ᠴᠤᠭᠳᠠᠯᠠᠢ ᠵᠣᠬᠢᠶᠠᠪᠠ
ᠪᠢ ᠠᠵᠢᠯᠤᠨ ᠠᠮᠠᠷᠠᠯᠳᠠᠪᠠᠨ ᠠᠪᠤᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ ᠶᠤᠮ᠃ ᠲᠦᠷᠦᠵᠦ ᠦᠰᠦᠭᠰᠡᠨ ᠨᠤᠳᠣᠭ ᠤᠰᠣᠨ ᠳᠤᠪᠠᠨ ᠦᠲᠡᠯᠬᠦ ᠭᠡᠵᠦ ᠠᠵᠠ ᠵᠢᠷᠭ᠋ᠠᠯᠲᠠᠢ ᠰᠠᠨᠠᠭᠳᠠᠨᠠ᠃
ᠪᠢ 1953 ᠤᠨᠤ ᠴᠠᠭ᠋ᠠᠨ ᠰᠠᠷᠠᠳᠤ ᠤᠤᠯᠤᠨ ᠠᠯᠠᠱ᠌ᠠ ᠵᠡᠬᠦᠨ ᠬᠤᠰᠢᠭᠤᠨᠤ ᠬᠦᠪᠠᠨᠠᠮᠤᠭ ᠪᠠᠭ ᠵᠶ᠋ᠠᠷ ᠨᠤᠳᠤᠭᠲᠠᠢ ᠬᠠᠯᠬᠠᠰ ᠤᠪᠤᠭᠳᠤ ᠠᠪᠤ ᠴᠠᠷᠢᠨᠳᠠᠰᠢ ᠳ᠋ᠠᠨᠢᠭᠠ ᠂ ᠬᠤᠢ᠌ᠳ ᠤᠪᠤᠭᠳᠤ ᠡᠵᠢ ᠪᠠᠶᠠᠰᠬᠤᠯᠠᠩᠤᠨ ᠵᠢᠨᠵᠢᠭᠡ ᠬᠦᠪᠠᠬᠦᠨ ᠪᠤᠯᠵᠤ ᠵᠠᠶᠠᠭ᠋ᠠᠵᠡᠢ᠃ ᠪᠠᠭᠠ ᠨᠠᠰᠤᠪᠠᠨ ᠡᠷᠭᠢᠴᠡᠭᠦᠯᠦᠨ ᠪᠤᠳᠣᠬᠤᠳᠤ ᠲᠣᠮᠳᠠᠳᠣ ᠤᠯᠣᠰᠤᠨ ᠡᠪ ᠬᠠᠮᠲᠣ ᠨᠠᠮᠤᠨ ᠬᠠᠢ᠌ᠷᠠ ᠬᠠᠯᠠᠮᠵᠢ ᠵᠢᠨ ᠳᠤᠤᠷᠠ ᠦᠰᠦᠨ ᠪᠤᠢ᠌ᠵᠢᠭ᠌ᠰᠡᠨ ᠬᠦᠳᠡᠭᠡ ᠵᠢᠨ ᠪᠤᠷᠦ ᠬᠡᠥᠬᠡᠳᠤᠨ ᠨᠢᠭᠡᠨᠢ ᠶᠤᠮ ᠃
2013 ᠤᠨᠳᠤ ᠠᠵᠢᠯᠤᠨ ᠠᠮᠠᠷᠠᠯᠳᠠᠪᠠᠨ ᠠᠪᠤᠪᠠ᠃ 1984 — 1996 ᠤᠨ ᠪᠤᠯᠳᠠᠯᠠ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠮᠤᠨᠤ ᠳᠣᠯᠤᠭᠠ᠂ ᠨᠠᠢ᠍ᠮᠠ᠂ ᠶᠢᠰᠦ᠂ ᠠᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠪᠠ᠃1988 — 1999 ᠤᠨ ᠪᠤᠯᠳᠠᠯᠠ ᠠᠯᠠᠱ᠌ᠠ ᠵᠠᠬᠦᠨ ᠬᠤᠰᠢᠭᠤᠨᠤ ᠨᠠᠢ᠍ᠮᠠ᠂ ᠶᠢᠰᠦ᠂ ᠠᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠪᠠ᠃ 1993 — 1994 ᠤᠨᠳᠤ ᠠᠯᠠᠱ᠌ᠠ ᠵᠠᠬᠦᠨ ᠬᠤᠰᠢᠭᠤ᠂ ᠠᠯᠠᠱ᠌ᠠ ᠠᠢ᠌ᠮᠠᠭᠤᠨ 《ᠦᠨᠳᠤᠰᠤᠳᠡᠨᠤ ᠪᠦᠯᠬᠦᠮᠳᠠᠯ ᠲᠡᠪᠰᠢᠯᠳᠠ ᠵᠢᠨ ᠵᠢᠱ᠌ᠢᠶᠠᠴᠢ ᠬᠤᠪᠢ ᠬᠦᠮᠦᠨ》 ᠵᠶ᠋ᠡᠷ ᠰᠤᠩᠭᠤᠭᠳᠠᠪᠠ᠃ ᠪᠠᠰᠠ ᠤᠯᠠᠨ ᠤᠳᠠᠭᠠ ᠰᠢᠯᠢᠳᠡᠭ ᠠᠵᠢᠯᠳᠠᠨ ᠵᠶ᠋ᠠᠷ ᠰᠤᠩᠭᠤᠭᠳᠠᠵᠤ ᠦᠩᠭᠡᠷᠠᠪᠠ᠃1999 — 2008 ᠤᠨ ᠪᠤᠯᠳᠠᠯᠠ ᠠᠯᠠᠱ᠌ᠠ ᠵᠠᠬᠦᠨ ᠬᠤᠰᠢᠭᠤᠨᠤ ᠤᠯᠤᠰ ᠲᠦᠷᠤ ᠵᠢᠨ ᠵᠦᠪᠯᠠᠯᠭᠡᠨᠤ ᠭᠡᠰᠢᠬᠦᠨ ᠪᠤᠯᠪᠠ᠃
1958 ᠤᠨᠳᠤ ᠬᠤᠰᠢᠭᠤᠨᠠᠴᠠ ᠪᠤᠤ ᠭᠡᠰᠢᠭᠳᠤ ᠭᠡᠳᠡᠭ ᠪᠠᠭᠰᠢ ᠵᠢ ᠲᠤᠮᠢᠯᠠᠵᠤ᠂ ᠬᠦᠪᠡᠨᠠᠮᠤᠭ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢ ᠠᠩᠬᠠ ᠪᠠᠢ᠌ᠭᠤᠯᠵᠡᠢ᠃ ᠪᠢ ᠲᠠᠷᠠ ᠦᠶᠠᠰ ᠭᠡᠳᠤᠢ᠌ᠪᠠᠷ ᠲᠠᠪᠤᠨ ᠨᠠᠰᠤᠲᠠᠢ ᠪᠠᠯᠴᠢᠷ ᠪᠠᠢ᠌ᠭᠰᠠᠨ ᠪᠤᠯᠪᠠᠴᠤ ᠮᠢᠨᠤ ᠠᠬᠠ ᠵᠢ ᠠᠪᠤ᠂ ᠡᠵᠢ ᠠᠩᠬᠠ ᠤᠳᠠᠭᠠ ᠰᠤᠷᠭ᠋ᠠᠭᠤᠯᠢᠳᠤ ᠶᠠᠪᠤᠭᠤᠯᠬᠤ ᠭᠡᠵᠤ ᠴᠠᠢ ᠵᠢᠨ ᠠᠮᠳᠠ （ᠪᠣᠣᠪᠤ ᠪᠣᠭᠣᠷᠰᠣᠭ）᠂ ᠪᠤᠭᠤᠷᠰᠤᠭ ᠬᠤᠪᠴᠠᠰᠤ ᠬᠤᠨᠠᠷ ᠡᠨᠡ ᠲᠠᠷᠠ ᠭᠡᠳ ᠲᠦᠬᠦᠭᠡᠷᠴᠤ ᠦᠭᠬᠦᠭᠡᠳ ᠶᠠᠪᠤᠭᠤᠯᠬᠤ ᠭᠡᠬᠦᠳᠤ ᠠᠬᠠ᠂ ᠠᠪᠤ ᠡᠵᠢ ᠭᠡᠷᠠᠴᠠ ᠰᠠᠯᠵᠤ ᠶᠠᠪᠤᠬᠤ ᠦᠭᠡᠢ ᠭᠡᠳ ᠤᠬᠢᠯᠠᠩᠨᠠᠵᠤ ᠪᠠᠢ᠌ᠭᠰᠠᠨᠢ ᠠᠯᠪᠠᠪᠠᠷ ᠠᠪᠤᠭ᠋ᠠᠳ ᠶᠠᠪᠤᠬᠤᠳᠤ ᠡᠵᠢ ᠮᠢᠨᠢ ᠪᠠᠰᠠ ᠨᠢᠳᠤᠨ ᠳᠤᠪᠠᠨ ᠵᠠᠢ᠌ᠷ ᠭᠦᠶᠦᠯᠭᠡᠭᠡᠳ ᠵᠤᠭᠰᠤᠵᠤ ᠪᠠᠢ᠌ᠭᠰᠠᠨᠨᠢ ᠲᠠᠷᠢᠬᠢᠨᠳᠤ ᠮᠢᠨᠢ ᠲᠤᠪ ᠲᠤᠳᠤᠬᠠᠨ ᠪᠠᠢ᠌ᠨᠠ᠃ 1960 ᠤᠨᠳᠤ ᠡᠭᠡᠴᠢ ᠮᠥᠨ ᠲᠠᠷᠠ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠵᠤ᠂ 1962 ᠤᠨᠳᠤ ᠪᠢ ᠡᠭᠡᠴᠢᠪᠠᠨ ᠲᠠᠭ᠋ᠠᠭ᠋ᠠᠳ ᠶᠠᠪᠤᠭᠰᠠᠨ ᠪᠤᠯᠬᠤᠷ ᠠᠬᠠ ᠰᠢᠭ᠋ ᠲᠡᠭᠡᠵᠤ ᠶᠠᠭᠡ ᠤᠬᠢᠯᠠᠵᠤ ᠪᠠᠷᠬᠢᠷᠠᠭᠰᠠᠨ ᠦᠭᠡᠢ ᠴᠦ᠍ ᠮᠥᠨ ᠡᠵᠢᠪᠠᠨ ᠲᠡᠪᠡᠷᠢᠨ ᠤᠬᠢᠯᠠᠵᠤ ᠪᠠᠢ᠌ᠭ᠋ᠠᠳ ᠰᠠᠯᠤᠨ ᠶᠠᠪᠤᠵᠤ ᠠᠩᠬᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠯᠳᠠᠨ ᠪᠤᠱ᠌ᠤᠭᠠ ᠵᠢ ᠠᠯᠬᠤᠵᠤ᠂ ᠰᠤᠶᠤᠯᠤᠨ ᠮᠦᠷ ᠵᠶ᠋ᠠᠨ ᠡᠬᠢᠯᠡᠬᠦᠯᠦᠭᠰᠠᠨ ᠪᠠᠢ᠌ᠨᠠ᠃
ᠲᠤᠬᠠᠢ ᠵᠢᠨ ᠦᠶᠠ ᠪᠤᠯ ᠤᠯᠤᠰ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠠᠩᠬᠠᠨᠤ ᠱᠠᠳᠤ ᠦᠶᠠᠳᠤᠪᠠᠨ ᠪᠠᠢ᠌ᠵᠤ᠂ ᠤᠯᠤᠰ ᠠᠷᠠᠳᠤᠨ ᠠᠵᠤ ᠠᠮᠢᠳᠤᠷᠠᠯ ᠲᠤᠢ᠌ᠯᠤᠨ ᠬᠦᠴᠢᠷᠳᠠᠢ ᠪᠠᠢ᠌ᠭᠰᠠᠨ ᠴᠠᠭ ᠦᠶᠠ ᠪᠤᠯᠤᠨᠠ᠃ ᠲᠠᠷᠠ ᠦᠶᠠ ᠲᠤᠰ ᠰᠤᠷᠭ᠋ᠠᠭᠤᠯᠢᠨᠢ ᠨᠢᠭᠡᠨ ᠬᠤᠪᠢ ᠠᠢ᠌ᠯᠤᠨ ᠭᠡᠷᠲᠤ ᠪᠠᠢ᠌ᠭᠤᠯᠤᠭᠳᠠᠵᠤ᠂ ᠭᠤᠷᠪᠠᠨ ᠶᠠᠩᠵᠤ ᠵᠢᠨ ᠬᠠᠷᠠ ᠪᠤᠳᠠᠭᠠ ᠵᠢ ᠨᠠᠢ᠌ᠯᠠᠬᠦᠯᠦᠭᠰᠠᠨ ᠬᠠᠷᠠ ᠭᠤᠯᠢᠷ （三合面） ᠪᠠᠢ᠌ᠵᠤ᠂ ᠬᠦᠷᠦᠭ᠂ ᠤᠯᠠᠭ᠋ᠠᠨ ᠭᠤᠶᠤᠤᠪᠠᠷ ᠬᠠᠪᠰᠤᠷᠤᠮᠵᠢ ᠪᠤᠯᠭ᠋ᠠᠳᠠᠭ ᠪᠠᠢ᠌ᠪᠠ᠃ ᠴᠠᠢ ᠪᠤᠳᠠᠭᠠ ᠴᠢᠨᠠᠬᠤ ᠪᠠ ᠳᠤᠯᠠᠭ᠋ᠠᠯᠠᠮᠵᠢ ᠪᠤᠯᠭ᠋ᠠᠳᠠᠭᠨᠢ ᠪᠦᠷ ᠦᠬᠢᠷᠡᠭᠰᠡᠨ ᠰᠢᠪᠠᠭ᠂ ᠪᠦᠭᠡᠷᠡᠭ᠂ ᠬᠦᠷᠦᠭ ᠮᠠᠳᠤ ᠵᠢᠨ ᠲᠦᠯᠠᠭᠡ ᠪᠠᠢ᠌ᠵᠡᠢ᠃ ᠭᠠᠷᠠᠭ ᠪᠦᠷᠢ ᠵᠢᠨ ᠵᠢᠷᠭᠤᠭ᠋ᠠᠨᠤ ᠬᠢᠴᠢᠶᠠᠯᠤᠨ ᠭᠠᠳᠠᠨᠠᠬᠢ ᠬᠦᠳᠠᠯᠭᠡᠭᠡᠨᠤ ᠴᠠᠭᠲᠤ ᠭᠤᠷᠪᠠᠨ ᠤᠨᠠᠴᠠ ᠲᠡᠭᠡᠭᠰᠢ ᠰᠤᠷᠤᠭᠴᠢᠳ ᠬᠦᠳᠠᠭᠡ ᠶᠠᠪᠤᠵᠤ ᠲᠦᠯᠠᠭᠡ ᠲᠠᠬᠦᠳᠡᠭ ᠪᠠᠢ᠌ᠵᠡᠢ᠃ ᠰᠢᠭᠡᠷᠡᠩ ᠪᠠᠢ᠌ᠷᠢ ᠵᠢᠨ ᠬᠠᠠᠵᠤ ᠵᠢ ᠮᠥᠨ ᠲᠦᠯᠠᠭᠡ ᠲᠦᠯᠠᠵᠤ ᠬᠠᠯᠠᠭᠤᠯᠳᠠᠭ ᠪᠠᠢ᠌ᠭᠰᠠᠨ᠃
ᠬᠦᠪᠠᠨᠠᠮᠤᠭ ᠰᠤᠷᠭ᠋ᠠᠭᠤᠯᠢᠨᠢ ᠮᠠᠨᠤᠬᠢᠨᠠᠴᠠ 80 ᠭᠠᠵᠠᠷᠤᠨ ᠵᠠᠢᠲᠠᠢ᠂ ᠤᠨᠤᠭᠠᠪᠠᠷ ᠨᠢᠭᠡ ᠰᠠᠢ᠌ᠨ ᠡᠳᠤᠷᠤᠨ ᠵᠠᠮ ᠪᠠᠢ᠌ᠵᠡᠢ᠃ ᠡᠯᠵᠢᠭᠡᠨ ᠤᠨᠤᠭᠠᠪᠠᠷ ᠶᠠᠪᠤᠪᠠᠯ ᠦᠷᠯᠦᠭᠡ ᠵᠢᠨ ᠨᠠᠷᠨ ᠪᠠᠷ ᠶᠠᠪᠤᠭ᠋ᠠᠳ ᠤᠳᠤᠨ ᠬᠦᠢ᠍ᠴᠠᠬᠦᠳᠤ ᠰᠠᠶᠢ ᠬᠦᠷᠳᠡᠭ ᠪᠠᠢ᠌ᠭᠰᠠᠨ᠃ ᠮᠢᠨᠤ ᠠᠪᠤ ᠨᠠᠮᠠ ᠵᠢ ᠠᠩᠬᠠ ᠤᠳᠠᠭᠠ ᠰᠤᠷᠭ᠋ᠠᠭᠤᠯᠢᠳᠤ ᠬᠦᠷᠭᠡᠬᠦᠳᠤ ᠴᠣ᠋ · ᠪᠤᠶᠠᠠᠠᠤᠠᠳᠤᠷᠬᠤ ᠭᠡᠳᠡᠭ ᠪᠠᠭᠰᠢ ᠭᠠᠷᠳᠠᠨ ᠠᠪᠤᠯᠠ᠃ ᠲᠡᠭᠡᠭᠰᠠᠨ ᠴᠢᠨᠢ ᠬᠠᠷᠢᠨ ᠮᠠᠨᠤ ᠨᠢᠭᠡ ᠪᠠᠷᠢᠭ᠋ᠠᠳᠠᠠᠴᠠ ᠰᠤᠷᠭ᠋ᠠᠭᠤᠯᠢ ᠲᠠᠮᠵᠢᠭ᠋ᠠᠳ ᠪᠠᠭᠰᠢ ᠪᠤᠯᠵᠤ ᠢᠷᠡᠭᠰᠠᠨ ᠲᠠᠨᠢᠳᠠᠭ ᠪᠠᠭᠰᠢ ᠪᠠᠢ᠌ᠭᠰᠠᠨᠳᠤ ᠰᠠᠳᠬᠢᠯ ᠶᠠᠭᠡ ᠠᠭᠤᠵᠢᠷᠠᠵᠤ᠂ ᠠᠪᠤ ᠪᠤᠴᠠᠭ᠋ᠠᠳ ᠬᠠᠷᠢᠬᠤᠳᠤ ᠲᠠᠮᠠᠢ ᠶᠠᠭᠡ ᠵᠤᠪᠠᠵᠤ ᠭᠤᠳᠤᠷᠠᠭᠰᠠᠨ ᠦᠭᠡᠢ ᠪᠢᠯᠠ᠃ ᠲᠠᠷᠠ ᠦᠶᠠᠳᠤ ᠨᠦᠬᠦᠴᠠᠯ ᠠᠮᠢᠳᠤᠷᠠᠯ ᠲᠤᠢ᠌ᠯᠤᠨ ᠬᠦᠴᠢᠷᠳᠠᠢ ᠪᠠᠢ᠌ᠭᠰᠠᠨ᠃ ᠪᠤᠢ ᠪᠦᠬᠦᠢ ᠰᠤᠷᠤᠭᠴᠢ ᠨᠠᠷ ᠪᠦᠷ ᠯᠠ ᠰᠤᠷᠭ᠋ᠠᠭᠤᠯᠢ ᠳᠤᠪᠠᠨ ᠪᠠᠢ᠌ᠷᠢᠳᠤ ᠰᠠᠭᠤᠵᠤ᠂ ᠰᠤᠷᠤᠯᠴᠠᠬᠤ ᠠᠮᠢᠳᠤᠷᠠᠬᠤ᠂ ᠬᠤᠨᠤᠵᠤ ᠭᠡᠪᠳᠠᠬᠦ᠂ ᠤᠬᠢᠶᠠᠵᠤ ᠴᠠᠪᠠᠷᠯᠠᠬᠦ ᠠᠯᠢᠪᠠ ᠪᠦᠬᠦᠨ ᠴᠦᠮ ᠪᠠᠭᠰᠢ ᠨᠠᠷᠤᠨ ᠬᠠᠷᠠᠭ᠋ᠠᠯᠵᠠᠯᠭᠠᠪᠠᠷ ᠪᠠᠢ᠌ᠳᠠᠭ ᠃ ᠠᠰᠠᠷᠠᠭᠴᠢ ᠡᠨᠡ ᠲᠠᠷᠠ ᠭᠡᠰᠡᠨ ᠢᠯᠠᠬᠦᠤ ᠲᠤᠳᠠᠭᠤ ᠬᠦᠮᠤᠨ ᠶᠠᠷᠤ ᠪᠠᠢ᠌ᠭᠰᠠᠨ ᠦᠭᠡᠢ᠂ ᠲᠤᠬᠠᠢ ᠵᠢᠨ ᠦᠶᠠᠳᠤ ᠭᠡᠤᠭᠡᠳᠤᠳ ᠡᠪᠤᠯ᠂ ᠵᠤᠨ ᠲᠤᠰᠪᠤᠷᠢ ᠨᠢᠭᠡ ᠯᠠ ᠦᠪᠴᠢ ᠬᠤᠪᠴᠠᠰᠤᠲᠠᠢ᠃ ᠠᠩᠬᠠ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠳᠠᠭ ᠬᠤᠭᠤᠴᠠᠭᠠ ᠴᠣ᠋ ᠪᠠᠭᠰᠢ ᠮᠠᠨᠤ ᠠᠩᠬᠢ ᠵᠢᠨ ᠰᠤᠷᠤᠭᠴᠢᠳᠤᠨ ᠬᠤᠪᠴᠠᠰᠤ ᠵᠢ ᠤᠬᠢᠶᠠᠵᠤ ᠴᠠᠪᠠᠷᠯᠠᠬᠦᠳᠤ ᠰᠤᠯᠢᠵᠤ ᠡᠮᠤᠰᠬᠦ ᠬᠤᠪᠴᠠᠰᠤ ᠦᠭᠡᠢ ᠪᠤᠯᠬᠤᠷ ᠰᠠᠭᠤᠳᠠᠭ ᠭᠡᠷ ᠲᠤᠪᠠᠨ ᠠᠪᠠᠴᠢᠵᠤ ᠬᠠᠯᠠᠭᠤᠨ ᠬᠠᠨᠵᠤᠨ ᠲᠡᠭᠡᠷᠠᠪᠠᠨ ᠨᠢᠴᠦᠬᠦᠨ ᠰᠠᠭᠤᠯᠭ᠋ᠠᠵᠤ᠂ ᠬᠦᠨᠵᠢᠯᠠᠪᠠᠷ ᠵᠶ᠋ᠠᠨ ᠬᠤᠴᠢᠵᠤ᠂ ᠬᠤᠪᠴᠠᠰᠤ ᠵᠢᠨᠢ ᠤᠬᠢᠶᠠᠵᠤ ᠬᠠᠲᠠᠭ᠋ᠠᠭ᠋ᠠᠳ ᠡᠮᠤᠰᠭᠡᠳᠡᠭ ᠪᠠᠢ᠌ᠭᠰᠠᠨ ᠪᠢᠯᠠ᠃ ᠪᠠᠰᠠ ᠨᠢᠭᠡ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠵᠤᠢ᠌ᠯ ᠪᠤᠯ ᠨᠢᠭᠡ ᠭᠠᠷᠠᠭᠤᠨ ᠡᠳᠤᠷ ᠪᠠᠭᠰᠢ ᠨᠠᠮᠠ ᠵᠢ ᠭᠡᠷ ᠲᠤᠪᠠᠨ ᠠᠪᠠᠴᠢᠵᠤ ᠴᠠᠪᠠᠷᠯᠠᠭᠡ ᠬᠢᠬᠦ ᠦᠶᠠᠰ ᠮᠢᠨᠤ ᠭᠡᠵᠢᠭᠡ ᠪᠦᠭᠡᠰᠤ ᠬᠢᠭᠤᠷᠰᠤᠳᠤ ᠲᠠᠷᠤᠭᠳᠠᠭᠰᠠᠨ ᠪᠠᠢ᠌ᠭᠰᠠᠨᠳᠤ ᠪᠠᠭᠰᠢ ᠤᠰᠤ ᠬᠠᠯᠠᠭᠤᠯᠵᠤ ᠲᠤᠳᠤᠷᠠᠨᠢ ᠯᠢᠤ ᠯᠢᠤ ᠹᠸᠨ （六六粉） ᠭᠡᠳᠡᠭ ᠬᠤᠤᠷᠳᠤ ᠲᠠᠯᠬᠠᠨ ᠡᠮ ᠬᠢᠭᠡᠳ ᠲᠤᠯᠤᠭ᠋ᠠᠢ ᠵᠢ ᠮᠢᠨᠢ ᠤᠬᠢᠶᠠᠬᠤᠳᠤ ᠪᠠᠬᠠᠨ ᠰᠦᠷᠠᠭᠡᠢ ᠬᠠᠯᠠᠵᠤ ᠲᠦᠯᠠᠵᠤ ᠡᠪᠡᠳᠬᠦ ᠰᠢᠭ ᠪᠤᠯᠵᠤ ᠪᠠᠢ᠌ᠭᠰᠠᠨ᠃ ᠮᠠᠷᠭ᠋ᠠᠰᠢ ᠦᠷᠯᠦᠭᠡ ᠬᠢᠴᠢᠶᠠᠯ ᠳᠤᠪᠠᠨ ᠢᠷᠡᠭᠰᠠᠨᠳᠤ ᠪᠠᠭᠰᠢ ᠦᠵᠠᠴᠢᠭᠡᠭᠡᠳ ᠰᠤᠴᠢᠵᠤ᠄《ᠸᠠ ！ ᠦᠴᠦᠭᠡᠳᠤᠷᠤᠨ ᠡᠮᠢ ᠪᠠᠬᠠᠨ ᠶᠠᠭᠡ ᠰᠢᠭ ᠬᠢᠴᠢᠭᠡᠵᠤ ᠪᠢᠰᠢ ᠦᠦ᠂ ᠠᠷᠠᠰᠤ ᠮᠢᠬᠠ ᠵᠢ ᠴᠢᠨᠢ ᠲᠦᠯᠡᠴᠢᠬᠡᠭᠰᠡᠨ ᠪᠠᠢ᠌ᠬᠤ ᠰᠢᠭ᠋》ᠭᠡᠳ ᠨᠢᠭᠡ ᠲᠤᠯᠢ ᠦᠭᠬᠦᠭᠡᠳ ᠨᠠᠮᠠ ᠵᠢ ᠦᠪᠠᠷ ᠵᠶ᠋ᠠᠨ ᠦᠵᠠ ᠭᠡᠪᠠ᠃ ᠲᠡᠭᠡᠭᠰᠠᠨ ᠴᠢᠨᠢ ᠲᠣᠯᠤᠭ᠋ᠠᠢ ᠵᠢᠨ ᠬᠤᠢ᠌ᠬᠠᠠᠴᠠ ᠪᠤᠰᠤᠳ ᠠᠷᠠᠰᠤ ᠮᠢᠬᠠ᠂ ᠮᠠᠩᠨᠠᠢ ᠵᠢᠨ ᠬᠦᠷᠦᠰᠤ ᠠᠯᠠᠭᠠ ᠪᠤᠯᠴᠢᠬᠠᠭᠰᠠᠨ ᠪᠠᠢ᠌ᠳᠠᠭ ᠪᠢᠯᠠ᠃ ᠲᠡᠭᠡᠭᠡᠳ ᠪᠠᠭᠰᠢ ᠶᠠᠭᠡ ᠯᠠ ᠰᠠᠠᠳᠤᠷᠴᠤ ᠭᠡᠷ ᠲᠤᠪᠠᠨ ᠲᠠᠭ᠋ᠠᠭᠤᠯᠵᠤ ᠬᠦᠷᠦᠭᠡᠳ ᠦᠭᠡᠷᠤᠨ ᠰᠢᠷᠠ ᠲᠤᠰᠤ ᠡᠮ ᠡᠨᠡ ᠲᠠᠷᠠ ᠲᠦᠷᠬᠢᠭᠡᠳ᠂ ᠰᠠᠬᠦᠯᠠᠷᠨᠢ ᠭᠡᠳᠤᠨ ᠡᠳᠤᠷᠤᠨ ᠲᠠᠷᠠᠭᠠ ᠲᠦᠯᠡᠭᠳᠡᠭᠰᠠᠨ ᠬᠦᠷᠦᠰᠤᠨᠢ ᠬᠠᠳᠠᠵᠤ ᠬᠠᠭᠤᠷᠠᠵᠤ ᠤᠨᠠᠭ᠋ᠠᠳ ᠵᠦᠭᠡᠷ ᠪᠤᠯᠤᠭᠰᠠᠨ ᠃ ᠲᠠᠷᠠ ᠦᠶᠠᠳᠤ ᠴᠢᠯᠦᠭᠡ ᠲᠠᠯᠪᠢᠭ᠋ᠠᠳ ᠭᠡᠷ ᠲᠤᠪᠠᠨ ᠢᠷᠠᠬᠦᠳᠤ ᠠᠪᠤ ᠡᠵᠢ ᠬᠢᠰᠠ ᠵᠢᠨ ᠬᠠᠵᠠᠭᠤᠳᠤ ᠵᠤᠭᠰᠤᠭ᠋ᠠᠭ᠋ᠠᠳ ᠲᠤᠯᠤᠭ᠋ᠠᠢ ᠵᠢ ᠱᠦᠬᠦᠷᠳᠠᠬᠦᠳᠤ ᠪᠦᠭᠡᠰᠤ ᠲᠦᠯᠡᠭᠳᠠᠭᠡᠳ ᠲᠠᠷᠢᠶᠠ ᠬᠠᠭᠤᠷᠴᠤ ᠪᠠᠢ᠌ᠬᠤ ᠶᠤᠮ ᠰᠢᠭ᠋ ᠫᠠᠷᠴᠢᠬᠢᠨᠠᠳᠠᠭ ᠪᠠᠢ᠌ᠭᠰᠠᠨ᠃ ᠪᠢ ᠢᠩᠬᠢᠵᠤ ᠠᠪᠤ ᠡᠵᠢᠲᠠᠢᠪᠠᠨ ᠠᠳᠠᠯᠢᠬᠠᠨ ᠪᠠᠭᠰᠢ ᠨᠠᠷᠤᠨ ᠬᠠᠢ᠌ᠷᠠ ᠬᠠᠷᠠᠭ᠋ᠠᠯᠵᠠᠯᠢ ᠬᠦᠷᠳᠠᠵᠤ᠂ ᠬᠦᠯᠳᠠᠵᠤ ᠬᠥᠷᠦᠵᠦ᠂ ᠬᠠᠷᠠᠩᠭ᠋ᠠᠯᠠᠵᠤ ᠭᠡᠮᠳᠦᠭᠰᠠᠨ ᠦᠭᠡᠢᠪᠠᠷ ᠪᠠᠭᠠ ᠨᠠᠰᠤᠨᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠯᠪᠠᠪᠠᠨ ᠦᠩᠭᠡᠷᠡᠭᠡᠭᠰᠠᠨ ᠶᠤᠮ᠃ ᠬᠠᠷᠠᠮᠰᠠᠯᠳᠠᠢᠨᠢ ᠡᠨᠡ ᠬᠦ᠌ ᠬᠦᠨᠳᠤᠳᠤ ᠪᠤᠤ ᠪᠠᠭᠰᠢ᠂ ᠴᠣ᠋ ᠪᠠᠭᠰᠢ ᠳᠤᠪᠠᠨ ᠠᠴᠢᠯᠠᠯᠤᠨ ᠬᠠᠷᠢᠭᠤ ᠬᠦᠨᠳᠤᠳᠭᠡᠯ ᠲᠠᠯᠠᠷᠬᠠᠯ ᠵᠶ᠋ᠠᠨ ᠲᠡᠪᠰᠢᠬᠦᠯᠵᠤ ᠠᠮᠵᠢᠭᠰᠠᠨ ᠦᠭᠡᠢ ᠶᠤᠮ᠃
ᠪᠤᠤ ᠭᠡᠰᠢᠭᠳᠤ ᠭᠡᠳᠡᠭ ᠪᠠᠭᠰᠢ 1958 ᠤᠨᠤ ᠬᠠᠪᠤᠷᠠᠴᠠ ᠡᠬᠢᠯᠠᠵᠤ ᠵᠤᠤ ᠤᠯᠠᠭ᠋ᠠᠠᠬᠦᠤ ᠭᠡᠳᠡᠭ ᠰᠤᠮᠤᠨᠤ ᠱᠦᠵᠢᠲᠠᠢ ᠬᠤᠶᠠᠭᠤᠯᠠ ᠰᠤᠷᠭ᠋ᠠᠭᠤᠯᠢ ᠪᠠᠢ᠌ᠭᠤᠯᠬᠤ ᠪᠠᠯᠠᠳᠭᠡᠯ ᠠᠵᠢᠯ ᠵᠶ᠋ᠠᠨ ᠡᠬᠢᠯᠠᠬᠦᠯᠵᠤ᠂ ᠲᠠᠮᠠᠭᠡ ᠤᠨᠤᠭ᠋ᠠᠳ ᠪᠦᠬᠦ ᠬᠦᠪᠠᠨᠠᠮᠤᠭᠤᠨ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤ ᠨᠠᠰᠤᠨᠤ ᠭᠡᠤᠭᠡᠳᠲᠠᠢ ᠠᠢ᠌ᠯ ᠡᠷᠦᠭᠡᠪᠠᠷ ᠲᠤᠭᠤᠷᠢᠨ ᠶᠠᠪᠤᠵᠤ᠂ ᠭᠡᠤᠭᠡᠳ ᠵᠶ᠋ᠠᠨ ᠡᠷᠭᠡᠪᠰᠢ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠯᠭᠠ ᠭᠡᠳ ᠨᠠᠷᠠ ᠵᠢᠨᠢ ᠲᠡᠮᠳᠡᠭᠯᠠᠵᠤ ᠠᠪᠤᠭ᠋ᠠᠳ ᠶᠠᠪᠤᠵᠤ ᠪᠠᠢ᠌ᠭᠰᠠᠨ ᠭᠡᠵᠤ ᠠᠪᠤ ᠡᠵᠢ ᠭᠡᠯᠡᠵᠤ ᠪᠠᠢ᠌ᠭᠰᠠᠨ᠃ ᠮᠢᠨᠤ ᠠᠬᠠ ᠮᠥᠨ ᠲᠠᠷᠠ ᠤᠳᠠᠭᠠ ᠳᠤ ᠨᠠᠷᠠᠪᠠᠨ ᠮᠠᠳᠡᠬᠦᠯᠵᠤ ᠨᠠᠮᠤᠷᠨᠢ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠭᠰᠠᠨ᠃
1962 ᠤᠨᠤ ᠨᠠᠮᠤᠷ ᠲᠤᠰ ᠰᠤᠷᠭ᠋ᠠᠭᠤᠯᠢ ᠲᠤᠩᠭ᠋ᠠᠯᠠᠭ ᠨᠠᠭᠤᠷᠲᠤ ᠨᠠᠬᠦᠨ ᠢᠷᠠᠵᠤ ᠠᠩᠬᠠ ᠵᠠᠷᠭᠡ ᠵᠢᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠪᠠᠢ᠌ᠭᠰᠠᠨᠠᠴᠠᠪᠠᠨ ᠪᠦᠷᠢᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠪᠤᠯᠵᠤ ᠲᠠᠪᠤ᠂ ᠵᠢᠷᠭᠤᠳᠤᠭ᠋ᠠᠷ ᠤᠨ ᠡᠷᠬᠢᠯᠠᠪᠠ᠃ ᠢᠩᠬᠢᠭᠡᠳ ᠪᠠᠷᠠᠭᠤᠨ ᠪᠠᠯ ᠰᠤᠮᠤᠨᠤ ᠰᠢᠷᠠ ᠬᠦᠳᠠᠭᠡ ᠪᠠᠷᠢᠭ᠋ᠠᠳᠠ᠂ ᠰᠠᠩᠤᠨ ᠲᠠᠯᠠᠢ ᠰᠤᠮᠤᠨᠤ ᠬᠠᠭᠤᠨ ᠭᠤᠤᠯ ᠪᠠᠷᠢᠭ᠋ᠠᠳᠠ᠂ ᠪᠦᠬᠦ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠮᠤᠨᠤ ᠰᠤᠷᠬᠤ ᠨᠠᠰᠤᠨᠤ ᠭᠡᠤᠭᠡᠳᠤᠨ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤ ᠠᠰᠠᠭᠤᠳᠠᠯᠢ ᠦᠨᠳᠤᠰᠤᠨᠠᠴᠠᠨᠢ ᠰᠢᠢ᠍ᠳᠪᠤᠷᠢᠯᠡᠭᠰᠠᠨ ᠪᠠᠢ᠌ᠨᠠ᠃ ᠲᠤᠰ ᠵᠢᠯᠤᠨ ᠨᠠᠮᠤᠷᠤᠨ ᠬᠤᠭᠤᠴᠠᠭᠠ ᠡᠬᠢᠯᠠᠭᠡᠳ ᠲᠠᠮᠠᠢ ᠤᠳᠠᠭᠰᠠᠨ ᠦᠭᠡᠢ ᠬᠦᠪᠠᠨᠠᠮᠤᠭᠠᠴᠠ ᠵᠢᠷᠠ ᠲᠠᠯᠠᠨ ᠭᠠᠵᠠᠷᠲᠤ ᠪᠠᠢ᠌ᠭᠠ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠮᠤᠨᠳᠤ ᠨᠠᠬᠦᠭᠰᠠᠨ ᠶᠤᠮ᠃ ᠭᠡᠳᠤᠢ᠌ᠪᠠᠷ ᠨᠠᠮᠤᠷ ᠪᠤᠯᠤᠭᠰᠠᠨ ᠴᠦ᠍ ᠠᠭᠤᠷ ᠠᠮᠢᠰᠬᠤᠯ ᠶᠠᠭᠡ ᠯᠠ ᠲᠤᠯᠠᠭ᠋ᠠᠨ ᠪᠠᠢ᠌ᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠨᠠ᠃ ᠦᠳᠠ ᠵᠢᠨ ᠬᠤᠢ᠌ᠨᠠ ᠤᠷᠤᠢ ᠵᠢᠨ ᠪᠤᠳᠠᠭᠠᠪᠠᠨ ᠡᠷᠳᠠ ᠰᠢᠭ ᠢᠳᠡᠴᠢᠬᠡᠭᠡᠳ ᠲᠤᠮᠤ ᠬᠦᠷᠳᠤᠲᠠᠢ ᠦᠭᠡᠷ ᠲᠠᠷᠭᠡᠨ ᠲᠡᠭᠡᠷᠠ ᠬᠤᠴᠢᠯᠭᠠ ᠲᠠᠪᠢᠰᠭᠡᠷ ᠭᠡᠷᠡᠭᠰᠠᠯ ᠡᠨᠡ ᠲᠠᠷᠠᠪᠠᠨ ᠠᠴᠢᠭ᠋ᠠᠳ ᠶᠠᠪᠠᠭ᠋ᠠᠨ ᠵᠶ᠋ᠠᠷ ᠶᠠᠪᠤᠭᠰᠠᠨ᠃ ᠶᠠᠪᠤᠬᠤ ᠳᠤᠪᠠᠨ ᠰᠤᠷᠭ᠋ᠠᠭᠤᠯᠢ ᠲᠠᠵᠢᠭᠡᠵᠤ ᠪᠠᠢ᠌ᠭᠰᠠᠨ ᠬᠤᠶᠠᠷ ᠭᠠᠬᠠᠢᠪᠠᠨ ᠲᠠᠭᠤᠭ᠋ᠠᠳ ᠶᠠᠪᠤᠯᠠ᠃ ᠭᠡᠰᠡᠭ ᠶᠠᠪᠤᠵᠤ ᠪᠠᠢ᠌ᠳᠠᠯᠠ ᠲᠡᠭᠷᠢ ᠬᠠᠷᠠᠩᠭᠤᠢ ᠪᠤᠯᠵᠤ ᠰᠠᠷᠠ ᠭᠠᠷᠤᠯᠠ᠃ ᠦᠷᠬᠦᠯᠵᠢᠯᠠᠨ ᠶᠠᠪᠤᠵᠤ ᠪᠠᠢ᠌ᠳᠠᠯᠠ ᠪᠠᠭᠰᠢᠠᠴᠠ ᠤᠳᠤ ᠣᠢ᠌ᠷᠠᠳᠴᠤ ᠪᠠᠢ᠌ᠨᠠ ᠭᠡᠰᠡᠨᠳᠤ ᠪᠢᠳᠠ ᠪᠠᠶᠠᠷᠯᠠᠯᠳᠤᠵᠤ ᠰᠤᠯᠠᠷᠠᠭᠰᠠᠨ ᠬᠦᠯᠳᠤ ᠬᠦᠴᠤ ᠤᠷᠤᠭ᠋ᠠᠳ ᠶᠠᠪᠤᠭ᠋ᠠᠳ ᠪᠠᠢ᠌ᠭᠰᠠᠨ ᠴᠢᠨᠢ ᠮᠥᠨ ᠬᠦᠷᠳᠡᠭ ᠦᠭᠡᠢ᠃ ᠪᠠᠭᠰᠢᠠᠴᠠ᠄《ᠡᠨᠡ ᠰᠠᠢ᠌ᠬᠠᠨ ᠤᠯᠠᠭ᠋ᠠᠨ ᠡᠯᠡᠰᠦᠨ ᠲᠠᠭᠡᠷᠠ ᠪᠢᠴᠢᠬᠠᠨ ᠠᠮᠤᠰᠬᠢᠭ᠋ᠠᠳ ᠶᠠᠪᠤᠶᠠ》 ᠭᠡᠵᠤ ᠵᠠᠷᠯᠠᠭᠰᠠᠨᠳᠤ ᠰᠠᠭᠤᠵᠠᠭ᠋ᠠᠵᠤ ᠠᠮᠠᠷᠠᠯᠳᠠ ᠬᠢᠪᠠ᠃ ᠲᠠᠭᠡᠭᠡᠳ ᠪᠤᠰᠤᠳ ᠨᠦᠬᠦᠳ ᠶᠠᠭ᠋ᠠᠬᠢᠭᠰᠠᠨᠢ ᠮᠠᠳᠡᠬᠦ ᠦᠭᠡᠢ᠂ ᠪᠢ ᠨᠢᠭᠡ ᠳᠤᠭᠬᠢᠭ᠋ᠠᠳ ᠠᠪᠴᠠᠢ᠃ ᠪᠠᠭᠰᠢᠠᠴᠠ᠄《ᠤᠳᠤ ᠶᠠᠪᠤᠵᠠᠭ᠋ᠠᠶᠠ！》 ᠭᠡᠬᠦᠳᠤ ᠪᠤᠰᠤᠭ᠋ᠠᠳ ᠶᠠᠪᠤᠬᠤᠯᠠᠷ ᠬᠤᠶᠠᠷ ᠭᠠᠬᠠᠢ ᠰᠠᠷᠠᠯᠵᠢᠨ ᠲᠤᠤᠷᠠ ᠰᠢᠷᠭᠤᠭ᠋ᠠᠳ ᠭᠡᠪᠳᠡᠭᠰᠠᠨ ᠭᠢᠷᠢ ᠳᠤᠪᠠᠨ ᠪᠤᠰᠳᠠᠭ ᠦᠭᠡᠢ᠃ ᠲᠡᠭᠡᠭᠡᠳ ᠲᠤᠤᠷᠠᠨᠢ ᠤᠷᠬᠢᠭ᠋ᠠᠳ ᠶᠠᠪᠤᠭᠰᠠᠨᠳᠤ ᠴᠤᠬᠤᠮ ᠲᠠᠮᠠᠢ ᠶᠠᠪᠤᠭᠰᠠᠨ ᠦᠭᠡᠢ ᠬᠦᠷᠳᠡᠭ ᠭᠠᠵᠠᠷ ᠲᠤᠪᠠᠨ ᠢᠷᠠᠵᠤ ᠵᠠᠷᠢᠮᠨᠢ ᠪᠠᠢ᠌ᠰᠢᠩᠳᠤ ᠂ ᠵᠠᠷᠢᠮᠨᠢ ᠴᠠᠴᠠᠷ ᠮᠠᠢ᠌ᠬᠠᠨᠳᠤ ᠤᠨᠲᠠᠵᠠᠭ᠋ᠠᠪᠠ᠃ ᠵᠦᠳᠠᠷᠠᠵᠤ ᠶᠠᠳᠠᠷᠠᠭᠰᠠᠨ ᠭᠡᠤᠭᠡᠳᠤᠳᠤᠨ ᠶᠠᠭ᠋ᠠᠬᠢᠵᠤ ᠤᠨᠲᠠᠭᠰᠠᠨᠢ ᠮᠠᠳᠠᠬᠦ ᠦᠭᠡᠢ᠃ ᠨᠢᠭᠡ ᠮᠠᠳᠠᠬᠦᠳᠤ ᠪᠠᠭᠰᠢᠠᠴᠠ᠄《ᠪᠤᠰ！》 ᠭᠡᠬᠦᠳᠤ ᠪᠠᠭᠠ ᠦᠳᠠ ᠪᠤᠯᠵᠤ ᠪᠠᠢ᠌ᠭᠰᠠᠨ᠃ ᠲᠡᠭᠡᠭᠡᠳ ᠴᠠᠢ ᠬᠤᠭᠤᠯᠠ ᠢᠳᠠᠬᠦᠯᠵᠤ ᠤᠤᠭᠤᠯᠭ᠋ᠠᠭ᠋ᠠᠳ ᠨᠠᠳᠠᠲᠠᠢ ᠪᠠᠰᠠ ᠬᠤᠶᠠᠷ ᠰᠤᠷᠤᠭᠴᠢᠳᠤ ᠪᠢᠴᠢᠬᠠᠨ ᠪᠤᠷᠪᠢᠳᠤ ᠤᠰᠤ ᠬᠢᠭᠡᠳ ᠡᠬᠦᠷᠴᠤ ᠶᠠᠪᠤᠵᠤ ᠬᠤᠶᠠᠷ ᠭᠠᠬᠠᠢᠪᠠᠨ ᠲᠠᠭᠤᠵᠤ ᠢᠷᠠ ᠭᠡᠪᠠ᠃ ᠪᠢᠳᠠ ᠭᠡᠳᠤᠬᠦᠯᠠ ᠮᠦᠷ ᠵᠶ᠋ᠠᠷ ᠵᠶ᠋ᠠᠨ ᠪᠤᠴᠠᠭ᠋ᠠᠳ ᠬᠦᠷᠦᠭᠰᠠᠨᠳᠤ ᠨᠢᠭᠡ ᠭᠠᠬᠠᠢᠨᠢ ᠦᠬᠦᠴᠢᠭᠡᠭᠰᠠᠨ ᠪᠠᠢ᠌ᠪᠠ᠃ ᠠᠮᠢᠳᠤ ᠪᠠᠢ᠌ᠭᠰᠠᠨ ᠨᠢᠭᠡ ᠳᠤᠨᠢ ᠤᠰᠤ ᠦᠭᠬᠦᠭᠰᠠᠨᠳᠤ ᠨᠠᠯᠢᠶᠠᠳ ᠤᠤᠭᠤᠵᠤ ᠠᠪᠤᠭ᠋ᠠᠳ ᠪᠤᠰᠤᠭ᠋ᠠᠳ ᠢᠷᠠᠪᠠ᠃ ᠲᠡᠭᠡᠭᠡᠳ ᠲᠠᠭᠤᠭ᠋ᠠᠳ ᠬᠠᠷᠢᠭ᠋ᠠᠳ ᠢᠷᠠᠪᠠ᠃
ᠰᠢᠨᠠ ᠪᠠᠢ᠌ᠭᠤᠯᠤᠭᠰᠠᠨ ᠰᠤᠷᠭ᠋ᠠᠭᠤᠯᠢᠳᠤ ᠨᠠᠬᠦᠵᠤ ᠢᠷᠡᠭᠰᠠᠨ ᠪᠤᠯᠬᠤᠷ ᠤᠭᠤᠨ ᠰᠤᠷᠭ᠋ᠠᠭᠤᠯᠢ ᠵᠢ ᠦᠵᠠᠪᠠᠯ ᠨᠦᠬᠦᠴᠠᠯᠨᠢ ᠶᠠᠭᠡ ᠰᠠᠢ᠌ᠨ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ᠂ ᠮᠥᠨ ᠯᠠ ᠲᠦᠯᠡᠭᠡ ᠲᠠᠬᠦᠵᠤ ᠬᠤᠭᠤᠯᠠ ᠪᠤᠳᠠᠭᠠ ᠬᠢᠬᠦ᠂ ᠰᠠᠭᠤᠬᠤ ᠭᠡᠷᠤᠨ ᠳᠤᠯᠠᠭ᠋ᠠᠯᠠᠭᠠᠪᠠᠨ ᠬᠢᠵᠤ ᠪᠠᠢ᠌ᠭ᠋ᠠᠳ1963 ᠤᠨᠤ ᠡᠪᠤᠯᠤᠨ ᠬᠤᠭᠤᠴᠠᠭᠠᠠᠴᠠ ᠨᠠᠬᠦᠷᠠᠰᠤ ᠭᠡᠷᠡᠭᠯᠠᠬᠦ ᠪᠤᠯᠤᠭᠰᠠᠨ᠃
ᠴᠣ᠋ ᠪᠠᠭᠰᠢ ᠭᠡᠳᠤᠢ᠌ᠪᠠᠷ ᠡᠮᠡᠭᠳᠡᠢ ᠬᠦᠮᠤᠨ ᠪᠠᠢ᠌ᠭᠰᠠᠨ ᠴᠦ᠍ ᠡᠷᠡᠭᠳᠡᠢ ᠬᠦᠮᠤᠨᠲᠠᠢ ᠠᠳᠠᠯᠢᠬᠠᠨ ᠠᠵᠢᠯ ᠪᠦᠬᠦᠳᠠ ᠵᠢ ᠬᠢᠳᠡᠭ ᠰᠦᠷᠠᠭᠡᠢ ᠠᠵᠢᠯᠰᠠᠭ ᠬᠦᠮᠤᠨ ᠪᠠᠢ᠌ᠭᠰᠠᠨ᠃ ᠨᠠᠳᠠᠳᠤ ᠮᠠᠯ ᠭᠠᠷᠭ᠋ᠠᠬᠤ᠂ ᠠᠷᠠᠰᠤ ᠦᠪᠴᠢᠬᠦ᠂ ᠭᠡᠳᠡᠰᠦ ᠲᠤᠳᠤᠷ ᠴᠠᠪᠠᠷᠯᠠᠬᠦ᠂ ᠮᠦᠴᠢᠯᠠᠵᠤ ᠰᠠᠯᠭ᠋ᠠᠬᠤ ᠵᠠᠷᠭᠡ ᠪᠦᠬᠦᠳᠠ ᠠᠵᠢᠯ ᠢ ᠵᠢᠭ᠋ᠠᠵᠤ ᠦᠭᠬᠦᠭᠰᠠᠨ ᠪᠢᠯᠠ᠃ ᠲᠠᠷᠠ ᠦᠶᠠᠳᠤ ᠠᠮᠳᠠᠨ （ ᠮᠢᠬᠠ）ᠤ ᠮᠠᠯᠤᠨ ᠲᠤᠯᠤᠭ᠋ᠠᠢ ᠰᠢᠬᠢᠷᠠ ᠵᠢ ᠮᠥᠨ ᠰᠤᠷᠤᠭᠴᠢᠪᠠᠷ ᠬᠤᠢ᠌ᠬᠠᠯᠠᠭᠤᠯᠳᠠᠭ ᠪᠠᠢ᠌ᠪᠠ᠃ ᠭᠠᠷᠠᠭᠤᠨ ᠡᠳᠤᠷ ᠪᠢᠳᠠᠨᠳᠤ ᠲᠤᠯᠤᠭ᠋ᠠᠢ ᠰᠢᠬᠢᠷᠠ ᠬᠤᠢ᠌ᠬᠠᠯᠠᠳᠠᠭ ᠠᠵᠢᠯ ᠲᠤᠬᠢᠷᠠᠭᠤᠯᠵᠤ᠂ ᠬᠦᠳᠠᠭᠡ ᠤᠴᠢᠵᠤ ᠲᠦᠯᠠᠭᠡ ᠲᠠᠬᠦᠵᠤ ᠬᠣᠢ᠌ᠬᠠᠯᠠᠳᠠᠭ ᠪᠠᠢ᠌ᠪᠠ᠃ ᠨᠢᠭᠡ ᠤᠳᠠᠭᠠ ᠬᠣᠢ᠌ᠬᠠᠯᠠᠵᠤ ᠪᠠᠷᠠᠭ᠋ᠠᠳ ᠤᠷᠤᠢ ᠬᠠᠷᠢᠵᠤ ᠢᠷᠠᠬᠦᠳᠤ ᠨᠢᠭᠡ ᠰᠤᠷᠤᠭᠴᠢ ᠵᠢᠨ ᠠᠮᠠᠨ ᠵᠠᠪᠠᠵᠢᠨᠢ ᠬᠠᠪ ᠬᠠᠷᠠ ᠪᠤᠯᠴᠢᠬᠠᠭᠰᠠᠨ ᠰᠤᠨᠢᠨ ᠴᠢᠷᠠᠢᠲᠠᠢ ᠢᠷᠠᠪᠠ᠃ ᠶᠠᠭ᠋ᠠᠬᠢᠭᠰᠠᠨ ᠪᠤᠢ？ ᠭᠡᠰᠡᠨᠳᠤ ᠰᠢᠬᠢᠷᠠ ᠲᠦᠯᠡᠭᠳᠡᠭᠡᠳ ᠰᠢᠷᠪᠤᠰᠤᠨᠢ ᠭᠠᠷᠤᠭ᠋ᠠᠳ ᠢᠷᠠᠬᠦᠯᠠᠷ ᠲᠠᠰᠤᠯᠤᠭ᠋ᠠᠳ ᠢᠳᠡᠭᠰᠠᠨ ᠶᠤᠮ ᠭᠡᠨᠠ᠃ ᠲᠠᠭᠡᠵᠤ ᠱᠤᠭ ᠪᠤᠯᠵᠤ ᠢᠨᠢᠶᠠᠳᠤᠮ ᠪᠤᠯᠵᠤ ᠪᠠᠢ᠌ᠭᠰᠠᠨ᠃ ᠲᠠᠷᠠ ᠦᠶᠠᠳᠤ ᠪᠢ ᠪᠢᠴᠢᠭ ᠰᠠᠢ᠌ᠨ ᠰᠤᠷᠤᠳᠠᠭ ᠭᠡᠤᠭᠡᠳ ᠪᠠᠢ᠌ᠭᠰᠠᠨ᠃ ᠶᠠᠭᠡ ᠪᠠᠭᠠ ᠰᠢᠯᠭ᠋ᠠᠯᠳᠠ ᠂ ᠲᠠᠰᠬᠠᠯ ᠪᠦᠷᠢᠳᠤ 100 ᠬᠤᠪᠢ ᠠᠪᠳᠠᠭ ᠪᠠᠢ᠌ᠭᠰᠠᠨ᠃ ᠭᠡᠷᠪᠠ 98᠂ 99 ᠬᠤᠪᠢ ᠠᠪᠤᠪᠠᠯ ᠶᠠᠭᠡ ᠵᠤᠪᠠᠵᠤ᠂ ᠲᠠᠬᠢᠵᠤ ᠤᠯᠠᠮ ᠬᠢᠴᠢᠶᠠᠵᠤ ᠨᠠᠷᠢᠯᠢᠭ ᠬᠢᠳᠡᠭ ᠪᠠᠢ᠌ᠭᠰᠠᠨ᠂ ᠮᠢᠨᠤ ᠲᠠᠰᠬᠠᠯᠤᠨ ᠲᠡᠪᠳᠠᠷᠢ ᠭᠠᠷᠠᠭ ᠪᠦᠷᠢ ᠪᠤᠰᠤᠳ ᠠᠩᠬᠢᠳᠤ ᠠᠪᠠᠴᠢᠵᠤ ᠦᠵᠡᠬᠦᠯᠳᠡᠭ ᠃
ᠪᠢ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤᠠᠴᠠ ᠡᠮᠤᠨᠠ ᠠᠪᠤ ᠨᠠᠳᠠᠳᠤ ᠴᠠᠭ᠋ᠠᠨ ᠲᠤᠯᠤᠭ᠋ᠠᠢ᠂ ᠵᠠᠭᠤ ᠬᠦᠷᠬᠦ ᠲᠤᠭᠠ ᠵᠢᠭ᠋ᠠᠵᠤ ᠦᠭᠪᠠ᠃ ᠮᠢᠨᠤ ᠠᠪᠤ ᠪᠠᠭᠠ ᠨᠠᠰᠤᠨᠳᠤᠪᠠᠨ ᠭᠡᠷ ᠲᠤᠪᠠᠨ ᠠᠪᠤᠠᠴᠠᠪᠠᠨ ᠪᠢᠴᠢᠭ ᠰᠤᠷᠤᠭ᠋ᠠᠳ᠂ ᠤᠷᠢᠳ ᠬᠤᠵᠢᠳ ᠠᠢ᠌ᠮᠠᠭ᠂ ᠬᠤᠰᠢᠭᠤᠨᠤ ᠡᠳ᠋ᠤᠨ ᠵᠠᠰᠠᠭᠤᠨ ᠭᠠᠵᠠᠷᠤᠨ ᠰᠠᠯᠠᠭᠠ ᠵᠢᠨ ᠲᠠᠷᠤᠭᠠ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠪᠠᠢ᠌ᠭᠰᠠᠨ ᠬᠠᠭᠤᠴᠢᠨ ᠪᠢᠴᠢᠭ᠌ᠳᠠᠨ ᠬᠦᠮᠤᠨ ᠪᠤᠯᠬᠤᠷ ᠨᠠᠳᠠᠳᠤ ᠠᠩᠬᠠ ᠴᠠᠭ᠋ᠠᠨ ᠲᠤᠯᠤᠭ᠋ᠠᠢ ᠵᠢ ᠵᠢᠭ᠋ᠠᠵᠤ ᠦᠭᠴᠤ ᠪᠠᠢ᠌ᠭᠰᠠᠨᠠᠴᠠ ᠰᠠᠬᠦᠯᠠᠷᠨᠢ ᠡᠭᠡᠴᠢ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠭ᠋ᠠᠳ ᠴᠢᠯᠦᠭᠡᠨᠤ ᠬᠤᠭᠤᠴᠠᠭ᠋ᠠᠨ ᠳᠤᠪᠠᠨ ᠨᠠᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡᠳᠤᠭᠡᠷ ᠤᠨᠤ ᠨᠤᠮᠤᠨ ᠶᠤᠰᠤᠭ᠋ᠠᠷ ᠵᠢᠭ᠋ᠠᠵᠤ ᠦᠭᠬᠦᠭᠡᠳ ᠪᠢ ᠨᠢᠭᠡᠳᠤᠭᠡᠷ ᠲᠡᠪᠳᠠᠷᠢ ᠪᠦᠷ ᠤᠩᠰᠢᠵᠤ ᠪᠢᠴᠢᠭᠡᠳ ᠰᠤᠷᠴᠢᠬᠠᠭᠰᠠᠨ ᠪᠤᠯᠬᠤᠷ ᠨᠢᠭᠡᠳᠤᠭᠡᠷ ᠤᠨᠳᠤ ᠰᠠᠭᠤᠬᠤᠳᠤ ᠨᠠᠯᠢᠶᠠᠳ ᠰᠠᠭᠤᠷᠢᠲᠠᠢ ᠪᠠᠢ᠌ᠵᠠᠢ᠃ ᠪᠠᠭᠰᠢ ᠵᠢᠭ᠋ᠠᠬᠤᠠᠴᠠ ᠤᠷᠢᠳ ᠪᠢ ᠤᠩᠰᠢᠭ᠋ᠠᠳ ᠪᠢᠴᠢᠭᠡᠳ ᠴᠢᠳᠠᠵᠤ ᠪᠠᠢ᠌ᠬᠤᠯᠠᠷ ᠪᠠᠭᠰᠢ ᠨᠠᠮᠠ ᠵᠢ ᠶᠠᠭᠡ ᠲᠤᠭᠤᠵᠤ᠂ ᠰᠠᠬᠦᠯᠳᠠᠵᠤ ᠢᠷᠠᠭᠡᠳ ᠪᠠᠭᠰᠢ ᠡᠬᠢᠯᠠᠭᠡᠳ ᠨᠢᠭᠡ ᠤᠳᠠᠭᠠ ᠲᠠᠭ᠋ᠠᠭᠤᠯᠵᠤ ᠤᠩᠰᠢᠵᠤ ᠪᠠᠷᠠᠭ᠋ᠠᠳ ᠨᠠᠳᠠᠳᠤ ᠲᠤᠰᠢᠶᠠᠭ᠋ᠠᠳ ᠪᠢ ᠲᠠᠭ᠋ᠠᠭᠤᠯᠤᠭ᠋ᠠᠳ ᠤᠩᠰᠢᠵᠤ ᠵᠢᠭ᠋ᠠᠵᠤ ᠦᠭᠳᠡᠭ ᠪᠤᠯᠤᠭᠰᠠᠨ ᠪᠢᠯᠠ᠃ ᠲᠡᠭᠡᠭᠡᠳ ᠪᠢ ᠨᠢᠭᠡᠳᠤᠭᠡᠷ ᠤᠨᠠᠴᠠ ᠠᠩᠬᠢ ᠦᠰᠦᠷᠤᠭᠡᠳ ᠭᠤᠷᠪᠠᠳᠤᠭ᠋ᠠᠷ ᠤᠨ᠂ ᠭᠤᠷᠪᠠᠳᠤᠭ᠋ᠠᠷ ᠤᠨᠠᠴᠠ ᠦᠰᠦᠷᠦᠭᠡᠳ ᠲᠠᠪᠤᠳᠤᠭ᠋ᠠᠷ ᠤᠨ ᠭᠡᠳ ᠨᠠᠢ᠌ᠳᠠ ᠲᠦᠷᠪᠠᠨ ᠵᠢᠯ ᠰᠠᠭᠤᠭ᠋ᠠᠳ ᠵᠢᠷᠭᠤᠳᠤᠭ᠋ᠠᠷ ᠤᠨ ᠵᠶ᠋ᠠᠨ ᠲᠠᠬᠦᠰᠭᠡᠭᠰᠠᠨ ᠶᠤᠮ᠃ ᠪᠢ ᠨᠢᠭᠡᠳᠤᠭᠡᠷ ᠤᠨ ᠳᠤᠪᠠᠨ ᠫᠢᠦᠨ᠋ᠸᠷᠤᠨ ᠭᠡᠰᠢᠬᠦᠨ ᠪᠤᠯᠤᠭ᠋ᠠᠳ ᠬᠤᠵᠢᠮᠨᠢ ᠪᠠᠭᠠ᠂ ᠲᠤᠮᠳᠠ᠂ ᠶᠠᠭᠡ ᠠᠩᠬᠢ ᠵᠢᠨ ᠲᠠᠷᠤᠭᠠ ᠵᠢ ᠪᠦᠷ ᠪᠤᠯᠵᠤ ᠦᠩᠭᠡᠷᠡᠭᠰᠠᠨ ᠪᠦᠭᠡᠳ ᠭᠤᠷᠪᠠᠨ ᠰᠠᠢ᠌ᠨᠲᠠᠢ ᠰᠤᠷᠤᠭᠴᠢ ᠰᠢᠯᠢᠳᠡᠭ ᠫᠢᠦᠨ᠋ᠸᠷᠤᠨ ᠭᠡᠰᠢᠬᠦᠨ ᠮᠠᠳᠤ ᠵᠢᠨ ᠱᠠᠩᠨᠠᠯ ᠬᠦᠬᠢᠬᠦᠯᠤᠯᠢ ᠬᠤᠭᠤᠴᠠᠭᠠ ᠪᠦᠷᠢ ᠠᠪᠴᠤ᠂ ᠠᠪᠤ ᠡᠵᠢ ᠳᠤᠪᠠᠨ ᠦᠵᠠᠬᠦᠯᠵᠤ ᠪᠠᠶᠠᠷᠯᠠᠭᠤᠯᠳᠠᠭ ᠪᠠᠢ᠌ᠭᠰᠠᠨ ᠪᠢᠯᠠ᠃
1964 — 1965 ᠤᠨᠤ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠪᠦᠬᠦ ᠦᠪᠤᠷ ᠮᠤᠩᠭᠤᠯ ᠤᠷᠤᠨᠳᠤ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠰᠢᠯᠢᠳᠡᠭ ᠰᠤᠷᠤᠯᠭ᠋ᠠᠳᠠᠨᠢ ᠬᠦᠬᠢᠬᠦᠯᠤᠨ ᠱᠠᠩᠨᠠᠬᠤ ᠤᠷᠤᠯᠳᠤᠭ᠋ᠠᠨᠳᠤ ᠤᠷᠤᠯᠴᠠᠵᠤ᠂ ᠰᠢᠯᠢᠳᠡᠭ ᠦᠷᠠ ᠪᠦᠳᠦᠮᠵᠢᠪᠠᠷ ᠠᠯᠳᠠᠨ ᠮᠸᠳᠠᠯ ᠬᠦᠷᠳᠠᠵᠤ ᠡᠩᠭᠡᠷ ᠵᠶ᠋ᠠᠨ ᠮᠢᠯᠢᠶᠠᠯᠭ᠋ᠠᠵᠤ ᠦᠩᠭᠡᠷᠡᠭᠰᠠᠨ ᠪᠢᠯᠠ᠃ ᠪᠦᠬᠦ ᠤᠷᠤᠨᠳᠤ 13 ᠰᠤᠷᠭ᠋ᠠᠭᠤᠯᠢᠳᠤ ᠬᠤᠪᠢᠶᠠᠵᠤ ᠦᠭᠬᠦᠭᠰᠠᠨ ᠱᠠᠩᠨᠠᠯ ᠭᠡᠵᠤ ᠲᠤᠬᠠᠢ ᠵᠢᠨ ᠴᠠᠭᠲᠤ ᠲᠦᠪᠵᠢᠷᠭ᠋ᠠᠯ ᠭᠡᠳᠡᠭ ᠪᠠᠭᠰᠢ ᠭᠡᠯᠠᠵᠤ ᠪᠠᠢ᠌ᠭᠰᠠᠨ᠃
1966 ᠤᠨ ᠪᠤᠯᠬᠤᠳᠤ ᠪᠢ ᠪᠦᠬᠦᠯᠢ 13 ᠨᠠᠰᠤᠲᠠᠢ ᠪᠣᠯᠵᠤ᠂ ᠵᠢᠷᠭᠤᠳᠤᠭ᠋ᠠᠷ ᠤᠨ ᠵᠶ᠋ᠠᠨ ᠲᠠᠬᠦᠰᠭᠡᠵᠤ᠂ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠲᠠᠬᠦᠰᠦᠭᠰᠠᠨ ᠦᠨᠠᠮᠯᠠᠯ ᠵᠶ᠋ᠠᠨ ᠠᠪᠤᠭ᠋ᠠᠳ ᠨᠤᠳᠤᠭ ᠲᠤᠪᠠᠨ ᠬᠠᠷᠢᠵᠤ ᠬᠠᠮᠳᠤ ᠵᠢᠨ ᠠᠵᠢᠯ ᠬᠦᠳᠡᠯᠮᠤᠷᠢᠳᠤ ᠤᠷᠤᠯᠴᠠᠪᠠ᠃
ᠵᠢᠯ ᠪᠦᠷᠢ ᠵᠢᠨ 10 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ ᠰᠠᠬᠦᠯᠴᠢ 11 ᠳ᠋ᠦ᠍ᠭᠡᠷ ᠰᠠᠷᠠ ᠵᠢᠨ ᠡᠬᠢᠪᠠᠷ ᠪᠢ ᠠᠶᠠᠨᠳᠤ ᠶᠠᠪᠤᠳᠠᠭ ᠪᠠᠢ᠌ᠭᠰᠠᠨ᠃ ᠲᠤᠭᠳᠠᠭᠰᠠᠨ ᠡᠳᠤᠷ ᠲᠤᠪᠠᠨ ᠲᠠᠮᠠᠭᠡᠨ ᠰᠦᠷᠦᠭᠤᠨ ᠤᠯᠤᠰᠤᠳ ᠲᠠᠮᠠᠭᠡᠪᠠᠨ ᠴᠤᠭᠯᠠᠭᠤᠯᠵᠤ᠂ ᠭᠤᠨᠠᠪᠠᠨ ᠬᠠᠳᠬᠤᠵᠤ ᠡᠮᠨᠢᠭ ᠵᠶ᠋ᠠᠨ ᠲᠠᠰᠬᠠᠭ᠋ᠠᠳ ᠬᠦᠳᠤᠯᠵᠤ ᠪᠠᠷᠢᠭ᠋ᠠᠳᠠ ᠲᠡᠭᠡᠷᠠ ᠠᠪᠴᠢᠷᠠᠳᠠᠭ ᠪᠠᠢ᠌ᠵᠡᠢ᠃ ᠠᠬᠠ ᠪᠢᠳᠠ ᠬᠤᠶᠠᠷ ᠠᠪᠤ ᠡᠵᠢ ᠵᠢᠨ ᠪᠠᠯᠠᠳᠭᠡᠵᠤ ᠦᠭᠬᠦᠭᠰᠠᠨ ᠵᠤᠢ᠌ᠯᠤᠳ ᠵᠶ᠋ᠠᠨ ᠠᠪᠤᠭ᠋ᠠᠳ ᠪᠠᠷᠢᠭ᠋ᠠᠳᠠ ᠲᠡᠭᠡᠷᠠ ᠢᠷᠡᠭᠰᠠᠨᠳᠤ ᠪᠢ ᠨᠠᠰᠤᠨ ᠳᠤᠪᠠᠨ ᠦᠵᠡᠭᠡ ᠦᠭᠡᠢ ᠤᠯᠠᠨ ᠲᠠᠮᠠᠭᠡ ᠵᠢ ᠪᠠᠷᠢᠭ᠋ᠠᠳᠠ ᠵᠢᠨ ᠪᠠᠢ᠌ᠰᠢᠩᠢ ᠲᠤᠭᠤᠷᠢᠭᠤᠯᠤᠭ᠋ᠠᠳ ᠤᠶᠠᠭ᠋ᠠᠳᠠᠢ ᠪᠠᠢ᠌ᠬᠤ ᠵᠢ ᠤᠯᠵᠤ ᠦᠵᠠᠯᠠ᠃
ᠲᠠᠷᠠ ᠦᠶᠠᠳᠤ ᠮᠠᠨᠤ ᠪᠠᠷᠢᠭ᠋ᠠᠳᠠ ᠵᠢᠨ ᠲᠠᠷᠤᠭᠠ ᠬᠤ᠌ ᠦᠯᠵᠠᠢ᠌ᠳᠤᠭᠳᠠᠬᠤ ᠠᠩᠭᠠ ᠭᠡᠳᠡᠭ ᠬᠦᠮᠤᠨ ᠪᠠᠢ᠌ᠭᠰᠠᠨ᠃ ᠲᠡᠷᠡ ᠪᠤᠯ ᠬᠤᠷᠰᠢᠶᠠ ᠪᠤᠯᠬᠤᠠᠴᠠ ᠡᠬᠢᠯᠠᠭᠡᠳ ᠲᠠᠷᠤᠭᠠ ᠪᠤᠯᠵᠤ᠂ ᠲᠠᠮᠠᠭᠡᠨᠳᠤ ᠤᠨᠴᠠᠭ᠋ᠠᠢ ᠲᠠᠳᠠᠮᠠᠭ᠋ᠠᠢ ᠭᠢᠷᠠᠬᠠᠢ ᠬᠦᠮᠤᠨ ᠪᠠᠢ᠌ᠭᠰᠠᠨ᠃ ᠪᠦᠬᠦ ᠪᠠᠷᠢᠭ᠋ᠠᠳᠠ ᠵᠢᠨ ᠠᠷᠪᠠᠨ ᠭᠡᠳᠤᠨ ᠲᠠᠮᠠᠭᠡᠨ ᠰᠦᠷᠦᠭᠤᠨ ᠦᠩᠭᠡ ᠵᠢᠰᠤ᠂ ᠮᠦᠷ ᠤᠯᠠ ᠵᠢᠨᠢ ᠬᠦᠷᠳᠠᠯᠠ ᠪᠦᠬᠦᠳᠠ ᠵᠢ ᠲᠠᠨᠢᠵᠤ ᠮᠠᠳᠡᠳᠡᠭ ᠰᠦᠷᠠᠭᠡᠢ ᠬᠠᠰᠢᠷ ᠲᠠᠮᠠᠭᠡᠴᠢᠨ ᠪᠠᠢ᠌ᠪᠠ᠃ ᠦᠩᠭᠡᠷᠡᠭᠰᠠᠨᠳᠤ ᠠᠩᠭᠠ ᠲᠠᠷᠤᠭᠠ ᠦᠪᠠᠷᠤᠨ ᠪᠠᠶᠠᠪᠠᠷ ᠵᠶ᠋ᠠᠨ ᠠᠶᠠᠨ ᠲᠠᠭ᠋ᠠᠭ᠋ᠠᠵᠤ ᠶᠠᠪᠤᠳᠠᠭ ᠪᠠᠢ᠌ᠭᠰᠠᠨ ᠭᠡᠵᠤ ᠭᠡᠯᠡᠴᠡᠳᠡᠭ᠃ ᠨᠢᠭᠡ ᠬᠤᠳᠠ ᠲᠠᠮᠠᠭᠡᠨ ᠰᠦᠷᠦᠭᠠᠴᠠ ᠶᠠᠭᠡ ᠪᠠᠷᠤᠭ ᠬᠤᠶᠠᠷ ᠭᠠᠷ ᠲᠠᠮᠠᠭᠡ ᠲᠤᠬᠢᠷᠠᠭᠤᠯᠳᠠᠭ ᠪᠠᠢ᠌ᠪᠠ᠃ ᠲᠡᠭᠡᠭᠡᠳ ᠠᠩᠭᠠ ᠲᠠᠷᠤᠭᠠᠠᠴᠠ ᠭᠡᠨ ᠭᠡᠨᠤ ᠬᠤᠳᠠᠠᠴᠠ ᠲᠤᠬᠢᠷᠠᠭᠤᠯᠤᠨᠠ ᠭᠡᠵᠤ ᠶᠠᠷᠢᠭ᠋ᠠᠳ ᠨᠠᠮᠠ ᠵᠢ ᠸᠠᠩ ᠤᠪᠤᠭᠳᠤ ᠬᠦᠮᠦᠨᠲᠠᠢ ᠵᠠᠮᠰᠤ ᠠᠮᠪᠠᠢ ᠭᠡᠳᠡᠭ ᠠᠢ᠌ᠯᠤᠨ ᠬᠤᠳᠠᠳᠤ ᠲᠤᠬᠢᠷᠠᠭᠤᠯᠪᠠ᠃ ᠲᠠᠮᠠᠭᠡ ᠲᠤᠭᠢᠷᠠᠭᠤᠯᠬᠤᠳᠤ ᠤᠨᠴᠠᠭ᠋ᠠᠢ ᠤᠨᠤᠭ᠋ᠠᠨᠤ ᠠᠳᠠ᠂ ᠭᠠᠷᠤᠨ ᠠᠳᠠ᠂ ᠬᠤᠩᠬᠤ ᠵᠢᠨ ᠠᠳᠠ ᠭᠤᠷᠪᠠ ᠵᠢ ᠲᠠᠷᠤᠭᠠᠠᠴᠠ ᠨᠠᠳᠠᠳᠤ ᠰᠢᠨᠠ ᠭᠠᠷ ᠭᠡᠵᠤ ᠰᠠᠢ᠌ᠬᠠᠨ ᠲᠤᠬᠢᠷᠠᠭᠤᠯᠵᠤ ᠦᠭᠪᠠ᠃ ᠲᠡᠭᠡᠭᠡᠳ ᠪᠢ ᠰᠠᠶᠢ ᠡᠨᠡ ᠭᠤᠷᠪᠠᠨ ᠲᠠᠮᠠᠭᠡ ᠪᠤᠯ ᠠᠶᠠᠨᠳᠤ ᠶᠠᠪᠤᠬᠤᠳᠤ ᠲᠤᠢ᠌ᠯᠤᠨ ᠴᠢᠬᠤᠯᠠ ᠪᠠᠢ᠌ᠳᠠᠭᠢ ᠮᠠᠳᠠᠵᠤ ᠠᠪᠤᠭᠰᠠᠨ᠃ ᠤᠨᠤᠭ᠋ᠠᠨᠤ ᠠᠳᠠᠨᠢ ᠤᠯᠠᠨ ᠵᠢᠯ ᠠᠶᠠᠨᠳᠤ ᠶᠠᠪᠤᠭᠰᠠᠨ ᠬᠦᠭᠰᠢᠶᠠᠷᠠᠩ ᠳᠠᠳᠮᠠᠭ᠋ᠠᠢ ᠲᠠᠮᠠᠭᠡ ᠪᠠᠢ᠌ᠵᠤ᠂ ᠲᠠᠮᠠᠭᠡ ᠬᠦᠳᠠᠯᠤᠭᠡᠳ ᠶᠠᠪᠤᠬᠤᠳᠤ ᠬᠠᠮᠠᠷᠢᠨᠢ ᠲᠠᠳᠠᠬᠤ᠂ ᠪᠦᠭᠰᠠ ᠵᠢᠨᠢ ᠴᠤᠬᠢᠬᠤ ᠴᠢᠬᠤᠯᠠ ᠦᠭᠡᠢ᠂ ᠭᠠᠵᠠᠷ ᠤᠷᠤᠭᠤ ᠪᠠᠭᠤᠬᠤᠳᠤ ᠲᠤᠩ ᠠᠭ᠋ᠠᠵᠢᠭᠤᠨ ᠶᠠᠪᠤᠵᠤ᠂ ᠦᠭᠡᠳᠠ ᠭᠠᠷᠬᠤᠳᠤ ᠲᠦᠷᠭᠡᠨ ᠰᠢᠭ ᠭᠡᠬᠦ ᠮᠠᠳᠤᠪᠠᠷ ᠪᠦᠷ ᠦᠪᠠᠷ ᠵᠶ᠋ᠠᠨ ᠲᠤᠬᠢᠷᠠᠭᠤᠯᠤᠨ ᠶᠠᠪᠤᠴᠢᠬᠠᠳᠠᠭ᠃ ᠭᠠᠷᠤᠨ ᠠᠳᠠ ᠭᠡᠳᠡᠭ ᠴᠢᠨᠢ ᠴᠥᠷᠭᠡ ᠬᠦᠳᠠᠯᠦᠭᠡᠳ ᠶᠠᠪᠤᠵᠤ ᠪᠠᠢ᠌ᠳᠠᠯᠠ ᠠᠷᠤ ᠴᠦᠷᠭᠡᠨᠳᠤ ᠤᠴᠢᠷ ᠭᠠᠷᠪᠠᠯ ᠪᠤᠷᠠᠠᠳᠠᠭᠢᠨᠢ ᠭᠠᠵᠠᠷ ᠬᠠᠶᠠᠪᠠᠯ ᠲᠤᠤᠷᠠᠪᠠᠨ ᠵᠣᠭᠰᠤᠴᠢᠬᠠᠳᠠᠭ᠂ ᠲᠡᠭᠡᠭᠡᠳ ᠪᠤᠴᠠᠵᠤ ᠤᠴᠢᠭ᠋ᠠᠳ ᠰᠤᠭᠤᠷᠠᠵᠤ ᠰᠠᠭᠤᠭᠰᠠᠨ ᠲᠠᠮᠠᠭᠡᠪᠠᠨ ᠪᠠᠷᠢᠵᠤ ᠴᠦᠷᠭᠡᠯᠠᠬᠦ ᠠᠴᠢᠶᠠ ᠰᠤᠮᠠᠯ ᠬᠠᠵᠠᠢ᠌ᠵᠤ ᠪᠠᠢ᠌ᠪᠠᠯ ᠵᠠᠰᠠᠭ᠋ᠠᠳ ᠢᠷᠠᠬᠦᠳᠤ ᠵᠢᠭ᠋ᠠᠬᠠᠨ ᠴᠦ᠍ ᠬᠦᠳᠠᠯᠬᠦ ᠦᠭᠡᠢ ᠤᠭ ᠭᠠᠵᠠᠷ ᠲᠤᠪᠠᠨ ᠵᠤᠭᠰᠤᠵᠤ ᠪᠠᠢ᠌ᠳᠠᠭ᠂ ᠬᠤᠩᠬᠤ ᠵᠢᠨ ᠠᠳᠠ ᠭᠡᠳᠡᠭ ᠪᠠᠷᠤᠭ ᠪᠦᠳᠦᠬᠦᠨ ᠪᠠᠶᠠᠲᠠᠢ᠂ ᠤᠷᠳᠤ ᠬᠦᠯᠲᠠᠢ ᠲᠠᠮᠠᠭᠡ ᠪᠠᠢ᠌ᠳᠠᠭ᠃ ᠠᠶᠠᠨᠳᠤ ᠶᠠᠪᠤᠵᠤ ᠪᠠᠢ᠌ᠬᠤᠳᠤ ᠭᠤᠨᠠ ᠪᠠᠭ᠋ᠠᠴᠤᠳ ᠶᠠᠭᠤᠮᠠᠠᠴᠠ ᠦᠷᠬᠦᠬᠦ ᠪᠤᠶᠤ ᠱᠤᠭᠰᠢᠬᠤ ᠤᠴᠢᠷ ᠭᠠᠷᠪᠠᠯ ᠠᠷᠤ ᠠᠷᠤ ᠳᠤᠬᠢ ᠲᠠᠮᠠᠭᠡ ᠮᠥᠨ ᠲᠠᠭ᠋ᠠᠭ᠋ᠠᠳ ᠱᠤᠭᠰᠢᠬᠤ ᠪᠤᠯᠬᠤᠳᠤ ᠬᠣᠩᠬᠤ ᠵᠢᠨ ᠠᠳᠠ ᠬᠠᠷᠢᠨ ᠱᠤᠭᠰᠢᠬᠤ ᠦᠭᠡᠢ᠂ ᠬᠦᠵᠦᠬᠦᠤᠪᠠᠨ ᠰᠣᠩᠭ᠋ᠠᠭ᠋ᠠᠳ ᠶᠠᠪᠤᠳᠠᠯ ᠵᠶ᠋ᠠᠨ ᠪᠢᠴᠢᠬᠠᠨ ᠬᠤᠷᠳᠤᠳᠬᠠᠪᠠᠯ ᠬᠤᠩᠬᠠ ᠵᠢᠨ ᠲᠠᠭᠤ ᠮᠥᠨ ᠭᠡᠪ ᠵᠶ᠋ᠠᠷ ᠵᠶ᠋ᠠᠨ ᠪᠠᠢ᠌ᠳᠠᠭ᠃ ᠭᠠᠵᠠᠷ ᠦᠭᠡᠳᠠ ᠤᠷᠤᠭᠤ ᠭᠡᠰᠡᠨ ᠦᠭᠡᠢ ᠪᠦᠷ ᠨᠢᠭᠡ ᠯᠠ ᠠᠳᠠᠯᠢᠪᠠᠷ ᠲᠤᠤᠭ᠋ᠠᠷᠭ᠋ᠠᠳᠠᠭ ᠲᠠᠮᠠᠭᠡᠨᠢ ᠰᠠᠢ᠌ᠨ ᠬᠣᠩᠬᠤ ᠵᠢᠨ ᠠᠳᠠ ᠪᠤᠯᠬᠤ ᠵᠠᠷᠭᠡ ᠤᠴᠢᠷᠢ ᠴᠠᠭ᠋ᠠᠰᠢ ᠶᠠᠪᠤᠵᠤ ᠪᠠᠢ᠌ᠭ᠋ᠠᠳ ᠮᠠᠳᠡᠭᠰᠠᠨ ᠪᠢᠯᠠ᠃ ᠠᠩᠭᠠ ᠲᠠᠷᠤᠭᠠ ᠨᠠᠳᠠᠳᠤ ᠰᠢᠨᠠ ᠭᠠᠷ ᠭᠡᠵᠤ ᠠᠮᠪᠠᠢ ᠵᠢᠨ ᠬᠤᠳᠠᠨᠠᠴᠠ《ᠪᠠᠳᠠᠢ᠌ᠳᠤ》 ᠭᠡᠳᠡᠭ ᠠᠳᠠ ᠵᠢ ᠤᠨᠤᠭ᠋ᠠᠨᠳᠤ ᠲᠤᠬᠢᠷᠠᠭᠤᠯᠵᠤ᠂ 《ᠬᠤᠯᠤ ᠲᠠᠮᠠᠭ᠋ᠠᠳᠤ》 ᠭᠡᠳᠡᠭ ᠠᠳᠠ ᠵᠢ ᠬᠣᠩᠬᠤ ᠵᠢᠨ ᠠᠳᠠ᠂ 《ᠰᠢᠶᠤᠤᠳᠦ᠋ᠢ ᠰᠢᠷᠠ》 ᠭᠡᠳᠡᠭ ᠬᠦᠭᠰᠢᠨ ᠠᠳᠠ ᠵᠢ ᠭᠠᠷ ᠠᠳᠠ ᠭᠡᠵᠤ ᠲᠤᠬᠢᠷᠠᠭᠤᠯᠤᠭ᠋ᠠᠳ᠂ ᠨᠢᠭᠡ ᠭᠠᠷᠲᠤ ᠭᠤᠷᠪᠠᠨ ᠭᠤᠨᠠᠲᠠᠢ ᠨᠠᠢ᠌ᠳᠠ ᠠᠷᠪᠠᠨ ᠲᠠᠪᠤᠨ ᠲᠠᠮᠠᠭᠡ ᠵᠢ ᠴᠦᠷᠭᠡᠯᠠᠬᠦ ᠲᠠᠰ ᠲᠠᠷᠠᠭᠠ ᠵᠢᠨᠢ ᠬᠦᠷᠳᠠᠯᠠ ᠲᠤᠬᠢᠷᠠᠭᠤᠯᠵᠤ ᠦᠭᠬᠦᠭᠡᠳ ᠡᠳᠤᠷ ᠡᠳᠤᠷ ᠮᠥᠨ ᠲᠠᠷᠠ ᠲᠠᠰ ᠲᠠᠷᠠᠭᠠᠪᠠᠷ ᠴᠦᠷᠭᠡᠯᠠᠵᠤ ᠶᠠᠪᠤ ᠭᠡᠵᠤ ᠵᠠᠬᠢᠵᠤ ᠦᠭᠪᠠ᠃ ᠡᠨᠡ ᠲᠠᠰ ᠲᠠᠷᠠᠭᠠᠨᠢ ᠬᠠᠷᠢᠨ ᠨᠠᠳᠠ ᠰᠢᠭ᠋ ᠰᠢᠨᠠ ᠶᠠᠪᠤᠵᠤ ᠪᠠᠢ᠌ᠭᠠ ᠬᠦᠮᠤᠨᠳᠤ ᠨᠠᠯᠢᠶᠠᠳ ᠬᠦᠴᠢᠷ ᠰᠠᠨᠠᠭᠳᠠᠪᠠ᠃ ᠤᠴᠢᠷᠨᠢ ᠵᠢᠰᠤ ᠵᠢᠨᠢ ᠬᠦᠷᠳᠠᠯᠠ ᠲᠠᠨᠢᠵᠤ ᠮᠠᠳᠠᠬᠦ ᠦᠭᠡᠢ ᠪᠠᠢ᠌ᠬᠤᠳᠤ ᠲᠠᠰ ᠲᠠᠷᠠᠭᠠ ᠵᠢᠨᠢ ᠶᠠᠭ᠋ᠠᠬᠢᠵᠤ ᠴᠠᠭᠡᠵᠢᠯᠡᠳᠡᠭ ᠪᠢᠯᠠ ᠭᠡᠵᠤ ᠵᠤᠪᠠᠵᠤ ᠠᠩᠬᠠᠨᠤ ᠨᠢᠭᠡ ᠡᠳᠤᠷ ᠪᠠᠢ᠌ᠨ ᠪᠠᠢ᠌ᠨ ᠠᠷᠤ ᠳᠤᠪᠠᠨ ᠬᠠᠷᠤᠭ᠋ᠠᠳ ᠨᠢᠭᠡ ᠨᠢᠭᠡᠪᠠᠷ ᠵᠢᠰᠤ ᠲᠠᠷᠠᠭᠠ ᠵᠢᠨᠢ ᠴᠠᠭᠡᠵᠢᠯᠠᠵᠤ ᠠᠪᠤᠭᠰᠠᠨ ᠪᠢᠯᠠ᠃
ᠮᠢᠨᠤ ᠠᠶᠠᠨ ᠶᠠᠪᠤᠳᠠᠭ ᠲᠠᠷᠠ ᠵᠢᠯ （70 ᠤᠨ） ᠮᠠᠨᠤ ᠪᠠᠷᠢᠭ᠋ᠠᠳᠠ ᠠᠷᠪᠠᠨ ᠬᠤᠶᠠᠷ ᠭᠠᠷ ᠲᠠᠮᠠᠭᠡ ᠬᠤᠶᠠᠷ ᠭᠠᠯ （ᠮᠠᠢ᠌ᠬᠠᠨ） ᠶᠠᠪᠤᠭᠰᠠᠨ᠃ ᠠᠩᠭᠠ ᠲᠠᠷᠤᠭᠠ ᠵᠢᠨ ᠨᠠᠳᠠᠲᠠᠢ ᠭᠠᠷ ᠲᠠᠭ᠋ᠠᠷᠠᠭᠤᠯᠤᠭᠰᠠᠨ ᠸᠠᠩ ᠤᠪᠤᠭᠳᠤ ᠬᠦᠮᠦᠨ ᠪᠤᠯ ᠶᠠᠭᠡ ᠦᠨᠳᠤᠷ ᠪᠠᠶᠠᠲᠠᠢ᠂ ᠴᠢᠳᠠᠯ ᠲᠠᠩᠭᠡᠲᠠᠢ᠂ ᠨᠤᠮᠤᠬᠠᠨ ᠰᠠᠢ᠌ᠨ ᠰᠤᠭᠤ ᠪᠠᠢ᠌ᠭᠰᠠᠨ ᠃ ᠲᠠᠷᠠ ᠵᠢᠯ ᠪᠦᠷᠢ ᠪᠠᠷᠢᠭ᠋ᠠᠳᠠ ᠲᠡᠭᠡᠷᠠ ᠸᠴᠢᠷ ᠳ᠋ᠠᠨᠢᠭᠠ ᠭᠡᠳᠡᠭ ᠬᠦᠮᠤᠨᠲᠠᠢ ᠬᠤᠶᠠᠭᠤᠯᠠ ᠵᠠᠭ᠋ᠠᠰᠤ ᠤᠭᠤᠳᠠ᠂ ᠠᠷᠭ᠋ᠠᠮᠵᠢ ᠪᠤᠷᠠᠠᠳᠠᠭ᠂ ᠵᠠᠭ᠋ᠠᠰᠤᠨᠤ ᠲᠤᠰᠢᠶᠠ ᠮᠠᠳᠤ ᠵᠢᠨ ᠲᠤᠨᠤᠭ ᠲᠦᠬᠦᠭᠡᠷᠤᠮᠵᠢ ᠵᠢ ᠰᠠᠯᠪᠢᠵᠤ ᠵᠠᠰᠠᠳᠠᠭ ᠬᠦᠮᠤᠨ ᠪᠠᠢ᠌ᠭᠰᠠᠨ᠃ ᠸᠠᠩ ᠤᠪᠤᠭᠳᠤ ᠵᠠᠭ᠋ᠠᠰᠤ ᠴᠢᠬᠢᠬᠦ ᠳᠤᠪᠠᠨ ᠤᠨᠴᠠᠭ᠋ᠠᠢ ᠤᠷᠠ ᠮᠠᠷᠭᠡᠵᠢᠯᠲᠠᠢ᠂ ᠲᠠᠳᠠᠨᠤ ᠴᠢᠬᠢᠭ᠌ᠰᠠᠨ ᠵᠠᠭ᠋ᠠᠰᠤ ᠪᠦᠬᠦ ᠨᠢᠭᠡᠳᠤᠯᠳᠤᠪᠠᠨ ᠨᠠᠷᠠ ᠭᠠᠷᠴᠤ᠂ ᠲᠠᠮᠠᠭᠡᠨ ᠨᠢᠷᠤᠭᠤᠨᠳᠤ ᠲᠤᠢ᠌ᠯᠤᠨ ᠵᠤᠬᠢᠮᠵᠢᠳᠠᠢ᠂ ᠨᠢᠷᠤᠭᠤ ᠬᠠᠪᠢᠷᠭᠠ ᠲᠠᠷᠤᠵᠤ ᠰᠢᠷᠬᠠᠳᠤᠭᠤᠯᠬᠤ ᠤᠴᠢᠷ ᠶᠠᠷᠤ ᠪᠠᠢ᠌ᠳᠠᠭ ᠦᠭᠡᠢ᠃
ᠲᠠᠮᠠᠭᠡᠪᠠᠨ ᠬᠤᠪᠢᠶᠠᠵᠤ ᠲᠤᠬᠢᠷᠠᠭᠤᠯᠵᠤ ᠪᠠᠷᠠᠭ᠋ᠠᠳ ᠰᠤᠮᠠᠯ ᠤᠭᠤᠳᠠ᠂ ᠠᠷᠭ᠋ᠠᠮᠵᠢ᠂ ᠲᠠᠭᠡᠰᠤ᠂ ᠬᠤᠩᠬᠠ᠂ ᠪᠤᠢ᠌ᠯᠠ ᠵᠢᠨ ᠭᠡᠷ （ᠲᠠᠪᠤᠨ ᠪᠠᠯᠠᠳᠭᠡᠯ ᠪᠤᠢ᠌ᠯᠠᠲᠠᠢ） ᠵᠠᠷᠭᠡ ᠶᠠᠭᠤᠮᠠ ᠵᠢ ᠬᠤᠪᠢᠶᠠᠪᠠ᠃ ᠪᠢ ᠤᠴᠢᠷ ᠤᠬᠠᠭ᠋ᠠᠨ ᠵᠶ᠋ᠠᠨ ᠰᠠᠢ᠌ᠨ ᠮᠠᠳᠠᠬᠦ ᠦᠭᠡᠢ ᠠᠩᠭ᠋ᠠᠢ᠌ᠵᠤ ᠪᠠᠢ᠌ᠳᠠᠯᠠ ᠮᠢᠨᠤ ᠠᠬᠠ ᠨᠠᠳᠠᠳᠤ ᠨᠢᠭᠡ ᠬᠣᠩᠬᠣ ᠠᠪᠴᠢᠷᠠᠭ᠋ᠠᠳ᠄《ᠡᠬᠦᠨᠢ ᠠᠪ᠂ ᠲᠠᠭᠤᠨᠢ ᠮᠠᠭᠤ ᠰᠢᠭ᠋ ᠪᠤᠯᠪᠠᠴᠤ ᠲᠠᠷᠤᠭᠳᠠᠳᠠᠭ ᠦᠭᠡᠢ ᠶᠤᠮ》 ᠭᠡᠳ ᠦᠭᠬᠦᠪᠠ᠃ ᠲᠠᠷᠠ ᠬᠣᠩᠬᠣᠪᠠᠨ ᠵᠠᠬᠦᠭᠡᠳ ᠶᠠᠪᠤᠭᠰᠠᠨ ᠴᠢᠨᠢ ᠰᠠᠷᠴᠢᠬᠢᠨᠠᠭᠰᠠᠨ ᠤᠨᠴᠠᠭ᠋ᠠᠢ ᠲᠠᠭᠤᠨᠢ ᠤᠯᠠᠨ ᠬᠣᠩᠬᠣ ᠵᠢᠨ ᠲᠠᠭᠤᠨᠳᠤ ᠲᠠᠷᠤᠭᠳᠠᠳᠠᠭ ᠦᠭᠡᠢ᠃ ᠬᠠᠷᠢᠨ ᠰᠠᠢ᠌ᠨ ᠲᠠᠭᠤᠲᠠᠢ ᠬᠣᠩᠬᠣᠲᠠᠢ ᠠᠳᠠᠯᠢᠬᠠᠨ ᠤᠢ᠌ᠯᠠᠳᠤᠯᠲᠠᠢ ᠪᠠᠢ᠌ᠵᠤ ᠪᠢᠯᠠ᠃
ᠸᠠᠩ ᠪᠠᠭᠰᠢ ᠨᠠᠳᠠᠳᠤ ᠠᠷᠭ᠋ᠠᠮᠵᠢ ᠬᠤᠸᠠᠽᠠᠯᠠᠬᠤ （ᠭᠤᠭᠴᠤᠭᠠ ᠭᠠᠷᠭ᠋ᠠᠬᠤ） ᠠᠷᠭᠠ ᠵᠢ ᠵᠢᠭ᠋ᠠᠵᠤ ᠬᠤᠶᠠᠷ ᠠᠯᠳᠠ ᠲᠡᠭᠡᠷᠠ ᠭᠤᠭᠴᠤᠭᠠᠪᠠᠨ ᠭᠠᠷᠭ᠋ᠠᠵᠤ᠂ ᠬᠤᠶᠠᠷ ᠭᠤᠭᠴᠤᠭᠠ ᠵᠢᠨ ᠲᠤᠮᠳᠠ ᠮᠤᠬᠤᠷ ᠰᠦᠭᠡᠮ ᠵᠠᠢ ᠦᠯᠠᠳᠠᠭᠡᠵᠤ᠂ ᠤᠷᠳᠤ ᠤᠬᠤᠷᠨᠢ ᠠᠳᠠᠯᠢ ᠪᠠᠢ᠌ᠳᠠᠭ ᠭᠡᠵᠤ ᠵᠢᠭ᠋ᠠᠭ᠋ᠠᠳ ᠠᠷᠭ᠋ᠠᠮᠵᠢᠪᠠᠨ ᠪᠦᠬᠦᠳᠠ ᠵᠢ ᠬᠤᠸᠠᠽᠠᠯᠠᠭ᠋ᠠᠳ᠂ ᠰᠤᠮᠠᠯ ᠵᠶ᠋ᠠᠨ ᠭᠤᠷᠪᠠ ᠬᠤᠭᠤᠰᠯᠠᠵᠤ ᠪᠠᠭᠯᠠᠭ᠋ᠠᠳ᠂ ᠦᠳᠠ ᠵᠢᠨ ᠬᠤᠢ᠌ᠨᠠ ᠲᠠᠮᠠᠭᠡᠪᠠᠨ ᠵᠠᠭ᠋ᠠᠰᠤᠯᠠᠵᠤ᠂ ᠭᠤᠷᠪᠠᠨ ᠭᠤᠨᠠᠪᠠᠨ ᠪᠠᠰᠠ ᠤᠷᠢᠶᠠᠵᠤ ᠤᠨᠠᠭ᠋ᠠᠭ᠋ᠠᠳ ᠵᠠᠭ᠋ᠠᠰᠤᠯᠠᠵᠤ᠂ ᠪᠦᠳᠦᠬᠦᠨ ᠲᠠᠮᠠᠭᠡᠠᠴᠠ ᠭᠡᠯᠬᠢᠵᠤ ᠭᠡᠳᠤ ᠡᠷᠬᠢᠬᠦᠯᠵᠤ ᠲᠠᠭᠤᠵᠤ ᠬᠦᠳᠠᠯᠤᠭᠡᠳ ᠲᠠᠷᠠᠭᠠ ᠡᠳᠤᠷᠤᠨ ᠵᠠᠮ ᠶᠠᠪᠤᠬᠤ ᠳᠤᠪᠠᠨ ᠲᠦᠬᠦᠮ ᠪᠤᠯᠭ᠋ᠠᠳᠠᠭ ᠶᠤᠮ ᠪᠠᠢ᠌ᠨᠠ᠃ ᠮᠠᠨᠤ ᠲᠠᠠᠳᠠ ᠭᠤᠨᠠ ᠲᠠᠰᠬᠠᠬᠤᠳᠤ ᠪᠠᠷᠤᠭ ᠤᠷᠢᠶᠠᠵᠤ ᠤᠨᠠᠭ᠋ᠠᠬᠤ ᠠᠷᠭᠠᠪᠠᠷ ᠭᠡᠪᠳᠠᠬᠦᠯᠵᠤ ᠰᠤᠷᠭ᠋ᠠᠳᠠᠭ᠂ ᠲᠠᠪᠡᠭᠴᠢᠯᠠᠵᠤ ᠭᠡᠪᠳᠠᠬᠦᠯᠵᠤ ᠰᠤᠷᠭ᠋ᠠᠬᠤ ᠵᠢ ᠲᠠᠮᠠᠢ ᠭᠡᠷᠡᠭᠯᠡᠳᠡᠭ ᠦᠭᠡᠢ᠂ ᠵᠠᠷᠢᠮ ᠬᠤᠪᠢ ᠠᠢ᠌ᠯᠤᠨ ᠨᠢᠭᠡ ᠬᠤᠶᠠᠷ ᠭᠤᠨᠠ ᠪᠠᠢ᠌ᠪᠠᠯ ᠬᠠᠷᠢᠨ ᠲᠡᠪᠡᠭᠴᠢᠯᠠᠬᠤ ᠠᠷᠭᠠᠪᠠᠷ ᠰᠤᠷᠭ᠋ᠠᠳᠠᠭ ᠪᠠᠢ᠌ᠭᠰᠠᠨ᠃ ᠲᠡᠭᠡᠭᠡᠳ ᠤᠷᠤᠢᠨᠢ ᠪᠠᠷᠢᠭ᠋ᠠᠳᠠ ᠵᠢᠨ ᠲᠠᠷᠤᠭᠠ ᠱᠦᠵᠢᠠᠴᠠ ᠠᠶᠠᠠᠴᠢᠳ ᠵᠶ᠋ᠠᠨ ᠲᠠᠢ᠌ᠯᠠᠵᠤ᠂ ᠤᠯᠵᠠᠲᠠᠢ ᠤᠷᠤᠯᠭᠠᠲᠠᠢ᠂ ᠰᠠᠭ᠋ᠠᠳ ᠲᠤᠳᠬᠠᠷ ᠦᠭᠡᠢ ᠰᠠᠢ᠌ᠨ ᠰᠠᠢ᠌ᠬᠠᠨ ᠶᠠᠪᠤᠭ᠋ᠠᠳ ᠢᠷᠠᠬᠦ ᠵᠢ ᠵᠦᠩᠨᠠᠵᠤ᠂ ᠠᠷᠢᠬᠢ ᠪᠠᠷᠢᠵᠤ᠂ ᠮᠢᠬᠠ ᠴᠢᠨᠠᠵᠤ ᠰᠠᠢ᠌ᠨ ᠬᠤᠭᠤᠯᠠᠯᠠᠭᠤᠯᠵᠤ ᠬᠤᠨᠤᠭ᠋ᠠᠳ ᠦᠷᠯᠦᠭᠡ ᠡᠷᠳᠡ 3 — 4 ᠴᠠᠭᠤᠨ ᠦᠶᠠᠪᠠᠷ ᠲᠠᠮᠠᠭᠡᠪᠠᠨ ᠴᠦᠷᠭᠡᠯᠡᠵᠦ ᠠᠪᠤᠭ᠋ᠠᠳ ᠡᠬᠢᠯᠠᠨ ᠶᠠᠪᠤᠪᠠ᠃ ᠳᠡᠭᠡᠷᠡ ᠵᠠᠭᠤᠨᠤ ᠲᠠᠯᠠᠨ ᠭᠡᠳᠤᠨ ᠤᠨ ᠪᠤᠯᠬᠤᠳᠤ ᠪᠠᠷᠢᠭ᠋ᠠᠳᠠᠠᠴᠠ ᠠᠶᠠᠠᠴᠢᠳ ᠵᠶ᠋ᠠᠨ ᠪᠦᠷ ᠤᠭᠤᠴᠠ ᠲᠠᠯᠪᠢᠵᠤ ᠬᠦᠨᠳᠤᠯᠠᠭᠡᠳ ᠶᠠᠪᠤᠭᠤᠯᠳᠠᠭ ᠪᠠᠢ᠌ᠭᠰᠠᠨ᠃
ᠠᠶᠠᠨᠳᠤ ᠶᠠᠪᠤᠬᠤ ᠠᠵᠢᠯ ᠪᠤᠯ ᠨᠠᠯᠢᠶᠠᠳ ᠬᠦᠴᠢᠷᠳᠠᠢ ᠬᠦᠢ᠍ᠳᠠᠨ ᠴᠠᠭᠲᠤ ᠶᠠᠪᠤᠳᠠᠭ ᠪᠤᠯᠬᠤᠷ ᠪᠠᠷᠢᠭ᠋ᠠᠳᠠᠠᠴᠠ ᠠᠶᠠᠠᠴᠢᠳᠤᠨ ᠬᠦᠨᠠᠰᠤ ᠵᠢ ᠨᠠᠮᠠᠵᠤ᠂ ᠡᠳᠤᠷᠲᠤ ᠵᠢᠩ ᠲᠤᠮᠳᠠᠪᠠᠷ ᠪᠤᠳᠤᠵᠤ᠂ ᠲᠤᠰᠬᠠᠢ ᠦᠭᠡᠷ ᠨᠢᠳᠤᠯᠵᠤ ᠦᠭᠴᠤ ᠶᠠᠪᠤᠭᠤᠯᠳᠠᠭ᠃ ᠲᠡᠭᠡᠭᠡᠳ ᠬᠠᠷᠢᠨ ᠠᠶᠠᠨ ᠶᠠᠪᠤᠭᠰᠠᠨ ᠴᠢᠨᠢ ᠦᠨᠠᠭᠡᠷ ᠭᠡᠳᠠᠰᠤ ᠦᠯᠦᠰᠦᠭᠰᠠᠨ ᠦᠭᠡᠢ᠂ ᠡᠬᠢᠨᠤ ᠨᠢᠭᠡ ᠬᠤᠶᠠᠷ ᠡᠳᠤᠷ ᠦᠷᠯᠦᠭᠡ ᠡᠷᠳᠡ ᠪᠤᠳᠠᠭᠠ ᠢᠳᠠᠭᠡᠳ ᠤᠷᠤᠢ ᠪᠤᠯᠬᠤᠳᠤ ᠪᠠᠷᠤᠭ ᠦᠷᠬᠦᠯᠵᠢᠯᠠᠨ 12 ᠴᠠᠭ ᠪᠤᠯᠳᠠᠭ ᠪᠤᠯᠬᠤᠷ ᠪᠢᠴᠢᠬᠠᠨ ᠬᠠᠷᠠᠩᠭ᠋ᠠᠯᠠᠵᠤ ᠲᠠᠯᠢᠩ ᠵᠶ᠋ᠠᠨ ᠠᠭᠤᠳᠠᠯᠬᠤ ᠪᠤᠯᠳᠠᠭ᠃ ᠲᠡᠭᠡᠭᠡᠳ ᠭᠡᠳᠤᠨ ᠡᠳᠤᠷ ᠶᠠᠪᠤᠭ᠋ᠠᠳ ᠦᠩᠭᠡᠷᠠᠪᠠᠯ ᠲᠠᠳᠤᠭ᠋ᠠᠳ ᠦᠯᠦᠰᠬᠦᠪᠠᠨ ᠪᠤᠯᠢᠳᠠᠭ ᠶᠤᠮ ᠪᠠᠢ᠌ᠨᠠ᠃
ᠮᠠᠨᠤ ᠪᠠᠷᠢᠭ᠋ᠠᠳᠠᠠᠴᠠ ᠴᠠᠭ᠋ᠠᠨ ᠪᠤᠯᠠᠭ ᠬᠦᠷᠬᠦᠳᠤ ᠵᠠᠭᠤᠷᠠ ᠬᠤᠨᠤᠭ᠋ᠠᠳ ᠬᠦᠷᠳᠡᠭ᠃ ᠠᠩᠬᠠᠨᠤ ᠡᠳᠤᠷᠤᠨ ᠪᠠᠭᠤᠷᠢ ᠵᠠᠭᠳᠤ ᠵᠢᠨ ᠡᠬᠢᠨᠳᠤ ᠬᠤᠨᠤᠭ᠋ᠠᠳ ᠲᠠᠷᠠᠭᠠ ᠦᠷᠯᠦᠭᠡ ᠡᠷᠳᠡ ᠴᠠᠭ᠋ᠠᠨ ᠪᠤᠯᠠᠭ ᠬᠦᠷᠦᠭᠡᠳ ᠲᠠᠪᠤᠰᠤᠪᠠᠨ ᠰᠠᠪᠠᠯᠠᠵᠤ ᠵᠢᠩᠯᠠᠬᠦᠯᠤᠭᠡᠳ ᠲᠠᠷᠠᠭᠠ ᠡᠳᠤᠷᠤᠨ ᠦᠷᠯᠦᠭᠡ ᠡᠷᠳᠡ ᠠᠴᠢᠶᠠᠯᠠᠵᠤ ᠠᠪᠤᠭ᠋ᠠᠳ ᠶᠠᠪᠤᠳᠠᠭ᠃ ᠨᠢᠭᠡᠳᠤᠭᠡᠷ ᠪᠠᠭᠤᠷᠢ — ᠲᠤᠭᠤᠷᠠᠢ ᠵᠢᠨ ᠰᠤᠢ᠌ᠭ ᠪᠤᠶᠤ ᠬᠤᠢ᠌ᠳᠤ ᠭᠤᠤᠯᠤᠨ ᠠᠳᠠᠭ᠂ ᠬᠤᠶᠠᠳᠤᠭ᠋ᠠᠷ ᠪᠠᠭᠤᠷᠢ — ᠬᠤᠢ᠌ᠳᠤ ᠭᠤᠤᠯᠤᠨ ᠡᠬᠢᠨ᠂ ᠭᠤᠷᠪᠠᠳᠤᠭ᠋ᠠᠷ ᠪᠠᠭᠤᠷᠢ — ᠬᠤᠩᠭᠤᠷᠤᠨ ᠬᠤᠳᠳᠤᠭ ᠪᠤᠶᠤ ᠴᠢᠢ᠍ᠯᠠᠭᠤᠷᠤᠨ ᠡᠯᠠᠰᠤ᠂ ᠲᠦᠷᠪᠠᠳᠤᠭᠡᠷ ᠪᠠᠭᠤᠷᠢ — ᠴᠠᠢ᠌ᠷ ᠴᠤᠨᠵᠢ ᠂ ᠲᠠᠷᠠᠰᠤᠨ᠃ ᠢᠩᠬᠢᠭᠡᠳ ᠴᠠᠭ᠋ᠠᠰᠢ ᠲᠦᠷᠪᠠᠨ ᠡᠳᠤᠷ᠂ ᠪᠤᠴᠠᠬᠤ ᠳᠤᠪᠠᠨ ᠭᠤᠷᠪᠠᠨ ᠡᠳᠤᠷ ᠶᠠᠪᠤᠭ᠋ᠠᠳ ᠨᠠᠢ᠌ᠳᠠ 7 ᠡᠳᠤᠷᠲᠤ ᠨᠢᠭᠡ ᠡᠷᠬᠢᠳᠡᠭ᠃ ᠦᠷᠯᠦᠭᠡ ᠡᠷᠳᠡ ᠴᠠᠭ᠋ᠠᠨ ᠪᠤᠯᠠᠭᠤᠨ ᠲᠠᠪᠤᠰᠤᠨ ᠭᠤᠷᠤᠬᠠ ᠲᠡᠭᠡᠷᠠ ᠰᠤᠮᠠᠯ ᠵᠶ᠋ᠠᠨ ᠪᠠᠭᠤᠯᠭ᠋ᠠᠭ᠋ᠠᠳ᠂ ᠲᠠᠮᠠᠭᠡᠪᠠᠨ ᠲᠠᠯᠪᠢᠵᠤ᠂ ᠨᠢᠭᠡ ᠡᠷᠬᠢᠬᠦᠯᠦᠭᠡᠳ ᠵᠢᠭ᠋ᠠᠬᠠᠨ ᠢᠳᠠᠬᠦᠯᠵᠤ ᠠᠮᠠᠨ ᠵᠠᠪᠠᠭᠠ ᠵᠢᠨᠢ ᠭᠠᠷᠭ᠋ᠠᠵᠤ ᠤᠶᠠᠴᠢᠬᠠᠭ᠋ᠠᠳ ᠲᠠᠪᠤᠰᠤᠪᠠᠨ ᠰᠠᠪᠠᠯᠠᠳᠠᠭ᠃ ᠬᠠᠮᠳᠤ ᠭᠠᠷᠤᠨ ᠨᠦᠬᠦᠳᠲᠠᠢᠪᠠᠨ ᠬᠤᠶᠠᠭᠤᠯᠠ ᠨᠠᠢ᠌ᠳᠠ 60 ᠰᠤᠮᠠᠯ ᠲᠠᠪᠤᠰᠤ ᠰᠠᠪᠠᠯᠠᠵᠤ ᠬᠤᠶᠠᠷ ᠬᠤᠶᠠᠷ ᠵᠶ᠋ᠠᠷ ᠲᠠᠰᠢᠷᠯᠠᠵᠤ ᠲᠠᠯᠪᠢᠭ᠋ᠠᠳ ᠲᠠᠪᠤᠰᠤᠨ ᠲᠠᠯᠠᠪᠠᠢ ᠵᠢᠨ ᠲᠤᠰᠬᠠᠢ ᠵᠢᠩᠯᠡᠳᠡᠭ ᠬᠦᠮᠤᠰ ᠢᠷᠠᠵᠤ ᠵᠢᠩᠯᠠᠳᠡᠭ᠃ ᠬᠤᠶᠠᠷ ᠬᠦᠮᠤᠨ ᠮᠤᠳᠤᠨᠳᠤ ᠲᠠᠭᠡᠰᠤᠪᠠᠨ ᠭᠣᠭᠴᠣᠭ᠋ᠠᠯᠠᠵᠤ ᠤᠶᠠᠭ᠋ᠠᠳ ᠲᠠᠰᠢᠷᠯᠠᠭᠰᠠᠨ ᠬᠤᠶᠠᠷ ᠰᠤᠮᠠᠯᠤᠨ ᠬᠤᠶᠠᠷ ᠦᠵᠦᠬᠦᠷᠠᠴᠠ ᠡᠯᠬᠦᠵᠤ ᠲᠠᠮᠨᠠᠭ᠋ᠠᠳ ᠨᠢᠭᠡ ᠬᠦᠮᠤᠨ ᠵᠢᠩᠤᠨ ᠨᠢᠳᠤ ᠵᠢ ᠲᠠᠭ᠋ᠠᠷᠠᠭᠤᠯᠵᠤ ᠲᠤᠭᠠ ᠵᠢᠨᠢ ᠬᠠᠰᠬᠢᠷᠬᠤᠳᠤ ᠲᠠᠩᠰᠠ ᠪᠠᠷᠢᠳᠠᠭ ᠬᠦᠮᠤᠨ ᠪᠢᠴᠢᠵᠤ ᠲᠠᠩᠰᠠᠪᠠᠨ ᠬᠢᠳᠡᠭ᠃ ᠡᠬᠢᠯᠠᠭᠡᠳ ᠲᠠᠮᠠᠭᠡᠨᠤ ᠤᠰᠤᠨ ᠰᠤᠢ᠌ᠯ ᠲᠠᠯᠪᠢᠳᠠᠭ ᠤᠴᠢᠷᠠᠴᠠ ᠦᠷᠯᠦᠭᠡ ᠵᠢᠨ ᠭᠤᠷᠪᠠᠠᠴᠠ ᠲᠦᠷᠪᠠᠨ ᠴᠠᠭᠤᠨ ᠦᠶᠠᠪᠠᠷ ᠠᠴᠢᠶᠠᠯᠠᠵᠤ ᠶᠠᠪᠤᠭ᠋ᠠᠳ ᠦᠳᠠ ᠪᠤᠯᠬᠤᠳᠤ ᠪᠠᠭᠤᠵᠤ ᠲᠠᠮᠠᠭᠡᠪᠠᠨ ᠪᠢᠴᠢᠬᠠᠨ ᠢᠳᠠᠬᠦᠯᠦᠭᠡᠳ ᠬᠤᠷᠢᠶᠠᠵᠤ ᠤᠶᠠᠳᠠᠭ᠃ ᠰᠤᠢ᠌ᠯᠤᠨ ᠲᠠᠮᠠᠭᠡ ᠵᠢ ᠵᠠᠪᠠᠯ ᠦᠷᠯᠦᠭᠡ ᠡᠷᠳᠡ ᠠᠴᠢᠳᠠᠭ ᠪᠤᠯᠬᠤᠷ ᠠᠩᠬᠠ ᠶᠠᠪᠤᠵᠤ ᠪᠠᠢ᠌ᠬᠤ ᠬᠦᠮᠤᠨ ᠲᠤᠢ᠌ᠯ ᠵᠶ᠋ᠠᠷ ᠨᠤᠢ᠌ᠷ ᠬᠦᠷᠳᠡᠭ ᠪᠠᠢ᠌ᠭᠰᠠᠨ᠃ ᠦᠷᠯᠦᠭᠡ ᠡᠷᠳᠡ ᠬᠦᠢ᠍ᠳᠠᠨ ᠴᠦ᠍ ᠬᠤᠷᠳᠤᠨ ᠬᠦᠳᠠᠯᠵᠤ ᠲᠦᠷᠭᠡᠨ ᠠᠴᠢᠳᠠᠭ ᠪᠤᠯᠬᠤᠷ ᠬᠦᠯᠤᠰᠤ ᠭᠠᠷᠴᠤ ᠬᠠᠯᠠᠭᠤᠴᠠᠳᠠᠭ᠃ ᠡᠬᠢᠯᠡᠭᠰᠠᠭᠡᠷ ᠵᠠᠪᠠᠯ ᠶᠠᠪᠤᠭ᠋ᠠᠨ ᠶᠠᠪᠤᠵᠤ ᠬᠦᠯᠤᠰᠤᠪᠠᠨ ᠬᠠᠲᠠᠭ᠋ᠠᠭ᠋ᠠᠳ ᠰᠠᠶᠢ ᠲᠠᠮᠠᠭᠡᠪᠠᠨ ᠤᠨᠤᠳᠠᠭ᠃ ᠲᠡᠭᠡᠭᠡᠳ ᠪᠢ ᠠᠩᠬᠠ ᠤᠳᠠᠭᠠ ᠶᠠᠪᠤᠭ᠋ᠠᠨ ᠶᠠᠪᠤᠵᠤ ᠪᠠᠢ᠌ᠭ᠋ᠠᠳ ᠵᠡᠭᠦᠷᠮᠡᠭᠯᠡᠭᠡᠳ ᠵᠠᠮᠠᠴᠠ ᠭᠠᠷᠬᠤ ᠪᠤᠶᠤ ᠡᠮᠤᠨᠠ ᠭᠠᠷᠤᠨ ᠬᠣᠩᠬᠤ ᠵᠢᠨ ᠠᠳᠠ ᠵᠢᠨ ᠪᠤᠷᠪᠢᠳᠤ ᠲᠤᠯᠤᠭ᠋ᠠᠳ ᠰᠡᠷᠡᠭᠡᠳ ᠢᠷᠡᠭᠰᠠᠨ ᠤᠴᠢᠷ ᠭᠠᠷᠤᠭᠰᠠᠨ᠂ ᠬᠣᠩᠬᠤ ᠵᠢᠨ ᠠᠳᠠ ᠪᠦᠷ ᠬᠦᠭᠰᠢᠨ ᠨᠤᠮᠤᠬᠠᠨ ᠲᠠᠮᠠᠭᠡ ᠪᠠᠢ᠌ᠳᠠᠭ ᠪᠤᠯᠬᠤᠷ ᠬᠠᠢ᠌ᠷᠴᠤ ᠲᠠᠢ᠌ᠷᠳᠡᠭ ᠦᠭᠡᠢ ᠶᠤᠮ ᠪᠠᠢ᠌ᠵᠡᠢ᠃
ᠬᠠᠮᠤᠭ ᠠᠩᠬᠠᠳᠤᠭ᠋ᠠᠷ ᠪᠠᠭᠤᠷᠢ ᠬᠦᠷᠴᠤ ᠪᠠᠭᠤᠬᠤᠳᠤ ᠠᠴᠢᠶᠠᠪᠠᠨ ᠪᠠᠭᠤᠯᠭ᠋ᠠᠭ᠋ᠠᠳ ᠵᠠᠭ᠋ᠠᠰᠤ ᠵᠢᠨᠢ ᠰᠤᠯᠠᠳᠬᠠᠵᠤ ᠬᠦᠳᠠᠯᠭᠡᠭᠡᠳ ᠲᠠᠮᠠᠭᠡᠪᠠᠨ ᠲᠠᠯᠪᠢᠵᠤ ᠢᠳᠡᠬᠦᠯᠳᠡᠭ᠃ ᠲᠡᠭᠡᠭᠡᠳ ᠲᠠᠷᠠᠯᠭᠠ ᠲᠠᠭ᠋ᠠᠷᠠᠭᠰᠠᠨᠨᠢ ᠮᠠᠢ᠌ᠬᠠᠨ ᠵᠶ᠋ᠠᠨ ᠪᠠᠷᠢᠵᠤ ᠴᠠᠢᠪᠠᠨ ᠴᠢᠨᠠᠭ᠋ᠠᠳ ᠴᠤᠭᠭ᠋ᠠᠷ ᠬᠠᠯᠠᠭᠤᠨ ᠴᠠᠢ ᠤᠤᠭᠤᠵᠤ ᠠᠪᠤᠭ᠋ᠠᠳ ᠭᠠᠷᠴᠤ ᠠᠴᠢᠶᠠᠪᠠᠨ ᠲᠢᠭᠯᠡᠳᠡᠭ᠃ ᠨᠢᠭᠡᠳᠤᠭᠡᠷ ᠰᠦᠨᠢ ᠡᠷᠭᠡᠪᠰᠢ ᠰᠤᠮᠠᠯᠲᠠᠢ ᠲᠠᠪᠤᠰᠤᠪᠠᠨ ᠡᠪᠢᠨᠢ ᠲᠠᠭ᠋ᠠᠷᠠᠭᠤᠯᠵᠤ ᠰᠤᠮᠠᠯᠤᠨ ᠭᠠᠳᠠᠷ ᠲᠠᠯᠠ ᠵᠢᠨ ᠬᠤᠶᠠᠷ ᠦᠨᠴᠦᠭᠢᠨᠢ ᠨᠠᠢ᠌ᠯᠠᠬᠦᠯᠵᠤ ᠲᠠᠰᠢᠷᠯᠠᠵᠤ ᠠᠷᠭ᠋ᠠᠮᠵᠢᠪᠠᠨ ᠡᠪᠬᠡᠭᠡᠳ ᠲᠡᠭᠡᠷᠠᠨᠢ ᠲᠠᠯᠪᠢᠳᠠᠭ ᠶᠤᠰᠤᠳᠠᠢ᠃ ᠲᠠᠭᠡᠵᠤ ᠭᠡᠪ ᠵᠶ᠋ᠠᠨ ᠤᠯᠤᠭ᠋ᠠᠳ ᠬᠦᠯᠢᠭᠳᠡᠴᠢᠬᠡᠪᠡᠯ ᠲᠠᠬᠢᠨ ᠠᠴᠢᠬᠤᠳᠤ ᠲᠤᠩ ᠬᠢᠯᠪᠠᠷ ᠪᠤᠯᠵᠤ᠂ ᠰᠤᠮᠠᠯ ᠵᠶ᠋ᠠᠨ ᠬᠥᠨᠲᠦᠷᠦᠭᠡᠳ ᠲᠦᠯᠬᠢᠬᠦᠲᠠᠢ ᠵᠠᠷᠭᠡ ᠰᠤᠮᠠᠯᠤᠨ ᠲᠡᠭᠡᠳᠤ ᠬᠤᠶᠠᠷ ᠦᠨᠴᠦᠭᠨᠢ ᠭᠠᠳᠠᠭᠰᠢ ᠰᠠᠷᠠᠭᠡᠳ ᠠᠴᠢᠶᠠ ᠲᠤᠭᠳᠠᠪᠤᠷᠢᠳᠠᠢ ᠮᠦᠷᠳᠠᠭᠡᠨ ᠲᠠᠮᠠᠭᠡᠨᠤ ᠨᠢᠷᠤᠭᠤ ᠲᠠᠯᠤ ᠲᠠᠷᠤᠭᠳᠠᠳᠠᠭ ᠦᠭᠡᠢ᠃ ᠲᠡᠭᠡᠭᠡᠳ ᠶᠠᠪᠤᠭ᠋ᠠᠳ ᠲᠠᠷᠠᠰᠤᠨ ᠬᠤᠳᠠ ᠵᠢᠨ ᠮᠦᠸᠸ ᠵᠢᠶᠠ ᠯᠤ᠌ ᠭᠡᠳᠡᠭ ᠭᠠᠵᠠᠷ ᠲᠠᠪᠤᠰᠤᠪᠠᠨ ᠲᠤᠰᠢᠶᠠᠳᠠᠭ᠃ ᠲᠠᠠᠳᠠ ᠲᠤᠰᠬᠠᠢ ᠲᠠᠪᠤᠰᠤ ᠡᠬᠦᠷᠴᠤ ᠠᠰᠬᠠᠳᠠᠭ ᠬᠦᠮᠤᠨ ᠪᠠᠢ᠌ᠵᠤ ᠰᠤᠯᠠᠳᠬᠠᠭᠰᠠᠨ ᠰᠤᠮᠠᠯᠢ ᠭᠠᠳᠠᠭᠰᠢ ᠴᠢᠯᠠᠭᠤᠳᠠᠬᠤᠳᠤ ᠦᠪᠠᠷ ᠦᠪᠠᠷᠤᠨ ᠰᠤᠮᠠᠯ ᠵᠶ᠋ᠠᠨ ᠲᠠᠨᠢᠵᠤ ᠤᠯᠵᠤ ᠡᠪᠬᠡᠵᠤ ᠪᠠᠭᠯᠠᠵᠤ ᠠᠪᠳᠠᠭ᠃ ᠲᠠᠷᠠ ᠦᠶᠠ ᠵᠢᠨ ᠲᠠᠪᠤᠰᠤ ᠠᠴᠢᠵᠤ ᠲᠠᠭᠡᠭᠡᠪᠤᠷᠢᠯᠡᠭᠰᠠᠨ ᠬᠦᠯᠤᠰᠤᠨᠢ ᠶᠠᠭᠡ ᠪᠠᠭᠠ ᠲᠠᠮᠠᠭᠡ ᠲᠡᠭᠰᠢᠳᠭᠡᠭᠡᠳ 8 — 9 ᠲᠦᠬᠦᠷᠢᠭ ᠤᠯᠳᠠᠭ ᠪᠠᠢ᠌ᠵᠡᠢ᠃
1971 ᠤᠨᠤ 3 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠪᠢ ᠲᠠᠮᠠᠭᠡᠳᠤ ᠪᠠᠷᠢᠭ᠋ᠠᠳᠠ ᠵᠢᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ ᠵᠢᠨ ᠠᠵᠢᠯᠢ ᠲᠤᠰᠴᠤ ᠠᠪᠤᠪᠠ᠃ ᠲᠡᠭᠡᠭᠡᠳ ᠪᠦᠬᠦ ᠪᠠᠷᠢᠭ᠋ᠠᠳᠠ ᠵᠢᠨ ᠭᠡᠰᠬᠦᠳᠤᠨ ᠠᠮᠤ ᠬᠦᠨᠠᠰᠤ᠂ ᠲᠤᠰᠤ᠂ ᠮᠠᠯᠤᠨ ᠪᠤᠷᠳᠤᠭᠠ᠂ ᠨᠤᠤᠰᠤ ᠨᠤᠤᠯᠤᠭᠤᠷ᠂ ᠠᠷᠠᠰᠤ ᠰᠢᠷᠢ ᠮᠠᠳᠤ ᠵᠢᠨ ᠪᠤᠢ ᠪᠦᠬᠦᠢ ᠡᠳ᠋ ᠪᠤᠳᠠᠰᠢ ᠬᠤᠷᠢᠶᠠᠵᠤ ᠲᠠᠩᠰᠠᠯᠠᠵᠤ᠂ ᠪᠠᠰᠠ ᠵᠤᠭᠤᠰ ᠪᠠᠷᠢᠭᠴᠢ ᠵᠢᠨ ᠠᠵᠢᠯᠢ ᠬᠠᠪᠰᠤᠷᠭ᠋ᠠᠨ ᠬᠢᠵᠤ ᠪᠠᠢ᠌ᠵᠡᠢ᠃ ᠵᠢᠯ ᠪᠦᠷᠢ ᠵᠢᠨ 6 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ ᠨᠠᠢ᠌ᠳᠠᠮ ᠲᠤᠭᠠ ᠪᠦᠷᠢᠳᠭᠡᠯᠢ ᠦᠩᠭᠡᠷᠠᠭᠡᠳ ᠪᠦᠬᠦ ᠪᠠᠷᠢᠭ᠋ᠠᠳᠠ ᠵᠢᠨ ᠭᠡᠰᠢᠬᠦᠳ ᠨᠤᠤᠰᠤ ᠨᠤᠤᠯᠤᠭᠤᠷ ᠵᠶ᠋ᠠᠨ ᠪᠠᠷᠢᠭ᠋ᠠᠳᠠ ᠲᠡᠭᠡᠷᠠ ᠠᠴᠢᠵᠤ ᠢᠷᠠᠭᠡᠳ ᠨᠠᠳᠠᠳᠤ ᠵᠢᠩᠯᠠᠵᠤ ᠲᠠᠩᠰᠠᠯᠠᠵᠤ ᠲᠤᠰᠢᠶᠠᠳᠠᠭ᠃ ᠬᠤᠷᠢᠶᠠᠭᠰᠠᠨ ᠠᠷᠠᠰᠤ᠂ ᠨᠤᠤᠰᠤ ᠨᠤᠤᠯᠤᠭᠤᠷ ᠮᠠᠳᠤ ᠵᠢᠨ ᠮᠠᠯᠤᠨ ᠠᠰᠢᠭ ᠰᠢᠮᠠ ᠵᠢ ᠪᠦᠷ ᠲᠠᠮᠠᠭᠡᠪᠠᠷ ᠠᠴᠢᠵᠤ ᠬᠦᠩᠱᠸ ᠪᠤᠶᠤ ᠪᠠᠶᠠᠠᠬᠤᠳᠠ ᠵᠢᠨ ᠬᠠᠩᠭ᠋ᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶᠠᠨᠳᠤ ᠬᠦᠷᠭᠡᠳᠡᠭ᠃ ᠪᠤᠴᠠᠬᠤ ᠳᠤᠪᠠᠨ ᠬᠠᠭ᠋ᠠᠰ ᠵᠢᠯᠤᠨ ᠬᠦᠨᠠᠰᠤ ᠲᠤᠰᠤᠪᠠᠨ ᠠᠪᠤᠭ᠋ᠠᠳ ᠬᠠᠷᠢᠵᠤ ᠢᠷᠠᠵᠤ ᠬᠦᠮᠦᠷᠭᠡᠯᠡᠳᠡᠭ ᠪᠠᠢ᠌ᠵᠡᠢ᠃ ᠲᠠᠷᠠ ᠦᠶᠠᠳᠤ ᠴᠠᠭ ᠠᠭᠤᠷᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠠᠳᠠᠭᠡ ᠭᠡᠵᠤ ᠪᠠᠢ᠌ᠬᠤ ᠦᠭᠡᠢ᠂ ᠨᠢᠭᠡ ᠤᠳᠠᠭᠠ ᠶᠠᠭ ᠬᠦᠨᠠᠰᠤ ᠭᠤᠯᠢᠷ ᠵᠶ᠋ᠠᠨ ᠠᠴᠢᠭ᠋ᠠᠳ ᠵᠠᠮᠳᠤ ᠪᠤᠷᠤᠭ᠋ᠠᠨᠳᠤ ᠲᠤᠬᠢᠶᠠᠯᠳᠤᠵᠤ᠂ ᠭᠤᠯᠢᠷᠨᠢ ᠰᠤᠮᠠᠯᠳᠤ ᠨᠠᠭ᠋ᠠᠯᠳᠤᠵᠤ ᠪᠠᠷᠢᠯᠳᠤᠭ᠋ᠠᠳ ᠬᠠᠲᠠᠴᠢᠬᠠᠭᠰᠠᠨ᠂ ᠬᠤᠵᠢᠮᠨᠢ ᠤᠰᠤᠨᠳᠤ ᠰᠤᠮᠠᠯ ᠵᠶ᠋ᠠᠨ ᠲᠡᠪᠳᠤᠭᠡᠵᠤ ᠤᠬᠢᠶᠠᠭ᠋ᠠᠳ ᠬᠤᠨᠢᠨ ᠰᠦᠷᠦᠭᠲᠤ ᠦᠭᠴᠤ ᠮᠠᠯ ᠤᠰᠤᠯᠠᠭᠰᠠᠨ ᠤᠴᠢᠷ ᠭᠠᠷᠴᠤ᠂ ᠬᠦᠨᠠᠰᠤᠨᠳᠤ ᠨᠠᠯᠢᠶᠠᠳ ᠬᠤᠬᠢᠷᠠᠯ ᠭᠠᠷᠤᠭᠰᠠᠨ᠃ ᠲᠠᠬᠢᠭ᠋ᠠᠳ ᠨᠠᠮᠤᠷ ᠡᠪᠤᠯᠤᠨ ᠡᠬᠢᠪᠠᠷ ᠲᠠᠮᠠᠭᠡ ᠪᠠᠷᠢᠬᠤ ᠦᠶᠠᠰ ᠵᠶ᠋ᠠᠷ ᠲᠠᠬᠢᠵᠤ ᠪᠠᠰᠠ ᠬᠠᠭ᠋ᠠᠰ ᠵᠢᠯᠤᠨ ᠬᠦᠨᠠᠰᠤ᠂ ᠲᠤᠰᠤ᠂ ᠪᠤᠷᠳᠤᠭᠠ᠂ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠤᠢ᠌ᠯᠠᠳᠪᠤᠷᠢᠯᠠᠯᠤᠨ ᠭᠡᠷᠡᠭᠰᠠᠯ ᠵᠠᠷᠭᠡᠪᠠᠨ ᠲᠡᠭᠡᠭᠡᠪᠤᠷᠢᠯᠠᠵᠤ ᠠᠪᠳᠠᠭ᠃
ᠰᠠᠩ ᠬᠠᠮᠢᠶᠠᠷᠤᠬ᠍ᠴᠢ ᠵᠢᠨ ᠪᠠᠰᠨ ᠨᠢᠬᠡ ᠭᠤᠤᠯ ᠠᠵᠢᠯ ᠪᠤᠯ ᠮᠠᠯᠤᠨ ᠠᠰᠢᠭ ᠰᠢᠮᠠ ᠨᠤᠤᠰᠤ ᠨᠤᠤᠯᠤᠭᠤᠷᠢ ᠵᠢᠩᠯᠡᠵᠣ ᠬᠤᠷᠢᠶᠠᠳᠠᠭ ᠪᠠᠢ᠌ᠬᠰᠠᠨ᠃ ᠬᠤᠳᠠ ᠰᠦᠷᠦᠭᠲᠤ ᠮᠠᠯᠤᠨ ᠲᠤᠭᠠ ᠲᠤᠯᠤᠭ᠋ᠠᠢᠪᠠᠷ （ ᠲᠤᠰᠤ ᠰᠢᠭᠦᠷᠡᠮᠡᠭᠢ ᠡᠬᠡ ᠮᠠᠯᠤᠨ ᠲᠤᠭᠠᠪᠠᠷ） ᠨᠤᠤᠰᠤ ᠨᠤᠤᠯᠤᠭᠤᠷ ᠵᠡᠷᠬᠡ ᠠᠰᠢᠭ ᠰᠢᠮᠠ ᠵᠢᠨ ᠡᠬᠦᠷᠭᠡ ᠪᠠᠭᠤᠯᠭ᠋ᠠᠳᠠᠭ᠃ ᠦᠬᠦᠭᠰᠡᠨ ᠮᠠᠯᠤᠨ ᠠᠷᠠᠰᠤ ᠪᠤᠶᠤ ᠨᠤᠤᠰᠤ ᠵᠢ ᠠᠰᠳᠠᠭ᠋ᠠᠨ ᠬᠤᠷᠢᠶᠠᠵᠤ ᠲᠡᠮᠳᠡᠭ ᠬᠢᠵᠣ ᠦᠭᠬᠦᠬᠡᠤᠨ ᠮᠠᠯᠤᠨ ᠲᠤᠭᠠ ᠲᠤᠯᠤᠭ᠋ᠠᠢ ᠲᠠᠢ ᠬᠠᠷᠭᠤᠭᠤᠯᠵᠤ ᠪᠦᠷᠢᠳᠬᠡᠯ ᠬᠢᠳᠡᠭ᠃ ᠠᠷᠠᠰᠤ᠂ ᠨᠤᠤᠰᠤ ᠦᠭᠡᠢ ᠮᠠᠯᠤᠨ ᠲᠤᠭᠠ ᠲᠤᠳᠠᠪᠠᠯ ᠲᠦᠯᠤᠪᠤᠷᠢᠳᠤ ᠤᠷᠤᠨᠠ᠃ ᠲᠠᠷᠨᠨᠢ ᠮᠠᠯᠤᠨ ᠲᠦᠷᠤᠯ ᠵᠶ᠋ᠠᠷ ᠦᠨᠠ ᠦᠷᠳᠡᠭᠲᠠᠢ ᠪᠠᠢ᠌ᠵᠣ ᠬᠤᠪᠢ ᠨᠤᠷᠮᠠᠠᠴᠠᠨᠢ ᠬᠠᠰᠤᠳᠠᠭ ᠪᠠᠢ᠌ᠬᠰᠠᠨ᠃
ᠲᠠᠷᠨ ᠦᠶᠠᠳᠤ ᠵᠢᠯ ᠪᠦᠷᠢ ᠵᠢᠨ 6 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠪᠦᠬᠦ ᠪᠠᠷᠢᠭ᠋ᠠᠳᠠᠤᠨ ᠮᠠᠯᠤᠨ ᠨᠠᠢ᠌ᠳᠠᠮ ᠲᠤᠭᠠ ᠪᠦᠷᠢᠳᠬᠡᠯᠢ ᠬᠢᠳᠡᠭ᠃ ᠪᠠᠷᠢᠭ᠋ᠠᠳᠠᠤᠨ ᠲᠠᠷᠤᠭᠠ᠂ ᠨᠢᠬᠳᠠᠯᠠᠨ ᠪᠤᠳᠤᠬ᠍ᠴᠢ᠂ ᠰᠠᠩ ᠬᠠᠮᠢᠶᠠᠷᠤᠬ᠍ᠴᠢ ᠵᠡᠷᠬᠡ ᠬᠦᠮᠤᠨ ᠪᠠ ᠲᠡᠬᠡᠷᠠᠠᠴᠠ ᠪᠠᠭᠤᠵᠣ ᠢᠷᠡᠭᠰᠡᠨ ᠺᠠᠳ᠋ᠷᠲᠠᠢ ᠨᠠᠢ᠌ᠯᠡᠵᠣ ᠠᠵᠢᠯᠯᠠᠬᠤ ᠲᠤᠭᠤᠢ᠌ᠯᠠᠩ ᠪᠠᠢ᠌ᠭᠤᠯᠤᠭ᠋ᠠᠤᠨ ᠰᠦᠷᠦᠭ ᠲᠠᠷᠠᠭ᠋ᠠᠯᠠᠨ ᠶᠠᠪᠤᠵᠤ ᠮᠠᠯᠤᠨ ᠲᠤᠭᠠ ᠲᠤᠯᠤᠭ᠋ᠠᠢ ᠵᠢ ᠲᠠᠩᠰᠠᠯᠠᠳᠠᠭ᠃ ᠲᠦᠯ ᠮᠠᠯᠢ ᠨᠢᠬᠡᠤᠨ ᠨᠢᠬᠡᠪᠠᠷ ᠪᠠᠷᠢᠵᠣ ᠡᠷᠠ᠂ ᠡᠮᠠᠢᠨᠢ ᠢᠯᠭ᠋ᠠᠵᠣ ᠬᠦᠭᠰᠢᠨ ᠰᠢᠷᠪᠢᠬᠦ ᠮᠠᠯᠢ ᠰᠢᠳᠤ ᠵᠢᠨᠢ ᠲᠠᠳᠠᠵᠣ ᠦᠵᠡᠵᠣ ᠪᠠᠢ᠌ᠵᠣ ᠰᠠᠶᠢ ᠢᠮᠨᠠᠵᠣ ᠲᠡᠮᠳᠡᠭᠯᠡᠵᠣ ᠲᠠᠩᠰᠠᠯᠠᠳᠠᠭ᠂ ᠬᠠᠮᠤᠭ ᠲᠡᠷᠢᠬᠦᠨᠳᠤ ᠲᠦᠯᠢᠨᠢ ᠪᠠᠷᠢᠵᠣ᠂ ᠲᠠᠷᠠᠭᠠᠨᠢ ᠰᠦᠪᠠᠢ ᠮᠠᠯᠢ ᠪᠠᠷᠢᠵᠣ᠂ ᠲᠡᠬᠦᠨᠤ ᠲᠠᠷᠠᠭᠠᠨᠢ ᠰᠢᠷᠪᠢᠬᠦ ᠮᠠᠯ ᠵᠶ᠋ᠠᠨ ᠪᠠᠷᠢᠵᠣ᠂ ᠦᠷᠡᠵᠢᠬᠦᠯᠦᠭᠴᠢ ᠮᠠᠯ ᠵᠶ᠋ᠠᠨ ᠪᠠᠷᠢᠭ᠋ᠠᠤᠨ᠂ ᠦᠯᠡᠳᠡᠭᠰᠡᠨ ᠦᠷᠡᠵᠢᠭᠴᠢ ᠮᠠᠯ ᠵᠶ᠋ᠠᠨ ᠲᠤᠭ᠋ᠠᠯᠠᠵᠣ ᠭᠠᠷᠭ᠋ᠠᠳᠠᠭ᠃ ᠲᠡᠬᠡᠵᠣ ᠨᠢᠬᠡ ᠰᠦᠷᠦᠭᠠᠴᠠ ᠠᠪᠬᠤ ᠢᠷᠬᠡ᠂ ᠰᠢᠷᠬᠡ᠂ ᠰᠢᠷᠪᠢᠳᠡᠰᠤ ᠵᠡᠷᠬᠡ ᠵᠢᠨ ᠠᠮᠳᠠᠨᠤ ᠮᠠᠯ᠂ ᠤᠯᠤᠰᠤᠨ ᠡᠬᠦᠷᠬᠡᠳᠤ ᠦᠭᠬᠦ ᠮᠠᠯᠤᠨ ᠲᠤᠭᠠ ᠵᠢ ᠲᠤᠬᠳᠠᠭ᠋ᠠᠵᠣ ᠪᠦᠷᠢᠳᠬᠡᠬᠡᠤᠨ ᠨᠠᠮᠤᠷ ᠪᠤᠯᠬᠤᠳᠤ ᠲᠠᠷᠨ ᠮᠠᠯ ᠵᠶ᠋ᠠᠨ ᠲᠤᠭᠠ ᠲᠡᠮᠳᠡᠭ ᠶᠤᠰᠤᠭ᠋ᠠᠷᠨᠢ ᠠᠪᠴᠢᠷᠠᠵᠣ ᠪᠠᠷᠢᠭ᠋ᠠᠳᠠᠳᠤ ᠲᠤᠰᠢᠶᠠᠵᠣ ᠦᠭᠳᠡᠭ᠃ ᠡᠪᠤᠯᠤᠨ ᠠᠮᠳᠠᠨᠤ ᠮᠠᠯᠢ ᠤᠯᠨᠨ ᠠᠮᠨ ᠪᠦᠯᠢᠲᠠᠢ ᠡᠷᠤᠬᠡᠳᠤ ᠬᠦᠮᠤᠨ ᠪᠦᠷᠢᠳᠤ ᠨᠢᠬᠡ ᠪᠤᠭ ᠮᠠᠯ᠂ ᠲᠠᠪᠤᠨ ᠬᠦᠮᠤᠨᠠᠴᠠ ᠲᠤᠭᠤᠬᠰᠢ ᠠᠮᠨ ᠪᠦᠯᠢᠲᠠᠢ ᠡᠷᠤᠬᠡᠳᠤ ᠨᠢᠬᠡ ᠬᠦᠮᠤᠨᠳᠤ ᠨᠢᠬᠡ ᠲᠤᠮᠳᠠ ᠮᠠᠯ᠂ ᠭᠠᠬ᠍ᠴᠨ ᠠᠮᠨ ᠪᠦᠯᠢᠲᠠᠢ ᠡᠷᠤᠬᠡᠳᠤ ᠬᠤᠶᠠᠷ ᠮᠠᠯ ᠬᠡᠬᠦ ᠵᠡᠷᠬᠡᠪᠠᠷ ᠬᠤᠪᠢᠶᠠᠵᠣ ᠦᠭᠳᠡᠭ᠃ ᠲᠠᠷᠨ ᠦᠶᠠᠳᠤ ᠲᠠᠩᠰᠨ ᠬᠠᠷᠠ ᠲᠤᠭᠠ ᠪᠦᠷᠢᠳᠬᠡᠯᠢ ᠬᠢᠬᠦ ᠳᠤ ᠪᠦᠷ ᠰᠤᠸᠠᠮᠫᠠᠨ ᠬᠡᠷᠡᠭᠯᠡᠳᠡᠭ ᠪᠠᠢ᠌ᠬᠰᠨᠨ᠃ ᠪᠢ ᠰᠠᠩ ᠬᠠᠮᠢᠶᠠᠷᠤᠬ᠍ᠴᠢ ᠪᠤᠯᠤᠬᠰᠠᠨᠤ ᠲᠠᠷᠠᠭᠠ ᠭᠤᠷᠪᠠᠨ ᠰᠠᠷᠠ ᠲᠤᠳᠤᠷᠠ ᠰᠤᠸᠠᠮᠫᠠᠨ ᠪᠤᠳᠤᠯᠭᠠ ᠵᠢᠨ ᠨᠡᠮᠡᠬᠦ ᠬᠠᠰᠤᠬᠤ᠂ ᠦᠷᠡᠵᠢᠬᠦᠯᠬᠦ ᠬᠤᠪᠢᠶᠠᠬᠤ ᠠᠷᠭᠠ ᠵᠢ ᠮᠢᠨᠤ ᠠᠪᠤ （ᠨᠢᠬᠡᠳᠤᠯ ᠬᠤᠷᠰᠢᠶᠠ ᠪᠤᠯᠬᠤᠳᠤ ᠲᠡᠮᠡᠬᠡᠳᠤ ᠪᠠᠷᠢᠭ᠋ᠠᠳᠠ ᠵᠢᠨ ᠨᠢᠬᠳᠠᠯᠠᠨ ᠪᠤᠳᠤᠬ᠍ᠴᠢ ᠪᠠᠢ᠌ᠵᠠᠢ） ᠨᠠᠳᠠᠳᠤ ᠵᠢᠭ᠋ᠠᠵᠣ ᠦᠭᠬᠦᠬᠡᠤᠨ ᠰᠤᠸᠠᠮᠫᠠᠨ ᠪᠤᠳᠤᠯᠭᠠ ᠵᠢ ᠲᠤᠩ ᠪᠤᠯᠪᠠᠰᠤᠷᠠᠩᠭᠤᠢ ᠴᠤᠬᠢᠳᠠᠭ ᠪᠤᠯᠤᠬᠰᠠᠨ᠃ ᠰᠤᠸᠠᠮᠫᠠᠨ ᠪᠤᠳᠤᠯᠭᠠ ᠵᠢᠨ ᠨᠡᠮᠡᠬᠦ ᠪᠤᠳᠤᠯᠭᠠ ᠵᠢ ᠪᠤᠯᠪᠠᠰᠤᠷᠠᠬᠤᠳᠤ 625 ᠬᠡᠰᠡᠨ ᠲᠤᠭᠠ ᠵᠢ 16 ᠤᠳᠠᠭᠠ ᠨᠠᠮᠡᠪᠡᠯ ᠲᠦᠮᠨ ᠪᠤᠯᠳᠠᠭ᠃ ᠡᠨᠠᠨᠢ ᠬᠠᠭᠤᠴᠢᠨᠳᠤ ᠬᠡᠷᠡᠭᠯᠡᠵᠣ ᠪᠠᠢ᠌ᠬᠰᠠᠨ 16 ᠯᠠᠩᠤᠨ ᠵᠢᠩ ᠪᠤᠯᠤᠨ ᠤᠳᠤ ᠵᠢᠨ 10 ᠯᠠᠩᠤᠨ ᠵᠢᠩᠢ ᠬᠠᠷᠢᠴᠠᠭᠤᠯᠤᠨ ᠪᠤᠳᠤᠬᠤ ᠠᠷᠭᠠ ᠪᠤᠯᠤᠨᠠ᠃ ᠲᠡᠬᠡᠬᠡᠤᠨ ᠤᠯᠠᠨ ᠤᠳᠠᠭᠠ ᠪᠤᠯᠪᠠᠰᠤᠷᠠᠬᠰᠠᠭ᠋ᠠᠷ ᠪᠠᠢ᠌ᠭ᠋ᠠᠤᠨ ᠭᠠᠷᠤᠨ ᠡᠷᠡᠬᠡᠢ᠂ ᠬᠤᠮᠤᠬᠠᠢ᠂ ᠲᠤᠮᠳᠠ ᠬᠤᠷᠤᠭᠤ ᠭᠤᠷᠪᠠ ᠬᠠᠷᠢᠯᠴᠠᠨ ᠨᠦᠬᠦᠴᠡᠵᠣ᠂ ᠰᠤᠸᠠᠮᠫᠠᠨᠤ ᠡᠷᠢᠬᠡ ᠵᠢ ᠦᠬᠡᠳᠠ ᠤᠷᠤᠭᠤ ᠲᠦᠯᠬᠢᠬᠦ ᠪᠠ ᠤᠷᠤᠨ ᠲᠡᠪᠰᠢᠬᠦᠳᠤ ᠲᠤᠩ ᠪᠤᠯᠪᠠᠰᠤᠷᠠᠩᠭᠤᠢ ᠬᠡᠷᠡᠭᠯᠡᠵᠣ ᠴᠢᠳᠠᠬᠤ ᠪᠤᠯᠤᠬᠰᠠᠨ ᠶᠤᠮ᠃ ᠬᠤᠪᠢᠶᠠᠬᠤ ᠤᠢ᠌ᠯᠠᠳᠤᠯᠤᠨ ᠶᠢᠰᠤᠨ ᠲᠦᠷᠤᠯᠤᠨ ᠠᠷᠭᠠ ᠵᠢ ᠴᠤ᠌ ᠪᠦᠬᠦᠨᠢ ᠴᠡᠬᠡᠵᠢᠯᠡᠬᠡᠤᠨ ᠬᠤᠪᠢᠶᠠᠬᠤ ᠪᠤᠳᠤᠯᠭᠠ ᠵᠢ ᠮᠥᠨ ᠲᠦᠷᠬᠡᠨ ᠪᠤᠳᠤᠵᠣ ᠴᠢᠳᠠᠳᠠᠭ ᠪᠠᠢ᠌ᠬᠰᠠᠨ᠃
1971 ᠤᠨᠤ ᠡᠪᠤᠯ ᠬᠤᠰᠢᠭᠤ᠂ ᠬᠦᠩᠱᠸᠠᠴᠠ ᠠᠵᠢᠯᠯᠠᠬᠤ ᠲᠤᠭᠤᠢ᠌ᠯᠠᠩᠤᠨ ᠭᠤᠷᠪᠠᠨ ᠺᠠᠳ᠋ᠷ ᠮᠠᠨᠤ ᠪᠠᠷᠢᠭ᠋ᠠᠳᠠᠳᠤ ᠪᠠᠭᠤᠵᠣ ᠢᠷᠡᠪᠡ᠃ ᠲᠡᠬᠦᠨᠤ ᠲᠤᠳᠤᠷᠠ ᠬᠤᠰᠢᠭᠤᠨᠤ ᠬᠤᠶᠠᠳᠤᠭ᠋ᠠᠷ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠴᠢᠳᠠᠯᠳᠤ ᠬᠡᠳᠡᠭ ᠪᠠᠬᠰᠢ ᠢᠷᠡᠵᠣ ᠨᠠᠮᠠ ᠵᠢ ᠦᠵᠡᠬᠡᠤᠨ᠄《ᠴᠢ ᠡᠢ᠌ᠮᠤ ᠵᠠᠯᠠᠭᠤ ᠪᠠᠢ᠌ᠭ᠋ᠠᠤᠨ ᠡᠨᠳᠠ ᠡᠢ᠌ᠮᠤ ᠠᠵᠢᠯ ᠬᠢᠬᠡᠤᠨ᠂ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤ ᠨᠠᠰᠤᠪᠠᠨ ᠦᠩᠬᠡᠷᠡᠬᠡᠵᠣ ᠶᠠᠭ᠋ᠠᠬᠢᠵᠣ ᠪᠤᠯᠬᠤ ᠪᠤᠢ？ ᠵᠠᠪᠠᠯ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤ ᠬᠡᠷᠡᠭᠳᠠᠢ》ᠬᠡᠪᠡ᠃ ᠲᠡᠬᠡᠬᠡᠤᠨ ᠪᠢ ᠄《ᠪᠠᠷᠢᠭ᠋ᠠᠳᠠ᠂ ᠬᠦᠩᠱᠸᠠᠴᠠ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠢ᠌ᠨᠠ ᠰᠢᠤ᠂ ᠪᠢ ᠪᠠᠰᠨ ᠬᠡᠯᠡᠵᠣ ᠦᠩᠬᠡᠷᠡᠭᠰᠡᠨ》 ᠬᠡᠰᠡᠨᠳᠤ ᠴᠢᠳᠠᠯᠳᠤ ᠪᠠᠬᠰᠢ᠄《ᠵᠨ᠂ ᠬᠡᠮ ᠦᠭᠡᠢ᠂ ᠪᠢ ᠬᠠᠷᠢᠵᠣ ᠤᠴᠢᠭ᠋ᠠᠤᠨ ᠴᠢᠮᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠡᠯᠰᠡᠬᠦ ᠮᠡᠳᠡᠭᠳᠡᠯ ᠶᠠᠪᠤᠭᠤᠯᠵᠣ ᠦᠭᠬᠦᠶᠠ᠂ ᠲᠡᠬᠡᠪᠡᠯ ᠶᠠᠪᠤᠭᠤᠯᠬᠤ ᠪᠠᠢ᠌ᠯᠬᠦᠢ》ᠬᠡᠪᠡ᠃ 1972 ᠤᠨᠤ 1 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠦᠨᠡᠬᠡᠷ ᠮᠡᠳᠡᠭᠳᠡᠯ ᠢᠷᠡᠬᠦᠯᠪᠡ᠃ ᠲᠡᠬᠡᠬᠡᠤᠨ ᠪᠢ ᠪᠠᠷᠢᠭ᠋ᠠᠳᠠᠤᠨ ᠱᠦᠵᠢ᠂ ᠲᠠᠷᠤᠭᠠᠳᠤ ᠬᠡᠯᠡᠭᠰᠡᠨᠳᠤ᠂ ᠬᠦᠩᠱᠸᠠᠴᠠ ᠮᠡᠳᠡᠨᠠ᠂ ᠤᠴᠢᠵᠣ ᠬᠦᠩᠱᠸᠳᠤ ᠤᠴᠢᠷ ᠵᠶ᠋ᠠᠨ ᠶᠡᠷᠢ ᠬᠡᠪᠡ᠃ ᠪᠢ ᠢᠷᠡᠵᠣ ᠬᠦᠩᠱᠸ ᠵᠢᠨ ᠯᠠᠩ ᠱᠦᠵᠢᠳᠤ ᠤᠴᠢᠷ ᠵᠶ᠋ᠠᠨ ᠬᠡᠯᠡᠭᠰᠡᠨᠳᠤ᠄《ᠪᠤᠯᠬᠤ ᠦᠭᠡᠢ᠂ ᠴᠢ ᠮᠥᠨ ᠲᠤᠰ ᠠᠵᠢᠯ ᠵᠶ᠋ᠠᠨ ᠰᠠᠢ᠌ᠨ ᠬᠢᠵᠤ ᠪᠠᠢ᠂ ᠪᠢᠳᠠᠭᠡᠢ ᠶᠠᠪᠤᠨᠠ ᠪᠠᠷᠢᠨᠠ ᠭᠡᠳ ᠪᠠᠢ᠂ ᠴᠢ ᠠᠵᠢᠯ ᠵᠶ᠋ᠠᠨ ᠰᠠᠢ᠌ᠨ ᠬᠢᠵᠤ ᠪᠠᠢ᠌ᠭᠰᠠᠨ ᠴᠠᠭᠲᠤ ᠬᠤᠵᠢᠮ ᠴᠢᠮᠠ ᠵᠢ ᠵᠦᠭᠡᠷ ᠦᠩᠭᠡᠷᠠᠭᠡᠬᠦ ᠦᠭᠡᠢ》 ᠭᠡᠪᠠ᠃ ᠲᠡᠭᠡᠭᠡᠳ ᠴᠠᠭ᠋ᠠᠯᠠᠵᠤ ᠦᠩᠭᠡᠷᠠᠭᠡᠳ 2 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ ᠡᠴᠤᠰ ᠵᠶ᠋ᠠᠷ ᠬᠦᠨᠠᠰᠤ᠂ ᠪᠤᠷᠳᠤᠭᠠ ᠦᠭᠳᠡᠭ ᠬᠠᠩᠭ᠋ᠠᠳᠠᠭ ᠶᠠᠭᠤᠮᠠᠪᠠᠨ ᠪᠦᠬᠦᠳᠠ ᠵᠢ ᠬᠢᠵᠤ ᠲᠠᠭᠤᠰᠬᠠᠭ᠋ᠠᠳ ᠰᠤᠷᠭ᠋ᠠᠭᠤᠯᠢᠳᠤ ᠶᠠᠪᠤᠬᠤᠪᠠᠷ ᠪᠠᠯᠠᠳᠭᠡᠭᠰᠠᠨᠳᠤ ᠪᠠᠷᠢᠭ᠋ᠠᠳᠠᠠᠴᠠ᠄ ᠴᠢᠮᠠᠳᠤ ᠴᠢᠯᠦᠭᠡ ᠦᠭᠬᠦᠭᠰᠠᠨ ᠶᠤᠮ ᠤᠤ？ ᠭᠡᠵᠤ ᠠᠰᠠᠭᠤᠭᠰᠠᠨᠳᠤ ᠪᠢ ᠦᠪᠠᠷ ᠵᠶ᠋ᠠᠨ ᠴᠢᠯᠦᠭᠡᠪᠠᠨ ᠦᠭᠬᠦᠭᠰᠠᠨ ᠭᠡᠵᠤ ᠭᠡᠯᠠᠭᠡᠳ 3 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 1ᠳᠤ ᠠᠯᠠᠱ᠌ᠠ ᠠᠢ᠌ᠮᠠᠭᠤᠨ ᠬᠤᠶᠠᠳᠤᠭ᠋ᠠᠷ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠤᠴᠢᠵᠤ ᠨᠠᠷᠠᠪᠠᠨ ᠮᠠᠳᠠᠬᠦᠯᠦᠭᠡᠳ ᠬᠢᠴᠢᠶᠠᠯ ᠵᠶ᠋ᠠᠨ ᠤᠷᠤᠪᠠ ᠃ 4 ᠳ᠋ᠦ᠍ᠭᠡᠷ ᠰᠠᠷᠠ ᠵᠢᠨ ᠲᠤᠮᠳᠠᠴᠢ ᠪᠤᠯᠬᠤᠳᠤ ᠪᠠᠷᠢᠭ᠋ᠠᠳᠠᠠᠴᠠ ᠴᠢᠮᠠᠭᠡ ᠢᠷᠠᠬᠦᠯᠵᠤ᠂ ᠬᠦᠨᠠᠰᠤ ᠪᠤᠷᠳᠤᠭᠠᠪᠠᠨ ᠬᠠᠩᠭ᠋ᠠᠬᠤ ᠵᠠᠷᠭᠡ ᠠᠵᠢᠯ ᠵᠶ᠋ᠠᠨᠬᠢ ᠭᠡᠪᠠ᠃ ᠲᠡᠭᠡᠭᠡᠳ ᠨᠢᠭᠡ ᠭᠠᠷᠠᠭᠤᠨ ᠴᠢᠯᠦᠭᠡ ᠭᠤᠶᠤᠵᠤ ᠬᠠᠷᠢᠵᠤ ᠢᠷᠠᠭᠡᠳ ᠬᠦᠨᠠᠰᠤ ᠪᠤᠷᠳᠤᠭᠠ ᠪᠠ ᠦᠭᠳᠡᠭ ᠬᠠᠩᠭ᠋ᠠᠳᠠᠭ ᠵᠤᠢ᠌ᠯ ᠵᠶ᠋ᠠᠨ ᠬᠦᠢ᠍ᠴᠠᠳᠭᠡᠭᠡᠳ ᠲᠠᠬᠢᠨ ᠰᠤᠷᠭ᠋ᠠᠭᠤᠯᠢ ᠳᠤᠪᠠᠨ ᠢᠷᠠᠵᠤ ᠬᠢᠴᠢᠶᠠᠯ ᠤᠷᠤᠭ᠋ᠠᠳ 5 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠪᠠᠰᠠ ᠨᠢᠭᠡ ᠤᠳᠠᠭᠠ ᠤᠴᠢᠭ᠋ᠠᠳ 6 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ ᠲᠤᠮᠳᠠᠴᠢᠪᠠᠷ 《 ᠲᠦᠷᠭᠡᠨ ᠢᠷᠠᠵᠤ ᠲᠠᠩᠰᠠᠪᠠᠨ ᠲᠤᠰᠢᠶᠠ》 ᠭᠡᠰᠡᠨ ᠴᠢᠮᠠᠭᠡ ᠢᠷᠠᠪᠠ᠃ ᠲᠡᠭᠡᠭᠡᠳ ᠪᠠᠶᠠᠷᠳᠠᠢ ᠭᠡᠭᠴᠢ ᠬᠤᠶᠠᠷ ᠭᠠᠷᠠᠭᠤᠨ ᠴᠢᠯᠦᠭᠡ ᠠᠪᠤᠭ᠋ᠠᠳ ᠬᠦᠩᠱᠸ ᠲᠡᠭᠡᠷᠠ ᠯᠠᠩ ᠱᠦᠵᠢᠳᠤ ᠦᠵᠡᠭᠳᠡᠬᠦᠠᠴᠠ ᠵᠠᠢ᠌ᠯᠠᠰᠬᠢᠵᠤ ᠶᠠᠪᠤᠭ᠋ᠠᠳ ᠲᠠᠩᠰᠠᠪᠠᠨ ᠵᠢᠨ ᠢᠦᠢ ᠹᠠᠩ ᠭᠡᠳᠡᠭ ᠬᠤᠳᠤᠩ ᠵᠠᠯᠠᠭᠤᠳᠤ ᠪᠤᠢ ᠪᠦᠬᠦᠢ ᠬᠠᠮᠢᠶᠠᠷᠴᠤ ᠪᠠᠢ᠌ᠭᠰᠠᠨ ᠵᠤᠢ᠌ᠯ ᠵᠶ᠋ᠠᠨ ᠬᠦᠩᠱᠸ ᠵᠢᠨ ᠢᠳᠠᠭᠡᠮᠵᠢ ᠵᠢᠨ ᠬᠤᠷᠰᠢᠶᠠ ᠵᠢᠨ ᠨᠢᠭᠡ ᠠᠵᠢᠯᠳᠠᠨᠤ ᠭᠢᠨᠠᠯᠳᠠ ᠵᠢᠨ ᠲᠤᠤᠷᠠ ᠲᠤᠰᠢᠶᠠᠯ ᠵᠶ᠋ᠠᠨ ᠭᠢᠭᠡᠳ᠂ ᠰᠠᠳᠬᠢᠯ ᠰᠠᠨᠠᠭᠠ ᠠᠭᠤᠵᠢᠷᠠᠵᠤ᠂ ᠨᠢᠭᠡᠨ ᠪᠤᠳᠤᠯ ᠵᠶ᠋ᠠᠷ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠴᠢᠶᠠᠯ ᠳᠤᠪᠠᠨ ᠰᠢᠮᠳᠠᠵᠤ ᠲᠡᠭᠡᠳᠤ ᠵᠠᠷᠭᠡ ᠵᠢᠨ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠪᠠᠨ ᠲᠠᠬᠦᠰᠭᠡᠭᠡᠳ 1975 ᠤᠨᠤ 1 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠨᠤᠳᠤᠭ ᠲᠤᠪᠠᠨ ᠪᠤᠴᠠᠭᠰᠠᠨ ᠰᠠᠭᠡᠭᠡᠳᠠᠨ ᠵᠠᠯᠠᠭᠤᠪᠠᠷ ᠬᠠᠷᠢᠵᠤ ᠢᠷᠠᠪᠠ᠃
ᠬᠠᠷᠢᠭ᠋ᠠᠳ ᠢᠷᠠᠬᠦᠳᠤ ᠶᠠᠭ ᠰᠠᠢ᠌ᠬᠠᠨ ᠵᠢᠯᠤᠨ ᠡᠴᠤᠰᠤᠨ ᠭᠡᠰᠢᠬᠦᠳᠤᠨ ᠬᠤᠪᠢᠶᠠᠷᠢᠯᠠᠯᠳᠠ ᠵᠢᠨ ᠬᠤᠷᠠᠯ ᠪᠤᠯᠵᠤ ᠪᠠᠢ᠌ᠭᠰᠠᠨᠳᠤ ᠯᠠᠩ ᠱᠦᠵᠢ ᠮᠥᠨ ᠢᠷᠠᠴᠢᠭᠡᠭᠰᠠᠨ ᠨᠠᠮᠠ ᠵᠢ ᠦᠵᠠᠭᠡᠳ ᠶᠠᠭᠡ ᠰᠠᠢ᠌ᠬᠠᠨ ᠵᠠᠩᠲᠠᠢᠪᠠᠷ᠄《ᠵᠠ᠂ ᠴᠢ ᠬᠠᠷᠢᠭ᠋ᠠᠳ ᠢᠷᠡᠭᠰᠠᠨ ᠰᠠᠢ᠌ᠨ ᠪᠤᠯᠤᠯᠠ᠃ ᠤᠳᠤ ᠲᠠᠮᠠᠭᠡᠳᠤ ᠪᠠᠷᠢᠭ᠋ᠠᠳᠠ ᠵᠢᠨ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠠᠵᠢᠯᠯᠠ》 ᠭᠡᠪᠠ᠃ ᠲᠡᠭᠡᠭᠡᠳ ᠴᠠᠭ᠋ᠠᠯᠠᠵᠤ ᠦᠩᠭᠡᠷᠠᠭᠡᠳ 3 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ ᠡᠬᠢᠪᠠᠷ ᠮᠥᠨ ᠢᠳᠠᠭᠡᠮᠵᠢ ᠵᠢᠨ ᠬᠤᠷᠰᠢᠶᠠᠨᠤ ᠡᠷᠬᠢᠯᠡᠭᠴᠢ ᠵᠢᠨ ᠬᠢᠨᠠᠯᠳᠠ ᠵᠢᠨ ᠲᠤᠤᠷᠠ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠵᠢᠨ ᠲᠠᠩᠰᠠ ᠬᠠᠷᠠᠪᠠᠨ ᠲᠤᠰᠴᠤ ᠠᠪᠤᠪᠠ᠃ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠵᠢᠨ ᠠᠵᠢᠯᠢ ᠭᠤᠷᠪᠠᠨ ᠵᠢᠯ ᠬᠢᠵᠤ ᠭᠤᠷᠪᠠᠨ ᠤᠳᠠᠭ᠋ᠠᠨᠤ ᠠᠰᠢᠭ ᠤᠷᠤᠯᠭᠠ ᠵᠢᠨ ᠬᠤᠪᠢᠶᠠᠷᠢᠯᠠᠯᠳᠠ ᠬᠢᠭ᠌ᠰᠠᠨ ᠪᠢᠯᠠ᠃ ᠮᠠᠨᠤ ᠪᠠᠷᠢᠭ᠋ᠠᠳᠠ ᠲᠠᠷᠠ ᠦᠶᠠᠳᠤ ᠬᠠᠭ᠋ᠠᠰ ᠵᠢᠯᠳᠤ ᠨᠢᠭᠡ ᠤᠳᠠᠭᠠ ᠤᠷᠢᠳᠴᠢᠯᠠᠨ ᠬᠤᠪᠢᠶᠠᠷᠢᠯᠠᠯᠳᠠ ᠬᠢᠳᠡᠭ ᠪᠠᠢ᠌ᠪᠠ᠃
ᠪᠦᠬᠦ ᠵᠢᠯᠤᠨ ᠤᠷᠤᠯᠭᠠ ᠭᠡᠪᠠᠯ᠄ ᠬᠠᠮᠤᠭ ᠶᠠᠭᠡ ᠤᠷᠤᠯᠭᠠᠨᠢ ᠮᠥᠨ ᠠᠶᠠᠨ ᠲᠡᠭᠡᠭᠡᠪᠤᠷᠢ ᠬᠢᠭ᠌ᠰᠠᠨ ᠤᠷᠤᠯᠭᠠ ᠪᠠᠢ᠌ᠵᠡᠢ᠃ ᠪᠠᠰᠠ ᠮᠠᠯ ᠬᠤᠳᠠᠯᠳᠤᠭᠰᠠᠨ᠂ ᠮᠠᠯᠤᠨ ᠠᠰᠢᠭ ᠰᠢᠮᠠ᠂ ᠨᠤᠤᠰᠤ ᠨᠣᠣᠯᠣᠭᠤᠷ ᠵᠠᠷᠭᠡ᠃ ᠪᠠᠰᠠ ᠬᠤᠯᠤᠰᠤ᠂ ᠲᠦᠩᠭᠡ᠂ ᠰᠢᠷᠠᠯᠵᠢᠨ ᠦᠷᠠ （ᠲᠠᠳᠠᠩᠬᠠᠢ）᠂ ᠤᠯᠠᠭ᠋ᠠᠨ ᠭᠤᠶᠤᠤ ᠵᠠᠷᠭᠡ᠃ ᠬᠤᠵᠢᠮ 1977 ᠤᠨ ᠪᠤᠯᠬᠤᠳᠤ ᠪᠠᠷᠢᠭ᠋ᠠᠳᠠ ᠪᠠᠰᠠ ᠨᠢᠭᠡ 55 ᠭᠡᠯᠪᠠᠷᠢᠳᠤ ᠲᠷᠠᠺᠲ᠋ᠤᠷ ᠠᠪᠤᠭ᠋ᠠᠳ ᠭᠠᠳᠠᠭᠰᠢ ᠭᠠᠷᠴᠤ ᠲᠠᠭ᠋ᠠᠯᠳᠤᠬᠤ ᠠᠵᠢᠯ ᠬᠢᠭᠡᠳ ᠤᠷᠤᠯᠭᠠᠪᠠᠨ ᠶᠠᠭᠡᠪᠠᠷ ᠨᠡᠮᠡᠭᠳᠡᠬᠦᠯᠦᠭᠰᠠᠨ᠂ ᠲᠤᠭᠤᠴᠠᠭᠠ ᠬᠢᠬᠦᠳᠤ ᠪᠦᠬᠦ ᠤᠷᠤᠯᠭᠠᠠᠴᠠᠪᠠᠨ ᠬᠠᠮᠳᠤᠳᠤ ᠦᠯᠠᠳᠠᠭᠡᠬᠦ ᠨᠠᠢ᠌ᠳᠠ ᠵᠢᠨ ᠬᠤᠷᠠᠮᠳᠤᠯᠭᠠ ᠵᠢᠨ ᠮᠦᠩᠬᠦ 5% ᠤᠷᠴᠢᠮ᠂ ᠨᠠᠢ᠌ᠳᠠ ᠵᠢᠨ ᠠᠰᠠᠷᠠᠮᠵᠢ ᠵᠢᠨ ᠮᠦᠩᠬᠦ 3% ᠤᠷᠴᠢᠮ᠂ ᠮᠠᠯᠤᠨ ᠠᠴᠢ ᠬᠠᠷᠢᠭᠤᠯᠠᠯᠳᠠ （ᠲᠤᠭᠳᠠᠮᠠᠯ ᠲᠤᠭᠠ ᠪᠠᠢ᠌ᠳᠠᠭ）᠂ ᠪᠤᠰᠤᠳ ᠤᠢ᠌ᠯᠠᠳᠪᠤᠷᠢᠯᠠᠯᠤᠨ ᠵᠠᠷᠤᠯᠭᠠ᠂ ᠵᠢᠱ᠌ᠢᠶᠠᠯᠠᠪᠠᠯ᠄ ᠪᠤᠷᠳᠤᠭᠠ᠂ ᠲᠤᠰᠤ᠂ ᠴᠠᠢ᠂ ᠤᠩᠭᠤᠴᠠ᠂ ᠤᠳᠬᠤᠴᠠ᠂ ᠰᠠᠷᠭᠡᠢ᠌ᠯᠠᠯᠤᠨ ᠲᠠᠷᠢᠯᠭᠠ᠂ ᠮᠠᠯᠤᠨ ᠡᠮ᠂ ᠬᠤᠳᠳᠤᠭ ᠤᠰᠤ᠂ ᠬᠠᠰᠢᠶᠠ ᠰᠠᠷᠠᠪᠴᠢ ᠵᠢᠨ ᠵᠠᠷᠤᠯᠭᠠ ᠮᠠᠳᠤ ᠵᠢᠨ ᠵᠠᠷᠤᠯᠭᠠᠪᠠᠨ ᠭᠠᠷᠭ᠋ᠠᠭ᠋ᠠᠳ ᠦᠯᠡᠳᠡᠭᠰᠠᠨ ᠵᠶ᠋ᠠᠨ ᠬᠤᠪᠢ ᠨᠤᠷᠮᠠ ᠳᠤᠪᠠᠨ ᠲᠡᠭᠰᠢᠳᠭᠡᠵᠤ ᠬᠤᠪᠢᠶᠠᠷᠢᠯᠠᠯᠳᠠᠪᠠᠨ ᠬᠢᠳᠡᠭ᠃ ᠮᠢᠨᠤ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠬᠢᠭ᠌ᠰᠠᠨ ᠭᠤᠷᠪᠠᠨ ᠵᠢᠯᠳᠤ ᠨᠢᠭᠡ ᠪᠦᠬᠦᠯᠢ ᠬᠤᠪᠢ （10 ᠬᠤᠪᠢ）ᠳᠤ 1.00 ᠲᠦᠬᠦᠷᠢᠭ᠂ 0.90 ᠲᠦᠬᠦᠷᠢᠭ᠂ 1.05 ᠲᠦᠬᠦᠷᠢᠭ ᠵᠶ᠋ᠠᠷ ᠬᠤᠪᠢᠶᠠᠷᠢᠯᠠᠯᠳᠠ ᠬᠢᠵᠤ ᠦᠩᠭᠡᠷᠡᠭᠰᠠᠨ᠃
1977 ᠤᠨᠠᠴᠠ 1979 ᠤᠨ ᠪᠤᠯᠳᠠᠯᠠ ᠪᠢ ᠲᠠᠮᠠᠭᠡᠳᠤ ᠪᠠᠷᠢᠭ᠋ᠠᠳᠠ ᠵᠢᠨ ᠲᠠᠳ᠋ ᠲᠠᠷᠤᠭᠠ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠦᠩᠭᠡᠷᠠᠪᠠ᠃
1980 ᠤᠨᠤ 2 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠯᠠᠩ ᠱᠦᠵᠢ ᠨᠠᠮᠠ ᠵᠢ ᠲᠠᠭᠤᠳᠠᠵᠤ ᠢᠷᠠᠭᠡᠳ᠄《ᠴᠢ ᠤᠷᠢᠳ ᠵᠶ᠋ᠠᠷ ᠰᠤᠷᠭ᠋ᠠᠭᠤᠯᠢᠳᠤ ᠢᠷᠠᠵᠤ ᠪᠠᠭᠰᠢᠯᠠᠵᠤ ᠪᠠᠢ᠃ ᠦᠨᠤ ᠵᠢᠯ ᠠᠷᠠᠳᠠᠴᠠ ᠡᠷᠬᠢᠯᠡᠭᠰᠠᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠨᠠᠷᠢ ᠰᠢᠯᠭ᠋ᠠᠯᠳᠠᠪᠠᠷ ᠲᠠᠮᠵᠢᠭ᠋ᠠᠳ ᠵᠢᠩᠬᠢᠨᠢᠴᠢᠯᠡᠬᠦ ᠲᠦᠷᠤ ᠵᠢᠨ ᠪᠤᠳᠤᠯᠭᠠ ᠪᠠᠢ᠌ᠨᠠ᠃ ᠲᠡᠭᠡᠭᠡᠳ ᠴᠢ ᠵᠢᠩᠬᠢᠨᠢ ᠤᠯᠤᠰᠤᠨ ᠠᠵᠢᠯᠳᠠᠨ ᠪᠤᠯᠪᠠᠯ ᠨᠢᠭᠡᠳᠤᠯᠳᠤ ᠠᠪᠴᠢᠷᠠᠵᠤ ᠠᠵᠢᠯ ᠲᠤᠬᠢᠷᠠᠭᠤᠯᠤᠶᠠ》 ᠭᠡᠪᠠ᠃ ᠲᠡᠭᠡᠭᠡᠳ ᠪᠢ 1980 ᠤᠨᠤ 3 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 1ᠳᠤ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠷᠭ᠋ᠠᠭᠤᠯᠢᠳᠤ ᠢᠷᠠᠵᠤ ᠠᠷᠠᠳᠠᠴᠠ ᠡᠷᠬᠢᠯᠡᠭᠰᠠᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢᠪᠠᠷ ᠠᠵᠢᠯᠯᠠᠵᠤ ᠪᠠᠢ᠌ᠭ᠋ᠠᠳ 6 ᠳ᠋ᠤᠭ᠋ᠠᠷ ᠰᠠᠷᠠ ᠪᠤᠯᠬᠤᠳᠤ ᠰᠢᠯᠭ᠋ᠠᠯᠳᠠᠪᠠᠷ ᠲᠠᠮᠵᠢᠭ᠋ᠠᠳ ᠬᠢᠷᠢ ᠲᠡᠩᠴᠠᠵᠤ ᠵᠢᠩᠬᠢᠨᠢ ᠤᠯᠤᠰᠤᠨ ᠠᠵᠢᠯᠳᠠᠨ ᠪᠤᠯᠪᠠ᠃ ᠰᠢᠯᠭ᠋ᠠᠯᠳᠠᠳᠤ ᠤᠷᠤᠯᠴᠠᠬᠤᠪᠠᠷ ᠶᠠᠪᠤᠬᠤᠳᠤ ᠮᠥᠨ ᠯᠠᠩ ᠱᠦᠵᠢᠠᠴᠠ ᠨᠢᠭᠡᠳᠤᠯᠤᠨ ᠲᠠᠳ᠋ ᠡᠷᠬᠢᠯᠡᠭᠴᠢ ᠪᠠᠢ᠌ᠭᠰᠠᠨ ᠵᠠᠩ ᠬᠤ᠌ ᠿᠸᠨ ᠭᠡᠳᠡᠭ ᠲᠠᠷᠤᠭᠠᠪᠠᠷ ᠮᠢᠨᠤ ᠬᠦᠰᠦᠨᠦᠭᠢ 1977 ᠤᠨᠠᠴᠠ ᠡᠬᠢᠯᠠᠵᠤ ᠪᠠᠭᠰᠢᠯᠠᠪᠠ ᠭᠡᠵᠤ ᠲᠠᠭᠯᠠᠭᠤᠯᠤᠭ᠋ᠠᠳ ᠲᠤᠬᠠᠢ ᠵᠢᠨ ᠦᠶᠠ ᠵᠢᠨ ᠭᠤᠷᠪᠠᠨ ᠵᠢᠯ ᠬᠢᠴᠢᠶᠠᠯᠯᠡᠭᠰᠠᠨ ᠦᠩᠭᠡᠷᠠᠯᠳᠠᠲᠠᠢ ᠪᠠᠢ᠌ᠬᠤ ᠲᠤᠭᠳᠠᠭ᠋ᠠᠯᠳᠤ ᠨᠠᠢ᠌ᠴᠠᠬᠦᠯᠦᠭᠰᠠᠨ ᠪᠠᠢ᠌ᠵᠡᠢ᠃ ᠮᠥᠨ ᠲᠠᠷᠠ ᠠᠩᠬᠠ ᠲᠠᠯᠠᠭᠰᠠᠨ ᠬᠦᠰᠦᠨᠦᠭᠤᠨ ᠶᠤᠰᠤᠭ᠋ᠠᠷ ᠮᠢᠨᠤ ᠠᠵᠢᠯᠳᠤ ᠤᠷᠤᠭᠰᠠᠨ ᠴᠠᠭ ᠬᠤᠭᠤᠴᠠᠭᠠ ᠵᠢ 1977 ᠤᠨᠠᠴᠠ ᠡᠬᠢᠯᠠᠵᠤ ᠪᠤᠳᠤᠭ᠋ᠠᠳ 2013 ᠤᠨᠳᠤ 37 ᠵᠢᠯ ᠠᠵᠢᠯᠯᠠᠭᠰᠠᠨ ᠬᠤᠭᠤᠴᠠᠭᠠᠪᠠᠷ ᠪᠤᠳᠤᠵᠤ ᠠᠵᠢᠯᠤᠨ ᠠᠮᠠᠷᠠᠯᠳᠠᠪᠠᠨ ᠠᠪᠤᠪᠠ᠃
1980 ᠤᠨᠤ ᠬᠠᠪᠤᠷ᠂ ᠯᠠᠩ ᠱᠦᠵᠢ ᠬᠤᠰᠢᠭᠤᠨᠳᠤ ᠢᠷᠠᠵᠤ ᠬᠤᠷᠠᠯ ᠬᠢᠭᠡᠳ ᠪᠤᠴᠠᠬᠤ ᠵᠠᠮᠳᠤᠪᠠᠨ ᠪᠠᠶᠠᠠᠬᠤᠳᠠ ᠵᠢᠨ ᠪᠠᠷᠠᠭᠤᠨ ᠵᠠᠬᠠᠳᠤ ᠤᠨᠤᠭᠰᠠᠨ ᠲᠠᠮᠠᠭᠡᠨᠢ ᠦᠷᠭᠦᠵᠦ ᠲᠤᠢ᠌ᠯᠠᠭ᠋ᠠᠳ ᠴᠢᠯᠠᠭᠤᠨ ᠲᠡᠭᠡᠷᠠ ᠴᠤᠬᠢᠭᠤᠯᠤᠭ᠋ᠠᠳ ᠲᠠᠷᠢᠬᠢᠠᠴᠠᠨᠢ ᠶᠠᠭᠡ ᠭᠡᠮᠵᠢᠶᠠᠨᠤ ᠴᠢᠰᠤ ᠭᠠᠷᠤᠭ᠋ᠠᠳ ᠨᠦᠭᠴᠢᠭᠰᠡᠨ ᠪᠢᠯᠠ᠃ ᠯᠠᠩ ᠱᠦᠵᠢ ᠮᠠᠨᠤ ᠨᠢᠭᠡᠳᠤᠯᠳᠤ 1970 ᠤᠨᠳᠤ ᠰᠢᠯᠵᠢᠨ ᠢᠷᠠᠭᠡᠳ ᠪᠦᠬᠦ ᠨᠢᠭᠡᠳᠤᠯᠤᠨ ᠠᠷᠠᠳ ᠺᠠᠳ᠋ᠷ ᠤᠯᠠᠨ ᠲᠦᠮᠠᠨᠢ ᠤᠳᠤᠷᠢᠳᠤᠨ ᠪᠦᠬᠦ ᠬᠤᠰᠢᠭᠤ ᠤᠷᠤᠨᠤ ᠳ᠋ᠠᠵᠠᠢᠠᠴᠠ ᠰᠤᠷᠤᠯᠴᠠᠬᠤ ᠲᠠᠷᠢᠬᠦᠨᠤ ᠨᠢᠭᠡᠴᠢ᠂ ᠠᠷᠪᠢᠨ ᠤᠳᠠᠭᠠ ᠵᠢᠱ᠌ᠢᠶᠠᠴᠢ ᠨᠢᠭᠡᠳᠤᠯ ᠵᠶ᠋ᠠᠷ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠬᠦᠷᠳᠠᠵᠤ ᠦᠩᠭᠡᠷᠡᠭᠰᠠᠨ᠃ ᠯᠠᠩ ᠱᠦᠵᠢ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠨᠢᠭᠡᠳᠤᠯᠳᠤ ᠠᠵᠢᠯᠯᠠᠵᠤ ᠪᠠᠢ᠌ᠬᠤ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ （1978 ᠤᠨ） ᠦᠨᠳᠤᠷ ᠲᠠᠷᠤᠯᠳᠠᠳᠤ ᠴᠠᠬᠢᠯᠭ᠋ᠠᠨ ᠤᠳᠠᠰᠤ ᠵᠢ ᠲᠠᠳᠠᠵᠤ ᠦᠭᠬᠦᠭᠰᠠᠨ᠃ ᠠᠷᠢᠭᠤᠨ ᠴᠢᠭᠡᠴᠢ ᠠᠵᠢᠯᠰᠠᠭ ᠴᠠᠭ᠋ᠠᠪᠤᠷ᠂ ᠤᠯᠠᠨᠳᠤᠪᠠᠨ ᠲᠤᠢ᠌ᠯᠤᠨ ᠬᠦᠷᠢᠶᠠᠯᠠᠯᠲᠠᠢ ᠰᠢᠯᠢᠳᠡᠭ ᠰᠠᠢ᠌ᠨ ᠱᠦᠵᠢᠪᠠᠨ ᠠᠯᠳᠠᠭᠰᠠᠨᠳᠤᠪᠠᠨ ᠪᠦᠬᠦ ᠨᠢᠭᠡᠳᠤᠯᠤᠨ ᠺᠠᠳ᠋ᠷ ᠠᠵᠢᠯᠳᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠭᠡᠰᠢᠬᠦᠳ ᠨᠠᠷ ᠪᠠᠶᠠᠠᠬᠤᠳᠠᠳᠤ ᠭᠠᠰᠢᠭᠤᠳᠠᠯᠤᠨ ᠬᠤᠷᠠᠯᠳᠤ ᠨᠢ ᠬᠦᠷᠦᠯᠴᠠᠨ ᠢᠷᠠᠵᠤ ᠲᠤᠢ᠌ᠯ ᠵᠶ᠋ᠠᠷ ᠭᠠᠰᠢᠭᠤᠳᠠᠨ ᠮᠦᠷᠦᠭᠡᠳᠴᠦ ᠡᠮᠬᠡᠨᠢᠵᠤ ᠪᠠᠢ᠌ᠬᠤᠪᠠᠨ ᠢᠯᠡᠳᠭᠡᠭᠰᠡᠨ ᠪᠢᠯᠠ᠃
1980 ᠤᠨᠤ 10 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠬᠦᠩᠱᠸᠠᠴᠠ ᠮᠥᠨ ᠯᠠᠩ ᠱᠦᠵᠢ ᠵᠢᠨ ᠤᠤᠯᠤᠨ ᠲᠤᠬᠢᠷᠠᠭᠤᠯᠭᠠᠪᠠᠷ ᠨᠠᠮᠠ ᠵᠢ ᠬᠦᠩᠱᠸᠳᠤ ᠠᠵᠢᠯ ᠰᠢᠯᠵᠢᠬᠦᠯᠵᠤ᠂ ᠬᠦᠩᠱᠸ ᠵᠢᠨ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠨᠠᠷᠢᠨ ᠪᠢᠴᠢᠭᠡᠴᠢᠪᠠᠷ ᠲᠤᠬᠢᠷᠠᠭᠤᠯᠤᠭ᠋ᠠᠳ ᠭᠤᠷᠪᠠᠨ ᠵᠢᠯ ᠨᠠᠷᠢᠨ ᠪᠢᠴᠢᠭᠡᠴᠢ ᠵᠢᠨ ᠠᠵᠢᠯ ᠬᠢᠪᠠ᠃
1983 ᠤᠨᠤ ᠵᠢᠯᠤᠨ ᠡᠴᠤᠰᠲᠤ ᠪᠠᠢ᠌ᠭᠤᠯᠭᠠ ᠵᠢᠨ ᠦᠭᠡᠷᠠᠴᠢᠯᠠᠯᠳᠠ ᠵᠢᠨ ᠲᠤᠮᠳᠠ ᠪᠢ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠬᠦᠩᠱᠸ ᠵᠢᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠱᠦᠵᠢ ᠵᠢᠨ ᠠᠵᠢᠯᠢ ᠡᠬᠦᠷᠭᠡᠯᠠᠵᠤ ᠠᠪᠤᠭ᠋ᠠᠳ 1996 ᠤᠨ ᠪᠤᠯᠳᠠᠯᠠ ᠱᠦᠵᠢ᠂ ᠰᠤᠮᠤᠨ ᠲᠠᠷᠤᠭᠠ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠦᠩᠭᠡᠷᠠᠪᠠ᠃
ᠲᠤᠬᠠᠢ ᠵᠢᠨ ᠦᠶᠠᠳᠤ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠮᠤ ᠵᠢᠨ ᠪᠠᠢ᠌ᠭᠤᠯᠭᠠ ᠪᠠᠶᠠᠠᠬᠤᠳᠠᠠᠴᠠ ᠭᠡᠳᠤᠢ᠌ᠪᠠᠷ 30 ᠺᠢᠯᠤᠮᠸᠲᠷ ᠵᠠᠢ᠌ᠳᠠᠢ ᠪᠤᠯᠪᠠᠴᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠦᠬᠦᠮ ᠦᠭᠡᠢ᠂ ᠲᠤᠢ᠌ᠯᠤᠨ ᠪᠤᠢ᠌ᠳᠠ ᠪᠦᠭᠯᠠᠬᠦᠤ ᠭᠠᠵᠠᠷ ᠪᠠᠢ᠌ᠭᠰᠠᠨ᠂ ᠬᠤᠰᠢᠭᠤᠨᠳᠤ ᠶᠠᠪᠤᠬᠤ᠂ ᠭᠠᠴᠠᠭ᠋ᠠᠨᠳᠤ ᠪᠠᠭᠤᠬᠤᠳᠤ ᠪᠦᠷ ᠲᠠᠮᠠᠭᠡ ᠂ ᠮᠤᠷᠢ ᠤᠨᠤᠵᠤ ᠶᠠᠪᠤᠳᠠᠭ ᠪᠠᠢ᠌ᠵᠡᠢ᠃ ᠲᠤᠬᠠᠢ ᠵᠢᠨ ᠦᠶᠠᠳᠤ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠮᠤᠨᠢ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠭᠠᠴᠠᠭᠠ᠂ ᠲᠠᠮᠠᠭᠡᠳᠤ ᠭᠠᠴᠠᠭᠠ᠂ ᠢᠩᠭᠡᠳᠤ ᠭᠠᠴᠠᠭᠠ ᠭᠡᠵᠤ ᠭᠤᠷᠪᠠᠨ ᠴᠤᠯ ᠮᠠᠯᠵᠢᠯᠤᠨ ᠭᠠᠴᠠᠭᠠᠲᠠᠢ᠂ ᠭᠠᠴᠠᠭᠠ ᠪᠦᠷᠢᠨᠢ ᠪᠤᠷᠳᠤᠭ᠋ᠠᠨᠤ ᠰᠠᠭᠤᠷᠢᠨ ᠭᠠᠵᠠᠷᠲᠠᠢ᠂ ᠪᠠᠰᠠ ᠨᠢᠭᠡ ᠬᠦᠩᠱᠸᠠᠴᠠ ᠡᠷᠬᠢᠯᠡᠭᠰᠠᠨ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢᠲᠠᠢ ᠪᠠᠢ᠌ᠵᠡᠢ᠃ ᠲᠠᠷᠠ ᠦᠶᠠᠳᠤ ᠰᠤᠮᠤᠨᠤ ᠤᠳᠤᠷᠢᠳᠤᠯᠭᠠ ᠨᠠᠷᠲᠤ ᠭᠠᠴᠠᠭᠠ ᠵᠢ ᠲᠠᠭ᠋ᠠᠭ᠋ᠠᠴᠢᠯᠠᠭᠤᠯᠵᠤ ᠦᠭᠬᠦᠭᠡᠳ ᠰᠠᠷᠠ ᠪᠦᠷᠢ ᠨᠢᠭᠡ ᠤᠳᠠᠭᠠ ᠲᠤᠷᠤᠭᠰᠢ ᠪᠠᠭᠤᠵᠤ ᠬᠤᠳᠠ ᠰᠦᠷᠦᠭ᠂ ᠠᠢ᠌ᠯ ᠡᠷᠦᠭᠡᠪᠠᠷ ᠲᠤᠭᠤᠷᠢᠨ ᠶᠠᠪᠤᠵᠤ᠂ ᠠᠵᠢᠯ ᠪᠠᠢ᠌ᠴᠠᠭ᠋ᠠᠵᠤ᠂ ᠮᠠᠯᠴᠢᠨ ᠲᠦᠮᠠᠨᠤ ᠠᠵᠤ ᠠᠮᠢᠳᠤᠷᠠᠯ᠂ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠤᠢ᠌ᠯᠠᠳᠪᠤᠷᠢᠯᠠᠯᠳᠤ ᠲᠤᠯᠭ᠋ᠠᠷᠠᠭᠰᠠᠨ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠲᠤᠬᠠᠢ ᠵᠢᠨ ᠭᠠᠵᠠᠷ ᠲᠤᠨᠢ ᠰᠢᠢ᠍ᠳᠪᠤᠷᠢᠯᠠᠵᠤ ᠦᠭᠳᠡᠭ ᠪᠠᠢ᠌ᠭᠰᠠᠨ᠃ ᠡᠬᠦᠨᠳᠤ ᠢᠩᠭᠡᠳᠤ ᠭᠠᠴᠠᠭᠠ ᠵᠢᠨ ᠵᠠᠮ ᠬᠤᠯᠠ᠂ ᠡᠯᠠᠰᠤ ᠶᠠᠭᠡ ᠪᠠᠢ᠌ᠵᠤ᠂ ᠨᠢᠭᠡ ᠤᠳᠠᠭᠠ ᠲᠤᠭᠤᠷᠢᠭ᠋ᠠᠳ ᠢᠷᠠᠬᠦᠳᠤ ᠬᠠᠮᠤᠭ ᠬᠤᠷᠳᠤᠨᠳᠤᠪᠠᠨ ᠬᠠᠭ᠋ᠠᠰ ᠰᠠᠷᠠ ᠪᠤᠯᠳᠠᠭ᠃ ᠪᠤᠰᠤᠳ ᠬᠤᠶᠠᠷ ᠭᠠᠴᠠᠭᠠᠨᠢ ᠭᠡᠳ ᠨᠠᠭ᠋ᠠᠳᠤ ᠵᠠᠬᠠ ᠳᠤᠪᠠᠨ ᠠᠷᠪᠠᠨ ᠡᠳᠤᠷ ᠶᠠᠪᠤᠳᠠᠭ᠃
1984 ᠤᠨᠳᠤ ᠪᠦᠬᠦ ᠰᠤᠮᠤᠨᠤ ᠮᠠᠯ ᠰᠦᠷᠦᠭᠢ ᠬᠤᠤᠰ ᠲᠠᠭ᠋ᠠᠭ᠋ᠠᠴᠢᠯᠠᠯᠳᠠ ᠵᠢᠨ ᠲᠦᠷᠢᠮᠢ ᠭᠡᠷᠡᠭᠵᠢᠬᠦᠯᠵᠤ ᠪᠠᠢ᠌ᠭᠰᠠᠨᠠᠴᠠᠪᠠᠨ ᠦᠭᠡᠷᠠᠴᠢᠯᠠᠵᠤ᠂ ᠮᠠᠯᠢ ᠦᠨᠠᠯᠠᠵᠤ ᠡᠷᠦᠭᠡᠳᠤ ᠬᠤᠪᠢᠶᠠᠵᠤ ᠦᠭᠬᠦ ᠲᠦᠷᠢᠮᠢ ᠭᠡᠷᠡᠭᠵᠢᠬᠦᠯᠪᠠ᠃
ᠲᠠᠷᠠ ᠦᠶᠠᠳᠤ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠰᠤᠮᠤᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠤᠢ᠌ᠯᠤᠨ ᠮᠠᠭᠤ᠂ ᠰᠤᠮᠤᠨ ᠲᠠᠭᠡᠷᠠᠨᠢ ᠬᠦᠨᠠᠰᠤᠨᠤ ᠦᠷᠳᠠᠭᠡ ᠦᠭᠡᠢ᠂ ᠮᠠᠯᠴᠢᠨ ᠲᠦᠮᠠᠨ ᠬᠦᠨᠠᠰᠤ ᠪᠤᠷᠳᠤᠭᠠᠪᠠᠨ ᠠᠪᠬᠤ᠂ ᠨᠤᠤᠰᠤ ᠨᠤᠤᠯᠤᠭᠤᠷ ᠵᠶ᠋ᠠᠨ ᠪᠤᠷᠤᠯᠠᠭᠤᠯᠬᠤ᠂ ᠤᠢ᠌ᠯᠠᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯᠤᠨ ᠭᠡᠷᠡᠭᠰᠠᠯ ᠵᠶ᠋ᠠᠨ ᠪᠠᠯᠠᠳᠭᠡᠬᠦᠳᠤ ᠪᠦᠷ ᠲᠠᠮᠠᠭᠡ ᠤᠨᠤᠭᠠᠪᠠᠷ ᠲᠡᠭᠡᠭᠡᠪᠤᠷᠢᠯᠠᠵᠤ ᠠᠪᠴᠤ ᠦᠭᠴᠤ ᠪᠠᠢ᠌ᠭᠰᠠᠨ ᠲᠤᠯᠠ ᠲᠤᠢ᠌ᠯᠤᠨ ᠬᠦᠴᠢᠷᠳᠠᠢ ᠪᠠᠢ᠌ᠭᠰᠠᠨ᠃ ᠲᠡᠭᠡᠭᠡᠳ 1988 — 1990 ᠤᠨ ᠪᠤᠯᠳᠠᠯᠠ ᠭᠤᠷᠪᠠᠨ ᠵᠢᠯ ᠲᠠᠷᠠᠭ᠋ᠠᠯᠠᠨ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠠᠭᠡ ᠬᠤᠷᠠᠯᠳᠤ ᠰᠤᠮᠤᠨᠤ ᠲᠦᠯᠦᠭᠡᠯᠡᠭᠴᠢᠲᠠᠢᠪᠠᠨ ᠨᠠᠷᠠ ᠬᠤᠯᠪᠤᠭ᠋ᠠᠯᠠᠵᠤ ᠬᠦᠨᠠᠰᠤᠨᠤ ᠦᠷᠳᠠᠭᠡ ᠪᠠᠢ᠌ᠭᠤᠯᠬᠤ᠂ ᠵᠠᠮ ᠵᠠᠰᠠᠬᠤ ᠲᠤᠷᠠᠳᠤᠯᠭᠠ ᠭᠠᠷᠭ᠋ᠠᠭ᠋ᠠᠳ 90 ᠤᠨᠳᠤ ᠬᠦᠨᠠᠰᠤᠨᠤ ᠦᠷᠳᠠᠭᠡ ᠪᠠᠢ᠌ᠭᠤᠯᠵᠤ᠂ 1991 ᠤᠨᠳᠤ ᠠᠵᠢᠯᠯᠠᠭᠤᠯᠤᠭ᠋ᠠᠳ ᠲᠠᠳᠬᠦᠬᠦ （以工代赈） ᠭᠡᠰᠡᠨ ᠲᠦᠷᠤᠯ ᠵᠤᠢ᠌ᠯᠤᠨ 200 ᠲᠦᠮᠠᠨ ᠲᠦᠬᠦᠷᠢᠭ ᠵᠤᠭᠤᠰ ᠤᠯᠵᠤ᠂ ᠬᠤᠶᠠᠷ ᠵᠢᠯ ᠬᠤᠪᠢᠶᠠᠨ ᠪᠠᠶᠠᠠᠬᠤᠳᠠᠠᠴᠠ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠬᠦᠷᠬᠦ ᠲᠦᠬᠦᠮ ᠰᠠᠢ᠌ᠷᠭ᠋ᠠᠯ ᠴᠢᠯᠠᠭᠤᠨ ᠵᠠᠮ ᠵᠠᠰᠠᠭ᠋ᠠᠳ ᠮᠠᠯᠴᠢᠨ ᠲᠦᠮᠠᠨᠤ ᠤᠢ᠌ᠯᠠᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯᠳᠤ ᠲᠤᠢ᠌ᠯᠤᠨ ᠲᠦᠬᠦᠮ ᠦᠵᠠᠬᠦᠯᠪᠠ᠃ ᠬᠤᠰᠢᠭᠤᠨᠤ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠲᠤᠪᠴᠢᠶᠠᠠᠴᠠ ᠪᠠᠶᠠᠠᠬᠤᠳᠠᠠᠴᠠ ᠲᠤᠩᠭ᠋ᠠᠯᠠᠭ ᠨᠠᠭᠤᠷ ᠬᠦᠷᠬᠦ ᠡᠭᠡᠯᠵᠢᠶᠠᠨᠤ ᠮᠠᠰᠢᠨ ᠲᠠᠷᠭᠡ ᠵᠢ ᠭᠤᠷᠪᠠᠨ ᠡᠳᠤᠷᠲᠤ ᠨᠢᠭᠡ ᠤᠳᠠᠭᠠ ᠲᠤᠬᠢᠷᠠᠭᠤᠯᠤᠭ᠋ᠠᠳ ᠪᠦᠬᠦ ᠰᠤᠮᠤᠨᠤ ᠺᠠᠳ᠋ᠷ ᠠᠵᠢᠯᠳᠠᠨ᠂ ᠮᠠᠯᠴᠢᠨ ᠲᠦᠮᠠᠨᠤ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠦᠨᠳᠤᠰᠤᠨᠠᠴᠠᠨᠢ ᠰᠢᠢ᠍ᠳᠪᠤᠷᠢᠯᠠᠪᠠ᠃
1997 ᠤᠨᠤ ᠬᠠᠪᠤᠷ᠂ ᠪᠢ ᠠᠯᠠᠱ᠌ᠠ ᠵᠠᠬᠦᠨ ᠬᠤᠰᠢᠭᠤᠨᠤ ᠴᠠᠬᠠᠷ ᠰᠤᠮᠤᠨᠳᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠲᠠᠳ᠋ ᠱᠦᠵᠢᠪᠠᠷ ᠠᠵᠢᠯ ᠰᠢᠯᠵᠢᠭᠡᠳ᠂ 10 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠠᠯᠠᠱ᠌ᠠ ᠵᠠᠬᠦᠨ ᠬᠤᠰᠢᠭᠤᠨᠤ ᠤᠯᠤᠰ ᠲᠦᠷᠤ ᠵᠢᠨ ᠵᠦᠪᠯᠠᠯᠭᠡᠨᠤ ᠨᠠᠷᠢᠨ ᠪᠢᠴᠢᠭᠤᠨ ᠲᠠᠷᠤᠭᠠᠪᠠᠷ ᠰᠢᠯᠵᠢᠵᠤ ᠢᠷᠠᠭᠡᠳ᠂ 2013 ᠤᠨᠳᠤ ᠨᠠᠰᠤᠨᠤ ᠠᠮᠠᠷᠠᠯᠳᠠᠪᠠᠨ ᠠᠪᠤᠭ᠋ᠠᠳ ᠂ 2018 ᠤᠨᠳᠤ ᠠᠢ᠌ᠮᠠᠭᠤᠨ ᠨᠠᠰᠤᠲᠠᠢ᠌ᠴᠣᠳᠤᠨ ᠶᠠᠭᠡ ᠰᠤᠷᠭ᠋ᠠᠭᠤᠯᠢᠳᠤ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠠᠩᠬᠢᠳᠤ ᠰᠤᠷᠤᠯᠴᠠᠭ᠋ᠠᠳ ᠡᠳᠤᠭᠡ ᠪᠤᠯᠵᠤ ᠪᠠᠢ᠌ᠨᠠ᠃
ᠮᠢᠨᠤ ᠪᠠᠶᠠ ᠪᠠᠭᠠ ᠨᠠᠰᠤᠨ ᠳᠤᠪᠠᠨ ᠭᠡᠳᠤᠢ᠌ᠪᠠᠷ ᠬᠠᠷᠠᠩᠭ᠋ᠠᠯᠠᠵᠤ ᠵᠤᠪᠠᠵᠤ᠂ ᠬᠦᠴᠢᠷ ᠬᠦᠨᠳᠤ ᠠᠵᠢᠯ ᠬᠦᠳᠠᠯᠮᠤᠷᠢᠳᠤ ᠤᠷᠤᠯᠴᠠᠵᠤ᠂ ᠵᠦᠳᠠᠷᠠᠵᠤ ᠦᠩᠭᠡᠷᠡᠭᠰᠠᠨ ᠪᠤᠯᠪᠠᠴᠤ ᠲᠠᠷᠠᠨᠢ ᠨᠢᠭᠡ ᠨᠠᠰᠤᠨᠤ ᠪᠠᠶᠠ ᠮᠠᠬᠠᠪᠤᠳ᠂ ᠠᠵᠢᠯ ᠬᠦᠳᠠᠯᠮᠤᠷᠢ᠂ ᠤᠷᠠ ᠮᠠᠷᠭᠡᠵᠢᠯᠤᠨ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯ ᠪᠤᠯᠵᠤ᠂ ᠢᠳᠠᠷ ᠨᠠᠰᠤᠨ ᠳᠤᠪᠠᠨ ᠡᠨᠡ ᠬᠦ᠌ ᠪᠤᠯᠪᠠᠰᠤᠷᠠᠯ ᠬᠦᠮᠦᠵᠢᠯ ᠵᠶ᠋ᠠᠷ ᠵᠶ᠋ᠠᠨ ᠨᠠᠮ ᠠᠷᠠᠳ ᠲᠦᠮᠠᠨ ᠳᠤᠪᠠᠨ ᠬᠢᠪᠠᠰᠤ ᠵᠤᠬᠢᠬᠤ ᠠᠵᠢᠯ ᠡᠬᠦᠷᠭᠡᠪᠠᠨ ᠨᠠᠯᠢᠶᠠᠳ ᠰᠠᠢ᠌ᠨ ᠵᠶ᠋ᠠᠷ ᠪᠠᠶᠠᠯᠠᠬᠦᠯᠪᠠ ᠭᠡᠵᠤ ᠤᠮᠤᠭᠰᠢᠵᠤ ᠶᠠᠪᠤᠳᠠᠭ᠃ ᠨᠠᠮᠠ ᠵᠢ ᠪᠠᠭᠠ ᠪᠠᠢ᠌ᠬᠤᠳᠤ ᠬᠦᠨᠳᠤ ᠠᠵᠢᠯ ᠬᠦᠳᠠᠯᠮᠤᠷᠢᠳᠤ ᠤᠷᠤᠯᠴᠠᠵᠤ ᠪᠠᠢ᠌ᠬᠤ ᠵᠢ ᠠᠪᠤ ᠮᠢᠨᠢ ᠦᠵᠠᠭᠡᠳ ᠄ 《ᠪᠠᠭᠠ ᠳᠤᠪᠠᠨ ᠵᠤᠪᠠᠭᠰᠠᠨ ᠬᠦᠮᠤᠨ ᠶᠠᠭᠡ ᠪᠤᠯᠤᠭ᠋ᠠᠳ ᠵᠢᠷᠭ᠋ᠠᠳᠠᠭ ᠶᠤᠮ᠃ ᠪᠠᠭᠠ ᠵᠢᠨ ᠵᠢᠷᠭ᠋ᠠᠯᠢ ᠵᠢᠷᠭ᠋ᠠᠯᠳᠤ ᠪᠤᠳᠤᠳᠠᠭ ᠦᠭᠡᠢ》ᠭᠡᠵᠤ ᠭᠡᠯᠠᠵᠤ ᠪᠠᠢ᠌ᠭᠰᠠᠨ ᠰᠤᠷᠭ᠋ᠠᠯ ᠦᠭᠡ ᠶᠤᠰᠤᠳᠠᠢ ᠦᠨᠠᠨ ᠦᠭᠡ ᠪᠠᠢ᠌ᠭᠰᠠᠨᠢ ᠤᠳᠤ ᠰᠠᠶᠢ ᠦᠩᠭᠡᠷᠠᠯᠳᠠᠪᠠᠷ ᠵᠶ᠋ᠠᠨ ᠪᠠᠳᠤᠯᠠᠵᠤ ᠪᠠᠢ᠌ᠨᠠ᠃
ᠠᠪᠤ ᠵᠢᠨ ᠰᠤᠷᠭ᠋ᠠᠯ ᠡᠷᠳᠡᠨᠢ ᠭᠡᠳᠡᠭᠨᠢ ᠡᠨᠡ ᠪᠠᠢ᠌ᠨᠠ᠃ ᠤᠳᠤ ᠦᠳᠠᠯᠤᠭᠡ ᠨᠠᠰᠤᠨ ᠳᠤᠪᠠᠨ ᠤᠷᠤᠭ᠋ᠠᠳ ᠨᠠᠮ ᠵᠠᠰᠠᠭᠤᠨ ᠵᠦᠪ ᠤᠳᠤᠷᠢᠳᠤᠯᠭᠠ ᠂ ᠨᠦᠬᠦᠳ ᠨᠠᠢ᠌ᠵᠠ ᠵᠢᠨ ᠬᠠᠪᠰᠤᠷᠤᠯᠭᠠ ᠲᠠᠮᠵᠢᠯᠭᠡ᠂ ᠭᠡᠤᠭᠡᠳᠤᠳᠤᠨ ᠪᠤᠶᠠᠨ ᠵᠶ᠋ᠠᠷ ᠵᠢᠩᠬᠢᠨᠢ ᠵᠢᠷᠭ᠋ᠠᠯᠠᠩᠤᠨ ᠤᠷᠳᠤᠨᠳᠤ ᠴᠠᠩᠭᠡᠵᠤ ᠶᠠᠪᠤᠬᠤ ᠳᠤᠪᠠᠨ ᠶᠤᠰᠤᠳᠠᠢ ᠪᠠᠶᠠᠷᠯᠠᠵᠤ ᠪᠠᠢ᠌ᠨᠠ ᠂ ᠵᠢᠷᠭ᠋ᠠᠵᠤ ᠪᠠᠢ᠌ᠨᠠ ᠂ ᠲᠠᠯᠠᠷᠬᠠᠵᠤ ᠪᠠᠢ᠌ᠨᠠ᠃