ᠤᠯᠤᠰᠤᠨ ᠪᠠᠶᠠᠷ᠂ ᠨᠠᠢ᠍ᠮᠠᠨ ᠰᠠᠷᠠᠶᠢᠨ ᠲᠡᠷᠭᠡᠯ ᠪᠠᠶᠠᠷ ᠣᠢᠷᠠᠳᠬᠤᠪᠠᠷ᠂ ᠵᠢᠭᠤᠯᠴᠢᠯᠠᠯ ᠨᠢ ᠴᠥᠭᠡᠨ ᠪᠤᠰᠤ ᠬᠥᠮᠥᠰᠦᠨ ᠰᠣᠩᠭᠣᠯᠲᠠ ᠪᠣᠯᠪᠠ᠃ ᠭᠠᠳᠠᠭᠰᠢᠪᠠᠨ ᠭᠠᠷᠴᠤ ᠵᠢᠭᠤᠯᠴᠢᠯᠠᠬᠤᠳᠤ ᠬᠥᠮᠥᠰ ᠣᠴᠢᠭᠰᠠᠨ ᠭᠠᠵᠠᠷᠤᠨ ᠠᠮᠲᠠᠲᠤ ᠢᠳᠡᠭᠡᠨ᠂ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨ᠂ ᠳᠤᠷᠠᠰᠬᠠᠯᠤᠨ ᠡᠳ᠋ ᠵᠡᠷᠭᠡ ᠣᠨᠴᠠ ᠭᠠᠷᠤᠯᠲᠠᠶᠢ ᠬᠤᠳᠠᠯᠳᠤᠨ ᠠᠪᠲᠠᠭ᠃ ᠡᠳᠡᠭᠡᠷ ᠶᠠᠭᠤᠮᠠᠶᠢ ᠨᠢᠰᠬᠡᠯᠳᠦ ᠠᠪᠴᠤ ᠭᠠᠷᠬᠤᠳᠤ ᠶᠠᠭᠤ ᠶᠠᠭᠤᠶᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠪᠣᠢ？ ᠨᠠᠨ ᠹᠠᠩ ᠠᠭᠠᠷ ᠠᠶᠠᠯᠠᠯᠤᠨ ᠺᠣᠮᠫᠠᠨᠢᠶᠢᠨ ᠨᠢᠰᠬᠡᠯᠦᠨ ᠪᠠᠭᠤᠳᠠᠯᠤᠨ ᠦᠢᠯᠡᠴᠢᠯᠡᠭᠡᠨᠦ ᠬᠡᠯᠲᠡᠰᠦᠨ ᠣᠯᠠᠨ ᠤᠯᠤᠰᠤᠨ ᠨᠢᠰᠬᠡᠯᠦᠨ ᠵᠢᠵᠢᠭᠦᠷᠦᠨ ᠡᠷᠬᠢᠯᠡᠭᠴᠢ ᠵᠣᠣ ᠴᠧᠨ ᠡᠭᠦᠨᠦ ᠲᠤᠬᠠᠢ ᠲᠠᠢᠯᠪᠤᠷᠢᠯᠠᠪᠠ᠃
ᠢᠳᠡᠭᠡᠨᠦ ᠵᠦᠢᠯᠢᠶᠡᠷ ᠠᠪᠴᠤ ᠬᠡᠯᠡᠪᠡᠯ᠂ ᠨᠠᠷᠭᠢᠯ ᠵᠡᠷᠭᠡ ᠰᠢᠩᠭᠡᠨ ᠠᠭᠤᠯᠤᠮᠠᠯ ᠶᠡᠬᠡᠲᠡᠢ ᠵᠢᠮᠢᠰᠢ ᠪᠣᠭᠣᠳᠠᠯᠯᠠᠭᠠᠳ ᠠᠴᠢᠭᠤᠯᠪᠠᠯ ᠬᠠᠮᠤᠭᠤᠨ ᠰᠠᠢᠨ᠃ ᠤᠴᠢᠷ ᠨᠢ ᠨᠢᠰᠬᠡᠯᠤᠨ ᠳᠣᠲᠣᠷᠠᠬᠢ ᠵᠠᠢ ᠨᠢ ᠢᠪᠴᠤᠤ᠂ ᠦᠨᠦᠷ ᠶᠡᠬᠡᠲᠡᠢ ᠶᠠᠭᠤᠮᠠᠶᠢ ᠨᠢᠰᠬᠡᠯᠳᠦ ᠠᠪᠴᠤ ᠭᠠᠷᠬᠤ ᠨᠢ ᠵᠣᠬᠢᠰ ᠦᠭᠡᠢ᠂ ᠳ᠋ᠦᠷᠢᠦᠪᠠᠷ ᠵᠢᠱ᠌ᠢᠶᠡᠯᠡᠬᠦᠳᠦ᠂ ᠲᠡᠭᠦᠨᠢ ᠨᠢᠰᠬᠡᠯᠳᠦ ᠠᠪᠴᠤ ᠭᠠᠷᠴᠤ ᠪᠣᠯᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠠᠴᠢᠭᠤᠯᠵᠤ ᠴᠦ᠍ ᠪᠣᠯᠬᠤ ᠦᠭᠡᠢ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠰᠣᠷᠭᠣᠭ ᠪᠠ ᠠᠮᠠᠷᠬᠠᠨ ᠢᠯᠵᠢᠷᠡᠬᠦ ᠢᠳᠡᠭᠡᠨ᠂ ᠵᠢᠱ᠌ᠢᠶᠡᠯᠡᠪᠡᠯ ᠲᠡᠯᠡᠶᠶᠢᠨ ᠢᠳᠡᠭᠡᠨ᠂ ᠮᠢᠬᠠ᠂ ᠨᠠᠢ᠍ᠮᠠᠯᠵᠢ ᠵᠡᠷᠭᠡᠶᠢ ᠠᠶᠠᠨᠴᠢᠳ ᠰᠢᠭᠤᠳ ᠠᠪᠴᠤ ᠨᠢᠰᠬᠡᠯᠳᠦ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠂ ᠠᠴᠢᠭᠤᠯᠬᠤᠳᠤᠪᠠᠨ ᠪᠣᠭᠣᠳᠠᠯᠤᠨ ᠪᠦᠷᠢᠨ ᠪᠦᠲᠦᠨ ᠪᠠᠢᠯᠭᠠᠬᠤᠶᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ᠃ ᠡᠩᠦᠨ ᠪᠠᠢᠳᠠᠯ ᠳᠣᠣᠷᠠ᠂ ᠨᠢᠰᠬᠡᠯᠦᠨ ᠪᠠᠭᠤᠳᠠᠯ ᠲᠥᠯᠥᠪᠦᠷᠢ ᠲᠡᠢᠪᠡᠷ ᠪᠣᠭᠣᠳᠠᠯᠯᠠᠬᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠪᠠᠢᠳᠠᠭ᠂ ᠭᠡᠪᠡᠴᠦ ᠳᠤᠯᠠᠭᠠᠨᠢ ᠪᠠᠲᠤᠯᠠᠬᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠪᠣᠯᠬᠣᠷ ᠳᠤᠯᠠᠭᠠᠨᠢ ᠪᠠᠲᠤᠯᠠᠬᠤᠳᠤ ᠬᠡᠷᠡᠭᠯᠡᠬᠦ ᠬᠠᠭᠤᠷᠠᠢ ᠮᠥᠰᠥ ᠬᠠᠪᠴᠢᠭᠤᠯᠬᠤ ᠴᠢᠬᠤᠯᠠᠲᠠᠢ ᠪᠣᠯ ᠠᠶᠠᠨᠴᠢᠨᠤ ᠠᠪᠴᠤ ᠭᠠᠷᠬᠤ ᠬᠠᠭᠤᠷᠠᠢ ᠮᠥᠰᠥᠨᠦ ᠬᠦᠨᠳᠦ ᠨᠢ 2.5 ᠺᠢᠯᠣᠭ᠌ᠷᠠᠮᠠᠴᠠ ᠬᠡᠲᠦᠷᠡᠵᠦ ᠪᠣᠯᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠪᠣᠭᠣᠳᠠᠯᠳᠤᠪᠠᠨ ᠡᠷᠬᠡᠪᠰᠢ ᠠᠭᠤᠷ ᠳᠡᠭᠳᠡᠭᠡᠬᠦ ᠵᠠᠪᠰᠠᠷ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠢᠨᠠ᠃ ᠠᠶᠠᠨᠴᠢᠳ ᠣᠯᠠᠨ ᠤᠯᠤᠰᠤᠨ ᠨᠢᠰᠬᠡᠯᠳᠦ ᠰᠠᠭᠤᠬᠤᠳᠤᠪᠠᠨ ᠬᠠᠮᠤᠭᠤᠨ ᠰᠠᠢᠨ ᠨᠢ ᠵᠣᠷᠢᠭ᠍ᠰᠠᠨ ᠤᠯᠤᠰᠤᠨ ᠬᠢᠵᠢᠭᠦᠨ ᠰᠢᠯᠭᠠᠨ ᠪᠠᠢᠴᠠᠭᠠᠯᠲᠠ ᠵᠢᠴᠢ ᠪᠣᠭᠣᠮᠲᠠᠶᠢᠨ ᠳᠦᠷᠢᠮ ᠲᠣᠭᠲᠠᠭᠠᠯᠢ ᠬᠠᠢᠵᠤ ᠦᠵᠡᠭᠡᠷᠡᠢ᠂ ᠣᠯᠠᠩᠬᠢ ᠤᠯᠤᠰ ᠨᠢ ᠰᠣᠷᠭᠣᠭ ᠵᠦᠢᠯᠢ ᠤᠯᠤᠰᠤᠨ ᠬᠢᠯᠢᠳᠦᠪᠡᠨ ᠣᠷᠣᠭᠤᠯᠬᠤᠶᠢ ᠴᠠᠭᠠᠵᠠᠯᠠᠳᠠᠭ᠃
ᠰᠤᠪᠤᠳ ᠡᠷᠳᠡᠨᠢ᠂ ᠡᠷᠲᠡᠨᠦ ᠡᠳ᠋ᠯᠡᠯ ᠵᠡᠷᠭᠡ ᠥᠨᠳᠥᠷ ᠦᠨᠡᠲᠦ ᠣᠨᠴᠠ ᠭᠠᠷᠤᠯᠲᠠᠶᠢᠨ ᠵᠦᠢᠯᠡᠰᠦᠨ ᠲᠡᠭᠡᠭᠡᠪᠦᠷᠢᠳᠦ ᠶᠠᠮᠠᠷ ᠠᠩᠬᠠᠷᠬᠤ ᠵᠦᠢᠯ ᠪᠠᠢᠬᠤ ᠪᠣᠶ？ ᠵᠣᠣ ᠴᠧᠨ ᠲᠠᠢᠯᠪᠤᠷᠢᠯᠠᠬᠤᠳᠤᠪᠠᠨ᠂ ᠡᠢᠮᠦᠷᠬᠦᠦ ᠥᠨᠳᠥᠷ ᠦᠨᠡᠲᠦ ᠣᠨᠴᠠ ᠭᠠᠷᠤᠯᠲᠠᠶᠢᠨ ᠵᠦᠢᠯᠡᠰᠢ ᠠᠴᠢᠭᠤᠯᠬᠤᠳᠤ ᠲᠣᠬᠢᠷᠠᠬᠤ ᠦᠭᠡᠢ᠂ ᠠᠶᠠᠨᠴᠢᠳ ᠨᠢᠰᠬᠡᠯᠳᠦ ᠠᠪᠴᠤ ᠭᠠᠷᠤᠭᠠᠳ ᠥᠪᠡᠷᠢᠶᠡᠨ ᠲᠣᠬᠢᠲᠠᠢ ᠬᠠᠮᠢᠶᠠᠷᠪᠠᠯ ᠵᠣᠬᠢᠨᠠ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠢᠨᠠ᠃ ᠣᠯᠠᠨ ᠤᠯᠤᠰᠤᠨ ᠨᠢᠰᠬᠡᠯᠢᠶᠡᠷ ᠠᠶᠠᠯᠠᠬᠤ ᠦᠶᠡᠳᠦ᠂ ᠠᠶᠠᠨᠴᠢᠳ ᠮᠣᠷᠳᠠᠵᠤ ᠭᠠᠷᠬᠤ ᠤᠯᠤᠰ ᠵᠢᠴᠢ ᠵᠣᠷᠢᠭ᠍ᠰᠠᠨ ᠤᠯᠤᠰᠤᠨ ᠪᠣᠭᠣᠮᠲᠠᠳᠤ ᠡᠢᠮᠦᠷᠬᠦᠦ ᠡᠳ᠋ ᠪᠣᠳᠠᠰᠢ ᠮᠡᠳᠡᠭᠦᠯᠬᠦ ᠴᠢᠬᠤᠯᠠᠲᠠᠢ ᠡᠰᠡᠬᠦᠶᠢ ᠠᠩᠬᠠᠷᠴᠤ᠂ ᠪᠣᠭᠣᠮᠲᠠᠪᠠᠷ ᠣᠷᠣᠵᠤ ᠭᠠᠷᠬᠤ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠤᠷᠢᠳᠴᠢᠯᠠᠨ ᠯᠠᠪᠯᠠᠵᠤ ᠪᠣᠯᠣᠨᠠ ᠭᠡᠪᠡ᠃
ᠠᠷᠢᠬᠢ᠂ ᠬᠢᠲᠤᠭᠠᠨᠤ ᠲᠥᠷᠥᠯ ᠵᠡᠷᠭᠡ ᠣᠨᠴᠠ ᠭᠠᠷᠤᠯᠲᠠᠶᠢᠨ ᠲᠡᠭᠡᠭᠡᠪᠦᠷᠢᠶᠢᠨ ᠲᠤᠬᠠᠢ ᠱᠠᠭᠠᠷᠳᠠᠯᠭᠠᠶᠢ ᠲᠠᠨᠢᠯᠴᠠᠭᠤᠯᠬᠤᠳᠤᠪᠠᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠠᠭᠠᠷᠤᠨ ᠲᠡᠭᠡᠭᠡᠪᠦᠷᠢᠶᠢᠨ ᠲᠣᠪᠴᠢᠶᠠᠶᠢᠨ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠪᠣᠯ᠂ ᠮᠠᠨᠤ ᠤᠯᠤᠰᠤᠨ ᠳᠣᠲᠣᠷᠠᠬᠢ ᠠᠷᠠᠳᠤᠨ ᠠᠭᠠᠷᠤᠨ ᠲᠡᠭᠡᠭᠡᠪᠦᠷᠢᠶᠢᠨ ᠨᠢᠰᠬᠡᠯᠳᠦ ᠰᠠᠭᠤᠪᠠᠯ᠂ ᠠᠷᠢᠬᠢᠨᠤ ᠵᠦᠢᠯᠢ ᠠᠪᠴᠤ ᠨᠢᠰᠬᠡᠯᠳᠦ ᠭᠠᠷᠴᠤ ᠪᠣᠯᠬᠤ ᠦᠭᠡᠢ （ᠡᠭᠦᠨᠳᠦ ᠨᠢᠰᠬᠡᠯ ᠬᠦᠯᠢᠶᠡᠬᠦ ᠠᠰᠠᠷᠤᠨ ᠲᠤᠰᠠᠭᠠᠷᠯᠠᠬᠤ ᠲᠣᠭᠣᠷᠢᠭ᠋ᠠᠴᠠ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠰᠫᠢᠷᠲ ᠲᠡᠢ ᠤᠮᠳᠠᠭᠠᠨ ᠪᠠᠭᠲᠠᠬᠤ ᠦᠭᠡᠢ）᠂ ᠭᠡᠪᠡᠴᠦ ᠠᠴᠢᠭᠤᠯᠵᠤ ᠪᠣᠯᠣᠨᠠ᠃ ᠰᠫᠢᠷᠲᠦᠨ ᠥᠳᠬᠡᠴᠡ 24% ᠡᠴᠡ ᠦᠯᠦ ᠬᠡᠲᠦᠷᠡᠭᠰᠡᠨ ᠰᠫᠢᠷᠲ ᠲᠡᠢ ᠤᠮᠳᠠᠭᠠᠨᠢ ᠬᠢᠵᠠᠭᠠᠷᠯᠠᠬᠤ ᠦᠭᠡᠢ᠃ ᠵᠢᠵᠢᠭ ᠰᠠᠵᠢᠭ᠋ ᠵᠦᠢᠯᠡᠰᠦᠨ ᠪᠠᠭᠯᠠᠭᠠᠳᠤ᠂ ᠰᠫᠢᠷᠲᠦᠨ ᠥᠳᠬᠡᠴᠡ ᠨᠢ 24% ᠡᠴᠡ ᠳᠡᠭᠡᠭᠰᠢ ᠪᠣᠯᠪᠠᠴᠤ 70% ᠡᠴᠡ ᠬᠡᠲᠦᠷᠡᠬᠦ ᠦᠭᠡᠢ᠂ ᠳᠦᠭᠦᠷᠡᠩ ᠰᠠᠪᠠᠯᠠᠬᠤ ᠲᠣᠮᠣᠬᠠᠨ ᠰᠠᠪᠠ ᠪᠣᠯ 5 ᠯᠢᠲᠷᠡᠴᠡ ᠦᠯᠦ ᠬᠡᠲᠦᠷᠡᠭᠦᠯᠦᠨᠡ᠂ ᠬᠥᠮᠥᠨ ᠪᠦᠷᠢᠶᠢᠨ ᠠᠴᠢᠭᠤᠯᠵᠤ ᠪᠣᠯᠬᠤ ᠶᠡᠷᠦᠩᠬᠡᠢ ᠬᠡᠮᠵᠢᠶᠡ ᠨᠢ 5 ᠯᠢᠲᠷᠡᠴᠡ ᠬᠡᠲᠦᠷᠡᠵᠦ ᠪᠣᠯᠬᠤ ᠦᠭᠡᠢ᠃ ᠰᠫᠢᠷᠲᠦᠨ ᠥᠳᠬᠡᠴᠡ ᠨᠢ 70%ᠡᠴᠡ ᠬᠡᠲᠦᠷᠡᠭᠰᠡᠨ ᠠᠷᠢᠬᠢᠶᠢ ᠠᠴᠢᠭᠤᠯᠬᠤᠶᠢ ᠴᠢᠩᠭᠠ ᠴᠠᠭᠠᠵᠠᠯᠠᠵᠤ᠂ ᠬᠤᠪᠢᠶᠢᠨ ᠨᠡᠷᠡᠮᠡᠯ ᠠᠷᠢᠬᠢᠶᠢ ᠠᠪᠴᠤ ᠨᠢᠰᠬᠡᠯᠳᠦ ᠭᠠᠷᠬᠤᠶᠢ ᠴᠠᠭᠠᠵᠠᠯᠠᠨᠠ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠵᠢᠭᠤᠯᠴᠢᠯᠠᠯᠤᠨ ᠳᠤᠷᠠᠰᠬᠠᠯᠤᠨ ᠡᠳ᠋ ᠪᠣᠯᠬᠤ ᠰᠡᠯᠡᠮᠡ᠂ ᠬᠢᠲᠤᠭᠠᠨᠤ ᠲᠥᠷᠥᠯᠦᠨ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨ ᠵᠢᠴᠢ ᠭᠡᠷᠦᠨ ᠬᠡᠷᠡᠭᠯᠡᠭᠡᠨᠦ ᠵᠢᠮᠢᠰᠦᠨ ᠬᠢᠲᠤᠭᠠ᠂ ᠪᠣᠣᠳᠤᠤ᠂ ᠬᠣᠭᠣᠯᠠᠨ ᠬᠢᠲᠤᠭᠠ ᠵᠡᠷᠭᠡᠶᠢ ᠠᠶᠠᠨᠴᠢᠳ ᠪᠡᠶᠡᠳᠦᠪᠡᠨ ᠠᠪᠴᠤ ᠨᠢᠰᠬᠡᠯᠳᠦ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠂ ᠰᠠᠢᠲᠤᠷ ᠪᠠᠭᠯᠠᠵᠤ ᠪᠣᠭᠣᠳᠠᠯᠯᠠᠬᠤ ᠬᠡᠷᠡᠭᠲᠡᠢ ᠮᠥᠷᠲᠡᠭᠡᠨ ᠠᠴᠢᠭᠤᠯᠬᠤᠳᠤ ᠴᠤ᠌ ᠬᠢᠵᠠᠭᠠᠷᠯᠠᠯ ᠲᠠᠢ ᠪᠠᠢᠳᠠᠭ ᠭᠡᠪᠡ᠃
