ᠥᠪᠥᠷ ᠮᠣᠩᠭᠣᠯ ᠬᠢᠯᠢ ᠵᠢᠨ ᠭᠠᠳᠠᠨᠠᠬᠢ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ ᠠᠩᠬᠠᠨᠤ ᠠᠯᠲᠠᠨ ᠮᠧᠳᠠᠯᠢ ᠬᠦᠷᠳᠡᠯᠡ
8 ᠰᠠᠷᠠ ᠵᠢᠨ 10ᠤ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠮᠢᠷᠴᠢᠨ ᠯᠢ ᠴᠢᠶᠠᠨ ᠱᠠᠩᠨᠠᠯ ᠣᠯᠭᠤᠬᠤ ᠶᠣᠰᠣᠯᠠᠯ ᠳᠡᠭᠡᠷᠡ᠃ ᠰᠢᠨᠬᠤᠸᠠ ᠬᠤᠷᠢᠶᠠ ᠨᠡᠢ᠌ᠳᠡᠯᠡᠪᠡ
ᠪᠡᠭᠡᠵᠢᠩᠤᠨ ᠴᠠᠭ ᠵᠶ᠋ᠠᠷ 8 ᠰᠠᠷᠠ ᠵᠢᠨ 11ᠤ ᠡᠳᠦᠷᠤᠨ ᠥᠷᠯᠥᠭᠡ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠮᠢᠷᠴᠢᠨ ᠯᠢ ᠴᠢᠶᠠᠨ ᠫᠠᠷᠢᠰᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠤ ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ ᠡᠮᠡᠭᠲᠡᠢ ᠵᠢᠨ 75 ᠺᠢᠯᠣᠭ᠌ᠷᠠᠮᠤᠨ ᠳᠡᠰᠤᠨ ᠰᠢᠢ᠍ᠳᠪᠦᠷᠢᠳᠦ ᠤᠷᠤᠯᠳᠤᠭ᠋ᠠᠨᠳᠤ ᠦᠷᠢᠰᠦᠯᠳᠦᠭᠴᠢ ᠲᠡᠮᠢᠷᠴᠢᠨ ᠵᠶ᠋ᠠᠨ ᠢᠯᠠᠵᠦ ᠠᠯᠲᠠᠨ ᠮᠧᠳᠠᠯ ᠬᠦᠷᠳᠡᠪᠡ᠃ ᠡᠨᠡ ᠠᠯᠲᠠᠨ ᠮᠸᠳᠡᠯᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠬᠢᠯᠢ ᠵᠢᠨ ᠭᠠᠳᠠᠨᠠᠬᠢ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠤ ᠠᠩᠬᠠᠨᠤ ᠠᠯᠲᠠᠨ ᠮᠧᠳᠠᠯ ᠪᠠᠢ᠌ᠵᠦ᠂ ᠯᠢ ᠴᠢᠶᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ ᠠᠩᠬᠠᠳᠠᠭᠴᠢ ᠬᠤᠪᠢ ᠬᠥᠮᠦᠨᠤ ᠲᠡᠭᠦᠰ ᠠᠮᠵᠢᠯᠲᠠ ᠣᠯᠤᠭᠰᠠᠨ ᠲᠠᠮᠢᠷᠴᠢᠨ ᠪᠤᠯᠵᠠᠢ᠃
ᠲᠤᠰ ᠬᠤᠭᠤᠴᠠᠭ᠋ᠠᠨᠤ ᠤᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ᠂ ᠯᠢ ᠴᠢᠶᠠᠨ ᠤᠷᠢᠳ ᠬᠣᠵᠢᠳ ᠹᠢᠯᠢᠫᠢᠨ᠂ ᠡᠨᠡᠳᠬᠡᠭ᠂ ᠠᠦ᠋ᠰᠲᠷᠠᠯᠢᠶᠠ ᠵᠢᠨ ᠲᠠᠮᠢᠷᠴᠢᠨ ᠨᠡᠷᠢ ᠢᠯᠠᠵᠤ᠂ ᠰᠢᠢ᠍ᠳᠪᠦᠷᠢᠳᠦ ᠤᠷᠤᠯᠳᠤᠭ᠋ᠠᠨᠳᠤ ᠨᠡᠷᠡ ᠲᠡᠪᠰᠢᠪᠡ᠃ ᠰᠢᠢ᠍ᠳᠪᠦᠷᠢᠳᠦ ᠤᠷᠤᠯᠳᠤᠭ᠋ᠠᠨᠳᠤ ᠯᠢ ᠴᠢᠶᠠᠨ 4᠄ 1 ᠬᠤᠪᠢ ᠵᠢᠨ ᠬᠠᠷᠢᠴᠠᠯ ᠵᠶ᠋ᠠᠷ ᠫᠠᠨᠠᠮᠠ ᠵᠢᠨ ᠲᠠᠮᠢᠷᠴᠢᠨ ᠸᠸᠷᠦ᠋ᠨᠢ ᠢᠯᠠᠵᠦ ᠮᠠᠩᠯᠠᠢ᠌ᠯᠠᠪᠠ᠃ ᠤᠷᠤᠯᠳᠤᠭ᠋ᠠᠨᠤ ᠳᠠᠷᠠᠭᠠ ᠯᠢ ᠴᠢᠶᠠᠨ ᠰᠡᠳᠬᠢᠯ ᠳᠣᠭᠳᠣᠯᠤᠨ᠄ 《ᠨᠢᠭᠡ ᠨᠢᠭᠡ ᠠᠯᠬᠤᠮ ᠵᠶ᠋ᠠᠷ ᠤᠷᠤᠭᠰᠢᠯᠠᠭᠰᠠᠭ᠋ᠠᠷ ᠡᠨᠡ ᠱᠠᠳᠤᠨᠳᠤ ᠬᠦᠷᠦᠯᠡ！ ᠡᠨᠡ ᠤᠳᠠᠭᠠ ᠲᠣᠣᠺᠢᠤ᠋ ᠵᠢᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠤ ᠬᠠᠷᠠᠮᠰᠠᠯᠢ ᠨᠦᠬᠦᠪᠦᠷᠢᠯᠡᠯᠡ᠂ ᠥᠪᠡᠷᠤᠨ ᠪᠡᠶᠡᠳᠤᠪᠠᠨ᠂ ᠪᠠᠰᠠ ᠡᠬᠡ ᠣᠷᠣᠨᠳᠤᠪᠠᠨ ᠡᠭᠦᠷᠭᠡᠪᠠᠨ ᠪᠠᠶᠡᠯᠡᠭᠦᠯᠦᠯᠡ！》 ᠭᠡᠪᠡ᠃
ᠯᠢ ᠴᠢᠶᠠᠨ 1990 ᠣᠨᠳᠤ ᠾᠧᠨᠠᠨᠳᠤ ᠲᠦᠷᠦᠵᠠᠢ᠂ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠠᠪᠤ ᠡᠵᠢᠪᠠᠨ ᠳᠠᠭ᠋ᠠᠵᠤ ᠥᠪᠥᠷ ᠮᠣᠩᠭᠤᠯᠳᠤ ᠨᠡᠭᠦᠪᠡ᠃ 2007 ᠣᠨᠳᠤ ᠯᠢ ᠴᠢᠶᠠᠨ ᠥᠪᠥᠷ ᠮᠣᠩᠭᠣᠯᠤᠨ ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ ᠠᠩᠭᠢᠳᠤ ᠡᠯᠰᠡᠭᠳᠡᠪᠡ᠃ 2012 ᠣᠨᠳᠤ᠂ ᠯᠢ ᠴᠢᠶᠠᠨ ᠪᠠᠷᠤᠭ ᠯᠠ ᠡᠮᠡᠭᠲᠡᠶ ᠵᠢᠨ ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ 75 ᠺᠢᠯᠤᠭ᠌ᠷᠡᠮᠤᠨ ᠳᠡᠰᠤᠨ ᠤᠯᠤᠰᠤᠨ ᠳᠣᠲᠣᠭ᠋ᠠᠳᠤ ᠵᠢᠨ ᠪᠦᠬᠦ ᠮᠠᠩᠯᠠᠶ ᠵᠢ ᠰᠢᠭᠦᠷᠪᠡ᠃ ᠡᠭᠦᠨᠤ ᠳᠠᠷᠠᠭᠠ᠂ ᠲᠡᠷᠡ ᠳᠡᠯᠡᠬᠡᠶ ᠵᠢᠨ ᠮᠠᠩᠯᠠᠶ ᠰᠢᠯᠭ᠋ᠠᠷᠠᠭᠤᠯᠬᠤ ᠤᠷᠤᠯᠳᠤᠭ᠋ᠠᠨ᠂ ᠠᠽᠢᠶᠠ ᠵᠢᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ ᠲᠠᠰᠤᠷᠠᠯᠲᠠ ᠦᠭᠡᠶ ᠱᠠᠩᠨᠠᠯ ᠬᠦᠷᠲᠡᠵᠡᠶ᠃ 2016 ᠣᠨᠳᠤ᠂ ᠯᠢ ᠴᠢᠶᠠᠨ ᠷᠢᠦ᠋ ᠳ᠋ᠢ ᠿᠸᠨ᠋ᠸᠢᠢ᠍ᠷᠦ᠋ᠳᠤ ᠠᠩᠬᠠ ᠤᠳᠠᠭᠠ ᠤᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ ᠤᠷᠤᠯᠴᠠᠵᠦ᠂ ᠡᠮᠡᠭᠲᠡᠢ ᠵᠢᠨ 75 ᠺᠢᠯᠣᠭ᠌ᠷᠠᠮᠤᠨ ᠳᠡᠰᠤᠨ ᠬᠦᠷᠡᠯ ᠮᠧᠳᠠᠯ ᠬᠦᠷᠳᠡᠪᠡ᠃ ᠲᠤᠤᠺᠢᠤ᠋ ᠵᠢᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ ᠯᠢ ᠴᠢᠶᠠᠨ ᠳᠠᠬᠢᠨᠲᠠ ᠮᠥᠩᠭᠥᠨ ᠮᠧᠳᠠᠯ ᠬᠦᠷᠳᠡᠵᠡᠢ᠃
ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠨᠢ ᠥᠪᠥᠷ ᠮᠣᠩᠭᠣᠯᠳᠤ ᠭᠦᠨ ᠵᠤᠵᠠᠭ᠋ᠠᠨ ᠬᠥᠭᠵᠢᠯᠲᠡ ᠵᠢᠨ ᠰᠠᠭᠤᠷᠢᠲᠠᠢ᠃ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠲᠤᠪᠴᠢᠶᠠᠨᠤ ᠤᠷᠤᠯᠳᠤᠭ᠋ᠠᠨᠤ ᠪᠡᠶᠡ ᠲᠠᠮᠢᠷᠤᠨ ᠭᠠᠵᠠᠷᠤᠨ ᠳᠠᠷᠤᠭᠠ ᠴᠢᠯᠠᠭᠤᠠᠴᠠ᠄ 《1988 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ ᠠᠩᠭᠢ ᠪᠠᠶ᠋ᠢᠭᠤᠯᠤᠭᠳᠠᠭᠰᠠᠨᠠᠴᠠ ᠨᠠᠰᠢ᠂ ᠤᠷᠢᠳ ᠬᠤᠵᠢᠳ ᠴᠢᠯᠠᠭᠤ᠂ ᠬᠠᠳᠠᠨᠪᠠᠭ᠋ᠠᠳᠤᠷ᠂ ᠵᠠᠩ ᠰᠢᠶᠤᠤ ᠫᠢᠩ᠂ ᠮᠧᠩ ᠹᠠᠨ ᠯᠥᠩ᠂ ᠯᠢ ᠴᠢᠶᠠᠨ᠂ ᠶᠠᠩ ᠯᠢᠤ ᠵᠡᠷᠭᠡ 6 ᠲᠠᠮᠢᠷᠴᠢᠨ ᠤᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ ᠤᠷᠤᠯᠴᠠᠵᠦ᠂ 5 ᠱᠠᠩᠨᠠᠯᠤᠨ ᠮᠸᠳᠡᠯ ᠲᠤᠰᠪᠠ᠃ ᠡᠭᠦᠨᠳᠤ᠂ ᠯᠢ ᠴᠢᠶᠠᠨ ᠪᠣᠯ ᠭᠤᠷᠪᠠᠨ ᠬᠤᠭᠤᠴᠠᠭᠠ ᠲᠠᠷᠠᠭ᠋ᠠᠯᠠᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠳᠤ ᠱᠠᠩᠨᠠᠯ ᠣᠯᠤᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠢᠳᠤᠷᠭ᠋ᠠᠨ ᠲᠡᠮᠡᠴᠡᠭᠡᠨᠤ ᠠᠩᠬᠠᠳᠠᠭᠴᠢ ᠲᠠᠮᠢᠷᠴᠢᠨ ᠪᠣᠯᠤᠨᠠ》 ᠭᠡᠵᠦ ᠬᠡᠯᠡᠵᠦ ᠪᠠᠢ᠌ᠪᠠ᠃ （ᠰᠤᠷᠪᠤᠯᠵᠢᠯᠠᠭᠴᠢ ᠴᠠᠢ ᠰᠧ ᠶᠤᠸᠠᠨ）