| 1.ᠡᠮᠡ ᠬᠤᠨᠢᠨ ᠤ ᠰᠦ ᠪᠠᠭᠤᠯᠭᠠᠬᠤ ᠠᠷᠭᠠ | ᠡᠮᠡ ᠬᠤᠨᠢ ᠬᠤᠷᠠᠭᠠᠯᠠᠭᠰᠠᠨ ᠤ ᠳᠠᠷᠠᠭᠠ ᠰᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠶᠢᠳᠠᠯ ᠭᠠᠷᠪᠠᠯ᠂ ᠪᠢᠳᠡ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠰᠦ ᠪᠠᠭᠤᠯᠭᠠᠬᠤ ᠠᠷᠭᠠ ᠪᠠᠷ ᠡᠮᠡ ᠬᠤᠨᠢᠨ ᠤ ᠰᠦ ᠶᠢᠨ ᠭᠠᠷᠤᠯᠲᠠ ᠶᠢ | ᠳᠡᠭᠡᠭᠰᠢᠯᠡᠭᠦᠯᠵᠦ ᠪᠣᠯᠣᠨᠠ᠃ ᠡᠮᠡ ᠬᠤᠨᠢᠨ ᠤ ᠰᠦ ᠪᠠᠭᠤᠯᠭᠠᠬᠤ ᠠᠷᠭᠠ ᠮᠠᠰᠢ ᠣᠯᠠᠨ ᠪᠠᠶᠢᠳᠠᠭ ᠂ ᠵᠢᠱᠢᠶᠡᠯᠡᠪᠡᠯ | ᠯᠣᠬᠠᠱᠧᠩ ᠤᠨ ᠳᠡᠭᠡᠷᠡ ᠥᠨᠳᠡᠭᠡ ᠬᠢᠵᠦ ᠤᠰᠤᠨ ᠳᠤ ᠴᠢᠨᠠᠵᠤ ᠤᠤᠭᠤᠯᠭᠠᠬᠤ᠂ ᠪᠤᠷᠠᠮ ᠲᠠᠢ ᠤᠰᠤᠨ ᠳᠤ ᠨᠠᠷᠢᠯᠢᠭ | ᠪᠣᠷᠳᠤᠭᠠ ᠬᠢᠵᠦ ᠲᠡᠵᠢᠭᠡᠬᠦ ᠂ ᠬᠠᠶᠢᠳᠠᠢ ᠶᠢᠨ ᠱᠥᠯᠥ ᠶᠢ ᠵᠠᠯᠭᠠᠭᠠᠪᠡᠷ ᠭᠤᠷᠪᠠ ᠤᠳᠠᠭᠠ ᠤᠤᠭᠤᠯᠭᠠᠬᠤ ᠂ | ᠵᠥᠭᠡᠢ ᠶᠢᠨ ᠪᠠᠯ ᠢᠶᠠᠷ ᠰᠦ ᠪᠠᠭᠤᠯᠭᠠᠬᠤ᠂ ᠪᠤᠷᠴᠠᠭ ᠤᠨ ᠤᠭᠤᠷᠠᠭ ᠢᠶᠠᠷ ᠰᠦ ᠪᠠᠭᠤᠯᠭᠠᠬᠤ ᠵᠡᠷᠭᠡ᠃ ᠬᠡᠯᠡᠯᠭᠡᠨ | ᠦᠭᠡᠢ ᠪᠠᠰᠠ ᠬᠢᠲᠠᠳ ᠡᠮ ᠢᠶᠠᠷ ᠰᠦ ᠪᠠᠨ ᠪᠠᠭᠤᠯᠭᠠᠵᠤ ᠪᠤᠯᠤᠨᠠ᠂ ᠶᠡᠷᠦ ᠳᠤ ᠪᠠᠨ ᠬᠢᠲᠠᠳ ᠡᠮ ᠳ᠋ᠠᠩᠭᠦᠨ | ︵当归︶᠂ ᠤᠲᠤᠭᠠᠨ ᠡᠪᠡᠰᠦ ︵川芎︶᠂ ᠴᠡᠴᠡᠭ ᠤᠨ ᠲᠣᠭᠤᠰᠣ ︵花粉︶᠂ ᠸᠠᠩ ᠪᠦᠦ ᠯᠢᠦ ᠰᠢᠩ | ︵王不留行︶᠂ ᠬᠤᠶᠠᠭᠲᠤ ᠵᠠᠷᠠᠭᠠ ︵穿山甲︶᠂ ᠴᠠᠭᠠᠨ ᠴᠠᠨᠠ ︵白芍︶᠂ ᠬᠤᠨᠴᠢᠷ ︵黄 | 芪︶᠂ ᠴᠠᠭᠠᠨ ᠡᠪᠡᠰᠦ ︵通草︶᠂ ᠰᠢᠬᠢᠷ ᠡᠪᠡᠰᠦ ︵甘草︶ ᠵᠡᠷᠭᠡ ᠶᠢ ᠤᠰᠤᠨ ᠳᠤ ᠴᠢᠨᠠᠵᠤ | ᠤᠤᠭᠤᠯᠭᠠᠨᠠ ᠃ ᠡᠳᠡᠭᠡᠷ ᠠᠷᠭᠠ ᠶᠢᠨ ᠰᠦ ᠪᠠᠭᠤᠯᠭᠠᠬᠤ ᠦᠢᠯᠡᠳᠦᠯ ᠨᠢ ᠪᠦᠷ ᠮᠠᠰᠢ ᠰᠠᠶᠢᠨ ᠪᠠᠶᠢᠳᠠᠭ ᠃ | 2. ᠬᠤᠷᠠᠭᠠ ᠶᠢ ᠦᠭᠡᠷᠡ ᠡᠬᠡ ᠳᠤ ᠬᠦᠬᠦᠭᠦᠯᠬᠦ ᠠᠷᠭᠠ | ᠡᠮᠡ ᠬᠤᠨᠢᠨ ᠤ ᠰᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠣᠯ ᠪᠢᠳᠡ ᠪᠠᠰᠠ ᠦᠭᠡᠷᠡ ᠡᠬᠡ ᠳᠤ ᠬᠦᠬᠦᠭᠦᠯᠬᠦ | ᠠᠷᠭᠠ ᠪᠠᠷ ᠬᠤᠷᠠᠭᠠ ᠶᠢ ᠪᠣᠶᠢᠵᠢᠭᠤᠯᠵᠤ᠂ ᠲᠡᠵᠢᠭᠡᠪᠦᠷᠢ ᠶᠢᠨ ᠠᠵᠤ ᠠᠬᠤᠢ ᠶᠢᠨ ᠦᠷᠡ ᠠᠰᠢᠭ ᠢ ᠳᠡᠭᠡᠭᠰᠢᠯᠡᠭᠦᠯᠵᠦ | ᠪᠣᠯᠣᠨᠠ᠃ ᠭᠡᠪᠡᠴᠦ ᠡᠨᠡ ᠬᠦ ᠠᠷᠭᠠ ᠨᠢ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠵᠥᠪᠬᠡᠨ ᠲᠣᠮᠣ ᠬᠡᠯᠪᠡᠷᠢ ᠶᠢᠨ ᠲᠡᠵᠢᠭᠡᠪᠦᠷᠢ ᠶᠢᠨ | ᠲᠠᠯᠠᠪᠠᠶ ᠳᠤ ᠲᠤᠬᠢᠷᠠᠨᠠ ᠂ ᠲᠡᠷᠡ ᠨᠢ ᠡᠮᠡ ᠬᠤᠨᠢᠨ ᠤ ᠲᠤᠭᠠ ᠨᠢ ᠨᠡᠯᠢᠶᠡᠳ ᠠᠷᠪᠢᠨ᠂ ᠪᠡᠯᠡᠳᠬᠡᠯ ᠡᠮᠡ ᠬᠤᠨᠢ ᠪᠠ | ᠬᠦᠬᠦᠭᠦᠯ ᠬᠤᠨᠢ ᠶᠢ ᠰᠠᠶᠢᠲᠤᠷ ᠪᠣᠶᠢᠵᠢᠭᠤᠯᠵᠤ ᠪᠣᠯᠣᠨᠠ᠂ ᠢᠩᠭᠢᠪᠡᠯ ᠡᠮᠡ ᠬᠤᠨᠢ ᠬᠤᠷᠠᠭᠠᠯᠯᠠᠭᠰᠠᠨ ᠤ ᠳᠠᠷᠠᠭᠠ | ᠰᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠶᠢᠳᠠᠯ ᠳᠣᠣᠷᠠ ᠴᠠᠭ ᠲᠤᠬᠠᠢ ᠳᠤ ᠨᠢ ᠦᠭᠡᠷᠡ ᠡᠬᠡ ᠳᠤ ᠬᠦᠬᠦᠭᠦᠯᠵᠦ ᠂ | ᠬᠤᠷᠠᠭᠠ ᠶᠢᠨ ᠥᠰᠦᠯᠲᠡ ᠶᠢ ᠨᠥᠯᠥᠭᠡᠯᠡᠬᠦ ᠦᠭᠡᠢ ᠶᠤᠮ᠃ ᠪᠠᠰᠠ ᠬᠦᠬᠦᠭᠦᠯ ᠬᠤᠨᠢ ᠪᠠᠷ ᠣᠷᠣᠯᠠᠭᠤᠯᠤᠨ | ᠬᠦᠬᠦᠭᠦᠯᠬᠦ ᠳᠤ ᠪᠠᠰᠠ ᠨᠢᠭᠡ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠵᠦᠢᠯ ᠭᠡᠪᠡᠯ᠂ ᠳᠠᠷᠤᠢ ᠡᠮᠡ ᠬᠤᠨᠢ ᠪᠠᠨ ᠪᠠᠬᠢᠯᠡᠨ ᠤᠶᠠᠵᠤ ᠂ | ᠬᠤᠷᠠᠭᠠ ᠪᠠᠨ ᠬᠥᠮᠥᠨ ᠤ ᠬᠦᠴᠦ ᠪᠠᠷ ᠬᠠᠪᠰᠤᠷᠤᠨ ᠬᠦᠬᠦᠭᠦᠯᠵᠦ ᠂ ᠣᠯᠠᠨ ᠤᠳᠠᠭᠠ ᠬᠦᠬᠦᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ | ᠰᠠᠶ᠋ᠢ ᠬᠡᠪ ᠤᠨ ᠪᠠᠶᠢᠳᠠᠯ ᠢᠶᠠᠷ ᠬᠦᠬᠦᠵᠦ ᠳᠡᠶᠢᠯᠦᠨᠡ ᠃ | 3.ᠤᠷᠢᠳᠴᠢᠯᠠᠨ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠨᠦᠬᠦᠬᠦ ᠠᠷᠭᠠ | ᠡᠮᠡ ᠬᠤᠨᠢᠨ ᠤ ᠰᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠦᠶᠡ ᠳᠤ ᠪᠢᠳᠡ ᠪᠠᠰᠠ ᠨᠢᠭᠡ ᠵᠦᠢᠯ ᠤᠨ ᠠᠷᠭᠠ ᠪᠣᠢ᠂ | ᠳᠠᠷᠤᠢ ᠬᠤᠷᠠᠭᠠ ᠶᠢᠨ ᠬᠦᠬᠦᠬᠦ ᠬᠤᠭᠤᠴᠠᠭᠠ ᠶᠢ ᠤᠷᠢᠳᠴᠢᠯᠠᠨ ᠳᠠᠭᠤᠰᠬᠠᠵᠤ ᠂ ᠡᠷᠲᠡᠬᠡᠨ ᠰᠢᠭ ᠲᠡᠵᠢᠭᠡᠯ ᠤᠨ | ᠬᠤᠭᠤᠴᠠᠭᠠᠨ ᠳᠤ ᠣᠷᠣᠭᠤᠯᠤᠨᠠ ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠰᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠶᠢᠳᠠᠯ ᠳᠣᠣᠷᠠ ᠂ | ᠬᠤᠷᠠᠭᠠ ᠳᠤ ᠡᠪᠡᠰᠦ ᠪᠣᠷᠳᠤᠭᠠ ᠪᠤᠶᠤ ᠪᠤᠰᠤᠳ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠨᠥᠬᠦᠪᠦᠷᠢᠯᠡᠵᠦ ᠂ ᠲᠡᠳᠡᠨ ᠢ ᠳᠤᠷᠠ ᠪᠠᠷ ᠨᠢ | ᠢᠳᠡᠭᠦᠯᠦᠨᠡ ᠃ ᠬᠤᠷᠢᠭᠠᠳ ᠡᠳᠦᠷ ᠪᠣᠯᠪᠠᠯ ᠬᠤᠷᠠᠭᠠ ᠳᠤ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠦᠭᠬᠦ ᠶᠢᠨ ᠬᠠᠮᠲᠤ ᠬᠦᠬᠦᠬᠦ | ᠤᠳᠠᠭᠠ ᠶᠢ ᠨᠢ ᠠᠭᠠᠵᠢᠮ ᠢᠶᠠᠷ ᠪᠠᠭᠠᠰᠬᠠᠵᠤ ᠂ ᠲᠤᠰᠬᠠᠢ ᠬᠤᠷᠠᠭᠠ ᠶᠢᠨ ᠪᠣᠷᠳᠤᠭᠠ ᠪᠠᠷ ᠲᠡᠵᠢᠭᠡᠨᠡ᠃ | 4.ᠰᠦᠨ ᠲᠠᠯᠬᠠ ᠪᠠᠷ ᠲᠡᠵᠢᠭᠡᠬᠦ ᠠᠷᠭᠠ | ᠰᠦᠨ ᠲᠠᠯᠬᠠ ᠪᠠᠷ ᠲᠡᠵᠢᠭᠡᠬᠦ ᠨᠢ ᠣᠳᠣᠬᠠᠨ ᠳᠤ ᠮᠠᠰᠢ ᠣᠯᠠᠨ ᠲᠡᠵᠢᠭᠡᠪᠦᠷᠢ ᠶᠢᠨ ᠲᠠᠯᠠᠪᠠᠢ ᠳᠤ ᠦᠷᠭᠦᠯᠵᠢ | ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠨᠢᠭᠡ ᠵᠦᠢᠯ ᠤᠨ ᠠᠷᠭᠠ ᠪᠣᠯᠣᠨᠠ ᠃ ᠣᠯᠠᠩᠬᠢ ᠲᠡᠵᠢᠭᠡᠪᠦᠷᠢ ᠶᠢᠨ ᠲᠠᠯᠠᠪᠠᠶ ᠰᠦᠨ ᠲᠠᠯᠬᠠ ᠪᠠᠷ | ᠲᠡᠵᠢᠭᠡᠵᠦ ᠪᠠᠶᠢᠭᠠ ᠨᠢ ᠡᠮᠡ ᠬᠤᠨᠢᠨ ᠤ ᠰᠦ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ ᠪᠣᠯᠤᠭᠰᠠᠨ ᠲᠡᠳᠦᠢ ᠪᠢᠰᠢ᠂ ᠪᠠᠰᠠ ᠡᠮᠡ | ᠬᠤᠨᠢᠨ ᠤ ᠪᠡᠷᠬᠡ ᠬᠥᠩᠭᠡᠵᠢᠯᠲᠡ ᠪᠤᠶᠤ ᠡᠪᠡᠳᠴᠢᠨ ᠡᠮᠭᠡᠭ ᠵᠡᠷᠭᠡ ᠠᠴᠠ ᠪᠣᠯᠵᠤ᠂ ᠡᠮᠡ ᠬᠤᠨᠢ ᠨᠢ ᠬᠡᠪ ᠢᠶᠠᠷ | ᠬᠥᠬᠦᠭᠦᠯᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠳᠠᠭ᠂ ᠡᠶᠢᠮᠦ ᠠᠴᠠ ᠰᠦᠨ ᠲᠠᠯᠬᠠ ᠪᠠᠷ ᠤᠭᠵᠢᠬᠤ ᠴᠢᠬᠤᠯᠠᠲᠠᠢ ᠃ ᠭᠡᠪᠡᠴᠦ | ᠰᠦᠨ ᠲᠠᠯᠬᠠ ᠪᠠᠷ ᠤᠭᠵᠢᠬᠤ ᠳᠤ ᠪᠠᠨ ᠲᠣᠭᠲᠠᠭᠰᠠᠨ ᠴᠠᠭ ᠪᠠ ᠲᠣᠭᠲᠠᠭᠰᠠᠨ ᠬᠡᠮᠵᠢᠶᠡ ᠲᠠᠢ ᠪᠠᠶᠢᠯᠭᠠᠬᠤ ᠬᠡᠷᠡᠭᠲᠡᠢ | ᠪᠥᠭᠡᠳ ᠬᠤᠷᠠᠭᠠ ᠶᠢᠨ ᠥᠰᠦᠯᠲᠡ ᠶᠢ ᠳᠠᠭᠠᠯᠳᠤᠨ ᠰᠦᠨ ᠲᠠᠯᠬᠠ ᠶᠢᠨ ᠬᠡᠮᠵᠢᠶᠡ ᠶᠢ ᠠᠭᠠᠵᠢᠮ ᠢᠶᠠᠷ ᠨᠡᠮᠡᠭᠳᠡᠭᠦᠯᠵᠦ ᠂ | ᠤᠭᠵᠢᠬᠤ ᠤᠳᠠᠭᠠ ᠶᠢ ᠨᠢ ᠪᠠᠭᠠᠰᠬᠠᠨᠠ ᠃ | ᠮᠡᠳᠡᠭᠡ ᠵᠠᠩᠭᠢ ᠶᠢᠨ ᠢᠷᠡᠯᠲᠡ᠄ ᠠᠵᠤ ᠦᠢᠯᠡᠰᠵᠢᠯᠲᠡ ᠶᠢᠨ ᠵᠢᠯᠤᠭᠤᠳᠬᠤ ᠲᠥᠪ ᠤᠨ ᠸᠠᠩ ᠶᠠ ᠪᠢᠩ | | | | |