ᠨᠠᠰᠤ ᠬᠤᠷᠠᠭᠴᠤᠤᠯ ᠤᠨ ᠨᠠᠨᠳᠢᠨ ᠦᠢᠯᠡᠰ | ᠠᠪᠠᠭᠠ ᠬᠤᠰᠢᠭᠤᠨ ᠤ 1970 ᠤᠨ ᠤ | ᠴᠠᠭᠠᠨ ᠨᠤᠬᠠᠢ ᠵᠢᠯ ᠲᠠᠢ ᠦᠶᠡᠴᠦᠳ ᠤᠨ ᠬᠤᠯᠪᠤᠭᠠᠨ ᠳᠤ | ᠮᠦᠩᠬᠡᠨᠠᠰᠤᠨ | ᠤᠷᠴᠢᠯᠠᠩ ᠳᠡᠯᠡᠬᠡᠢ ᠳᠤ ᠲᠦᠷᠦᠭᠰᠡᠨ ᠵᠢᠯ ᠨᠢ ᠢᠵᠢᠯ | ᠤᠨᠠᠭᠰᠠᠨ ᠰᠢᠷᠤᠢ ᠶᠢᠨ ᠳᠡᠭᠡᠷᠡ ᠪᠠᠨ ᠮᠦᠯᠬᠦᠭᠰᠡᠨ ᠨᠢ ᠢᠵᠢᠯ | ᠤᠩᠭᠤᠨ ᠲᠠᠯᠠ ᠳᠤ ᠪᠠᠨ ᠲᠤᠭᠯᠠᠭᠰᠠᠨ ᠨᠢ ᠢᠵᠢᠯ | ᠤᠶᠤᠨ ᠡᠷᠳᠡᠮ ᠰᠤᠷᠤᠭᠰᠠᠨ ᠨᠢ ᠢᠵᠢᠯ | | | ᠴᠠᠭ ᠤᠨ ᠰᠠᠶᠢᠬᠠᠨ ᠢ ᠤᠯᠵᠤ ᠲᠦᠷᠦᠭᠰᠡᠨ | ᠴᠠᠭᠠᠨ ᠨᠤᠬᠠᠢ ᠵᠢᠯ ᠤᠨ ᠬᠤᠷᠠᠭᠴᠤᠤᠯ | ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢ ᠳᠡᠭᠡᠳᠦᠯᠡᠵᠦ ᠬᠦᠮᠦᠵᠢᠭᠰᠡᠨ | ᠴᠠᠭᠯᠠᠰᠢ ᠦᠭᠡᠢ ᠪᠠᠲᠤ ᠢᠲᠡᠭᠡᠯᠲᠦ ᠢᠳᠡᠷᠴᠤᠤᠯ | | | ᠨᠢᠩᠵᠢᠨ ᠰᠡᠳᠬᠢᠯ ᠤᠨ ᠪᠤᠶᠠᠨ ᠤ ᠦᠢᠯᠡᠰ ᠢ | ᠨᠢᠭᠡᠨ ᠰᠡᠳᠬᠢᠯ ᠢᠶᠠᠷ ᠬᠠᠮᠲᠤᠷᠠᠨ ᠴᠤᠭᠴᠠᠯᠠᠭᠰᠠᠨ | ᠨᠡᠶᠢᠭᠡᠮ ᠳᠤ ᠮᠡᠳᠡᠷᠡᠭᠳᠡᠵᠦ ᠤᠯᠠᠨ ᠳᠤ ᠰᠠᠶᠢᠰᠢᠶᠠᠭᠳᠠᠭᠰᠠᠨ | ᠨᠡᠶᠢᠲᠡ ᠤᠯᠠᠨ ᠤ ᠰᠤᠷᠤᠯᠴᠠᠬᠤ ᠳᠠᠭᠤᠷᠢᠶᠠᠯ ᠡ | | ︽ᠬᠤᠪᠢᠶᠠᠵᠤ ᠢᠳᠡᠵᠦ᠂ ᠬᠤᠭᠤᠯᠵᠤ ᠮᠦᠯᠵᠢᠳᠡᠭ︾ ᠨᠢ | ᠬᠤᠶᠢᠴᠢᠰ ᠲᠤ ᠪᠠᠨ ᠦᠯᠡᠳᠡᠭᠡᠭᠰᠡᠨ ᠦᠲᠡᠭᠦᠰ ᠤᠨ ᠵᠠᠬᠢᠶᠠᠮᠵᠢ | ᠬᠤᠪᠢ ᠪᠠᠨ ᠪᠤᠳᠤᠬᠤ ᠦᠭᠡᠢ᠂ ᠪᠤᠰᠤᠳ ᠢ ᠳᠤᠰᠠᠯᠠᠬᠤ ᠨᠢ | ᠬᠤᠪᠤᠷ ᠨᠠᠨᠳᠢᠨ ᠪᠤᠭᠤᠷᠤᠯᠴᠤᠳ ᠤᠨ ᠮᠢᠨᠢ ᠰᠤᠷᠭᠠᠯ | | | ᠦᠷᠦᠪᠴᠢᠬᠡᠨ ᠰᠡᠳᠬᠢᠯ ᠢᠶᠠᠷ ᠪᠤᠰᠤᠳ ᠢ ᠡᠨᠡᠷᠢᠳᠡᠭ | ᠦᠨᠡᠲᠦ ᠰᠤᠶᠤᠯ ᠮᠠᠨᠢ ᠪᠠᠶᠢᠳᠠᠭ ᠪᠤᠯᠬᠤᠷ | ᠠᠭᠠᠷᠤᠤᠯ ᠪᠤᠭᠤᠷᠰᠤᠭ ᠢᠶᠠᠨ ᠳᠠᠯᠠᠯᠠᠨ ᠬᠤᠪᠢᠶᠠᠳᠠᠭ | ᠠᠶᠠᠭᠠ ᠴᠠᠢ ᠪᠠᠨ ᠬᠠᠭᠠᠰᠯᠠᠨ ᠤᠭᠤᠴᠢᠳᠠᠭ | | | ᠬᠦᠮᠦᠯᠢᠭ ᠦᠵᠡᠯ ᠥᠭᠬᠢᠶᠡᠮᠦᠷ ᠰᠡᠳᠬᠢᠯ ᠨᠢ | ᠬᠦᠪᠴᠢᠨ ᠳᠡᠯᠡᠭᠡᠢ ᠳᠤ ᠡᠷᠬᠢᠮ ᠤᠨ ᠡᠷᠬᠢᠮ | ᠬᠦᠮᠦᠨ ᠳᠤ ᠬᠠᠶᠢᠷᠠ ᠪᠠᠨ ᠡᠷᠬᠦᠬᠦ ᠨᠢ | ᠬᠦᠢᠰᠦ ᠴᠦᠭᠯᠡᠭᠰᠡᠨ ᠨᠤᠲᠤᠭ ᠤᠨ ᠮᠢᠨᠢ ᠤᠮᠤᠭᠰᠢᠯ ᠡ︕ | | ᠬᠠᠶ᠋ᠢᠭ᠄ ᠠᠪᠠᠭᠠ ᠬᠤᠰᠢᠭᠤᠨ ᠤ ᠳᠤᠲᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠳᠤᠪᠴᠢᠶᠠ | |