| ᠲᠡᠵᠢᠭᠡᠯ ᠤᠨ ᠨᠦᠬᠡᠴᠡ᠄ ᠮᠢᠬᠠᠨ ᠦᠬᠡᠷ ᠢ ᠲᠡᠵᠢᠭᠡᠬᠦ ᠳᠤ ᠴᠢᠨᠠᠷ ᠰᠠᠶᠢᠲᠠᠢ ᠲᠡᠵᠢᠭᠡᠯ ᠰᠣᠩᠭᠤᠬᠤ ᠶᠠᠪᠤᠳᠠᠯ | ᠪᠣᠯ ᠮᠢᠬᠠᠨ ᠦᠬᠡᠷ ᠢ ᠡᠷᠡᠭᠦᠯ ᠢᠶᠠᠷ ᠲᠦᠷᠭᠡᠨ ᠦᠰᠭᠡᠬᠦ ᠪᠠ ᠦᠪᠡᠷ ᠤᠨ ᠦᠷᠲᠡᠭ ᠢ ᠨᠢ ᠪᠠᠭᠤᠷᠠᠭᠤᠯᠬᠤ ᠵᠠᠩᠭᠢᠯᠠᠭᠠ | ᠪᠤᠯᠤᠨᠠ᠃ | 1.ᠬᠠᠲᠠᠭᠠᠭᠰᠠᠨ ᠡᠪᠡᠰᠦ᠄ ᠬᠠᠲᠠᠭᠠᠭᠰᠠᠨ ᠡᠪᠡᠰᠦ ᠪᠣᠯ ᠮᠢᠬᠠᠨ ᠦᠬᠡᠷ ᠤᠨ ᠦᠨᠳᠦᠰᠦᠨ ᠲᠡᠵᠢᠭᠡᠯ ᠮᠦᠨ᠃ | ᠲᠡᠷᠡ ᠨᠢ ᠨᠦᠬᠡᠴᠡ ᠪᠠᠷ ᠦᠷᠭᠡᠨ᠂ ᠦᠪᠡᠷ ᠤᠨ ᠦᠷᠲᠡᠭ ᠨᠢ ᠬᠢᠮᠳᠠ᠂ ᠬᠠᠳᠠᠭᠠᠯᠠᠬᠤ ᠳᠤ ᠠᠮᠠᠷᠬᠠᠨ᠂ ᠰᠢᠮᠡ | ᠲᠡᠵᠢᠭᠡᠯ ᠢᠶᠠᠷ ᠰᠠᠶᠢᠨ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠡᠪᠡᠰᠦ ᠬᠠᠳᠤᠬᠤ ᠦᠶᠡ ᠨᠢ ᠦᠶᠡᠲᠦ ᠤᠷᠭᠤᠮᠠᠯ ᠤᠨ | ᠢᠵᠠᠭᠤᠷ ᠨᠢ ᠲᠦᠷᠦᠭᠦᠵᠢᠨ ᠴᠡᠴᠡᠭᠯᠡᠬᠦ ᠪᠣᠶᠣ ᠪᠤᠷᠴᠠᠭᠲᠤ ᠤᠷᠭᠤᠮᠠᠯ ᠤᠨ ᠢᠵᠠᠭᠤᠷ ᠨᠢ ᠴᠡᠴᠡᠭᠯᠡᠵᠦ ᠡᠬᠢᠯᠡᠬᠦ ᠦᠶᠡ | ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠡᠷᠲᠡ ᠬᠠᠳᠤᠪᠠᠯ ᠭᠠᠷᠴᠠ ᠪᠠᠭᠠᠲᠠᠢ ᠪᠦᠭᠡᠳ ᠪᠣᠯᠪᠠᠰᠤᠷᠠᠭᠤᠯᠬᠤ ᠳᠤ ᠬᠦᠴᠢᠷᠲᠡᠢ ᠪᠠᠶᠢᠳᠠᠭ᠃ | ᠬᠡᠳᠦ ᠤᠷᠤᠢ ᠬᠠᠳᠤᠪᠠᠯ ᠸᠢᠲ᠋ᠠᠮᠢᠨ ᠪᠣᠯᠣᠨ ᠪᠦᠳᠦᠭᠦᠯᠢᠭ ᠤᠭᠤᠷᠠᠭᠲᠤ ᠪᠤᠳᠠᠰ ᠤᠨ ᠠᠭᠤᠯᠤᠭᠳᠠᠴᠠ ᠨᠢ ᠪᠠᠭᠠᠰᠴᠤ᠂ | ᠪᠦᠳᠦᠭᠦᠨ ᠰᠢᠷᠬᠡᠭ ᠨᠢ ᠨᠡᠮᠡᠭᠳᠡᠵᠦ᠂ ᠢᠳᠡᠪᠦᠷᠢ ᠦᠭᠡᠢ ᠪᠣᠯᠵᠣ᠂ ᠰᠢᠩᠭᠡᠴᠡ ᠨᠢ ᠴᠤ ᠮᠠᠭᠤᠲᠠᠨᠠ᠃ ᠬᠠᠳᠤᠭᠰᠠᠨ | ᠡᠪᠡᠰᠦ ᠪᠠᠨ ᠳᠤᠤᠷᠠᠬᠢ ᠬᠤᠶᠠᠷ ᠠᠯᠬᠤᠮ ᠢᠶᠠᠷ ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠤᠯᠤᠨᠠ᠄ ᠨᠢᠭᠡ ᠳᠤ᠂ ᠲᠡᠭᠰᠢ ᠨᠢᠮᠭᠡᠨ ᠳᠡᠯᠭᠡᠭᠡᠳ | ᠬᠠᠯᠠᠭᠤᠨ ᠨᠠᠷᠠᠨ ᠳᠣᠣᠷᠠ 4～5 ᠴᠠᠭ ᠲᠠᠯᠪᠢᠵᠤ᠂ ᠤᠰᠤᠨ ᠤ ᠬᠢᠨᠢ ᠠᠭᠤᠯᠤᠭᠳᠠᠴᠠ ᠶᠢ ᠨᠢ 40％ ᠤᠷᠴᠢᠮ | ᠪᠠᠭᠠᠰᠬᠠᠨᠠ᠂ ᠢᠩᠭᠢᠪᠡᠯ ᠡᠪᠡᠰᠦᠨ ᠤ ᠡᠰ ᠨᠢ ᠲᠦᠷᠭᠡᠨ ᠦᠬᠦᠵᠢᠭᠡᠳ ᠡᠪᠡᠰᠦᠨ ᠤ ᠰᠢᠮᠡ ᠲᠡᠵᠢᠭᠡᠯ ᠤᠨ | ᠠᠯᠳᠠᠭᠳᠠᠯ ᠢ ᠪᠠᠭᠠᠰᠬᠠᠵᠤ ᠴᠢᠳᠠᠨᠠ᠃ ᠬᠤᠶᠠᠷ ᠲᠤ᠂ ᠪᠠᠭᠠ ᠤᠪᠤᠭᠠᠯᠠᠵᠤ᠂ ᠬᠠᠲᠠᠭᠠᠬᠤ ᠪᠤᠶᠤ ᠮᠦᠷᠯᠡᠨ ᠬᠠᠳᠠᠭᠠᠨᠠ᠃ | ᠣᠪᠣᠭᠠ ᠶᠢᠨ ᠦᠨᠳᠦᠷ ᠢ 1m᠂ ᠳ᠋ᠢᠶᠠᠮᠧᠲᠷ ᠢ 1.5m ᠪᠠᠶᠢᠯᠭᠠᠨᠠ᠃ 14％～17％ ᠪᠣᠯᠲᠠᠯᠠ ᠬᠠᠳᠠᠵᠤ | ᠠᠭᠤᠷᠰᠢᠪᠡᠯ ᠪᠣᠭᠤᠵᠢᠯᠠᠨ ᠬᠠᠳᠠᠭᠠᠯᠠᠵᠤ ᠪᠣᠯᠣᠨᠠ᠃ ᠴᠢᠨᠠᠷ ᠰᠠᠶᠢᠲᠠᠢ ᠬᠠᠲᠠᠭᠠᠭᠰᠠᠨ ᠡᠪᠡᠰᠦ ᠨᠢ ᠭᠢᠯᠲᠠᠭᠠᠨᠠᠭᠰᠠᠨ | ᠨᠤᠭᠤᠭᠠᠨ ᠦᠩᠭᠡ ᠲᠠᠢ᠂ ᠠᠩᠭᠢᠯᠤᠮᠠ ᠰᠠᠶᠢᠬᠠᠨ ᠦᠨᠦᠷ ᠲᠠᠢ᠂ ᠨᠡᠪᠴᠢ ᠨᠢ ᠴᠤ ᠪᠠᠭᠠ ᠰᠠᠭᠠ ᠤᠨᠠᠳᠠᠭ᠂ | ᠲᠡᠭᠦᠨ ᠳᠠᠬᠢ ᠦᠶᠡᠲᠦ ᠢᠵᠠᠭᠤᠷ ᠤᠨ ᠤᠷᠭᠤᠮᠠᠯ ᠪᠤᠯᠤᠨ ᠪᠤᠷᠴᠠᠭᠲᠤ ᠤᠷᠭᠤᠮᠠᠯ ᠨᠢ 60％ ᠠᠴᠠ ᠳᠡᠭᠡᠭᠰᠢᠬᠢ ᠶᠢ | ᠡᠵᠡᠯᠡᠬᠦ ᠬᠡᠷᠡᠭᠲᠡᠢ᠂ ᠬᠤᠤᠷᠠᠲᠤ ᠬᠦᠨᠦᠭᠡᠯᠲᠦ ᠤᠷᠭᠤᠮᠠᠯ ᠤᠨ ᠠᠭᠤᠯᠤᠭᠳᠠᠴᠠ ᠶᠢ ᠨᠢ 1％ ᠠᠴᠠ ᠬᠡᠲᠦᠷᠡᠭᠦᠯᠵᠦ | ᠪᠣᠯᠬᠤ ᠦᠭᠡᠢ ᠶᠣᠮ᠃ | 2.ᠳᠠᠷᠤᠰᠢᠭᠤᠯᠤᠭᠰᠠᠨ ᠲᠡᠵᠢᠭᠡᠯ᠄ ᠳᠠᠷᠤᠰᠢᠭᠤᠯᠤᠭᠰᠠᠨ ᠲᠡᠵᠢᠭᠡᠯ ᠪᠣᠯ ᠵᠦᠭᠡᠯᠡᠨ᠂ ᠢᠰᠭᠦᠯᠡᠩ ᠬᠦᠴᠢᠲᠡᠢ᠂ | ᠠᠩᠭᠢᠯᠤᠮᠠ ᠰᠠᠶᠢᠬᠠᠨ ᠦᠨᠦᠷ ᠲᠠᠢ ᠶᠣᠮ᠃ ᠲᠡᠷᠡ ᠨᠢ ᠢᠳᠡᠪᠦᠷᠢᠲᠡᠢ ᠪᠦᠭᠡᠳ ᠡᠪᠦᠯ᠂ ᠬᠠᠪᠤᠷ ᠤᠨ ᠭᠤᠤᠯ ᠲᠡᠵᠢᠭᠡᠯ | ᠪᠣᠯᠳᠠᠭ᠃ ᠨᠦᠬᠡᠨ ᠳᠤ ᠬᠠᠳᠠᠭᠠᠯᠠᠬᠤ ᠠᠷᠭᠠ ᠶᠢ ᠭᠤᠣᠯ ᠪᠣᠯᠭᠠᠨ ᠬᠡᠷᠡᠭᠯᠡᠪᠡᠯ ᠵᠣᠬᠢᠨᠠ᠃ ᠨᠦᠬᠡ ᠮᠠᠯᠲᠠᠬᠤ ᠳᠠᠭᠠᠨ | ᠲᠡᠭᠰᠢᠬᠡᠨ᠂ ᠰᠢᠷᠤᠢ ᠨᠢ ᠬᠠᠲᠠᠭᠤ᠂ ᠤᠰᠤᠨ ᠲᠦᠪᠰᠢᠨ ᠨᠢ ᠳᠤᠤᠷᠠ᠂ ᠨᠦᠮᠦᠷᠢ ᠲᠠᠢ ᠪᠦᠭᠡᠳ ᠨᠠᠷᠠᠨ ᠡᠭᠡᠪᠦᠷ | ᠭᠠᠵᠠᠷ ᠢ ᠰᠣᠩᠭᠤᠬᠤ ᠬᠡᠷᠡᠭᠲᠡᠢ᠃ ᠨᠦᠬᠡ ᠶᠢ ᠳᠦᠷᠪᠡᠯᠵᠢᠨ᠂ ᠲᠤᠭᠤᠷᠢᠭ ᠬᠡᠯᠪᠡᠷᠢᠲᠡᠢ ᠮᠠᠯᠲᠠᠵᠤ ᠪᠣᠯᠬᠤ ᠪᠦᠭᠡᠳ | ᠬᠠᠨᠠ ᠶᠢ ᠨᠢ ᠲᠤᠭᠤᠰᠬᠠ ᠪᠠᠷ ᠦᠷᠦᠵᠦ᠂ ᠲᠡᠭᠰᠢᠯᠡᠬᠦ ᠳᠤᠲᠤᠮ ᠬᠤᠮᠢᠭᠠᠷ ᠪᠣᠯᠭᠠᠪᠠᠯ ᠵᠤᠬᠢᠨᠠ᠃ ᠶᠡᠷᠦᠩᠬᠡᠢ ᠳᠡᠭᠡᠨ | ᠪᠤᠰᠤᠭᠠ ᠳᠦᠷᠪᠡᠯᠵᠢᠨ ᠮᠧᠲᠷ ᠪᠦᠷᠢ ᠳᠤ 500kg ᠡᠷᠳᠡᠨᠢ ᠰᠢᠰᠢ ᠶᠢᠨ ᠡᠰᠢ ᠪᠤᠶᠤ 600kg ᠨᠤᠭᠤᠭᠠᠨ | ᠡᠪᠡᠰᠦ ᠳᠠᠷᠤᠰᠢᠭᠤᠯᠤᠨᠠ᠃ ᠳᠠᠷᠤᠰᠢᠭᠤᠯᠤᠭᠰᠠᠨ ᠲᠦᠭᠦᠬᠡᠢ ᠡᠳ᠋ ᠲᠠᠬᠢ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠶᠢ ᠨᠢ | 60％～80％ ᠪᠠᠶᠢᠯᠭᠠᠪᠠᠯ ᠵᠤᠬᠢᠬᠤ ᠪᠦᠭᠡᠳ 2cm ᠬᠢᠷᠢᠲᠡᠢ ᠪᠣᠭᠤᠨᠢ ᠬᠡᠷᠴᠢᠭᠡᠳ ᠨᠦᠬᠡᠨ ᠳᠤ ᠬᠢᠬᠦ ᠶᠢᠨ | ᠬᠠᠮᠲᠤ ᠨᠢᠭᠲᠠᠷᠠᠰᠢᠭᠤᠯᠤᠨᠠ᠃ ᠨᠦᠬᠡᠨ ᠳᠤ ᠲᠡᠵᠢᠭᠡᠯ ᠬᠢᠵᠦ ᠳᠦᠭᠦᠷᠭᠡᠭᠰᠡᠨ ᠤ ᠳᠠᠷᠠᠭᠠ ᠰᠦᠯᠢᠶᠤᠤ ᠨᠢᠮᠭᠡᠨ | ᠬᠤᠴᠢᠯᠭᠠ ᠪᠠᠷ ᠰᠠᠶᠢᠨ ᠬᠤᠴᠢᠭᠠᠳ 30～50cm ᠵᠣᠵᠠᠭᠠᠨ ᠰᠢᠷᠤᠢ ᠪᠠᠷ ᠳᠠᠷᠤᠵᠤ ᠪᠢᠲᠡᠭᠦᠯᠡᠨᠡ᠃ | ᠶᠡᠷᠦᠩᠬᠡᠢ ᠳᠡᠭᠡᠨ ᠰᠠᠷᠠ ᠪᠣᠯᠪᠠᠯ ᠠᠪᠴᠤ ᠭᠠᠷᠭᠠᠭᠠᠳ ᠮᠠᠯ ᠤᠨᠤᠭᠠ ᠪᠠᠨ ᠲᠡᠵᠢᠭᠡᠵᠦ ᠪᠣᠯᠣᠨᠠ᠃ | ᠳᠠᠷᠤᠰᠢᠭᠤᠯᠤᠭᠰᠠᠨ ᠲᠡᠵᠢᠭᠡᠯ ᠢ ᠰᠢᠭᠦᠰᠦᠲᠦ ᠲᠡᠵᠢᠭᠡᠯ᠂ ᠵᠢᠱᠢᠶᠡᠯᠡᠪᠡᠯ ᠡᠷᠳᠡᠨᠢ ᠰᠢᠰᠢ᠂ ᠨᠤᠭᠤᠭᠠᠨ ᠡᠪᠡᠰᠦ᠂ | ᠨᠤᠭᠤᠭᠠᠨ ᠨᠠᠪᠴᠢ᠂ ᠨᠠᠷᠢᠬᠠᠨ ᠬᠡᠷᠴᠢᠭᠰᠡᠨ ᠰᠢᠬᠢᠷ ᠤᠨ ᠮᠠᠨᠵᠢᠨ᠂ ᠰᠢᠬᠢᠷ ᠯᠤᠤᠪᠠᠩ᠂ ᠪᠠᠵᠢᠮᠠᠭ ︵ᠨᠠᠷᠢᠬᠢ ᠨᠡᠷᠡᠭᠡᠳ | ᠦᠯᠡᠳᠡᠭᠰᠡᠨ ᠰᠢᠭᠠᠷᠤ︶ ᠵᠡᠷᠭᠡ ᠪᠠᠷ ᠭᠤᠤᠯᠯᠠᠭᠤᠯᠤᠨᠠ᠃ ᠳᠠᠷᠤᠰᠢᠭᠤᠯᠤᠭᠰᠠᠨ ᠲᠡᠵᠢᠭᠡᠯ ᠢᠶᠠᠷ ᠪᠣᠷᠳᠣᠬᠤ ᠦᠶᠡ ᠳᠤ | ᠡᠷᠯᠢᠰᠡ ᠦᠬᠡᠷ ᠲᠤ ᠡᠳᠦᠷ ᠪᠦᠷᠢ 8～15kg ᠦᠭᠭᠦᠨᠡ᠃ | 3.ᠰᠢᠭᠡᠭ ᠢ ᠠᠰᠢᠭᠯᠠᠬᠤ᠄ ᠰᠢᠭᠡᠭ ᠪᠣᠯ ᠦᠪᠡᠷ ᠤᠨ ᠦᠷᠲᠡᠭ ᠢᠶᠠᠷ ᠬᠢᠮᠳᠠ ᠤᠭᠤᠷᠠᠭᠲᠤ ᠪᠤᠳᠠᠰ ᠪᠦᠬᠦᠢ | ᠨᠡᠮᠡᠯᠲᠡ ᠲᠡᠵᠢᠭᠡᠯ ᠪᠣᠯᠣᠨᠠ᠃ ᠬᠡᠷᠪᠡ ᠲᠤᠬᠢᠷᠠᠮᠵᠢᠲᠠᠢ ᠲᠡᠵᠢᠭᠡᠬᠦ ᠳᠤ ᠬᠦᠷᠪᠡᠯ 1kg ᠰᠢᠭᠡᠭ ᠨᠢ 5kg | ᠪᠤᠷᠴᠠᠭ ᠤᠨ ᠰᠢᠬᠠᠳᠠᠰᠣ ᠲᠠᠢ ᠲᠡᠩᠴᠡᠳᠡᠭ᠃ ᠬᠤᠨᠤᠭ ᠤᠨ ᠲᠡᠵᠢᠭᠡᠯ ᠳᠤ ᠬᠠᠭᠤᠷᠠᠢ ᠪᠤᠳᠠᠰ ᠢ 1％ ᠪᠠᠷ᠂ ᠨᠠᠷᠢᠯᠢᠭ | ᠲᠡᠵᠢᠭᠡᠯ ᠢ 2％ ᠢᠶᠠᠷ ᠪᠠᠶᠢᠯᠭᠠᠪᠠᠯ ᠵᠤᠬᠢᠨᠠ᠃ ᠪᠠᠰᠠ ᠦᠬᠡᠷ ᠤᠨ ᠠᠮᠢᠳᠤ ᠶᠢᠨ ᠵᠢᠩ ᠢᠶᠠᠷ ᠪᠤᠳᠤᠵᠤ ᠲᠡᠵᠢᠭᠡᠬᠦ | ᠬᠡᠮᠵᠢᠶᠡ ᠶᠢ ᠲᠤᠭᠲᠠᠭᠠᠭᠠᠳ ᠠᠮᠢᠳᠤ ᠶᠢᠨ ᠵᠢᠩ ᠤᠨ 100kg ᠪᠦᠷᠢ ᠳᠤ 20～30g ᠢᠶᠠᠷ ᠦᠭᠭᠦᠨᠡ᠃ | ᠲᠡᠵᠢᠭᠡᠬᠦ ᠠᠷᠭᠠ ᠨᠢ ᠭᠡᠪᠡᠯ᠂ ᠰᠢᠭᠡᠭ ᠢ ᠠᠭᠤᠰᠭᠠᠭᠰᠠᠨ ᠤ ᠳᠠᠷᠠᠭᠠ ᠨᠠᠷᠢᠨ ᠲᠡᠵᠢᠭᠡᠯ ᠲᠠᠢ ᠵᠢᠭᠲᠡ ᠬᠤᠯᠢᠨᠠ᠃ | ᠬᠠᠷᠢᠨ ᠰᠢᠭᠡᠭ ᠢ ᠳᠠᠩ ᠢᠶᠠᠷ ᠨᠢ ᠦᠭᠬᠦ ᠪᠣᠶᠣ ᠠᠭᠤᠰᠬᠠᠭᠠᠳ ᠤᠰᠤᠯᠠᠵᠤ ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠰᠢᠭᠡᠭ ᠲᠠᠢ | ᠳᠠᠷᠤᠰᠢᠭᠤᠯᠤᠭᠰᠠᠨ ᠡᠷᠳᠡᠨᠢ ᠰᠢᠰᠢ ᠪᠣᠶᠣ ᠰᠢᠭᠡᠭ ᠲᠠᠢ ᠬᠤᠯᠢᠮᠠᠭ ᠲᠡᠵᠢᠭᠡᠯ ᠳᠤ ᠰᠢᠬᠢᠷ ᠤᠨ ᠰᠢᠭᠠᠷᠤ᠂ ᠰᠢᠬᠢᠷ ᠤᠨ | ᠮᠠᠨᠵᠢᠨ ᠤ ᠬᠠᠶᠠᠭᠳᠠᠮᠠᠯ ᠵᠡᠷᠭᠡ ᠶᠢ ᠬᠤᠯᠢᠵᠤ ᠦᠭᠪᠡᠯ ᠮᠠᠰᠢ ᠢᠳᠡᠪᠦᠷᠢᠲᠡᠢ ᠪᠣᠯᠳᠠᠭ᠃ | 4.ᠡᠷᠳᠡᠨᠢ ᠰᠢᠰᠢ᠂ ᠡᠷᠳᠡᠨᠢ ᠰᠢᠰᠢ ᠶᠢᠨ ᠭᠤᠤᠯ ᠢ ᠠᠰᠢᠭᠯᠠᠬᠤ᠄ ᠡᠷᠳᠡᠨᠢ ᠰᠢᠰᠢ ᠭᠤᠤᠯ ᠢ ᠨᠢᠴᠠᠯᠵᠤ | ᠲᠡᠵᠢᠭᠡᠪᠡᠯ ᠢᠳᠡᠰᠢᠯᠡᠬᠦ ᠬᠡᠮᠵᠢᠶᠡ ᠶᠢ 30％ ᠪᠠᠷ ᠨᠡᠮᠡᠭᠳᠡᠭᠦᠯᠵᠦ ᠴᠢᠳᠠᠨᠠ᠃ ᠬᠡᠷᠪᠡ ᠬᠤᠵᠢᠷ ᠢᠶᠠᠷ | ᠪᠣᠯᠪᠠᠰᠤᠷᠠᠭᠤᠯᠵᠤ ᠦᠭᠪᠡᠯ ᠰᠢᠩᠭᠡᠴᠡ ᠶᠢ 20％ ᠠᠴᠠ ᠳᠡᠭᠡᠭᠰᠢ ᠨᠡᠮᠡᠭᠳᠡᠭᠦᠯᠦᠨᠡ᠃ | | | ︵ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ | ᠪᠠ ᠠᠰᠢᠭ ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |