ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠪᠠᠯᠭ᠋ᠠᠰᠤᠲᠠᠢ ᠰᠢᠶᠠᠩᠤᠨ ᠰᠠᠨ ᠾᠧ ᠲᠣᠰᠬᠣᠨᠳᠤ ᠬᠦᠷᠬᠦᠳᠤ᠂ ᠮᠤᠷᠤᠯᠵᠠᠭᠰᠠᠨ ᠠᠭᠤᠯᠠᠨ ᠵᠠᠮ ᠵᠶ᠋ᠠᠷ ᠨᠢᠭᠡᠨ ᠴᠣ᠌ ᠰᠢᠨᠡ ᠦᠢ᠍ᠯᠡᠳᠪᠦᠷᠢ ᠵᠢᠨ ᠪᠠᠢ᠌ᠰᠢᠩ ᠴᠠᠰᠤ ᠮᠥᠰᠥᠲᠠᠢ ᠠᠭᠤᠯᠠ ᠵᠢᠨ ᠪᠡᠯᠳᠤ ᠰᠦᠨᠳᠡᠷᠯᠡᠵᠦ᠂ ᠬᠥᠮᠥᠰᠤᠨ ᠠᠩᠬᠠᠷᠤᠯᠢ ᠲᠠᠲᠠᠨᠠ᠃ ᠳᠣᠲᠣᠭᠰᠢᠪᠠᠨ ᠶᠠᠪᠤᠪᠠᠯ᠂ ᠨᠢᠰᠬᠦ ᠨᠤᠭᠤᠰᠤ ᠵᠢᠨ ᠡᠨᠳᠡ ᠲᠡᠨᠳᠡ ᠦᠭᠡᠢ ᠳᠤᠤᠭ᠋ᠠᠷᠬᠤ ᠳᠠᠭᠤᠨᠢ ᠣᠯᠵᠤ ᠰᠣᠨᠣᠰᠤᠨᠠ᠂ ᠬᠦᠷᠢᠶᠡᠨ ᠳᠣᠲᠣᠷᠠ ᠬᠡᠳᠦᠨ ᠵᠠᠭᠤᠨ ᠨᠢᠰᠬᠦ ᠨᠤᠭᠤᠰᠤ᠂ ᠲᠣᠮᠣ ᠭᠠᠯᠠᠭᠤ᠂ ᠲᠡᠨᠦᠭᠦᠯ ᠲᠠᠬᠢᠶᠠ ᠪᠦᠯᠦᠭ ᠪᠦᠯᠦᠭ ᠵᠶ᠋ᠡᠷ ᠠᠯᠬᠤᠯᠠᠨᠠ᠃
ᠥᠪᠡᠷᠤᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠦᠭᠰᠡᠨ 《ᠪᠠᠶᠠᠵᠢᠭᠰᠠᠨ ᠨᠤᠭᠤᠰᠤ》ᠪᠠᠨ ᠳᠤᠷᠠᠳᠬᠤᠳᠤ᠂ ᠭᠦᠸᠧ ᠬᠣᠩ ᠫᠢᠩ ᠨᠢᠭᠡ ᠯᠡ ᠳᠣᠣᠷᠠ ᠦᠭᠡᠪᠠᠨ ᠳᠡᠯᠭᠡᠪᠡ᠃ ᠭᠠᠳᠠᠨᠠ ᠣᠯᠠᠨ ᠵᠢᠯ ᠬᠦᠴᠦ ᠶᠠᠪᠤᠭᠰᠠᠨ ᠭᠦᠸᠧ ᠬᠣᠩ ᠫᠢᠩ 2014 ᠣᠨᠳᠤ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠦᠢ᠍ᠯᠡᠰ ᠴᠣᠭᠴᠠᠯᠠᠭᠰᠠᠨ ᠪᠥᠭᠡᠳ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠶᠤᠸᠠᠨ ᠪᠧᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠲᠤᠰᠬᠠᠢ ᠬᠣᠷᠰᠢᠶᠠ ᠵᠢ ᠪᠠᠢ᠌ᠭᠤᠯᠪᠠ᠃ ᠬᠤᠷᠰᠢᠶᠠ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠡᠬᠢᠨᠤ ᠦᠶᠡᠳᠤ ᠬᠤᠷᠠᠮᠳᠤᠯᠠᠭᠤᠯᠤᠭᠰᠠᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠲᠤᠷᠰᠢᠯᠭᠠᠪᠠᠷ ᠵᠶ᠋ᠠᠨ ᠨᠡᠯᠢᠶᠡᠳ ᠰᠠᠢ᠌ᠨ ᠣᠷᠣᠯᠭᠠᠲᠠᠢ ᠪᠠᠢ᠌ᠵᠠᠢ᠃ ᠬᠤᠷᠰᠢᠶᠠ ᠵᠢ ᠬᠡᠷᠬᠢᠨ ᠨᠡᠩ ᠰᠠᠢ᠌ᠨ ᠬᠥᠭᠵᠢᠭᠦᠯᠵᠦ᠂ ᠣᠷᠣᠯᠭᠠ ᠵᠢᠨᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠨᠡᠮᠡᠭᠳᠡᠭᠦᠯᠬᠦᠨᠢ ᠲᠡᠭᠦᠨᠤ ᠡᠮᠦᠨᠡ ᠲᠠᠯᠪᠢᠭᠳᠠᠵᠤ ᠪᠠᠢ᠌ᠭᠠ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠣᠯᠪᠠ᠃ 2018 ᠣᠨᠤ ᠨᠢᠭᠡ ᠡᠳᠦᠷ᠂ ᠭᠦᠸᠧ ᠬᠣᠩ ᠫᠢᠩ ᠨᠢᠭᠡ ᠵᠦᠢ᠍ᠯᠤᠨ ᠰᠢᠨᠡ ᠡᠭᠦᠯᠳᠡᠷ — ᠨᠢᠰᠬᠦ ᠨᠤᠭᠤᠰᠤ ᠵᠢ ᠢᠯᠡᠷᠡᠭᠦᠯᠪᠡ᠂ ᠲᠡᠷᠡ ᠨᠢᠰᠬᠦ ᠨᠤᠭᠤᠰᠤ ᠵᠢᠨ ᠨᠢᠰᠬᠦᠨᠢ ᠬᠣᠯᠠ ᠤᠴᠢᠷᠠᠴᠠ ᠥᠭᠡᠬᠦ ᠪᠠᠭᠠ᠂ ᠤᠭᠤᠷᠠᠭᠤᠨ ᠠᠭᠤᠯᠤᠭᠳᠠᠴᠠ ᠥᠨᠳᠥᠷ ᠪᠠᠢ᠌ᠵᠤ᠂ ᠴᠥᠭᠡᠨ ᠪᠤᠰᠤ ᠬᠥᠮᠥᠰᠤᠨ ᠪᠠᠬᠠᠷᠬᠠᠯᠢ ᠲᠠᠲᠠᠵᠤ ᠪᠠᠢ᠌ᠬᠤ ᠵᠢ ᠣᠯᠵᠤ ᠮᠡᠳᠡᠪᠡ᠃ ᠭᠦᠸᠧ ᠬᠣᠩ ᠫᠢᠩ ᠲᠤᠷᠰᠢᠵᠤ ᠦᠵᠡᠬᠦ ᠪᠤᠳᠤᠯ ᠵᠶ᠋ᠠᠨ ᠡᠪᠦᠷᠯᠡᠨ 20 ᠨᠢᠰᠬᠦ ᠨᠤᠭᠤᠰᠤ ᠲᠤᠷᠰᠢᠨ ᠲᠡᠵᠢᠭᠡᠵᠦ᠂ ᠪᠣᠷᠣᠯᠠᠭᠤᠯᠤᠯᠲᠠᠳᠤ ᠭᠠᠷᠤᠭᠰᠠᠨᠤ ᠳᠠᠷᠠᠭᠠ ᠲᠥᠷᠥᠯ ᠰᠠᠳᠤᠨ ᠨᠠᠢ᠌ᠵᠠ ᠨᠥᠬᠥᠳᠤᠨ ᠵᠶ᠋ᠡᠨ ᠵᠥᠪᠰᠢᠶᠡᠷᠡᠯᠢ ᠣᠯᠵᠠᠢ᠂ ᠡᠨᠡᠨᠢ ᠲᠡᠭᠦᠨᠤ ᠥᠷᠭᠡᠨ ᠬᠡᠪᠴᠢᠶᠡᠪᠠᠷ ᠨᠢᠰᠬᠦ ᠨᠤᠭᠤᠰᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠪᠣᠳᠣᠯ ᠵᠶ᠋ᠠᠨ ᠤᠯᠠᠮ ᠪᠠᠲᠤᠳᠬᠠᠵᠠᠢ᠃ ᠬᠣᠶᠠᠷ ᠵᠢᠯᠤᠨ ᠴᠢᠷᠮᠠᠢ᠌ᠯᠭᠠᠪᠠᠷ᠂ ᠭᠦᠸᠧ ᠬᠣᠩ ᠫᠢᠩᠤᠨ ᠬᠤᠷᠰᠢᠶᠠ ᠨᠢᠭᠡᠨᠲᠡ ᠥᠨᠳᠡᠭᠡ ᠰᠣᠩᠭᠣᠬᠤ᠂ ᠨᠡᠪᠴᠢᠭᠦᠯᠬᠦ᠂ ᠲᠡᠵᠢᠭᠡᠬᠦ᠂ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠪᠣᠷᠣᠯᠠᠭᠤᠯᠬᠤ ᠬᠡᠯᠬᠢᠶᠡ ᠠᠵᠤ ᠦᠢ᠍ᠯᠡᠰᠤᠨ ᠬᠡᠯᠬᠢᠶᠡ ᠵᠢ ᠪᠦᠷᠢᠯᠳᠦᠭᠦᠯᠵᠦ᠂ ᠵᠥᠪᠬᠡᠨ 2021 ᠣᠨᠳᠤ ᠬᠤᠷᠰᠢᠶᠠ ᠵᠢᠨ ᠣᠷᠣᠯᠭᠠ 100 ᠭᠠᠷᠤᠢ ᠲᠦᠮᠡᠨ ᠲᠥᠭᠥᠷᠢᠭᠲᠤ ᠬᠦᠷᠴᠡᠢ᠃
ᠨᠢᠭᠡ ᠬᠥᠮᠥᠨ ᠪᠠᠶᠠᠵᠢᠭᠰᠠᠨᠳᠤ ᠲᠣᠭ᠋ᠠᠴᠠᠭᠳᠠᠬᠤ ᠦᠭᠡᠢ᠂ ᠨᠢᠰᠬᠦ ᠨᠤᠭᠤᠰᠤ ᠵᠢ ᠠᠮᠵᠢᠯᠲᠠᠲᠠᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠦᠭᠰᠡᠨᠨᠢ ᠭᠦᠸᠧ ᠬᠣᠩ ᠫᠢᠩᠤᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠡᠷᠦᠬᠡ ᠵᠢ ᠳᠠᠭ᠋ᠠᠭᠤᠯᠤᠨ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠵᠣᠷᠢᠭᠢ ᠪᠠᠲᠤᠳᠬᠠᠪᠠ᠃ ᠲᠡᠷᠡ ᠨᠤᠭᠤᠰᠤ ᠵᠢᠭᠡᠯᠡᠵᠦ ᠨᠤᠭᠤᠰᠤ ᠪᠤᠴᠠᠭ᠋ᠠᠬᠤ ᠵᠠᠭᠪᠤᠷᠢ ᠬᠡᠷᠡᠭᠯᠡᠵᠦ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠡᠷᠦᠭᠡᠳᠤ ᠨᠤᠭᠤᠰᠤᠨᠤ ᠴᠤᠷᠪᠠᠭᠠ ᠵᠢ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠠᠷ ᠲᠦᠭᠡᠭᠡᠵᠦ᠂ ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ ᠶᠠᠪᠤᠴᠠᠳᠤ ᠮᠡᠷᠭᠡᠵᠢᠯᠤᠨ ᠵᠢᠯᠣᠭᠣᠳᠤᠯᠭᠠ ᠬᠠᠩᠭ᠋ᠠᠭᠰᠠᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠰᠡᠭᠦᠯᠴᠢ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠪᠣᠷᠤᠯᠠᠭᠤᠯᠭᠠᠳᠤ ᠬᠠᠪᠰᠤᠷᠴᠤ᠂ ᠴᠥᠭᠡᠨ ᠪᠤᠰᠤ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠡᠷᠦᠭᠡᠳᠤ ᠠᠰᠢᠭ ᠬᠦᠷᠲᠡᠭᠡᠭᠰᠡᠨ ᠪᠠᠢ᠌ᠨᠠ᠃
ᠲᠡᠭᠦᠨᠤ ᠳᠠᠭ᠋ᠠᠭᠤᠯᠭᠠᠪᠠᠷ ᠤᠯᠠᠮᠠᠴᠠ ᠤᠯᠠᠮ ᠤᠯᠠᠨ ᠬᠥᠮᠥᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠡᠩᠨᠡᠭᠡᠨᠳᠤ ᠣᠷᠣᠭᠰᠠᠨ ᠪᠠᠢ᠌ᠨᠠ᠃ 《2021 ᠣᠨᠳᠤ᠂ ᠮᠠᠨᠤ ᠭᠡᠷᠤᠨᠬᠢᠨ ᠨᠢᠰᠬᠦ ᠨᠤᠭᠤᠰᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠦᠭᠰᠡᠨᠠᠴᠠ ᠪᠣᠯᠵᠤ᠂ ᠣᠷᠣᠯᠭᠠᠨᠢ ᠪᠠᠷᠤᠭ 2 ᠲᠦᠮᠡᠨ ᠲᠥᠭᠥᠷᠢᠭ ᠨᠡᠮᠡᠭᠳᠡᠭᠰᠡᠨ ᠪᠠᠢ᠌ᠨᠠ》᠃ ᠭᠡᠵᠦ ᠴᠠᠷᠰᠥᠨ ᠪᠠᠯᠭ᠋ᠠᠰᠤᠨᠤ ᠴᠠᠷᠰᠥᠨ ᠭᠠᠴᠠᠭ᠋ᠠᠨᠤ ᠠᠷᠠᠳ ᠵᠤᠤ ᠬᠣᠩ ᠵᠢᠶᠦ᠋ᠨ ᠬᠡᠯᠡᠪᠡ᠃ ᠭᠦᠸᠧ ᠬᠣᠩ ᠫᠢᠩ 2021 ᠣᠨᠤ ᠡᠬᠢᠪᠠᠷ ᠲᠡᠭᠦᠨᠳᠤ 300 ᠴᠤᠷᠪᠠᠭᠠ ᠨᠤᠭᠤᠰᠤ ᠬᠠᠩᠭ᠋ᠠᠵᠤ᠂ ᠵᠢᠯᠤᠨ ᠡᠴᠦᠰᠲᠤ ᠵᠢᠩ ᠪᠦᠷᠢᠳᠡᠭᠡᠨ 8 ᠲᠥᠭᠥᠷᠢᠭᠤᠨ ᠦᠨᠡᠪᠠᠷ ᠬᠣᠷᠢᠶᠠᠨ ᠠᠪᠴᠢᠷᠠᠪᠠ᠂ ᠡᠨᠡᠨᠢ ᠵᠤᠤ ᠬᠣᠩ ᠵᠢᠶᠦ᠋ᠨᠤ ᠨᠢᠭᠡ ᠭᠡᠷᠤᠨᠬᠢᠨᠤ ᠣᠷᠣᠯᠭᠠ ᠵᠢ ᠨᠡᠮᠡᠭᠳᠡᠭᠦᠯᠵᠡᠢ᠃
ᠵᠣᠣ ᠬᠣᠩ ᠵᠢᠶᠦ᠋ᠨ ᠪᠣᠯ ᠣᠨᠴᠠᠭ᠋ᠠᠶ ᠵᠢᠱ᠌ᠢᠶᠡ ᠪᠢᠰᠢ᠂ ᠡᠨᠡ ᠬᠡᠳᠦᠨ ᠵᠢᠯᠳᠤ ᠭᠦᠸᠧ ᠬᠣᠩ ᠫᠢᠩ ᠨᠡᠶ᠋ᠢᠲᠡ 700 ᠰᠢᠬᠠᠮ ᠡᠷᠦᠬᠡ ᠲᠣᠰᠬᠣᠨᠤ ᠠᠷᠠᠳᠢ ᠳᠠᠶ᠋ᠢᠴᠢᠯᠠᠨ ᠨᠢᠰᠬᠦ ᠨᠤᠭᠤᠰᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠵᠦ᠂ ᠡᠷᠦᠬᠡ ᠪᠦᠷᠢ ᠵᠢᠨ ᠳᠤᠮᠳᠠᠴᠢ ᠣᠷᠣᠯᠭᠠᠨᠢ 1000 ᠲᠥᠭᠥᠷᠢᠭᠠᠴᠠ ᠳᠡᠭᠡᠭᠰᠢ ᠪᠠᠢ᠌ᠵᠤ᠂ ᠠᠯᠢᠳ᠋ᠸᠷ ᠰᠤᠮᠤ᠂ ᠳ᠋ᠠ ᠱ᠌ᠢ ᠵᠠᠢ ᠪᠠᠯᠭ᠋ᠠᠰᠤ᠂ ᠬᠦᠶ ᠯᠢᠦ ᠾᠧ ᠪᠠᠯᠭ᠋ᠠᠰᠤ᠂ ᠴᠠᠷᠰᠸᠨ ᠪᠠᠯᠭ᠋ᠠᠰᠤ ᠵᠡᠷᠭᠡ ᠣᠯᠠᠨ ᠰᠢᠶᠠᠩ ᠪᠠᠯᠭ᠋ᠠᠰᠤ ᠵᠢ ᠬᠠᠮᠤᠷᠴᠠᠢ᠃
《ᠡᠨᠡ ᠵᠢᠯ ᠮᠠᠨᠤ ᠬᠤᠷᠰᠢᠶᠠ ᠵᠢᠨᠬᠢᠨ ᠲᠠᠪᠤᠨ ᠦᠨᠦᠷᠲᠦ ᠥᠨᠳᠡᠭᠡ ᠦᠢ᠍ᠯᠡᠳᠬᠦ ᠮᠠᠰᠢᠨᠢ ᠨᠡᠮᠡᠭᠳᠡᠭᠦᠯᠵᠦ᠂ ᠶᠡᠬᠡ ᠬᠡᠪᠴᠢᠶᠡᠪᠠᠷ ᠲᠠᠪᠤᠨ ᠦᠨᠦᠷᠲᠦ ᠥᠨᠳᠡᠭᠡ ᠦᠢ᠍ᠯᠡᠳᠪᠦᠷᠢᠯᠡᠵᠦ᠂ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠷᠡᠭᠴᠡᠭᠡ ᠵᠢ ᠬᠠᠩᠭ᠋ᠠᠬᠤ ᠵᠢᠨ ᠬᠠᠮᠲᠤ ᠪᠢᠳᠡ ᠨᠡᠩ ᠤᠯᠠᠨ ᠲᠣᠰᠬᠣᠨᠤ ᠠᠷᠠᠳᠢ ᠳᠠᠢ᠍ᠢ᠍ᠴᠢᠯᠠᠨ ᠪᠠᠶᠠᠵᠢᠭᠤᠯᠵᠤ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠨᠡ》᠃ ᠭᠡᠵᠦ ᠭᠦᠸᠧ ᠬᠣᠩ ᠫᠢᠩ ᠢᠲᠡᠭᠡᠯ ᠳᠦᠭᠦᠷᠡᠩ ᠬᠡᠯᠡᠪᠡ᠃