ᠴᠠᠰᠤᠨ ᠤ ᠠᠷ | ᠨᠠ᠊ · ᠵᠢᠷᠭᠠᠯ | | | ᠴᠠᠰᠤ ᠬᠠᠶᠠᠯᠠᠨ ᠠᠷ ᠲᠠᠲᠠᠬᠤ ᠳᠤ ᠴᠠᠭᠠᠨ ᠰᠢᠬᠢᠷ ᠭᠡᠵᠦ ᠬᠡᠤᠬᠡᠳ ᠭᠠᠶᠢᠬᠠᠯᠳᠤᠨᠱᠣᠤᠭᠢᠯᠳᠤᠨᠠ | ᠴᠠᠰᠤ ᠵᠤᠵᠠᠭᠠᠷᠠᠨ ᠬᠦᠷᠦᠰᠦ ᠶᠢ ᠪᠦᠲᠡᠭᠡᠬᠦ ᠳᠤ ᠴᠡᠴᠡᠭ ᠳᠡᠯᠭᠡᠷᠡᠨ ᠤᠷᠭᠤᠮᠠᠯ ᠦᠵᠡᠮᠦᠷᠢᠯᠡᠨᠡ | ᠳᠡᠯᠭᠡᠭᠰᠡᠨ ᠲᠤᠷᠭᠠ ᠰᠢᠭ᠋ ᠭᠤᠶᠤᠮᠰᠤᠭ ᠬᠡᠮᠡᠨ ᠳᠡᠭᠳᠡᠬᠡᠢ ᠬᠡᠤᠬᠡᠳ ᠬᠦᠭᠡᠷᠦᠨ ᠨᠠᠷᠭᠢᠯᠳᠤᠨᠠ | ᠲᠡᠭᠷᠢ ᠠᠴᠠ ᠰᠤᠶᠤᠷᠬᠠᠭᠰᠠᠨ ᠠᠳᠢᠰ ᠭᠡᠵᠦ ᠲᠡᠷᠲᠡᠭᠡ ᠲᠠᠯᠠ ᠶᠢ ᠭᠠᠶᠢᠬᠠᠨ ᠳᠦᠷᠭᠢᠯᠳᠦᠨᠡ᠃ | | ᠠᠯᠢᠶᠠ ᠬᠡᠤᠬᠡᠳ ᠮᠤᠷᠢ ᠪᠠᠨ ᠳᠤᠪᠲᠤᠯᠤᠨ ᠠᠶᠢᠯ ᠬᠤᠲᠠᠨ ᠤ ᠨᠤᠬᠠᠢ ᠶᠢ ᠪᠤᠵᠢᠭᠢᠨᠠᠭᠤᠯᠵᠤ | ᠠᠳᠤᠭᠤᠨ ᠤ ᠳᠡᠯ ᠠᠴᠠ ᠴᠠᠰᠤ ᠵᠢᠷᠤᠭᠯᠠᠵᠤ ᠠᠯᠤᠰ ᠤᠨ ᠪᠠᠷᠠ ᠳᠤ ᠲᠤᠭᠤᠷᠠᠢ ᠭᠢᠯᠠᠰᠤᠨᠠ | ᠤᠯᠢᠶᠠᠷᠬᠠᠭ ᠬᠡᠤᠬᠡᠨ ᠴᠠᠰᠣ ᠶᠢ ᠪᠠᠭ᠋ᠠᠷᠬᠠᠵᠤ ᠤᠷᠠᠨ ᠤᠷᠠᠯᠠᠯ ᠤᠨ ᠴᠠᠭᠠᠰᠤ ᠳᠡᠯᠭᠡᠨᠡ | ᠠᠯᠳᠠᠯᠠᠰᠢ ᠦᠭᠡᠢ ᠦᠷᠭᠡᠨ ᠲᠤᠷᠭᠠ ᠭᠡᠵᠦ ᠠᠯᠢ ᠰᠠᠶᠢᠬᠠᠨ ᠢ ᠪᠠᠭ᠋ᠠᠳᠤᠨ ᠭᠤᠶᠤᠯᠠᠨᠠ᠃ | | | ᠪᠢᠯᠠᠭᠤ ᠰᠦᠢᠷᠡᠭᠰᠡᠨ ᠠᠩᠴᠢᠨ ᠵᠠᠯᠠᠭᠤ ᠪᠤᠲᠠ ᠪᠤᠷᠤᠯᠵᠢ ᠪᠠᠷ ᠬᠠᠯᠠᠭᠤᠨ ᠮᠦᠷ ᠮᠦᠰᠭᠢᠨᠡ | ᠪᠤᠰᠤᠭᠠᠳ ᠭᠠᠷᠬᠤ ᠲᠠᠤᠯᠠᠢ ᠦᠨᠡᠭᠡ ᠨᠢ ᠪᠤᠯᠲᠠᠨ ᠵᠢᠭᠤᠳᠠᠭᠠᠳ ᠤᠬᠠᠭᠠᠨ ᠢᠶᠠᠨ ᠰᠢᠯᠭᠠᠨᠠ | ᠠᠭᠤᠯᠠ ᠶᠢᠨ ᠴᠤᠤᠷᠢᠶᠠ ᠬᠦᠭᠵᠢᠮ ᠨᠠᠷᠭᠢᠵᠤ ᠠᠯᠤᠰ ᠤᠨ ᠬᠠᠶᠢᠷᠠᠬᠠᠨ ᠬᠤᠶᠠᠭ ᠬᠡᠲᠦᠷᠡᠨᠡ | ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠪᠠᠭᠤᠴᠠ ᠪᠠᠨ ᠰᠠᠬᠢᠵᠤ ᠠᠶᠢᠵᠠᠮ ᠤᠶᠠᠩᠭᠠᠷᠠᠨ ᠨᠠᠷᠠ ᠳᠤᠯᠠᠶᠢᠨᠠ᠃ | | | ᠴᠠᠰᠤ ᠬᠠᠲᠠᠭᠤᠷᠠᠨ ᠠᠷ ᠵᠤᠵᠠᠭᠠᠷᠠᠬᠤ ᠳᠤ ᠴᠤᠪᠤᠭᠠ ᠵᠤᠷᠠᠶᠢᠨ ᠪᠡᠯᠴᠢᠭᠡᠷ ᠬᠤᠲᠠ ᠶᠢ ᠵᠤᠷᠢᠨᠠ | ᠴᠠᠭᠯᠠᠰᠢ ᠦᠭᠡᠢ ᠬᠠᠪᠤᠷ ᠤᠨ ᠳᠠᠭᠤᠤ ᠴᠠᠭᠠᠨᠠ ᠨᠠᠭᠠᠨᠠ ᠰᠦᠷᠦᠭ ᠢ ᠲᠦᠬᠦᠭᠦᠯᠦᠨᠡ | ᠤᠷᠠᠯᠠᠯ ᠳᠡᠯᠭᠡᠬᠦ ᠬᠦᠳᠡᠭᠡ ᠶᠢᠨ ᠬᠡᠤᠬᠡᠳ ᠤᠷᠮᠠ ᠪᠠᠬᠠ ᠲᠠᠢ ᠡᠷᠳᠡᠮ ᠭᠠᠶᠢᠬᠠᠭᠤᠯᠤᠨᠠ | ᠤᠯᠠᠷᠢᠯ ᠤᠨ ᠵᠢᠮᠡ ᠪᠠᠷ ᠬᠠᠭᠳᠠ ᠴᠤᠬᠤᠶᠢᠨ ᠤᠷᠠᠯᠠᠭᠰᠠᠨ ᠵᠢᠷᠤᠭ ᠲᠠᠯᠠ ᠳᠤ ᠠᠮᠢᠯᠠᠨᠠ᠃ | |