ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠨᠡᠶᠢᠭᠡᠮ ᠰᠡᠳᠬᠦᠯ
ᠠᠴᠢᠲᠦ ᠨᠠᠮ  ᠳᠤ ᠪᠠᠨ ᠲᠠᠯᠠᠷᠬᠠᠶ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/3/26
                             ᠴᠤᠭᠳᠠᠯᠠᠢ ᠵᠣᠬᠢᠶᠠᠪᠠ   ᠪᠢ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ ᠶᠤᠮ᠃ ᠲᠦᠷᠦᠵᠦ  ᠦᠰᠦᠭᠰᠡᠨ ᠨᠤᠳᠤᠭ ᠤᠰᠣᠨ  ᠳᠤ ᠪᠠᠨ ᠦᠲᠡᠯᠬᠦ ᠭᠡᠵᠦ ᠠᠵᠠ ᠵᠢᠷᠭᠠᠯ ᠲᠠᠢ ᠰᠠᠨᠠᠭᠳᠠᠨ᠎ᠠ᠃ ᠪᠢ 1953 ᠤᠨ ᠤ ᠴᠠᠭᠠᠨ ᠰᠠᠷ᠎ᠠ ᠳᠤ ᠤᠤᠯ ᠤᠨ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠬᠦᠪᠠᠨᠠᠮᠤᠭ ᠪᠠᠭ ᠢᠶᠠᠷ ᠨᠤᠳᠤᠭ ᠲᠠᠢ ᠬᠠᠯᠬᠠᠰ ᠤᠪᠤᠭᠳᠤ ᠠᠪᠤ ᠴᠠᠷᠢᠨᠳᠠᠰᠢ ᠳ᠋ᠠᠨᠢᠭ᠎ᠠ  ᠂ ᠬᠤᠶᠢᠳ ᠤᠪᠤᠭᠳᠤ ᠡᠵᠢ ᠪᠠᠶᠠᠰᠬᠤᠯᠠᠩ ᠤᠨ ᠵᠢᠡᠵᠢᠭᠡ  ᠬᠦᠪᠠᠬᠦᠨ ᠪᠤᠯᠵᠤ ᠵᠠᠶᠠᠭᠠᠵᠡᠢ᠃ ᠪᠠᠭ᠎ᠠ ᠨᠠᠰᠤ ᠪᠠᠨ ᠡᠷᠭᠢᠴᠡᠭᠦᠯᠦᠨ ᠪᠤᠳᠣᠬᠤ ᠳᠤ ᠲᠣᠮᠳᠠᠳᠣ ᠤᠯᠣᠰ ᠤᠨ ᠡᠪ ᠬᠠᠮᠲᠣ ᠨᠠᠮ ᠤᠨ ᠬᠠᠶᠢᠷ᠎ᠠ ᠬᠠᠯᠠᠮᠵᠢ ᠶᠢᠨ ᠳᠤᠤᠷ᠎ᠠ ᠦᠰᠦᠨ ᠪᠤᠶᠢᠵᠢᠭ᠍ᠰᠡᠨ ᠬᠦᠳᠡᠭᠡ ᠶᠢᠨ ᠪᠤᠷᠦ ᠬᠡᠥᠬᠡᠳ ᠤᠨ ᠨᠢᠭᠡ ᠨᠢ ᠶᠤᠮ  ᠃ 2013 ᠤᠨ ᠳᠤ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠪᠠ᠃ 1984 — 1996 ᠤᠨ ᠪᠤᠯᠳᠠᠯ᠎ᠠ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤᠨ ᠤ ᠳᠣᠯᠤᠭ᠎ᠠ᠂  ᠨᠠᠢᠮᠠ᠂   ᠶᠢᠰᠦ᠂    ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠪᠠ᠃1988 — 1999 ᠤᠨ ᠪᠤᠯᠳᠠᠯ᠎ᠠ ᠠᠯᠠᠱᠠ ᠵᠠᠬᠦᠨ ᠬᠤᠰᠢᠭᠤᠨ ᠤ  ᠨᠠᠢᠮᠠ᠂   ᠶᠢᠰᠦ᠂    ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠪᠠ᠃ 1993 — 1994 ᠤᠨ  ᠳᠤ ᠠᠯᠠᠱᠠ ᠵᠠᠬᠦᠨ ᠬᠤᠰᠢᠭᠤ᠂ ᠠᠯᠠᠱᠠ ᠠᠶᠢᠮᠠᠭ ᠤᠨ 《ᠦᠨᠳᠤᠰᠤᠳᠡᠨ ᠤ ᠪᠦᠯᠬᠦᠮᠳᠠᠯ ᠲᠡᠪᠰᠢᠯᠳᠠ ᠶᠢᠨ ᠵᠢᠱᠢᠶᠠᠴᠢ ᠬᠤᠪᠢ ᠬᠦᠮᠦᠨ》 ᠢᠶᠠᠷ ᠰᠤᠩᠭᠤᠭᠳᠠᠪᠠ᠃ ᠪᠠᠰᠠ ᠤᠯᠠᠨ ᠤᠳᠠᠭ᠎ᠠ ᠰᠢᠯᠢᠳᠡᠭ ᠠᠵᠢᠯᠳᠠᠨ ᠢᠶᠠᠷ ᠰᠤᠩᠭᠤᠭᠳᠠᠵᠤ ᠦᠩᠭᠡᠷᠠᠪᠠ᠃1999 — 2008 ᠤᠨ ᠪᠤᠯᠳᠠᠯ᠎ᠠ ᠠᠯᠠᠱᠠ ᠵᠠᠬᠦᠨ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠤ ᠶᠢᠨ ᠵᠦᠪᠯᠠᠯᠭᠡᠨ ᠤ ᠭᠡᠰᠢᠬᠦᠨ ᠪᠤᠯᠪᠠ᠃1958 ᠤᠨ ᠳᠤ ᠬᠤᠰᠢᠭᠤᠨ ᠠᠴᠠ ᠪᠤᠤ ᠭᠡᠰᠢᠭᠳᠦ ᠭᠡᠳᠡᠭ ᠪᠠᠭᠰᠢ ᠶᠢ ᠲᠤᠮᠢᠯᠠᠵᠤ᠂  ᠬᠦᠪᠡᠨᠠᠮᠤᠭ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢ ᠠᠩᠬ᠎ᠠ ᠪᠠᠶᠢᠭᠤᠯᠵᠡᠢ᠃ ᠪᠢ ᠲᠠᠷᠠ ᠦᠶᠠᠰ ᠭᠡᠳᠤᠶᠢᠪᠠᠷ ᠲᠠᠪᠤᠨ ᠨᠠᠰᠤ ᠲᠠᠢ ᠪᠠᠯᠴᠢᠷ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠮᠢᠨᠤ ᠠᠬ᠎ᠠ ᠶᠢ ᠠᠪᠤ᠂ ᠡᠵᠢ ᠠᠩᠬ᠎ᠠ ᠤᠳᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠭᠤᠯᠬᠤ ᠭᠡᠵᠤ ᠴᠠᠢ ᠶᠢᠨ ᠠᠮᠳᠠ ︵ᠪᠣᠣᠪᠤ  ᠪᠣᠭᠤᠷᠰᠤᠭ︶᠂ ᠪᠤᠭᠤᠷᠰᠤᠭ ᠬᠤᠪᠴᠠᠰᠤ ᠬᠤᠨᠠᠷ ᠡᠨᠡ ᠲᠠᠷᠠ ᠭᠡᠳ ᠲᠦᠬᠦᠭᠡᠷᠴᠤ ᠦᠭᠬᠦᠭᠡᠳ ᠶᠠᠪᠤᠭᠤᠯᠬᠤ ᠭᠡᠬᠦ ᠳᠤ ᠠᠬ᠎ᠠ᠂ ᠠᠪᠤ ᠡᠵᠢ ᠭᠡᠷ ᠠᠴᠠ ᠰᠠᠯᠵᠤ ᠶᠠᠪᠤᠬᠤ ᠦᠭᠡᠢ ᠭᠡᠳ ᠤᠬᠢᠯᠠᠩᠨᠠᠵᠤ  ᠪᠠᠶᠢᠭᠰᠠᠨ ᠢ ᠠᠯᠪᠠ ᠪᠠᠷ ᠠᠪᠤᠭᠠᠳ ᠶᠠᠪᠤᠬᠤ ᠳᠤ ᠡᠵᠢ ᠮᠢᠨᠢ ᠪᠠᠰᠠ ᠨᠢᠳᠤᠨ   ᠳᠤ ᠪᠠᠨ  ᠵᠠᠶᠢᠷ  ᠭᠦᠶᠦᠯᠭᠡᠭᠡᠳ ᠵᠤᠭᠰᠤᠵᠤ ᠪᠠᠶᠢᠭᠰᠠᠨ ᠨᠢ ᠲᠠᠷᠢᠬᠢᠨ ᠳᠤ ᠮᠢᠨᠢ ᠲᠤᠪ ᠲᠤᠳᠤᠬᠠᠨ ᠪᠠᠶᠢᠨ᠎ᠠ᠃ 1960 ᠤᠨ ᠳᠤ ᠡᠭᠡᠴᠢ ᠮᠥᠨ ᠲᠠᠷᠠ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠤ᠂ 1962 ᠤᠨ ᠳᠤ ᠪᠢ ᠡᠭᠡᠴᠢ ᠪᠠᠨ ᠲᠠᠭᠠᠭᠠᠳ ᠶᠠᠪᠤᠭᠰᠠᠨ ᠪᠤᠯᠬᠤᠷ ᠠᠬ᠎ᠠ ᠰᠢᠭ᠋ ᠲᠡᠭᠡᠵᠤ ᠶᠡᠭᠡ ᠤᠬᠢᠯᠠᠵᠤ ᠪᠠᠷᠬᠢᠷᠠᠭᠰᠠᠨ ᠦᠭᠡᠢ ᠴᠦ ᠮᠥᠨ ᠡᠵᠢ ᠪᠠᠨ  ᠲᠡᠪᠡᠷᠢᠨ ᠤᠬᠢᠯᠠᠵᠤ ᠪᠠᠶᠢᠭᠠᠳ  ᠰᠠᠯᠤᠨ ᠶᠠᠪᠤᠵᠤ ᠠᠩᠬ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠳᠠᠨ ᠪᠤᠱᠤᠭ᠎ᠠ ᠶᠢ ᠠᠯᠬᠤᠵᠤ᠂ ᠰᠤᠶᠤᠯ ᠤᠨ ᠮᠦᠷ   ᠢᠶᠠᠨ ᠡᠬᠢᠯᠡᠬᠦᠯᠦᠭᠰᠠᠨ ᠪᠠᠶᠢᠨ᠎ᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠪᠤᠯ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠩᠬᠠᠨ ᠤ ᠱᠠᠳᠤ ᠦᠶ᠎ᠠ ᠳᠤ ᠪᠠᠨ ᠪᠠᠶᠢᠵᠤ᠂ ᠤᠯᠤᠰ ᠠᠷᠠᠳ ᠤᠨ ᠠᠵᠤ ᠠᠮᠢᠳᠤᠷᠠᠯ ᠲᠤᠶᠢᠯ ᠤᠨ ᠬᠦᠴᠢᠷᠳᠠᠢ ᠪᠠᠶᠢᠭᠰᠠᠨ ᠴᠠᠭ ᠦᠶ᠎ᠠ ᠪᠤᠯᠤᠨ᠎ᠠ᠃ ᠲᠠᠷᠠ ᠦᠶ᠎ᠠ ᠲᠤᠰ ᠰᠤᠷᠭᠠᠭᠤᠯᠢ ᠨᠢ ᠨᠢᠭᠡᠨ ᠬᠤᠪᠢ ᠠᠶᠢᠯ ᠤᠨ ᠭᠡᠷ ᠲᠤ ᠪᠠᠶᠢᠭᠤᠯᠤᠭᠳᠠᠵᠤ᠂ ᠭᠤᠷᠪᠠᠨ ᠶᠠᠩᠵᠤ ᠶᠢᠨ ᠬᠠᠷ᠎ᠠ ᠪᠤᠳᠠᠭ᠎ᠠ  ᠶᠢ ᠨᠠᠶᠢᠯᠠᠬᠦᠯᠦᠭᠰᠠᠨ   ᠬᠠᠷ᠎ᠠ ᠭᠤᠯᠢᠷ ︵三合面︶ ᠪᠠᠶᠢᠵᠤ᠂ ᠬᠦᠷᠦᠭ᠂ ᠤᠯᠠᠭᠠᠨ ᠭᠤᠶᠤᠤ ᠪᠠᠷ ᠬᠠᠪᠰᠤᠷᠤᠮᠵᠢ ᠪᠤᠯᠭᠠᠳᠠᠭ ᠪᠠᠶᠢᠪᠠ᠃ ᠴᠠᠢ ᠪᠤᠳᠠᠭ᠎ᠠ ᠴᠢᠨᠠᠬᠤ ᠪᠠ  ᠳᠤᠯᠠᠭᠠᠯᠠᠮᠵᠢ ᠪᠤᠯᠭᠠᠳᠠᠭ ᠨᠢ ᠪᠦᠷ  ᠦᠬᠢᠷᠡᠭᠰᠡᠨ  ᠰᠢᠪᠠᠭ᠂ ᠪᠦᠭᠡᠷᠡᠭ᠂ ᠬᠦᠷᠦᠭ ᠮᠠᠳᠤ ᠶᠢᠨ ᠲᠦᠯᠡᠭᠡ  ᠪᠠᠶᠢᠵᠡᠢ᠃ ᠭᠠᠷᠠᠭ ᠪᠦᠷᠢ ᠶᠢᠨ ᠵᠢᠷᠭᠤᠭᠠᠨ ᠤ ᠬᠢᠴᠢᠶᠠᠯ ᠤᠨ ᠭᠠᠳᠠᠨᠠᠬᠢ ᠬᠦᠳᠠᠯᠭᠡᠭᠡᠨ ᠤ ᠴᠠᠭ ᠲᠤ ᠭᠤᠷᠪᠠᠨ ᠤᠨ ᠠᠴᠠ ᠲᠡᠭᠡᠭᠰᠢ ᠰᠤᠷᠤᠭᠴᠢᠳ ᠬᠦᠳᠡᠭᠡ ᠶᠠᠪᠤᠵᠤ ᠲᠦᠯᠡᠭᠡ ᠲᠠᠬᠦᠳᠡᠭ ᠪᠠᠶᠢᠵᠡᠢ᠃ ᠰᠢᠭᠡᠷᠡᠩ ᠪᠠᠶᠢᠷᠢ ᠶᠢᠨ ᠬᠠᠨᠵᠤ ᠶᠢ ᠮᠥᠨ ᠲᠦᠯᠡᠭᠡ ᠲᠦᠯᠠᠵᠤ ᠬᠠᠯᠠᠭᠤᠯᠳᠠᠭ ᠪᠠᠶᠢᠭᠰᠠᠨ᠃ ᠬᠦᠪᠠᠨᠠᠮᠤᠭ ᠰᠤᠷᠭᠠᠭᠤᠯᠢ ᠨᠢ ᠮᠠᠨ ᠤ ᠬᠢᠨ ᠠᠴᠠ 80 ᠭᠠᠵᠠᠷ ᠤᠨ ᠵᠠᠢ ᠲᠠᠢ᠂ ᠤᠨᠤᠭ᠎ᠠ ᠪᠠᠷ ᠨᠢᠭᠡ ᠰᠠᠶᠢᠨ ᠡᠳᠤᠷ  ᠤᠨ ᠵᠠᠮ ᠪᠠᠶᠢᠵᠡᠢ᠃ ᠡᠯᠵᠢᠭᠡᠨ ᠤᠨᠤᠭ᠎ᠠ ᠪᠠᠷ ᠶᠠᠪᠤᠪᠠᠯ ᠦᠷᠯᠦᠭᠡ ᠶᠢᠨ ᠨᠠᠷᠨ   ᠪᠠᠷ ᠶᠠᠪᠤᠭᠠᠳ ᠤᠳᠤᠨ ᠬᠦᠢᠴᠠᠬᠦ  ᠳᠤ ᠰᠠᠶ᠋ᠢ ᠬᠦᠷᠳᠡᠭ ᠪᠠᠶᠢᠭᠰᠠᠨ᠃ ᠮᠢᠨᠤ ᠠᠪᠤ  ᠨᠠᠮ᠎ᠠ ᠶᠢ ᠠᠩᠬ᠎ᠠ ᠤᠳᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠭᠡᠬᠦ ᠳᠤ   ᠴᠣ · ᠪᠤᠶ᠋ᠬᠠᠤᠠᠳᠤᠷᠬᠤ ᠭᠡᠳᠡᠭ ᠪᠠᠭᠰᠢ ᠭᠠᠷᠳᠠᠨ ᠠᠪᠤᠯ᠎ᠠ᠃ ᠲᠡᠭᠡᠭᠰᠠᠨ ᠴᠢᠨᠢ ᠬᠠᠷᠢᠨ ᠮᠠᠨ ᠤ ᠨᠢᠭᠡ ᠪᠠᠷᠢᠭᠠᠳᠠ ᠠᠴᠠ ᠰᠤᠷᠭᠠᠭᠤᠯᠢ ᠲᠠᠮᠵᠢᠭᠠᠳ ᠪᠠᠭᠰᠢ ᠪᠤᠯᠵᠤ ᠢᠷᠡᠭᠰᠠᠨ ᠲᠠᠨᠢᠳᠠᠭ ᠪᠠᠭᠰᠢ ᠪᠠᠶᠢᠭᠰᠠᠨ ᠳᠤ ᠰᠠᠳᠬᠢᠯ ᠶᠡᠭᠡ ᠠᠭᠤᠵᠢᠷᠠᠵᠤ᠂ ᠠᠪᠤ ᠪᠤᠴᠠᠭᠠᠳ ᠬᠠᠷᠢᠬᠤ ᠳᠤ ᠲᠠᠮᠠᠢ ᠶᠡᠭᠡ ᠵᠤᠪᠠᠵᠤ ᠭᠤᠳᠤᠷᠠᠭᠰᠠᠨ ᠦᠭᠡᠢ ᠪᠢᠯᠠ᠃ ᠲᠠᠷᠠ ᠦᠶ᠎ᠠ ᠳᠤ ᠨᠦᠬᠦᠴᠠᠯ ᠠᠮᠢᠳᠤᠷᠠᠯ ᠲᠤᠶᠢᠯ ᠤᠨ ᠬᠦᠴᠢᠷᠳᠠᠢ ᠪᠠᠶᠢᠭᠰᠠᠨ᠃ ᠪᠤᠢ ᠪᠦᠬᠦᠢ ᠰᠤᠷᠤᠭᠴᠢ ᠨᠠᠷ ᠪᠦᠷ ᠯᠠ ᠰᠤᠷᠭᠠᠭᠤᠯᠢ   ᠳᠤ ᠪᠠᠨ ᠪᠠᠶᠢᠷᠢ ᠳᠤ ᠰᠠᠭᠤᠵᠤ᠂ ᠰᠤᠷᠤᠯᠴᠠᠬᠤ ᠠᠮᠢᠳᠤᠷᠠᠬᠤ᠂ ᠬᠤᠨᠤᠵᠤ ᠭᠡᠪᠳᠠᠬᠦ᠂ ᠤᠬᠢᠶᠠᠵᠤ ᠴᠠᠪᠠᠷᠯᠠᠬᠦ ᠠᠯᠢᠪᠠ ᠪᠦᠬᠦᠨ ᠴᠦᠮ ᠪᠠᠭᠰᠢ ᠨᠠᠷ ᠤᠨ ᠬᠠᠷᠠᠭᠠᠯᠵᠠᠯᠭ᠎ᠠ ᠪᠠᠷ ᠪᠠᠶᠢᠳᠠᠭ  ᠃ ᠠᠰᠠᠷᠠᠭᠴᠢ ᠡᠨᠡ ᠲᠠᠷᠠ ᠭᠡᠰᠡᠨ ᠢᠯᠠᠬᠦᠤ ᠲᠤᠳᠠᠭᠤ ᠬᠦᠮᠤᠨ ᠶᠠᠷᠤ ᠪᠠᠶᠢᠭᠰᠠᠨ ᠦᠭᠡᠢ᠂ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠭᠡᠤᠭᠡᠳ ᠤᠳ ᠡᠪᠤᠯ᠂ ᠵᠤᠨ ᠲᠤᠰᠪᠤᠷᠢ ᠨᠢᠭᠡ ᠯᠠ ᠦᠪᠴᠢ ᠬᠤᠪᠴᠠᠰᠤ ᠲᠠᠢ᠃ ᠠᠩᠬ᠎ᠠ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠳᠠᠭ ᠬᠤᠭᠤᠴᠠᠭ᠎ᠠ ᠴᠣ ᠪᠠᠭᠰᠢ ᠮᠠᠨ ᠤ ᠠᠩᠬᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠬᠤᠪᠴᠠᠰᠤ ᠶᠢ ᠤᠬᠢᠶᠠᠵᠤ ᠴᠠᠪᠠᠷᠯᠠᠬᠦ ᠳᠤ ᠰᠤᠯᠢᠵᠤ ᠡᠮᠤᠰᠬᠦ ᠬᠤᠪᠴᠠᠰᠤ ᠦᠭᠡᠢ ᠪᠤᠯᠬᠤᠷ ᠰᠠᠭᠤᠳᠠᠭ ᠭᠡᠷ   ᠲᠤ ᠪᠠᠨ ᠠᠪᠠᠴᠢᠵᠤ ᠬᠠᠯᠠᠭᠤᠨ  ᠬᠠᠨᠵᠤᠨ ᠲᠡᠭᠡᠷ᠎ᠠ ᠪᠠᠨ ᠨᠢᠴᠦᠬᠦᠨ ᠰᠠᠭᠤᠯᠭᠠᠵᠤ᠂ ᠬᠦᠨᠵᠢᠯᠠ  ᠪᠠᠷ ᠢᠶᠠᠨ ᠬᠤᠴᠢᠵᠤ᠂ ᠬᠤᠪᠴᠠᠰᠤ ᠶᠢ ᠨᠢ ᠤᠬᠢᠶᠠᠵᠤ  ᠬᠠᠲᠠᠭᠠᠭᠠᠳ ᠡᠮᠤᠰᠭᠡᠳᠡᠭ ᠪᠠᠶᠢᠭᠰᠠᠨ ᠪᠢᠯᠠ᠃ ᠪᠠᠰᠠ ᠨᠢᠭᠡ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠵᠤᠶᠢᠯ ᠪᠤᠯ ᠨᠢᠭᠡ ᠭᠠᠷᠠᠭ ᠤᠨ ᠡᠳᠤᠷ ᠪᠠᠭᠰᠢ  ᠨᠠᠮ᠎ᠠ ᠶᠢ ᠭᠡᠷ   ᠲᠤ ᠪᠠᠨ ᠠᠪᠠᠴᠢᠵᠤ ᠴᠠᠪᠠᠷᠯᠡᠭᠡ ᠬᠢᠬᠦ ᠦᠶᠠᠰ ᠮᠢᠨᠤ ᠭᠡᠵᠢᠭᠡ  ᠪᠦᠭᠡᠰᠤ ᠬᠢᠭᠤᠷᠰᠤ ᠳᠤ ᠲᠠᠷᠤᠭᠳᠠᠭᠰᠠᠨ ᠪᠠᠶᠢᠭᠰᠠᠨ ᠳᠤ ᠪᠠᠭᠰᠢ ᠤᠰᠤ ᠬᠠᠯᠠᠭᠤᠯᠵᠤ ᠲᠤᠳᠤᠷ᠎ᠠ ᠨᠢ ᠯᠢᠤ ᠯᠢᠤ ᠹᠧᠨ ︵六六粉︶  ᠭᠡᠳᠡᠭ ᠬᠤᠤᠷᠳᠤ ᠲᠠᠯᠬᠠᠨ ᠡᠮ ᠬᠢᠭᠡᠳ ᠲᠤᠯᠤᠭᠠᠢ ᠶᠢ ᠮᠢᠨᠢ ᠤᠬᠢᠶᠠᠬᠤ ᠳᠤ ᠪᠠᠭ᠋ᠠᠨ ᠰᠦᠷᠠᠭᠡᠢ ᠬᠠᠯᠠᠵᠤ ᠲᠦᠯᠠᠵᠤ ᠡᠪᠡᠳᠬᠦ‍ ᠰᠢᠭ ᠪᠤᠯᠵᠤ ᠪᠠᠶᠢᠭᠰᠠᠨ᠃ ᠮᠠᠷᠭᠠᠰᠢ ᠦᠷᠯᠦᠭᠡ ᠬᠢᠴᠢᠶᠠᠯ   ᠳᠤ ᠪᠠᠨ ᠢᠷᠡᠭᠰᠠᠨ ᠳᠤ ᠪᠠᠭᠰᠢ ᠦᠵᠠᠴᠢᠭᠡᠭᠡᠳ ᠰᠤᠴᠢᠵᠤ᠄《 ᠸᠠ  ︕  ᠦᠴᠦᠭᠡᠳᠤᠷ ᠤᠨ ᠡᠮ ᠢ ᠪᠠᠭ᠋ᠠᠨ ᠶᠡᠭᠡ ᠰᠢᠭ ᠬᠢᠴᠢᠭᠡᠵᠤ  ᠪᠢᠰᠢ ᠦᠦ᠂ ᠠᠷᠠᠰᠤ ᠮᠢᠬ᠎ᠠ ᠶᠢ ᠴᠢᠨᠢ  ᠲᠦᠯᠡᠴᠢᠬᠡᠭᠰᠡᠨ ᠪᠠᠶᠢᠬᠤ ᠰᠢᠭ᠋》ᠭᠡᠳ ᠨᠢᠭᠡ ᠲᠤᠯᠢ ᠦᠭᠬᠦᠭᠡᠳ  ᠨᠠᠮ᠎ᠠ ᠶᠢ ᠦᠪᠠᠷ ᠢᠶᠠᠨ ᠦᠵᠠ ᠭᠡᠪᠠ᠃ ᠲᠡᠭᠡᠭᠰᠠᠨ ᠴᠢᠨᠢ  ᠲᠣᠯᠤᠭᠠᠢ ᠶᠢᠨ  ᠬᠤᠶᠢᠬ᠎ᠠ ᠠᠴᠠ ᠪᠤᠰᠤᠳ ᠠᠷᠠᠰᠤ ᠮᠢᠬ᠎ᠠ᠂ ᠮᠠᠩᠨᠠᠢ ᠶᠢᠨ ᠬᠦᠷᠦᠰᠤ  ᠠᠯᠠᠭ᠎ᠠ ᠪᠤᠯᠴᠢᠬᠠᠭᠰᠠᠨ ᠪᠠᠶᠢᠳᠠᠭ ᠪᠢᠯᠠ᠃ ᠲᠡᠭᠡᠭᠡᠳ ᠪᠠᠭᠰᠢ ᠶᠡᠭᠡ ᠯᠠ ᠰᠠᠠᠳᠤᠷᠴᠤ ᠭᠡᠷ   ᠲᠤ ᠪᠠᠨ ᠲᠠᠭᠠᠭᠤᠯᠵᠤ ᠬᠦᠷᠦᠭᠡᠳ ᠦᠭᠡᠷ ᠤᠨ ᠰᠢᠷ᠎ᠠ ᠲᠤᠰᠤ ᠡᠮ ᠡᠨᠡ ᠲᠠᠷᠠ ᠲᠦᠷᠬᠢᠭᠡᠳ᠂ ᠰᠠᠬᠦᠯᠠᠷ ᠨᠢ ᠭᠡᠳᠤᠨ ᠡᠳᠤᠷ ᠤᠨ ᠲᠠᠷᠠᠭ᠎ᠠ ᠲᠦᠯᠡᠭᠳᠡᠭᠰᠠᠨ ᠬᠦᠷᠦᠰᠤ  ᠨᠢ ᠬᠠᠳᠠᠵᠤ  ᠬᠠᠭᠤᠷᠠᠵᠤ ᠤᠨᠠᠭᠠᠳ ᠵᠦᠭᠡᠷ ᠪᠤᠯᠤᠭᠰᠠᠨ  ᠃ ᠲᠠᠷᠠ ᠦᠶ᠎ᠠ ᠳᠤ ᠴᠢᠯᠦᠭᠡ ᠲᠠᠯᠪᠢᠭᠠᠳ ᠭᠡᠷ   ᠲᠤ ᠪᠠᠨ ᠢᠷᠠᠬᠦ ᠳᠤ ᠠᠪᠤ ᠡᠵᠢ ᠬᠢᠰᠠ ᠶᠢᠨ ᠬᠠᠵᠠᠭᠤ ᠳᠤ ᠵᠤᠭᠰᠤᠭᠠᠭᠠᠳ ᠲᠤᠯᠤᠭᠠᠢ ᠶᠢ ᠱᠦᠬᠦᠷᠳᠠᠬᠦ ᠳᠤ ᠪᠦᠭᠡᠰᠤ ᠲᠦᠯᠡᠭᠳᠠᠭᠡᠳ ᠲᠠᠷᠢᠶ᠎ᠠ ᠬᠠᠭᠤᠷᠴᠤ ᠪᠠᠶᠢᠬᠤ ᠶᠤᠮ ᠰᠢᠭ᠋ ᠫᠠᠷᠴᠢᠬᠢᠨᠠᠳᠠᠭ ᠪᠠᠶᠢᠭᠰᠠᠨ᠃ ᠪᠢ ᠢᠩᠬᠢᠵᠤ ᠠᠪᠤ ᠡᠵᠢ ᠲᠠᠢ  ᠪᠠᠨ ᠠᠳᠠᠯᠢᠬᠠᠨ ᠪᠠᠭᠰᠢ ᠨᠠᠷ ᠤᠨ ᠬᠠᠶᠢᠷ᠎ᠠ ᠬᠠᠷᠠᠭᠠᠯᠵᠠᠯ ᠢ ᠬᠦᠷᠳᠠᠵᠤ᠂ ᠬᠦᠯᠳᠠᠵᠤ  ᠬᠥᠷᠦᠵᠦ᠂  ᠬᠠᠷᠠᠩᠭᠠᠯᠠᠵᠤ ᠭᠡᠮᠳᠦᠭᠰᠠᠨ ᠦᠭᠡᠢ ᠪᠠᠷ ᠪᠠᠭ᠎ᠠ ᠨᠠᠰᠤᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠪᠠ ᠪᠠᠨ ᠦᠩᠭᠡᠷᠡᠭᠡᠭᠰᠠᠨ ᠶᠤᠮ᠃ ᠬᠠᠷᠠᠮᠰᠠᠯᠳᠠᠢ  ᠨᠢ  ᠡᠨᠡ  ᠬᠦ ᠬᠦᠨᠳᠤᠳᠤ ᠪᠤᠤ ᠪᠠᠭᠰᠢ᠂ ᠴᠣ ᠪᠠᠭᠰᠢ   ᠳᠤ ᠪᠠᠨ ᠠᠴᠢᠯᠠᠯ ᠤᠨ ᠬᠠᠷᠢᠭᠤ ᠬᠦᠨᠳᠤᠳᠭᠡᠯ ᠲᠠᠯᠠᠷᠬᠠᠯ  ᠢᠶᠠᠨ ᠲᠡᠪᠰᠢᠬᠦᠯᠵᠤ ᠠᠮᠵᠢᠭᠰᠠᠨ ᠦᠭᠡᠢ  ᠶᠤᠮ᠃    ᠪᠤᠤ ᠭᠡᠰᠢᠭᠳᠦ ᠭᠡᠳᠡᠭ ᠪᠠᠭᠰᠢ 1958 ᠤᠨ ᠤ ᠬᠠᠪᠤᠷ ᠠᠴᠠ ᠡᠬᠢᠯᠠᠵᠤ ᠵᠤᠤ ᠤᠯᠠᠭᠠᠠᠬᠦᠤ ᠭᠡᠳᠡᠭ ᠰᠤᠮᠤᠨ ᠤ ᠱᠦᠵᠢ ᠲᠠᠢ ᠬᠤᠶᠠᠭᠤᠯᠠ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠬᠤ ᠪᠠᠯᠠᠳᠭᠡᠯ ᠠᠵᠢᠯ ᠢᠶᠠᠨ ᠡᠬᠢᠯᠠᠬᠦᠯᠵᠤ᠂ ᠲᠠᠮᠡᠭᠡ ᠤᠨᠤᠭᠠᠳ ᠪᠦᠬᠦ ᠬᠦᠪᠠᠨᠠᠮᠤᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠨᠠᠰᠤᠨ ᠤ ᠭᠡᠤᠭᠡᠳ ᠲᠠᠢ ᠠᠶᠢᠯ ᠡᠷᠦᠭᠡ ᠪᠠᠷ ᠲᠤᠭᠤᠷᠢᠨ ᠶᠠᠪᠤᠵᠤ᠂ ᠭᠡᠤᠭᠡᠳ ᠢᠶᠠᠨ ᠡᠷᠭᠡᠪᠰᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠯᠭ᠎ᠠ ᠭᠡᠳ ᠨᠠᠷ᠎ᠠ ᠶᠢ ᠨᠢ ᠲᠡᠮᠳᠡᠭᠯᠠᠵᠤ ᠠᠪᠤᠭᠠᠳ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠭᠡᠵᠤ ᠠᠪᠤ ᠡᠵᠢ ᠭᠡᠯᠡᠵᠤ ᠪᠠᠶᠢᠭᠰᠠᠨ᠃ ᠮᠢᠨᠤ ᠠᠬ᠎ᠠ ᠮᠥᠨ ᠲᠠᠷᠠ ᠤᠳᠠᠭ᠎ᠠ   ᠳᠤ ᠨᠠᠷ᠎ᠠ ᠪᠠᠨ ᠮᠠᠳᠡᠬᠦᠯᠵᠤ ᠨᠠᠮᠤᠷ ᠨᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠭᠰᠠᠨ᠃   1962 ᠤᠨ ᠤ ᠨᠠᠮᠤᠷ ᠲᠤᠰ ᠰᠤᠷᠭᠠᠭᠤᠯᠢ ᠲᠤᠩᠭᠠᠯᠠᠭ ᠨᠠᠭᠤᠷ ᠲᠤ ᠨᠠᠬᠦᠨ ᠢᠷᠠᠵᠤ ᠠᠩᠬ᠎ᠠ ᠵᠠᠷᠭᠡ ᠶᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠪᠦᠷᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠪᠤᠯᠵᠤ ᠲᠠᠪᠤ᠂ ᠵᠢᠷᠭᠤᠳᠤᠭᠠᠷ ᠤᠨ ᠡᠷᠬᠢᠯᠠᠪᠠ᠃ ᠢᠩᠬᠢᠭᠡᠳ ᠪᠠᠷᠠᠭᠤᠨ ᠪᠠᠯ ᠰᠤᠮᠤᠨ ᠤ ᠰᠢᠷ᠎ᠠ ᠬᠦᠳᠡᠭᠡ ᠪᠠᠷᠢᠭᠠᠳᠠ᠂ ᠰᠠᠩ ᠤᠨ ᠲᠠᠯᠠᠢ ᠰᠤᠮᠤᠨ ᠤ ᠬᠠᠭ ᠤᠨ ᠭᠤᠤᠯ ᠪᠠᠷᠢᠭᠠᠳᠠ᠂ ᠪᠦᠬᠦ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤᠨ ᠤ ᠰᠤᠷᠬᠤ ᠨᠠᠰᠤᠨ ᠤ ᠭᠡᠤᠭᠡᠳ ᠤᠨ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠠᠰᠠᠭᠤᠳᠠᠯ ᠢ ᠦᠨᠳᠤᠰᠤᠨ ᠠᠴᠠ ᠨᠢ ᠰᠢᠢᠳᠪᠤᠷᠢᠯᠡᠭᠰᠠᠨ ᠪᠠᠶᠢᠨ᠎ᠠ᠃ ᠲᠤᠰ ᠵᠢᠯ ᠤᠨ ᠨᠠᠮᠤᠷ ᠤᠨ ᠬᠤᠭᠤᠴᠠᠭ᠎ᠠ ᠡᠬᠢᠯᠠᠭᠡᠳ ᠲᠠᠮᠠᠢ ᠤᠳᠠᠭᠰᠠᠨ ᠦᠭᠡᠢ ᠬᠦᠪᠠᠨᠠᠮᠤᠭ ᠠᠴᠠ ᠵᠢᠷᠠ ᠲᠠᠯᠠᠨ ᠭᠠᠵᠠᠷ ᠲᠤ ᠪᠠᠶᠢᠭ᠎ᠠ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤᠨ ᠳᠤ ᠨᠠᠬᠦᠭᠰᠠᠨ ᠶᠤᠮ᠃ ᠭᠡᠳᠤᠶᠢᠪᠠᠷ ᠨᠠᠮᠤᠷ ᠪᠤᠯᠤᠭᠰᠠᠨ ᠴᠦ ᠠᠭᠤᠷ ᠠᠮᠢᠰᠬᠤᠯ ᠶᠡᠭᠡ ᠯᠠ ᠲᠤᠯᠠᠭᠠᠨ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠨ᠎ᠠ᠃ ᠦᠳᠠ ᠶᠢᠨ ᠬᠤᠶᠢᠨ᠎ᠠ ᠤᠷᠤᠢ ᠶᠢᠨ ᠪᠤᠳᠠᠭ᠎ᠠ ᠪᠠᠨ ᠡᠷᠳᠠ ᠰᠢᠭ  ᠢᠳᠡᠴᠢᠬᠡᠭᠡᠳ ᠲᠤᠮᠤ ᠬᠦᠷᠳᠤ ᠲᠠᠢ ᠦᠭᠡᠷ ᠲᠠᠷᠭᠡᠨ ᠲᠡᠭᠡᠷ᠎ᠠ ᠬᠤᠴᠢᠯᠭ᠎ᠠ ᠲᠠᠪᠢᠰᠭᠡᠷ ᠭᠡᠷᠡᠭᠰᠠᠯ ᠡᠨᠡ ᠲᠠᠷᠠ ᠪᠠᠨ ᠠᠴᠢᠭᠠᠳ ᠶᠠᠪᠠᠭᠠᠨ ᠢᠶᠠᠷ ᠶᠠᠪᠤᠭᠰᠠᠨ᠃ ᠶᠠᠪᠤᠬᠤ   ᠳᠤ ᠪᠠᠨ ᠰᠤᠷᠭᠠᠭᠤᠯᠢ ᠲᠠᠵᠢᠭᠡᠵᠤ ᠪᠠᠶᠢᠭᠰᠠᠨ ᠬᠤᠶᠠᠷ ᠭᠠᠭ᠋ᠠᠢ ᠪᠠᠨ ᠲᠠᠭᠤᠭᠠᠳ ᠶᠠᠪᠤᠯ᠎ᠠ᠃ ᠭᠡᠰᠡᠭ ᠶᠠᠪᠤᠵᠤ ᠪᠠᠶᠢᠳᠠᠯ᠎ᠠ ᠲᠡᠭᠷᠢ ᠬᠠᠷᠠᠩᠭᠤᠢ ᠪᠤᠯᠵᠤ ᠰᠠᠷᠠ ᠭᠠᠷᠤᠯ᠎ᠠ ᠃ ᠦᠷᠬᠦᠯᠵᠢᠯᠠᠨ ᠶᠠᠪᠤᠵᠤ ᠪᠠᠶᠢᠳᠠᠯ᠎ᠠ ᠪᠠᠭᠰᠢ ᠠᠴᠠ ᠤᠳᠤ  ᠣᠶᠢᠷᠠᠳᠴᠤ ᠪᠠᠶᠢᠨ᠎ᠠ ᠭᠡᠰᠡᠨ ᠳᠤ ᠪᠢᠳᠠ ᠪᠠᠶᠠᠷᠯᠠᠯᠳᠤᠵᠤ ᠰᠤᠯᠠᠷᠠᠭᠰᠠᠨ ᠬᠦᠯ ᠳᠤ ᠬᠦᠴᠤ ᠤᠷᠤᠭᠠᠳ ᠶᠠᠪᠤᠭᠠᠳ ᠪᠠᠶᠢᠭᠰᠠᠨ ᠴᠢᠨᠢ ᠮᠥᠨ ᠬᠦᠷᠳᠡᠭ ᠦᠭᠡᠢ᠃ ᠪᠠᠭᠰᠢ ᠠᠴᠠ᠄《 ᠡᠨᠡ ᠰᠠᠶᠢᠬᠠᠨ ᠤᠯᠠᠭᠠᠨ  ᠡᠯᠡᠰᠦᠨ ᠲᠠᠭᠡᠷ᠎ᠠ ᠪᠢᠴᠢᠬᠠᠨ ᠠᠮᠤᠰᠬᠢᠭᠠᠳ ᠶᠠᠪᠤᠶ᠎ᠠ》 ᠭᠡᠵᠤ ᠵᠠᠷᠯᠠᠭᠰᠠᠨ ᠳᠤ  ᠰᠠᠭᠤᠵᠠᠭᠠᠵᠤ ᠠᠮᠠᠷᠠᠯᠳᠠ ᠬᠢᠪᠠ᠃ ᠲᠠᠭᠡᠭᠡᠳ ᠪᠤᠰᠤᠳ ᠨᠦᠬᠦᠳ ᠶᠠᠭᠠᠬᠢᠭᠰᠠᠨ ᠢ ᠮᠠᠳᠡᠬᠦ ᠦᠭᠡᠢ᠂ ᠪᠢ ᠨᠢᠭᠡ  ᠳᠤᠭᠬᠢᠭᠠᠳ ᠠᠪᠴᠠᠢ᠃ ᠪᠠᠭᠰᠢ ᠠᠴᠠ᠄《 ᠤᠳᠤ ᠶᠠᠪᠤᠵᠠᠭᠠᠶ᠎ᠠ︕》 ᠭᠡᠬᠦ ᠳᠤ ᠪᠤᠰᠤᠭᠠᠳ ᠶᠠᠪᠤᠬᠤᠯᠠᠷ ᠬᠤᠶᠠᠷ ᠭᠠᠭ᠋ᠠᠢ ᠰᠠᠷᠠᠯᠵᠢᠨ ᠲᠤᠤᠷ᠎ᠠ ᠰᠢᠷᠭᠤᠭᠠᠳ ᠭᠡᠪᠳᠡᠭᠰᠠᠨ ᠭᠢᠷᠢ   ᠳᠤ ᠪᠠᠨ ᠪᠤᠰᠳᠠᠭ ᠦᠭᠡᠢ᠃ ᠲᠡᠭᠡᠭᠡᠳ ᠲᠤᠤᠷ᠎ᠠ ᠨᠢ ᠤᠷᠬᠢᠭᠠᠳ ᠶᠠᠪᠤᠭᠰᠠᠨ ᠳᠤ ᠴᠤᠬᠤᠮ ᠲᠠᠮᠠᠢ ᠶᠠᠪᠤᠭᠰᠠᠨ ᠦᠭᠡᠢ ᠬᠦᠷᠳᠡᠭ ᠭᠠᠵᠠᠷ   ᠲᠤ ᠪᠠᠨ ᠢᠷᠠᠵᠤ ᠵᠠᠷᠢᠮ ᠨᠢ ᠪᠠᠶᠢᠰᠢᠩ ᠳᠤ  ᠂ ᠵᠠᠷᠢᠮ ᠨᠢ ᠴᠠᠴᠠᠷ ᠮᠠᠶᠢᠬᠠᠨ ᠳᠤ  ᠤᠨᠲᠠᠵᠠᠭᠠᠪᠠ᠃ ᠵᠦᠳᠠᠷᠠᠵᠤ ᠶᠠᠳᠠᠷᠠᠭᠰᠠᠨ ᠭᠡᠤᠭᠡᠳ ᠤᠳ ᠤᠨ  ᠶᠠᠭᠠᠬᠢᠵᠤ  ᠤᠨᠲᠠᠭᠰᠠᠨ ᠢ ᠮᠠᠳᠠᠬᠦ ᠦᠭᠡᠢ᠃ ᠨᠢᠭᠡ ᠮᠠᠳᠠᠬᠦ ᠳᠤ ᠪᠠᠭᠰᠢ ᠠᠴᠠ᠄《 ᠪᠤᠰ︕》 ᠭᠡᠬᠦ ᠳᠤ ᠪᠠᠭ᠎ᠠ ᠦᠳᠠ ᠪᠤᠯᠵᠤ ᠪᠠᠶᠢᠭᠰᠠᠨ᠃ ᠲᠡᠭᠡᠭᠡᠳ ᠴᠠᠢ ᠬᠤᠭᠤᠯᠠ ᠢᠳᠠᠬᠦᠯᠵᠤ ᠤᠤᠭᠤᠯᠭᠠᠭᠠᠳ ᠨᠠᠳᠠ  ᠲᠠᠢ ᠪᠠᠰᠠ ᠬᠤᠶᠠᠷ ᠰᠤᠷᠤᠭᠴᠢ ᠳᠤ ᠪᠢᠴᠢᠬᠠᠨ ᠪᠤᠷᠪᠢ ᠳᠤ ᠤᠰᠤ ᠬᠢᠭᠡᠳ ᠡᠬᠦᠷᠴᠤ ᠶᠠᠪᠤᠵᠤ ᠬᠤᠶᠠᠷ ᠭᠠᠭ᠋ᠠᠢ ᠪᠠᠨ ᠲᠠᠭᠤᠵᠤ ᠢᠷ᠎ᠠ ᠭᠡᠪᠠ᠃ ᠪᠢᠳᠠ ᠭᠡᠳᠤᠬᠦᠯᠠ ᠮᠦᠷ ᠢᠶᠠᠷ  ᠢᠶᠠᠨ ᠪᠤᠴᠠᠭᠠᠳ ᠬᠦᠷᠦᠭᠰᠠᠨ ᠳᠤ ᠨᠢᠭᠡ ᠭᠠᠭ᠋ᠠᠢ ᠨᠢ ᠦᠬᠦᠴᠢᠭᠡᠭᠰᠠᠨ ᠪᠠᠶᠢᠪᠠ᠃ ᠠᠮᠢᠳᠤ ᠪᠠᠶᠢᠭᠰᠠᠨ ᠨᠢᠭᠡ   ᠳᠤ ᠨᠢ ᠤᠰᠤ ᠦᠭᠬᠦᠭᠰᠠᠨ ᠳᠤ ᠨᠠᠯᠢᠶᠠᠳ ᠤᠤᠭᠤᠵᠤ ᠠᠪᠤᠭᠠᠳ ᠪᠤᠰᠤᠭᠠᠳ ᠢᠷᠠᠪᠠ᠃ ᠲᠡᠭᠡᠭᠡᠳ ᠲᠠᠭᠤᠭᠠᠳ ᠬᠠᠷᠢᠭᠠᠳ ᠢᠷᠠᠪᠠ᠃   ᠰᠢᠨ᠎ᠠ ᠪᠠᠶᠢᠭᠤᠯᠤᠭᠰᠠᠨ ᠰᠤᠷᠭᠠᠭᠤᠯᠢ ᠳᠤ ᠨᠠᠬᠦᠵᠤ ᠢᠷᠡᠭᠰᠠᠨ ᠪᠤᠯᠬᠤᠷ ᠤᠭ ᠤᠨ ᠰᠤᠷᠭᠠᠭᠤᠯᠢ ᠶᠢ ᠦᠵᠠᠪᠠᠯ ᠨᠦᠬᠦᠴᠠᠯ ᠨᠢ ᠶᠡᠭᠡ ᠰᠠᠶᠢᠨ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ᠂ ᠮᠥᠨ ᠯᠠ ᠲᠦᠯᠡᠭᠡ ᠲᠠᠬᠦᠵᠤ ᠬᠤᠭᠤᠯᠠ ᠪᠤᠳᠠᠭ᠎ᠠ ᠬᠢᠬᠦ᠂ ᠰᠠᠭᠤᠬᠤ ᠭᠡᠷ ᠤᠨ  ᠳᠤᠯᠠᠭᠠᠯᠠᠭ᠎ᠠ ᠪᠠᠨ ᠬᠢᠵᠤ ᠪᠠᠶᠢᠭᠠᠳ1963 ᠤᠨ ᠤ ᠡᠪᠤᠯ ᠤᠨ ᠬᠤᠭᠤᠴᠠᠭ᠎ᠠ ᠠᠴᠠ ᠨᠠᠬᠦᠷᠠᠰᠤ ᠭᠡᠷᠡᠭᠯᠠᠬᠦ ᠪᠤᠯᠤᠭᠰᠠᠨ᠃ᠴᠣ ᠪᠠᠭᠰᠢ ᠭᠡᠳᠤᠶᠢᠪᠠᠷ ᠡᠮᠡᠭᠳᠡᠢ ᠬᠦᠮᠤᠨ ᠪᠠᠶᠢᠭᠰᠠᠨ ᠴᠦ ᠡᠷᠡᠭᠳᠡᠢ ᠬᠦᠮᠤᠨ ᠲᠠᠢ ᠠᠳᠠᠯᠢᠬᠠᠨ ᠠᠵᠢᠯ ᠪᠦᠬᠦᠳᠠ ᠶᠢ ᠬᠢᠳᠡᠭ ᠰᠦᠷᠠᠭᠡᠢ ᠠᠵᠢᠯᠰᠠᠭ ᠬᠦᠮᠤᠨ ᠪᠠᠶᠢᠭᠰᠠᠨ᠃ ᠨᠠᠳᠠ ᠳᠤ ᠮᠠᠯ ᠭᠠᠷᠭᠠᠬᠤ᠂ ᠠᠷᠠᠰᠤ ᠦᠪᠴᠢᠬᠦ᠂ ᠭᠡᠳᠡᠰᠦ ᠲᠤᠳᠤᠷ ᠴᠠᠪᠠᠷᠯᠠᠬᠦ᠂ ᠮᠦᠴᠢᠯᠠᠵᠤ ᠰᠠᠯᠭᠠᠬᠤ ᠵᠠᠷᠭᠡ ᠪᠦᠬᠦᠳᠠ ᠠᠵᠢᠯ  ᠢ ᠵᠢᠭᠠᠵᠤ ᠦᠭᠬᠦᠭᠰᠠᠨ ᠪᠢᠯᠠ᠃ ᠲᠠᠷᠠ ᠦᠶ᠎ᠠ ᠳᠤ ᠠᠮᠳᠠᠨ ︵ ᠮᠢᠬ᠎ᠠ︶ ᠤ  ᠮᠠᠯ ᠤᠨ ᠲᠤᠯᠤᠭᠠᠢ ᠰᠢᠬᠢᠷ᠎ᠠ ᠶᠢ ᠮᠥᠨ ᠰᠤᠷᠤᠭᠴᠢ ᠪᠠᠷ ᠬᠤᠶᠢᠬᠠᠯᠠᠭᠤᠯᠳᠠᠭ ᠪᠠᠶᠢᠪᠠ᠃ ᠭᠠᠷᠠᠭ ᠤᠨ ᠡᠳᠤᠷ ᠪᠢᠳᠠᠨ ᠳᠤ ᠲᠤᠯᠤᠭᠠᠢ ᠰᠢᠬᠢᠷ᠎ᠠ  ᠬᠤᠶᠢᠬᠠᠯᠠᠳᠠᠭ ᠠᠵᠢᠯ ᠲᠤᠬᠢᠷᠠᠭᠤᠯᠵᠤ᠂ ᠬᠦᠳᠡᠭᠡ ᠤᠴᠢᠵᠤ ᠲᠦᠯᠡᠭᠡ ᠲᠠᠬᠦᠵᠤ  ᠬᠤᠶᠢᠬᠠᠯᠠᠳᠠᠭ ᠪᠠᠶᠢᠪᠠ᠃ ᠨᠢᠭᠡ ᠤᠳᠠᠭ᠎ᠠ  ᠬᠤᠶᠢᠬᠠᠯᠠᠵᠤ ᠪᠠᠷᠠᠭᠠᠳ ᠤᠷᠤᠢ ᠬᠠᠷᠢᠵᠤ ᠢᠷᠠᠬᠦ ᠳᠤ ᠨᠢᠭᠡ ᠰᠤᠷᠤᠭᠴᠢ ᠶᠢᠨ  ᠠᠮᠠᠨ ᠵᠠᠪᠠᠵᠢ ᠨᠢ ᠬᠠᠪ ᠬᠠᠷ᠎ᠠ ᠪᠤᠯᠴᠢᠬᠠᠭᠰᠠᠨ ᠰᠤᠨᠢᠨ ᠴᠢᠷᠠᠢ ᠲᠠᠢ ᠢᠷᠠᠪᠠ᠃ ᠶᠠᠭᠠᠬᠢᠭᠰᠠᠨ ᠪᠤᠢ︖ ᠭᠡᠰᠡᠨ ᠳᠤ ᠰᠢᠬᠢᠷ᠎ᠠ ᠲᠦᠯᠡᠭᠳᠡᠭᠡᠳ ᠰᠢᠷᠪᠤᠰᠤ ᠨᠢ ᠭᠠᠷᠤᠭᠠᠳ ᠢᠷᠠᠬᠦᠯᠠᠷ   ᠲᠠᠰᠤᠯᠤᠭᠠᠳ ᠢᠳᠡᠭᠰᠠᠨ ᠶᠤᠮ ᠭᠡᠨ᠎ᠠ᠃ ᠲᠠᠭᠡᠵᠤ ᠱᠤᠭ ᠪᠤᠯᠵᠤ ᠢᠨᠢᠶᠠᠳᠤᠮ ᠪᠤᠯᠵᠤ ᠪᠠᠶᠢᠭᠰᠠᠨ᠃ ᠲᠠᠷᠠ ᠦᠶ᠎ᠠ ᠳᠤ ᠪᠢ ᠪᠢᠴᠢᠭ ᠰᠠᠶᠢᠨ ᠰᠤᠷᠤᠳᠠᠭ ᠭᠡᠤᠭᠡᠳ ᠪᠠᠶᠢᠭᠰᠠᠨ᠃ ᠶᠡᠭᠡ ᠪᠠᠭ᠎ᠠ ᠰᠢᠯᠭᠠᠯᠳᠠ  ᠂ ᠲᠠᠰᠬᠠᠯ ᠪᠦᠷᠢ ᠳᠤ 100 ᠬᠤᠪᠢ ᠠᠪᠳᠠᠭ ᠪᠠᠶᠢᠭᠰᠠᠨ᠃ ᠭᠡᠷᠪᠠ 98᠂  99 ᠬᠤᠪᠢ ᠠᠪᠤᠪᠠᠯ ᠶᠡᠭᠡ ᠵᠤᠪᠠᠵᠤ᠂ ᠲᠠᠬᠢᠵᠤ ᠤᠯᠠᠮ ᠬᠢᠴᠢᠶᠠᠵᠤ ᠨᠠᠷᠢᠯᠢᠭ ᠬᠢᠳᠡᠭ ᠪᠠᠶᠢᠭᠰᠠᠨ᠂ ᠮᠢᠨᠤ ᠲᠠᠰᠬᠠᠯ ᠤᠨ ᠲᠡᠪᠳᠠᠷ ᠢ ᠭᠠᠷᠠᠭ ᠪᠦᠷᠢ ᠪᠤᠰᠤᠳ ᠠᠩᠬᠢ ᠳᠤ ᠠᠪᠠᠴᠢᠵᠤ ᠦᠵᠡᠬᠦᠯᠳᠡᠭ  ᠃    ᠪᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠠᠴᠠ ᠡᠮᠤᠨ᠎ᠠ ᠠᠪᠤ  ᠨᠠᠳᠠ ᠳᠤ ᠴᠠᠭᠠᠨ ᠲᠤᠯᠤᠭᠠᠢ᠂ ᠵᠠᠭᠤ ᠬᠦᠷᠬᠦ ᠲᠤᠭ᠎ᠠ ᠵᠢᠭᠠᠵᠤ ᠦᠭᠪᠠ᠃ ᠮᠢᠨᠤ ᠠᠪᠤ ᠪᠠᠭ᠎ᠠ ᠨᠠᠰᠤᠨ ᠳᠤ ᠪᠠᠨ ᠭᠡᠷ   ᠲᠤ ᠪᠠᠨ ᠠᠪᠤ ᠠᠴᠠ ᠪᠠᠨ  ᠪᠢᠴᠢᠭ ᠰᠤᠷᠤᠭᠠᠳ᠂ ᠤᠷᠢᠳ ᠬᠤᠵᠢᠳ ᠠᠶᠢᠮᠠᠭ᠂ ᠬᠤᠰᠢᠭᠤᠨ ᠤ ᠡᠳ᠋ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠰᠠᠯᠠᠭ᠎ᠠ ᠶᠢᠨ ᠲᠠᠷᠤᠭ᠎ᠠ ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠭᠰᠠᠨ ᠬᠠᠭᠤᠴᠢᠨ ᠪᠢᠴᠢᠭᠳᠡᠨ ᠬᠦᠮᠤᠨ ᠪᠤᠯᠬᠤᠷ  ᠨᠠᠳᠠ ᠳᠤ ᠠᠩᠬ᠎ᠠ ᠴᠠᠭᠠᠨ ᠲᠤᠯᠤᠭᠠᠢ   ᠶᠢ ᠵᠢᠭᠠᠵᠤ ᠦᠭᠴᠤ ᠪᠠᠶᠢᠭᠰᠠᠨ ᠠᠴᠠ ᠰᠠᠬᠦᠯᠠᠷ ᠨᠢ ᠡᠭᠡᠴᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠭᠠᠳ ᠴᠢᠯᠦᠭᠡᠨ ᠤ ᠬᠤᠭᠤᠴᠠᠭᠠᠨ   ᠳᠤ ᠪᠠᠨ  ᠨᠠᠳᠠ ᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡᠳᠤᠭᠡᠷ ᠤᠨ ᠤ ᠨᠤᠮ ᠤᠨ ᠶᠤᠰᠤᠭᠠᠷ ᠵᠢᠭᠠᠵᠤ ᠦᠭᠬᠦᠭᠡᠳ ᠪᠢ ᠨᠢᠭᠡᠳᠤᠭᠡᠷ ᠲᠡᠪᠳᠠᠷ ᠢ ᠪᠦᠷ ᠤᠩᠰᠢᠵᠤ ᠪᠢᠴᠢᠭᠡᠳ ᠰᠤᠷᠴᠢᠬᠠᠭᠰᠠᠨ ᠪᠤᠯᠬᠤᠷ ᠨᠢᠭᠡᠳᠤᠭᠡᠷ ᠤᠨ ᠳᠤ ᠰᠠᠭᠤᠬᠤ ᠳᠤ ᠨᠠᠯᠢᠶᠠᠳ ᠰᠠᠭᠤᠷᠢ ᠲᠠᠢ   ᠪᠠᠶᠢᠵᠠᠢ᠃ ᠪᠠᠭᠰᠢ ᠵᠢᠭᠠᠬᠤ ᠠᠴᠠ ᠤᠷᠢᠳ ᠪᠢ ᠤᠩᠰᠢᠭᠠᠳ ᠪᠢᠴᠢᠭᠡᠳ ᠴᠢᠳᠠᠵᠤ ᠪᠠᠶᠢᠬᠤᠯᠠᠷ ᠪᠠᠭᠰᠢ  ᠨᠠᠮ᠎ᠠ ᠶᠢ ᠶᠡᠭᠡ ᠲᠤᠭᠤᠵᠤ᠂ ᠰᠠᠬᠦᠯᠳᠠᠵᠤ ᠢᠷᠠᠭᠡᠳ ᠪᠠᠭᠰᠢ ᠡᠬᠢᠯᠠᠭᠡᠳ ᠨᠢᠭᠡ ᠤᠳᠠᠭ᠎ᠠ ᠲᠠᠭᠠᠭᠤᠯᠵᠤ ᠤᠩᠰᠢᠵᠤ ᠪᠠᠷᠠᠭᠠᠳ  ᠨᠠᠳᠠ ᠳᠤ ᠲᠤᠰᠢᠶᠠᠭᠠᠳ ᠪᠢ ᠲᠠᠭᠠᠭᠤᠯᠤᠭᠠᠳ ᠤᠩᠰᠢᠵᠤ ᠵᠢᠭᠠᠵᠤ ᠦᠭᠳᠡᠭ ᠪᠤᠯᠤᠭᠰᠠᠨ ᠪᠢᠯᠠ᠃ ᠲᠡᠭᠡᠭᠡᠳ ᠪᠢ ᠨᠢᠭᠡᠳᠤᠭᠡᠷ ᠤᠨ ᠠᠴᠠ ᠠᠩᠬᠢ ᠦᠰᠦᠷᠤᠭᠡᠳ ᠭᠤᠷᠪᠠᠳᠤᠭᠠᠷ ᠤᠨ᠂ ᠭᠤᠷᠪᠠᠳᠤᠭᠠᠷ ᠤᠨ ᠠᠴᠠ ᠦᠰᠦᠷᠦᠭᠡᠳ ᠲᠠᠪᠤᠳᠤᠭᠠᠷ ᠤᠨ ᠭᠡᠳ ᠨᠠᠶᠢᠳᠠ ᠲᠦᠷᠪᠠᠨ ᠵᠢᠯ ᠰᠠᠭᠤᠭᠠᠳ ᠵᠢᠷᠭᠤᠳᠤᠭᠠᠷ ᠤᠨ ᠢᠶᠠᠨ ᠲᠠᠬᠦᠰᠭᠡᠭᠰᠠᠨ ᠶᠤᠮ᠃ ᠪᠢ ᠨᠢᠭᠡᠳᠤᠭᠡᠷ ᠤᠨ   ᠳᠤ ᠪᠠᠨ  ᠫᠢᠦᠨᠧᠷ ᠤᠨ ᠭᠡᠰᠢᠬᠦᠨ ᠪᠤᠯᠤᠭᠠᠳ ᠬᠤᠵᠢᠮ ᠨᠢ ᠪᠠᠭ᠎ᠠ᠂ ᠲᠤᠮᠳᠠ᠂ ᠶᠡᠭᠡ ᠠᠩᠬᠢ ᠶᠢᠨ ᠲᠠᠷᠤᠭ᠎ᠠ ᠶᠢ ᠪᠦᠷ ᠪᠤᠯᠵᠤ ᠦᠩᠭᠡᠷᠡᠭᠰᠠᠨ ᠪᠦᠭᠡᠳ ᠭᠤᠷᠪᠠᠨ  ᠰᠠᠶᠢᠨᠲᠠᠢ ᠰᠤᠷᠤᠭᠴᠢ ᠰᠢᠯᠢᠳᠡᠭ  ᠫᠢᠦᠨᠧᠷ ᠤᠨ ᠭᠡᠰᠢᠬᠦᠨ ᠮᠠᠳᠤ ᠶᠢᠨ ᠱᠠᠩᠨᠠᠯ ᠬᠦᠬᠢᠬᠦᠯᠤᠯ ᠢ ᠬᠤᠭᠤᠴᠠᠭ᠎ᠠ ᠪᠦᠷᠢ ᠠᠪᠴᠤ᠂ ᠠᠪᠤ ᠡᠵᠢ   ᠳᠤ ᠪᠠᠨ ᠦᠵᠠᠬᠦᠯᠵᠤ ᠪᠠᠶᠠᠷᠯᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠢᠯᠠ᠃   1964 — 1965  ᠤᠨ ᠤ ᠰᠤᠷᠤᠯᠭ᠎ᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠪᠦᠬᠦ ᠦᠪᠤᠷ ᠮᠤᠩᠭᠤᠯ ᠤᠷᠤᠨ ᠳᠤ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠰᠢᠯᠢᠳᠡᠭ ᠰᠤᠷᠤᠯᠭᠠᠳᠠᠨ ᠢ ᠬᠦᠬᠢᠬᠦᠯᠤᠨ ᠱᠠᠩᠨᠠᠬᠤ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ᠂ ᠰᠢᠯᠢᠳᠡᠭ ᠦᠷ᠎ᠠ ᠪᠦᠳᠦᠮᠵᠢ ᠪᠠᠷ ᠠᠯᠳᠠᠨ ᠮᠧᠳᠠᠯ ᠬᠦᠷᠳᠠᠵᠤ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠵᠤ  ᠦᠩᠭᠡᠷᠡᠭᠰᠠᠨ ᠪᠢᠯᠠ᠃ ᠪᠦᠬᠦ ᠤᠷᠤᠨ ᠳᠤ 13 ᠰᠤᠷᠭᠠᠭᠤᠯᠢ ᠳᠤ ᠬᠤᠪᠢᠶᠠᠵᠤ ᠦᠭᠬᠦᠭᠰᠠᠨ ᠱᠠᠩᠨᠠᠯ ᠭᠡᠵᠤ ᠲᠤᠬᠠᠢ ᠶᠢᠨ ᠴᠠᠭ ᠲᠤ ᠲᠦᠪᠵᠢᠷᠭᠠᠯ ᠭᠡᠳᠡᠭ ᠪᠠᠭᠰᠢ ᠭᠡᠯᠠᠵᠤ ᠪᠠᠶᠢᠭᠰᠠᠨ᠃1966 ᠤᠨ ᠪᠤᠯᠬᠤ ᠳᠤ ᠪᠢ ᠪᠦᠬᠦᠯᠢ 13   ᠨᠠᠰᠤᠲᠠᠢ  ᠪᠣᠯᠵᠤ᠂ ᠵᠢᠷᠭᠤᠳᠤᠭᠠᠷ ᠤᠨ ᠢᠶᠠᠨ ᠲᠠᠬᠦᠰᠭᠡᠵᠤ᠂ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠲᠠᠬᠦᠰᠦᠭᠰᠠᠨ ᠦᠨᠠᠮᠯᠠᠯ ᠢᠶᠠᠨ ᠠᠪᠤᠭᠠᠳ  ᠨᠤᠳᠤᠭ   ᠲᠤ ᠪᠠᠨ ᠬᠠᠷᠢᠵᠤ ᠬᠠᠮᠳᠤ ᠶᠢᠨ ᠠᠵᠢᠯ ᠬᠦᠳᠡᠯᠮᠤᠷᠢ ᠳᠤ ᠤᠷᠤᠯᠴᠠᠪᠠ᠃    ᠵᠢᠯ ᠪᠦᠷᠢ ᠶᠢᠨ  10  ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ ᠰᠠᠬᠦᠯᠴᠢ 11 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠶᠢᠨ  ᠡᠬᠢ ᠪᠠᠷ  ᠪᠢ ᠠᠶᠠᠨ ᠳᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ᠃ ᠲᠤᠭᠳᠠᠭᠰᠠᠨ ᠡᠳᠤᠷ   ᠲᠤ ᠪᠠᠨ ᠲᠠᠮᠠᠭᠡᠨ ᠰᠦᠷᠦᠭ ᠤᠨ ᠤᠯᠤᠰ ᠤᠳ ᠲᠠᠮᠡᠭᠡ ᠪᠠᠨ ᠴᠤᠭᠯᠠᠭᠤᠯᠵᠤ᠂  ᠭᠤᠨ᠎ᠠ ᠪᠠᠨ ᠬᠠᠳᠬᠤᠵᠤ ᠡᠮᠨᠢᠭ ᠢᠶᠠᠨ ᠲᠠᠰᠬᠠᠭᠠᠳ ᠬᠦᠳᠤᠯᠵᠤ ᠪᠠᠷᠢᠭᠠᠳᠠ ᠲᠡᠭᠡᠷ᠎ᠠ ᠠᠪᠴᠢᠷᠠᠳᠠᠭ ᠪᠠᠶᠢᠵᠡᠢ᠃ ᠠᠬ᠎ᠠ ᠪᠢᠳᠠ ᠬᠤᠶᠠᠷ ᠠᠪᠤ ᠡᠵᠢ ᠶᠢᠨ ᠪᠠᠯᠠᠳᠭᠡᠵᠤ ᠦᠭᠬᠦᠭᠰᠠᠨ ᠵᠤᠶᠢᠯ ᠤᠳ ᠢᠶᠠᠨ ᠠᠪᠤᠭᠠᠳ ᠪᠠᠷᠢᠭᠠᠳᠠ ᠲᠡᠭᠡᠷ᠎ᠠ ᠢᠷᠡᠭᠰᠠᠨ ᠳᠤ ᠪᠢ ᠨᠠᠰᠤᠨ   ᠳᠤ ᠪᠠᠨ  ᠦᠵᠡᠭᠡ ᠦᠭᠡᠢ ᠤᠯᠠᠨ ᠲᠠᠮᠡᠭᠡ ᠶᠢ ᠪᠠᠷᠢᠭᠠᠳᠠ ᠶᠢᠨ ᠪᠠᠶᠢᠰᠢᠩ ᠢ ᠲᠤᠭᠤᠷᠢᠭᠤᠯᠤᠭᠠᠳ ᠤᠶᠠᠭᠠᠳᠠᠢ ᠪᠠᠶᠢᠬᠤ ᠶᠢ ᠤᠯᠵᠤ ᠦᠵᠠᠯ᠎ᠠ᠃    ᠲᠠᠷᠠ ᠦᠶ᠎ᠠ ᠳᠤ ᠮᠠᠨ ᠤ ᠪᠠᠷᠢᠭᠠᠳᠠ ᠶᠢᠨ ᠲᠠᠷᠤᠭ᠎ᠠ ᠬᠤ᠋ ᠦᠯᠵᠠᠶᠢᠳᠤᠭᠳᠠᠬᠤ ᠠᠩᠭ᠎ᠠ ᠭᠡᠳᠡᠭ ᠬᠦᠮᠤᠨ ᠪᠠᠶᠢᠭᠰᠠᠨ᠃  ᠲᠡᠷᠡ ᠪᠤᠯ ᠬᠤᠷᠰᠢᠶ᠎ᠠ ᠪᠤᠯᠬᠤ ᠠᠴᠠ ᠡᠬᠢᠯᠠᠭᠡᠳ ᠲᠠᠷᠤᠭ᠎ᠠ ᠪᠤᠯᠵᠤ᠂ ᠲᠠᠮᠠᠭᠡᠨ ᠳᠤ ᠤᠨᠴᠠᠭᠠᠢ ᠲᠠᠳᠠᠮᠠᠭᠠᠢ  ᠭᠢᠷᠠᠬᠠᠢ ᠬᠦᠮᠤᠨ ᠪᠠᠶᠢᠭᠰᠠᠨ᠃ ᠪᠦᠬᠦ ᠪᠠᠷᠢᠭᠠᠳᠠ ᠶᠢᠨ ᠠᠷᠪᠠᠨ ᠭᠡᠳᠤᠨ ᠲᠠᠮᠠᠭᠡᠨ ᠰᠦᠷᠦᠭ ᠤᠨ ᠦᠩᠭᠡ ᠵᠢᠰᠤ᠂ ᠮᠦᠷ ᠤᠯᠠ ᠶᠢ ᠨᠢ ᠬᠦᠷᠳᠠᠯ᠎ᠠ ᠪᠦᠬᠦᠳᠠ ᠶᠢ ᠲᠠᠨᠢᠵᠤ ᠮᠠᠳᠡᠳᠡᠭ ᠰᠦᠷᠠᠭᠡᠢ ᠬᠠᠰᠢᠷ ᠲᠠᠮᠠᠭᠡᠴᠢᠨ ᠪᠠᠶᠢᠪᠠ᠃ ᠦᠩᠭᠡᠷᠡᠭᠰᠠᠨ ᠳᠤ ᠠᠩᠭ᠎ᠠ ᠲᠠᠷᠤᠭ᠎ᠠ ᠦᠪᠠᠷ ᠤᠨ ᠪᠠᠶ᠎ᠠ ᠪᠠᠷ ᠢᠶᠠᠨ ᠠᠶᠠᠨ ᠲᠠᠭᠠᠭᠠᠵᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠭᠡᠵᠤ ᠭᠡᠯᠡᠴᠡᠳᠡᠭ᠃ ᠨᠢᠭᠡ ᠬᠤᠳᠠ ᠲᠠᠮᠠᠭᠡᠨ ᠰᠦᠷᠦᠭ ᠠᠴᠠ ᠶᠡᠭᠡ ᠪᠠᠷᠤᠭ ᠬᠤᠶᠠᠷ ᠭᠠᠷ ᠲᠠᠮᠡᠭᠡ ᠲᠤᠬᠢᠷᠠᠭᠤᠯᠳᠠᠭ ᠪᠠᠶᠢᠪᠠ᠃ ᠲᠡᠭᠡᠭᠡᠳ ᠠᠩᠭ᠎ᠠ ᠲᠠᠷᠤᠭ᠎ᠠ ᠠᠴᠠ  ᠭᠡᠨ ᠭᠡᠨ ᠤ ᠬᠤᠳᠠ ᠠᠴᠠ ᠲᠤᠬᠢᠷᠠᠭᠤᠯᠤᠨ᠎ᠠ ᠭᠡᠵᠤ ᠶᠠᠷᠢᠭᠠᠳ   ᠨᠠᠮ᠎ᠠ ᠶᠢ ᠸᠠᠩ ᠤᠪᠤᠭᠳᠤ  ᠬᠦᠮᠦᠨ ᠲᠠᠢ ᠵᠠᠮᠰᠤ ᠠᠮᠪᠠᠢ ᠭᠡᠳᠡᠭ ᠠᠶᠢᠯ ᠤᠨ ᠬᠤᠳᠠ ᠳᠤ ᠲᠤᠬᠢᠷᠠᠭᠤᠯᠪᠠ᠃ ᠲᠠᠮᠡᠭᠡ ᠲᠤᠭᠢᠷᠠᠭᠤᠯᠬᠤ ᠳᠤ ᠤᠨᠴᠠᠭᠠᠢ ᠤᠨᠤᠭᠠᠨ ᠤ ᠠᠳᠠ᠂ ᠭᠠᠷ ᠤᠨ ᠠᠳᠠ᠂  ᠬᠤᠩᠬᠤ ᠶᠢᠨ ᠠᠳᠠ ᠭᠤᠷᠪᠠ ᠶᠢ ᠲᠠᠷᠤᠭ᠎ᠠ ᠠᠴᠠ ᠨᠠᠳᠠ ᠳᠤ ᠰᠢᠨ᠎ᠠ ᠭᠠᠷ ᠭᠡᠵᠤ ᠰᠠᠶᠢᠬᠠᠨ ᠲᠤᠬᠢᠷᠠᠭᠤᠯᠵᠤ ᠦᠭᠪᠠ᠃ ᠲᠡᠭᠡᠭᠡᠳ ᠪᠢ ᠰᠠᠶ᠋ᠢ ᠡᠨᠡ ᠭᠤᠷᠪᠠᠨ ᠲᠠᠮᠡᠭᠡ ᠪᠤᠯ ᠠᠶᠠᠨ ᠳᠤ ᠶᠠᠪᠤᠬᠤ ᠳᠤ ᠲᠤᠶᠢᠯ ᠤᠨ ᠴᠢᠬᠤᠯᠠ ᠪᠠᠶᠢᠳᠠᠭ ᠢ ᠮᠠᠳᠠᠵᠤ ᠠᠪᠤᠭᠰᠠᠨ᠃ ᠤᠨᠤᠭᠠᠨ ᠤ ᠠᠳᠠ ᠨᠢ ᠤᠯᠠᠨ ᠵᠢᠯ ᠠᠶᠠᠨ ᠳᠤ ᠶᠠᠪᠤᠭᠰᠠᠨ ᠬᠦᠭᠰᠢᠶᠠᠷᠠᠩ  ᠳᠠᠳᠮᠠᠭᠠᠢ ᠲᠠᠮᠡᠭᠡ ᠪᠠᠶᠢᠵᠤ᠂ ᠲᠠᠮᠡᠭᠡ ᠬᠦᠳᠠᠯᠤᠭᠡᠳ ᠶᠠᠪᠤᠬᠤ ᠳᠤ ᠬᠠᠮᠠᠷ ᠢ ᠨᠢ ᠲᠠᠳᠠᠬᠤ᠂ ᠪᠦᠭᠰᠠ ᠶᠢ ᠨᠢ ᠴᠤᠬᠢᠬᠤ ᠴᠢᠬᠤᠯᠠ ᠦᠭᠡᠢ᠂ ᠭᠠᠵᠠᠷ ᠤᠷᠤᠭᠤ ᠪᠠᠭᠤᠬᠤ ᠳᠤ ᠲᠤᠩ ᠠᠭᠠᠵᠢᠭᠤᠨ ᠶᠠᠪᠤᠵᠤ᠂ ᠦᠭᠡᠳᠠ ᠭᠠᠷᠬᠤ ᠳᠤ ᠲᠦᠷᠭᠡᠨ ᠰᠢᠭ ᠭᠡᠬᠦ ᠮᠠᠳᠤ  ᠪᠠᠷ ᠪᠦᠷ ᠦᠪᠠᠷ ᠢᠶᠠᠨ ᠲᠤᠬᠢᠷᠠᠭᠤᠯᠤᠨ ᠶᠠᠪᠤᠴᠢᠬᠠᠳᠠᠭ᠃ ᠭᠠᠷ ᠤᠨ ᠠᠳᠠ ᠭᠡᠳᠡᠭ ᠴᠢᠨᠢ  ᠴᠥᠷᠭᠡ ᠬᠦᠳᠠᠯᠦᠭᠡᠳ ᠶᠠᠪᠤᠵᠤ ᠪᠠᠶᠢᠳᠠᠯ᠎ᠠ ᠠᠷᠤ ᠴᠦᠷᠭᠡᠨ ᠳᠤ ᠤᠴᠢᠷ ᠭᠠᠷᠪᠠᠯ ᠪᠤᠷᠠᠠᠳᠠᠭ ᠢ ᠨᠢ ᠭᠠᠵᠠᠷ ᠬᠠᠶᠠᠪᠠᠯ ᠲᠤᠤᠷ᠎ᠠ ᠪᠠᠨ  ᠵᠣᠭᠰᠤᠴᠢᠬᠠᠳᠠᠭ᠂ ᠲᠡᠭᠡᠭᠡᠳ ᠪᠤᠴᠠᠵᠤ ᠤᠴᠢᠭᠠᠳ ᠰᠤᠭᠤᠷᠠᠵᠤ ᠰᠠᠭᠤᠭᠰᠠᠨ ᠲᠠᠮᠡᠭᠡ ᠪᠠᠨ ᠪᠠᠷᠢᠵᠤ ᠴᠦᠷᠭᠡᠯᠠᠬᠦ ᠠᠴᠢᠶ᠎ᠠ ᠰᠤᠮᠠᠯ ᠬᠠᠵᠠᠶᠢᠵᠤ ᠪᠠᠶᠢᠪᠠᠯ ᠵᠠᠰᠠᠭᠠᠳ ᠢᠷᠠᠬᠦ ᠳᠤ ᠵᠢᠭᠠᠬᠠᠨ ᠴᠦ ᠬᠦᠳᠠᠯᠬᠦ ᠦᠭᠡᠢ ᠤᠭ ᠭᠠᠵᠠᠷ   ᠲᠤ ᠪᠠᠨ ᠵᠤᠭᠰᠤᠵᠤ ᠪᠠᠶᠢᠳᠠᠭ᠂  ᠬᠤᠩᠬᠤ ᠶᠢᠨ ᠠᠳᠠ ᠭᠡᠳᠡᠭ ᠪᠠᠷᠤᠭ ᠪᠦᠳᠦᠬᠦᠨ ᠪᠠᠶ᠎ᠠ ᠲᠠᠢ᠂ ᠤᠷᠳᠤ ᠬᠦᠯ ᠲᠠᠢ ᠲᠠᠮᠡᠭᠡ ᠪᠠᠶᠢᠳᠠᠭ᠃ ᠠᠶᠠᠨ ᠳᠤ ᠶᠠᠪᠤᠵᠤ ᠪᠠᠶᠢᠬᠤ ᠳᠤ  ᠭᠤᠨ᠎ᠠ ᠪᠠᠭᠠᠴᠤᠳ ᠶᠠᠭᠤᠮ᠎ᠠ ᠠᠴᠠ ᠦᠷᠬᠦᠬᠦ ᠪᠤᠶᠤ ᠱᠤᠭᠰᠢᠬᠤ ᠤᠴᠢᠷ ᠭᠠᠷᠪᠠᠯ ᠠᠷᠤ ᠠᠷᠤ   ᠳᠤ ᠬᠢ ᠲᠠᠮᠡᠭᠡ ᠮᠥᠨ ᠲᠠᠭᠠᠭᠠᠳ ᠱᠤᠭᠰᠢᠬᠤ ᠪᠤᠯᠬᠤ ᠳᠤ  ᠬᠤᠩᠬᠤ ᠶᠢᠨ ᠠᠳᠠ ᠬᠠᠷᠢᠨ ᠱᠤᠭᠰᠢᠬᠤ ᠦᠭᠡᠢ᠂ ᠬᠦᠵᠦᠬᠦᠤ ᠪᠠᠨ  ᠰᠣᠩᠭᠠᠭᠠᠳ ᠶᠠᠪᠤᠳᠠᠯ ᠢᠶᠠᠨ ᠪᠢᠴᠢᠬᠠᠨ ᠬᠤᠷᠳᠤᠳᠬᠠᠪᠠᠯ ᠬᠤᠩᠬ᠎ᠠ  ᠶᠢᠨ ᠲᠠᠭᠤ ᠮᠥᠨ ᠭᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ᠃ ᠭᠠᠵᠠᠷ ᠦᠭᠡᠳᠠ ᠤᠷᠤᠭᠤ ᠭᠡᠰᠡᠨ ᠦᠭᠡᠢ ᠪᠦᠷ ᠨᠢᠭᠡ ᠯᠠ ᠠᠳᠠᠯᠢ  ᠪᠠᠷ ᠲᠤᠤᠭᠠᠷᠭᠠᠳᠠᠭ ᠲᠠᠮᠡᠭᠡ ᠨᠢ ᠰᠠᠶᠢᠨ ᠬᠤᠩᠬᠤ ᠶᠢᠨ ᠠᠳᠠ ᠪᠤᠯᠬᠤ ᠵᠠᠷᠭᠡ ᠤᠴᠢᠷ ᠢ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠶᠢᠭᠠᠳ ᠮᠠᠳᠡᠭᠰᠠᠨ ᠪᠢᠯᠠ᠃ ᠠᠩᠭ᠎ᠠ ᠲᠠᠷᠤᠭ᠎ᠠ  ᠨᠠᠳᠠ ᠳᠤ ᠰᠢᠨ᠎ᠠ ᠭᠠᠷ ᠭᠡᠵᠤ ᠠᠮᠪᠠᠢ ᠶᠢᠨ ᠬᠤᠳᠠᠨ ᠠᠴᠠ《 ᠪᠠᠳᠠᠶᠢᠳᠤ》 ᠭᠡᠳᠡᠭ ᠠᠳᠠ ᠶᠢ ᠤᠨᠤᠭᠠᠨ ᠳᠤ ᠲᠤᠬᠢᠷᠠᠭᠤᠯᠵᠤ᠂ 《ᠬᠤᠯᠤ ᠲᠠᠮᠠᠭᠠᠳᠤ》 ᠭᠡᠳᠡᠭ ᠠᠳᠠ ᠶᠢ ᠬᠤᠩᠬᠤ ᠶᠢᠨ ᠠᠳᠠ᠂ 《ᠰᠢᠶᠤᠤᠳᠦ᠋ᠢ ᠰᠢᠷ᠎ᠠ》 ᠭᠡᠳᠡᠭ ᠬᠦᠭᠰᠢᠨ ᠠᠳᠠ ᠶᠢ ᠭᠠᠷ ᠠᠳᠠ ᠭᠡᠵᠤ ᠲᠤᠬᠢᠷᠠᠭᠤᠯᠤᠭᠠᠳ᠂ ᠨᠢᠭᠡ ᠭᠠᠷ ᠲᠤ ᠭᠤᠷᠪᠠᠨ  ᠭᠤᠨ᠎ᠠ ᠲᠠᠢ ᠨᠠᠶᠢᠳᠠ ᠠᠷᠪᠠᠨ ᠲᠠᠪᠤᠨ ᠲᠠᠮᠡᠭᠡ ᠶᠢ ᠴᠦᠷᠭᠡᠯᠠᠬᠦ ᠲᠠᠰ ᠲᠠᠷᠠᠭ᠎ᠠ ᠶᠢ ᠨᠢ ᠬᠦᠷᠳᠠᠯ᠎ᠠ ᠲᠤᠬᠢᠷᠠᠭᠤᠯᠵᠤ ᠦᠭᠬᠦᠭᠡᠳ ᠡᠳᠤᠷ ᠡᠳᠤᠷ ᠮᠥᠨ ᠲᠠᠷᠠ ᠲᠠᠰ ᠲᠠᠷᠠᠭ᠎ᠠ ᠪᠠᠷ ᠴᠦᠷᠭᠡᠯᠠᠵᠤ ᠶᠠᠪᠤ ᠭᠡᠵᠤ ᠵᠠᠬᠢᠵᠤ ᠦᠭᠪᠠ᠃ ᠡᠨᠡ ᠲᠠᠰ ᠲᠠᠷᠠᠭ᠎ᠠ ᠨᠢ ᠬᠠᠷᠢᠨ ᠨᠠᠳᠠ ᠰᠢᠭ᠋ ᠰᠢᠨ᠎ᠠ ᠶᠠᠪᠤᠵᠤ ᠪᠠᠶᠢᠭ᠎ᠠ ᠬᠦᠮᠤᠨ ᠳᠤ ᠨᠠᠯᠢᠶᠠᠳ ᠬᠦᠴᠢᠷ ᠰᠠᠨᠠᠭᠳᠠᠪᠠ᠃ ᠤᠴᠢᠷ ᠨᠢ ᠵᠢᠰᠤ ᠶᠢ ᠨᠢ ᠬᠦᠷᠳᠠᠯ᠎ᠠ ᠲᠠᠨᠢᠵᠤ ᠮᠠᠳᠠᠬᠦ ᠦᠭᠡᠢ ᠪᠠᠶᠢᠬᠤ ᠳᠤ ᠲᠠᠰ ᠲᠠᠷᠠᠭ᠎ᠠ ᠶᠢ ᠨᠢ ᠶᠠᠭᠠᠬᠢᠵᠤ ᠴᠠᠭᠡᠵᠢᠯᠡᠳᠡᠭ ᠪᠢᠯᠠ ᠭᠡᠵᠤ ᠵᠤᠪᠠᠵᠤ ᠠᠩᠬᠠᠨ ᠤ ᠨᠢᠭᠡ ᠡᠳᠤᠷ ᠪᠠᠶᠢᠨ ᠪᠠᠶᠢᠨ ᠠᠷᠤ   ᠳᠤ ᠪᠠᠨ ᠬᠠᠷᠤᠭᠠᠳ ᠨᠢᠭᠡ ᠨᠢᠭᠡ ᠪᠠᠷ ᠵᠢᠰᠤ ᠲᠠᠷᠠᠭ᠎ᠠ ᠶᠢ ᠨᠢ ᠴᠠᠭᠡᠵᠢᠯᠠᠵᠤ ᠠᠪᠤᠭᠰᠠᠨ ᠪᠢᠯᠠ᠃     ᠮᠢᠨᠤ ᠠᠶᠠᠨ ᠶᠠᠪᠤᠳᠠᠭ ᠲᠠᠷᠠ ᠵᠢᠯ ︵70 ᠤᠨ︶ ᠮᠠᠨ ᠤ ᠪᠠᠷᠢᠭᠠᠳᠠ ᠠᠷᠪᠠᠨ ᠬᠤᠶᠠᠷ ᠭᠠᠷ ᠲᠠᠮᠡᠭᠡ ᠬᠤᠶᠠᠷ ᠭᠠᠯ ︵ᠮᠠᠶᠢᠬᠠᠨ︶ ᠶᠠᠪᠤᠭᠰᠠᠨ᠃ ᠠᠩᠭ᠎ᠠ ᠲᠠᠷᠤᠭ᠎ᠠ ᠶᠢᠨ ᠨᠠᠳᠠ ᠲᠠᠢ ᠭᠠᠷ ᠲᠠᠭᠠᠷᠠᠭᠤᠯᠤᠭᠰᠠᠨ ᠸᠠᠩ ᠤᠪᠤᠭᠳᠤ  ᠬᠦᠮᠦᠨ ᠪᠤᠯ ᠶᠡᠭᠡ ᠦᠨᠳᠤᠷ ᠪᠠᠶ᠎ᠠ ᠲᠠᠢ᠂ ᠴᠢᠳᠠᠯ ᠲᠠᠩᠭᠡ ᠲᠠᠢ᠂ ᠨᠤᠮᠤᠬᠠᠨ ᠰᠠᠶᠢᠨ ᠰᠤᠭᠤ ᠪᠠᠶᠢᠭᠰᠠᠨ  ᠃ ᠲᠠᠷᠠ ᠵᠢᠯ ᠪᠦᠷᠢ ᠪᠠᠷᠢᠭᠠᠳᠠ ᠲᠡᠭᠡᠷ᠎ᠠ ᠸᠴᠢᠷ ᠳ᠋ᠠᠨᠢᠭ᠎ᠠ ᠭᠡᠳᠡᠭ ᠬᠦᠮᠤᠨ ᠲᠠᠢ ᠬᠤᠶᠠᠭᠤᠯᠠ ᠵᠠᠭᠠᠰᠤ ᠤᠭᠤᠳᠠ᠂ ᠠᠷᠭᠠᠮᠵᠢ ᠪᠤᠷᠠᠠᠳᠠᠭ᠂ ᠵᠠᠭᠠᠰᠤᠨ ᠤ  ᠲᠤᠰᠢᠶ᠎ᠠ ᠮᠠᠳᠤ ᠶᠢᠨ ᠲᠤᠨᠤᠭ ᠲᠦᠬᠦᠭᠡᠷᠤᠮᠵᠢ ᠶᠢ ᠰᠠᠯᠪᠢᠵᠤ ᠵᠠᠰᠠᠳᠠᠭ ᠬᠦᠮᠤᠨ ᠪᠠᠶᠢᠭᠰᠠᠨ᠃ ᠸᠠᠩ ᠤᠪᠤᠭᠳᠤ ᠵᠠᠭᠠᠰᠤ ᠴᠢᠬᠢᠬᠦ   ᠳᠤ ᠪᠠᠨ ᠤᠨᠴᠠᠭᠠᠢ ᠤᠷ᠎ᠠ ᠮᠠᠷᠭᠡᠵᠢᠯ ᠲᠠᠢ᠂ ᠲᠠᠳᠠᠨ ᠤ ᠴᠢᠬᠢᠭᠰᠡᠨ ᠵᠠᠭᠠᠰᠤ ᠪᠦᠬᠦ ᠨᠢᠭᠡᠳᠤᠯ ᠳᠤ ᠪᠠᠨ ᠨᠠᠷ᠎ᠠ ᠭᠠᠷᠴᠤ᠂ ᠲᠠᠮᠠᠭᠡᠨ ᠨᠢᠷᠤᠭᠤᠨ ᠳᠤ ᠲᠤᠶᠢᠯ ᠤᠨ ᠵᠤᠬᠢᠮᠵᠢᠳᠠᠢ᠂ ᠨᠢᠷᠤᠭᠤ ᠬᠠᠪᠢᠷᠭ᠎ᠠ ᠲᠠᠷᠤᠵᠤ ᠰᠢᠷᠬᠠᠳᠤᠭᠤᠯᠬᠤ ᠤᠴᠢᠷ ᠶᠠᠷᠤ ᠪᠠᠶᠢᠳᠠᠭ ᠦᠭᠡᠢ᠃     ᠲᠠᠮᠡᠭᠡ ᠪᠠᠨ ᠬᠤᠪᠢᠶᠠᠵᠤ ᠲᠤᠬᠢᠷᠠᠭᠤᠯᠵᠤ ᠪᠠᠷᠠᠭᠠᠳ ᠰᠤᠮᠠᠯ ᠤᠭᠤᠳᠠ᠂ ᠠᠷᠭᠠᠮᠵᠢ᠂ ᠲᠠᠭᠡᠰᠤ᠂ ᠬᠤᠩᠬ᠎ᠠ᠂ ᠪᠤᠶᠢᠯᠠ ᠶᠢᠨ ᠭᠡᠷ ︵ᠲᠠᠪᠤᠨ ᠪᠠᠯᠠᠳᠭᠡᠯ ᠪᠤᠶᠢᠯᠠ ᠲᠠᠢ︶ ᠵᠠᠷᠭᠡ ᠶᠠᠭᠤᠮ᠎ᠠ ᠶᠢ ᠬᠤᠪᠢᠶᠠᠪᠠ᠃ ᠪᠢ ᠤᠴᠢᠷ ᠤᠬᠠᠭᠠᠨ  ᠢᠶᠠᠨ ᠰᠠᠶᠢᠨ ᠮᠠᠳᠠᠬᠦ ᠦᠭᠡᠢ ᠠᠩᠭᠠᠶᠢᠵᠤ ᠪᠠᠶᠢᠳᠠᠯ᠎ᠠ ᠮᠢᠨᠤ ᠠᠬ᠎ᠠ  ᠨᠠᠳᠠ ᠳᠤ ᠨᠢᠭᠡ  ᠬᠤᠩᠬᠤ ᠠᠪᠴᠢᠷᠠᠭᠠᠳ᠄《 ᠡᠬᠦᠨ ᠢ ᠠᠪ᠂ ᠲᠠᠭᠤ ᠨᠢ ᠮᠠᠭᠤ ᠰᠢᠭ᠋ ᠪᠤᠯᠪᠠᠴᠤ ᠲᠠᠷᠤᠭᠳᠠᠳᠠᠭ ᠦᠭᠡᠢ ᠶᠤᠮ》 ᠭᠡᠳ ᠦᠭᠬᠦᠪᠠ᠃ ᠲᠠᠷᠠ ᠬᠤᠩᠬᠤ ᠪᠠᠨ ᠵᠠᠬᠦᠭᠡᠳ ᠶᠠᠪᠤᠭᠰᠠᠨ ᠴᠢᠨᠢ ᠰᠠᠷᠴᠢᠬᠢᠨᠠᠭᠰᠠᠨ ᠤᠨᠴᠠᠭᠠᠢ ᠲᠠᠭᠤ ᠨᠢ ᠤᠯᠠᠨ ᠬᠤᠩᠬᠤ ᠶᠢᠨ ᠲᠠᠭᠤᠨ  ᠳᠤ ᠲᠠᠷᠤᠭᠳᠠᠳᠠᠭ ᠦᠭᠡᠢ᠃ ᠬᠠᠷᠢᠨ ᠰᠠᠶᠢᠨ ᠲᠠᠭᠤ ᠲᠠᠢ ᠬᠤᠩᠬᠤ ᠲᠠᠢ ᠠᠳᠠᠯᠢᠬᠠᠨ ᠤᠶᠢᠯᠠᠳᠤᠯ ᠲᠠᠢ ᠪᠠᠶᠢᠵᠤ ᠪᠢᠯᠠ᠃ ᠸᠠᠩ ᠪᠠᠭᠰᠢ  ᠨᠠᠳᠠ ᠳᠤ ᠠᠷᠭᠠᠮᠵᠢ ᠬᠤᠸᠠᠽᠠᠯᠠᠬᠤ ︵ᠭᠤᠭᠴᠤᠭ᠎ᠠ ᠭᠠᠷᠭᠠᠬᠤ︶ ᠠᠷᠭ᠎ᠠ ᠶᠢ ᠵᠢᠭᠠᠵᠤ ᠬᠤᠶᠠᠷ ᠠᠯᠳᠠ ᠲᠡᠭᠡᠷ᠎ᠠ ᠭᠤᠭᠴᠤᠭ᠎ᠠ ᠪᠠᠨ ᠭᠠᠷᠭᠠᠵᠤ᠂ ᠬᠤᠶᠠᠷ ᠭᠤᠭᠴᠤᠭ᠎ᠠ ᠶᠢᠨ ᠲᠤᠮᠳᠠ ᠮᠤᠬᠤᠷ ᠰᠦᠭᠡᠮ ᠵᠠᠢ ᠦᠯᠠᠳᠠᠭᠡᠵᠤ᠂ ᠤᠷᠳᠤ ᠤᠬᠤᠷ ᠨᠢ ᠠᠳᠠᠯᠢ ᠪᠠᠶᠢᠳᠠᠭ ᠭᠡᠵᠤ ᠵᠢᠭᠠᠭᠠᠳ ᠠᠷᠭᠠᠮᠵᠢ ᠪᠠᠨ ᠪᠦᠬᠦᠳᠠ ᠶᠢ ᠬᠤᠸᠠᠽᠠᠯᠠᠭᠠᠳ᠂ ᠰᠤᠮᠠᠯ ᠢᠶᠠᠨ ᠭᠤᠷᠪᠠ ᠬᠤᠭᠤᠰᠯᠠᠵᠤ ᠪᠠᠭᠯᠠᠭᠠᠳ᠂ ᠦᠳᠠ ᠶᠢᠨ ᠬᠤᠶᠢᠨ᠎ᠠ ᠲᠠᠮᠡᠭᠡ ᠪᠠᠨ ᠵᠠᠭᠠᠰᠤᠯᠠᠵᠤ᠂ ᠭᠤᠷᠪᠠᠨ  ᠭᠤᠨ᠎ᠠ ᠪᠠᠨ ᠪᠠᠰᠠ ᠤᠷᠢᠶᠠᠵᠤ ᠤᠨᠠᠭᠠᠭᠠᠳ ᠵᠠᠭᠠᠰᠤᠯᠠᠵᠤ᠂ ᠪᠦᠳᠦᠬᠦᠨ ᠲᠠᠮᠡᠭᠡ ᠠᠴᠠ ᠭᠡᠯᠬᠢᠵᠤ ᠭᠡᠳᠤ ᠡᠷᠬᠢᠬᠦᠯᠵᠤ ᠲᠠᠭᠤᠵᠤ ᠬᠦᠳᠠᠯᠤᠭᠡᠳ ᠲᠠᠷᠠᠭ᠎ᠠ ᠡᠳᠤᠷ ᠤᠨ ᠵᠠᠮ ᠶᠠᠪᠤᠬᠤ   ᠳᠤ ᠪᠠᠨ ᠲᠦᠬᠦᠮ ᠪᠤᠯᠭᠠᠳᠠᠭ ᠶᠤᠮ ᠪᠠᠶᠢᠨ᠎ᠠ᠃ ᠮᠠᠨ ᠤ ᠲᠠᠠᠳᠠ ᠭᠤᠨᠠ ᠲᠠᠰᠬᠠᠬᠤ ᠳᠤ ᠪᠠᠷᠤᠭ ᠤᠷᠢᠶᠠᠵᠤ ᠤᠨᠠᠭᠠᠬᠤ ᠠᠷᠭ᠎ᠠ ᠪᠠᠷ ᠭᠡᠪᠳᠠᠬᠦᠯᠵᠤ ᠰᠤᠷᠭᠠᠳᠠᠭ᠂ ᠲᠠᠪᠡᠭᠴᠢᠯᠠᠵᠤ ᠭᠡᠪᠳᠠᠬᠦᠯᠵᠤ ᠰᠤᠷᠭᠠᠬᠤ ᠶᠢ ᠲᠠᠮᠠᠢ ᠭᠡᠷᠡᠭᠯᠡᠳᠡᠭ ᠦᠭᠡᠢ᠂ ᠵᠠᠷᠢᠮ ᠬᠤᠪᠢ ᠠᠶᠢᠯ ᠤᠨ ᠨᠢᠭᠡ ᠬᠤᠶᠠᠷ  ᠭᠤᠨ᠎ᠠ ᠪᠠᠶᠢᠪᠠᠯ ᠬᠠᠷᠢᠨ ᠲᠡᠪᠡᠭᠴᠢᠯᠠᠬᠤ ᠠᠷᠭ᠎ᠠ ᠪᠠᠷ ᠰᠤᠷᠭᠠᠳᠠᠭ ᠪᠠᠶᠢᠭᠰᠠᠨ᠃ ᠲᠡᠭᠡᠭᠡᠳ ᠤᠷᠤᠢ ᠨᠢ ᠪᠠᠷᠢᠭᠠᠳᠠ ᠶᠢᠨ ᠲᠠᠷᠤᠭ᠎ᠠ ᠱᠦᠵᠢ ᠠᠴᠠ ᠠᠶᠠᠠᠴᠢᠳ ᠢᠶᠠᠨ ᠲᠠᠶᠢᠯᠠᠵᠤ᠂ ᠤᠯᠵᠠ ᠲᠠᠢ ᠤᠷᠤᠯᠭ᠎ᠠ ᠲᠠᠢ᠂ ᠰᠠᠭᠠᠳ  ᠲᠤᠳᠬᠠᠷ ᠦᠭᠡᠢ ᠰᠠᠶᠢᠨ ᠰᠠᠶᠢᠬᠠᠨ ᠶᠠᠪᠤᠭᠠᠳ ᠢᠷᠠᠬᠦ ᠶᠢ ᠵᠦᠩᠨᠠᠵᠤ᠂ ᠠᠷᠢᠬᠢ ᠪᠠᠷᠢᠵᠤ᠂ ᠮᠢᠬ᠎ᠠ ᠴᠢᠨᠠᠵᠤ ᠰᠠᠶᠢᠨ ᠬᠤᠭᠤᠯᠠᠯᠠᠭᠤᠯᠵᠤ ᠬᠤᠨᠤᠭᠠᠳ ᠦᠷᠯᠦᠭᠡ ᠡᠷᠳᠡ 3 — 4 ᠴᠠᠭ ᠤᠨ ᠦᠶ᠎ᠠ  ᠪᠠᠷ ᠲᠠᠮᠡᠭᠡ ᠪᠠᠨ  ᠴᠦᠷᠭᠡᠯᠡᠵᠦ ᠠᠪᠤᠭᠠᠳ ᠡᠬᠢᠯᠠᠨ ᠶᠠᠪᠤᠪᠠ᠃   ᠳᠡᠭᠡᠷ᠎ᠡ ᠵᠠᠭᠤᠨ ᠤ ᠲᠠᠯᠠᠨ ᠭᠡᠳᠤᠨ ᠤᠨ ᠪᠤᠯᠬᠤ  ᠳᠤ ᠪᠠᠷᠢᠭᠠᠳᠠ ᠠᠴᠠ ᠠᠶᠠᠠᠴᠢᠳ ᠢᠶᠠᠨ ᠪᠦᠷ ᠤᠭᠤᠴᠠ ᠲᠠᠯᠪᠢᠵᠤ ᠬᠦᠨᠳᠤᠯᠠᠭᠡᠳ ᠶᠠᠪᠤᠭᠤᠯᠳᠠᠭ ᠪᠠᠶᠢᠭᠰᠠᠨ᠃    ᠠᠶᠠᠨ ᠳᠤ ᠶᠠᠪᠤᠬᠤ ᠠᠵᠢᠯ ᠪᠤᠯ ᠨᠠᠯᠢᠶᠠᠳ ᠬᠦᠴᠢᠷᠳᠠᠢ ᠬᠦᠢᠳᠠᠨ ᠴᠠᠭ ᠲᠤ ᠶᠠᠪᠤᠳᠠᠭ ᠪᠤᠯᠬᠤᠷ ᠪᠠᠷᠢᠭᠠᠳᠠ  ᠠᠴᠠ ᠠᠶᠠᠠᠴᠢᠳ ᠤᠨ ᠬᠦᠨᠠᠰᠤ ᠶᠢ ᠨᠠᠮᠠᠵᠤ᠂ ᠡᠳᠤᠷ ᠲᠤ ᠵᠢᠩ ᠲᠤᠮᠳᠠ ᠪᠠᠷ ᠪᠤᠳᠤᠵᠤ᠂ ᠲᠤᠰᠬᠠᠢ ᠦᠭᠡᠷ ᠨᠢᠳᠤᠯᠵᠤ ᠦᠭᠴᠤ ᠶᠠᠪᠤᠭᠤᠯᠳᠠᠭ᠃ ᠲᠡᠭᠡᠭᠡᠳ ᠬᠠᠷᠢᠨ ᠠᠶᠠᠨ ᠶᠠᠪᠤᠭᠰᠠᠨ ᠴᠢᠨᠢ ᠦᠨᠠᠭᠡᠷ ᠭᠡᠳᠠᠰᠤ ᠦᠯᠦᠰᠦᠭᠰᠠᠨ ᠦᠭᠡᠢ᠂ ᠡᠬᠢᠨ ᠤ ᠨᠢᠭᠡ ᠬᠤᠶᠠᠷ ᠡᠳᠤᠷ ᠦᠷᠯᠦᠭᠡ ᠡᠷᠳᠡ ᠪᠤᠳᠠᠭ᠎ᠠ ᠢᠳᠠᠭᠡᠳ ᠤᠷᠤᠢ ᠪᠤᠯᠬᠤ ᠳᠤ ᠪᠠᠷᠤᠭ ᠦᠷᠬᠦᠯᠵᠢᠯᠠᠨ 12 ᠴᠠᠭ ᠪᠤᠯᠳᠠᠭ ᠪᠤᠯᠬᠤᠷ ᠪᠢᠴᠢᠬᠠᠨ ᠬᠠᠷᠠᠩᠭᠠᠯᠠᠵᠤ ᠲᠠᠯᠢᠩ ᠢᠶᠠᠨ ᠠᠭᠤᠳᠠᠯᠬᠤ ᠪᠤᠯᠳᠠᠭ᠃ ᠲᠡᠭᠡᠭᠡᠳ ᠭᠡᠳᠤᠨ ᠡᠳᠤᠷ  ᠶᠠᠪᠤᠭᠠᠳ ᠦᠩᠭᠡᠷᠠᠪᠠᠯ ᠲᠠᠳᠤᠭᠠᠳ ᠦᠯᠦᠰᠬᠦ ᠪᠠᠨ ᠪᠤᠯᠢᠳᠠᠭ ᠶᠤᠮ ᠪᠠᠶᠢᠨ᠎ᠠ᠃     ᠮᠠᠨ ᠤ ᠪᠠᠷᠢᠭᠠᠳᠠ ᠠᠴᠠ ᠴᠠᠭᠠᠨ ᠪᠤᠯᠠᠭ ᠬᠦᠷᠬᠦ ᠳᠤ ᠵᠠᠭᠤᠷ᠎ᠠ ᠬᠤᠨᠤᠭᠠᠳ ᠬᠦᠷᠳᠡᠭ᠃ ᠠᠩᠬᠠᠨ ᠤ ᠡᠳᠤᠷ  ᠤᠨ ᠪᠠᠭᠤᠷᠢ ᠵᠠᠭᠳᠤ ᠶᠢᠨ ᠡᠬᠢᠨ ᠳᠤ ᠬᠤᠨᠤᠭᠠᠳ ᠲᠠᠷᠠᠭ᠎ᠠ ᠦᠷᠯᠦᠭᠡ ᠡᠷᠳᠡ ᠴᠠᠭᠠᠨ ᠪᠤᠯᠠᠭ ᠬᠦᠷᠦᠭᠡᠳ ᠲᠠᠪᠤᠰᠤ  ᠪᠠᠨ ᠰᠠᠪᠠᠯᠠᠵᠤ ᠵᠢᠩᠯᠠᠬᠦᠯᠤᠭᠡᠳ ᠲᠠᠷᠠᠭ᠎ᠠ ᠡᠳᠤᠷ ᠤᠨ ᠦᠷᠯᠦᠭᠡ ᠡᠷᠳᠡ ᠠᠴᠢᠶᠠᠯᠠᠵᠤ ᠠᠪᠤᠭᠠᠳ ᠶᠠᠪᠤᠳᠠᠭ᠃  ᠨᠢᠭᠡᠳᠤᠭᠡᠷ ᠪᠠᠭᠤᠷᠢ  — ᠲᠤᠭᠤᠷᠠᠢ ᠶᠢᠨ ᠰᠤᠶᠢᠭ ᠪᠤᠶᠤ ᠬᠤᠶᠢᠳᠤ ᠭᠤᠤᠯ ᠤᠨ ᠠᠳᠠᠭ᠂ ᠬᠤᠶᠠᠳᠤᠭᠠᠷ ᠪᠠᠭᠤᠷᠢ —  ᠬᠤᠶᠢᠳᠤ ᠭᠤᠤᠯ ᠤᠨ ᠡᠬᠢᠨ᠂ ᠭᠤᠷᠪᠠᠳᠤᠭᠠᠷ ᠪᠠᠭᠤᠷᠢ —  ᠬᠤᠩᠭᠤᠷ ᠤᠨ ᠬᠤᠳᠳᠤᠭ ᠪᠤᠶᠤ ᠴᠢᠢᠯᠠᠭᠤᠷ ᠤᠨ ᠡᠯᠠᠰᠤ᠂ ᠲᠦᠷᠪᠠᠳᠤᠭᠡᠷ ᠪᠠᠭᠤᠷᠢ  — ᠴᠠᠶᠢᠷ ᠴᠤᠨᠵᠢ  ᠂ ᠲᠠᠷᠠᠰᠤᠨ᠃ ᠢᠩᠬᠢᠭᠡᠳ ᠴᠠᠭᠠᠰᠢ ᠲᠦᠷᠪᠠᠨ ᠡᠳᠤᠷ᠂ ᠪᠤᠴᠠᠬᠤ   ᠳᠤ ᠪᠠᠨ ᠭᠤᠷᠪᠠᠨ ᠡᠳᠤᠷ ᠶᠠᠪᠤᠭᠠᠳ ᠨᠠᠶᠢᠳᠠ 7 ᠡᠳᠤᠷ ᠲᠤ ᠨᠢᠭᠡ ᠡᠷᠬᠢᠳᠡᠭ᠃ ᠦᠷᠯᠦᠭᠡ ᠡᠷᠳᠡ ᠴᠠᠭᠠᠨ ᠪᠤᠯᠠᠭ ᠤᠨ ᠲᠠᠪᠤᠰᠤᠨ  ᠭᠤᠷᠤᠬ᠎ᠠ ᠲᠡᠭᠡᠷ᠎ᠠ ᠰᠤᠮᠠᠯ ᠢᠶᠠᠨ ᠪᠠᠭᠤᠯᠭᠠᠭᠠᠳ᠂ ᠲᠠᠮᠡᠭᠡ ᠪᠠᠨ ᠲᠠᠯᠪᠢᠵᠤ᠂ ᠨᠢᠭᠡ ᠡᠷᠬᠢᠬᠦᠯᠦᠭᠡᠳ ᠵᠢᠭᠠᠬᠠᠨ ᠢᠳᠠᠬᠦᠯᠵᠤ ᠠᠮᠠᠨ  ᠵᠠᠪᠠᠭ᠎ᠠ ᠶᠢ ᠨᠢ ᠭᠠᠷᠭᠠᠵᠤ ᠤᠶᠠᠴᠢᠬᠠᠭᠠᠳ ᠲᠠᠪᠤᠰᠤ ᠪᠠᠨ ᠰᠠᠪᠠᠯᠠᠳᠠᠭ᠃ ᠬᠠᠮᠳᠤ ᠭᠠᠷ ᠤᠨ ᠨᠦᠬᠦᠳ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠨᠠᠶᠢᠳᠠ 60 ᠰᠤᠮᠠᠯ ᠲᠠᠪᠤᠰᠤ ᠰᠠᠪᠠᠯᠠᠵᠤ ᠬᠤᠶᠠᠷ ᠬᠤᠶᠠᠷ ᠢᠶᠠᠷ ᠲᠠᠰᠢᠷᠯᠠᠵᠤ ᠲᠠᠯᠪᠢᠭᠠᠳ ᠲᠠᠪᠤᠰᠤᠨ ᠲᠠᠯᠠᠪᠠᠢ ᠶᠢᠨ ᠲᠤᠰᠬᠠᠢ ᠵᠢᠩᠯᠡᠳᠡᠭ ᠬᠦᠮᠤᠰ ᠢᠷᠠᠵᠤ ᠵᠢᠩᠯᠠᠳᠡᠭ᠃ ᠬᠤᠶᠠᠷ ᠬᠦᠮᠤᠨ ᠮᠤᠳᠤᠨ ᠳᠤ ᠲᠠᠭᠡᠰᠤ ᠪᠠᠨ  ᠭᠤᠭᠴᠣᠭᠠᠯᠠᠵᠤ ᠤᠶᠠᠭᠠᠳ ᠲᠠᠰᠢᠷᠯᠠᠭᠰᠠᠨ ᠬᠤᠶᠠᠷ ᠰᠤᠮᠠᠯ ᠤᠨ ᠬᠤᠶᠠᠷ ᠦᠵᠦᠬᠦᠷ ᠠᠴᠠ ᠡᠯᠬᠦᠵᠤ ᠲᠠᠮᠨᠠᠭᠠᠳ ᠨᠢᠭᠡ ᠬᠦᠮᠤᠨ ᠵᠢᠩ ᠤᠨ ᠨᠢᠳᠤ ᠶᠢ ᠲᠠᠭᠠᠷᠠᠭᠤᠯᠵᠤ ᠲᠤᠭ᠎ᠠ ᠶᠢ ᠨᠢ ᠬᠠᠰᠬᠢᠷᠬᠤ ᠳᠤ ᠲᠠᠩᠰᠠ ᠪᠠᠷᠢᠳᠠᠭ ᠬᠦᠮᠤᠨ ᠪᠢᠴᠢᠵᠤ ᠲᠠᠩᠰᠠ ᠪᠠᠨ ᠬᠢᠳᠡᠭ᠃ ᠡᠬᠢᠯᠠᠭᠡᠳ ᠲᠠᠮᠠᠭᠡᠨ ᠤ ᠤᠰᠤᠨ ᠰᠤᠶᠢᠯ ᠲᠠᠯᠪᠢᠳᠠᠭ ᠤᠴᠢᠷ ᠠᠴᠠ ᠦᠷᠯᠦᠭᠡ ᠶᠢᠨ ᠭᠤᠷᠪᠠ ᠠᠴᠠ ᠲᠦᠷᠪᠠᠨ ᠴᠠᠭ  ᠤᠨ ᠦᠶ᠎ᠠ ᠪᠠᠷ ᠠᠴᠢᠶᠠᠯᠠᠵᠤ ᠶᠠᠪᠤᠭᠠᠳ ᠦᠳᠠ ᠪᠤᠯᠬᠤ ᠳᠤ ᠪᠠᠭᠤᠵᠤ ᠲᠠᠮᠡᠭᠡ ᠪᠠᠨ ᠪᠢᠴᠢᠬᠠᠨ ᠢᠳᠠᠬᠦᠯᠦᠭᠡᠳ ᠬᠤᠷᠢᠶᠠᠵᠤ ᠤᠶᠠᠳᠠᠭ᠃ ᠰᠤᠶᠢᠯ ᠤᠨ ᠲᠠᠮᠡᠭᠡ ᠶᠢ ᠵᠠᠪᠠᠯ ᠦᠷᠯᠦᠭᠡ ᠡᠷᠳᠡ ᠠᠴᠢᠳᠠᠭ ᠪᠤᠯᠬᠤᠷ ᠠᠩᠬ᠎ᠠ ᠶᠠᠪᠤᠵᠤ ᠪᠠᠶᠢᠬᠤ ᠬᠦᠮᠤᠨ ᠲᠤᠶᠢᠯ ᠢᠶᠠᠷ ᠨᠤᠶᠢᠷ ᠬᠦᠷᠳᠡᠭ ᠪᠠᠶᠢᠭᠰᠠᠨ᠃ ᠦᠷᠯᠦᠭᠡ ᠡᠷᠳᠡ ᠬᠦᠢᠳᠠᠨ ᠴᠦ ᠬᠤᠷᠳᠤᠨ ᠬᠦᠳᠠᠯᠵᠤ ᠲᠦᠷᠭᠡᠨ ᠠᠴᠢᠳᠠᠭ ᠪᠤᠯᠬᠤᠷ ᠬᠦᠯᠤᠰᠤ ᠭᠠᠷᠴᠤ ᠬᠠᠯᠠᠭᠤᠴᠠᠳᠠᠭ᠃ ᠡᠬᠢᠯᠡᠭᠰᠠᠭᠡᠷ ᠵᠠᠪᠠᠯ ᠶᠠᠪᠤᠭᠠᠨ ᠶᠠᠪᠤᠵᠤ ᠬᠦᠯᠤᠰᠤ ᠪᠠᠨ  ᠬᠠᠲᠠᠭᠠᠭᠠᠳ ᠰᠠᠶ᠋ᠢ ᠲᠠᠮᠡᠭᠡ ᠪᠠᠨ ᠤᠨᠤᠳᠠᠭ᠃ ᠲᠡᠭᠡᠭᠡᠳ ᠪᠢ ᠠᠩᠬ᠎ᠠ ᠤᠳᠠᠭ᠎ᠠ ᠶᠠᠪᠤᠭᠠᠨ ᠶᠠᠪᠤᠵᠤ ᠪᠠᠶᠢᠭᠠᠳ  ᠵᠡᠭᠦᠷᠮᠡᠭᠯᠡᠭᠡᠳ ᠵᠠᠮ ᠠᠴᠠ ᠭᠠᠷᠬᠤ ᠪᠤᠶᠤ ᠡᠮᠤᠨ᠎ᠠ ᠭᠠᠷ ᠤᠨ  ᠬᠤᠩᠬᠤ ᠶᠢᠨ ᠠᠳᠠ ᠶᠢᠨ   ᠪᠤᠷᠪᠢ ᠳᠤ  ᠲᠤᠯᠤᠭᠠᠳ  ᠰᠡᠷᠡᠭᠡᠳ ᠢᠷᠡᠭᠰᠠᠨ ᠤᠴᠢᠷ ᠭᠠᠷᠤᠭᠰᠠᠨ᠂ ᠬᠤᠩᠬᠤ ᠶᠢᠨ ᠠᠳᠠ ᠪᠦᠷ ᠬᠦᠭᠰᠢᠨ ᠨᠤᠮᠤᠬᠠᠨ ᠲᠠᠮᠡᠭᠡ ᠪᠠᠶᠢᠳᠠᠭ ᠪᠤᠯᠬᠤᠷ ᠬᠠᠶᠢᠷᠴᠤ ᠲᠠᠶᠢᠷᠳᠡᠭ ᠦᠭᠡᠢ ᠶᠤᠮ ᠪᠠᠶᠢᠵᠡᠢ᠃    ᠬᠠᠮᠤᠭ ᠠᠩᠬᠠᠳᠤᠭᠠᠷ ᠪᠠᠭᠤᠷᠢ ᠬᠦᠷᠴᠤ ᠪᠠᠭᠤᠬᠤ ᠳᠤ ᠠᠴᠢᠶ᠎ᠠ ᠪᠠᠨ ᠪᠠᠭᠤᠯᠭᠠᠭᠠᠳ ᠵᠠᠭᠠᠰᠤ ᠶᠢ ᠨᠢ ᠰᠤᠯᠠᠳᠬᠠᠵᠤ ᠬᠦᠳᠠᠯᠭᠡᠭᠡᠳ ᠲᠠᠮᠡᠭᠡ ᠪᠠᠨ ᠲᠠᠯᠪᠢᠵᠤ ᠢᠳᠡᠬᠦᠯᠳᠡᠭ᠃ ᠲᠡᠭᠡᠭᠡᠳ ᠲᠠᠷᠠᠯᠭ᠎ᠠ ᠲᠠᠭᠠᠷᠠᠭᠰᠠᠨ ᠨᠢ ᠮᠠᠶᠢᠬᠠᠨ ᠢᠶᠠᠨ ᠪᠠᠷᠢᠵᠤ ᠴᠠᠢ ᠪᠠᠨ ᠴᠢᠨᠠᠭᠠᠳ ᠴᠤᠭᠭᠠᠷ ᠬᠠᠯᠠᠭᠤᠨ ᠴᠠᠢ ᠤᠤᠭᠤᠵᠤ ᠠᠪᠤᠭᠠᠳ ᠭᠠᠷᠴᠤ ᠠᠴᠢᠶ᠎ᠠ  ᠪᠠᠨ ᠲᠢᠭᠯᠡᠳᠡᠭ᠃ ᠨᠢᠭᠡᠳᠤᠭᠡᠷ ᠰᠦᠨᠢ ᠡᠷᠭᠡᠪᠰᠢ ᠰᠤᠮᠠᠯ ᠲᠠᠢ ᠲᠠᠪᠤᠰᠤ ᠪᠠᠨ ᠡᠪ ᠢ ᠨᠢ ᠲᠠᠭᠠᠷᠠᠭᠤᠯᠵᠤ ᠰᠤᠮᠠᠯ ᠤᠨ ᠭᠠᠳᠠᠷ ᠲᠠᠯ᠎ᠠ ᠶᠢᠨ ᠬᠤᠶᠠᠷ ᠦᠨᠴᠦᠭ ᠢ ᠨᠢ ᠨᠠᠶᠢᠯᠠᠬᠦᠯᠵᠤ ᠲᠠᠰᠢᠷᠯᠠᠵᠤ ᠠᠷᠭᠠᠮᠵᠢ ᠪᠠᠨ  ᠡᠪᠬᠡᠭᠡᠳ ᠲᠡᠭᠡᠷ᠎ᠠ ᠨᠢ ᠲᠠᠯᠪᠢᠳᠠᠭ ᠶᠤᠰᠤᠳᠠᠢ᠃ ᠲᠠᠭᠡᠵᠤ ᠭᠡᠪ ᠢᠶᠠᠨ ᠤᠯᠤᠭᠠᠳ  ᠬᠦᠯᠢᠭᠳᠡᠴᠢᠬᠡᠪᠡᠯ ᠲᠠᠬᠢᠨ ᠠᠴᠢᠬᠤ ᠳᠤ ᠲᠤᠩ ᠬᠢᠯᠪᠠᠷ ᠪᠤᠯᠵᠤ᠂ ᠰᠤᠮᠠᠯ ᠢᠶᠠᠨ  ᠬᠥᠨᠲᠦᠷᠦᠭᠡᠳ ᠲᠦᠯᠬᠢᠬᠦ ᠲᠠᠢ ᠵᠠᠷᠭᠡ ᠰᠤᠮᠠᠯ ᠤᠨ ᠲᠡᠭᠡᠳᠤ ᠬᠤᠶᠠᠷ ᠦᠨᠴᠦᠭ ᠨᠢ ᠭᠠᠳᠠᠭᠰᠢ ᠰᠠᠷᠠᠭᠡᠳ ᠠᠴᠢᠶ᠎ᠠ ᠲᠤᠭᠳᠠᠪᠤᠷᠢᠳᠠᠢ ᠮᠦᠷᠳᠠᠭᠡᠨ ᠲᠠᠮᠠᠭᠡᠨ ᠤ ᠨᠢᠷᠤᠭᠤ ᠲᠠᠯᠤ ᠲᠠᠷᠤᠭᠳᠠᠳᠠᠭ ᠦᠭᠡᠢ᠃ ᠲᠡᠭᠡᠭᠡᠳ ᠶᠠᠪᠤᠭᠠᠳ ᠲᠠᠷᠠᠰᠤᠨ ᠬᠤᠳᠠ ᠶᠢᠨ ᠮᠦᠸᠧ ᠵᠢᠶᠠ ᠯᠤ᠋ ᠭᠡᠳᠡᠭ ᠭᠠᠵᠠᠷ ᠲᠠᠪᠤᠰᠤ ᠪᠠᠨ ᠲᠤᠰᠢᠶᠠᠳᠠᠭ᠃ ᠲᠠᠠᠳᠠ ᠲᠤᠰᠬᠠᠢ ᠲᠠᠪᠤᠰᠤ ᠡᠬᠦᠷᠴᠤ ᠠᠰᠬᠠᠳᠠᠭ ᠬᠦᠮᠤᠨ ᠪᠠᠶᠢᠵᠤ ᠰᠤᠯᠠᠳᠬᠠᠭᠰᠠᠨ ᠰᠤᠮᠠᠯ ᠢ ᠭᠠᠳᠠᠭᠰᠢ ᠴᠢᠯᠠᠭᠤᠳᠠᠬᠤ ᠳᠤ ᠦᠪᠠᠷ ᠦᠪᠠᠷ ᠤᠨ ᠰᠤᠮᠠᠯ ᠢᠶᠠᠨ ᠲᠠᠨᠢᠵᠤ ᠤᠯᠵᠤ ᠡᠪᠬᠡᠵᠤ ᠪᠠᠭᠯᠠᠵᠤ ᠠᠪᠳᠠᠭ᠃ ᠲᠠᠷᠠ ᠦᠶ᠎ᠠ  ᠶᠢᠨ ᠲᠠᠪᠤᠰᠤ ᠠᠴᠢᠵᠤ ᠲᠠᠭᠡᠭᠡᠪᠤᠷᠢᠯᠡᠭᠰᠠᠨ ᠬᠦᠯᠤᠰᠤ ᠨᠢ ᠶᠡᠭᠡ ᠪᠠᠭ᠎ᠠ ᠲᠠᠮᠡᠭᠡ ᠲᠡᠭᠰᠢᠳᠭᠡᠭᠡᠳ 8 — 9  ᠲᠦᠬᠦᠷᠢᠭ ᠤᠯᠳᠠᠭ ᠪᠠᠶᠢᠵᠡᠢ᠃     1971 ᠤᠨ ᠤ  3 ᠳ᠋ᠤᠭᠠᠷ ᠰᠠᠷ᠎ᠠ ᠳᠤ ᠪᠢ ᠲᠠᠮᠠᠭᠡᠳᠤ ᠪᠠᠷᠢᠭᠠᠳᠠ ᠶᠢᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ ᠶᠢᠨ ᠠᠵᠢᠯ ᠢ ᠲᠤᠰᠴᠤ ᠠᠪᠤᠪᠠ᠃  ᠲᠡᠭᠡᠭᠡᠳ ᠪᠦᠬᠦ ᠪᠠᠷᠢᠭᠠᠳᠠ ᠶᠢᠨ ᠭᠡᠰᠬᠦᠳ ᠤᠨ ᠠᠮᠤ ᠬᠦᠨᠠᠰᠤ᠂ ᠲᠤᠰᠤ᠂ ᠮᠠᠯ ᠤᠨ ᠪᠤᠷᠳᠤᠭ᠎ᠠ᠂ ᠨᠤᠤᠰᠤ ᠨᠤᠤᠯᠤᠭᠤᠷ᠂ ᠠᠷᠠᠰᠤ ᠰᠢᠷᠢ ᠮᠠᠳᠤ ᠶᠢᠨ ᠪᠤᠢ ᠪᠦᠬᠦᠢ ᠡᠳ᠋ ᠪᠤᠳᠠᠰ ᠢ ᠬᠤᠷᠢᠶᠠᠵᠤ ᠲᠠᠩᠰᠠᠯᠠᠵᠤ᠂ ᠪᠠᠰᠠ ᠵᠤᠭᠤᠰ ᠪᠠᠷᠢᠭᠴᠢ ᠶᠢᠨ ᠠᠵᠢᠯ ᠢ ᠬᠠᠪᠰᠤᠷᠭᠠᠨ ᠬᠢᠵᠤ ᠪᠠᠶᠢᠵᠡᠢ᠃ ᠵᠢᠯ ᠪᠦᠷᠢ ᠶᠢᠨ 6  ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ ᠨᠠᠶᠢᠳᠠᠮ ᠲᠤᠭ᠎ᠠ ᠪᠦᠷᠢᠳᠭᠡᠯ ᠢ ᠦᠩᠭᠡᠷᠠᠭᠡᠳ ᠪᠦᠬᠦ ᠪᠠᠷᠢᠭᠠᠳᠠ ᠶᠢᠨ ᠭᠡᠰᠢᠬᠦᠳ ᠨᠤᠤᠰᠤ  ᠨᠤᠤᠯᠤᠭᠤᠷ ᠢᠶᠠᠨ ᠪᠠᠷᠢᠭᠠᠳᠠ ᠲᠡᠭᠡᠷ᠎ᠠ ᠠᠴᠢᠵᠤ ᠢᠷᠠᠭᠡᠳ  ᠨᠠᠳᠠ ᠳᠤ ᠵᠢᠩᠯᠠᠵᠤ ᠲᠠᠩᠰᠠᠯᠠᠵᠤ ᠲᠤᠰᠢᠶᠠᠳᠠᠭ᠃ ᠬᠤᠷᠢᠶᠠᠭᠰᠠᠨ ᠠᠷᠠᠰᠤ᠂ ᠨᠤᠤᠰᠤ ᠨᠤᠤᠯᠤᠭᠤᠷ ᠮᠠᠳᠤ ᠶᠢᠨ ᠮᠠᠯ ᠤᠨ ᠠᠰᠢᠭ ᠰᠢᠮ᠎ᠠ ᠶᠢ ᠪᠦᠷ ᠲᠠᠮᠡᠭᠡ ᠪᠠᠷ ᠠᠴᠢᠵᠤ ᠬᠦᠩᠱᠧ ᠪᠤᠶᠤ ᠪᠠᠶᠠᠠᠬᠤᠳᠠ ᠶᠢᠨ ᠬᠠᠩᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶᠠᠨ ᠳᠤ ᠬᠦᠷᠭᠡᠳᠡᠭ᠃ ᠪᠤᠴᠠᠬᠤ   ᠳᠤ ᠪᠠᠨ ᠬᠠᠭᠠᠰ ᠵᠢᠯ ᠤᠨ ᠬᠦᠨᠠᠰᠤ ᠲᠤᠰᠤ ᠪᠠᠨ ᠠᠪᠤᠭᠠᠳ ᠬᠠᠷᠢᠵᠤ ᠢᠷᠠᠵᠤ ᠬᠦᠮᠦᠷᠭᠡᠯᠡᠳᠡᠭ ᠪᠠᠶᠢᠵᠡᠢ᠃ ᠲᠠᠷᠠ ᠦᠶ᠎ᠠ ᠳᠤ ᠴᠠᠭ ᠠᠭᠤᠷ ᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠠᠳᠡᠭᠡ ᠭᠡᠵᠤ ᠪᠠᠶᠢᠬᠤ ᠦᠭᠡᠢ᠂ ᠨᠢᠭᠡ ᠤᠳᠠᠭ᠎ᠠ ᠶᠠᠭ ᠬᠦᠨᠠᠰᠤ ᠭᠤᠯᠢᠷ ᠢᠶᠠᠨ ᠠᠴᠢᠭᠠᠳ ᠵᠠᠮ ᠳᠤ  ᠪᠤᠷᠤᠭᠠᠨ ᠳᠤ ᠲᠤᠬᠢᠶᠠᠯᠳᠤᠵᠤ᠂ ᠭᠤᠯᠢᠷ ᠨᠢ ᠰᠤᠮᠠᠯ ᠳᠤ ᠨᠠᠭᠠᠯᠳᠤᠵᠤ ᠪᠠᠷᠢᠯᠳᠤᠭᠠᠳ  ᠬᠠᠲᠠᠴᠢᠬᠠᠭᠰᠠᠨ᠂ ᠬᠤᠵᠢᠮ ᠨᠢ ᠤᠰᠤᠨ ᠳᠤ ᠰᠤᠮᠠᠯ ᠢᠶᠠᠨ ᠲᠡᠪᠳᠤᠭᠡᠵᠤ ᠤᠬᠢᠶᠠᠭᠠᠳ ᠬᠤᠨᠢᠨ ᠰᠦᠷᠦᠭ ᠲᠤ ᠦᠭᠴᠤ ᠮᠠᠯ ᠤᠰᠤᠯᠠᠭᠰᠠᠨ ᠤᠴᠢᠷ ᠭᠠᠷᠴᠤ᠂ ᠬᠦᠨᠠᠰᠤᠨ ᠳᠤ ᠨᠠᠯᠢᠶᠠᠳ ᠬᠤᠬᠢᠷᠠᠯ ᠭᠠᠷᠤᠭᠰᠠᠨ᠃ ᠲᠠᠬᠢᠭᠠᠳ ᠨᠠᠮᠤᠷ ᠡᠪᠤᠯ ᠤᠨ ᠡᠬᠢ ᠪᠠᠷ ᠲᠠᠮᠡᠭᠡ ᠪᠠᠷᠢᠬᠤ ᠦᠶᠠᠰ ᠢᠶᠠᠷ ᠲᠠᠬᠢᠵᠤ ᠪᠠᠰᠠ ᠬᠠᠭᠠᠰ ᠵᠢᠯ ᠤᠨ ᠬᠦᠨᠠᠰᠤ᠂ ᠲᠤᠰᠤ᠂ ᠪᠤᠷᠳᠤᠭ᠎ᠠ᠂ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠤᠶᠢᠯᠠᠳᠪᠤᠷᠢᠯᠠᠯ ᠤᠨ ᠭᠡᠷᠡᠭᠰᠠᠯ ᠵᠠᠷᠭᠡ ᠪᠠᠨ ᠲᠡᠭᠡᠭᠡᠪᠤᠷᠢᠯᠠᠵᠤ ᠠᠪᠳᠠᠭ᠃     ᠰᠠᠩ ᠬᠠᠮᠢᠶᠠᠷᠤᠬᠴᠢ ᠶᠢᠨ ᠪᠠᠰᠨ ᠨᠢᠬᠡ ᠭᠤᠤᠯ ᠠᠵᠢᠯ ᠪᠤᠯ ᠮᠠᠯ ᠤᠨ ᠠᠰᠢᠭ ᠰᠢᠮ᠎ᠠ ᠨᠤᠤᠰᠤ ᠨᠤᠤᠯᠤᠭᠤᠷ ᠢ ᠵᠢᠩᠯᠡᠵᠣ ᠬᠤᠷᠢᠶᠠᠳᠠᠭ ᠪᠠᠶᠢᠬᠰᠠᠨ᠃ ᠬᠤᠳᠠ ᠰᠦᠷᠦᠭ ᠲᠤ ᠮᠠᠯ ᠤᠨ ᠲᠤᠭ᠎ᠠ ᠲᠤᠯᠤᠭᠠᠢ ᠪᠠᠷ ︵ ᠲᠤᠰᠤ  ᠰᠢᠭᠦᠷᠡᠮᠡᠭ ᠢ ᠡᠬᠡ ᠮᠠᠯ ᠤᠨ ᠲᠤᠭ᠎ᠠ ᠪᠠᠷ︶ ᠨᠤᠤᠰᠤ ᠨᠤᠤᠯᠤᠭᠤᠷ ᠵᠡᠷᠬᠡ ᠠᠰᠢᠭ ᠰᠢᠮ᠎ᠠ ᠶᠢᠨ ᠡᠬᠦᠷᠭᠡ ᠪᠠᠭᠤᠯᠭᠠᠳᠠᠭ ᠃ ᠦᠬᠦᠭᠰᠡᠨ ᠮᠠᠯ ᠤᠨ ᠠᠷᠠᠰᠤ ᠪᠤᠶᠤ ᠨᠤᠤᠰᠤ ᠶᠢ ᠠᠰᠳᠠᠭᠠᠨ ᠬᠤᠷᠢᠶᠠᠵᠤ ᠲᠡᠮᠳᠡᠭ ᠬᠢᠵᠣ ᠦᠭᠬᠦᠬᠡᠤᠨ ᠮᠠᠯ ᠤᠨ ᠲᠤᠭ᠎ᠠ ᠲᠤᠯᠤᠭᠠᠢ   ᠲᠠᠢ  ᠬᠠᠷᠭᠤᠭᠤᠯᠵᠤ ᠪᠦᠷᠢᠳᠬᠡᠯ ᠬᠢᠳᠡᠭ᠃ ᠠᠷᠠᠰᠤ᠂ ᠨᠤᠤᠰᠤ ᠦᠭᠡᠢ ᠮᠠᠯ ᠤᠨ ᠲᠤᠭ᠎ᠠ ᠲᠤᠳᠠᠪᠠᠯ ᠲᠦᠯᠤᠪᠤᠷᠢ ᠳᠤ ᠤᠷᠤᠨ᠎ᠠ᠃ ᠲᠠᠷᠨ ᠨᠢ ᠮᠠᠯ ᠤᠨ ᠲᠦᠷᠤᠯ ᠢᠶᠠᠷ ᠦᠨ᠎ᠠ ᠦᠷᠳᠡᠭ ᠲᠠᠢ ᠪᠠᠶᠢᠵᠣ ᠬᠤᠪᠢ ᠨᠤᠷᠮ᠎ᠠ ᠠᠴᠠ ᠨᠢ ᠬᠠᠰᠤᠳᠠᠭ ᠪᠠᠶᠢᠬᠰᠠᠨ᠃   ᠲᠠᠷᠨ ᠦᠶ᠎ᠠ ᠳᠤ ᠵᠢᠯ ᠪᠦᠷᠢ ᠶᠢᠨ 6  ᠳ᠋ᠤᠭᠠᠷ ᠰᠠᠷ᠎ᠠ ᠳᠤ ᠪᠦᠬᠦ ᠪᠠᠷᠢᠭᠠᠳᠠ ᠤᠨ ᠮᠠᠯ ᠤᠨ ᠨᠠᠶᠢᠳᠠᠮ ᠲᠤᠭ᠎ᠠ ᠪᠦᠷᠢᠳᠬᠡᠯ ᠢ ᠬᠢᠳᠡᠭ᠃ ᠪᠠᠷᠢᠭᠠᠳᠠ ᠤᠨ ᠲᠠᠷᠤᠭ᠎ᠠ᠂ ᠨᠢᠬᠳᠠᠯᠠᠨ ᠪᠤᠳᠤᠬᠴᠢ᠂ ᠰᠠᠩ ᠬᠠᠮᠢᠶᠠᠷᠤᠬᠴᠢ ᠵᠡᠷᠬᠡ ᠬᠦᠮᠤᠨ ᠪᠠ ᠲᠡᠬᠡᠷ᠎ᠠ ᠠᠴᠠ ᠪᠠᠭᠤᠵᠣ ᠢᠷᠡᠭᠰᠡᠨ ᠺᠠᠳ᠋ᠷ ᠲᠠᠢ ᠨᠠᠶᠢᠯᠡᠵᠣ ᠠᠵᠢᠯᠯᠠᠬᠤ ᠲᠤᠭᠤᠶᠢᠯᠠᠩ ᠪᠠᠶᠢᠭᠤᠯᠤᠭᠠᠤᠨ ᠰᠦᠷᠦᠭ ᠲᠠᠷᠠᠭᠠᠯᠠᠨ ᠶᠠᠪᠤᠵᠤ ᠮᠠᠯ ᠤᠨ ᠲᠤᠭ᠎ᠠ ᠲᠤᠯᠤᠭᠠᠢ ᠶᠢ ᠲᠠᠩᠰᠠᠯᠠᠳᠠᠭ᠃ ᠲᠦᠯ ᠮᠠᠯ ᠢ ᠨᠢᠬᠡᠤᠨ ᠨᠢᠬᠡ ᠪᠠᠷ ᠪᠠᠷᠢᠵᠣ ᠡᠷ᠎ᠠ᠂ ᠡᠮ᠎ᠠ ᠢ ᠨᠢ ᠢᠯᠭᠠᠵᠣ ᠬᠦᠭᠰᠢᠨ ᠰᠢᠷᠪᠢᠬᠦ ᠮᠠᠯ ᠢ ᠰᠢᠳᠤ ᠶᠢ ᠨᠢ ᠲᠠᠳᠠᠵᠣ ᠦᠵᠡᠵᠣ ᠪᠠᠶᠢᠵᠣ ᠰᠠᠶ᠋ᠢ ᠢᠮᠨᠠᠵᠣ ᠲᠡᠮᠳᠡᠭᠯᠡᠵᠣ ᠲᠠᠩᠰᠠᠯᠠᠳᠠᠭ᠂ ᠬᠠᠮᠤᠭ ᠲᠡᠷᠢᠬᠦᠨ ᠳᠤ ᠲᠦᠯ ᠢ ᠨᠢ ᠪᠠᠷᠢᠵᠣ᠂ ᠲᠠᠷᠠᠭ᠎ᠠ ᠨᠢ ᠰᠦᠪᠠᠢ ᠮᠠᠯ ᠢ ᠪᠠᠷᠢᠵᠣ᠂ ᠲᠡᠬᠦᠨ ᠤ ᠲᠠᠷᠠᠭ᠎ᠠ ᠨᠢ ᠰᠢᠷᠪᠢᠬᠦ ᠮᠠᠯ ᠢᠶᠠᠨ ᠪᠠᠷᠢᠵᠣ᠂ ᠦᠷᠡᠵᠢᠬᠦᠯᠦᠭᠴᠢ ᠮᠠᠯ ᠢᠶᠠᠨ ᠪᠠᠷᠢᠭᠠᠤᠨ᠂ ᠦᠯᠡᠳᠡᠭᠰᠡᠨ ᠦᠷᠡᠵᠢᠭᠴᠢ ᠮᠠᠯ ᠢᠶᠠᠨ ᠲᠤᠭᠠᠯᠠᠵᠣ ᠭᠠᠷᠭᠠᠳᠠᠭ᠃  ᠲᠡᠬᠡᠵᠣ ᠨᠢᠬᠡ ᠰᠦᠷᠦᠭ ᠠᠴᠠ ᠠᠪᠬᠤ ᠢᠷᠬᠡ᠂ ᠰᠢᠷᠬᠡ᠂ ᠰᠢᠷᠪᠢᠳᠡᠰᠤ ᠵᠡᠷᠬᠡ ᠶᠢᠨ ᠠᠮᠳᠠᠨ ᠤ ᠮᠠᠯ᠂ ᠤᠯᠤᠰ ᠤᠨ ᠡᠬᠦᠷᠬᠡ ᠳᠤ ᠦᠭᠬᠦ ᠮᠠᠯ ᠤᠨ ᠲᠤᠭ᠎ᠠ ᠶᠢ ᠲᠤᠬᠳᠠᠭᠠᠵᠣ ᠪᠦᠷᠢᠳᠬᠡᠬᠡᠤᠨ ᠨᠠᠮᠤᠷ ᠪᠤᠯᠬᠤ ᠳᠤ ᠲᠠᠷᠨ ᠮᠠᠯ ᠢᠶᠠᠨ ᠲᠤᠭ᠎ᠠ ᠲᠡᠮᠳᠡᠭ ᠶᠤᠰᠤᠭᠠᠷ ᠨᠢ ᠠᠪᠴᠢᠷᠠᠵᠣ ᠪᠠᠷᠢᠭᠠᠳᠠ ᠳᠤ ᠲᠤᠰᠢᠶᠠᠵᠣ ᠦᠭᠳᠡᠭ᠃ ᠡᠪᠤᠯ ᠤᠨ ᠠᠮᠳᠠᠨ ᠤ ᠮᠠᠯ ᠢ ᠤᠯᠨᠨ ᠠᠮᠨ ᠪᠦᠯᠢ ᠲᠠᠢ ᠡᠷᠤᠬᠡ ᠳᠤ ᠬᠦᠮᠤᠨ ᠪᠦᠷᠢ ᠳᠤ ᠨᠢᠬᠡ ᠪᠤᠭ ᠮᠠᠯ᠂ ᠲᠠᠪᠤᠨ ᠬᠦᠮᠤᠨ ᠠᠴᠠ ᠲᠤᠭᠤᠬᠰᠢ ᠠᠮᠨ ᠪᠦᠯᠢ ᠲᠠᠢ ᠡᠷᠤᠬᠡ ᠳᠤ ᠨᠢᠬᠡ ᠬᠦᠮᠤᠨ ᠳᠤ ᠨᠢᠬᠡ ᠲᠤᠮᠳᠠ ᠮᠠᠯ᠂ ᠭᠠᠭᠴᠨ ᠠᠮᠨ ᠪᠦᠯᠢ ᠲᠠᠢ ᠡᠷᠤᠬᠡ ᠳᠤ ᠬᠤᠶᠠᠷ ᠮᠠᠯ ᠬᠡᠬᠦ ᠵᠡᠷᠬᠡ ᠪᠠᠷ ᠬᠤᠪᠢᠶᠠᠵᠣ ᠦᠭᠳᠡᠭ᠃ ᠲᠠᠷᠨ ᠦᠶ᠎ᠠ ᠳᠤ ᠲᠠᠩᠰᠨ ᠬᠠᠷ᠎ᠠ ᠲᠤᠭ᠎ᠠ ᠪᠦᠷᠢᠳᠬᠡᠯ ᠢ ᠬᠢᠬᠦ   ᠳᠤ ᠪᠦᠷ ᠰᠤᠸᠠᠮᠫᠠᠨ ᠬᠡᠷᠡᠭᠯᠡᠳᠡᠭ ᠪᠠᠶᠢᠬᠰᠨᠨ᠃ ᠪᠢ ᠰᠠᠩ ᠬᠠᠮᠢᠶᠠᠷᠤᠬᠴᠢ ᠪᠤᠯᠤᠬᠰᠠᠨ ᠤ ᠲᠠᠷᠠᠭ᠎ᠠ ᠭᠤᠷᠪᠠᠨ ᠰᠠᠷ᠎ᠠ ᠲᠤᠳᠤᠷ᠎ᠠ ᠰᠤᠸᠠᠮᠫᠠᠨ ᠪᠤᠳᠤᠯᠭ᠎ᠠ ᠶᠢᠨ ᠨᠡᠮᠡᠬᠦ ᠬᠠᠰᠤᠬᠤ᠂ ᠦᠷᠡᠵᠢᠬᠦᠯᠬᠦ ᠬᠤᠪᠢᠶᠠᠬᠤ ᠠᠷᠭ᠎ᠠ ᠶᠢ ᠮᠢᠨᠤ ᠠᠪᠤ ︵ᠨᠢᠬᠡᠳᠤᠯ ᠬᠤᠷᠰᠢᠶ᠎ᠠ ᠪᠤᠯᠬᠤ ᠳᠤ ᠲᠡᠮᠡᠬᠡᠳᠤ ᠪᠠᠷᠢᠭᠠᠳᠠ ᠶᠢᠨ ᠨᠢᠬᠳᠠᠯᠠᠨ ᠪᠤᠳᠤᠬᠴᠢ ᠪᠠᠶᠢᠵᠠᠢ︶  ᠨᠠᠳᠠ ᠳᠤ ᠵᠢᠭᠠᠵᠣ ᠦᠭᠬᠦᠬᠡᠤᠨ ᠰᠤᠸᠠᠮᠫᠠᠨ ᠪᠤᠳᠤᠯᠭ᠎ᠠ ᠶᠢ ᠲᠤᠩ ᠪᠤᠯᠪᠠᠰᠤᠷᠠᠩᠭᠤᠢ ᠴᠤᠬᠢᠳᠠᠭ ᠪᠤᠯᠤᠬᠰᠠᠨ᠃ ᠰᠤᠸᠠᠮᠫᠠᠨ ᠪᠤᠳᠤᠯᠭ᠎ᠠ ᠶᠢᠨ ᠨᠡᠮᠡᠬᠦ ᠪᠤᠳᠤᠯᠭ᠎ᠠ ᠶᠢ ᠪᠤᠯᠪᠠᠰᠤᠷᠠᠬᠤ  ᠳᠤ 625 ᠬᠡᠰᠡᠨ ᠲᠤᠭ᠎ᠠ ᠶᠢ 16 ᠤᠳᠠᠭ᠎ᠠ ᠨᠠᠮᠡᠪᠡᠯ ᠲᠦᠮᠨ ᠪᠤᠯᠳᠠᠭ᠃ ᠡᠨᠠ ᠨᠢ ᠬᠠᠭᠤᠴᠢᠨ ᠳᠤ ᠬᠡᠷᠡᠭᠯᠡᠵᠣ ᠪᠠᠶᠢᠬᠰᠠᠨ 16 ᠯᠠᠩ ᠤᠨ ᠵᠢᠩ ᠪᠤᠯᠤᠨ ᠤᠳᠤ ᠶᠢᠨ 10 ᠯᠠᠩ ᠤᠨ ᠵᠢᠩ ᠢ ᠬᠠᠷᠢᠴᠠᠭᠤᠯᠤᠨ ᠪᠤᠳᠤᠬᠤ ᠠᠷᠭ᠎ᠠ ᠪᠤᠯᠤᠨ᠎ᠠ᠃ ᠲᠡᠬᠡᠬᠡᠤᠨ ᠤᠯᠠᠨ ᠤᠳᠠᠭ᠎ᠠ ᠪᠤᠯᠪᠠᠰᠤᠷᠠᠬᠰᠠᠭᠠᠷ ᠪᠠᠶᠢᠭᠠᠤᠨ ᠭᠠᠷ ᠤᠨ  ᠡᠷᠡᠬᠡᠢ᠂ ᠬᠤᠮᠤᠬᠠᠢ᠂ ᠲᠤᠮᠳᠠ ᠬᠤᠷᠤᠭᠤ ᠭᠤᠷᠪᠠ ᠬᠠᠷᠢᠯᠴᠠᠨ ᠨᠦᠬᠦᠴᠡᠵᠣ᠂ ᠰᠤᠸᠠᠮᠫᠠᠨ ᠤ  ᠡᠷᠢᠬᠡ ᠶᠢ ᠦᠬᠡᠳᠠ ᠤᠷᠤᠭᠤ ᠲᠦᠯᠬᠢᠬᠦ ᠪᠠ ᠤᠷᠤᠨ ᠲᠡᠪᠰᠢᠬᠦ ᠳᠤ ᠲᠤᠩ ᠪᠤᠯᠪᠠᠰᠤᠷᠠᠩᠭᠤᠢ ᠬᠡᠷᠡᠭᠯᠡᠵᠣ ᠴᠢᠳᠠᠬᠤ ᠪᠤᠯᠤᠬᠰᠠᠨ ᠶᠤᠮ᠃ ᠬᠤᠪᠢᠶᠠᠬᠤ ᠤᠶᠢᠯᠠᠳᠤᠯ ᠤᠨ ᠶᠢᠰᠤᠨ ᠲᠦᠷᠤᠯ ᠤᠨ ᠠᠷᠭ᠎ᠠ ᠶᠢ ᠴᠤ ᠪᠦᠬᠦᠨ ᠢ ᠴᠡᠬᠡᠵᠢᠯᠡᠬᠡᠤᠨ ᠬᠤᠪᠢᠶᠠᠬᠤ ᠪᠤᠳᠤᠯᠭ᠎ᠠ ᠶᠢ ᠮᠥᠨ ᠲᠦᠷᠬᠡᠨ ᠪᠤᠳᠤᠵᠣ ᠴᠢᠳᠠᠳᠠᠭ ᠪᠠᠶᠢᠬᠰᠠᠨ᠃   1971 ᠤᠨ ᠤ ᠡᠪᠤᠯ ᠬᠤᠰᠢᠭᠤ᠂ ᠬᠦᠩᠱᠧ ᠠᠴᠠ ᠠᠵᠢᠯᠯᠠᠬᠤ ᠲᠤᠭᠤᠶᠢᠯᠠᠩ ᠤᠨ ᠭᠤᠷᠪᠠᠨ ᠺᠠᠳ᠋ᠷ ᠮᠠᠨ ᠤ ᠪᠠᠷᠢᠭᠠᠳᠠ ᠳᠤ ᠪᠠᠭᠤᠵᠣ ᠢᠷᠡᠪᠡ᠃ ᠲᠡᠬᠦᠨ ᠤ ᠲᠤᠳᠤᠷ᠎ᠠ ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ  ᠶᠢᠨ ᠴᠢᠳᠠᠯᠳᠤ ᠬᠡᠳᠡᠭ ᠪᠠᠭᠰᠢ ᠢᠷᠡᠵᠣ  ᠨᠠᠮ᠎ᠠ ᠶᠢ ᠦᠵᠡᠬᠡᠤᠨ᠄《 ᠴᠢ ᠡᠶᠢᠮᠤ ᠵᠠᠯᠠᠭᠤ ᠪᠠᠶᠢᠭᠠᠤᠨ ᠠᠳᠠ ᠡᠶᠢᠮᠤ ᠠᠵᠢᠯ ᠬᠢᠬᠡᠤᠨ᠂ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠨᠠᠰᠤ ᠪᠠᠨ ᠦᠩᠬᠡᠷᠡᠬᠡᠵᠣ ᠶᠠᠭᠠᠬᠢᠵᠣ ᠪᠤᠯᠬᠤ ᠪᠤᠢ︖ ᠵᠠᠪᠠᠯ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠬᠡᠷᠡᠭᠳᠠᠢ》ᠬᠡᠪᠡ᠃ ᠲᠡᠬᠡᠬᠡᠤᠨ ᠪᠢ  ᠄《ᠪᠠᠷᠢᠭᠠᠳᠠ᠂ ᠬᠦᠩᠱᠧ ᠠᠴᠠ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠶᠢᠨ᠎ᠠ ᠰᠢᠤ᠂ ᠪᠢ ᠪᠠᠰᠨ ᠬᠡᠯᠡᠵᠣ ᠦᠩᠬᠡᠷᠡᠭᠰᠡᠨ》 ᠬᠡᠰᠡᠨ ᠳᠤ ᠴᠢᠳᠠᠯᠳᠤ ᠪᠠᠭᠰᠢ᠄《 ᠵᠨ᠂ ᠬᠡᠮ ᠦᠭᠡᠢ᠂ ᠪᠢ ᠬᠠᠷᠢᠵᠣ ᠤᠴᠢᠭᠠᠤᠨ ᠴᠢᠮ᠎ᠠ ᠳᠤ ᠰᠤᠷᠭᠠᠭᠤᠯᠢ ᠳᠤ ᠡᠯᠰᠡᠬᠦ ᠮᠡᠳᠡᠭᠳᠡᠯ ᠶᠠᠪᠤᠭᠤᠯᠵᠣ ᠦᠭᠬᠦᠶ᠎ᠠ᠂ ᠲᠡᠬᠡᠪᠡᠯ ᠶᠠᠪᠤᠭᠤᠯᠬᠤ ᠪᠠᠶᠢᠯᠬᠦᠢ》ᠬᠡᠪᠡ᠃ 1972  ᠤᠨ ᠤ 1 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠳᠤ ᠦᠨᠡᠬᠡᠷ ᠮᠡᠳᠡᠭᠳᠡᠯ ᠢᠷᠡᠬᠦᠯᠪᠡ᠃ ᠲᠡᠬᠡᠬᠡᠤᠨ ᠪᠢ ᠪᠠᠷᠢᠭᠠᠳᠠ ᠤᠨ ᠱᠦᠵᠢ᠂ ᠲᠠᠷᠤᠭ᠎ᠠ ᠳᠤ ᠬᠡᠯᠡᠭᠰᠡᠨ ᠳᠤ᠂ ᠬᠦᠩᠱᠧ ᠠᠴᠠ ᠮᠡᠳᠡᠨ᠎ᠠ᠂ ᠤᠴᠢᠵᠣ ᠬᠦᠩᠱᠧ ᠳᠤ ᠤᠴᠢᠷ ᠢᠶᠠᠨ ᠶᠡᠷᠢ ᠬᠡᠪᠡ᠃ ᠪᠢ ᠢᠷᠡᠵᠣ ᠬᠦᠩᠱᠧ ᠶᠢᠨ ᠯᠠᠩ ᠱᠦᠵᠢ ᠳᠤ ᠤᠴᠢᠷ ᠢᠶᠠᠨ ᠬᠡᠯᠡᠭᠰᠡᠨ ᠳᠤ᠄《 ᠪᠤᠯᠬᠤ ᠦᠭᠡᠢ᠂ ᠴᠢ ᠮᠥᠨ ᠲᠤᠰ ᠠᠵᠢᠯ ᠢᠶᠠᠨ ᠰᠠᠶᠢᠨ ᠬᠢᠵᠤ ᠪᠠᠢ᠂ ᠪᠢᠳᠠᠭᠡᠢ ᠶᠠᠪᠤᠨ᠎ᠠ ᠪᠠᠷᠢᠨ᠎ᠠ ᠭᠡᠳ ᠪᠠᠢ᠂ ᠴᠢ ᠠᠵᠢᠯ ᠢᠶᠠᠨ ᠰᠠᠶᠢᠨ ᠬᠢᠵᠤ ᠪᠠᠶᠢᠭᠰᠠᠨ ᠴᠠᠭ ᠲᠤ ᠬᠤᠵᠢᠮ  ᠴᠢᠮ᠎ᠠ ᠶᠢ ᠵᠦᠭᠡᠷ ᠦᠩᠭᠡᠷᠠᠭᠡᠬᠦ ᠦᠭᠡᠢ》 ᠭᠡᠪᠠ᠃ ᠲᠡᠭᠡᠭᠡᠳ ᠴᠠᠭᠠᠯᠠᠵᠤ ᠦᠩᠭᠡᠷᠠᠭᠡᠳ 2 ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ ᠡᠴᠤᠰ ᠢᠶᠠᠷ ᠬᠦᠨᠠᠰᠤ ᠂ ᠪᠤᠷᠳᠤᠭ᠎ᠠ ᠦᠭᠳᠡᠭ ᠬᠠᠩᠭᠠᠳᠠᠭ ᠶᠠᠭᠤᠮ᠎ᠠ ᠪᠠᠨ ᠪᠦᠬᠦᠳᠠ ᠶᠢ ᠬᠢᠵᠤ ᠲᠠᠭᠤᠰᠬᠠᠭᠠᠳ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ  ᠪᠠᠷ ᠪᠠᠯᠠᠳᠭᠡᠭᠰᠠᠨ ᠳᠤ ᠪᠠᠷᠢᠭᠠᠳᠠ ᠠᠴᠠ᠄  ᠴᠢᠮ᠎ᠠ ᠳᠤ ᠴᠢᠯᠦᠭᠡ ᠦᠭᠬᠦᠭᠰᠠᠨ ᠶᠤᠮ ᠤᠤ︖ ᠭᠡᠵᠤ ᠠᠰᠠᠭᠤᠭᠰᠠᠨ  ᠳᠤ ᠪᠢ ᠦᠪᠠᠷ ᠢᠶᠠᠨ ᠴᠢᠯᠦᠭᠡ ᠪᠠᠨ ᠦᠭᠬᠦᠭᠰᠠᠨ ᠭᠡᠵᠤ ᠭᠡᠯᠠᠭᠡᠳ 3 ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ 1 ᠳᠤ  ᠠᠯᠠᠱᠠ ᠠᠶᠢᠮᠠᠭ ᠤᠨ ᠬᠤᠶᠠᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠵᠤ ᠨᠠᠷ᠎ᠠ ᠪᠠᠨ ᠮᠠᠳᠠᠬᠦᠯᠦᠭᠡᠳ ᠬᠢᠴᠢᠶᠠᠯ ᠢᠶᠠᠨ ᠤᠷᠤᠪᠠ  ᠃ 4 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠶᠢᠨ ᠲᠤᠮᠳᠠᠴᠢ ᠪᠤᠯᠬᠤ ᠳᠤ ᠪᠠᠷᠢᠭᠠᠳᠠ ᠠᠴᠠ ᠴᠢᠮᠡᠭᠡ ᠢᠷᠠᠬᠦᠯᠵᠤ᠂ ᠬᠦᠨᠠᠰᠤ ᠪᠤᠷᠳᠤᠭ᠎ᠠ ᠪᠠᠨ ᠬᠠᠩᠭᠠᠬᠤ ᠵᠠᠷᠭᠡ ᠠᠵᠢᠯ ᠢᠶᠠᠨ ᠬᠢ ᠭᠡᠪᠠ᠃ ᠲᠡᠭᠡᠭᠡᠳ ᠨᠢᠭᠡ ᠭᠠᠷᠠᠭ ᠤᠨ ᠴᠢᠯᠦᠭᠡ ᠭᠤᠶᠤᠵᠤ ᠬᠠᠷᠢᠵᠤ ᠢᠷᠠᠭᠡᠳ ᠬᠦᠨᠠᠰᠤ ᠪᠤᠷᠳᠤᠭ᠎ᠠ ᠪᠠ ᠦᠭᠳᠡᠭ ᠬᠠᠩᠭᠠᠳᠠᠭ ᠵᠤᠶᠢᠯ ᠢᠶᠠᠨ ᠬᠦᠢᠴᠠᠳᠭᠡᠭᠡᠳ ᠲᠠᠬᠢᠨ ᠰᠤᠷᠭᠠᠭᠤᠯᠢ   ᠳᠤ ᠪᠠᠨ ᠢᠷᠠᠵᠤ ᠬᠢᠴᠢᠶᠠᠯ ᠤᠷᠤᠭᠠᠳ 5  ᠳ᠋ᠤᠭᠠᠷ ᠰᠠᠷ᠎ᠠ ᠳᠤ ᠪᠠᠰᠠ ᠨᠢᠭᠡ ᠤᠳᠠᠭ᠎ᠠ ᠤᠴᠢᠭᠠᠳ 6 ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ ᠲᠤᠮᠳᠠᠴᠢ ᠪᠠᠷ 《  ᠲᠦᠷᠭᠡᠨ ᠢᠷᠠᠵᠤ ᠲᠠᠩᠰᠠ ᠪᠠᠨ ᠲᠤᠰᠢᠶᠠ》 ᠭᠡᠰᠡᠨ ᠴᠢᠮᠡᠭᠡ ᠢᠷᠠᠪᠠ᠃ ᠲᠡᠭᠡᠭᠡᠳ ᠪᠠᠶᠠᠷᠳᠠᠢ ᠭᠡᠭᠴᠢ ᠬᠤᠶᠠᠷ ᠭᠠᠷᠠᠭ ᠤᠨ ᠴᠢᠯᠦᠭᠡ ᠠᠪᠤᠭᠠᠳ ᠬᠦᠩᠱᠧ ᠲᠡᠭᠡᠷ᠎ᠠ ᠯᠠᠩ ᠱᠦᠵᠢ ᠳᠤ ᠦᠵᠡᠭᠳᠡᠬᠦ ᠠᠴᠠ ᠵᠠᠶᠢᠯᠠᠰᠬᠢᠵᠤ ᠶᠠᠪᠤᠭᠠᠳ ᠲᠠᠩᠰᠠ ᠪᠠᠨ ᠶᠢᠨ ᠢᠦᠢ ᠹᠠᠩ ᠭᠡᠳᠡᠭ ᠬᠤᠳᠤᠩ ᠵᠠᠯᠠᠭᠤ ᠳᠤ ᠪᠤᠢ ᠪᠦᠬᠦᠢ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠵᠤᠶᠢᠯ ᠢᠶᠠᠨ ᠬᠦᠩᠱᠧ ᠶᠢᠨ ᠢᠳᠠᠭᠡᠮᠵᠢ ᠶᠢᠨ ᠬᠤᠷᠰᠢᠶ᠎ᠠ ᠶᠢᠨ ᠨᠢᠭᠡ ᠠᠵᠢᠯᠳᠠᠨ ᠤ ᠭᠢᠨᠠᠯᠳᠠ ᠶᠢᠨ ᠲᠤᠤᠷ᠎ᠠ ᠲᠤᠰᠢᠶᠠᠯ ᠢᠶᠠᠨ ᠭᠢᠭᠡᠳ᠂ ᠰᠠᠳᠬᠢᠯ ᠰᠠᠨᠠᠭ᠎ᠠ ᠠᠭᠤᠵᠢᠷᠠᠵᠤ᠂ ᠨᠢᠭᠡᠨ ᠪᠤᠳᠤᠯ ᠢᠶᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠠᠯ   ᠳᠤ ᠪᠠᠨ ᠰᠢᠮᠳᠠᠵᠤ ᠲᠡᠭᠡᠳᠤ ᠵᠠᠷᠭᠡ ᠶᠢᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠲᠠᠬᠦᠰᠭᠡᠭᠡᠳ 1975 ᠤᠨ ᠤ 1 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠳᠤ ᠨᠤᠳᠤᠭ   ᠲᠤ ᠪᠠᠨ ᠪᠤᠴᠠᠭᠰᠠᠨ ᠰᠠᠭᠡᠭᠡᠳᠠᠨ ᠵᠠᠯᠠᠭᠤ ᠪᠠᠷ ᠬᠠᠷᠢᠵᠤ ᠢᠷᠠᠪᠠ᠃    ᠬᠠᠷᠢᠭᠠᠳ ᠢᠷᠠᠬᠦ ᠳᠤ ᠶᠠᠭ ᠰᠠᠶᠢᠬᠠᠨ ᠵᠢᠯ ᠤᠨ ᠡᠴᠤᠰ ᠤᠨ ᠭᠡᠰᠢᠬᠦᠳ ᠤᠨ ᠬᠤᠪᠢᠶᠠᠷᠢᠯᠠᠯᠳᠠ ᠶᠢᠨ ᠬᠤᠷᠠᠯ ᠪᠤᠯᠵᠤ ᠪᠠᠶᠢᠭᠰᠠᠨ ᠳᠤ ᠯᠠᠩ ᠱᠦᠵᠢ ᠮᠥᠨ ᠢᠷᠠᠴᠢᠭᠡᠭᠰᠠᠨ  ᠨᠠᠮ᠎ᠠ ᠶᠢ ᠦᠵᠠᠭᠡᠳ ᠶᠡᠭᠡ ᠰᠠᠶᠢᠬᠠᠨ ᠵᠠᠩ ᠲᠠᠢ ᠪᠠᠷ ᠄《 ᠵᠠ᠂ ᠴᠢ ᠬᠠᠷᠢᠭᠠᠳ ᠢᠷᠡᠭᠰᠠᠨ ᠰᠠᠶᠢᠨ ᠪᠤᠯᠤᠯ᠎ᠠ᠃ ᠤᠳᠤ ᠲᠠᠮᠠᠭᠡᠳᠤ ᠪᠠᠷᠢᠭᠠᠳᠠ ᠶᠢᠨ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ  ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠠᠵᠢᠯᠯᠠ》 ᠭᠡᠪᠠ᠃ ᠲᠡᠭᠡᠭᠡᠳ ᠴᠠᠭᠠᠯᠠᠵᠤ ᠦᠩᠭᠡᠷᠠᠭᠡᠳ 3  ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ ᠡᠬᠢ ᠪᠠᠷ ᠮᠥᠨ ᠢᠳᠠᠭᠡᠮᠵᠢ ᠶᠢᠨ ᠬᠤᠷᠰᠢᠶᠠᠨ ᠤ ᠡᠷᠬᠢᠯᠡᠭᠴᠢ ᠶᠢᠨ ᠬᠢᠨᠠᠯᠳᠠ ᠶᠢᠨ ᠲᠤᠤᠷ᠎ᠠ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ  ᠶᠢᠨ ᠲᠠᠩᠰᠠ ᠬᠠᠷ᠎ᠠ ᠪᠠᠨ ᠲᠤᠰᠴᠤ ᠠᠪᠤᠪᠠ᠃ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠶᠢᠨ ᠠᠵᠢᠯ ᠢ ᠭᠤᠷᠪᠠᠨ ᠵᠢᠯ ᠬᠢᠵᠤ ᠭᠤᠷᠪᠠᠨ ᠤᠳᠠᠭᠠᠨ ᠤ ᠠᠰᠢᠭ ᠤᠷᠤᠯᠭ᠎ᠠ ᠶᠢᠨ ᠬᠤᠪᠢᠶᠠᠷᠢᠯᠠᠯᠳᠠ ᠬᠢᠭᠰᠡᠨ ᠪᠢᠯᠠ᠃ ᠮᠠᠨ ᠤ ᠪᠠᠷᠢᠭᠠᠳᠠ ᠲᠠᠷᠠ ᠦᠶ᠎ᠠ ᠳᠤ ᠬᠠᠭᠠᠰ ᠵᠢᠯ ᠳᠤ ᠨᠢᠭᠡ ᠤᠳᠠᠭ᠎ᠠ ᠤᠷᠢᠳᠴᠢᠯᠠᠨ ᠬᠤᠪᠢᠶᠠᠷᠢᠯᠠᠯᠳᠠ ᠬᠢᠳᠡᠭ ᠪᠠᠶᠢᠪᠠ᠃    ᠪᠦᠬᠦ ᠵᠢᠯ ᠤᠨ ᠤᠷᠤᠯᠭ᠎ᠠ ᠭᠡᠪᠠᠯ᠄  ᠬᠠᠮᠤᠭ ᠶᠡᠭᠡ ᠤᠷᠤᠯᠭ᠎ᠠ ᠨᠢ ᠮᠥᠨ ᠠᠶᠠᠨ ᠲᠡᠭᠡᠭᠡᠪᠤᠷᠢ ᠬᠢᠭᠰᠡᠨ ᠤᠷᠤᠯᠭ᠎ᠠ ᠪᠠᠶᠢᠵᠡᠢ᠃ ᠪᠠᠰᠠ ᠮᠠᠯ ᠬᠤᠳᠠᠯᠳᠤᠭᠰᠠᠨ᠂ ᠮᠠᠯ ᠤᠨ ᠠᠰᠢᠭ ᠰᠢᠮ᠎ᠠ᠂ ᠨᠤᠤᠰᠤ  ᠨᠣᠣᠯᠣᠭᠤᠷ ᠵᠠᠷᠭᠡ᠃  ᠪᠠᠰᠠ ᠬᠤᠯᠤᠰᠤ᠂ ᠲᠦᠩᠭᠡ᠂ ᠰᠢᠷᠠᠯᠵᠢᠨ ᠦᠷ᠎ᠠ ︵ᠲᠠᠳᠠᠩᠬᠠᠢ︶᠂ ᠤᠯᠠᠭᠠᠨ ᠭᠤᠶᠤᠤ ᠵᠠᠷᠭᠡ᠃ ᠬᠤᠵᠢᠮ 1977 ᠤᠨ ᠪᠤᠯᠬᠤ ᠳᠤ ᠪᠠᠷᠢᠭᠠᠳᠠ ᠪᠠᠰᠠ ᠨᠢᠭᠡ 55 ᠭᠡᠯᠪᠠᠷᠢᠳᠤ ᠲᠷᠠᠺᠲ᠋ᠤᠷ ᠠᠪᠤᠭᠠᠳ ᠭᠠᠳᠠᠭᠰᠢ ᠭᠠᠷᠴᠤ ᠲᠠᠭᠠᠯᠳᠤᠬᠤ ᠠᠵᠢᠯ ᠬᠢᠭᠡᠳ ᠤᠷᠤᠯᠭ᠎ᠠ ᠪᠠᠨ ᠶᠡᠭᠡ ᠪᠠᠷ ᠨᠡᠮᠡᠭᠳᠡᠬᠦᠯᠦᠭᠰᠠᠨ᠂ ᠲᠤᠭᠤᠴᠠᠭ᠎ᠠ ᠬᠢᠬᠦ ᠳᠤ ᠪᠦᠬᠦ ᠤᠷᠤᠯᠭ᠎ᠠ ᠠᠴᠠ ᠪᠠᠨ ᠬᠠᠮᠳᠤ ᠳᠤ ᠦᠯᠠᠳᠠᠭᠡᠬᠦ ᠨᠠᠶᠢᠳᠠ ᠶᠢᠨ ᠬᠤᠷᠠᠮᠳᠤᠯᠭ᠎ᠠ ᠶᠢᠨ ᠮᠦᠩᠬᠦ 5% ᠤᠷᠴᠢᠮ᠂ ᠨᠠᠶᠢᠳᠠ ᠶᠢᠨ ᠠᠰᠠᠷᠠᠮᠵᠢ ᠶᠢᠨ ᠮᠦᠩᠬᠦ 3% ᠤᠷᠴᠢᠮ᠂ ᠮᠠᠯ ᠤᠨ ᠠᠴᠢ ᠬᠠᠷᠢᠭᠤᠯᠠᠯᠳᠠ ︵ᠲᠤᠭᠳᠠᠮᠠᠯ ᠲᠤᠭ᠎ᠠ ᠪᠠᠶᠢᠳᠠᠭ︶᠂ ᠪᠤᠰᠤᠳ ᠤᠶᠢᠯᠠᠳᠪᠤᠷᠢᠯᠠᠯ ᠤᠨ ᠵᠠᠷᠤᠯᠭ᠎ᠠ᠂ ᠵᠢᠱᠢᠶᠠᠯᠠᠪᠠᠯ᠄ ᠪᠤᠷᠳᠤᠭ᠎ᠠ᠂ ᠲᠤᠰᠤ᠂ ᠴᠠᠢ᠂ ᠤᠩᠭᠤᠴᠠ ᠂ ᠤᠳᠬᠤᠴᠠ᠂ ᠰᠠᠷᠭᠡᠶᠢᠯᠠᠯ ᠤᠨ ᠲᠠᠷᠢᠯᠭ᠎ᠠ᠂ ᠮᠠᠯ ᠤᠨ ᠡᠮ᠂ ᠬᠤᠳᠳᠤᠭ ᠤᠰᠤ᠂ ᠬᠠᠰᠢᠶ᠎ᠠ ᠰᠠᠷᠠᠪᠴᠢ ᠶᠢᠨ ᠵᠠᠷᠤᠯᠭ᠎ᠠ ᠮᠠᠳᠤ ᠶᠢᠨ ᠵᠠᠷᠤᠯᠭ᠎ᠠ ᠪᠠᠨ ᠭᠠᠷᠭᠠᠭᠠᠳ ᠦᠯᠡᠳᠡᠭᠰᠠᠨ ᠢᠶᠠᠨ ᠬᠤᠪᠢ ᠨᠤᠷᠮ᠎ᠠ   ᠳᠤ ᠪᠠᠨ ᠲᠡᠭᠰᠢᠳᠭᠡᠵᠤ ᠬᠤᠪᠢᠶᠠᠷᠢᠯᠠᠯᠳᠠ ᠪᠠᠨ ᠬᠢᠳᠡᠭ᠃ ᠮᠢᠨᠤ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠬᠢᠭᠰᠡᠨ ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠪᠦᠬᠦᠯᠢ ᠬᠤᠪᠢ ︵10 ᠬᠤᠪᠢ︶ ᠳᠤ 1.00 ᠲᠦᠬᠦᠷᠢᠭ᠂ 0.90 ᠲᠦᠬᠦᠷᠢᠭ᠂ 1.05 ᠲᠦᠬᠦᠷᠢᠭ ᠢᠶᠠᠷ ᠬᠤᠪᠢᠶᠠᠷᠢᠯᠠᠯᠳᠠ ᠬᠢᠵᠤ ᠦᠩᠭᠡᠷᠡᠭᠰᠠᠨ᠃1977 ᠤᠨ ᠠᠴᠠ 1979 ᠤᠨ ᠪᠤᠯᠳᠠᠯ᠎ᠠ  ᠪᠢ ᠲᠠᠮᠠᠭᠡᠳᠤ ᠪᠠᠷᠢᠭᠠᠳᠠ ᠶᠢᠨ ᠲᠠᠳ᠋ ᠲᠠᠷᠤᠭ᠎ᠠ ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠦᠩᠭᠡᠷᠠᠪᠠ᠃    1980 ᠤᠨ ᠤ 2  ᠳ᠋ᠤᠭᠠᠷ ᠰᠠᠷ᠎ᠠ ᠳᠤ ᠯᠠᠩ ᠱᠦᠵᠢ  ᠨᠠᠮ᠎ᠠ ᠶᠢ ᠲᠠᠭᠤᠳᠠᠵᠤ ᠢᠷᠠᠭᠡᠳ᠄《 ᠴᠢ  ᠤᠷᠢᠳ ᠢᠶᠠᠷ ᠰᠤᠷᠭᠠᠭᠤᠯᠢ ᠳᠤ ᠢᠷᠠᠵᠤ ᠪᠠᠭᠰᠢᠯᠠᠵᠤ ᠪᠠᠢ᠃ ᠦᠨᠤ ᠵᠢᠯ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠠᠨ ᠰᠤᠷᠭᠠᠭᠤᠯᠢ  ᠶᠢᠨ ᠪᠠᠭᠰᠢ ᠨᠠᠷ ᠢ ᠰᠢᠯᠭᠠᠯᠳᠠ ᠪᠠᠷ ᠲᠠᠮᠵᠢᠭᠠᠳ  ᠵᠢᠩᠬᠢᠨᠢᠴᠢᠯᠡᠬᠦ ᠲᠦᠷᠤ ᠶᠢᠨ ᠪᠤᠳᠤᠯᠭ᠎ᠠ ᠪᠠᠶᠢᠨ᠎ᠠ᠃ ᠲᠡᠭᠡᠭᠡᠳ ᠴᠢ ᠵᠢᠩᠬᠢᠨᠢ ᠤᠯᠤᠰ ᠤᠨ ᠠᠵᠢᠯᠳᠠᠨ ᠪᠤᠯᠪᠠᠯ ᠨᠢᠭᠡᠳᠤᠯ ᠳᠤ ᠠᠪᠴᠢᠷᠠᠵᠤ ᠠᠵᠢᠯ ᠲᠤᠬᠢᠷᠠᠭᠤᠯᠤᠶ᠎ᠠ》 ᠭᠡᠪᠠ᠃ ᠲᠡᠭᠡᠭᠡᠳ ᠪᠢ 1980 ᠤᠨ ᠤ 3 ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ 1 ᠳᠤ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠷᠭᠠᠭᠤᠯᠢ ᠳᠤ ᠢᠷᠠᠵᠤ ᠠᠷᠠᠳ ᠠᠴᠠ  ᠡᠷᠬᠢᠯᠡᠭᠰᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠭᠠᠳ 6  ᠳ᠋ᠤᠭᠠᠷ ᠰᠠᠷ᠎ᠠ ᠪᠤᠯᠬᠤ ᠳᠤ ᠰᠢᠯᠭᠠᠯᠳᠠ ᠪᠠᠷ ᠲᠠᠮᠵᠢᠭᠠᠳ ᠬᠢᠷᠢ ᠲᠡᠩᠴᠠᠵᠤ ᠵᠢᠩᠬᠢᠨᠢ ᠤᠯᠤᠰ ᠤᠨ ᠠᠵᠢᠯᠳᠠᠨ ᠪᠤᠯᠪᠠ᠃ ᠰᠢᠯᠭᠠᠯᠳᠠ ᠳᠤ ᠤᠷᠤᠯᠴᠠᠬᠤ ᠪᠠᠷ ᠶᠠᠪᠤᠬᠤ ᠳᠤ ᠮᠥᠨ ᠯᠠᠩ ᠱᠦᠵᠢ ᠠᠴᠠ ᠨᠢᠭᠡᠳᠤᠯ ᠤᠨ ᠲᠠᠳ᠋ ᠡᠷᠬᠢᠯᠡᠭᠴᠢ ᠪᠠᠶᠢᠭᠰᠠᠨ ᠵᠠᠩ ᠬᠤ᠋ ᠿᠧᠨ ᠭᠡᠳᠡᠭ ᠲᠠᠷᠤᠭ᠎ᠠ ᠪᠠᠷ ᠮᠢᠨᠤ ᠬᠦᠰᠦᠨᠦᠭ ᠢ  1977 ᠤᠨ ᠠᠴᠠ ᠡᠬᠢᠯᠠᠵᠤ ᠪᠠᠭᠰᠢᠯᠠᠪᠠ ᠭᠡᠵᠤ  ᠲᠠᠭᠯᠠᠭᠤᠯᠤᠭᠠᠳ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠭᠤᠷᠪᠠᠨ ᠵᠢᠯ ᠬᠢᠴᠢᠶᠠᠯᠯᠡᠭᠰᠠᠨ ᠦᠩᠭᠡᠷᠠᠯᠳᠠ ᠲᠠᠢ ᠪᠠᠶᠢᠬᠤ ᠲᠤᠭᠳᠠᠭᠠᠯ  ᠳᠤ ᠨᠠᠶᠢᠴᠠᠬᠦᠯᠦᠭᠰᠠᠨ ᠪᠠᠶᠢᠵᠡᠢ᠃ ᠮᠥᠨ ᠲᠠᠷᠠ ᠠᠩᠬ᠎ᠠ ᠲᠠᠯᠠᠭᠰᠠᠨ ᠬᠦᠰᠦᠨᠦᠭ ᠤᠨ ᠶᠤᠰᠤᠭᠠᠷ ᠮᠢᠨᠤ ᠠᠵᠢᠯ ᠳᠤ ᠤᠷᠤᠭᠰᠠᠨ ᠴᠠᠭ ᠬᠤᠭᠤᠴᠠᠭ᠎ᠠ ᠶᠢ 1977 ᠤᠨ ᠠᠴᠠ ᠡᠬᠢᠯᠠᠵᠤ ᠪᠤᠳᠤᠭᠠᠳ 2013 ᠤᠨ ᠳᠤ 37 ᠵᠢᠯ ᠠᠵᠢᠯᠯᠠᠭᠰᠠᠨ ᠬᠤᠭᠤᠴᠠᠭ᠎ᠠ ᠪᠠᠷ ᠪᠤᠳᠤᠵᠤ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠪᠠ᠃    1980 ᠤᠨ ᠤ ᠬᠠᠪᠤᠷ᠂ ᠯᠠᠩ ᠱᠦᠵᠢ ᠬᠤᠰᠢᠭᠤᠨ ᠳᠤ ᠢᠷᠠᠵᠤ ᠬᠤᠷᠠᠯ ᠬᠢᠭᠡᠳ ᠪᠤᠴᠠᠬᠤ ᠵᠠᠮ ᠳᠤ ᠪᠠᠨ ᠪᠠᠶᠠᠠᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠵᠠᠬ᠎ᠠ ᠳᠤ ᠤᠨᠤᠭᠰᠠᠨ ᠲᠠᠮᠡᠭᠡ ᠨᠢ  ᠦᠷᠭᠦᠵᠦ ᠲᠤᠶᠢᠯᠠᠭᠠᠳ ᠴᠢᠯᠠᠭᠤᠨ ᠲᠡᠭᠡᠷ᠎ᠠ ᠴᠤᠬᠢᠭᠤᠯᠤᠭᠠᠳ ᠲᠠᠷᠢᠬᠢ ᠠᠴᠠ ᠨᠢ ᠶᠡᠭᠡ ᠭᠡᠮᠵᠢᠶᠠᠨ ᠤ ᠴᠢᠰᠤ ᠭᠠᠷᠤᠭᠠᠳ  ᠨᠦᠭᠴᠢᠭᠰᠡᠨ ᠪᠢᠯᠠ᠃ ᠯᠠᠩ ᠱᠦᠵᠢ ᠮᠠᠨ ᠤ ᠨᠢᠭᠡᠳᠤᠯ ᠳᠤ 1970 ᠤᠨ ᠳᠤ ᠰᠢᠯᠵᠢᠨ ᠢᠷᠠᠭᠡᠳ ᠪᠦᠬᠦ ᠨᠢᠭᠡᠳᠤᠯ ᠤᠨ ᠠᠷᠠᠳ ᠺᠠᠳ᠋ᠷ ᠤᠯᠠᠨ ᠲᠦᠮᠠᠨ ᠢ ᠤᠳᠤᠷᠢᠳᠤᠨ ᠪᠦᠬᠦ ᠬᠤᠰᠢᠭᠤ ᠤᠷᠤᠨ ᠤ ᠳ᠋ᠠᠵᠠᠢ ᠠᠴᠠ ᠰᠤᠷᠤᠯᠴᠠᠬᠤ ᠲᠠᠷᠢᠬᠦᠨ ᠤ  ᠨᠢᠭᠡᠴᠢ᠂ ᠠᠷᠪᠢᠨ ᠤᠳᠠᠭ᠎ᠠ ᠵᠢᠱᠢᠶᠠᠴᠢ ᠨᠢᠭᠡᠳᠤᠯ ᠢᠶᠠᠷ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠬᠦᠷᠳᠠᠵᠤ ᠦᠩᠭᠡᠷᠡᠭᠰᠠᠨ᠃ ᠯᠠᠩ ᠱᠦᠵᠢ ᠲᠤᠩᠭᠠᠯᠠᠭ ᠨᠠᠭᠤᠷ ᠨᠢᠭᠡᠳᠤᠯ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠠᠨ ︵1978 ᠤᠨ︶ ᠦᠨᠳᠤᠷ ᠲᠠᠷᠤᠯᠳᠠᠳᠤ ᠴᠠᠬᠢᠯᠭᠠᠨ ᠤᠳᠠᠰᠤ ᠶᠢ ᠲᠠᠳᠠᠵᠤ ᠦᠭᠬᠦᠭᠰᠠᠨ᠃ ᠠᠷᠢᠭᠤᠨ ᠴᠢᠭᠡᠴᠢ ᠠᠵᠢᠯᠰᠠᠭ  ᠴᠠᠭᠠᠪᠤᠷ᠂ ᠤᠯᠠᠨ ᠳᠤ ᠪᠠᠨ ᠲᠤᠶᠢᠯ ᠤᠨ ᠬᠦᠷᠢᠶᠠᠯᠠᠯ ᠲᠠᠢ ᠰᠢᠯᠢᠳᠡᠭ ᠰᠠᠶᠢᠨ ᠱᠦᠵᠢ ᠪᠠᠨ ᠠᠯᠳᠠᠭᠰᠠᠨ ᠳᠤ ᠪᠠᠨ ᠪᠦᠬᠦ ᠨᠢᠭᠡᠳᠤᠯ ᠤᠨ ᠺᠠᠳ᠋ᠷ ᠠᠵᠢᠯᠳᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠭᠡᠰᠢᠬᠦᠳ ᠨᠠᠷ ᠪᠠᠶᠠᠠᠬᠤᠳᠠ ᠳᠤ ᠭᠠᠰᠢᠭᠤᠳᠠᠯ ᠤᠨ ᠬᠤᠷᠠᠯ ᠳᠤ   ᠨᠢ  ᠬᠦᠷᠦᠯᠴᠠᠨ ᠢᠷᠠᠵᠤ ᠲᠤᠶᠢᠯ ᠢᠶᠠᠷ ᠭᠠᠰᠢᠭᠤᠳᠠᠨ  ᠮᠦᠷᠦᠭᠡᠳᠴᠦ ᠡᠮᠬᠡᠨᠢᠵᠤ ᠪᠠᠶᠢᠬᠤ ᠪᠠᠨ  ᠢᠯᠡᠳᠭᠡᠭᠰᠡᠨ ᠪᠢᠯᠠ᠃   1980 ᠤᠨ ᠤ 10 ᠳ᠋ᠤᠭᠠᠷ ᠰᠠᠷ᠎ᠠ ᠳᠤ ᠬᠦᠩᠱᠧ ᠠᠴᠠ ᠮᠥᠨ ᠯᠠᠩ ᠱᠦᠵᠢ ᠶᠢᠨ ᠤᠤᠯ ᠤᠨ ᠲᠤᠬᠢᠷᠠᠭᠤᠯᠭ᠎ᠠ ᠪᠠᠷ  ᠨᠠᠮ᠎ᠠ ᠶᠢ ᠬᠦᠩᠱᠧ ᠳᠤ ᠠᠵᠢᠯ ᠰᠢᠯᠵᠢᠬᠦᠯᠵᠤ᠂ ᠬᠦᠩᠱᠧ ᠶᠢᠨ ᠨᠠᠮ ᠤᠨ ᠬᠤᠷᠢᠶ᠎ᠠ ᠶᠢᠨ ᠨᠠᠷᠢᠨ ᠪᠢᠴᠢᠭᠡᠴᠢ ᠪᠠᠷ ᠲᠤᠬᠢᠷᠠᠭᠤᠯᠤᠭᠠᠳ ᠭᠤᠷᠪᠠᠨ ᠵᠢᠯ ᠨᠠᠷᠢᠨ ᠪᠢᠴᠢᠭᠡᠴᠢ ᠶᠢᠨ ᠠᠵᠢᠯ ᠬᠢᠪᠠ᠃1983 ᠤᠨ ᠤ ᠵᠢᠯ ᠤᠨ ᠡᠴᠤᠰ ᠲᠤ ᠪᠠᠶᠢᠭᠤᠯᠭ᠎ᠠ ᠶᠢᠨ ᠦᠭᠡᠷᠠᠴᠢᠯᠠᠯᠳᠠ ᠶᠢᠨ ᠲᠤᠮᠳᠠ ᠪᠢ ᠲᠤᠩᠭᠠᠯᠠᠭ ᠨᠠᠭᠤᠷ ᠬᠦᠩᠱᠧ ᠶᠢᠨ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠱᠦᠵᠢ ᠶᠢᠨ ᠠᠵᠢᠯ ᠢ ᠡᠬᠦᠷᠭᠡᠯᠠᠵᠤ ᠠᠪᠤᠭᠠᠳ 1996  ᠤᠨ ᠪᠤᠯᠳᠠᠯ᠎ᠠ ᠱᠦᠵᠢ᠂ ᠰᠤᠮᠤᠨ ᠲᠠᠷᠤᠭ᠎ᠠ ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠦᠩᠭᠡᠷᠠᠪᠠ᠃ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤ ᠶᠢᠨ ᠪᠠᠶᠢᠭᠤᠯᠭ᠎ᠠ ᠪᠠᠶᠠᠠᠬᠤᠳᠠ ᠠᠴᠠ ᠭᠡᠳᠤᠶᠢᠪᠠᠷ 30 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ ᠪᠤᠯᠪᠠᠴᠤ ᠵᠠᠮ ᠬᠠᠷᠢᠯᠴᠠᠭ᠎ᠠ ᠲᠦᠬᠦᠮ ᠦᠭᠡᠢ᠂ ᠲᠤᠶᠢᠯ ᠤᠨ ᠪᠤᠶᠢᠳᠠ ᠪᠦᠭᠯᠠᠬᠦᠤ ᠭᠠᠵᠠᠷ ᠪᠠᠶᠢᠭᠰᠠᠨ᠂ ᠬᠤᠰᠢᠭᠤᠨ ᠳᠤ ᠶᠠᠪᠤᠬᠤ᠂ ᠭᠠᠴᠠᠭᠠᠨ ᠳᠤ ᠪᠠᠭᠤᠬᠤ ᠳᠤ ᠪᠦᠷ ᠲᠠᠮᠡᠭᠡ  ᠂ ᠮᠤᠷᠢ ᠤᠨᠤᠵᠤ ᠶᠠᠪᠤᠳᠠᠭ ᠪᠠᠶᠢᠵᠡᠢ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤ ᠨᠢ ᠲᠤᠩᠭᠠᠯᠠᠭ ᠨᠠᠭᠤᠷ ᠭᠠᠴᠠᠭ᠎ᠠ᠂ ᠲᠠᠮᠠᠭᠡᠳᠤ ᠭᠠᠴᠠᠭ᠎ᠠ᠂ ᠢᠩᠭᠡᠳᠤ ᠭᠠᠴᠠᠭ᠎ᠠ ᠭᠡᠵᠤ ᠭᠤᠷᠪᠠᠨ ᠴᠤᠯ ᠮᠠᠯᠵᠢᠯ ᠤᠨ ᠭᠠᠴᠠᠭ᠎ᠠ ᠲᠠᠢ᠂ ᠭᠠᠴᠠᠭ᠎ᠠ ᠪᠦᠷᠢ ᠨᠢ ᠪᠤᠷᠳᠤᠭᠠᠨ ᠤ ᠰᠠᠭᠤᠷᠢᠨ ᠭᠠᠵᠠᠷ ᠲᠠᠢ᠂ ᠪᠠᠰᠠ ᠨᠢᠭᠡ ᠬᠦᠩᠱᠧ ᠠᠴᠠ ᠡᠷᠬᠢᠯᠡᠭᠰᠠᠨ ᠤᠢ ᠰᠢᠭᠤᠢ ᠶᠢᠨ ᠲᠠᠯᠠᠪᠠᠢ ᠲᠠᠢ ᠪᠠᠶᠢᠵᠡᠢ᠃ ᠲᠠᠷᠠ ᠦᠶ᠎ᠠ ᠳᠤ ᠰᠤᠮᠤᠨ ᠤ ᠤᠳᠤᠷᠢᠳᠤᠯᠭ᠎ᠠ ᠨᠠᠷ ᠲᠤ ᠭᠠᠴᠠᠭ᠎ᠠ ᠶᠢ ᠲᠠᠭᠠᠭᠠᠴᠢᠯᠠᠭᠤᠯᠵᠤ ᠦᠭᠬᠦᠭᠡᠳ ᠰᠠᠷ᠎ᠠ ᠪᠦᠷᠢ ᠨᠢᠭᠡ ᠤᠳᠠᠭ᠎ᠠ ᠲᠤᠷᠤᠭᠰᠢ ᠪᠠᠭᠤᠵᠤ ᠬᠤᠳᠠ ᠰᠦᠷᠦᠭ᠂ ᠠᠶᠢᠯ ᠡᠷᠦᠭᠡ ᠪᠠᠷ ᠲᠤᠭᠤᠷᠢᠨ ᠶᠠᠪᠤᠵᠤ᠂ ᠠᠵᠢᠯ ᠪᠠᠶᠢᠴᠠᠭᠠᠵᠤ᠂ ᠮᠠᠯᠴᠢᠨ ᠲᠦᠮᠠᠨ ᠤ ᠠᠵᠤ ᠠᠮᠢᠳᠤᠷᠠᠯ᠂ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠤᠶᠢᠯᠠᠳᠪᠤᠷᠢᠯᠠᠯ ᠳᠤ ᠲᠤᠯᠭᠠᠷᠠᠭᠰᠠᠨ ᠬᠦᠴᠢᠷ ᠠᠰᠠᠭᠤᠳᠠᠯ ᠢ ᠲᠤᠬᠠᠢ ᠶᠢᠨ ᠭᠠᠵᠠᠷ   ᠲᠤ ᠨᠢ ᠰᠢᠢᠳᠪᠤᠷᠢᠯᠠᠵᠤ ᠦᠭᠳᠡᠭ ᠪᠠᠶᠢᠭᠰᠠᠨ᠃ ᠡᠬᠦᠨ ᠳᠤ ᠢᠩᠭᠡᠳᠤ ᠭᠠᠴᠠᠭ᠎ᠠ ᠶᠢᠨ ᠵᠠᠮ ᠬᠤᠯᠠ᠂ ᠡᠯᠠᠰᠤ ᠶᠡᠭᠡ ᠪᠠᠶᠢᠵᠤ᠂ ᠨᠢᠭᠡ ᠤᠳᠠᠭ᠎ᠠ ᠲᠤᠭᠤᠷᠢᠭᠠᠳ ᠢᠷᠠᠬᠦ  ᠳᠤ ᠬᠠᠮᠤᠭ ᠬᠤᠷᠳᠤᠨ ᠳᠤ ᠪᠠᠨ ᠬᠠᠭᠠᠰ ᠰᠠᠷ᠎ᠠ ᠪᠤᠯᠳᠠᠭ᠃ ᠪᠤᠰᠤᠳ ᠬᠤᠶᠠᠷ ᠭᠠᠴᠠᠭ᠎ᠠ ᠨᠢ ᠭᠡᠳ ᠨᠠᠭᠠᠳᠤ ᠵᠠᠬ᠎ᠠ   ᠳᠤ ᠪᠠᠨ ᠠᠷᠪᠠᠨ ᠡᠳᠤᠷ ᠶᠠᠪᠤᠳᠠᠭ᠃   1984 ᠤᠨ ᠳᠤ ᠪᠦᠬᠦ ᠰᠤᠮᠤᠨ ᠤ ᠮᠠᠯ ᠰᠦᠷᠦᠭ ᠢ ᠬᠤᠤᠰ ᠲᠠᠭᠠᠭᠠᠴᠢᠯᠠᠯᠳᠠ ᠶᠢᠨ ᠲᠦᠷᠢᠮ ᠢ ᠭᠡᠷᠡᠭᠵᠢᠬᠦᠯᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠦᠭᠡᠷᠠᠴᠢᠯᠠᠵᠤ᠂  ᠮᠠᠯ ᠢ ᠦᠨᠠᠯᠠᠵᠤ ᠡᠷᠦᠭᠡ ᠳᠤ ᠬᠤᠪᠢᠶᠠᠵᠤ ᠦᠭᠬᠦ ᠲᠦᠷᠢᠮ ᠢ ᠭᠡᠷᠡᠭᠵᠢᠬᠦᠯᠪᠠ᠃    ᠲᠠᠷᠠ ᠦᠶ᠎ᠠ ᠳᠤ ᠲᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤᠨ ᠤ ᠵᠠᠮ ᠬᠠᠷᠢᠯᠴᠠᠭ᠎ᠠ ᠲᠤᠶᠢᠯ ᠤᠨ ᠮᠠᠭᠤ᠂ ᠰᠤᠮᠤᠨ ᠲᠠᠭᠡᠷ᠎ᠠ ᠨᠢ ᠬᠦᠨᠠᠰᠤᠨ ᠤ ᠦᠷᠳᠡᠭᠡ ᠦᠭᠡᠢ᠂ ᠮᠠᠯᠴᠢᠨ ᠲᠦᠮᠠᠨ ᠬᠦᠨᠠᠰᠤ ᠪᠤᠷᠳᠤᠭ᠎ᠠ ᠪᠠᠨ ᠠᠪᠬᠤ᠂ ᠨᠤᠤᠰᠤ  ᠨᠤᠤᠯᠤᠭᠤᠷ ᠢᠶᠠᠨ ᠪᠤᠷᠤᠯᠠᠭᠤᠯᠬᠤ᠂ ᠤᠶᠢᠯᠠᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯ ᠤᠨ ᠭᠡᠷᠡᠭᠰᠠᠯ ᠢᠶᠠᠨ ᠪᠠᠯᠠᠳᠭᠡᠬᠦ ᠳᠤ ᠪᠦᠷ ᠲᠠᠮᠡᠭᠡ ᠤᠨᠤᠭ᠎ᠠ ᠪᠠᠷ ᠲᠡᠭᠡᠭᠡᠪᠤᠷᠢᠯᠠᠵᠤ ᠠᠪᠴᠤ ᠦᠭᠴᠤ ᠪᠠᠶᠢᠭᠰᠠᠨ ᠲᠤᠯᠠ ᠲᠤᠶᠢᠯ ᠤᠨ ᠬᠦᠴᠢᠷᠳᠠᠢ ᠪᠠᠶᠢᠭᠰᠠᠨ᠃ ᠲᠡᠭᠡᠭᠡᠳ 1988 — 1990 ᠤᠨ ᠪᠤᠯᠳᠠᠯ᠎ᠠ ᠭᠤᠷᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠳᠤ ᠰᠤᠮᠤᠨ ᠤ ᠲᠦᠯᠦᠭᠡᠯᠡᠭᠴᠢ ᠲᠠᠢ ᠪᠠᠨ ᠨᠠᠷ᠎ᠠ ᠬᠤᠯᠪᠤᠭᠠᠯᠠᠵᠤ ᠬᠦᠨᠠᠰᠤᠨ ᠤ ᠦᠷᠳᠡᠭᠡ ᠪᠠᠶᠢᠭᠤᠯᠬᠤ᠂ ᠵᠠᠮ ᠵᠠᠰᠠᠬᠤ ᠲᠤᠷᠠᠳᠤᠯᠭ᠎ᠠ ᠭᠠᠷᠭᠠᠭᠠᠳ 90  ᠤᠨ ᠳᠤ ᠬᠦᠨᠠᠰᠤᠨ ᠤ ᠦᠷᠳᠡᠭᠡ ᠪᠠᠶᠢᠭᠤᠯᠵᠤ᠂ 1991 ᠤᠨ ᠳᠤ ᠠᠵᠢᠯᠯᠠᠭᠤᠯᠤᠭᠠᠳ ᠲᠠᠳᠬᠦᠬᠦ ︵以工代赈︶ ᠭᠡᠰᠡᠨ ᠲᠦᠷᠤᠯ ᠵᠤᠶᠢᠯ ᠤᠨ  200 ᠲᠦᠮᠠᠨ ᠲᠦᠬᠦᠷᠢᠭ ᠵᠤᠭᠤᠰ ᠤᠯᠵᠤ᠂ ᠬᠤᠶᠠᠷ ᠵᠢᠯ ᠬᠤᠪᠢᠶᠠᠨ ᠪᠠᠶᠠᠠᠬᠤᠳᠠ ᠠᠴᠠ ᠲᠤᠩᠭᠠᠯᠠᠭ ᠨᠠᠭᠤᠷ ᠬᠦᠷᠬᠦ ᠲᠦᠬᠦᠮ  ᠰᠠᠶᠢᠷᠭᠠᠯ ᠴᠢᠯᠠᠭᠤᠨ ᠵᠠᠮ ᠵᠠᠰᠠᠭᠠᠳ ᠮᠠᠯᠴᠢᠨ ᠲᠦᠮᠠᠨ ᠤ ᠤᠶᠢᠯᠠᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯ ᠳᠤ ᠲᠤᠶᠢᠯ ᠤᠨ ᠲᠦᠬᠦᠮ ᠦᠵᠠᠬᠦᠯᠪᠠ ᠃ ᠬᠤᠰᠢᠭᠤᠨ ᠤ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠲᠤᠪᠴᠢᠶ᠎ᠠ ᠠᠴᠠ ᠪᠠᠶᠠᠠᠬᠤᠳᠠ ᠠᠴᠠ ᠲᠤᠩᠭᠠᠯᠠᠭ ᠨᠠᠭᠤᠷ ᠬᠦᠷᠬᠦ ᠡᠭᠡᠯᠵᠢᠶᠠᠨ ᠤ ᠮᠠᠰᠢᠨ ᠲᠠᠷᠭᠡ ᠶᠢ ᠭᠤᠷᠪᠠᠨ ᠡᠳᠤᠷ ᠲᠤ ᠨᠢᠭᠡ ᠤᠳᠠᠭ᠎ᠠ ᠲᠤᠬᠢᠷᠠᠭᠤᠯᠤᠭᠠᠳ ᠪᠦᠬᠦ ᠰᠤᠮᠤᠨ ᠤ  ᠺᠠᠳ᠋ᠷ ᠠᠵᠢᠯᠳᠠᠨ᠂ ᠮᠠᠯᠴᠢᠨ ᠲᠦᠮᠠᠨ ᠤ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠬᠦᠴᠢᠷ ᠠᠰᠠᠭᠤᠳᠠᠯ ᠢ ᠦᠨᠳᠤᠰᠤᠨ ᠠᠴᠠ ᠨᠢ ᠰᠢᠢᠳᠪᠤᠷᠢᠯᠠᠪᠠ᠃   1997 ᠤᠨ ᠤ ᠬᠠᠪᠤᠷ᠂  ᠪᠢ ᠠᠯᠠᠱᠠ ᠵᠠᠬᠦᠨ ᠬᠤᠰᠢᠭᠤᠨ ᠤ ᠴᠠᠬᠠᠷ ᠰᠤᠮᠤᠨ ᠳᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠲᠠᠳ᠋ ᠱᠦᠵᠢ ᠪᠠᠷ ᠠᠵᠢᠯ ᠰᠢᠯᠵᠢᠭᠡᠳ᠂ 10  ᠳ᠋ᠤᠭᠠᠷ ᠰᠠᠷ᠎ᠠ ᠳᠤ ᠠᠯᠠᠱᠠ ᠵᠠᠬᠦᠨ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠤ  ᠶᠢᠨ ᠵᠦᠪᠯᠠᠯᠭᠡᠨ ᠤ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭ᠎ᠠ ᠪᠠᠷ ᠰᠢᠯᠵᠢᠵᠤ ᠢᠷᠠᠭᠡᠳ᠂ 2013 ᠤᠨ ᠳᠤ ᠨᠠᠰᠤᠨ ᠤ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠠᠳ  ᠂ 2018 ᠤᠨ ᠳᠤ ᠠᠶᠢᠮᠠᠭ ᠤᠨ  ᠨᠠᠰᠤᠲᠠᠶᠢᠴᠣᠳ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ  ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡ ᠶᠢᠨ ᠠᠩᠬᠢ ᠳᠤ ᠰᠤᠷᠤᠯᠴᠠᠭᠠᠳ ᠡᠳᠤᠭᠡ ᠪᠤᠯᠵᠤ ᠪᠠᠶᠢᠨ᠎ᠠ᠃     ᠮᠢᠨᠤ ᠪᠠᠶ᠎ᠠ ᠪᠠᠭ᠎ᠠ ᠨᠠᠰᠤᠨ   ᠳᠤ ᠪᠠᠨ ᠭᠡᠳᠤᠶᠢᠪᠠᠷ ᠬᠠᠷᠠᠩᠭᠠᠯᠠᠵᠤ ᠵᠤᠪᠠᠵᠤ᠂ ᠬᠦᠴᠢᠷ ᠬᠦᠨᠳᠤ ᠠᠵᠢᠯ ᠬᠦᠳᠠᠯᠮᠤᠷᠢ ᠳᠤ ᠤᠷᠤᠯᠴᠠᠵᠤ᠂ ᠵᠦᠳᠠᠷᠠᠵᠤ ᠦᠩᠭᠡᠷᠡᠭᠰᠠᠨ ᠪᠤᠯᠪᠠᠴᠤ ᠲᠠᠷᠠ ᠨᠢ ᠨᠢᠭᠡ ᠨᠠᠰᠤᠨ ᠤ ᠪᠠᠶ᠎ᠠ ᠮᠠᠬᠠᠪᠤᠳ᠂ ᠠᠵᠢᠯ ᠬᠦᠳᠠᠯᠮᠤᠷᠢ᠂ ᠤᠷ᠎ᠠ ᠮᠠᠷᠭᠡᠵᠢᠯ ᠤᠨ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯ ᠪᠤᠯᠵᠤ᠂ ᠢᠳᠠᠷ ᠨᠠᠰᠤᠨ   ᠳᠤ ᠪᠠᠨ   ᠡᠨᠡ ᠬᠦ ᠪᠤᠯᠪᠠᠰᠤᠷᠠᠯ ᠬᠦᠮᠦᠵᠢᠯ ᠢᠶᠠᠷ ᠢᠶᠠᠨ ᠨᠠᠮ ᠠᠷᠠᠳ ᠲᠦᠮᠠᠨ   ᠳᠤ ᠪᠠᠨ ᠬᠢᠪᠠᠰᠤ ᠵᠤᠬᠢᠬᠤ ᠠᠵᠢᠯ ᠡᠬᠦᠷᠭᠡ ᠪᠠᠨ ᠨᠠᠯᠢᠶᠠᠳ ᠰᠠᠶᠢᠨ ᠢᠶᠠᠷ ᠪᠠᠶᠠᠯᠠᠬᠦᠯᠪᠠ ᠭᠡᠵᠤ ᠤᠮᠤᠭᠰᠢᠵᠤ ᠶᠠᠪᠤᠳᠠᠭ᠃  ᠨᠠᠮ᠎ᠠ ᠶᠢ ᠪᠠᠭ᠎ᠠ ᠪᠠᠶᠢᠬᠤ ᠳᠤ ᠬᠦᠨᠳᠤ ᠠᠵᠢᠯ ᠬᠦᠳᠠᠯᠮᠤᠷᠢ ᠳᠤ ᠤᠷᠤᠯᠴᠠᠵᠤ ᠪᠠᠶᠢᠬᠤ ᠶᠢ ᠠᠪᠤ ᠮᠢᠨᠢ ᠦᠵᠠᠭᠡᠳ  ᠄ 《ᠪᠠᠭ᠎ᠠ   ᠳᠤ ᠪᠠᠨ ᠵᠤᠪᠠᠭᠰᠠᠨ ᠬᠦᠮᠤᠨ ᠶᠡᠭᠡ ᠪᠤᠯᠤᠭᠠᠳ ᠵᠢᠷᠭᠠᠳᠠᠭ ᠶᠤᠮ᠃ ᠪᠠᠭ᠎ᠠ ᠶᠢᠨ ᠵᠢᠷᠭᠠᠯ ᠢ ᠵᠢᠷᠭᠠᠯ ᠳᠤ ᠪᠤᠳᠤᠳᠠᠭ ᠦᠭᠡᠢ 》ᠭᠡᠵᠤ ᠭᠡᠯᠠᠵᠤ ᠪᠠᠶᠢᠭᠰᠠᠨ ᠰᠤᠷᠭᠠᠯ ᠦᠭᠡ ᠶᠤᠰᠤᠳᠠᠢ ᠦᠨᠠᠨ ᠦᠭᠡ ᠪᠠᠶᠢᠭᠰᠠᠨ ᠢ ᠤᠳᠤ ᠰᠠᠶ᠋ᠢ ᠦᠩᠭᠡᠷᠠᠯᠳᠠ ᠪᠠᠷ ᠢᠶᠠᠨ ᠪᠠᠳᠤᠯᠠᠵᠤ ᠪᠠᠶᠢᠨ᠎ᠠ᠃ ᠠᠪᠤ ᠶᠢᠨ ᠰᠤᠷᠭᠠᠯ ᠡᠷᠳᠡᠨᠢ ᠭᠡᠳᠡᠭ ᠨᠢ ᠡᠨᠡ ᠪᠠᠶᠢᠨ᠎ᠠ᠃ ᠤᠳᠤ ᠦᠳᠠᠯᠤᠭᠡ ᠨᠠᠰᠤᠨ   ᠳᠤ ᠪᠠᠨ ᠤᠷᠤᠭᠠᠳ ᠨᠠᠮ ᠵᠠᠰᠠᠭ ᠤᠨ ᠵᠦᠪ ᠤᠳᠤᠷᠢᠳᠤᠯᠭ᠎ᠠ  ᠂ ᠨᠦᠬᠦᠳ ᠨᠠᠶᠢᠵᠠ ᠶᠢᠨ ᠬᠠᠪᠰᠤᠷᠤᠯᠭ᠎ᠠ ᠲᠠᠮᠵᠢᠯᠭᠡ᠂  ᠭᠡᠤᠭᠡᠳ ᠤᠳ ᠤᠨ ᠪᠤᠶᠠᠨ ᠢᠶᠠᠷ ᠵᠢᠩᠬᠢᠨᠢ ᠵᠢᠷᠭᠠᠯᠠᠩ ᠤᠨ ᠤᠷᠳᠤᠨ ᠳᠤ ᠴᠠᠩᠭᠡᠵᠤ ᠶᠠᠪᠤᠬᠤ   ᠳᠤ ᠪᠠᠨ ᠶᠤᠰᠤᠳᠠᠢ ᠪᠠᠶᠠᠷᠯᠠᠵᠤ ᠪᠠᠶᠢᠨ᠎ᠠ  ᠂ ᠵᠢᠷᠭᠠᠵᠤ ᠪᠠᠶᠢᠨ᠎ᠠ  ᠂ ᠲᠠᠯᠠᠷᠬᠠᠵᠤ ᠪᠠᠶᠢᠨ᠎ᠠ᠃
  
ᠢᠷᠡᠯᠲᠡ᠄ ᠦᠪᠤᠷ ᠮᠤᠩᠭᠤᠯ ᠤᠨ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠣᠩᠭᠤᠯ ᠮᠤᠷᠢᠨ ᠤ ᠵᠣᠷᠢᠭ ᠰᠠᠨᠠᠭ᠎ᠠ ᠶᠢ ᠪᠠᠳᠠᠷᠠᠭᠤᠯᠵᠤ ᠡᠵᠡᠨ ᠬᠥᠮᠦᠨ ᠤ ᠵᠢᠳᠬᠦᠯ ᠴᠢᠷᠮᠠᠶᠢᠯᠭ᠎ᠠ ᠭᠠᠷᠭᠠᠶ᠎ᠠ
ᠯᠢ ᠴᠢᠶᠠᠩ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠥᠭᠵᠢᠯᠲᠡ ᠶᠢᠨ ᠳᠡᠭᠡᠳᠦ ᠳᠠᠪᠬᠤᠷᠭ᠎ᠠ ᠶᠢᠨ ᠶᠠᠷᠢᠶᠠᠨ ᠤ ᠲᠠᠪᠴᠠᠩ ᠤᠨ ᠁
ᠯᠢ ᠴᠢᠶᠠᠩ ᠠᠽᠢᠶ᠎ᠠ ᠲᠢᠪ ᠤᠨ ᠨᠡᠭᠡᠭᠡᠨ ᠬᠥᠭᠵᠢᠭᠦᠯᠦᠯᠲᠡ ᠶᠢᠨ ᠪᠠᠩᠬᠢ ᠶᠢᠨ ᠳᠠᠷᠤᠭ᠎ᠠ ᠺᠠᠨᠳᠠ ᠮᠠᠰᠠᠲ᠋ᠤ᠋ ᠲᠠᠢ ᠁
ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠤᠨ ᠲᠥᠪ ᠬᠤᠷᠢᠶ᠎ᠠ ᠴᠠᠬᠢᠯᠭᠠᠨ ᠴᠢᠮᠡᠭᠡ ᠶᠠᠪᠤᠭᠤᠯᠵᠤ ᠯᠠᠤᠰ ᠤᠨ ᠁
ᠯᠢ ᠴᠢᠶᠠᠩ ᠲᠥᠷᠥ ᠶᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠᠨ ᠤ ᠪᠠᠶᠢᠩᠭᠤ ᠶᠢᠨ ᠬᠤᠷᠠᠯᠳᠤᠭᠠᠨ ᠢ ᠡᠷᠭᠢᠯᠡᠨ ᠬᠤᠷᠠᠯᠳᠤᠭᠤᠯᠵᠤ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号