|
ᠮᠠᠯ ᠲᠡᠵᠢᠭᠡᠪᠤᠷᠢ ᠳᠤ ᠡᠮ ᠭᠡᠷᠡᠭᠯᠡᠭᠦ ᠲᠤᠬᠠᠢ |
|
|
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/12/3
|
|
ᠦᠭᠡᠷ᠂ ᠬᠤᠨᠢ᠂ ᠡᠯᠵᠢᠭᠡ᠂ ᠯᠠᠭᠤᠰᠠ᠂ ᠭᠠᠭ᠋ᠠᠢ ᠵᠡᠷᠭᠡ ᠮᠠᠯ ᠲᠡᠵᠢᠭᠡᠪᠤᠷᠢ ᠶᠢᠨ ᠪᠡᠶᠠ ᠨᠢ ᠲᠤᠮᠤ ᠮᠦᠷᠳᠡᠭᠡᠨ ᠭᠦᠨᠳᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠡᠮ ᠤᠤᠭᠤᠯᠭᠠᠬᠤ ᠪᠤᠶᠤ ᠡᠮᠳᠤ ᠪᠤᠳᠠᠰ ᠭᠡᠷᠡᠭᠯᠡᠭᠦ ᠦᠶᠠ ᠳᠤ ᠲᠤᠤᠷᠠᠭᠢ 4 ᠵᠤᠶᠢᠯ ᠤᠨ ᠠᠷᠭᠠ ᠶᠢ ᠭᠡᠷᠡᠭᠯᠡᠵᠤ ᠪᠤᠯᠤᠨᠠ᠃ ᠭᠡᠮᠨᠡᠭᠰᠡᠨ ᠡᠭᠢᠨ ᠤ ᠬᠤᠭᠤᠴᠠᠭᠠᠨ ᠳᠤ ᠭᠡᠮ ᠤᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠤ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠳᠤᠨᠢ ᠬᠤᠯᠢᠵᠤ ᠲᠡᠵᠢᠭᠡᠨᠡ᠃ 1. ᠮᠠᠯ ᠲᠡᠵᠢᠭᠡᠪᠤᠷᠢ ᠳᠤ ᠭᠡᠷᠡᠭᠯᠡᠭᠦ ᠡᠮ ᠢ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠳᠤᠨᠢ ᠬᠤᠯᠢᠵᠤ ᠲᠡᠵᠢᠭᠡᠨᠡ᠃ ᠭᠡᠪᠡᠴᠤ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ ᠨᠢ ᠲᠡᠩᠳᠡᠭᠦᠤ ᠤᠯᠠᠨ ᠬᠤᠯᠢᠬᠤ ᠶᠢ ᠠᠩᠬᠠᠷᠤᠨᠠ᠂ ᠲᠠᠶᠢᠮᠤ ᠪᠢᠰᠢ ᠪᠤᠯ᠂ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ ᠰᠦᠢᠳᠭᠡᠭᠦ ᠮᠦᠷᠳᠡᠭᠡᠨ ᠡᠮᠳᠤ ᠪᠤᠳᠠᠰ ᠢ ᠴᠤ ᠰᠦᠢᠳᠭᠡᠵᠤ ᠪᠦᠷᠢᠯᠭᠡᠭᠦ ᠪᠤᠯᠤᠨᠠ᠃ 2. ᠮᠠᠯ ᠲᠡᠵᠢᠭᠡᠪᠤᠷᠢ ᠶᠢᠨ ᠪᠤᠯᠴᠢᠩ ᠮᠢᠬᠠᠨ ᠳᠤᠨᠢ ᠲᠠᠷᠢᠯᠭᠠ ᠲᠠᠷᠢᠨᠠ᠃ ᠪᠦᠳᠦᠭᠦᠨ ᠮᠠᠯ ᠲᠡᠵᠢᠭᠡᠪᠤᠷᠢ ᠶᠢᠨ ᠡᠮᠳᠤ ᠪᠤᠳᠠᠰ ᠢ ᠡᠰᠡᠷᠭᠦᠴᠡᠭᠦ ᠴᠢᠳᠠᠪᠤᠷᠢ ᠨᠢ ᠴᠢᠩᠭᠠ ᠪᠤᠯᠬᠤᠷ ᠲᠠᠷᠢᠯᠭᠠ ᠲᠠᠷᠢᠬᠤ ᠡᠮ ᠤᠨ ᠭᠡᠮᠵᠢᠶᠠ ᠶᠢ ᠪᠠᠰᠠ ᠠᠷᠪᠢᠨ ᠪᠤᠶᠤ ᠢᠯᠡᠭᠦᠤ ᠰᠢᠭ ᠪᠠᠶᠢᠯᠭᠠᠬᠤ ᠭᠡᠷᠡᠭᠳᠡᠢ᠃ ᠶᠠᠷᠤ ᠶᠢᠨ ᠭᠡᠯᠡᠳᠡᠭ 50 ᠮᠢᠯᠢᠯᠢᠲᠷ ᠤᠨ ᠵᠡᠭᠦᠤ ᠶᠢᠨ ᠲᠠᠷᠢᠯᠭᠠ ᠲᠠᠷᠢᠬᠤ ᠭᠡᠳᠡᠭ ᠪᠤᠯ ᠵᠡᠭᠦᠤ ᠳᠡᠭᠡᠨ ᠤᠷᠳᠤ ᠰᠢᠭ᠋ ᠰᠦᠯᠢᠶᠤᠤ ᠬᠤᠭᠤᠯᠠᠢ ᠵᠠᠯᠭᠠᠪᠠᠯ ᠮᠠᠯ ᠲᠡᠵᠢᠭᠡᠪᠤᠷᠢ ᠶᠠᠭᠠᠭᠢᠵᠤ ᠭᠦᠳᠡᠯᠦᠭᠰᠡᠨ ᠴᠤ ᠴᠦᠮ ᠲᠠᠷᠢᠯᠭᠠ ᠲᠠᠷᠢᠬᠤ ᠶᠢ ᠨᠦᠯᠦᠭᠡᠯᠡᠭᠦ ᠦᠭᠡᠢ ᠶᠤᠮ᠃ 3. ᠨᠠᠮᠵᠢᠭᠤᠨ ᠰᠤᠳᠠᠯ ᠳᠤᠨᠢ ᠲᠠᠷᠢᠯᠭᠠ ᠲᠠᠷᠢᠬᠤ ᠪᠤᠶᠤ ᠰᠢᠩᠭᠡᠨ ᠡᠮ ᠶᠡᠭᠦᠯᠡᠨᠡ᠃ ᠵᠠᠷᠢᠮ ᠮᠠᠯ ᠲᠡᠵᠢᠭᠡᠪᠤᠷᠢ ᠭᠡᠮᠨᠡᠭᠰᠡᠨ ᠤ ᠰᠡᠭᠦᠯᠡᠷ ᠨᠢᠭᠡ ᠠᠴᠠ ᠬᠤᠶᠠᠷ ᠡᠳᠤᠷ ᠢᠳᠡᠵᠤ ᠤᠤᠭᠤᠬᠤ ᠦᠭᠡᠢ ᠪᠤᠯᠵᠤ ᠬᠠᠭᠰᠠᠵᠤ ᠦᠭᠦᠳᠡᠭ᠃ ᠡᠶᠢᠮᠤᠷᠭᠦᠤ ᠪᠠᠶᠢᠳᠠᠯ ᠲᠤᠤᠷᠠ ᠮᠠᠯ ᠲᠡᠵᠢᠭᠡᠪᠤᠷᠢ ᠶᠢ ᠭᠦᠯᠢᠵᠤ ᠤᠶᠠᠭᠠᠳ ᠨᠠᠮᠵᠢᠭᠤᠨ ᠰᠤᠳᠠᠯ ᠳᠤᠨᠢ ᠲᠠᠷᠢᠯᠭᠠ ᠲᠠᠷᠢᠬᠤ ᠪᠤᠶᠤ ᠰᠢᠩᠭᠡᠨ ᠡᠮ ᠶᠡᠭᠦᠯᠡᠵᠤ ᠪᠤᠯᠤᠨᠠ᠃ 4. ᠴᠢᠳᠬᠤᠵᠤ ᠤᠤᠭᠤᠯᠭᠠᠨᠠ᠃ ᠵᠠᠷᠢᠮ ᠮᠠᠯ ᠲᠡᠵᠢᠭᠡᠪᠤᠷᠢ ᠭᠡᠮᠨᠡᠭᠰᠡᠨ ᠤ ᠲᠠᠷᠠᠭᠠ ᠢᠳᠡᠭᠦ ᠦᠭᠡᠢ᠂ ᠪᠠᠭᠠᠬᠤ ᠦᠭᠡᠢ᠂ ᠲᠠᠷᠢᠯᠭᠠ ᠲᠠᠷᠢᠠᠠᠰᠠᠨ ᠴᠤ ᠲᠤᠰᠠ ᠭᠠᠷᠬᠤ ᠦᠭᠡᠢ ᠪᠠᠶᠢᠳᠠᠭ᠂ ᠡᠨᠡ ᠦᠶᠠ ᠳᠤ ᠬᠤᠳᠤᠭᠤᠳᠤ ᠤᠭᠢᠶᠠᠬᠤ ᠪᠠᠭᠠᠵᠢ ᠪᠠᠷ ᠴᠢᠳᠬᠤᠨ ᠤᠤᠭᠤᠯᠭᠠᠬᠤ ᠠᠷᠭᠠ ᠭᠡᠮᠵᠶᠠ ᠠᠪᠬᠤ ᠭᠡᠷᠡᠭᠳᠡᠢ᠃ ᠴᠢᠳᠬᠤᠬᠤ ᠳᠠᠭᠠᠨ ᠤᠷᠢᠳ ᠢᠶᠠᠷ ᠮᠠᠯ ᠲᠡᠵᠢᠭᠡᠪᠤᠷᠢ ᠶᠢᠨ ᠲᠦᠷᠪᠡᠨ ᠮᠦᠴᠢ ᠶᠢ ᠭᠦᠯᠢᠵᠤ᠂ ᠭᠦᠳᠡᠯᠵᠤ ᠲᠡᠶᠢᠯᠭᠦ ᠦᠭᠡᠢ ᠪᠤᠯᠭᠠᠨᠠ᠃ ᠡᠭᠦᠨ ᠳᠤ᠂① ᠠᠮᠠ ᠶᠢ ᠨᠢ ᠠᠩᠭᠠᠶᠢᠯᠭᠠᠵᠤ ᠪᠠᠶᠢᠭᠠᠳ ᠬᠤᠳᠤᠭᠤᠳᠤ ᠤᠭᠢᠶᠠᠬᠤ ᠪᠠᠭᠠᠵᠢ ᠶᠢ ᠤᠯᠠᠭᠠᠨ ᠬᠤᠭᠤᠯᠠᠢ ᠲᠤᠳᠤᠷᠠ ᠨᠢᠭᠡ ᠮᠧᠲᠷ ᠤᠷᠴᠢᠮ ᠤᠠᠠᠯᠠᠨ ᠤᠷᠤᠭᠤᠯᠵᠤ᠂ ᠡᠮᠳᠤ ᠪᠤᠳᠠᠰ ᠢ ᠬᠤᠳᠤᠭᠤᠳᠤ ᠤᠭᠢᠶᠠᠬᠤ ᠪᠠᠭᠠᠵᠢ ᠪᠠᠷ ᠲᠠᠮᠵᠢᠭᠤᠯᠤᠨ ᠮᠠᠯ ᠲᠡᠵᠢᠭᠡᠪᠤᠷᠢ ᠶᠢᠨ ᠪᠡᠶᠠ ᠳᠤ ᠴᠢᠳᠬᠤᠨ ᠤᠷᠤᠭᠤᠯᠤᠨᠠ᠃② ᠬᠤᠰᠭᠢᠨᠠᠭ ᠤᠨ ᠰᠦᠪᠠ ᠪᠠᠷ ᠡᠮ ᠴᠢᠳᠬᠤᠬᠤ ᠳᠤ᠂ ᠬᠤᠳᠤᠭᠤᠳᠤ ᠤᠭᠢᠶᠠᠬᠤ ᠪᠠᠭᠠᠵᠢ ᠶᠢ ᠬᠤᠰᠭᠢᠨᠠᠭ ᠤᠨ ᠰᠦᠪᠠ ᠳᠤ ᠨᠢᠭᠡ ᠮᠧᠲᠷ ᠤᠷᠴᠢᠮ ᠤᠠᠠᠯᠠᠨ ᠤᠷᠤᠭᠤᠯᠤᠨᠠ᠃ ᠤᠠᠠᠯᠠᠨ ᠤᠷᠤᠭᠤᠯᠬᠤ ᠳᠠᠭᠠᠨ ᠰᠦᠯᠢᠶᠤᠤ ᠬᠤᠭᠤᠯᠠᠢ ᠲᠡᠭᠡᠷᠡ ᠢᠳᠡᠭᠡᠨ ᠤ ᠲᠤᠰᠤ ᠲᠦᠷᠭᠢᠭᠡᠳ ᠭᠤᠯᠭᠤᠮᠠᠳᠠᠭᠠᠢ ᠪᠤᠯᠭᠠᠬᠤ ᠭᠡᠷᠡᠭᠳᠡᠢ᠃
|
|
|
|
ᠢᠷᠡᠯᠲᠡ᠄
ᠦᠪᠦᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ
|