《ᠲᠠᠯᠠ ᠵᠠᠰᠠᠵᠤ ᠰᠠᠨᠠᠭᠤᠯᠤᠨ ᠵᠠᠬᠢᠬᠤ》 ᠲᠠᠯᠠᠪᠠᠷᠬᠢ ᠰᠠᠬᠢᠯᠭᠠ ᠪᠠᠲᠤᠶ᠋ᠢᠨ ᠤᠯᠠᠭ᠋ᠠᠨ ᠱᠤᠭᠤᠮᠢ ᠲᠣᠭᠲᠠᠭ᠋ᠠᠵᠠᠢ
ᠰᠠᠬᠢᠯᠭᠠ ᠪᠠᠲᠤᠶ᠋ᠢ ᠬᠡᠷᠡᠭᠵᠢᠭᠦᠯᠬᠦᠳᠤ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠠᠵᠢᠯᠤᠨ ᠳᠤᠮᠳᠠ᠂ ᠬᠡᠷᠡᠭᠤᠨ ᠪᠠᠢ᠌ᠳᠠᠯᠢ ᠰᠤᠷᠠᠭᠯᠠᠬᠤ᠂ ᠲᠠᠯᠠ ᠵᠠᠰᠠᠵᠤ ᠰᠠᠨᠠᠭᠤᠯᠤᠨ ᠵᠠᠬᠢᠬᠤ ᠵᠡᠷᠭᠡ ᠦᠢ᠍ᠯᠡ ᠠᠵᠢᠯᠯᠠᠭᠠ ᠪᠣᠯ ᠰᠠᠬᠢᠯᠭᠠ ᠪᠠᠲᠤᠠᠴᠠ ᠵᠥᠷᠢᠴᠡᠭᠰᠡᠨ ᠦᠢ᠍ᠯᠡ ᠠᠵᠢᠯᠯᠠᠭᠠ ᠪᠣᠯᠬᠣᠷ ᠡᠷᠬᠡᠪᠰᠢ ᠲᠥᠪ ᠴᠢᠩᠭᠠᠪᠠᠷ ᠴᠡᠭᠴᠡᠯᠡᠨ ᠵᠠᠰᠠᠬᠤ ᠬᠡᠷᠡᠭᠲᠡᠢ᠃ 《ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶ᠋ᠢᠨ ᠰᠢᠢ᠍ᠳᠭᠡᠯ ᠥᠭᠬᠦ ᠳᠦᠷᠢᠮ》 ᠵᠡᠷᠭᠡ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠣᠭᠲᠠᠭ᠋ᠠᠯ ᠪᠣᠯ᠂ ᠰᠠᠬᠢᠯᠭᠠ ᠪᠠᠲᠤᠶ᠋ᠢ ᠬᠡᠷᠡᠭᠵᠢᠭᠦᠯᠦᠭᠴᠢ᠂ ᠬᠡᠷᠡᠭᠲᠤ ᠬᠣᠯᠪᠣᠭᠳᠠᠭᠰᠠᠨ ᠬᠥᠮᠥᠰ ᠵᠢᠴᠢ ᠬᠠᠮᠢᠶᠠ ᠪᠦᠬᠦᠢ ᠬᠥᠮᠥᠰᠤᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠶ᠋ᠢ ᠵᠢᠷᠤᠮᠵᠢᠭᠤᠯᠬᠤᠪᠠᠷ ᠲᠣᠭᠲᠠᠭ᠋ᠠᠭᠰᠠᠨ ᠰᠠᠬᠢᠯᠭᠠ ᠪᠠᠲᠤᠶ᠋ᠢᠨ ᠲᠣᠳᠣᠷᠬᠠᠢ ᠤᠯᠠᠭ᠋ᠠᠨ ᠱᠤᠭᠤᠮ ᠪᠣᠯᠣᠨᠠ᠃
ᠳᠣᠣᠷᠠᠬᠢ ᠤᠯᠠᠭ᠋ᠠᠨ ᠱᠤᠭᠤᠮᠢ ᠬᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ
ᠮᠢᠨᠤ ᠬᠦᠦ XXX ᠲᠣᠪᠴᠢᠶᠠᠨᠳᠤ ᠠᠵᠢᠯᠯᠠᠳᠠᠭ᠂ ᠥᠴᠥᠭᠡᠳᠦᠷ ᠰᠠᠬᠢᠯᠭᠠ ᠪᠠᠲᠤ ᠪᠠᠢ᠌ᠴᠠᠭ᠋ᠠᠬᠤ ᠬᠣᠷᠢᠶᠠᠨᠳᠤ ᠪᠠᠢ᠌ᠴᠠᠭ᠋ᠠᠭᠳᠠᠵᠠᠢ᠂ ᠶᠠᠮᠠᠷ ᠪᠤᠷᠤᠭᠤ ᠶᠠᠪᠤᠳᠠᠯ ᠬᠢᠭᠰᠡᠨᠢ ᠮᠡᠳᠡᠬᠦ ᠦᠭᠡᠢ ᠪᠠᠢ᠌ᠨᠠ᠂ ᠴᠢ ᠰᠢᠶᠠᠨᠤ ᠨᠠᠮᠤᠨ ᠬᠣᠷᠢᠶᠠᠨᠤ ᠠᠯᠪᠠᠨ ᠭᠡᠷᠲᠤ ᠠᠵᠢᠯᠯᠠᠵᠤ ᠪᠠᠢ᠌ᠭᠠ ᠶᠤᠮ ᠴᠢᠨᠢ ᠠᠨᠢᠶᠠᠳᠤᠪᠠᠨ ᠬᠠᠪᠰᠤᠷᠴᠤ ᠰᠤᠷᠠᠭᠯᠠᠭ᠋ᠠᠳ ᠥᠭᠭᠦᠨᠡ ᠦᠦ？ ᠲᠡᠳᠡ ᠯᠠᠪᠲᠠᠢ ᠴᠢᠮᠠᠳᠤ ᠨᠢᠭᠤᠷ ᠬᠠᠢ᠌ᠷᠠᠯᠠᠬᠤ ᠪᠠᠢ᠌ᠯᠭᠦᠢ᠃
ᠵᠠᠩ ᠠᠨᠢᠶᠠ ᠡ᠂ ᠬᠡᠷᠡᠭᠤᠨ ᠪᠠᠢ᠌ᠳᠠᠯᠲᠠᠢ ᠬᠣᠯᠪᠣᠭᠳᠠᠬᠤ ᠠᠭᠤᠯᠭᠠᠶ᠋ᠢ ᠪᠢ ᠰᠤᠷᠠᠭᠯᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠡᠰᠡ ᠲᠡᠭᠡᠪᠡᠯ ᠪᠢ ᠥᠪᠡᠷᠢᠶᠠᠨ ᠰᠠᠬᠢᠯᠭᠠ ᠪᠠᠲᠤᠠᠴᠠ ᠵᠦᠷᠢᠴᠡᠴᠢᠬᠡᠨᠡ᠂ ᠲᠠ ᠣᠢ᠌ᠯᠠᠭ᠋ᠠᠬᠤ ᠪᠣᠯᠪᠠᠤ᠃
ᠶᠠᠭ ᠰᠢᠢ᠍ᠳᠪᠦᠷᠢᠯᠡᠵᠦ ᠪᠠᠢ᠌ᠭᠠ᠂ ᠬᠠᠷᠠᠬᠠᠨ ᠢᠯᠡ ᠨᠡᠢ᠌ᠲᠡᠯᠡᠭᠦᠢ ᠵᠠᠬᠢᠳᠠᠯ ᠰᠣᠷᠪᠣᠯᠵᠢᠯᠠᠯᠢᠶᠡᠷ ᠢᠯᠡᠴᠢᠯᠡᠨ ᠮᠡᠳᠡᠭᠦᠯᠦᠭᠰᠡᠨ ᠠᠭᠤᠯᠭᠠ᠂ ᠰᠦᠪᠡᠭᠴᠢᠪᠠᠷ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠷᠭᠠ ᠮᠠᠶᠢᠭ᠂ ᠲᠣᠭᠣᠷᠢᠨ ᠪᠠᠢ᠌ᠴᠠᠭ᠋ᠠᠵᠤ ᠲᠣᠭᠣᠷᠢᠨ ᠴᠠᠭᠳᠠᠬᠤ ᠵᠦᠢ᠍ᠯᠡᠰ ᠵᠢᠴᠢ ᠰᠦᠪᠡᠭᠴᠢᠪᠠᠷ ᠰᠢᠢ᠍ᠳᠪᠦᠷᠢᠯᠡᠬᠦ ᠡᠯᠡ ᠭᠣᠭᠴᠣᠭ᠋ᠠᠨᠳᠠᠬᠢ ᠨᠢᠭᠤᠴᠠᠶ᠋ᠢ ᠬᠠᠮᠠᠭ᠋ᠠᠯᠠᠬᠤ ᠴᠢᠬᠤᠯᠠᠲᠠᠢ ᠠᠭᠤᠯᠭᠠ ᠵᠡᠷᠭᠡᠶ᠋ᠢ ᠰᠤᠷᠠᠭᠯᠠᠵᠤ᠂ ᠠᠰᠠᠭᠤᠵᠤ ᠪᠣᠯᠬᠤ ᠦᠭᠡᠢ᠃
ᠲᠠ ᠡᠨᠡ ᠬᠦ᠌ ᠬᠡᠷᠡᠭᠢ ᠰᠢᠢ᠍ᠳᠪᠦᠷᠢᠯᠡᠭᠡᠳ ᠵᠦᠳᠡᠷᠡᠯᠡ᠂ ᠬᠣᠵᠢᠮ ᠢᠯᠡᠭᠦᠬᠡᠨ ᠬᠠᠷᠠᠭ᠋ᠠᠯᠵᠠᠭ᠋ᠠᠷᠠᠢ᠃
ᠨᠢᠭᠡ ᠤᠳᠠᠭᠠ ᠴᠤᠭᠯᠠᠬᠤᠨᠢ ᠠᠮᠠᠷ ᠦᠭᠡᠢ᠂ ᠢᠩᠭᠢᠵᠤ ᠶᠠᠭ᠋ᠠᠷᠠᠭ᠋ᠠᠳ ᠶᠠᠭ᠋ᠠᠬᠢᠬᠤ ᠪᠤᠢ？ ᠸᠠᠩ ᠳᠠᠭᠠᠭᠠᠮᠠᠯ ᠪᠢᠳᠡ ᠬᠣᠶᠠᠷᠤᠨ ᠰᠠᠢ᠌ᠨ ᠪᠠᠢ᠌ᠳᠠᠭᠢ ᠰᠣᠨᠣᠰᠤᠭ᠋ᠠᠳ ᠵᠠᠪᠠᠯ ᠴᠢᠮᠠᠲᠠᠢ ᠲᠠᠨᠢᠯᠴᠠᠨᠠ ᠭᠡᠵᠦ ᠪᠠᠢ᠌ᠨᠠ ᠰᠢᠦ！
ᠡᠢ᠌ᠮᠦ ᠪᠠᠢ᠌ᠭᠰᠠᠨᠢ ᠡᠷᠲᠡ ᠮᠡᠳᠡᠭᠰᠡᠨ ᠶᠤᠮ ᠪᠣᠯ ᠪᠢ ᠴᠦ᠍ ᠢᠷᠡᠬᠦ ᠦᠭᠡᠢ ᠪᠠᠢ᠌ᠪᠠᠯ ᠵᠣᠬᠢᠨᠠ᠃ ᠬᠡᠷᠡᠭ ᠰᠢᠢ᠍ᠳᠪᠦᠷᠢᠯᠡᠬᠦ ᠬᠤᠭᠤᠴᠠᠭ᠋ᠠᠨᠳᠤ ᠬᠠᠮᠢᠶᠠ ᠪᠦᠬᠦᠢ ᠬᠥᠮᠥᠰᠲᠠᠢ ᠳᠠᠯᠳᠠᠭᠤᠷ ᠬᠠᠷᠢᠯᠴᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠰᠡᠨ ᠲᠣᠳᠣᠷᠬᠠᠢ ᠲᠣᠭᠲᠠᠭ᠋ᠠᠯᠲᠠᠢ᠂ ᠬᠡᠷᠡᠭᠢ ᠪᠢᠳᠡ ᠬᠠᠤᠯᠢ ᠶᠣᠰᠣᠭ᠋ᠠᠷ ᠲᠥᠪ ᠭᠣᠣᠯᠴᠢᠪᠠᠷ ᠰᠢᠢ᠍ᠳᠪᠦᠷᠢᠯᠡᠨᠡ᠃
ᠬᠢᠨᠠᠯᠲᠠ ᠲᠠᠯᠪᠢᠵᠤ ᠪᠠᠢ᠌ᠴᠠᠭ᠋ᠠᠬᠤ᠂ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠵᠤ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠬᠦ᠂ ᠬᠡᠷᠡᠭᠢ ᠰᠢᠭᠦᠬᠦ ᠵᠡᠷᠭᠡ ᠠᠵᠢᠯᠢ ᠬᠢᠵᠦ ᠪᠠᠢ᠌ᠭᠠ ᠬᠥᠮᠥᠰᠲᠠᠢ ᠠᠭᠤᠯᠵᠠᠭᠤᠯᠬᠤᠪᠠᠷ ᠲᠣᠬᠢᠷᠠᠭᠤᠯᠵᠤ᠂ ᠲᠠᠨᠢᠯᠴᠠᠭᠤᠯᠵᠤ᠂ ᠬᠠᠪᠰᠤᠷᠴᠤ ᠪᠣᠯᠬᠤ ᠦᠭᠡᠢ᠂ ᠡᠰᠡᠬᠦᠯᠡ ᠮᠠᠲ᠋ᠧᠷᠢᠶᠠᠯ᠂ ᠮᠡᠳᠡᠭᠡ ᠵᠠᠩᠭᠢᠶ᠋ᠢ ᠳᠤᠷᠠᠪᠠᠷᠢᠶᠠᠨ ᠳᠠᠮᠵᠢᠭᠤᠯᠤᠨ ᠬᠦᠷᠭᠡᠵᠦ ᠪᠣᠯᠬᠤ ᠦᠭᠡᠢ᠃
ᠨᠠᠢ᠌ᠵᠠ ᠡ᠂ ᠰᠣᠨᠤᠰᠬᠤᠯᠠᠷ ᠴᠢ ᠣᠷᠴᠢᠮᠳᠤ ᠨᠢᠭᠡ ᠬᠡᠷᠡᠭᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠵᠢᠯᠳᠤ ᠣᠷᠣᠯᠴᠠᠵᠤ ᠪᠠᠢ᠌ᠨᠠ ᠭᠡᠨᠡ ᠦᠦ᠂ ᠬᠡᠷᠡᠭᠲᠤ ᠬᠣᠯᠪᠣᠭᠳᠠᠭᠰᠠᠨ ᠬᠥᠮᠥᠨ ᠪᠣᠯ ᠮᠢᠨᠤ ᠰᠠᠳᠤᠨ ᠪᠣᠯᠣᠨᠠ᠂ ᠲᠠᠨᠤᠰ ᠲᠡᠭᠦᠨᠤ ᠶᠠᠮᠠᠷ ᠬᠡᠷᠡᠭ ᠤᠴᠢᠷ ᠬᠢᠭᠰᠡᠨᠢᠨᠢ ᠪᠠᠢ᠌ᠴᠠᠭ᠋ᠠᠵᠤ ᠣᠯᠣᠭᠰᠠᠨ ᠦᠦ？ ᠨᠠᠳᠠᠳᠤ ᠨᠢᠭᠤᠷ ᠲᠠᠯᠠ ᠬᠠᠶᠠᠵᠤ ᠶᠡᠬᠡ ᠬᠡᠷᠡᠭᠲᠤ ᠬᠣᠯᠪᠣᠭᠳᠠᠭᠰᠠᠨ ᠪᠣᠯ ᠲᠡᠭᠦᠨᠢᠨᠢ ᠪᠠᠭ᠋ᠠᠰᠬᠠᠵᠤ ᠪᠣᠯᠬᠤ ᠦᠦ？
ᠠᠯᠢᠪᠠ ᠶᠠᠪᠤᠳᠠᠯᠢ ᠴᠥᠮ ᠲᠣᠭᠲᠠᠭ᠋ᠠᠯ ᠶᠣᠰᠣᠭ᠋ᠠᠷ ᠬᠢᠬᠦ ᠬᠡᠷᠡᠭᠲᠡᠢ᠃
ᠲᠠᠯᠠ ᠵᠠᠰᠠᠵᠤ᠂ ᠵᠣᠭᠣᠰ ᠮᠥᠩᠭᠥ ᠡᠳ᠋ ᠪᠣᠳᠠᠰ ᠬᠦᠷᠭᠡᠬᠦ ᠵᠡᠷᠭᠡᠪᠠᠷ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠭᠳᠠᠵᠤ ᠪᠠᠢ᠌ᠭᠠ ᠬᠥᠮᠥᠨᠳᠤ ᠣᠨᠴᠠᠭ᠋ᠠᠶ ᠬᠠᠷᠠᠭ᠋ᠠᠯᠵᠠᠯ ᠦᠵᠡᠭᠦᠯᠬᠦ ᠪᠤᠶᠤ ᠬᠠᠷᠢᠭᠤᠴᠠᠯᠭᠠᠠᠴᠠ ᠮᠣᠯᠲᠣᠷᠠᠭᠤᠯᠬᠤ᠂ ᠬᠠᠷᠢᠭᠤᠴᠠᠯᠭᠠ ᠵᠢᠨᠢ ᠬᠥᠩᠭᠡᠷᠡᠭᠦᠯᠬᠦᠪᠠᠷ ᠭᠤᠶᠤᠴᠢᠯᠠᠵᠤ ᠪᠣᠯᠬᠤ ᠦᠭᠡᠢ᠃
ᠲᠣᠪᠴᠢᠶᠠᠨ ᠳᠠᠷᠤᠭᠠ ᠡ᠂ ᠪᠢ ᠣᠷᠣᠢᠶ᠋ᠢᠨ ᠬᠣᠭᠣᠯᠠᠨᠳᠤ ᠵᠢᠭ᠋ᠠᠬᠠᠨ ᠠᠷᠢᠬᠢ ᠤᠤᠭᠤᠴᠢᠬᠠᠪᠠ᠂ ᠵᠠᠮ ᠳᠡᠭᠡᠷᠡ XX ᠰᠠᠯᠪᠤᠷᠢ ᠠᠩᠭᠢᠶ᠋ᠢᠨᠬᠢᠨ ᠠᠷᠢᠬᠢ ᠤᠤᠭᠤᠭᠰᠠᠨᠤ ᠳᠠᠷᠠᠭᠠ ᠲᠡᠷᠭᠡ ᠵᠢᠯᠣᠭᠣᠳᠤᠭᠰᠠᠨᠢ ᠪᠠᠢ᠌ᠴᠠᠭ᠋ᠠᠵᠤ ᠪᠠᠢ᠌ᠬᠤᠲᠠᠢ ᠲᠠᠭ᠋ᠠᠷᠠᠯᠳᠤᠵᠠᠢ᠂ ᠲᠠ ᠡᠪᠯᠡᠭᠦᠯᠦᠭᠡᠳ ᠥᠭᠭᠦᠨᠡ ᠦᠦ ᠁
ᠠᠷᠢᠬᠢ ᠤᠤᠭᠤᠭᠰᠠᠨᠤ ᠳᠠᠷᠠᠭᠠ ᠲᠡᠷᠭᠡ ᠵᠢᠯᠣᠭᠣᠳᠬᠤᠨᠢ ᠠᠶᠤᠯᠲᠠᠢ ᠮᠥᠷᠲᠡᠭᠡᠨ ᠰᠠᠬᠢᠯᠭᠠ ᠪᠠᠲᠤᠶ᠋ᠢ ᠵᠦᠷᠢᠴᠡᠭᠰᠡᠨ ᠬᠡᠷᠡᠭ᠂ ᠴᠢ ᠥᠪᠡᠷᠤᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠳᠤᠪᠠᠨ ᠬᠠᠷᠢᠭᠤᠴᠠᠬᠤ ᠬᠡᠷᠡᠭᠲᠡᠢ᠃ ᠣᠳᠣᠪᠡᠷᠢᠶᠡᠨ ᠲᠡᠷᠭᠡᠪᠠᠨ ᠵᠠᠮᠤᠨ ᠬᠠᠵᠠᠭᠤᠳᠤ ᠵᠣᠭᠰᠣᠭ᠋ᠠᠵᠤ᠂ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠴᠠᠭᠳᠠᠭᠠᠶ᠋ᠢᠨ ᠪᠠᠢ᠌ᠴᠠᠭ᠋ᠠᠯᠲᠠᠶ᠋ᠢ ᠬᠦᠯᠢᠶᠡᠭᠡᠷᠡᠢ᠃
ᠵᠠᠬᠢᠳᠠᠯᠢᠶᠡᠷ ᠠᠰᠠᠭᠤᠨ ᠪᠠᠢ᠌ᠴᠠᠭ᠋ᠠᠭᠳᠠᠭᠴᠢ᠂ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠭᠳᠠᠵᠤ ᠪᠠᠢ᠌ᠭᠠ ᠬᠥᠮᠥᠨ᠂ ᠬᠡᠷᠡᠭᠲᠤ ᠬᠣᠯᠪᠣᠭᠳᠠᠭᠰᠠᠨ ᠬᠥᠮᠥᠨ ᠵᠢᠴᠢ ᠲᠡᠭᠦᠨᠲᠠᠢ ᠣᠨᠴᠠ ᠬᠠᠷᠢᠴᠠᠭᠠᠲᠠᠢ ᠬᠥᠮᠥᠨᠳᠤ ᠬᠡᠷᠡᠭᠤᠨ ᠪᠠᠢ᠌ᠳᠠᠯᠢᠨᠢ ᠵᠠᠳᠠᠯᠵᠤ᠂ ᠠᠷᠭᠠ ᠤᠬᠠᠭ᠋ᠠᠨ ᠭᠠᠷᠭ᠋ᠠᠨ ᠥᠭᠴᠦ᠂ ᠬᠢᠨᠠᠯᠲᠠ ᠲᠠᠯᠪᠢᠵᠤ ᠪᠠᠢ᠌ᠴᠠᠭ᠋ᠠᠬᠤ᠂ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠵᠤ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠬᠦᠠᠴᠠᠨᠢ ᠬᠠᠪᠰᠤᠷᠤᠨ ᠵᠠᠢ᠌ᠯᠠᠭᠤᠯᠬᠤ ᠪᠤᠶᠤ ᠡᠰᠡᠷᠭᠦᠴᠡᠯᠳᠦᠵᠦ ᠪᠣᠯᠬᠤ ᠦᠭᠡᠢ᠃
ᠸᠠᠩ ᠪᠠᠢ᠌ᠴᠠᠭ᠋ᠠᠬᠤ ᠳᠠᠷᠤᠭᠠ ᠡ᠂ ᠡᠨᠡ ᠬᠡᠷᠡᠭᠤᠨ ᠠᠬᠢᠴᠠ ᠣᠳᠣ ᠶᠠᠮᠠᠷ ᠪᠣᠯᠵᠤ ᠪᠠᠢ᠌ᠨᠠ？ ᠮᠢᠨᠤ ᠬᠡᠯᠡᠭᠰᠡᠨ ᠰᠠᠨᠠᠯᠢᠶᠡᠷ ᠰᠢᠢ᠍ᠳᠪᠦᠷᠢᠯᠡᠭᠡᠷᠡᠢ᠃
ᠰᠠᠬᠢᠯᠭᠠ ᠪᠠᠲᠤᠶ᠋ᠢᠨ ᠲᠣᠭᠲᠠᠭ᠋ᠠᠯᠢ ᠦᠨᠳᠦᠰᠦᠯᠡᠪᠡᠯ᠂ ᠡᠨᠡ ᠬᠦ᠌ ᠬᠡᠷᠡᠭᠢ ᠬᠤᠷᠠᠯ ᠳᠡᠭᠡᠷᠡ ᠶᠠᠷᠢᠯᠴᠠᠵᠤ ᠪᠣᠯᠬᠤ ᠦᠭᠡᠢ᠂ ᠪᠢᠳᠡ ᠡᠷᠬᠡᠪᠰᠢ ᠬᠠᠤᠯᠢ ᠲᠣᠭᠲᠠᠭ᠋ᠠᠯ ᠶᠣᠰᠣᠭ᠋ᠠᠷ ᠭᠦᠢ᠍ᠴᠡᠳᠭᠡᠬᠦ ᠬᠡᠷᠡᠭᠲᠡᠢ᠃
ᠡᠷᠬᠡ ᠲᠤᠰᠢᠶᠠᠯ ᠪᠤᠶᠤ ᠲᠤᠰᠢᠶᠠᠯᠤᠨ ᠲᠠᠯᠠᠪᠠᠷᠬᠢ ᠨᠥᠯᠥᠭᠡᠪᠠᠨ ᠠᠰᠢᠭᠯᠠᠨ᠂ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠰᠣᠨᠣᠰᠬᠤ᠂ ᠵᠣᠬᠢᠴᠠᠭᠤᠯᠬᠤ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠬᠤ᠂ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠶᠠᠪᠤᠭᠤᠯᠬᠤ᠂ ᠤᠲᠠᠰᠤᠳᠠᠬᠤ ᠵᠡᠷᠭᠡ ᠬᠡᠯᠪᠡᠷᠢᠪᠠᠷ ᠲᠣᠭᠲᠠᠭ᠋ᠠᠯᠠᠴᠠ ᠵᠥᠷᠢᠴᠡᠨ ᠬᠡᠷᠡᠭ ᠤᠴᠢᠷᠢᠨᠢ ᠠᠰᠠᠭᠤᠵᠤ᠂ ᠰᠢᠢ᠍ᠳᠪᠦᠷᠢᠯᠡᠬᠦᠳᠤᠨᠢ ᠭᠠᠷ ᠲᠦᠷᠦᠵᠤ᠂ ᠬᠡᠪᠤᠨ ᠠᠵᠢᠯᠢ ᠬᠠᠷᠰᠢᠯᠠᠵᠤ ᠪᠣᠯᠬᠤ ᠦᠭᠡᠢ᠃
ᠰᠠᠬᠢᠯᠭᠠ ᠪᠠᠲᠤᠶ᠋ᠢᠨ ᠲᠣᠭᠲᠠᠭ᠋ᠠᠯ
《ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶ᠋ᠢᠨ ᠰᠢᠢ᠍ᠳᠭᠡᠯ ᠥᠭᠬᠦ ᠳᠦᠷᠢᠮ》ᠤᠨ ᠵᠠᠭᠤ ᠳᠥᠴᠢᠨ ᠬᠣᠶᠠᠳᠤᠭ᠋ᠠᠷ ᠵᠦᠢ᠍ᠯᠤᠨ ᠲᠣᠭᠲᠠᠭ᠋ᠠᠯᠢ ᠦᠨᠳᠦᠰᠦᠯᠡᠪᠡᠯ᠄ 《ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠣᠭᠲᠠᠭ᠋ᠠᠯᠠᠴᠠ ᠵᠥᠷᠢᠴᠡᠨ ᠬᠠᠤᠯᠢ ᠪᠠᠷᠢᠬᠤ ᠠᠵᠢᠯᠯᠠᠭᠠ᠂ ᠰᠠᠬᠢᠯᠭᠠ ᠪᠠᠲᠤ ᠬᠡᠷᠡᠭᠵᠢᠭᠦᠯᠬᠦ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠬᠦ ᠠᠵᠢᠯᠯᠠᠭᠠᠶ᠋ᠢ ᠬᠠᠷᠰᠢᠯᠠᠬᠤ ᠪᠠ ᠲᠡᠭᠦᠨᠳᠤ ᠭᠠᠷ ᠳᠦᠷᠦᠬᠦ᠂ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠭᠠᠵᠠᠷ ᠣᠷᠣᠨ ᠪᠤᠶᠤ ᠰᠠᠯᠠᠭᠠ ᠮᠥᠴᠢᠷᠠᠴᠠ ᠬᠡᠷᠡᠭᠤᠨ ᠪᠠᠢ᠌ᠳᠠᠯᠢᠨᠢ ᠰᠤᠷᠠᠭᠯᠠᠬᠤ᠂ ᠲᠠᠯᠠ ᠵᠠᠰᠠᠬᠤ᠂ ᠰᠠᠨᠠᠭᠤᠯᠵᠤ ᠵᠠᠬᠢᠬᠤ᠂ ᠡᠰᠡᠬᠦᠯᠡ ᠪᠤᠰᠤᠳ ᠠᠷᠭᠠ ᠮᠠᠶᠢᠭᠢᠶᠡᠷ ᠬᠠᠤᠯᠢ ᠪᠠᠷᠢᠬᠤ ᠠᠵᠢᠯᠯᠠᠭᠠ᠂ ᠰᠠᠬᠢᠯᠭᠠ ᠪᠠᠲᠤ ᠬᠡᠷᠡᠭᠵᠢᠭᠦᠯᠬᠦ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠬᠦ ᠠᠵᠢᠯᠯᠠᠭᠠᠳᠤ ᠨᠥᠯᠥᠭᠡ ᠦᠵᠡᠭᠦᠯᠦᠭᠡᠳ᠂ ᠦᠢ᠍ᠯᠡ ᠪᠠᠢ᠌ᠳᠠᠯᠨᠢ ᠨᠡᠯᠢᠶᠡᠳ ᠬᠥᠩᠭᠡᠨ ᠪᠠᠢ᠌ᠪᠠᠯ᠂ ᠴᠢᠩᠭᠠ ᠳᠣᠩᠭᠣᠳᠬᠤ ᠰᠢᠢ᠍ᠳᠭᠡᠯ ᠥᠭᠭᠦᠨᠡ； ᠦᠢ᠍ᠯᠡ ᠪᠠᠢ᠌ᠳᠠᠯᠨᠢ ᠨᠡᠯᠢᠶᠡᠳ ᠬᠦᠨᠳᠦ ᠪᠠᠢ᠌ᠪᠠᠯ᠂ ᠨᠠᠮᠤᠨ ᠳᠣᠲᠣᠷᠠᠬᠢ ᠲᠤᠰᠢᠶᠠᠯᠠᠴᠠᠨᠢ ᠤᠭᠴᠠᠷᠠᠭᠤᠯᠬᠤ ᠪᠤᠶᠤ ᠨᠠᠮᠳᠤ ᠪᠠᠢ᠌ᠯᠭ᠋ᠠᠵᠤ ᠬᠢᠨᠠᠨ ᠦᠵᠡᠬᠦ ᠰᠢᠢ᠍ᠳᠭᠡᠯ ᠥᠭᠭᠦᠨᠡ； ᠦᠢ᠍ᠯᠡ ᠪᠠᠢ᠌ᠳᠠᠯᠨᠢ ᠬᠦᠨᠳᠦ ᠨᠣᠴᠢᠲᠠᠢ ᠪᠠᠢ᠌ᠪᠠᠯ᠂ ᠨᠠᠮᠠᠴᠠ ᠬᠥᠭᠡᠭᠡᠬᠦ ᠰᠢᠢ᠍ᠳᠭᠡᠯ ᠥᠭᠭᠦᠨᠡ》᠃
