ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠲᠢᠩᠬᠢᠮᠦᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠣᠢᠷᠠᠳᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠶᠠᠮᠤᠨ 2025 ᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠠᠵᠢᠯ ᠲᠥᠷᠥᠯᠦᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠦᠯᠵᠢᠶᠡᠨᠦ ᠰᠢᠨᠡ ᠡᠭᠦᠳᠦᠯᠲᠡ ᠲᠡᠢ ᠬᠥᠭᠵᠢᠯᠲᠡᠶᠢᠨ ᠬᠡᠷᠡᠭᠦᠨ ᠵᠢᠱ᠌ᠢᠶᠡᠶᠢ ᠰᠢᠯᠢᠵᠦ ᠰᠣᠩᠭᠣᠭᠰᠠᠨ ᠦᠷᠡ ᠳ᠋ᠦᠩᠢᠶᠡᠨ ᠨᠡᠢᠲᠡᠯᠡᠪᠡ᠂ ᠪᠥᠬᠥ ᠤᠯᠤᠰᠲᠤ ᠨᠡᠶ᠋ᠢᠲᠡ 12 ᠬᠡᠷᠡᠭᠦᠨ ᠵᠢᠱ᠌ᠢᠶᠡ ᠰᠣᠩᠭᠣᠭᠳᠠᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠲᠢᠩᠬᠢᠮᠦᠨ 《ᠥᠨᠳᠥᠷ ᠪᠦᠲᠦᠮᠵᠢᠲᠡᠢᠪᠡᠷ 〈ᠨᠢᠭᠡ ᠠᠵᠢᠯ ᠶᠠᠪᠤᠳᠠᠯ〉ᠢ ᠭᠦᠢᠴᠡᠳᠬᠡᠬᠦ ᠦᠢᠯᠡᠴᠢᠯᠡᠭᠡ》 ᠵᠢᠭ᠍ᠰᠠᠭᠠᠯᠲᠠᠳᠤ ᠣᠷᠣᠪᠠ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠲᠢᠩᠬᠢᠮᠦᠨ ᠲᠦᠷᠦᠭᠦᠯᠡᠨ ᠪᠠᠢᠭᠤᠯᠤᠭᠰᠠᠨ ᠭᠤᠷᠪᠠᠨ ᠵᠦᠢᠯᠦᠨ 《ᠨᠢᠭᠡ ᠠᠵᠢᠯ ᠶᠠᠪᠤᠳᠠᠯ》ᠤᠨ ᠦᠢᠯᠡᠴᠢᠯᠡᠭᠡᠪᠡᠨ ᠪᠥᠬᠥ ᠱᠤᠭᠤᠮᠢᠶᠠᠷ ᠨᠢ ᠰᠦᠯᠵᠢᠶᠡᠨᠳᠦ ᠭᠠᠷᠭᠠᠨ ᠠᠵᠢᠯᠯᠠᠭᠤᠯᠵᠤ᠂ ᠠᠵᠤ ᠠᠬᠤᠢᠯᠠᠯᠤᠨ ᠪᠥᠬᠥ ᠠᠵᠢᠯᠯᠠᠭᠠᠨᠤ ᠦᠶᠡᠯᠡᠯᠢ ᠬᠠᠮᠤᠷᠤᠭᠰᠠᠨ ᠵᠠᠰᠠᠭᠤᠨ ᠶᠠᠪᠤᠳᠠᠯᠤᠨ ᠦᠢᠯᠡᠴᠢᠯᠡᠭᠡᠨᠦ ᠪᠢᠲᠡᠭᠦᠦ ᠴᠠᠭᠠᠷᠢᠭ᠋ᠢᠶᠠᠷ ᠠᠵᠢᠯᠯᠠᠬᠤ ᠪᠣᠯᠭᠠᠪᠠ᠃ ᠡᠭᠦᠨᠳᠦ᠂ ᠲᠡᠭᠡᠭᠡᠪᠦᠷᠢᠶᠢᠨ ᠠᠵᠤ ᠠᠬᠤᠢᠯᠠᠯ ᠨᠡᠭᠡᠭᠡᠨ ᠡᠷᠬᠢᠯᠡᠬᠦ 《ᠨᠢᠭᠡ ᠠᠵᠢᠯ ᠶᠠᠪᠤᠳᠠᠯ》ᠳᠤ 《ᠵᠠᠮ ᠲᠡᠭᠡᠭᠡᠪᠦᠷᠢᠶᠢᠨ ᠡᠵᠡᠩᠨᠡᠯᠲᠡᠶᠢᠨ ᠵᠥᠪᠰᠢᠶᠡᠷᠡᠯᠦᠨ ᠦᠨᠡᠮᠯᠡᠯ》 ᠭᠦᠢᠴᠡᠳᠬᠡᠬᠦ ᠵᠡᠷᠭᠡ 《ᠭᠤᠷᠪᠠᠨ ᠦᠨᠡᠮᠯᠡᠯᠢ ᠨᠢᠭᠡᠳᠬᠡᠬᠦ》ᠶᠢ ᠪᠡᠶᠡᠯᠡᠭᠦᠯᠵᠦ᠂ 《ᠮᠥᠩᠬᠡ ᠰᠤᠪᠠᠭ》 APP ᠵᠡᠷᠭᠡ ᠠᠷᠭᠠ ᠵᠠᠮᠳᠤ ᠲᠦᠰᠢᠭᠯᠡᠨ᠂ ᠤᠤᠯᠤᠨ 42 ᠠᠵᠢᠯᠤᠨ ᠡᠳᠦᠷᠲᠦ ᠬᠢᠨᠠᠨ ᠵᠥᠪᠰᠢᠶᠡᠷᠡᠬᠦ ᠴᠤᠪᠤᠷᠠᠯᠢ 5 ᠠᠵᠢᠯᠤᠨ ᠡᠳᠦᠷᠲᠦ ᠭᠦᠢᠴᠡᠳᠬᠡᠬᠦ ᠪᠣᠯᠭᠠᠨ ᠪᠠᠭᠠᠰᠬᠠᠵᠤ᠂ ᠭᠤᠶᠤᠴᠢᠯᠠᠬᠤ ᠮᠠᠲᠧᠷᠢᠶᠠᠯᠢ 14 ᠪᠠᠢᠭᠰᠠᠨᠠᠴᠠ 7 ᠪᠣᠯᠭᠠᠨ ᠴᠣᠮᠬᠠᠳᠬᠠᠵᠤ᠂ ᠪᠥᠬᠥ ᠤᠯᠤᠰᠤᠨ ᠰᠢᠰᠲᠧᠮ ᠯᠦ᠍ᠭᠡ ᠶᠠᠮᠤᠨ ᠮᠤᠵᠢ ᠬᠣᠯᠪᠤᠭᠠᠯᠠᠨ ᠲᠣᠬᠢᠷᠠᠭᠤᠯᠵᠤ ᠬᠠᠷᠢᠯᠴᠠᠨ ᠨᠡᠪᠲᠡᠷᠡᠯᠴᠡᠬᠦᠶᠢ ᠪᠡᠶᠡᠯᠡᠭᠦᠯᠵᠦ᠂ ᠨᠡᠶ᠋ᠢᠲᠡ 6170 ᠬᠤᠪᠢ ᠭᠦᠢᠴᠡᠳᠬᠡᠭᠰᠡᠨ ᠪᠠᠢᠨᠠ᠃
ᠪᠠᠷᠢᠯᠭᠠᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠦᠷᠢᠶᠡᠨᠳᠡᠬᠢ 《ᠬᠢᠨᠠᠨ ᠵᠥᠪᠰᠢᠶᠡᠷᠡᠬᠦᠳᠦ ᠬᠦᠴᠢᠷᠲᠡᠢ᠂ ᠭᠣᠭᠴᠣᠭᠠ ᠤᠯᠠᠨ》 ᠪᠠᠢᠭᠠ ᠮᠣᠬᠣᠭᠤ ᠪᠠᠢᠳᠠᠯᠳᠤ ᠴᠢᠭᠯᠡᠭᠦᠯᠦᠨ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠬᠦᠷᠢᠶᠡᠨᠳᠡᠬᠢ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠵᠦᠢᠯᠡᠰᠦᠨ 《ᠨᠢᠭᠡ ᠠᠵᠢᠯ ᠶᠠᠪᠤᠳᠠᠯ》ᠢ ᠭᠦᠢᠴᠡᠳᠬᠡᠬᠦᠳᠦ 《ᠴᠤᠪᠤᠷᠠᠭᠤᠯᠤᠨ ᠬᠣᠯᠪᠣᠭᠠᠯᠠᠵᠤ ᠠᠵᠢᠯᠯᠠᠬᠤᠶᠢ ᠥᠭᠡᠷᠡᠴᠢᠯᠡᠭᠡᠳ ᠨᠡᠢᠯᠡᠭᠦᠯᠦᠨ ᠬᠣᠯᠪᠣᠭᠠᠯᠠᠵᠤ ᠠᠵᠢᠯᠯᠠᠬᠤ》 ᠬᠡᠪ ᠵᠠᠭᠪᠤᠷᠢ ᠰᠢᠨᠡᠶᠢ ᠡᠭᠦᠳᠴᠦ ᠬᠡᠷᠡᠭᠯᠡᠨ᠂ 4 ᠰᠠᠯᠠᠭᠠ ᠮᠥᠴᠢᠷᠦᠨ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠰᠢᠰᠲᠧᠮᠢ ᠨᠡᠪᠲᠡᠷᠡᠭᠦᠯᠦᠨ᠂ 21 ᠵᠦᠢᠯᠦᠨ ᠵᠥᠪᠰᠢᠶᠡᠷᠡᠯᠦᠨ ᠵᠦᠢᠯᠡᠰᠢ ᠲᠥᠪᠯᠡᠷᠡᠭᠦᠯᠦᠨ ᠭᠦᠢᠴᠡᠳᠬᠡᠬᠦ ᠪᠣᠯᠭᠠᠵᠤ᠂ ᠠᠵᠢᠯ ᠶᠠᠪᠤᠳᠠᠯ ᠭᠦᠢᠴᠡᠳᠬᠡᠬᠦ ᠭᠣᠭᠴᠣᠭᠠᠶᠢ 89% ᠪᠡᠷ ᠪᠠᠭᠠᠰᠬᠠᠵᠤ᠂ ᠭᠦᠢᠴᠡᠳᠬᠡᠬᠦ ᠴᠠᠭᠤᠨ ᠬᠢᠵᠠᠭᠠᠷᠢ 78% ᠪᠠᠷ ᠪᠣᠭᠣᠨᠢᠰᠬᠠᠪᠠ᠃ 2025 ᠣᠨᠤ 4 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠰᠢᠰᠲᠧᠮᠢ ᠲᠠᠰ ᠳᠡᠪᠰᠢᠭᠦᠯᠦᠭᠰᠡᠨᠦ ᠳᠠᠷᠠᠭᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠂ ᠠᠢᠮᠠᠭ ᠬᠣᠲᠠ ᠬᠣᠶᠠᠷ ᠱᠠᠲᠤᠨᠤ ᠣᠷᠣᠨ ᠬᠤᠪᠢᠶᠠᠷᠢᠶᠢᠨ ᠣᠷᠤᠴᠠᠶᠢ ᠨᠡᠭᠡᠭᠡᠵᠦ᠂ ᠣᠳᠣᠬᠠᠨᠳᠤ 11 ᠲᠥᠷᠥᠯ ᠵᠦᠢᠯ ᠨᠢ ᠲᠣᠰ ᠲᠠᠪᠴᠠᠩᠢᠶᠠᠷ ᠪᠠᠷᠢᠯᠭᠠ ᠪᠠᠷᠢᠬᠤ ᠵᠥᠪᠰᠢᠶᠡᠷᠡᠯᠢᠶᠡᠨ ᠭᠦᠢᠴᠡᠳᠬᠡᠵᠦ᠂ ᠤᠯᠠᠮᠵᠢᠯᠠᠯᠲᠤ ᠬᠢᠨᠠᠨ ᠵᠥᠪᠰᠢᠶᠡᠷᠡᠬᠦ ᠬᠡᠪ ᠵᠠᠭᠪᠤᠷ ᠯᠤᠭᠠ ᠬᠠᠷᠢᠴᠠᠭᠤᠯᠪᠠᠯ ᠠᠷᠪᠢᠯᠠᠭᠰᠠᠨ ᠴᠠᠭ ᠨᠢ ᠳᠤᠮᠳᠠᠴᠢᠪᠠᠷ 3 ᠰᠠᠷᠠᠶᠢ ᠳᠠᠪᠠᠪᠠ᠃
ᠰᠠᠯᠠᠭᠠ ᠮᠥᠴᠢᠷ ᠠᠯᠤᠰᠯᠠᠨ ᠬᠠᠮᠵᠢᠯᠴᠠᠬᠤ ᠲᠠᠯᠠᠪᠠᠷ᠂ ᠲᠣᠮᠣ᠌ ᠵᠦᠢᠯᠦᠨ ᠲᠡᠭᠡᠭᠡᠪᠦᠷᠢᠶᠢᠨ 《ᠨᠢᠭᠡ ᠠᠵᠢᠯ ᠶᠠᠪᠤᠳᠠᠯ》ᠢ ᠭᠦᠢᠴᠡᠳᠬᠡᠬᠦᠳᠦ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢ᠂ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ᠂ ᠣᠷᠣᠨ ᠰᠠᠭᠤᠴᠠ ᠪᠠ ᠬᠣᠲᠠ ᠬᠥᠳᠡᠭᠡᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠭᠤᠷᠪᠠᠨ ᠰᠠᠯᠠᠭᠠ ᠮᠥᠴᠢᠷᠦᠨ ᠬᠢᠨᠠᠨ ᠵᠥᠪᠰᠢᠶᠡᠷᠡᠬᠦ ᠡᠷᠬᠡ ᠮᠡᠳᠡᠯᠦᠨ ᠬᠡᠪᠴᠢᠶᠡᠶᠢ ᠨᠡᠢᠳᠬᠡᠵᠦ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠨᠢᠭᠡᠳᠦᠯᠲᠡᠢ ᠭᠥᠯᠢᠶᠡᠨ ᠠᠪᠴᠤ ᠭᠦᠢᠴᠡᠳᠬᠡᠬᠦ ᠦᠵᠦᠭᠦᠷᠢᠶᠡᠷ 《ᠨᠢᠭᠡ ᠯᠡ ᠤᠳᠠᠭᠠᠳᠤ ᠲᠤᠰᠢᠶᠠᠵᠤ᠂ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠨ ᠭᠦᠢᠴᠡᠳᠬᠡᠵᠦ ᠳᠠᠭᠤᠰᠬᠠᠬᠤ》ᠶᠢ ᠪᠡᠶᠡᠯᠡᠭᠦᠯᠵᠦ᠂ ᠭᠦᠢᠴᠡᠳᠬᠡᠬᠦ ᠴᠠᠭ ᠨᠢ 40 ᠠᠵᠢᠯᠤᠨ ᠡᠳᠦᠷ ᠪᠠᠢᠭᠰᠠᠨᠠᠴᠠ 10 ᠠᠵᠢᠯᠤᠨ ᠡᠳᠦᠷ ᠪᠣᠯᠵᠤ᠂ ᠮᠠᠲᠧᠷᠢᠶᠠᠯᠢ 17% ᠪᠠᠷ ᠴᠣᠮᠬᠠᠳᠬᠠᠪᠠ᠃ 2024 ᠣᠨᠤ 11 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠰᠦᠯᠵᠢᠶᠡᠨᠳᠦ ᠭᠠᠷᠭᠠᠨ ᠠᠵᠢᠯᠯᠠᠭᠤᠯᠤᠭᠰᠠᠨᠠᠴᠠ ᠨᠠᠭᠠᠰᠢ᠂ 956 ᠵᠦᠢᠯᠦᠨ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠢ ᠥᠨᠳᠥᠷ ᠪᠦᠲᠦᠮᠵᠢᠲᠡᠶᠪᠡᠷ ᠭᠦᠢᠴᠡᠳᠬᠡᠭᠰᠡᠨ ᠪᠠᠢᠨᠠ᠃
