ᠮᠣᠷᠢᠨ ᠸᠠᠩᠤᠨ ᠨᠤᠲᠤᠭ ᠭᠡᠰᠡᠨ ᠰᠠᠢᠬᠠᠨ ᠠᠯᠳᠠᠷᠲᠠᠢ ᠬᠣᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢᠲᠤ ᠬᠤᠰᠢᠭᠤ ᠰᠣᠶᠣᠯᠢ ᠤᠯᠠᠮᠵᠢᠯᠠᠬᠤ ᠂ ᠠᠵᠤ ᠦᠢᠯᠡᠰᠦᠨ ᠰᠢᠨᠡᠶᠢ ᠡᠭᠦᠳᠬᠦ ᠪᠣᠯᠣᠨ ᠰᠣᠶᠣᠯ ᠵᠤᠭᠠᠴᠠᠯᠢ ᠠᠭᠤᠰᠤᠯᠴᠠᠭᠤᠯᠤᠭᠰᠠᠨ ᠬᠦᠭᠵᠢᠯᠲᠡᠪᠡᠷ ᠳᠠᠮᠵᠢᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠮᠤᠷᠢᠨᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠦᠢᠯᠡᠳᠬᠦ ᠤᠷᠠ ᠮᠡᠷᠭᠡᠵᠢᠯᠳᠤ ᠰᠢᠨᠡ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠣᠯᠭᠤᠵᠤ ᠂ 《 ᠡᠮᠡᠭᠡᠯ ᠤᠷᠠᠯᠠᠬᠤ ᠮᠡᠷᠭᠡᠵᠢᠯ 》 ᠨᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠰᠣᠶᠣᠯᠤᠨ ᠢᠲᠡᠭᠡᠯ ᠪᠣᠯᠣᠨ ᠬᠦᠳᠡᠭᠡ ᠲᠤᠰᠬᠤᠨᠢ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠴᠢᠬᠤᠯᠠ ᠰᠣᠶᠣᠯᠤᠨ ᠢᠮ ᠲᠡᠮᠳᠡᠭ ᠪᠣᠯᠵᠤ ᠪᠠᠢᠨᠠ ᠃
ᠬᠣᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢᠲᠤ ᠬᠤᠰᠢᠭᠤᠨᠤ ᠰᠣᠶᠣᠯᠤᠨ ᠣᠷᠳᠣᠨᠳᠤ ᠂ 2025 ᠣᠨᠤ ᠤᠯᠤᠰᠤᠨ ᠳᠡᠰᠦᠨ ᠪᠤᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠲᠦᠷᠦᠯ ᠵᠦᠢᠯ 《 ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠮᠤᠷᠢᠨᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠦᠢᠯᠡᠳᠬᠦ ᠤᠷᠠ ᠮᠡᠷᠭᠡᠵᠢᠯ 》ᠤᠨ ᠥᠪᠯᠡᠨ ᠤᠯᠠᠮᠵᠢᠯᠠᠭ᠍ᠴᠢᠶᠢᠨ ᠪᠣᠯᠪᠠᠰᠤᠷᠠᠯ ᠶᠠᠪᠤᠭᠳᠠᠵᠤ ᠂ ᠤᠯᠤᠰᠤᠨ ᠳᠡᠰᠦᠨ ᠪᠤᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠤᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠮᠣᠷᠢᠨᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠦᠢᠯᠡᠳᠬᠦ ᠤᠷᠠ ᠮᠡᠷᠭᠡᠵᠢᠯᠦᠨ ᠲᠥᠯᠥᠭᠡᠯᠡᠭᠴᠢ ᠴᠢᠨᠠᠷᠲᠠᠢ ᠥᠪᠯᠡᠨ ᠤᠯᠠᠮᠵᠢᠯᠠᠭ᠍ᠴᠢ ᠲᠣᠭᠲᠠᠨᠪᠠᠶᠠᠷᠠᠴᠠ ᠬᠠᠩᠬᠠᠢ ᠡᠮᠡᠭᠡᠯᠦᠨ ᠭᠣᠣᠯ ᠤᠨ ᠮᠣᠳᠣ᠌ᠶᠢᠨ ᠥ ᠰᠡᠪᠢ ᠬᠡᠷᠬᠢᠨ ᠠᠷᠢᠯᠭᠠᠬᠤ ᠲᠤᠬᠠᠢ ᠨᠠᠷᠢᠯᠢᠭ᠋ ᠲᠠᠢᠯᠪᠤᠷᠢᠯᠠᠯᠲᠠ ᠬᠢᠵᠦ ᠪᠠᠢᠯᠠ ᠃
ᠲᠣᠭᠲᠠᠨᠪᠠᠶᠠᠷᠠᠴᠠ 《 ᠮᠠᠨᠤ ᠡᠨᠡ ᠬᠣᠷᠴᠢᠨᠤ ᠬᠠᠩᠬᠠᠢ ᠡᠮᠡᠭᠡᠯᠢ ᠬᠢᠬᠦᠳᠦ ᠤᠷᠢᠳᠢᠶᠠᠷ ᠤᠳᠠ ᠮᠣᠳᠣ᠌ ᠂ ᠬᠠᠢᠯᠠᠰᠤᠨ ᠮᠣᠳᠣ᠌ᠶᠢ ᠰᠤᠩᠭᠤᠵᠤ ᠠᠷᠪᠠᠭᠠᠳ ᠡᠳᠦᠷ ᠬᠠᠲᠠᠭᠠᠭᠠᠳ ᠬᠠᠩᠬᠠᠢ ᠡᠮᠡᠭᠡᠯᠢ ᠬᠢᠳᠡᠭ ᠃ ᠬᠠᠩᠬᠠᠢ ᠡᠮᠡᠭᠡᠯ ᠨᠢ ᠲᠠᠪᠤᠨ ᠬᠡᠰᠡᠭ ᠬᠠᠪᠲᠠᠰᠤᠪᠠᠷ ᠪᠦᠷᠢᠯᠳᠦᠵᠦ ᠂ ᠬᠣᠶᠠᠷ ᠪᠦᠭᠦᠷᠬᠡ ᠂ ᠬᠣᠶᠠᠷ ᠬᠠᠪᠲᠠᠭᠠᠯ ᠂ ᠡᠮᠡᠭᠡᠯᠦᠨ ᠭᠣᠣᠯᠢ ᠬᠤᠭᠤᠷᠤᠨᠳᠤ ᠨᠢ ᠴᠠᠪᠠᠤᠪᠠᠷ ᠴᠠᠪᠠᠤᠳᠠᠵᠤ ᠨᠡᠢᠯᠡᠭᠦᠯᠳᠡᠭ ᠃ ᠥ ᠰᠡᠪᠢ ᠰᠠᠢᠲᠤᠷ ᠠᠷᠢᠯᠭᠠᠭᠰᠠᠨᠤ ᠰᠡᠭᠦᠯᠡᠷ ᠰᠢᠷᠳᠡᠵᠦ ᠂ ᠬᠦᠪᠡᠭᠡ ᠵᠠᠬᠠᠶᠢ ᠨᠢ ᠴᠠᠭᠠᠨ ᠭᠠᠤᠯᠢ ᠪᠣᠶᠣ᠌ ᠰᠢᠷᠠ ᠭᠠᠤᠯᠢᠪᠠᠷ ᠬᠦᠪᠡᠭᠡ ᠳᠠᠷᠤᠳᠠᠭ 》 ᠭᠡᠵᠦ ᠲᠠᠨᠢᠯᠴᠠᠭᠤᠯᠵᠤ ᠪᠠᠢᠯᠠ ᠃ᠮᠣᠷᠢᠨᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯᠢ ᠤᠷᠠᠯᠠᠬᠤᠳᠤ ᠮᠣᠳᠣᠴᠢᠨᠤ ᠠᠵᠢᠯ ᠂ ᠬᠠᠳᠬᠤᠮᠠᠯ ᠤᠶᠤᠬᠤ ᠂ ᠠᠷᠠᠰᠤ ᠰᠢᠷᠢ ᠡᠯᠳᠡᠬᠦ ᠂ ᠲᠡᠮᠦᠷᠯᠢᠭᠢ ᠳᠠᠪᠲᠠᠬᠤ ᠵᠡᠷᠭᠡ ᠣᠯᠠᠨ ᠵᠦᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠪᠠᠢᠳᠠᠭ ᠃