ᠬᠤᠷᠠᠭᠠ ᠢᠰᠢᠭᠡ ᠶᠢ ᠴᠢᠮᠬᠢᠨ ᠵᠠᠰᠠᠬᠤ | ᠬᠤᠷᠠᠭᠠ ᠢᠰᠢᠭᠡ ᠶᠢ ᠴᠠᠭᠠᠯᠠᠬᠤ ᠶᠢ ᠪᠠᠰᠠ ᠴᠢᠮᠬᠢᠨ ᠵᠠᠰᠠᠬᠤ ᠭᠡᠳᠡᠭ᠃ ᠮᠣᠩᠭᠤᠯᠴᠣᠳ ᠶᠡᠷᠦ ᠨᠢ ᠲᠠᠪᠤᠨ | ᠬᠤᠰᠢᠭᠤ ᠮᠠᠯ ᠤᠨ ᠡᠷᠡ ᠬᠦᠢᠰᠦᠲᠡᠨ ᠢ ᠴᠠᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠯ ᠪᠣᠯᠭᠠᠨ ᠴᠢᠮᠬᠢᠬᠦ᠂ ᠬᠦᠩᠭᠡᠯᠡᠬᠦ᠂ ᠡᠰᠭᠡᠬᠦ᠂ | ᠠᠭᠲᠠᠯᠠᠬᠤ᠂ ᠬᠠᠭᠠᠷᠢᠬᠤ᠂ ᠰᠠᠪᠰᠠᠯᠭᠠ ᠬᠢᠬᠦ᠂ ᠬᠦᠩᠭᠡᠯᠡᠨ ᠵᠠᠰᠠᠬᠤ ᠭᠡᠬᠦ ᠮᠡᠲᠦ ᠪᠠᠷ ᠬᠡᠯᠡᠳᠡᠭ᠃ | ᠬᠤᠷᠠᠭᠠ ᠢᠰᠢᠭᠡ ᠶᠢ ᠴᠢᠮᠬᠢᠨ ᠵᠠᠰᠠᠬᠤ ᠳᠤ ᠵᠠᠪᠠᠯ ᠬᠠᠩᠰᠢ ᠶᠢᠨ ᠡᠳᠦᠷ ᠭᠡᠰᠡᠨ ᠪᠢᠰᠢ᠂ ᠰᠠᠯᠬᠢ ᠵᠢᠪᠠᠷ ᠪᠠᠭᠠ᠂ | ᠲᠤᠩᠭᠠᠯᠠᠭ ᠰᠠᠶᠢᠬᠠᠨ ᠪᠦᠭᠡᠳ ᠦᠯᠵᠡᠶᠢᠲᠦ ᠡᠳᠦᠷ ᠢ ᠰᠣᠩᠭᠤᠨ ᠬᠤᠷᠠᠭᠠ ᠢᠰᠢᠭᠡ ᠪᠠᠨ ᠨᠢᠭᠡ ᠬᠠᠰᠢᠶᠠᠨ ᠲᠤ | ᠴᠤᠭᠯᠠᠭᠤᠯᠬᠤ ᠪᠣᠶᠣ ᠡᠰᠡᠭᠦᠯᠡ ᠠᠶᠢᠯ ᠡᠷᠦᠬᠡ ᠪᠠᠷ ᠢᠶᠠᠨ ᠨᠢᠭᠡᠴᠡ ᠪᠣᠯᠭᠠᠨ ᠴᠢᠯᠬᠢᠨ ᠵᠠᠰᠠᠬᠤ ᠬᠤᠷᠠᠭᠠ | ᠢᠰᠢᠭᠡ ᠪᠠᠨ ᠬᠠᠰᠢᠶᠠᠯᠠᠨ ᠪᠡᠯᠡᠳᠭᠡᠨᠡ᠃ ᠬᠤᠷᠠᠭᠠ ᠢᠰᠢᠭᠡ ᠴᠢᠮᠬᠢᠨ ᠵᠠᠰᠠᠭᠴᠢ ᠬᠦᠮᠦᠨ ᠭᠠᠷ ᠪᠠ ᠬᠡᠷᠡᠭᠯᠡᠬᠦ | ᠬᠢᠲᠤᠭᠠ ᠪᠠᠨ ᠦᠨᠳᠦᠷ ᠰᠠᠩ ᠤᠨ ᠠᠷᠢᠭᠤᠨ ᠴᠠᠭᠠᠨ ᠤᠲᠤᠭᠠᠨ ᠳᠤ ᠠᠷᠢᠭᠤᠳᠬᠠᠨ ᠴᠡᠪᠡᠷᠯᠡᠭᠡᠳ ᠬᠤᠷᠠᠭᠠ | ᠢᠰᠢᠭᠡᠨ ᠤ ᠬᠠᠰᠢᠶᠠᠨ ᠳᠤ ᠤᠷᠤᠨᠠ᠃ ᠡᠨᠡ ᠦᠶᠡ ᠳᠤ ᠭᠡᠷ ᠤᠨ ᠡᠵᠡᠨ ᠠᠴᠠ ᠵᠤᠷᠰᠢᠯ ᠶᠤᠰᠤ ᠪᠠᠷ ᠮᠣᠳᠣᠨ | ᠰᠠᠭᠤᠯᠠᠭᠠᠨ ᠳᠤ ᠳᠣᠮᠳᠠᠭᠤᠷ ᠬᠢᠷᠢᠲᠡᠢ ᠰᠦ ᠰᠠᠪᠠᠯᠠᠭᠠᠳ ᠬᠠᠰᠢᠶᠠᠨ ᠤ ᠳᠣᠮᠳᠠ ᠨᠢ ᠲᠠᠯᠪᠢᠨᠠ᠃ ᠰᠠᠭᠤᠯᠠᠭᠠ ᠶᠢ | ᠠᠷᠢᠭᠤᠳᠬᠠᠨ ᠴᠡᠪᠡᠷᠯᠡᠬᠦ ᠨᠢ ᠪᠢᠷᠠᠭᠤ ᠵᠠᠰᠠᠬᠤ ᠲᠠᠢ ᠠᠳᠠᠯᠢᠬᠠᠨ ᠶᠤᠮ᠃ ᠳᠠᠷᠠᠭᠠ ᠪᠠᠷ ᠨᠢ ᠭᠡᠷ ᠤᠨ ᠡᠵᠡᠨ ᠠᠴᠠ | ᠬᠤᠴᠠ᠂ ᠤᠬᠤᠨᠠ ᠲᠠᠯᠪᠢᠬᠤ ᠪᠠᠷ ᠰᠣᠩᠭᠤᠭᠰᠠᠨ ᠬᠤᠷᠠᠭᠠ ᠢᠰᠢᠭᠡ ᠶᠢ ᠤᠷᠢᠳ ᠢᠶᠠᠷ ᠪᠠᠷᠢᠵᠤ ᠠᠪᠤᠭᠠᠳ | ᠬᠠᠰᠢᠶᠠᠨ ᠠᠴᠠ ᠭᠠᠷᠭᠠᠨᠠ᠃ ᠦᠯᠡᠳᠡᠭᠰᠡᠨ ᠴᠢᠮᠬᠢᠨ ᠵᠠᠰᠠᠬᠤ ᠭᠡᠵᠦ ᠪᠠᠶᠢᠭᠠ ᠬᠤᠷᠠᠭᠠ᠂ ᠢᠰᠢᠭᠡ ᠪᠠᠨ ᠨᠢᠭᠡ | ᠨᠢᠭᠡ ᠪᠠᠷ ᠨᠢ ᠪᠠᠷᠢᠵᠤ ᠠᠪᠤᠭᠠᠳ ᠴᠢᠩᠭᠠ ᠰᠢᠭ᠋ ᠲᠡᠪᠡᠷᠢᠵᠤ ᠵᠤᠭᠰᠤᠨᠠ᠃ | ᠵᠠᠰᠠᠭᠴᠢ ᠬᠦᠮᠦᠨ ᠤᠷᠢᠳ ᠢᠶᠠᠷ ᠬᠤᠷᠠᠭᠠ ᠪᠤᠶᠤ ᠢᠰᠢᠭᠡᠨ ᠤ ᠪᠦᠭᠡᠷᠡ ᠶᠢᠨ ᠬᠠᠪᠳᠠᠭ ᠢ ᠴᠢᠮᠬᠢᠨ ᠠᠪᠴᠤ᠂ | ᠳᠠᠷᠠᠭᠠ ᠨᠢ ᠬᠠᠪᠳᠠᠭ ᠳᠡᠭᠡᠷᠡ ᠠᠴᠠ ᠨᠢ ᠨᠢᠭᠡ ᠴᠢᠮᠬᠢ ᠦᠰᠦ ᠦᠭᠲᠡᠭᠡᠨ ᠠᠪᠴᠤ ᠲᠠᠷᠨᠢᠳᠠᠨ ᠦᠯᠢᠶᠡᠭᠡᠳ | ᠪᠦᠭᠡᠷᠡ ᠶᠢᠨ ᠬᠠᠪᠳᠠᠭ ᠢ ᠨᠢ ᠳᠠᠪᠤᠰᠤᠲᠠᠢ ᠤᠰᠣ ᠪᠠᠷ ᠰᠠᠶᠢᠲᠤᠷ ᠱᠠᠪᠰᠢᠵᠤ ᠬᠤᠷᠴᠠ ᠬᠢᠲᠤᠭᠠ ᠪᠠᠷ ᠪᠠᠭᠠ ᠰᠢᠭ᠋ | ᠬᠤᠶᠠᠷ ᠭᠤᠯᠳᠣ ᠤᠭᠲᠤᠯᠵᠤ ᠬᠤᠷᠠᠭᠠ ᠢᠰᠢᠭᠡ ᠶᠢᠨ ᠪᠢᠴᠢᠬᠠᠨ ᠪᠦᠭᠡᠨᠰᠦᠭ ᠢ ᠨᠢ ᠰᠢᠬᠠᠨ ᠭᠠᠷᠭᠠᠭᠠᠳ᠂ ᠨᠠᠷᠢᠨ | ᠬᠤᠶᠠᠷ ᠭᠤᠤᠷᠰᠤ ᠶᠢ ᠨᠢ ᠭᠠᠷ ᠢᠶᠠᠷ ᠢᠶᠠᠨ ᠰᠢᠭᠤᠳ ᠲᠠᠰᠣᠯᠵᠣ ᠪᠦᠭᠡᠨᠰᠦᠭ ᠢ ᠨᠢ ᠰᠠᠭᠤᠯᠠᠭᠠ ᠲᠠᠢ ᠰᠦᠨ | ᠳᠤᠲᠤᠷᠠ ᠬᠠᠶᠠᠵᠤ ᠤᠷᠤᠭᠤᠯᠤᠨᠠ᠃ ᠲᠡᠭᠡᠭᠡᠳ ᠵᠠᠰᠠᠭᠰᠠᠨ ᠬᠤᠷᠠᠭᠠ ᠪᠤᠶᠤ ᠢᠰᠢᠭᠡ ᠶᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠢ | ᠬᠡᠳᠦ ᠢᠯᠪᠢᠭᠡᠳ ᠲᠠᠯᠪᠢᠵᠤ ᠶᠠᠪᠤᠭᠤᠯᠤᠨᠠ᠃ ᠬᠦᠩᠭᠡᠯᠡᠬᠦ ᠠᠵᠢᠯᠯᠠᠭᠠ ᠨᠢ ᠡᠨᠡ ᠮᠡᠲᠦ ᠶᠠᠪᠤᠭᠳᠠᠵᠤ ᠬᠠᠰᠢᠶᠠ ᠲᠠᠢ | ᠬᠤᠷᠠᠭᠠ ᠢᠰᠢᠭᠡ ᠶᠢ ᠴᠢᠮᠬᠢᠨ ᠵᠠᠰᠠᠬᠤ ᠠᠵᠢᠯ ᠵᠶ᠋ᠠᠨᠲ᠋ᠡᠭᠦᠰᠭᠡᠨᠡ᠃ | ᠭᠡᠷ ᠤᠨ ᠡᠵᠡᠨ ᠰᠠᠭᠤᠯᠠᠭᠠ ᠲᠠᠢ ᠪᠦᠭᠡᠨᠰᠦᠭ ᠢ ᠭᠡᠷ ᠲᠡᠭᠡᠨ ᠠᠪᠴᠤ ᠤᠷᠤᠭᠠᠳ ᠡᠷᠲᠡ ᠠᠴᠠ ᠴᠡᠪᠡᠷᠯᠡᠨ | ᠪᠡᠯᠡᠳᠭᠡᠭᠰᠡᠨ ᠲᠤᠭᠤᠭᠠᠨ ᠳᠠᠭᠠᠨ ᠪᠦᠭᠡᠨᠰᠦᠭ ᠢ ᠰᠦ ᠲᠠᠢ ᠬᠠᠮᠲᠤ ᠳᠤᠨᠢ ᠴᠢᠳᠬᠤᠵᠤ ᠤᠷᠤᠭᠤᠯᠤᠭᠠᠳ ᠳᠡᠭᠡᠷᠡ ᠨᠢ | ᠣᠰᠤ ᠨᠡᠮᠡᠵᠦ᠂ ᠣᠬᠢᠶᠠᠵᠤ ᠴᠡᠪᠡᠷᠯᠡᠭᠰᠡᠨ ᠨᠠᠷᠢᠮᠤ ᠶᠢᠨ ᠴᠠᠭᠠᠨ ᠢ ᠪᠠᠭᠠ ᠬᠢᠵᠦ ᠵᠤᠤᠬᠠᠨ ᠳᠠᠭᠠᠨ ᠭᠠᠯ ᠨᠤᠴᠤᠭᠠᠨ | ᠪᠦᠭᠡᠨᠰᠦᠭ ᠲᠠᠢ ᠪᠤᠳᠠᠭᠠ ᠴᠢᠨᠠᠨᠠ᠃ | ᠪᠤᠳᠠᠭᠠ ᠪᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠭᠡᠷ ᠤᠨ ᠡᠵᠡᠨ ᠪᠤᠳᠠᠭᠠᠨ ᠠᠴᠠ ᠠᠶᠠᠭᠠᠯᠠᠨ ᠠᠪᠴᠤ ᠬᠦᠷᠢᠶᠡᠨ | ᠳᠤᠮᠳᠠ ᠪᠠᠨ ᠵᠤᠭᠰᠤᠵᠤ ᠲᠡᠭᠷᠢ ᠭᠠᠵᠠᠷ᠂ ᠨᠤᠲᠤᠭ ᠪᠡᠯᠴᠢᠭᠡᠷ᠂ ᠠᠭᠤᠯᠠ ᠤᠰᠤᠨ ᠤ ᠪᠠᠨ ᠨᠠᠪᠳᠠᠭ ᠰᠠᠪᠳᠠᠭ ᠲᠤ | ᠰᠠᠴᠤᠯᠢ ᠡᠷᠭᠦᠨ᠂ ᠮᠠᠯ ᠰᠦᠷᠦᠭ᠂ ᠠᠶᠢᠯ ᠬᠤᠲᠠ ᠶᠢᠨ ᠢᠶᠠᠨ ᠠᠮᠤᠷ ᠲᠦᠪᠰᠢᠨ ᠪᠠᠶᠢᠬᠤ ᠪᠠ ᠬᠤᠨᠢ ᠢᠮᠠᠭᠠᠨ | ᠰᠦᠷᠦᠭ ᠤᠨ ᠢᠶᠠᠨ ᠦᠨᠢᠷ ᠦᠰᠦᠯᠲᠡ ᠲᠠᠢ ᠪᠠᠶᠢᠬᠤ ᠶᠢ ᠳᠠᠭᠠᠳᠬᠠᠨᠠ᠃ ᠲᠡᠭᠡᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠪᠦᠬᠦ | ᠬᠦᠮᠦᠰ ᠪᠦᠭᠡᠨᠰᠦᠭ ᠲᠠᠢ ᠪᠤᠳᠠᠭᠠ ᠪᠠᠨ ᠢᠳᠡᠨᠡ᠃ ᠴᠡᠭᠡᠷᠯᠡᠬᠦ ᠨᠢᠭᠡᠨ ᠵᠦᠢᠯ ᠭᠡᠪᠡᠯ ᠡᠨᠡ ᠪᠤᠳᠠᠭᠠ ᠶᠢ ᠭᠠᠳᠠᠨᠠᠬᠢ | ᠬᠦᠮᠦᠨ ᠳᠤ ᠢᠳᠡᠭᠦᠯᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ ᠬᠤᠨᠢ ᠮᠠᠯ ᠤᠨ ᠪᠦᠭᠡᠨᠰᠦᠭ ᠲᠤ ᠦᠷᠡ ᠦᠨᠳᠦᠰᠦ | ᠦᠰᠦᠯᠲᠡ ᠪᠤᠶᠢᠵᠢᠯᠲᠠ ᠶᠢᠨ ᠠᠭᠤᠯᠭᠠ ᠪᠠ ᠮᠠᠯ ᠤᠨ ᠬᠡᠰᠢᠭ ᠪᠤᠶᠠᠨ ᠤᠷᠤᠰᠢᠳᠠᠭ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠮᠠᠯ | ᠰᠦᠷᠦᠭ ᠤᠨ ᠢᠶᠠᠨ ᠬᠡᠰᠢᠭ ᠪᠤᠶᠠᠨ ᠢ ᠶᠠᠭᠠᠬᠢᠨ ᠭᠠᠳᠠᠭᠰᠢ ᠶᠠᠪᠤᠭᠤᠯᠬᠤ ᠪᠣᠢ ᠭᠡᠳᠡᠭ ᠪᠢᠯᠡ᠃ | | | ︵ᠢᠷᠡᠯᠲᠡ᠄ ᠪᠤᠷᠵᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ᠂ ᠲᠠᠨᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠠᠷᠠᠴᠢᠯᠠᠭᠠ ᠶᠢᠨ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |