| ᠬᠡᠪ ᠤᠨ ᠪᠠᠶᠢᠳᠠᠯ ᠳᠣᠣᠷᠠ᠂ ᠪᠦᠬᠦᠶᠢᠯᠡ ᠦᠨᠳᠡᠭᠡᠯᠡᠬᠦ ᠬᠤᠭᠤᠴᠠᠭᠠᠨ ᠳᠠᠬᠢ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠶᠢᠨ | ᠬᠤᠪᠢᠷᠠᠯᠲᠠ ᠨᠢ ᠵᠣᠬᠢᠬᠤ ᠵᠢᠮᠡ ᠶᠣᠰᠤᠴᠢ ᠴᠢᠨᠠᠷ ᠲᠠᠢ ᠪᠠᠶᠢᠳᠠᠭ ᠮᠦᠷᠲᠡᠭᠡᠨ ᠵᠣᠬᠢᠬᠤ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠶᠢᠨ | ᠬᠡᠪ ᠵᠠᠭᠪᠤᠷ ᠲᠠᠢ ᠪᠠᠶᠢᠳᠠᠭ᠃ ᠡᠮᠡᠭᠴᠢᠨ ᠲᠠᠬᠢᠶᠠᠨ ᠤ ᠲᠡᠵᠢᠭᠡᠯᠭᠡ ᠶᠢᠨ ᠬᠤᠨᠤᠭ ᠤᠨ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠶᠢ | ᠳᠦᠭᠦᠮᠴᠢᠯᠡᠭᠡᠳ ︽ᠲᠡᠵᠢᠭᠡᠯᠭᠡ ᠶᠢᠨ ᠬᠤᠨᠤᠭ︾ ᠤᠨ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠭᠡᠳᠡᠭ᠃ ᠭᠠᠷᠠᠭ ᠪᠦᠷᠢ ᠶᠢᠨ | ᠲᠡᠵᠢᠭᠡᠯᠭᠡ ᠶᠢᠨ ᠬᠤᠨᠤᠭ ᠤᠨ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠶᠢᠨ ᠲᠤᠭᠠ ᠪᠠᠷᠢᠮᠲᠠ ᠶᠢ ᠲᠤᠭᠠᠨ ᠤ ᠲᠡᠩᠬᠡᠯᠢᠭ ᠳᠡᠭᠡᠷᠡ | ᠲᠡᠮᠳᠡᠭᠯᠡᠵᠦ᠂ ᠡᠯᠡ ᠴᠡᠭ ᠢ ᠬᠠᠷᠢᠯᠴᠠᠨ ᠬᠤᠯᠪᠤᠭᠰᠠᠨ ᠢ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠮᠣᠷᠤᠢ ᠱᠤᠭᠤᠮ ᠭᠡᠨᠡ᠃ | ︵ᠨᠢᠭᠡ︶ ᠮᠣᠷᠤᠢ ᠱᠤᠭᠤᠮ ᠤᠨ ᠣᠨᠴᠠᠯᠢᠭ | ᠪᠡᠯᠭᠡ ᠶᠢᠨ ᠡᠷᠭᠡᠲᠡᠨ ᠨᠢ ᠪᠣᠯᠪᠠᠰᠤᠷᠠᠭᠰᠠᠨ ᠤ ᠰᠡᠭᠦᠯᠡᠷ᠂ ᠲᠠᠬᠢᠶᠠᠨ ᠤ ᠦᠨᠳᠡᠭᠡᠯᠡᠬᠦ ᠬᠡᠮᠵᠢᠶᠡᠨ ᠤ ᠨᠡᠮᠡᠭᠳᠡᠯ ᠨᠢ | ᠦᠨᠳᠦᠷ ᠪᠣᠯᠳᠠᠭ᠂ ᠦᠨᠳᠡᠭᠡᠯᠡᠯᠲᠡ ᠨᠢ 10％ ~ 80％ ᠪᠣᠯᠪᠠᠯ᠂ ᠡᠳᠦᠷ ᠪᠦᠷᠢ ᠶᠢᠨ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠨᠢ | 2％ ~ 3％ ᠪᠠᠷ ᠨᠡᠮᠡᠭᠳᠡᠳᠡᠭ᠃ ᠦᠨᠳᠡᠭᠡᠯᠡᠯᠲᠡ ᠨᠢ 80％ ~ 90％ ᠪᠣᠯᠪᠠᠯ᠂ ᠡᠳᠦᠷ ᠪᠦᠷᠢ ᠶᠢᠨ | ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠨᠢ 1％ ~ 1.5％ ᠪᠠᠷ ᠨᠡᠮᠡᠭᠳᠡᠳᠡᠭ᠃ ᠦᠨᠳᠡᠭᠡᠯᠡᠯᠲᠡ ᠨᠢ 90％ ~ 97％ ᠪᠣᠯᠬᠤ | ᠦᠶᠡᠰ ᠲᠤ᠂ ᠡᠳᠦᠷ ᠪᠦᠷᠢ ᠶᠢᠨ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠨᠢ 0.3％ ~ 0.5％ ᠪᠣᠯᠳᠠᠭ᠃ | 5 ~ 6 ᠭᠠᠷᠠᠭ ᠤᠨ ᠳᠠᠷᠠᠭᠠ᠂ ᠠᠯᠭᠤᠷ ᠢᠶᠠᠷ ᠦᠨᠳᠡᠭᠡᠯᠡᠬᠦ ᠣᠷᠭᠢᠯ ᠳᠤ ᠬᠦᠷᠳᠡᠭ᠃ ᠦᠨᠳᠡᠭᠡᠯᠡᠬᠦ ᠣᠷᠭᠢᠯ ᠤᠨ | ᠡᠷᠲᠡ ᠣᠷᠤᠢ ᠨᠢ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠨᠦᠬᠦᠴᠡᠯ ᠢᠶᠠᠷ ᠰᠢᠢᠳᠪᠦᠷᠢᠯᠡᠳᠡᠭ᠃ ᠪᠣᠶᠢᠵᠢᠯᠲᠡ ᠶᠢᠨ ᠬᠤᠭᠤᠴᠠᠭᠠᠨ | ᠳᠣᠲᠤᠷᠠ ᠬᠢᠵᠠᠭᠠᠷᠯᠠᠨ ᠲᠡᠵᠢᠭᠡᠭᠰᠡᠨ ᠬᠢᠷᠢ ᠬᠡᠮᠵᠢᠶᠡ ᠬᠡᠳᠦᠢ ᠦᠨᠳᠦᠷ ᠪᠣᠯ ᠦᠨᠳᠡᠭᠡᠯᠡᠬᠦ ᠣᠷᠭᠢᠯ ᠳᠤ ᠬᠦᠷᠬᠦ ᠨᠢ | ᠲᠡᠳᠦᠢ ᠬᠤᠷᠳᠤᠨ ᠪᠠᠶᠢᠳᠠᠭ᠃ ᠬᠡᠷᠪᠡ ᠪᠦᠭᠦᠳᠡ ᠲᠠᠬᠢᠶᠠ ᠨᠢ ᠨᠢᠭᠡ ᠯᠡ ᠡᠳᠦᠷ ᠣᠷᠭᠢᠯ ᠳᠤ ᠬᠦᠷᠪᠡᠯ ᠦᠨᠳᠡᠭᠡᠯᠡᠬᠦ | ᠮᠣᠷᠤᠢ ᠱᠤᠭᠤᠮ ᠨᠢ ᠨᠡᠯᠢᠶᠡᠳ ᠡᠭᠴᠡ ᠪᠣᠯᠳᠠᠭ᠃ ᠲᠠᠬᠢᠶᠠᠳ ᠤᠨ ᠦᠨᠳᠡᠭᠡᠯᠡᠬᠦ ᠨᠢ ᠵᠢᠭᠳᠡ ᠪᠣᠰᠤ ᠪᠣᠯ ᠣᠷᠭᠢᠯ ᠳᠤ | ᠬᠦᠷᠬᠦ ᠱᠤᠭᠤᠮ ᠨᠢ ᠡᠭᠴᠡ ᠪᠣᠰᠤ ᠪᠣᠯᠵᠤ᠂ ᠮᠣᠷᠤᠢ ᠱᠤᠭᠤᠮ ᠨᠢ ᠨᠣᠮᠤᠨ ᠬᠡᠯᠪᠡᠷᠢᠲᠠᠢ ᠪᠠᠶᠢᠳᠠᠭ᠃ | ᠬᠡᠪ ᠤᠨ ᠪᠠᠷᠢᠮᠵᠢᠶᠠᠲᠦ ᠮᠤᠷᠤᠢ ᠱᠤᠭᠤᠮ ᠨᠢ ᠦᠨᠳᠡᠭᠡᠯᠡᠬᠦ ᠣᠷᠭᠢᠯ ᠳᠤ ᠬᠦᠷᠦᠭᠰᠡᠨ ᠤ ᠰᠡᠭᠦᠯᠡᠷ 3 ~ 4 | ᠭᠠᠷᠠᠭ ᠤᠨ ᠦᠨᠳᠡᠭᠡᠯᠡᠬᠦ ᠣᠷᠭᠢᠯ ᠤᠨ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠨᠤᠷᠮᠠ ᠶᠢ ᠪᠠᠲᠤᠯᠠᠵᠤ ᠳᠡᠶᠢᠯᠳᠡᠭ᠃ ᠶᠡᠷᠦ ᠳᠡᠭᠡᠨ | 93％ ~ 94％ ᠳᠤ ᠬᠦᠷᠳᠡᠭ ᠶᠤᠮ᠃ ᠬᠠᠮᠤᠭ ᠣᠷᠭᠢᠯ ᠤᠨ ᠦᠶᠡ ᠳᠡᠭᠡᠨ 95％ ~ 97％ ᠳᠤ ᠬᠦᠷᠳᠡᠭ᠃ | ᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠭᠠᠷᠠᠭ ᠪᠦᠷᠢ 0.5％ ~ 1％ ᠪᠠᠷ ᠪᠠᠭᠤᠷᠠᠵᠤ᠂ ᠮᠣᠷᠤᠢ ᠱᠤᠭᠤᠮ ᠨᠢ ᠲᠣᠭᠲᠠᠭᠤᠨ ᠢᠶᠠᠷ | ᠳᠣᠷᠤᠭᠰᠢᠯᠠᠨᠠ᠃ 72 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠡᠮᠡᠭᠴᠢᠨ ᠲᠠᠬᠢᠶᠠᠨ ᠤ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠨᠢ | 65％ ~ 70％ ᠳᠤ ᠬᠦᠷᠴᠦ ᠳᠡᠶᠢᠯᠳᠡᠭ᠃ ᠡᠨᠡ ᠦᠶᠡ ᠳᠤ ᠳᠣᠷᠤᠭᠰᠢᠯᠠᠬᠤ ᠬᠡᠮᠵᠢᠶᠡ ᠨᠢ ᠪᠠᠰᠠ | ᠤᠳᠤᠮᠰᠢᠯ ᠤᠨ ᠡᠯᠧᠮᠧᠨ᠋ᠲ ᠲᠤ ᠨᠦᠯᠦᠭᠡᠯᠡᠭᠳᠡᠵᠦ ᠮᠡᠳᠡᠬᠦ ᠶᠤᠮ᠃ ᠡᠭᠦᠨ ᠳᠤ ᠡᠭᠦᠯᠳᠡᠷ ᠤᠨ ᠠᠳᠠᠯᠢ ᠪᠣᠰᠤ ᠪᠠ | ᠤᠳᠤᠮᠰᠢᠯ ᠤᠨ ᠠᠳᠠᠯᠢ ᠪᠣᠰᠤ ᠠᠴᠠ ᠪᠣᠯᠵᠤ ᠵᠤᠬᠢᠬᠤ ᠵᠦᠷᠢᠶᠡ ᠭᠠᠷᠳᠠᠭ᠃ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠨᠢ ᠰᠠᠶᠢᠨ ᠪᠣᠯ | ᠳᠡᠭᠡᠷᠡᠬᠢ ᠵᠦᠷᠢᠶᠡ ᠳᠡᠮᠡᠢ ᠬᠠᠷᠰᠢ ᠰᠠᠭᠠᠳ ᠪᠣᠯᠬᠤ ᠦᠭᠡᠢ ᠶᠤᠮ᠃ ᠬᠡᠷᠪᠡ ᠠᠷᠠᠴᠢᠯᠠᠵᠤ ᠳᠤᠲᠤᠮᠳᠠᠬᠤ ᠨᠢ ᠠᠨᠠᠢ ᠪᠣᠯ | ᠲᠠᠬᠢᠶᠠᠨ ᠤ ᠣᠷᠴᠢᠨ ᠲᠤᠭᠤᠷᠢᠨ ᠳᠤ ᠨᠦᠯᠦᠭᠡᠯᠡᠭᠳᠡᠬᠦ ᠴᠢᠨᠠᠷ ᠨᠢ ᠶᠡᠭᠡ ᠪᠣᠯᠵᠤ᠂ ᠪᠣᠲᠠᠲᠠᠢ ᠦᠨᠳᠡᠭᠡᠯᠡᠯᠲᠡ ᠶᠢᠨ | ᠨᠤᠷᠮᠠ ᠨᠢ ᠭᠠᠷᠠᠭ ᠪᠦᠷᠢ ᠶᠢᠨ ᠳᠣᠷᠤᠭᠰᠢᠯᠠᠯᠲᠠ ᠶᠢᠨ ᠪᠠᠷᠢᠮᠵᠢᠶᠠᠲᠦ ᠬᠡᠮᠵᠢᠶᠡ ᠠᠴᠠ ᠶᠡᠭᠡ ᠪᠣᠯᠳᠠᠭ᠃ | ︵ᠬᠤᠶᠠᠷ︶ ᠦᠨᠳᠡᠭᠡᠯᠡᠬᠦ ᠣᠷᠭᠢᠯ ᠪᠠ ᠵᠢᠯ ᠤᠨ ᠦᠨᠳᠡᠭᠡᠨ ᠭᠠᠷᠤᠯᠲᠠ ᠶᠢᠨ ᠬᠤᠯᠪᠤᠭᠳᠠᠯ | ᠲᠡᠵᠢᠭᠡᠨ ᠠᠷᠠᠴᠢᠯᠠᠵᠤ ᠪᠠᠶᠢᠭᠠ ᠦᠨᠳᠡᠭᠡᠨ ᠬᠡᠷᠡᠭᠴᠡᠭᠡᠲᠦ ᠲᠠᠬᠢᠶᠠ ᠨᠢ ᠲᠦᠷᠦᠯ ᠤᠳᠤᠮᠰᠢᠯ ᠤᠨ ᠢᠶᠠᠨ | ᠳᠠᠯᠳᠡ ᠭᠦᠴᠦᠨ ᠳᠤ ᠲᠤᠯᠵᠤ᠂ ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠪᠣᠲᠠᠲᠠᠢ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠨᠤᠷᠮᠠ ᠨᠢ ᠡᠷᠬᠡᠪᠰᠢ | ᠪᠠᠷᠢᠮᠵᠢᠶᠠᠲᠤ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠣᠷᠭᠢᠯ ᠤᠨ ᠬᠢᠷᠢ ᠲᠦᠪᠰᠢᠨ ᠳᠤ ᠬᠦᠷᠬᠦ ᠭᠡᠷᠡᠭᠲᠡᠢ᠃ ᠬᠡᠷᠪᠡ ᠦᠨᠳᠡᠭᠡᠯᠡᠬᠦ | ᠣᠷᠭᠢᠯ ᠳᠤ ᠬᠦᠷᠴᠦ ᠳᠡᠶᠢᠯᠬᠦ ᠦᠭᠡᠢ ᠪᠣᠯ ᠰᠡᠭᠦᠯᠴᠢ ᠶᠢᠨ ᠦᠨᠳᠡᠭᠡᠯᠡᠬᠦ ᠬᠡᠮᠵᠢᠶᠡ ᠨᠢ ᠤᠷᠢᠳᠡᠬᠢ ᠬᠤᠬᠢᠷᠠᠯ ᠢ | ᠨᠦᠭᠦᠪᠦᠷᠢᠯᠡᠬᠦ ᠳᠤ ᠪᠡᠷᠬᠡ ᠪᠣᠯᠬᠤ ᠶᠤᠮ᠃ ᠵᠢᠱᠢᠶᠡᠯᠡᠪᠡᠯ ᠬᠠᠢ ᠯᠢᠨ W - 36 ᠲᠠᠸᠠᠷ ᠤᠨ ᠲᠠᠬᠢᠶᠠ ᠶᠢᠨ | ᠦᠨᠳᠡᠭᠡᠯᠡᠯᠲᠡ ᠶᠢᠨ ᠪᠠᠷᠢᠮᠵᠢᠶᠠ ᠪᠠᠷ ᠡᠮᠡᠭᠴᠢᠨ ᠲᠠᠬᠢᠶᠠ ᠲᠡᠵᠢᠭᠡᠬᠦ ᠬᠤᠨᠤᠭ ᠤᠨ ᠲᠤᠭᠠ ᠶᠢ ᠬᠠᠷᠢᠴᠠᠭᠤᠯᠵᠤ | ᠪᠣᠳᠤᠪᠠᠯ 72 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠲᠠᠬᠢᠶᠠ 292 ᠦᠨᠳᠡᠭᠡ ᠲᠦᠷᠦᠵᠦ᠂ ᠣᠷᠭᠢᠯ ᠤᠨ | ᠦᠨᠳᠡᠭᠡᠯᠡᠯᠲᠡ ᠶᠢᠨ ᠨᠤᠷᠮᠠ ᠨᠢ 33％ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠦᠨᠳᠡᠭᠡᠯᠡᠬᠦ | ᠣᠷᠭᠢᠯ ᠨᠢ ᠪᠦᠬᠦ ᠵᠢᠯ ᠤᠨ ᠦᠨᠳᠡᠭᠡᠨ ᠭᠠᠷᠤᠯᠲᠠ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠳᠠᠵᠤ ᠪᠠᠶᠢᠳᠠᠭ ᠶᠤᠮ᠃ | ︵ᠭᠤᠷᠪᠠ︶ ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠮᠣᠷᠤᠢ ᠱᠤᠭᠤᠮ ᠳᠤ ᠭᠠᠷᠬᠤ ᠳᠣᠯᠬᠢᠰᠤᠯ ᠪᠠ | ᠨᠦᠬᠦᠪᠦᠷᠢᠯᠡᠬᠦ ᠬᠢᠷᠢ ᠬᠡᠮᠵᠢᠶᠡᠨ ᠤ ᠬᠤᠭᠤᠷᠤᠨᠳᠤᠬᠢ ᠬᠤᠯᠪᠤᠭᠳᠠᠯ | ᠨᠢᠭᠡ ᠰᠦᠷᠦᠭ ᠲᠠᠬᠢᠶᠠ ᠦᠨᠳᠡᠭᠡᠯᠡᠬᠦ ᠶᠠᠪᠤᠴᠠ ᠳᠠᠭᠠᠨ ᠬᠡᠲᠦᠷᠭᠡᠢ ᠰᠡᠲᠦᠯᠲᠡ ᠣᠯᠬᠤ ᠪᠣᠶᠣ ᠶᠠᠮᠠᠷ | ᠵᠦᠢᠯ ᠤᠨ ᠡᠪᠡᠳᠴᠢᠨ ᠠᠴᠠ ᠪᠣᠯᠵᠤ ᠦᠨᠳᠡᠭᠡᠯᠡᠬᠦ ᠬᠡᠮᠵᠢᠶᠡ ᠨᠢ ᠪᠠᠭᠤᠷᠠᠪᠠᠯ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠮᠣᠷᠤᠢ ᠱᠤᠭᠤᠮ | ᠳᠤᠨᠢ ᠳᠣᠯᠭᠢᠰᠤᠯ ᠡᠭᠦᠰᠳᠡᠭ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠤᠤᠷᠠ ᠬᠡᠳᠦᠨ ᠡᠳᠦᠷ ᠪᠣᠶᠣ ᠬᠡᠳᠦᠨ ᠭᠠᠷᠠᠭ ᠤᠨ ᠳᠠᠷᠠᠭᠠ | ᠰᠠᠶ᠋ᠢ ᠬᠡᠪ ᠤᠨ ᠪᠠᠶᠢᠳᠠᠯ ᠳᠠᠭᠠᠨ ᠣᠷᠤᠵᠤ ᠳᠡᠶᠢᠯᠦᠨᠡ᠃ ᠡᠶᠢᠮᠦᠷᠭᠦᠦ ᠪᠠᠶᠢᠳᠠᠯ ᠨᠢ ᠬᠡᠷᠪᠡ ᠦᠨᠳᠡᠭᠡᠯᠡᠯᠲᠡ ᠶᠢᠨ | ᠳᠡᠭᠡᠭᠰᠢᠯᠡᠵᠦ ᠪᠠᠶᠢᠭᠠ ᠱᠠᠲᠤᠨ ᠠᠴᠠ ᠡᠮᠦᠨᠡ 5 ~ 6 ᠭᠠᠷᠠᠭ ᠤᠨ ᠳᠣᠲᠤᠷᠠ ᠡᠭᠦᠰᠬᠦ ᠳᠤ ᠬᠦᠷᠪᠡᠯ᠂ ᠨᠦᠯᠦᠭᠡ | ᠨᠢ ᠲᠦᠢᠯ ᠤᠨ ᠬᠦᠨᠳᠦ ᠨᠣᠴᠢᠲᠠᠢ ᠪᠣᠯᠬᠤ ᠶᠤᠮ᠃ ᠤᠴᠢᠷ ᠨᠢ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠲᠠᠬᠢᠶᠠᠨ ᠰᠦᠷᠦᠭ ᠤᠨ | ᠦᠨᠳᠡᠭᠡᠯᠡᠯᠲᠡ ᠨᠢ ᠣᠷᠭᠢᠯ ᠳᠠᠭᠠᠨ ᠬᠦᠷᠴᠦ ᠳᠡᠶᠢᠯᠬᠦ ᠦᠭᠡᠢ ᠪᠠᠷ ᠦᠯᠦ ᠪᠠᠷᠠᠮ᠂ ᠠᠯᠳᠠᠭᠳᠠᠯ ᠢᠶᠠᠨ ᠴᠦ | ᠨᠦᠬᠦᠪᠦᠷᠢᠯᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠤᠨᠠ᠃ ᠡᠨᠡ ᠦᠶᠡ ᠳᠤ ᠲᠠᠬᠢᠶᠠᠨ ᠰᠦᠷᠦᠭ ᠨᠢ ᠬᠡᠳᠦᠶᠢᠪᠡᠷ ᠬᠡᠪ ᠤᠨ | ᠪᠠᠶᠢᠳᠠᠯ ᠳᠠᠭᠠᠨ ᠣᠷᠤᠭᠰᠠᠨ ᠪᠣᠯᠪᠠᠴᠤ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠨᠢ ᠠᠨᠠᠢ ᠪᠣᠯᠵᠤ᠂ ᠦᠨᠳᠡᠭᠡᠯᠡᠬᠦ ᠬᠡᠮᠵᠢᠶᠡ | ᠳᠣᠷᠤᠭᠰᠢᠯᠠᠬᠤ ᠠᠴᠠ ᠡᠮᠦᠨᠡᠬᠢ ᠮᠣᠷᠤᠢ ᠱᠤᠭᠤᠮ ᠨᠢ ᠨᠣᠮᠣᠨ ᠬᠡᠯᠪᠡᠷᠢᠲᠡᠢ ᠪᠣᠯᠳᠠᠭ᠃ ᠲᠠᠬᠢᠶᠠ ᠶᠢᠨ ᠰᠦᠷᠦᠭ | ᠬᠡᠪ ᠤᠨ ᠪᠠᠶᠢᠳᠠᠯ ᠳᠠᠭᠠᠨ ᠣᠷᠤᠭᠰᠠᠨ ᠤ ᠰᠡᠭᠦᠯᠡᠷ ᠬᠠᠮᠤᠭ ᠰᠠᠶᠢᠨ ᠨᠢ ᠲᠤᠬᠠᠢ ᠶᠢᠨ ᠦᠶᠡᠰ ᠤᠨ ᠪᠠᠷᠢᠮᠵᠢᠶᠠᠲᠦ | ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠳᠠᠭᠠᠨ ᠯᠡ ᠬᠦᠷᠴᠦ ᠳᠡᠶᠢᠯᠳᠡᠭ᠂ ᠳᠠᠷᠤᠢ ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠲᠤᠰ ᠭᠠᠷᠠᠭ ᠲᠠᠬᠢ | ᠤᠳᠤᠮᠰᠢᠯ ᠤᠨ ᠳᠠᠯᠲᠡ ᠬᠦᠴᠦᠨ ᠳᠤ ᠯᠡ ᠬᠦᠷᠴᠦ ᠳᠡᠶᠢᠯᠦᠨᠡ᠃ | ᠲᠠᠬᠢᠶᠠ ᠠᠷᠠᠴᠢᠯᠠᠨ ᠲᠡᠵᠢᠭᠡᠬᠦ ᠲᠠᠯᠠᠪᠠᠢ ᠶᠢᠨ ᠮᠡᠷᠭᠡᠵᠢᠯᠲᠡᠨ ᠨᠠᠷ ᠲᠤᠰ ᠲᠠᠯᠠᠪᠠᠢ ᠳᠠᠬᠢ ᠲᠠᠬᠢᠶᠠᠨ ᠤ ᠡᠭᠦᠯᠳᠡᠷ᠂ | ᠤᠳᠤᠮ ᠤᠭᠰᠠᠭᠠ ᠶᠢᠨ ᠪᠤᠲᠠᠲᠠᠢ ᠦᠨᠳᠡᠭᠡᠨ ᠭᠠᠷᠤᠯᠲᠠ ᠶᠢᠨ ᠮᠣᠷᠤᠢ ᠱᠤᠭᠤᠮ ᠢ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠪᠠᠷᠢᠮᠵᠢᠶᠠᠲᠤ | ᠮᠣᠷᠤᠢ ᠱᠤᠭᠤᠮ ᠲᠠᠢ ᠠᠳᠠᠯᠢᠳᠬᠠᠵᠤ ᠪᠠᠶᠢᠪᠠᠯ ᠵᠣᠬᠢᠨᠠ᠃ ᠬᠡᠷᠪᠡ ᠪᠠᠷᠢᠮᠵᠢᠶᠠᠲᠦ ᠮᠣᠷᠤᠢ ᠱᠤᠭᠤᠮ ᠠᠴᠠ ᠬᠡᠲᠦᠷᠭᠡᠢ | ᠬᠤᠯᠠᠳᠠᠭᠰᠠᠨ ᠪᠠᠶᠢᠪᠠᠯ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠶᠢᠨ ᠲᠠᠯᠠ ᠪᠠᠷ ᠠᠰᠠᠭᠤᠳᠠᠯ ᠭᠠᠷᠤᠭᠰᠠᠨ ᠢ ᠢᠯᠡᠳᠭᠡᠵᠦ ᠪᠠᠶᠢᠬᠤ | ᠪᠣᠯᠬᠤᠷ ᠴᠠᠭ ᠲᠤᠬᠠᠢ ᠲᠤᠨᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ ᠰᠢᠢᠳᠪᠦᠷᠢᠯᠡᠬᠦ ᠭᠡᠷᠡᠭᠲᠡᠢ᠃ ᠦᠨᠳᠡᠭᠡᠨ ᠭᠠᠷᠤᠯᠲᠠ ᠶᠢᠨ | ᠮᠣᠷᠤᠢ ᠱᠤᠭᠤᠮ ᠨᠢ ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠦᠨᠳᠡᠭᠡᠯᠡᠯᠲᠡ ᠶᠢᠨ ᠪᠤᠲᠠᠲᠠᠢ ᠪᠠᠶᠢᠳᠠᠯ ᠢ ᠬᠠᠷᠠᠭᠤᠯᠵᠤ ᠳᠡᠶᠢᠯᠬᠦ | ᠲᠤᠯᠠ ᠡᠭᠦᠨ ᠢ ᠠᠰᠢᠭᠯᠠᠵᠤ ᠪᠠᠶᠢᠭᠠᠳ ᠶᠡᠷᠦᠩᠬᠡᠶᠢᠴᠢᠯᠡᠭᠰᠡᠨ ᠵᠠᠳᠠᠯᠤᠯᠲᠠ ᠬᠢᠵᠦ ᠪᠠᠶᠢᠪᠠᠯ ᠵᠣᠬᠢᠨᠠ᠃ | | ︵ᠢᠷᠡᠯᠲᠡ᠄ ᠵᠢᠷᠭᠠᠯ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠭᠠᠭ᠋ᠠᠢ ᠲᠠᠬᠢᠶᠠ ᠨᠤᠭᠤᠰᠤ ᠲᠡᠵᠢᠭᠡᠵᠦ ᠪᠤᠷᠳᠤᠬᠤ ᠮᠡᠷᠭᠡᠵᠢᠯ︾ | ᠭᠡᠬᠦ ᠨᠣᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠠ᠃︶ | |