ᠥᠩ ᠥᠷᠭᠡᠨ ᠠᠯᠠᠱᠠᠳᠤ ᠡᠪᠦᠯ ᠰᠠᠭᠠᠲᠠᠵᠤ ᠥᠷᠭᠡᠨ ᠶᠡᠬᠡ ᠭᠣᠪᠢ ᠳ᠋ᠤ᠌ ᠲᠡᠮᠡᠭᠡᠳ ᠬᠣᠲᠣᠯᠵᠠᠨ ᠨᠠᠯᠠᠢᠨᠠ᠃ 11 ᠰᠠᠷᠠ ᠶ᠋ᠢᠨ 11ᠤ ᠡᠳᠦᠷ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠣᠰᠢᠭᠤᠨ ᠤ᠋ ᠠᠯᠳᠠᠠᠠᠤᠪᠤᠭᠠ ᠪᠠᠯᠭᠠᠰᠤᠨ ᠤ᠋ ᠴᠠᠭᠠᠨᠨᠢᠷᠤᠭᠤ ᠭᠠᠴᠭᠠᠠᠨᠳᠤ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠪᠠᠶᠠᠠᠨᠢᠷᠤᠭᠤᠨ ᠰᠤᠮᠤᠨᠤ ᠲᠡᠮᠡᠭᠡᠴᠢᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠬᠤᠷᠳᠤᠨ ᠲᠡᠮᠡᠭᠡᠨᠤ ᠮᠠᠩᠯᠠᠢ ᠤᠶᠠᠭᠠᠴᠢ ᠲᠣᠷᠭᠣᠳ ᠢᠯᠠᠯᠲᠠ᠂ ᠭᠡᠷᠡᠯ ᠬᠣᠶᠠᠭᠤᠯᠠ ᠶ᠋ᠢᠨ ᠡᠷᠭᠢᠯᠡᠭᠰᠡᠨ ᠪᠣᠲᠣᠭᠣᠨ ᠲᠡᠮᠡᠭᠡᠨᠦ ᠨᠠᠭᠠᠳᠤᠮ ᠨᠢᠵᠢᠭᠢᠷ ᠰᠠᠢᠬᠠᠨ ᠶᠠᠪᠤᠭᠳᠠᠵᠤ᠂ ᠬᠤᠯᠠ ᠣᠢᠷᠠ ᠶ᠋ᠢᠨ ᠨᠠᠭᠠᠳᠤᠮᠴᠢᠨ᠂ ᠪᠦᠭᠦ ᠣᠷᠣᠨᠤ ᠡᠯᠡ ᠠᠢᠮᠠᠭ ᠬᠤᠳᠠᠠᠴᠠ ᠢᠷᠡᠭᠰᠡᠨ ᠰᠣᠳᠣᠨ ᠤᠶᠠᠭᠠᠴᠢ᠂ ᠠᠯᠳᠠᠷᠲᠤ ᠤᠶᠠᠭᠠᠴᠢ᠂ ᠮᠠᠩᠯᠠᠢ ᠤᠶᠠᠭᠠᠴᠢ ᠨᠠᠷ ᠬᠤᠷᠠᠨ ᠴᠤᠭᠯᠠᠷᠠᠵᠤ᠂ ᠨᠠᠢᠷ ᠲᠤ᠌ ᠭᠦᠭ ᠨᠡᠮᠡᠷᠢᠯᠡᠭᠰᠡᠨ ᠪᠠᠢᠨᠠ᠃
ᠦᠳᠡᠶᠢᠨ ᠡᠮᠦᠨᠡᠶᠢᠨ ᠨᠠᠢ᠍ᠮᠠᠨ ᠴᠠᠭ ᠲᠦ᠍ ᠲᠣᠷᠤᠮᠤᠨ ᠤᠷᠤᠯᠳᠤᠭᠠᠨ ᠡᠬᠢᠯᠡᠵᠦ ᠨᠠᠭᠠᠳᠤᠮ ᠤ᠋ᠨ ᠰᠠᠯᠬᠢ ᠶ᠋ᠢ ᠬᠠᠭᠠᠯᠤᠯᠠ᠃ ᠡᠨᠡ ᠤᠳᠠᠭᠠᠨ ᠤ᠋ ᠲᠡᠮᠡᠭᠡᠨ ᠰᠣᠶᠣᠯ ᠤ᠋ᠨ ᠨᠠᠭᠠᠳᠤᠮ ᠳ᠋ᠤ᠌ 22 ᠭᠠᠵᠠᠷ ᠤ᠋ᠨ ᠠᠳᠠᠨ ᠲᠡᠮᠡᠭᠡᠨ ᠤ᠋ ᠤᠷᠤᠯᠳᠤᠭᠠᠨ᠂ 18 ᠭᠠᠵᠠᠷ ᠤ᠋ᠨ ᠬᠣᠶᠠᠷ ᠰᠢᠳᠦᠲᠦ ᠪᠤᠶᠤ ᠰᠢᠳᠤ ᠰᠣᠯᠢᠵᠤ ᠪᠠᠢᠬᠤ ᠲᠡᠮᠡᠭᠡᠨ ᠤ᠋ ᠤᠷᠤᠯᠳᠤᠭᠠᠨ᠂ 15 ᠭᠠᠵᠠᠷ ᠤ᠋ᠨ ᠪᠢᠲᠡᠭᠦᠦ ᠰᠢᠳᠦᠲᠦ ᠲᠡᠮᠡᠭᠡᠨ ᠤ᠋ ᠤᠷᠤᠯᠳᠤᠭᠠᠨ᠂ 12 ᠭᠠᠵᠠᠷ ᠤ᠋ᠨ ᠲᠣᠷᠤᠮ ᠤ᠋ᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠲᠦᠷᠪᠡᠨ ᠲᠦᠷᠦᠯ ᠤ᠋ᠨ ᠤᠷᠤᠯᠳᠤᠭᠠᠨ ᠲᠣᠬᠢᠷᠠᠭᠤᠯᠵᠤ᠂ ᠰᠢᠯᠢ ᠶ᠋ᠢᠨ ᠭᠣᠣᠯ᠂ ᠪᠤᠭᠤᠲᠤ᠂ ᠣᠷᠳᠣᠰ᠂ ᠪᠠᠶᠠᠨᠨᠠᠭᠤᠷ᠂ ᠭᠠᠨᠰᠤ ᠮᠤᠵᠢ ᠶ᠋ᠢᠨ ᠰᠦᠪᠧᠢ ᠰᠢᠶᠠᠨ ᠵᠢᠴᠢ ᠠᠯᠠᠱᠠ ᠠᠢᠮᠠᠭᠶᠢᠨ ᠡᠯᠡ ᠬᠣᠰᠢᠭᠤ ᠣᠷᠣᠨ ᠠ᠋ᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠲᠠᠯᠠᠭᠠᠳ ᠤᠶᠠᠭᠠᠴᠢᠨᠤ 300 ᠭᠠᠷᠤᠢ ᠲᠡᠮᠡᠭᠡ ᠬᠦᠴᠦ ᠰᠢᠨᠳᠠᠰᠤ ᠪᠠᠨ ᠰᠤᠷᠢᠵᠠᠭᠠᠬ᠍ᠰᠠᠨ ᠪᠠᠢᠨᠠ᠃
ᠲᠣᠷᠭᠣᠳ ᠢᠯᠠᠯᠲᠠ ᠪᠣᠯ ᠲᠡᠮᠡᠭᠡᠴᠢᠨ ᠤᠳᠤᠮᠤᠨᠢᠶᠠᠨ ᠥᠪ ᠰᠣᠶᠣᠯᠢᠶᠠᠨ ᠤᠯᠠᠮᠵᠢᠯᠠᠨ ᠥᠪᠯᠡᠵᠦ᠂ ᠬᠠᠷᠠᠬᠠᠨ ᠪᠠᠭᠠ ᠠ᠋ᠴᠠ ᠪᠠᠨ ᠪᠣᠲᠣᠭᠣ᠌ ᠲᠣᠷᠤᠮ ᠤ᠋ᠨ ᠪᠡᠯᠴᠢᠭᠡᠷ ᠲᠤ᠌ ᠥᠰᠴᠦ᠂ 2005 ᠣᠨᠠᠴᠠ ᠲᠡᠮᠡᠭᠡ ᠮᠠᠯᠵᠢᠵᠤ᠂ 2012 ᠣᠨᠳᠤ ᠭᠠᠴᠠᠭᠠᠨᠳᠠᠭᠠᠨ ᠬᠤᠪᠢ ᠠᠢᠯᠤᠨ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠨᠠᠢᠷᠢ ᠠᠩᠬᠠ ᠤᠳᠠᠭᠠ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨᠠᠴᠠ ᠬᠣᠢᠰᠢ ᠤᠷᠤᠯᠳᠤᠭᠠᠨᠤ ᠲᠡᠮᠡᠭᠡ ᠤᠶᠠᠵᠤ ᠰᠣᠢᠬᠤ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠵᠡᠢ᠃ 2018 ᠣᠨᠠᠴᠠ ᠰᠠᠢᠨ ᠡᠭᠦᠯᠳᠡᠷᠤᠨ ᠢᠩᠭᠡᠨᠳᠦ ᠬᠠᠪᠲᠠᠭᠠᠢᠶᠢᠨ ᠤᠳᠤᠮᠤᠨ ᠪᠤᠤᠷᠠ ᠠᠪᠴᠢᠷᠠᠵᠤ ᠲᠠᠯᠪᠢᠭᠠᠳ᠂ ᠬᠤᠷᠳᠤᠨ ᠲᠡᠮᠡᠭᠡᠶᠢ ᠥᠰᠬᠡᠨ ᠦᠷᠡᠵᠢᠭᠦᠯᠬᠦ ᠰᠢᠨᠡ ᠰᠦᠪᠡᠭᠴᠢᠯᠡᠯ ᠬᠢᠵᠦ᠂ ᠲᠡᠮᠡᠭᠡᠨᠤ ᠴᠢᠨᠠᠷ ᠪᠣᠯᠣᠨ ᠲᠡᠮᠡᠭᠡᠨᠦ ᠬᠤᠷᠳᠤ ᠪᠠᠨ ᠰᠠᠢᠵᠢᠷᠠᠭᠤᠯᠤᠨ ᠳᠡᠭᠡᠭᠰᠢᠯᠡᠭᠦᠯᠵᠦ ᠂ ᠨᠢᠳᠤᠨᠤᠨ ᠵᠢᠯ 38 ᠪᠣᠲᠣᠭᠣ᠌ ᠪᠠᠨ ᠰᠢᠯᠢᠶᠢᠨ ᠭᠣᠣᠯ᠂ ᠣᠷᠳᠣᠰ᠂ ᠪᠠᠶᠠᠨᠨᠠᠭᠤᠷ᠂ ᠪᠤᠭᠤᠲᠤ᠂ ᠠᠯᠠᠱᠠ ᠵᠡᠷᠭᠡ ᠠᠢᠮᠠᠭ ᠬᠤᠳᠠᠶᠢᠨ ᠲᠡᠮᠡᠭᠡᠴᠢᠳ ᠲᠦ᠍ ᠬᠤᠳᠠᠯᠳᠤᠨ ᠥᠭᠴᠦ ᠲᠡᠮᠡᠭᠡᠨᠤ ᠬᠤᠷᠳᠤᠶᠢ ᠳᠡᠭᠡᠭᠰᠢᠯᠡᠭᠦᠯᠦᠨ ᠬᠥᠭᠵᠢᠭᠦᠯᠬᠦ ᠲᠠᠯᠠ ᠪᠡᠷ ᠭᠢ ᠠᠮᠵᠢᠯᠲᠠ ᠪᠠᠨ ᠡᠯᠡ ᠭᠠᠵᠠᠷᠤᠨ ᠲᠡᠮᠡᠭᠡᠴᠢᠳ ᠲᠠᠢ ᠬᠤᠪᠢᠶᠠᠯᠴᠠᠵᠤ᠂ ᠡᠨᠡ ᠵᠢᠯ ᠲᠣᠷᠤᠮᠤᠨ ᠤᠷᠤᠯᠳᠤᠭᠠᠨᠢᠶᠠᠷ ᠭᠣᠣᠯ ᠪᠤᠯᠭᠠᠬ᠍ᠰᠠᠨ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠨᠠᠭᠠᠳᠤᠮ ᠡᠷᠭᠢᠯᠡᠭᠦᠪᠡᠷ ᠳᠠᠮᠵᠢᠭᠤᠯᠤᠨ ᠬᠠᠪᠲᠠᠭᠠᠢᠶᠢᠨ ᠤᠳᠤᠮ ᠲᠠᠢ ᠲᠣᠷᠤᠮᠤᠨ ᠰᠢᠨᠳᠠᠰᠤ ᠬᠤᠷᠳᠤᠶᠢ ᠰᠢᠯᠭᠠᠬᠤᠶᠢ ᠵᠣᠷᠢᠭ᠍ᠰᠠᠨ ᠪᠠᠢᠨᠠ᠃
ᠤᠯᠠᠨ ᠵᠢᠯ ᠤ᠋ᠨ ᠲᠤᠷᠰᠢ᠂ ᠲᠣᠷᠭᠣᠳ ᠢᠯᠠᠯᠲᠠ ᠬᠣᠰᠢᠭᠤ᠂ ᠠᠢᠮᠠᠭ᠂ ᠣᠷᠣᠨ ᠤ᠋ ᠲᠡᠰ ᠤ᠋ᠨ ᠨᠠᠭᠠᠳᠤᠮ᠂ ᠬᠥᠷᠰᠢ ᠵᠡᠷᠭᠡᠯᠡᠳᠡᠭᠡ ᠭᠠᠵᠠᠷ ᠣᠷᠣᠨ ᠤ᠋ ᠨᠠᠢᠷ ᠨᠠᠭᠠᠳᠤᠮ᠂ ᠪᠦᠭᠦ ᠣᠷᠣᠨ᠂ ᠪᠦᠭᠦ ᠤᠯᠤᠰ ᠤ᠋ᠨ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨ ᠤ᠋ ᠤᠯᠠᠮᠵᠢᠯᠠᠯᠲᠤ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠴᠤᠭᠯᠠᠭᠠᠨ ᠳ᠋ᠤ᠌ ᠣᠷᠣᠯᠴᠠᠨ ᠬᠤᠷᠳᠤᠨ ᠠᠳᠠ ᠪᠡᠷ ᠢ᠋ᠶ᠋ᠠᠨ ᠣᠯᠠᠨᠲᠠ ᠰᠢᠯᠭᠠᠷᠠᠨ ᠠᠯᠳᠠ ᠮᠥᠩᠭᠥᠨ ᠮᠸᠳᠠᠯ ᠢ᠋ᠶ᠋ᠠᠷ ᠡᠩᠭᠡᠷ ᠢ᠋ᠶ᠋ᠠᠨ ᠮᠢᠯᠢᠶᠠᠯᠭᠠᠵᠤ᠂ ᠠᠯᠠᠱᠠ ᠨᠤᠲᠤᠭ ᠤ᠋ᠨ ᠲᠡᠮᠡᠭᠡᠨ ᠰᠣᠶᠣᠯ ᠬᠢᠭᠡᠳ ᠠᠯᠳᠠᠷ ᠨᠡᠷᠡ ᠶ᠋ᠢ ᠬᠣᠲᠠᠯᠠ ᠲᠦᠮᠡᠨ ᠳ᠋ᠤ᠌ ᠠᠯᠳᠠᠷᠰᠢᠭᠤᠯᠵᠤ᠂ ᠤᠯᠠᠨ ᠵᠢᠯ ᠤ᠋ᠨ ᠲᠤᠷᠰᠢᠬᠢ ᠰᠢᠷᠭᠠᠭᠤ ᠴᠢᠷᠮᠠᠢᠯᠭᠠ᠂ ᠰᠢᠨᠲᠠᠷᠠᠰᠢ ᠦᠭᠡᠢ ᠵᠣᠷᠢᠭ᠋ ᠰᠥᠰᠥ᠂ ᠰᠢᠯᠭᠠᠷᠠᠭᠰᠠᠨ ᠠᠷᠭᠠ ᠲᠤᠷᠰᠢᠯᠭᠠ ᠪᠡᠷ ᠢ᠋ᠶ᠋ᠠᠨ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ᠋ ᠲᠡᠰ ᠤ᠋ᠨ ᠮᠠᠩᠯᠠᠢ ᠤᠶᠠᠭᠠᠴᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠲᠡᠷᠡᠪᠡᠷ ᠰᠡᠭᠡᠷᠦᠨ ᠰᠢᠷᠠ᠂ ᠴᠠᠭᠠᠨ ᠲᠣᠷᠤᠮ᠂ ᠰᠠᠯᠬᠢᠨ ᠰᠢᠷᠠ ᠵᠡᠷᠭᠡ 12 ᠤᠷᠤᠯᠳᠣᠭᠠᠨᠤ ᠲᠡᠮᠡᠭᠡ ᠰᠣᠢᠵᠤ᠂ ᠤᠷᠣᠯᠳᠤᠭᠠᠨᠤ ᠲᠡᠮᠡᠭᠡᠳ ᠨᠢ ᠤᠯᠠᠨ ᠭᠠᠵᠠᠷ ᠣᠷᠣᠨᠤ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠨᠠᠭᠠᠳᠤᠮᠳᠤ ᠲᠦᠷᠦᠭᠦᠯᠡᠨ᠂ ᠡᠵᠡᠨᠳᠡᠭᠡᠨ ᠢᠷᠠᠭᠤ ᠠᠯᠳᠠᠷ ᠠᠪᠴᠢᠷᠠᠵᠤ᠂ ᠵᠦᠪᠭᠢᠨ ᠰᠠᠯᠬᠢᠨ ᠰᠢᠷᠠ ᠨᠢ ᠪᠠᠷᠤᠭ ᠭᠤᠴᠢᠭᠠᠳ ᠲᠦᠮᠡᠨ ᠲᠥᠭᠥᠷᠢᠭᠤᠨ ᠱᠠᠩᠨᠠᠯ ᠠᠪᠴᠢᠷᠠᠵᠤ᠂ ᠲᠡᠮᠡᠭᠡᠨ ᠪᠤᠶᠠᠨᠢᠶᠠᠷ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠪᠠᠢᠨᠠ᠃ 《ᠪᠢ ᠠᠷᠪᠠᠭᠠᠳ ᠵᠢᠯ ᠤᠯᠤᠰ᠂ ᠣᠷᠣᠨ᠂ ᠠᠢᠮᠠᠭ ᠬᠣᠰᠢᠭᠤᠨᠤ ᠶᠡᠬᠡ ᠪᠠᠭᠠ ᠣᠷᠤᠯᠳᠤᠭᠠᠨᠳᠤ ᠣᠷᠤᠯᠴᠠᠵᠤ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠦᠢᠯᠡᠰ ᠲᠤ᠌ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠨᠡᠮᠡᠷᠢᠯᠡᠵᠦ ᠶᠠᠪᠤᠯᠠ᠃ ᠥᠨᠥᠳᠥᠷ ᠬᠤᠪᠢᠪᠠᠷᠢᠶᠠᠨ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠨᠠᠭᠠᠳᠤᠮ ᠡᠷᠭᠢᠯᠡᠵᠦ᠂ 9 ᠲᠡᠮᠡᠭᠡ᠂ 16 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠮᠥᠩᠭᠥ ᠵᠣᠭᠣᠰᠢᠶᠠᠷ ᠣᠷᠤᠯᠳᠤᠭᠠᠨᠤ ᠲᠡᠰᠲᠤ ᠲᠣᠳᠣᠷᠠᠭᠰᠠᠨ ᠤᠶᠠᠭᠠᠴᠢᠳ ᠵᠢᠡᠨ ᠱᠠᠩᠨᠠᠨ ᠤᠷᠮᠠᠰᠢᠭᠤᠯᠵᠤ᠂ ᠲᠡᠳᠡᠨᠦ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠦᠢᠯᠡᠰᠢᠶᠠᠨ ᠦᠷᠭᠦᠯᠵᠢᠯᠠᠨ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ ᠶᠠᠪᠤᠬᠤᠶᠢ ᠵᠣᠷᠢᠭ᠍ᠵᠢᠭᠤᠯᠤᠯᠠ》 ᠭᠡᠵᠦ ᠲᠣᠷᠭᠣᠳ ᠢᠯᠠᠯᠲᠠ ᠶᠠᠷᠢᠵᠤ ᠪᠠᠢᠯᠠ᠃
ᠲᠣᠷᠭᠣᠳ ᠢᠯᠠᠯᠲᠠ᠂ ᠭᠡᠷᠡᠯᠤᠨ ᠪᠣᠲᠣᠭᠣᠨ ᠲᠡᠮᠡᠭᠡᠨᠤ ᠨᠠᠭᠠᠳᠤᠮᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠡᠯᠡ ᠠᠢᠮᠠᠭ ᠬᠤᠳᠠᠶᠢᠨ ᠰᠣᠳᠣᠨ ᠤᠶᠠᠭᠠᠴᠢ᠂ ᠠᠯᠳᠠᠷᠲᠤ ᠤᠶᠠᠭᠠᠴᠢ ᠢᠷᠡᠵᠡᠭᠡᠵᠦ᠂ ᠣᠨᠴᠠᠭᠠᠢᠯᠠᠨ ᠣᠷᠣᠨᠤ ᠲᠡᠰᠦᠨ ᠭᠠᠪᠢᠶᠠᠲᠤ ᠤᠶᠠᠭᠠᠴᠢ᠂ ᠮᠠᠩᠯᠠᠢ ᠤᠶᠠᠭᠠᠴᠢ ᠬᠣᠷᠢᠭᠠᠳ ᠬᠥᠮᠥᠨ ᠬᠦᠷᠦᠯᠴᠡᠨ ᠢᠷᠡᠵᠤ ᠭᠦᠭ ᠨᠡᠮᠡᠷᠢᠯᠡᠭᠰᠡᠨ ᠨᠢ ᠬᠥᠮᠥᠰᠤᠨ ᠠᠩᠬᠠᠷᠤᠯᠢ ᠲᠠᠲᠠᠵᠤ᠂ ᠨᠠᠭᠠᠳᠤᠮᠴᠢᠨ ᠤᠯᠠᠨᠢ ᠪᠠᠶᠠᠰᠬᠠᠵᠠᠢ᠃ ᠪᠤᠭᠤᠲᠤ ᠬᠤᠳᠠᠶᠢᠨ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤᠨᠤ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤᠨᠤ ᠲᠡᠮᠡᠭᠡᠴᠢᠨ᠂ ᠣᠷᠣᠨᠤ ᠮᠠᠩᠯᠠᠢ ᠤᠶᠠᠭᠠᠴᠢ ᠣᠳᠬᠤᠨᠰᠡᠩᠭᠡ 600 ᠭᠠᠷᠤᠢ ᠺᠢᠯᠣᠮᠧᠲᠷ ᠠᠶᠠᠯᠠᠵᠤ ᠨᠠᠢᠷ ᠲᠦ᠍ ᠭᠤᠷᠪᠠᠨ ᠲᠡᠮᠡᠭᠡ ᠲᠠᠢ ᠬᠦᠷᠦᠯᠴᠡᠨ ᠢᠷᠡᠵᠤ᠂ ᠲᠣᠷᠤᠮᠤᠨ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠲᠦᠷᠦᠭᠦᠯᠡᠨ 2 ᠲᠦᠮᠡᠨ ᠲᠥᠭᠥᠷᠢᠭᠤᠨ ᠱᠠᠩᠨᠠᠯ ᠬᠦᠷᠲᠡᠵᠦ᠂ ᠠᠳᠠᠨ ᠲᠡᠮᠡᠭᠡᠨᠤᠨ ᠤᠷᠤᠯᠳᠤᠭᠠᠨᠳᠤ ᠭᠤᠲᠠᠭᠠᠷ ᠲᠦ᠍ ᠣᠷᠣᠵᠤ ᠠᠳᠠᠨ ᠲᠡᠮᠡᠭᠡ ᠪᠡᠷ ᠱᠠᠩᠨᠠᠭᠤᠯᠵᠤ᠂ ᠨᠠᠭᠠᠳᠤᠮᠠᠴᠠ ᠭᠠᠨᠵᠤᠭᠠ ᠳᠦᠭᠦᠷᠡᠩ ᠪᠤᠴᠠᠯᠠ᠃ 《ᠣᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠨᠠ ᠭᠡᠬᠦᠯᠡᠷ ᠵᠠᠮ ᠬᠡᠳᠦᠢ ᠬᠣᠯᠠ ᠪᠠᠢᠭᠰᠠᠨ ᠴᠤ᠌ ᠶᠠᠳᠠᠷᠠᠯ ᠵᠦᠳᠡᠷᠡᠯᠢᠶᠠᠨ ᠮᠠᠷᠳᠠᠴᠢᠬᠠᠬ᠍ᠳᠠᠭ᠃ ᠶᠡᠷᠦᠨᠢ ᠲᠡᠮᠡᠭᠡᠨ ᠰᠣᠶᠣᠯᠤᠨ ᠨᠠᠢᠷ ᠴᠤᠭᠯᠠᠭᠠᠨ ᠢ᠋ᠶ᠋ᠠᠷ ᠲᠠᠮᠵᠢᠵᠤ ᠨᠤᠲᠤᠭ ᠨᠤᠲᠤᠭᠤᠨ ᠲᠡᠮᠡᠭᠡᠴᠢᠨ ᠤᠶᠠᠭᠠᠴᠢᠨ ᠲᠠᠢ ᠲᠠᠨᠢᠯᠴᠠᠨ ᠵᠣᠭᠣᠭᠳᠠᠵᠤ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢᠪᠠᠨ ᠰᠣᠯᠢᠯᠴᠠᠳᠠᠭ᠃ ᠡᠨᠡ ᠪᠣᠯ ᠪᠢᠳᠡᠨᠦ ᠶᠡᠬᠡ ᠣᠯᠵᠠᠷᠬᠠᠯ᠂ ᠢᠩᠭᠢᠵᠦ ᠯᠡ ᠲᠡᠮᠡᠭᠡᠨ ᠰᠣᠶᠣᠯ ᠢ᠋ᠶ᠋ᠠᠨ ᠬᠥᠭᠵᠢᠭᠦᠯᠵᠦ ᠤᠯᠠᠮᠵᠢᠯᠠᠵᠤ ᠶᠠᠪᠤᠬᠤ ᠨᠢ ᠶᠡᠬᠡ ᠰᠠᠢᠬᠠᠨ ᠤᠴᠢᠷ ᠮᠥᠨ᠂ ᠬᠣᠷᠢᠭᠠᠳ ᠡᠳᠦᠷᠦᠨ ᠳᠣᠲᠣᠷᠠ ᠠᠯᠠᠱᠠᠳᠤ ᠢᠷᠡᠵᠤ ᠲᠣᠷᠤᠮᠤᠨ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠬᠣᠶᠠᠷ ᠤᠳᠠᠭᠠ ᠲᠦᠷᠦᠭᠦᠯᠡᠵᠡᠢ᠂ ᠲᠡᠮᠡᠭᠡᠨ ᠪᠤᠶᠠᠨ᠂ ᠨᠠᠭᠠᠳᠤᠮ ᠤ᠋ᠨ ᠬᠡᠰᠢᠭ᠂ ᠨᠠᠢᠷ ᠤ᠋ᠨ ᠡᠵᠡᠨᠳᠦ ᠪᠠᠶᠠᠷᠯᠠᠵᠤ ᠪᠠᠢᠨᠠ》 ᠬᠡᠮᠡᠨ ᠣᠳᠬᠤᠨᠰᠡᠩᠭᠡ ᠶᠠᠷᠢᠵᠤ ᠪᠠᠢᠯᠠ᠃
ᠨᠠᠭᠠᠳᠤᠮᠤᠨ 22 ᠭᠠᠵᠠᠷ ᠤ᠋ᠨ ᠠᠳᠠᠨ ᠲᠡᠮᠡᠭᠡᠨ ᠤ᠋ ᠤᠷᠤᠯᠳᠤᠭᠠᠨᠳᠦ 81 ᠲᠡᠮᠡᠭᠡ ᠤᠷᠤᠯᠳᠤᠵᠤ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠢᠷᠦᠭᠡᠯᠲᠦᠶᠢᠨ ᠱᠥᠮᠪᠥᠭᠡᠷ ᠲᠦᠷᠦᠭᠦᠯᠡᠵᠦ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠢᠯᠠᠯᠲᠠᠶᠢᠨ ᠬᠤᠯᠠᠨ ᠳᠡᠳ᠋ᠯᠡᠨ᠂ ᠪᠤᠭᠤᠲᠤ ᠬᠤᠳᠠᠶᠢᠨ ᠣᠳᠬᠤᠨᠰᠡᠩᠭᠡᠶᠢᠨ ᠲᠠᠢᠭᠠ ᠭᠤᠲᠠᠭᠠᠷ ᠲᠦ᠍ ᠣᠷᠣᠵᠠᠢ᠃ 18 ᠭᠠᠵᠠᠷ ᠤ᠋ᠨ ᠬᠣᠶᠠᠷ ᠰᠢᠳᠦᠲᠦᠶᠢᠨ ᠤᠷᠤᠯᠳᠤᠭᠠᠨᠳᠤ 48 ᠲᠡᠮᠡᠭᠡ ᠤᠷᠤᠯᠳᠤᠵᠤ᠂ ᠡᠵᠡᠨᠡ ᠬᠣᠰᠢᠭᠤᠨᠤ ᠶᠠᠩ ᠵᠢᠶᠠᠨ ᠭᠦᠸᠸ ᠶ᠋ᠢᠨ ᠢᠨᠵᠠᠭᠠ ᠲᠦᠷᠦᠭᠦᠯᠡᠵᠦ᠂ ᠣᠷᠳᠣᠰ ᠬᠤᠳᠠᠶᠢᠨ ᠰᠡᠴᠡᠨᠳᠠᠯᠠᠢᠶᠢᠨ ᠢᠨᠵᠠᠭᠠ ᠰᠢᠷᠠ ᠳᠡᠳ᠋ᠯᠡᠨ ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠᠶᠢᠨ ᠪᠠᠳᠠᠷᠠᠬᠤᠶᠢᠨ ᠰᠤᠮᠤᠨ ᠴᠠᠭᠠᠨ ᠭᠤᠲᠠᠭᠠᠷ ᠲᠦ᠍ ᠣᠷᠣᠵᠠᠢ᠃ 15 ᠭᠠᠵᠠᠷ ᠤ᠋ᠨ ᠪᠢᠲᠡᠭᠦᠦ ᠰᠢᠳᠦᠲᠦᠶᠢᠨ ᠤᠷᠤᠯᠳᠤᠭᠠᠨᠳᠦ 32 ᠲᠡᠮᠡᠭᠡ ᠤᠷᠤᠯᠳᠤᠵᠤ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠠᠷᠢᠭᠤᠨᠤ ᠢᠮᠵᠢ ᠲᠦᠷᠦᠭᠦᠯᠡᠨ᠂ ᠣᠷᠳᠣᠰ ᠬᠤᠳᠠᠶᠢᠨ ᠰᠡᠴᠡᠨᠳᠠᠯᠠᠢᠶᠢᠨ ᠮᠠᠩᠯᠠᠢ ᠰᠢᠷᠠ ᠳᠡᠳ᠋ᠯᠡᠵᠦ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠬᠤ᠌ ᠪᠦᠭᠡᠶᠢᠨ ᠴᠠᠭᠠᠨ ᠲᠠᠤᠯᠠᠢ ᠭᠤᠲᠠᠭᠠᠷ ᠲᠦ᠍ ᠲᠣᠳᠣᠷᠠᠵᠠᠢ᠃ 12 ᠭᠠᠵᠠᠷ ᠤ᠋ᠨ ᠲᠣᠷᠤᠮ ᠤ᠋ᠨ ᠤᠷᠤᠯᠳᠤᠭᠠᠨᠳᠦ 34 ᠲᠣᠷᠤᠮ ᠤᠷᠤᠯᠳᠤᠵᠤ᠂ ᠪᠤᠭᠤᠲᠤ ᠬᠤᠳᠠᠶᠢᠨ ᠣᠳᠬᠤᠨᠰᠡᠩᠭᠡᠶᠢᠨ ᠤᠷᠤᠯᠳᠤᠭᠠᠨ ᠬᠦᠷᠡᠩ ᠲᠦᠷᠦᠭᠦᠯᠡᠨ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠᠶᠢᠨ ᠦᠨᠳᠦᠰᠦᠶᠢᠨ ᠪᠤᠳᠤᠩ ᠰᠢᠷᠠ ᠳᠡᠳ᠋ᠯᠡᠵᠦ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠᠶᠢᠨ ᠰᠠᠷᠠᠨᠠᠶᠢᠨ ᠰᠤᠮᠤᠨ ᠤᠯᠠᠭᠠᠨ ᠭᠤᠲᠠᠭᠠᠷ ᠲᠦ᠍ ᠣᠷᠣᠭᠰᠠᠨ ᠪᠠᠢᠨᠠ᠃