ᠨᠣᠮᠢᠨ ᠴᠣᠯᠮᠣᠨ ᠮᠡᠳᠡᠭᠡᠯᠡᠪᠡ
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠷᠡᠭᠦᠯᠵᠢᠯᠤᠨ ᠲᠤᠰᠠᠯᠠᠬᠤ ᠪᠠᠭ᠋ᠠᠵᠢ ᠵᠢᠨ ᠲᠥᠪᠤᠨ 2023 ᠣᠨᠤ 《ᠡᠷᠡᠭᠦᠯᠵᠢᠬᠦᠳᠤ ᠲᠤᠰᠠᠯᠠᠬᠤ ᠢᠨᠵᠸᠨ᠋ᠸᠷᠢᠩ》ᠤᠨ ᠤᠯᠠᠭ᠋ᠠᠨᠴᠠᠪ ᠬᠣᠲᠠᠳᠤᠬᠢ ᠰᠢᠭᠰᠢᠨ ᠪᠠᠢ᠌ᠴᠠᠭ᠋ᠠᠬᠤ ᠠᠵᠢᠯᠯᠠᠭ᠋ᠠᠨᠤ ᠲᠠᠯᠠᠪᠦᠷᠲᠤ᠂ ᠬᠡᠳᠦᠨ ᠨᠠᠰᠤᠲᠠᠢ ᠡᠵᠢ ᠵᠡᠮᠳᠡᠭ ᠥᠬᠢᠨ ᠵᠶ᠋ᠡᠨ ᠬᠠᠷᠠᠭ᠋ᠠᠯᠵᠠᠵᠦ ᠪᠠᠢ᠌ᠭᠠ ᠦᠵᠡᠭᠳᠡᠯᠨᠢ ᠬᠦᠮᠦᠰᠤᠨ ᠠᠩᠬᠠᠷᠤᠯᠢ ᠳᠠᠲᠠᠨᠠ᠃ ᠲᠡᠳᠡ ᠲᠤᠷᠠᠩᠬᠠᠢ ᠪᠡᠶᠡᠲᠠᠢ᠂ ᠪᠣᠭᠣᠷᠣᠯ ᠦᠰᠦᠲᠠᠢ ᠪᠣᠯᠣᠭᠰᠠᠨ ᠪᠣᠯᠪᠠᠴᠦ ᠲᠠᠪᠢ ᠵᠢᠨ ᠳᠠᠪᠠᠭᠠ ᠵᠢ ᠳᠠᠪᠠᠭᠰᠠᠨ ᠥᠬᠢᠨᠤᠪᠠᠨ ᠡᠮᠦᠨᠡᠠᠴᠠ ᠰᠡᠳᠬᠢᠯ ᠵᠣᠪᠠᠨ ᠵᠦᠳᠡᠷᠡᠭᠰᠡᠭᠡᠷ ᠪᠠᠢ᠌ᠵᠦ᠂ ᠥᠬᠢᠨᠳᠤᠪᠠᠨ ᠲᠦᠰᠢᠭ ᠲᠤᠯᠭ᠋ᠠᠭᠤᠷᠢ ᠪᠣᠯᠵᠦ ᠶᠠᠪᠤᠨᠠ᠃
ᠶᠠᠩ ᠰᠢ ᠮᠸᠢ ᠪᠣᠯ ᠲᠡᠳᠡᠭᠡᠷ ᠬᠦᠮᠦᠰᠤᠨ ᠲᠣᠳᠣᠷᠠᠬᠢ ᠨᠢᠭᠡᠨᠢ ᠪᠠᠢ᠌ᠭᠠ ᠶᠤᠮ᠃ ᠲᠡᠷᠡ ᠡᠵᠢ ᠪᠣᠯᠣᠨ ᠲᠡᠭᠦᠦ ᠵᠢᠨ ᠵᠶ᠋ᠡᠨ ᠪᠠᠷᠠ ᠪᠣᠯᠣᠯᠭᠠ ᠪᠠᠷ ᠠᠬᠤᠢ ᠲᠠᠯᠠᠪᠠᠢ ᠳᠤ ᠢᠷᠡᠯᠡ᠃ ᠲᠠᠪᠢᠨ ᠲᠠᠪᠤᠨ ᠨᠠᠰᠤᠲᠠᠢ ᠶᠠᠩ ᠰᠢ ᠮᠸᠢ ᠪᠣᠯ ᠯᠢᠶᠠᠩᠴᠸᠩ ᠰᠢᠶᠠᠨᠤ ᠬᠤᠩ ᠮᠣᠣ ᠪᠠᠯᠭ᠋ᠠᠰᠤ ᠵᠢᠨ ᠬᠦᠮᠦᠨ ᠶᠤᠮ᠃ 2022 ᠣᠨᠳᠤ ᠭᠤᠷᠪᠠᠨ ᠬᠦᠷᠳᠦᠲᠦ ᠮᠠᠰᠢᠨ ᠵᠶ᠋ᠠᠨ ᠵᠢᠯᠣᠭᠣᠳᠴᠦ ᠶᠠᠪᠤᠵᠦ ᠪᠠᠢ᠌ᠬᠤᠳᠤᠪᠠᠨ ᠵᠢᠷᠦᠬᠡᠨᠤ ᠡᠪᠡᠳᠴᠢᠨᠨᠢ ᠬᠥᠳᠡᠯᠵᠦ ᠮᠡᠳᠡᠷᠡᠯ ᠠᠯᠳᠠᠨ ᠲᠡᠷᠭᠡᠨ ᠡᠨᠳᠡᠯ ᠭᠠᠷᠤᠭᠰᠠᠨ ᠤᠴᠢᠷᠠᠴᠠ ᠬᠥᠬᠡᠬᠣᠲᠠᠳᠤ ᠪᠠᠷᠠᠭᠤᠨ ᠬᠥᠯ ᠵᠶ᠋ᠡᠨ ᠮᠡᠰᠡ ᠵᠠᠰᠠᠯ ᠬᠢᠵᠦ ᠳᠠᠭ᠋ᠠᠷᠢᠭᠤᠯᠵᠠᠢ᠂ ᠪᠠᠷᠠᠭᠤᠨ ᠭᠠᠷᠨᠢ ᠡᠳᠦᠢ ᠬᠦᠷᠲᠡᠯᠡ ᠬᠦᠴᠦ ᠲᠠᠮᠢᠷ ᠦᠭᠡᠢ᠂ ᠬᠥᠳᠡᠯᠮᠦᠷᠢᠯᠡᠬᠦ ᠴᠢᠳᠠᠪᠦᠷᠢᠪᠠᠨ ᠪᠠᠷᠤᠭ ᠠᠯᠳᠠᠭᠰᠠᠨ ᠪᠠᠢ᠌ᠨᠠ᠃ ᠶᠠᠩ ᠰᠢ ᠮᠸᠢ ᠵᠢᠨ ᠬᠡᠯᠡᠬᠦᠪᠠᠷ᠂ ᠲᠡᠷᠡ ᠬᠦ᠌ ᠤᠳᠠᠭᠠ ᠵᠢᠨ ᠮᠡᠰᠡ ᠵᠠᠰᠠᠯ ᠬᠢᠵᠦ ᠡᠮᠨᠡᠯᠭᠡᠳᠤ ᠰᠠᠭᠤᠭᠰᠠᠨᠨᠢ 34 ᠲᠦᠮᠡᠨ ᠲᠦᠭᠦᠷᠢᠭ ᠵᠠᠷᠤᠴᠠᠭᠤᠯᠵᠦ᠂ ᠲᠤᠬᠠᠢ ᠵᠢᠨ ᠦᠶᠡᠳᠤ ᠨᠠᠭ᠋ᠠᠲᠤ ᠵᠠᠬᠠ ᠵᠢᠨ ᠠᠮᠢᠳᠤᠷᠠᠯᠤᠨ ᠪᠠᠲᠤᠯᠠᠭᠠ ᠵᠢᠨ ᠨᠦᠬᠦᠪᠦᠷᠢ ᠬᠦᠷᠲᠡᠭᠡ ᠦᠭᠡᠢ ᠤᠴᠢᠷᠠᠴᠠ 16 ᠲᠦᠮᠡᠨ ᠲᠦᠭᠦᠷᠢᠭᠢᠨᠢ ᠳᠠᠩᠰᠠᠨᠠᠴᠠ ᠲᠠᠢ᠌ᠯᠵᠦ ᠳᠡᠢ᠌ᠯᠵᠠᠢ᠂ ᠣᠳᠣ ᠲᠡᠳᠡᠨᠤᠬᠢᠨ ᠪᠠᠩᠬᠢᠳᠤ ᠠᠷᠪᠠᠨ ᠬᠡᠳᠦᠨ ᠲᠦᠮᠡᠨ ᠲᠦᠭᠦᠷᠢᠭᠤᠨ ᠥᠷᠢᠲᠠᠢ᠃ ᠶᠠᠩ ᠰᠢ ᠮᠸᠢ ᠵᠢᠨ ᠨᠦᠬᠦᠷᠨᠢ ᠳᠠᠷᠢᠬᠢᠨᠤ ᠴᠢᠰᠦᠨᠤ ᠬᠠᠩᠭ᠋ᠠᠯᠲᠠᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ᠂ ᠵᠢᠷᠦᠬᠡᠨ ᠪᠣᠯᠴᠢᠩᠨᠢ ᠴᠢᠰᠦ ᠳᠤᠲᠠᠭᠳᠠᠬᠤ ᠵᠡᠷᠭᠡ ᠡᠪᠡᠳᠴᠢᠨᠲᠠᠢᠠᠴᠠ ᠪᠣᠯᠵᠦ ᠠᠵᠢᠯᠯᠠᠵᠦ ᠳᠡᠢ᠌ᠯᠬᠦ ᠦᠭᠡᠢ ᠪᠣᠯᠬᠣᠷ ᠶᠠᠩ ᠰᠢ ᠮᠸᠢ ᠡᠷᠡ ᠡᠮᠡ ᠬᠣᠶᠠᠷ ᠵᠶ᠋ᠠᠨ ᠰᠠᠷᠠ ᠪᠦᠷᠢ ᠵᠢᠨ 900 ᠲᠦᠭᠦᠷᠢᠭᠤᠨ ᠨᠠᠭ᠋ᠠᠲᠤ ᠵᠠᠬᠠ ᠵᠢᠨ ᠠᠮᠢᠳᠤᠷᠠᠯᠤᠨ ᠪᠠᠲᠤᠯᠠᠭᠠ ᠵᠢᠨ ᠨᠦᠬᠦᠪᠦᠷᠢ ᠪᠣᠯᠣᠨ ᠵᠠᠭᠤᠨ ᠲᠦᠭᠦᠷᠢᠭᠤᠨ ᠵᠡᠮᠳᠡᠭᠴᠦᠳᠤᠨ ᠨᠦᠬᠦᠪᠦᠷᠢᠪᠠᠷ ᠠᠮᠢᠳᠤᠷᠠᠯ ᠵᠶ᠋ᠠᠨ ᠠᠷᠭ᠋ᠠᠴᠠᠭ᠋ᠠᠵᠦ ᠪᠤᠢ᠃
《ᠠᠷᠪᠠᠨ ᠬᠡᠳᠦᠨ ᠵᠢᠯᠤᠨ ᠡᠮᠦᠨᠡ ᠨᠠᠮᠠ ᠵᠢ ᠵᠢᠷᠦᠬᠡᠨᠤ ᠡᠪᠡᠳᠴᠢᠨᠲᠠᠢ ᠭᠡᠵᠦ ᠣᠨᠣᠰᠢᠯᠠᠭᠰᠠᠨ᠂ ᠭᠡᠪᠡᠴᠦ ᠵᠣᠭᠣᠰ ᠮᠦᠩᠬᠦ ᠬᠦᠷᠦᠯᠴᠡᠬᠦ ᠦᠭᠡᠢ ᠤᠴᠢᠷᠠᠴᠠ ᠬᠣᠢ᠌ᠰᠢᠯᠠᠭᠤᠯᠤᠭᠰᠠᠭ᠋ᠠᠷ ᠪᠠᠢ᠌ᠵᠦ ᠨᠢᠳᠦᠨᠤᠨ ᠵᠢᠯ ᠲᠡᠷᠭᠡᠨ ᠡᠨᠳᠡᠯ ᠭᠠᠷᠭ᠋ᠠᠭᠰᠠᠨ᠂ ᠡᠨᠳᠡᠯ ᠭᠠᠷᠬᠤᠠᠴᠠ ᠡᠮᠦᠨᠡ ᠪᠢᠳᠡᠨᠤᠬᠢ ᠲᠠᠷᠢᠶᠠ ᠲᠠᠷᠢᠭᠰᠠᠨ ᠵᠢᠯᠤᠨ ᠣᠷᠣᠯᠭᠠ ᠳᠦᠩᠭᠡᠵᠦ ᠬᠣᠶᠠᠷ ᠭᠣᠷᠪᠠᠨ ᠲᠦᠮᠡᠳᠤ ᠬᠦᠷᠴᠦ ᠪᠠᠢ᠌ᠭᠰᠠᠨ᠃ ᠬᠦᠦ ᠮᠢᠨᠢ ᠬᠥᠬᠡᠬᠣᠲᠠᠳᠤ ᠬᠦᠴᠦᠨᠤ ᠠᠵᠢᠯ ᠬᠢᠵᠦ᠂ ᠪᠢᠳᠡᠨᠳᠤ ᠵᠢᠭ᠋ᠠᠬᠠᠨ ᠴᠦ᠍ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠵᠦ ᠳᠡᠢ᠌ᠯᠬᠦ ᠦᠭᠡᠢ᠂ ᠭᠠᠭᠴᠠ ᠬᠥᠯᠲᠠᠢ ᠪᠣᠯᠣᠭᠰᠠᠨᠠᠴᠠ ᠰᠡᠭᠦᠯᠡᠷ ᠬᠢᠮᠡᠯ ᠮᠥᠴᠢ ᠲᠠᠭ᠋ᠠᠷᠠᠭᠤᠯᠬᠤ ᠲᠡᠩᠬᠡᠭᠡ ᠪᠠᠢ᠌ᠬᠤ ᠦᠭᠡᠢ ᠤᠴᠢᠷᠠᠴᠠ ᠨᠠᠰᠤᠲᠠᠢ ᠡᠵᠢ ᠮᠢᠨᠢ ᠮᠢᠨᠦ ᠶᠠᠪᠤᠵᠦ ᠰᠠᠭᠤᠬᠤᠳᠤ ᠲᠤᠰᠠ ᠪᠣᠯᠣᠭᠰᠠᠭ᠋ᠠᠷ ᠢᠷᠡᠭᠰᠡᠨ ᠶᠤᠮ᠂ ᠡᠨᠡ ᠤᠳᠠᠭᠠ ᠲᠥᠯᠥᠪᠦᠷᠢ ᠦᠭᠡᠢᠪᠠᠷ ᠬᠢᠮᠡᠯ ᠮᠥᠴᠢ ᠲᠠᠭ᠋ᠠᠷᠠᠭᠤᠯᠤᠭ᠋ᠠᠳ ᠳᠡᠢ᠌ᠯᠴᠢᠬᠡᠪᠡᠯ ᠨᠠᠳᠠᠳᠤ ᠲᠦᠢ᠍ᠯᠤᠨ ᠶᠡᠬᠡ ᠲᠤᠰᠠ ᠪᠣᠯᠣᠨᠠ ᠳ᠋ᠠ᠃ ᠨᠠᠮ ᠪᠠ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ ᠪᠢᠳᠡ ᠰᠢᠭ ᠬᠦᠴᠢᠷᠳᠡᠯᠳᠠᠢ ᠵᠡᠮᠳᠡᠭᠴᠦᠳᠢ ᠡᠢ᠌ᠨ ᠬᠦ᠌ ᠬᠠᠯᠠᠮᠵᠢᠯᠠᠵᠦ ᠪᠠᠢ᠌ᠬᠤᠳᠤ ᠲᠠᠯᠠᠷᠬᠠᠵᠦ ᠪᠠᠢ᠌ᠨᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠷᠡᠭᠦᠯᠵᠢᠯᠤᠨ ᠲᠤᠰᠠᠯᠠᠬᠤ ᠪᠠᠭ᠋ᠠᠵᠢ ᠵᠢᠨ ᠲᠥᠪᠤᠨᠬᠢᠨ ᠡᠢ᠌ᠮᠦᠷᠬᠦᠦ ᠰᠠᠨᠠᠭ᠋ᠠᠨᠳᠤ ᠲᠠᠭ᠋ᠠᠷᠠᠭᠰᠠᠨ ᠦᠢ᠍ᠯᠡᠴᠢᠯᠡᠭᠡ ᠬᠠᠩᠭ᠋ᠠᠵᠦ ᠪᠠᠢ᠌ᠬᠤᠳᠤ ᠲᠠᠯᠠᠷᠬᠠᠵᠦ ᠪᠠᠢ᠌ᠨᠠ》 ᠭᠡᠵᠦ ᠶᠠᠩ ᠰᠢ ᠮᠸᠢ ᠨᠢᠯᠪᠦᠰᠦ ᠪᠦᠮᠪᠦᠷᠢᠭᠦᠯᠦᠨ ᠬᠡᠯᠡᠨᠡ᠃
ᠮᠥᠴᠢ ᠵᠡᠮᠳᠡᠭ ᠪᠣᠯᠬᠣᠨᠢ ᠠᠮᠢᠳᠤᠷᠠᠯᠤᠨ ᠲᠠᠯᠠᠳᠤ ᠨᠥᠯᠦᠭᠡ ᠦᠵᠡᠭᠦᠯᠬᠦᠠᠴᠠ ᠭᠠᠳᠠᠨᠠ᠂ ᠬᠥᠳᠡᠯᠮᠦᠷᠢᠯᠡᠬᠦ ᠴᠢᠳᠠᠪᠦᠷᠢ ᠵᠢ ᠪᠠᠭᠤᠷᠠᠭᠤᠯᠵᠦ᠂ ᠠᠵᠢᠯᠯᠠᠬᠤ ᠵᠠᠪᠰᠢᠶᠠᠨᠢ ᠪᠠᠭ᠋ᠠᠰᠬᠠᠬᠤ ᠤᠴᠢᠷᠠᠴᠠ ᠶᠡᠬᠡ ᠣᠯᠠᠨ ᠵᠡᠮᠳᠡᠭ ᠬᠦᠮᠦᠰᠢ ᠨᠡᠢ᠌ᠭᠡᠮ ᠳᠤᠬᠢ ᠪᠠᠭᠤᠷᠠᠢ ᠬᠠᠮᠲᠤ ᠴᠣᠭᠴᠠ ᠪᠣᠯᠭ᠋ᠠᠳᠠᠭ᠃ ᠠᠮᠢᠳᠤᠷᠠᠯᠨᠢ ᠬᠦᠴᠢᠷᠳᠡᠯᠲᠠᠢ ᠵᠡᠮᠳᠡᠭᠴᠦᠳᠲᠤ ᠬᠠᠨᠲᠤᠭᠤᠯᠤᠭᠰᠠᠨ 《ᠡᠷᠡᠭᠦᠯᠵᠢᠬᠦᠳᠤ ᠲᠤᠰᠠᠯᠠᠬᠤ ᠢᠨᠵᠸᠨ᠋ᠸᠷᠢᠩ》ᠨᠢ ᠠᠷᠠᠳᠲᠤ ᠠᠰᠢᠭ ᠬᠦᠷᠳᠡᠭᠡᠬᠦ ᠲᠥᠷᠥᠯ ᠵᠦᠢ᠍ᠯ ᠪᠣᠯᠣᠭᠰᠠᠨᠤ ᠬᠤᠪᠢᠳᠤ 2013 ᠣᠨᠠᠴᠠ ᠡᠬᠢᠯᠡᠨ ᠤᠯᠠᠮᠠᠴᠠ ᠤᠯᠠᠮ ᠬᠦᠴᠢᠷᠳᠡᠯᠲᠠᠢ ᠵᠡᠮᠳᠡᠭᠴᠦᠳᠲᠤ ᠲᠤᠰᠠ ᠬᠢᠵᠦ᠂ ᠵᠡᠮᠳᠡᠭᠴᠦᠳᠢ ᠬᠠᠪᠰᠤᠷᠤᠨ ᠳᠡᠮᠵᠢᠵᠦ᠂ ᠬᠠᠢ᠌ᠷᠠᠪᠠᠷ ᠰᠡᠳᠬᠢᠯᠢᠨᠢ ᠳᠤᠯᠠᠭ᠋ᠠᠯᠠᠵᠦ ᠵᠡᠮᠳᠡᠭᠴᠦᠳᠤᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠠᠮᠢᠳᠤᠷᠠᠯᠢ ᠬᠥᠭᠡᠭᠡᠴᠡᠯᠳᠦᠬᠦ ᠬᠦᠰᠡᠯᠢᠨᠢ ᠪᠡᠶᠡᠯᠡᠭᠦᠯᠦᠭᠰᠡᠭᠡᠷ ᠢᠷᠡᠵᠡᠢ᠃
ᠮᠡᠳᠡᠭᠡᠯᠡᠭᠴᠢ ᠵᠢᠨ ᠬᠠᠶᠢᠭ᠄ ᠬᠥᠬᠡᠬᠣᠲᠠ ᠵᠢᠨ ᠰᠠᠢ᠌ᠬᠠᠨ ᠲᠤᠭᠤᠷᠢᠭ