9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 21 ᠦ ᠡᠳᠦᠷᠦᠨ ᠦᠳᠡᠶᠢᠨ ᠬᠣᠢᠨᠠ᠂ ᠲᠥᠷᠥᠶᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠶᠡᠷᠦᠩᠬᠡᠢ ᠰᠠᠢᠳ ᠯᠢ ᠴᠢᠶᠠᠩ ᠪᠡᠭᠡᠵᠢᠩᠦᠨ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠲᠠᠩᠬᠢᠮᠳᠤ ᠳᠤᠮᠳᠠᠳᠤ ᠤᠯᠤᠰᠲᠤ ᠠᠢᠯᠴᠢᠯᠠᠬᠤᠪᠠᠷ ᠢᠷᠡᠭᠰᠡᠨ ᠠᠮᠧᠷᠢᠺᠠᠶᠢᠨ ᠤᠯᠤᠰᠤᠨ ᠬᠤᠷᠠᠯᠤᠨ ᠳᠣᠣᠷᠠᠳᠤ ᠵᠥᠪᠯᠡᠯᠭᠡᠨᠦ ᠭᠡᠰᠢᠭᠦᠳᠦᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ ᠪᠣᠯᠬᠤ ᠰᠮᠢᠰ ᠨᠠᠷ ᠯᠦ᠍ᠭᠡ ᠠᠭᠤᠯᠵᠠᠯᠲᠠ ᠬᠢᠪᠡ᠃ ᠰᠢᠨᠬᠤᠸᠠ ᠬᠣᠷᠢᠶᠠᠶᠢᠨ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠯᠢᠦ ᠸᠧᠢ ᠪᠢᠩ ᠰᠡᠭᠦᠳᠡᠷᠯᠡᠪᠡ
ᠰᠢᠨᠬᠤᠸᠠ ᠬᠣᠷᠢᠶᠠᠶᠢᠨ ᠪᠡᠭᠡᠵᠢᠩᠦᠨ 9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 21ᠦ ᠡᠳᠦᠷᠦᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ 9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 21 ᠦ ᠡᠳᠦᠷᠦᠨ ᠦᠳᠡᠶᠢᠨ ᠬᠣᠢᠨᠠ᠂ ᠲᠥᠷᠥᠶᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠶᠡᠷᠦᠩᠬᠡᠢ ᠰᠠᠢᠳ ᠯᠢ ᠴᠢᠶᠠᠩ ᠪᠡᠭᠡᠵᠢᠩᠦᠨ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠲᠠᠩᠬᠢᠮᠳᠤ ᠳᠤᠮᠳᠠᠳᠤ ᠤᠯᠤᠰᠲᠤ ᠠᠢᠯᠴᠢᠯᠠᠬᠤᠪᠠᠷ ᠢᠷᠡᠭᠰᠡᠨ ᠠᠮᠧᠷᠢᠺᠠᠶᠢᠨ ᠤᠯᠤᠰᠤᠨ ᠬᠤᠷᠠᠯᠤᠨ ᠳᠣᠣᠷᠠᠳᠤ ᠵᠥᠪᠯᠡᠯᠭᠡᠨᠦ ᠭᠡᠰᠢᠭᠦᠳᠦᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ ᠪᠣᠯᠬᠤ ᠰᠮᠢᠰ ᠨᠠᠷ ᠯᠦ᠍ᠭᠡ ᠠᠭᠤᠯᠵᠠᠯᠲᠠ ᠬᠢᠪᠡ᠃
ᠯᠢ ᠴᠢᠶᠠᠩ ᠢᠯᠡᠷᠬᠡᠢᠯᠡᠬᠦᠳᠦᠪᠡᠨ᠂ ᠳᠤᠮᠳᠠᠳᠤ ᠪᠠ ᠠᠮᠧᠷᠢᠺᠠ ᠪᠣᠯ ᠴᠥᠮ ᠳᠡᠯᠡᠬᠡᠢ ᠳᠡᠭᠡᠷᠡ ᠴᠢᠬᠤᠯᠠ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠪᠦᠬᠦᠢ ᠲᠣᠮᠣ᠌ ᠤᠯᠤᠰ ᠮᠥᠨ᠂ ᠳᠤᠮᠳᠠᠳᠤ ᠪᠠ ᠠᠮᠧᠷᠢᠺᠠᠶᠢᠨ ᠬᠠᠷᠢᠴᠠᠭᠠ ᠲᠣᠭᠲᠠᠭᠤᠨ᠂ ᠡᠷᠡᠭᠦᠯ᠂ ᠦᠷᠭᠦᠯᠵᠢᠯᠡᠬᠦᠢᠴᠡ ᠬᠥᠭᠵᠢᠯᠲᠡᠪᠡᠨ ᠪᠠᠲᠤᠯᠠᠬᠤ ᠨᠢ ᠬᠣᠶᠠᠷ ᠤᠯᠤᠰᠤᠨ ᠬᠠᠮᠲᠤᠶᠢᠨ ᠠᠰᠢᠭ᠋ ᠲᠤᠰᠠ ᠪᠠ ᠳᠡᠯᠡᠬᠡᠢ ᠨᠡᠶ᠋ᠢᠲᠡᠶᠢᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠳᠦ ᠨᠡᠢᠴᠡᠨᠡ᠃ ᠡᠨᠡ ᠵᠢᠯᠡᠴᠡ ᠨᠠᠭᠠᠰᠢ᠂ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠶᠡᠷᠦᠩᠬᠡᠢᠯᠡᠭᠴᠢ ᠲᠷᠠᠮᠫ ᠯᠤᠭᠠ ᠤᠲᠠᠰᠤᠪᠠᠷ ᠬᠡᠳᠦᠨᠲᠡ ᠶᠠᠷᠢᠯᠴᠠᠵᠤ᠂ ᠳᠤᠮᠳᠠᠳᠤ ᠪᠠ ᠠᠮᠧᠷᠢᠺᠠ ᠶᠠᠷᠢᠯᠴᠠᠭᠠ ᠬᠢᠭᠡᠳ ᠬᠠᠮᠲᠤᠷᠠᠯᠴᠠᠭᠠᠪᠠᠨ ᠴᠢᠩᠭᠠᠳᠬᠠᠨ᠂ ᠳᠠᠷᠠᠭᠠᠴᠢᠶᠢᠨ ᠱᠠᠲᠤᠨᠳᠠᠬᠢ ᠳᠤᠮᠳᠠᠳᠤ ᠪᠠ ᠠᠮᠧᠷᠢᠺᠠᠶᠢᠨ ᠬᠠᠷᠢᠯᠴᠠᠭᠠᠨᠤ ᠬᠥᠭᠵᠢᠯᠲᠡᠳᠦ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠵᠢᠯᠣᠭᠣᠳᠤᠮᠵᠢ ᠥᠭᠪᠡᠯ ᠵᠣᠬᠢᠨᠠ ᠭᠡᠵᠦ ᠰᠠᠨᠠᠯ ᠨᠢᠭᠡᠲᠡᠢ ᠦᠵᠡᠵᠡᠭᠡᠪᠡ᠃ ᠳᠤᠮᠳᠠᠳᠤᠶᠢᠨ ᠲᠠᠯᠠ ᠳᠤᠷᠠᠲᠠᠶᠠ ᠠᠮᠧᠷᠢᠺᠠᠶᠢᠨ ᠲᠠᠯᠠ ᠯᠤᠭᠠ ᠬᠠᠷᠢᠯᠴᠠᠨ ᠬᠦᠨᠳᠦᠳᠬᠡᠵᠦ᠂ ᠨᠠᠢᠷᠠᠮᠳᠠᠯᠢᠶᠠᠷ ᠵᠡᠷᠭᠡᠴᠡᠨ ᠣᠷᠣᠰᠢᠵᠤ᠂ ᠬᠠᠮᠲᠤᠷᠠᠯᠴᠠᠨ ᠠᠵᠢᠯᠯᠠᠵᠤ ᠬᠠᠮᠲᠤᠪᠠᠷ ᠠᠰᠢᠭ᠋ ᠬᠦᠷᠳᠡᠨᠠ᠃ ᠠᠮᠧᠷᠢᠺᠠᠶᠢᠨ ᠲᠠᠯᠠ ᠨᠢ ᠳᠤᠮᠳᠠᠳᠤᠶᠢᠨ ᠲᠠᠯᠠ ᠯᠤᠭᠠ ᠠᠳᠠᠯᠢ ᠴᠢᠭᠯᠡᠯᠢᠶᠡᠷ ᠤᠷᠤᠭᠰᠢᠯᠠᠵᠤ᠂ ᠬᠣᠶᠠᠷ ᠲᠠᠯᠠᠶᠢᠨ ᠬᠠᠷᠢᠯᠴᠠᠭᠠᠨᠤ ᠵᠥᠪ ᠵᠠᠮᠢᠶᠠᠷ ᠬᠥᠭᠵᠢᠬᠦᠶᠢ ᠬᠠᠮᠲᠤᠪᠠᠷ ᠠᠬᠢᠭᠤᠯᠵᠤ᠂ ᠬᠣᠶᠠᠷ ᠤᠯᠤᠰᠲᠤ ᠪᠤᠶᠠᠨ ᠦᠢᠯᠡᠳᠬᠦᠪᠡᠷ ᠪᠠᠷᠠᠬᠤ ᠦᠭᠡᠢ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ ᠴᠤ᠌ ᠠᠰᠢᠭ᠋ ᠬᠦᠷᠲᠡᠭᠡᠬᠦᠶᠢ ᠬᠦᠰᠡᠵᠦ ᠪᠠᠢᠨᠠ ᠭᠡᠵᠦ ᠭᠡᠪᠡ᠃
ᠯᠢ ᠴᠢᠶᠠᠩ ᠵᠢᠭᠠᠵᠤ ᠭᠠᠷᠭᠠᠬᠤᠳᠤᠪᠠᠨ᠂ ᠳᠤᠮᠳᠠᠳᠤ ᠪᠠ ᠠᠮᠧᠷᠢᠺᠠ ᠨᠢ ᠬᠠᠮᠲᠤᠪᠠᠷ ᠬᠥᠭᠵᠢᠬᠦ ᠬᠠᠨᠢᠲᠠᠨ ᠪᠣᠯᠵᠤ᠂ ᠦᠨᠡᠨᠴᠢᠪᠡᠷ ᠬᠠᠨᠳᠤᠨ᠂ ᠴᠢᠳᠠᠮᠵᠢᠪᠠᠨ ᠬᠠᠷᠢᠯᠴᠠᠨ ᠡᠷᠴᠢᠮᠯᠡᠵᠦ᠂ ᠬᠠᠷᠢᠯᠴᠠᠨ ᠠᠮᠵᠢᠯᠲᠠ ᠣᠯᠭᠣᠪᠠᠯ ᠵᠣᠬᠢᠨᠠ᠃ ᠳᠤᠮᠳᠠᠳᠤᠶᠢᠨ ᠲᠠᠯᠠ ᠳᠤᠷᠠᠲᠠᠶᠠ ᠠᠮᠧᠷᠢᠺᠠᠶᠢᠨ ᠲᠠᠯᠠ ᠯᠤᠭᠠ ᠡᠷᠬᠡ ᠲᠡᠭᠰᠢ ᠪᠠᠢᠬᠤ᠂ ᠬᠦᠨᠳᠦᠳᠬᠡᠬᠦ᠂ ᠬᠠᠷᠢᠯᠴᠠᠨ ᠬᠠᠷᠠᠭᠠᠯᠵᠠᠬᠤ ᠵᠣᠷᠢᠭ᠋ ᠰᠠᠨᠠᠭᠠᠪᠠᠷ᠂ ᠨᠡᠪᠲᠡᠷᠡᠯᠴᠡᠵᠦ ᠪᠠᠢᠭᠠᠳ ᠲᠤᠰ ᠲᠤᠰᠤᠨ ᠠᠩᠬᠠᠷᠴᠤ ᠪᠠᠢᠭᠠ ᠠᠰᠠᠭᠤᠳᠠᠯᠤᠳᠢᠶᠠᠨ ᠰᠢᠢᠳᠪᠦᠷᠢᠯᠡᠬᠦ ᠶᠣᠰᠣᠲᠠᠢ᠃ ᠠᠮᠧᠷᠢᠺᠠᠶᠢᠨ ᠤᠯᠤᠰᠤᠨ ᠬᠤᠷᠠᠯ ᠨᠢ ᠳᠤᠮᠳᠠᠳᠤ ᠤᠯᠤᠰ ᠬᠢᠭᠡᠳ ᠳᠤᠮᠳᠠᠳᠤ ᠪᠠ ᠠᠮᠧᠷᠢᠺᠠᠶᠢᠨ ᠬᠠᠷᠢᠯᠴᠠᠭᠠᠳᠤ ᠵᠥᠪᠢᠶᠡᠷ ᠬᠠᠨᠳᠤᠵᠤ᠂ ᠬᠣᠶᠠᠷ ᠤᠯᠤᠰᠤᠨ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠᠶᠢ ᠢᠳᠡᠪᠬᠢᠲᠡᠢ ᠠᠬᠢᠭᠤᠯᠵᠤ᠂ ᠬᠣᠶᠠᠷ ᠤᠯᠤᠰᠤᠨ ᠨᠥᠬᠥᠷᠯᠡᠯ ᠪᠠ ᠬᠠᠮᠲᠤᠶᠢᠨ ᠬᠥᠭᠵᠢᠯᠲᠡᠳᠦ ᠪᠦᠲᠦᠭᠡᠯᠴᠢ ᠴᠢᠨᠠᠷᠲᠠᠢ ᠦᠢᠯᠡᠳᠦᠯ ᠦᠵᠡᠭᠦᠯᠬᠦᠶᠢ ᠬᠦᠰᠡᠵᠦ ᠪᠠᠢᠨᠠ ᠭᠡᠪᠡ᠃
