9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 20 ᠤ ᠡᠳᠦᠷ᠂ ᠬᠠᠭᠠᠰ ᠬᠡᠦᠷᠡᠰᠦᠶ᠋ᠢ ᠳᠦᠭᠦᠷᠲᠡᠯᠡ ᠲᠡᠭᠡᠭᠡᠭᠰᠡᠨ ᠨᠢᠭᠡᠨ ᠴᠤᠪᠤᠭᠠ 48 ᠲᠡᠷᠭᠡ ᠪᠦᠬᠦᠢ ᠥᠷᠭᠡᠨ ᠵᠠᠮᠤᠨ ᠬᠦᠨᠳᠦ ᠠᠴᠢᠶᠠᠨᠤ ᠭᠠᠯᠲᠤ ᠲᠡᠷᠭᠡ ᠡᠷᠢᠶᠡᠨ ᠬᠣᠲᠠᠠᠴᠠ ᠮᠣᠩᠭᠣᠯ ᠤᠯᠤᠰᠤᠨ ᠪᠠᠶᠠᠨ ᠵᠦᠭ ᠮᠣᠷᠳᠠᠪᠠ᠂ ᠡᠨᠡ ᠨᠢ ᠡᠷᠢᠶᠡᠨ ᠬᠣᠲᠠᠶᠢᠨ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶ᠋ᠢᠨ ᠪᠣᠭᠣᠮᠲᠠᠶ᠋ᠢᠨ ᠬᠢᠨ ᠮᠣᠩᠭᠣᠯ ᠤᠯᠤᠰᠤᠨ ᠥᠷᠭᠡᠨ ᠲᠡᠮᠦᠷ ᠵᠠᠮᠳᠠᠬᠢ ᠪᠠᠷᠠᠭᠠ ᠪᠠᠭᠤᠯᠭᠠᠭ᠍ᠰᠠᠨ ᠬᠣᠭᠣᠰᠤᠨ ᠵᠠᠳᠠᠭᠠᠢ ᠲᠡᠷᠭᠡᠶᠢ ᠨᠢ ᠠᠰᠢᠭ᠍ᠯᠠᠨ ᠲᠡᠭᠡᠭᠡᠪᠦᠷᠢᠯᠡᠭ᠌ᠰᠡᠨ ᠬᠠᠭᠠᠰ ᠬᠡᠦᠷᠡᠰᠦᠶ᠋ᠢ ᠮᠣᠩᠭᠣᠯ ᠤᠯᠤᠰᠲᠤ ᠵᠢᠩᠬᠢᠨᠢᠪᠡᠷ ᠭᠠᠷᠭᠠᠵᠤ ᠪᠠᠢᠭᠠᠶᠢ ᠬᠠᠷᠠᠭᠤᠯᠪᠠ᠃
ᠡᠨᠡ ᠬᠦ᠌ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡᠨᠦ ᠲᠦᠷᠦᠯ ᠵᠦᠢᠯᠤᠨ ᠥᠨᠳᠥᠷ ᠪᠦᠲᠦᠮᠵᠢᠲᠡᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠯᠲᠠᠶ᠋ᠢ ᠠᠬᠢᠭᠤᠯᠬᠤᠶᠢᠨ ᠲᠥᠯᠥᠭᠡ᠂ ᠡᠷᠢᠶᠡᠨᠦ ᠲᠡᠮᠦᠷ ᠵᠠᠮᠤᠨ ᠬᠢᠯᠢᠶ᠋ᠢᠨ ᠪᠣᠭᠣᠮᠲᠠᠶᠢᠨ ᠬᠢᠨ 《ᠬᠠᠮ ᠠᠷᠭᠠ ᠪᠣᠳᠣᠯᠭᠠ》 ᠬᠡᠷᠡᠭᠯᠡᠵᠡᠢ᠃ ᠨᠢᠭᠡ ᠲᠠᠯᠠᠪᠠᠷ᠂ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠨ ᠡᠵᠡᠩᠨᠡᠨ ᠪᠣᠷᠣᠯᠠᠭᠤᠯᠬᠤ ᠲᠣᠭᠲᠠᠴᠠᠶᠢ ᠭᠦᠢᠴᠡᠳ ᠬᠥᠭᠵᠢᠭᠡᠵᠦ᠂ ᠡᠵᠡᠩᠨᠡᠨ ᠪᠣᠷᠣᠯᠠᠭᠤᠯᠬᠤ ᠲᠤᠰᠬᠠᠢ ᠳᠤᠭᠤᠢ᠍ᠢᠯᠠᠩ ᠪᠠ ᠲᠡᠭᠡᠭᠡᠪᠦᠷᠢᠶᠢᠨ ᠪᠠᠲᠤᠯᠠᠭᠠᠶᠢᠨ ᠲᠤᠰᠬᠠᠢ ᠠᠩᠭᠢ ᠪᠠᠢᠭᠤᠯᠵᠤ᠂ ᠬᠠᠭᠠᠰ ᠬᠡᠦᠷᠡᠰᠦᠶ᠋ᠢᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠠᠵᠤ ᠠᠬᠤᠢᠯᠠᠯ᠂ ᠪᠠᠷᠠᠭᠠᠨᠤ ᠲᠡᠭᠡᠭᠡᠪᠦᠷᠢᠶᠢᠨ ᠣᠷᠣᠯᠠᠨ ᠭᠦᠢᠴᠡᠳᠬᠡᠬᠦ ᠺᠣᠮᠫᠠᠨᠢ ᠵᠢᠴᠢ ᠲᠡᠭᠡᠭᠡᠪᠦᠷᠢᠶᠢᠨ ᠪᠤᠰᠤ ᠠᠵᠤ ᠠᠬᠤᠢᠯᠠᠯ ᠯᠤᠭᠠ ᠬᠣᠯᠪᠤᠭᠠᠯᠠᠨ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ ᠭᠦᠨᠵᠡᠭᠡᠢᠷᠡᠨ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠲᠠ ᠬᠢᠵᠦ᠂ ᠮᠣᠩᠭᠣᠯ ᠤᠯᠤᠰᠤᠨ ᠥᠷᠭᠡᠨ ᠲᠡᠮᠦᠷ ᠵᠠᠮᠢᠶᠠᠷ 《ᠳᠠᠬᠢᠨᠲᠠ ᠳᠦᠭᠦᠷᠡᠩ ᠠᠴᠢᠶᠠ ᠲᠠᠢ ᠭᠠᠷᠴᠤ᠌ ᠣᠷᠣᠬᠤ》 ᠳᠡᠭᠦᠵᠢᠩ ᠮᠠᠶᠢᠭ᠋ᠤᠨ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡᠨᠦ ᠲᠥᠰᠥᠯᠢ ᠰᠢᠨᠡᠪᠡᠷ ᠡᠭᠦᠳᠦᠨ ᠲᠥᠯᠥᠪᠯᠡᠵᠦ ᠭᠠᠷᠭᠠᠪᠠ； ᠨᠥᠭᠥᠭᠡ ᠲᠠᠯᠠᠪᠠᠷ᠂ ᠳᠤᠮᠳᠠᠳᠤ ᠪᠠ ᠮᠣᠩᠭᠣᠯᠤᠨ ᠤᠯᠤᠰᠤᠨ ᠬᠢᠯᠢᠳᠠᠬᠢ ᠲᠡᠮᠦᠷ ᠵᠠᠮᠤᠨ 《ᠡᠳᠦᠷ ᠪᠣᠯᠭᠠᠨ ᠶᠠᠷᠢᠯᠴᠠᠨ ᠵᠣᠬᠢᠴᠠᠭᠤᠯᠬᠤ᠂ ᠰᠠᠷᠠ ᠪᠦᠷᠢ ᠠᠭᠤᠯᠵᠠᠨ ᠲᠦᠯᠦᠪᠵᠢᠭᠦᠯᠬᠦ᠌》 ᠨᠡᠪᠲᠡᠷᠡᠯᠴᠡᠬᠦ ᠲᠣᠭᠲᠠᠴᠠᠳᠤ ᠲᠦᠰᠢᠭᠯᠡᠨ᠂ ᠲᠡᠭᠡᠭᠡᠪᠦᠷᠢᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠬᠤ ᠴᠤᠪᠤᠷᠠᠯᠢᠶᠠᠨ ᠬᠥᠳᠡᠯᠦᠩᠭᠦᠢᠪᠡᠷ ᠰᠢᠯᠢᠳᠡᠭᠵᠢᠭᠦᠯᠵᠦ᠂ ᠭᠠᠯᠲᠤ ᠲᠡᠷᠭᠡᠨᠦ ᠠᠵᠢᠯᠯᠠᠭᠠᠨᠤ ᠲᠥᠯᠥᠪᠯᠡᠭᠡᠶᠢ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢᠪᠠᠷ ᠲᠣᠭᠲᠠᠭᠠᠵᠤ᠂ 《ᠤᠷᠢᠳᠢᠶᠠᠷ ᠠᠴᠢᠶᠠᠯᠠᠬᠤ᠂ ᠤᠷᠢᠳᠢᠶᠠᠷ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ᠂ ᠤᠷᠢᠳᠢᠶᠠᠷ ᠶᠠᠪᠤᠭᠤᠯᠬᠤ》 《ᠭᠤᠷᠪᠠᠶ᠋ᠢ ᠤᠷᠢᠳᠢᠶᠠᠷ ᠬᠡᠷᠡᠭ᠌ᠵᠢᠭᠦᠯᠬᠦ᠌》 ᠠᠷᠭᠠ ᠬᠡᠮᠵᠢᠶᠡᠪᠡᠷ ᠳᠠᠮᠵᠢᠭᠤᠯᠤᠨ᠂ ᠬᠠᠭᠠᠰ ᠬᠡᠦᠷᠡᠰᠦᠶ᠋ᠢᠨ ᠲᠤᠰᠬᠠᠢ ᠭᠠᠯᠲᠤ ᠲᠡᠷᠭᠡᠶᠢᠨ ᠥᠨᠳᠥᠷ ᠪᠦᠲᠦᠮᠵᠢᠲᠡᠶ ᠪᠥᠭᠡᠳ ᠲᠣᠭᠲᠠᠭᠤᠨᠢᠶᠠᠷ ᠠᠵᠢᠯᠯᠠᠬᠤᠶ᠋ᠢ ᠪᠠᠲᠤᠯᠠᠵᠠᠢ᠃
ᠲᠤᠰ ᠤᠳᠠᠭᠠᠨᠤ ᠲᠤᠰᠬᠠᠢ ᠭᠠᠯᠲᠤ ᠲᠡᠷᠭᠡᠶᠢ ᠠᠩᠬᠠ ᠨᠡᠪᠲᠡᠷᠡᠭᠦᠯᠦᠭ᠌ᠰᠡᠨ ᠨᠢ ᠠᠯᠤᠰ ᠬᠡᠳᠦᠶᠢᠨ ᠠᠴᠢ ᠬᠣᠯᠪᠣᠭ᠍ᠳᠠᠯ ᠲᠠᠢ ᠶᠤᠮ᠃ ᠡᠷᠢᠶᠡᠨᠦ ᠲᠡᠷᠭᠡᠨ ᠥᠷᠲᠡᠭᠡᠨᠦ ᠥᠷᠭᠡᠨ ᠲᠡᠮᠦᠷ ᠵᠠᠮᠳᠤ ᠪᠠᠷᠠᠭᠠ ᠪᠠᠭᠤᠯᠭᠠᠭ᠍ᠰᠠᠨ ᠬᠣᠭᠣᠰᠣᠨ ᠵᠠᠳᠠᠭᠠᠢ ᠲᠡᠷᠭᠡᠨᠦ ᠡᠬᠢ ᠪᠠᠶᠠᠯᠢᠭ᠋ᠤᠨ ᠳᠠᠪᠠᠭᠤᠯᠢᠭ᠋ᠢ ᠭᠦᠢᠴᠡᠳ ᠠᠭᠤᠳᠠᠯᠵᠤ᠂ ᠬᠢᠯᠢᠶ᠋ᠢᠨ ᠪᠣᠭᠣᠮᠲᠠᠪᠠᠷ ᠥᠩᠭᠡᠷᠡᠬᠦ ᠲᠡᠭᠡᠭᠡᠪᠦᠷᠢᠶᠢᠨ ᠦᠷᠡ ᠪᠦᠲᠦᠮᠵᠢᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠠᠵᠤ ᠠᠬᠤᠢᠯᠠᠯᠤᠨ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡᠨᠦ ᠥᠪᠡᠷᠦᠨ ᠥᠷᠲᠡᠭᠢ ᠪᠠᠭᠤᠷᠠᠭᠤᠯᠤᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠦ᠍ ᠳᠤᠮᠳᠠᠳᠤ ᠪᠠ ᠮᠣᠩᠭᠣᠯᠤᠨ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠᠨᠤ ᠬᠠᠮᠲᠤᠷᠠᠯᠴᠠᠭᠠᠶ᠋ᠢ ᠭᠦᠨᠵᠡᠭᠡᠢᠷᠡᠭᠦᠯᠬᠦᠳᠦ ᠰᠢᠨᠡ ᠵᠠᠮᠢ ᠨᠡᠭᠡᠭᠡᠭ᠌ᠰᠡᠨ ᠪᠠᠢᠨᠠ᠃ ᠳᠠᠷᠠᠭᠠᠴᠢᠶ᠋ᠢᠨ ᠠᠯᠬᠤᠮᠳᠤ᠂ ᠡᠷᠢᠶᠡᠨ ᠬᠤᠳᠠᠶᠢᠨ ᠬᠢᠨ ᠲᠤᠰ ᠤᠳᠠᠭᠠᠨᠤ ᠠᠱᠢᠭ᠍ᠯᠠᠭ᠍ᠰᠠᠨ ᠠᠩᠬᠠᠳᠠᠬᠢ ᠭᠠᠯᠲᠤ ᠲᠡᠷᠭᠡᠪᠡᠷ ᠠᠵᠠ ᠲᠣᠬᠢᠶᠠᠯ ᠪᠣᠯᠭᠠᠵᠤ᠂ ᠬᠢᠯᠢᠶ᠋ᠢᠨ ᠪᠣᠭᠣᠮᠲᠠᠶᠢᠨ ᠣᠷᠣᠨ ᠪᠠᠢᠷᠢᠶᠢᠨ ᠳᠠᠪᠠᠭᠤᠯᠢᠭ᠋ᠢᠶᠠᠨ ᠦᠷᠭᠦᠯᠵᠢᠯᠡᠨ ᠥᠷᠭᠡᠳᠬᠡᠵᠦ᠂ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡᠨᠦ ᠬᠡᠪ ᠵᠠᠭᠪᠤᠷ ᠪᠣᠯᠣᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠲᠣᠭᠲᠠᠴᠠᠳᠤ ᠰᠢᠨᠡᠶᠢ ᠡᠭᠦᠳᠴᠦ᠂ ᠤᠯᠤᠰᠤᠨ ᠤᠮᠠᠷᠠᠰᠢ ᠨᠡᠭᠡᠭᠡᠯᠲᠡ ᠬᠢᠬᠦ ᠴᠢᠬᠤᠯᠠ ᠪᠡᠬᠢᠯᠡᠯᠲᠡᠶᠢᠨ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠲᠤᠯᠭᠠᠭᠤᠷᠢᠯᠠᠬᠤ ᠴᠡᠭᠢ ᠲᠦᠷᠭᠡᠳᠭᠡᠨ ᠪᠠᠢᠭᠤᠯᠵᠤ᠂ ᠳᠤᠮᠳᠠᠳᠤ ᠪᠠ ᠮᠣᠩᠭᠣᠯ ᠬᠣᠶᠠᠷ ᠤᠯᠤᠰᠤᠨ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠᠨᠤ ᠶᠠᠪᠤᠯᠴᠠᠭᠠᠳᠤ ᠨᠡᠩ ᠤᠯᠠᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠨᠡᠮᠡᠷᠢᠯᠡᠬᠦ᠌ ᠪᠣᠯᠣᠨᠠ᠃
