ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠳᠦᠷᠢᠮᠢ᠋ ᠨᠢᠩᠪᠦ᠋ᠸᠧᠳ᠋ᠦ᠍ ᠭᠦᠨᠵᠡᠭᠡᠢᠷᠡᠭᠦᠯᠦᠨ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠶᠢ ᠳᠠᠭᠠᠯᠳᠤᠨ᠂ ᠤᠯᠠᠮᠠ᠋ᠴᠠ ᠤᠯᠠᠮ ᠣᠯᠠᠨ 《 ᠬᠡᠦᠬᠡᠳᠦᠨ ᠡᠵᠢ 》ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠠᠵᠢᠯ ᠡᠷᠬᠢᠯᠡᠭ᠌ᠰᠡᠳᠦ᠋ᠨ ᠡᠩᠨᠡᠭᠡᠳ᠋ᠦ᠍ ᠣᠷᠣᠵᠤ᠂ ᠲᠡᠳᠡ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠭᠡᠷᠲᠦ ᠨᠢ ᠬᠦᠷᠴᠦ ᠦᠢ᠍ᠯᠡᠴᠢᠯᠡᠬᠦ 《 ᠴᠠᠭ ᠨᠢ ᠠᠮᠢᠳᠤᠯᠢᠭ 》 ᠠᠵᠢᠯ ᠮᠡᠷᠭᠡᠵᠢᠯᠦ᠋ᠨ ᠣᠨᠴᠠᠯᠢᠭᠢ ᠠᠰᠢᠭᠯᠠᠵᠤ᠂ ᠭᠡᠷ ᠪᠦᠯᠢᠪᠡᠨ ᠲᠣᠬᠢᠲᠠᠢ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤᠶᠢᠨ ᠬᠠᠮᠲᠤ᠂ ᠬᠤᠪᠢ ᠬᠥᠮᠦᠨᠦ᠌ ᠠᠵᠢᠯ ᠮᠡᠷᠭᠡᠵᠢᠯᠦ᠋ᠨ ᠬᠥᠭ᠌ᠵᠢᠯᠲᠡ ᠪᠣᠯᠤᠨ ᠨᠡᠢᠭᠡᠮᠦ᠋ᠨ ᠦᠨᠡ ᠥᠷᠲᠡᠭᠢ᠋ ᠪᠡᠶᠡᠯᠡᠭᠦᠯᠵᠦ᠍᠂ ᠠᠭᠠᠵᠢᠮᠢᠶᠠᠷ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠰᠤᠪᠢᠯᠠᠭ᠍ᠴᠢᠶᠢᠨ ᠡᠩᠨᠡᠭᠡ ᠠᠮᠢᠵᠢᠷᠠᠯᠤ᠋ᠨ ᠬᠦᠴᠦᠨᠢᠶᠠᠷ ᠪᠢᠯᠬᠠᠮᠠ ᠰᠢᠨᠡ ᠬᠦᠴᠦᠨ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
《 ᠠᠵᠢᠯ ᠠᠮᠢᠳᠤᠯᠢᠭ᠂ ᠴᠠᠭᠲᠤᠪᠠᠨ ᠬᠡᠦᠬᠡᠳᠢᠶᠠᠨ ᠲᠤᠰᠴᠤ᠌ ᠬᠦᠷᠭᠡᠵᠦ ᠳᠡᠢ᠌ᠯᠦᠨᠡ᠂ ᠪᠠᠰᠠ ᠵᠣᠭᠤᠰ ᠣᠯᠵᠤ ᠭᠡᠷᠢᠶᠠᠨ ᠲᠡᠵᠢᠭᠡᠵᠦ ᠳᠡᠢ᠌ᠯᠦᠨᠡ᠂ ᠡᠢᠮᠦ᠍ ᠡᠳᠦᠷ ᠬᠣᠨᠣᠭ᠂ ᠪᠢ ᠮᠠᠰᠢ ᠰᠠᠨᠠᠭᠠ ᠠᠮᠤᠷ ᠥᠩᠭᠡᠷᠡᠭᠡᠵᠦ ᠪᠠᠢ᠌ᠨᠠ 》 ᠭᠡᠵᠦ ᠨᠢᠩᠪᠦᠸᠧ ᠬᠣᠲᠠᠶ᠋ᠢᠨ ᠬᠠᠢ ᠱᠦ᠍ ᠲᠣᠭᠣᠷᠢᠭᠤᠨ ᠭᠦ᠋ ᠯᠸᠦ ᠭᠤᠸᠠᠩ ᠠᠨ ᠭᠡᠷ ᠪᠦᠯᠢᠶ᠋ᠢᠨ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠦᠢᠯᠡᠴᠢᠯᠡᠭᠡᠨᠦ ᠲᠥᠪᠦᠨ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠰᠤᠪᠢᠯᠠᠭ᠍ᠴᠢ ᠵᠢᠶᠠᠩ ᠴᠢᠶᠠᠨ ᠴᠢ ᠬᠡᠯᠡᠪᠡ᠃
ᠡᠨᠡ ᠵᠢᠯ 31 ᠨᠠᠰᠤᠲᠠᠢ ᠵᠢᠶᠠᠩ ᠴᠢᠶᠠᠨ ᠴᠢ ᠬᠣᠶᠠᠷ ᠬᠡᠦᠬᠡᠳᠦ᠋ᠨ ᠡᠵᠢ ᠪᠣᠯᠤᠨᠠ᠂ ᠡᠬᠢᠨᠳ᠋ᠦ᠍᠂ ᠲᠡᠷᠡ ᠭᠡᠷ ᠪᠦᠯᠢᠪᠡᠨ ᠬᠠᠮᠲᠤᠳᠤ ᠨᠢ ᠬᠠᠷᠠᠭ᠋ᠠᠯᠵᠠᠬᠤᠶᠢᠨ ᠲᠥᠯᠥᠭᠡ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠰᠤᠪᠢᠯᠠᠭ᠍ᠴᠢᠶᠢᠨ ᠡᠨᠡ ᠬᠦ᠌ ᠴᠠᠭ ᠬᠠᠷᠢᠴᠠᠩᠭᠤᠢ ᠴᠢᠯᠥᠭᠡᠲᠦ ᠠᠵᠢᠯᠢ᠋ ᠰᠣᠩᠭᠣᠵᠣ᠂ ᠬᠠᠢ ᠱᠤ᠌ ᠲᠣᠭᠣᠷᠢᠭᠤ᠋ᠨ ᠡᠮᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠᠶ᠋ᠢᠨ ᠰᠠᠯᠠᠭᠠ ᠮᠥᠴᠢᠷᠦ᠋ᠨ ᠪᠠᠢᠭᠤᠯᠤᠭ᠍ᠰᠠᠨ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠪᠣᠯᠪᠠᠰᠤᠷᠠᠯᠤ᠋ᠨ ᠰᠠᠭᠤᠷᠢᠨ ᠭᠠᠵᠠᠷ ᠨᠢ ᠲᠡᠭᠦᠨᠳ᠋ᠦ᠍ ᠣᠨᠣᠯᠠ᠋ᠴᠠ ᠪᠣᠳᠠᠲᠠᠢ ᠠᠵᠢᠯᠯᠠᠬᠤ ᠵᠢᠷᠤᠮᠵᠢᠭᠤᠯᠤᠭ᠍ᠰᠠᠨ ᠪᠣᠯᠪᠠᠰᠤᠷᠠᠯ ᠬᠠᠩᠭᠠᠵᠤ᠂ ᠲᠡᠭᠦᠨᠢ᠋ ᠬᠠᠪᠰᠤᠷᠤᠨ ᠡᠨᠡ ᠬᠦ᠌ ᠰᠢᠨᠡ ᠳᠦᠷᠢᠶᠢᠨ ᠳᠤᠮᠳᠠᠠ᠋ᠴᠠ ᠦᠰᠦᠨ ᠪᠣᠢᠵᠢᠬᠤ ᠣᠷᠣᠨ ᠵᠠᠢ ᠪᠠ ᠥᠪᠡᠷᠦ᠋ᠨ ᠥᠷᠲᠡᠭᠢ᠋ ᠣᠯᠭᠣᠵᠣ ᠥᠭ᠌ᠴᠡᠢ᠃ 2023 ᠣᠨᠤ ᠬᠠᠢ ᠱᠤ᠌ ᠲᠣᠭᠤᠷᠢᠭᠤᠨ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ 《 ᠦᠢᠯᠡᠴᠢᠯᠡᠭᠡᠨᠤ ᠤᠳᠤ 》ᠶ᠋ᠢᠨ ᠤᠷᠠ ᠴᠢᠳᠠᠪᠤᠷᠢᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ᠂ ᠲᠡᠷᠡ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠤᠷᠠ ᠴᠢᠳᠠᠪᠤᠷᠢᠳᠤᠪᠠᠨ ᠲᠦᠱᠢᠭ᠌ᠯᠡᠨ ᠭᠤᠷᠪᠠᠳᠤᠭᠠᠷ ᠳᠡᠰᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃ 《 ᠰᠤᠪᠢᠯᠠᠭᠴᠢ ᠪᠣᠯ 〈 ᠠᠰᠠᠷᠠᠭ᠍ᠴᠢ ᠠᠨᠢᠶᠠ 〉 ᠪᠢᠰᠢ᠂ ᠬᠠᠷᠢᠨ ᠨᠢᠭᠡ ᠬᠤᠪᠢ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠤᠷᠠ ᠴᠢᠳᠠᠪᠤᠷᠢ ᠬᠡᠷᠡᠭ᠌ᠰᠡᠬᠦ᠌ ᠠᠵᠢᠯ ᠮᠥᠨ᠂ ᠪᠢᠳᠡ ᠬᠦᠯᠢᠶᠡᠨ ᠠᠪᠤᠭ᠍ᠰᠠᠨ ᠪᠣᠯᠪᠠᠰᠤᠷᠠᠯᠢ ᠱᠢᠰᠲ᠋ᠧᠮᠲᠠᠢ ᠪᠥᠭᠡᠳ ᠵᠢᠷᠤᠮᠵᠢᠭᠤᠯᠵᠤ᠂ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠲᠠᠢᠯᠤᠮᠵᠢ ᠬᠢᠬᠦ᠌ᠠᠴᠠ ᠪᠣᠳᠠᠲᠠᠶ ᠪᠣᠯᠪᠠᠰᠤᠷᠠᠯᠤᠨ ᠤᠷᠠ ᠴᠢᠳᠠᠪᠤᠷᠢᠶ᠋ᠢ ᠴᠥᠮ ᠴᠢᠩᠭᠠ ᠡᠵᠡᠮᠱᠢᠬᠦ᠌ ᠬᠡᠷᠡᠭ᠌ᠲᠡᠶ 》᠃ ᠵᠢᠶᠠᠩ ᠴᠢᠶᠠᠨ ᠴᠢᠶᠢᠨ ᠭᠡᠯᠡᠭᠰᠡᠨ ᠦᠭᠡ ᠨᠢ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠰᠤᠪᠢᠯᠠᠭᠴᠢ ᠵᠢᠩᠬᠢᠨᠢᠪᠡᠷ 《 ᠠᠮᠢᠳᠤᠷᠠᠯᠤ᠋ᠨ ᠬᠠᠷᠠᠭ᠋ᠠᠯᠵᠠᠯ 》ᠠ᠋ᠴᠠ 《 ᠲᠤᠰᠭᠠᠢ ᠮᠡᠷᠭᠡᠵᠢᠯᠦ᠋ᠨ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ 》 ᠲᠡᠢ᠌ᠰᠢ ᠬᠡᠯᠪᠡᠷᠢᠪᠡᠨ ᠬᠤᠪᠢᠷᠠᠭᠤᠯᠬᠤ ᠬᠠᠨᠳᠤᠰᠢᠶᠢ ᠬᠠᠷᠠᠭᠤᠯᠪᠠ᠃
45 ᠨᠠᠰᠤᠲᠠᠶ ᠷᠧᠨ ᠺᠧ ᠺᠧ᠂ ᠬᠤᠶᠠᠷ ᠵᠢᠯᠤᠨ ᠡᠮᠦᠨᠡ ᠪᠠᠰᠠ ᠨᠢᠭᠡᠨ 《 ᠪᠦᠷᠢᠨ ᠠᠵᠢᠯᠲᠠᠨ ᠡᠵᠢ 》 ᠪᠠᠢᠵᠤ᠂ ᠰᠠᠨᠠᠮᠰᠠᠷ ᠥᠬᠡᠶᠪᠠᠷ 《 ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠣᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠰᠤᠪᠢᠯᠠᠭ᠍ᠴᠢ ᠤᠷᠢᠵᠤ ᠡᠯᠰᠡᠬᠦ᠌ ᠮᠡᠳᠡᠭᠳᠡᠯ 》ᠢ ᠣᠯᠵᠤ ᠦᠵᠡᠭ᠌ᠰᠡᠨᠤ ᠳᠠᠷᠠᠭᠠ᠂ ᠲᠡᠷᠡ ᠵᠣᠷᠢᠭ᠍ᠲᠠᠶ ᠨᠢᠭᠡ ᠠᠯᠬᠤᠮᠢ ᠠᠯᠬᠤᠵᠤ᠂ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠱᠢᠨᠡ ᠠᠮᠢᠳᠤᠷᠠᠯᠢ ᠨᠡᠭᠡᠭᠡᠵᠡᠶ᠃ 《 ᠠᠵᠢᠯᠳ᠋ᠤ ᠭᠠᠷᠤᠭ᠍ᠰᠠᠨᠤ᠋ ᠳᠠᠷᠠᠭᠠ ᠰᠠᠶᠢ᠂ ᠨᠠᠳᠠ ᠲᠠᠢ ᠠᠳᠠᠯᠢ ᠡᠢᠮᠦ᠍ 〈 ᠬᠡᠦᠬᠡᠳᠦᠨ ᠡᠵᠢ 〉 ᠰᠢᠭ ᠠᠰᠠᠷᠠᠭ᠍ᠴᠢ ᠴᠥᠭᠡᠨ ᠪᠤᠰᠤ ᠪᠠᠢᠬᠤᠶᠢ ᠣᠯᠵᠤ ᠮᠡᠳᠡᠪᠡ᠃ ᠮᠠᠨᠤ ᠪᠡᠶᠡ ᠳᠡᠭᠡᠷᠡᠬᠢ 〈 ᠡᠵᠢ 〉 ᠰᠢᠭ ᠨᠠᠷᠢᠨ ᠨᠢᠮᠪᠠᠶ ᠪᠥᠭᠡᠳ ᠬᠦᠯᠢᠴᠡᠩᠭᠦᠶ ᠨᠢ ᠶᠠᠭ ᠣᠷᠳᠣ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶ᠋ᠢᠨ ᠬᠠᠮᠤᠭᠤᠨ ᠬᠡᠷᠡᠭ᠌ᠴᠡᠭᠡᠲᠠᠢ ᠬᠡᠰᠡᠭ ᠮᠥᠨ 》᠃ ᠠᠯᠽᠸᠢᠢ᠍ᠮᠸᠷ ᠡᠪᠡᠳᠴᠢᠨᠳ᠋ᠦ᠍ ᠨᠡᠷᠪᠡᠭ᠌ᠳᠡᠭ᠌ᠰᠡᠨ ᠨᠢᠭᠡᠨ ᠨᠠᠰᠤᠲᠠᠨᠢ᠋ ᠠᠰᠠᠷᠠᠬᠤ ᠦᠶᠡᠳ᠋ᠦ᠍᠂ ᠲᠡᠷᠡ ᠬᠡᠦᠬᠡᠳᠲᠦ᠍ ᠬᠠᠨᠢ ᠪᠣᠯᠵᠤ ᠬᠤᠷᠠᠮᠳᠤᠭᠤᠯᠤᠭ᠍ᠰᠠᠨ ᠣᠢᠯᠠᠭᠠᠯᠴᠠᠭᠠ ᠣᠶᠤᠨ ᠤᠬᠠᠭᠠᠨᠢᠶᠠᠨ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠤᠷᠠ ᠴᠢᠳᠠᠪᠤᠷᠢ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠭᠡᠷ ᠪᠦᠯᠢᠶᠢᠨ ᠬᠢᠨᠦ᠌ ᠳᠡᠭᠡᠳᠦ ᠬᠡᠮᠵᠢᠶᠡᠨᠦ᠌ ᠵᠥᠪᠰᠢᠶᠡᠷᠡᠯᠢ᠋ ᠣᠯᠵᠠᠢ᠃ 《 ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠪᠣᠯ ᠮᠡᠷᠭᠡᠵᠢᠯᠤᠨ ᠠᠵᠢᠯᠯᠠᠭᠠ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠰᠡᠳᠭᠢᠯᠤᠨ ᠰᠣᠯᠢᠯᠴᠠᠭᠠ ᠮᠥᠨ 》᠃ ᠷᠧᠨ ᠺᠧ ᠺᠧ ᠬᠡᠯᠡᠬᠦ᠌ᠳᠤᠪᠠᠨ᠂ 《 ᠡᠨᠡ ᠬᠦ᠌ ᠠᠵᠢᠯᠨᠢ ᠨᠠᠮᠠᠶᠢ ᠭᠡᠷᠤᠨ ᠬᠥᠮᠦᠰᠢᠶᠠᠨ ᠰᠠᠢᠲᠤᠷ ᠬᠠᠷᠠᠭᠠᠯᠵᠠᠭᠤᠯᠬᠤᠶ᠋ᠢᠨ ᠬᠠᠮᠲᠤ ᠪᠠᠰᠠ ᠥᠪᠡᠷᠤᠨ ᠨᠡᠢᠭᠡᠮᠤᠨ ᠪᠠᠢᠷᠢᠱᠢᠯᠢᠶᠠᠨ ᠣᠯᠵᠤ ᠠᠪᠤᠭᠤᠯᠤᠭᠰᠠᠨ ᠶᠤᠮ 》 ᠭᠡᠪᠡ᠃
ᠡᠨᠡ ᠬᠣᠶᠠᠷ 《 ᠬᠡᠦᠬᠡᠳᠦᠨ ᠡᠵᠢ 》 ᠰᠤᠪᠢᠯᠠᠭ᠍ᠴᠢᠶᠢᠨ ᠦᠯᠢᠭᠡᠷ ᠨᠢ ᠣᠨᠴᠠᠭ᠋ᠠᠢ ᠵᠢᠱ᠌ᠢᠶᠡ ᠪᠢᠰᠢ᠃ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠬᠠᠷᠠᠭ᠋ᠠᠯᠵᠠᠨ ᠠᠰᠠᠷᠠᠬᠤᠳᠤ ᠣᠷᠣᠯᠴᠠᠭ᠍ᠰᠠᠳᠤᠨ ᠡᠩᠨᠡᠭᠡᠳᠤ ᠲᠤᠰᠭᠠᠢᠵᠢᠭ᠍ᠰᠠᠨ᠂ ᠵᠠᠯᠠᠭᠤᠵᠢᠭ᠍ᠰᠠᠨ ᠱᠢᠨᠡ ᠳᠦᠷᠰᠦ ᠪᠠᠢᠳᠠᠯ ᠢᠯᠡᠷᠡᠵᠡᠶ᠃ ᠪᠦᠷᠢᠳᠭᠡᠯᠢ᠋ ᠦᠨᠳᠦᠰᠦᠯᠡᠪᠡᠯ᠂ ᠨᠢᠩᠪᠦ᠋ᠸᠧᠶᠢᠨ ᠬᠡᠰᠡᠭ ᠴᠡᠭ ᠲᠣᠭᠲᠠᠭ᠋ᠠᠭᠰᠠᠨ ᠪᠦᠬᠦᠢ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠦᠢᠯᠡᠴᠢᠯᠡᠭᠡᠨᠦ᠌ ᠪᠠᠢᠭᠤᠯᠤᠮᠵᠢᠶᠢᠨ ᠳᠣᠲᠣᠷᠠ᠂ 《 ᠬᠡᠦᠬᠡᠳᠦᠨ ᠡᠵᠢ 》 ᠰᠤᠪᠢᠯᠠᠭ᠍ᠴᠢᠶᠢᠨ ᠬᠠᠷᠢᠴᠠᠯ ᠨᠢ ᠨᠢᠭᠡᠨᠲᠡ ᠬᠣᠶᠠᠷ ᠬᠤᠪᠢᠶᠢ ᠡᠵᠡᠯᠡᠵᠡᠢ᠃ ᠲᠡᠳᠡ ᠡᠯᠪᠡᠭ ᠪᠠᠶᠠᠯᠢᠭ ᠠᠮᠢᠳᠤᠷᠠᠯᠤᠨ ᠲᠤᠷᠱᠢᠯᠭᠠ᠂ ᠨᠡᠯᠢᠶᠡᠳ ᠴᠢᠩᠭᠠ ᠨᠡᠪᠲᠡᠷᠡᠯᠴᠡᠬᠦ᠌ ᠴᠢᠳᠠᠪᠤᠷᠢ ᠪᠠ ᠦᠢᠯᠡᠴᠢᠯᠡᠬᠦ᠌ ᠤᠬᠠᠮᠰᠠᠷᠲᠠᠢ ᠪᠠᠢᠵᠤ᠂ ᠱᠢᠰᠲ᠋ᠧᠮᠲᠠᠢ ᠪᠣᠯᠪᠠᠰᠤᠷᠠᠯ ᠬᠦᠷᠲᠡᠭᠰᠡᠨᠤ ᠲᠠᠷᠠᠭᠠ᠂ ᠠᠰᠠᠷᠠᠨ ᠰᠤᠪᠢᠯᠠᠬᠤ ᠦᠢᠯᠡᠴᠢᠯᠡᠭᠡ᠂ ᠲᠦᠷᠦ᠍ᠶ᠋ᠢᠨ ᠪᠤᠳᠤᠯᠭᠠᠶ᠋ᠢᠨ ᠤᠬᠠᠭᠤᠯᠤᠨ ᠲᠠᠨᠢᠯᠴᠠᠭᠤᠯᠬᠤ ᠵᠡᠷᠭᠡ ᠤᠷᠠ ᠴᠢᠳᠠᠪᠤᠷᠢᠶ᠋ᠢ ᠪᠣᠯᠪᠠᠰᠤᠷᠠᠩᠭᠤᠢ ᠡᠵᠡᠮᠱᠢᠵᠦ᠍᠂ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠶ᠋ᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠴᠢᠯᠡᠭᠡᠨᠤ ᠲᠣᠭᠲᠠᠯᠴᠠᠭᠠ ᠳᠣᠲᠣᠷᠠᠬᠢ ᠳᠤᠲᠠᠭ᠍ᠳᠠᠵᠤ ᠪᠣᠯᠤᠰᠢ ᠦᠭᠡᠢ ᠲᠤᠰᠭᠠᠢ ᠮᠡᠷᠭᠡᠵᠢᠯᠤᠨ ᠬᠦᠴᠦᠨ ᠪᠣᠯᠪᠠ᠃ ᠲᠡᠳᠡ ᠲᠤᠰᠭᠠᠶ ᠮᠡᠷᠭᠡᠵᠢᠯ ᠪᠣᠯᠤᠨ ᠬᠠᠢᠷᠠ ᠬᠠᠯᠠᠮᠵᠢᠪᠠᠷᠢᠶᠠᠨ ᠤᠷᠲᠤ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭ᠋ᠠᠳᠬᠠᠯᠤᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠲᠦᠭ ᠲᠦᠮᠡᠨ ᠠᠢᠯ ᠡᠷᠦᠬᠡᠳᠤ ᠬᠦᠷᠭᠡᠵᠦ᠂ ᠭᠡᠷ ᠪᠦᠯᠢᠶ᠋ᠢᠨ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠳᠠᠷᠤᠯᠲᠠᠶ᠋ᠢ ᠨᠠᠮᠳᠠᠭᠤᠯᠬᠤ ᠶᠠᠪᠤᠴᠠᠳᠤ᠂ ᠭᠡᠷ ᠪᠦᠯᠢᠶ᠋ᠢᠨ ᠬᠥᠳᠡᠯᠮᠦᠷᠢ ᠬᠦᠴᠦᠨᠢ ᠪᠠᠳᠠᠷᠠᠭᠤᠯᠵᠤ᠂ ᠨᠡᠢᠭᠡᠮᠤᠨ ᠬᠥᠮᠦᠨᠤ ᠬᠦᠴᠦᠨᠤ ᠡᠬᠢ ᠪᠠᠶᠠᠯᠢᠭᠤᠨ ᠱᠢᠯᠢᠳᠡᠭ᠌ᠵᠢᠨ ᠲᠣᠬᠢᠷᠠᠭᠤᠯᠬᠤᠶ᠋ᠢ ᠠᠬᠢᠭᠤᠯᠪᠠ᠃