| | ᠪᠤᠤ ᠴᠦᠨ ᠬᠤᠸᠠ ᠶᠦᠩ ᠮᠸᠢ ᠵᠤᠬᠢᠶᠠᠪᠠ | ᠮᠠᠨ ᠤ ᠠᠷᠠᠳ ᠲᠦᠮᠡᠨ ︽ᠤᠬᠠᠭᠠᠨ ᠤ ᠳᠠᠯᠠᠢ ᠨᠤᠮ ᠠᠴᠠ ᠡᠬᠢᠲᠠᠢ︾ ︽ᠨᠤᠮ ᠤᠨ ᠰᠢᠷᠡᠭᠡᠨ ᠠᠴᠠ | ᠤᠬᠠᠭᠠᠨ ᠤ ᠮᠦᠷᠡᠨ ᠡᠬᠢ ᠠᠪᠳᠠᠭ︾ ᠭᠡᠯᠴᠡᠳᠡᠭ᠃ ᠨᠤᠮ ᠤᠩᠰᠢᠳᠠᠭ ᠦᠭᠡᠢ ᠬᠦᠮᠦᠨ ᠢ ᠬᠠᠷᠠᠩᠭᠤᠢ ᠴᠡᠭᠡᠵᠢ | ᠲᠠᠢ ᠬᠦᠮᠦᠨ᠂ ᠲᠤᠯᠭᠠ ᠲᠤᠭᠤᠷᠢᠭᠰᠠᠨ ᠪᠢᠲᠡᠭᠦᠦ ᠪᠣᠳᠣᠯ ᠲᠠᠢ ᠬᠦᠮᠦᠨ ᠭᠡᠵᠦ ᠲᠠᠭᠠᠰᠢᠶᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ | ︽ᠬᠠᠭᠤᠴᠢᠨ ᠨᠤᠮ ᠤᠨ ᠲᠤᠭᠤᠰᠤ ᠶᠢ ᠢᠯᠡᠭᠦᠬᠡᠨ ᠦᠨᠦᠷᠲᠦ︾ ︽ᠪᠤᠭᠤᠷᠤᠯ ᠠᠴᠠ ᠵᠠᠬᠢᠶᠠ ᠰᠤᠨᠤᠰ︾ ︽ | ᠬᠤᠯᠠ ᠶᠠᠪᠤᠭᠰᠠᠨ ᠬᠦᠮᠦᠨ ᠠᠴᠠ ᠦᠭᠡ ᠴᠢᠩᠨᠠ︾ ᠭᠡᠵᠦ ᠨᠤᠮ ᠪᠢᠴᠢᠭ ᠲᠤ ᠦᠷᠡ ᠬᠡᠤᠬᠡᠳ ᠢ ᠪᠠᠨ | ᠤᠶᠢᠷᠠᠲᠤᠭᠤᠯᠳᠠᠭ ᠰᠠᠶᠢᠬᠠᠨ ᠵᠠᠩᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠭᠡᠪᠡᠴᠦ ᠮᠠᠰᠢᠨ ᠲᠧᠭᠨᠢᠭ ᠤᠨ ᠤᠯᠠᠰᠢᠷᠠᠬᠤ | ᠶᠢ ᠳᠠᠭᠠᠯᠳᠤᠨ᠂ ᠭᠠᠷ ᠤᠲᠠᠰᠤᠨ ᠤ ᠲᠦᠭᠡᠮᠡᠯᠵᠢᠬᠦ ᠶᠢ ᠳᠠᠭᠠᠯᠳᠤᠨ ᠬᠡᠤᠬᠡᠳ ᠢᠶᠠᠨ ᠨᠤᠮ ᠤᠩᠰᠢᠭᠤᠯᠬᠤ ᠳᠤ | ᠬᠦᠲᠦᠯᠬᠦ ᠳᠤ ᠬᠦᠴᠢᠷᠳᠡᠬᠦ ᠪᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠤᠮᠤᠴᠤᠤᠯ ᠴᠤ ᠦᠪᠡᠷ ᠢᠶᠠᠨ ᠭᠠᠷ ᠤᠲᠠᠰᠤᠨ | ᠠᠴᠠ ᠰᠠᠯᠵᠤ ᠲᠡᠶᠢᠯᠬᠦ ᠦᠭᠡᠢ ᠶᠡᠭᠡ ᠪᠡᠷᠬᠡᠳᠡᠵᠦ ᠪᠠᠶᠢᠨᠠ᠃ ᠮᠠᠨ ᠤ ᠬᠡᠤᠬᠡᠳ ᠭᠠᠷ ᠤᠲᠠᠰᠤ ᠪᠠᠨ ᠴᠡᠨᠡᠭᠯᠡᠬᠦ ᠶᠢ | ᠲᠠᠷᠢᠬᠢ ᠪᠠᠨ ᠴᠡᠨᠡᠭᠯᠡᠬᠦ ᠠᠴᠠ ᠢᠯᠡᠭᠦᠦ ᠠᠩᠬᠠᠷᠴᠤ ᠬᠦᠭᠡᠭᠡᠴᠡᠯᠳᠦᠬᠦ ᠦᠵᠡᠭᠳᠡᠯ ᠨᠡᠶᠢᠳᠡᠮ ᠢᠯᠡᠷᠡᠵᠦ ᠪᠠᠶᠢᠨᠠ᠃ | ᠪᠢᠮᠪᠠᠰᠦ᠋ᠷᠦᠩ ᠪᠠᠭᠰᠢᠲᠠᠨ ᠠᠴᠠ ︽ᠪᠢᠳᠡ ᠴᠢᠨᠢ ᠭᠡᠤᠭᠡᠳ ᠤᠨ ᠢᠶᠠᠨ ᠭᠠᠷ ᠬᠦᠯ ᠢᠶᠠᠨ ᠡᠰᠭᠡᠬᠦᠯᠬᠦ ᠠᠴᠠ | ᠬᠢᠴᠢᠶᠡᠵᠦ ᠢᠷᠲᠡᠢ ᠶᠠᠭᠤᠮᠠ ᠪᠠᠷ ᠨᠠᠭᠠᠳᠤᠭᠤᠯᠳᠠᠭ ᠦᠭᠡᠢ ᠵᠠᠩᠰᠢᠯ ᠲᠠᠢ᠂ ᠤᠳᠤ ᠭᠠᠷ ᠤᠲᠠᠰᠤ ᠪᠠᠷ ᠭᠡᠤᠭᠡᠳ | ᠮᠠᠨᠢ ᠲᠤᠭᠯᠠᠵᠤ᠂ ᠪᠡᠶᠡ ᠡᠷᠬᠡᠲᠡᠨ᠂ ᠠᠷᠠᠰᠤ ᠮᠢᠬᠠ ᠪᠠᠨ ᠪᠢᠰᠢ᠂ ᠬᠠᠷᠢᠨ ᠪᠢᠯᠢᠭ ᠤᠬᠠᠭᠠᠨ ᠢᠶᠠᠨ᠂ ᠤᠶᠤᠨ | ᠲᠠᠷᠢᠬᠢ ᠪᠠᠨ ᠡᠰᠭᠡᠬᠦᠯᠵᠦ ᠪᠠᠶᠢᠨᠠ︾ ᠭᠡᠵᠦ ᠮᠠᠰᠢ ᠲᠦᠷᠰᠦᠯᠢᠭ ᠶᠠᠷᠢᠭᠰᠠᠨ ᠪᠠᠶᠢᠨᠠ᠃ ᠶᠠᠭ ᠡᠶᠢᠮᠦᠷᠬᠦᠦ ᠪᠠᠶᠢᠳᠠᠯ | ᠠᠴᠠ ᠪᠤᠯᠵᠤ ᠪᠢᠳᠡᠨ ᠤ ᠭᠡᠤᠭᠡᠳ ᠤᠨ ᠤᠬᠠᠭᠠᠨ ᠳᠤ ᠪᠠᠭᠤᠭᠴᠢ ᠠᠭᠤᠤ ᠶᠡᠭᠡ ᠵᠦᠢᠯ ᠤᠳ ᠢᠶᠠᠨ ᠪᠦᠷ ᠠᠯᠳᠠᠭᠰᠠᠨ | ᠪᠠᠶᠢᠨᠠ᠃ ᠭᠡᠤᠭᠡᠳ ᠤᠨ ᠤᠶᠤᠨ ᠲᠠᠷᠢᠬᠢᠨ ᠳᠤ ᠨᠢ ᠬᠡᠷᠡᠭ ᠦᠭᠡᠢ ᠰᠤᠷᠠᠭ ᠵᠠᠩᠬᠢ ᠪᠠᠷ ᠫᠢᠭ᠋ ᠲᠦᠭᠦᠷᠴᠡᠢ᠂ ᠡᠶᠢᠮᠦ | ᠲᠠᠷᠢᠬᠢᠨ ᠠᠴᠠ ᠪᠢᠯᠢᠭ ᠤᠶᠤᠨ ᠪᠠᠳᠠᠷᠠᠵᠤ ᠤᠷᠭᠤᠬᠤ ᠳᠤ ᠪᠡᠷᠬᠡᠲᠡᠢ᠃ | ᠶᠠᠭᠠᠬᠢᠵᠤ ᠠᠮᠢᠳᠤᠷᠬᠤ ᠶᠢ ᠵᠢᠭᠠᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠵᠦᠭᠯᠡᠬᠦᠷ ᠪᠤᠯ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠨᠤᠮ | ᠪᠢᠴᠢᠭ ᠮᠦᠨ᠂ ᠪᠢᠳᠡ ᠲᠡᠬᠦᠨ ᠢ ᠠᠮᠲᠠᠷᠬᠠᠨ ᠤᠩᠰᠢᠬᠤ ᠪᠠᠷ ᠢᠷᠡᠭᠡᠳᠦᠢ ᠤᠷᠤᠭᠤ ᠪᠠᠨ ᠠᠯᠬᠤᠬᠤ ᠳᠤ ᠪᠡᠯᠡᠬᠡᠨ | ᠪᠤᠯᠤᠨᠠ᠂ ᠰᠢᠯᠤᠭᠤᠬᠠᠨ ᠪᠤᠯᠤᠨᠠ᠃ | ᠨᠢᠭᠡ᠂ ᠡᠬᠡᠴᠦᠦᠯ ᠤᠩᠰᠢᠯᠭᠠ ᠶᠢᠨ ᠤᠬᠠᠮᠰᠠᠷ ᠢᠶᠠᠨ ᠳᠡᠭᠡᠰᠢᠯᠡᠭᠦᠯᠬᠦ ᠮᠠᠰᠢ ᠴᠢᠬᠤᠯᠠᠲᠠᠢ | ᠡᠵᠢ ᠬᠦᠮᠦᠨ ᠦᠷᠡ ᠬᠡᠤᠭᠡᠳ ᠤᠨ ᠢᠶᠠᠨ ᠠᠩᠬᠠᠨ ᠤ ᠪᠠᠭᠰᠢ ᠮᠦᠷᠲᠡᠭᠡᠨ ᠨᠠᠰᠤᠨ ᠲᠤᠷᠰᠢᠲᠠ ᠶᠢᠨ | ᠵᠢᠯᠤᠭᠤᠳᠤᠭᠴᠢ ᠪᠠᠶᠢᠳᠠᠭ ᠠᠴᠠ᠂ ᠡᠵᠢ ᠪᠤᠯᠤᠭᠰᠡᠳᠡᠴᠠ ᠤᠩᠰᠢᠯᠭᠠ ᠶᠢ ᠬᠦᠨᠲᠦᠳᠭᠡᠬᠦ᠂ ᠤᠩᠰᠢᠯᠭᠠ ᠶᠢ | ᠴᠢᠬᠤᠯᠠᠴᠢᠯᠠᠬᠤ ᠤᠬᠠᠮᠰᠠᠷ ᠲᠠᠨᠢᠯᠲᠠ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦ᠂ ᠬᠡᠤᠭᠡᠳ ᠲᠤ ᠪᠠᠨ ᠤᠩᠰᠢᠯᠭᠠ ᠶᠢᠨ ᠬᠢᠨᠠᠯᠲᠠ | ᠲᠠᠯᠪᠢᠬᠤ᠂ ᠦᠪᠡᠷ ᠢᠶᠠᠨ ᠤᠩᠰᠢᠯᠭᠠ ᠶᠢᠨ ᠬᠤᠷᠠᠮᠳᠤᠭᠤᠯᠭᠠ ᠬᠢᠬᠦ᠂ ᠬᠡᠤᠭᠡᠳ ᠲᠤ ᠪᠠᠨ ᠳᠠᠭᠤᠷᠢᠶᠠᠯ ᠪᠤᠯᠬᠤ | ᠴᠢᠬᠤᠯᠠ ᠦᠢᠯᠡᠳᠦᠯ ᠢᠶᠠᠨ ᠪᠠᠳᠠᠷᠠᠭᠤᠯᠬᠤ ᠨᠢ ᠠᠯᠢᠪᠠ ᠠᠴᠠ ᠡᠷᠬᠢᠮ ᠪᠤᠯᠳᠠᠭ᠃ | ︽ᠠᠷᠠᠳ ᠤᠯᠠᠨ ᠬᠠᠮᠲᠤ ᠪᠠᠷ ᠢᠶᠠᠨ ᠨᠤᠮ ᠤᠩᠰᠢᠪᠠᠯ᠂ ᠦᠨᠳᠦᠰᠦᠲᠡᠨ ᠤ ᠵᠤᠷᠢᠭ ᠰᠠᠨᠠᠭᠠ ᠬᠦᠷᠦᠩᠭᠡᠵᠢᠵᠦ | ᠬᠦᠭᠵᠢᠨᠡ︾ ᠭᠡᠵᠦ ᠰᠢ ᠶᠢᠨ ᠫᠢᠩ ᠶᠡᠷᠦᠩᠬᠡᠢ ᠱᠦᠵᠢ ᠵᠢᠭᠠᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠃ ᠢᠪᠷᠠᠶᠢᠴᠤᠤᠳ ᠭᠡᠤᠭᠡᠳ ᠢ | ᠪᠠᠨ ᠨᠤᠮ ᠳᠤ ᠳᠤᠷᠠᠲᠠᠢ ᠪᠤᠯᠭᠠᠳᠠᠭ ᠠᠷᠭᠠ ᠦᠯᠡᠮᠵᠢ᠂ ᠠᠶᠢᠯ ᠪᠤᠯᠭᠠᠨ ᠬᠡᠴᠢᠨᠡᠬᠡᠨ ᠶᠠᠳᠠᠭᠤ ᠪᠠᠶᠢᠯᠠ ᠴᠤ ᠨᠤᠮ ᠤᠨ | ᠬᠤᠷᠭᠤ ᠲᠠᠢ ᠪᠠᠶᠢᠳᠠᠭ ᠠᠴᠠ ᠰᠤᠶᠤᠯᠵᠢᠵᠦ ᠬᠦᠭᠵᠢᠭᠰᠡᠨ ᠲᠡᠤᠬᠡ ᠲᠡᠮᠳᠡᠭᠯᠡᠭᠡᠰᠦᠲᠡᠢ ᠪᠠᠶᠢᠨᠠ᠃ ᠭᠡᠤᠭᠡᠳ ᠢ | ᠪᠠᠨᠨᠤᠮ ᠳᠤ ᠤᠶᠢᠷᠠᠲᠤᠭᠤᠯᠬᠤ᠂ ᠨᠤᠮ ᠤᠨ ᠪᠠᠭ᠋ᠠᠨ ᠳᠤ ᠤᠷᠤᠭᠤᠯᠬᠤ ᠶᠠᠪᠤᠳᠠᠯ ᠪᠤᠯ ᠡᠵᠢ ᠪᠤᠯᠤᠭᠰᠡᠳ ᠤᠨ | ᠤᠨᠴᠠ ᠡᠭᠦᠷᠭᠡ ᠶᠤᠮ ᠪᠠᠶᠢᠨᠠ᠃ | ︽ᠨᠤᠮ ᠦᠭᠡᠢ ᠠᠶᠢᠯ ᠨᠢ ᠨᠠᠷᠠ ᠦᠭᠡᠢ ᠲᠡᠭᠷᠢ ᠰᠢᠭ ᠪᠠᠶᠢᠳᠠᠭ᠃ ᠨᠤᠮ ᠦᠭᠡᠢ ᠪᠠᠶᠠᠨ ᠠᠶᠢᠯ ᠳᠤ ᠤᠷᠤᠪᠠᠯ | ᠳᠡᠯᠭᠡᠭᠦᠷ ᠲᠤ ᠤᠷᠤᠭᠰᠠᠨ ᠲᠠᠢ ᠠᠳᠠᠯᠢ︾ ᠭᠡᠳᠡᠭ ᠢᠶᠠᠷ ᠨᠤᠮ ᠤᠨ ᠭᠡᠭᠡᠨ ᠬᠤᠶᠢᠮᠦᠷ ᠲᠠᠢ ᠠᠶᠢᠯ ᠠᠴᠠ ᠤᠬᠠᠭᠠᠨ | ᠲᠦᠬᠦᠭᠡ ᠠᠯᠳᠠᠷᠠᠭᠰᠠᠨ ᠮᠤᠨᠤᠭ ᠭᠡᠤᠭᠡᠳ ᠦᠰᠴᠦ ᠭᠠᠷᠳᠠᠭ ᠦᠭᠡᠢ ᠶᠤᠮ ᠪᠠᠶᠢᠨᠠ᠃ ᠡᠵᠢ ᠬᠦᠮᠦᠨ ᠦᠷᠡ | ᠭᠡᠤᠭᠡᠳ ᠲᠠᠢ ᠪᠠᠨ ᠬᠠᠮᠲᠤ ᠨᠤᠮ ᠤᠩᠰᠢᠵᠦ ᠰᠠᠭᠤᠨᠠ ᠭᠡᠭᠴᠢ ᠵᠢᠷᠭᠠᠯᠠᠩ ᠭᠡᠳᠡᠭ ᠢ ᠪᠠᠨ ᠮᠡᠳᠡᠷᠡᠵᠤ᠂ ᠡᠬᠦᠨ ᠠᠴᠠ | ᠰᠠᠶᠢᠬᠠᠨ ᠪᠠᠭ᠋ᠠᠷᠬᠠᠯ ᠪᠠᠶᠢᠳᠠᠭ ᠦᠭᠡᠢ ᠭᠡᠳᠡᠭ ᠢ ᠪᠠᠨ ᠵᠦᠪ ᠲᠠᠨᠢᠵᠤ᠂ ᠡᠬᠦᠨ ᠠᠴᠠ ᠰᠠᠶᠢᠬᠠᠨ ᠪᠠᠭ᠋ᠠᠷᠬᠠᠯ ᠲᠠᠢ ᠠᠵᠦ | ᠭᠡᠵᠦ ᠪᠠᠶᠢᠬᠤ ᠦᠭᠡᠢ ᠭᠡᠳᠡᠭ ᠢ ᠰᠡᠷᠡᠵᠦ ᠤᠬᠠᠭᠠᠷᠠᠭᠠᠳ᠂ ᠰᠢᠲᠦᠵᠦ ᠪᠠᠭ᠋ᠠᠷᠬᠠᠭᠠᠳ᠂ ᠰᠡᠲᠦᠵᠦ ᠬᠢᠭᠰᠡᠨ ᠡᠬᠡᠴᠦᠦᠯ | ᠤᠨ ᠦᠷᠡ ᠬᠤᠶᠢᠴᠢᠰ ᠯᠠᠪᠲᠠᠢ ᠰᠤᠶᠤᠯᠵᠢᠵᠦ ᠭᠡᠭᠡᠷᠡᠵᠦ ᠴᠢᠳᠠᠨᠠ᠃ ᠡᠵᠢ ᠪᠢᠳᠡ ᠭᠡᠤᠭᠡᠳ ᠤᠨ ᠢᠶᠠᠨ ᠬᠦᠮᠦᠵᠢᠯ | ᠳᠤ ᠬᠠᠯᠭᠤᠤ ᠬᠦᠩᠭᠡᠮᠰᠦᠭ ᠬᠠᠨᠳᠤᠪᠠᠯ᠂ ᠬᠡᠴᠡᠭᠦᠦ ᠡᠳᠦᠷ᠂ ᠳᠠᠪᠠᠭ᠋ᠤ ᠳᠤ ᠪᠡᠷᠬᠡᠲᠡᠢ ᠬᠤᠨᠤᠭ ᠠᠷᠤ ᠠᠷᠤ ᠠᠴᠠ | ᠪᠠᠨ ᠢᠷᠡᠨᠡ᠂ ᠡᠶᠢᠮᠤ ᠠᠴᠠ ᠡᠬᠡᠴᠦᠦᠯ ᠤᠨ ᠭᠡᠭᠡᠷᠡᠯ ᠤᠬᠠᠭᠠᠷᠠᠯ ᠠᠯᠢᠪᠠ ᠠᠴᠠ ᠴᠢᠬᠤᠯᠠ ᠶᠤᠮ ᠪᠠᠶᠢᠨᠠ᠃ | ᠠᠯᠳᠠᠷᠲᠤ ᠰᠤᠷᠭᠠᠨ ᠬᠦᠮᠦᠵᠢᠯᠲᠡᠨ ᠠ᠊᠂ ᠰᠦᠬᠤᠮᠯᠢᠨ᠋ᠰᠺᠢ ᠠᠴᠠ ︽ᠤᠩᠰᠢᠯᠭᠠ ᠶᠢ ᠮᠡᠳᠡᠯᠭᠡ ᠶᠢᠨ ᠶᠢᠷᠲᠢᠨᠴᠦ ᠳᠤ | ᠨᠡᠪᠲᠡᠷᠡᠭᠦᠯᠬᠦ ᠭᠡᠭᠡᠪᠴᠢ ᠪᠤᠯᠭᠠᠵᠤ ᠴᠢᠳᠠᠪᠠᠯ ᠬᠢᠴᠢᠶᠡᠯ ᠨᠦᠬᠦᠭᠰᠡᠨ ᠤ ᠬᠡᠷᠡᠭ ᠠᠯᠠᠭᠠ︾ ᠭᠡᠵᠦ ᠡᠷᠲᠡ ᠦᠬᠦᠯᠡᠭᠰᠡᠨ | ᠪᠠᠶᠢᠨᠠ᠃ ᠨᠤᠮ ᠲᠤᠳᠤᠷᠠ ᠬᠦᠴᠦ ᠪᠠᠶᠢᠨᠠ᠂ ᠢᠷᠡᠭᠡᠳᠦᠢ ᠪᠠᠶᠢᠨᠠ᠃ ᠨᠤᠮ ᠵᠤᠬᠢᠶᠠᠯ ᠤᠨ ᠮᠦᠷ ᠪᠦᠷᠢ ᠠᠴᠠ | ᠰᠠᠷᠠᠭᠤᠯ ᠵᠠᠮ ᠵᠤᠷᠠᠶᠢᠵᠦ ᠪᠠᠶᠢᠳᠠᠭ ᠢ ᠮᠡᠷᠭᠡᠨ ᠡᠬᠡᠴᠦᠦᠯ ᠰᠠᠷᠠᠨ ᠤᠬᠠᠪᠤᠷᠢᠯᠠᠵᠤ᠂ ᠬᠦᠢᠴᠡᠳᠭᠡᠵᠦ ᠢᠷᠡᠭᠰᠡᠨ ᠢ | ᠲᠡᠤᠬᠡ ᠭᠡᠷᠡᠴᠢᠯᠡᠭᠰᠡᠭᠡᠷ ᠪᠠᠶᠢᠨᠠ᠃ ᠮᠧᠩᠽᠢ ᠶᠢᠨ ᠡᠬᠡ ᠶᠢᠨ ᠭᠡᠤᠭᠡᠳ ᠢᠶᠠᠨ ᠬᠦᠮᠦᠵᠢᠭᠦᠯᠦᠭᠰᠡᠨ ᠮᠡᠷᠭᠡᠨ ᠦᠯᠢᠭᠡᠷ | ᠳᠠᠷᠤᠢ ᠨᠢᠭᠡᠨ ᠬᠡᠪ ᠵᠢᠱᠢᠶᠡ ᠪᠣᠯᠬᠤ ᠶᠤᠮ᠃ | ᠨᠤᠮ ᠪᠢᠴᠢᠭ ᠪᠤᠯ ᠴᠠᠭ ᠡᠷᠢᠨ ᠢ ᠳᠠᠮᠵᠢᠨ ᠠᠶᠠᠯᠠᠭᠴᠢ ᠡᠷᠳᠡᠨᠢ ᠶᠢᠨ ᠬᠦᠯᠭᠡ ᠤᠩᠭᠤᠴᠠ ᠤᠴᠢᠷ ᠠᠴᠠ᠂ | ᠪᠢᠳᠡ ᠭᠡᠤᠭᠡᠳ ᠲᠤ ᠪᠠᠨ ᠲᠠᠭᠤᠷᠢᠶᠠᠯ ᠪᠤᠯᠵᠤ ᠨᠤᠮ ᠤᠩᠰᠢᠯᠭᠠ ᠶᠢᠨ ᠠᠵᠢᠯᠯᠠᠭᠠᠨ ᠢ ᠦᠷᠨᠢᠭᠦᠯᠵᠦ᠂ ᠬᠦᠨᠳᠦᠳᠭᠡᠯ | ᠪᠢᠰᠢᠷᠡᠯ ᠪᠤᠯᠭᠠᠨ ᠦᠵᠡᠪᠡᠯ ᠲᠠᠭᠠᠷᠠᠨᠠ᠃ ᠨᠤᠮ ᠤᠨ ᠪᠠᠭ᠋ᠠᠷᠬᠠᠯ ᠲᠠᠢ ᠬᠦᠮᠦᠨ ᠤ ᠮᠦᠰᠦ ᠴᠢᠨᠠᠷ ᠮᠠᠭᠤ ᠪᠤᠯᠵᠤ | ᠲᠡᠶᠢᠯᠬᠦ ᠦᠭᠡᠢ᠂ ᠮᠦᠰᠦ ᠰᠠᠶᠢᠲᠤ ᠶᠢᠨ ᠮᠦᠷ ᠴᠠᠭᠠᠨ ᠪᠠᠶᠢᠳᠠᠭ᠃ ᠭᠡᠤᠭᠡᠳ ᠢ ᠪᠠᠨ ᠪᠢᠳᠡ ᠮᠦᠰᠦ ᠰᠠᠶᠢᠲᠠᠢ᠂ | ᠮᠦᠷ ᠴᠠᠭᠠᠨ ᠶᠠᠪᠤᠭᠤᠯᠤᠶᠠ ᠭᠡᠵᠦ ᠶᠠᠭᠠᠷᠠᠳᠠᠭ ᠵᠢᠳᠬᠦᠳᠡᠭ ᠤᠴᠢᠷ ᠠᠴᠠ ᠨᠤᠮ ᠳᠤ ᠤᠶᠢᠷᠠᠲᠤᠭᠤᠯᠬᠤ ᠶᠠᠪᠤᠳᠠᠯ ᠢ | ᠤᠭᠲᠤ ᠤᠮᠳᠤᠭᠠᠶᠢᠯᠠᠵᠤ ᠪᠤᠯᠬᠤ ᠦᠭᠡᠢ᠂ ᠶᠠᠭᠠᠬᠢᠭᠰᠠᠨ ᠴᠤ ᠬᠤᠶᠢᠰᠢᠯᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ ︽ᠤᠰᠤ | ᠦᠵᠦᠬᠦᠷ ᠦᠭᠡᠢ ᠪᠤᠯᠪᠠᠴᠤ ᠠᠭᠤᠯᠠ ᠶᠢ ᠨᠦᠬᠡᠯᠡᠨᠡ᠂ ᠨᠤᠮ ᠢᠷ ᠦᠭᠡᠢ ᠪᠤᠯᠪᠠᠴᠤ ᠪᠢᠯᠢᠭ ᠢ ᠬᠤᠷᠴᠠᠯᠠᠨᠠ︾ | ᠪᠢᠳᠡ ᠨᠤᠮ ᠤᠨ ᠲᠠᠯᠠᠢ ᠳᠤ ᠱᠤᠩᠪᠠᠵᠤ᠂ ᠭᠡᠤᠭᠡᠳ ᠢ ᠪᠠᠨ ᠪᠢᠯᠢᠭ ᠬᠤᠷᠴᠠ ᠪᠤᠯᠭᠠᠬᠤ ᠨᠢ ᠶᠠᠭᠤᠨ ᠠᠴᠠ ᠴᠤ | ᠡᠷᠬᠢᠮ ᠶᠤᠮ ᠪᠠᠶᠢᠨᠠ᠃ | ︽ᠵᠢᠭᠠᠯᠭᠠᠭᠰᠠᠨ ᠦᠭᠡ ᠶᠢ ᠬᠡᠳᠦᠢ ᠯᠠ ᠬᠡᠯᠡᠨᠡ᠂ ᠵᠢᠭᠡᠯᠡᠭᠰᠡᠨ ᠪᠤᠳᠠᠭᠠ ᠶᠢ ᠬᠡᠳᠦᠢ ᠯᠠ ᠢᠳᠡᠨᠡ︾ ᠭᠡᠳᠡᠭ | ᠢᠶᠠᠷ᠂ ᠭᠡᠤᠭᠡᠳᠤᠩᠰᠢᠵᠤ ᠪᠠᠶᠢᠵᠤ ᠮᠡᠳᠡᠯᠭᠡ ᠤᠯᠳᠠᠭ᠂ ᠤᠩᠰᠢᠵᠤ ᠪᠠᠶᠢᠵᠤ ᠬᠠᠷᠠᠭᠠ ᠪᠠᠨ ᠲᠡᠯᠡᠳᠡᠭ᠂ ᠤᠩᠰᠢᠵᠤ | ᠪᠠᠶᠢᠵᠤ ᠤᠬᠠᠭᠠᠷᠠᠳᠠᠭ᠂ ᠤᠩᠰᠢᠵᠤ ᠪᠠᠶᠢᠵᠤ ᠬᠦᠭᠵᠢᠳᠡᠭ᠃ ᠨᠤᠮ ᠢᠶᠠᠷ ᠴᠢᠮᠡᠭᠡᠯᠡᠭᠰᠡᠨ ᠦᠷᠦᠭᠡᠨ ᠳᠤ ᠪᠠᠨ᠂ ᠨᠤᠮ | ᠤᠩᠰᠢᠬᠤ ᠶᠢᠨ ᠵᠢᠷᠭᠠᠯᠠᠩ ᠢ ᠶᠢᠷᠲᠢᠨᠴᠦ ᠶᠢᠨ ᠲᠦᠮᠡᠨ ᠵᠢᠷᠭᠠᠯᠠᠩ ᠤᠨ ᠲᠡᠷᠢᠬᠦᠨ ᠵᠢᠷᠭᠠᠯᠠᠩ ᠪᠤᠯᠭᠠᠨ | ᠬᠦᠢᠴᠡᠳᠭᠡᠳᠡᠭ ᠡᠵᠢ ᠶᠢᠨ ᠦᠷᠡ ᠭᠡᠤᠭᠡᠳ ᠲᠦᠮᠡᠨ ᠤ ᠲᠦᠷᠦᠭᠦᠨ ᠳᠤ ᠭᠢᠯᠠᠷᠠᠵᠤ ᠴᠢᠳᠠᠨᠠ᠃ ᠡᠵᠢ ᠪᠢᠳᠡᠨ ᠤ | ᠤᠩᠰᠢᠯᠭᠠ ᠶᠢᠨ ᠤᠬᠠᠮᠰᠠᠷ ᠳᠡᠭᠡᠭᠰᠢᠯᠡᠬᠦ ᠪᠠᠷ ᠬᠡᠤᠬᠡᠳ ᠤᠨ ᠬᠦᠮᠦᠵᠢᠯ ᠤᠷᠤᠶᠢᠲᠠᠬᠤ ᠦᠭᠡᠢ ᠪᠤᠯᠤᠨᠠ᠃ | ᠬᠤᠶᠠᠷ᠂ ᠪᠠᠭᠰᠢ ᠶᠢᠨ ᠨᠤᠮ ᠤᠩᠰᠢᠯᠭᠠ ᠶᠢᠨ ᠪᠠᠭ᠋ᠠᠷᠬᠠᠯ ᠶᠡᠭᠡ ᠦᠨᠡᠲᠡᠢ | ᠪᠠᠭᠰᠢ ᠬᠢᠴᠢᠶᠡᠯ ᠤᠨ ᠲᠠᠶᠢᠰᠠᠨ ᠳᠤ ᠦᠪᠡᠷ ᠤᠨ ᠤᠩᠰᠢᠯᠭᠠ ᠶᠢᠨ ᠪᠦᠬᠦ ᠬᠤᠷᠠᠮᠳᠤᠭᠤᠯᠭᠠ ᠪᠠᠨ ᠠᠪᠤᠨ | ᠪᠠᠶᠢᠵᠦ ᠬᠢᠴᠢᠶᠡᠯᠯᠡᠳᠡᠭ ᠭᠡᠳᠡᠭ ᠶᠤᠮ᠃ ᠨᠤᠮ ᠤᠩᠰᠢᠬᠤ ᠪᠤᠯ ᠪᠠᠭᠰᠢ ᠶᠢᠨ ᠬᠠᠮᠤᠭ ᠤᠨ ᠰᠠᠶᠢᠨ ᠪᠢᠰᠢᠯᠭᠠᠯ ᠮᠦᠨ | ᠃ ᠪᠤᠲᠠᠷᠬᠠᠢ ᠮᠦᠩᠬᠦ ᠬᠤᠷᠠᠮᠳᠤᠭᠰᠠᠭᠠᠷ ᠲᠦᠬᠦᠷᠢᠭ ᠪᠤᠯᠳᠠᠭ ᠲᠠᠢ ᠠᠳᠠᠯᠢ ᠪᠠᠷ ᠤᠩᠰᠢᠭᠰᠠᠭᠠᠷ ᠪᠠᠶᠢᠵᠤ ᠮᠡᠳᠡᠯᠭᠡ | ᠬᠤᠷᠠᠮᠳᠤᠳᠠᠭ᠂ ᠰᠡᠳᠬᠢᠬᠦᠢ ᠲᠡᠯᠡᠭᠳᠡᠳᠡᠭ᠃ ᠪᠠᠭᠰᠢ ᠬᠦᠮᠦᠨ ᠨᠤᠮ ᠤᠩᠰᠢᠬᠤ ᠶᠢᠨ ᠪᠠᠭ᠋ᠠᠷᠬᠠᠯ ᠲᠠᠢ ᠪᠤᠯᠴᠢᠬᠠᠪᠠᠯ᠂ | ᠭᠡᠤᠭᠡᠳ ᠢ ᠬᠦᠲᠦᠯᠦᠨ ᠭᠡᠷᠡᠯᠲᠦ ᠢᠷᠡᠭᠡᠳᠦᠢ ᠵᠦᠭ ᠲᠦᠷᠭᠡᠨ ᠤᠷᠤᠭᠰᠢᠯᠠᠵᠤ ᠴᠢᠳᠠᠨᠠ᠃ ᠪᠢᠳᠡ ᠠᠵᠢᠯ ᠶᠠᠭᠠᠷᠠᠤ | ᠭᠡᠵᠦ ᠨᠤᠮ ᠤᠩᠰᠢᠬᠤ ᠪᠠᠭ᠋ᠠᠷᠬᠠᠯ ᠢᠶᠠᠨ ᠬᠠᠶᠠᠵᠤ ᠵᠠᠶᠢᠳᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠂ ᠨᠤᠮ ᠤᠩᠰᠢᠬᠤ ᠴᠠᠭ ᠪᠠᠶᠢᠬᠤ | ᠡᠰᠡᠬᠦ ᠨᠢ ᠡᠨᠡ ᠬᠦ ᠶᠠᠪᠤᠳᠠᠯ ᠢ ᠬᠦᠨᠳᠦᠳᠭᠡᠨ ᠦᠵᠡᠬᠦ ᠤᠪᠤᠷ ᠤᠬᠠᠮᠰᠠᠷ ᠠᠴᠠ ᠯᠠ ᠰᠢᠯᠲᠠᠭᠠᠯᠠᠭᠳᠠᠨᠠ᠃ ᠦᠨᠡᠨ | ᠳᠤ ᠪᠠᠨ᠂ ᠪᠠᠭᠰᠢ ᠪᠠᠭᠰᠢ ᠶᠢᠨ ᠵᠦᠷᠢᠶᠡ ᠠᠳᠡ ᠠᠴᠠ ᠯᠡ ᠡᠬᠢᠯᠡᠨᠡ᠃ | ᠤᠩᠰᠢᠯᠭᠠ ᠶᠢᠨ ᠬᠦᠴᠢᠷ ᠢ ᠲᠤᠭᠤᠯᠵᠤ ᠭᠠᠷᠤᠭᠰᠠᠨ ᠦᠭᠡᠢ ᠭᠡᠤᠭᠡᠳ ᠤᠨ ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ ᠨᠢ | ᠲᠤᠷᠤᠢ ᠲᠤᠯᠢᠮᠠᠭ ᠪᠠᠶᠢᠵᠤ᠂ ᠠᠯᠢ ᠴᠤ ᠬᠢᠴᠢᠶᠡᠯ ᠢ ᠰᠠᠶᠢᠨ ᠰᠤᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠡᠷᠬᠡᠳᠡᠨᠡ᠃ ᠡᠨᠡ ᠲᠤᠬᠠᠢ | ᠪᠡᠭᠡᠵᠢᠩ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠯᠤ᠋ ᠵᠢᠶᠠᠨ ᠮᠢᠩ ᠹᠷᠤᠫᠧᠰᠰᠤᠷ ᠨᠢᠭᠡᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠴᠦ | ᠲᠠᠶᠢᠯᠤᠮᠵᠢ ᠬᠢᠬᠦ ᠳᠤ ᠪᠠᠨ᠂ ᠤᠯᠤᠰ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠲᠤᠬᠠᠢ | ᠶᠠᠷᠢᠯᠴᠠᠭᠠᠨ ᠦᠷᠨᠢᠬᠦᠯᠬᠦ ᠳᠤ᠂ ᠡᠴᠦᠰ ᠲᠤ ᠪᠠᠨ ᠲᠤᠭᠠᠨ ᠤ ᠪᠠᠭᠰᠢ᠂ ᠹᠢᠽᠢᠺ ᠤᠨ ᠪᠠᠭᠰᠢ ᠠᠴᠠ ᠬᠡᠯᠡ ᠪᠢᠴᠢᠭ | ᠤᠨ ᠬᠢᠴᠢᠶᠡᠯ ᠢ ᠨᠡᠮᠡᠨ ᠲᠤᠬᠢᠷᠠᠭᠤᠯᠵᠤ᠂ ᠭᠡᠤᠭᠡᠳ ᠤᠨ ᠤᠩᠰᠢᠯᠭᠠ ᠶᠢ ᠴᠢᠬᠤᠯᠠᠴᠢᠯᠠᠵᠤ᠂ ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ | ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠴᠢᠬᠤᠯᠠ ᠭᠡᠵᠦ ᠰᠠᠨᠠᠯ ᠨᠢᠭᠡᠳᠦᠭᠰᠡᠨ ᠶᠤᠮ ᠪᠠᠶᠢᠨᠠ᠃ ᠨᠤᠮ ᠤᠩᠰᠢᠯᠭᠠ ᠶᠢ ᠬᠦᠨᠲᠦᠳᠭᠡᠬᠦ | ᠦᠨᠡᠬᠡᠷ ᠶᠡᠭᠡ ᠴᠢᠬᠤᠯᠠᠲᠠᠢ᠃ | ᠶᠧ ᠱᠧᠩ ᠲᠤᠤ ᠠᠪᠤᠭᠠᠢ ᠠᠴᠠ ᠄ ︽ᠦᠨᠡᠨ ᠳᠤ ᠪᠠᠨ ᠵᠤᠬᠢᠶᠠᠯ ᠪᠢᠴᠢᠬᠦ ᠨᠢ ᠦᠵᠦᠭ ᠢᠶᠠᠷ ᠦᠭᠡ ᠬᠡᠯᠡᠵᠦ | ᠪᠠᠶᠢᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠂ ᠤᠩᠰᠢᠯᠭᠠ ᠶᠢᠨ ᠪᠤᠯᠪᠠᠰᠤᠷᠠᠯ ᠲᠤᠲᠠᠮᠠᠭ ᠬᠦᠮᠦᠨ ᠤ ᠰᠡᠳᠬᠢᠮᠵᠢ ᠶᠠᠳᠠᠭᠤ᠂ | ᠬᠤᠷᠠᠮᠳᠤᠭᠤᠯᠭᠠ ᠬᠤᠭᠤᠰᠤᠨ ᠤᠴᠢᠷ ᠠᠴᠠ ᠶᠡᠭᠡ ᠬᠦᠴᠢᠷᠳᠡᠨᠡ᠂ ᠤᠩᠰᠢᠯᠭᠠ ᠶᠢᠨ ᠪᠤᠭᠤᠮᠳᠠ ᠶᠢ ᠲᠠᠪᠠᠭᠰᠠᠨ | ᠬᠦᠮᠦᠨ ᠤ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠬᠦᠴᠢᠷᠳᠡᠯ ᠠᠶᠠᠨᠳᠠᠭᠠᠨ ᠠᠷᠢᠯᠤᠨᠠ︾ ᠭᠡᠵᠦ ᠭᠡᠯᠡᠭᠰᠡᠨ ᠪᠠᠶᠢᠨᠠ᠃ ︽ | ᠢᠯᠡᠭᠦᠦ ᠦᠭᠡᠢ᠂ ᠠᠷᠪᠠᠨ ᠦᠬᠦᠯᠡᠪᠦᠷᠢ ᠪᠢᠴᠢᠬᠦᠯᠪᠡᠯ ᠲᠡᠬᠦᠨ ᠤ ᠲᠤᠯᠤᠭᠠᠢ ᠳᠤ ᠶᠠᠭᠤᠮᠠ ᠪᠠᠶᠢᠬᠤ ᠡᠰᠡᠬᠦ ᠨᠢ | ᠮᠡᠳᠡᠷᠡᠭᠳᠡᠨᠡ︾ ᠭᠡᠳᠡᠭ ᠢᠶᠠᠷ᠂ ᠡᠶᠢᠮᠤ ᠠᠴᠠ ᠨᠤᠮ ᠤᠩᠰᠢᠯᠭᠠ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠪᠢᠳᠡᠨ ᠤ ᠪᠠᠭᠰᠢ | ᠪᠦᠬᠦᠨ ᠬᠦᠨᠳᠦᠳᠭᠡᠨ ᠴᠢᠬᠤᠯᠠᠴᠢᠯᠠᠪᠠᠯ ᠲᠠᠭᠠᠷᠠᠨᠠ᠂ ᠨᠤᠮ ᠤᠩᠰᠢᠯᠭᠠ ᠶᠢ ᠬᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢ ᠶᠢᠨ | ᠡᠭᠦᠷᠭᠡ ᠳᠠᠭᠠᠭᠠᠯᠭᠠᠪᠤᠷᠢ ᠯᠠ ᠭᠡᠵᠦ ᠠᠳᠡᠬᠦᠷᠡᠵᠦ ᠤᠭᠲᠤ ᠪᠤᠯᠬᠤ ᠦᠭᠡᠢ᠂ ᠨᠤᠮ ᠵᠤᠬᠢᠶᠠᠯ ᠤᠩᠰᠢᠬᠤ ᠶᠢ | ᠵᠤᠬᠢᠶᠠᠯᠴᠢ ᠬᠦᠮᠤᠨ ᠤ ᠪᠠᠭ᠋ᠠᠷᠬᠠᠯ ᠭᠡᠵᠦ ᠠᠨᠳᠠᠭᠤᠷᠠᠵᠤ ᠨᠡᠩ ᠪᠤᠯᠬᠤ ᠦᠭᠡᠢ᠃ ᠪᠠᠭᠰᠢ ᠪᠢᠳᠡ ᠬᠡᠤᠬᠡᠳ ᠲᠠᠢ | ᠦᠷᠭᠦᠯᠵᠢ ᠤᠶᠢᠷᠠ ᠪᠠᠶᠢᠨᠠ᠂ ᠪᠢᠳᠡᠨ ᠳᠤ ᠨᠤᠮ ᠤᠩᠰᠢᠬᠤ ᠤᠷᠴᠢᠨ ᠪᠠᠶᠢᠨᠠ᠃ | ᠭᠤᠷᠪᠡ᠂ ᠨᠤᠮ ᠤᠩᠰᠢᠯᠭᠠ ᠶᠢᠨ ᠤᠷᠴᠢᠨ ᠠᠬᠤᠢ ᠶᠢ ᠪᠦᠷᠢᠯᠳᠦᠬᠦᠯᠬᠦ ᠶᠡᠭᠡ ᠴᠢᠬᠤᠯᠠᠲᠠᠢ | ᠨᠤᠮ ᠪᠢᠴᠢᠭ ᠪᠤᠯ ᠪᠢᠯᠢᠭ ᠲᠤᠰᠤᠭᠰᠠᠨ ᠲᠤᠭᠤᠨᠤ ᠲᠠᠢ ᠨᠠᠷᠠᠨ ᠦᠷᠬᠦᠭᠡ ᠪᠠᠶᠢᠳᠠᠭ᠃ ᠨᠤᠮ ᠤᠩᠰᠢᠬᠤ ᠨᠢ | ᠲᠡᠯᠡᠬᠡᠢ ᠲᠡᠭᠡᠷᠡᠬᠢ ᠠᠯᠳᠠᠷᠲᠤ ᠬᠦᠮᠦᠰ ᠲᠠᠢ ᠨᠢᠭᠤᠷᠳᠠᠨ ᠶᠠᠷᠢᠯᠴᠠᠭᠰᠠᠨ ᠰᠢᠭ᠋ ᠤᠯᠵᠠ ᠤᠮᠤᠭᠲᠠᠢ ᠪᠠᠶᠢᠳᠠᠭ᠃ ᠨᠤᠮ | ᠤᠩᠰᠢᠯᠭᠠ ᠪᠠᠷ ᠲᠠᠮᠵᠢᠨ ᠪᠢᠳᠡ ᠦᠪᠡᠷ ᠤᠨ ᠲᠤᠳᠠᠭᠤ ᠲᠤᠷᠭᠤᠨ ᠢᠶᠠᠨ ᠲᠠᠨᠢᠨ ᠮᠡᠳᠡᠷᠡᠵᠦ ᠤᠯᠤᠨᠠ᠂ ᠲᠡᠭᠡᠭᠡᠳ | ᠲᠡᠬᠦᠨ ᠢ ᠨᠦᠬᠦᠪᠦᠷᠢᠯᠡᠵᠦ ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠵᠠᠪᠰᠢᠶᠠᠨ ᠢ ᠤᠯᠤᠨᠠ᠃ ᠡᠶᠢᠮᠤ ᠠᠴᠠ ᠭᠡᠷ ᠪᠦᠯᠢ ᠶᠢᠨ ᠤᠷᠴᠢᠨ | ᠂ ᠰᠤᠷᠭᠠᠭᠤᠯᠢ ᠶᠢᠨ ᠤᠷᠴᠢᠨ ᠠᠴᠠ ᠨᠠᠶᠢᠵᠠ ᠨᠦᠬᠦᠳ ᠬᠤᠭᠤᠷᠤᠨᠳᠤ ᠪᠠᠨ᠂ ᠡᠩ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ | ᠪᠠᠨ ᠨᠤᠮ ᠪᠢᠴᠢᠭ ᠢ ᠬᠦᠨᠳᠦᠳᠭᠡᠬᠦ ᠤᠷᠴᠢᠨ ᠠᠬᠤᠢ ᠶᠢ ᠪᠦᠷᠢᠯᠳᠤᠭᠦᠯᠪᠡᠯ᠂ ᠭᠡᠤᠭᠡᠳ ᠤᠨ ᠦᠰᠦᠨ ᠪᠤᠶᠢᠵᠢᠯᠳᠠ | ᠳᠤ ᠮᠤᠨᠳᠠᠭ ᠰᠠᠶᠢᠨ ᠨᠦᠯᠦᠭᠡ ᠪᠤᠯᠵᠤ ᠴᠢᠳᠠᠨᠠ᠃ | ︽ᠰᠠᠶᠢᠨ ᠨᠤᠮ ᠢ ᠬᠤᠶᠠᠷ ᠰᠢᠷᠬᠡᠭ ᠢ ᠠᠪᠤᠭᠠᠳ ᠰᠠᠶᠢᠨ ᠨᠦᠬᠦᠷ ᠲᠤ ᠪᠠᠨ ᠪᠡᠯᠡᠭᠯᠡᠵᠦ ᠪᠠᠢ︕ ᠲᠡᠷᠡ ᠨᠤᠮ | ᠴᠢᠮᠠ ᠶᠢ ᠲᠦᠯᠦᠭᠡᠯᠡᠵᠤ ᠲᠡᠷᠡ ᠠᠶᠢᠯ ᠳᠤ ᠦᠶᠡ ᠶᠢᠨ ᠦᠶᠡ ᠳᠤ ᠠᠮᠢᠳᠤᠷᠠᠨᠠ︾ ᠭᠡᠳᠡᠭ ᠢᠶᠠᠷ᠂ ᠲᠦᠷᠦᠭᠰᠡᠨ | ᠡᠳᠦᠷ ᠤᠨ ᠪᠠᠶᠠᠷ ᠢ ᠪᠡᠯᠭᠡᠯᠡᠬᠦ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠵᠤᠯᠭᠠᠯᠲᠠ ᠬᠢᠬᠦ᠂ ᠦᠷᠪᠦᠭᠡᠨ ᠨᠠᠶᠢᠷ᠂ ᠬᠤᠷᠢᠮ ᠤᠨ | ᠶᠤᠰᠤᠯᠠᠯ ᠭᠡᠬᠦ ᠮᠡᠲᠦ ᠶᠢᠨ ᠪᠠᠶᠠᠷ ᠴᠤᠭᠯᠠᠭᠠᠨ ᠳᠤ ᠪᠠᠨ ᠮᠦᠩᠬᠦ ᠬᠠᠷᠮᠠᠯᠠᠭᠠᠳ ᠬᠦᠷᠬᠦ ᠪᠢᠰᠢ᠂ ᠨᠤᠮ | ᠬᠠᠪᠢᠰᠤᠯᠠᠭᠠᠳ ᠪᠡᠯᠡᠭᠯᠡᠪᠡᠯ ᠨᠤᠮ ᠤᠨ ᠠᠭᠤᠷ᠂ ᠪᠢᠯᠢᠭ ᠤᠨ ᠠᠭᠤᠷ ᠦᠷᠬᠦᠭᠡ ᠪᠤᠯᠭᠠᠨ ᠠᠴᠠ᠂ ᠡᠳᠦᠷ ᠪᠤᠯᠭᠠᠨ | ᠮᠠᠨᠳᠤᠨᠠ᠃ ︽ᠨᠤᠮ ᠪᠤᠯ ᠬᠦᠭᠰᠢᠷᠡᠬᠦ ᠶᠢᠨ ᠴᠠᠭ ᠲᠤ ᠬᠠᠮᠤᠭ ᠤᠨ ᠰᠠᠶᠢᠨ ᠨᠦᠬᠦᠷ᠂ ᠵᠠᠯᠠᠭᠤ ᠶᠠᠪᠤᠬᠤ ᠳᠤ ᠬᠠᠮᠤᠭ | ᠤᠨ ᠰᠠᠶᠢᠨ ᠪᠠᠭᠰᠢ ᠪᠤᠯᠳᠠᠭ︾ ᠤᠴᠢᠷ ᠠᠴᠠ ᠬᠡᠨ ᠬᠦᠮᠤᠨ ᠳᠤ ᠴᠤ ᠲᠤᠬᠢᠷᠠᠬᠤ ᠪᠡᠯᠡᠭ᠂ ᠬᠡᠵᠢᠶᠡᠲᠡ ᠴᠤ | ᠬᠠᠭᠤᠴᠢᠷᠠᠬᠤ ᠦᠭᠡᠢ ᠪᠡᠯᠡᠭ᠂ ᠬᠡᠨ ᠳᠤ ᠴᠤ ᠲᠠᠷᠤᠭᠠᠰᠤ ᠲᠡᠭᠡᠭᠡᠷᠡ ᠦᠭᠡᠢ ᠪᠡᠯᠡᠭ᠂ ᠪᠠᠰᠠ ᠡᠷᠬᠢᠮ ᠦᠨᠡᠲᠡᠢ | ᠰᠤᠯᠢᠯᠴᠠᠭᠠ᠂ ᠬᠠᠷᠢᠯᠴᠠᠭᠠ ᠪᠤᠯᠵᠤ ᠲᠠᠭᠠᠷᠠᠨᠠ᠃ ᠮᠦᠩᠬᠡ ᠶᠢᠨ ᠰᠢᠳᠢᠳᠦ ᠰᠢᠪᠠᠭᠤ — ᠨᠤᠮ ᠰᠤᠳᠤᠷ ᠨᠢ | ᠲᠡᠭᠡᠬᠦ ᠪᠠᠷ ᠦᠶᠡ ᠶᠢᠨ ᠦᠶᠡ ᠶᠢᠨ ᠬᠢᠨ ᠤ ᠠᠯᠠᠭᠠᠨ ᠲᠡᠭᠡᠷᠡ ᠵᠢᠬᠦᠷ ᠤᠷᠭᠤᠨ ᠪᠠᠭᠤᠵᠤ᠂ ᠡᠷᠦᠬᠡ ᠭᠡᠷ ᠪᠤᠯᠭᠠᠨ | ᠢ ᠭᠡᠷᠡᠯᠲᠦᠭᠦᠯᠵᠦ᠂ ᠠᠶᠢᠯ ᠪᠤᠯᠭᠠᠨ ᠬᠦᠷᠦᠩᠭᠡᠵᠢᠵᠦ ᠬᠦᠭᠵᠢᠵᠦ ᠮᠡᠳᠡᠨᠡ᠃ | ᠰᠠᠶᠢᠨ ᠨᠤᠮ ᠲᠠᠷᠢᠬᠢᠨ ᠤ ᠲᠡᠵᠢᠭᠡᠯ᠂ ᠰᠠᠶᠢᠨ ᠨᠠᠶᠢᠵᠠ ᠰᠡᠳᠬᠢᠯ ᠤᠨ ᠲᠡᠵᠢᠭᠡᠯ᠃ ᠪᠢᠳᠡ ᠬᠡᠨ ᠬᠦᠮᠤᠨ | ᠪᠤᠯᠭᠠᠨ ᠪᠢᠷ ᠤᠨ ᠦᠵᠦᠬᠦᠷ ᠬᠤᠷᠴᠠᠯᠠᠬᠤ ᠶᠢ ᠵᠠᠷᠯᠢᠭ ᠪᠢᠰᠢ᠂ ᠵᠤᠷᠢᠮᠠᠭ ᠦᠢᠯᠡ ᠪᠤᠯᠭᠠᠨ ᠮᠡᠳᠡᠷᠡᠵᠦ᠂ ᠪᠢᠯᠢᠭ | ᠤᠬᠠᠭᠠ ᠪᠠᠨ ᠰᠤᠷᠢᠵᠦ ᠨᠤᠮ ᠪᠢᠴᠢᠭ ᠢ ᠲᠡᠭᠡᠳᠦᠯᠡᠬᠦ ᠶᠢ ᠰᠡᠳᠬᠢᠯ ᠤᠨ ᠲᠠᠮᠢᠷ ᠤᠨ ᠰᠤᠷᠢᠯᠳᠠ ᠪᠤᠯᠭᠠᠨ ᠲᠤᠩᠭᠠᠨ᠂ | ᠬᠦᠨᠳᠦᠳᠭᠡᠵᠦ ᠦᠵᠡᠵᠦ᠂ ᠠᠩᠬᠠᠷᠤᠯ ᠳᠤ ᠪᠠᠨ ᠠᠪᠤᠪᠠᠯ ᠵᠤᠬᠢᠨᠠ᠃ | ᠨᠤᠮ ᠳᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠪᠦᠬᠦᠶᠢᠯᠡ ᠲᠠᠩᠰᠤᠭ ᠵᠦᠢᠯ ᠬᠤᠷᠠᠨ ᠴᠤᠭᠯᠠᠷᠠᠵᠤ ᠦᠯᠡᠳᠡᠳᠡᠭ ᠠᠴᠠ᠂ | ᠨᠤᠮ ᠪᠢᠴᠢᠭ ᠲᠤ ᠤᠢ ᠤᠬᠠᠭᠠᠨ ᠰᠢᠩᠭᠡᠵᠦ ᠪᠠᠶᠢᠳᠠᠭ᠂ ᠨᠤᠮ ᠪᠢᠴᠢᠭ ᠠᠴᠠ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠤᠷᠭᠤᠵᠤ᠂ ᠨᠤᠮ | ᠪᠢᠴᠢᠭ ᠠᠴᠠ ᠰᠡᠳᠬᠢᠯ ᠲᠤᠭᠳᠤᠯᠤᠭᠤᠯᠤᠮᠠ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠦᠨᠳᠦᠰᠦᠯᠡᠳᠡᠭ᠃ ᠡᠶᠢᠮᠤ ᠠᠴᠠ ᠨᠤᠮ ᠢ | ᠬᠦᠨᠳᠦᠳᠭᠡᠨ ᠲᠡᠭᠡᠳᠦᠯᠡᠵᠦ᠂ ᠭᠡᠤᠭᠡᠳ ᠵᠠᠯᠠᠭᠤᠰ ᠤᠨ ᠬᠦᠮᠦᠵᠢᠯ ᠳᠤ ᠬᠦᠴᠦ ᠨᠡᠮᠡᠷᠢᠯᠡᠬᠦ᠂ ᠭᠡᠰᠢᠭ ᠪᠤᠶᠠᠨ | ᠬᠦᠷᠲᠡᠭᠡᠬᠦ ᠪᠤᠶᠠᠨᠳᠤ ᠦᠢᠯᠡ ᠶᠢ ᠲᠠᠶᠠᠭᠠᠷ ᠤᠨ ᠬᠦᠴᠦᠨ ᠢᠶᠠᠷ ᠭᠠᠶᠢᠬᠠᠲᠠᠯᠠ ᠬᠢᠬᠦ ᠪᠤᠯᠤᠮᠵᠢ ᠪᠢᠳᠡᠨ ᠳᠤ ᠪᠦᠷᠢᠨ | ᠪᠠᠶᠢᠨᠠ᠃ ᠤᠯᠠᠨ ᠤ ᠬᠦᠴᠦᠨ ᠳᠤ ᠤᠪᠤᠭᠠ ᠪᠤᠰᠤᠨᠠ ᠭᠡᠳᠡᠭ ᠪᠢᠰᠢᠦ ︕ | ᠨᠤᠮ ᠪᠢᠴᠢᠭ ᠢ ᠬᠦᠨᠳᠦᠳᠭᠡᠨ ᠤᠩᠰᠢᠬᠤ ᠨᠢ ᠴᠢᠮᠦᠭᠡ ᠲᠤᠨᠳᠠᠷᠠᠭᠤᠯᠬᠤ ᠬᠦᠨᠳᠦ ᠬᠦᠳᠡᠯᠮᠦᠷᠢ ᠪᠢᠰᠢ᠂ ᠲᠡᠷᠡ | ᠨᠢ ᠦᠨᠡ ᠦᠭᠡᠢ ᠦᠮᠴᠢ ᠪᠤᠯᠳᠠᠭ᠂ ᠦᠭᠬᠦᠭᠡᠴᠢ ᠬᠦᠳᠡᠯᠮᠦᠷᠢ ᠮᠦᠨ᠂ ᠦᠶᠡ ᠲᠠᠮᠵᠢᠨ ᠳᠤᠷᠠᠰᠤᠭᠳᠠᠬᠤ ᠦᠩᠭᠡ | ᠭᠡᠷᠡᠯᠲᠠᠢ ᠰᠠᠶᠢᠬᠠᠨ ᠠᠵᠤ ᠮᠦᠨ᠃ | ᠬᠤᠷᠸᠠ ᠶᠢᠨ ᠠᠮᠢᠳᠤᠷᠠᠯ ᠪᠦᠬᠦᠯᠢ ᠳᠤ ᠪᠠᠨ ᠨᠤᠮ ᠳᠤ ᠰᠢᠩᠭᠡᠭᠰᠡᠨ ᠪᠠᠶᠢᠳᠠᠭ᠃ ᠤᠯᠠᠨ ᠮᠢᠩᠭᠠᠨ ᠵᠢᠯ ᠤᠨ ᠲᠤᠷᠰᠢ | ᠳᠤ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠬᠦᠮᠦᠰ ᠤᠨ ᠠᠯᠳᠠᠭᠠ ᠤᠨᠤᠭᠠ᠂ ᠤᠬᠠᠭᠠᠨ ᠪᠢᠯᠢᠭ ᠵᠦᠪᠭᠡᠨ ᠨᠤᠮ ᠳᠤ ᠯᠠ ᠪᠠᠶᠢᠳᠠᠭ | ᠲᠤᠯᠠ ᠲᠡᠬᠦᠨ ᠢ ᠬᠢᠴᠢᠶᠡᠩᠬᠦᠶᠢᠯᠡᠨ ᠤᠩᠰᠢᠬᠤ ᠨᠢ ᠴᠢᠬᠤᠯᠠ ᠶᠤᠮ ᠪᠠᠶᠢᠨᠠ᠃ | | |