| ᠰᠦ ᠠᠴᠠ ᠰᠠᠯᠭᠠᠭᠰᠠᠨ ᠦᠶᠡ ᠳᠠᠬᠢ ᠲᠤᠷᠤᠢ ᠶᠢ ᠠᠷᠠᠴᠢᠯᠠᠬᠤ ᠨᠢ ᠪᠦᠬᠦᠶᠢᠯᠡ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠶᠢᠨ | ᠵᠠᠩᠭᠢᠯᠠᠭᠠ ᠪᠣᠯᠣᠨᠠ᠃ ᠡᠨᠡ ᠦᠶᠡ ᠳᠤ ᠬᠡᠷᠪᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠠᠷᠠᠴᠢᠯᠠᠵᠤ ᠲᠡᠵᠢᠭᠡᠬᠦ | ᠦᠭᠡᠢ ᠶᠤᠮ ᠪᠣᠯ ᠲᠤᠷᠤᠢ ᠶᠢᠨ ᠦᠰᠦᠯᠲᠡ ᠪᠣᠶᠢᠵᠢᠯᠲᠠ ᠶᠢ ᠨᠦᠯᠦᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠦᠬᠦᠭᠦᠯᠬᠦ ᠳᠤ | ᠬᠦᠷᠦᠭᠦᠯᠳᠡᠭ᠃ ᠶᠡᠷᠦ ᠳᠡᠭᠡᠨ ᠰᠦ ᠠᠴᠠ ᠰᠠᠯᠭᠠᠬᠤ ᠬᠤᠨᠤᠭ ᠤᠨ ᠲᠤᠭᠠ ᠶᠢ 30～35 ᠡᠳᠦᠷ ᠢᠶᠠᠷ ᠲᠤᠭᠲᠠᠭᠠᠵᠤ᠂ | ᠬᠠᠮᠤᠭ ᠡᠷᠲᠡ ᠳᠡᠭᠡᠨ 28 ᠡᠳᠦᠷ ᠢᠶᠠᠷ ᠲᠤᠭᠲᠠᠭᠠᠳᠠᠭ᠃ ᠰᠦ ᠠᠴᠠ ᠰᠠᠯᠭᠠᠬᠤ ᠠᠷᠭᠠ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ | ᠨᠢᠭᠡ ᠯᠡ ᠳᠡᠭᠡᠷᠡ ᠨᠢᠭᠡᠮᠦᠰᠦᠨ ᠰᠠᠯᠭᠠᠬᠤ ᠪᠣᠶᠣ ᠬᠤᠭᠤᠴᠠᠭᠠ ᠬᠤᠪᠢᠶᠠᠨ ᠬᠡᠰᠡᠭᠯᠡᠵᠦ ᠰᠠᠯᠭᠠᠳᠠᠭ᠃ ᠡᠮᠦᠨᠡᠬᠢ ᠨᠢ | ᠠᠷᠠᠴᠢᠯᠠᠭᠴᠢ ᠳᠤ ᠳᠦᠭᠦᠮ ᠪᠣᠯᠪᠠᠴᠤ ᠵᠠᠷᠢᠮ ᠪᠡᠶᠡ ᠪᠠᠭᠤᠷᠠᠢ ᠲᠤᠷᠤᠢ ᠳᠤ ᠠᠰᠢᠭ ᠦᠭᠡᠢ ᠪᠠᠶᠢᠳᠠᠭ᠃ ᠬᠤᠶᠢᠨᠠᠬᠢ ᠨᠢ | ᠪᠡᠶᠡ ᠪᠢᠯᠳᠠᠷ ᠪᠠᠭᠤᠷᠠᠢ ᠲᠤᠷᠤᠢ ᠳᠤ ᠰᠦ ᠠᠴᠠ ᠪᠠᠨ ᠰᠠᠯᠭᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠠᠷᠭᠠ ᠪᠣᠯᠣᠨᠠ᠃ ᠡᠨᠡ ᠠᠷᠭᠠ ᠨᠢ | ᠮᠡᠭᠡᠵᠢ ᠶᠢᠨ ᠬᠦᠬᠦᠭᠦᠯᠬᠦ ᠬᠤᠭᠤᠴᠠᠭᠠ ᠶᠢ ᠤᠷᠲᠤ ᠪᠤᠯᠭᠠᠵᠤ᠂ ᠬᠦᠴᠦ ᠲᠠᠮᠢᠷ ᠢᠶᠠᠨ ᠰᠡᠯᠭᠦᠵᠦ ᠳᠡᠶᠢᠯᠬᠦ ᠦᠭᠡᠢ | ᠪᠦᠭᠡᠳ ᠵᠠᠷᠢᠮ ᠮᠡᠭᠡᠵᠢ ᠳᠤ ᠬᠦᠬᠦ ᠨᠢ ᠦᠷᠪᠢᠰᠦᠭᠦᠯᠦᠭᠡᠳ ᠬᠡᠭᠡᠯᠳᠦᠭᠦᠯᠭᠡ ᠬᠢᠬᠦ ᠴᠠᠭ ᠢ ᠬᠤᠶᠢᠰᠢᠯᠠᠭᠤᠯᠳᠠᠭ᠃ | ᠲᠤᠷᠤᠢ ᠶᠢ ᠰᠦ ᠠᠴᠠ ᠨᠢ ᠰᠠᠯᠭᠠᠬᠤ ᠳᠤ ᠶᠡᠷᠦ ᠳᠡᠭᠡᠨ ᠳᠤᠤᠷᠠᠬᠢ ᠬᠡᠳᠦᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠳᠡᠭ᠄ | 1.ᠲᠤᠷᠤᠢ ᠶᠢ ᠰᠦ ᠠᠴᠠ ᠨᠢ ᠰᠠᠯᠭᠠᠬᠤ ᠠᠴᠠ ᠡᠮᠦᠨᠡ ᠡᠷᠬᠡᠪᠰᠢ ᠰᠦ ᠤᠷᠤᠭᠤᠯᠬᠤ ᠪᠤᠷᠳᠤᠭᠠ ᠶᠢ | ᠢᠳᠡᠭᠦᠯᠵᠦ᠂ ᠰᠢᠩᠭᠡᠭᠡᠯᠲᠡ ᠶᠢᠨ ᠰᠢᠰᠲ᠋ᠧᠮ ᠢ ᠨᠢ ᠳᠠᠰᠬᠠᠵᠤ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | 2.ᠰᠦ ᠶᠢ ᠨᠢ ᠵᠤᠭᠰᠤᠭᠠᠬᠤ ᠠᠴᠠ ᠡᠮᠦᠨᠡ 3 ᠡᠳᠦᠷ ᠲᠤ ᠮᠡᠭᠡᠵᠢ ᠶᠢᠨ ᠬᠤᠭᠤᠯᠠᠨ ᠤ ᠬᠡᠮᠵᠢᠶᠡ ᠶᠢ | ᠬᠠᠭᠠᠰ ᠢᠶᠠᠷ ᠬᠠᠰᠤᠵᠤ ᠰᠦ ᠱᠦᠭᠦᠷᠡᠭᠦᠯᠬᠦ ᠬᠡᠮᠵᠢᠶᠡ ᠶᠢ ᠪᠠᠭᠠᠰᠬᠠᠨᠠ᠂ ᠭᠡᠬᠦ ᠳᠡᠭᠡᠨ ᠮᠡᠭᠡᠵᠢ ᠶᠢᠨ ᠬᠦᠴᠦ ᠲᠠᠮᠢᠷ ᠢ | ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠶᠢ ᠨᠢ ᠬᠠᠰᠣᠬᠤ ᠦᠭᠡᠢ ᠪᠣᠶᠣ ᠪᠠᠭᠠ ᠰᠠᠭᠠ ᠬᠠᠰᠤᠨᠠ᠃ | 3.ᠲᠤᠷᠤᠢ ᠶᠢ ᠰᠦ ᠠᠴᠠ ᠰᠠᠯᠭᠠᠬᠤ ᠦᠶᠡ ᠳᠤ᠂ ᠮᠡᠭᠡᠵᠢ ᠶᠢ ᠣᠣᠯ ᠬᠡᠪᠲᠡᠷᠢ ᠠᠴᠠ ᠨᠢ ᠰᠠᠯᠭᠠᠨ ᠦᠭᠡᠷᠡ | ᠭᠠᠵᠠᠷ ᠶᠠᠪᠤᠭᠤᠯᠵᠤ᠂ ᠲᠤᠷᠣᠢ ᠶᠢ ᠨᠢ ᠬᠤᠴᠤᠷᠭᠠᠭᠠᠳ ᠪᠤᠷᠤᠭ ᠨᠢᠭᠡ ᠭᠠᠷᠠᠭ ᠰᠦ ᠤᠷᠤᠯᠠᠭᠤᠯᠬᠤ ᠪᠤᠷᠳᠤᠭᠠ ᠪᠠᠷ | ᠲᠡᠵᠢᠭᠡᠨᠡ᠃ ᠲᠤᠷᠤᠢ ᠠᠮᠢᠳᠤᠷᠠᠵᠤ ᠳᠠᠰᠤᠭᠰᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠳᠠᠭᠠᠨ ᠰᠦ ᠠᠴᠠ ᠪᠠᠨ ᠰᠠᠯᠵᠤ᠂ | ᠡᠬᠡ ᠠᠴᠠ ᠪᠠᠨ ᠰᠠᠯᠪᠠᠯ ᠰᠢᠨᠡ ᠮᠠᠶᠢᠳᠤᠷᠠᠯ ᠳᠠᠭᠠᠨ ᠮᠠᠰᠢ ᠬᠤᠷᠳᠤᠨ ᠵᠤᠬᠢᠴᠠᠨ ᠳᠠᠰᠴᠤ᠂ ᠡᠬᠡ ᠪᠠᠨ ᠮᠠᠷᠲᠠᠬᠤ ᠨᠢ | ᠬᠤᠷᠳᠤᠨ ᠪᠤᠯᠤᠭᠠᠳ ᠦᠰᠦᠯᠲᠡ ᠪᠣᠶᠢᠵᠢᠯᠲᠠ ᠳᠤᠨᠢ ᠳᠡᠮᠡᠢ ᠶᠡᠭᠡ ᠬᠠᠷᠰᠢ ᠰᠠᠭᠠᠳ ᠪᠣᠯᠬᠤ ᠦᠭᠡᠢ ᠶᠣᠮ᠃ | ᠰᠦ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠲᠤᠷᠤᠢ ᠳᠤ ᠤᠷᠴᠢᠨ ᠲᠤᠭᠤᠷᠢᠨ ᠤ ᠱᠠᠭᠠᠷᠳᠠᠯᠭᠠ ᠨᠢ ᠨᠡᠯᠢᠶᠡᠳ ᠦᠨᠳᠦᠷ | ᠪᠠᠶᠢᠳᠠᠭ᠃ ᠤᠨᠴᠠᠭᠠᠶᠢᠯᠠᠨ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢᠨ ᠬᠤᠪᠢᠷᠠᠯᠲᠠ ᠳᠤ ᠲᠤᠩ ᠰᠡᠷᠭᠡᠭ ᠪᠣᠯᠳᠠᠭ᠃ ᠰᠦ ᠠᠴᠠ | ᠰᠠᠯᠭᠠᠬᠤ ᠬᠠᠰᠢᠶᠠ ᠰᠠᠷᠠᠪᠴᠢᠨ ᠤ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ 26℃ ᠤᠷᠴᠢᠮ ᠪᠠᠶᠢᠯᠭᠠᠬᠤ ᠬᠡᠷᠡᠭᠲᠡᠢ᠃ ᠰᠠᠶ᠋ᠢ | ᠰᠦ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠲᠤᠷᠤᠢ ᠨᠢ ᠡᠬᠡ ᠶᠢᠨ ᠰᠦ ᠦᠭᠡᠢ ᠪᠣᠯᠣᠭᠰᠠᠨ ᠤ ᠰᠡᠭᠦᠯᠡᠷ ᠢᠳᠡᠰᠢᠯᠡᠬᠦ ᠬᠡᠮᠵᠢᠶᠡ ᠨᠢ | ᠳᠤᠷᠣᠭᠰᠢᠯᠠᠵᠤ᠂ ᠳᠣᠯᠠᠭᠠᠨ ᠤ ᠬᠡᠮᠵᠢᠶᠡᠨ ᠤ ᠱᠠᠭᠠᠷᠳᠠᠯᠭᠠ ᠨᠢ ᠰᠦ ᠰᠠᠯᠭᠠᠬᠤ ᠠᠴᠠ ᠡᠮᠦᠨᠡᠬᠢ ᠠᠴᠠ ᠦᠨᠳᠦᠷ | ᠪᠠᠶᠢᠳᠠᠭ᠃ ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭᠠ ᠲᠤᠷᠤᠢ ᠲᠡᠵᠢᠭᠡᠯ ᠪᠤᠳᠤᠭᠠ ᠳᠠᠭᠠᠨ ᠳᠠᠰᠴᠣ ᠢᠳᠡᠰᠢᠯᠡᠬᠦ ᠬᠡᠮᠵᠢᠶᠡ ᠨᠢ | ᠠᠭᠠᠵᠢᠮ ᠢᠶᠠᠷ ᠨᠡᠮᠡᠭᠳᠡᠬᠦ ᠦᠶᠡ ᠳᠤ ᠤᠷᠴᠢᠨ ᠲᠤᠭᠤᠷᠢᠨ ᠤ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ ᠨᠢ ᠪᠠᠭᠠ ᠪᠠᠭᠤᠷᠠᠭᠤᠯᠵᠤ | ᠪᠤᠯᠤᠨᠠ᠃ ᠲᠤᠷᠤᠢ ᠶᠢᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠶᠢ ᠡᠷᠬᠡᠪᠰᠢ ᠬᠠᠭᠤᠷᠠᠢ ᠪᠥᠭᠡᠳ ᠴᠡᠪᠡᠷᠬᠡᠨ ᠪᠠᠶᠢᠯᠭᠠᠵᠤ᠂ ᠬᠤᠯᠠᠭᠠᠢ | ᠰᠠᠯᠬᠢ ᠠᠴᠠ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ᠃ | ︵ᠢᠷᠡᠯᠲᠡ᠄ ᠵᠢᠷᠭᠠᠯ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠭᠠᠭ᠋ᠠᠢ ᠲᠠᠬᠢᠶᠠ ᠨᠤᠭᠤᠰᠤ ᠲᠡᠵᠢᠭᠡᠵᠦ ᠪᠤᠷᠳᠤᠬᠤ | ᠮᠡᠷᠭᠡᠵᠢᠯ︾ ᠭᠡᠬᠦ ᠨᠣᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠠ᠃︶ |