ᠾᠧᠨᠠᠨ ᠮᠤᠵᠢᠶᠢᠨ ᠨᠠᠨᠶᠠᠩ ᠬᠣᠲᠠ ᠤᠰᠤᠨ ᠴᠥᠭᠥᠷᠥᠮᠦᠨ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨᠳᠤ ᠲᠦᠰᠢᠭᠯᠡᠨ ᠠᠵᠤ ᠠᠬᠤᠢᠪᠠᠨ ᠬᠥᠭᠵᠢᠭᠦᠯᠦᠨᠡ
ᠤᠢ ᠰᠢᠭᠤᠢᠶᠢᠨ ᠪᠦᠷᠬᠦᠴᠡᠶᠢᠨ ᠨᠤᠷᠮᠠ 61.7% ᠳᠦ ᠬᠦᠷᠴᠦ᠂ ᠣᠢᠵᠢᠭᠤᠯᠬᠤᠳᠤ ᠲᠣᠬᠢᠷᠠᠮᠵᠢᠲᠠᠢ ᠠᠭᠯᠠᠭ ᠠᠭᠤᠯᠠ ᠠᠲᠠᠷ ᠭᠠᠵᠠᠷᠤᠨ ᠨᠣᠭᠣᠭᠠᠷᠠᠭᠤᠯᠤᠯᠲᠠᠶᠢᠨ ᠨᠤᠷᠮᠠ 95.8%ᠳᠤ ᠬᠦᠷᠴᠦ᠂ ᠳ᠋ᠠᠨᠵᠢᠶᠠᠩ ᠮᠥᠷᠡᠨᠦ ᠠᠳᠠᠭᠤᠨ ᠤᠰᠤᠨ ᠴᠥᠭᠥᠷᠥᠮᠦᠨ ᠤᠰᠤᠨᠤ ᠴᠢᠨᠠᠷ Ⅱ ᠲᠦᠷᠦᠯᠡᠴᠡ ᠳᠡᠭᠡᠭᠰᠢᠬᠢ ᠪᠠᠷᠢᠮᠵᠢᠶᠠᠶᠢ ᠪᠠᠲᠤᠯᠠᠵᠠᠢ ᠁ ᠰᠤᠪᠠᠭᠤᠨ ᠡᠬᠢᠨᠦ ᠰᠢ ᠴᠤᠸᠠᠨᠢᠶᠠᠷ ᠠᠶᠠᠯᠠᠬᠤᠳᠤ ᠨᠣᠭᠣᠭᠠᠨ ᠥᠩᠭᠡ ᠬᠠᠶᠠᠯᠠᠨ᠂ ᠴᠤᠭ ᠪᠠᠳᠠᠷᠠᠩᠭᠤᠢ ᠲᠥᠷᠬᠦᠪᠡᠷ ᠪᠢᠯᠬᠠᠨᠠ᠃
ᠰᠸᠴᠤᠸᠠᠨ ᠪᠣᠯ ᠡᠮᠦᠨᠡᠲᠦᠶᠢᠨ ᠤᠰᠤᠶᠢ ᠤᠮᠠᠷᠠᠰᠢ ᠲᠠᠲᠠᠬᠤ ᠳᠤᠮᠳᠠ ᠱᠤᠭᠤᠮᠤᠨ ᠢᠨᠵᠧᠨᠧᠷᠢᠩᠦᠨ ᠭᠣᠣᠯ ᠤᠰᠤᠨ ᠰᠤᠷᠪᠤᠯᠵᠢᠶᠢᠨ ᠣᠷᠣᠨ ᠪᠠ ᠰᠤᠪᠠᠭᠤᠨ ᠡᠬᠢᠨᠦ ᠪᠠᠢᠭᠠ ᠭᠠᠵᠠᠷ ᠪᠣᠯᠣᠨᠠ ᠃ ᠣᠢᠷᠠᠶᠢᠨ ᠵᠢᠯᠡᠴᠡ᠂ ᠲᠤᠰ ᠰᠢᠶᠠᠨ 《 ᠬᠥᠬᠡᠮᠳᠦᠭ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠳᠠ ᠮᠥᠩᠭᠥᠨ ᠠᠭᠤᠯᠠ ᠮᠥᠨ 》 ᠭᠡᠬᠦ ᠣᠢᠯᠠᠭᠠᠭᠳᠠᠬᠤᠨᠢ ᠭᠦᠨᠵᠡᠭᠡᠢ ᠦᠢᠯᠡᠳᠦᠯᠭᠡᠵᠢᠭᠦᠯᠵᠦ᠂ 《 ᠬᠣᠶᠠᠷ ᠥᠨᠳᠥᠷ ᠳᠥᠷᠪᠡᠳᠦ ᠬᠦᠴᠦᠯᠡᠬᠦ 》 ᠪᠡᠷ ᠭᠣᠣᠯᠳᠠᠭᠤᠯᠵᠤ᠂ 《 ᠠᠮᠢ ᠠᠬᠤᠢᠶᠢ ᠲᠡᠷᠢᠭᠦᠨᠳᠦ ᠲᠠᠯᠪᠢᠵᠤ᠂ ᠪᠣᠬᠢᠷᠲᠤᠯ ᠦᠭᠡᠢᠪᠡᠷ ᠬᠥᠭᠵᠢᠭᠦᠯᠬᠦ 》 ᠪᠡᠷ ᠭᠣᠣᠯ ᠰᠢᠵᠢᠮ ᠪᠣᠯᠭᠠᠵᠤ᠂ ᠤᠰᠤ ᠨᠢ ᠲᠤᠩᠭᠠᠯᠠᠭ ᠠᠷᠠᠳ ᠨᠢ ᠪᠠᠶᠠᠨ ᠰᠢᠶᠠᠨ ᠨᠢ ᠴᠢᠨᠡᠭᠡᠯᠢᠭ ᠪᠠᠢᠬᠤ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢᠨ ᠵᠠᠮᠢ ᠬᠠᠢᠨ ᠰᠦᠪᠡᠭᠴᠢᠯᠡᠵᠡᠢ᠃
ᠬᠠᠲᠠᠭᠤ ᠠᠷᠭᠠ ᠬᠡᠮᠵᠢᠶᠡᠪᠡᠷ ᠤᠰᠤᠶᠢ ᠬᠠᠮᠠᠭᠠᠯᠠᠵᠤ ᠠᠮᠢ ᠠᠬᠤᠢᠶᠢᠨ ᠬᠠᠯᠬᠠᠪᠴᠢᠶᠢ ᠪᠡᠬᠢᠵᠢᠭᠦᠯᠦᠨᠡ
《 ᠣᠳᠣ᠌ ᠡᠨᠡ ᠤᠰᠤᠶᠢ ᠰᠢᠭᠤᠳ ᠤᠤᠭᠤᠵᠤ ᠪᠣᠯᠣᠨᠠ ᠂ ᠦᠨᠡᠬᠡᠷ ᠲᠤᠩᠭᠠᠯᠠᠭ ᠰᠠᠢᠬᠠᠨ ᠪᠠᠢᠨᠠ ！ 》 ᠭᠡᠵᠦ ᠰᠢᠶᠠᠩ ᠬᠤᠸᠠ ᠪᠠᠯᠭᠠᠰᠤᠨᠤ ᠰᠦᠩ ᠭᠠᠩ ᠭᠠᠷᠠᠮᠳᠤ᠂ ᠵᠠᠩ ᠰᠢᠶᠣᠣ ᠸᠧᠢ ᠤᠰᠤᠨ ᠴᠥᠭᠥᠷᠥᠮᠦᠨ ᠬᠠᠵᠠᠭᠤᠪᠠᠷ ᠶᠠᠪᠤᠵᠤ ᠪᠠᠢᠬᠤᠳᠠᠭᠠᠨ ᠲᠡᠰᠬᠡᠯ ᠦᠭᠡᠢ ᠰᠡᠳᠬᠢᠯ ᠬᠥᠳᠡᠯᠦᠨ ᠶᠠᠷᠢᠨᠠ᠃ ᠥᠩᠭᠡᠷᠡᠭᠰᠡᠨᠳᠦ ᠂ ᠵᠠᠩ ᠰᠢᠶᠣᠣ ᠸᠧᠢ ᠪᠣᠯ ᠰᠢᠶᠠᠩ ᠬᠤᠸᠠᠳᠤ ᠠᠯᠳᠠᠷᠲᠠᠢ 《 ᠵᠢᠭᠠᠰᠤ ᠲᠡᠵᠢᠭᠡᠬᠦ ᠲᠣᠮᠣ᠌ ᠡᠷᠦᠬᠡ 》 ᠪᠠᠢᠵᠤ ᠂ ᠵᠠᠭᠤ ᠰᠢᠬᠠᠮ ᠵᠢᠭᠠᠰᠤ ᠲᠡᠵᠢᠭᠡᠬᠦ ᠲᠣᠣᠷᠤᠨ ᠬᠠᠢᠷᠴᠠᠭ ᠲᠠᠢ ᠪᠠᠢᠵᠤ ᠂ ᠮᠥᠷᠡᠨ ᠳᠡᠭᠡᠷᠡᠬᠢ ᠵᠢᠭᠠᠰᠤᠴᠢᠨ ᠠᠢᠯ ᠡᠷᠬᠢᠯᠡᠵᠦ ᠂ ᠵᠢᠯᠦᠨ ᠣᠷᠣᠯᠭᠠ ᠨᠢ ᠠᠷᠪᠠᠭᠠᠳ ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠴᠦ ᠪᠠᠢᠵᠠᠢ ᠃
ᠡᠮᠦᠨᠡᠲᠦᠶᠢᠨ ᠤᠰᠤᠶᠢ ᠤᠮᠠᠷᠠᠰᠢ ᠲᠠᠲᠠᠬᠤ ᠳᠤᠮᠳᠠ ᠱᠤᠭᠤᠮᠤᠨ ᠢᠨᠵᠧᠨᠧᠷᠢᠩᠦᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠬᠢᠭᠰᠡᠨᠡᠴᠡ ᠨᠠᠭᠠᠰᠢ᠂ ᠰᠢ ᠴᠤᠸᠠᠨ ᠰᠢᠶᠠᠨ ᠴᠥᠭᠥᠷᠥᠮᠦᠨ ᠣᠷᠣᠨᠤ ᠤᠰᠤᠨ ᠳᠡᠭᠡᠷᠡᠬᠢ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠣᠩᠭᠣᠴᠠ ᠵᠢᠴᠢ 5 ᠲᠦᠮᠡ ᠭᠠᠷᠤᠢ ᠬᠠᠢᠷᠴᠠᠭ ᠵᠢᠭᠠᠰᠤ ᠲᠡᠵᠢᠭᠡᠬᠦ ᠲᠣᠣᠷᠤᠨ ᠬᠠᠢᠷᠴᠠᠭᠢ ᠬᠦᠴᠦᠨ ᠦᠭᠡᠢ ᠪᠣᠯᠭᠠᠵᠤ᠂ ᠭᠤᠷᠪᠠᠨ ᠦᠶᠡᠪᠠᠷᠢᠶᠠᠨ ᠵᠢᠭᠠᠰᠤ ᠠᠩᠨᠠᠬᠤᠪᠠᠷ ᠠᠮᠢ ᠵᠢᠭᠤᠵᠤ ᠪᠠᠢᠭᠰᠠᠨ ᠵᠠᠩ ᠰᠢᠶᠣᠣ ᠸᠧᠢ ᠤᠷᠢᠶᠠᠯᠠᠭᠠᠶᠢ ᠢᠳᠡᠪᠬᠢᠲᠡᠢ ᠴᠤᠤᠷᠢᠶᠠᠲᠤᠨ ᠳᠠᠭᠠᠵᠤ᠂ ᠲᠡᠷᠡ ᠳᠠᠷᠤᠢ ᠳ᠋ᠤᠨᠢ ᠵᠢᠭᠠᠰᠤ ᠠᠩᠨᠠᠬᠤ ᠪᠠᠭᠠᠵᠢ ᠬᠡᠷᠡᠭᠰᠡᠯᠢᠶᠡᠨ ᠲᠤᠰᠢᠶᠠᠵᠤ᠂ 《 ᠡᠷᠭᠢᠳᠦ ᠭᠠᠷᠴᠤ》 ᠬᠥᠳᠡᠭᠡ ᠠᠢᠯᠤᠨ ᠵᠤᠭᠠᠴᠠᠯ ᠡᠷᠬᠢᠯᠡᠪᠡ᠃
ᠡᠭᠦᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ᠂ ᠤᠯᠤᠰ ᠲᠦᠷᠦᠶᠢᠨ ᠬᠠᠷᠢᠭᠤᠴᠠᠯᠭᠠ ᠪᠣᠯᠣᠨ ᠲᠡᠦᠬᠡᠲᠦ ᠡᠭᠦᠷᠭᠡᠶᠢᠨ ᠡᠮᠦᠨᠡ᠂ ᠰᠢ ᠴᠤᠸᠠᠨ 《 ᠡᠷᠡᠰ ᠰᠢᠭᠤᠷᠬᠠᠢᠪᠠᠷ ᠰᠢᠢᠳᠪᠦᠷᠢ ᠭᠠᠷᠭᠠᠪᠠ 》᠄ 380 ᠭᠠᠷᠤᠢ ᠪᠣᠬᠢᠷᠲᠤᠯᠲᠠᠢ ᠠᠵᠤ ᠠᠬᠤᠢᠯᠠᠯᠢ ᠬᠠᠭᠠᠵᠤ ᠵᠣᠭᠰᠣᠭᠠᠵᠤ ᠨᠡᠢᠯᠡᠭᠦᠯᠵᠦ ᠰᠢᠯᠵᠢᠭᠦᠯᠵᠦ᠂ ᠤᠰᠤ ᠬᠤᠷᠠᠬᠤ ᠲᠣᠭᠣᠷᠢᠭ᠋ᠲᠠᠬᠢ 600 ᠭᠠᠷᠤᠢ ᠮᠠᠯ ᠵᠢᠭᠦᠷᠲᠡᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠲᠠᠯᠠᠪᠠᠢᠶᠢ ᠬᠦᠴᠦᠨ ᠦᠭᠡᠢ ᠪᠣᠯᠭᠠᠪᠠ ᠁ ᠡᠳᠡᠬᠡᠷ 《 ᠠᠮᠢᠳᠤᠷᠠᠯᠤᠨ ᠢᠷᠡᠯᠲᠡ 》 ᠬᠡᠮᠡᠭᠳᠡᠵᠦ ᠪᠠᠢᠭᠰᠠᠨ ᠠᠵᠤ ᠦᠢᠯᠡᠰ ᠪᠣᠯᠣᠨ ᠲᠥᠬᠦᠭᠡᠷᠦᠮᠵᠢᠶᠢ ᠤᠰᠤᠨᠤ ᠴᠢᠨᠠᠷᠤᠨ ᠠᠮᠤᠷ ᠲᠦᠪᠰᠢᠨᠳᠦ ᠰᠦᠷᠳᠡᠭᠦᠯᠦᠯ ᠤᠴᠠᠷᠠᠭᠤᠯᠤᠭᠰᠠᠨᠠᠴᠠ ᠡᠷᠡᠰ ᠰᠢᠭᠤᠷᠬᠠᠢᠪᠠᠷ ᠴᠡᠪᠡᠷᠯᠡᠵᠦ᠂ ᠴᠦᠬᠦᠷᠦᠮᠦᠨ ᠨᠣᠮᠢᠨ ᠤᠰᠤᠨᠳᠤ ᠠᠮᠢ ᠠᠬᠤᠢᠶᠢᠨ ᠣᠷᠣᠨ ᠵᠠᠢᠶᠢ ᠰᠢᠯᠵᠢᠭᠦᠯᠦᠨ ᠥᠭᠴᠡᠢ᠃
ᠨᠤᠷᠠᠭᠠᠬᠤ ᠪᠣᠯ ᠨᠢᠭᠡᠳᠦᠭᠡᠷ ᠠᠯᠬᠤᠮ ᠃ ᠠᠭᠤᠯᠠᠷᠬᠠᠭ ᠣᠷᠣᠨ ᠂ ᠴᠥᠭᠥᠷᠥᠮᠦᠨ ᠣᠷᠣᠨᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠰᠢ ᠴᠤᠸᠠᠨ ᠰᠢᠶᠠᠨ ᠪᠣᠯ ᠨᠡᠢᠲᠡᠯᠢᠭ ᠺᠠᠷᠰᠲᠤᠨ ᠭᠠᠵᠠᠷᠤᠨ ᠲᠥᠷᠬᠦ ᠪᠣᠯᠣᠨᠠ ᠂ ᠬᠢᠯᠢᠶᠢᠨ ᠳᠣᠲᠣᠷᠠᠬᠢ ᠬᠠᠢᠷᠬᠠᠭ ᠴᠦᠯᠵᠢᠯᠦᠨ ᠲᠠᠯᠠᠪᠠᠶ 125 ᠲᠦᠮᠡᠨ ᠮᠦ᠍ᠳᠦ ᠬᠦᠷᠴᠦ ᠂ ᠨᠠᠩ ᠴᠤ᠌ 55 ᠲᠦᠮᠡᠨ ᠮᠦ᠍ᠶᠢᠨ ᠬᠦᠨᠳᠦ ᠬᠠᠢᠷᠬᠠᠭ ᠴᠦᠯᠵᠢᠯ ᠪᠠᠢᠵᠤ ᠂ ᠤᠰᠤᠨ ᠴᠥᠭᠥᠷᠥᠮᠦᠨ ᠤᠰᠤᠨᠤ ᠴᠢᠨᠠᠷᠤᠨ ᠠᠮᠤᠷ ᠲᠦᠪᠰᠢᠨᠢ ᠨᠥᠯᠥᠭᠡᠯᠡᠭᠰᠡᠨ ᠪᠠᠢᠨᠠ ᠃ ᠬᠡᠷᠬᠢᠨ ᠨᠢᠴᠦᠭᠦᠨ ᠠᠭᠤᠯᠠᠨᠳᠤ ᠨᠣᠭᠣᠭᠠᠨ ᠬᠤᠪᠴᠠᠰᠤ ᠡᠮᠦᠰᠬᠡᠵᠦ᠂ ᠡᠷᠭᠢᠶᠢᠨ ᠱᠤᠭᠤᠮᠢ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠡᠷ ᠪᠢᠯᠬᠠᠮᠠ ᠪᠣᠯᠭᠠᠬᠤ ᠪᠤᠢ？ ᠰᠢ ᠴᠤᠸᠠᠨ ᠬᠠᠢᠷᠬᠠᠭ ᠴᠦᠯᠵᠢᠯ ᠵᠦᠭ ᠪᠦᠬᠦ ᠬᠦᠴᠦᠨᠢᠶᠡᠷᠢᠶᠡᠨ ᠤᠷᠤᠭᠰᠢᠯᠠᠵᠤ᠂ ᠮᠣᠳᠣ᠌ ᠲᠠᠷᠢᠵᠤ ᠣᠢᠵᠢᠭᠤᠯᠬᠤ ᠠᠵᠢᠯᠢ ᠶᠡᠬᠡ ᠬᠡᠪᠴᠢᠶᠡᠪᠡᠷ ᠠᠬᠢᠭᠤᠯᠪᠠ᠃
ᠳᠠ ᠱᠢ ᠴᠢᠶᠣᠤ ᠰᠢᠶᠠᠩᠳᠤ᠂ ᠤᠢ ᠬᠠᠮᠠᠭᠠᠯᠠᠭ᠍ᠴᠢ ᠱᠢ ᠵᠢᠶᠦ᠋ᠨ ᠰᠢᠶᠠ 《 ᠭᠠᠯᠢ ᠰᠡᠷᠭᠡᠢᠯᠡᠬᠦ ᠤᠬᠠᠭᠤᠯᠭᠠᠶᠢᠨ ᠪᠦᠷᠢᠶᠡ 》 ᠶ᠋ᠢ ᠴᠤᠤᠷᠢᠶᠠᠲᠤᠭᠤᠯᠵᠤ᠂ ᠠᠭᠤᠯᠠ ᠳᠠᠪᠠᠭᠠᠶᠢ ᠲᠤᠭᠤᠯᠵᠤ᠂ ᠤᠢ ᠰᠢᠭᠤᠢᠶᠢ ᠥᠷᠥᠮᠳᠡᠵᠦ᠂ 20 ᠵᠢᠯᠦᠨ ᠲᠤᠷᠰᠢ ᠠᠭᠤᠯᠠᠪᠠᠷ ᠭᠡᠷᠢᠶᠡᠨ ᠪᠣᠯᠭᠠᠵᠤ᠂ ᠤᠢ ᠰᠢᠭᠤᠢ ᠲᠠᠢ ᠬᠠᠨᠢᠯᠠᠵᠤ᠂ ᠡᠨᠡ ᠬᠦ᠌ 《 ᠨᠣᠭᠣᠭᠠᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ 》ᠢ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠭᠠᠷ ᠢᠷᠡᠵᠠᠢ᠃
《 ᠴᠢᠯᠠᠭᠤᠨ ᠠᠭᠤᠯᠠᠨᠳᠤ ᠮᠣᠳᠣ᠌ ᠲᠠᠷᠢᠬᠤᠳᠤ ᠲᠡᠶ᠋ᠢᠮᠦ ᠬᠢᠯᠪᠡᠷ ᠪᠢᠰᠢ᠂ ᠲᠡᠷᠭᠡ ᠶᠠᠪᠤᠬᠤ ᠵᠠᠮ ᠦᠭᠡᠢ᠂ ᠵᠥᠪᠬᠡᠨ ᠡᠭᠦᠷᠴᠦ ᠪᠠᠢᠭᠠᠳ ᠴᠢᠬᠢ ᠮᠣᠳᠣ᠌ᠶᠢ ᠠᠭᠤᠯᠠᠨᠳᠤ ᠭᠠᠷᠭᠠᠵᠤ᠂ ᠴᠢᠯᠠᠭᠤᠨ ᠨᠦᠬᠡᠨᠳᠦ ᠨᠦᠬᠡ ᠮᠠᠯᠲᠠᠵᠤ ᠰᠢᠷᠣᠢ ᠨᠡᠮᠡᠨᠡ᠃ 》 ᠭᠡᠵᠦ ᠱᠢ ᠵᠢᠶᠦ᠋ᠨ ᠰᠢᠶᠠ ᠣᠢᠵᠢᠭᠤᠯᠬᠤ ᠦᠶᠡᠶᠢᠨ ᠪᠠᠢᠳᠠᠯᠢᠶᠠᠨ ᠶᠠᠷᠢᠬᠤᠳᠤ ᠂ ᠣᠯᠠᠨ ᠵᠢᠯ ᠥᠩᠭᠡᠷᠡᠭᠰᠡᠨ ᠴᠤ᠌ ᠮᠥᠨ ᠯᠡ ᠰᠡᠳᠬᠢᠯ ᠳᠣᠭᠳᠣᠯᠤᠭᠰᠠᠭᠠᠷ ᠪᠠᠢᠯᠠ ᠃ ᠵᠠᠮ ᠦᠭᠡᠢ ᠪᠣᠯ ᠬᠥᠮᠥᠨᠦ ᠬᠦᠴᠦᠪᠡᠷ ᠭᠤᠤ ᠮᠠᠯᠲᠠᠵᠤ᠂ ᠬᠥᠮᠥᠨᠦ ᠬᠦᠴᠦᠪᠡᠷ ᠮᠣᠳᠣ᠌ ᠳᠠᠮᠨᠠᠳᠠᠭ ； ᠤᠰᠤ ᠦᠭᠡᠢ ᠪᠣᠯ ᠵᠤᠯᠵᠠᠭᠠ ᠴᠢᠬᠢ ᠨᠢ ᠡᠳᠡᠭᠡᠷᠡᠬᠦᠳᠦ ᠬᠦᠴᠢᠷᠲᠠᠢ ᠪᠣᠯᠬᠣᠷ᠂ ᠥᠪᠡᠷᠢᠶᠡᠨ 《 ᠠᠷᠢᠬᠢᠨ ᠯᠣᠩᠬᠣ᠌ᠪᠠᠷ ᠳᠤᠰᠤᠯᠭᠠᠨ ᠤᠰᠤᠯᠠᠬᠤ 》 ᠠᠷᠭᠠᠶᠢ ᠡᠭᠦᠳᠴᠦ᠂ ᠤᠰᠤᠶᠢ ᠠᠭᠠᠵᠢᠮᠢᠶᠠᠷ ᠨᠡᠪᠴᠢᠭᠦᠯᠦᠨ ᠣᠷᠣᠭᠤᠯᠤᠨᠠ᠃
ᠤᠰᠤ ᠨᠡᠪᠲᠡᠷᠡᠭᠰᠡᠨᠡᠴᠡ ᠨᠠᠭᠠᠰᠢ᠂ ᠰᠢ ᠴᠤᠸᠠᠨ ᠰᠢᠶᠠᠨ ᠰᠢᠷᠭᠤᠯᠵᠢ ᠶᠠᠰᠤ ᠬᠡᠮᠡᠯᠢᠬᠦ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠪᠠᠳᠠᠷᠠᠭᠤᠯᠵᠤ᠂ ᠭᠡᠷᠡᠪᠡᠷ ᠣᠢᠵᠢᠭᠤᠯᠬᠤ ᠠᠷᠭᠠᠶᠢᠨ ᠰᠢᠨᠡᠶᠢ ᠡᠭᠦᠳᠴᠦ᠂ ᠨᠡᠢ᠍ᠢᠳᠡ 50 ᠭᠠᠷᠤᠢ ᠲᠦᠮᠡᠨ ᠮᠦ᠍ ᠤᠢ ᠰᠢᠭᠤᠢᠶᠢ ᠬᠥᠮᠥᠨᠦ ᠬᠦᠴᠦᠪᠡᠷ ᠣᠢᠵᠢᠭᠤᠯᠵᠤ᠂ ᠴᠥᠭᠥᠷᠥᠮᠦᠨ ᠣᠷᠣᠨ ᠳᠠᠭᠠᠤ 5000 ᠮᠦ᠍ᠡᠴᠡ ᠳᠡᠭᠡᠭᠰᠢᠬᠢ ᠬᠠᠢᠷᠬᠠᠭ ᠴᠦᠯᠵᠢᠯᠢ ᠣᠢᠵᠢᠭᠤᠯᠬᠤ 12 ᠴᠡᠭ ᠪᠠᠢᠭᠤᠯᠵᠤ᠂ 38.2 ᠲᠦᠮᠡᠨ ᠮᠦ᠍ ᠬᠠᠢᠷᠬᠠᠭ ᠴᠦᠯᠵᠢᠯᠢ ᠵᠠᠰᠠᠵᠤ᠂ ᠤᠢ ᠰᠢᠭᠤᠢᠶᠢᠨ ᠪᠦᠷᠬᠦᠴᠡᠶᠢ 《 ᠠᠷᠪᠠᠨ ᠬᠣᠶᠠᠳᠤᠭᠠᠷ ᠲᠠᠪᠤᠨ ᠵᠢᠯ 》ᠤᠨ ᠰᠡᠭᠦᠯᠴᠢᠶᠢᠨ 45.7% ᠪᠠᠢᠭᠰᠠᠨᠠᠴᠠ 61.7% ᠪᠣᠯᠭᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠴᠥᠭᠥᠷᠥᠮᠦᠨ ᠣᠷᠣᠨᠤ ᠨᠣᠭᠣᠭᠠᠨ ᠬᠠᠯᠬᠠᠪᠴᠢᠶᠢ ᠠᠩᠬᠠ ᠠᠯᠬᠤᠮ ᠪᠦᠷᠢᠯᠳᠦᠭᠦᠯᠵᠡᠢ᠃
ᠨᠣᠭᠣᠭᠠᠨ ᠥᠩᠭᠡᠪᠡᠷ ᠠᠯᠲᠠ ᠪᠣᠯᠭᠠᠵᠤ ᠠᠵᠤ ᠦᠢᠯᠡᠰᠦᠨ ᠬᠡᠯᠪᠡᠷᠢᠪᠡᠨ ᠬᠤᠪᠢᠷᠠᠭᠤᠯᠤᠨ ᠳᠡᠰ ᠳᠡᠪᠰᠢᠭᠦᠯᠬᠦᠶᠢ ᠪᠡᠶᠡᠯᠡᠭᠦᠯᠪᠡ
《 ᠵᠢᠯ ᠪᠦᠷᠢᠶᠢᠨ ᠳᠣᠯᠣᠭᠠ ᠨᠠᠢ᠍ᠮᠠᠨ ᠰᠠᠷᠠᠳᠤ ᠂ ᠪᠦᠬᠦ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠤᠨ ᠬᠤᠳᠠᠯᠳᠤᠭᠠᠴᠢᠨ ᠪᠦᠷ ᠡᠨᠳᠡ ᠢᠷᠡᠵᠦ ᠭᠦᠢᠯᠡᠰᠦ ᠬᠤᠳᠠᠯᠳᠤᠨ ᠠᠪᠲᠠᠭ ᠪᠣᠯᠬᠣᠷ ᠂ ᠮᠠᠨᠤ ᠰᠢ ᠴᠤᠸᠠᠨᠤ ᠬᠦᠢᠯᠡᠰᠦ ᠤᠯᠠᠮᠠᠴᠠ ᠤᠯᠠᠮ ᠨᠡᠷᠡ ᠠᠯᠳᠠᠷᠰᠢᠵᠤ ᠪᠠᠢᠨᠠ ！ 》 ᠬᠠᠭᠤᠴᠢᠨ ᠬᠣᠲᠠ ᠪᠠᠯᠭᠠᠰᠤᠶᠢᠨ ᠶᠧ ᠭᠧᠦ ᠲᠣᠰᠬᠣᠨᠳᠤ᠂ ᠲᠠᠷᠢᠮᠠᠯᠤᠨ ᠲᠣᠮᠣ᠌ ᠡᠷᠦᠬᠡ ᠴᠧᠨ ᠹᠧᠩ ᠰᠠᠶᠢᠬᠠᠨ ᠨᠢᠭᠡ ᠲᠡᠷᠭᠡ ᠬᠦᠢᠯᠡᠰᠦ ᠠᠴᠢᠵᠤ ᠱᠠᠩᠬᠠᠢ ᠵᠦᠭ ᠭᠤᠪᠢᠭᠤᠯᠬᠤᠪᠠᠷ ᠪᠡᠯᠡᠳᠬᠡᠨᠡ᠃
ᠬᠠᠭᠤᠴᠢᠨ ᠬᠣᠲᠠ ᠪᠠᠯᠭᠠᠰᠤᠶᠢᠨ 21 ᠵᠠᠰᠠᠭ ᠵᠠᠬᠢᠷᠭᠠᠨᠤ ᠲᠣᠰᠬᠣᠨ ᠪᠦᠷᠢ ᠬᠥᠮᠥᠷᠭᠡ ᠲᠠᠢ ᠪᠠᠢᠵᠤ᠂ ᠠᠢᠯ ᠪᠣᠯᠭᠠᠨ ᠮᠥᠷᠡᠨ ᠳᠠᠭᠠᠤ ᠰᠠᠭᠤᠷᠢᠰᠢᠨᠠ ᠃ 2016 ᠣᠨᠠᠴᠠ ᠨᠠᠭᠠᠰᠢ᠂ ᠲᠤᠰ ᠪᠠᠯᠭᠠᠰᠤ ᠭᠠᠩ ᠬᠠᠭᠰᠠᠷᠠᠭᠠᠨᠳᠤ ᠳᠠᠭᠠᠭᠠᠮᠠᠭᠠᠢ᠂ ᠲᠠᠴᠢᠷ ᠮᠠᠭᠤᠬᠠᠢ ᠬᠦᠢᠯᠡᠰᠦ ᠤᠯᠢᠶᠠᠰᠤᠨᠤ ᠠᠵᠤ ᠦᠢᠯᠡᠰᠢ ᠶᠡᠬᠡᠪᠡᠷ ᠬᠥᠭᠵᠢᠭᠦᠯᠵᠦ᠂ ᠠᠮᠢ ᠠᠬᠤᠢᠶᠢᠨ ᠤᠯᠠᠭᠠᠨ ᠱᠤᠭᠤᠮᠢ ᠴᠢᠩᠭᠠ ᠰᠠᠬᠢᠬᠤᠶᠢᠨ ᠬᠠᠮᠲᠤ ᠤᠯᠠᠨ ᠲᠦᠮᠡᠨᠢ ᠳᠠᠭᠠᠭᠤᠯᠤᠨ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠵᠠᠢ᠃
ᠨᠣᠭᠣᠭᠠᠨ ᠥᠩᠭᠡᠪᠡᠷ 《 ᠠᠯᠲᠠ 》 ᠪᠣᠯᠭᠠᠵᠤ ᠂ ᠠᠮᠢ ᠠᠬᠤᠢᠪᠠᠷ ᠠᠷᠠᠳᠢ ᠪᠠᠶᠠᠵᠢᠭᠤᠯᠤᠨᠠ ᠃ ᠬᠠᠭᠤᠴᠢᠨ ᠬᠣᠲᠠ ᠪᠠᠯᠭᠠᠰᠤᠶᠢᠨ ᠬᠦᠢᠯᠡᠰᠦ ᠰᠢᠷᠢᠶᠢᠨ ᠠᠵᠤ ᠦᠢᠯᠡᠰ ᠪᠣᠯ ᠰᠢ ᠴᠤᠸᠠᠨ ᠰᠢᠶᠠᠨᠤ ᠠᠮᠢ ᠠᠬᠤᠢᠶᠢᠨ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢᠨ ᠬᠤᠷᠢᠶᠠᠩᠭᠤᠢ ᠳᠦᠷᠰᠦ ᠪᠣᠯᠣᠨᠠ᠃ ᠣᠢᠷᠠᠶᠢᠨ ᠵᠢᠯᠡᠴᠡ ᠰᠢ ᠴᠤᠸᠠᠨ ᠰᠢᠶᠠᠨ ᠠᠮᠢ ᠠᠬᠤᠢᠶᠢᠨ ᠤᠢ ᠵᠢᠮᠢᠰᠦᠨ ᠠᠵᠤ ᠦᠢᠯᠡᠰᠢ ᠶᠡᠬᠡᠪᠡᠷ ᠬᠥᠭᠵᠢᠭᠦᠯᠵᠦ᠂ ᠤᠷᠢᠳ ᠬᠣᠵᠢᠳ ᠡᠯᠡ ᠲᠦᠷᠦᠯᠦᠨ ᠪᠡᠯᠡ ᠮᠥᠩᠭᠥᠶᠢ 12.8 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭ ᠨᠡᠢᠳᠬᠡᠵᠦ᠂ ᠵᠦᠷᠵᠢ᠂ ᠢᠩᠲᠣᠣᠷ᠂ ᠬᠦᠢᠯᠡᠰᠦ ᠵᠡᠷᠭᠡ ᠣᠨᠴᠠᠯᠢᠭ᠍ᠲᠤ ᠤᠢ ᠵᠢᠮᠢᠰᠢ 23 ᠲᠦᠮᠡᠨ ᠮᠦ᠍ ᠬᠥᠭᠵᠢᠭᠦᠯᠵᠦ᠂ ᠠᠮᠢ ᠠᠬᠤᠢᠶᠢᠨ ᠤᠢ ᠵᠢᠮᠢᠰᠦᠨ ᠠᠵᠤ ᠦᠢᠯᠡᠰᠢᠶᠡᠷ ᠴᠥᠭᠥᠷᠥᠮᠦᠨ ᠣᠷᠣᠨᠤ 10 ᠲᠦᠮᠡᠨ ᠤᠯᠠᠨ ᠲᠦᠮᠡᠨᠢ ᠲᠠᠢ᠍ᠢᠴᠢᠯᠠᠨ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠵᠠᠢ᠃
ᠵᠢᠦ ᠵᠦᠩ ᠪᠠᠯᠭᠠᠰᠤᠨᠤ ᠲᠠᠩ ᠸᠠᠩ ᠴᠢᠶᠣᠤ ᠲᠣᠰᠬᠣᠨᠳᠤ ᠬᠦᠷᠬᠦᠳᠦ᠂ ᠬᠥᠬᠡ ᠲᠡᠭᠷᠢ ᠴᠠᠭᠠᠨ ᠡᠭᠦᠯᠡᠨᠦ ᠳᠣᠣᠷᠠ᠂ ᠲᠦᠮᠡᠨ ᠮᠦ᠍ ᠠᠯᠳᠠ ᠮᠥᠩᠭᠥᠨ ᠴᠡᠴᠡᠭ ᠠᠭᠤᠯᠠ ᠲᠠᠯᠠᠪᠠᠷ ᠲᠥᠭᠡᠨᠡ᠃
《 ᠠᠯᠲᠠ ᠮᠥᠩᠭᠥᠨ ᠴᠡᠴᠡᠭᠦᠨ ᠦᠨᠳᠦᠰᠦᠶᠢᠨ ᠰᠢᠰᠲᠧᠮ ᠬᠥᠭᠵᠢᠵᠦ ᠂ ᠤᠰᠤᠶᠢ ᠬᠠᠮᠠᠭᠠᠯᠠᠨ ᠬᠥᠷᠥᠰᠥᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠦᠢᠯᠡᠳᠦᠯᠲᠠᠢ ᠂ ᠪᠣᠬᠢᠷᠲᠤᠯ ᠭᠠᠷᠭᠠᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠪᠠᠰᠠ ᠣᠯᠠᠨ ᠲᠦᠮᠡᠨᠦ ᠣᠷᠣᠯᠭᠠᠶᠢ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠬᠤᠳᠤ ᠲᠤᠰᠠ ᠪᠣᠯᠳᠠᠭ ᠃ 》 ᠲᠠᠩ ᠸᠠᠩ ᠴᠢᠶᠣᠤ ᠲᠣᠰᠬᠣᠨᠤ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ ᠭᠤᠤ ᠱᠧᠨ ᠪᠦᠦᠶᠢᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨᠢᠶᠠᠷ᠂ ᠲᠤᠰ ᠲᠣᠰᠬᠣᠨᠤ ᠬᠢᠨ ᠹᠦ ᠰᠧᠨ ᠪᠦᠯᠦᠭᠯᠡᠯᠦᠨ ᠬᠢᠲᠠᠳ ᠡᠮᠦᠨ ᠮᠠᠲᠧᠷᠢᠶᠠᠯ ᠳᠠᠷᠢᠵᠤ ᠨᠡᠭᠡᠭᠡᠨ ᠬᠥᠭᠵᠢᠭᠦᠯᠬᠦ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶᠢ ᠣᠷᠣᠭᠤᠯᠤᠨ ᠠᠪᠴᠢᠷᠠᠵᠤ᠂ 《 ᠺᠣᠮᠫᠠᠨᠢ + ᠰᠠᠭᠤᠷᠢᠨ ᠭᠠᠵᠠᠷ + ᠲᠠᠷᠢᠶᠠᠴᠢᠨ ᠡᠷᠦᠬᠡ 》 ᠵᠢᠨ ᠵᠠᠭᠪᠤᠷᠢ ᠬᠡᠷᠡᠭᠯᠡᠵᠦ᠂ ᠵᠢᠯᠦᠨ ᠦᠢᠯᠡᠳᠬᠦᠨᠦ ᠦᠷᠳᠡᠭ ᠨᠢ 3 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠡᠴᠡ ᠳᠡᠭᠡᠭᠰᠢ ᠲᠤᠯᠵᠤ᠂ ᠠᠯᠳᠠ ᠮᠥᠩᠭᠥᠨ ᠴᠡᠴᠡᠭᠢ ᠤᠯᠠᠨ ᠲᠦᠮᠡᠨ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠵᠦ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠬᠦ 《 ᠠᠯᠳᠠᠨ ᠴᠡᠴᠡᠭ 》 ᠪᠣᠯᠭᠠᠵᠠᠢ᠃
ᠣᠢᠷᠠᠶᠢᠨ ᠵᠢᠯᠡᠴᠡ ᠨᠠᠭᠠᠰᠢ ᠂ ᠰᠢ ᠴᠤᠸᠠᠨ ᠰᠢᠶᠠᠨ ᠬᠢᠲᠠᠳ ᠡᠮᠦᠨ ᠮᠠᠲᠧᠷᠢᠶᠠᠯᠤᠨ ᠲᠥᠷᠥᠯ ᠵᠦᠢᠯᠦᠨ ᠪᠠᠢᠷᠢᠰᠢᠭᠤᠯᠤᠯᠲᠠᠶᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠢᠯᠢᠳᠡᠭᠵᠢᠭᠦᠯᠵᠦ ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢᠪᠠᠷ ᠴᠢᠬᠢ ᠪᠣᠢᠵᠢᠭᠤᠯᠬᠤ ᠂ ᠪᠠᠷᠢᠮᠵᠢᠶᠠᠵᠢᠭᠤᠯᠤᠨ ᠳᠠᠷᠢᠬᠤ ᠂ ᠬᠡᠪᠴᠢᠶᠡᠵᠢᠭᠦᠯᠦᠨ ᠬᠥᠮᠥᠷᠭᠡᠯᠡᠨ ᠬᠠᠳᠠᠭᠠᠯᠠᠬᠤ ᠂ ᠵᠠᠬᠢᠶᠠᠯᠠᠭᠠᠪᠠᠷ ᠬᠤᠳᠠᠯᠳᠤᠨ ᠠᠪᠬᠤ ᠪᠥᠬᠥ ᠬᠡᠯᠬᠢᠶᠡᠲᠦ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢᠨ ᠪᠠᠢᠷᠢᠰᠢᠯᠢ ᠠᠩᠬᠠ ᠠᠯᠬᠤᠮ ᠪᠦᠷᠢᠯᠳᠦᠭᠦᠯᠪᠡ ᠃ ᠣᠳᠣᠬᠠᠨᠳᠤ ᠂ ᠲᠣᠰ ᠰᠢᠶᠠᠨᠤ ᠬᠢᠲᠠᠳ ᠡᠮᠦᠨ ᠮᠠᠲᠧᠷᠢᠶᠠᠯᠤᠨ ᠲᠠᠷᠢᠮᠠᠯᠤᠨ ᠲᠥᠷᠥᠯ ᠵᠦᠢᠯ 60 ᠭᠠᠷᠤᠢ ᠪᠠᠢᠵᠤ ᠂ ᠠᠯᠲᠠ ᠮᠥᠩᠭᠥᠨ ᠴᠡᠴᠡᠭ᠂ ᠪᠣᠷᠴᠠ ᠡᠪᠡᠰᠦ᠂ ᠠᠩᠬᠢᠯ ᠪᠤᠳᠠ ᠵᠡᠷᠭᠡ 40 ᠭᠠᠷᠤᠢ ᠬᠢᠲᠠᠳ ᠡᠮᠦᠨ ᠮᠠᠲᠧᠷᠢᠶᠠᠯᠢ ᠲᠥᠪᠯᠡᠷᠡᠭᠦᠯᠦᠨ ᠵᠠᠯᠭᠠᠯᠳᠤᠭᠤᠯᠤᠨ ᠬᠥᠭᠵᠢᠭᠦᠯᠵᠦ ᠂ ᠳᠠᠷᠢᠬᠤ ᠲᠠᠯᠠᠪᠠᠶ ᠨᠢ 14.7 ᠲᠦᠮᠡᠨ ᠮᠦ᠍ᠳᠦ ᠬᠦᠷᠴᠦ ᠂ ᠬᠢᠲᠠᠳ ᠡᠮᠦᠨ ᠮᠠᠲᠧᠷᠢᠶᠠᠯᠤᠨ ᠲᠠᠷᠢᠮᠠᠯᠤᠨ ᠠᠵᠤ ᠠᠬᠤᠢᠯᠠᠯ ᠂ ᠬᠣᠷᠰᠢᠶᠠ ᠂ ᠲᠣᠮᠣ᠌ ᠡᠷᠦᠬᠡ ᠵᠡᠷᠭᠡᠶᠢᠨ ᠡᠵᠡᠩᠨᠡᠯᠲᠡᠶᠢᠨ ᠪᠣᠳᠠᠲᠤ ᠴᠣᠭᠴᠠᠶᠢ 80 ᠭᠠᠷᠤᠢ ᠪᠣᠢᠵᠢᠭᠤᠯᠵᠤ ᠂ 3 ᠲᠦᠮᠡ ᠰᠢᠬᠠᠮ ᠲᠠᠷᠢᠶᠠᠴᠢᠨ ᠡᠷᠦᠬᠡ ᠬᠢᠲᠠᠳ ᠡᠮᠦᠨ ᠮᠠᠲᠧᠷᠢᠶᠠᠯᠤᠨ ᠲᠠᠷᠢᠮᠠᠯᠤᠨ ᠬᠥᠭᠵᠢᠯᠲᠡᠳᠦ ᠣᠷᠣᠯᠴᠠᠵᠤ ᠂ ᠡᠷᠦᠬᠡ ᠪᠦᠷᠢᠶᠢᠨ ᠳᠤᠮᠳᠠᠴᠢ ᠣᠷᠣᠯᠭᠠ ᠨᠢ 6000 ᠲᠥᠭᠥᠷᠢᠭᠡᠴᠡ ᠳᠡᠭᠡᠭᠰᠢ ᠪᠣᠯᠵᠠᠢ ᠃
ᠠᠮᠢ ᠠᠬᠤᠢᠪᠠᠷ ᠠᠷᠠᠳᠲᠤ ᠠᠰᠢᠭ᠋ ᠬᠦᠷᠲᠡᠭᠡᠵᠦ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠨᠡᠷᠡᠶᠢᠨ ᠬᠠᠭᠤᠳᠠᠰᠤᠶᠢ ᠪᠢᠴᠢᠭᠯᠡᠨᠡ
《 ᠡᠨᠳᠡᠬᠢᠶᠢ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢᠪᠡᠷ ᠨᠡᠭᠡᠭᠡᠬᠦ ᠪᠥᠭᠡᠳ ᠤᠰᠤᠨᠤ ᠴᠢᠨᠠᠷ ᠨᠢ ᠴᠦ᠍ ᠴᠡᠪᠡᠷ ᠲᠤᠩᠭᠠᠯᠠᠭ᠂ ᠪᠠᠰᠠ ᠠᠮᠤᠷ ᠲᠦᠪᠰᠢᠨᠦ ᠠᠵᠢᠯᠲᠠᠨ ᠲᠣᠬᠢᠷᠠᠭᠤᠯᠵᠠᠢ ᠂ ᠵᠤᠨᠤ ᠠᠮᠠᠷᠠᠯᠲᠠᠳᠤ ᠬᠡᠦᠬᠡᠳᠢᠶᠡᠨ ᠳᠠᠭᠠᠭᠤᠯᠵᠤ ᠵᠤᠭᠠᠴᠠᠬᠤ ᠰᠠᠢᠨ ᠭᠠᠵᠠᠷ ᠮᠥᠨ ！ 》 ᠰᠢ ᠴᠤᠸᠠᠨᠤ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠦᠨ ᠭᠠᠳᠠᠨᠠᠬᠢ ᠤᠮᠪᠠᠯᠲᠠᠶᠢᠨ ᠲᠠᠯᠠᠪᠠᠢᠳᠤ᠂ ᠵᠤᠭᠠᠴᠠᠭ᠍ᠴᠢ ᠵᠧᠦ ᠯᠠᠨ ᠬᠡᠦᠬᠡᠳᠢᠶᠡᠨ ᠳᠠᠭᠠᠭᠤᠯᠤᠨ ᠤᠰᠤᠨᠳᠤ ᠨᠠᠭᠠᠳᠴᠤ ᠪᠠᠢᠯᠠ᠃
ᠳ᠋ᠠᠨᠵᠢᠶᠠᠩ ᠮᠥᠷᠡᠨᠦ ᠨᠤᠭᠤ ᠭᠠᠵᠠᠷ᠂ ᠹᠦ ᠨᠢᠦ ᠱᠠᠨ ᠠᠭᠤᠯᠠᠨᠤ ᠦᠯᠡᠳᠡᠭᠳᠡᠯ ᠨᠢᠷᠤᠭᠤ ᠵᠡᠷᠭᠡ ᠴᠢᠨᠠᠷ ᠰᠠᠢᠲᠠᠢ ᠠᠮᠢ ᠠᠬᠤᠢᠶᠢᠨ ᠡᠬᠢ ᠪᠠᠶᠠᠯᠢᠭ᠋ᠢᠶᠠᠷ ᠬᠦᠷᠢᠶᠡᠯᠡᠭᠳᠡᠵᠦ᠂ ᠰᠢ ᠴᠤᠸᠠᠨᠤ ᠵᠤᠨᠤ ᠤᠯᠠᠷᠢᠯᠤᠨ ᠠᠭᠤᠷ ᠠᠮᠢᠰᠬᠤᠯ ᠰᠡᠷᠢᠭᠦᠨ ᠲᠠᠭᠠᠯᠠᠮᠵᠢᠲᠠᠢ᠂ ᠵᠤᠰᠠᠯᠠᠩᠤᠨ ᠵᠤᠭᠠᠴᠠᠯᠢ ᠬᠥᠭᠵᠢᠭᠦᠯᠬᠦ ᠳᠠᠪᠠᠭᠤᠯᠢᠭ᠋ᠢᠶᠠᠷ ᠤᠯᠠᠨᠠᠴᠠ ᠣᠨᠴᠠᠭᠠᠢ ᠪᠠᠢᠳᠠᠭ᠃ ᠣᠢᠷᠠᠶᠢᠨ ᠵᠢᠯᠡᠴᠡ᠂ ᠲᠤᠰ ᠰᠢᠶᠠᠨᠤ ᠬᠢᠨ ᠤᠢ ᠰᠢᠭᠤᠢᠶᠢ ᠨᠣᠭᠣᠭᠠᠷᠠᠭᠤᠯᠵᠤ ᠦᠵᠡᠮᠵᠢᠶᠢ ᠪᠦᠲᠦᠭᠡᠬᠦ᠂ ᠱᠠᠲᠤ ᠲᠠᠪᠰᠢᠨ ᠲᠡᠰ ᠳᠡᠪᠰᠢᠭᠦᠯᠬᠦᠶᠢ ᠬᠡᠷᠡᠭᠵᠢᠭᠦᠯᠵᠦ᠂ ᠤᠢ ᠰᠢᠭᠤᠢᠶᠢᠨ ᠵᠤᠭᠠᠴᠠᠯᠢ ᠠᠭᠤᠰᠤᠯᠴᠠᠭᠤᠯᠬᠤ ᠵᠠᠭᠪᠤᠷᠢ ᠰᠦᠪᠡᠭᠴᠢᠯᠡᠵᠦ᠂ ᠭᠣᠣᠯᠳᠠᠯᠭᠠᠲᠠᠢ ᠰᠢᠶᠠᠩ ᠪᠠᠯᠭᠠᠰᠤᠶᠢᠨ 《 ᠤᠢ ᠰᠢᠭᠤᠢᠶᠢᠨ ᠵᠤᠭᠠᠴᠠᠯᠢ ᠠᠭᠤᠰᠤᠯᠴᠠᠭᠤᠯᠬᠤ 》 ᠵᠠᠭᠪᠤᠷᠢ ᠡᠭᠦᠳᠬᠦᠶᠢ ᠳᠡᠮᠵᠢᠪᠡ᠃
ᠮᠠ ᠳ᠋ᠧᠩ ᠪᠠᠯᠭᠠᠰᠤᠨᠳᠤ᠂ 10 ᠺᠢᠯᠣᠮᠧᠲᠷ ᠤᠷᠳᠤ 《 ᠰᠣᠯᠣᠩᠭᠠᠨ ᠵᠠᠮ 》 ᠬᠥᠮᠥᠰᠦᠨ ᠠᠩᠬᠠᠷᠤᠯᠢ ᠲᠠᠲᠠᠵᠤ᠂ ᠵᠠᠮᠤᠨ ᠬᠣᠶᠠᠷ ᠲᠠᠯᠠᠪᠠᠷ ᠮᠥᠷᠡᠨ ᠳᠠᠭᠠᠤᠶᠢᠨ ᠤᠷᠳᠤ ᠬᠣᠩᠭᠢᠯ᠂ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠤᠭᠠᠴᠠᠯ ᠭᠠᠵᠠᠷ ᠲᠦᠭᠡᠵᠦ ᠪᠤᠢ； ᠲᠣᠭᠣᠷᠢᠨ ᠦᠵᠡᠬᠦ ᠲᠣᠮᠣ᠌ ᠰᠠᠭᠤᠳᠠᠯᠤᠨ ᠮᠠᠰᠢᠨᠨᠤᠭᠤᠳ ᠵᠠᠯᠭᠠ ᠵᠠᠯᠭᠠᠭᠠᠪᠠᠷ ᠴᠤᠪᠤᠷᠠᠯᠳᠤᠨ ᠦᠷᠬᠦᠯᠵᠢᠯᠡᠵᠦ ᠪᠠᠢᠯᠠ ᠁
《 ᠡᠨᠡ ᠬᠦ᠌ ᠵᠤᠭᠠᠴᠠᠯᠤᠨ ᠲᠤᠰᠬᠠᠢ ᠱᠤᠭᠤᠮ ᠨᠢ ᠳ᠋ᠠᠨᠵᠢᠶᠠᠩᠤᠨ ᠳᠠ ᠭᠤᠸᠠᠨ ᠶᠤᠸᠠᠨ᠂ ᠪᠠ ᠰᠢᠶᠠᠨ ᠳ᠋ᠦᠩ ᠵᠡᠷᠭᠡ ᠦᠵᠡᠮᠵᠢᠶᠢᠨ ᠣᠷᠣᠨᠢ ᠰᠦ ᠵᠤᠸᠠᠩ ᠲᠣᠰᠬᠣᠨ᠂ ᠱᠢ ᠴᠢᠶᠣᠤ ᠲᠣᠰᠬᠣᠨ ᠵᠡᠷᠭᠡ ᠬᠥᠳᠡᠭᠡ ᠲᠣᠰᠬᠣᠨᠲᠠᠢ ᠬᠣᠯᠪᠣᠨ ᠵᠤᠭᠠᠴᠠᠭᠤᠯᠤᠭᠰᠠᠨᠠᠴᠠ ᠭᠤᠶᠤ ᠮᠥᠷᠲᠡᠭᠡᠨ ᠲᠦᠭᠦᠮ ᠪᠠᠢᠳᠠᠭ᠃ 》 ᠡᠳᠦᠭᠡ᠂ ᠡᠯᠪᠡᠭ ᠪᠠᠶᠠᠯᠢᠭ᠋ ᠵᠤᠭᠠᠴᠠᠯᠤᠨ ᠡᠬᠢ ᠪᠠᠶᠠᠯᠢᠭ᠋ᠲᠤ ᠲᠦᠰᠢᠭᠯᠡᠨ᠂ ᠮᠠ ᠳ᠋ᠧᠩ ᠪᠠᠯᠭᠠᠰᠤᠨᠤ 108 ᠡᠷᠦᠬᠡ ᠲᠣᠰᠬᠣᠨᠤ ᠠᠷᠠᠳ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠤᠭᠠᠴᠠᠯᠢ ᠡᠷᠬᠢᠯᠡᠵᠦ᠂ ᠡᠷᠦᠬᠡ ᠪᠦᠷᠢᠶᠢᠨ ᠵᠢᠯᠦᠨ ᠳᠤᠮᠳᠠᠴᠢ ᠣᠷᠣᠯᠭᠠ ᠨᠢ 10 ᠲᠦᠮᠡᠨ ᠲᠥᠭᠥᠷᠢᠭᠡᠴᠡ ᠳᠡᠭᠡᠭᠰᠢ ᠪᠣᠯᠪᠠ᠃
ᠡᠭᠦᠨᠦ ᠬᠠᠮᠲᠤ᠂ ᠰᠢ ᠴᠤᠸᠠᠨ ᠰᠢᠶᠠᠨ 《 ᠵᠤᠭᠠᠴᠠᠯ + ᠂ + ᠵᠤᠭᠠᠴᠠᠯ 》ᠢ ᠬᠡᠷᠡᠭᠵᠢᠭᠦᠯᠵᠦ᠂ ᠤᠯᠠᠨ ᠡᠵᠡᠩᠨᠡᠯᠲᠡᠶᠢᠨ ᠬᠡᠯᠪᠡᠷᠢ ᠪᠠᠢᠳᠠᠯᠢ ᠠᠭᠤᠰᠤᠯᠴᠠᠭᠤᠯᠬᠤᠪᠠᠷ ᠰᠣᠶᠣᠯ ᠵᠤᠭᠠᠴᠠᠯᠤᠨ ᠦᠢᠯᠡᠰ ᠪᠠ ᠰᠣᠶᠣᠯᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠦᠢᠯᠡᠰᠢ ᠬᠥᠭᠵᠢᠭᠡᠵᠦ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢ ᠡᠭᠦᠳᠴᠡᠢ᠃ ᠠᠷᠠᠳᠤᠨ ᠣᠷᠣᠨ ᠰᠠᠭᠤᠴᠠᠶᠢᠨ ᠵᠤᠭᠠᠴᠠᠯᠢ ᠨᠠᠷᠢᠯᠢᠭ᠋ ᠬᠢᠵᠦ ᠂ ᠦᠵᠡᠮᠵᠢᠶᠢᠨ ᠣᠷᠣᠨ ᠂ ᠴᠥᠭᠥᠷᠥᠮᠦᠨ ᠣᠷᠣᠨ ᠵᠡᠷᠭᠡ ᠣᠨᠴᠠᠯᠢᠭ᠍ᠲᠤ ᠠᠷᠠᠳᠤᠨ ᠣᠷᠣᠨ ᠰᠠᠭᠤᠴᠠᠶᠢᠨ ᠪᠦᠯᠦᠭᠵᠢᠯᠢ ᠪᠣᠶ ᠪᠣᠯᠭᠠᠵᠤ ᠂ ᠠᠷᠠᠳᠤᠨ ᠣᠷᠣᠨ ᠰᠠᠭᠤᠴᠠᠶᠢᠨ ᠠᠵᠤ ᠠᠬᠤᠢᠶᠢ ᠰᠢᠨᠡ ᠨᠡᠮᠡᠭᠳᠡᠯᠦᠨ ᠴᠡᠭ ᠪᠣᠯᠭᠠᠪᠠ ᠃ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠢᠭᠤᠯᠴᠢᠯᠠᠯᠢ ᠰᠠᠢᠲᠤᠷ ᠬᠢᠵᠦ᠂ ᠡᠮᠦᠨᠡᠲᠦᠶᠢᠨ ᠤᠰᠤᠶᠢ ᠤᠮᠠᠷᠠᠰᠢ ᠲᠠᠲᠠᠬᠤ ᠡᠬᠢ ᠰᠤᠷᠪᠤᠯᠵᠢᠶᠢ ᠬᠠᠢᠬᠤ ᠵᠢᠭᠤᠯᠴᠢᠯᠠᠯ᠂ ᠨᠡᠭᠦᠳᠡᠯ ᠠᠷᠠᠳᠤᠨ ᠰᠣᠶᠣᠯᠤᠨ ᠦᠨᠳᠦᠰᠦ ᠰᠤᠷᠪᠤᠯᠵᠢᠶᠢ ᠡᠷᠢᠬᠦ ᠵᠢᠭᠤᠯᠴᠢᠯᠠᠯ ᠵᠡᠷᠭᠡ ᠭᠣᠣᠯ ᠰᠡᠳᠦᠪᠲᠦ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮᠢ ᠭᠠᠷᠭᠠᠵᠤ᠂ ᠳ᠋ᠠᠨᠵᠢᠶᠠᠩᠤᠨ ᠨᠡᠭᠦᠳᠡᠯ ᠠᠷᠠᠳᠤᠨ ᠵᠠᠩ ᠦᠢᠯᠡᠶᠢᠨ ᠮᠦᠽᠧᠢ ᠵᠡᠷᠭᠡ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠰᠠᠭᠤᠷᠢᠨ ᠭᠠᠵᠠᠷᠢ 9 ᠪᠠᠢᠭᠤᠯᠵᠤ᠂ ᠵᠢᠯᠳᠦ 30 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢᠨ ᠵᠣᠴᠢᠳᠢ ᠬᠦᠯᠢᠶᠡᠨ ᠠᠪᠴᠤ ᠪᠠᠢᠨᠠ᠃ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠤᠭᠠᠴᠠᠯᠢ ᠠᠮᠢᠳᠤᠯᠢᠭ᠋ᠢᠶᠠᠷ ᠬᠢᠵᠦ᠂ ᠳ᠋ᠠᠨᠵᠢᠶᠠᠩᠤᠨ ᠵᠢᠭᠠᠰᠤᠨ ᠳᠠᠶ᠋ᠢᠯᠠᠯᠭᠠ ᠪᠣᠯᠣᠨ ᠵᠢᠩ ᠽᠢ ᠭᠤᠸᠠᠨ ᠪᠣᠭᠣᠮᠲᠠᠶᠢᠨ ᠨᠠᠢ᠍ᠮᠠᠨ ᠲᠣᠮᠣ᠌ ᠬᠡᠷᠡᠭᠰᠡᠯᠢᠶᠡᠷ ᠭᠣᠣᠯᠳᠠᠯᠭᠠ ᠪᠣᠯᠭᠠᠨ᠂ ᠢ ᠾᠧᠦ ᠵᠡᠭᠡᠯᠢ ᠪᠣᠯᠣᠨ ᠵᠢᠩ ᠽᠢ ᠭᠤᠸᠠᠨ ᠪᠣᠭᠣᠮᠲᠠᠶᠢᠨ ᠮᠢᠩ ᠴᠢᠩ ᠵᠡᠭᠡᠯᠢ ᠵᠡᠷᠭᠡ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ ᠲᠣᠭᠣᠷᠢᠭ᠋ᠢ ᠪᠠᠢᠭᠤᠯᠪᠠ᠃
ᠤᠯᠠᠨᠤ ᠠᠩᠬᠠᠷᠤᠯᠢ ᠲᠠᠲᠠᠭᠰᠠᠨ ᠲᠣᠭᠠ ᠪᠠᠷᠢᠮᠲᠠᠨᠤᠭᠤᠳ ᠨᠢ ᠰᠢ ᠴᠤᠸᠠᠨᠤ ᠰᠣᠶᠣᠯᠤᠨ ᠵᠤᠭᠠᠴᠠᠯᠤᠨ ᠬᠥᠭᠵᠢᠯᠲᠡᠶᠢᠨ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠠᠯᠬᠤᠭᠠᠶᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠄ ᠪᠦᠬᠦ ᠰᠢᠶᠠᠨᠢᠶᠠᠷᠢᠶᠠᠨ 3A ᠳᠡᠰᠠᠴᠠ ᠳᠡᠭᠡᠭᠰᠢᠬᠢ 6 ᠦᠵᠡᠮᠵᠢᠶᠢᠨ ᠣᠷᠣᠨ᠂ ᠤᠯᠤᠰᠤᠨ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠤᠭᠠᠴᠠᠯᠤᠨ ᠭᠣᠣᠯᠳᠠᠯᠭᠠᠲᠠᠢ ᠲᠣᠰᠬᠣᠨ᠂ ᠮᠤᠵᠢᠶᠢᠨ ᠲᠡᠰᠤᠨ ᠵᠤᠭᠠᠴᠠᠯᠤᠨ ᠠᠮᠠᠷᠠᠯᠲᠠᠶᠢᠨ ᠣᠷᠣᠨᠢ 1 ᠪᠣᠢᠵᠢᠭᠤᠯᠵᠤ᠂ ᠮᠤᠵᠢᠶᠢᠨ ᠲᠡᠰᠤᠨ ᠬᠥᠳᠡᠭᠡ ᠲᠣᠰᠬᠣᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠰᠤᠪᠢᠯᠠᠯᠲᠠᠶᠢᠨ ᠵᠤᠭᠠᠴᠠᠯᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠲᠣᠰᠬᠣᠨᠢ 5᠂ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠤᠭᠠᠴᠠᠯᠤᠨ ᠣᠨᠴᠠᠯᠢᠭ᠍ᠲᠤ ᠲᠣᠰᠬᠣᠨᠢ 36 ᠲᠥᠪᠯᠡᠷᠡᠭᠦᠯᠦᠨ ᠪᠣᠢᠵᠢᠭᠤᠯᠵᠤ᠂ 700 ᠭᠠᠷᠤᠢ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠤᠭᠠᠴᠠᠯᠢ ᠬᠥᠭᠵᠢᠭᠦᠯᠵᠦ᠂ 2 ᠲᠦᠮᠡ ᠭᠠᠷᠤᠢ ᠬᠥᠮᠥᠨᠢ ᠳᠠᠢ᠍ᠢᠴᠢᠯᠠᠨ 《 ᠵᠤᠭᠠᠴᠠᠯᠤᠨ ᠪᠤᠳᠠᠭᠠᠨ ᠠᠶᠠᠭᠠ 》 ᠲᠠᠢ ᠪᠣᠯᠭᠠᠪᠠ᠃ ᠡᠨᠡ ᠵᠢᠯᠦᠨ ᠳᠡᠭᠡᠷᠡ ᠬᠠᠭᠠᠰ ᠵᠢᠯᠳᠦ᠂ ᠪᠦᠬᠦ ᠰᠢᠶᠠᠨᠤ ᠬᠢᠨ 572.5 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢᠨ ᠵᠤᠭᠠᠴᠠᠭᠰᠠᠳᠢ ᠬᠦᠯᠢᠶᠡᠨ ᠠᠪᠴᠤ᠂ ᠵᠤᠭᠠᠴᠠᠯᠤᠨ ᠶᠡᠷᠦᠩᠬᠡᠢ ᠣᠷᠣᠯᠭᠠ 47.8 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠵᠤ᠂ 《 ᠰᠤᠪᠠᠭᠤᠨ ᠡᠬᠢᠨᠦ ᠰᠢ ᠴᠤᠸᠠᠨ᠂ ᠵᠦᠩᠶᠤᠸᠠᠨ ᠣᠷᠣᠨᠳᠤ ᠳᠠᠯᠠᠢᠶᠢ ᠰᠣᠨᠢᠷᠬᠠᠬᠤ》 ᠵᠤᠭᠠᠴᠠᠯᠤᠨ ᠲᠦᠷᠦᠯ ᠲᠡᠮᠳᠡᠭ ᠤᠯᠠᠮᠠᠴᠠ ᠤᠯᠠᠮ ᠳᠠᠭᠤᠷᠢᠰᠴᠤ ᠪᠠᠢᠨᠠ᠃