ᠡᠪᠦᠯ ᠤᠨ ᠦᠷᠯᠦᠭᠡ | ᠨᠠ᠊ · ᠵᠢᠷᠭᠠᠯ | | | ᠬᠢᠬᠤᠨᠠᠬᠤ ᠬᠦᠢᠲᠡᠨ ᠳᠤ ᠡᠭᠦᠳᠡ ᠵᠢᠵᠢᠭᠢᠨᠡᠵᠦ ᠬᠠᠲᠠᠭᠰᠠᠨ ᠴᠦᠪᠦᠳᠡᠯ ᠲᠤᠯᠭᠠ ᠳᠤ ᠫᠠᠴᠢᠭᠢᠨᠠᠨᠠ | ᠬᠤᠶᠢᠮᠤᠷ ᠵᠠᠪᠢᠯᠠᠭᠰᠠᠨ ᠨᠠᠰᠤᠲᠠᠨ ᠲᠤᠰᠤ ᠡᠷᠭᠦᠵᠦ ᠬᠠᠮᠤᠭ ᠪᠦᠬᠦᠨ ᠳᠤ ᠢᠯᠴᠢ ᠳᠠᠯᠠᠯᠤᠨᠠ | ᠰᠦ ᠲᠠᠢ ᠴᠠᠢ ᠲᠤᠭᠤᠭᠠᠨ ᠳᠤ ᠢᠳᠡᠭᠡᠰᠢᠵᠦ ᠰᠢᠨᠠᠭᠠ ᠵᠠᠭᠤᠭᠰᠠᠨ ᠡᠮᠡᠭᠡᠨ ᠭᠠᠷ ᠷᠠᠰᠢᠶᠠᠯᠠᠨᠠ | ᠰᠠᠭᠠᠯᠢ ᠶᠢᠨ ᠦᠨᠦᠷ ᠦᠷᠦᠭᠡᠨ ᠳᠤ ᠬᠠᠩᠬᠤᠯᠵᠤ ᠰᠠᠭᠰᠤ ᠲᠠᠢ ᠬᠤᠷᠤᠳ ᠬᠠᠨᠠ ᠲᠤᠰᠤᠳᠠᠨᠠ᠃ | | | ᠲᠤᠷᠮᠤᠶᠢᠭᠰᠠᠨ ᠵᠢᠭᠠᠯ ᠬᠠᠴᠠᠷ ᠤᠯᠪᠠᠯᠵᠠᠭᠤᠯᠵᠤ ᠲᠤᠮᠤ ᠬᠦᠮᠦᠨ ᠠᠴᠠ ᠠᠳᠢᠰ ᠬᠦᠷᠲᠡᠨᠡ | ᠲᠤᠭᠤᠯ ᠬᠠᠷᠢᠭᠤᠯᠤᠭᠰᠠᠨ ᠬᠡᠰᠢᠭ ᠭᠡᠵᠦ ᠲᠤᠰᠤ ᠬᠤᠷᠤᠳ ᠦᠷᠦᠮᠡ ᠳᠤ ᠱᠠᠩᠳᠠᠭᠤᠷᠠᠨᠠ | ᠡᠪᠦᠯ ᠤᠨ ᠴᠠᠭ ᠲᠡᠪᠴᠢᠶᠡᠷᠢ ᠬᠡᠷᠡᠭ ᠲᠠᠢ ᠭᠡᠵᠦ ᠡᠪᠦᠭᠡᠨ ᠡᠮᠡᠭᠡᠨ ᠬᠡᠤᠬᠡᠳ ᠲᠤ ᠰᠠᠨᠠᠭᠤᠯᠤᠨᠠ | ᠢᠷᠡᠬᠦ ᠵᠤᠨ ᠰᠦ ᠰᠠᠭᠠᠯᠢ ᠠᠪᠲᠠᠯᠠ ᠪᠠᠨ ᠢᠳᠡ ᠬᠦᠴᠦ ᠪᠠᠨ ᠨᠦᠭᠡᠴᠡᠯᠡᠬᠦ ᠶᠢ ᠰᠤᠷᠭᠠᠨᠠ᠃ | | | ᠬᠠᠬᠢᠷ ᠡᠪᠦᠯ ᠲᠠᠢ ᠰᠢᠨᠳᠠᠰᠤ ᠰᠢᠯᠭᠠᠵᠤ ᠬᠠᠲᠠᠭᠤ ᠴᠠᠭ ᠤᠨ ᠵᠤᠷᠢᠭ ᠳᠠᠪᠲᠠᠨᠠ | ᠬᠠᠪᠤᠷ ᠢ ᠤᠭᠲᠤᠨ ᠤᠨ ᠢ ᠦᠳᠡᠬᠦ ᠬᠠᠰᠢᠷ ᠮᠠᠯᠴᠢᠳ ᠵᠤᠳ ᠲᠠᠢ ᠲᠡᠮᠡᠴᠡᠨᠡ᠃ | |