| 1. ᠡᠭᠦᠯᠳᠡᠷ᠄ ᠡᠷᠯᠢᠰᠡ ᠶᠢᠨ ᠦᠷᠡᠵᠢᠭᠦᠯᠭᠡ ᠨᠢ ᠲᠠᠸᠠᠷᠵᠢᠭᠤᠯᠤᠯᠲᠠ ᠶᠢᠨ ᠬᠤᠷᠠᠭᠠᠨ ᠤ ᠦᠢᠯᠡᠳᠪᠦᠷᠢᠯᠡᠯ ᠳᠤ | ᠮᠠᠰᠢ ᠢᠯᠡᠷᠬᠡᠢ ᠲᠤᠰᠠ ᠦᠵᠡᠭᠦᠯᠳᠡᠭ᠃ ᠡᠷᠯᠢᠰᠡ ᠡᠮᠡ ᠬᠤᠨᠢ ᠪᠣᠯᠣᠨ ᠲᠡᠭᠦᠨ ᠤ ᠬᠤᠷᠠᠭᠠᠨ ᠤ ᠨᠡᠮᠡᠭᠳᠡᠯ ᠤᠨ | ᠵᠢᠩ ᠤᠨ ᠬᠤᠷᠳᠤᠴᠠ ᠨᠢ ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠬᠢ ᠠᠴᠠ ᠲᠦᠷᠭᠡᠨ ᠪᠠᠶᠢᠳᠠᠭ ᠪᠦᠭᠡᠳ ᠪᠡᠶᠡ ᠨᠢ ᠴᠢᠬᠢᠷᠠᠭ | ᠮᠦᠷᠲᠡᠭᠡᠨ ᠦᠬᠦᠯ ᠬᠤᠷᠤᠭᠳᠠᠯ ᠨᠢ ᠴᠤ ᠪᠠᠭᠠ ᠪᠠᠶᠢᠳᠠᠭ᠃ ᠡᠷᠯᠢᠰᠡ ᠬᠤᠨᠢᠨ ᠤ ᠦᠷᠡᠵᠢᠯ᠂ ᠲᠦᠯᠯᠡᠯᠲᠡ ᠪᠤᠯᠤᠨ | ᠰᠦᠨ ᠤ ᠭᠠᠷᠴᠠ ᠨᠢ ᠲᠡᠭᠦᠨ ᠤ ᠡᠴᠢᠭᠡ ᠡᠬᠡ ᠶᠢᠨ ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠬᠢ ᠠᠴᠠ ᠶᠡᠭᠡ ᠪᠠᠶᠢᠳᠠᠭ ᠶᠤᠮ᠃ ᠬᠡᠷᠪᠡ | ᠭᠤᠷᠪᠠᠳᠤᠭᠠᠷ ᠡᠭᠦᠯᠳᠡᠷ ᠢ ᠦᠰᠭᠡᠵᠦ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠬᠤᠴᠠ ᠲᠠᠯᠪᠢᠪᠠᠯ ᠲᠡᠭᠦᠨ ᠤ ᠡᠷᠯᠢᠰᠡ ᠶᠢᠨ ᠤᠳᠤᠮ | ᠤᠭᠰᠠᠭᠠ ᠶᠢᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠶᠢ ᠤᠯᠠᠮ ᠴᠢᠨᠠᠭᠰᠢᠳᠠ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠨᠠ᠃ ᠡᠮᠡ ᠬᠤᠨᠢᠨ ᠤ | ᠨᠡᠯᠢᠶᠡᠳ ᠰᠠᠶᠢᠨ ᠡᠭᠦᠯᠳᠡᠷ ᠲᠤ ᠷᠠᠮᠪᠤᠷ ᠬᠤᠨᠢ᠂ ᠺᠤᠷᠧᠳᠡᠯ ᠬᠤᠨᠢ᠂ ᠺᠤᠯᠤᠮᠪᠢᠶᠠ ᠬᠤᠨᠢ ᠵᠡᠷᠭᠡ ᠪᠣᠢ᠃ ᠡᠳᠡᠭᠡᠷ | ᠡᠭᠦᠯᠳᠡᠷ ᠢ ᠠᠰᠢᠭᠯᠠᠭᠠᠳ ᠬᠤᠶᠠᠷᠴᠢ ᠪᠣᠶᠣ ᠭᠤᠷᠪᠠᠴᠢ ᠡᠷᠯᠢᠰᠡᠵᠢᠭᠦᠯᠭᠡ ᠬᠢᠬᠦ ᠦᠶᠡ ᠳᠤ ᠭᠤᠣᠯᠳᠠᠯᠭᠠ ᠪᠠᠨ | ᠤᠷᠢᠳᠴᠢᠯᠠᠭᠤᠯᠤᠨ ᠬᠤᠷᠠᠭᠠᠯᠠᠭᠤᠯᠬᠤ ᠶᠠᠪᠤᠳᠠᠯ᠂ ᠡᠬᠡ ᠶᠢᠨ ᠬᠢᠨᠢ ᠴᠢᠨᠠᠷ᠂ ᠨᠠᠰᠤᠯᠠᠯᠲᠠ᠂ ᠲᠤᠬᠢᠷᠠᠮᠵᠢᠲᠠᠢ ᠪᠡᠶᠡ᠂ | ᠨᠤᠤᠰᠤᠨ ᠤ ᠭᠠᠷᠴᠠ ᠪᠤᠯᠤᠨ ᠨᠤᠤᠰᠣᠨ ᠤ ᠴᠢᠨᠠᠷ ᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠳᠤ ᠲᠠᠯᠪᠢᠪᠠᠯ ᠵᠤᠬᠢᠨᠠ᠃ ᠬᠤᠴᠠᠨ ᠤ | ᠡᠭᠦᠯᠳᠡᠷ ᠤᠨ ᠭᠤᠤᠯᠳᠠᠯᠭᠠ ᠪᠠᠨ ᠬᠤᠷᠳᠤᠨ ᠦᠰᠳᠡᠭ᠂ ᠨᠡᠶᠢᠯᠡᠭᠦᠯᠦᠭᠡ ᠶᠢᠨ ᠡᠷᠡᠮᠡᠯᠵᠡᠯ ᠰᠠᠶᠢᠲᠠᠢ᠂ ᠭᠤᠯᠤᠤᠵᠠᠨ ᠤ | ᠴᠢᠨᠠᠷ ᠨᠢ ᠰᠠᠶᠢᠨ ᠵᠡᠷᠭᠡ ᠲᠠᠯᠠ ᠳᠤ ᠲᠠᠯᠪᠢᠪᠠᠯ ᠵᠤᠬᠢᠨᠠ᠃ ᠣᠳᠣ ᠬᠡᠭᠡᠯᠳᠦᠭᠦᠯᠭᠡ ᠳᠤ ᠬᠡᠷᠡᠭᠯᠡᠵᠦ ᠪᠦᠬᠦᠢ | ᠬᠤᠴᠠ ᠳᠤ ᠰᠠᠹᠦ᠋ᠺ ᠬᠤᠨᠢ᠂ ᠬᠠᠨᠪᠦ᠋ᠰᠢᠶᠠ ᠬᠤᠨᠢ ᠵᠡᠷᠭᠡ ᠪᠣᠢ᠃ | 2. ᠬᠤᠷᠠᠭᠠᠯᠠᠭᠤᠯᠬᠤ ᠠᠴᠠ ᠡᠮᠦᠨᠡᠬᠢ ᠠᠷᠠᠴᠢᠯᠠᠭᠠ᠄ ᠡᠮᠡ ᠬᠤᠨᠢ ᠶᠢ ᠬᠠᠰᠢᠶᠠᠨ ᠳᠤ ᠲᠡᠵᠢᠭᠡᠵᠦ᠂ | ᠲᠡᠵᠢᠭᠡᠯᠭᠡ ᠶᠢ ᠨᠢ ᠡᠷᠴᠢᠮᠵᠢᠭᠦᠯᠪᠡᠯ ᠵᠤᠬᠢᠨᠠ᠃ ᠬᠤᠷᠠᠭᠠᠯᠠᠭᠤᠯᠬᠤ ᠠᠴᠠ ᠡᠮᠦᠨᠡᠬᠢ ᠬᠡᠳᠦᠨ ᠭᠠᠷᠠᠭ ᠤᠨ ᠡᠮᠦᠨᠡ | ᠡᠮᠡ ᠬᠤᠨᠢᠨ ᠤ ᠪᠡᠶᠡ ᠳᠠᠬᠢ ᠬᠤᠷᠤᠬᠠᠢ ᠶᠢ ᠨᠢ ᠲᠠᠭᠤᠬᠤ ᠬᠡᠷᠡᠭᠲᠡᠢ᠃ | 3. ᠬᠤᠷᠠᠭᠠᠨ ᠤ ᠠᠷᠠᠴᠢᠯᠠᠭᠠ᠄ ᠲᠦᠯᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠬᠡᠳᠦᠨ ᠴᠠᠭ ᠤᠨ ᠳᠠᠷᠠᠭᠠ ᠬᠤᠷᠠᠭᠠᠨ ᠳᠤ | ᠤᠭᠤᠷᠠᠭ ᠢ ᠨᠢ ᠬᠦᠬᠦᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠦᠬᠦᠭᠦᠯ ᠤᠨ ᠡᠬᠢᠨ ᠤ 4～6 ᠭᠠᠷᠠᠭ ᠲᠤ ᠰᠠᠶᠢᠨ ᠢᠪᠢᠯᠢᠭᠦᠯᠬᠦ ᠶᠢᠨ | ᠲᠤᠯᠠᠳᠠ ᠡᠮᠡ ᠬᠤᠨᠢᠨ ᠳᠤ ᠦᠭᠬᠦ ᠤᠭᠤᠷᠠᠭᠲᠤ ᠪᠤᠳᠠᠰ ᠤᠨ ᠬᠡᠮᠵᠢᠶᠡ ᠶᠢ ᠨᠢ ᠨᠡᠮᠡᠭᠳᠡᠭᠦᠯᠪᠡᠯ ᠵᠣᠬᠢᠨᠠ᠃ | 4. ᠬᠤᠷᠠᠭᠠᠨ ᠳᠤ ᠨᠡᠮᠡᠯᠲᠡ ᠲᠡᠵᠢᠭᠡᠯ ᠦᠭᠬᠦ᠄ 10 ᠬᠤᠭᠤᠭ ᠤᠨ ᠨᠠᠰᠤᠨ ᠠᠴᠠ ᠨᠢ ᠡᠬᠢᠯᠡᠨ ᠬᠤᠷᠠᠭᠠᠨ ᠳᠤ | ᠨᠡᠮᠡᠯᠲᠡ ᠪᠤᠷᠳᠤᠭᠠ ᠦᠭᠴᠦ ᠪᠣᠯᠣᠨᠠ᠃ ᠰᠠᠶ᠋ᠢ ᠭᠠᠷᠤᠭᠰᠠᠨ ᠬᠤᠷᠠᠭᠠᠨ ᠤ ᠭᠦᠵᠡᠭᠡ᠂ ᠬᠡᠷᠬᠢᠨᠡᠭ ᠨᠢ ᠨᠢᠷᠠᠢ ᠵᠦᠭᠡᠯᠡᠨ | ᠪᠣᠯᠬᠤᠷ ᠲᠡᠵᠢᠭᠡᠯ ᠡᠪᠡᠰᠦ ᠶᠢ ᠰᠦ ᠪᠣᠯᠣᠨ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠲᠠᠢ ᠪᠠᠨ ᠠᠳᠠᠯᠢ ᠪᠦᠷᠢᠨ ᠠᠰᠢᠭᠯᠠᠵᠤ ᠴᠢᠳᠠᠬᠤ | ᠦᠭᠡᠢ ᠶᠤᠮ᠃ ᠡᠶᠢᠮᠦ ᠠᠴᠠ ᠡᠨᠡ ᠦᠶᠡ ᠳᠤ ᠬᠤᠷᠠᠭᠠᠨ ᠳᠤ ᠨᠡᠮᠡᠯᠲᠡ ᠪᠤᠷᠳᠤᠭᠠ ᠦᠭᠬᠦ ᠨᠢ ᠲᠤᠬᠢᠷᠠᠮᠵᠢᠲᠠᠢ ᠶᠣᠮ᠃ | ᠰᠦ ᠠᠴᠠ ᠨᠢ ᠰᠠᠯᠭᠠᠬᠤ ᠠᠴᠠ ᠡᠮᠦᠨᠡ ᠪᠤᠳᠠᠭᠠᠨ ᠲᠡᠵᠢᠭᠡᠯ ᠢ ᠪᠡᠶᠡ ᠶᠢᠨ ᠵᠢᠩ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠪᠠᠯ | ᠬᠤᠷᠠᠭᠠᠨ ᠤ ᠦᠰᠦᠯᠲᠡ ᠨᠢ ᠨᠡᠯᠢᠶᠡᠳ ᠲᠦᠷᠭᠡᠨ ᠪᠠᠶᠢᠳᠠᠭ᠃ ᠢᠩᠭᠢᠬᠦᠯᠡᠷ ᠬᠤᠷᠠᠭᠠ ᠶᠢ ᠪᠡᠯᠴᠢᠭᠡᠷᠯᠡᠭᠦᠯᠦᠨ | ᠲᠠᠷᠭᠤᠯᠠᠭᠤᠯᠬᠤ ᠳᠠᠭᠠᠨ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠶᠢ ᠨᠡᠮᠡᠯᠲᠡ ᠲᠡᠵᠢᠭᠡᠯ ᠪᠤᠯᠭᠠᠨ ᠦᠭᠭᠦᠭᠰᠡᠨ ᠴᠤ ᠮᠠᠰᠢ ᠠᠵᠤ | ᠠᠬᠤᠶᠢᠴᠢ ᠪᠠᠶᠢᠳᠠᠭ᠃ | 5. ᠰᠦ ᠠᠴᠠ ᠨᠢ ᠰᠠᠯᠭᠠᠬᠤ᠄ ᠬᠤᠷᠠᠭᠠ ᠨᠤᠭᠤᠳ ᠢ 60 ᠬᠤᠨᠤᠭ ᠤᠨ ᠨᠠᠰᠤᠨ ᠳᠤ ᠬᠦᠷᠬᠦ ᠳᠤ ᠡᠬᠡ ᠶᠢᠨ | ᠬᠢᠨᠢ ᠬᠤᠷᠤᠬᠠᠢ ᠶᠢ ᠲᠠᠭᠤᠭᠠᠳ ᠡᠬᠡ ᠬᠤᠷᠠᠭᠠ ᠶᠢ ᠠᠰ ᠠᠰ ᠲᠤᠨᠢ ᠬᠤᠷᠢᠨᠠ᠂ ᠡᠨᠡ ᠦᠶᠡ ᠳᠤ ᠬᠤᠷᠠᠭᠠᠨ ᠤ ᠪᠡᠶᠡ | ᠳᠠᠬᠢ ᠬᠤᠷᠤᠬᠠᠢ ᠶᠢ ᠨᠢᠭᠡ ᠤᠳᠠᠭᠠ ᠲᠠᠭᠤᠪᠠᠯ ᠵᠤᠬᠢᠨᠠ᠃ ᠬᠠᠰᠢᠶᠠᠨ ᠳᠤ ᠬᠤᠷᠢᠭᠰᠠᠨ ᠬᠤᠷᠠᠭᠠ ᠨᠢ 45 ᠬᠤᠨᠤᠭ | ᠪᠣᠯᠪᠠᠯ ᠨᠡᠮᠡᠯᠲᠡ ᠪᠤᠷᠳᠤᠭᠠ ᠦᠭᠴᠦ᠂ 60 ᠬᠤᠨᠤᠭ ᠤᠨ ᠨᠠᠰᠤᠨ ᠳᠤ ᠬᠦᠷᠬᠦ ᠳᠤ ᠡᠪᠡᠰᠦ ᠢᠳᠡᠭᠦᠯᠵᠦ ᠡᠬᠢᠯᠡᠪᠡᠯ | ᠦᠰᠦᠯᠲᠡ ᠨᠢ ᠨᠡᠩ ᠲᠦᠷᠭᠡᠨ ᠪᠠᠶᠢᠳᠠᠭ᠃ | 6. ᠨᠤᠤᠰᠤᠯᠠᠬᠤ᠄ ᠠᠭᠠᠭᠢᠮᠠ ᠵᠤᠨ ᠤ ᠤᠯᠠᠷᠢᠯ ᠳᠤ ᠬᠤᠷᠠᠭᠠ ᠶᠢ ᠲᠠᠭᠠᠯᠠᠮᠵᠢᠲᠠᠢ ᠪᠠᠶᠢᠯᠭᠠᠬᠤ ᠪᠠ ᠴᠢᠨᠠᠷ | ᠰᠠᠶᠢᠲᠠᠢ ᠬᠤᠷᠠᠭᠠᠨ ᠠᠷᠠᠰᠤ ᠣᠯᠬᠤ ᠶᠢᠨ ᠲᠦᠯᠦᠭᠡ ᠰᠦ ᠠᠴᠠ ᠨᠢ ᠰᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠨᠤᠤᠰᠤᠯᠠᠪᠠᠯ ᠵᠤᠬᠢᠨᠠ᠃ | ᠦᠰᠦᠨ ᠪᠦᠷᠬᠦᠭᠦᠯ ᠨᠢ ᠪᠣᠭᠤᠨᠢ ᠪᠣᠯᠪᠠᠯ ᠬᠠᠪᠤᠷ ᠤᠨ ᠴᠠᠭ ᠲᠤ ᠬᠤᠷᠠᠭᠠᠨ ᠤ ᠦᠰᠦᠯᠲᠡ ᠨᠢ ᠬᠤᠷᠳᠤᠪᠲᠤᠷ | ᠪᠠᠶᠢᠳᠠᠭ᠃ | 7. ᠪᠡᠯᠴᠢᠭᠡᠷᠯᠡᠭᠦᠯᠬᠦ᠄ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠦᠶᠡ ᠳᠤ ᠬᠤᠷᠠᠭᠠ ᠶᠢ ᠡᠬᠡ ᠶᠢᠨ ᠬᠢᠨᠢ ᠡᠮᠦᠨᠡ ᠶᠠᠪᠤᠭᠤᠯᠪᠠᠯ | ᠵᠤᠬᠢᠨᠠ᠃ ᠢᠩᠭᠢᠪᠡᠯ ᠬᠤᠷᠠᠭᠠ ᠨᠢ ᠪᠤᠬᠢᠷᠲᠤᠭᠰᠠᠨ ᠦᠭᠡᠢ ᠴᠡᠪᠡᠷ ᠡᠪᠡᠰᠦ ᠨᠤᠭᠤᠭᠠ ᠶᠢ ᠣᠯᠵᠣ ᠢᠳᠡᠨᠡ᠃ | ᠬᠤᠷᠠᠭᠠᠨ ᠳᠤ ᠴᠠᠭ ᠲᠤᠬᠠᠢ ᠳᠤᠨᠢ ᠰᠢᠨᠡ ᠰᠤᠷᠭᠤᠭ ᠨᠤᠭᠤᠭᠠ ᠣᠯᠵᠣ ᠢᠳᠡᠭᠦᠯᠬᠦ ᠶᠢᠨ ᠲᠦᠯᠦᠭᠡ 2～5 ᠡᠳᠦᠷ | ᠪᠣᠯᠬᠤ ᠪᠦᠷᠢ ᠳᠤ ᠨᠢᠭᠡ ᠤᠳᠠᠭᠠ ᠪᠡᠯᠴᠢᠭᠡᠷ ᠰᠡᠯᠭᠦᠨᠡ᠃ | 8. ᠬᠤᠷᠤᠬᠠᠢ ᠲᠠᠭᠤᠬᠤ᠄ ᠬᠤᠷᠠᠭᠠᠨ ᠤ ᠪᠡᠶᠡ ᠳᠤ ᠠᠮᠢᠳᠤᠷᠠᠳᠠᠭ ᠴᠢᠰᠤᠨ ᠤ ᠰᠢᠮᠡᠭᠦᠷ ᠬᠤᠷᠤᠬᠠᠢ ᠪᠣᠯ | ᠲᠡᠵᠢᠭᠡᠯᠭᠡ ᠶᠢᠨ ᠦᠷᠡ ᠳ᠋ᠦᠩ ᠪᠠ ᠬᠤᠷᠠᠭᠠᠨ ᠤ ᠪᠡᠶᠡ ᠶᠢᠨ ᠵᠢᠩ ᠤᠨ ᠨᠡᠮᠡᠭᠳᠡᠯ ᠢ ᠬᠦᠨᠳᠦ ᠨᠤᠴᠢᠲᠠᠢ | ᠨᠦᠯᠦᠭᠡᠯᠡᠳᠡᠭ᠃ ᠡᠶᠢᠮᠦ ᠠᠴᠠ ᠬᠤᠷᠠᠭᠠᠨ ᠤ ᠪᠡᠶᠡ ᠳᠠᠬᠢ ᠰᠢᠮᠡᠭᠦᠷ ᠬᠤᠷᠤᠬᠠᠢ ᠶᠢ ᠲᠠᠭᠤᠬᠤ ᠠᠵᠢᠯ ᠢ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨᠴᠢ ᠪᠠᠷ ᠬᠢᠬᠦ ᠬᠡᠷᠡᠭᠲᠡᠢ᠃ ᠡᠭᠦᠨ ᠳᠤ ᠬᠠᠪᠤᠷ ᠤᠨ ᠴᠡᠪᠡᠷ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠬᠤ ᠠᠴᠠ ᠨᠢᠭᠡ ᠬᠤᠨᠤᠭ ᠤᠨ | ᠡᠮᠦᠨᠡ᠂ ᠬᠠᠪᠤᠷ ᠤᠨ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠭᠠᠳ 3 ᠭᠠᠷᠠᠭ ᠪᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠪᠣᠶᠣ ᠨᠡᠮᠡᠯᠲᠡ ᠪᠤᠷᠳᠤᠭᠠ | ᠦᠭᠬᠦ ᠠᠴᠠ ᠡᠮᠦᠨᠡ ᠪᠦᠷ ᠨᠢᠭᠡ ᠤᠳᠠᠭᠠ ᠪᠡᠶᠡ ᠳᠠᠬᠢ ᠬᠤᠷᠤᠬᠠᠢ ᠶᠢ ᠨᠢ ᠲᠠᠭᠤᠬᠤ ᠬᠡᠷᠡᠭᠲᠡᠢ᠃ | 9. ᠠᠩᠭᠢᠯᠠᠬᠤ᠄ 120 ᠬᠤᠨᠤᠭ ᠤᠨ ᠨᠠᠰᠤᠨ ᠳᠤ ᠬᠦᠷᠬᠦ ᠳᠤ ᠬᠤᠷᠠᠭᠠ ᠶᠢ ᠵᠢᠩᠯᠡᠬᠦ᠂ ᠠᠩᠭᠢᠯᠠᠬᠤ ᠪᠠ | ᠪᠦᠯᠦᠭᠯᠡᠪᠡᠯ ᠵᠣᠬᠢᠨᠠ᠃ ᠪᠡᠶᠡ ᠶᠢᠨ ᠵᠢᠩ ᠢᠶᠠᠷ ᠨᠢ 90 ᠹᠦᠨᠲ ᠠᠴᠠ ᠳᠡᠭᠡᠭᠰᠢᠬᠢ᠂ 75～90 ᠹᠦᠨᠲ ᠪᠣᠯᠣᠨ | 75 ᠹᠦᠨᠲ ᠠᠴᠠ ᠳᠤᠭᠤᠭᠰᠢᠬᠢ ᠭᠡᠵᠦ ᠭᠤᠷᠪᠠᠨ ᠪᠦᠯᠦᠭ ᠪᠣᠯᠭᠠᠨ ᠬᠤᠪᠢᠶᠠᠨᠠ᠃ ᠪᠣᠶᠢᠵᠢᠯᠲᠠ ᠪᠠᠷ ᠠᠨᠠᠢ | ᠬᠤᠷᠠᠭᠠ ᠪᠣᠶᠣ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠡᠪᠡᠳᠴᠢᠨ ᠭᠡᠮ ᠲᠠᠢ ᠬᠤᠷᠠᠭᠠ ᠨᠤᠭᠤᠳ ᠢ ᠨᠢᠲᠤᠯᠭᠠᠨ ᠳᠤ ᠰᠢᠯᠢᠵᠦ | ᠤᠷᠤᠭᠤᠯᠤᠨᠠ᠃ ᠤᠴᠢᠷ ᠨᠢ ᠲᠡᠳᠡᠭᠡᠷ ᠢ ᠡᠷᠡᠭᠦᠯ ᠬᠤᠷᠠᠭᠠ ᠨᠤᠭᠤᠳ ᠲᠠᠢ ᠬᠠᠮᠲᠤ ᠮᠡᠯᠯᠠᠪᠠᠯ ᠡᠪᠡᠳᠴᠢᠨ | ᠲᠠᠷᠬᠠᠭᠠᠵᠤ ᠮᠡᠳᠡᠨᠡ᠃ | ᠬᠤᠷᠠᠭᠠᠨ ᠤ ᠭᠠᠳᠠᠷ ᠳᠦᠷᠬᠦ᠂ ᠪᠡᠶᠡ ᠶᠢᠨ ᠵᠢᠩ᠂ ᠡᠷᠡᠭᠦᠯ ᠤᠨ ᠪᠠᠶᠢᠳᠠᠯ᠂ ᠪᠡᠶᠡ ᠭᠠᠯᠪᠢᠷ᠂ 60 ᠬᠤᠨᠤᠭ | ᠪᠤᠯᠤᠨ 120 ᠬᠤᠨᠤᠭ ᠤᠨ ᠨᠠᠰᠤᠨ ᠤ ᠪᠡᠶᠡ ᠶᠢᠨ ᠵᠢᠩ ᠢ ᠦᠨᠳᠦᠰᠦᠯᠡᠨ ᠪᠡᠯᠡᠳᠭᠡᠯ ᠡᠮᠡ ᠬᠤᠨᠢ ᠪᠠ ᠬᠤᠴᠠ | ᠦᠯᠡᠳᠡᠭᠡᠬᠦ ᠰᠢᠢᠳᠪᠦᠷᠢ ᠭᠠᠷᠭᠠᠨᠠ᠃ | 10. ᠪᠡᠶᠡ ᠶᠢᠨ ᠵᠢᠩ ᠤᠨ ᠨᠡᠮᠡᠭᠳᠡᠴᠡ᠄ 2 ᠳ᠋ᠤᠭᠠᠷ ᠰᠠᠷᠠ ᠳᠤ ᠲᠦᠯᠯᠡᠭᠰᠡᠨ ᠡᠷᠡ ᠬᠤᠷᠠᠭᠠ ᠶᠢ 4 ᠳ᠋ᠦ᠋ᠭᠡᠷ | ᠰᠠᠷᠠ ᠶᠢᠨ 27 ᠤ ᠡᠳᠦᠷ ᠠᠴᠠ ᠡᠬᠡ ᠲᠠᠢ ᠨᠢ ᠬᠠᠮᠲᠤ 6 ᠳ᠋ᠤᠭᠠᠷ ᠰᠠᠷᠠ ᠶᠢᠨ 30 ᠤ ᠡᠳᠦᠷ ᠪᠣᠯᠲᠠᠯᠠ | ᠮᠠᠯᠵᠢᠬᠤ ᠳᠤ ᠬᠤᠨᠤᠭ ᠤᠨ ᠳᠤᠮᠳᠠᠴᠢ ᠨᠡᠮᠡᠭᠳᠡᠯ ᠵᠢᠩ ᠨᠢ 0.84 ᠹᠦᠨᠲ ᠳᠤ ᠬᠦᠷᠬᠦ ᠪᠣᠯᠣᠨᠠ᠃ 2 ᠳ᠋ᠤᠭᠠᠷ | ᠰᠠᠷᠠ ᠳᠤ ᠲᠦᠯᠯᠡᠭᠰᠡᠨ ᠬᠤᠷᠠᠭᠠ ᠨᠤᠭᠤᠳ ᠢ 140 ᠬᠤᠨᠤᠭᠤᠯᠪᠠᠯ ᠰᠠᠶ᠋ᠢ ᠨᠢᠲᠤᠯᠭᠠᠨ ᠤ ᠳᠤᠮᠳᠠᠴᠢ ᠳᠠᠰ ᠲᠤ | ᠬᠦᠷᠭᠡᠵᠦ ᠴᠢᠳᠠᠨᠠ᠃ | 2 ᠳ᠋ᠤᠭᠠᠷ ᠰᠠᠷᠠ ᠳᠤ ᠲᠦᠯᠯᠡᠭᠰᠡᠨ ᠬᠤᠷᠠᠭᠠ ᠨᠤᠭᠤᠳ ᠨᠢ 4 ᠳ᠋ᠦ᠋ᠭᠡᠷ ᠰᠠᠷᠠ ᠶᠢᠨ ᠡᠴᠦᠰ ᠪᠣᠯᠬᠤ ᠳᠤ | ᠪᠡᠶᠡ ᠶᠢᠨ ᠵᠢᠩ ᠨᠢ 50 ᠹᠦᠨᠲ ᠲᠤ ᠬᠦᠷᠴᠦ᠂ ᠪᠡᠯᠴᠢᠭᠡᠷ ᠤᠨ ᠡᠪᠡᠰᠦ ᠶᠢ ᠪᠦᠷᠢᠨ ᠠᠰᠢᠭᠯᠠᠵᠤ ᠴᠢᠳᠠᠨᠠ᠃ 6 | ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠡᠴᠦᠰ ᠠᠴᠠ ᠡᠮᠦᠨᠡ ᠲᠠᠷᠭᠤᠯᠠᠭᠤᠯᠤᠭᠰᠠᠨ ᠬᠤᠷᠠᠭᠠ ᠨᠤᠭᠤᠳ ᠢ ᠬᠤᠳᠠᠯᠳᠣᠵᠣ ᠪᠣᠯᠳᠠᠭ ᠶᠤᠮ᠃ | 3 ᠳ᠋ᠣᠭᠠᠷ ᠰᠠᠷᠠ ᠳᠤ ᠲᠦᠯᠯᠡᠭᠰᠡᠨ ᠬᠤᠷᠠᠭᠠᠨ ᠤ ᠬᠤᠨᠤᠭ ᠤᠨ ᠳᠤᠮᠳᠠᠴᠢ ᠨᠡᠮᠡᠭᠳᠡᠯ ᠵᠢᠩ ᠨᠢ 0.35 ᠹᠦᠨᠲ | ᠤᠷᠴᠢᠮ ᠳᠤ ᠬᠦᠷᠳᠡᠭ᠃ | ᠵᠣᠨ ᠤ ᠨᠢᠭᠡ ᠨᠠᠰᠤᠲᠤ ᠲᠠᠷᠢᠮᠠᠯ ᠤᠳ ᠢ ᠬᠤᠷᠠᠭᠠᠨ ᠳᠤ ᠰᠠᠶᠢᠲᠤᠷ ᠠᠰᠢᠭᠯᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠵᠢᠱᠢᠶᠡᠯᠡᠪᠡᠯ | ᠰᠢᠰᠢ᠂ ᠦᠷᠡ ᠶᠢᠨ ᠰᠡᠭᠦᠯ᠂ ᠬᠠᠷᠠ ᠪᠤᠭᠤᠳᠠᠢ ᠶᠢᠨ ᠡᠪᠡᠰᠦ ᠪᠣᠯᠣᠨ ᠰᠢᠯᠢᠮᠳᠡᠭ ᠢ ᠬᠤᠷᠠᠭᠠᠨ ᠳᠤ ᠠᠰᠢᠭᠯᠠᠭᠤᠯᠪᠠᠯ | ᠪᠡᠯᠴᠢᠭᠡᠷ ᠳᠡᠭᠡᠷᠡ ᠤᠨᠴᠠ ᠳᠡᠰ ᠤᠨ ᠬᠤᠷᠠᠭᠠ ︵ᠪᠡᠶᠡ ᠶᠢᠨ ᠵᠢᠩ ᠨᠢ 110～120 ᠹᠦᠨᠲ︶ ᠶᠢ ᠪᠣᠶᠢᠵᠢᠭᠤᠯᠵᠣ | ᠴᠢᠳᠠᠬᠤ ᠶᠤᠮ᠃ | ︵ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ | ᠪᠠ ᠠᠰᠢᠭ ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |