ᠠᠯᠲᠠᠨ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠤᠭᠤᠲᠤ ᠬᠣᠲᠠ 《 ᠴᠢᠳᠠᠪᠤᠷᠢᠲᠠᠨ ᠴᠤᠭᠯᠠᠷᠠᠭᠰᠠᠨ ᠥᠨᠳᠥᠷᠯᠢᠭ ᠭᠠᠵᠠᠷᠢ ᠪᠠᠶ᠋ᠢᠭᠤᠯᠬᠤ 》 ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠬᠠᠷᠠᠯᠲᠠᠪᠠᠨ ᠲᠣᠭᠲᠠᠭᠠᠵᠤ᠂ 《 ᠬᠣᠪᠣᠷ ᠰᠢᠷᠣᠢᠶᠢᠨ ᠬᠣᠶᠠᠷ ᠰᠠᠭᠤᠷᠢᠨ ᠭᠠᠵᠠᠷ 》ᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠬᠢᠭᠡᠳ ᠣᠳᠣᠬᠢᠴᠢᠯᠠᠭᠰᠠᠨ ᠠᠵᠤ ᠦᠢᠯᠡᠰᠦᠨ ᠰᠢᠰᠲᠧᠮᠵᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠲᠠᠢ ᠨᠢᠭ᠍ᠲᠠ ᠤᠶᠠᠯᠳᠤᠭᠤᠯᠤᠨ᠂ 2025 ᠣᠨᠤ ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠵᠦ ᠣᠶᠤᠨ ᠤᠬᠠᠭᠠᠨ ᠣᠷᠣᠭᠤᠯᠬᠤ ᠠᠵᠢᠯᠯᠠᠭᠠᠶᠢ ᠪᠥᠬᠥ ᠲᠠᠯᠠᠪᠠᠷ ᠡᠬᠢᠯᠡᠭᠦᠯᠪᠡ᠃ ᠡᠨᠡ ᠤᠳᠠᠭᠠᠨᠤ 《ᠴᠢᠳᠠᠪᠤᠷᠢᠲᠠᠨᠤ ᠲᠡᠷᠢᠭᠦᠨ ᠵᠡᠷᠭᠡᠶᠢᠨ ᠶᠡᠬᠡ ᠶᠠᠪᠤᠳᠠᠯᠢ ᠬᠠᠮᠤᠷᠬᠤ 》ᠪᠠᠷ ᠭᠣᠣᠯ ᠲᠥᠷᠥᠯ ᠲᠡᠮᠳᠡᠭ ᠪᠣᠯᠭᠠᠭᠰᠠᠨ ᠴᠢᠳᠠᠪᠤᠷᠢᠲᠠᠨᠢ ᠣᠷᠣᠭᠤᠯᠤᠨ ᠠᠪᠴᠢᠷᠠᠬᠤ ᠦᠢᠯᠡᠳᠦᠯᠭᠡ᠂ 《ᠠᠷᠪᠠᠶᠢ ᠠᠵᠢᠭ᠍ᠯᠠᠬᠤ ᠠᠷᠭᠠ》 ᠵᠢᠨ ᠴᠢᠳᠠᠪᠤᠷᠢᠲᠠᠨᠢ ᠲᠠᠲᠠᠬᠤ ᠠᠵᠢᠯᠤᠨ ᠠᠷᠭᠠᠶᠢ ᠬᠡᠷᠡᠭᠯᠡᠵᠦ᠂ AI ᠣᠶᠤᠨᠲᠤ ᠮᠡᠷᠭᠡᠵᠢᠯᠳᠦ ᠲᠦᠰᠢᠭᠯᠡᠨ᠂ 《ᠰᠦᠯᠵᠢᠶᠡᠨᠡᠴᠡ ᠭᠠᠳᠠᠨᠠ ᠬᠠᠯᠠᠭᠤᠨ ᠰᠡᠳᠬᠢᠯᠢᠶᠡᠷ ᠤᠷᠢᠬᠤ + ᠰᠦᠯᠵᠢᠶᠡᠨ ᠳᠡᠭᠡᠷᠡ ᠣᠶᠤᠨᠲᠤ ᠴᠢᠳᠠᠪᠤᠷᠢᠲᠠᠨᠢ ᠲᠠᠲᠠᠬᠤ 》 ᠬᠣᠣᠰ ᠵᠠᠮᠤᠨ ᠵᠠᠭᠪᠤᠷᠢ ᠰᠢᠨᠡᠪᠡᠷ ᠡᠭᠦᠳᠴᠦ᠂ ᠪᠤᠭᠤᠲᠤ ᠬᠤᠳᠠᠶᠢᠨ ᠠᠵᠤ ᠦᠢᠯᠡᠰᠦᠨ ᠰᠢᠨᠡᠶᠢ ᠡᠭᠦᠳᠬᠦ ᠪᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠰᠢᠨᠡᠶᠢ ᠡᠭᠦᠳᠬᠦᠳᠦ ᠵᠠᠯᠠᠭᠤ ᠨᠠᠰᠤᠨᠤ ᠬᠥᠳᠡᠯᠭᠡᠬᠦ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠬᠠᠭᠤᠴᠢᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠰᠠᠭᠤᠷᠢᠨᠤ ᠬᠡᠯᠪᠡᠷᠢᠪᠡᠨ ᠬᠤᠪᠢᠷᠠᠭᠤᠯᠤᠨ ᠬᠥᠭᠵᠢᠬᠦ ᠴᠢᠳᠠᠪᠤᠷᠢᠲᠠᠨᠢ 《 ᠬᠥᠮᠥᠵᠢᠭᠦᠯᠬᠦ ᠦᠯᠡᠳᠡᠭᠡᠬᠦ ᠬᠡᠷᠡᠭᠯᠡᠬᠦ ᠦᠢᠯᠡᠴᠢᠯᠡᠬᠦ 》 ᠴᠣ ᠰᠢᠨᠡ ᠠᠷᠭᠠ ᠵᠠᠮᠢ ᠬᠠᠢᠨ ᠰᠦᠪᠡᠭᠴᠢᠯᠡᠵᠡᠢ᠃
ᠴᠢᠳᠠᠪᠤᠷᠢᠲᠠᠨ ᠤᠷᠢᠬᠤ ᠠᠯᠲᠠᠨ ᠨᠠᠮᠤᠷᠤᠨ ᠪᠣᠯᠵᠣᠭᠠ᠄ ᠲᠤᠰᠬᠠᠢ ᠠᠩᠭᠢ 《 ᠰᠤᠷᠭᠠᠭᠤᠯᠢᠳᠦ ᠣᠷᠣᠵᠤ》 ᠂ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠠᠰᠢᠭ᠋ ᠲᠤᠰᠠ ᠨᠢ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ 《 ᠴᠢᠳᠠᠪᠤᠷᠢᠲᠠᠨᠤ ᠬᠠᠯᠠᠮᠰᠢᠯ》ᠢ ᠪᠤᠶ ᠪᠣᠯᠭᠠᠪᠠ
9 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠨᠠᠮᠤᠷᠤᠨ ᠰᠣᠷᠣᠭ᠍ᠴᠢ ᠡᠯᠰᠡᠬᠦ ᠠᠵᠢᠯ ᠡᠬᠢᠯᠡᠭᠰᠡᠨᠡᠴᠡ ᠨᠠᠭᠠᠰᠢ ᠂ ᠪᠤᠭᠤᠲᠤ ᠬᠣᠲᠠᠶᠢᠨ ᠬᠢᠨ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠵᠦ ᠣᠶᠤᠨ ᠤᠬᠠᠭᠠᠨ ᠣᠷᠣᠭᠤᠯᠬᠤ ᠪᠠᠭᠠ ᠠᠩᠭᠢᠶᠢ ᠢᠳᠡᠪᠬᠢᠲᠡᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠪᠥᠬᠥ ᠬᠣᠲᠠᠶᠢᠨ 85 ᠭᠣᠣᠯᠳᠠᠯᠭᠠᠲᠠᠢ ᠠᠵᠤ ᠠᠬᠤᠢᠯᠠᠯᠤᠨ 309 ᠠᠵᠢᠯᠤᠨ ᠪᠠᠢᠷᠢ᠂ 1878 ᠴᠢᠳᠠᠪᠤᠷᠢᠲᠠᠨᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢ ᠳᠠᠭᠠᠭᠤᠯᠤᠨ᠂ ᠱᠠᠨ ᠰᠢ ᠱᠠᠨᠳᠦ᠋ᠩ ᠾᠧᠨᠠᠨ ᠵᠢᠶᠠᠩᠰᠤ ᠱᠠᠩᠬᠠᠢ᠂ ᠱᠠᠨᠰᠢ ᠭᠠᠨᠰᠤ ᠬᠥᠬᠡᠨᠠᠭᠤᠷ ᠰᠧᠴᠤᠸᠠᠨ ᠴᠦᠩᠴᠢᠩ ᠵᠢᠴᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠣᠲᠣᠷᠠᠬᠢ 10 ᠭᠠᠷᠤᠢ ᠮᠤᠵᠢ ᠣᠷᠣᠨ᠂ 39 ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠵᠦ᠂ ᠭᠣᠣᠯᠳᠠᠯᠭᠠᠲᠠᠢ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠂ ᠭᠣᠣᠯᠯᠠᠬᠤ ᠰᠢᠨᠵᠢᠯᠡᠭᠡᠨᠦ ᠰᠠᠯᠠᠭᠠ᠂ ᠬᠣᠪᠣᠷ ᠴᠤᠬᠠᠭ ᠲᠤᠰᠬᠠᠢ ᠮᠡᠷᠭᠡᠵᠢᠯᠢ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢᠪᠠᠷ ᠬᠠᠮᠤᠷᠬᠤᠶᠢ ᠪᠡᠶᠡᠯᠡᠭᠦᠯᠪᠡ᠃
ᠤᠯᠠᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ᠂ 《 ᠳ᠋ᠣᠺᠲ᠋ᠣᠷᠲᠤ 20 ᠲᠦᠮᠡ᠂ ᠮᠠᠰᠲᠧᠷᠲᠤ 10 ᠲᠦᠮᠡᠨ ᠲᠥᠭᠥᠷᠢᠭ ᠡᠷᠦᠬᠡ ᠠᠮᠠᠶᠢᠨ ᠨᠥᠬᠥᠪᠦᠷᠢ ᠮᠥᠩᠭᠥ ᠥᠭᠬᠦ 》᠂ 《 ᠠᠵᠢᠯ ᠦᠢᠯᠡᠰᠦᠨ ᠣᠷᠣᠨ ᠲᠣᠭᠠᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠬᠡᠷᠡᠭᠯᠡᠭᠡ 》᠂ 《 ᠵᠠᠯᠠᠭᠤᠴᠤᠳᠤᠨ ᠤᠯᠠᠭᠠ ᠦᠷᠳᠡᠭᠡᠳᠦ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢᠪᠡᠷ 15 ᠡᠳᠦᠷ ᠣᠷᠣᠵᠤ ᠰᠠᠭᠤᠯᠭᠠᠬᠤ ᠨᠢᠭᠡ ᠦᠷᠲᠡᠭᠡᠴᠢᠯᠡᠭᠰᠡᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ》 ᠵᠡᠷᠭᠡ ᠪᠤᠭᠤᠲᠤ ᠬᠤᠳᠠᠶᠢᠨ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠬᠦ ᠲᠦᠷᠦᠶᠢᠨ ᠪᠣᠳᠣᠯᠭᠠᠶᠢᠨ ᠵᠠᠷᠯᠠᠯᠤᠨ ᠡᠮᠦᠨᠡ᠂ ᠰᠤᠷᠤᠭ᠍ᠴᠢᠳᠤᠨ ᠯᠠᠪᠯᠠᠭᠠ ᠠᠪᠬᠤ ᠤᠷᠳᠤ ᠡᠩᠨᠡᠭᠡ ᠮᠥᠷᠯᠡᠨ ᠵᠢᠭ᠍ᠰᠠᠵᠤ ᠪᠠᠢᠯᠠ᠃ ᠮᠠᠰᠢᠨ ᠮᠧᠬᠠᠨᠢᠭ᠋ᠤᠨ ᠢᠨᠵᠧᠨᠧᠷᠢᠩ᠂ ᠡᠨᠧᠷᠭᠢᠶᠢᠨ ᠬᠥᠳᠡᠯᠭᠡᠬᠦ ᠬᠦᠴᠦᠨ ᠵᠡᠷᠭᠡ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠲᠡᠭᠦᠰᠬᠦ ᠰᠤᠷᠤᠭ᠍ᠴᠢᠳᠤᠨ ᠠᠩᠬᠠᠷᠤᠯ ᠪᠤᠭᠤᠲᠤᠶᠢᠨ ᠬᠣᠪᠣᠷ ᠰᠢᠷᠣᠢᠶᠢᠨ ᠰᠢᠨᠡ ᠮᠠᠲᠧᠷᠢᠶᠠᠯ᠂ ᠰᠠᠯᠬᠢᠨ ᠬᠦᠴᠦᠨᠦ ᠴᠠᠬᠢᠯᠭᠠᠨᠤ ᠲᠣᠨᠣᠭᠯᠠᠯᠤᠨ ᠠᠵᠢᠯᠤᠨ ᠪᠠᠢᠷᠢ ᠵᠡᠷᠭᠡᠳᠦ ᠲᠥᠪᠯᠡᠷᠡᠵᠦ᠂ ᠣᠷᠣᠨ ᠰᠠᠭᠤᠴᠠᠶᠢᠨ ᠨᠥᠬᠥᠪᠦᠷᠢᠶᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠲᠠᠢᠯᠪᠤᠷᠢᠯᠠᠵᠤ᠂ ᠳᠦᠷᠦᠶᠢᠨ ᠪᠣᠳᠣᠯᠭᠠᠶᠢ ᠠᠮᠢᠳᠤᠯᠢᠭ᠋ᠢᠶᠠᠷ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠵᠤ᠂ ᠰᠤᠷᠤᠭ᠍ᠴᠢᠳᠤᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠲᠤᠬᠠᠢ ᠡᠷᠡᠭᠡᠯᠵᠡᠭᠡᠶᠢ ᠰᠢᠭᠤᠳ ᠠᠷᠢᠯᠭᠠᠵᠤ᠂ 《 ᠠᠯᠳᠠᠨ ᠨᠠᠮᠤᠷᠤᠨ ᠤᠯᠠᠷᠢᠯ ᠪᠤᠭᠤᠲᠤ ᠬᠤᠳᠠᠳᠤ ᠢᠷᠡᠵᠦ ᠬᠥᠭᠵᠢᠬᠦ 》 ᠶ᠋ᠢ ᠡᠩᠦᠨ ᠰᠣᠩᠭᠣᠯᠲᠠᠠᠴᠠ ᠰᠢᠯᠢᠳᠡᠭ ᠰᠣᠩᠭᠣᠯᠲᠠ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠪᠠ᠃
ᠡᠨᠡ ᠤᠳᠠᠭᠠᠶᠢᠨ ᠠᠯᠲᠠᠨ ᠨᠠᠮᠤᠷᠤᠨ ᠴᠢᠳᠠᠪᠤᠷᠢᠲᠠᠨ ᠤᠷᠢᠬᠤ ᠠᠵᠢᠯᠯᠠᠭᠠᠳᠦ᠂ ᠪᠤᠭᠤᠲᠤ ᠬᠣᠲᠠ ᠪᠥᠬᠥ ᠶᠠᠪᠤᠴᠠᠶᠢᠨ ᠨᠢᠭᠡᠳᠦᠭᠡᠷ ᠬᠣᠶᠠᠳᠤᠭᠠᠷ ᠭᠤᠷᠪᠠᠳᠤᠭᠠᠷ ᠠᠵᠤ ᠦᠢᠯᠡᠰᠦᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠲᠠᠢ ᠨᠢᠭ᠍ᠲᠠ ᠤᠶᠠᠯᠳᠤᠭᠤᠯᠤᠨ᠂ ᠠᠵᠤ ᠦᠢᠯᠡᠰᠦᠨ ᠴᠢᠳᠠᠪᠤᠷᠢᠲᠠᠨᠤ ᠭᠠᠵᠠᠷᠤᠨ ᠵᠢᠷᠤᠭᠢ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢᠪᠠᠷ ᠵᠢᠷᠤᠵᠤ᠂ ᠭᠣᠣᠯᠳᠠᠯᠭᠠᠲᠠᠢ ᠠᠵᠤ ᠦᠢᠯᠡᠰ ᠪᠠ ᠨᠡᠢᠭᠡᠮᠦᠨ ᠬᠦᠷᠢᠶᠡᠨᠳᠡᠬᠢ ᠳᠡᠭᠡᠳᠦ ᠲᠠᠰᠤᠨ ᠳᠤᠲᠠᠭᠳᠠᠵᠤ ᠪᠠᠢᠭᠠ ᠴᠢᠳᠠᠪᠤᠷᠢᠲᠠᠨᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢᠨ ᠨᠠᠷᠢᠨ ᠲᠠᠩᠰᠠ ᠂ ᠵᠠᠯᠠᠭᠤ ᠴᠢᠳᠠᠪᠤᠷᠢᠲᠠᠨᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢᠨ ᠨᠠᠷᠢᠨ ᠲᠠᠩᠰᠠ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠰᠢᠨᠡᠶᠢ ᠡᠭᠦᠳᠬᠦ ᠲᠥᠷᠥᠯ ᠵᠦᠢᠯᠡᠰᠦᠨ ᠴᠢᠳᠠᠪᠤᠷᠢᠲᠠᠨᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢᠨ ᠨᠠᠷᠢᠨ ᠲᠠᠩᠰᠠ᠂ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠥᠪᠥᠷ ᠮᠣᠩᠭᠣᠯᠦᠨ ᠴᠢᠳᠠᠪᠤᠷᠢᠲᠠᠨ ᠪᠤᠭᠤᠲᠤᠶᠢᠨ ᠴᠢᠳᠠᠪᠤᠷᠢᠲᠠᠨᠦ ᠡᠬᠢ ᠪᠠᠶᠠᠯᠢᠭ᠋ᠤᠨ ᠨᠠᠷᠢᠨ ᠲᠠᠩᠰᠠᠶᠢ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠪᠠ᠃ ᠲᠧᠭᠨᠢᠭᠦᠨ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠴᠢᠭᠯᠡᠭᠦᠯᠦᠨ᠂ ᠰᠢᠨᠡ ᠡᠨᠧᠷᠭᠢᠶᠢᠨ ᠰᠤᠷᠪᠤᠯᠵᠢᠶᠢᠨ ᠬᠦᠨᠳᠦ ᠠᠴᠢᠶᠠᠨᠤ ᠮᠠᠰᠢᠨ ᠂ ᠲᠣᠨᠣᠭ ᠲᠥᠬᠦᠭᠡᠷᠦᠮᠵᠢ ᠦᠢᠯᠡᠳᠬᠦ ᠠᠵᠤ ᠠᠬᠤᠢᠯᠠᠯᠢ ᠭᠣᠣᠯᠳᠠᠯᠭᠠᠲᠠᠢ ᠵᠣᠯᠭᠠᠭᠤᠯᠪᠠ；ᠶᠡᠷᠦᠩᠬᠡᠢᠯᠡᠭᠰᠡᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠬᠠᠨᠳᠤᠭᠤᠯᠤᠨ᠂ ᠹᠯᠣᠷᠤᠨ ᠮᠠᠲᠧᠷᠢᠶᠠᠯ᠂ ᠡᠨᠧᠷᠭᠢ ᠬᠠᠳᠠᠭᠠᠯᠠᠬᠤ ᠬᠦᠷᠢᠶᠡᠨᠦ ᠠᠵᠢᠯᠤᠨ ᠪᠠᠢᠷᠢᠶᠢ ᠭᠣᠣᠯᠳᠠᠯᠭᠠᠲᠠᠢ ᠬᠦᠷᠭᠡᠵᠦ᠂ 《 ᠲᠤᠰᠬᠠᠢ ᠮᠡᠷᠭᠡᠵᠢᠯ ᠨᠡᠢᠴᠡᠬᠦ᠂ ᠬᠥᠮᠥᠨ ᠪᠠ ᠠᠵᠢᠯᠤᠨ ᠪᠠᠢᠷᠢ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢ ᠵᠣᠬᠢᠴᠠᠯᠳᠤᠬᠤ 》ᠶᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠵᠠᠢ᠃
ᠰᠢ ᠠᠨᠤ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠲᠠᠢᠶᠤᠸᠠᠨᠤ ᠪᠠᠢᠭᠠᠯᠢ ᠲᠧᠭᠨᠢᠭᠦᠨ ᠤᠬᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠬᠣᠣᠰ ᠰᠣᠩᠭᠣᠯᠲᠠᠶᠢᠨ ᠬᠤᠷᠠᠯᠤᠨ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ᠂ ᠲᠦᠷᠦᠶᠢᠨ ᠪᠣᠳᠣᠯᠭᠠᠶᠢ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬᠤ᠂ ᠠᠵᠤ ᠠᠬᠤᠢᠯᠠᠯᠤᠨ ᠲᠠᠨᠢᠯᠴᠠᠭᠤᠯᠭᠠ᠂ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ 《 ᠭᠤᠷᠪᠠᠨ ᠬᠡᠮᠵᠢᠯᠲᠦ ᠬᠠᠮᠲᠤᠷᠠᠯᠴᠠᠭᠠ 》 ᠶ᠋ᠢ ᠵᠥᠪᠳᠡᠯᠴᠡᠬᠦᠪᠡᠷ ᠳᠠᠮᠵᠢᠭᠤᠯᠵᠤ᠂ ᠪᠤᠭᠤᠲᠤ ᠬᠤᠳᠠᠶᠢᠨ ᠬᠢᠨ ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠬᠡᠯᠪᠡᠷᠢᠶᠢ ᠬᠤᠪᠢᠷᠠᠭᠤᠯᠬᠤ ᠵᠢᠷᠤᠭ ᠲᠥᠯᠥᠪᠯᠡᠭᠡ᠂ ᠠᠵᠤ ᠦᠢᠯᠡᠰᠦᠨ ᠠᠵᠠ ᠲᠣᠬᠢᠶᠠᠯᠢ ᠰᠤᠷᠤᠭ᠍ᠴᠢᠳᠤᠨ ᠡᠮᠦᠨᠡ ᠳᠡᠯᠭᠡᠵᠦ᠂ ᠪᠤᠭᠤᠲᠤ ᠬᠤᠳᠠᠶᠢᠨ ᠲᠠᠲᠠᠬᠤ ᠬᠦᠴᠦᠨᠢ 《 ᠴᠠᠭᠠᠰᠤᠨ ᠨᠢᠭᠤᠷ 》 ᠡᠴᠡ ᠴᠠᠭ ᠲᠤᠬᠠᠢ ᠳ᠋ᠤᠨᠢ 《 ᠪᠣᠳᠠᠲᠠᠢ ᠭᠠᠵᠠᠷ 》ᠲᠤ᠌ ᠨᠠᠢᠳᠠᠪᠤᠷᠢᠵᠢᠭᠤᠯᠵᠠᠢ᠃ ᠣᠲᠣ᠌ ᠪᠣᠯᠲᠠᠯᠠ ᠂ ᠰᠦᠯᠵᠢᠶᠡᠨ ᠭᠠᠳᠠᠨᠠ ᠠᠵᠢᠯᠲᠠᠨ ᠡᠯᠰᠡᠬᠦ ᠡᠯᠡ ᠲᠥᠷᠥᠯᠦᠨ ᠠᠵᠢᠯᠯᠠᠭᠠᠶᠢ ᠨᠢᠭᠡᠨᠲᠡ 13 ᠲᠠᠯᠠᠪᠤᠷ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ 5564 ᠬᠤᠪᠢ ᠰᠠᠨᠠᠮᠵᠢᠶᠢᠨ ᠲᠣᠪᠴᠢ ᠨᠠᠮᠲᠠᠷᠢ ᠭᠥᠯᠢᠶᠡᠨ ᠠᠪᠴᠠᠢ᠂ ᠡᠭᠦᠨᠳᠦ ᠳ᠋ᠣᠺᠲ᠋ᠣᠷᠦᠨ 125 ᠬᠤᠪᠢ᠂ ᠮᠠᠰᠲᠧᠷᠤᠨ 2859 ᠬᠤᠪᠢ᠂ ᠵᠢᠩᠬᠢᠨᠢ ᠠᠩᠭᠢᠶᠢᠨ 2542 ᠬᠤᠪᠢ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠠᠩᠭᠢᠶᠢᠨ 38 ᠬᠤᠪᠢ ᠪᠠᠢᠵᠤ᠂ ᠥᠨᠳᠥᠷ ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷᠲᠠᠢ ᠴᠢᠳᠠᠪᠤᠷᠢᠲᠠᠨᠤ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠢᠯᠡ ᠲᠣᠳᠣ᠌ ᠪᠣᠯᠵᠤ ᠂ ᠠᠰᠫᠢᠷᠠᠨᠲᠠᠴᠠ ᠳᠡᠭᠡᠭᠰᠢᠬᠢ ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷᠲᠠᠢ ᠲᠣᠪᠴᠢ ᠨᠠᠮᠲᠠᠷᠤᠨ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠨᠢ 53.63% ᠬᠦᠷᠴᠡᠢ᠃
9 ᠰᠠᠷᠠᠶᠢᠨ 26ᠤ ᠡᠳᠦᠷ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠳᠤ ᠪᠤᠭᠤᠲᠤ ᠬᠣᠲᠠᠶᠢᠨ ᠨᠠᠮᠤᠷᠤᠨ ᠠᠵᠢᠯ ᠡᠯᠰᠡᠯᠳᠡ ᠠᠩᠬᠠᠨᠤ ᠲᠤᠰᠬᠠᠢ ᠠᠵᠢᠯᠯᠠᠭᠠᠶᠢ ᠡᠬᠢᠯᠡᠭᠦᠯᠵᠦ᠂ ᠵᠡᠷᠭᠡᠪᠡᠷ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ 7 ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ 《 ᠬᠦᠷᠢᠶᠡ ᠬᠡᠪᠴᠢᠶᠡᠶᠢ ᠥᠷᠭᠡᠳᠬᠡᠬᠦ 》 ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ 3600 ᠭᠠᠷᠤᠢ ᠲᠡᠭᠦᠰᠬᠦ ᠰᠣᠷᠣᠭ᠍ᠴᠢ ᠲᠤᠬᠠᠢᠶᠢᠨ ᠲᠠᠯᠠᠪᠤᠷᠲᠤ ᠢᠷᠡᠵᠦ ᠠᠰᠠᠭᠤᠨ ᠯᠠᠪᠯᠠᠬᠤ ᠂ ᠲᠣᠪᠴᠢ ᠨᠠᠮᠲᠠᠷ ᠬᠦᠷᠭᠡᠬᠦ᠂ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠵᠥᠪᠳᠡᠯᠴᠡᠭᠡ ᠬᠢᠪᠡ᠃ ᠲᠣᠰ ᠤᠳᠠᠭᠠᠨᠤ ᠲᠤᠰᠬᠠᠢ ᠠᠵᠢᠯᠲᠠᠨ ᠡᠯᠰᠡᠬᠦ ᠠᠵᠢᠯ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠭᠠᠭᠤᠯᠢ ᠡᠷᠭᠢᠯᠡᠬᠦ ᠣᠨᠴᠠᠯᠢᠭ᠋ᠲᠤ ᠣᠨᠣᠪᠴᠢᠲᠠᠶ ᠨᠡᠢᠴᠡᠵᠦ᠂ 43 ᠲᠣᠰ ᠭᠠᠵᠠᠷᠤᠨ ᠬᠥᠮᠥᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ 155 ᠠᠵᠢᠯᠤᠨ ᠪᠠᠢᠷᠢ᠂ 1004 ᠬᠥᠮᠥᠨᠦ ᠬᠡᠷᠡᠭᠴᠡᠭᠡᠶᠢ ᠬᠠᠩᠭᠠᠵᠤ᠂ ᠲᠣᠰ ᠰᠤᠷᠭᠠᠭᠤᠯᠢᠶᠢᠨ ᠮᠧᠬᠠᠨᠢᠭ᠋ᠤᠨ ᠢᠨᠵᠧᠨᠧᠷᠢᠩ᠂ ᠡᠵᠡᠮᠳᠡᠯᠦᠨ ᠢᠨᠵᠧᠨᠧᠷᠢᠩ᠂ ᠡᠨᠧᠷᠭᠢᠶᠢᠨ ᠰᠤᠷᠪᠤᠯᠵᠢ ᠬᠢᠭᠡᠳ ᠬᠥᠳᠡᠯᠭᠡᠭᠴᠢ ᠬᠦᠴᠦᠨᠦ ᠢᠨᠵᠧᠨᠧᠷᠢᠩ ᠵᠡᠷᠭᠡ ᠳᠠᠪᠠᠭᠤᠯᠢᠭ᠋ ᠰᠢᠨᠵᠢᠯᠡᠭᠡᠨᠦ ᠰᠠᠯᠠᠭᠠ ᠲᠠᠢ ᠪᠦᠷᠢᠮᠦᠰᠦᠨ ᠨᠡᠢᠴᠡᠭᠰᠡᠨ ᠪᠠᠢᠨᠠ᠃ ᠲᠣᠰ ᠠᠵᠢᠯᠯᠠᠭᠠᠳᠤ ᠲᠣᠰ ᠡᠳᠦᠷᠲᠦ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠪᠠ ᠰᠦᠯᠵᠢᠶᠡᠨ ᠭᠠᠳᠠᠨᠠᠬᠢ ᠲᠣᠪᠴᠢ ᠨᠠᠮᠲᠠᠷᠢ ᠨᠡᠶ᠋ᠢᠲᠡ 1361 ᠬᠤᠪᠢ ᠬᠤᠷᠢᠶᠠᠵᠤ ᠂ ᠡᠭᠦᠨᠦ ᠳᠣᠲᠣᠷᠠ ᠳ᠋ᠣᠺᠲ᠋ᠣᠷᠤᠨ 4 ᠬᠤᠪᠢ ᠂ ᠮᠠᠰᠲᠧᠷᠤᠨ 392 ᠬᠤᠪᠢ ᠬᠤᠷᠢᠶᠠᠵᠤ ᠂ ᠠᠵᠢᠯᠤᠨ ᠪᠠᠢᠷᠢ ᠪᠣᠯᠣᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠥᠨᠳᠥᠷ ᠵᠣᠬᠢᠴᠠᠯ ᠨᠢ ᠠᠵᠢᠯ ᠡᠷᠢᠬᠦ ᠦᠷᠡ ᠪᠦᠲᠦᠮᠵᠢᠶᠢ ᠶᠡᠬᠡᠪᠡᠷ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠳᠤᠷᠠᠳᠤᠭᠤᠰᠢᠲᠠᠢ ᠵᠦᠢᠯ ᠭᠡᠪᠡᠯ᠂ ᠪᠤᠭᠤᠲᠤ ᠬᠢᠭᠡᠳ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠠᠮᠲᠤᠷᠠᠯᠴᠠᠭᠠᠶᠢᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠨᠢ ᠠᠯᠢ ᠡᠷᠲᠡᠡᠴᠡ ᠭᠦᠨ ᠰᠠᠭᠤᠷᠢ ᠲᠠᠢ ᠶᠤᠮ᠃ ᠠᠯᠢ ᠡᠷᠲᠡ 《 ᠠᠩᠬᠠᠳᠤᠭᠠᠷ ᠲᠠᠪᠤᠨ ᠵᠢᠯ 》ᠤᠨ ᠬᠤᠭᠤᠴᠠᠭᠠᠨᠳᠤ ᠂ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠢ 6 ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠲᠥᠷᠥᠯ ᠵᠦᠢᠯ ᠪᠤᠭᠤᠲᠤᠳᠦ ᠨᠤᠲᠤᠭᠰᠢᠵᠤ ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ （ ᠤᠤᠯᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ） ᠵᠢᠨ ᠮᠡᠨᠳᠦᠯᠡᠬᠦᠶᠢ ᠰᠢᠭᠤᠳ ᠠᠬᠢᠭᠤᠯᠪᠠ； ᠣᠳᠣᠬᠠᠨᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠡᠨᠧᠷᠭᠢ᠂ ᠮᠠᠲᠧᠷᠢᠶᠠᠯ ᠵᠡᠷᠭᠡ ᠰᠢᠨᠵᠢᠯᠡᠭᠡᠨᠦ ᠰᠠᠯᠠᠭᠠ ᠨᠢ ᠪᠤᠭᠤᠲᠤᠶᠢᠨ ᠭᠣᠣᠯᠳᠠᠯᠭᠠᠲᠠᠢ ᠠᠵᠤ ᠦᠢᠯᠡᠰᠦᠨ ᠪᠦᠯᠦᠭᠯᠡᠯᠲᠠᠢ ᠳᠡᠭᠡᠳᠦ ᠬᠡᠮᠵᠢᠶᠡᠪᠡᠷ ᠨᠡᠢᠴᠡᠵᠦ᠂ ᠵᠠᠰᠠᠭ ᠰᠤᠷᠭᠠᠭᠤᠯᠢ ᠠᠵᠤ ᠠᠬᠤᠢᠯᠠᠯᠤᠨ ᠬᠠᠮᠲᠤᠷᠠᠯᠴᠠᠭᠠ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠡᠶᠡᠯᠡᠭᠳᠡᠵᠡᠢ᠃ 2025 ᠣᠨᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ 469 ᠣᠶᠤᠲᠠᠨ ᠪᠤᠭᠤᠲᠤᠳᠤ ᠢᠷᠡᠵᠥ ᠠᠵᠢᠯᠯᠠᠵᠤ᠂ ᠤᠯᠠᠨ ᠵᠢᠯᠦᠨ ᠲᠤᠷᠰᠢ ᠵᠠᠯᠭᠠᠭᠠᠪᠠᠷ 1.5 ᠲᠦᠮᠡ ᠭᠠᠷᠤᠢ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠰᠣᠷᠣᠭ᠍ᠴᠢᠳ ᠪᠤᠭᠤᠲᠤᠶᠢ ᠰᠣᠩᠭᠣᠵᠤ᠂《 ᠪᠤᠭᠤᠲᠤᠳᠠᠭᠠᠨ ᠬᠠᠷᠢᠵᠤ᠂ ᠨᠤᠲᠤᠭ ᠤᠰᠤᠪᠠᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤ 》 ᠨᠢ ᠨᠢᠭᠡᠨᠲᠡ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠰᠣᠷᠣᠭ᠍ᠴᠢᠳᠦᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠰᠢᠨᠡ ᠬᠠᠨᠳᠤᠰᠢ ᠪᠣᠯᠵᠠᠢ᠃
ᠲᠣᠭᠠᠴᠢᠯᠠᠭᠰᠠᠨ ᠠᠯᠲᠠᠨ ᠨᠠᠮᠤᠷᠤᠨ ᠬᠥᠭᠥᠷᠭᠡ ᠄ AI+ ᠲᠣᠮᠣ᠌ ᠳ᠋ᠠᠢᠲ᠋ᠠ᠂ ᠨᠢᠭᠡ ᠺᠣᠳ᠋ᠢᠶᠠᠷ ᠨᠡᠢᠳᠡᠮ ᠭᠦᠢᠴᠡᠳᠬᠡᠬᠦ ᠨᠢ ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ 《 ᠬᠤᠷᠳᠤᠴᠠᠶᠢ ᠨᠡᠮᠡᠭᠳᠡᠭᠦᠯᠬᠦ 》ᠶᠢ ᠪᠡᠶᠡᠯᠡᠭᠦᠯᠪᠡ
ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠰᠣᠷᠣᠭ᠍ᠴᠢ ᠡᠯᠰᠡᠬᠦ ᠰᠦᠯᠵᠢᠶᠡᠨᠡᠴᠡ ᠭᠠᠳᠠᠭᠤᠷᠬᠢ ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ ᠠᠵᠢᠯᠯᠠᠭᠠᠶᠢ ᠬᠥᠭᠵᠢᠶᠡᠨᠲᠡᠢ ᠠᠬᠢᠭᠤᠯᠬᠤ ᠶᠠᠪᠤᠴᠠᠳᠤ᠂ ᠪᠤᠭᠤᠲᠤ ᠬᠣᠲᠠᠶᠢᠨ ᠬᠢᠨ ᠲᠣᠭᠠᠴᠢᠯᠠᠭᠰᠠᠨ ᠮᠡᠷᠭᠡᠵᠢᠯᠳᠦ ᠲᠦᠰᠢᠭᠯᠡᠨ ᠪᠥᠬᠥ ᠴᠠᠷᠠᠭᠠᠨᠤ ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ ᠣᠶᠤᠨᠲᠤ ᠵᠢᠭ᠍ᠰᠠᠭᠠᠯᠢ ᠪᠣᠶ ᠪᠣᠯᠭᠠᠵᠤ ᠂ ᠲᠣᠮᠣ᠌ ᠳ᠋ᠠᠢᠲ᠋ᠠ᠂ AI ᠮᠡᠷᠭᠡᠵᠢᠯᠢᠶᠡᠷ ᠴᠢᠳᠠᠪᠤᠷᠢᠲᠠᠨᠤ ᠬᠠᠩᠭᠠᠯᠭᠠ ᠬᠡᠷᠡᠭᠴᠡᠭᠡᠶᠢᠨ ᠲᠦᠭᠵᠢᠷᠡᠯᠢ ᠨᠠᠪᠲᠠᠷᠡᠭᠦᠯᠵᠦ ᠂ ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ ᠵᠠᠭᠪᠤᠷᠢ 《 ᠢᠳᠡᠪᠬᠢ ᠪᠤᠰᠤᠪᠠᠷ ᠲᠣᠪᠴᠢ ᠨᠠᠮᠲᠠᠷ ᠬᠤᠷᠢᠶᠠᠬᠤ 》 ᠠᠴᠠ 《 ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠲᠤᠬᠠᠢᠶᠢᠨ ᠴᠠᠭᠲᠤ ᠨᠢ ᠬᠥᠮᠥᠨ ᠪᠠ ᠠᠵᠢᠯᠤᠨ ᠪᠠᠢᠷᠢᠶᠢ ᠵᠣᠬᠢᠴᠠᠭᠤᠯᠬᠤ 》 ᠲᠡᠢᠰᠢ ᠬᠤᠪᠢᠷᠠᠭᠤᠯᠵᠤ ᠂ ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ ᠦᠷᠡ ᠪᠦᠲᠦᠮᠵᠢᠶᠢ 《 ᠳᠠᠬᠢᠨᠢᠶᠠᠷ ᠨᠡᠮᠡᠭᠳᠡᠭᠦᠯᠬᠦ 》 ᠶ᠋ᠢ ᠪᠡᠶᠡᠯᠡᠭᠦᠯᠪᠡ ᠃ ᠪᠤᠭᠤᠲᠤ ᠬᠤᠳᠠᠶᠢᠨ ᠬᠢᠨ ᠲᠡᠭᠦᠰᠬᠦ ᠰᠤᠷᠤᠭ᠍ᠴᠢᠳᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ᠂ ᠤᠷᠠ ᠴᠢᠳᠠᠪᠤᠷᠢ᠂ ᠠᠵᠢᠯ ᠣᠯᠬᠤ ᠰᠠᠨᠠᠮᠵᠢ ᠪᠣᠯᠣᠨ ᠠᠵᠤ ᠠᠬᠤᠢᠯᠠᠯᠤᠨ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢ ᠬᠠᠮᠤᠷᠤᠭᠰᠠᠨ ᠲᠣᠮᠣ᠌ ᠳ᠋ᠠᠢᠲ᠋ᠠᠶᠢᠨ ᠲᠠᠪᠴᠠᠩᠢ ᠪᠠᠢᠭᠤᠯᠵᠤ᠂ 《 ᠠᠷᠪᠠᠶᠢ ᠠᠩᠬᠠᠷᠬᠤ ᠠᠷᠭᠠ 》 ᠶ᠋ᠢ ᠬᠡᠷᠡᠭᠯᠡᠨ ᠪᠤᠳᠤᠬᠤ ᠠᠷᠭᠠᠶᠢᠨ ᠵᠠᠭᠪᠤᠷᠢ ᠰᠢᠯᠢᠳᠡᠭᠵᠢᠭᠦᠯᠵᠦ᠂ 《 ᠠᠵᠢᠯᠤᠨ ᠪᠠᠢᠷᠢ + ᠴᠢᠳᠠᠪᠤᠷᠢᠲᠠᠨ 》ᠤ ᠲᠤᠬᠠᠢᠶᠢᠨ ᠴᠠᠭᠤᠨ ᠣᠶᠤᠨᠴᠢ ᠵᠣᠬᠢᠴᠠᠭᠤᠯᠬᠤ ᠰᠢᠰᠲᠧᠮᠢ ᠪᠠᠢᠭᠤᠯᠵᠤ᠂ ᠤᠯᠠᠨ ᠬᠡᠮᠵᠢᠯᠲᠦ ᠬᠠᠷᠢᠴᠠᠭᠤᠯᠤᠯᠢᠶᠠᠷ ᠳᠠᠮᠵᠢᠭᠤᠯᠵᠤ 《 ᠬᠥᠮᠥᠨ ᠪᠠ ᠠᠵᠢᠯᠤᠨ ᠪᠠᠢᠷᠢᠶᠢ ᠨᠠᠷᠢᠯᠢᠭ᠋ ᠤᠨᠤᠪᠴᠢᠳᠠᠢ ᠲᠣᠬᠢᠷᠠᠭᠤᠯᠬᠤ 》 ᠶ᠋ᠢ ᠪᠡᠶᠡᠯᠡᠭᠦᠯᠵᠡᠢ᠃
ᠡᠭᠦᠨᠦ ᠰᠠᠭᠤᠷᠢᠨ ᠳᠡᠭᠡᠷᠡ ᠂ 《 ᠮᠢᠩᠭᠠᠨ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠬᠤᠷᠠᠮᠳᠤᠯ ᠺᠣᠳ᠋ 》 《 ᠺᠣᠳ᠋ᠢᠶᠠᠷ ᠴᠢᠳᠠᠪᠤᠷᠢᠲᠠᠨ ᠴᠤᠭᠯᠠᠭᠤᠯᠬᠤ 》 ᠴᠢᠳᠠᠮᠵᠢᠶᠢ ᠡᠮᠬᠢᠯᠡᠨ ᠨᠡᠢᠯᠡᠭᠦᠯᠵᠦ ᠂ 《 ᠨᠢᠭᠡ ᠺᠣᠳ᠋ᠢᠶᠡᠷ ᠬᠥᠮᠥᠨ ᠡᠯᠰᠡᠬᠦ᠂ ᠨᠢᠭᠡ ᠺᠣᠳ᠋ᠢᠶᠡᠷ ᠠᠵᠢᠯ ᠡᠷᠢᠬᠦ 》 ᠳᠥᠭᠥᠮ ᠳᠥᠲᠡ ᠵᠠᠭᠪᠤᠷᠢ ᠪᠠᠢᠭᠤᠯᠪᠠ ᠄ ᠠᠵᠤ ᠠᠬᠤᠢᠯᠠᠯᠤᠳ AI ᠣᠶᠤᠨᠴᠢ ᠦᠢᠯᠡᠴᠢᠯᠡᠭᠡᠶᠢ ᠠᠰᠢᠭ᠍ᠯᠠᠨ ᠲᠣᠪᠴᠢ ᠨᠠᠮᠲᠠᠷᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠰᠢᠯᠢᠨ ᠰᠣᠩᠭᠣᠵᠤ ᠂ ᠴᠢᠳᠠᠪᠤᠷᠢᠲᠠᠨᠤ ᠨᠥᠭᠡᠴᠡᠶᠢᠨ ᠬᠥᠮᠥᠷᠭᠡᠶᠢ ᠪᠠᠢᠭᠤᠯᠤᠨ ᠬᠥᠮᠥᠨᠦ ᠬᠦᠴᠦᠪᠡᠷ ᠣᠶᠤᠨᠴᠢ 《 ᠣᠷᠴᠢᠭᠤᠯᠭᠠ 》 ᠲᠡᠢᠰᠢ ᠳᠠᠪᠰᠢᠭᠤᠯᠵᠤ ᠂ ᠲᠡᠭᠦᠰᠬᠦ ᠰᠤᠷᠤᠭ᠍ᠴᠢᠳ ᠬᠥᠮᠥᠨ ᠮᠠᠰᠢᠨᠤ ᠶᠠᠷᠢᠯᠴᠠᠭᠠᠪᠠᠷ ᠳᠡᠮᠵᠢᠨ ᠳᠠᠷᠤᠢ 《 ᠲᠣᠭᠲᠠᠭᠰᠠᠨ 》 ᠠᠵᠢᠯᠤᠨ ᠪᠠᠢᠷᠢ ᠣᠯᠵᠤ ᠂ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠲᠠᠨᠢᠯᠴᠠᠭᠤᠯᠭᠠ ᠂ ᠴᠢᠳᠠᠪᠤᠷᠢᠲᠠᠨᠤ ᠬᠠᠩᠭᠠᠯᠭᠠ ᠬᠡᠷᠡᠭᠴᠡᠭᠡᠶᠢᠨ ᠬᠣᠶᠠᠷ ᠦᠵᠦᠭᠦᠷᠲᠦ 《 ᠰᠧᠺᠦ᠋ᠨ᠋ᠳ᠋ᠢᠶᠡᠷ ᠵᠣᠯᠭᠠᠭᠤᠯᠬᠤ 》 ᠶ᠋ᠢ ᠪᠡᠶᠡᠯᠡᠭᠦᠯᠵᠦ ᠪᠣᠯᠣᠨᠠ ᠃ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠲᠠᠪᠴᠠᠩᠤᠨ ᠳᠥᠭᠥᠮ ᠳᠥᠲᠡ ᠴᠢᠨᠠᠷ ᠨᠢ ᠲᠣᠰ ᠤᠳᠠᠭᠠᠨᠤ ᠠᠯᠲᠠᠨ ᠨᠠᠮᠤᠷᠤᠨ ᠴᠢᠳᠠᠪᠤᠷᠢᠲᠠᠨ ᠣᠷᠣᠭᠤᠯᠬᠤ ᠤᠯᠠᠷᠢᠯᠳᠦ ᠮᠠᠰᠢ ᠤᠯᠠᠨ ᠬᠦᠷᠢᠶᠡᠯᠡᠭᠴᠢ ᠲᠠᠢ ᠪᠣᠯᠵᠠᠢ —— ᠲᠡᠭᠦᠰᠬᠦ ᠰᠣᠷᠣᠭ᠍ᠴᠢᠳ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠠᠴᠠᠪᠠᠨ ᠭᠠᠷᠬᠤ ᠦᠭᠡᠢᠪᠠᠷ ᠳᠠᠷᠤᠢ ᠠᠵᠢᠯᠤᠨ ᠪᠠᠢᠷᠢᠶᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠪᠠᠢᠴᠠᠭᠠᠨ ᠯᠠᠪᠯᠠᠵᠤ ᠂ ᠲᠣᠪᠴᠢ ᠨᠠᠮᠲᠠᠷᠢᠶᠠᠨ ᠲᠤᠰᠢᠶᠠᠵᠤ ᠂ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠵᠥᠪᠯᠡᠯᠭᠡ ᠠᠪᠴᠤ ᠂ ᠲᠣᠪᠴᠢ ᠨᠠᠮᠲᠠᠷᠤᠨ ᠬᠠᠷᠢᠭᠤ ᠲᠤᠰᠬᠠᠬᠤ ᠦᠶᠡᠯᠡᠯᠦᠨ ᠬᠤᠭᠤᠴᠠᠭᠠᠶᠢ ᠤᠯᠠᠮᠵᠢᠯᠠᠯᠲᠤ ᠵᠠᠭᠪᠤᠷᠠᠴᠠ 50%ᠡᠴᠡ ᠳᠡᠭᠡᠭᠰᠢ ᠪᠣᠭᠣᠨᠢᠰᠬᠠᠵᠠᠢ ᠃ ᠣᠬᠣᠷᠬᠠᠨ 5 ᠡᠳᠦᠷᠦᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨᠳᠤ ᠂ ᠲᠣᠰ ᠲᠠᠪᠴᠠᠩ ᠨᠢ ᠨᠢᠭᠡᠨᠲᠡ ᠵᠠᠭᠤ ᠰᠢᠬᠠᠮ ᠠᠵᠤ ᠠᠬᠤᠢᠯᠠᠯ ᠂ 8000 ᠭᠠᠷᠤᠢ ᠲᠡᠭᠦᠰᠬᠦ ᠰᠣᠷᠣᠭ᠍ᠴᠢᠳᠦ ᠦᠢᠯᠡᠴᠢᠯᠡᠵᠦ ᠂ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠨ ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ 《 ᠣᠷᠣᠨ ᠪᠦᠰᠡᠶᠢᠨ ᠪᠡᠬᠢᠯᠡᠯᠲᠡ 》ᠶᠢ ᠡᠪᠳᠡᠭᠰᠡᠨ ᠪᠠᠢᠨᠠ᠃
ᠠᠯᠲᠠᠨ ᠨᠠᠮᠤᠷᠤᠨ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠪᠦᠲᠦᠮᠵᠢᠲᠡᠶ ᠬᠠᠮᠠᠭᠠᠯᠠᠯᠲᠠ ᠄ ᠭᠤᠷᠪᠠᠨ ᠬᠡᠮᠵᠢᠯᠢᠶᠡᠷ 《 ᠠᠮᠢ ᠠᠬᠤᠢᠶᠢᠨ ᠴᠠᠭᠠᠷᠢᠭ᠋ 》ᠢ ᠪᠠᠢᠭᠤᠯᠵᠤ ᠂ ᠪᠥᠬᠥ ᠦᠶᠡᠯᠡᠯᠦᠨ ᠬᠤᠭᠤᠴᠠᠭᠠᠨᠤ ᠦᠢᠯᠡᠴᠢᠯᠡᠭᠡᠪᠡᠷ ᠴᠢᠳᠠᠪᠤᠷᠢᠲᠠᠨᠤ 《 ᠰᠡᠳᠬᠢᠯᠢ ᠠᠮᠤᠷᠵᠢᠭᠤᠯᠬᠤ ᠦᠷᠢᠯ 》ᠢ ᠰᠠᠬᠢᠨᠠ
《 ᠠᠯᠲᠠᠨ ᠨᠠᠮᠤᠷᠤᠨ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠯᠳᠡ ᠪᠣᠯ ᠨᠢᠭᠡᠳᠦᠭᠡᠷ ᠠᠯᠬᠤᠮ᠂ ᠴᠢᠳᠠᠪᠤᠷᠢᠲᠠᠨᠢ ᠦᠯᠡᠳᠡᠭᠡᠵᠦ ᠬᠡᠷᠡᠭᠯᠡᠬᠦ ᠪᠣᠯ ᠰᠠᠶᠢ ᠵᠠᠩᠭᠢᠯᠠᠭᠠ ᠮᠥᠨ 》᠃ ᠪᠤᠭᠤᠲᠤ ᠬᠤᠳᠠᠶᠢᠨ ᠬᠢᠨ ᠴᠢᠳᠠᠪᠤᠷᠢᠲᠠᠨᠢ ᠲᠠᠳᠠᠨ ᠣᠷᠣᠭᠤᠯᠬᠤ ᠤᠷᠳᠤ ᠬᠤᠭᠤᠴᠠᠭᠠᠨᠤ ᠪᠦᠲᠦᠮᠵᠢᠲᠡᠢ ᠲᠣᠭᠲᠠᠴᠠᠶᠢ ᠪᠠᠶ᠋ᠢᠭᠤᠯᠬᠤᠠᠴᠠ ᠭᠠᠷᠳᠠᠵᠤ᠂ ᠴᠢᠳᠠᠪᠤᠷᠢᠲᠠᠨᠢ ᠪᠤᠭᠤᠲᠤᠳᠤ ᠦᠨᠳᠦᠰᠦᠯᠡᠭᠦᠯᠦᠭᠰᠡᠨᠦ ᠳᠠᠷᠠᠭᠠ ᠰᠡᠳᠬᠢᠯᠢ ᠨᠢ ᠠᠮᠤᠷᠵᠢᠭᠤᠯᠵᠤ᠂ ᠦᠨᠳᠦᠰᠦ ᠬᠠᠳᠬᠤᠭᠤᠯᠵᠤ᠂ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠡᠭᠦᠳᠦᠨᠡ᠃
ᠨᠤᠲᠤᠭᠤᠨ 《 ᠠᠯᠲᠠᠨ ᠨᠠᠮᠤᠷᠤᠨ ᠴᠢᠳᠠᠪᠤᠷᠢᠲᠠᠨᠤ ᠴᠥᠭᠥᠷᠥᠮ 》ᠢ ᠭᠦᠨ ᠮᠠᠯᠲᠠᠨᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠦᠷᠭᠦᠯᠵᠢᠯᠡᠨ ᠲᠤᠰᠬᠠᠢ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨ ᠡᠷᠬᠢᠯᠡᠵᠦ᠂ 《 ᠪᠤᠭᠤᠲᠤᠶᠢᠨ ᠴᠢᠳᠠᠪᠤᠷᠢᠲᠠᠨᠢ ᠪᠥᠬᠥᠨᠢ ᠬᠡᠷᠡᠭᠯᠡᠬᠦ ᠂ ᠥᠪᠥᠷ ᠮᠣᠩᠭᠣᠯᠦᠨ ᠴᠢᠳᠠᠪᠤᠷᠢᠲᠠᠨᠢ ᠪᠥᠬᠥᠨᠢ ᠬᠡᠷᠡᠭᠯᠡᠬᠦ 》 ᠲᠣᠭᠲᠠᠴᠠᠶᠢ ᠭᠦᠨᠵᠡᠭᠡᠢᠷᠡᠭᠦᠯᠦᠨ ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠴᠢᠳᠠᠪᠤᠷᠢᠲᠠᠨᠤ 《 ᠭᠡᠷᠦᠨ ᠡᠭᠦᠳᠡᠨᠳᠡᠭᠡᠨ ᠠᠵᠢᠯ ᠣᠯᠬᠤ 》ᠶᠢ ᠠᠬᠢᠭᠤᠯᠵᠤ ᠂ ᠪᠤᠭᠤᠲᠤ ᠬᠣᠲᠠᠶᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠳᠦ 《 ᠳᠣᠲᠣᠭᠠᠳᠤᠶᠢᠨ ᠬᠥᠳᠡᠯᠭᠡᠬᠦ ᠬᠦᠴᠦᠨ 》 ᠨᠡᠮᠡᠷᠢᠯᠡᠨᠡ᠃
ᠪᠦᠬᠦ ᠤᠯᠤᠰᠤᠨ ᠬᠡᠪᠴᠢᠶᠡᠨᠦ 《 ᠴᠢᠳᠠᠪᠤᠷᠢᠲᠠᠨ ᠲᠠᠲᠠᠬᠤ ᠲᠣᠣᠷ 》ᠢ ᠨᠢᠭ᠍ᠲᠠ ᠰᠦᠯᠵᠢᠨᠡ᠃ 《 ᠪᠥᠬᠥ ᠤᠯᠤᠰᠤᠨ ᠠᠵᠢᠯ ᠡᠯᠰᠡᠯᠳᠡᠶᠢᠨ ᠭᠠᠵᠠᠷᠤᠨ ᠳᠠᠷᠤᠭᠠᠶᠢᠨ ᠪᠤᠭᠤᠲᠤᠳᠡᠬᠢ ᠠᠶᠠᠯᠠᠯ 》ᠤᠨ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠭᠦᠨ ᠵᠤᠵᠠᠭᠠᠨ 《 ᠶᠠᠪᠤᠯᠴᠠᠭᠠᠨ 》ᠳᠤ ᠲᠦᠰᠢᠭᠯᠡᠨ᠂ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠾᠧᠪᠧᠢ ᠥᠪᠥᠷ ᠮᠣᠩᠭᠣᠯ᠂ ᠬᠥᠬᠡᠮᠥ᠋ᠷᠡᠨᠦ ᠭᠤᠷᠪᠠᠯᠵᠢᠨ ᠬᠣᠢᠭ᠋᠂ ᠬᠠᠲᠤᠨ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷ ᠵᠡᠷᠭᠡ ᠤᠯᠤᠰᠤᠨ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠳᠤ ᠦᠷᠭᠦᠯᠵᠢᠯᠡᠨ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠠᠭᠤᠰᠤᠯᠴᠠᠵᠤ ᠂ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠾᠧᠪᠧᠢ ᠬᠤᠨᠠᠨ ᠬᠤᠪᠧᠢ᠂ ᠬᠠᠷᠠᠮᠥ᠋ᠷᠡᠨ ᠭᠢᠷᠢᠨ ᠯᠢᠶᠣᠤᠨᠢᠩ ᠵᠡᠷᠭᠡ ᠣᠷᠣᠨ ᠪᠦᠰᠡᠶᠢᠨ 26 ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠬᠦᠷᠴᠦ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠵᠦ ᠣᠶᠤᠨ ᠤᠬᠠᠭᠠᠨ ᠣᠷᠣᠭᠤᠯᠬᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ ᠃ ᠪᠦᠬᠦ ᠤᠯᠤᠰᠤᠨ 500 ᠭᠠᠷᠤᠢ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠰᠢᠯᠢᠳᠡᠭ ᠠᠵᠢᠯᠤᠨ ᠪᠠᠢᠷᠢ ᠨᠡᠢᠲᠡᠯᠡᠵᠦ᠂ ᠠᠭᠠᠷᠤᠨ ᠬᠣᠣᠰ ᠰᠣᠩᠭᠣᠯᠲᠠᠶᠢᠨ ᠬᠤᠷᠠᠯᠢ ᠦᠷᠭᠦᠯᠵᠢᠯᠡᠨ ᠬᠤᠷᠠᠯᠳᠤᠭᠤᠯᠵᠤ᠂ ᠨᠢᠭᠡ ᠬᠤᠳᠠᠶᠢᠨ ᠨᠡᠷᠡᠪᠡᠷ ᠪᠦᠬᠦ ᠤᠯᠤᠰᠤᠨ ᠰᠣᠳᠣᠨ ᠴᠢᠳᠠᠪᠤᠷᠢᠲᠠᠨᠢ ᠥᠷᠭᠡᠨᠢᠶᠡᠷ ᠡᠯᠰᠡᠨᠡ᠃
ᠤᠯᠠᠨ ᠨᠡᠶ᠋ᠢᠲᠡᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ᠤᠨ ᠦᠢᠯᠡᠴᠢᠯᠡᠭᠡᠨᠦ 《 ᠪᠠᠲᠤᠯᠠᠭᠠᠶᠢᠨ 《 ᠠᠷᠪᠠᠶᠢ ᠠᠩᠬᠠᠷᠬᠤ ᠠᠷᠭᠠ 》ᠪᠠᠷ ᠠᠵᠤ ᠠᠬᠤᠢᠯᠠᠯᠤᠨ ᠭᠡᠷᠡ ᠲᠣᠭᠲᠠᠬᠤ ᠠᠬᠢᠴᠠᠶᠢ ᠮᠥᠷᠳᠡᠵᠦ᠂ 《 ᠠᠰᠠᠭᠤᠳᠠᠯᠤᠨ ᠡᠬᠡ ᠲᠠᠩᠰᠠ ︱ ᠱᠠᠯᠠᠪᠳᠠᠭᠤᠯᠤᠨ ᠰᠢᠢᠳᠪᠦᠷᠢᠯᠡᠭᠦᠯᠬᠦ ︱ ᠬᠠᠷᠢᠭᠤ ᠲᠤᠰᠬᠠᠬᠤ 》 ᠪᠢᠲᠡᠭᠦᠦ ᠴᠠᠭᠠᠷᠢᠭ᠋ᠤᠨ ᠲᠣᠭᠲᠠᠴᠠᠶᠢ ᠪᠠᠢᠭᠤᠯᠵᠤ ᠂ ᠪᠥᠬᠥ ᠶᠠᠪᠤᠴᠠᠪᠠᠷ ᠴᠢᠳᠠᠪᠤᠷᠢᠲᠠᠨᠤ ᠬᠠᠩᠭᠠᠯᠭᠠ ᠬᠡᠷᠡᠭᠴᠡᠭᠡᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠᠶᠢ ᠨᠠᠪᠲᠠᠷᠡᠭᠦᠯᠵᠦ᠂ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ᠂ ᠦᠢᠯᠡᠴᠢᠯᠡᠭᠡᠨᠦ ᠬᠠᠯᠠᠭᠤᠨᠤ ᠬᠡᠮᠵᠢᠶᠡᠪᠡᠷ ᠳᠠᠮᠵᠢᠭᠤᠯᠤᠨ᠂ ᠪᠤᠭᠤᠲᠤᠳᠤ ᠢᠷᠡᠭᠰᠡᠨ ᠴᠢᠳᠠᠪᠤᠷᠢᠲᠠᠨᠢ 《 ᠣᠷᠣᠭᠤᠯᠵᠤ ᠳᠡᠶ᠋ᠢᠯᠬᠦ ᠂ ᠦᠯᠡᠳᠡᠭᠡᠵᠦ ᠳᠡᠶ᠋ᠢᠯᠬᠦ ᠂ ᠰᠠᠢᠲᠤᠷ ᠬᠡᠷᠡᠭᠯᠡᠵᠦ ᠳᠡᠶ᠋ᠢᠯᠬᠦ 》 ᠪᠣᠯᠭᠠᠨᠠ᠃