| — ᠲᠤᠰ ᠰᠡᠳᠬᠦᠯ ᠤᠨ 30 ᠵᠢᠯ ᠤᠨ ᠣᠢ ᠶᠢᠨ ᠪᠠᠶᠠᠷ ᠲᠤ ᠵᠣᠷᠢᠭᠤᠯᠪᠠ | ᠣᠭᠤᠨᠤᠴᠢᠨ ᠵᠢᠷᠭᠠᠯᠲᠤ ᠵᠣᠬᠢᠶᠠᠪᠠ | ᠨᠠᠮᠠ ᠶᠢ ᠠᠬᠠᠮᠠᠳ ᠰᠡᠳᠬᠦᠯᠴᠢ ᠭᠡᠬᠦ ᠳᠤ ᠠᠷᠠᠢ ᠠᠬᠠᠳᠠᠬᠤ ᠪᠠᠷ ᠴᠤ ᠦᠭᠡᠢ ᠪᠠᠶᠢᠬᠠ᠂ ᠰᠡᠭᠦᠯ ᠤᠨ 6 | ᠵᠢᠯ ᠢ ᠨᠡᠮᠡᠪᠡᠯ ᠪᠢ ᠶᠠᠭ 44 ᠵᠢᠯ ᠰᠡᠳᠬᠦᠯ ᠤᠨ ᠠᠵᠢᠯ ᠬᠢᠵᠠᠢ᠃ ᠮᠠᠨ ᠤ ︿︿ᠴᠣᠮᠣᠷᠯᠢᠭ﹀﹀᠂ ︿︿ᠦᠪᠣᠷ | ᠮᠣᠩᠭᠤᠯ ᠤᠨ ᠵᠠᠯᠠᠭᠤᠴᠤᠳ﹀﹀ ᠰᠡᠳᠬᠦᠯ ᠢᠶᠠᠷ ᠠᠪᠴᠤ ᠬᠡᠯᠡᠭᠰᠡᠨ ᠴᠤ ᠪᠢ ᠦᠶᠤᠭ᠌ ᠲᠠᠩᠰᠤᠭ ᠴᠠᠭ ᠢ ᠨᠢ | ᠡᠳ᠋ᠯᠡᠭᠰᠡᠨ᠂ ᠭᠠᠴᠢᠭ ᠶᠠᠳᠠᠷᠠᠭᠤ ᠦᠶᠡ ᠶᠢ ᠨᠢ ᠴᠤ ᠲᠤᠭᠤᠯᠤᠭᠰᠠᠨ᠃ ᠦᠨᠡᠨ ᠳᠤ ᠪᠠᠨ ᠪᠢ ᠲᠡᠶᠢᠮᠤ ᠢᠪᠴᠤᠤ | ᠦᠵᠡᠯ ᠲᠠᠢ ᠬᠦᠮᠤᠨ ᠪᠢᠰᠢ᠂ ᠰᠢᠨᠡ ᠬᠡᠷᠡᠭ ᠪᠣᠳᠠᠰ ᠢ ᠶᠡᠭᠡ ᠳᠤᠷᠠᠲᠠᠢ ᠬᠦᠯᠢᠶᠡᠨ ᠠᠪᠳᠠᠭ ᠶᠤᠮ᠃ ᠭᠡᠪᠡᠴᠤ | ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ ᠰᠡᠳᠬᠦᠯ ᠤᠨ ᠠᠵᠢᠯ ᠤᠨ ᠬᠠᠲᠠᠭᠤ ᠪᠡᠷᠬᠡ ᠪᠠᠶᠢᠳᠠᠯ ᠳᠤᠤᠷᠠ᠂ ︿︿ᠤᠷᠤᠭ ᠭᠡᠷ ᠪᠦᠯᠢ | ᠨᠡᠶᠢᠬᠡᠮ﹀﹀ ᠭᠡᠬᠦ ᠰᠢᠨᠡ ᠰᠡᠳᠬᠦᠯ ᠡᠷᠬᠢᠯᠡᠨᠡ ᠭᠡᠰᠡᠨ ᠢ ᠰᠣᠨᠣᠰᠤᠭᠰᠠᠨ ᠳᠠᠷᠤᠢ 《ᠬᠠᠰᠢᠷᠠᠭᠰᠠᠨ ᠣᠭᠤᠨᠤ | ᠬᠠᠲᠠᠷᠢᠪᠠ 》ᠭᠡᠭᠴᠢ ᠪᠠᠷ ᠬᠠᠯᠠ ᠶᠢ ᠨᠢ ᠦᠵᠡᠵᠤ ᠬᠠᠰᠢᠷᠠᠴᠢᠬᠠᠭᠰᠠᠨ ᠨᠠᠳᠠ ᠳᠤ ᠡᠶᠢᠮᠤ ᠬᠤᠶᠠᠷ ᠪᠤᠷᠤᠭᠤ | ᠲᠠᠨᠢᠯᠲᠠ ᠪᠣᠢ ᠪᠣᠯᠪᠠ᠃ ᠲᠠᠨᠢᠯᠲᠠ ᠳᠤᠷᠰᠢᠯᠭᠠ ᠠᠴᠠ ᠢᠷᠡᠳᠡᠭ ᠭᠡᠰᠡᠨ ᠨᠢ ᠡᠭᠦᠨ ᠢ ᠬᠡᠯᠡᠵᠤ ᠪᠠᠶᠢᠭᠠ ᠴᠤ ᠪᠣᠯᠪᠠ | ᠦᠦ ⁉ | ᠪᠤᠷᠤᠭᠤ ᠲᠠᠨᠢᠯᠲᠠ ᠨᠢᠭᠡ | | ︿︿ᠤᠷᠤᠭ ᠭᠡᠷ ᠪᠦᠯᠢ ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠬᠡᠪᠯᠡᠯ ᠡᠬᠢᠯᠡᠬᠦ ᠠᠴᠠ ᠡᠮᠤᠨᠡ᠂ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ | ᠲᠢᠩᠬᠢᠮ ᠤᠨ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠭᠠᠵᠠᠷ ︵ᠡᠳᠤᠭᠡ ᠨᠡᠶᠢᠬᠡᠮ ᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠤᠨ ᠭᠠᠵᠠᠷ ᠭᠡᠵᠤ ᠪᠣᠢ︶ | ᠤᠨ ᠳᠠᠷᠤᠭᠠ ᠨᠠᠰᠤᠨᠳᠠᠯᠠᠢ ᠠᠬᠠ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠳᠤᠬᠠᠢ ᠪᠠᠶᠢᠴᠠᠭᠠᠨ ᠰᠤᠳᠤᠯᠤᠯᠲᠠ ᠬᠢᠵᠤ᠂ ᠮᠠᠨ ᠤ | ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠳᠤ ᠢᠷᠡᠪᠡ ᠃ | ᠳᠤᠬᠠᠢ ᠶᠢᠨ ᠦᠶᠡ ᠳᠤ᠂ ᠮᠠᠨ ᠤ ᠰᠡᠳᠬᠦᠯ ᠤᠨ ᠬᠤᠷᠢᠶᠠ ᠴᠦ ᠪᠣᠰᠤᠳ ᠰᠣᠨᠢᠨ ᠰᠡᠳᠬᠦᠯ ᠤᠨ | ᠬᠤᠷᠢᠶᠠ ᠲᠠᠢ ᠠᠳᠠᠯᠢᠬᠠᠨ ᠬᠠᠮᠤᠭ ᠤᠨ ᠭᠠᠴᠢᠭ ᠶᠠᠳᠠᠷᠠᠭᠤ ᠴᠠᠭ ᠦᠶᠡ ᠳᠤ ᠪᠠᠨ ᠪᠠᠶᠢᠭᠰᠠᠨ ᠶᠤᠮ᠃ ᠨᠡᠶᠢᠬᠡᠮ | ᠨᠡᠶᠢᠲᠡ ᠪᠠᠷ ᠢᠶᠠᠨ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠴᠠᠭ ᠡᠷᠢᠨ ᠳᠤ ᠣᠷᠣᠵᠤ᠂ ᠵᠠᠷᠤᠳᠠᠯ ᠮᠦᠩᠭᠦ ᠶᠢᠨ ᠲᠠᠯᠠ ᠪᠠᠷ ᠰᠣᠨᠢᠨ | ᠰᠡᠳᠬᠦᠯ ᠤᠨ ᠬᠢᠨ ᠪᠦᠷ ᠪᠦᠬᠦ ᠲᠣᠭᠠᠨ ᠤ ᠳᠦᠰᠤᠪ ᠤᠨ ᠨᠢᠭᠡᠴᠢ ᠠᠴᠠ ᠪᠠᠨ ᠵᠦᠷᠢᠶᠡᠨᠲᠤ ᠲᠣᠭᠠᠨ ᠤ ᠳᠦᠰᠤᠪ | ᠤᠨ ᠨᠢᠭᠡᠴᠢ ᠪᠣᠯᠵᠤ᠂ ᠠᠵᠢᠯᠲᠠᠨ ᠤ ᠬᠢᠨᠢ ᠴᠠᠯᠢᠩ ᠤᠨ 60% ᠶᠢ ᠡᠳ᠋ ᠤᠨ ᠵᠠᠰᠠᠭ ᠠᠴᠠ ᠦᠭᠴᠤ᠂ ᠪᠣᠰᠤᠳ ᠢ | ᠨᠢ ᠦᠪᠡᠰᠤᠪᠠᠨ ᠠᠷᠭᠠᠴᠠᠭᠠᠬᠤ ᠪᠠ ᠰᠡᠳᠬᠦᠯ ᠤᠨ ᠨᠠᠶᠢᠷᠠᠭᠤᠯᠬᠤ᠂ ᠬᠡᠪᠯᠡᠭᠦᠯᠬᠦ᠂ ᠤᠬᠠᠭᠤᠯᠤᠨ ᠵᠠᠬᠢᠶᠠᠯᠠᠭᠤᠯᠬᠤ᠂ | ᠳᠠᠷᠬᠠᠭᠠᠬᠤ᠂ ᠡᠬᠡ ᠪᠢᠴᠢᠭ ᠤᠨ ᠬᠠᠷᠠᠮᠵᠢ ᠦᠭᠬᠦ ᠵᠡᠷᠭᠡ ᠠᠵᠢᠯ ᠳᠤ ᠵᠠᠷᠤᠳᠠᠯ ᠮᠦᠩᠭᠦ ᠬᠦᠷᠤᠯᠴᠡᠬᠦ ᠦᠭᠡᠢ ᠠᠵᠤ | ᠠᠬᠤᠢ ᠶᠢᠨ ᠬᠦᠴᠢᠷᠳᠡᠯ ᠳᠤ ᠲᠤᠯᠭᠠᠷᠠᠭᠰᠠᠨ ᠢᠶᠠᠷ ᠬᠠᠭᠠᠰ ᠰᠠᠷᠠ ᠶᠢᠨ ᠰᠡᠳᠬᠦᠯ ᠨᠢ ᠰᠠᠷᠠ ᠶᠢᠨ ᠰᠡᠳᠬᠦᠯ᠂ ᠰᠠᠷᠠ | ᠶᠢᠨ ᠰᠡᠳᠬᠦᠯ ᠨᠢ ᠬᠤᠣᠰ ᠰᠠᠷᠠ ᠶᠢᠨ ᠰᠡᠳᠬᠦᠯ ᠪᠣᠯᠵᠤ ᠪᠠᠶᠢᠪᠠ᠃ ᠲᠡᠷᠡᠴᠢᠯᠡᠨ ᠰᠡᠳᠬᠦᠯ ᠳᠤ ᠮᠢᠨᠢ ᠡᠬᠡ ᠪᠢᠴᠢᠭ | ᠪᠢᠴᠢᠳᠡᠭ ᠵᠣᠬᠢᠶᠠᠯᠴᠢ ᠵᠣᠬᠢᠶᠠᠭᠴᠢ ᠨᠠᠷ ᠴᠤ ︿︿ᠳᠠᠯᠠᠢ﹀﹀ ᠳᠤ ᠣᠷᠤᠭᠠᠳ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠬᠦ ᠪᠣᠯᠤᠭᠰᠠᠨ | ᠢᠶᠠᠷ ᠡᠬᠡ ᠪᠢᠴᠢᠭ ᠤᠨ ᠢᠷᠡᠯᠲᠡ ᠴᠤ ᠦᠨᠳᠤᠰᠤᠨ ᠳᠤ ᠪᠠᠨ ᠳᠠᠰᠤᠷᠠᠵᠤ ᠪᠠᠶᠢᠭᠰᠠᠨ ᠪᠠᠶᠢᠳᠠᠯ ᠳᠣᠣᠷᠠ ᠰᠢᠨᠡ ᠪᠠᠷ | ᠰᠡᠳᠬᠦᠯ ᠡᠷᠬᠢᠯᠡᠬᠦ ᠭᠡᠭᠴᠢ ᠭᠤᠨᠵᠢ ᠶᠢᠨ ᠵᠣᠭᠤᠭ ᠭᠡᠵᠤ ᠮᠡᠳᠡ ᠭᠡᠵᠤ ᠪᠣᠳᠣᠵᠤ ᠠᠮᠵᠢᠪᠠ ᠃ | ᠪᠤᠷᠤᠭᠤ ᠲᠠᠨᠢᠯᠲᠠ ᠬᠤᠶᠠᠷ | ᠬᠡᠪᠯᠡᠯ ᠡᠬᠢᠯᠡᠬᠦ ᠳᠤ ᠰᠡᠳᠬᠦᠯ ᠤᠨ ᠢᠶᠠᠨ ᠨᠡᠷᠡ ᠶᠢ ︿︿ᠤᠷᠤᠭ ᠭᠡᠷ ᠪᠦᠯᠢ ᠨᠡᠶᠢᠬᠡᠮ﹀﹀ ᠭᠡᠵᠤ ᠠᠪᠴᠠᠢ᠃ | ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠮᠢᠨᠤ ᠮᠡᠳᠡᠬᠦ ᠪᠠᠷ ︿︿ᠦᠪᠣᠷ ᠮᠣᠩᠭᠤᠯ ᠤᠨ ᠵᠠᠯᠠᠭᠤᠴᠤᠳ﹀﹀᠂ ︿︿ᠦᠪᠣᠷ ᠮᠣᠩᠭᠤᠯ ᠤᠨ | ᠡᠮᠡᠭᠲᠡᠶᠢᠴᠤᠳ﹀﹀ ᠵᠡᠷᠭᠡ ᠨᠡᠯᠢᠶᠡᠳ ᠬᠡᠳᠤᠨ ᠰᠡᠳᠬᠦᠯ ︿︿ᠤᠷᠤᠭ ᠭᠡᠷ ᠪᠦᠯᠢ ᠨᠡᠶᠢᠬᠡᠮ﹀﹀ ᠭᠡᠰᠡᠨ ᠪᠤᠯᠤᠩ ᠲᠠᠢ | ᠪᠠᠶᠢᠪᠠ᠃ ᠨᠢᠭᠡ ᠪᠤᠯᠤᠩ ᠤᠨ ᠨᠡᠷᠡ ᠪᠠᠷ ᠰᠡᠳᠬᠦᠯ ᠤᠨ ᠨᠡᠷᠡ ᠪᠠᠨ ᠪᠣᠯᠭᠠᠭᠠᠳ᠂ ᠰᠡᠳᠬᠦᠯ ᠤᠨ ᠠᠭᠤᠯᠭᠠ | ᠬᠡᠯᠪᠡᠷᠢ ᠨᠢ ᠳᠠᠩᠴᠤ ᠢᠪᠴᠤᠤ ᠪᠣᠯᠴᠢᠬᠠᠬᠤ ᠪᠢᠰᠢ ᠦᠦ︖ ᠭᠡᠵᠤ ᠦᠯᠤ ᠲᠣᠭᠤᠮᠰᠠᠷᠯᠠᠵᠤ ᠪᠠᠶᠢᠪᠠ᠃ | | ᠡᠷᠬᠢᠴᠡᠭᠦᠯᠤᠯ ᠨᠢᠭᠡ | ︿︿ᠤᠷᠤᠭ ᠭᠡᠷ ᠪᠦᠯᠢ ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠮᠠᠨᠢ 1991 ᠣᠨ ᠳᠤ ᠬᠡᠪᠯᠡᠯ ᠢᠶᠠᠨ ᠡᠬᠢᠯᠡᠭᠰᠡᠨ ᠶᠤᠮ᠃ | ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠲᠤᠰ ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠳᠠᠷᠤᠭᠠ᠂ ᠶᠡᠷᠤᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠵᠠᠯᠠᠭᠳᠠᠵᠤ | ᠢᠷᠡᠭᠰᠡᠨ ᠮᠦᠩᠬᠡᠨᠠᠰᠤᠨ ᠭᠤᠸᠠᠢ ᠤᠤᠯ ᠳᠤ ᠪᠠᠨ ᠮᠦᠨ ᠰᠡᠳᠬᠦᠯᠴᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠰᠡᠳᠬᠦᠯ ᠡᠷᠬᠢᠯᠡᠬᠦ | ᠠᠵᠢᠯ ᠤᠨ ᠬᠦᠴᠢᠷ ᠵᠣᠪᠠᠯᠠᠩ ᠢ ᠮᠡᠳᠡᠨᠡ᠂ ᠭᠡᠪᠡᠴᠤ ᠰᠢᠨᠡ ᠰᠡᠳᠬᠦᠯ ᠪᠣᠰᠬᠠᠵᠤ ᠡᠷᠬᠢᠯᠡᠬᠦ ᠶᠢᠨ ᠨᠡᠩ ᠬᠦᠨᠳᠤ | ᠬᠠᠲᠠᠭᠤ ᠬᠦᠴᠢᠷ ᠵᠣᠪᠠᠯᠠᠩ ᠢ ᠬᠠᠷᠠᠬᠠᠨ ᠲᠡᠶᠢᠮᠤ ᠰᠠᠶᠢᠨ ᠮᠡᠳᠡᠭᠡᠳᠤᠢ ᠪᠠᠶᠢᠪᠠ᠃ ︿︿ᠨᠢᠯᠬᠠ ᠲᠤᠭᠤᠯ ᠪᠠᠷᠰ ᠠᠴᠠ | ᠠᠶᠤᠳᠠᠭ ᠦᠭᠡᠢ﹀﹀ ᠭᠡᠳᠡᠭ ᠢᠶᠠᠷ ᠶᠠᠭᠤ ᠴᠤ ᠭᠡᠰᠡᠨ ᠲᠡᠷᠡ ᠳᠤᠰᠴᠤ ᠠᠪᠤᠭᠰᠠᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠪᠡ᠃ | ᠲᠡᠭᠦᠨ ᠤ ᠡᠮᠤᠨᠡ ᠰᠡᠳᠬᠦᠯ ᠢᠶᠠᠨ ᠵᠢᠩᠬᠢᠨᠢᠴᠢᠯᠡᠵᠤ ᠡᠷᠤᠬᠡ ᠪᠣᠰᠬᠠᠬᠤ᠂ ᠵᠠᠷᠤᠳᠠᠯ ᠮᠦᠩᠭᠦ ᠪᠠᠨ ᠠᠷᠭᠠᠴᠠᠭᠠᠵᠤ | ᠠᠳᠡ ᠲᠡᠨᠲᠡ ᠠᠴᠠ ᠳᠤᠰᠤᠯ ᠭᠤᠶᠤᠬᠤ᠂ ᠠᠯᠪᠠᠨ ᠭᠡᠷ ᠣᠯᠵᠤ ᠠᠵᠢᠯᠲᠠᠨ ᠡᠯᠰᠡᠬᠦ᠂ ᠡᠬᠡ ᠪᠢᠴᠢᠭ ᠵᠣᠬᠢᠶᠠᠨ | ᠪᠠᠶᠢᠭᠤᠯᠬᠤ᠂ ᠰᠡᠳᠬᠦᠯ ᠤᠨ ᠠᠭᠤᠯᠭᠠ ᠬᠡᠯᠪᠡᠷᠢ ᠪᠠᠨ ᠤᠬᠠᠭᠠᠯᠠᠨ ᠳᠦᠰᠣᠪᠯᠡᠬᠦ᠂ ᠨᠠᠶᠢᠷᠠᠭᠤᠯᠵᠤ ᠬᠠᠷᠭᠤᠭᠤᠯᠬᠤ᠂ | ᠬᠢᠨᠠᠵᠤ ᠣᠩᠰᠢᠬᠤ᠂ ᠵᠢᠷᠤᠵᠤ ᠴᠢᠮᠡᠭᠯᠡᠬᠦ᠂ ᠬᠡᠪᠯᠡᠵᠤ ᠳᠠᠷᠬᠠᠭᠠᠬᠤ ᠵᠡᠷᠭᠡ ᠲᠤᠭᠠ ᠲᠣᠮᠰᠢ ᠦᠭᠡᠢ ᠠᠵᠢᠯ | ᠣᠪᠣᠭᠠᠷᠠᠨᠠ᠃ ᠶᠠᠭᠠᠬᠢᠯᠲᠠᠢ ᠪᠢᠯᠡ︖ ᠲᠤᠯᠵᠤ ᠢᠷᠡᠭᠰᠡᠨ ᠬᠦᠴᠢᠷ ᠢ ᠲᠤᠭᠤᠯᠵᠤ ᠭᠠᠷᠬᠤ ᠠᠴᠠ ᠪᠢᠰᠢ | ᠲᠣᠭᠤᠷᠢᠵᠤ ᠭᠠᠷᠬᠤ ᠵᠠᠮ ᠲᠡᠭᠦᠨ ᠳᠤ ᠦᠭᠡᠢ᠃ ᠲᠡᠷᠡ ᠮᠠᠨᠢ ᠨᠠᠶᠢᠷᠠᠭᠤᠯᠤᠭᠴᠢ ᠨᠦᠬᠦᠳ ᠢᠶᠠᠨ ᠳᠠᠭᠠᠭᠤᠯᠤᠨ᠂ | ᠨᠢᠭᠡ ᠲᠠᠯᠠ ᠪᠠᠷ ᠡᠬᠡ ᠪᠢᠴᠢᠭ ᠢᠶᠠᠨ ᠨᠠᠶᠢᠷᠠᠭᠤᠯᠤᠨ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠦᠪᠣᠷ ᠮᠣᠩᠭᠤᠯ ᠵᠢᠴᠢ ᠬᠦᠬᠡᠨᠠᠭᠤᠷ ᠂ | ᠰᠢᠨᠵᠢᠶᠠᠩ᠂ ᠯᠢᠶᠣᠣᠨᠢᠩ᠂ ᠬᠠᠷᠠᠮᠦ᠋ᠷᠠᠨ ᠵᠡᠷᠭᠡ ᠮᠣᠩᠭᠤᠯ ᠦᠭᠡ ᠬᠡᠯᠡ ᠦᠰᠤᠭ᠌ ᠪᠢᠴᠢᠭ ᠬᠡᠷᠡᠭᠯᠡᠵᠤ ᠪᠠᠶᠢᠭᠠ | ᠬᠤᠰᠢᠭᠤ ᠰᠢᠶᠡᠨ ᠢᠶᠠᠷ ᠬᠦᠷᠴᠤ ᠣᠩᠰᠢᠭᠴᠢᠳ ᠤᠨ ᠢᠶᠠᠨ ᠳᠤᠮᠳᠠ ᠭᠦᠨᠵᠡᠭᠡᠶᠢᠷᠡᠨ ᠪᠠᠶᠢᠴᠠᠭᠠᠨ ᠰᠤᠳᠤᠯᠤᠯᠲᠠ | ᠬᠢᠪᠡ᠃ 《ᠵᠣᠷᠢᠭ ᠲᠠᠢ ᠬᠦᠮᠤᠨ ᠴᠢᠳᠠᠯ ᠲᠠᠢ᠂ ᠵᠣᠷᠢᠯᠭᠠ ᠲᠠᠢ ᠬᠦᠮᠤᠨ ᠵᠠᠮ ᠲᠠᠢ》 ᠭᠡᠳᠡᠭ ᠢᠶᠠᠷ ᠲᠡᠷᠡ ︿︿ | ᠠᠮᠢᠳᠤᠷᠠᠯ ᠳᠤ ᠰᠠᠭᠤᠷᠢᠯᠠᠨ᠂ ᠭᠤᠣᠯ ᠢ ᠨᠢ ᠠᠳᠬᠤᠵᠤ᠂ ᠣᠩᠰᠢᠭᠴᠢᠳ ᠤᠨ ᠢᠶᠠᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ | ᠳᠤᠷᠠ ᠰᠣᠨᠢᠷᠬᠠᠯ ᠳᠤ ᠨᠢ ᠵᠣᠬᠢᠴᠠᠭᠤᠯᠤᠨ ᠬᠤᠷᠴᠠ ᠰᠢᠷᠤᠭᠦᠨ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠦᠷᠢᠰᠤᠯᠳᠤᠭᠡᠨ ᠤ ᠳᠤᠮᠳᠠ | ᠰᠢᠯᠢᠳᠡᠭ ᠪᠦᠲᠤᠭᠡᠯ᠂ ᠶᠠᠰᠤ ᠴᠢᠨᠠᠷ ᠢᠶᠠᠷ ᠢᠶᠠᠨ ᠦᠪᠡᠷ ᠤᠨ ᠭᠡᠰᠡᠨ ᠣᠷᠣᠨ ᠵᠠᠢ ᠣᠷᠣᠰᠢᠯ ᠳᠣᠭᠲᠠᠨᠢᠯ ᠢᠶᠠᠨ | ᠣᠯᠬᠤ﹀﹀ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠵᠠᠮ ᠢᠶᠠᠨ ᠰᠤᠩᠭᠤᠯᠡ᠃ ᠲᠡᠷᠡ ᠮᠠᠨᠢ ᠡᠨᠡ ᠰᠤᠩᠭᠤᠯᠲᠠ ᠶᠢᠨ ᠵᠠᠮ ᠢᠶᠠᠨ ᠴᠢᠩᠭᠠ | ᠪᠠᠷᠢᠮᠲᠠᠯᠠᠨ ᠬᠠᠲᠠᠭᠤᠵᠢᠯᠲᠠᠢ ᠴᠢᠷᠮᠠᠶᠢᠨ ᠠᠵᠢᠯᠯᠠᠭᠰᠠᠨ ᠢᠶᠠᠷ ᠬᠦᠴᠢᠷ ᠪᠡᠷᠬᠡ ᠶᠢ ᠪᠣᠰᠤᠳ ᠰᠡᠳᠬᠦᠯ ᠠᠴᠠ ᠳᠦᠭᠦᠮ | ᠲᠦᠳᠡ ᠠᠮᠵᠢᠯᠲᠠ ᠪᠦᠲᠤᠮᠵᠢᠲᠠᠢ ᠲᠤᠭᠤᠯᠵᠤ᠂ ᠣᠷᠣᠨ ᠤ ᠪᠠᠨ ᠮᠣᠩᠭᠤᠯ ᠰᠡᠳᠬᠦᠯ ᠰᠣᠨᠢᠨ ᠤ ᠳᠣᠲᠣᠷᠠ ᠪᠠᠨ | ᠲᠠᠷᠬᠠᠭᠠᠯᠲᠠ ᠪᠠᠷ ᠢᠶᠠᠨ ᠣᠷᠣᠶᠢᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠣᠰᠤᠳ ᠣᠯᠠᠨ ᠰᠡᠳᠬᠦᠯ ᠳᠤ ᠪᠠᠨ ᠬᠡᠪ ᠳᠠᠭᠤᠷᠢᠶᠠᠯ | ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | 30 ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ᠂ ︿︿ᠤᠷᠤᠭ ᠭᠡᠷ ᠪᠦᠯᠢ ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠮᠠᠨᠢ ᠳᠤᠷᠰᠢᠯᠲᠠ ᠶᠢᠨ | ᠬᠤᠭᠤᠴᠠᠭᠠ᠂ ᠤᠯᠠᠷᠢᠯ ᠤᠨ ᠰᠡᠳᠬᠦᠯ᠂ ᠬᠤᠣᠰ ᠰᠠᠷᠠ ᠶᠢᠨ ᠰᠡᠳᠬᠦᠯ᠂ ᠰᠠᠷᠠ ᠶᠢᠨ ᠰᠡᠳᠬᠦᠯ ᠭᠡᠵᠤ ᠤᠯᠠᠷᠢᠨ | ᠬᠤᠪᠢᠷᠠᠭᠠᠳ᠂ ᠡᠳᠤᠭᠡ ᠨᠢᠭᠡᠨᠲᠡ ᠭᠤᠷᠪᠠᠨ ᠵᠠᠭᠤᠨ ᠠᠷᠪᠠᠨ ᠬᠡᠳᠤᠨ ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | 2009 ᠣᠨ ᠳᠤ ᠰᠡᠳᠬᠦᠯ ᠤᠨ ᠨᠡᠷᠡ ᠪᠠᠨ ︿︿ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠭᠡᠵᠤ ᠬᠠᠯᠠᠨ ᠠᠭᠤᠯᠭᠠ ᠪᠠᠨ ᠨᠡᠩ ᠡᠯᠪᠡᠭ | ᠪᠠᠶᠠᠯᠢᠭ ᠪᠣᠯᠭᠠᠵᠤ ᠰᠢᠨᠡᠳᠬᠡᠭᠡᠳ᠂ ᠦᠨᠳᠤᠰᠤᠨ ᠱᠠᠲᠤ᠂ ᠲᠦᠪ ᠬᠤᠲᠠ᠂ ᠣᠷᠣᠨ ᠤ ᠳᠣᠳᠤᠨᠠ ᠭᠠᠳᠠᠨᠠ ᠶᠢ | ᠢᠯᠭᠠᠯ ᠦᠭᠡᠢ ᠪᠠᠷ ᠮᠣᠩᠭᠤᠯ ᠰᠤᠶᠤᠯ ᠳᠤ ᠪᠠᠨ ᠬᠠᠶᠢᠷᠠᠲᠠᠢ᠂ ᠵᠢᠳᠬᠦᠯᠲᠠᠢ᠂ ᠨᠡᠷᠡ ᠲᠦᠷᠤ ᠲᠠᠢ ᠠᠬᠠᠮᠠᠳ ᠢᠳᠡᠷ | ᠵᠠᠯᠠᠭᠤ ᠬᠦᠮᠤᠰ ᠤᠨ ᠰᠡᠭᠦᠳᠡᠷ ᠢ ᠰᠡᠳᠬᠦᠯ ᠤᠨ ᠢᠶᠠᠨ ᠨᠢᠭᠤᠷ ᠲᠤ ᠨᠡᠶᠢᠲᠡᠯᠡᠵᠤ᠂ ᠠᠮᠵᠢᠯᠲᠠ ᠪᠦᠲᠤᠭᠡᠯ ᠢ ᠨᠢ | ᠣᠩᠰᠢᠭᠴᠢᠳ ᠲᠤ ᠪᠠᠨ ᠲᠠᠨᠢᠯᠴᠠᠭᠤᠯᠵᠠᠢ᠃ ᠡᠭᠦᠨ ᠤ ᠬᠠᠮᠲᠤ ᠰᠡᠳᠬᠦᠯ ᠤᠨ ᠢᠶᠠᠨ ᠶᠠᠰᠤ ᠴᠢᠨᠠᠷ ᠢ ᠴᠢᠩᠭᠠ | ᠪᠠᠲᠤᠯᠠᠬᠤ ᠶᠢᠨ ᠳᠤᠰᠠᠳᠠ᠂ ︿︿ᠨᠠᠶᠢᠷᠠᠭᠤᠯᠤᠭᠴᠢ ᠶᠢ ᠬᠢᠨᠠᠨ ᠰᠢᠯᠭᠠᠷᠠᠭᠤᠯᠬᠤ ᠠᠷᠭᠠ﹀﹀᠂ ︿︿ᠬᠢᠨᠠᠨ ᠣᠩᠰᠢᠬᠤ | ᠬᠠᠷᠢᠭᠤᠴᠠᠯᠭᠠ ᠨᠡᠬᠡᠮᠵᠢᠯᠡᠬᠦ ᠲᠦᠷᠢᠮ﹀﹀᠂ ︿︿ᠡᠳ᠋ ᠤᠨ ᠶᠠᠪᠤᠳᠠᠯ ᠤᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠳᠣᠭᠲᠠᠭᠠᠯ﹀﹀ ᠵᠡᠷᠭᠡ | ᠳᠦᠷᠢᠮ ᠳᠣᠭᠲᠠᠭᠠᠯ ᠤᠳ ᠢ ᠳᠣᠭᠲᠠᠭᠠᠨ ᠲᠡᠭᠦᠯᠳᠡᠷᠵᠢᠭᠦᠯᠵᠤ᠂ ᠬᠠᠮᠢᠶᠠᠷᠤᠯᠲᠠ ᠪᠠᠨ ᠴᠢᠩᠭᠠᠳᠬᠠᠭᠰᠠᠨ ᠠᠴᠠ | ᠠᠵᠢᠯ ᠦᠢᠯᠡᠰ ᠨᠢ ᠤᠯᠠᠮ ᠢᠯᠭᠤᠮ ᠤᠷᠤᠭᠰᠢᠲᠠᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠢᠩᠬᠢᠭᠰᠡᠨ ᠢᠶᠠᠷ ᠲᠤᠰ ᠰᠡᠳᠬᠦᠯ ᠨᠢ | 1996 ᠣᠨ ᠳᠤ ᠤᠮᠠᠷᠠᠲᠤ ᠣᠷᠣᠨ ᠤ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠠᠷᠪᠠᠨ ᠰᠤᠳᠤᠨ ᠬᠤᠭᠤᠴᠠᠭᠠᠲᠤ | ᠰᠡᠳᠬᠦᠯ ᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ ︿︿ᠰᠢᠯᠢᠳᠡᠭ ᠬᠤᠭᠤᠴᠠᠭᠠᠲᠤ ᠰᠡᠳᠬᠦᠯ﹀﹀ ᠢᠶᠠᠷ ᠦᠨᠡᠯᠡᠭᠳᠡᠨ᠂ 2002 | ᠣᠨ ᠳᠤ ᠲᠦᠪ ᠤᠨ ᠤᠬᠠᠭᠤᠯᠬᠤ ᠭᠡᠯᠲᠡᠰ ᠪᠠ ᠤᠯᠤᠰ ᠤᠨ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯ ᠤᠨ ᠶᠡᠷᠤᠩᠬᠡᠢ ᠵᠠᠬᠢᠷᠭᠠ ᠶᠢᠨ | ᠬᠢᠨᠠᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠪᠠᠷ ᠳᠠᠮᠵᠢᠨ ᠪᠦᠬᠦ ᠤᠯᠤᠰ ᠤᠨ ︿︿ᠬᠤᠭᠤᠴᠠᠭᠠᠲᠤ ᠰᠡᠳᠬᠦᠯ ᠤᠨ ᠵᠢᠭᠰᠠᠭᠠᠯᠲᠠ﹀﹀ | ᠳᠤ ᠰᠤᠩᠭᠤᠭᠳᠠᠵᠤ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ︿︿ᠬᠤᠣᠰ ᠦᠷᠡ ᠪᠦᠲᠤᠮᠵᠢᠲᠤ ᠬᠤᠭᠤᠴᠠᠭᠠᠲᠤ ᠰᠡᠳᠬᠦᠯ | ﹀﹀ ᠤᠨ ᠨᠢᠭᠡ ᠪᠣᠯᠣᠭᠰᠠᠨ ᠪᠦᠭᠡᠳ 2009 ᠣᠨ ᠳᠤ ᠮᠦᠨ ︿︿ᠤᠮᠠᠷᠠᠲᠤ ᠣᠷᠣᠨ ᠤ ᠰᠢᠯᠢᠳᠡᠭ ᠰᠡᠳᠬᠦᠯ﹀﹀ ᠢᠶᠠᠷ | ᠱᠠᠩᠨᠠᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠡᠷᠬᠢᠴᠡᠭᠦᠯᠤᠯ ᠬᠤᠶᠠᠷ | ᠪᠢ 2015 ᠣᠨ ᠤ ᠡᠬᠢᠨ ᠳᠤ᠂ ᠤᠭ ᠤᠨ ᠣᠷᠣᠨ ᠤ ᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠤ ᠰᠡᠳᠬᠦᠯ ᠤᠨ | ᠬᠤᠷᠢᠶᠠᠨ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠭᠠᠳ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠤ ᠳᠠᠷᠤᠶᠢᠬᠠᠨ ︿︿ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠤᠨ | ᠶᠡᠷᠤᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠤᠷᠢᠯᠭᠠ ᠪᠠᠷ ᠣᠷᠣᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠪᠠᠶᠢᠭᠤᠯᠭᠠ ᠶᠢᠨ ᠲᠣᠮᠣ | ᠬᠦᠷᠢᠶᠡᠨ ᠳᠤ ᠠᠵᠢᠯᠯᠠᠬᠤ ᠠᠵᠠ ᠵᠠᠪᠰᠢᠶᠠᠨ ᠣᠯᠵᠤ᠂ ᠲᠤᠰ ᠰᠡᠳᠬᠦᠯ ᠢ 6 ᠵᠢᠯ ᠬᠠᠪᠰᠤᠷᠴᠤ ᠠᠵᠢᠯᠯᠠᠭᠰᠠᠨ ᠶᠤᠮ | ᠃ ᠲᠤᠰ ᠰᠡᠳᠬᠦᠯ ᠤᠨ ᠬᠤᠷᠢᠶᠠ ᠨᠢ ︿︿ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠢ ᠨᠠᠶᠢᠷᠠᠭᠤᠯᠵᠤ ᠬᠡᠪᠯᠡᠭᠦᠯᠬᠦ ᠠᠴᠠ ᠭᠠᠳᠠᠨᠠ᠂ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠢᠩᠬᠢᠮ ᠤᠨ ᠮᠣᠩᠭᠤᠯ ᠰᠦᠯᠵᠢᠶᠡ ᠶᠢ ᠡᠷᠬᠢᠯᠡᠨ | ᠨᠠᠶᠢᠷᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ᠃ ᠮᠢᠨᠤ ᠡᠭᠦᠷᠭᠡ ᠭᠡᠪᠡᠯ᠂ ︿︿ᠨᠡᠶᠢᠬᠡᠮ﹀﹀ ᠰᠡᠳᠬᠦᠯ ᠤᠨ ᠡᠬᠡ ᠪᠢᠴᠢᠭ ᠤᠨ | ᠬᠤᠶᠠᠳᠠᠬᠢ ᠬᠢᠨᠠᠯᠲᠠ ᠪᠠ ᠬᠡᠪᠯᠡᠯ ᠳᠤ ᠣᠷᠣᠬᠤ ᠠᠴᠠ ᠡᠮᠤᠨᠡᠬᠢ ᠳᠠᠬᠢᠨ ᠬᠢᠨᠠᠵᠤ ᠣᠩᠰᠢᠬᠤ᠂ ᠲᠡᠷᠡᠴᠢᠯᠡᠨ ᠬᠢᠲᠠᠳ | ᠰᠦᠯᠵᠢᠶᠡᠨ ᠠᠴᠠ ᠰᠤᠩᠭᠤᠵᠤ ᠭᠠᠷᠭᠠᠭᠰᠠᠨ ᠡᠬᠡ ᠪᠢᠴᠢᠭ ᠤᠳ ᠢ ᠬᠦᠮᠤᠨ ᠣᠯᠵᠤ ᠣᠷᠴᠢᠭᠤᠯᠤᠭᠠᠳ | ᠨᠠᠶᠢᠷᠠᠭᠤᠯᠤᠨ ᠬᠢᠨᠠᠵᠤ ᠮᠣᠩᠭᠤᠯ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠨᠡᠶᠢᠲᠡᠯᠡᠬᠦ ᠵᠡᠷᠭᠡ ᠠᠵᠢᠯ ᠪᠣᠯᠤᠨᠠ᠃ ᠲᠤᠰ ᠰᠡᠳᠬᠦᠯ ᠤᠨ | ᠤᠳᠤᠷᠢᠳᠤᠯᠭᠠ ᠠᠴᠠ ᠡᠬᠢᠯᠡᠨ ᠨᠠᠶᠢᠷᠠᠭᠤᠯᠤᠭᠴᠢ ᠠᠵᠢᠯᠲᠠᠨ ᠬᠦᠷᠲᠡᠯᠡ ᠪᠦᠷ ᠳᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠳᠤ ᠪᠠᠨ | ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ ᠡᠶᠡᠯᠳᠡᠭ ᠳᠠᠷᠤᠤ ᠬᠦᠮᠤᠰ ᠪᠠᠶᠢᠯᠠ᠃ ᠤᠨᠴᠠᠭᠠᠶᠢᠯᠠᠨ ᠶᠡᠷᠤᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ | ᠪᠣᠯᠤᠭᠰᠠᠨ ᠮᠦᠩᠬᠡᠨᠠᠰᠤᠨ ᠭᠤᠸᠠᠢ ᠪᠣᠯ ᠠᠵᠢᠯ ᠳᠤ ᠪᠠᠨ ᠲᠦᠢᠯ ᠤᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠴᠢᠩᠭᠠ ᠨᠢᠮᠪᠡᠢ | ᠬᠦᠮᠤᠨ ᠪᠠᠶᠢᠪᠠ᠃ ᠲᠡᠷᠡ ᠭᠠᠷᠠᠭ ᠤᠨ ᠡᠳᠤᠷ ᠠᠮᠠᠷᠠᠯᠲᠠ ᠶᠢᠨ ᠴᠠᠭ ᠭᠡᠰᠡᠨ ᠦᠭᠡᠢ ᠣᠯᠠᠩᠬᠢ ᠳᠤ ᠪᠠᠨ ᠪᠦᠷ | ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠠᠵᠢᠯᠯᠠᠭᠠᠳ ᠰᠠᠭᠤᠳᠠᠭ᠃ ᠬᠤᠭᠤᠴᠠᠭᠠ ᠪᠦᠷᠢ ᠶᠢᠨ ᠰᠡᠳᠬᠦᠯ ᠤᠨ ᠪᠦᠬᠦ ᠠᠭᠤᠯᠭᠠ ᠶᠢ | ᠬᠡᠪᠯᠡᠬᠦ ᠠᠴᠠ ᠡᠮᠤᠨᠡ ᠶᠠᠭ ᠪᠡᠶᠡ ᠪᠠᠷ ᠢᠶᠠᠨ ᠪᠠᠰᠠ ᠨᠢᠭᠡ ᠳᠠᠬᠢᠨ ᠬᠢᠨᠠᠨ ᠦᠵᠡᠵᠤ ᠵᠦᠪᠰᠢᠶᠡᠭᠡᠳ ᠬᠡᠪᠯᠡᠯ ᠳᠤ | ᠦᠭᠭᠦᠭᠡᠳ ᠰᠠᠶ᠋ᠢ ᠰᠠᠨᠠᠭᠠ ᠠᠮᠤᠷ ᠬᠠᠷᠢᠳᠠᠭ᠃ ︿︿ᠴᠢᠷᠮᠠᠶᠢᠯᠭᠠ ᠬᠦᠮᠤᠨ ᠢ ᠭᠤᠮᠤᠲᠠᠭᠠᠳᠠᠭ ᠦᠭᠡᠢ﹀﹀ ᠭᠡᠭᠴᠢ ᠶᠠᠭ | ᠡᠭᠦᠨ ᠢ ᠬᠡᠯᠡᠵᠤ ᠪᠣᠢ᠃ ᠲᠡᠭᠦᠨ ᠤ ᠡᠨᠡ ᠬᠦ ᠠᠵᠢᠯ ᠤᠨ ᠣᠪᠣᠷ ᠰᠤᠷᠲᠠᠯ ᠨᠢ ᠨᠠᠶᠢᠷᠠᠭᠤᠯᠤᠭᠴᠢ ᠨᠦᠬᠦᠳ ᠢᠶᠠᠨ | ᠨᠦᠯᠤᠭᠡᠯᠡᠭᠰᠡᠨ ᠢᠶᠠᠷ ᠦᠯᠤ ᠪᠠᠷᠠᠮ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠰᠢᠰᠲ᠋ᠧᠮ ᠤᠨ ᠦᠷᠭᠡᠨ ᠣᠯᠠᠨ ᠺᠠᠳ᠋ᠷ ᠠᠵᠢᠯᠲᠠᠳ | ᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠢ ᠣᠯᠵᠤ᠂ ᠦᠨᠳᠤᠷ ᠢᠶᠠᠷ ᠦᠨᠡᠯᠡᠭᠳᠡᠨ᠂ ᠰᠢᠯᠢᠳᠡᠭ ᠨᠠᠶᠢᠷᠠᠭᠤᠯᠤᠭᠴᠢ᠂ ᠭᠠᠪᠢᠶᠠᠲᠤ | ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠠᠯᠳᠠᠷ ᠬᠦᠨᠳᠤ ᠶᠢ ᠬᠦᠷᠲᠡᠵᠤ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠵᠢᠱᠢᠶᠡᠴᠢ ᠠᠵᠢᠯᠲᠠᠨ᠂ | ᠣᠷᠣᠨ ᠤ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠰᠢᠰᠲ᠋ᠧᠮ ᠤᠨ ᠲᠡᠷᠢᠭᠦᠨ ᠤ ᠠᠵᠢᠯᠲᠠᠨ᠂ ᠵᠢᠱᠢᠶᠡᠴᠢ ᠨᠠᠮ ᠤᠨ ᠬᠡᠰᠢᠭᠦᠨ | ᠵᠡᠷᠭᠡ ᠪᠠᠷ ᠣᠯᠠᠨᠲᠠ ᠬᠦᠬᠢᠭᠦᠯᠤᠭ᠍ᠳᠡᠭᠰᠡᠨ ᠪᠠᠶᠢᠨᠠ᠃ | ᠰᠡᠭᠦᠯ ᠤᠨ ᠦᠭᠡ | ᠪᠢ ᠠᠳᠡ 6 ᠵᠢᠯ ᠠᠵᠢᠯᠯᠠᠭᠰᠠᠨ ᠳᠠᠰᠢᠷᠠᠮ ᠢᠶᠠᠷ᠂ ᠲᠤᠰ ᠰᠡᠳᠬᠦᠯ ᠤᠨ ᠭᠤᠣᠯ ᠤᠳᠤᠷᠢᠳᠤᠯᠭᠠ ᠶᠢᠨ | ᠰᠢᠨᠡ ᠬᠠᠭᠤᠴᠢᠨ ᠤ ᠰᠣᠯᠢᠯᠴᠠᠭᠠ ᠶᠢ ᠪᠠᠶᠠ ᠪᠠᠷ ᠢᠶᠠᠨ ᠦᠩᠭᠡᠷᠡᠭᠦᠯᠵᠤ᠂ ᠰᠢᠨᠡ ᠤᠳᠤᠷᠢᠳᠤᠯᠭᠠ ᠶᠢᠨ | ᠵᠢᠯᠣᠭᠤᠳᠤᠯᠭᠠ ᠳᠣᠣᠷᠠ ᠵᠢᠯ ᠢᠯᠡᠭᠦᠤ ᠠᠵᠢᠯᠯᠠᠵᠤ ᠳᠠᠰᠤᠯᠴᠠᠪᠠ᠃ ᠰᠢᠨᠡ ᠬᠤᠷᠢᠶᠠᠨ ᠳᠠᠷᠤᠭᠠ᠂ ᠶᠡᠷᠤᠩᠬᠡᠢ | ᠨᠠᠶᠢᠷᠠᠭᠤᠯᠤᠭᠴᠢ ᠬᠠᠢ ᠹᠧᠩ ︵ᠲᠠᠩᠬᠢᠰ︶ ᠭᠤᠸᠠᠢ ᠴᠤ ᠮᠦᠨ ᠬᠠᠰᠢᠷ ᠰᠡᠳᠬᠦᠯᠴᠢ ᠪᠣᠯᠬᠤ ᠮᠦᠷᠳᠡᠭᠡᠨ | ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠲᠠᠢ᠂ ᠠᠵᠢᠯ ᠳᠤ ᠪᠠᠨ ᠲᠦᠢᠯ ᠤᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ | ᠦᠷᠭᠡᠨ ᠮᠡᠳᠡᠯᠭᠡ ᠲᠠᠢ᠂ ᠮᠣᠩᠭᠤᠯ ᠬᠢᠲᠠᠳ ᠬᠡᠯᠡᠨ ᠳᠤ ᠪᠠᠨ ᠨᠡᠪᠲᠡᠷᠡᠭᠰᠡᠨ ᠯᠠᠪᠳᠠᠭᠤᠨ ᠳᠣᠭᠲᠠᠭᠤᠨ ᠵᠠᠯᠠᠭᠤ | ᠪᠠᠶᠢᠯᠠ᠃ ᠲᠡᠷᠡ ᠮᠠᠨᠢ ᠰᠢᠨᠡ ᠠᠵᠢᠯ ᠤᠨ ᠭᠠᠷᠤᠭᠠ ᠪᠠᠨ ᠡᠯᠭᠦᠨ᠂ ᠨᠠᠶᠢᠷᠠᠭᠤᠯᠤᠭᠴᠢ ᠨᠦᠬᠦᠳ ᠢᠶᠠᠨ ᠳᠠᠶᠢᠴᠢᠯᠠᠨ | ᠰᠢᠨᠡᠴᠢᠯᠡᠯᠲᠡ ᠬᠢᠵᠤ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᠪᠠᠳᠠᠷᠠᠭᠤᠯᠤᠨ ᠠᠵᠢᠯᠯᠠᠵᠤ ᠡᠬᠢᠯᠡᠪᠡ ᠃ ︿︿ᠨᠡᠶᠢᠬᠡᠮ﹀﹀ | ᠰᠡᠳᠬᠦᠯ ᠮᠠᠨᠢ ᠲᠡᠭᠦᠨ ᠤ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠨᠡᠩ ᠢᠯᠡᠭᠦᠤ ᠰᠢᠨᠡᠲᠤᠨ ᠬᠦᠭᠵᠢᠵᠤ᠂ ᠦᠷᠭᠡᠨ ᠣᠯᠠᠨ | ᠣᠩᠰᠢᠭᠴᠢᠳ ᠲᠤ ᠪᠠᠨ ᠨᠡᠩ ᠢᠯᠡᠭᠦᠤ ᠬᠦᠷᠢᠶᠡᠯᠡᠭᠳᠡᠨ᠂ ᠦᠯᠡᠮᠵᠢ ᠶᠡᠭᠡ ᠠᠮᠵᠢᠯᠲᠠ ᠪᠦᠲᠤᠭᠡᠯ ᠣᠯᠬᠤ ᠨᠢ | ᠭᠠᠷᠴᠠᠭᠠ ᠦᠭᠡᠢ︕ ᠪᠢ ᠴᠤ ᠠᠳᠡ ᠲᠡᠭᠦᠨ ᠤ ᠰᠠᠶᠢᠨ ᠰᠠᠶᠢᠬᠠᠨ ᠢ ᠵᠦᠩᠨᠡᠨ᠂ ᠭᠠᠨᠵᠤᠭᠠ ᠳᠦᠭᠦᠷᠡᠩ | ᠠᠮᠵᠢᠯᠲᠠ ᠪᠦᠲᠤᠭᠡᠯ ᠲᠠᠢ ᠶᠠᠪᠤᠬᠤ ᠶᠢ ᠴᠢᠩ ᠰᠡᠳᠬᠢᠯ ᠠᠴᠠ ᠪᠠᠨ ᠬᠦᠰᠡᠨ ᠢᠷᠤᠭᠡᠵᠤ ᠪᠠᠶᠢᠨᠠ᠃ | | |