ᠴᠠᠷᠤᠯᠧᠰ ᠦᠬᠡᠷ᠄ ᠴᠠᠷᠤᠯᠧᠰ ᠦᠬᠡᠷ ᠪᠣᠯ ᠹᠷᠠᠨᠼᠢ ᠶᠢᠨ ᠳᠤᠮᠳᠠᠳᠤ ᠬᠡᠰᠡᠭ ᠤᠨ ᠴᠠᠷᠤᠯᠧᠰ ᠪᠣᠯᠣᠨ | ᠨᠢᠶ᠋ᠸᠧᠦ᠋ᠷ ᠤᠷᠤᠨ ᠠᠴᠠ ᠣᠭ ᠭᠠᠷᠣᠯᠲᠠ ᠲᠠᠢ᠃ ᠡᠨᠡ ᠪᠣᠯ ᠪᠡᠶᠡ ᠪᠠᠷ ᠪᠦᠳᠦᠭᠦᠨ ᠮᠢᠬᠠᠨ ᠤ ᠦᠬᠡᠷ ᠤᠨ ᠠᠯᠳᠠᠷᠲᠤ | ᠡᠭᠦᠯᠳᠡᠷ ᠤᠳ ᠤᠨ ᠨᠢᠭᠡ ᠪᠣᠯᠣᠨᠠ᠃ ᠣᠣᠯ ᠨᠢ ᠬᠦᠯᠦᠰᠢᠨ ᠦᠬᠡᠷ ᠪᠠᠶᠢᠭᠰᠠᠨ᠂ ᠰᠡᠭᠦᠯᠡᠷ ᠨᠢ ᠭᠠᠳᠠᠭᠠᠳᠤ ᠶᠢᠨ | ᠡᠭᠦᠯᠳᠡᠷ ᠢ ᠤᠷᠤᠭᠤᠯᠤᠨ ᠠᠪᠴᠢᠷᠠᠵᠤ᠂ ᠴᠡᠪᠡᠷᠵᠢᠭᠦᠯᠦᠨ ᠰᠢᠯᠢᠵᠦ ᠪᠣᠶᠢᠵᠢᠭᠤᠯᠣᠭᠰᠠᠨ ᠠᠴᠠ1920 ᠤᠨ ᠳᠤ | ᠲᠤᠰᠬᠠᠢ ᠮᠢᠬᠠᠨ ᠤ ᠦᠬᠡᠷ ᠤᠨ ᠡᠭᠦᠯᠳᠡᠷ ᠪᠣᠯᠣᠭᠰᠠᠨ ᠪᠢᠯᠡ᠃ ᠡᠨᠡ ᠦᠬᠡᠷ ᠹᠷᠠᠨᠼᠢ ᠶᠢᠨ ᠤᠯᠠᠨ ᠭᠠᠵᠠᠷ ᠲᠤ | ᠪᠠᠶᠢᠬᠤ ᠪᠦᠭᠡᠳ ᠳᠡᠯᠡᠬᠡᠢ ᠶᠢᠨ ᠮᠠᠰᠢ ᠤᠯᠠᠨ ᠣᠯᠣᠰ ᠲᠤ ᠵᠠᠯᠭᠠ ᠵᠠᠯᠭᠠ ᠪᠠᠷ ᠭᠠᠷᠭᠠᠵᠠᠢ᠃ ᠮᠠᠨ ᠤ ᠣᠯᠣᠰ 1964 | ᠣᠨ ᠪᠠ 1974 ᠤᠨ ᠳᠤ ᠹᠷᠠᠨᠼᠢ ᠠᠴᠠ ᠶᠡᠭᠡ ᠪᠠᠷ ᠤᠷᠤᠭᠤᠯᠤᠨ ᠠᠪᠴᠢᠷᠠᠪᠠ᠃ ᠣᠳᠣ ᠪᠦᠬᠦ ᠣᠯᠣᠰ ᠤᠨ | ᠤᠯᠠᠨ ᠭᠠᠵᠠᠷ ᠲᠤ ᠪᠦᠷ ᠪᠠᠶᠢᠨᠠ᠂ ᠡᠨᠡ ᠦᠬᠡᠷ ᠮᠠᠨ ᠤ ᠣᠯᠣᠰ ᠤᠨ ᠤᠯᠠᠨ ᠭᠠᠵᠠᠷ ᠤᠨ ᠪᠠᠶᠢᠭᠠᠯᠢ ᠶᠢᠨ ᠠᠮᠢ | ᠠᠬᠤᠢ ᠶᠢᠨ ᠨᠦᠭᠦᠴᠡᠯ ᠳᠤ ᠲᠤᠬᠢᠷᠠᠨᠠ᠂ ᠪᠦᠳᠦᠭᠦᠯᠢᠭ ᠢᠶᠠᠷ ᠮᠠᠯᠵᠢᠬᠤ ᠳᠤ ᠲᠡᠰᠪᠦᠷᠢᠲᠡᠢ᠂ ᠦᠯᠴᠢᠷ᠂ ᠲᠡᠵᠢᠭᠡᠯ | ᠪᠤᠷᠳᠤᠭᠠᠨ ᠤ ᠬᠠᠷᠠᠮᠵᠢ ᠨᠢ ᠶᠡᠭᠡ ᠵᠡᠷᠭᠡ ᠣᠨᠴᠠᠯᠢᠭ ᠲᠠᠢ᠃ | ᠴᠠᠷᠤᠯᠧᠰ ᠦᠬᠡᠷ ᠤᠨ ᠦᠰᠦ ᠨᠢ ᠴᠠᠭᠠᠨ᠂ ᠦᠭᠡᠷᠡ ᠦᠩᠭᠡ ᠶᠢᠨ ᠬᠤᠯᠢᠮᠠᠭ ᠦᠰᠦ ᠦᠭᠡᠢ᠂ ᠪᠡᠶᠡ ᠨᠢ | ᠬᠦᠳᠡᠷ᠂ ᠬᠠᠯᠠ ᠳᠠᠭᠠᠭᠠᠨᠠ᠃ ᠶᠠᠰᠤ ᠨᠢ ᠪᠦᠳᠦᠭᠦᠨ᠂ ᠪᠡᠶᠡ ᠨᠢ ᠪᠦᠭᠡᠷᠡᠩᠬᠡᠢ ᠲᠦᠩᠰᠡ ᠬᠡᠯᠪᠡᠷᠢ ᠲᠠᠢ᠂ ᠪᠦᠬᠦ | ᠪᠡᠶᠡ ᠶᠢᠨ ᠬᠢᠨᠢ ᠪᠤᠯᠴᠢᠩ ᠮᠢᠬᠠ ᠨᠢ ᠬᠦᠭᠵᠢᠩᠭᠦᠢ᠃ ᠲᠤᠯᠤᠭᠠᠢ ᠶᠢᠨ ᠬᠡᠮᠵᠢᠶᠠ ᠨᠢ ᠲᠤᠬᠢᠷᠠᠮᠵᠢᠲᠡᠢ᠂ ᠤᠬᠤᠷ ᠪᠦᠭᠡᠳ | ᠦᠷᠭᠡᠨ᠂ ᠬᠦᠵᠦᠭᠦᠦ ᠨᠢ ᠪᠣᠭᠤᠨᠢ ᠮᠢᠬᠠ ᠶᠡᠬᠡᠲᠡᠢ᠂ ᠪᠡᠶᠡ ᠨᠢ ᠤᠷᠲᠤ᠂ ᠴᠡᠭᠡᠵᠢ ᠨᠢ ᠦᠷᠭᠡᠨ᠂ ᠨᠢᠷᠣᠭᠤ ᠰᠡᠭᠡᠷ ᠨᠢ | ᠦᠷᠭᠡᠨ ᠪᠦᠭᠡᠳ ᠵᠤᠵᠠᠭᠠᠨ᠂ ᠪᠦᠭᠰᠡ ᠶᠢᠨ ᠬᠡᠰᠡᠭ ᠨᠢ ᠲᠡᠭᠰᠢ᠂ ᠦᠷᠭᠡᠨ ᠮᠦᠷᠲᠡᠭᠡᠨ ᠤᠷᠲᠤ᠂ ᠦᠭᠡᠵᠡᠭ ᠤᠨ | ᠬᠡᠰᠡᠭ ᠤᠨ ᠪᠣᠯᠴᠢᠩ ᠬᠥᠯ ᠮᠢᠬᠠ ᠨᠢ ᠵᠤᠵᠠᠭᠠᠨ ᠳᠦᠭᠦᠷᠡᠩ᠂ ᠭᠤᠶᠠ ᠨᠢ ᠤᠷᠲᠤ ᠪᠦᠭᠡᠳ ᠦᠷᠭᠡᠨ᠂ ᠪᠤᠯᠴᠢᠩ | ᠮᠢᠬᠠ ᠨᠢ ᠬᠤᠶᠢᠰᠢ ᠭᠦᠳᠦᠶᠢᠭᠰᠡᠨ ᠶᠤᠮ᠃ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠷᠡ ᠦᠬᠡᠷ ᠨᠢ ᠠᠮᠢᠳᠤ ᠪᠠᠷ ᠢᠶᠠᠨ | 900~1200kg ᠠᠴᠠ ᠳᠡᠭᠡᠭᠰᠢ ᠬᠦᠨᠳᠦ ᠪᠠᠶᠢᠳᠠᠭ᠂ ᠦᠨᠢᠶᠡ ᠨᠢ 600~900kg ᠬᠦᠨᠳᠦ ᠪᠠᠶᠢᠳᠠᠭ᠃ | ᠴᠠᠷᠣᠯᠧᠰ ᠦᠬᠡᠷ ᠤᠨ ᠲᠤᠭᠤᠯ ᠨᠢ ᠪᠦᠳᠦᠭᠦᠨ᠂ ᠡᠷᠡ ᠲᠤᠭᠤᠯ ᠨᠢ ᠭᠠᠷᠬᠤ ᠦᠶᠡ ᠳᠤ 46kg ᠬᠦᠨᠳᠦ᠂ | ᠦᠬᠢᠨ ᠲᠤᠭᠤᠯ ᠨᠢ 42kg ᠬᠦᠨᠳᠦ ᠪᠠᠶᠢᠳᠠᠭ᠂ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠲᠦᠷᠭᠡᠨ ᠨᠡᠮᠡᠭᠳᠡᠳᠡᠭ᠂ ᠰᠦᠨ ᠠᠴᠠ ᠨᠢ | ᠰᠠᠯᠭᠠᠬᠤ ᠦᠶᠡ ᠳᠤ 270~340kg ᠬᠦᠨᠳᠦ ᠪᠤᠯᠳᠠᠭ᠂ ᠵᠢᠯ ᠤᠨ ᠤᠢ ᠪᠤᠯᠤᠭᠰᠠᠨ ᠲᠤᠭᠤᠯ ᠤᠨ ᠪᠡᠶᠡ ᠶᠢᠨ | ᠬᠦᠨᠳᠦ ᠨᠢ 500kg ᠠᠴᠠ ᠳᠡᠭᠡᠭᠰᠢ ᠪᠠᠶᠢᠵᠤ᠂ ᠬᠠᠮᠤᠭ ᠤᠨ ᠶᠡᠭᠡ ᠳᠡᠭᠡᠨ ᠡᠳᠦᠷ ᠲᠤ 1.88kg ᠨᠡᠮᠡᠭᠳᠡᠳᠡᠭ᠃ | ᠨᠢᠲᠤᠯᠭᠠᠨ ᠤ ᠨᠤᠷᠮᠠ ᠨᠢ ᠶᠡᠷᠦᠩᠬᠡᠢ ᠳᠡᠭᠡᠨ 60%~70% ᠳᠤ ᠬᠦᠷᠳᠡᠭ᠂ ᠪᠦᠬᠦ ᠪᠡᠶᠡ ᠳᠠᠬᠢ ᠬᠠᠷᠠ ᠮᠢᠬᠠ | ᠨᠢ 80%~85% ᠪᠣᠯᠣᠨᠠ᠂ 16 ᠰᠠᠷᠠ ᠪᠤᠯᠵᠤ ᠪᠠᠶᠢᠭᠠ ᠪᠤᠷᠳᠤᠵᠤ ᠲᠠᠷᠭᠤᠯᠠᠭᠤᠯᠤᠭᠰᠠᠨ ᠡᠮᠡ ᠪᠢᠷᠠᠭᠤ ᠶᠢᠨ | ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 418kg ᠬᠦᠷᠴᠦ᠂ ᠨᠢᠲᠤᠯᠭᠠᠨ ᠤ ᠨᠤᠷᠮᠠ ᠨᠢ 66.3% ᠳᠤ ᠬᠦᠷᠳᠡᠭ᠃ ᠰᠦ ᠭᠠᠷᠬᠤ | ᠳᠣᠮᠳᠠᠴᠢ ᠬᠡᠮᠵᠢᠶᠠ ᠨᠢ 1700~1800kg᠂ ᠰᠦᠨ ᠤ ᠲᠤᠰᠣᠯᠢᠭ ᠤᠨ ᠨᠤᠷᠮᠠ ᠨᠢ 4.0%~4.7% ᠳᠤ | ᠬᠦᠷᠳᠡᠭ᠃ | ᠴᠠᠷᠣᠯᠧᠰ ᠦᠬᠡᠷ ᠤᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠲᠠᠯᠠ ᠭᠡᠪᠡᠯ ᠦᠷᠡᠵᠢᠯᠲᠡ ᠶᠢᠨ ᠨᠤᠷᠮᠠ ᠨᠢ ᠪᠠᠭᠠ᠂ | ᠲᠤᠭᠤᠯᠯᠠᠬᠤ ᠳᠠᠭᠠᠨ ᠪᠡᠷᠬᠡᠲᠦᠬᠦ ᠨᠤᠷᠮᠠ ᠨᠢ ᠨᠡᠯᠢᠶᠡᠳ ᠶᠡᠭᠡ᠂ ᠪᠠᠷᠤᠭ 13.7% ᠤᠷᠴᠢᠮ ᠳᠤ ᠬᠦᠷᠳᠡᠭ᠂ ᠳᠣᠮᠳᠠ | ᠵᠡᠷᠭᠡ ᠪᠣᠶᠣ ᠪᠠᠭᠠ ᠪᠡᠶᠡ ᠲᠠᠢ ᠦᠬᠡᠷ ᠯᠦᠭᠡ ᠡᠷᠯᠢᠰᠡᠵᠢᠭᠦᠯᠬᠦ ᠳᠤ ᠲᠤᠭᠤᠯᠯᠠᠬᠤ ᠳᠠᠭᠠᠨ ᠪᠡᠷᠬᠡᠲᠦᠬᠦ ᠨᠢ ᠨᠡᠩ | ᠳᠤᠪᠤᠶᠢᠮᠠ ᠪᠣᠯᠳᠠᠭ᠃ | ᠮᠠᠨ ᠤ ᠣᠯᠣᠰ ᠴᠠᠷᠣᠯᠧᠰ ᠦᠬᠡᠷ ᠢ ᠤᠷᠤᠭᠤᠯᠤᠭᠰᠠᠨ ᠠᠴᠠ ᠨᠠᠰᠢ ᠦᠪᠦᠷ ᠮᠣᠩᠭᠤᠯ᠂ ᠰᠢᠨᠵᠢᠶᠠᠩ ᠪᠣᠯᠣᠨ | ᠱᠠᠨᠰᠢ ᠵᠡᠷᠭᠡ ᠮᠣᠵᠢ ᠤᠷᠤᠨ ᠳᠤ ᠲᠡᠭᠦᠨ ᠢᠶᠠᠷ ᠲᠤᠰ ᠭᠠᠵᠠᠷ ᠤᠨ ᠰᠢᠷᠠ ᠦᠬᠡᠷ ᠢ ᠡᠷᠯᠢᠰᠡᠵᠢᠭᠦᠯᠦᠨ ᠡᠭᠦᠯᠳᠡᠷ | ᠰᠠᠶᠢᠵᠢᠷᠠᠭᠤᠯᠬᠤ ᠠᠵᠢᠯ ᠢ ᠤᠷᠨᠢᠭᠦᠯᠦᠭᠡᠳ ᠨᠡᠯᠢᠶᠡᠳ ᠰᠠᠶᠢᠨ ᠦᠷᠡ ᠦᠷᠡ ᠪᠦᠲᠦᠭᠡᠯ ᠣᠯᠵᠠᠢ᠃ ᠡᠩ ᠤᠨ | ᠲᠤᠰᠬᠠᠯ ᠠᠴᠠ ᠦᠵᠡᠪᠡᠯ᠂ ᠴᠠᠷᠣᠯᠧᠰ ᠢᠶᠠᠷ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠲᠤᠭᠤᠯ ᠤᠨ ᠦᠰᠦᠯᠲᠡ ᠨᠢ ᠲᠦᠷᠭᠡᠨ᠂ ᠪᠡᠶᠡ ᠨᠢ | ᠪᠦᠳᠦᠭᠦᠨ᠂ ᠪᠣᠶᠢᠵᠢᠯᠲᠠ ᠨᠢ ᠵᠢᠭᠲᠡᠬᠡᠨ᠂ ᠡᠳᠦᠷ ᠲᠤ ᠨᠡᠮᠡᠭᠳᠡᠬᠦ ᠬᠦᠨᠳᠦ ᠶᠢᠨ ᠬᠡᠮᠵᠢᠶᠡ ᠨᠢ ᠶᠡᠭᠡ ᠪᠣᠯᠬᠤᠷ | ᠬᠦᠮᠦᠰ ᠤᠨ ᠬᠦᠷᠢᠶᠡᠯᠡᠯ ᠢ ᠶᠡᠬᠡᠳᠡ ᠣᠯᠣᠭᠰᠠᠨ ᠪᠠᠶᠢᠨᠠ᠃ | | | ︵ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ | ᠪᠠ ᠠᠰᠢᠭ ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | | |