ᠭᠠᠵᠠᠷ ᠳᠣᠣᠷᠠᠬᠢ ᠬᠥᠨᠥᠭᠡᠯᠳᠦ ᠬᠣᠷᠣᠬᠠᠢ ᠪᠣᠯ ᠬᠦᠯᠦᠨ ᠪᠣᠢ᠌ᠷ ᠬᠤᠲᠠ ᠵᠢᠨ ᠲᠠᠷᠢᠮᠠᠯᠤᠨ ᠴᠢᠬᠢ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠠᠬᠢ ᠭᠣᠣᠯ ᠬᠥᠨᠥᠭᠡᠯᠳᠦ ᠬᠣᠷᠣᠬᠠᠢ ᠪᠣᠯᠣᠨᠠ᠂ ᠡᠭᠦᠰᠬᠦ ᠲᠥᠷᠥᠯᠳᠤ ᠭᠠᠵᠠᠷᠤᠨ ᠪᠠᠷᠰ᠂ ᠦᠳᠦᠭ ᠬᠣᠷᠣᠬᠠᠢ᠂ ᠠᠯᠲᠠᠨ ᠰᠢᠯᠮᠦᠦᠰᠦᠲᠦ ᠬᠣᠷᠣᠬᠠᠢ᠂ ᠯᠠᠭᠤ ᠵᠡᠷᠭᠡ ᠪᠠᠢ᠌ᠵᠤ᠂ ᠡᠷᠳᠡᠨᠢ ᠰᠢᠰᠢ᠂ ᠰᠢᠷᠠ ᠪᠤᠷᠴᠠᠭ᠂ ᠪᠤᠭᠤᠳᠠᠢ᠂ ᠰᠢᠯᠢᠮᠳᠡᠭ ᠵᠡᠷᠭᠡ ᠲᠠᠷᠢᠮᠠᠯᠢ ᠬᠥᠨᠥᠭᠡᠵᠦ᠂ ᠲᠠᠷᠢᠮᠠᠯᠤᠨ ᠦᠷᠡ᠂ ᠦᠨᠳᠦᠰᠦ᠂ ᠡᠰᠢ᠂ ᠬᠡᠰᠡᠭᠲᠦ ᠦᠨᠳᠦᠰᠦ᠂ ᠬᠡᠰᠡᠭᠲᠦ ᠡᠰᠢ᠂ ᠨᠢᠯᠬᠠ ᠴᠢᠬᠢ᠂ ᠵᠥᠭᠡᠯᠡᠨ ᠨᠠᠪᠴᠢ ᠵᠢᠴᠢ ᠤᠷᠭᠤᠯᠲᠠ ᠵᠢᠨ ᠴᠡᠭᠢ ᠢᠳᠡᠵᠦ᠂ ᠴᠢᠬᠢ ᠳᠤᠲᠠᠬᠤ ᠬᠦᠨᠳᠦ ᠨᠣᠴᠢᠲᠠᠢ ᠬᠣᠬᠢᠷᠠᠯ ᠭᠠᠷᠭ᠋ᠠᠳᠠᠭ᠃
ᠪᠦᠬᠦ ᠬᠣᠲᠠ ᠵᠢᠨ ᠤᠷᠭᠤᠮᠠᠯᠤᠨ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠮᠡᠷᠭᠡᠵᠢᠯᠲᠡᠨᠤ ᠪᠠᠢ᠌ᠴᠠᠭ᠋ᠠᠯᠲᠠ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠣᠳᠣᠬᠠᠨᠳᠤ ᠪᠦᠬᠦ ᠬᠣᠲᠠᠳᠤ ᠨᠡᠢ᠌ᠲᠡ 6.9 ᠲᠦᠮᠡᠨ ᠮᠦ᠍ ᠭᠠᠵᠠᠷ ᠳᠣᠣᠷᠠᠬᠢ ᠬᠥᠨᠥᠭᠡᠯᠳᠦ ᠬᠣᠷᠣᠬᠠᠢ ᠡᠭᠦᠰᠴᠦ᠂ ᠶᠡᠷᠦᠩᠬᠡᠢᠳᠡᠭᠡᠨ ᠬᠥᠩᠭᠡᠨ ᠡᠭᠦᠰᠴᠦ᠂ ᠬᠡᠰᠡᠭ ᠭᠠᠵᠠᠷᠲᠤ ᠳᠤᠮᠳᠠ ᠵᠡᠷᠭᠡ ᠡᠭᠦᠰᠴᠦ᠂ ᠭᠣᠣᠯᠳᠠᠭᠤ ᠰᠢᠷᠠ ᠪᠤᠷᠴᠠᠭ ᠪᠠ ᠡᠷᠳᠡᠨᠢ ᠰᠢᠰᠢ ᠵᠢ ᠬᠦᠨᠦᠭᠡᠵᠦ᠂ ᠭᠠᠵᠠᠷᠤᠨ ᠪᠠᠷᠰ᠂ ᠠᠯᠲᠠᠨ ᠰᠢᠯᠮᠦᠦᠰᠦᠲᠦ ᠬᠣᠷᠣᠬᠠᠢ᠂ ᠦᠳᠦᠭ ᠬᠣᠷᠣᠬᠠᠢ᠂ ᠯᠠᠭᠤᠪᠠᠷ ᠭᠣᠣᠯᠯᠠᠵᠤ᠂ ᠬᠥᠨᠥᠭᠡᠯᠳᠦ ᠲᠠᠯᠠᠪᠠᠢᠨᠢ ᠲᠤᠰ ᠲᠤᠰ 3.8 ᠲᠦᠮᠡᠨ ᠮᠦ᠍᠂ 2.05 ᠲᠦᠮᠡᠨ ᠮᠦ᠍᠂ 0.7 ᠲᠦᠮᠡᠨ ᠮᠦ᠍᠂ 0.35 ᠲᠦᠮᠡᠨ ᠮᠦ᠍ ᠪᠠᠢ᠌ᠪᠠ᠃ ᠴᠠᠭ ᠠᠭᠤᠷᠤᠨ ᠲᠥᠰᠥᠭᠡᠯᠡᠭᠰᠡᠨ ᠵᠶ᠋ᠠᠷ᠂ 6 ᠰᠠᠷᠠᠳᠤ ᠬᠦᠯᠦᠨ ᠪᠣᠢ᠌ᠷ ᠬᠤᠲᠠ ᠵᠢᠨ ᠳᠤᠮᠳᠠᠴᠢ ᠠᠭ᠋ᠠᠷᠤᠨ ᠳᠤᠯᠠᠭ᠋ᠠᠨ ᠡᠩᠤᠨ ᠵᠢᠯᠤᠨ ᠠᠳᠠᠯᠢ ᠬᠤᠭᠤᠴᠠᠭ᠋ᠠᠨᠤᠬᠢᠠᠴᠠ ᠥᠨᠳᠥᠷ ᠪᠠᠢ᠌ᠵᠤ᠂ ᠬᠤᠷᠠ ᠲᠤᠨᠤᠳᠠᠰᠤ ᠵᠢᠨ ᠬᠡᠮᠵᠢᠶᠡ ᠡᠩᠤᠨ ᠵᠢᠯᠤᠨᠬᠢᠠᠴᠠ ᠠᠷᠪᠢᠨ ᠪᠠᠢ᠌ᠵᠤ᠂ ᠠᠭ᠋ᠠᠷᠤᠨ ᠳᠤᠯᠠᠭ᠋ᠠᠨ ᠵᠢᠴᠢ ᠬᠤᠷᠠ ᠲᠤᠨᠤᠳᠠᠰᠤ ᠨᠢ ᠭᠠᠵᠠᠷ ᠳᠣᠣᠷᠠᠬᠢ ᠬᠥᠨᠥᠭᠡᠯᠳᠦ ᠬᠣᠷᠣᠬᠠᠢᠳᠤ ᠠᠰᠢᠭ ᠲᠠᠢ ᠨᠥᠯᠥᠭᠡ ᠪᠣᠯᠵᠤ᠂ ᠣᠳᠣᠬᠠᠨᠳᠤ ᠶᠠᠭ ᠰᠠᠢ᠌ᠬᠠᠨ ᠲᠠᠷᠢᠮᠠᠯᠤᠨ ᠴᠢᠬᠢᠯᠡᠬᠦ ᠵᠠᠩᠭᠢᠯᠠᠭᠠ ᠵᠢᠨ ᠴᠠᠭ ᠪᠠᠢ᠌ᠵᠤ᠂ ᠭᠠᠵᠠᠷ ᠳᠣᠣᠷᠠᠬᠢ ᠬᠥᠨᠥᠭᠡᠯᠳᠦ ᠬᠣᠷᠣᠬᠠᠢ ᠵᠢᠨ ᠬᠥᠨᠥᠭᠡᠯᠤᠨ ᠡᠬᠢᠨᠤ ᠬᠤᠭᠤᠴᠠᠭᠠ ᠪᠠᠢ᠌ᠵᠤ᠂ ᠡᠯᠡ ᠬᠣᠰᠢᠭᠤ ᠬᠤᠲᠠ ᠲᠣᠭᠣᠷᠢᠭ ᠦᠷᠭᠦᠯᠵᠢᠯᠡᠨ ᠬᠢᠨᠠᠨ ᠬᠡᠮᠵᠢᠬᠦᠪᠠᠨ ᠴᠢᠩᠭ᠋ᠠᠳᠬᠠᠵᠤ᠂ ᠬᠣᠷᠣᠬᠠᠢ ᠵᠢᠨ ᠪᠠᠢ᠌ᠳᠠᠯᠤᠨ ᠮᠡᠳᠡᠭᠡ ᠵᠠᠩᠭᠢ ᠵᠢ ᠴᠠᠭ ᠲᠤᠬᠠᠢᠳᠤᠨᠢ ᠳᠡᠭᠡᠭᠰᠢ ᠮᠡᠳᠡᠭᠦᠯᠵᠦ᠂ ᠴᠠᠭᠲᠤᠨᠢ ᠲᠣᠬᠢᠷᠠᠭᠤᠯᠤᠨ ᠰᠡᠷᠭᠡᠢ᠌ᠯᠡᠨ ᠵᠠᠰᠠᠬᠤ ᠵᠢ ᠵᠢᠯᠤᠭᠣᠳᠬᠤ ᠬᠡᠷᠡᠭᠲᠡᠢ᠃
ᠰᠡᠷᠭᠡᠢ᠌ᠯᠡᠨ ᠵᠠᠰᠠᠬᠤ ᠰᠠᠨᠠᠯ᠄
1. ᠲᠠᠷᠢᠶᠠᠯᠠᠩᠤᠨ ᠰᠡᠷᠭᠡᠢ᠌ᠯᠡᠨ ᠵᠠᠰᠠᠯᠲᠠ᠄ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠡᠯᠳᠡᠪ ᠡᠪᠡᠰᠦ ᠪᠠ ᠲᠠᠷᠢᠮᠠᠯᠤᠨ ᠦᠯᠡᠳᠡᠭᠳᠡᠯᠢ ᠴᠠᠭ ᠲᠤᠬᠠᠢᠳᠤᠨᠢ ᠠᠷᠢᠯᠭ᠋ᠠᠵᠤ᠂ ᠬᠥᠨᠥᠭᠡᠯᠳᠦ ᠬᠣᠷᠣᠬᠠᠢ ᠵᠢᠨ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ ᠪᠠ ᠦᠷᠡᠵᠢᠭᠦᠯᠬᠦ ᠲᠠᠯᠠᠪᠤᠷᠢ ᠪᠠᠭ᠋ᠠᠰᠬᠠᠨᠠ᠃
2. ᠹᠢᠽᠢᠺᠤᠨ ᠥᠳᠥᠭᠡᠯᠭᠡ᠄ ᠭᠠᠵᠠᠷᠤᠨ ᠪᠠᠷᠰ᠂ ᠯᠠᠭᠤ ᠵᠡᠷᠭᠡ ᠪᠡᠶᠡ ᠭᠦᠢ᠍ᠴᠡᠭᠰᠡᠨ ᠬᠣᠷᠣᠬᠠᠢ ᠵᠢᠨ ᠲᠡᠮᠡᠦᠯᠡᠬᠦ ᠴᠢᠨᠠᠷᠢ ᠠᠰᠢᠭᠯᠠᠵᠤ᠂ ᠥᠳᠥᠭᠡᠨ ᠲᠠᠲᠠᠬᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠣᠷᠣᠬᠠᠢ ᠠᠯᠠᠬᠤ ᠳ᠋ᠧᠩ᠂ ᠪᠡᠯᠭᠡ ᠵᠢᠨ ᠥᠳᠥᠭᠡᠨ ᠪᠠᠷᠢᠬᠤ ᠪᠠᠭ᠋ᠠᠵᠢ ᠵᠡᠷᠭᠡᠪᠠᠷ ᠥᠳᠥᠭᠡᠨ ᠠᠯᠠᠵᠤ ᠪᠣᠯᠣᠨᠠ᠃
3. ᠬᠢᠮᠢ ᠵᠢᠨ ᠰᠡᠷᠭᠡᠢ᠌ᠯᠡᠨ ᠵᠠᠰᠠᠯᠲᠠ᠄ ᠰᠠᠢ ᠴᠤᠩ ᠴᠢᠨ （噻虫嗪） ᠵᠡᠷᠭᠡ ᠠᠭᠤᠯᠬᠤ ᠰᠢᠨᠡ ᠤᠳᠤᠭ᠋ᠠᠨᠳᠤ ᠱᠦᠯᠲᠦ ᠵᠢᠨ ᠲᠦᠷᠦᠯᠤᠨ ᠬᠣᠷᠣᠬᠠᠢ ᠠᠯᠠᠬᠤ ᠡᠮ ᠪᠠ ᠯᠢᠦᠢ ᠴᠤᠩ ᠪᠧᠨ ᠵᠢᠶᠠ ᠰᠢᠶᠠᠨ ᠠᠨ （氯虫苯甲酰胺）᠂ ᠰᠢᠦ ᠴᠢᠩ ᠴᠤᠩ ᠰᠢᠶᠠᠨ ᠠᠨ （溴氰虫酰胺） ᠵᠡᠷᠭᠡ ᠦᠷᠡ ᠰᠢᠢ᠍ᠳᠪᠦᠷᠢᠯᠡᠬᠦ ᠡᠮ ᠵᠶ᠋ᠠᠷ ᠲᠠᠷᠢᠬᠤᠠᠴᠠ ᠡᠮᠦᠨᠡ ᠬᠣᠯᠢᠵᠤ ᠲᠠᠷᠢᠨᠠ； ᠬᠦᠨᠳᠦ ᠨᠣᠴᠢᠲᠠᠢ ᠡᠭᠦᠰᠦᠭᠰᠡᠨ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠲᠣᠬᠢᠷᠠᠮᠵᠢᠲᠠᠢ ᠬᠣᠷᠤᠬᠠᠢ ᠠᠯᠠᠬᠤ ᠡᠮᠢ ᠰᠤᠩᠭᠤᠨ ᠬᠡᠷᠡᠭᠯᠡᠬᠦ ᠵᠢᠨ ᠬᠠᠮᠲᠤ ᠴᠠᠭ ᠲᠤᠬᠠᠢᠳᠤᠨᠢ ᠰᠡᠷᠭᠡᠢ᠌ᠯᠡᠨ ᠵᠠᠰᠠᠨᠠ᠃
ᠮᠡᠳᠡᠭᠡ ᠵᠠᠩᠭᠢ ᠵᠢᠨ ᠢᠷᠡᠯᠲᠡ᠄ ᠬᠥᠯᠥᠨ ᠪᠤᠶ᠋ᠢᠷ ᠬᠤᠲᠠ ᠵᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠲᠣᠪᠴᠢᠶᠠ