12 ᠳ᠋ᠤᠭᠠᠷ ᠰᠠᠷᠠᠶᠢᠨ 28ᠤ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 2026 ᠣᠨᠤ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠬᠦ ᠲᠤᠰᠬᠠᠢ ᠲᠠᠯᠠᠪᠤᠷᠤᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠪᠢᠷᠦᠨ ᠰᠢᠯᠭᠠᠯᠲᠠ ᠪᠥᠬᠥ ᠣᠷᠣᠨᠤ 12 ᠠᠢᠮᠠᠭ ᠬᠣᠲᠠᠳᠤ ᠵᠡᠷᠭᠡᠪᠡᠷ ᠶᠠᠪᠤᠭᠳᠠᠵᠤ᠂ ᠨᠡᠶ᠋ᠢᠲᠡ 13.3 ᠲᠦᠮᠡ ᠭᠠᠷᠤᠢ ᠰᠢᠯᠭᠠᠭᠤᠯᠤᠭ᠍ᠴᠢ ᠨᠡᠷᠡ ᠮᠡᠳᠡᠭᠦᠯᠵᠡᠢ᠃ ᠲᠣᠰ ᠤᠳᠠᠭᠠᠶᠢᠨ ᠲᠤᠰᠬᠠᠢ ᠲᠠᠯᠠᠪᠤᠷᠤᠨ ᠡᠯᠰᠡᠯᠲᠡᠳᠦ ᠠᠩᠬᠠ ᠤᠳᠠᠭᠠ ᠪᠥᠬᠥ ᠤᠯᠤᠰᠤᠨ ᠠᠵᠢᠯ ᠦᠢᠯᠡᠰᠦᠨ ᠨᠢᠭᠡᠴᠢᠶᠢᠨ ᠢᠯᠡᠪᠡᠷ ᠠᠵᠢᠯᠲᠠᠨ ᠡᠯᠰᠡᠬᠦ ᠬᠦᠷᠢᠶᠡᠨᠳᠦ 《 ᠤᠷᠢᠳᠢᠶᠠᠷ ᠪᠢᠷᠦᠨ ᠰᠢᠯᠭᠠᠯᠲᠠ ᠬᠢᠵᠦ ᠳᠠᠷᠠᠭᠠ ᠨᠢ ᠠᠵᠢᠯᠤᠨ ᠪᠠᠢᠷᠢ ᠰᠣᠩᠭᠣᠬᠤ 》 ᠰᠢᠨᠡ ᠵᠠᠭᠪᠤᠷᠢ ᠰᠢᠨᠡᠪᠡᠷ ᠡᠭᠦᠳᠦᠨ ᠥᠷᠨᠢᠭᠦᠯᠵᠦ᠂ ᠴᠢᠳᠠᠪᠤᠷᠢᠲᠠᠨ ᠬᠢᠭᠡᠳ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠬᠣᠣᠰ ᠴᠢᠭᠯᠡᠯᠢᠶᠡᠷ ᠤᠷᠤᠭᠰᠢᠯᠠᠬᠤᠶᠢ ᠲᠦᠯᠬᠢᠨ ᠠᠬᠢᠭᠤᠯᠪᠠ᠃
ᠲᠣᠰ ᠤᠳᠠᠭᠠᠶᠢᠨ 《 ᠤᠷᠢᠳᠢᠶᠠᠷ ᠪᠢᠷᠦᠨ ᠰᠢᠯᠭᠠᠯᠲᠠ ᠬᠢᠵᠦ ᠳᠠᠷᠠᠭᠠ ᠨᠢ ᠠᠵᠢᠯᠤᠨ ᠪᠠᠢᠷᠢ ᠰᠣᠩᠭᠣᠬᠤ 》 ᠨᠢ ᠰᠢᠯᠭᠠᠭᠤᠯᠤᠭ᠍ᠴᠢᠳᠤ ᠬᠢᠷᠢ ᠪᠦᠲᠦᠮᠵᠢᠪᠡᠷᠢᠶᠡᠨ ᠠᠵᠢᠯᠤᠨ ᠪᠠᠢᠷᠢ ᠰᠣᠩᠭᠣᠬᠤ 《 ᠲᠠᠯᠠᠪᠤᠷᠲᠤ ᠣᠷᠣᠬᠤ ᠪᠢᠯᠧᠲ 》 ᠣᠯᠭᠣᠵᠤ᠂ ᠳᠠᠬᠢᠨ ᠲᠣᠰ ᠪᠡᠶᠡᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠣᠨᠴᠠ ᠴᠢᠳᠠᠪᠤᠷᠢ ᠪᠠ ᠬᠤᠪᠢ ᠬᠥᠮᠥᠨᠦ ᠬᠦᠰᠡᠯ ᠡᠷᠡᠮᠡᠯᠵᠡᠯᠲᠠᠢᠪᠡᠨ ᠤᠶᠠᠯᠳᠤᠭᠤᠯᠤᠨ᠂ ᠪᠡᠶᠡᠪᠡᠨ ᠳᠠᠭᠠᠭᠠᠵᠤ᠂ ᠲᠣᠬᠢᠷᠠᠮᠵᠢᠲᠠᠢ ᠨᠥᠬᠥᠴᠡᠯᠳᠦ ᠨᠡᠢᠴᠡᠬᠦ ᠠᠵᠢᠯᠤᠨ ᠪᠠᠢᠷᠢᠶᠢ ᠪᠣᠯᠭᠣᠮᠵᠢᠲᠠᠢ ᠰᠣᠩᠭᠣᠬᠤ ᠪᠣᠯᠣᠨᠠ᠃ ᠡᠨᠡ ᠬᠦ᠌ ᠠᠷᠭᠠ ᠬᠡᠯᠪᠡᠷᠢ ᠨᠢ ᠨᠢᠭᠡᠳᠦᠯᠲᠡᠢ ᠪᠢᠷᠦᠨ ᠰᠢᠯᠭᠠᠯᠲᠠᠪᠠᠷ ᠳᠡᠮᠵᠢᠨ ᠵᠢᠩᠬᠢᠨᠢ ᠡᠷᠳᠡᠮ ᠴᠢᠳᠠᠪᠤᠷᠢᠲᠠᠢ ᠴᠢᠳᠠᠪᠤᠷᠢᠲᠠᠢ ᠰᠣᠩᠭᠣᠨ ᠭᠠᠷᠭᠠᠵᠤ᠂ ᠴᠢᠳᠠᠪᠤᠷᠢᠲᠠᠨᠢ ᠰᠢᠯᠢᠨ ᠰᠣᠩᠭᠣᠬᠤᠶᠢ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠪᠣᠳᠠᠲᠤ ᠬᠡᠷᠡᠭᠴᠡᠭᠡᠳᠦ ᠨᠠᠩ ᠢᠯᠡᠭᠦᠦ ᠨᠡᠢᠴᠡᠭᠦᠯᠦᠨᠡ᠃ ᠡᠭᠦᠨᠦ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠡᠯᠡ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠡᠯᠰᠡᠬᠦ ᠬᠥᠮᠥᠨᠦ ᠲᠣᠭᠠ ᠪᠣᠯᠣᠨ ᠰᠢᠯᠭᠠᠭᠰᠠᠨ ᠬᠥᠮᠥᠨᠦ ᠲᠣᠭᠠᠶᠢᠨ 1:3 ᠶᠢᠨ ᠬᠠᠷᠢᠴᠠᠯᠢᠶᠠᠷ ᠨᠢᠭᠤᠷᠲᠠᠨ ᠰᠢᠯᠭᠠᠬᠤ ᠬᠥᠮᠥᠨᠢ ᠲᠣᠭᠲᠠᠭᠠᠵᠤ᠂ ᠰᠢᠯᠭᠠᠷᠠᠭᠤᠯᠤᠯᠲᠠᠶᠢᠨ ᠭᠣᠣᠯᠴᠢ ᠴᠢᠨᠠᠷ ᠪᠣᠯᠣᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠴᠢᠨᠠᠷᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠠᠲᠤᠯᠠᠭᠰᠠᠨ ᠪᠠᠢᠨᠠ᠃
ᠣᠳᠣᠬᠠᠨᠳᠤ ᠪᠢᠷᠦᠨ ᠰᠢᠯᠭᠠᠯᠲᠠᠶᠢᠨ ᠠᠵᠢᠯ ᠨᠢᠭᠡᠨᠲᠡ ᠤᠷᠤᠭᠰᠢᠲᠠᠢ ᠳᠠᠭᠤᠰᠴᠤ᠂ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷᠦᠨ ᠬᠢᠨ ᠰᠢᠯᠭᠠᠯᠲᠠᠶᠢᠨ ᠰᠡᠳᠦᠪ ᠦᠵᠡᠬᠦ ᠠᠵᠢᠯᠢ ᠪᠥᠬᠥ ᠬᠦᠴᠦᠨᠢᠶᠡᠷᠢᠶᠡᠨ ᠥᠷᠨᠢᠭᠦᠯᠵᠦ ᠪᠠᠢᠨᠠ᠃ ᠪᠢᠷᠦᠨ ᠰᠢᠯᠭᠠᠯᠲᠠᠶᠢᠨ ᠬᠢᠷᠢ ᠪᠦᠲᠦᠮᠵᠢᠶᠢ ᠨᠡᠢᠲᠡᠯᠡᠭᠰᠡᠨᠦ ᠳᠠᠷᠠᠭᠠ᠂ ᠠᠵᠢᠯᠤᠨ ᠪᠠᠢᠷᠢ ᠰᠣᠩᠭᠣᠬᠤ᠂ ᠬᠢᠷᠢ ᠬᠡᠮᠢ ᠬᠢᠨᠠᠨ ᠪᠠᠢᠴᠠᠭᠠᠬᠤ᠂ ᠨᠢᠭᠤᠷᠲᠠᠨ ᠰᠢᠯᠭᠠᠬᠤ ᠵᠡᠷᠭᠡ ᠠᠵᠢᠯᠲᠠᠨ ᠡᠯᠰᠡᠬᠦ ᠵᠠᠯᠭᠠᠮᠵᠢ ᠭᠣᠭᠴᠣᠭᠠᠶᠢ ᠵᠠᠯᠭᠠᠭᠠᠪᠠᠷ ᠲᠦᠯᠬᠢᠨ ᠠᠬᠢᠭᠤᠯᠬᠤ ᠪᠣᠯᠣᠨᠠ᠃