| ᠦᠨᠢᠶᠡᠨ ᠰᠦ ᠪᠣᠯ ᠰᠢᠮᠡ ᠲᠡᠵᠢᠭᠡᠯ ᠤᠨ ᠬᠦᠮᠦᠷᠭᠡ ᠮᠦᠨ᠃ ᠦᠨᠢᠶᠡᠨ ᠰᠦ ᠶᠢ ᠬᠢᠮᠢ ᠶᠢᠨ ᠪᠦᠷᠢᠯᠳᠦᠭᠦᠨ ᠤ | ᠲᠠᠯᠠ ᠠᠴᠠ ᠠᠪᠴᠤ ᠬᠡᠯᠡᠪᠡᠯ᠂ ᠲᠡᠭᠦᠨ ᠤ ᠬᠦᠮᠦᠨ ᠤ ᠪᠡᠶᠡ ᠳᠤ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠠᠷᠪᠠᠨ ᠨᠠᠢᠮᠠᠨ | ᠵᠦᠢᠯ ᠤᠨ ᠰᠢᠪᠲᠤᠷᠲᠤ ᠬᠦᠴᠢᠯ ᠠᠭᠤᠯᠤᠭᠳᠠᠵᠤ ᠪᠠᠶᠢᠬᠤ ᠪᠦᠭᠡᠳ ᠸᠢᠲ᠋ᠠᠮᠢᠨ ᠤ ᠲᠦᠷᠦᠯ ᠵᠦᠢᠯ ᠪᠦᠷᠢᠨ ᠭᠦᠢᠴᠡᠳ | ᠮᠦᠷᠲᠡᠭᠡᠨ ᠬᠦᠮᠦᠨ ᠤ ᠪᠡᠶᠡ ᠳᠤ ᠦᠷᠭᠦᠯᠵᠢ ᠬᠡᠷᠡᠭᠯᠡᠭᠳᠡᠳᠡᠭ ᠪᠢᠴᠢᠯ ᠡᠯᠧᠮᠧᠨ᠋ᠲ ᠤᠷᠤᠰᠢᠵᠤ ᠪᠠᠶᠢᠳᠠᠭ᠃ | ᠰᠢᠪᠲᠤᠷᠲᠤ ᠬᠦᠴᠢᠯ ᠢ ᠬᠦᠮᠦᠨ ᠤ ᠪᠡᠶᠡ ᠨᠡᠶᠢᠯᠡᠭᠦᠯᠵᠦ ᠪᠦᠲᠦᠭᠡᠵᠦ ᠴᠢᠳᠠᠳᠠᠭ ᠦᠭᠡᠢ ᠪᠣᠶᠣ ᠨᠡᠶᠢᠯᠡᠭᠦᠯᠬᠦ | ᠬᠤᠷᠳᠤᠴᠠ ᠨᠢ ᠲᠤᠰ ᠪᠡᠶᠡ ᠶᠢᠨ ᠬᠡᠷᠡᠭᠴᠡᠭᠡ ᠪᠠᠨ ᠬᠠᠩᠭᠠᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠳᠠᠭ᠃ 500 ᠭᠷᠡᠮ ᠦᠨᠢᠶᠡᠨ | ᠰᠦ ᠪᠣᠯ ᠬᠦᠮᠦᠨ ᠤ ᠨᠢᠭᠡ ᠡᠳᠦᠷ ᠤᠨ ᠤᠭᠤᠷᠠᠭᠲᠤ ᠡᠳ᠋ ᠤᠨ ᠬᠡᠷᠡᠭᠴᠡᠭᠡ ᠶᠢᠨ ᠳᠦᠷᠪᠡᠨ ᠤ ᠨᠢᠭᠡ ᠬᠤᠪᠢ ᠶᠢ | ᠬᠠᠩᠭᠠᠵᠤ᠂ ᠨᠢᠭᠡ ᠯᠢᠲᠷ ᠦᠨᠢᠶᠡᠨ ᠰᠦ ᠳᠤ ᠠᠭᠤᠯᠤᠭᠳᠠᠬᠤ ᠰᠢᠪᠲᠤᠷᠲᠤ ᠬᠦᠴᠢᠯ ᠨᠢ ᠨᠢᠭᠡ ᠬᠦᠮᠦᠨ ᠤ ᠨᠢᠭᠡ | ᠡᠳᠦᠷ ᠤᠨ ᠬᠡᠷᠡᠭᠴᠡᠭᠡ ᠶᠢ ᠪᠦᠷᠢᠮᠦᠰᠦᠨ ᠬᠠᠩᠭᠠᠵᠤ ᠳᠡᠶᠢᠯᠦᠨᠡ᠃ | 1.ᠰᠦᠨ ᠰᠢᠬᠢᠷ ᠪᠣᠯ ᠦᠨᠢᠶᠡᠨ ᠰᠦ ᠶᠢᠨ ᠭᠤᠤᠯ ᠪᠣᠯᠬᠤ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠢᠭᠡᠲᠦᠯ ᠪᠠᠶᠢᠵᠤ᠂ | ᠬᠦᠮᠦᠨ ᠤ ᠭᠡᠳᠡᠰᠦᠨ ᠳᠤ ᠠᠰᠢᠭᠲᠠᠢ ᠪᠢᠴᠢᠯ ᠠᠮᠢᠳᠤ ᠪᠤᠳᠠᠰ ᠤᠨ ᠦᠷᠡᠵᠢᠵᠦ ᠪᠣᠶᠢᠵᠢᠬᠤ ᠶᠢ ᠠᠬᠢᠭᠤᠯᠵᠤ᠂ | ᠤᠷᠭᠠᠨᠢᠭ ᠬᠦᠴᠢᠯ ᠢ ᠪᠣᠢ ᠪᠤᠯᠭᠠᠨ ᠭᠡᠳᠡᠰᠦᠨ ᠳᠠᠬᠢ ᠲᠤᠬᠢᠷᠠᠮᠵᠢᠲᠡᠢ ᠬᠦᠴᠢᠯ ᠰᠢᠨᠵᠢ ᠪᠦᠬᠦᠢ ᠤᠷᠴᠢᠨ ᠲᠤᠭᠤᠷᠢᠨ ᠢ | ᠬᠠᠮᠠᠭᠠᠯᠠᠵᠤ᠂ ᠱᠦᠯᠲᠦᠯᠢᠭ ᠴᠢᠨᠠᠷᠲᠠᠢ ᠪᠢᠴᠢᠯ ᠠᠮᠢᠳᠤ ᠪᠤᠳᠠᠰ ᠪᠠ ᠢᠯᠵᠡᠷᠡᠮᠡᠯ ᠪᠠᠺᠲ᠋ᠧᠷᠢ ᠤ ᠦᠰᠦᠯᠲᠡ | ᠪᠣᠶᠢᠵᠢᠯᠲᠠ ᠶᠢ ᠬᠢᠵᠠᠭᠠᠷᠯᠠᠵᠤ᠂ ᠭᠡᠳᠡᠰᠦᠨ ᠳᠠᠬᠢ ᠡᠷᠡᠭᠦᠯ ᠪᠣᠰᠣ ᠢᠰᠭᠡᠭᠦᠷ ᠤᠨ ᠬᠤᠤᠷ ᠢ ᠪᠠᠭᠠᠰᠬᠠᠬᠤ ᠦᠢᠯᠡᠳᠦᠯ | ᠲᠠᠢ᠃ | 2.ᠰᠦᠨ ᠦᠭᠡᠬᠦᠨ ᠳᠤ ᠠᠭᠤᠯᠤᠭᠳᠠᠬᠤ ᠢᠯᠴᠢ ᠶᠢᠨ ᠬᠡᠮᠵᠢᠶᠡ ᠨᠢ ᠦᠨᠢᠶᠡᠨ ᠰᠦ ᠶᠢᠨ ᠢᠯᠴᠢ ᠬᠠᠩᠭᠠᠬᠤ | ᠬᠡᠮᠵᠢᠶᠡ ᠶᠢᠨ ᠬᠠᠭᠠᠰ ᠠᠴᠠ ᠢᠯᠡᠭᠦᠦ ᠪᠦᠭᠡᠳ ᠬᠦᠮᠦᠨ ᠤ ᠪᠡᠶᠡ ᠳᠤ ᠠᠮᠠᠷᠬᠠᠨ ᠰᠢᠩᠭᠡᠨᠡ᠃ | 3.ᠰᠦᠨ ᠦᠭᠡᠬᠦᠨ ᠳᠤ ᠬᠡᠳᠦᠨ ᠠᠷᠪᠠᠨ ᠵᠦᠢᠯ ᠤᠨ ᠰᠦᠨ ᠬᠦᠴᠢᠯ ᠪᠠᠶᠢᠵᠤ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ | ᠬᠡᠪ ᠤᠨ ᠹᠢᠽᠢᠣᠯᠣᠭᠢ ᠶᠢᠨ ᠴᠢᠳᠠᠪᠤᠷᠢ ᠶᠢ ᠬᠠᠮᠠᠭᠠᠯᠠᠵᠤ᠂ ᠦᠰᠦᠭᠯᠡᠶᠡ ᠪᠤᠶᠢᠵᠢᠯᠲᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ | ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ | 4.ᠦᠨᠢᠶᠡᠨ ᠰᠦ ᠳᠠᠬᠢ ᠡᠷᠦᠳᠡᠰᠦ ᠡᠯᠧᠮᠧᠨ᠋ᠲ ᠤᠨ ᠲᠦᠷᠦᠯ ᠵᠦᠢᠯ ᠲᠤᠩ ᠤᠯᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ᠺᠠᠯᠼ᠂ ᠹᠣᠰᠹᠣᠷ᠂ ᠮᠠᠭᠨᠢ᠂ ᠬᠦᠬᠦᠷ᠂ ᠮᠠᠩᠭᠠᠨ ᠵᠡᠷᠭᠡ ᠨᠢ ᠴᠦᠮ ᠬᠦᠮᠦᠨ ᠤ ᠪᠡᠶᠡ ᠳᠤ ᠵᠠᠪᠠᠯ ᠬᠡᠷᠡᠭᠰᠡᠬᠦ ᠰᠢᠮᠡ | ᠲᠡᠵᠢᠭᠡᠯ ᠤᠨ ᠪᠤᠳᠠᠰ ᠪᠣᠯᠣᠨᠠ᠃ ᠢᠯᠠᠩᠭᠤᠶᠠ ᠦᠨᠢᠶᠡᠨ ᠰᠦ ᠳᠠᠬᠢ ᠺᠠᠯᠼ ᠨᠢ ᠤᠭᠤᠷᠠᠭ ᠲᠠᠢ ᠨᠡᠶᠢᠯᠡᠵᠦ | ᠪᠦᠲᠦᠭᠰᠡᠨ ᠠᠴᠠ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠰᠢᠩᠭᠡᠭᠡᠯᠲᠡ ᠳᠤ ᠠᠰᠢᠭᠲᠠᠢ ᠬᠠᠮᠤᠭ ᠤᠨ ᠰᠠᠶᠢᠨ ᠺᠠᠯᠼ ᠤᠨ ᠢᠷᠡᠯᠲᠡ | ᠮᠦᠨ᠃ ᠶᠡᠭᠡ ᠨᠠᠰᠤᠨ ᠤ ᠬᠦᠮᠦᠨ ᠳᠤ ᠡᠳᠦᠷ ᠲᠤ ᠪᠠᠷᠤᠭ ᠨᠢᠭᠡ ᠭᠷᠡᠮ ᠺᠠᠯᠼ ᠱᠠᠭᠠᠷᠳᠠᠭᠳᠠᠵᠤ ᠪᠠᠶᠢᠳᠠᠭ᠃ ᠡᠭᠦᠨ ᠢ | ᠨᠢᠭᠡ ᠯᠢᠲᠷ ᠦᠨᠢᠶᠡᠨ ᠰᠦ ᠤᠤᠭᠤᠪᠠᠯ ᠳᠠᠷᠤᠢ ᠬᠠᠩᠭᠠᠵᠤ ᠳᠡᠶᠢᠯᠦᠨᠡ᠃ ᠬᠡᠷᠪᠡ ᠬᠦᠮᠦᠰ ᠤᠨ ᠢᠳᠡᠭᠡᠨ ᠤ | ᠳᠤᠲᠤᠷᠠ ᠦᠨᠢᠶᠡᠨ ᠰᠦ ᠪᠣᠶᠣ ᠴᠠᠭᠠᠨ ᠢᠳᠡᠭᠡᠨ ᠪᠠᠶᠢᠬᠤ ᠦᠭᠡᠢ ᠪᠣᠯ ᠺᠠᠯᠼ ᠤᠨ ᠱᠠᠭᠠᠷᠳᠠᠯᠭᠠ ᠶᠢ ᠪᠠᠷᠤᠭ | ᠬᠠᠩᠭᠠᠵᠤ ᠳᠡᠶᠢᠯᠬᠦ ᠦᠭᠡᠢ᠃ | 5.ᠦᠨᠢᠶᠡᠨ ᠰᠦ ᠳᠤ ᠪᠠᠰᠠ ᠠᠮᠢ ᠨᠠᠰᠤ ᠪᠠ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠬᠠᠮᠠᠭᠠᠯᠠᠬᠤ ᠳᠤ ᠡᠷᠬᠡᠪᠰᠢ | ᠱᠠᠭᠠᠷᠳᠠᠭᠳᠠᠬᠤ ᠡᠯᠡ ᠵᠦᠢᠯ ᠤᠨ ᠸᠢᠲ᠋ᠠᠮᠢᠨ ᠪᠠ ᠠᠮᠢᠳᠤ ᠪᠤᠳᠠᠰ ᠤᠨ ᠰᠢᠩᠭᠡᠭᠦᠷᠢᠲᠡᠢ ᠪᠤᠳᠠᠰ ᠪᠠᠶᠢᠳᠠᠭ᠃ ᠣᠳᠣ | ᠦᠶᠡ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠨ ᠨᠢ ᠦᠨᠢᠶᠡᠨ ᠰᠦ ᠪᠣᠯ 3000 ᠵᠦᠢᠯ ᠤᠨ ᠨᠡᠶᠢᠯᠡᠮᠡᠯ | ᠪᠤᠳᠠᠰ ᠠᠴᠠ ᠪᠦᠷᠢᠯᠳᠦᠭᠰᠡᠨ ᠰᠢᠮᠡ ᠲᠡᠵᠢᠭᠡᠯ ᠤᠨ ᠰᠢᠩᠭᠡᠨ ᠪᠠᠶᠢᠵᠤ᠂ ᠡᠳᠡᠭᠡᠷ ᠨᠡᠶᠢᠯᠡᠮᠡᠯ ᠪᠤᠳᠠᠰ ᠪᠠ ᠲᠡᠭᠦᠨ ᠤ | ᠦᠢᠯᠡᠳᠦᠯ ᠴᠢᠳᠠᠪᠤᠷᠢ ᠶᠢᠨ ᠲᠤᠬᠠᠢ ᠬᠦᠮᠦᠰ ᠤᠷᠳᠤ ᠴᠤ ᠭᠡᠰᠡᠨ ᠲᠠᠨᠢᠵᠤ ᠨᠦᠬᠦᠪᠦᠷᠢᠯᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ | ᠦᠨᠢᠶᠡᠨ ᠰᠦ ᠶᠢ ᠰᠢᠮᠡ ᠲᠡᠵᠢᠭᠡᠯ ᠤᠨ ᠬᠦᠮᠦᠷᠭᠡ ᠭᠡᠳᠡᠭ ᠨᠢ ᠦᠴᠦᠬᠡᠨ ᠴᠤ ᠬᠡᠲᠦᠷᠡᠭᠦᠯᠦᠭᠰᠡᠨ ᠤᠴᠢᠷ ᠠᠯᠠᠭᠠ᠃ | 6.ᠦᠨᠢᠶᠡᠨ ᠰᠦ ᠶᠢᠨ ᠢᠪᠢᠯᠭᠡᠭᠳᠡᠰᠦ ᠪᠣᠯ ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠂ ᠰᠢᠬᠢᠷᠯᠢᠭ ᠠᠮᠲᠠᠲᠠᠢ ᠤᠨᠴᠠᠭᠠᠢ ᠰᠠᠶᠢᠨ | ᠰᠢᠮᠡ ᠲᠡᠵᠢᠭᠡᠯ ᠲᠠᠢ ᠰᠦ ᠪᠣᠯᠣᠨᠠ᠃ ᠲᠡᠷᠡ ᠨᠢ ᠰᠢᠷᠠ ᠶᠢ ᠳᠠᠷᠤᠵᠤ᠂ ᠬᠡᠢ ᠮᠠᠬᠠᠪᠤᠳ ᠢ ᠲᠡᠭᠰᠢᠳᠭᠡᠵᠦ᠂ | ᠠᠭᠤᠰᠬᠢ ᠶᠢ ᠲᠦᠯᠵᠢᠭᠦᠯᠵᠦ᠂ ᠶᠠᠰᠤᠨ ᠳᠤ ᠰᠢᠮᠡ ᠲᠡᠵᠢᠭᠡᠯ ᠨᠦᠬᠦᠪᠦᠷᠢᠯᠡᠨ᠂ ᠶᠠᠰᠤᠨ ᠤ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠢ | ᠰᠠᠶᠢᠵᠢᠷᠠᠭᠤᠯᠵᠤ᠂ ᠦᠩᠭᠡ ᠵᠢᠰᠦ ᠶᠢ ᠭᠤᠶᠤᠵᠢᠭᠤᠯᠳᠠᠭ᠃ ᠲᠦᠭᠦᠬᠡᠢ ᠰᠦ ᠶᠢᠨ ᠬᠦᠮᠦᠨ ᠤ ᠪᠡᠶᠡ ᠳᠤ ᠰᠢᠩᠭᠡᠬᠦ | ᠰᠢᠮᠡ ᠲᠡᠵᠢᠭᠡᠯ ᠨᠢ ᠪᠣᠯᠭᠤᠭᠰᠠᠨ ᠰᠦ ᠠᠴᠠ ᠭᠤᠷᠪᠠ ᠲᠠᠬᠢᠨ ᠢᠯᠡᠭᠦᠦ ᠪᠠᠶᠢᠳᠠᠭ᠃ | ᠦᠨᠢᠶᠡᠨ ᠰᠦ ᠶᠢᠨ ᠡᠮᠴᠢᠯᠡᠭᠡᠨ ᠤ ᠦᠢᠯᠡᠳᠦᠯ᠄ | 1.ᠬᠤᠳᠤᠭᠤᠳᠤᠨ ᠰᠢᠷᠬᠠᠯᠠᠭᠠ ᠲᠠᠢ ᠡᠪᠡᠳᠴᠢᠲᠡᠨ ᠦᠨᠢᠶᠡᠨ ᠰᠦ ᠤᠤᠭᠤᠪᠠᠯ ᠰᠢᠷᠬᠠᠯᠠᠭᠠ ᠶᠢᠨ ᠦᠩᠭᠡᠨ | ᠲᠠᠯᠠ ᠳᠤ ᠳᠤᠨᠢ ᠬᠠᠮᠠᠭᠠᠯᠠᠬᠤ ᠪᠦᠷᠬᠦᠪᠴᠢ ᠪᠦᠷᠢᠯᠳᠦᠬᠦ ᠪᠣᠯᠬᠤᠷ ᠰᠢᠷᠬᠠᠯᠠᠭᠠ ᠶᠢ ᠡᠷᠲᠡ ᠠᠨᠠᠭᠠᠬᠤ ᠳᠤ ᠲᠤᠰᠠᠲᠠᠢ᠃ | 2.ᠴᠠᠬᠢᠯᠭᠠᠨ ᠭᠡᠷᠡᠯ ᠤᠨ ᠴᠢᠨᠠᠷᠲᠠᠢ ᠨᠢᠳᠦᠨ ᠦᠷᠪᠢᠰᠦᠯ ᠤᠨ ᠡᠪᠡᠳᠴᠢᠲᠡᠨ ᠦᠨᠢᠶᠡᠨ ᠰᠦ ᠶᠢ | ᠨᠢᠳᠦᠨ ᠳᠤ ᠪᠠᠨ ᠳᠤᠰᠤᠯᠭᠠᠪᠠᠯ ᠡᠪᠡᠳᠬᠦ ᠶᠢ ᠨᠠᠮᠳᠠᠭᠠᠨᠠ᠃ | 3.ᠲᠡᠮᠦᠷᠯᠢᠭ ᠤᠨ ᠨᠢᠭᠡᠲᠦᠮᠡᠯ ᠪᠣᠳᠠᠰ ᠢ ᠠᠳᠡᠭᠦᠷᠡᠵᠦ ᠤᠤᠭᠤᠭᠰᠠᠨ ᠦᠶᠡ ᠳᠤ ᠦᠨᠢᠶᠡᠨ ᠰᠦ ᠤᠤᠭᠤᠪᠠᠯ | ᠬᠤᠤᠷ ᠢ ᠲᠠᠶᠢᠯᠤᠨᠠ᠃ | 4.ᠦᠨᠢᠶᠡᠨ ᠰᠦ ᠨᠢ ᠨᠢᠳᠦᠨ ᠵᠤᠪᠬᠢ ᠲᠠᠲᠠᠪᠠᠯᠵᠠᠬᠤ ᠶᠢ ᠨᠠᠮᠳᠠᠭᠠᠨᠠ᠃ ᠨᠢᠳᠦᠨ ᠵᠤᠪᠬᠢ ᠲᠠᠲᠠᠪᠠᠯᠵᠠᠬᠤ ᠪᠣᠯ | ᠬᠠᠷᠠᠭᠠ ᠬᠡᠳᠦ ᠶᠠᠳᠠᠷᠠᠬᠤ᠂ ᠨᠢᠳᠦᠨ ᠤ ᠪᠣᠯᠴᠢᠩ ᠤᠨ ᠠᠯᠤᠰᠬᠤ ᠴᠢᠨᠠᠷᠲᠠᠢ ᠠᠪᠴᠢᠯᠲᠠ ᠠᠴᠠ ᠪᠤᠯᠤᠭᠰᠠᠨ ᠶᠣᠮ᠃ | ᠦᠨᠢᠶᠡᠨ ᠰᠦ ᠳᠠᠬᠢ ᠺᠠᠯᠼᠯᠢᠭ ᠡᠳ᠋ ᠨᠢ ᠪᠤᠯᠴᠢᠩ ᠤᠨ ᠡᠷᠴᠢᠮ ᠢ ᠰᠤᠯᠠᠷᠠᠭᠤᠯᠵᠣ᠂ ᠠᠨᠢᠰᠬᠠ ᠲᠠᠲᠠᠪᠠᠯᠵᠠᠬᠤ ᠶᠢ | ᠵᠠᠰᠠᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ | 5.ᠰᠠᠯᠪᠤᠷᠢ ᠮᠦᠬᠡᠷᠡᠰᠦᠨ ᠬᠤᠭᠤᠯᠠᠢ ᠶᠢᠨ ᠦᠷᠪᠢᠰᠦᠯ ᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠨᠡ᠃ ᠦᠨᠢᠶᠡᠨ | ᠰᠦᠨ ᠳᠤ ᠸᠢᠲ᠋ᠠᠮᠢᠨ A ᠡᠯᠪᠡᠭ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ ᠠᠴᠠ ᠰᠠᠯᠪᠤᠷᠢ ᠮᠦᠬᠡᠷᠡᠰᠦᠨ ᠬᠤᠭᠤᠯᠠᠢ ᠶᠢᠨ ᠰᠠᠯᠢᠰᠤᠲᠤ | ᠪᠦᠷᠬᠦᠪᠴᠢ ᠶᠢᠨ ᠡᠰ ᠢ ᠬᠠᠮᠠᠭᠠᠯᠠᠵᠤ ᠦᠷᠪᠢᠰᠬᠦ ᠲᠤᠬᠢᠶᠠᠯ ᠢ ᠪᠠᠭᠠᠰᠬᠠᠵᠤ ᠪᠠᠶᠢᠳᠠᠭ᠃ | 6.ᠲᠤᠰᠤ ᠶᠢ ᠨᠢ ᠭᠠᠷᠭᠠᠭᠰᠠᠨ ᠦᠨᠢᠶᠡᠨ ᠰᠦ ᠬᠠᠪᠤᠳᠠᠷ ᠢ ᠰᠡᠷᠭᠡᠶᠢᠯᠡᠨᠡ᠃ ᠰᠤᠳᠤᠯᠭᠠᠨ ᠤ | ᠢᠯᠡᠷᠡᠭᠦᠯᠦᠭᠰᠡᠨ ᠢᠶᠠᠷ ᠲᠤᠰᠤ ᠶᠢ ᠨᠢ ᠭᠠᠷᠭᠠᠭᠰᠠᠨ ᠦᠨᠢᠶᠡᠨ ᠰᠦ ᠳᠠᠬᠢ ᠸᠢᠲ᠋ᠠᠮᠢᠨ C᠂ ᠸᠢᠲ᠋ᠠᠮᠢᠨ A ᠵᠡᠷᠭᠡ ᠪᠢᠴᠢᠯ | ᠡᠯᠧᠮᠧᠨ᠋ᠲ ᠨᠦᠭᠦᠳ ᠨᠢ ᠦᠮᠠᠨ ᠢ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ ᠪᠣᠯᠬᠤᠷ ᠲᠤᠰᠤ ᠶᠢ ᠨᠢ ᠭᠠᠷᠭᠠᠭᠰᠠᠨ ᠦᠨᠢᠶᠡᠨ | ᠰᠦ ᠶᠢ ᠦᠷᠭᠦᠯᠵᠢ ᠤᠤᠭᠤᠪᠠᠯ ᠡᠯᠡ ᠵᠦᠢᠯ ᠤᠨ ᠦᠮᠠᠨ ᠤ ᠡᠭᠦᠰᠬᠦ ᠨᠤᠷᠮᠠ ᠶᠢ ᠳᠤᠷᠤᠭᠰᠢᠯᠠᠭᠤᠯᠤᠨᠠ᠃ | 7.ᠰᠠ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠨᠡ᠃ ᠦᠨᠢᠶᠡᠨ ᠰᠦ ᠵᠢᠴᠢ ᠦᠨᠢᠶᠡᠨ ᠰᠦ ᠶᠢᠨ ᠦᠢᠯᠡᠳᠭᠡᠭᠦᠨ ᠳᠤ ᠨᠢᠭᠡ | ᠵᠦᠢᠯ ᠤᠨ ᠤᠨᠴᠠ ᠪᠤᠳᠠᠰ ᠬᠡᠮᠵᠢᠶᠡ ᠠᠴᠠ ᠬᠡᠲᠦᠷᠡᠭᠰᠡᠨ ᠺᠠᠯᠼ ᠡᠯᠧᠮᠧᠨ᠋ᠲ ᠮᠡᠳᠡᠷᠡᠯ ᠤᠨ ᠡᠰ ᠢ ᠭᠡᠮᠲᠦᠭᠡᠬᠦ ᠶᠢ | ᠰᠡᠷᠭᠡᠶᠢᠯᠡᠳᠡᠭ ᠠᠴᠠ ᠶᠡᠭᠡ ᠲᠠᠷᠢᠬᠢ ᠶᠢ ᠬᠠᠮᠠᠭᠠᠯᠠᠵᠤ᠂ ᠰᠠ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠬᠦ ᠶᠢ ᠤᠷᠢᠳᠴᠢᠯᠡᠨ | ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ᠃ | 8.ᠪᠡᠶᠡ ᠶᠢᠨ ᠰᠢᠩᠭᠡᠨ ᠢ ᠨᠦᠬᠦᠪᠦᠷᠢᠯᠡᠬᠦ ᠳᠤ ᠪᠤᠰᠤᠳ ᠤᠮᠳᠠᠭᠠᠨ ᠠᠴᠠ ᠰᠠᠶᠢᠨ ᠪᠠᠶᠢᠳᠠᠭ᠃ | 9.ᠲᠠᠶᠢᠪᠤᠰᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ᠃ ᠡᠨᠡ ᠨᠢ ᠲᠠᠷᠢᠬᠢ᠂ ᠮᠡᠳᠡᠷᠡᠯ᠂ ᠵᠢᠷᠦᠬᠡᠨ ᠠᠵᠢᠯᠯᠠᠭᠠ ᠶᠢ | ᠰᠠᠶᠢᠵᠢᠷᠠᠭᠤᠯᠤᠨᠠ᠃ | 10. ᠠᠷᠠᠰᠤ ᠶᠢ ᠴᠢᠬᠢᠷᠠᠭᠵᠢᠭᠤᠯᠵᠤ᠂ ᠵᠢᠰᠦ ᠶᠢ ᠴᠠᠭᠠᠨ ᠪᠦᠭᠡᠳ ᠨᠠᠷᠢᠨ ᠰᠢᠷᠬᠡᠭ ᠲᠠᠢ ᠪᠠᠶᠢᠯᠭᠠᠵᠤ ᠤᠯᠠᠮ | ᠭᠤᠸᠠ ᠰᠠᠶᠢᠬᠠᠨ ᠪᠣᠯᠭᠠᠨᠠ᠃ | 11.ᠨᠠᠰᠤ ᠶᠢ ᠣᠷᠲᠣᠳᠬᠠᠨᠠ᠃ ᠡᠨᠡ ᠨᠢ ᠦᠨᠢᠶᠡᠨ ᠰᠦ ᠨᠢ ᠬᠦᠮᠦᠨ ᠤ ᠡᠯᠡ ᠡᠷᠬᠡᠲᠡᠨ ᠪᠠ ᠴᠣᠯᠣ | ᠰᠠᠪᠠᠨ ᠳᠤ ᠢᠳᠡᠪᠬᠢᠲᠡᠢ ᠦᠢᠯᠡᠳᠦᠯ ᠭᠠᠷᠭᠠᠵᠤ ᠲᠠᠷᠢᠬᠢ᠂ ᠮᠡᠳᠡᠷᠡᠯ᠂ ᠵᠢᠷᠦᠬᠡᠨ ᠠᠵᠢᠯᠯᠠᠭᠠ ᠶᠢ | ᠰᠠᠶᠢᠵᠢᠷᠠᠭᠤᠯᠤᠭᠰᠠᠨ ᠠᠴᠠ ᠪᠣᠯᠵᠠᠢ᠃ | 12.ᠡᠪᠡᠳᠴᠢᠨ ᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠶᠢ ᠨᠢ ᠨᠡᠮᠡᠭᠳᠡᠭᠦᠯᠦᠨᠡ᠃ ᠡᠨᠡ ᠨᠢ ᠭᠤᠤᠯᠳᠠᠭᠤ ᠬᠦᠮᠦᠨ ᠤ | ᠪᠡᠶᠡ ᠶᠢᠨ ᠡᠯᠡ ᠵᠦᠢᠯ ᠤᠨ ᠬᠦᠴᠢᠯ᠂ ᠸᠢᠲ᠋ᠠᠮᠢᠨ᠂ ᠵᠢᠴᠢ ᠪᠢᠴᠢᠯ ᠡᠯᠧᠮᠧᠨ᠋ᠲ ᠢ ᠭᠦᠢᠴᠡᠳ ᠬᠠᠩᠭᠠᠭᠰᠠᠨ ᠠᠴᠠ ᠪᠣᠯᠵᠠᠢ᠃ | | 13.ᠬᠤᠳᠤᠭᠤᠳᠤᠨ ᠤ ᠬᠦᠷᠪᠡᠯᠵᠡᠯᠲᠡ ᠶᠢ ᠠᠬᠢᠭᠤᠯᠵᠤ ᠰᠢᠩᠭᠡᠭᠡᠬᠦ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃ ᠡᠨᠡ | ᠨᠢ ᠲᠡᠭᠦᠨ ᠤ ᠰᠦᠨ ᠬᠦᠴᠢᠯ ᠠᠴᠠ ᠬᠤᠳᠤᠭᠤᠳᠤ ᠭᠡᠳᠡᠰᠦᠨ ᠤ ᠬᠠᠨᠠ ᠳᠤ ᠵᠣᠬᠢᠬᠤ ᠵᠦᠭᠡᠯᠡᠨ ᠰᠡᠲᠦᠯᠲᠡ | ᠦᠵᠡᠭᠦᠯᠦᠭᠰᠡᠨ ᠠᠴᠠ ᠪᠣᠯᠵᠠᠢ᠃ | 14.ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠺᠠᠯᠼ ᠶᠢ ᠭᠦᠢᠴᠡᠳ ᠨᠦᠬᠦᠪᠦᠷᠢᠯᠡᠨ ᠪᠦᠬᠦ ᠪᠡᠶᠡ ᠶᠢᠨ ᠶᠠᠰᠤ᠂ ᠰᠢᠳᠦ ᠶᠢ | ᠴᠢᠬᠢᠷᠠᠭᠵᠢᠭᠤᠯᠤᠨ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠢ ᠨᠡᠮᠡᠭᠳᠡᠭᠦᠯᠵᠦ᠂ ᠶᠠᠰᠤᠨ ᠤ ᠪᠡᠷᠲᠡᠯ ᠢ ᠪᠠᠭᠠᠰᠬᠠᠬᠤ ᠪᠦᠭᠡᠳ | ᠪᠡᠷᠲᠡᠭᠰᠡᠨ ᠤ ᠳᠠᠷᠠᠭᠠ ᠰᠦ ᠤᠤᠭᠤᠪᠠᠯ ᠶᠠᠰᠤᠨ ᠤ ᠵᠠᠯᠭᠠᠭᠳᠠᠬᠤ ᠬᠤᠭᠤᠴᠠᠭᠠ ᠶᠢ ᠪᠤᠭᠤᠨᠢᠰᠬᠠᠨᠠ᠃ | 15. ᠪᠣᠯᠴᠢᠩ ᠰᠢᠷᠪᠦᠰᠦ ᠶᠢᠨ ᠪᠣᠶᠢᠵᠢᠯᠲᠠ ᠪᠠ ᠠᠮᠢᠵᠢᠷᠠᠯ ᠢ ᠠᠬᠢᠭᠤᠯᠤᠨ ᠬᠦᠮᠦᠨ ᠤ ᠬᠦᠴᠦᠨ ᠴᠢᠳᠠᠯ ᠪᠠ | ᠢᠳᠡ ᠲᠤᠷᠪᠢ ᠶᠢ ᠨᠠᠮᠡᠭᠳᠡᠭᠦᠯᠦᠨᠡ᠃ | 16.ᠭᠡᠵᠢᠭᠡ ᠶᠢ ᠭᠢᠯᠪᠠᠭᠠ ᠲᠠᠢ ᠪᠣᠯᠭᠠᠵᠤ᠂ ᠦᠰᠦ ᠴᠠᠶᠢᠬᠤ ᠶᠢ ᠰᠡᠷᠭᠡᠶᠢᠯᠡᠨᠡ᠃ ᠦᠰᠦ ᠤᠨᠠᠵᠤ | ᠲᠠᠰᠤᠷᠠᠬᠤ ᠶᠢ ᠪᠠᠭᠠᠰᠬᠠᠳᠠᠭ᠃ ᠡᠨᠡ ᠨᠢ ᠭᠤᠤᠯᠳᠠᠭᠤ ᠦᠨᠢᠶᠡᠨ ᠰᠦᠨ ᠤ ᠪᠢᠴᠢᠯ ᠡᠯᠧᠮᠧᠨ᠋ᠲ ᠤᠨ ᠦᠢᠯᠡᠳᠦᠯ ᠠᠴᠠ | ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | 17.ᠦᠨᠢᠶᠡ ᠰᠦ ᠨᠢ ᠨᠤᠶᠢᠷ ᠲᠤ ᠰᠠᠶᠢᠨ ᠪᠠᠶᠢᠳᠠᠭ᠃ | 18. ᠦᠨᠢᠶᠡᠨ ᠰᠦ ᠶᠢ ᠰᠢᠷᠠ ᠬᠤᠰᠤᠬᠤ ᠦᠶᠡ ᠳᠡᠭᠡᠨ ᠬᠦᠢᠲᠡᠨ ᠢᠶᠠᠷ ᠨᠢ ᠤᠤᠭᠤᠪᠠᠯ ᠰᠢᠷᠠ ᠬᠤᠰᠤᠬᠤ | ᠨᠠᠮᠳᠠᠳᠠᠭ᠃ | 19.ᠡᠳᠡᠭᠡᠷᠡᠬᠦ ᠨᠢ ᠤᠳᠠᠭᠠᠨ ᠶᠠᠷᠠ ᠰᠢᠷᠬᠠ ᠪᠣᠶᠣ ᠡᠷᠭᠢᠭᠰᠡᠨ ᠪᠤᠭᠤᠮᠠ ᠶᠢ ᠦᠨᠢᠶᠡᠨ ᠰᠦ ᠪᠠᠷ ᠤᠬᠢᠶᠠᠪᠠᠯ | ᠡᠳᠡᠭᠡᠷᠡᠬᠦ ᠨᠢ ᠲᠦᠷᠭᠡᠨ ᠪᠠᠶᠢᠳᠠᠭ᠃ | 20.ᠭᠠᠭᠴᠠ ᠬᠤᠷᠤᠭᠤᠨ ᠤ ᠬᠠᠪᠤᠳᠠᠷ ᠲᠤ ᠡᠭᠡᠳᠡᠭᠰᠡᠨ ᠰᠦᠨ ᠤ ᠡᠭᠡᠳᠡᠮ ᠲᠦᠷᠬᠢᠪᠡᠯ ᠬᠠᠪᠤᠳᠠᠷ ᠨᠢ | ᠬᠠᠷᠢᠵᠤ᠂ ᠡᠳᠡᠭᠡᠷᠡᠬᠦ ᠨᠢ ᠲᠦᠷᠭᠡᠨ ᠪᠠᠶᠢᠳᠠᠭ᠃ | 21.ᠤᠯᠠᠭᠠᠭᠴᠢ ᠦᠨᠢᠶᠡᠨ ᠤ ᠲᠠᠬᠢᠵᠤ ᠢᠪᠢᠯᠭᠡᠭᠰᠡᠨ ᠰᠦ ᠶᠢ ᠦᠷᠭᠦᠯᠵᠢ ᠤᠤᠭᠤᠪᠠᠯ ᠠᠭᠤᠰᠬᠢᠨ ᠤ ᠡᠯᠡ | ᠵᠦᠢᠯ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠳᠤ ᠲᠤᠰᠠᠲᠠᠢ ᠪᠠᠶᠢᠳᠠᠭ᠃ | 22. ᠦᠨᠢᠶᠡ ᠰᠦ ᠪᠠᠷ ᠬᠦᠴᠢᠯᠯᠢᠭ ᠬᠤᠷᠤᠳ ᠪᠣᠯᠪᠠᠰᠤᠷᠠᠭᠤᠯᠤᠨ ᠢᠯᠭᠠᠷᠠᠭᠤᠯᠤᠭᠰᠠᠨ ᠰᠢᠷᠠᠰᠣ ᠳᠤ | ᠳᠠᠪᠤᠰᠤ ᠬᠢᠵᠦ᠂ ᠬᠠᠮᠠᠭᠤ ᠮᠠᠭᠠᠵᠢᠭᠤᠷ ᠵᠡᠷᠭᠡ ᠠᠷᠠᠰᠤᠨ ᠡᠪᠡᠳᠴᠢᠨ ᠢ ᠤᠬᠢᠶᠠᠪᠠᠯ ᠲᠤᠰᠠ ᠪᠤᠯᠳᠠᠭ᠃ | 23.ᠠᠮᠠᠨ ᠬᠦᠨᠳᠡᠢ ᠶᠢᠨ ᠰᠢᠷᠬᠠᠯᠠᠭᠠ ᠶᠢ ᠵᠠᠰᠠᠬᠤ ᠳᠤ ᠬᠦᠯᠳᠡᠭᠡᠭᠰᠡᠨ ᠦᠨᠢᠶᠡᠨ ᠰᠦ ᠶᠢ ᠦᠮᠦᠯᠦᠨ | ᠠᠪᠴᠤ ᠰᠢᠷᠬᠠᠯᠠᠭᠠ ᠶᠢᠨ ᠳᠡᠭᠡᠷᠡ ᠲᠠᠯᠪᠢᠭᠠᠳ ᠡᠮᠨᠡᠯᠭᠡ ᠶᠢᠨ ᠬᠦᠪᠦᠩ ᠢᠶᠠᠷ ᠳᠠᠷᠤᠨᠠ᠃ 15 ᠮᠢᠨᠦ᠋ᠲ ᠤᠨ ᠳᠠᠷᠠᠭᠠ | ᠬᠦᠢᠲᠡᠨ ᠦᠨᠢᠶᠡᠨ ᠰᠦ ᠨᠢ ᠦᠷᠪᠢᠰᠦᠯ ᠢ ᠳᠠᠷᠤᠵᠤ᠂ ᠦᠨᠢᠶᠡ ᠰᠦᠨ ᠳᠤᠲᠤᠷᠠᠬᠢ ᠤᠭᠤᠷᠠᠭ ᠨᠢ ᠰᠢᠷᠬᠠᠯᠠᠭᠠ ᠶᠢ | ᠲᠦᠷᠭᠡᠨ ᠡᠳᠡᠭᠡᠷᠡᠭᠦᠯᠳᠡᠭ᠃ | 24.ᠦᠬᠡᠷ ᠢᠯᠳᠦ ᠶᠢ ᠵᠠᠰᠠᠬᠤ ᠳᠤ ᠦᠨᠢᠶᠡᠨ ᠰᠦ ᠶᠢ ᠭᠤᠷᠪᠠᠨ ᠮᠢᠨᠦ᠋ᠲ ᠪᠤᠴᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ | ᠰᠦ ᠪᠠᠨ ᠠᠭᠤᠳᠠᠯᠵᠤ ᠲᠤᠭᠤᠭᠠᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠦᠷᠦᠮᠡ ᠶᠢᠨ ᠬᠤᠰᠤᠮ ᠢ ᠬᠤᠰᠤᠵᠤ ᠠᠪᠤᠭᠠᠳ ᠦᠬᠡᠷ | ᠢᠯᠳᠦ ᠳᠡᠭᠡᠷᠡ ᠪᠠᠨ ᠲᠦᠷᠬᠢᠨᠡ᠃ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷᠢᠮᠲᠠᠯᠠᠪᠠᠯ ᠲᠤᠰᠠ ᠪᠤᠯᠳᠠᠭ᠃ | 25.ᠮᠡᠳᠡᠷᠡᠯ ᠤᠨ ᠴᠢᠨᠠᠷᠲᠠᠢ ᠠᠷᠠᠰᠤᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠳᠤ 250 ᠮᠢᠯᠢᠯᠢᠲᠷ ᠦᠨᠢᠶᠡᠨ ᠰᠦ ᠶᠢ | 100 ᠮᠢᠯᠢᠯᠢᠲᠷ ᠲᠤᠰᠤᠲᠤ ᠨᠤᠭᠤᠭᠠ ᠶᠢᠨ ᠲᠤᠰᠤᠨ ᠳᠤ ︵ᠨᠠᠩᠭᠢᠶᠠᠳ ᠠᠷᠤᠷᠠ ᠶᠢᠨ ᠦᠷᠡ ᠶᠢᠨ ᠲᠤᠰᠤ ᠪᠣᠯ | ᠨᠡᠩ ᠰᠠᠶᠢᠨ︶ ᠬᠤᠯᠢᠵᠣ ᠬᠤᠳᠬᠤᠭᠠᠳ ᠪᠦᠯᠢᠶᠡᠨ ᠣᠰᠣᠨ ᠳᠤ ᠨᠡᠶᠢᠯᠡᠭᠦᠯᠦᠨ ᠤᠬᠢᠶᠠᠨᠠ᠃ ᠭᠠᠷᠠᠭ ᠲᠤ ᠨᠢᠭᠡ | ᠤᠳᠠᠭᠠ᠂ ᠤᠳᠠᠭᠠ ᠪᠦᠷᠢ 15 ᠮᠢᠨᠦ᠋ᠲ ᠤᠬᠢᠶᠠᠨᠠ᠃ | 26.ᠠᠷᠠᠰᠤᠨ ᠤ ᠬᠠᠷᠠ ᠲᠤᠯᠪᠤ ᠶᠢ ᠵᠠᠰᠠᠬᠤ ᠳᠤ᠂ ᠰᠢᠨᠡ ᠰᠤᠷᠭᠤᠭ ᠦᠨᠢᠶᠡᠨ ᠰᠦ ᠶᠢ 75％ ᠶᠢᠨ | ᠡᠮᠨᠡᠯᠭᠡ ᠳᠤ ᠬᠡᠷᠡᠭᠯᠡᠬᠦ ᠰᠫᠢᠷᠲ ᠲᠠᠢ 1/3 ᠬᠠᠷᠢᠴᠠᠯ ᠢᠶᠠᠷ ᠬᠤᠯᠢᠵᠤ᠂ ᠤᠨᠲᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠠᠷᠠᠰᠤᠨ | ᠲᠤᠯᠪᠤ ᠳᠡᠭᠡᠷᠡ ᠪᠠᠨ ᠲᠦᠷᠬᠢᠨᠡ᠃ | 27.ᠨᠠᠷᠠᠨ ᠤ ᠰᠠᠴᠤᠷᠠᠭ ᠠᠴᠠ ᠪᠣᠯᠣᠭᠰᠠᠨ ᠠᠷᠠᠰᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ᠂ ᠡᠭᠦᠨ ᠢ ᠪᠠᠰᠠ ᠨᠠᠷᠠᠰᠢᠬᠤ | ᠲᠤᠯᠪᠤ ᠭᠡᠳᠡᠭ᠃ ᠡᠨᠡ ᠬᠦ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠳᠤ ᠦᠨᠢᠶᠡᠨ ᠰᠦᠨ ᠳᠡᠭᠡᠷᠡ ᠪᠠᠨ ᠪᠠᠭᠠ ᠤᠰᠤ ᠬᠤᠯᠢᠵᠤ᠂ | ᠲᠡᠭᠦᠨ ᠢᠶᠠᠨ ᠨᠠᠷᠠᠰᠢᠭᠰᠠᠨ ᠬᠡᠰᠡᠭ ᠳᠡᠭᠡᠷᠡ ᠪᠠᠨ ᠲᠦᠷᠬᠢᠨᠡ᠃ ᠡᠳᠦᠷ ᠲᠤ 2～3 ᠣᠳᠠᠭᠠ᠂ ᠣᠳᠠᠭᠠ ᠪᠦᠷᠢ | 15～20 ᠮᠢᠨᠦ᠋ᠲ ᠲᠦᠷᠬᠢᠨᠡ᠃ | 28.ᠱᠠᠮᠪᠠᠷᠠᠮ ᠢ ᠵᠠᠰᠠᠬᠤ ᠳᠤ ᠦᠨᠢᠶᠡᠨ ᠰᠦ ᠶᠢ ᠪᠠᠯᠪᠠᠯᠤᠭᠰᠠᠨ ᠰᠠᠷᠢᠮᠰᠠᠭ ᠲᠠᠢ ᠬᠤᠯᠢᠵᠤ ᠱᠠᠮᠪᠠᠷᠠᠮ | ᠳᠡᠭᠡᠷᠡ ᠪᠠᠨ ᠲᠦᠷᠬᠢᠨᠡ᠃ ᠡᠳᠦᠷ ᠲᠤ ᠨᠢᠭᠡ ᠤᠳᠠᠭᠠ᠂ ᠬᠤᠶᠠᠷ ᠭᠠᠷᠠᠭ ᠢᠶᠠᠷ ᠨᠢᠭᠡ ᠡᠮᠨᠡᠬᠦ ᠬᠤᠭᠤᠴᠠᠭᠠ ᠪᠤᠯᠭᠠᠨᠠ᠃ | | 29. 250 ᠭᠷᠡᠮ ᠦᠨᠢᠶᠡᠨ ᠰᠦ ᠶᠢ 100 ᠭᠷᠡᠮ ᠪᠠᠯ ᠲᠠᠢ ᠬᠠᠮᠲᠤ ᠴᠢᠨᠠᠭᠠᠳ ᠪᠤᠴᠠᠯᠤᠭᠰᠠᠨ ᠤ ᠰᠡᠭᠦᠯᠡᠷ᠂ | ᠳᠡᠭᠡᠷᠡ ᠠᠴᠠ ᠨᠢ 100 ᠭᠷᠡᠮ ᠰᠤᠩᠭᠢᠨᠠ ᠶᠢᠨ ᠴᠠᠭᠠᠨ ᠢ ᠨᠦᠳᠦᠵᠦ ᠭᠠᠷᠭᠠᠭᠰᠠᠨ ᠰᠢᠭᠦᠰᠦ ᠶᠢ ᠬᠢᠵᠦ᠂ ᠳᠠᠬᠢᠵᠤ | ᠪᠤᠴᠠᠯᠭᠠᠭᠠᠳ ᠡᠳᠦᠷ ᠪᠦᠷᠢ ᠦᠷᠯᠦᠭᠡ ᠦᠯᠦᠨ ᠢᠶᠠᠷ ᠤᠤᠭᠤᠪᠠᠯ᠂ ᠲᠠᠮᠢᠷ ᠢ ᠨᠦᠬᠦᠪᠦᠷᠢᠯᠡᠨ᠂ ᠬᠠᠯᠠᠭᠤᠨ ᠢ | ᠠᠷᠢᠯᠭᠠᠭᠠᠳ᠂ ᠦᠳᠭᠡᠨ ᠮᠦᠷ ᠢ ᠨᠠᠪᠲᠡᠷᠡᠩᠭᠦᠢ ᠪᠣᠯᠭᠠᠬᠤ ᠮᠦᠷᠲᠡᠭᠡᠨ ᠨᠠᠰᠤ ᠠᠭᠰᠢᠷᠠᠭᠰᠠᠳ ᠤᠨ ᠳᠠᠳᠬᠠᠯ ᠤᠨ | ᠴᠢᠨᠠᠷᠲᠠᠢ ᠪᠠᠷ ᠬᠤᠷᠭᠤᠰᠤᠯᠠᠬᠤ ᠶᠢ ᠠᠨᠠᠭᠠᠬᠤ ᠳᠤ ᠲᠤᠬᠢᠷᠠᠮᠵᠢᠲᠠᠢ᠃ | 30. 50 ᠭᠷᠡᠮ ᠰᠦ ᠶᠢ 50 ᠭᠷᠡᠮ ᠰᠢᠬᠢᠷ ᠡᠪᠡᠰᠦ ᠲᠠᠢ ᠬᠠᠮᠲᠤ ᠴᠢᠨᠠᠵᠤ ᠤᠤᠭᠤᠪᠠᠯ᠂ ᠰᠠᠷᠠ ᠶᠢᠨ ᠭᠬᠢᠷ | ᠰᠢᠷᠠᠪᠲᠤᠷ ᠪᠣᠶᠣ ᠬᠠᠷᠠᠯᠠᠬᠤ ᠶᠢ ᠠᠨᠠᠭᠠᠳᠠᠭ᠃ | 31.ᠰᠢᠨᠡ ᠰᠠᠭᠠᠭᠰᠠᠨ ᠦᠨᠢᠶᠡᠨ ᠰᠦᠨ ᠳᠤ ᠠᠷᠢᠭᠤᠳᠬᠠᠭᠰᠠᠨ ᠱᠠ ᠪᠦᠰ ᠢ ᠳᠡᠪᠲᠦᠭᠡᠵᠦ ᠪᠠᠶᠢᠭᠠᠳ | ᠰᠢᠷᠬᠠᠲᠤᠭᠰᠠᠨ ᠬᠡᠰᠡᠭ ᠲᠡᠭᠡᠨ ᠲᠠᠯᠪᠢᠪᠠᠯ ᠭᠠᠯ ᠳᠤ ᠬᠠᠯᠠᠭᠰᠠᠨ ᠰᠢᠷᠭᠠ ᠶᠢ ᠠᠨᠠᠭᠠᠬᠤ ᠳᠤ ᠰᠠᠶᠢᠨ ᠪᠠᠶᠢᠳᠠᠭ᠃ | 32.ᠦᠨᠢᠶᠡᠨ ᠰᠦ ᠶᠢ ᠤᠷᠤᠢ ᠪᠣᠯᠭᠠᠨ ᠬᠠᠭᠠᠰ ᠠᠶᠠᠭᠠ ᠤᠤᠭᠤᠪᠠᠯ ᠲᠠᠮᠢᠷᠵᠢᠭᠤᠯᠬᠤ᠂ ᠠᠭᠤᠰᠬᠢ ᠶᠢ | ᠲᠦᠯᠵᠢᠭᠦᠯᠬᠦ᠂ ᠭᠡᠳᠡᠰᠦ ᠶᠢ ᠦᠩᠭᠡᠷᠰᠢᠭᠦᠯᠦᠨᠡ᠃ | 33.ᠦᠨᠢᠶᠡᠨ ᠰᠦᠨ ᠤ ᠰᠢᠷᠠ ᠤᠰᠤ ᠶᠢ ᠡᠳᠦᠷ ᠪᠦᠷᠢ ᠨᠢᠭᠡ ᠵᠢᠩ ᠤᠤᠭᠤᠪᠠᠯ ᠰᠤᠳᠠᠯ ᠢ ᠨᠡᠪᠲᠡᠷᠡᠭᠦᠯᠦᠨᠡ᠃ | | ᠦᠨᠢᠶᠡᠨ ᠰᠦ ᠤᠤᠭᠤᠬᠤ ᠳᠤ ᠠᠩᠬᠠᠷᠬᠤ ᠵᠦᠢᠯ᠄ | ︵1︶ ᠦᠨᠢᠶᠡᠨ ᠰᠦ ᠶᠢ ᠤᠤᠭᠤᠬᠤ ᠳᠠᠭᠠᠨ ᠡᠷᠬᠡᠪᠰᠢ ᠪᠤᠴᠠᠯᠭᠠᠬᠤ ᠬᠡᠷᠡᠭᠲᠡᠢ᠂ ᠪᠤᠴᠠᠯᠭᠠᠬᠤ ᠴᠠᠭ ᠢ | ᠬᠠᠮᠤᠭ ᠤᠬᠤᠷᠬᠠᠨ ᠪᠠᠶᠢᠯᠭᠠᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ ᠦᠨᠢᠶᠡᠨ ᠰᠦᠨ ᠤ ᠬᠢᠮᠢ ᠶᠢᠨ ᠪᠦᠷᠢᠯᠳᠦᠭᠦᠨ ᠤ | ᠰᠦᠢᠳᠭᠡᠭᠳᠡᠬᠦ ᠠᠴᠠ ᠠᠯᠢ ᠴᠢᠳᠠᠬᠤ ᠪᠠᠷ ᠵᠠᠶᠢᠯᠠᠰᠭᠢᠬᠦ ᠴᠢᠬᠤᠯᠠᠲᠠᠢ ᠶᠤᠮ᠃ | ︵2︶ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠪᠣᠯᠬᠤ ᠦᠭᠡᠢ᠃ ᠡᠳᠦᠷ ᠲᠤ ᠠᠯᠢ ᠦᠶᠡ ᠳᠤ ᠤᠤᠭᠤᠭᠰᠠᠨ ᠴᠤ ᠪᠦᠷ | ᠪᠤᠯᠤᠨᠠ᠃ ᠭᠡᠬᠦ ᠳᠡᠭᠡᠨ ᠭᠡᠳᠡᠰᠦ ᠶᠠᠭ ᠬᠤᠭᠤᠰᠤᠨ ᠦᠶᠡ ᠳᠤ ᠤᠤᠭᠤᠬᠤ ᠦᠭᠡᠢ ᠪᠣᠯ ᠰᠠᠶᠢᠨ᠃ ᠦᠷᠯᠦᠭᠡ | ᠤᠤᠭᠤᠬᠤ ᠳᠠᠭᠠᠨ ᠤᠷᠢᠳᠠᠪᠡᠷ ᠮᠠᠨᠲ᠋ᠧᠦ ᠪᠣᠶᠣ ᠪᠣᠭᠤᠷᠰᠤᠭ ᠤᠨ ᠵᠦᠢᠯ ᠢ ᠢᠳᠡᠭᠰᠡᠨ ᠤ ᠳᠠᠷᠠᠭᠠ ᠤᠤᠭᠤᠬᠤ ᠪᠤᠶᠤ | ᠬᠤᠯᠢᠵᠤ ᠤᠤᠭᠤᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ᠃ | ︵3︶ ᠵᠠᠷᠢᠮ ᠬᠦᠮᠦᠨ ᠦᠨᠢᠶᠡᠨ ᠰᠦ ᠤᠤᠭᠤᠮᠠᠭᠴᠠ ᠰᠢᠩᠭᠡᠨ ᠢᠶᠠᠷ ᠰᠠᠭᠤᠯᠭᠠᠬᠤ ᠭᠡᠳ ᠪᠠᠶᠢᠳᠠᠭ ᠲᠤᠯᠠ | ᠤᠤᠭᠤᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠬᠦᠮᠦᠰ ᠪᠣᠯ ᠤᠯᠠᠩᠬᠢ ᠨᠢ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠨᠤᠯ ᠳᠠᠬᠢ | ︽ᠵᠦᠭᠡᠯᠡᠨ ᠬᠡᠪᠡᠯᠢ︾ ᠶᠢᠨ ᠭᠡᠮ ᠳᠤ ᠪᠠᠭᠲᠠᠬᠤ ᠲᠤᠯᠠ ᠡᠬᠢᠯᠡᠵᠦ ᠤᠤᠭᠤᠬᠤ ᠳᠠᠭᠠᠨ ᠲᠤᠩ ᠪᠠᠭᠠ ᠬᠡᠮᠵᠢᠶᠡ ᠪᠠᠷ | ᠤᠤᠭᠤᠵᠤ᠂ ᠠᠭᠠᠵᠢᠮ ᠢᠶᠠᠷ ᠤᠤᠭᠤᠬᠤ ᠬᠡᠮᠵᠢᠶᠡ ᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠶᠢᠨ ᠬᠠᠮᠲᠤ ᠤᠷᠢᠳᠠᠪᠡᠷ ᠵᠠᠪᠠᠯ ᠮᠠᠨᠲ᠋ᠧᠤ ᠪᠣᠶᠣ | ᠪᠤᠭᠤᠷᠰᠤᠭ ᠤᠨ ᠵᠦᠢᠯ ᠢ ᠢᠳᠡᠬᠦ ᠬᠡᠷᠡᠭᠲᠡᠢ᠃ ᠢᠩᠭᠢᠪᠡᠯ ᠠᠶᠠᠨᠳᠠᠭᠠᠨ ᠦᠨᠢᠶᠡᠨ ᠰᠦᠨ ᠳᠤ ᠵᠣᠬᠢᠴᠠᠬᠤ ᠪᠦᠭᠡᠳ | ᠰᠢᠩᠭᠡᠨ ᠰᠠᠭᠤᠯᠭᠠᠬᠤ ᠨᠢ ᠳᠠᠷᠣᠢ ᠵᠤᠭᠰᠤᠬᠤ ᠪᠤᠯᠤᠨᠠ᠃ | | | ︵ᠢᠷᠡᠯᠲᠡ᠄ ᠴᠤᠶᠢ᠊· ᠷᠢᠨᠴᠢᠨ ᠤ ᠨᠠᠶᠢᠷᠠᠭᠤᠯᠤᠯᠭᠰᠠᠨ ︽ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯᠲᠠ ᠶᠢᠨ | ᠤᠨᠴᠠ ᠦᠢᠯᠡᠳᠦᠯ ᠤᠨ ᠲᠤᠬᠠᠢ ᠶᠡᠷᠦ ᠶᠢᠨ ᠮᠡᠳᠡᠯᠭᠡ ᠶᠢᠨ ᠰᠢᠯᠢᠮᠡᠯ︾ ᠭᠡᠬᠦ ᠨᠤᠮ ᠠᠴᠠ ᠰᠣᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |