ᠥᠨᠳᠥᠷ ᠠᠰᠠᠷ ᠲᠠᠭᠳᠤ ᠵᠢᠨ ᠭᠠᠯ᠎ᠤᠨ ᠠᠶᠤᠯ ᠭᠡᠳᠡᠭ ᠪᠤᠯ 10 ᠲᠠᠪᠬᠤᠷ ᠪᠠ 10 ᠲᠠᠪᠬᠤᠷ᠎ᠠᠴᠠ   ᠲᠡᠭᠡᠭᠰᠢᠬᠢ ᠤᠷᠤᠨ ᠰᠠᠭᠤᠴᠠ ᠵᠢᠨ ᠪᠠᠷᠢᠯᠭ᠎ᠠ ᠪᠤᠶᠤ ᠪᠠᠷᠢᠯᠭ᠎ᠠ ᠵᠢᠨ ᠥᠨᠳᠥᠷᠴᠡ᠎ᠨᠢ 24 ᠮᠸᠲᠷ᠎ᠠᠴᠠ ᠲᠠᠪᠠᠭᠰᠠᠨ   ᠤᠯᠠᠨ ᠨᠡᠢ᠍ᠢ᠍ᠳᠡ ᠵᠢᠨ ᠪᠠᠷᠢᠯᠭ᠎ᠠ᠎ᠳᠤ ᠠ᠋ᠬᠥᠰᠥᠭᠰᠡᠨ ᠭᠠᠯ᠎ᠤᠨ ᠠᠶᠤᠯ᠎ᠢ ᠵᠢᠭ᠋ᠠᠵᠤ ᠪᠤᠢ᠃ ᠥᠨᠳᠥᠷ ᠪᠠᠷᠢᠯᠭ᠎ᠠ ᠵᠢᠨ   ᠤᠨᠴᠠᠯᠢᠬ ᠪᠤᠯ ᠭᠤᠤᠯ᠎ᠨᠢ ᠪᠠᠷᠢᠯᠭ᠎ᠠ ᠵᠢᠨ ᠪᠥᠳᠥᠴᠡ᠂ ᠴᠢᠳᠠᠪᠬᠢ᠎ᠨᠢ ᠪᠤᠳᠤᠯᠢᠶᠠᠨ᠎ᠲᠠᠢ᠂ ᠬᠥᠮᠥᠨ ᠠᠷᠠᠳ   ᠲᠥᠪᠯᠡᠷᠡᠭᠰᠡᠨ᠂ ᠰᠢᠳᠠᠮᠠᠬᠠᠢ ᠠ᠋ᠳ᠋ ᠠᠷᠪᠢᠨ ᠪᠠ ᠭᠠᠯ᠎ᠤᠨ ᠠᠶᠤᠯ᠎ᠤᠨ ᠪᠠᠭᠳᠠᠭ᠋ᠠᠮᠵᠢ ᠲᠤᠮᠤ ᠪᠠᠢ᠍ᠢ᠍ᠳᠠᠭ᠃ ᠭᠠᠯ ᠭᠠᠷᠬᠤ᠎ᠳᠤ   ᠬᠥᠷᠪᠡᠯ᠂ ᠪᠤᠰᠤᠭ᠎ᠠ ᠭᠠᠯ᠎ᠤᠨ ᠠᠶᠤᠯ ᠠ᠋ᠬᠥᠰᠬᠥ ᠪᠥᠭᠡᠳ ᠲᠠᠷᠬᠠᠭ᠋ᠠᠵᠤ ᠵᠠᠢ᠍ᠢ᠍ᠯᠠᠭᠤᠯᠬᠤ᠎ᠳᠤ ᠬᠥᠴᠢᠷ᠎ᠲᠠᠢ᠎ᠠᠴᠠ ᠪᠤᠯᠤᠭ᠋ᠠᠳ   ᠬᠥᠮᠥᠨ ᠠᠮᠢᠳᠠᠨ ᠥᠬᠥᠵᠤ ᠰᠢᠷᠬᠠᠳᠤᠳᠠᠭ᠃        
      ᠪᠠᠴᠢᠮ ᠪᠠᠢ᠍ᠢ᠍ᠳᠠᠯ᠎ᠢ ᠠᠷᠭ᠋ᠠᠴᠠᠬᠤ ᠭᠤᠤᠯᠳᠠᠯᠭ᠎ᠠ          
     ● ᠠ᠋ᠩ ᠲᠡᠷᠢᠬᠥᠨ᠎ᠳᠤ ᠥᠷᠥᠭᠡᠨ᠎ᠠᠴᠠ᠎ᠪᠠᠨ ᠵᠠᠢ᠍ᠢ᠍ᠯᠠᠬᠤ ᠭᠡᠷᠡᠭᠳᠡᠢ᠃ ᠥᠷᠥᠭᠡᠨ᠎ᠤ ᠠ᠋ᠬᠥᠳᠡ᠎ᠪᠠᠨ ᠨᠡᠭᠡᠭᠡᠬᠥ  ᠎ᠳᠡᠭᠡᠨ᠂ ᠤᠷᠢᠳᠠᠪᠡᠷ ᠬᠠᠭ᠋ᠠᠯᠭ᠋ᠠᠨ᠎ᠳᠠᠭᠠᠨ ᠭᠠᠷ ᠵᠢᠡᠨ ᠨᠠᠭ᠋ᠠᠯᠳᠤᠭᠤᠯᠤᠨ ᠬᠠᠯᠠᠭᠤᠨ ᠪᠠᠢ᠍ᠢ᠍ᠬᠤ ᠠ᠋ᠰᠡᠬᠥ ᠵᠢ ᠥᠵᠡᠬᠥ ᠭᠡᠷᠡᠭᠳᠡᠢ᠃   ᠭᠡᠷᠪᠡ ᠬᠠᠭ᠋ᠠᠯᠭ᠎ᠠ ᠨᠢᠭᠡᠨᠳᠡ ᠬᠠᠯᠠᠭᠰᠠᠨ ᠪᠠᠢ᠍ᠢ᠍ᠪᠠᠯ ᠠ᠋ᠬᠥᠳᠡ᠎ᠪᠠᠨ ᠨᠡᠭᠡᠭᠡᠵᠤ ᠪᠤᠯᠬᠤ ᠥᠭᠡᠢ᠂ ᠭᠡᠷᠪᠡ ᠨᠡᠭᠡᠭᠡᠬᠥ᠎ᠳᠤ ᠬᠥᠷᠪᠡᠯ   ᠭᠠᠯ ᠤᠳᠤᠭ᠎ᠠ ᠥᠷᠥᠭᠡᠨ᠎ᠳᠤ ᠪᠤᠷᠬᠢᠯᠤᠨ ᠤᠷᠤᠵᠤ ᠢᠷᠡᠬᠥ ᠪᠤᠯᠤᠨ᠎ᠠ᠃ ᠭᠡᠷᠪᠡ ᠬᠠᠭ᠋ᠠᠯᠭ᠎ᠠ ᠬᠠᠯᠠᠭᠰᠠᠨ ᠥᠭᠡᠢ ᠪᠠᠢ᠍ᠢ᠍ᠪᠠᠯ   ᠭᠠᠯ᠎ᠤᠨ ᠢᠳᠡ ᠪᠠᠭ᠎ᠠ ᠪᠠᠢ᠍ᠢ᠍ᠬᠤ ᠲᠤᠯᠠ ᠲᠠᠷᠤᠢ᠍ᠢ᠍ᠬᠠᠨ ᠠ᠋ᠬᠥᠳᠡ᠎ᠪᠠᠨ ᠨᠡᠭᠡᠭᠡᠨ ᠵᠠᠢ᠍ᠢ᠍ᠯᠠᠬᠤ ᠵᠢᠨ ᠲᠠᠭ᠋ᠠᠤ ᠠ᠋ᠬᠥᠳᠡ᠎ᠪᠠᠨ ᠴᠢᠨᠭᠭ᠎ᠠ   ᠬᠠᠭ᠋ᠠᠵᠤ ᠪᠠᠢ᠌ᠬᠤ᠎ᠨᠢ ᠲᠠᠭ᠋ᠠᠷᠠᠨ᠎ᠠ᠃        
     ● ᠭᠠᠵᠠᠷ ᠠ᠋ᠯᠢᠭᠡᠳᠡᠨ ᠮᠥᠯᠬᠥᠬᠥ ᠭᠡᠷᠡᠭᠳᠡᠢ᠃ ᠤᠳᠤᠭ᠎ᠠ ᠤᠨᠢᠶᠠᠷ᠎ᠲᠤ ᠬᠤᠤᠷᠳᠠᠭᠳᠠᠬᠤ ᠪᠠ ᠪᠥᠳᠡᠬᠥ᠎ᠠᠴᠠ   ᠰᠡᠷᠭᠡᠢ᠍ᠢ᠍ᠯᠡᠬᠥ ᠭᠡᠷᠡᠭᠳᠡᠢ᠃ ᠶᠡᠷᠥᠳᠡ ᠵᠢᠨ ᠠᠷᠭ᠎ᠠ᠎ᠪᠠᠷ ᠪᠤᠯ ᠨᠤᠢ᠍ᠢ᠍ᠳᠠᠨ ᠠᠯᠴᠢᠭᠤᠷ ᠪᠤᠶᠤ ᠠᠮᠠᠪᠴᠢ᠎ᠪᠠᠷ ᠬᠠᠮᠠᠷ ᠠᠮᠠ᠎ᠪᠠᠨ   ᠲᠠᠷᠤᠬᠤ ᠭᠡᠷᠡᠭᠳᠡᠢ᠃ ᠤᠳᠤᠭ᠎ᠠ ᠤᠨᠢᠶᠠᠷ ᠮᠠᠰᠢ ᠭᠡᠴᠡᠬᠥᠥ ᠪᠠᠢ᠍ᠢ᠍ᠬᠤ ᠥᠶᠡᠰ ᠠᠯᠢ ᠴᠢᠳᠠᠬᠤ᠎ᠪᠠᠷ ᠭᠠᠵᠠᠷ ᠠ᠋ᠯᠢᠭᠡᠳᠡᠨ   ᠮᠥᠯᠬᠥᠨ ᠵᠠᠢ᠍ᠢ᠍ᠯᠠᠬᠤ  ᠎ᠨᠢ ᠵᠤᠬᠢᠰᠳᠠᠢ᠃        
     ● ᠠᠰᠠᠷ᠎ᠤᠨ ᠱᠠᠳᠤ᠎ᠪᠠᠷ ᠪᠠᠭᠤᠬᠤ ᠭᠡᠷᠡᠭᠳᠡᠢ᠃ ᠠᠯᠢᠪᠠ ᠪᠠᠷᠢᠯᠭ᠎ᠠ᠎ᠳᠤ ᠶᠡᠷᠥᠨᠭᠭᠡᠢ᠎ᠳᠡᠭᠡᠨ ᠴᠥᠮ ᠬᠤᠶᠠᠷ  ᠎ᠠᠴᠠ ᠲᠡᠭᠡᠭᠰᠢ ᠲᠤᠳᠠᠭ᠋ᠠᠵᠤ ᠵᠠᠢ᠍ᠢ᠍ᠯᠠᠬᠤ ᠱᠠᠳᠤ᠎ᠲᠠᠢ ᠪᠠᠢ᠍ᠢ᠍ᠳᠠᠭ᠃ ᠥᠨᠳᠥᠷ ᠲᠠᠪᠬᠤᠷ᠎ᠲᠤ ᠭᠠᠯ ᠭᠠᠷᠪᠠᠯ᠂ ᠠᠯᠢ ᠴᠢᠳᠠᠬᠤ  ᠎ᠪᠠᠷ ᠲᠤᠷᠤᠭᠰᠢ᠎ᠪᠠᠨ ᠬᠥᠶᠥᠬᠥ ᠭᠡᠷᠡᠭᠳᠡᠢ᠃ ᠠᠰᠠᠷ᠎ᠤᠨ ᠱᠠᠳᠤ ᠭᠠᠯ᠎ᠳᠤ ᠠᠪᠳᠠᠭᠰᠠᠨ ᠪᠠᠢ᠍ᠢ᠍ᠯ᠎ᠠ ᠴᠤ᠌ ᠭᠡᠰᠡᠨ ᠨᠤᠢ᠍ᠢ᠍ᠳᠠᠨ   ᠬᠥᠨᠵᠢᠯᠡ ᠲᠡᠪᠢᠰᠭᠡᠷ ᠵᠢᠡᠷ ᠪᠡᠶ᠎ᠡ᠎ᠪᠠᠨ ᠬᠠᠮᠠᠭ᠋ᠠᠯᠠᠨ ᠲᠥᠷᠭᠡᠨ ᠰᠢᠪᠳᠤᠯᠵᠤ ᠭᠠᠷᠬᠤ ᠭᠡᠷᠡᠭᠳᠡᠢ᠃

     ● ᠠ᠋ᠩ᠎ᠤᠨ ᠴᠠᠬᠢᠯᠭ᠋ᠠᠨ ᠱᠠᠳᠤ᠎ᠪᠠᠷ ᠲᠤᠳᠠᠭ᠋ᠠᠨ ᠵᠠᠢ᠍ᠢ᠍ᠯᠠᠵᠤ ᠤᠭᠳᠤ ᠪᠤᠯᠬᠤ ᠥᠭᠡᠢ᠃ ᠥᠨᠳᠥᠷ ᠪᠠᠷᠢᠯᠭ᠎ᠠ ᠵᠢᠨ   ᠴᠠᠬᠢᠯᠭ᠋ᠠᠨ ᠬᠠᠨᠭ᠌ᠭ᠋ᠠᠬᠤ ᠰᠢᠰᠲᠸᠮ᠎ᠨᠢ ᠭᠠᠯ᠎ᠤᠨ ᠠᠶᠤᠯ᠎ᠳᠤ ᠬᠡᠵᠢᠶ᠎ᠡ ᠴᠤ᠌ ᠭᠡᠰᠡᠨ ᠴᠠᠬᠢᠯᠭ᠋ᠠᠨ ᠲᠠᠰᠤᠷᠠᠵᠤ ᠮᠡᠳᠡᠬᠥ ᠲᠤᠯᠠ   ᠠ᠋ᠩ᠎ᠤᠨ ᠴᠠᠬᠢᠯᠭ᠋ᠠᠨ ᠱᠠᠳᠤ᠎ᠪᠠᠷ ᠪᠠᠭᠤᠬᠤ᠎ᠳᠤ ᠭᠡᠨᠡᠳᠳᠡ ᠴᠠᠬᠢᠯᠭ᠋ᠠᠨ ᠲᠠᠰᠤᠷᠠᠪᠠᠯ᠂ ᠲᠡᠷᠡ ᠲᠤᠳᠤᠷ᠎ᠠ᠎ᠪᠠᠨ ᠬᠤᠷᠢᠭᠳᠠᠵᠤ᠂ ᠬᠥᠮᠥᠨ᠎ᠤ ᠠᠮᠢ ᠨᠠᠰᠤᠨ᠎ᠳᠤ ᠠᠶᠤᠯ ᠲᠤᠯᠭ᠋ᠠᠷᠠᠬᠤ ᠪᠤᠯᠤᠨ᠎ᠠ᠃        
     ● ᠲᠥᠷ ᠴᠠᠭ ᠲᠤᠳᠠᠭ᠋ᠠᠵᠤ ᠵᠠᠢ᠍ᠢ᠍ᠯᠠᠬᠤ ᠠᠷᠭ᠎ᠠ ᠥᠭᠡᠢ ᠥᠶᠡᠰ᠂ ᠤᠷᠤᠢ ᠵᠢᠨ ᠠᠰᠠᠷ ᠪᠤᠶᠤ ᠭᠡᠷᠡᠮ᠎ᠤᠨ   ᠠᠪᠳᠠᠷ᠎ᠠ ᠵᠡᠷᠭᠡ ᠭᠠᠵᠠᠷ ᠲᠠᠯᠳᠠᠯᠠᠵᠤ ᠪᠤᠯᠬᠤ ᠥᠭᠡᠢ᠃ ᠠᠯᠢ ᠴᠢᠳᠠᠬᠤ᠎ᠪᠠᠷ ᠨᠠᠷᠠᠪᠴᠢ᠂ ᠴᠤᠨᠭ᠌ᠬᠤ ᠵᠡᠷᠭᠡ ᠬᠥᠮᠥᠰ᠎ᠲᠤ   ᠠᠮᠠᠷᠬᠠᠨ ᠥᠵᠡᠭᠳᠡᠬᠥ ᠭᠠᠵᠠᠷ ᠵᠥᠭ ᠰᠢᠯᠵᠢᠬᠥ ᠭᠡᠷᠡᠭᠳᠡᠢ᠃        
     ● ᠪᠡᠶ᠎ᠡ ᠲᠡᠭᠡᠷ᠎ᠡ ᠭᠠᠯ ᠵᠤᠯᠭ᠋ᠠᠵᠤ᠂ ᠭᠠᠷ ᠵᠠᠭᠤᠷ᠎ᠠ ᠪᠠᠰᠠ ᠤᠰᠤ ᠪᠤᠶᠤ ᠭᠠᠯ ᠤᠨᠳᠠᠷᠠᠭ᠋ᠠᠬᠤ ᠪᠠᠭ᠋ᠠᠵᠢ ᠥᠭᠡᠢ   ᠥᠶᠡᠰ᠂ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠬᠥᠶᠥᠬᠥ ᠪᠤᠶᠤ ᠭᠠᠷ ᠵᠢᠡᠷ ᠵᠢᠡᠨ ᠬᠥᠪᠰᠢᠵᠤ ᠪᠤᠯᠬᠤ ᠥᠭᠡᠢ᠂ ᠲᠠᠷᠤᠢ᠍ᠢ᠍ᠬᠠᠨ ᠬᠤᠪᠴᠠᠰᠤ   ᠬᠤᠨᠠᠷ ᠵᠢᠡᠨ ᠲᠠᠢ᠍ᠢ᠍ᠯᠠᠬᠤ ᠪᠤᠶᠤ ᠭᠠᠵᠠᠷ᠎ᠲᠤ ᠥᠨᠭᠬᠥᠷᠢᠳᠥᠨ ᠭᠠᠯ᠎ᠤᠨ ᠰᠤᠷ᠎ᠢ   ᠲᠠᠷᠤᠨ᠎ᠠ᠃

     ● ᠭᠠᠯ ᠤᠨᠳᠠᠷᠠᠭ᠋ᠠᠬᠤ ᠠᠵᠢᠯᠳᠠᠳ ᠥᠷᠥᠭᠡᠨ᠎ᠳᠤ ᠤᠷᠤᠵᠤ ᠠᠪᠤᠷᠠᠨ ᠲᠤᠰᠠᠯᠠᠬᠤ᠎ᠳᠠᠭᠠᠨ ᠴᠥᠮ ᠭᠡᠷᠡᠮ   ᠬᠠᠨ᠎ᠠ ᠵᠢ᠎ᠲᠠᠭᠠᠨ ᠠᠵᠢᠯᠯᠠᠳᠠᠭ ᠪᠤᠯᠬᠤᠷ ᠤᠳᠤᠭ᠎ᠠ ᠤᠨᠢᠶᠠᠷ᠎ᠲᠤ ᠬᠠᠬᠠᠵᠤ ᠪᠥᠳᠡᠨ ᠥᠪᠡᠷ᠎ᠤᠨ ᠮᠡᠳᠡᠯ ᠴᠢᠳᠠᠯ ᠵᠢᠡᠨ   ᠠᠯᠳᠠᠭᠰᠠᠨ ᠥᠶᠡᠰ᠂ ᠠᠯᠢ ᠴᠢᠳᠠᠬᠤ᠎ᠪᠠᠷ ᠭᠡᠷᠡᠮ ᠬᠠᠨ᠎ᠠ᠂ ᠠ᠋ᠬᠥᠳᠡ ᠬᠠᠭ᠋ᠠᠯᠭ᠎ᠠ ᠥᠭᠡᠳᠡ ᠤᠢ᠍ᠢ᠍ᠷᠠᠳᠤᠬᠤ   ᠵᠢ   ᠠᠩᠬᠠᠷᠤᠨ᠎ᠠ᠃