠄ ᠨᠠᠰᠤᠵᠢᠯᠤᠨ ᠦᠨᠳᠦᠰᠦᠨ ᠳᠠᠭᠠᠳᠬᠠᠯ᠂ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠬᠠᠯ᠂ ᠠᠵᠢᠯ ᠠᠯᠳᠠᠯᠲᠠᠶᠢᠨ ᠳᠠᠭᠠᠳᠬᠠᠯ ᠪᠠ ᠣᠷᠣᠨ ᠰᠠᠭᠤᠴᠠᠶᠢᠨ ᠨᠡᠶ᠋ᠢᠲᠡᠶᠢᠨ ᠬᠤᠷᠠᠮᠳᠤᠭᠤᠯᠭᠠᠶᠢᠨ ᠮᠥᠩᠭᠥ ᠵᠡᠷᠭᠡ ᠬᠦᠳᠡᠯᠮᠦᠷᠢᠴᠢᠳᠦᠨ ᠬᠤᠪᠢ ᠬᠥᠮᠥᠨᠦ ᠲᠤᠰᠢᠶᠠᠬᠤ ᠰᠦᠢᠳᠬᠡᠯᠦᠨ ᠬᠡᠰᠡᠭᠢ ᠪᠠᠭᠲᠠᠭᠠᠨᠠ᠃
ᠲᠠᠪᠤ᠂ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠳᠤ ᠡᠰᠡ ᠪᠠᠭᠲᠠᠬᠤ ᠲᠥᠷᠥᠯ ᠵᠦᠢᠯ
ᠬᠠᠮᠤᠭᠤᠨ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠳᠤ᠄ ᠬᠥᠮᠥᠨ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠴᠢᠶᠢᠨ ᠬᠢᠨᠦ ᠬᠥᠳᠡᠯᠮᠦᠷᠢᠴᠢᠳᠲᠦ ᠣᠯᠭᠣᠬᠤ ᠠᠵᠢᠯᠤᠨ ᠴᠠᠭᠢ ᠨᠢ ᠤᠷᠲᠤᠳᠬᠠᠭᠰᠠᠨ ᠴᠠᠯᠢᠩ； ᠬᠥᠮᠥᠨ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠴᠢᠶᠢᠨ ᠬᠢᠨᠦ ᠬᠥᠳᠡᠯᠮᠦᠷᠢᠴᠢᠳᠲᠦ ᠣᠯᠭᠣᠬᠤ ᠦᠳᠡᠶᠢᠨ ᠡᠭᠡᠯᠵᠢ᠂ ᠰᠥᠨᠢᠶᠢᠨ ᠡᠭᠡᠯᠵᠢ᠂ ᠥᠨᠳᠥᠷ ᠳᠤᠯᠠᠭᠠᠨ᠂ ᠳᠣᠣᠷᠠ ᠳᠤᠯᠠᠭᠠᠨ᠂ ᠬᠤᠳᠳᠤᠭ ᠳᠣᠲᠣᠷᠠ᠂ ᠡᠷᠡᠭᠦᠯ ᠮᠡᠨᠳᠦᠳᠦ ᠬᠣᠣᠷ ᠬᠥᠨᠥᠭᠡᠯᠲᠠᠢ ᠵᠡᠷᠭᠡ ᠣᠨᠴᠠᠭᠠᠶ ᠠᠵᠢᠯᠤᠨ ᠣᠷᠴᠢᠨ ᠪᠠ ᠨᠥᠭᠦᠴᠡᠯᠦᠨ ᠨᠡᠮᠡᠯᠭᠡ； ᠬᠠᠤᠯᠢ ᠴᠠᠭᠠᠵᠠ᠂ ᠬᠠᠤᠯᠢ ᠲᠣᠭᠲᠠᠭᠠᠯᠳᠦ ᠪᠠ ᠤᠯᠤᠰᠠᠴᠠ ᠲᠣᠭᠲᠠᠭᠠᠭᠰᠠᠨ ᠬᠦᠳᠡᠯᠮᠦᠷᠢᠴᠢᠳᠦᠨ ᠠᠰᠠᠷᠠᠮᠵᠢ ᠣᠯᠭᠣᠮᠵᠢᠶᠢ ᠪᠠᠭᠲᠠᠭᠠᠬᠤ ᠦᠭᠡᠢ᠃
ᠵᠢᠷᠭᠤᠭᠠ᠂ ᠣᠲᠣ᠌ᠶᠢᠨ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠭᠠ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠ
ᠲᠣᠰ ᠤᠳᠠᠭᠠ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠭᠰᠡᠨᠦ ᠳᠠᠷᠠᠭᠠ᠂ ᠪᠥᠬᠥ ᠣᠷᠣᠨᠤ ᠨᠢᠭᠡᠡᠴᠡ ᠭᠤᠷᠪᠠᠳᠤᠭᠠᠷ ᠲᠥᠷᠥᠯᠦᠨ ᠭᠠᠵᠠᠷ ᠣᠷᠣᠨᠤ ᠪᠦᠬᠦᠯᠢ ᠡᠳᠦᠷᠦᠨ ᠳᠦᠷᠢᠮᠢᠶᠡᠷ ᠠᠵᠢᠯᠯᠠᠬᠤ ᠰᠠᠷᠠᠶᠢᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠ ᠨᠢ ᠲᠣᠰ ᠲᠣᠰ 2380 ᠲᠥᠭᠥᠷᠢᠭ᠂ 2310 ᠲᠥᠭᠥᠷᠢᠭ᠂ 2250 ᠲᠥᠭᠥᠷᠢᠭ ᠪᠣᠯᠣᠨᠠ； ᠪᠦᠬᠦᠯᠢ ᠡᠳᠦᠷᠦᠨ ᠪᠤᠰᠤ ᠳᠦᠷᠢᠮᠢᠶᠡᠷ ᠠᠵᠢᠯᠯᠠᠬᠤ ᠴᠠᠭᠤᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠ ᠨᠢ ᠲᠣᠰ ᠲᠣᠰ 23.5 ᠲᠥᠭᠥᠷᠢᠭ᠂ 22.8 ᠲᠥᠭᠥᠷᠢᠭ᠂ 22.2 ᠲᠥᠭᠥᠷᠢᠭ ᠪᠣᠯᠣᠨᠠ᠃
ᠳᠣᠯᠣᠭᠠ᠂ ᠲᠣᠰ ᠤᠳᠠᠭᠠᠨᠤ ᠲᠣᠬᠢᠷᠠᠭᠤᠯᠤᠯᠲᠠᠶᠢ ᠬᠡᠷᠡᠭᠵᠢᠭᠦᠯᠬᠦ ᠴᠠᠭ
ᠲᠣᠰ ᠤᠳᠠᠭᠠ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠭᠰᠡᠨᠦ ᠳᠠᠷᠠᠭᠠᠬᠢ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ 2025 ᠣᠨᠤ 12 ᠳ᠋ᠤᠭᠠᠷ ᠰᠠᠷᠠᠶᠢᠨ 1ᠦ ᠡᠳᠦᠷᠡᠴᠡ ᠡᠬᠢᠯᠡᠵᠦ ᠬᠡᠷᠡᠭᠵᠢᠭᠦᠯᠦᠨᠡ᠃
ᠨᠠᠢ᠍ᠮᠠ᠂ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠬᠡᠷᠡᠭᠵᠢᠭᠦᠯᠬᠦ ᠲᠤᠬᠠᠢ
ᠡᠯᠡ ᠭᠠᠵᠠᠷᠤᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠢ ᠪᠠᠲᠤᠯᠠᠬᠤ ᠠᠵᠢᠯᠤᠨ ᠤᠳᠤᠷᠢᠳᠤᠯᠭᠠᠪᠠᠨ ᠴᠢᠩᠭᠠᠳᠬᠠᠵᠤ᠂ ᠲᠤᠰ ᠭᠠᠵᠠᠷ ᠣᠷᠣᠨᠤᠪᠠᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠴᠠᠭ ᠲᠤᠬᠠᠢᠳᠤ ᠨᠢ ᠨᠡᠢᠭᠡᠮᠳᠦ ᠨᠡᠢᠲᠡᠯᠡᠨ᠂ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠤᠬᠠᠭᠤᠯᠬᠤᠪᠠᠨ ᠴᠢᠩᠭᠠᠳᠬᠠᠬᠤ ᠬᠡᠷᠡᠭᠲᠡᠢ᠃ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠶᠢ ᠨᠡᠢᠲᠡᠯᠡᠭᠰᠡᠨᠦ ᠲᠠᠷᠠᠭᠠ᠂ ᠨᠢᠭᠡᠨᠲᠡ ᠬᠡᠪᠦᠨ ᠶᠣᠰᠣᠭᠠᠷ ᠬᠦᠳᠡᠯᠮᠦᠷᠢᠯᠡᠭᠰᠡᠨ ᠬᠦᠳᠡᠯᠮᠦᠷᠢᠴᠢᠳᠲᠦ᠂ ᠬᠥᠮᠥᠨ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠴᠢᠶᠢᠨ ᠬᠢᠨᠦ ᠣᠯᠭᠣᠬᠤ ᠴᠠᠯᠢᠩ ᠨᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠠᠴᠠ ᠳᠣᠣᠷᠠ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠬᠥᠮᠥᠨ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠴᠢᠶᠢᠨ ᠬᠢᠨᠦ ᠣᠯᠭᠣᠭᠰᠠᠨ ᠴᠠᠯᠢᠩ ᠨᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ ᠪᠠᠷᠢᠮᠵᠢᠶᠠᠠᠴᠠ ᠳᠣᠣᠷᠠ ᠪᠠᠢᠪᠠᠯ᠂ ᠬᠦᠳᠡᠯᠮᠦᠷᠢᠴᠢᠳ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠬᠥᠳᠡᠯᠮᠦᠷᠢᠶᠢᠨ ᠪᠠᠲᠤᠯᠠᠭᠠᠶᠢᠨ ᠬᠢᠨᠠᠨ ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠤᠮᠵᠢᠳᠤ ᠵᠠᠭᠠᠯᠳᠤᠵᠤ ᠪᠣᠯᠣᠨᠠ᠃ ᠡᠯᠡ ᠱᠠᠲᠤᠨᠦ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠤᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠤᠳ ᠲᠤᠰ ᠬᠠᠷᠢᠶᠠ ᠣᠷᠣᠨᠤᠪᠠᠨ ᠳᠣᠲᠣᠷᠠᠬᠢ ᠬᠥᠮᠥᠨ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠴᠢᠨᠦᠭᠦᠳᠤᠨ ᠬᠠᠮᠤᠭᠤᠨ ᠳᠣᠣᠷᠠ ᠴᠠᠯᠢᠩᠤᠨ ᠲᠣᠭᠲᠠᠭᠠᠯᠢ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠭᠠ ᠪᠠᠢᠳᠠᠯᠳᠤ ᠬᠢᠨᠠᠯᠲᠠ ᠲᠠᠯᠪᠢᠨ ᠪᠠᠢᠴᠠᠭᠠᠵᠤ᠂ ᠬᠠᠤᠯᠢᠠᠴᠠ ᠵᠥᠷᠢᠴᠡᠭᠰᠡᠨ ᠥᠢᠯᠡ ᠠᠵᠢᠯᠯᠠᠭᠠᠶᠢ ᠴᠠᠭ ᠲᠤᠬᠠᠢᠳᠤ ᠨᠢ ᠵᠠᠯᠠᠷᠠᠭᠤᠯᠬᠤᠶᠢᠨ ᠬᠠᠮᠲᠤ ᠬᠠᠤᠯᠢ ᠶᠣᠰᠣᠭᠠᠷ ᠰᠢᠢᠳᠪᠦᠷᠢᠯᠡᠨ᠂ ᠬᠥᠳᠡᠯᠮᠦᠷᠢᠴᠢᠳᠦᠨ ᠬᠠᠤᠯᠢ ᠶᠣᠰᠣᠨᠤ ᠡᠷᠬᠡ ᠠᠰᠢᠭ᠋ᠢ ᠦᠨᠡᠨ ᠬᠦ᠌ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠲᠡᠢ᠃
