ᠣᠢᠷᠠᠳᠤ ᠂ ᠮᠠᠨᠵᠤᠤᠷᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠᠳᠠᠬᠢ ᠪᠠᠷᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠦᠢᠯᠡᠳᠪᠦᠷᠢᠶᠢᠨ ᠲᠠᠰᠤᠭᠤᠨ ᠴᠢᠩᠭᠡᠯᠢᠭᠢ ᠰᠣᠯᠢᠵᠤ ᠠᠴᠢᠶᠠᠯᠠᠬᠤ ᠲᠠᠯᠠᠪᠠᠶᠳᠤ᠂ 6 ᠬᠠᠴᠠᠪᠴᠢᠲᠤ ᠡᠷᠭᠦᠭᠦᠷ ᠮᠠᠰᠢᠨ ᠬᠠᠷᠠ ᠬᠤᠷᠳᠤᠪᠠᠷᠢᠶᠠᠨ ᠠᠵᠢᠯᠯᠠᠵᠤ ᠂ ᠡᠸᠦ᠋ᠷᠦᠫᠡ ᠲᠢᠪᠡᠴᠡ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠪᠤᠴᠠᠬᠤ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠬᠣᠶᠠᠷ ᠴᠤᠪᠤᠭᠠ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠨᠳᠦ ᠰᠣᠯᠢᠵᠤ ᠠᠴᠢᠶᠠᠯᠠᠬᠤ ᠠᠵᠢᠯᠢ ᠬᠢᠵᠦ ᠪᠠᠢᠨᠠ ᠃ ᠡᠮᠦᠨᠡ 7 ᠰᠠᠷᠠᠳᠤ᠂ ᠮᠠᠨᠵᠤᠤᠷᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠᠪᠠᠷ ᠥᠩᠭᠡᠷᠡᠭᠰᠡᠨ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡ 2601 ᠴᠤᠪᠤᠭᠠ ᠳᠦ ᠬᠦᠷᠴᠦ᠂ ᠶᠠᠪᠤᠭᠤᠯᠤᠭᠰᠠᠨ ᠪᠠᠷᠠᠭᠠ ᠨᠢ 27 ᠲᠦᠮᠡᠨ ᠪᠠᠷᠢᠮᠵᠢᠶᠠᠲᠤ ᠴᠢᠩᠭᠡᠯᠢᠭᠢ ᠳᠠᠪᠠᠭᠰᠠᠨ ᠪᠠᠢᠨᠠ᠃ ᠡᠭᠦᠨᠳᠦ ᠂ ᠪᠤᠴᠠᠵᠤ ᠢᠷᠡᠬᠦ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡ 1599 ᠴᠤᠪᠤᠭᠠ ᠳᠦ ᠬᠦᠷᠴᠦ ᠂ ᠲᠡᠭᠡᠭᠡᠪᠦᠷᠢᠯᠡᠨ ᠠᠪᠴᠢᠷᠠᠭᠰᠠᠨ ᠪᠠᠷᠠᠭᠠ ᠨᠢ 16 ᠲᠦᠮᠡᠨ ᠪᠠᠷᠢᠮᠵᠢᠶᠠᠲᠤ ᠴᠢᠩᠭᠡᠯᠢᠭᠢ ᠳᠠᠪᠠᠭᠠᠳ ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡᠪᠠᠨ ᠲᠣᠰ ᠪᠦᠷᠢ 9.1% ᠂ 7.9% ᠪᠡᠷ ᠨᠡᠮᠡᠭᠳᠡᠨ ᠂ ᠪᠤᠴᠠᠵᠤ ᠢᠷᠡᠬᠦ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠶᠢᠨ ᠲᠡᠭᠡᠭᠡᠪᠦᠷᠢᠶᠢᠨ ᠬᠡᠮᠵᠢᠶᠡ ᠪᠡᠷᠢᠶᠡᠨ ᠪᠥᠬᠥ ᠤᠯᠤᠰᠲᠤ ᠲᠡᠷᠢᠭᠦᠯᠡᠪᠡ ᠃
ᠮᠠᠨᠵᠤᠤᠷᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠ ᠪᠣᠯ ᠮᠠᠨᠤ ᠤᠯᠤᠰᠤᠨ ᠬᠠᠮᠤᠭᠤᠨ ᠶᠡᠬᠡ ᠬᠠᠭᠤᠷᠠᠢ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠᠶᠢᠨ ᠦᠷᠳᠡᠬᠡ ᠪᠣᠯᠬᠤ ᠪᠥᠭᠡᠳ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠶᠢᠨ 《ᠵᠡᠭᠦᠨ ᠨᠡᠪᠲᠡᠷᠡᠯ ᠵᠠᠮ》 ᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠣᠯᠣᠨᠠ᠃ ᠣᠳᠣᠬᠠᠨ ᠪᠣᠯᠲᠠᠯᠠ᠂ ᠮᠠᠨᠵᠤᠤᠷᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠᠪᠠᠷ ᠨᠡᠪᠲᠡᠷᠡᠭᠰᠡᠨ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡ ᠨᠡᠢ᠍ᠢᠳᠡ 30000 ᠴᠤᠪᠤᠭᠠᠶᠢ ᠳᠠᠪᠠᠵᠤ᠂ 300 ᠲᠦᠮᠡᠨ ᠪᠠᠷᠢᠮᠵᠢᠶᠠᠲᠤ ᠴᠢᠩᠭᠡᠯᠢᠭ ᠪᠠᠷᠠᠭᠠ ᠬᠦᠷᠭᠡᠵᠦ᠂ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠶᠢᠨ ᠨᠡᠪᠲᠡᠷᠡᠭᠰᠡᠨ ᠬᠡᠮᠵᠢᠶᠡ ᠨᠢ ᠪᠦᠬᠦ ᠤᠯᠤᠰᠤᠨ ᠨᠡᠪᠲᠡᠷᠡᠭᠰᠡᠨ ᠶᠡᠷᠦᠩᠬᠡᠢ ᠬᠡᠮᠵᠢᠶᠡᠨᠦ ᠠᠷᠪᠠᠨᠤ ᠭᠤᠷᠪᠠᠨ ᠬᠤᠪᠢᠶᠢ ᠡᠵᠡᠯᠡᠵᠦ᠂ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠢ ᠴᠢᠨᠠᠷ ᠰᠠᠢᠲᠠᠢ ᠬᠠᠮᠲᠤᠪᠠᠷ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤ ᠰᠠᠨᠠᠭᠠᠴᠢᠯᠠᠭᠠᠳᠤ ᠣᠷᠣᠯᠠᠭᠤᠯᠵᠤ ᠪᠣᠯᠣᠰᠢ ᠦᠭᠡᠢ ᠦᠢᠯᠡᠳᠦᠯ ᠭᠠᠷᠭᠠᠵᠤ ᠪᠠᠢᠨᠠ᠃
ᠣᠳᠣᠬᠠᠨᠳᠤ ᠂ ᠮᠠᠨᠵᠤᠤᠷᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠᠪᠠᠷ ᠬᠢᠯᠢ ᠣᠷᠣᠵᠤ ᠭᠠᠷᠬᠤ ᠱᠤᠭᠤᠮ ᠨᠡᠮᠡᠭᠳᠡᠭᠡᠳ 21 ᠵᠤᠷᠪᠤᠰ ᠪᠣᠯᠵᠤ᠂ ᠬᠢᠯᠢᠡᠴᠡ ᠭᠠᠷᠬᠤ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠨᠦᠭᠦᠳ ᠣᠷᠣᠰ ᠂ ᠫᠤᠯᠠᠨᠳ᠋ ᠂ ᠪᠧᠯᠭᠢ ᠵᠡᠷᠭᠡ ᠡᠸᠦ᠋ᠷᠦᠫᠡᠶᠢᠨ 13 ᠤᠯᠤᠰᠲᠤ ᠬᠦᠷᠴᠦ ᠂ ᠬᠢᠯᠢᠪᠡᠷ ᠣᠷᠣᠬᠤ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠨᠦᠭᠦᠳ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠬᠠᠷᠪᠢᠨ ᠂ ᠱᠠᠩᠬᠠᠢ ᠂ ᠵᠧᠵᠢᠶᠠᠩ ᠂ ᠭᠤᠸᠠᠩᠵᠧᠦ ᠵᠡᠷᠭᠡ 60 ᠭᠠᠷᠤᠢ ᠬᠣᠲᠠᠶᠢ ᠬᠠᠮᠤᠷᠪᠠ ᠃ ᠲᠡᠭᠡᠭᠡᠪᠦᠷᠢᠯᠡᠨ ᠬᠦᠷᠭᠡᠬᠦ ᠡᠳ᠋ ᠪᠠᠷᠠᠭᠠᠨᠤ ᠲᠦᠷᠦᠯ ᠵᠦᠢᠯ ᠡᠳᠦᠷ ᠢᠷᠡᠬᠦᠶᠡ ᠪᠠᠶᠠᠯᠢᠭ᠍ᠵᠢᠨ᠂ ᠡᠳᠦᠷ ᠲᠤᠳᠤᠮᠤᠨ ᠬᠡᠷᠡᠭᠯᠡᠭᠡᠶᠢᠨ ᠪᠦᠷᠢᠨ ᠪᠠᠷᠠᠭᠠ᠂ ᠡᠯᠧᠺᠲᠷᠣᠨ ᠦᠢᠯᠡᠳᠬᠦᠨ᠂ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠮᠠᠰᠢᠨ ᠲᠡᠷᠭᠡ᠂ ᠢᠳᠡᠰᠢᠨ ᠲᠣᠰᠣ᠌᠂ ᠬᠠᠪᠲᠠᠰᠤᠨ ᠮᠠᠲᠧᠷᠢᠶᠠᠯ ᠵᠡᠷᠭᠡ 12 ᠲᠣᠮᠣ᠌ ᠲᠦᠷᠦᠯ ᠵᠦᠢᠯᠢ ᠬᠠᠮᠤᠷᠴᠤ᠂ ᠥᠨᠳᠥᠷ ᠨᠡᠮᠡᠯᠲᠡ ᠦᠷᠳᠡᠭᠲᠠᠢ᠂ ᠳᠡᠭᠡᠳᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭ᠌ᠨᠢᠭ᠌ ᠮᠡᠷᠭᠡᠵᠢᠯᠦᠨ ᠦᠢᠯᠡᠳᠬᠦᠨᠦ ᠨᠡᠮᠡᠭᠳᠡᠯᠦᠨ ᠪᠠᠢᠳᠠᠯ ᠢᠯᠡᠳᠲᠡ ᠪᠣᠯᠪᠠ᠃
ᠣᠢᠯᠠᠭᠠᠭᠰᠠᠨᠢᠶᠠᠷ ᠂ ᠮᠠᠨᠵᠤᠤᠷᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶᠢᠨ ᠪᠣᠭᠣᠮᠲᠠᠶᠢᠨ ᠬᠢᠨ 《 ᠪᠠᠷᠠᠭᠠ ᠳᠣᠬᠢᠷᠠᠭᠤᠯᠤᠨ ᠲᠡᠭᠡᠭᠡᠪᠦᠷᠢᠯᠡᠬᠦ ᠬᠦᠷᠢᠶᠡ 》 ᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠬᠤ ᠠᠵᠢᠯᠤᠨ ᠲᠣᠭᠲᠠᠴᠠᠶᠢ ᠪᠥᠬᠥ ᠬᠦᠴᠦᠨᠢᠶᠡᠷᠢᠶᠡᠨ ᠰᠠᠢᠲᠤᠷ ᠠᠰᠢᠭ᠍ᠯᠠᠵᠤ ᠂ ᠪᠤᠴᠠᠵᠤ ᠢᠷᠡᠬᠦ ᠳᠤᠮᠳᠠᠳᠤ ᠡᠸᠦ᠋ᠷᠦᠫᠡᠶᠢᠨ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠳᠦ ᠪᠦᠬᠦᠯᠢ ᠴᠤᠪᠤᠭᠠᠪᠠᠷ ᠠᠪᠴᠤ ᠬᠦᠷᠭᠡᠬᠦᠶᠢ ᠬᠡᠷᠡᠭᠵᠢᠭᠦᠯᠵᠦ ᠂ ᠲᠡᠷᠭᠡ ᠲᠣᠬᠢᠷᠠᠭᠤᠯᠬᠤ ᠠᠵᠢᠯᠤᠨ ᠲᠣᠭᠠᠶᠢ ᠪᠠᠭᠠᠰᠬᠠᠨ ᠂ ᠲᠡᠷᠭᠡ ᠲᠣᠬᠢᠷᠠᠭᠤᠯᠬᠤ ᠮᠠᠰᠢᠨᠤ ᠴᠢᠳᠠᠪᠤᠷᠢᠶᠢ ᠭᠦᠢᠴᠡᠳ ᠠᠰᠢᠭ᠍ᠯᠠᠨ ᠂ ᠲᠦᠭᠵᠢᠷᠡᠯ ᠪᠠ ᠰᠠᠭᠠᠳᠢ ᠠᠷᠢᠯᠭᠠᠵᠤ ᠂ ᠵᠢᠰᠢᠶᠠᠨᠤ ᠭᠠᠯᠲᠤ ᠲᠡᠷᠭᠡᠶᠢᠨ ᠲᠦᠷᠭᠡᠨ ᠬᠥᠳᠡᠯᠬᠦᠳᠦ ᠨᠥᠬᠥᠴᠡᠯ ᠪᠦᠷᠢᠯᠳᠦᠭᠦᠯᠵᠦ ᠥᠭᠭᠦᠭᠰᠡᠨ ᠪᠠᠢᠨᠠ ᠃
