ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠵᠠᠩ ᠯᠦ᠍ ᠡᠦ ᠹᠧᠢ ᠵᠠᠩ ᠬᠣᠩ ᠵᠠᠩ ᠬᠠᠮᠲᠤᠪᠠᠷ ᠸᠧᠨ ᠲᠢᠶᠠᠨ ᠭᠧᠳᠦ ᠣᠯᠠᠨ ᠲᠠᠢ ᠵᠣᠯᠭᠠᠪᠠ
10 ᠰᠠᠷᠠᠶᠢᠨ 30 ᠤ ᠡᠳᠦᠷ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠬᠥᠮᠥᠨ ᠰᠠᠭᠤᠯᠭᠠᠭᠰᠠᠨ ᠨᠢᠰᠦᠯᠲᠡᠶᠢᠨ ᠡᠭᠦᠷᠭᠡᠶᠢᠨ ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯ ᠥᠪᠥᠷ ᠮᠣᠩᠭᠣᠯᠤᠨ ᠠᠯᠠᠱᠠ ᠠᠢᠮᠠᠭᠤᠨ ᠡᠵᠡᠨᠡ ᠬᠣᠰᠢᠭᠤᠨᠳᠤ ᠪᠠᠢᠭᠠ ᠳ᠋ᠥᠩᠹᠧᠩ ᠰᠠᠨᠰᠠᠷᠤᠨ ᠬᠣᠲᠠ ᠲᠤᠬᠠᠢᠯᠠᠪᠠᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠢᠦᠴᠢᠤᠸᠠᠨᠤ ᠳᠠᠭᠠᠭᠤᠯᠢ ᠣᠳᠣ᠌ ᠬᠠᠷᠪᠤᠬᠤ ᠲᠥᠪᠦᠨ ᠳ᠋ᠥᠩᠹᠧᠩ ᠶᠣᠰᠣᠯᠠᠯᠤᠨ ᠲᠠᠩᠬᠢᠮᠳᠤ ᠶᠠᠪᠤᠭᠳᠠᠪᠠ᠃ ᠨᠡᠢᠲᠡᠯᠡᠭᠰᠡᠨᠢᠶᠡᠷ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠬᠥᠮᠥᠨ ᠰᠠᠭᠤᠯᠭᠠᠭᠰᠠᠨ ᠨᠢᠰᠬᠦ ᠣᠩᠭᠣᠴᠠᠶᠢ ᠪᠡᠭᠡᠵᠢᠩᠦᠨ ᠴᠠᠭᠢᠶᠠᠷ 10 ᠰᠠᠷᠠᠶᠢᠨ 31 ᠦ ᠡᠳᠦᠷᠦᠨ 23 ᠴᠠᠭ 44 ᠮᠢᠨᠦ᠋ᠲᠳᠦ ᠬᠠᠷᠪᠤᠵᠤ᠂ ᠨᠢᠰᠦᠯᠲᠡᠶᠢᠨ ᠳᠤᠭᠤᠢᠯᠠᠩ ᠨᠢ ᠵᠠᠩ ᠯᠦ᠍᠂ ᠡᠦ ᠹᠧᠢ᠂ ᠵᠠᠩ ᠬᠣᠩ ᠵᠠᠩᠢᠶᠠᠷ ᠪᠦᠷᠢᠯᠳᠦᠵᠦ᠂ ᠵᠠᠩ ᠯᠦ᠍ ᠵᠠᠷᠯᠢᠭ᠋ᠤᠨ ᠳᠠᠷᠤᠭᠠᠶᠢᠨ ᠲᠤᠰᠢᠶᠠᠯᠢ ᠡᠭᠦᠷᠭᠡᠯᠡᠪᠡ᠃
3 ᠰᠠᠨᠰᠠᠷᠴᠢᠨᠨᠢ ᠲᠣᠰ ᠲᠣᠰ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠵᠢᠯᠣᠭᠣᠴᠢ᠂ ᠨᠢᠰᠦᠯᠲᠡᠶ᠋ᠢᠨ ᠢᠨᠵᠧᠨᠧᠷ ᠪᠠ ᠠᠴᠢᠶᠠᠶ᠋ᠢᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠪᠠᠢᠵᠤ᠂ ᠮᠠᠨᠤ ᠤᠯᠤᠰᠤᠨ ᠠᠯᠪᠠ ᠬᠠᠭᠠᠵᠤ ᠪᠠᠢᠭᠠ ᠰᠠᠨᠰᠠᠷᠴᠢᠨᠤ 3 ᠲᠥᠷᠥᠯᠢ ᠬᠠᠮᠤᠷᠴᠠᠶ᠃ ᠰᠠᠨᠰᠠᠷᠴᠢᠨ ᠵᠠᠩ ᠯᠦ᠍ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠬᠥᠮᠦᠨ ᠰᠠᠭᠤᠯᠭᠠᠭ᠍ᠰᠠᠨ ᠨᠢᠰᠦᠯᠲᠡᠶ᠋ᠢᠨ ᠡᠭᠦᠷᠭᠡᠶ᠋ᠢ ᠭᠦᠢᠴᠡᠳᠭᠡᠵᠦ᠍ ᠥᠩᠭᠡᠷᠡᠵᠡᠢ᠂ ᠡᠦ ᠹᠸᠢ ᠪᠣᠯᠤᠨ ᠵᠠᠩ ᠬᠣᠩ ᠵᠠᠩ ᠪᠣᠯ ᠴᠥᠮ ᠮᠠᠨᠤ ᠤᠯᠤᠰᠤᠨ ᠭᠤᠷᠪᠠᠳᠤᠭᠠᠷ ᠪᠦᠯᠦᠭᠦᠨ ᠰᠠᠨᠰᠠᠷᠴᠢᠨ ᠮᠥᠨ᠂ ᠠᠩᠬᠠ ᠤᠳᠠᠭᠠ ᠨᠢᠰᠦᠯᠲᠡᠶ᠋ᠢᠨ ᠡᠭᠦᠷᠭᠡᠶ᠋ᠢ ᠭᠦᠢᠴᠡᠳᠭᠡᠵᠦ᠍ ᠪᠠᠢᠨᠠ᠃ ᠡᠭᠦᠨᠳᠦ᠂ ᠦ᠋ ᠹᠸᠢ ᠰᠤᠩᠭᠤᠭᠳᠠᠬᠤᠠᠴᠠᠪᠠᠨ ᠡᠮᠦᠨᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠪᠦᠯᠦᠭ᠌ᠯᠡᠯ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠣᠭ᠍ᠲᠠᠷᠭᠤᠶᠶ᠋ᠢᠨ ᠮᠡᠷᠭᠡᠵᠢᠯᠦᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠢᠨᠵᠧᠨᠧᠷᠪᠠᠢᠪᠠ᠂ ᠵᠠᠩ ᠬᠣᠩ ᠵᠠᠩ ᠰᠤᠩᠭᠤᠭᠳᠠᠬᠤᠠᠴᠠᠪᠠᠨ ᠡᠮᠦᠨᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠳ᠋ᠠᠯᠢᠶᠠᠨᠤ ᠬᠢᠮᠢ ᠹᠢᠽᠢᠺ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠰᠤᠳᠤᠯᠤᠭ᠍ᠴᠢᠪᠠᠢᠪᠠ᠃
ᠲᠣᠰ ᠤᠳᠠᠭᠠᠶᠢᠨ ᠡᠭᠦᠷᠭᠡ ᠪᠣᠯ ᠣᠭ᠍ᠲᠠᠷᠭᠤᠶᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠬᠡᠷᠡᠭᠯᠡᠭᠡᠨ ᠪᠠ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠠᠲᠤᠨᠤ 6 ᠳ᠋ᠤᠭᠠᠷ ᠤᠳᠠᠭᠠᠶᠢᠨ ᠬᠥᠮᠦᠨ ᠰᠠᠭᠤᠯᠭᠠᠭ᠍ᠰᠠᠨ ᠨᠢᠰᠦᠯᠲᠡᠶ᠋ᠢᠨ ᠡᠭᠦᠷᠭᠡ ᠪᠣᠯᠤᠨᠠ᠂ ᠮᠥᠨ ᠴᠦ᠍ ᠬᠥᠮᠦᠨ ᠰᠠᠭᠤᠯᠭᠠᠭ᠍ᠰᠠᠨ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠢᠨᠵᠧᠨᠧᠷᠢᠩᠦᠨ 37 ᠳ᠋ᠤᠭᠠᠷ ᠤᠳᠠᠭᠠᠶᠢᠨ ᠨᠢᠰᠦᠯᠲᠡᠶ᠋ᠢᠨ ᠡᠭᠦᠷᠭᠡ ᠪᠣᠯᠤᠨᠠ᠃ ᠡᠭᠦᠷᠭᠡᠶ᠋ᠢᠨ ᠭᠤᠤᠯ ᠵᠣᠷᠢᠯᠭᠠ ᠨᠢ᠄ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠳᠤᠭᠠᠷ ᠲᠠᠶ ᠲᠣᠭᠣᠷᠢᠯᠲᠠᠶ᠋ᠢᠨ ᠵᠠᠮ ᠳᠡᠭᠡᠷᠡ ᠡᠭᠡᠯᠵᠢ ᠰᠣᠯᠢᠬᠤᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠰᠠᠨᠰᠠᠷᠤᠨ ᠥᠷᠲᠡᠭᠡᠳᠦ 6 ᠰᠠᠷᠠ ᠰᠢᠬᠠᠮ ᠰᠠᠭᠤᠵᠤ᠂ ᠣᠭ᠍ᠲᠠᠷᠭᠤᠶᠶ᠋ᠢᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠬᠢᠭᠡᠳ ᠬᠡᠷᠡᠭ᠌ᠯᠡᠭᠡᠨᠦ ᠠᠵᠢᠯᠢ ᠥᠷᠨᠢᠭᠦᠯᠵᠦ᠍᠂ ᠰᠠᠨᠰᠠᠷᠴᠢᠨᠤ ᠥᠷᠥᠭᠡᠡᠴᠡ ᠭᠠᠷᠬᠤ ᠠᠵᠢᠯᠯᠠᠭᠠ ᠵᠢᠴᠢ ᠪᠠᠷᠠᠭᠠᠶᠢ ᠥᠷᠥᠭᠡᠳᠦ ᠤᠷᠤᠭᠤᠯᠵᠤ ᠦᠷᠦᠭᠡᠠᠴᠠ ᠭᠠᠷᠭᠠᠬᠤ᠂ ᠰᠠᠨᠰᠠᠷᠤᠨ ᠬᠡᠮᠬᠡᠳᠡᠭᠢ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠲᠣᠨᠣᠭ᠍ᠯᠠᠯ ᠤᠭ᠍ᠰᠠᠷᠠᠬᠤ᠂ ᠥᠷᠥᠭᠡᠶ᠋ᠢᠨ ᠭᠠᠳᠠᠨᠠ ᠠᠴᠢᠶᠠᠯᠠᠬᠤ ᠪᠠ ᠥᠷᠥᠭᠡᠶ᠋ᠢᠨ ᠭᠠᠳᠠᠨᠠᠬᠢ ᠲᠥᠬᠥᠭᠡᠷᠦᠮᠵᠢᠶ᠋ᠢ ᠤᠭ᠍ᠰᠠᠷᠠᠬᠤ ᠬᠢᠭᠡᠳ ᠡᠭᠡᠭᠦᠯᠦᠨ ᠬᠤᠷᠢᠶᠠᠬᠤ ᠵᠡᠷᠭᠡ ᠡᠭᠦᠷᠭᠡᠶ᠋ᠢ ᠪᠡᠶᠡᠯᠡᠬᠦᠯᠵᠦ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠬᠥᠮᠦᠵᠢᠯ ᠪᠠ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠠᠵᠢᠯᠯᠠᠭᠠ ᠵᠢᠴᠢ ᠰᠠᠨᠰᠠᠷᠤᠨ ᠤᠷᠤᠨ ᠵᠠᠢᠶᠢᠨ ᠠᠴᠢᠶᠠᠯᠠᠬᠤ ᠲᠤᠷᠱᠢᠯᠲᠠᠶ᠋ᠢ ᠥᠷᠨᠢᠭᠦᠯᠵᠦ᠍᠂ ᠰᠠᠨᠰᠠᠷᠤᠨ ᠥᠷᠲᠡᠭᠡᠶ᠋ᠢᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠬᠡᠷᠡᠭ᠌ᠯᠡᠭᠡᠨᠦ ᠦᠷᠡ ᠠᠱᠢᠭᠢ ᠦᠷᠭᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠬᠤ ᠪᠤᠯᠤᠨᠠ᠃
ᠲᠥᠯᠥᠪᠯᠡᠭᠡ ᠶᠣᠰᠣᠭᠠᠷ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠬᠥᠮᠦᠨ ᠰᠠᠭᠤᠯᠭᠠᠭ᠍ᠰᠠᠨ ᠨᠢᠰᠭᠦ ᠣᠩᠭᠣᠴᠠ ᠲᠣᠭᠣᠷᠢᠯᠲᠠᠶ᠋ᠢᠨ ᠵᠠᠮᠳᠤ ᠤᠷᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠪᠡᠶᠡᠪᠡᠨ ᠳᠠᠭᠠᠭᠠᠭ᠍ᠰᠠᠨ ᠲᠦᠷᠭᠡᠨ ᠬᠤᠷᠳᠤᠴᠠᠪᠠᠷ ᠵᠤᠯᠭᠠᠭᠤᠯᠤᠨ ᠵᠠᠯᠭᠠᠬᠤ ᠵᠠᠭ᠍ᠪᠤᠷᠢ ᠬᠡᠷᠡᠭ᠌ᠯᠡᠵᠦ᠍᠂ ᠪᠠᠷᠤᠭ 3.5 ᠴᠠᠭᠤᠨ ᠳᠠᠷᠠᠭᠠ ᠲᠢᠶᠠᠨ ᠾᠸ ᠭᠣᠣᠯ ᠦᠷᠦᠬᠡᠶ᠋ᠢᠨ ᠡᠮᠦᠨᠡ ᠦᠵᠦᠭᠦᠷᠲᠡᠶ ᠵᠠᠯᠭᠠᠵᠤ᠂ ᠭᠤᠷᠪᠠᠨ ᠣᠩᠭᠣᠴᠠ ᠭᠤᠷᠪᠠᠨ ᠦᠷᠦᠬᠡᠶ᠋ᠢᠨ ᠨᠡᠢᠯᠡᠮᠡᠯ ᠴᠣᠭ᠍ᠴᠠᠶ᠋ᠢ ᠪᠦᠷᠢᠯᠳᠦᠭᠦᠯᠦᠨᠡ᠃ ᠲᠣᠭᠣᠷᠢᠯᠲᠠᠶ᠋ᠢᠨ ᠵᠠᠮᠳᠤ ᠪᠠᠢᠬᠤ ᠬᠤᠭᠤᠴᠠᠭᠠᠨᠳᠤ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠨᠢᠭᠡᠳᠦᠭᠡᠷᠤᠨ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩ ᠳᠡᠭᠷᠢᠶᠢᠨ ᠵᠠᠪᠢ ᠠᠷᠪᠠᠳᠤᠭᠠᠷ ᠠᠴᠢᠶᠠᠨᠤ ᠨᠢᠰᠭᠦ ᠣᠩᠭᠣᠴᠠ ᠪᠣᠯᠤᠨ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠬᠣᠶᠠᠳᠤᠭᠠᠷ ᠬᠥᠮᠦᠨ ᠰᠠᠭᠤᠯᠭᠠᠭ᠍ᠰᠠᠨ ᠨᠢᠰᠭᠦ ᠣᠩᠭᠣᠴᠠᠶ᠋ᠢ ᠤᠭ᠍ᠲᠤᠬᠤ ᠪᠣᠯᠤᠨᠠ᠃
ᠣᠳᠣᠬᠠᠨᠳᠤ᠂ ᠣᠩᠭᠣᠴᠠ ᠲᠡᠢᠷᠦᠯᠲᠦ ᠰᠤᠮᠤᠶ᠋ᠢᠨ ᠨᠢᠰᠦᠯᠲᠡᠶ᠋ᠢᠨ ᠦᠶ᠋ᠯᠡᠳᠬᠦᠨᠦ ᠶᠠᠰᠤ ᠴᠢᠨᠠᠷ ᠨᠢ ᠬᠡᠪᠤᠨ ᠪᠠᠢᠵᠤ᠂ ᠰᠠᠨᠰᠠᠷᠴᠢᠳᠤᠨ ᠪᠠᠢᠳᠠᠯ ᠨᠢ ᠰᠠᠢᠨ᠂ ᠭᠠᠵᠠᠷ ᠳᠡᠭᠡᠷᠡᠬᠢ ᠱᠢᠰᠲ᠋ᠧᠮᠦᠨ ᠲᠥᠬᠥᠭᠡᠷᠦᠮᠵᠢᠶᠢᠨ ᠠᠵᠢᠯᠯᠠᠭᠠᠨ ᠨᠢ ᠲᠣᠭ᠍ᠲᠠᠪᠤᠷᠢᠲᠠᠶ᠂ ᠰᠠᠨᠰᠠᠷᠤᠨ ᠥᠷᠲᠡᠭᠡᠶ᠋ᠢᠨ ᠨᠡᠢᠯᠡᠮᠡᠯ ᠴᠣᠭ᠍ᠴᠠᠶ᠋ᠢᠨ ᠪᠠᠢᠳᠠᠯ ᠨᠢ ᠬᠡᠪᠦᠨ ᠪᠠᠢᠵᠤ᠂ ᠬᠠᠷᠪᠤᠬᠤ ᠡᠭᠦᠷᠭᠡᠶ᠋ᠢ ᠭᠦᠶ᠋ᠴᠡᠳᠭᠡᠬᠦ᠌ ᠡᠯᠡ ᠵᠦᠶ᠋ᠯᠦᠨ ᠨᠥᠬᠥᠴᠡᠯᠢ ᠪᠦᠷᠢᠯᠳᠦᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯ ᠳᠡᠭᠡᠷᠡ ᠪᠠᠰᠠ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠳᠤᠭᠠᠷᠤᠨ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠲᠣᠭᠣᠷᠢᠯᠲᠠᠶᠢᠨ ᠵᠠᠮᠳᠤ ᠠᠵᠢᠯᠯᠠᠵᠤ ᠪᠠᠢᠭᠠ ᠪᠠᠢᠳᠠᠯᠢ ᠲᠠᠨᠢᠯᠴᠠᠭᠤᠯᠪᠠ᠃ ᠲᠠᠨᠢᠯᠴᠠᠭᠤᠯᠤᠭᠰᠠᠨᠢᠶᠠᠷ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠳᠤᠭᠠᠷᠤᠨ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠬᠢᠨ ᠲᠣᠭᠣᠷᠢᠯᠲᠠᠶᠢᠨ ᠵᠠᠮᠳᠤ ᠨᠢᠭᠡᠨᠲᠡ 188 ᠡᠳᠦᠷ ᠰᠠᠭᠠᠲᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠲᠣᠭᠣᠷᠢᠯᠲᠠᠶᠢᠨ ᠵᠠᠮᠳᠤ ᠰᠠᠭᠤᠭᠰᠠᠨ ᠬᠠᠮᠤᠭᠤᠨ ᠣᠷᠳᠣ᠌ ᠲᠡᠮᠳᠡᠭᠯᠡᠯᠢ ᠰᠢᠨᠡᠳᠬᠡᠵᠦ᠂ ᠣᠳᠣᠬᠠᠨᠳᠤ ᠡᠯᠡ ᠵᠦᠢᠯᠦᠨ ᠠᠵᠢᠯ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠵᠤ᠂ 3 ᠰᠠᠨᠰᠠᠷᠴᠢᠨᠤ ᠪᠠᠢᠳᠠᠯ ᠰᠠᠢᠨ ᠪᠠᠢᠨᠠ᠃ ᠵᠠᠷᠯᠢᠭ᠋ᠤᠨ ᠳᠠᠷᠤᠭᠠ ᠴᠧᠨ ᠳ᠋ᠦᠩ ᠲᠣᠭᠣᠷᠢᠯᠲᠠᠶᠢᠨ ᠵᠠᠮᠳᠤ 400 ᠭᠠᠷᠤᠢ ᠡᠳᠦᠷ ᠰᠠᠭᠤᠭᠰᠠᠨ ᠠᠩᠬᠠᠳᠠᠭ᠍ᠴᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠨᠰᠠᠷᠴᠢᠨ ᠪᠣᠯᠵᠤ᠂ ᠨᠡᠶ᠋ᠢᠲᠡ 6 ᠤᠳᠠᠭᠠ ᠥᠷᠥᠭᠡᠡᠴᠡ ᠭᠠᠷᠴᠤ᠂ ᠣᠳᠣᠬᠠᠨᠤ ᠥᠷᠥᠭᠡᠶᠢᠨ ᠭᠠᠳᠠᠨᠠ ᠡᠭᠦᠷᠭᠡ ᠭᠦᠢᠴᠡᠳᠬᠡᠭᠰᠡᠨ ᠤᠳᠠᠭᠠᠪᠠᠷ ᠬᠠᠮᠤᠭᠤᠨ ᠣᠯᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠨᠰᠠᠷᠴᠢᠨ ᠪᠣᠯᠪᠠ； ᠴᠧᠨ ᠵᠦᠩ ᠷᠦᠢ ᠪᠣᠯᠣᠨ ᠸᠠᠩ ᠵᠢᠶᠸ ᠠᠩᠬᠠ ᠤᠳᠠᠭᠠ ᠨᠢᠰᠦᠯᠲᠡᠶᠢᠨ ᠡᠭᠦᠷᠭᠡᠪᠡᠨ ᠭᠦᠢᠴᠡᠳᠬᠡᠵᠦ᠂ ᠡᠯᠡ ᠵᠦᠢᠯᠦᠨ ᠡᠭᠦᠷᠭᠡᠪᠡᠨ ᠤᠷᠤᠭᠰᠢᠲᠠᠢ ᠪᠡᠶᠡᠯᠡᠭᠦᠯᠪᠡ᠃ ᠲᠣᠰ ᠤᠳᠠᠭᠠᠨᠤ ᠡᠭᠦᠷᠭᠡᠶᠢᠨ ᠬᠤᠭᠤᠴᠠᠭᠠᠨᠳᠤ᠂ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠬᠢᠨ ᠨᠡᠶ᠋ᠢᠲᠡ 4 ᠤᠳᠠᠭᠠ ᠥᠷᠥᠭᠡᠨᠡᠴᠡ ᠭᠠᠷᠬᠤ ᠠᠵᠢᠯᠯᠠᠭᠠ ᠪᠠ 7 ᠤᠳᠠᠭᠠ ᠳᠠᠭᠠᠭᠠᠴᠠ ᠲᠠᠢᠪᠠᠷ ᠥᠷᠥᠭᠡᠨᠡᠴᠡ ᠣᠷᠣᠵᠤ ᠭᠠᠷᠬᠤ ᠡᠭᠦᠷᠭᠡᠶᠢ ᠬᠢᠵᠦ᠂ ᠣᠭᠲᠠᠷᠭᠤᠢᠶᠢᠨ ᠬᠡᠮᠬᠡᠳᠡᠭᠢ ᠬᠠᠮᠠᠭᠠᠯᠠᠬᠤ ᠲᠣᠨᠣᠭᠯᠠᠯ ᠤᠭᠰᠠᠷᠠᠬᠤ᠂ ᠥᠷᠥᠭᠡᠨ ᠭᠠᠳᠠᠨᠠᠬᠢ ᠲᠤᠰᠠᠯᠠᠬᠤ ᠲᠣᠨᠣᠭᠯᠠᠯ ᠤᠭᠰᠠᠷᠠᠬᠤ᠂ ᠥᠷᠥᠭᠡᠨ ᠭᠠᠳᠠᠨᠠᠬᠢ ᠲᠣᠨᠣᠭ ᠲᠥᠬᠦᠭᠡᠷᠦᠮᠵᠢᠶᠢ ᠲᠣᠭᠣᠷᠢᠨ ᠪᠠᠢᠴᠠᠭᠠᠬᠤ ᠵᠡᠷᠭᠡ ᠡᠭᠦᠷᠭᠡᠶᠢ ᠪᠡᠶᠡᠯᠡᠭᠦᠯᠪᠡ᠃ ᠣᠭᠲᠠᠷᠭᠤᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠠ ᠬᠡᠷᠡᠭᠯᠡᠭᠡᠨᠦ ᠲᠠᠯᠠᠪᠠᠷ᠂ ᠳᠤᠭᠤᠢᠯᠠᠩ ᠨᠢ ᠭᠠᠵᠠᠷ ᠳᠡᠭᠡᠷᠡᠬᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠠᠵᠢᠯᠲᠠᠳ ᠲᠠᠢ ᠨᠢᠭ᠍ᠲᠠ ᠬᠠᠮᠵᠢᠯᠴᠠᠵᠤ᠂ ᠣᠭᠲᠠᠷᠭᠤᠢᠶᠢᠨ ᠠᠮᠢ ᠨᠠᠰᠤᠨᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠪᠢᠴᠢᠯ ᠬᠦᠨᠳᠦᠶᠢᠨ ᠬᠦᠴᠦᠨᠦ ᠰᠠᠭᠤᠷᠢ ᠹᠢᠽᠢᠺ᠂ ᠣᠭᠲᠠᠷᠭᠤᠢᠶᠢᠨ ᠮᠠᠲᠧᠷᠢᠶᠠᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ᠂ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠰᠢᠨᠡ ᠮᠡᠷᠭᠡᠵᠢᠯ ᠵᠡᠷᠭᠡ ᠬᠦᠷᠢᠶᠡᠶᠢ ᠬᠠᠮᠤᠷᠴᠤ᠂ ᠱᠠᠲᠤᠴᠢ ᠴᠢᠨᠠᠷᠲᠠᠢ ᠦᠷᠡ ᠪᠦᠲᠦᠭᠡᠯ ᠣᠯᠵᠠᠢ᠃ ᠨᠡᠢᠲᠡᠯᠢᠭ ᠦᠷᠡ ᠪᠦᠲᠦᠭᠡᠯᠳᠦ᠄ ᠣᠷᠣᠨ ᠵᠠᠢᠶᠢᠨ ᠣᠷᠴᠢᠨ ᠲᠣᠭᠣᠷᠢᠨᠳᠤ ᠴᠢᠨᠠᠷ ᠰᠠᠢᠲᠠᠢ ᠤᠭᠤᠷᠠᠭᠤᠨ ᠲᠠᠯᠠᠰᠲᠤ ᠣᠯᠵᠤ᠂ ᠬᠠᠪᠤᠳᠠᠷᠢ ᠡᠮᠨᠡᠨ ᠵᠠᠰᠠᠬᠤᠳᠤ ᠨᠢᠭᠤᠭᠳᠠᠮᠠᠯ ᠰᠠᠴᠤᠷᠠᠭᠤᠨ ᠳᠤᠰᠤᠯᠲᠠ ᠬᠠᠩᠭᠠᠬᠤ ᠪᠣᠯᠣᠮᠵᠢ ᠲᠠᠢ； ᠸᠣᠯᠹᠷᠠᠮᠤᠨ ᠬᠠᠢᠯᠤᠰᠢᠶᠢ ᠠᠮᠵᠢᠯᠲᠠ ᠲᠠᠢᠪᠠᠷ 3100 ᠭᠷᠡᠳᠦ᠋ᠰ ᠪᠣᠯᠲᠠᠯᠠ ᠬᠠᠯᠠᠭᠠᠵᠤ᠂ ᠣᠯᠠᠨ ᠤᠯᠤᠰᠤᠨ ᠣᠭᠲᠠᠷᠭᠤᠢᠶᠢᠨ ᠮᠠᠲᠧᠷᠢᠶᠠᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠲᠤᠷᠰᠢᠯᠲᠠᠶᠢᠨ ᠬᠠᠮᠤᠭᠤᠨ ᠥᠨᠳᠥᠷ ᠬᠠᠯᠠᠭᠠᠯᠲᠠᠶᠢᠨ ᠳᠤᠯᠠᠭᠠᠨᠤ ᠲᠡᠮᠳᠡᠭᠯᠡᠯᠢ ᠰᠢᠨᠡᠳᠬᠡᠪᠡ； ᠴᠠᠬᠢᠯᠭᠠᠨ ᠲᠠᠢ ᠴᠠᠪᠠᠤᠯᠢᠭ᠋ ᠪᠡᠶᠡ ᠨᠢ ᠪᠢᠴᠢᠯ ᠬᠦᠨᠳᠦᠶᠢᠨ ᠬᠦᠴᠦᠨ ᠳᠣᠣᠷᠠ ᠲᠠᠯᠠᠰᠵᠢᠵᠤ ᠣᠷᠳᠣ᠌ ᠨᠠᠰᠤᠲᠤ ᠳᠡᠳ᠋ ᠲᠣᠭᠲᠠᠪᠤᠷᠢᠲᠤ ᠪᠦᠲᠦᠴᠡᠵᠢ ᠪᠦᠷᠢᠯᠳᠦᠭᠦᠯᠬᠦ ᠵᠡᠷᠭᠡᠶᠢ ᠠᠩᠬᠠ ᠤᠳᠠᠭᠠ ᠢᠯᠡᠷᠡᠭᠦᠯᠪᠡ᠃ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠳᠤᠭᠠᠷᠤᠨ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠬᠢᠨ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠨᠢᠭᠡᠳᠦᠭᠡᠷᠦᠨ ᠰᠠᠨᠰᠠᠷᠴᠢᠨᠤ ᠳᠤᠭᠤᠢᠯᠠᠩᠤᠨ ᠬᠢᠨ ᠲᠠᠢ ᠲᠣᠭᠣᠷᠢᠯᠲᠠᠶᠢᠨ ᠵᠠᠮ ᠳᠡᠭᠡᠷᠡ ᠡᠭᠡᠯᠵᠢ ᠰᠣᠯᠢᠭ᠍ᠰᠠᠨᠤ ᠳᠠᠷᠠᠭᠠ ᠳ᠋ᠦᠨᠭ ᠹᠸᠨᠭ ᠪᠠᠭᠤᠯᠲᠠᠵᠢᠨ ᠲᠠᠯᠠᠪᠠᠢ ᠳ᠋ᠤ ᠪᠤᠴᠠᠵᠤ ᠢᠷᠡᠬᠦ ᠪᠣᠯᠣᠨᠠ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠣᠳᠣᠬᠠᠨᠳᠤ ᠮᠠᠨᠤ ᠤᠯᠤᠰ ᠶᠠᠭ 2030 ᠣᠨᠡᠴᠡ ᠡᠮᠦᠨᠡ ᠰᠠᠷᠠᠨ ᠪᠥᠮᠪᠥᠷᠴᠡᠭᠲᠦ ᠭᠠᠷᠬᠤ ᠬᠠᠷᠠᠯᠲᠠᠪᠠᠨ ᠪᠡᠶᠡᠯᠡᠭᠦᠯᠬᠦᠪᠡᠷ ᠪᠠᠲᠦ ᠡᠵᠡᠮᠳᠡᠵᠦ᠂ ᠬᠥᠮᠥᠨ ᠰᠠᠭᠤᠯᠭᠠᠵᠤ ᠰᠠᠷᠠᠨ ᠪᠥᠮᠪᠥᠷᠴᠡᠭᠲᠦ ᠭᠠᠷᠬᠤ ᠡᠭᠦᠷᠭᠡᠶᠢᠨ ᠪᠡᠯᠡᠳᠬᠡᠯ ᠠᠵᠢᠯᠢ ᠥᠷᠨᠢᠭᠦᠯᠵᠦ ᠪᠠᠢᠨᠠ᠃ ᠣᠳᠣᠬᠠᠨᠳᠤ ᠬᠥᠮᠥᠨ ᠰᠠᠭᠤᠯᠭᠠᠵᠤ ᠰᠠᠷᠠᠨ ᠪᠥᠮᠪᠥᠷᠴᠡᠭᠲᠦ ᠭᠠᠷᠬᠤ ᠡᠭᠦᠷᠭᠡᠶᠢᠨ ᠡᠯᠡ ᠵᠦᠢᠯᠦᠨ ᠰᠤᠳᠤᠯᠤᠨ ᠦᠢᠯᠡᠳᠬᠦ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠠᠵᠢᠯ ᠶᠡᠷᠦᠩᠬᠡᠢᠳᠡᠭᠡᠨ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠵᠤ᠂ ᠴᠠᠩ ᠵᠧᠩ ᠠᠷᠪᠠᠳᠤᠭᠠᠷ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤ᠂ ᠮᠸᠩ ᠵᠸᠦ ᠬᠥᠮᠥᠨ ᠰᠠᠭᠤᠯᠭᠠᠭᠰᠠᠨ ᠨᠢᠰᠬᠦ ᠣᠩᠭᠣᠴᠠ᠂ ᠯᠠᠨ ᠶᠤᠸᠠᠢ ᠰᠠᠷᠠᠨ ᠳᠡᠭᠡᠷᠡᠬᠢ ᠪᠠᠭᠤᠯᠲᠠᠶᠢᠨ ᠪᠠᠭᠠᠵᠢ᠂ ᠸᠠᠩ ᠢᠦᠢ ᠰᠠᠷᠠᠨᠳᠦ ᠭᠠᠷᠬᠤ ᠬᠤᠪᠴᠠᠰᠤ᠂ ᠬᠥᠮᠥᠨ ᠰᠠᠭᠤᠯᠭᠠᠭᠰᠠᠨ ᠰᠠᠷᠠᠨ ᠪᠥᠮᠪᠥᠷᠴᠡᠭᠲᠦ ᠭᠠᠷᠬᠤ ᠲᠡᠷᠭᠡᠶᠢ ᠬᠠᠢᠨ ᠰᠦᠪᠡᠭᠴᠢᠯᠡᠬᠦ ᠵᠡᠷᠭᠡ ᠨᠢᠰᠦᠯᠲᠡᠶᠢᠨ ᠦᠢᠯᠡᠳᠬᠦᠨᠦ ᠠᠩᠬᠠᠨᠤ ᠱᠠᠲᠤᠨᠤ ᠭᠣᠣᠯ ᠠᠵᠢᠯᠢ ᠨᠢᠭᠡᠨᠲᠡ ᠪᠡᠶᠡᠯᠡᠭᠦᠯᠵᠦ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠤᠳᠤᠯᠭᠠᠨ ᠪᠣᠯᠣᠨ ᠬᠡᠷᠡᠭᠯᠡᠯᠲᠡᠶᠢᠨ ᠰᠢᠰᠲᠧᠮᠦᠨ ᠬᠢᠨ ᠡᠯᠡ ᠤᠳᠠᠭᠠᠶᠢᠨ ᠨᠢᠰᠦᠯᠲᠡᠶᠢᠨ ᠡᠭᠦᠷᠭᠡᠶᠢᠨ ᠠᠴᠢᠶᠠᠯᠠᠪᠤᠷᠢᠶᠢᠨ ᠲᠥᠰᠥᠯᠢ ᠵᠢᠷᠤᠵᠤ ᠲᠥᠯᠥᠪᠯᠡᠬᠦ ᠠᠵᠢᠯᠢ ᠨᠢᠭᠡᠨᠲᠡ ᠪᠡᠶᠡᠯᠡᠭᠦᠯᠵᠦ᠂ ᠬᠠᠷᠪᠤᠯᠲᠠᠶᠢᠨ ᠲᠠᠯᠠᠪᠤᠷ᠂ ᠬᠡᠮᠵᠢᠨ ᠡᠵᠡᠮᠳᠡᠬᠦ ᠴᠢᠮᠡᠭᠡ ᠬᠣᠯᠪᠣᠭᠠ᠂ ᠪᠠᠭᠤᠯᠲᠠᠶᠢᠨ ᠲᠠᠯᠠᠪᠤᠷ ᠵᠡᠷᠭᠡ ᠭᠠᠵᠠᠷᠳᠡᠭᠡᠷᠡᠬᠢ ᠰᠢᠰᠲᠧᠮᠢ ᠰᠤᠳᠤᠯᠤᠨ ᠦᠢᠯᠡᠳᠬᠦ ᠪᠠ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤ ᠠᠵᠢᠯᠢ ᠶᠠᠭ ᠲᠦᠷᠭᠡᠳᠬᠡᠨ ᠠᠬᠢᠭᠤᠯᠵᠤ ᠪᠤᠢ᠃ ᠡᠨᠡ ᠵᠢᠯ᠂ ᠴᠠᠩ ᠵᠧᠩ ᠠᠷᠪᠠᠳᠤᠭᠠᠷ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤᠶᠢᠨ ᠬᠣᠶᠠᠳᠤᠭᠠᠷ ᠳᠡᠰᠤᠨ ᠬᠥᠳᠡᠯᠭᠡᠬᠦ ᠬᠦᠴᠦᠨᠦ ᠰᠢᠰᠲ᠋ᠸᠮᠤᠨ ᠲᠡᠷᠭᠡ ᠲᠤᠷᠰᠢᠬᠤ᠂ ᠤᠶᠠᠵᠤ ᠠᠰᠠᠭᠠᠬᠤ ᠲᠤᠷᠰᠢᠯᠲᠠ᠂ ᠮᠸᠩ ᠵᠸᠦ ᠬᠥᠮᠥᠨ ᠰᠠᠭᠤᠯᠭᠠᠭᠰᠠᠨ ᠨᠢᠰᠬᠦ ᠣᠩᠭᠣᠴᠠᠶᠢᠨ ᠲᠡᠭ ᠥᠨᠳᠥᠷᠡᠴᠡ ᠵᠢᠭᠤᠲᠠᠬᠤ ᠲᠤᠷᠰᠢᠯᠲᠠ᠂ ᠯᠠᠨ ᠶᠤᠸᠠᠢ ᠰᠠᠷᠠᠨ ᠳᠡᠭᠡᠷᠡᠬᠢ ᠪᠠᠭᠤᠯᠲᠠᠶᠢᠨ ᠪᠠᠭᠠᠵᠢᠶᠢᠨ ᠪᠠᠭᠤᠵᠤ ᠨᠢᠰᠬᠦᠶᠢ ᠶᠡᠷᠦᠩᠬᠡᠢᠯᠡᠨ ᠰᠢᠯᠭᠠᠨ ᠪᠠᠲᠤᠯᠠᠬᠤ ᠲᠤᠷᠰᠢᠯᠲᠠ ᠵᠡᠷᠭᠡᠶᠢ ᠨᠢᠭᠡᠨᠲᠡ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠪᠡᠶᠡᠯᠡᠭᠦᠯᠪᠡ᠃ ᠳᠠᠷᠠᠭᠠᠴᠢᠪᠠᠷ ᠪᠠᠰᠠ ᠯᠠᠨ ᠶᠤᠸᠠᠢ ᠰᠠᠷᠠᠨ ᠳᠡᠭᠡᠷᠡᠬᠢ ᠪᠠᠭᠤᠯᠲᠠᠶᠢᠨ ᠪᠠᠭᠠᠵᠢᠶᠢᠨ ᠬᠤᠷᠠᠮᠠᠯ ᠰᠢᠯᠭᠠᠨ ᠭᠡᠮᠵᠢᠯᠲᠡ᠂ ᠮᠸᠩ ᠵᠸᠦ ᠬᠥᠮᠥᠨ ᠰᠠᠭᠤᠯᠭᠠᠭᠰᠠᠨ ᠨᠢᠰᠬᠦ ᠣᠩᠭᠣᠴᠠᠶᠢᠨ ᠢᠯᠴᠢᠶᠢᠨ ᠲᠤᠷᠰᠢᠯᠲᠠ ᠪᠠ ᠬᠠᠮᠤᠭᠤᠨ ᠶᠡᠬᠡ ᠬᠥᠳᠡᠯᠦᠩᠭᠦᠢ ᠳᠠᠷᠤᠯᠲᠠᠪᠠᠷ ᠵᠢᠭᠤᠲᠠᠬᠤ ᠲᠤᠷᠰᠢᠯᠲᠠ᠂ ᠴᠠᠩ ᠵᠧᠩ ᠠᠷᠪᠠᠳᠤᠭᠠᠷ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤᠶᠢᠨ ᠤᠢᠷᠠ ᠤᠭᠲᠠᠷᠭᠤᠢᠶᠢᠨ ᠨᠢᠰᠦᠯᠲᠡ ᠵᠢᠴᠢ ᠮᠡᠷᠭᠡᠵᠢᠯᠦᠨ ᠰᠢᠯᠭᠠᠨ ᠪᠠᠲᠤᠯᠠᠬᠤ ᠨᠢᠰᠦᠯᠲᠡ ᠵᠡᠷᠭᠡ ᠲᠤᠷᠰᠢᠯᠲᠠᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠪᠡᠶᠡᠯᠡᠭᠦᠯᠦᠨᠡ᠃
ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯᠤᠨ ᠲᠠᠷᠠᠭᠠ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠬᠣᠷᠢᠨ ᠨᠢᠭᠡᠳᠦᠭᠡᠷᠤᠨ ᠳᠤᠭᠤᠢᠯᠠᠩᠤᠨ 3 ᠰᠠᠨᠰᠠᠷᠴᠢᠨ ᠳ᠋ᠦᠩᠹᠸᠩ ᠰᠠᠨᠰᠠᠷᠤᠨ ᠬᠤᠳᠠᠶᠢᠨ ᠸᠸᠨ ᠲᠢᠶᠠᠨ ᠭᠸᠳᠦ ᠳᠤᠮᠳᠠᠳᠤ ᠭᠠᠳᠠᠭᠠᠳᠤᠶᠢᠨ ᠵᠠᠭᠤᠴᠢᠯᠠᠭᠤᠷᠤᠨ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠲᠠᠢ ᠠᠭᠤᠯᠵᠠᠭᠰᠠᠨ ᠪᠥᠭᠡᠳ ᠰᠤᠷᠪᠤᠯᠵᠢᠯᠠᠭ᠍ᠴᠢᠶᠢᠨ ᠠᠰᠠᠭᠤᠯᠲᠠᠶᠢ ᠬᠠᠷᠢᠭᠤᠯᠵᠠᠢ᠃
