ᠣᠢᠷᠠᠳᠤ ᠂ ᠲᠠᠷᠢᠶᠠᠯᠠᠩ ᠬᠥᠳᠡᠭᠡ ᠲᠣᠰᠬᠣᠨᠤ ᠶᠠᠮᠤᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠶᠠᠮᠤᠨ ᠂ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨᠤ ᠶᠠᠮᠤᠨ ᠂ ᠵᠠᠮ ᠲᠡᠭᠡᠭᠡᠪᠦᠷᠢᠶᠢᠨ ᠶᠠᠮᠤᠨᠲᠠᠢ ᠬᠠᠮᠲᠤᠷᠠᠨ ᠨᠡᠢᠲᠡᠯᠡᠭᠰᠡᠨ 《 ᠬᠥᠬᠡᠮᠥ᠋ᠷᠡᠨᠦ ᠰᠠᠪᠠ ᠭᠠᠵᠠᠷᠤᠨ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠡᠬᠢ ᠪᠠᠶᠠᠯᠢᠭ᠋ ᠵᠢᠴᠢ ᠠᠮᠢᠳᠤᠷᠠᠯᠤᠨ ᠣᠷᠴᠢᠨᠤ ᠪᠠᠢᠳᠠᠯᠤᠨ ᠠᠯᠪᠠᠨ ᠮᠡᠳᠡᠭᠡ （ 2024 ᠣᠨ ） 》ᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ ᠂ ᠬᠥᠬᠡᠮᠥ᠋ᠷᠡᠨᠦ ᠰᠠᠪᠠ ᠭᠠᠵᠠᠷᠤᠨ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠰᠡᠷᠭᠦᠯᠲᠡᠶᠢᠨ ᠪᠠᠢᠳᠠᠯ ᠶᠡᠷᠦᠩᠬᠡᠢᠳᠡᠭᠡᠨ ᠰᠠᠢᠵᠢᠷᠠᠵᠤ ᠂ ᠪᠦᠷᠢᠨ ᠪᠦᠲᠦᠨ ᠴᠢᠨᠠᠷᠤᠨ ᠵᠢᠭᠠᠯᠲᠠ ᠲᠣᠭᠠ ᠦᠷᠭᠦᠯᠵᠢᠯᠡᠨ ᠳᠡᠭᠡᠭᠰᠢᠯᠡᠵᠦ ᠪᠠᠢᠨᠠ ᠃ ᠬᠥᠬᠡᠮᠥ᠋ᠷᠡᠨᠦ ᠬᠣᠪᠣᠷ ᠴᠤᠬᠠᠭ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠠᠮᠢᠳᠤ ᠪᠣᠳᠠᠰᠤᠨ ᠲᠦᠷᠦᠯᠦᠨ ᠬᠠᠮᠠᠭᠠᠯᠠᠯᠲᠠᠶᠢ ᠦᠷᠭᠦᠯᠵᠢᠯᠡᠨ ᠴᠢᠩᠭᠠᠳᠬᠠᠵᠤ᠂ ᠠᠪᠤᠷᠠᠬᠤ ᠠᠵᠢᠯᠯᠠᠭᠠᠶᠢᠨ ᠠᠷᠭᠠ ᠬᠡᠮᠵᠢᠶᠡᠶᠢᠨ ᠡᠷᠴᠢᠮᠢᠶᠡᠨ ᠴᠢᠩᠭᠠᠷᠠᠭᠤᠯᠬᠤ ᠬᠡᠷᠡᠭᠲᠡᠢ᠃
《 ᠬᠥᠬᠡᠮᠥ᠋ᠷᠡᠨᠦ ᠰᠠᠪᠠ ᠭᠠᠵᠠᠷᠤᠨ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠡᠬᠢ ᠪᠠᠶᠠᠯᠢᠭ᠋ ᠵᠢᠴᠢ ᠠᠮᠢᠳᠤᠷᠠᠯᠤᠨ ᠣᠷᠴᠢᠨᠤ ᠪᠠᠢᠳᠠᠯᠤᠨ ᠠᠯᠪᠠᠨ ᠮᠡᠳᠡᠭᠡ （ 2024 ᠣᠨ ） 》ᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ ᠂ ᠬᠥᠬᠡᠮᠥ᠋ᠷᠡᠨᠦ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠰᠡᠷᠭᠦᠯᠲᠡᠶᠢᠨ ᠪᠠᠢᠳᠠᠯ ᠶᠡᠷᠦᠩᠬᠡᠢᠳᠡᠭᠡᠨ ᠰᠠᠢᠵᠢᠷᠠᠵᠤ ᠂ 2024 ᠣᠨᠳᠤ ᠬᠥᠬᠡᠮᠥ᠋ᠷᠡᠨᠦ ᠭᠣᠣᠯ ᠤᠷᠤᠰᠬᠠᠯᠤᠨ ᠨᠢᠭᠡᠴᠢ ᠡᠬᠢ ᠪᠠᠶᠠᠯᠢᠭ᠋ᠤᠨ ᠬᠡᠮᠵᠢᠶᠡ 2.3 ᠺᠢᠯᠣᠭ᠌ᠷᠠᠮ ᠪᠠᠢᠵᠤ ᠂ 2023 ᠣᠨᠤ ᠬᠢᠡᠴᠡ 9.5% ᠪᠡᠷ ᠳᠡᠭᠡᠭᠰᠢᠯᠡᠵᠡᠢ ； ᠠᠮᠢᠳᠤ ᠪᠣᠳᠠᠰᠤᠨ ᠲᠦᠷᠦᠯᠦᠨ ᠤᠯᠠᠨ ᠶᠠᠩᠵᠤᠲᠤ ᠴᠢᠨᠠᠷᠤᠨ ᠲᠦᠪᠰᠢᠨ ᠲᠣᠭᠲᠠᠭᠤᠨᠢᠶᠠᠷ ᠳᠡᠭᠡᠭᠰᠢᠯᠡᠵᠦ᠂ 2021 ᠣᠨᠠᠴᠠ 2024 ᠣᠨ ᠪᠣᠯᠲᠠᠯᠠ᠂ ᠬᠥᠬᠡᠮᠥ᠋ᠷᠡᠨᠦ ᠰᠠᠪᠠ ᠭᠠᠵᠠᠷᠲᠤ ᠨᠡᠢ᠍ᠢᠲᠡ 344 ᠵᠦᠢᠯᠦᠨ ᠵᠢᠭᠠᠰᠤᠨᠤ ᠲᠦᠷᠦᠯᠢ ᠬᠢᠨᠠᠨ ᠬᠡᠮᠵᠢᠵᠦ᠂ ᠲᠦᠷᠦᠯ ᠵᠦᠢᠯᠦᠨ ᠲᠣᠭᠠ ᠨᠢ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠴᠠᠭᠠᠵᠠᠯᠠᠬᠤᠠᠴᠠ ᠡᠮᠦᠨᠡᠬᠢ （ 2017 ᠣᠨᠠᠴᠠ 2020 ᠣᠨ ᠪᠣᠯᠲᠠᠯᠠ ） ᠡᠴᠡ 36 ᠵᠦᠢᠯ ᠨᠡᠮᠡᠭᠳᠡᠪᠡ； ᠣᠷᠣᠩᠨᠠᠬᠤ ᠠᠮᠢᠳᠤᠷᠠᠯᠤᠨ ᠣᠷᠴᠢᠨ ᠶᠡᠷᠦᠩᠬᠡᠢᠳᠡᠭᠡᠨ ᠲᠣᠭᠲᠠᠭᠤᠨ ᠪᠠᠢᠵᠤ ᠂ 2024 ᠣᠨᠳᠤ ᠂ ᠬᠥᠬᠡᠮᠥ᠋ᠷᠡᠨᠦ ᠭᠣᠣᠯ ᠰᠠᠯᠪᠤᠷᠢ ᠤᠷᠤᠰᠬᠠᠯᠤᠨ ᠤᠰᠤᠨᠤ ᠴᠢᠨᠠᠷᠤᠨ ᠦᠨᠡᠯᠡᠯᠲᠡ ᠶᠡᠷᠦᠩᠬᠡᠢᠳᠡᠭᠡᠨ ᠰᠢᠯᠢᠳᠡᠭ ᠪᠠᠢᠵᠤ ᠂ Ⅰ ︱ Ⅲ ᠲᠥᠷᠥᠯᠦᠨ ᠤᠰᠤᠨᠤ ᠴᠢᠨᠠᠷᠤᠨ ᠣᠭᠲᠣᠯᠣᠭᠠᠰᠤ 98.6% ᠶ᠋ᠢ ᠡᠵᠡᠯᠡᠵᠦ ᠂ 2023 ᠣᠨᠤ ᠬᠢᠡᠴᠡ 0.1 ᠵᠠᠭᠤᠨᠤ ᠨᠢᠭᠡᠴᠢ ᠳᠡᠭᠡᠭᠰᠢᠯᠡᠵᠡᠢ ᠃ ᠬᠥᠬᠡᠮᠥ᠋ᠷᠡᠨᠦ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠴᠠᠭᠠᠵᠠᠯᠠᠭᠰᠠᠨᠤ ᠳᠠᠷᠠᠭᠠᠬᠢ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠡᠬᠢ ᠪᠠᠶᠠᠯᠢᠭ᠋ ᠵᠢᠴᠢ ᠠᠮᠢᠳᠤᠷᠠᠯᠤᠨ ᠣᠷᠴᠢᠨᠤ ᠰᠡᠷᠭᠦᠯᠲᠡᠶᠢᠨ ᠦᠷᠡ ᠪᠦᠲᠦᠮᠵᠢᠳᠦ ᠴᠢᠭᠯᠡᠭᠦᠯᠦᠨ ᠂ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠲᠠᠢᠯᠤᠮᠵᠢ ᠬᠢᠪᠡ᠃
ᠬᠥᠬᠡᠮᠥ᠋ᠷᠡᠨᠦ ᠬᠡᠰᠡᠭ ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ ᠪᠣᠳᠠᠰᠤᠨ ᠲᠥᠷᠥᠯᠦᠨ ᠲᠣᠭᠠ ᠬᠡᠮᠵᠢᠶᠡ ᠳᠡᠭᠡᠭᠰᠢᠯᠡᠵᠦ ᠂ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠠᠵᠢᠯ ᠰᠠᠢᠨ ᠦᠷᠡ ᠪᠦᠲᠦᠮᠵᠢ ᠣᠯᠪᠠ
ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ ᠳᠦᠷᠰᠦᠶᠢᠨ ᠲᠠᠯᠠᠪᠠᠷ ᠂ ᠬᠥᠬᠡ ᠮᠥᠷᠡᠨᠦ ᠭᠠᠬᠠᠢ ᠬᠠᠯᠢᠮᠤᠶᠢᠨ ᠲᠠᠷᠬᠠᠯᠲᠠᠶᠢᠨ ᠬᠡᠪᠴᠢᠶᠡᠳᠦ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠠᠷᠬᠠᠬᠤ ᠬᠠᠨᠳᠤᠰᠢ ᠢᠯᠡᠷᠡᠵᠦ ᠂ ᠲᠣᠯᠪᠣᠶᠢᠨ ᠲᠠᠷᠬᠠᠯᠲᠠᠶᠢᠨ ᠪᠠᠢᠳᠠᠯ ᠨᠠᠮᠳᠠᠬᠤ ᠬᠠᠨᠳᠤᠰᠢᠲᠠᠢ ᠪᠣᠯᠵᠤ ᠂ ᠬᠡᠰᠡᠭ ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ ᠳᠦᠷᠰᠦᠶᠢᠨ ᠲᠣᠭᠠ ᠬᠡᠮᠵᠢᠶᠡ ᠨᠡᠮᠡᠭᠳᠡᠵᠦ ᠂ ᠣᠷᠳᠣ᠌ ᠰᠡᠯᠢᠭᠦᠷ ᠬᠣᠰᠢᠭᠤᠲᠤ ᠵᠢᠭᠠᠰᠤ ᠂ ᠤᠯᠠᠭᠠᠨ ᠤᠷᠤᠭᠤᠯᠲᠤ ᠨᠢᠮᠭᠡᠨ ᠵᠢᠷᠠᠰᠤ ᠵᠡᠷᠭᠡ ᠤᠯᠤᠰᠤᠨ ᠬᠣᠶᠠᠳᠤᠭᠠᠷ ᠳᠡᠰᠤᠨ ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ 2 ᠵᠦᠢᠯᠦᠨ ᠳᠦᠷᠰᠦᠶᠢ ᠰᠢᠨᠡᠪᠡᠷ ᠬᠢᠨᠠᠨ ᠬᠡᠮᠵᠢᠵᠦ ᠂ ᠣᠢᠷᠠᠶᠢᠨ 30 ᠵᠢᠯᠦᠨ ᠲᠤᠷᠰᠢ ᠠᠩᠬᠠ ᠤᠳᠠᠭᠠ ᠡᠩᠭᠡᠰᠬᠡᠨ ᠵᠢᠭᠠᠰᠤᠨᠤ ᠠᠶᠠᠨᠳᠠᠭᠠᠨ ᠦᠷᠡᠵᠢᠬᠦᠶᠢ ᠬᠢᠨᠠᠨ ᠬᠡᠮᠵᠢᠵᠦ ᠣᠯᠣᠭᠰᠠᠨ ᠪᠠᠢᠨᠠ ᠃ ᠠᠵᠤ ᠠᠬᠤᠢᠶᠢᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠲᠠᠯᠠᠪᠠᠷ ᠂ ᠳᠥᠷᠪᠡᠨ ᠲᠣᠮᠣ᠌ ᠵᠢᠭᠠᠰᠤᠨᠤ ᠲᠥᠷᠥᠯ （ ᠬᠠᠷᠠ ᠵᠢᠭᠠᠰᠤ ᠂ ᠠᠮᠤᠷ ᠵᠢᠭᠠᠰᠤ ᠂ ᠠᠯᠠᠭᠠᠨᠠ ᠰᠣᠭᠣᠰᠤ ᠂ ᠳᠠᠬᠤ ᠵᠢᠭᠠᠰᠤ ）ᠶᠢᠨ ᠬᠥᠬᠡᠮᠥ᠋ᠷᠡᠨᠦ ᠳᠤᠮᠳᠠᠳᠤ ᠤᠷᠤᠰᠬᠠᠯᠤᠨ ᠵᠢᠶᠠᠨ ᠯᠢ ᠣᠭᠲᠣᠯᠣᠭᠠᠰᠤᠶᠢᠨ ᠥᠨᠳᠡᠭᠡᠨ ᠴᠢᠬᠢᠶᠢᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠬᠡᠮᠵᠢᠶᠡ ᠨᠢ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠴᠠᠭᠠᠵᠠᠯᠠᠬᠤᠠᠴᠠ ᠡᠮᠦᠨᠡᠬᠢ 2020 ᠣᠨᠤ ᠬᠢᠡᠴᠡ 6.2 ᠳᠠᠬᠢᠨ ᠢᠯᠡᠭᠦᠦ ᠪᠠᠢᠳᠠᠭ ᠃ ᠡᠭᠦᠨᠡᠴᠡ ᠭᠠᠳᠠᠨᠠ ᠂ ᠢᠴᠠᠩ ᠪᠣᠯᠣᠨ ᠵᠢᠶᠠᠨᠯᠢ ᠮᠥᠷᠡᠨᠦ ᠬᠡᠰᠡᠭᠲᠦ ᠠᠩᠬᠠ ᠤᠳᠠᠭᠠ ᠵᠣᠬᠢᠬᠤ ᠬᠡᠪᠴᠢᠶᠡᠨᠦ ᠥᠨᠳᠡᠭᠡᠯᠡᠬᠦ ᠲᠠᠯᠠᠪᠠᠶ ᠢᠯᠡᠷᠡᠭᠦᠯᠵᠦ ᠂ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᡂᠢ ᠱᠦᠢ ᠬᠣᠲᠠᠶᠢᠨ ᠮᠥᠷᠡᠨᠦ ᠬᠡᠰᠡᠭᠲᠦ ᠮᠣᠨᠲᠣᠬᠠᠶ ᠵᠢᠭᠠᠰᠤᠶᠢ ᠪᠠᠢᠴᠠᠭᠠᠵᠤ ᠣᠯᠣᠭᠰᠠᠨ ᠪᠠᠢᠨᠠ ᠃
ᡂᠢ ᠱᠦᠢ ᠾᠧ ᠭᠣᠣᠯ ᠪᠣᠯ ᠬᠥᠬᠡᠮᠥ᠋ᠷᠡᠨᠦ ᠳᠡᠭᠡᠳᠦ ᠤᠷᠤᠰᠬᠠᠯᠤᠨ ᠬᠣᠪᠣᠷ ᠴᠤᠬᠠᠭ ᠣᠨᠴᠠ ᠪᠠᠢᠳᠠᠭ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠤᠯᠤᠰᠤᠨ ᠲᠠᠰᠤᠨ ᠪᠠᠢᠭᠠᠯᠢᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠣᠷᠣᠨᠤ ᠭᠣᠣᠯᠳᠠᠯᠭᠠᠲᠠᠢ ᠣᠷᠣᠨ ᠪᠦᠰᠡ ᠪᠠᠢᠵᠤ ᠂ ᠬᠥᠬᠡᠮᠥ᠋ᠷᠡᠨᠦ ᠳᠡᠭᠡᠳᠦ ᠤᠷᠤᠰᠬᠠᠯᠤᠨ ᠠᠮᠢ ᠠᠬᠤᠢᠶᠢᠨ ᠠᠮᠤᠷ ᠲᠦᠪᠰᠢᠨᠦ ᠬᠠᠯᠬᠠᠪᠴᠢᠶᠢ ᠪᠠᠢᠭᠤᠯᠬᠤᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠶᠤᠮ᠃
2017 ᠣᠨᠠᠴᠠ ᠡᠬᠢᠯᠡᠨ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠪᠦᠬᠦ ᠲᠠᠯᠠᠪᠠᠷ ᠴᠠᠭᠠᠵᠠᠯᠠᠬᠤᠶᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨᠡᠴᠡ ᠨᠠᠭᠠᠰᠢ᠂ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᠠᠳᠠᠯᠢ ᠪᠤᠰᠤ ᠮᠥᠷᠡᠨᠦ ᠬᠡᠰᠡᠭᠦᠨ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠤᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠦᠷᠭᠦᠯᠵᠢᠯᠡᠨ ᠲᠣᠭᠲᠠᠭᠤᠨᠢᠶᠠᠷ ᠳᠡᠭᠡᠭᠰᠢᠯᠡᠵᠦ᠂ ᠪᠦᠬᠦᠯᠢ ᠴᠣᠭᠴᠠᠶᠢᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠬᠡᠮᠵᠢᠶᠡ ᠢᠯᠡᠳᠲᠡ ᠨᠡᠮᠡᠭᠳᠡᠵᠦ᠂ 2021 ᠣᠨᠠᠴᠠ 2024 ᠣᠨ ᠪᠣᠯᠲᠠᠯᠠ ᠨᠡᠢ᠍ᠢᠳᠡ 117 ᠵᠦᠢᠯᠦᠨ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠲᠦᠷᠦᠯᠢ ᠬᠢᠨᠠᠨ ᠬᠡᠮᠵᠢᠵᠦ ᠣᠯᠵᠠᠢ᠃ ᠬᠣᠪᠣᠷ ᠴᠤᠬᠠᠭ ᠣᠨᠴᠠ ᠪᠠᠢᠳᠠᠭ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠳᠦᠷᠰᠦᠶᠢᠨ ᠲᠣᠭᠠ ᠪᠠ ᠡᠬᠢ ᠪᠠᠶᠠᠯᠢᠭ᠋ᠤᠨ ᠬᠡᠮᠵᠢᠶᠡ ᠨᠢ ᠨᠡᠯᠢᠶᠡᠳ ᠥᠨᠳᠥᠷ ᠲᠦᠪᠰᠢᠨᠳᠦ ᠪᠠᠢᠵᠤ ᠂ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠪᠦᠷᠢᠨ ᠪᠦᠲᠦᠨ ᠴᠢᠨᠠᠷᠤᠨ ᠢᠯᠡᠳᠬᠡᠭᠴᠢ ᠲᠣᠭᠠ ᠨᠢ 3 ᠵᠢᠯ ᠳᠠᠷᠠᠭᠠᠯᠠᠨ 《 ᠰᠠᠢᠨ 》 ᠳᠡᠰᠲᠤ ᠲᠣᠭᠲᠠᠪᠤᠷᠢᠵᠢᠭ᠍ᠰᠠᠨ ᠪᠠᠢᠨᠠ᠃
ᠣᠢᠷᠠᠶᠢᠨ ᠵᠢᠯᠦᠳᠲᠦ ᠂ ᠲᠠᠷᠢᠶᠠᠯᠠᠩ ᠬᠥᠳᠡᠭᠡ ᠲᠣᠰᠬᠣᠨᠤ ᠶᠠᠮᠤᠨᠠᠴᠠ ᠭᠦᠢᠵᠧᠦ ᠂ ᠰᠧᠴᠤᠸᠠᠨ ᠂ ᠶᠦᠨᠨᠠᠨᠢ ᠵᠢᠯᠣᠭᠣᠳᠤᠨ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠰᠠᠢᠨ ᠡᠭᠦᠯᠳᠡᠷᠢ ᠦᠷᠡᠵᠢᠭᠦᠯᠦᠨ ᠪᠣᠢᠵᠢᠭᠤᠯᠬᠤ ᠲᠠᠯᠠᠪᠠᠶ ᠪᠠᠢᠭᠤᠯᠵᠤ᠂ ᠬᠠᠭᠠᠷᠠᠭᠰᠠᠨ ᠬᠡᠪᠡᠯᠢ ᠵᠢᠭᠠᠰᠤ ᠂ ᠠᠯᠠᠭ ᠵᠢᠭᠠᠰᠤ ᠂ ᠠᠯᠠᠭᠠᠨᠠ ᠮᠥᠷᠭᠥ ᠂ ᠶᠦᠨᠨᠠᠨᠤ ᠬᠢᠯᠠᠭᠠᠷ ᠤᠷᠤᠭᠤᠯᠲᠤ ᠵᠢᠭᠠᠰᠤ ᠵᠡᠷᠭᠡ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠬᠥᠮᠥᠨᠦ ᠬᠦᠴᠦᠪᠡᠷ ᠦᠷᠡᠵᠢᠭᠦᠯᠦᠨ ᠪᠣᠢᠵᠢᠭᠤᠯᠬᠤ ᠮᠡᠷᠭᠡᠵᠢᠯᠢ ᠰᠢᠪᠲᠤᠯᠤᠭᠰᠠᠨ ᠪᠠᠢᠨᠠ ᠃ 《 ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ 》ᠦᠨ ᠲᠥᠯᠦᠪᠵᠢᠭᠦᠯᠭᠡᠶᠢᠨ ᠬᠤᠭᠤᠴᠠᠭᠠᠨᠳᠤ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠭᠤᠷᠪᠠᠨ ᠮᠤᠵᠢᠳᠤ ᠬᠣᠪᠣᠷ ᠴᠤᠬᠠᠭ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠢ ᠨᠡᠶ᠋ᠢᠲᠡ 663 ᠲᠦᠮᠡ ᠲᠠᠯᠪᠢᠵᠤ ᠂ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠬᠡᠭᠡᠷᠡᠶᠢᠨ ᠳᠦᠷᠰᠦᠶᠢᠨ ᠰᠦᠷᠦᠭᠦᠨ ᠡᠬᠢ ᠪᠠᠶᠠᠯᠢᠭ᠋ᠢ ᠪᠦᠲᠦᠮᠵᠢᠲᠡᠶᠪᠡᠷ ᠨᠥᠬᠥᠪᠦᠷᠢᠯᠡᠪᠡ ᠃ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᠭᠣᠣᠯ ᠤᠷᠤᠰᠬᠠᠯᠳᠤ ᠬᠥᠬᠡ ᠮᠥᠷᠡᠨᠦ ᠬᠢᠯᠢᠮᠡᠶᠢᠨ ᠠᠶᠠᠨᠳᠠᠭᠠᠨ ᠦᠷᠡᠵᠢᠬᠦ ᠲᠤᠷᠰᠢᠯᠲᠠᠶᠢ ᠥᠷᠨᠢᠭᠦᠯᠵᠦ ᠂ ᠬᠡᠰᠡᠭ ᠭᠠᠵᠠᠷᠤᠨ ᠤᠰᠤᠨ ᠣᠷᠣᠨᠤ ᠠᠮᠢᠳᠤᠷᠠᠯᠤᠨ ᠣᠷᠴᠢᠨᠢ ᠰᠠᠢᠵᠢᠷᠠᠭᠤᠯᠬᠤᠪᠡᠷ ᠳᠡᠮᠵᠢᠨ ᠂ ᠬᠥᠮᠥᠨᠦ ᠬᠦᠴᠦᠪᠡᠷ ᠬᠥᠬᠡ ᠮᠥᠷᠡᠨᠦ ᠬᠢᠯᠢᠮᠡᠶᠢᠨ ᠥᠨᠳᠡᠭᠡᠯᠡᠬᠦ ᠦᠶ᠋ᠯᠡ ᠠᠵᠢᠯᠯᠠᠭᠠᠶᠢ ᠬᠢᠨᠠᠨ ᠬᠡᠮᠵᠢᠬᠦᠶᠢᠨ ᠬᠠᠮᠲᠤ ᠨᠡᠪᠴᠢᠭᠦᠯᠦᠨ ᠴᠢᠬᠢ ᠪᠣᠢᠵᠢᠭᠤᠯᠪᠠ ᠃ ᠡᠭᠦᠨᠦ ᠬᠠᠮᠲᠤ᠂ ᡂᠢ ᠱᠦᠢ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠲᠤ ᠭᠣᠣᠯ ᠰᠠᠯᠪᠤᠷᠢ ᠤᠷᠤᠰᠬᠠᠯᠢ ᠬᠣᠯᠪᠣᠨ ᠵᠠᠰᠠᠵᠤ ᠰᠡᠷᠭᠦᠭᠡᠬᠦ ᠢᠨᠵᠧᠨᠧᠷᠢᠩᠢ ᠬᠡᠷᠡᠭᠵᠢᠭᠦᠯᠪᠡ᠃ 2024 ᠣᠨᠤ 12 ᠰᠠᠷᠠᠶᠢᠨ ᠰᠡᠭᠦᠯᠴᠢ ᠪᠣᠯᠲᠠᠯᠠ ᠂ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷ ᠦᠨᠳᠦᠰᠦᠨᠳᠡᠭᠡᠨ ᠲᠦᠩ ᠴᠧ ᠾᠧ ᠭᠣᠣᠯ ᠂ ᠪᠠᠢ ᠱᠠ ᠾᠧ ᠭᠣᠣᠯ ᠂ ᠬᠥ ᠯᠢᠨ ᠾᠧ ᠭᠣᠣᠯ ᠪᠠ ᠳᠠ ᠲᠦᠩ ᠾᠧ ᠭᠣᠣᠯ ᠵᠡᠷᠭᠡ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠴᠢᠳᠬᠤᠯᠠᠩ ᠠᠶᠠᠨᠳᠠᠭᠠᠨ ᠨᠡᠪᠲᠡᠷᠡᠵᠦ ᠂ ᠳᠤᠮᠳᠠᠳᠤᠶᠢᠨ ᠭᠡᠳᠡᠷᠭᠦ ᠥᠷᠭᠡᠰᠦᠲᠦ ᠪᠠ ᠵᠢᠭᠠᠰᠤ ᠂ ᠴᠠᠭᠠᠨ ᠬᠤᠶᠠᠭᠲᠤ ᠵᠢᠭᠠᠰᠤ ᠵᠡᠷᠭᠡ ᠬᠣᠪᠣᠷ ᠴᠤᠬᠠᠭ ᠵᠢᠭᠠᠰᠤᠨᠤ ᠲᠥᠷᠥᠯ ᠴᠢᠳᠬᠤᠯᠠᠩᠳᠤ ᠳᠠᠬᠢᠨ ᠣᠷᠣᠵᠤ ᠢᠳᠡᠰᠢᠯᠡᠨ ᠦᠷᠡᠵᠢᠵᠦ ᠂ ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠣᠷᠣᠨᠤ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠲᠣᠭᠠ ᠬᠡᠮᠵᠢᠶᠡ ᠪᠠ ᠡᠬᠢ ᠪᠠᠶᠠᠯᠢᠭ᠋ᠤᠨ ᠬᠡᠮᠵᠢᠶᠡ ᠨᠢ ᠴᠥᠮ ᠢᠯᠡᠳᠲᠡ ᠨᠡᠮᠡᠭᠳᠡᠭᠰᠡᠨ ᠪᠠᠢᠨᠠ᠃
ᠬᠥᠬᠡᠮᠥ᠋ᠷᠡᠨᠦ ᠪᠠᠢᠭᠠᠯᠢᠶᠢᠨ ᠤᠰᠤᠨ ᠣᠷᠣᠨᠤ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠣᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠨᠢ ᠮᠥᠨ ᠯᠡ ᠠᠭᠠᠵᠢᠮᠢᠶᠠᠷ ᠰᠡᠷᠭᠦᠬᠦ ᠱᠠᠲᠤᠨᠳᠤ ᠪᠣᠢ
ᠵᠠᠷᠢᠮ ᠵᠠᠭᠤᠴᠢᠯᠠᠭᠤᠷᠤᠨ ᠮᠡᠳᠡᠭᠡᠯᠡᠭᠰᠡᠨᠢᠶᠡᠷ ᠂ ᠬᠥᠬᠡᠮᠥ᠋ᠷᠡᠨᠦ ᠬᠡᠰᠡᠭ ᠤᠰᠤᠨ ᠣᠷᠣᠨᠳᠤ ᠵᠢᠭᠠᠰᠤᠨᠤ ᠲᠥᠷᠥᠯ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠪᠥᠭᠡᠮᠨᠡᠷᠡᠵᠦ ᠂ 《 ᠵᠢᠭᠠᠰᠤ ᠠᠷᠪᠢᠳᠤᠭᠰᠠᠨ 》 ᠪᠠᠢᠳᠠᠯ ᠢᠯᠡᠷᠡᠭᠰᠡᠨ ᠪᠠᠢᠨᠠ ᠃ ᠠᠵᠢᠭ᠍ᠯᠠᠨ ᠰᠤᠳᠤᠯᠬᠤᠪᠠᠷ ᠳᠡᠮᠵᠢᠨ ᠂ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠪᠥᠭᠡᠮᠨᠡᠷᠡᠬᠦ ᠨᠢ ᠵᠥᠪᠬᠡᠨ ᠬᠡᠰᠡᠭ ᠭᠠᠵᠠᠷᠤᠨ ᠤᠰᠤᠨ ᠣᠷᠣᠨᠤ ᠣᠨᠴᠠᠭᠠᠶ ᠦᠵᠡᠭᠳᠡᠯ ᠪᠠᠢᠵᠤ ᠂ ᠬᠥᠬᠡ ᠮᠥᠷᠡᠨᠦ ᠰᠠᠪᠠ ᠭᠠᠵᠠᠷᠤᠨ ᠤᠰᠤᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠣᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠨᠢᠭᠡᠨᠲᠡ ᠰᠡᠷᠭᠦᠭᠰᠡᠨᠢ ᠲᠥᠯᠥᠭᠡᠯᠡᠵᠦ ᠳᠡᠶ᠋ᠢᠯᠬᠦ ᠦᠭᠡᠢ ᠶᠤᠮ᠃
ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠪᠥᠭᠡᠮᠨᠡᠷᠡᠬᠦ ᠦᠵᠡᠭᠳᠡᠯ ᠨᠢ ᠭᠣᠣᠯᠳᠠᠭᠤ ᠭᠤᠷᠪᠠᠨ ᠵᠦᠢᠯᠦᠨ ᠪᠠᠢᠳᠠᠯᠲᠠᠢ ᠄ ᠨᠢᠭᠡᠳᠦ ᠂ ᠲᠠᠯᠠᠩ ᠬᠠᠰᠢᠯᠭᠠ ᠂ ᠭᠣᠣᠯᠤᠨ ᠪᠤᠯᠤᠩ ᠂ ᠭᠣᠣᠯᠤᠨ ᠠᠮᠠ ᠵᠡᠷᠭᠡ ᠤᠰᠤᠨ ᠣᠷᠣᠨᠳᠤ ᠂ ᠵᠠᠷᠢᠮ ᠵᠢᠭᠠᠰᠤᠨᠤ ᠲᠥᠷᠥᠯ ᠨᠢ ᠨᠡᠭᠦᠳᠡᠯᠯᠡᠬᠦ ᠂ ᠥᠭᠶᠥᠭᠡ ᠡᠷᠢᠬᠦ ᠂ ᠦᠷᠡᠵᠢᠬᠦ ᠂ ᠤᠰᠤᠨ ᠵᠦᠢᠶᠢᠨ ᠨᠥᠬᠥᠴᠡᠯᠳᠦ ᠲᠠᠲᠠᠭᠳᠠᠬᠤ ᠵᠡᠷᠭᠡ ᠳᠠᠳᠬᠠᠯᠠᠴᠠ ᠪᠣᠯᠵᠤ ᠂ ᠣᠨᠴᠠᠭᠠᠶ ᠴᠠᠭ ᠬᠤᠭᠤᠴᠠᠭᠠᠨᠳᠤ ᠰᠡᠷᠡᠯᠵᠢᠬᠦ ᠴᠢᠨᠠᠷᠲᠠᠢ ᠪᠥᠭᠡᠮᠨᠡᠷᠡᠬᠦ ᠦᠵᠡᠭᠳᠡᠯ ᠭᠠᠷᠳᠠᠭ ； ᠬᠣᠶᠠᠷᠲᠤ ᠂ ᠴᠥᠭᠡᠨ ᠲᠣᠭᠠᠨᠤ ᠪᠢᠲᠡᠭᠦᠮᠵᠢᠯᠡᠭᠰᠡᠨ ᠬᠡᠯᠪᠡᠷᠢᠶᠢᠨ ᠨᠠᠭᠤᠷ ᠴᠥᠭᠥᠷᠥᠮᠳᠦ ᠂ ᠡᠮᠦᠨᠡᠬᠢ ᠬᠤᠭᠤᠴᠠᠭᠠᠨᠤ ᠦᠷᠡᠵᠢᠯᠲᠡᠶᠢᠨ ᠤᠷᠤᠰᠬᠠᠯ ᠪᠤᠶᠤ ᠳᠡᠭᠡᠳᠦ ᠤᠷᠤᠰᠬᠠᠯᠤᠨ ᠤᠰᠤ ᠨᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠦᠭᠰᠡᠨᠡᠴᠡ ᠪᠣᠯᠵᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ 《 ᠳᠤᠲᠠᠭᠠᠨ ᠵᠠᠢᠯᠠᠭᠤᠯᠤᠭᠰᠠᠨ 》 ᠳᠥᠷᠪᠡᠨ ᠲᠣᠮᠣ᠌ ᠵᠢᠭᠠᠰᠤᠨᠤ ᠤᠨᠳᠤᠷᠤᠯᠲᠠᠶᠢᠨ ᠨᠣᠷᠮᠠ ᠨᠢ ᠳᠡᠭᠡᠭᠰᠢᠯᠡᠵᠦ ᠂ ᠲᠣᠭᠠ ᠬᠡᠮᠵᠢᠶᠡ ᠨᠢ ᠨᠡᠮᠡᠭᠳᠡᠨ ᠂ ᠪᠣᠳᠠᠭᠠᠯᠢ ᠪᠡᠶᠡᠶᠢᠨ ᠬᠡᠪ ᠪᠠᠷᠢᠮᠵᠢᠶᠠ ᠨᠢ ᠨᠡᠮᠡᠭᠳᠡᠵᠡᠢ ； ᠭᠤᠷᠪᠠᠳᠤ ᠂ ᠣᠷᠳᠣ᠌ ᠬᠤᠭᠤᠴᠠᠭᠠᠪᠠᠷ ᠲᠡᠵᠢᠭᠡᠨ ᠢᠳᠡᠭᠦᠯᠬᠦᠡᠴᠡ ᠪᠣᠯᠵᠤ 《 ᠳᠠᠰᠬᠠᠬᠤ ᠦᠢᠯᠡᠳᠦᠯ 》 ᠭᠠᠷᠭᠠᠵᠤ ᠂ ᠠᠩᠨᠠᠵᠤ ᠱᠦᠭᠦᠬᠦ ᠰᠦᠷᠳᠡᠭᠦᠯᠦᠯ ᠦᠭᠡᠢ ᠣᠷᠴᠢᠨ ᠲᠣᠭᠣᠷᠢᠨᠳᠤ ᠂ ᠬᠥᠮᠥᠰ ᠣᠷᠳᠣ᠌ ᠬᠤᠭᠤᠴᠠᠭᠠᠪᠠᠷ ᠬᠡᠰᠡᠭ ᠤᠰᠤᠨᠤ ᠴᠠᠷᠠᠭᠠᠨᠳᠤ ᠢᠳᠡᠭᠦᠯᠦᠭᠡᠳ ᠲᠣᠭᠲᠠᠪᠤᠷᠢᠲᠠᠢ ᠢᠳᠡᠭᠡᠨᠦ ᠢᠷᠡᠯᠲᠡᠶᠢ ᠪᠣᠶ ᠪᠣᠯᠭᠠᠵᠤ ᠂ ᠬᠡᠭᠡᠷᠡᠶᠢᠨ ᠵᠢᠭᠠᠰᠤᠨᠤ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠠᠵᠢᠯᠯᠠᠭᠠᠨᠤ ᠲᠤᠬᠠᠢ ᠰᠣᠨᠣᠷ ᠰᠡᠷᠡᠮᠵᠢ ᠨᠢ ᠪᠠᠭᠤᠷᠠᠵᠤ ᠂ ᠣᠷᠳᠣ᠌ ᠬᠤᠭᠤᠴᠠᠭᠠᠪᠠᠷ ᠲᠡᠯᠡᠶᠶᠢᠨ ᠬᠥᠪᠡᠭᠡᠨᠳᠦ ᠰᠠᠭᠤᠵᠤ ᠢᠳᠡᠰᠢ ᠡᠷᠢᠬᠦᠡᠴᠡ ᠪᠣᠯᠵᠤ ᠵᠢᠭᠠᠰᠤᠨᠤ ᠲᠥᠷᠥᠯ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠴᠤᠭᠯᠠᠷᠠᠳᠠᠭ᠃
ᠣᠳᠣᠬᠠᠨᠳᠤ ᠂ ᠬᠥᠬᠡᠮᠥ᠋ᠷᠡᠨᠦ ᠪᠠᠢᠭᠠᠯᠢᠶᠢᠨ ᠤᠰᠤᠨ ᠣᠷᠣᠨᠤ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠣᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠨᠢ ᠮᠥᠨ ᠯᠡ ᠠᠭᠠᠵᠢᠮᠢᠶᠠᠷ ᠰᠡᠷᠭᠦᠬᠦ ᠱᠠᠲᠤᠨᠳᠠᠭᠠᠨ ᠪᠠᠢᠨᠠ ᠃ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡ ᠂ ᠬᠥᠬᠡ ᠮᠥᠷᠡᠨᠦ ᠬᠢᠯᠢᠮᠡ ᠵᠡᠷᠭᠡ ᠬᠣᠪᠣᠷ ᠴᠤᠬᠠᠭ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠲᠤᠭ᠍ᠴᠢ ᠬᠥᠯᠭᠡ ᠣᠩᠭᠣᠴᠠᠨᠤ ᠳᠦᠷᠰᠦᠶᠢ ᠬᠠᠮᠠᠭᠠᠯᠠᠨ ᠰᠡᠷᠭᠦᠭᠡᠬᠦ ᠬᠤᠷᠳᠤᠴᠠ ᠨᠢ ᠤᠳᠠᠭᠠᠨ ᠪᠠᠢᠵᠤ ᠂ ᠪᠠᠰᠠ ᠨᠡᠯᠢᠶᠡᠳ ᠣᠯᠠᠨ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠬᠠᠮᠠᠭᠠᠯᠠᠯᠲᠠᠶᠢᠨ ᠵᠠᠩᠭᠢᠯᠠᠭᠠᠶᠢᠨ ᠮᠡᠷᠭᠡᠵᠢᠯ ᠬᠠᠷᠠᠬᠠᠨ ᠰᠢᠪᠲᠤᠯᠤᠭᠳᠠᠭᠠᠳᠤᠢ ᠪᠠᠢᠭᠰᠠᠭᠠᠷ ᠃ ᠬᠡᠳᠦᠢᠪᠡᠷ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠴᠠᠭᠠᠵᠠᠯᠠᠭᠰᠠᠨᠠᠴᠠ ᠨᠠᠭᠠᠰᠢ ᠰᠢᠨᠡᠪᠡᠷ ᠨᠡᠮᠡᠭᠳᠡᠭᠰᠡᠨ 36 ᠲᠥᠷᠥᠯᠦᠨ ᠨᠤᠲᠤᠭᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠢ ᠬᠢᠨᠠᠨ ᠬᠡᠮᠵᠢᠵᠦ ᠣᠯᠣᠭᠰᠠᠨ ᠪᠣᠯᠪᠠᠴᠤ ᠲᠡᠦᠬᠡᠨ ᠳᠡᠭᠡᠷᠡ ᠲᠠᠷᠬᠠᠵᠤ ᠪᠠᠢᠭᠰᠠᠨ 443 ᠲᠥᠷᠥᠯᠦᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠳᠣᠲᠣᠷᠠᠬᠢ 99 ᠲᠥᠷᠥᠯᠢ ᠨᠢ ᠬᠢᠨᠠᠨ ᠬᠡᠮᠵᠢᠵᠦ ᠣᠯᠣᠭᠰᠠᠨ ᠦᠭᠡᠢ ᠃
ᠠᠮᠢᠳᠤ ᠪᠣᠳᠠᠰᠤᠨ ᠵᠢᠮᠡ ᠶᠣᠰᠣ᠌ᠠᠴᠠ ᠦᠵᠡᠪᠡᠯ ᠂ ᠤᠰᠤᠨ ᠣᠷᠣᠨᠤ ᠠᠩᠨᠠᠵᠤ ᠱᠦᠭᠦᠬᠦ ᠳᠠᠷᠤᠯᠲᠠ ᠠᠷᠢᠯᠤᠭᠰᠠᠨᠤ ᠳᠠᠷᠠᠭᠠ ᠂ ᠵᠠᠷᠢᠮ ᠠᠮᠢ ᠨᠠᠰᠤᠨᠤ ᠦᠶᠡᠯᠡᠯᠦᠨ ᠬᠤᠭᠤᠴᠠᠭᠠ ᠨᠢ ᠣᠬᠣᠷ ᠂ ᠦᠷᠡᠵᠢᠯ ᠨᠢ ᠲᠦᠷᠭᠡᠨ ᠰᠢᠮᠡ ᠲᠡᠵᠢᠭᠡᠯᠦᠨ ᠲᠠᠰᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠡᠬᠢ ᠪᠠᠶᠠᠯᠢᠭ᠋ ᠨᠢ ᠡᠩ ᠲᠡᠷᠢᠭᠦᠨᠳᠦ ᠨᠡᠯᠢᠶᠡᠳ ᠲᠦᠷᠭᠡᠨ ᠰᠡᠷᠭᠦᠵᠦ ᠂ ᠪᠣᠳᠠᠭᠠᠯᠢ ᠪᠡᠶᠡᠶᠢᠨ ᠬᠡᠪ ᠪᠠᠷᠢᠮᠵᠢᠶᠠ ᠨᠢ ᠶᠡᠬᠡᠰᠳᠡᠭ ᠃ ᠢᠳᠡᠰᠢᠨ ᠭᠢᠨᠵᠢᠪᠡᠷ ᠳᠡᠮᠵᠢᠨ ᠨᠡᠯᠢᠶᠡᠳ ᠥᠨᠳᠥᠷ ᠰᠢᠮᠡ ᠲᠡᠵᠢᠭᠡᠯᠦᠨ ᠲᠠᠰᠤᠨ ᠵᠢᠭᠠᠰᠤᠨᠤ ᠲᠥᠷᠥᠯ ᠂ ᠰᠢᠪᠠᠭᠤᠨᠤ ᠲᠥᠷᠥᠯᠳᠦ ᠢᠳᠡᠰᠢ ᠬᠠᠩᠭᠠᠵᠤ ᠂ ᠡᠭᠦᠨᠡᠴᠡ ᠰᠡᠭᠦᠯᠡᠷ ᠂ ᠠᠳᠠᠯᠢ ᠪᠤᠰᠤ ᠰᠢᠮᠡ ᠲᠡᠵᠢᠭᠡᠯᠦᠨ ᠲᠠᠰᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠰᠦᠷᠦᠭ ᠪᠠ ᠪᠦᠯᠦᠭᠯᠡᠯᠦᠨ ᠪᠦᠲᠦᠴᠡ ᠨᠢ ᠥᠪᠡᠷᠦᠨ ᠲᠣᠬᠢᠷᠠᠭᠤᠯᠤᠯᠲᠠᠪᠠᠷ ᠳᠡᠮᠵᠢᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠢᠯᠢᠳᠡᠭᠵᠢᠵᠦ ᠂ ᠡᠴᠦᠰᠲᠡᠬᠡᠨ ᠠᠮᠢᠳᠤ ᠪᠣᠳᠠᠰᠤᠨ ᠣᠯᠠᠨ ᠶᠠᠩᠵᠤᠲᠤ ᠴᠢᠨᠠᠷᠤᠨ ᠬᠢᠷᠢ ᠲᠦᠪᠰᠢᠨᠢᠶᠡᠷ ᠨᠠᠩ ᠥᠨᠳᠥᠷ ᠂ ᠪᠦᠯᠦᠭᠯᠡᠯᠦᠨ ᠪᠦᠲᠦᠴᠡ ᠨᠢ ᠨᠠᠩ ᠲᠣᠭᠲᠠᠪᠤᠷᠢᠲᠠᠢ ᠰᠢᠨᠡ ᠲᠡᠩᠴᠡᠭᠦᠷᠢᠲᠦ ᠪᠠᠢᠳᠠᠯᠳᠤ ᠭᠦᠷᠦᠭᠰᠡᠨ ᠪᠠᠢᠨᠠ ᠃
ᠬᠥᠬᠡ ᠨᠠᠭᠤᠷᠤᠨ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠴᠠᠭᠠᠵᠠᠯᠠᠬᠤ ᠦᠢᠯᠡᠳᠦᠯᠭᠡ ᠴᠦ᠍ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠰᠡᠷᠭᠦᠯᠲᠡ ᠪᠣᠯ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠶᠠᠪᠤᠴᠠ ᠮᠥᠨ ᠭᠡᠳᠡᠭᠢ ᠭᠦᠢᠴᠡᠳ ᠭᠡᠷᠡᠴᠢᠯᠡᠭᠰᠡᠨ ᠪᠠᠢᠨᠠ ᠃ ᠬᠥᠬᠡ ᠨᠠᠭᠤᠷ 2001 ᠣᠨᠠᠴᠠ ᠡᠬᠢᠯᠡᠨ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠪᠥᠬᠥ ᠲᠠᠯᠠᠪᠠᠷ ᠴᠠᠭᠠᠵᠠᠯᠠᠭᠰᠠᠨᠠᠴᠠ ᠣᠲᠣ᠌ ᠪᠣᠯᠲᠠᠯᠠ ᠨᠢᠭᠡᠨᠲᠡ 24 ᠵᠢᠯ ᠪᠣᠯᠤᠭᠰᠠᠨ ᠪᠣᠯᠪᠠᠴᠤ ᠵᠢᠭᠠᠰᠤᠨᠤ ᠲᠥᠷᠥᠯᠦᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠰᠡᠷᠭᠦᠯᠲᠡ ᠨᠢ ᠮᠥᠨ ᠯᠡ ᠨᠡᠯᠢᠶᠡᠳ ᠤᠳᠠᠭᠠᠨ ᠪᠠᠢᠵᠤ ᠂ ᠵᠥᠪᠬᠡᠨ ᠲᠡᠦᠬᠡᠨᠦ 1/3 ᠳ᠋ᠥ ᠬᠦᠷᠴᠦ ᠂ ᠣᠳᠣᠬᠠᠨᠳᠤ ᠮᠥᠨ ᠯᠡ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠪᠥᠬᠥ ᠲᠠᠯᠠᠪᠠᠷ ᠴᠠᠭᠠᠵᠠᠯᠠᠬᠤ ᠴᠢᠬᠤᠯᠠᠲᠠᠢ ᠪᠠᠢᠨᠠ᠃
ᠬᠥᠬᠡᠮᠥ᠋ᠷᠡᠨᠦ ᠬᠣᠪᠣᠷ ᠴᠤᠬᠠᠭ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠠᠮᠢᠳᠤ ᠪᠣᠳᠠᠰᠤᠨ ᠳᠦᠷᠰᠦᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢ ᠴᠢᠩᠭᠠᠳᠬᠠᠬᠤᠳᠤ᠂ ᠬᠣᠪᠣᠷ ᠴᠤᠬᠠᠭ ᠠᠮᠢᠳᠤ ᠪᠣᠳᠠᠰᠤᠨ ᠳᠦᠷᠰᠦᠶᠢ ᠠᠪᠤᠷᠠᠬᠤ ᠠᠵᠢᠯᠯᠠᠭᠠᠶᠢᠨ ᠲᠥᠯᠥᠪᠯᠡᠭᠡᠶᠢ ᠰᠢᠯᠢᠳᠡᠭᠵᠢᠭᠦᠯᠦᠨ ᠲᠡᠰ ᠳᠡᠪᠰᠢᠭᠦᠯᠬᠦ ᠴᠢᠬᠤᠯᠠ ᠲᠠᠢ ᠃ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡ᠂ ᠬᠥᠬᠡᠮᠥ᠋ᠷᠡᠨᠦ ᠬᠢᠯᠢᠮᠡ᠂ ᠬᠥᠬᠡᠮᠥ᠋ᠷᠡᠨᠦ ᠭᠠᠬᠠᠢ ᠬᠠᠯᠢᠮᠤ ᠪᠣᠯ ᠬᠥᠬᠡᠮᠥ᠋ᠷᠡᠨᠦ ᠲᠤᠭ᠍ᠴᠢ ᠴᠢᠨᠠᠷᠲᠠᠢ ᠠᠮᠢᠳᠤ ᠪᠣᠳᠠᠰᠤᠨ ᠳᠦᠷᠰᠦ ᠪᠣᠯᠬᠤ ᠪᠥᠭᠡᠳ ᠬᠥᠬᠡᠮᠥ᠋ᠷᠡᠨᠦ ᠠᠮᠢ ᠠᠬᠤᠢᠶᠢᠨ ᠰᠢᠰᠲ᠋ᠥᠮᠤᠨ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠪᠠᠢᠳᠠᠯᠢ ᠲᠤᠰᠬᠠᠬᠤ ᠴᠢᠬᠤᠯᠠ ᠵᠢᠭᠠᠯᠲᠠ ᠪᠣᠳᠠᠰᠤᠨ ᠳᠦᠷᠰᠦ ᠪᠣᠯᠣᠨᠠ᠃
ᠲᠠᠷᠢᠶᠠᠯᠠᠩ ᠬᠥᠳᠡᠭᠡ ᠲᠣᠰᠬᠣᠨᠤ ᠶᠠᠮᠤᠨ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠠᠵᠢᠯᠯᠠᠭᠠᠨᠤ ᠲᠥᠯᠥᠪᠯᠡᠭᠡᠶᠢ ᠦᠷᠭᠦᠯᠵᠢᠯᠡᠨ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ ᠂ ᠵᠣᠬᠢᠬᠤ ᠦᠷᠡ ᠪᠦᠲᠦᠮᠵᠢ ᠣᠯᠪᠠ ᠃ ᠡᠨᠡ ᠵᠢᠯ ᠨᠢᠭᠡᠨᠲᠡ 97 ᠲᠦᠮᠡᠨ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡᠶᠢ ᠲᠠᠯᠪᠢᠵᠤ ᠶᠠᠪᠤᠭᠤᠯᠵᠠᠢ ᠂ ᠬᠢᠨᠠᠨ ᠬᠡᠮᠵᠢᠭᠰᠡᠨ ᠦᠷᠡ ᠳ᠋ᠦᠩᠢ ᠦᠨᠳᠦᠰᠦᠯᠡᠨ ᠲᠥᠰᠥᠭᠡᠯᠡᠨ ᠪᠤᠳᠤᠪᠠᠯ ᠂ ᠡᠭᠦᠨᠳᠦ 361 ᠬᠡᠲᠦ ᠲᠠᠭᠤᠨ ᠳᠣᠯᠭᠢᠶᠠᠨᠤ ᠲᠡᠮᠳᠡᠭᠲᠠᠢ ᠪᠣᠳᠠᠭᠠᠯᠢ ᠪᠡᠶᠡᠶᠢᠨ 60% ᠨᠢ ᠨᠢᠭᠡᠨᠲᠡ ᠬᠥᠬᠡᠮᠥ᠋ᠷᠡᠨᠦ ᠠᠮᠠᠨᠳᠤ ᠬᠦᠷᠴᠦ ᠂ ᠱᠠᠩᠬᠠᠢ ᠂ ᠵᠧᠵᠢᠶᠠᠩ ᠂ ᠵᠢᠶᠠᠩᠰᠤ ᠵᠡᠷᠭᠡ ᠮᠤᠵᠢ ᠬᠣᠲᠠᠶᠢᠨ ᠣᠯᠠᠨ ᠭᠠᠵᠠᠷᠤᠨ ᠲᠡᠯᠡᠶᠶᠢᠨ ᠣᠷᠣᠨᠳᠤ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡᠶᠢᠨ ᠲᠠᠷᠬᠠᠯᠲᠠᠶᠢ ᠬᠢᠨᠠᠨ ᠬᠡᠮᠵᠢᠵᠦ ᠂ ᠬᠡᠭᠡᠷᠡᠶᠢᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠨᠥᠬᠥᠪᠦᠷᠢ ᠢᠯᠡᠳᠲᠡ ᠦᠷᠡ ᠪᠦᠲᠦᠮᠵᠢ ᠣᠯᠵᠠᠢ ᠃
ᠬᠥᠬᠡᠮᠥ᠋ᠷᠡᠨᠦ ᠭᠠᠬᠠᠢ ᠬᠠᠯᠢᠮᠤᠶᠢᠨ ᠳᠦᠷᠰᠦᠶᠢᠨ ᠰᠦᠷᠦᠭᠦᠨ ᠲᠣᠭᠠ ᠬᠡᠮᠵᠢᠶᠡ ᠨᠢ ᠦᠷᠭᠦᠯᠵᠢᠯᠡᠨ ᠲᠣᠭᠲᠠᠭᠤᠨ ᠪᠠᠢᠳᠠᠯᠲᠠᠢ ᠪᠠᠢᠨᠠ ᠃ ᠬᠥᠬᠡᠮᠥ᠋ᠷᠡᠨᠦ ᠭᠣᠣᠯ ᠤᠷᠤᠰᠬᠠᠯ ᠪᠠ ᡂᠢ ᠱᠦᠢ ᠾᠧ ᠭᠣᠣᠯᠤᠨ ᠭᠣᠣᠯ ᠤᠷᠤᠰᠬᠠᠯᠳᠤ ᠬᠥᠬᠡᠮᠥ᠋ᠷᠡᠨᠦ ᠬᠢᠯᠢᠮᠡᠶᠢᠨ ᠪᠠᠢᠭᠠᠯᠢᠶᠢᠨ ᠤᠰᠤᠨ ᠣᠷᠣᠨᠤ ᠥᠨᠳᠡᠭᠡᠯᠡᠬᠦ ᠲᠠᠯᠠᠪᠠᠢᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠪᠠ ᠪᠠᠢᠭᠠᠯᠢᠶᠢᠨ ᠦᠷᠡᠵᠢᠯᠲᠡᠶᠢᠨ ᠲᠤᠷᠰᠢᠯᠲᠠᠶᠢ ᠬᠢᠵᠦ᠂ ᠦᠷᠡᠵᠢᠯᠲᠡᠶᠢ ᠠᠮᠵᠢᠯᠲᠠᠲᠠᠢᠪᠠᠷ ᠬᠢᠨᠠᠨ ᠬᠡᠮᠵᠢᠵᠦ᠂ ᠬᠥᠬᠡᠮᠥ᠋ᠷᠡᠨᠦ ᠬᠢᠯᠢᠮᠡᠶᠢᠨ ᠬᠡᠭᠡᠷᠡᠶᠢᠨ ᠳᠦᠷᠰᠦᠶᠢᠨ ᠰᠦᠷᠦᠭᠦᠨ ᠲᠠᠬᠢᠨ ᠪᠠᠢᠭᠤᠯᠤᠯᠲᠠ ᠵᠠᠩᠭᠢᠯᠠᠭᠠᠶᠢᠨ ᠠᠯᠬᠤᠮᠢ ᠠᠯᠬᠤᠪᠠ᠃
ᠭᠡᠪᠡᠴᠦ ᠣᠯᠠᠨ ᠵᠦᠢᠯᠦᠨ ᠬᠦᠴᠦᠨ ᠵᠦᠢᠯᠦᠨ ᠨᠥᠯᠥᠭᠡᠡᠴᠡ ᠪᠣᠯᠵᠤ ᠂ ᠣᠳᠣᠬᠠᠨᠳᠤ ᠬᠣᠪᠣᠷ ᠴᠤᠬᠠᠭ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠳᠦᠷᠰᠦᠶᠢᠨ ᠰᠦᠷᠦᠭᠦᠨ ᠰᠡᠷᠭᠦᠯᠲᠡ ᠤᠳᠠᠭᠠᠨ ᠪᠠᠢᠵᠤ ᠂ ᠳᠦᠷᠰᠦᠶᠢᠨ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠬᠢᠮᠤᠷᠠᠯ ᠠᠷᠢᠯᠤᠭᠠᠳᠤᠢ ᠪᠠᠢᠭᠰᠠᠭᠠᠷ ᠃ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡᠶᠢ 8 ᠵᠢᠯ ᠳᠠᠷᠠᠭᠠᠯᠠᠨ ᠲᠡᠭᠦᠨᠦ ᠪᠠᠢᠭᠠᠯᠢᠶᠢᠨ ᠦᠷᠡᠵᠢᠯᠲᠡᠶᠢ ᠬᠢᠨᠠᠨ ᠬᠡᠮᠵᠢᠵᠦ ᠣᠯᠣᠭᠰᠠᠨ ᠦᠭᠡᠢ ᠂ 2024 ᠣᠨᠳᠤ ᠭᠧ ᠵᠧᠦ ᠪᠠᠶᠢᠨ ᠳᠣᠣᠷᠠ ᠭᠦᠷᠦᠭᠰᠡᠨ ᠵᠢᠭᠠᠰᠤᠨᠤ ᠲᠣᠭᠠ ᠨᠢ ᠵᠥᠪᠬᠡᠨ 10 ᠰᠡᠭᠦᠯ ᠪᠠᠢᠪᠠ ； ᠬᠡᠭᠡᠷᠡ ᠭᠠᠳᠠᠨᠠ ᠬᠢᠨᠠᠨ ᠬᠡᠮᠵᠢᠵᠦ ᠣᠯᠣᠭᠰᠠᠨ ᠬᠥᠬᠡᠮᠥ᠋ᠷᠡᠨᠦ ᠬᠢᠯᠢᠮᠡ ᠪᠣᠯ ᠴᠥᠮ ᠬᠥᠮᠥᠨᠦ ᠬᠦᠴᠦᠪᠡᠷ ᠲᠠᠯᠪᠢᠵᠤ ᠶᠠᠪᠤᠭᠤᠯᠤᠭᠰᠠᠨ ᠪᠣᠳᠠᠭᠠᠯᠢ ᠪᠡᠶᠡ ᠮᠥᠨ ᠂ ᠬᠥᠬᠡᠮᠥ᠋ᠷᠡᠨᠦ ᠬᠣᠪᠣᠷ ᠴᠤᠬᠠᠭ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠪᠣᠳᠠᠰᠤᠨ ᠳᠦᠷᠰᠦᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠪᠠᠢᠳᠠᠯ ᠮᠥᠨ ᠬᠦ᠌ ᠬᠦᠨᠳᠦ ᠨᠣᠴᠢᠲᠠᠢ ᠪᠠᠢᠨᠠ᠃
ᠬᠥᠬᠡᠮᠥ᠋ᠷᠡᠨᠦ ᠬᠣᠪᠣᠷ ᠴᠤᠬᠠᠭ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠠᠮᠢᠳᠤ ᠪᠣᠳᠠᠰᠤᠨ ᠳᠦᠷᠰᠦᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢ ᠴᠢᠩᠭᠠᠳᠬᠠᠬᠤᠶᠢᠨ ᠲᠥᠯᠥᠭᠡ᠂ ᠬᠣᠪᠣᠷ ᠴᠤᠬᠠᠭ ᠠᠮᠢᠳᠤ ᠪᠣᠳᠠᠰᠤᠨ ᠳᠦᠷᠰᠦᠶᠢ ᠠᠪᠤᠷᠠᠬᠤ ᠠᠵᠢᠯᠯᠠᠭᠠᠨᠤ ᠲᠥᠯᠥᠪᠯᠡᠭᠡᠶᠢ ᠰᠢᠯᠢᠳᠡᠭᠵᠢᠭᠦᠯᠦᠨ ᠲᠡᠰ ᠳᠡᠪᠰᠢᠭᠦᠯᠵᠦ᠂ ᠠᠪᠤᠷᠠᠬᠤ ᠠᠵᠢᠯᠯᠠᠭᠠᠨᠤ ᠠᠷᠭᠠ ᠬᠡᠮᠵᠢᠶᠡᠶᠢᠨ ᠡᠷᠴᠢᠮᠢ ᠴᠢᠩᠭᠠᠷᠠᠭᠤᠯᠬᠤ ᠴᠢᠬᠤᠯᠠᠲᠠᠢ ᠪᠠᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ ᠂ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡᠶᠢᠨ ᠬᠥᠮᠥᠨᠦ ᠬᠦᠴᠦᠪᠡᠷ ᠡᠭᠦᠯᠳᠡᠷ ᠬᠠᠮᠠᠭᠠᠯᠠᠬᠤ ᠪᠠ ᠦᠷᠡᠵᠢᠭᠦᠯᠦᠨ ᠲᠠᠯᠪᠢᠵᠤ ᠶᠠᠪᠤᠭᠤᠯᠬᠤ ᠬᠡᠪᠴᠢᠶᠡᠶᠢ ᠦᠷᠭᠦᠯᠵᠢᠯᠡᠨ ᠥᠷᠭᠡᠳᠬᠡᠵᠦ ᠂ ᠳᠤᠮᠳᠠᠳᠤᠶᠢᠨ ᠬᠢᠯᠢᠮᠡᠶᠢᠨ 《 ᠮᠥᠷᠡᠨ ︱ ᠲᠡᠯᠡᠶ ︱ ᠮᠥᠷᠡᠨ 》ᠤ ᠳᠠᠭᠤᠷᠢᠶᠠᠮᠠᠯ ᠠᠮᠢᠳᠤᠷᠠᠯᠤᠨ ᠲᠡᠦᠬᠡᠶᠢᠨ ᠪᠤᠤᠬᠢᠶᠠᠪᠠᠷ ᠡᠭᠦᠯᠳᠡᠷ ᠬᠠᠮᠠᠭᠠᠯᠠᠬᠤᠶᠢ ᠥᠷᠨᠢᠭᠦᠯᠦᠨᠡ ； ᠬᠠᠮᠢᠶᠠ ᠪᠦᠬᠦᠢ ᠮᠤᠵᠢᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠤᠰᠤᠨ ᠳᠣᠣᠷᠠᠬᠢ ᠦᠯᠡᠳᠡᠭᠳᠡᠯ ᠲᠣᠣᠷ᠂ ᠵᠢᠭᠠᠰᠤᠨᠤ ᠤᠲᠠᠰᠤ᠂ ᠵᠠᠩᠭᠤᠤᠶᠢᠨ ᠭᠣᠬᠠ ᠵᠡᠷᠭᠡ ᠨᠢᠭᠤᠭᠳᠠᠮᠠᠯ ᠰᠦᠷᠳᠡᠭᠦᠯᠦᠯᠦᠨ ᠪᠣᠳᠠᠰᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠪᠠᠢᠴᠠᠭᠠᠨ ᠴᠡᠪᠡᠷᠯᠡᠨᠡ； ᠬᠥᠬᠡᠮᠥ᠋ᠷᠡᠨᠦ ᠬᠢᠯᠢᠮᠡᠶᠢᠨ ᠥᠨᠳᠡᠭᠡᠯᠡᠬᠦ ᠲᠠᠯᠠᠪᠠᠶᠶᠢ ᠰᠡᠷᠭᠦᠭᠡᠬᠦ ᠪᠠ ᠠᠶᠠᠨᠳᠠᠭᠠᠨ ᠦᠷᠡᠵᠢᠬᠦ ᠲᠤᠷᠰᠢᠯᠲᠠᠶᠢ ᠭᠦᠨᠵᠡᠭᠡᠢ ᠲᠦᠯᠬᠢᠨ ᠠᠬᠢᠭᠤᠯᠵᠤ ᠂ ᠳᠦᠷᠰᠦᠶᠢᠨ ᠰᠦᠷᠦᠭᠦᠨ ᠥᠪᠡᠷᠢᠪᠡᠨ ᠬᠠᠮᠠᠭᠠᠯᠠᠬᠤ ᠴᠢᠳᠠᠪᠤᠷᠢᠶᠢ ᠰᠡᠷᠭᠦᠭᠡᠬᠦ ᠵᠡᠷᠭᠡᠶᠢ ᠲᠦᠯᠬᠢᠨ ᠠᠬᠢᠭᠤᠯᠤᠨᠠ᠃