| ︵ᠨᠢᠭᠡ︶ ᠬᠤᠨᠤᠭ ᠤᠨ ᠪᠤᠷᠳᠤᠭᠠᠨ ᠤ ᠰᠤᠯᠢᠭᠳᠠᠯ᠃ ᠴᠤᠷᠪᠠᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠠᠴᠠ | ᠪᠤᠶᠢᠵᠢᠭᠤᠯᠤᠯᠲᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠰᠢᠯᠵᠢᠨ ᠤᠷᠤᠬᠤ ᠦᠶᠡ ᠶᠢᠨ ᠪᠤᠷᠳᠤᠭᠠ ᠶᠢ ᠰᠤᠯᠢᠵᠦ ᠲᠤᠬᠢᠷᠠᠭᠤᠯᠬᠤ | ᠪᠤᠯ ᠶᠡᠭᠡ ᠴᠢᠬᠤᠯᠠ ᠡᠷᠬᠢᠯᠲᠡ ᠪᠤᠯᠬᠤ ᠶᠤᠮ᠃ 3 ~ 7 ᠭᠠᠷᠠᠭ ᠨᠠᠰᠤᠲᠠᠢ ᠴᠤᠷᠪᠠᠭᠠ ᠶᠢᠨ 1 ~ 2 ᠡᠳᠦᠷ ᠲᠤ᠂ | 2 / 3 ᠶᠢᠨ ᠴᠤᠷᠪᠠᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠤ ᠪᠤᠷᠳᠤᠭᠠ ᠪᠤᠯᠤᠨ 1 / 3 ᠶᠢᠨ ᠪᠤᠶᠢᠵᠢᠭᠤᠯᠤᠯᠲᠠ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠪᠤᠷᠳᠤᠭᠠ ᠶᠢ ᠬᠤᠯᠢᠵᠦ ᠲᠡᠵᠢᠭᠡᠨᠡ᠃ 3 ~ 4 ᠳ᠋ᠦ᠋ᠭᠡᠷ ᠡᠳᠦᠷ ᠲᠤ 1 / 2 ᠶᠢᠨ ᠴᠤᠷᠪᠠᠭᠠ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠪᠤᠷᠳᠤᠭᠠ ᠶᠢ ᠬᠤᠯᠢᠨ ᠲᠡᠵᠢᠭᠡᠵᠦ᠂ 5 ~ 6 ᠳ᠋ᠤᠭᠠᠷ ᠡᠳᠦᠷ ᠲᠤ 1 / 3 ᠶᠢᠨ ᠴᠤᠷᠪᠠᠭᠠ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠪᠤᠷᠳᠤᠭᠠ ᠪᠤᠯᠤᠨ 2 / 3 ᠤᠨ ᠪᠤᠶᠢᠵᠢᠭᠤᠯᠤᠯᠲᠠ ᠶᠢᠨ ᠬᠤᠭᠤᠴᠠᠭᠠᠨ ᠤ ᠪᠤᠷᠳᠤᠭᠠ ᠶᠢ ᠬᠤᠯᠢᠵᠦ | ᠲᠡᠵᠢᠭᠡᠭᠰᠡᠭᠡᠷ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠴᠦᠮ ᠪᠤᠶᠢᠵᠢᠭᠤᠯᠤᠯᠲᠠ ᠶᠢᠨ ᠬᠤᠭᠤᠴᠠᠭᠠᠨ ᠤ ᠪᠤᠷᠳᠤᠭᠠ ᠪᠠᠷ ᠲᠡᠵᠢᠭᠡᠨᠡ᠃ | ︵ᠬᠤᠶᠠᠷ︶ ᠪᠤᠷᠳᠤᠭᠠ ᠰᠤᠯᠢᠬᠤ ᠳᠤ ᠪᠡᠶᠡ ᠶᠢᠨ ᠬᠦᠨᠳᠦ ᠪᠠ ᠮᠡᠬᠦᠷᠬᠡᠢ ᠶᠢᠨ ᠤᠷᠲᠤ ᠶᠢᠨ | ᠦᠵᠡᠭᠦᠯᠦᠯᠭᠡ ᠪᠠᠷ ᠪᠠᠷᠢᠮᠵᠢᠶᠠ ᠪᠤᠯᠭᠠᠨᠠ᠃ ᠳᠠᠷᠤᠢ 6 ᠭᠠᠷᠠᠭ ᠨᠠᠰᠤᠨ ᠤ ᠰᠡᠭᠦᠯᠴᠢ ᠦᠶᠡ ᠶᠢᠨ ᠪᠡᠶᠡ ᠶᠢᠨ ᠬᠦᠨᠳᠦ | ᠪᠠ ᠮᠡᠬᠦᠷᠬᠡᠢ ᠶᠢᠨ ᠤᠷᠲᠤ ᠶᠢ ᠲᠤᠰ ᠲᠤᠰ ᠪᠠᠶᠢᠴᠠᠭᠠᠵᠦ ᠪᠠᠷᠢᠮᠵᠢᠶᠠᠨ ᠳᠤ ᠬᠦᠷᠦᠭᠰᠡᠨ ᠡᠰᠡᠬᠦ ᠶᠢ ᠦᠵᠡᠨᠡ᠂ ᠬᠡᠷᠪᠡ | ᠬᠦᠷᠦᠭᠰᠡᠨ ᠦᠭᠡᠢ ᠪᠤᠯ 7 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠤ ᠰᠡᠭᠦᠯᠡᠷ ᠰᠠᠶ᠋ᠢ ᠪᠤᠷᠳᠤᠭᠠ ᠶᠢ ᠨᠢ ᠰᠤᠯᠢᠨᠠ᠃ | ︵ᠭᠤᠷᠪᠠ︶ ᠲᠡᠵᠢᠭᠡᠬᠦ ᠬᠡᠮᠵᠢᠶᠡ ᠶᠢ ᠬᠢᠵᠠᠭᠠᠷᠯᠠᠬᠤ᠃ ᠲᠠᠬᠢᠶᠠᠨ ᠤ ᠪᠥᠢᠵᠢᠭᠤᠯᠤᠯᠲᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ | ᠬᠤᠵᠢᠮ ᠤᠨ ᠦᠨᠳᠡᠭᠡ ᠶᠢᠨ ᠭᠠᠷᠤᠯᠲᠠ ᠶᠢ ᠨᠦᠯᠦᠭᠡᠯᠡᠬᠦ ᠠᠴᠠ ᠬᠢᠴᠢᠶᠡᠵᠦ ᠲᠡᠵᠢᠭᠡᠬᠦ ᠬᠡᠮᠵᠢᠶᠡ ᠶᠢ ᠬᠢᠵᠠᠭᠠᠷᠯᠠᠳᠠᠭ᠃ | 1.ᠲᠡᠵᠢᠭᠡᠬᠦ ᠬᠡᠮᠵᠢᠶᠡ ᠶᠢ ᠬᠢᠵᠠᠭᠠᠷᠯᠠᠬᠤ ᠵᠤᠷᠢᠯᠭᠠ᠃ ① 6 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠲᠠᠬᠢᠶᠠ ᠶᠢ | ᠡᠬᠢᠯᠡᠵᠦ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢ ᠨᠢ ᠬᠢᠵᠠᠭᠠᠷᠯᠠᠨᠠ᠃ ② ᠦᠭᠡᠭᠦᠨ ᠤ ᠬᠠᠳᠠᠭᠠᠯᠠᠯᠲᠠ ᠶᠢ ᠪᠠᠷᠢᠮᠵᠢᠶᠠᠨ ᠳᠤ | ᠨᠡᠶᠢᠴᠡᠭᠦᠯᠦᠨ ᠦᠨᠳᠡᠭᠡᠨ ᠤ ᠭᠠᠷᠤᠯᠲᠠ ᠶᠢᠨ ᠦᠷᠭᠦᠯᠵᠢᠯᠡᠯ ᠢ ᠪᠠᠲᠤᠯᠠᠨᠠ᠃ ③ ᠴᠡᠪᠡᠷ ᠴᠢᠬᠢᠷᠠᠭ ᠪᠡᠶᠡ ᠪᠢᠯᠳᠡᠷ | ᠲᠠᠢ ᠪᠤᠶᠢᠵᠢᠭᠤᠯᠤᠯᠲᠠ ᠶᠢᠨ ᠲᠠᠬᠢᠶᠠ ᠶᠢ ᠪᠤᠢ ᠪᠤᠯᠭᠠᠨᠠ᠃ ④ ᠪᠡᠯᠭᠡ ᠨᠢ ᠡᠷᠲᠡ ᠪ᠊ ᠤᠯᠪᠠᠰᠦᠷᠠᠬᠤ ᠠᠴᠠ | ᠵᠠᠶᠢᠯᠡᠰᠬᠢᠵᠦ᠂ ᠦᠨᠳᠡᠭᠡᠯᠡᠬᠦ ᠦᠶᠡ ᠶᠢᠨ ᠦᠨᠳᠡᠭᠡᠨ ᠤ ᠴᠢᠨᠠᠷ ᠢ ᠪᠠᠲᠤᠯᠠᠨᠠ᠃ ⑤ ᠦᠨᠳᠡᠭᠡᠯᠡᠬᠦ ᠬᠤᠭᠤᠴᠠᠭᠠᠨ ᠳᠠᠬᠢ | ᠲᠠᠬᠢᠶᠠᠨ ᠤ ᠬᠤᠬᠢᠷᠠᠵᠦ ᠰᠦᠢᠳᠬᠦ ᠨᠤᠷᠮᠠ ᠶᠢ ᠪᠠᠭᠠᠰᠬᠠᠨᠠ᠃ ⑥ ᠪᠤᠷᠳᠤᠭᠠ ᠠᠷᠪᠢᠯᠠᠨᠠ᠃ | 2.ᠲᠡᠵᠢᠭᠡᠬᠦ ᠬᠡᠮᠵᠢᠶᠡ ᠶᠢ ᠬᠢᠵᠠᠭᠠᠷᠯᠠᠬᠤ ᠠᠷᠭᠠ᠃ ᠤᠳᠤᠬᠠᠨ ᠳᠤ ᠭᠤᠤᠯᠳᠠᠭᠤ ᠲᠠᠬᠢᠶᠠᠨ ᠤ ᠢᠳᠡᠰᠢᠨ ᠤ | ᠬᠡᠮᠵᠢᠶᠡ ᠶᠢ ᠬᠢᠵᠠᠭᠠᠷᠯᠠᠬᠤ ᠠᠷᠭᠠ ᠶᠢ ᠠᠪᠴᠦ ᠪᠤᠢ᠃ ᠡᠨᠡ ᠠᠷᠭᠠ ᠶᠢ ᠬᠡᠷᠡᠭᠯᠡᠬᠦ ᠳᠤ ᠡᠷᠬᠡᠪᠰᠢ ᠲᠠᠬᠢᠶᠠᠨ ᠤ ᠬᠡᠪ ᠤᠨ | ᠢᠳᠡᠰᠢᠯᠡᠬᠦ ᠬᠡᠮᠵᠢᠶᠡ ᠶᠢ ᠮᠡᠳᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠪᠤᠲᠠᠲᠠᠢ ᠬᠡᠷᠡᠭᠵᠢᠬᠦᠯᠬᠦ ᠦᠶᠡ ᠳᠤ ᠴᠤᠷᠪᠠᠭᠠ ᠶᠢᠨ | ᠨᠡᠪᠴᠢᠭᠰᠡᠨ ᠴᠠᠭ᠂ ᠭᠠᠷᠠᠭ ᠨᠠᠰᠤ ᠪᠠ ᠪᠠᠷᠢᠮᠵᠢᠶᠠᠲᠦ ᠲᠡᠵᠢᠭᠡᠬᠦ ᠬᠡᠮᠵᠢᠶᠡ ᠶᠢ ᠮᠡᠳᠡᠵᠦ ᠠᠪᠤᠭᠠᠳ ᠢᠳᠡᠰᠢ | ᠬᠢᠵᠠᠭᠠᠷᠯᠠᠬᠤ ᠠᠷᠭᠠ ᠬᠡᠮᠵᠢᠶᠡ ᠶᠢ ᠲᠤᠭᠲᠠᠭᠠᠳᠠᠭ᠃ ᠡᠨᠡ ᠠᠷᠭᠠ ᠶᠢ 7~ 8 ᠭᠠᠷᠠᠭ ᠨᠠᠰᠤᠨ ᠠᠴᠠ ᠡᠬᠢᠯᠡᠵᠦ | ᠬᠡᠷᠡᠭᠵᠢᠭᠦᠯᠵᠦ ᠪᠤᠯᠤᠨᠠ᠃ ᠭᠡᠬᠦ ᠳᠡᠭᠡᠨ ᠬᠤᠨᠤᠭ ᠤᠨ ᠪᠤᠷᠳᠤᠭᠠᠨ ᠤ ᠴᠢᠨᠠᠷ ᠢ ᠡᠷᠬᠡᠪᠰᠢ ᠪᠠᠲᠦᠯᠠᠬᠤ ᠬᠡᠷᠡᠭᠲᠡᠢ᠃ | ᠬᠡᠷᠪᠡ ᠬᠡᠮᠵᠢᠶᠡ ᠨᠢ ᠪᠠᠭᠠ ᠳᠡᠭᠡᠷᠡ ᠪᠠᠨ ᠴᠢᠨᠠᠷ ᠨᠢ ᠪᠠᠰᠠ ᠮᠠᠭᠤ ᠪᠤᠯᠪᠠᠯ ᠤᠷᠪᠠᠭᠤ ᠦᠢᠯᠡᠳᠦᠯ ᠦᠵᠡᠭᠦᠯᠬᠦ | ᠪᠤᠯᠤᠨᠠ᠃ | 3.ᠲᠡᠵᠢᠭᠡᠬᠦ ᠶᠢ ᠬᠢᠵᠠᠭᠠᠷᠯᠠᠬᠤ ᠳᠤ ᠠᠩᠬᠠᠷᠬᠤ ᠵᠦᠢᠯ᠃ ① ᠲᠠᠬᠢᠶᠠᠨ ᠤ ᠡᠭᠦᠯᠳᠡᠷ᠂ ᠨᠡᠪᠴᠢᠭᠰᠡᠨ ᠴᠠᠭ᠂ | ᠪᠠᠶᠢᠷᠢ ᠶᠢᠨ ᠬᠡᠯᠪᠡᠷᠢ ᠵᠢᠴᠢ ᠪᠤᠷᠳᠤᠭᠠᠨ ᠤ ᠨᠦᠬᠦᠴᠡᠯ ᠵᠡᠷᠭᠡ ᠶᠢ ᠦᠨᠳᠦᠰᠦᠯᠡᠨ ᠲᠤᠬᠠᠢ ᠶᠢᠨ ᠪᠠᠶᠢᠳᠠᠯ ᠳᠤᠨᠢ | ᠵᠤᠬᠢᠴᠠᠭᠤᠯᠵᠦ ᠲᠡᠵᠢᠭᠡᠯ ᠢ ᠨᠢ ᠬᠢᠵᠠᠭᠠᠷᠯᠠᠬᠤ ᠶᠢ ᠵᠦᠪ ᠤᠨᠤᠪᠴᠢᠲᠠᠢ ᠬᠡᠷᠡᠭᠵᠢᠭᠦᠯᠦᠨᠡ᠃ ᠠᠳᠠᠯᠢ ᠪᠤᠰᠤ ᠭᠠᠷᠠᠭ | ᠨᠠᠰᠤᠨ ᠤ ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠲᠤᠭᠠ ᠶᠢ ᠨᠠᠷᠢᠨ ᠠᠪᠴᠦ᠂ ᠦᠭᠬᠦ ᠪᠤᠷᠳᠤᠭᠠ ᠪᠠᠨ ᠤᠨᠤᠪᠴᠢᠲᠠᠢ ᠵᠢᠩᠯᠡᠵᠦ | ᠪᠡᠯᠡᠳᠬᠡᠨᠡ᠃ ᠲᠠᠬᠢᠶᠠᠨ ᠰᠦᠷᠦᠭ ᠢ ᠠᠳᠠᠯᠢ ᠨᠢᠭᠡᠨ ᠴᠠᠭ ᠲᠤ ᠠᠳᠠᠯᠢ ᠪᠤᠷᠳᠤᠭᠠ ᠪᠠᠷ ᠲᠡᠵᠢᠭᠡᠬᠦ ᠶᠢ ᠪᠠᠷᠢᠮᠳᠠᠯᠠᠨᠠ᠃ | ᠮᠠᠰᠢᠨ ᠢᠶᠠᠷ ᠲᠡᠵᠢᠭᠡᠭᠰᠡᠨ ᠴᠦ ᠲᠡᠷᠡ᠂ ᠡᠩ ᠤᠨ ᠲᠡᠵᠢᠭᠡᠬᠦ ᠰᠠᠪᠠᠨ ᠳᠤ ᠲᠡᠵᠢᠭᠡᠭᠰᠡᠨ ᠴᠦ ᠲᠡᠷᠡ᠂ ᠲᠡᠵᠢᠭᠡᠬᠦ ᠠᠴᠠ | ᠡᠮᠦᠨᠡ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠤ ᠤᠩᠭᠤᠴᠠ ᠶᠢ ᠳᠦᠭᠦᠷᠭᠡᠵᠦ ᠲᠠᠯᠪᠢᠨ᠂ ᠲᠠᠬᠢᠶᠠᠳ ᠤᠨ ᠵᠢᠭᠳᠡ ᠪᠤᠰᠤ | ᠢᠳᠡᠰᠢᠯᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠡᠢ᠃ ② ᠲᠠᠬᠢᠶᠠᠨ ᠤ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠲᠠᠷᠢᠯᠭᠠ ᠶᠢ ᠴᠠᠭ ᠲᠤᠬᠠᠢ | ᠳᠤᠨᠢ ᠬᠢᠨᠡ᠃ ᠲᠠᠬᠢᠶᠠ ᠶᠢ ᠰᠦᠷᠦᠭ ᠰᠢᠯᠵᠢᠭᠦᠯᠦᠭᠰᠡᠨ᠂ ᠬᠤᠯᠡ ᠵᠦᠭᠡᠭᠡᠪᠦᠷᠢᠯᠡᠭᠰᠡᠨ᠂ ᠡᠪᠡᠳᠴᠢᠨ ᠬᠢᠵᠢᠭ | ᠳᠡᠯᠭᠡᠷᠡᠵᠦ ᠰᠡᠲᠦᠯᠲᠡ ᠤᠯᠤᠭᠰᠠᠨ ᠪᠠᠶᠢᠳᠡᠯ ᠳᠤᠤᠷᠠ ᠲᠡᠵᠢᠭᠡᠬᠦ ᠶᠢ ᠬᠢᠵᠠᠭᠠᠷᠯᠠᠬᠤ ᠲᠦᠰᠦᠪ ᠢᠶᠠᠨ ᠦᠭᠡᠷᠡᠴᠢᠯᠡᠵᠦ᠂ | ᠬᠡᠪ ᠤᠨ ᠪᠠᠶᠢᠳᠡᠯ ᠨᠢ ᠰᠡᠷᠭᠦᠭᠰᠡᠨ ᠤ ᠰᠡᠭᠦᠯᠡᠷ ᠰᠠᠶ᠋ᠢ ᠲᠡᠵᠢᠭᠡᠬᠦ ᠶᠢ ᠨᠢ ᠬᠢᠵᠠᠭᠠᠷᠯᠠᠨᠠ᠃ ③ ᠬᠢᠵᠠᠭᠠᠷᠯᠠᠭᠰᠠᠨ | ᠲᠠᠬᠢᠶᠠ ᠶᠢ ᠬᠢᠵᠠᠭᠠᠷᠯᠠᠭᠰᠠᠨ ᠦᠭᠡᠢ ᠲᠠᠬᠢᠶᠠ ᠶᠢᠨ ᠪᠡᠶᠡ ᠶᠢᠨ ᠬᠦᠨᠳᠦ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ 10％~ 20％ | ᠤᠷᠴᠢᠮ ᠬᠦᠩᠭᠡᠨ ᠪᠠᠶᠢᠳᠠᠭ᠃ ᠬᠡᠷᠪᠡ 30％ ᠠᠴᠠ ᠲᠡᠭᠡᠭᠰᠢ ᠬᠦᠩᠭᠡᠨ ᠪᠤᠯᠤᠭᠰᠠᠨ ᠪᠤᠶᠤ 20 ᠭᠠᠷᠠᠭ | ᠪᠤᠯᠤᠭᠰᠠᠨ ᠲᠠᠬᠢᠶᠠᠨ ᠤ ᠳᠤᠮᠳᠠᠴᠢ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 1050 ᠭᠷᠡᠮ ᠠᠴᠠ ᠬᠦᠩᠬᠡᠨ ᠪᠤᠯᠬᠤ ᠳᠤ ᠬᠦᠷᠪᠡᠯ | ᠬᠤᠵᠢᠮ ᠤᠨ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠨᠢ ᠬᠠᠷᠰᠢᠯᠠᠭᠳᠠᠵᠤ ᠬᠤᠬᠢᠷᠠᠯ ᠤᠨ ᠨᠤᠷᠮᠠ ᠨᠢ ᠴᠦ ᠨᠡᠮᠡᠭᠳᠡᠳᠡᠭ᠃ ④ ᠰᠤᠬᠤᠷ | ᠪᠠᠯᠠᠢ ᠪᠠᠷ ᠬᠢᠵᠠᠭᠠᠷᠯᠠᠨ ᠲᠡᠵᠢᠭᠡᠵᠦ ᠪᠤᠯᠬᠤ ᠦᠭᠡᠢ᠂ ᠬᠡᠷᠪᠡ ᠪᠤᠷᠳᠤᠭᠠᠨ ᠤ ᠨᠦᠬᠦᠴᠡᠯ ᠮᠠᠭᠤ᠂ ᠪᠡᠯᠡᠳᠭᠡᠯ ᠲᠠᠬᠢᠶᠠᠨ ᠤ | ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠬᠦᠩᠭᠡᠨ ᠪᠠᠶᠢᠬᠤ ᠳᠤ ᠬᠦᠷᠪᠡᠯ ᠪᠤᠷᠲᠤᠬᠤ ᠶᠢ ᠬᠢᠵᠠᠭᠠᠷᠯᠠᠵᠦ ᠪᠤᠯᠬᠤ ᠦᠭᠡᠢ᠃ | 4.ᠤᠰᠤᠯᠠᠬᠤ ᠳᠤ ᠠᠩᠬᠠᠷᠬᠤ ᠵᠦᠢᠯ᠃ ᠪᠤᠶᠢᠵᠢᠭᠤᠯᠤᠯᠲᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠪᠠᠶᠢᠭᠠ ᠲᠠᠬᠢᠶᠠ | ᠪᠦᠷᠢ ᠶᠢᠨ ᠤᠰᠦ ᠤᠤᠭᠤᠬᠤ ᠦᠶᠡ ᠳᠠᠬᠢ ᠪᠠᠶᠢᠷᠢ ᠨᠢ 3 ᠰᠡᠨᠲ᠋ᠢᠮᠧᠲᠷ ᠤᠨ ᠵᠠᠢ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠤᠰᠤᠨ ᠤ ᠠᠷᠢᠭᠤᠨ ᠴᠡᠪᠡᠷ ᠢ ᠠᠩᠬᠠᠷᠴᠦ᠂ ᠤᠰᠤᠨ ᠤ ᠰᠠᠪᠠ ᠶᠢ ᠡᠳᠦᠷ ᠪᠦᠷᠢ ᠤᠬᠢᠶᠠᠵᠦ᠂ ᠤᠰᠤᠯᠠᠬᠤ ᠭᠠᠵᠠᠷ ᠢ | ᠰᠤᠯᠢᠬᠤ ᠦᠭᠡᠢ᠂ ᠬᠤᠪᠢᠷᠠᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠤᠰᠤᠯᠠᠬᠤ ᠬᠡᠮᠵᠢᠶᠡ ᠨᠢ ᠢᠳᠡᠰᠢᠯᠡᠭᠰᠡᠨ ᠪᠠᠶᠢᠳᠠᠯ ᠪᠠ | ᠪᠡᠶᠡ ᠶᠢᠨ ᠬᠦᠨᠳᠦ ᠲᠠᠢ ᠬᠤᠯᠪᠤᠭᠳᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠠᠭᠠᠷ ᠤᠨ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠲᠠᠢ | ᠬᠤᠯᠪᠤᠭᠳᠠᠳᠠᠭ᠃ ᠡᠶᠢᠮᠦ ᠠᠴᠠ ᠲᠡᠭᠷᠢ ᠬᠠᠯᠠᠭᠤᠨ ᠪᠤᠯ ᠬᠦᠢᠲᠡᠨ ᠤᠰᠦ ᠦᠭᠴᠦ᠂ ᠤᠳᠠᠭᠠ ᠪᠦᠷᠢ ᠤᠰᠤ ᠶᠢ ᠨᠢ | ᠰᠤᠯᠢᠵᠦ ᠦᠭᠬᠦ ᠭᠡᠷᠡᠭᠲᠡᠢ᠃ | 5.ᠪᠡᠶᠡ ᠶᠢᠨ ᠬᠦᠨᠳᠦ ᠪᠠ ᠵᠢᠭᠲᠡ ᠶᠢᠨ ᠬᠡᠮᠵᠢᠶᠡ ᠶᠢ ᠤᠨᠤᠪᠴᠢᠲᠠᠢ ᠬᠡᠮᠵᠢᠬᠦ ᠬᠡᠷᠡᠭᠲᠡᠢ᠃ ᠬᠦᠩᠭᠡᠨ ᠬᠡᠪᠰᠢᠯᠲᠦ | ᠡᠭᠦᠯᠳᠡᠷ ᠤᠨ ᠲᠠᠬᠢᠶᠠ ᠶᠢ 6 ᠭᠠᠷᠠᠭ ᠨᠠᠰᠤᠨ ᠠᠴᠠ ᠡᠬᠢᠯᠡᠵᠦ 1 ~ 2 ᠭᠠᠷᠠᠭ ᠠᠯᠤᠰᠯᠠᠬᠤ ᠪᠦᠷᠢ ᠨᠢᠭᠡ ᠤᠳᠠᠭᠠ | ᠪᠡᠶᠡ ᠶᠢᠨ ᠬᠦᠨᠳᠦ ᠶᠢ ᠨᠢ ᠬᠡᠮᠵᠢᠵᠦ᠂ ᠳᠤᠮᠳᠡ ᠬᠡᠪᠰᠢᠯᠲᠦ ᠡᠭᠦᠯᠳᠡᠷ ᠤᠨ ᠲᠠᠬᠢᠶᠠ ᠶᠢ 4 ᠭᠠᠷᠠᠭ ᠨᠠᠰᠤᠨ ᠠᠴᠠ | ᠬᠤᠶᠢᠰᠢ 1 ~ 2 ᠭᠠᠷᠠᠭ ᠠᠯᠤᠰᠯᠠᠬᠤ ᠪᠦᠷᠢ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢ ᠨᠢ ᠨᠢᠭᠡ ᠤᠳᠠᠭᠠ ᠬᠡᠮᠵᠢᠬᠦ ᠬᠡᠷᠡᠭᠲᠡᠢ᠃ | ᠡᠳᠡᠭᠡᠷ ᠨᠢ ᠪᠦᠷ ᠢᠳᠡᠰᠢ ᠶᠢᠨ ᠬᠡᠮᠵᠢᠶᠡ ᠶᠢ ᠲᠤᠭᠲᠠᠭᠠᠬᠤ ᠪᠠᠷ ᠵᠤᠷᠢᠯᠭᠠ ᠪᠠᠨ ᠪᠤᠯᠭᠠᠳᠠᠭ᠃ ᠬᠡᠷᠪᠡ ᠨᠢᠭᠡ ᠲᠦᠮᠡᠨ | ᠲᠠᠬᠢᠶᠠ ᠪᠠᠶᠢᠬᠤ ᠪᠠᠷ ᠵᠢᠱᠢᠶᠡᠯᠡᠵᠦ ᠪᠤᠳᠤᠪᠡᠯ 1％ ᠶᠢ ᠨᠢ ᠪᠠᠶᠢᠴᠠᠭᠠᠵᠦ᠂ ᠡᠭᠦᠨ ᠠᠴᠠ ᠴᠦᠬᠡᠨ ᠦᠶᠡᠰ 5％ ᠪᠠᠷ | ᠪᠠᠶᠢᠴᠠᠭᠠᠨᠠ᠃ ᠭᠡᠬᠦ ᠳᠡᠭᠡᠨ 50 ᠲᠠᠬᠢᠶᠠ ᠠᠴᠠ ᠴᠦᠬᠡᠨ ᠪᠠᠶᠢᠵᠦ ᠪᠤᠯᠬᠤ ᠦᠭᠡᠢ᠃ ᠵᠢᠩᠯᠡᠵᠦ ᠪᠠᠶᠢᠴᠠᠭᠠᠬᠤ ᠳᠠᠭᠠᠨ | ᠲᠠᠬᠢᠶᠠᠳ ᠤᠨ ᠲᠤᠲᠤᠷᠠ ᠠᠴᠠ ᠲᠦᠯᠦᠭᠡᠯᠡᠬᠦ ᠴᠢᠨᠠᠷ ᠲᠠᠢ ᠶᠢ ᠨᠢ ᠰᠤᠩᠭᠤᠬᠤ ᠪᠠ ᠠᠳᠠᠯᠢ ᠨᠢᠭᠡᠨ ᠴᠠᠭ ᠲᠤ ᠠᠳᠠᠯᠢ | ᠪᠤᠰᠦ ᠰᠦᠷᠦᠭ ᠠᠴᠠ ᠠᠳᠠᠯᠢ ᠪᠤᠰᠤ ᠳᠡᠰ ᠤᠨ ᠲᠠᠬᠢᠶᠠ ᠶᠢ ᠰᠤᠩᠭᠤᠵᠦ ᠪᠠᠶᠢᠴᠠᠭᠠᠪᠡᠯ ᠨᠡᠩ ᠤᠨᠤᠪᠴᠢᠲᠠᠢ ᠪᠠᠶᠢᠳᠠᠭ᠃ | | ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠭᠡᠳᠡᠭ ᠪᠤᠯ ᠳᠠᠷᠦᠢ ᠰᠦᠷᠦᠭ ᠲᠠᠬᠢ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ | ᠳᠤᠮᠳᠠᠴᠢ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢᠨ± 10％ ᠶᠢᠨ ᠬᠡᠪᠴᠢᠶᠡᠨ ᠳᠠᠬᠢ ᠲᠠᠬᠢᠶᠠᠨ ᠤ ᠵᠠᠭᠤᠨ ᠤ ᠬᠠᠷᠢᠴᠠᠯ ᠢ ᠬᠡᠯᠡᠵᠦ | ᠪᠤᠢ᠂ ᠶᠠᠮᠠᠷ ᠨᠢᠭᠡᠨ ᠲᠠᠬᠢᠶᠠᠨ ᠰᠦᠷᠦᠭ ᠤᠨ 10 ᠭᠠᠷᠠᠭ ᠪᠤᠯᠤᠭᠰᠠᠨ ᠦᠶᠡ ᠶᠢᠨ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 76 | ᠭᠷᠡᠮ ᠪᠤᠯ ᠡᠨᠡ ᠲᠤᠭᠠᠨ ᠠᠴᠠ ᠭᠡᠲᠦᠷᠡᠭᠰᠡᠨ ᠪᠠ ᠡᠨᠡ ᠲᠤᠭᠠᠨ ᠳᠤ ᠦᠯᠦ ᠬᠦᠷᠬᠦ ᠬᠡᠪᠴᠢᠶᠡ ᠨᠢ᠄ | 760 ＋（760×10％）＝836（ ᠭᠷᠡᠮ） | 760－（760×10％）＝684（ ᠭᠷᠡᠮ）ᠪᠤᠯᠤᠨᠠ᠃ | 5000 ᠲᠠᠬᠢᠶᠠ ᠲᠠᠢ ᠰᠦᠷᠦᠭ ᠤᠨ 5％ ᠨᠢ ᠳᠠᠷᠦᠢ 250 ᠲᠠᠬᠢᠶᠠᠨ ᠳᠤᠲᠤᠷᠠ ᠪᠡᠶᠡ ᠶᠢᠨ ᠬᠦᠨᠳᠦ | ᠨᠢ±10％（836－684g） ᠤᠨ ᠬᠡᠪᠴᠢᠶᠡᠨ ᠳᠤ ᠪᠠᠶᠢᠬᠤ ᠨᠢ 198 ᠪᠠᠶᠢᠵᠦ᠂ ᠪᠦᠬᠦ ᠲᠠᠬᠢᠶᠠᠨ ᠤ | ᠵᠢᠩᠭᠡᠯᠡᠭᠰᠡᠨ ᠬᠦᠨᠳᠦ ᠶᠢᠨ 79.2％ ᠢ ᠡᠵᠡᠯᠡᠵᠦ ᠪᠠᠶᠢᠬᠤ ᠶᠢ ᠬᠠᠷᠠᠭᠤᠯᠵᠦ ᠪᠤᠢ᠃ ᠡᠶᠢᠮᠦ ᠠᠴᠠ ᠡᠨᠡ ᠰᠦᠷᠦᠭ | ᠲᠠᠬᠢᠶᠠᠨ ᠤ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠨᠢ ᠳᠠᠷᠦᠢ 79.2％ ᠪᠤᠯᠤᠨᠠ᠃ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠨᠢ 70％ ~ | 76％ ᠪᠠᠶᠢᠬᠤ ᠨᠢ ᠬᠢᠷᠢ ᠲᠡᠩᠴᠡᠵᠦ᠂ 77％~ 83％ ᠪᠠᠶᠢᠬᠤ ᠨᠢ ᠨᠡᠯᠢᠶᠡᠳ ᠰᠠᠶᠢᠨ᠂ 84％ ~ 90％ | ᠪᠠᠶᠢᠬᠤ ᠨᠢ ᠲᠤᠩ ᠰᠠᠶᠢᠨ ᠭᠡᠳᠡᠭ ᠢ ᠬᠠᠷᠠᠭᠤᠯᠳᠠᠭ᠃ | ᠲᠠᠬᠢᠶᠠᠨ ᠰᠦᠷᠦᠭ ᠤᠨ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠨᠢ ᠪᠠᠷᠢᠮᠵᠢᠶᠠᠨ ᠳᠤ ᠬᠦᠷᠴᠦ ᠪᠠᠶᠢᠬᠤ ᠪᠤᠯ ᠬᠠᠮᠤᠭ ᠤᠨ | ᠴᠢᠬᠤᠯᠠ ᠶᠤᠮ᠃ ᠪᠠᠷᠢᠮᠵᠢᠶᠠ ᠠᠴᠠ ᠰᠠᠯᠤᠭᠰᠠᠨ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠨᠢ ᠶᠠᠮᠠᠷ ᠴᠦ ᠤᠳᠬᠠ ᠠᠭᠤᠯᠭᠠ ᠦᠭᠡᠢ | ᠪᠠᠶᠢᠳᠠᠭ᠂ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠪᠠᠷᠢᠮᠵᠢᠶᠠᠨ ᠳᠤ ᠨᠡᠶᠢᠴᠡᠵᠦ᠂ ᠵᠢᠭᠳᠡ ᠶᠢᠨ ᠬᠡᠮᠵᠢᠶᠡ ᠨᠢ ᠦᠨᠳᠦᠷ ᠲᠠᠬᠢᠶᠠᠨ | ᠰᠦᠷᠦᠭ ᠲᠤ ᠲᠤᠭᠠᠴᠠᠭᠳᠠᠳᠠᠭ ᠶᠤᠮ᠃ | |