9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 24 ᠦ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠦᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠪᠠᠶᠠᠨᠨᠠᠭᠤᠷ ᠬᠣᠲᠠᠶᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠳᠤ ᠬᠤᠷᠠᠯᠳᠤᠪᠠ᠃ ᠪᠥᠬᠥ ᠤᠯᠤᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮ ᠳᠠᠭᠠᠤᠶᠢᠨ 10 ᠭᠠᠷᠤᠢ ᠮᠤᠵᠢ ᠣᠷᠣᠨ ᠬᠣᠲᠠᠶᠢᠨ ᠵᠠᠭᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠡᠷᠳᠡᠮᠲᠡᠨ ᠨᠢᠭᠡ ᠲᠠᠩᠬᠢᠮᠳᠤ ᠴᠤᠭᠯᠠᠷᠠᠵᠤ᠂ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠲᠡᠦᠬᠡ ᠰᠣᠶᠣᠯᠤᠨ ᠰᠤᠳᠤᠯᠭᠠᠨ᠂ ᠥᠪ ᠬᠥᠷᠥᠩᠭᠡᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠦᠢᠯᠡᠳᠦᠯᠭᠡ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠢ ᠠᠭᠤᠰᠤᠯᠴᠠᠭᠤᠯᠤᠨ ᠬᠥᠭᠵᠢᠭᠦᠯᠬᠦ᠂ ᠣᠶᠤᠨ ᠰᠠᠨᠠᠭᠠᠨᠤ ᠦᠨᠡ ᠥᠷᠲᠡᠭᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠵᠡᠷᠭᠡ ᠰᠡᠳᠦᠪᠦᠨ ᠲᠣᠭᠣᠷᠢᠨᠳᠤ ᠭᠦᠨᠵᠡᠭᠡᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠭᠰᠠᠨ ᠪᠥᠭᠡᠳ 《ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠪᠠᠬᠠᠷᠬᠠᠯ》 《ᠶᠠᠭᠤᠶ᠋ᠢ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮ ᠬᠡᠮᠡᠬᠦ ᠪᠤᠢ》 ᠭᠡᠬᠦ ᠰᠢᠨᠡ ᠨᠣᠮᠢ ᠨᠡᠢᠲᠡᠯᠡᠪᠡ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠶᠢᠨ ᠬᠢᠵᠠᠭᠠᠷᠲᠤ ᠨᠡᠶ᠋ᠢᠲᠡ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ 5 ᠬᠡᠰᠡᠭ ᠪᠠᠭᠤᠷᠢ ᠪᠣᠶ᠂ ᠪᠥᠬᠥ ᠣᠷᠳᠣ᠌ ᠨᠢ 1020.864 ᠺᠢᠯᠣᠮᠧᠲᠷ ᠪᠠᠢᠵᠤ᠂ ᠲᠣᠰ ᠲᠣᠰ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠮᠤᠨᠠ ᠠᠭᠤᠯᠠᠶᠢᠨ ᠬᠣᠷᠮᠣᠢᠳᠠᠬᠢ ᠵᠣᠣ ᠤᠯᠤᠰᠤᠨ ᠬᠣᠢᠲᠦ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮ （ᠣᠷᠳᠣ᠌ ᠨᠢ 53.243 ᠺᠢᠯᠣᠮᠧᠲᠷ）᠂ ᠮᠤᠨᠠ ᠠᠭᠤᠯᠠᠶᠢ ᠰᠤᠨᠳᠠᠯᠠᠨ ᠳᠠᠪᠠᠭ᠍ᠰᠠᠨ ᠮᠢᠩᠭᠠᠨᠤ ᠬᠠᠨ ᠤᠯᠤᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮ （ᠣᠷᠳᠣ᠌ ᠨᠢ 16.382 ᠺᠢᠯᠣᠮᠧᠲᠷ）； ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤ᠂ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ᠂ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤ ᠬᠢᠭᠡᠳ ᠳ᠋ᠸᠡᠭ᠌ᠺᠸᠤ ᠰᠢᠶᠠᠨᠤ ᠬᠢᠵᠠᠭᠠᠷᠲᠠᠬᠢ ᠮᠤᠨᠢ ᠠᠭᠤᠯᠠ ᠨᠢᠷᠤᠭᠤᠪᠠᠷ ᠲᠠᠷᠬᠠᠵᠤ ᠪᠠᠢᠭᠠ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮ （ᠣᠷᠳᠣ᠌ ᠨᠢ 248.973 ᠺᠢᠯᠣᠮᠧᠲᠷ）； ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ᠂ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠬᠢᠵᠠᠭᠠᠷᠲᠠᠬᠢ ᠮᠤᠨᠢ ᠠᠭᠤᠯᠠᠶᠢᠨ ᠠᠷᠦ᠍ᠪᠠᠷ ᠲᠠᠷᠬᠠᠵᠤ ᠪᠠᠢᠭᠠ ᠬᠠᠨ ᠤᠯᠤᠰᠤᠨ ᠭᠠᠳᠠᠨᠠ ᠤᠷᠲᠤ ᠴᠠᠭᠠᠨ ᠭᠡᠷᠡᠮᠦᠨ ᠡᠮᠦᠨᠡ ᠬᠡᠰᠡᠭ （ᠣᠷᠳᠣ᠌ ᠨᠢ 356.487 ᠺᠢᠯᠣᠮᠧᠲᠷ ）᠂ ᠬᠠᠨ ᠤᠯᠤᠰᠤᠨ ᠭᠠᠳᠠᠨᠠ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠬᠣᠢᠲᠤ ᠬᠡᠰᠡᠭ （ᠣᠷᠳᠣ᠌ ᠨᠢ 345.779 ᠺᠢᠯᠣᠮᠧᠲᠷ ） ᠪᠣᠯᠣᠨᠠ᠃ ᠡᠭᠦᠨᠡᠴᠡ ᠭᠠᠳᠠᠨᠠ ᠵᠶ᠋ᠢ ᠯᠦ᠍ ᠰᠠᠢ ᠂ ᠭᠣᠴᠣᠷ᠂ ᠭᠤᠸᠠᠩ ᠯᠦ᠍ ᠰᠠᠢ ᠵᠡᠷᠭᠡ ᠭᠠᠵᠠᠷᠢ ᠪᠠᠭ᠍ᠲᠠᠭᠠᠭᠠᠳ ᠪᠠᠶᠠᠨᠨᠠᠭᠤᠷᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠪᠦᠬᠦᠢ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠤᠨ ᠦᠵᠡᠮᠵᠢᠶᠢ ᠪᠣᠶ ᠪᠣᠯᠭᠠᠭᠰᠠᠨ ᠪᠠᠢᠨᠠ᠃ ᠠᠭᠤᠯᠠᠶᠢᠨ ᠣᠷᠣᠢᠳᠤ ᠵᠣᠭᠰᠣᠨ ᠠᠯᠤᠰᠢ ᠪᠠᠷᠠᠯᠠᠬᠤᠶᠠ᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠨᠢ ᠶᠠᠭ ᠨᠢᠭᠡᠨ ᠳᠡᠭᠦᠯᠢᠨ ᠨᠢᠰᠬᠦ ᠠᠪᠤᠷᠭᠤ ᠯᠣᠣ ᠱᠢᠭ᠋ ᠬᠠᠶᠠ ᠰᠦᠮᠡᠯᠵᠡᠨ ᠬᠠᠶᠠ ᠲᠣᠳᠣᠷᠠᠨᠠ᠂ ᠠᠭᠤᠯᠠᠨᠠ ᠮᠠᠴᠤᠬᠤᠳᠤ ᠪᠠᠷᠲᠠᠭᠠ ᠶᠡᠬᠡᠲᠡᠢ᠂ ᠮᠤᠷᠤᠢ ᠰᠠᠷᠤᠢ ᠥᠭᠡᠳᠡ ᠲᠠᠢ ᠤᠷᠤᠭᠤ ᠲᠠᠢ᠂ ᠰᠦᠷ ᠵᠢᠪᠬᠤᠭᠠᠲᠠᠢ ᠪᠦᠭᠡᠳ ᠰᠦᠷᠯᠢᠭ ᠰᠠᠢᠬᠠᠨ ᠬᠠᠷᠠᠭᠳᠠᠨᠠ᠃
ᠣᠢᠷᠠᠶᠢᠨ ᠵᠢᠯᠦᠳᠲᠦ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠᠶᠢᠨ ᠬᠢᠨ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠢᠨᠵᠧᠨᠧᠷᠢᠩᠦᠨ ᠲᠦᠷᠦᠯ ᠵᠦᠢᠯ ᠪᠠᠶ᠋ᠢᠭᠤᠯᠬᠤᠶᠢ ᠢᠳᠡᠪᠬᠢᠲᠡᠢ ᠭᠤᠶᠤᠴᠢᠯᠠᠭᠰᠠᠨ ᠪᠥᠭᠡᠳ ᠠᠯᠢ ᠤᠯᠠᠨ ᠬᠠᠮᠠᠭᠠᠯᠠᠵᠤ ᠰᠡᠯᠪᠢᠨ ᠵᠠᠰᠠᠬᠤ ᠢᠨᠵᠧᠨᠧᠷᠢᠩᠢ ᠬᠡᠷᠡᠭᠵᠢᠭᠦᠯᠵᠦ᠂ ᠤᠷᠢᠳ ᠬᠣᠵᠢᠳ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤ᠂ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ᠂ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤ ᠪᠠ ᠳ᠋ᠧᠩᠺᠧᠦ ᠰᠢᠶᠠᠨᠳᠤ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠠᠵᠢᠯᠤᠨ ᠦᠷᠲᠡᠭᠡᠶ᠋ᠢ ᠪᠠᠢᠭᠤᠯᠵᠠᠢ； ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠦᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢ ᠢᠳᠡᠪᠬᠢᠲᠡᠢ ᠠᠬᠢᠭᠤᠯᠵᠤ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠶᠢᠨ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠭᠤᠸᠠᠩ ᠱᠧᠨ ᠯᠦᠩᠤᠨ ᠬᠡᠰᠡᠭ᠂ ᠲᠦᠩ ᠾᠧ ᠲᠠᠢ — ᠵᠡᠭᠦᠨ ᠰᠢᠷᠠ ᠴᠢᠯᠠᠭᠤ ᠬᠦᠷᠬᠦ᠌ ᠬᠡᠰᠡᠭ᠂ ᠬᠠᠨ ᠤᠯᠤᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠨᠡ ᠤᠰᠤᠶ᠋ᠢᠨ ᠬᠡᠰᠡᠭ᠂ ᠬᠠᠨ ᠤᠯᠤᠰᠤᠨ ᠦᠶᠡᠶᠢᠨ ᠵᠢᠢ ᠯᠦ᠍ ᠰᠠᠢ ᠬᠠᠯᠬᠠᠪᠴᠢ ᠬᠣᠲᠠᠶᠢᠨ ᠪᠠᠭᠤᠷᠢᠶᠢ ᠨᠢᠭᠡᠳᠦᠭᠡᠷ ᠪᠦᠯᠦᠭᠦᠨ ᠤᠯᠤᠰᠤᠨ ᠲᠠᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠴᠢᠬᠤᠯᠠ ᠴᠡᠭ ᠬᠡᠰᠡᠭᠲᠦ ᠣᠷᠣᠭᠤᠯᠪᠠ； ᠪᠠᠶᠠᠨᠨᠠᠭᠤᠷᠡᠴᠡ ᠪᠤᠭᠤᠲᠤ ᠬᠦᠷᠲᠡᠯᠡᠬᠢ ᠴᠢᠨ ᠤᠯᠤᠰᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮ ᠨᠢ ᠲᠦᠮᠡᠨ ᠭᠠᠵᠠᠷᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠳᠦᠷᠢ ᠲᠥᠷᠬᠦᠶ᠋ᠢᠨ ᠢᠯᠡᠷᠬᠡᠢᠯᠡᠯᠲᠦ ᠬᠡᠰᠡᠭᠲᠦ ᠵᠢᠭ᠍ᠰᠠᠭᠠᠭ᠍ᠳᠠᠵᠤ᠂ ᠭᠣᠴᠣᠷ᠂ ᠵᠶ᠋ᠢ ᠯᠦ᠍ ᠰᠠᠢ᠂ ᠭᠤᠸᠠᠩ ᠯᠦ᠍ ᠰᠠᠢ ᠵᠡᠷᠭᠡ ᠬᠠᠯᠬᠠᠪᠴᠢ ᠪᠣᠭᠣᠮᠲᠠ ᠨᠢ ᠲᠦᠮᠡᠨ ᠭᠠᠵᠠᠷᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠳᠦᠷᠢ ᠳᠥᠷᠬᠦ᠌ᠶ᠋ᠢᠨ ᠢᠯᠡᠷᠬᠡᠢᠯᠡᠯᠲᠦ ᠴᠡᠭᠲᠦ ᠵᠢᠭ᠍ᠰᠠᠭᠠᠭ᠍ᠳᠠᠭᠠᠳ᠂ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠦᠨ ᠲᠥᠯᠦᠪᠵᠢᠭᠦᠯᠭᠡᠳᠦ ᠵᠢᠭ᠍ᠰᠠᠭᠠᠭ᠍ᠳᠠᠪᠠ᠃
ᠲᠤᠰ ᠤᠳᠠᠭᠠᠨᠤ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠨᠢ 2 ᠡᠳᠦᠷ ᠶᠠᠪᠤᠭᠳᠠᠵᠤ᠂ 《ᠳᠤᠮᠳᠠᠳᠤᠶᠢᠨ ᠪᠣᠯᠪᠠᠰᠤᠨ ᠤᠮᠠᠷᠠᠲᠤ ᠬᠢᠵᠠᠭᠠᠷᠢ ᠭᠡᠢᠭᠦᠯᠵᠦ᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠡᠮᠦᠨᠡ ᠤᠮᠠᠷᠠ ᠪᠣᠯᠪᠠᠰᠤ ᠦᠯᠦᠭᠡᠢ ᠨᠤᠲᠤᠭ》 ᠭᠡᠰᠡᠨᠢᠶᠡᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠵᠤ᠂ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠰᠣᠶᠣᠯᠢ ᠶᠡᠬᠡᠪᠡᠷ ᠪᠠᠳᠠᠷᠠᠭᠤᠯᠵᠤ᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠤᠯᠠᠮᠵᠢᠯᠠᠨ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠣᠭ᠍ᠴᠠᠯᠠᠵᠤ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠰᠤᠳᠤᠯᠭᠠᠨᠢᠶᠠᠷ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠤᠨ ᠥᠪᠦᠨ ᠱᠢᠰᠲ᠋ᠧᠮᠲᠦ ᠴᠢᠨᠠᠷᠲᠠᠢ ᠬᠠᠮᠠᠭᠠᠯᠠᠯᠲᠠᠶᠢ ᠦᠨᠡᠨ ᠬᠦ᠌ ᠡᠷᠴᠢᠮᠯᠡᠵᠦ᠍ ᠪᠠᠢᠨᠠ᠃
