ᠠᠵᠢᠯ ᠣᠯᠭᠣᠯᠲᠠ ᠪᠣᠯ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠦᠨᠳᠦᠰᠦ ᠮᠥᠨ᠂ ᠨᠡᠩ ᠴᠤ᠌ ᠵᠣᠯ ᠵᠢᠷᠭᠠᠯᠤᠨ ᠰᠠᠭᠤᠷᠢ ᠮᠥᠨ᠃ ᠡᠨᠡ ᠵᠢᠯ ᠂ ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠣᠪᠴᠢᠶᠠ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠪᠦᠲᠦᠴᠡᠶᠢᠨ ᠴᠢᠨᠠᠷᠲᠠᠢ ᠵᠥᠷᠢᠴᠡᠯᠢ ᠬᠦᠴᠦᠯᠡᠨ ᠰᠢᠢᠳᠪᠦᠷᠢᠯᠡᠵᠦ᠂ ᠦᠢᠯᠡᠴᠢᠯᠡᠭᠡᠨᠦ ᠵᠠᠭᠪᠤᠷᠤᠨ ᠰᠢᠨᠡᠶᠢ ᠡᠭᠦᠳᠬᠦ᠂ ᠤᠷᠠ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯᠢ ᠴᠢᠩᠭᠠᠳᠬᠠᠬᠤ᠂ ᠣᠷᠣᠨ ᠪᠦᠰᠡᠶᠢᠨ ᠬᠠᠮᠵᠢᠯᠴᠠᠭᠠᠶᠢ ᠭᠦᠨᠵᠡᠭᠡᠢᠷᠡᠭᠦᠯᠬᠦ ᠵᠡᠷᠭᠡ ᠣᠯᠠᠨ ᠵᠦᠢᠯᠦᠨ ᠠᠷᠭᠠ ᠬᠡᠮᠵᠢᠶᠡᠪᠡᠷ ᠳᠠᠮᠵᠢᠭᠤᠯᠤᠨ᠂ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢ ᠥᠨᠳᠥᠷ ᠪᠦᠲᠦᠮᠵᠢᠲᠡᠶ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠰᠢᠰᠲᠧᠮᠢ ᠪᠠᠢᠭᠤᠯᠪᠠ᠃ ᠣᠲᠣ᠌ ᠪᠣᠯᠲᠠᠯᠠ᠂ ᠵᠠᠬᠠ ᠳᠡᠯᠭᠡᠭᠦᠷᠴᠢᠯᠡᠭᠰᠡᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠨᠡᠶ᠋ᠢᠲᠡ 11.23 ᠲᠦᠮᠡᠨ ᠤᠳᠠᠭᠠ ᠴᠤᠭᠯᠠᠭᠤᠯᠵᠤ᠂ ᠣᠯᠠᠨ ᠲᠦᠮᠡᠨᠦ ᠴᠢᠨᠠᠷ ᠰᠠᠢᠲᠠᠢ ᠪᠥᠭᠡᠳ ᠭᠦᠢᠴᠡᠳ ᠠᠵᠢᠯ ᠣᠯᠬᠤᠶᠢ ᠬᠦᠴᠦᠯᠡᠨ ᠠᠬᠢᠭᠤᠯᠪᠠ᠃
《 ᠠᠵᠤ ᠠᠬᠤᠢᠯᠠᠯᠳᠤ ᠣᠷᠣᠬᠤ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠶᠢᠨ ᠲᠠᠰᠤᠭᠠᠴᠠ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠮᠡᠳᠡᠭᠡ ᠵᠠᠩᠭᠢᠶᠢ ᠣᠢᠯᠠᠭᠠᠭᠰᠠᠨᠤ ᠳᠠᠷᠠᠭᠠ ᠤᠳᠠᠯ ᠦᠭᠡᠢ ᠠᠵᠢᠯᠳᠤ ᠣᠷᠣᠬᠤ ᠭᠡᠵᠦ ᠪᠠᠢᠨᠠ 》᠃ ᠲᠦᠷᠦᠭᠦᠬᠡᠨ᠂ ᠨᠤᠲᠤᠭᠲᠠᠭᠠᠨ ᠪᠤᠴᠠᠭᠰᠠᠨ ᠵᠠᠯᠠᠭᠤ ᠯᠢᠦ ᠴᠠᠩ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠦᠨ ᠠᠵᠤ ᠠᠬᠤᠢᠯᠠᠯᠳᠤ ᠣᠷᠣᠵᠤ ᠠᠵᠢᠯᠤᠨ ᠪᠠᠢᠷᠢ ᠬᠠᠢᠬᠤ ᠠᠵᠢᠯᠯᠠᠭᠠᠪᠠᠷ ᠳᠡᠮᠵᠢᠨ ᠬᠥᠮᠥᠷᠭᠡᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯ ᠣᠯᠵᠠᠢ᠃
ᠠᠵᠢᠯ ᠡᠷᠢᠭᠰᠡᠳ ᠪᠠ ᠠᠵᠤ ᠠᠬᠤᠢᠯᠠᠯᠤᠨ ᠵᠠᠪᠰᠠᠷ ᠦᠭᠡᠢ ᠬᠥᠭᠥᠷᠭᠡᠶᠢ ᠪᠠᠶ᠋ᠢᠭᠤᠯᠬᠤᠶᠢᠨ ᠲᠥᠯᠥᠭᠡ᠂ ᠡᠨᠡ ᠵᠢᠯ ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠣᠪᠴᠢᠶᠠ 《 ᠴᠡᠭᠡᠴᠡ ᠴᠡᠭᠲᠦ ᠬᠦᠷᠬᠦ 》 ᠠᠵᠤ ᠠᠬᠤᠢᠯᠠᠯᠤᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠥᠷᠭᠡᠳᠬᠡᠬᠦ ᠠᠵᠢᠯᠯᠠᠭᠠᠶᠢ 61 ᠬᠤᠭᠤᠴᠠᠭᠠ ᠥᠷᠨᠢᠭᠦᠯᠵᠦ᠂ 《 ᠦᠢᠯᠡᠳᠪᠦᠷᠢᠶᠢᠨ ᠪᠣᠳᠠᠲᠤ ᠦᠵᠡᠮᠵᠢᠶᠢᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠪᠡᠷ ᠠᠵᠢᠯᠤᠨ ᠪᠠᠢᠷᠢ ᠲᠠᠨᠢᠯᠴᠠᠭᠤᠯᠬᠤ 》 ᠵᠠᠭᠪᠤᠷᠢ ᠰᠢᠨᠡᠪᠡᠷ ᠡᠭᠦᠳᠦᠨ ᠬᠡᠷᠡᠭᠯᠡᠵᠦ᠂ ᠭᠠᠭᠴᠠ ᠲᠠᠯᠠᠪᠤᠷᠤᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠶᠢ 2000 ᠭᠠᠷᠤᠢ ᠬᠥᠮᠥᠨ ᠤᠳᠠᠭᠠ ᠰᠣᠨᠢᠷᠬᠠᠪᠠ᠃ 《 ᠤᠯᠠᠭᠠᠨᠴᠠᠪᠤᠨ ᠦᠳᠡᠰᠢ 》 ᠵᠡᠷᠭᠡ ᠣᠨᠴᠠᠯᠢᠭ᠍ᠲᠤ ᠵᠡᠭᠡᠯᠢ ᠲᠣᠭᠣᠷᠢᠭ᠋ᠲᠤ 《 ᠬᠣᠶᠠᠷ ᠬᠡᠮᠵᠢᠯᠲᠦ ᠺᠣᠳ᠋ᠦᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠬᠡᠷᠡᠮ 》 ᠭᠠᠷᠭᠠᠵᠤ᠂ 460 ᠭᠠᠷᠤᠢ ᠠᠵᠤ ᠠᠬᠤᠢᠯᠠᠯᠤᠨ 1.6 ᠲᠦᠮᠡᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠡᠮᠬᠢᠯᠡᠨ ᠨᠡᠢᠯᠡᠭᠦᠯᠵᠦ᠂ ᠠᠵᠢᠯ ᠡᠷᠢᠭᠰᠡᠳᠲᠦ 《 ᠵᠡᠭᠡᠯᠢ ᠲᠣᠭᠣᠷᠢᠪᠠᠯ ᠳᠠᠷᠤᠢ ᠠᠵᠢᠯ ᠰᠣᠩᠭᠣᠬᠤ᠂ ᠠᠵᠢᠯ ᠡᠷᠢᠪᠡᠯ ᠳᠠᠷᠤᠢ ᠠᠵᠢᠯ ᠣᠯᠬᠤ 》 ᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃
ᠠᠵᠢᠯ ᠣᠯᠭᠣᠯᠲᠠᠶᠢᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ 《 ᠠᠵᠢᠯᠴᠢᠨ ᠡᠯᠰᠡᠬᠦᠳᠦ ᠬᠦᠴᠢᠷᠲᠡᠢ 》 《 ᠠᠵᠢᠯ ᠡᠷᠢᠬᠦᠳᠦ ᠬᠦᠴᠢᠷᠲᠡᠢ 》 ᠪᠠᠢᠳᠠᠯᠳᠤ ᠴᠢᠭᠯᠡᠭᠦᠯᠦᠨ᠂ ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠣᠪᠴᠢᠶᠠ 《 ᠳᠥᠷᠪᠡᠨ ᠨᠠᠷᠢᠨ ᠲᠠᠩᠰᠠ 》ᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠲᠣᠭᠲᠠᠴᠠᠶᠢ ᠰᠢᠨᠡᠪᠡᠷ ᠡᠭᠦᠳᠦᠨ ᠭᠠᠷᠭᠠᠵᠤ᠂ 30 ᠵᠦᠢᠯᠦᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠲᠥᠷᠥᠶᠢᠨ ᠪᠣᠳᠣᠯᠭᠠ᠂ 19 ᠵᠦᠢᠯᠦᠨ ᠦᠢᠯᠡᠴᠢᠯᠡᠭᠡᠨᠦ ᠠᠭᠤᠯᠭᠠᠶᠢ ᠨᠡᠢᠯᠡᠭᠦᠯᠦᠭᠡᠳ 《 ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠨᠠᠷᠢᠨ ᠲᠠᠩᠰᠠ 》 《 ᠦᠢᠯᠡᠴᠢᠯᠡᠭᠡᠨᠦ ᠨᠠᠷᠢᠨ ᠲᠠᠩᠰᠠ 》 ᠪᠣᠯᠭᠠᠵᠤ᠂ ᠵᠠᠭᠤᠴᠢᠯᠠᠭᠤᠷ ᠵᠡᠷᠭᠡ ᠲᠠᠪᠴᠠᠩᠢᠶᠠᠷ ᠳᠠᠮᠵᠢᠭᠤᠯᠤᠨ 55 ᠤᠳᠠᠭᠠ ᠨᠡᠢᠲᠡᠯᠡᠵᠦ᠂ ᠭᠦᠶᠦᠯᠭᠡᠨ ᠦᠵᠡᠭᠰᠡᠨ ᠬᠡᠮᠵᠢᠶᠡ ᠨᠢ 4.5 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠡᠢ᠃ 《 ᠠᠵᠢᠯ ᠪᠠᠢᠭᠠᠳ ᠬᠢᠬᠦ ᠬᠥᠮᠥᠨ ᠦᠭᠡᠢ 》 2260 ᠠᠵᠢᠯᠤᠨ ᠪᠠᠢᠷᠢ ᠪᠠ《 ᠬᠥᠮᠥᠨ ᠪᠠᠢᠭᠠᠳ ᠬᠢᠬᠦ ᠠᠵᠢᠯ ᠦᠭᠡᠢ 》 ᠠᠵᠢᠯ ᠡᠷᠢᠬᠦ 751 ᠬᠥᠮᠥᠨᠤ ᠬᠡᠷᠡᠭᠴᠡᠭᠡᠶᠢ ᠵᠡᠷᠭᠡᠪᠡᠷ ᠡᠮᠬᠢᠯᠡᠨ ᠲᠢᠭᠯᠡᠵᠦ᠂ 1569 ᠬᠥᠮᠥᠨᠢ ᠬᠠᠪᠰᠤᠷᠤᠨ ᠠᠵᠢᠯ ᠣᠯᠭᠣᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃ 《 ᠭᠠᠳᠠᠭ᠍ᠰᠢ ᠭᠠᠷᠴᠤ ᠠᠵᠢᠯ ᠡᠷᠢᠬᠦᠡᠴᠡ ᠡᠮᠦᠨᠡ ᠂ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠬᠦᠷᠭᠡᠵᠦ᠂ ᠪᠢᠳᠡᠨᠢ ᠠᠵᠤ ᠠᠬᠤᠢᠯᠠᠯᠤᠨ ᠬᠢᠨᠲᠠᠢ ᠵᠠᠢ ᠵᠠᠪᠰᠠᠷ ᠦᠭᠡᠢ ᠵᠣᠯᠭᠠᠭᠤᠯᠵᠠᠢ 》᠃ 12 ᠰᠠᠷᠠᠶᠢᠨ 6ᠤ ᠡᠳᠦᠷ᠂ ᠤᠯᠠᠭᠠᠨᠴᠠᠪᠤᠨ ᠵᠦᠩ ᠶᠠᠨ ᡁᠢ ᠳᠠᠠᠴᠠ ᠲᠡᠭᠦᠰᠦᠭᠰᠡᠨ ᠰᠣᠷᠣᠭ᠍ᠴᠢ ᠵᠠᠩ ᠱᠤ᠌ ᠶᠢᠩ ᠬᠡᠯᠡᠨᠡ᠃
ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳ ᠭᠡᠬᠦ ᠡᠨᠡ ᠬᠦ᠌ ᠭᠣᠣᠯᠳᠠᠯᠭᠠᠲᠠᠢ ᠬᠥᠮᠥᠰᠤᠨ ᠲᠣᠭᠣᠷᠢᠨᠳᠤ᠂ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠣᠪᠴᠢᠶᠠᠶᠢᠨ ᠳᠠᠷᠤᠭᠠᠶᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠣᠷᠣᠭᠤᠯᠬᠤ 《 ᠲᠥᠷᠥᠶᠢᠨ ᠪᠣᠳᠣᠯᠭᠠ ᠬᠦᠷᠭᠡᠬᠦ᠂ ᠠᠵᠢᠯᠤᠨ ᠪᠠᠢᠷᠢ ᠬᠦᠷᠭᠡᠬᠦ᠂ ᠦᠢᠯᠡᠴᠢᠯᠡᠭᠡ ᠬᠦᠷᠭᠡᠬᠦ 》 ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ 3 ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢ 90 ᠠᠵᠤ ᠠᠬᠤᠢᠯᠠᠯᠲᠠᠢ ᠵᠣᠯᠭᠠᠭᠤᠯᠵᠤ᠂ 560 ᠠᠵᠢᠯᠤᠨ ᠪᠠᠢᠷᠢ ᠬᠠᠩᠭᠠᠪᠠ᠃ ᠪᠥᠬᠥ ᠵᠢᠯᠳᠦ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠠᠵᠢᠯᠲᠠᠨ ᠡᠯᠰᠡᠬᠦ ᠠᠵᠢᠯᠯᠠᠭᠠᠶᠢ 131 ᠲᠠᠯᠠᠪᠤᠷ ᠡᠷᠭᠢᠯᠡᠵᠦ᠂ ᠲᠣᠰ ᠬᠤᠭᠤᠴᠠᠭᠠᠨᠤ 8537 ᠲᠡᠭᠦᠰᠬᠦ ᠰᠣᠷᠣᠭ᠍ᠴᠢᠶᠢᠨ ᠠᠵᠢᠯ ᠣᠯᠬᠤ ᠬᠠᠨᠳᠤᠰᠢᠶᠢ ᠨᠠᠢᠳᠠᠪᠤᠷᠢᠵᠢᠭᠤᠯᠪᠠ᠃
ᠡᠭᠦᠨᠦ ᠬᠠᠮᠲᠤ᠂ 379 ᠠᠵᠤ ᠠᠬᠤᠢᠯᠠᠯᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠪᠡᠭᠡᠵᠢᠩᠦᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠭᠦᠨᠵᠡᠭᠡᠢᠷᠡᠭᠦᠯᠦᠨ ᠤᠷᠢᠵᠤ ᠡᠯᠰᠡᠬᠦ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ 3028 ᠠᠵᠢᠯᠤᠨ ᠪᠠᠢᠷᠢ ᠬᠠᠩᠭᠠᠵᠤ᠂ 1877 ᠬᠥᠮᠥᠨ ᠲᠠᠢ ᠠᠵᠢᠯ ᠣᠯᠬᠤ ᠰᠠᠨᠠᠮᠵᠢ ᠲᠣᠬᠢᠷᠠᠯᠴᠠᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠡᠳ᠋ᠦᠨ ᠵᠠᠰᠠᠭ ᠠᠵᠤ ᠠᠬᠤᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠯᠤᠭᠠ 《 ᠰᠤᠷᠭᠠᠭᠤᠯᠢ ᠣᠷᠣᠨ ᠨᠤᠲᠤᠭᠤᠨ ᠴᠢᠳᠠᠪᠤᠷᠢᠲᠠᠨᠤ ᠬᠠᠮᠲᠤᠷᠠᠯᠴᠠᠭᠠᠶᠢᠨ ᠪᠦᠳᠦᠭᠦᠪᠴᠢ ᠵᠥᠪᠯᠡᠯᠴᠡᠭᠡᠷ 》ᠢ ᠲᠣᠭᠲᠠᠵᠤ᠂ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ᠤᠨ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠬᠠᠮᠲᠤᠷᠠᠯᠴᠠᠭᠠᠶᠢ ᠪᠠᠶ᠋ᠢᠭᠤᠯᠬᠤᠳᠤ ᠰᠠᠭᠤᠷᠢ ᠲᠠᠯᠪᠢᠵᠤ ᠥᠭᠪᠡ᠃ ᠪᠠᠰᠠ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠨ ᠠᠵᠢᠯᠲᠠᠨ ᠡᠯᠰᠡᠬᠦᠶᠢᠨ ᠬᠣᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠬᠦᠳᠦ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠵᠤ᠂ 510 ᠠᠵᠤ ᠠᠬᠤᠢᠯᠠᠯ ᠠᠵᠢᠯ ᠦᠢᠯᠡᠰᠦᠨ ᠨᠢᠭᠡᠴᠢᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠬᠥᠬᠡᠬᠣᠲᠠ᠂ ᠪᠤᠭᠤᠲᠤᠶᠢᠨ 19 ᠲᠠᠯᠠᠪᠤᠷ ᠠᠵᠢᠯᠲᠠᠨ ᠡᠯᠰᠡᠬᠦ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠭᠤᠯᠵᠤ᠂ 1469 ᠬᠥᠮᠥᠨ ᠲᠠᠢ ᠠᠵᠢᠯ ᠣᠯᠭᠣᠬᠤ ᠰᠠᠨᠠᠮᠵᠢ ᠲᠣᠬᠢᠷᠠᠯᠴᠠᠪᠠ᠃
ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷ ᠪᠠᠰᠠ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠬᠡᠪᠴᠢᠶᠡᠶᠢ ᠣᠷᠣᠨᠤ ᠭᠠᠳᠠᠨᠠ ᠬᠦᠷᠲᠡᠯᠡ ᠥᠷᠭᠡᠳᠬᠡᠵᠦ᠂ 42 ᠲᠠᠯᠠᠪᠤᠷ 《 ᠬᠥᠬᠡᠬᠣᠲᠠ ᠪᠤᠭᠤᠲᠤ ᠣᠷᠳᠣᠰ ᠤᠯᠠᠭᠠᠨᠴᠠᠪ 》 ᠲᠤᠰᠬᠠᠢ ᠲᠠᠯᠠᠪᠠᠶᠶᠢᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠪᠠᠷ ᠠᠵᠢᠯᠤᠨ ᠪᠠᠢᠷᠢ ᠲᠠᠨᠢᠯᠴᠠᠭᠤᠯᠬᠤ ᠠᠵᠢᠯᠯᠠᠭᠠ ᠡᠷᠭᠢᠯᠡᠵᠦ᠂ 4300 ᠤᠳᠠᠭᠠᠨᠤ ᠠᠵᠢᠯᠤᠨ ᠪᠠᠢᠷᠢ ᠬᠦᠷᠭᠡᠵᠦ᠂ ᠨᠡᠶ᠋ᠢᠲᠡ 9.8 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢᠨ ᠠᠩᠬᠠᠷᠤᠯᠢ ᠲᠠᠲᠠᠪᠠ᠃ 《 ᠤᠯᠠᠭᠠᠨᠴᠠᠪ ᠳ᠋ᠠᠲ᠋ᠦ᠋ᠩ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ 》 ᠣᠷᠣᠨ ᠪᠦᠰᠡᠶᠢᠨ ᠬᠥᠭᠵᠢᠯᠲᠡᠳᠦ ᠢᠳᠡᠪᠬᠢᠲᠡᠢᠪᠡᠷ ᠠᠭᠤᠰᠤᠯᠴᠠᠵᠤ ᠂ ᠭᠣᠣᠯᠳᠠᠯᠭᠠᠲᠠᠢ ᠠᠵᠤ ᠦᠢᠯᠡᠰᠦᠨ ᠴᠢᠳᠠᠪᠤᠷᠢᠲᠠᠨ ᠡᠯᠰᠡᠬᠦ ᠪᠠ ᠣᠶᠤᠨ ᠤᠬᠠᠭᠠᠨ ᠣᠷᠣᠭᠤᠯᠵᠤ ᠤᠷᠢᠬᠤ ᠴᠤᠭᠯᠠᠭᠠᠨ ᠳᠡᠭᠡᠷᠡ 《 ᠤᠯᠠᠭᠠᠨᠴᠠᠪ ᠳ᠋ᠠᠲ᠋ᠦ᠋ᠩ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠣᠷᠣᠨ ᠪᠦᠰᠡᠶᠢᠨ ᠬᠠᠮᠲᠤᠷᠠᠯᠴᠠᠭᠠ 》ᠶᠢᠨ ᠲᠤᠰᠬᠠᠢ ᠲᠣᠭᠣᠷᠢᠭ᠋ ᠭᠠᠷᠭᠠᠵᠤ᠂ 2326 ᠠᠵᠢᠯᠤᠨ ᠪᠠᠢᠷᠢ ᠬᠠᠩᠭᠠᠪᠠ᠃
ᠤᠯᠠᠭᠠᠨᠴᠠᠪᠤᠨ ᠳᠥᠷᠪᠡᠳ ᠬᠣᠰᠢᠭᠤᠨᠤ ᠤᠯᠠᠭᠠᠨᠬᠤᠸᠠᠠᠴᠠ ᠪᠠᠷᠠᠭᠤᠨᠳᠡᠬᠢ ᠬᠠᠷᠢᠯᠴᠠᠨ ᠨᠡᠪᠲᠡᠷᠡᠯᠴᠡᠬᠦ ᠢᠨᠵᠧᠨᠧᠷᠢᠩᠦᠨ ᠲᠦᠷᠦᠯ ᠵᠦᠢᠯᠦᠨ ᠪᠠᠷᠢᠯᠭᠠᠶᠢᠨ ᠭᠠᠵᠠᠷᠲᠤ᠂ ᠸᠠᠩ ᡁᠢ ᠵᠡᠷᠭᠡ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡᠶᠢᠨ ᠳᠣᠣᠷᠠ ᠣᠷᠣᠯᠭᠠᠲᠠᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠠᠵᠢᠯ ᠣᠯᠭᠣᠬᠤᠪᠠᠷ ᠲᠡᠳᠬᠦᠮᠵᠢᠶᠢ ᠣᠷᠣᠯᠠᠭᠤᠯᠬᠤ ᠡᠩᠨᠡᠭᠡ ᠪᠠᠷᠢᠯᠭᠠᠶᠢᠨ ᠨᠢᠭᠡᠳᠦᠭᠡᠷ ᠹᠷᠣᠨᠲᠳᠤ ᠢᠳᠡᠪᠬᠢᠲᠡᠢ ᠠᠵᠢᠯᠯᠠᠵᠤ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠤᠯᠠᠨ ᠲᠦᠮᠡᠨᠳᠦ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠰᠢᠨᠡ ᠵᠠᠮᠢ ᠨᠡᠭᠡᠭᠡᠵᠦ ᠥᠭᠴᠡᠢ᠃
ᠡᠨᠡ ᠵᠢᠯ ᠤᠯᠠᠭᠠᠨᠴᠠᠪᠲᠤ 《 ᠠᠵᠢᠯᠤᠨ ᠪᠠᠢᠷᠢᠶᠢᠨ ᠬᠡᠷᠡᠭᠴᠡᠭᠡ + ᠤᠷᠠ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯ + ᠤᠷᠠ ᠮᠡᠷᠭᠡᠵᠢᠯᠦᠨ ᠦᠨᠡᠯᠡᠯᠲᠡ + ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡ 》 ᠵᠢᠨ ᠳᠥᠷᠪᠡᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠪᠣᠯᠪᠠᠰᠤᠷᠠᠯᠤᠨ ᠵᠠᠭᠪᠤᠷᠢ ᠬᠡᠷᠡᠭᠵᠢᠭᠦᠯᠵᠦ᠂ 837 ᠪᠣᠯᠪᠠᠰᠤᠷᠠᠯᠳᠤ ᠣᠷᠣᠯᠴᠠᠭᠰᠠᠳ 《 ᠠᠵᠢᠯ ᠣᠯᠭᠣᠬᠤᠪᠠᠷ ᠲᠡᠳᠬᠦᠮᠵᠢᠶᠢ ᠣᠷᠣᠯᠠᠭᠤᠯᠬᠤ 》 ᠲᠥᠷᠥᠯ ᠵᠦᠢᠯ ᠪᠤᠶᠤ ᠠᠵᠤ ᠠᠬᠤᠢᠯᠠᠯᠢ ᠵᠣᠯᠭᠠᠭᠤᠯᠬᠤᠪᠠᠷ ᠳᠠᠮᠵᠢᠭᠤᠯᠤᠨ ᠠᠵᠢᠯ ᠣᠯᠭᠣᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃ ᠨᠢᠭᠡᠨᠲᠡ ᠠᠵᠢᠯ ᠣᠯᠭᠣᠬᠤᠪᠠᠷ ᠲᠡᠳᠬᠦᠮᠵᠢᠶᠢ ᠣᠷᠣᠯᠠᠭᠤᠯᠬᠤ 59 ᠲᠥᠷᠥᠯ ᠵᠦᠢᠯᠡᠰᠢ ᠡᠬᠢᠯᠡᠭᠦᠯᠵᠦ᠂ 3363 ᠬᠥᠮᠥᠨᠳᠦ ᠠᠵᠢᠯ ᠣᠯᠭᠣᠭᠰᠠᠨ ᠪᠠᠢᠨᠠ᠃
ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠪᠥᠬᠥ ᠣᠷᠣᠨᠳᠤ ᠡᠩ ᠲᠡᠷᠢᠭᠦᠨᠳᠦ 《 ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠯᠡᠯᠲᠡᠶᠢᠨ ᠬᠡᠷᠡᠭᠵᠢᠭᠦᠯᠬᠦ ᠠᠷᠭᠠ 》ᠶᠢ ᠨᠡᠢᠲᠡᠯᠡᠵᠦ᠂ 259 ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠤᠷᠠ ᠮᠡᠷᠭᠡᠵᠢᠯᠦᠨ ᠦᠨᠡᠯᠡᠯᠲᠡᠶᠢ ᠪᠡᠶᠡᠯᠡᠭᠦᠯᠵᠦ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠡᠷᠦᠬᠡᠶᠢ ᠰᠢᠭᠤᠳ ᠳᠠᠶ᠋ᠢᠴᠢᠯᠠᠨ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠬᠦᠶᠢ ᠪᠡᠶᠡᠯᠡᠭᠦᠯᠪᠡ᠃ ᠡᠭᠦᠨᠦ ᠬᠠᠮᠲᠤ᠂ ᠾᠧᠦ ᠰᠦ᠍ ᠰᠢᠨ᠂ ᠴᠧᠨ ᠰᠢᠶᠣᠣ ᠯᠦᠩ᠂ ᠬᠤᠸ᠋ ᠶᠤᠸᠠᠨ ᠶᠤᠸᠠᠨ ᠵᠡᠷᠭᠡ 3 ᠦᠢᠯᠡᠰ ᠪᠣᠰᠬᠠᠬᠤᠶᠢ ᠵᠢᠯᠤᠭᠣᠳᠬᠤ ᠶᠡᠬᠡ ᠪᠠᠭ᠍ᠰᠢᠶᠢᠨ ᠠᠵᠢᠯᠯᠠᠬᠤ ᠲᠠᠰᠤᠭᠢ ᠪᠣᠢᠵᠢᠭᠤᠯᠤᠨ ᠪᠠᠢᠭᠤᠯᠵᠤ᠂ ᠦᠢᠯᠡᠰ ᠪᠣᠰᠬᠠᠭ᠍ᠴᠢᠳᠤ ᠪᠥᠬᠥ ᠲᠠᠯᠠᠶᠢᠨ᠂ ᠲᠤᠰᠬᠠᠢᠵᠢᠭ᠍ᠰᠠᠨ ᠵᠢᠯᠣᠭᠣᠳᠤᠯᠭᠠ ᠬᠠᠩᠭᠠᠵᠤ᠂ ᠦᠢᠯᠡᠰ ᠪᠣᠰᠬᠠᠬᠤᠪᠠᠷ ᠠᠵᠢᠯ ᠣᠯᠭᠣᠯᠲᠠᠶᠢ ᠳᠠᠢᠴᠢᠯᠠᠬᠤ ᠳᠠᠬᠢᠨᠢᠶᠠᠷ ᠨᠡᠮᠡᠭᠳᠡᠭᠦᠯᠬᠦ ᠦᠢᠯᠡᠳᠦᠯᠢ ᠪᠠᠳᠠᠷᠠᠭᠤᠯᠪᠠ᠃
ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠣᠪᠴᠢᠶᠠᠶᠢᠨ ᠨᠠᠮᠤᠨ ᠤᠳᠤᠷᠢᠳᠬᠤ ᠳᠤᠭᠤᠢᠯᠠᠩᠤᠨ ᠪᠦᠷᠢᠯᠳᠦᠭᠦᠨ᠂ ᠬᠣᠲᠠᠶᠢᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠲᠥᠪᠦᠨ ᠡᠷᠬᠢᠯᠡᠭᠴᠢ ᠽᠧᠩ ᠴᠢᠶᠠᠩ ᠬᠡᠯᠡᠬᠦᠳᠡᠭᠡᠨ᠄ 《 ᠪᠢᠳᠡ ᠦᠷᠭᠦᠯᠵᠢᠯᠡᠨ ᠭᠣᠣᠯᠳᠠᠯᠭᠠᠲᠠᠢ ᠬᠦᠷᠢᠶᠡ᠂ ᠭᠣᠣᠯᠳᠠᠯᠭᠠᠲᠠᠢ ᠬᠥᠮᠥᠰᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠳᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠂ ᠲᠥᠷᠥᠶᠢᠨ ᠪᠣᠳᠣᠯᠭᠠᠪᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠡᠭᠦᠯᠳᠡᠷᠵᠢᠭᠦᠯᠦᠨ᠂ ᠦᠢᠯᠡᠴᠢᠯᠡᠭᠡᠪᠡᠨ ᠰᠢᠯᠢᠳᠡᠭᠵᠢᠭᠦᠯᠵᠦ᠂ ᠨᠠᠩ ᠣᠯᠠᠨ ᠬᠥᠳᠡᠯᠮᠦᠷᠢᠴᠢᠳᠦᠨ 〈 ᠠᠮᠠᠷᠬᠠᠨ ᠠᠵᠢᠯ ᠣᠯᠬᠤ 〉 〈 ᠰᠠᠢᠨ ᠠᠵᠢᠯ ᠣᠯᠬᠤ 〉ᠶᠢ ᠪᠡᠶᠡᠯᠡᠭᠦᠯᠬᠦᠶᠢ ᠲᠦᠯᠬᠢᠨ ᠠᠬᠢᠭᠤᠯᠵᠤ᠂ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠳᠦ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ᠤᠨ ᠪᠠᠲᠤᠯᠠᠭᠠ ᠬᠠᠩᠭᠠᠨᠠ 》 ᠭᠡᠵᠡᠢ᠃