10 ᠳ᠋ᠤᠭᠠᠷ ᠰᠠᠷᠠᠶᠢᠨ 14 ᠦ ᠡᠳᠦᠷᠡᠴᠡ 15 ᠤ ᠡᠳᠦᠷ ᠪᠣᠯᠲᠠᠯᠠ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠷᠠᠯᠢᠭ᠋ᠤᠨ ᠨᠠᠢᠷ ᠬᠢᠭᠡᠳ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠸᠸᠨ ᠬᠤᠸᠠ ᠱᠠᠩᠨᠠᠯᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠᠶᠢᠨ ᠠᠵᠢᠯᠯᠠᠭᠠ ᠴᠦᠩᠴᠢᠩᠳᠦ ᠶᠠᠪᠤᠭᠳᠠᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠤᠷᠠᠯᠢᠭ᠋ ᠵᠦᠴᠦᠭᠡᠶᠢᠨ ᠬᠦᠷᠢᠶᠡᠯᠡᠩᠦᠨ ᠵᠣᠬᠢᠶᠠᠨ ᠪᠦᠲᠦᠭᠡᠭ᠌ᠰᠡᠨ ᠳᠠᠭᠤᠷᠢ 《ᠵᠠᠩᠭᠠᠷ》 ᠨᠢ ᠸᠸᠨ ᠬᠤᠸᠠ ᠱᠠᠩᠨᠠᠯᠤᠨ ᠡᠴᠦᠰᠦᠨ ᠰᠢᠯᠭᠠᠷᠠᠭᠤᠯᠤᠯᠲᠠᠳᠤ ᠣᠷᠣᠭᠰᠠᠨ ᠥᠪᠥᠷ ᠮᠣᠩᠭᠣᠯᠤᠨ ᠪᠦᠲᠦᠭᠡᠯᠤᠳᠤᠨ ᠨᠢᠭᠡ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠴᠦᠩᠴᠢᠩᠦᠨ ᠭᠦᠸᠧ ᠲᠠᠢ ᠵᠦᠴᠦᠭᠡᠶᠢᠨ ᠬᠦᠷᠢᠶᠡᠯᠡᠩᠦᠨ ᠲᠠᠢᠰᠠᠨᠳᠤ ᠭᠠᠷᠴᠤ᠂ ᠸᠸᠨ ᠬᠤᠸᠠ ᠱᠠᠩᠨᠠᠯᠤᠨ ᠰᠢᠷᠦᠭᠦᠨ ᠥᠷᠢᠰᠦᠯᠳᠦᠭᠡᠨᠳᠦ ᠣᠷᠣᠯᠴᠠᠭ᠍ᠰᠠᠨ ᠪᠠᠢᠨᠠ᠃
10 ᠳ᠋ᠤᠭᠠᠷ ᠰᠠᠷᠠᠶ᠋ᠢᠨ 14 ᠦ ᠣᠷᠣᠢᠶ᠋ᠢᠨ ᠭᠦᠸᠧ ᠲᠠᠢ ᠵᠦᠴᠦᠭᠡᠶ᠋ᠢᠨ ᠬᠦᠷᠢᠶᠡᠯᠡᠩᠳᠦ ᠬᠦᠮᠦᠨ ᠬᠠᠷᠠ ᠴᠤᠭ᠍ᠯᠠᠷᠠᠨ ᠬᠥᠯ ᠬᠥᠭ᠌ᠵᠢᠶᠡᠨ ᠶᠡᠬᠡᠲᠡᠢ᠃ ᠢᠷᠠᠭᠤ ᠴᠡᠭᠡᠯᠬᠡᠨ ᠤᠷᠳᠤᠶᠢᠨ ᠳᠠᠭᠤᠤᠶ᠋ᠢᠨ ᠳᠤᠮᠳᠠ᠂ ᠳᠠᠭᠤᠷᠢ 《ᠵᠠᠩᠭᠠᠷ》 ᠠᠯᠭᠤᠷᠬᠠᠨᠢᠶᠠᠷ ᠬᠥᠰᠢᠭᠡᠪᠡᠨ ᠰᠡᠬᠦᠪᠡ᠃
ᠲᠤᠰ ᠤᠳᠠᠭᠠᠨᠤ ᠲᠣᠭᠯᠠᠯᠲᠠᠶ᠋ᠢᠨ ᠪᠦᠷᠢᠯᠳᠦᠭᠦᠨ ᠨᠢ ᠴᠦᠮ ᠥᠪᠥᠷ ᠮᠣᠩᠭᠣᠯᠤᠨ ᠤᠷᠠᠯᠢᠭ᠋ ᠵᠦᠴᠦᠭᠡᠶᠢᠨ ᠬᠦᠷᠢᠶᠡᠯᠡᠩᠦᠨ ᠡᠯᠡ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠦᠨ ᠲᠣᠭᠯᠠᠭ᠍ᠴᠢᠳ ᠪᠣᠯᠣᠨᠠ᠂ ᠲᠡᠳᠡ ᠬᠡᠬᠦᠳᠡᠭ ᠳᠦᠭᠦᠷᠡᠩ ᠤᠷᠮᠠ ᠰᠡᠳᠬᠢᠯᠭᠡᠪᠡᠷ ᠵᠠᠩᠭᠠᠷᠤᠨ ᠭᠠᠢᠬᠠᠮᠰᠢᠭ᠍ᠲᠤ ᠨᠢᠭᠡ ᠨᠠᠰᠤᠶᠢ ᠭᠣᠴᠣ ᠰᠠᠢᠬᠠᠨ ᠲᠣᠭ᠍ᠯᠠᠨ ᠦᠵᠡᠭᠦᠯᠵᠡᠢ᠃ ᠨᠠᠢᠷᠠᠯ ᠬᠥᠭᠵᠢᠮᠦᠨ ᠪᠦᠯᠬᠦᠮᠤᠨ ᠬᠥᠭ᠌ᠵᠢᠮᠳᠡᠵᠦ᠍ ᠲᠣᠭᠯᠠᠭ᠍ᠴᠢᠳᠤᠨ ᠲᠣᠭ᠍ᠯᠠᠭ᠍ᠰᠠᠨ ᠨᠢ ᠦᠵᠡᠭᠴᠢᠳᠢ ᠰᠦᠷ ᠳᠠᠯᠠᠢᠴᠠᠲᠠᠢ ᠪᠠᠭᠠᠲᠤᠷᠯᠢᠭ᠋ ᠴᠠᠭ ᠦᠶᠡᠳᠦ ᠪᠠᠢᠭᠠ ᠮᠡᠲᠤ ᠰᠠᠨᠠᠭ᠍ᠳᠠᠭᠤᠯᠤᠨᠠ᠃ ᠲᠣᠭᠯᠠᠭ᠍ᠴᠢᠳ ᠭᠣᠶᠣ ᠰᠠᠢᠬᠠᠨ ᠦᠨᠳᠦᠰᠦᠲᠡᠨᠦ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠷᠢᠶᠠᠨ ᠭᠣᠶᠣᠵᠤ᠂ ᠭᠣᠢᠳᠠ ᠰᠠᠢᠬᠠᠨ ᠲᠣᠭ᠍ᠯᠠᠯᠲᠠ ᠪᠠ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠠᠶᠠ ᠳᠠᠭᠤᠤᠪᠠᠷᠢᠶᠠᠨ ᠵᠠᠩᠭᠠᠷᠤᠨ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠋᠂ ᠰᠡᠷᠭᠦᠯᠡᠩ ᠤᠬᠠᠭᠠᠨᠢ ᠵᠢᠷᠤᠭ᠍ᠯᠠᠨ ᠪᠦᠲᠦᠭᠡᠵᠡᠢ᠃
《ᠰᠡᠳᠭᠢᠯ ᠳᠣᠭ᠍ᠳᠣᠯᠤᠭᠤᠯᠤᠮᠠ ᠶ᠋ᠢᠨ ᠦᠪᠡᠳᠡᠭᠰᠢ ᠨᠠᠢᠷ ᠪᠣᠯᠵᠠᠢ！ ᠥᠪᠥᠷ ᠮᠣᠩᠭᠣᠯᠤᠨ ᠳᠠᠭᠤᠤ ᠪᠥᠵᠢᠭ ᠨᠡᠷᠡ ᠠᠯᠳᠠᠷᠱᠢᠭ᠍ᠰᠠᠨ ᠶᠤᠮ᠂ ᠠᠬᠤᠢ ᠲᠠᠯᠠᠪᠠᠢᠶ᠋ᠢᠨ ᠲᠣᠭ᠍ᠯᠠᠯᠲᠠ ᠨᠠᠮᠠᠶ᠋ᠢ ᠶᠡᠬᠡᠪᠡᠷ ᠳᠣᠭ᠍ᠳᠣᠯᠣᠭᠤᠯᠵᠠᠢ》 ᠬᠡᠮᠡᠨ ᠴᠦᠩᠴᠢᠩᠦᠨ ᠦᠵᠡᠭ᠌ᠴᠢ ᠶᠠᠩ ᠳ᠋ᠦᠩ ᠶᠠᠷᠢᠵᠠᠢ᠃ ᠲᠡᠭᠦᠨᠦ ᠦᠵᠡᠬᠦᠪᠡᠷ ᠡᠨᠡ ᠬᠦ᠌ ᠳᠠᠭᠤᠷᠢᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠣᠨᠴᠠᠯᠢᠭ᠋ ᠨᠢ ᠮᠠᠰᠢ ᠶᠡᠬᠡ ᠨᠥᠯᠥᠭᠡᠯᠡᠬᠦ ᠬᠦᠴᠦᠨᠲᠠᠢ᠂ ᠬᠦᠦᠷᠨᠢᠯ ᠢᠯᠡᠳᠬᠡᠯ ᠨᠢ ᠭᠦᠨ ᠠᠪᠴᠠᠯᠳᠤᠭᠠ ᠲᠠᠢ᠂ ᠲᠠᠢᠰᠠᠨᠳᠠᠬᠢ ᠰᠠᠨᠠᠭᠠ ᠠᠬᠤᠢ ᠨᠢ ᠭᠦᠨ ᠭᠦᠨᠵᠡᠭᠡᠢ᠂ ᠬᠥᠮᠥᠰᠦᠨ ᠰᠡᠳᠬᠢᠯᠢ ᠬᠥᠳᠡᠯᠭᠡᠮᠡ ᠪᠦᠭᠡᠳ ᠰᠡᠳᠬᠢᠭᠦᠰᠢᠲᠡᠢ ᠰᠣᠳᠣᠨ ᠪᠦᠲᠦᠭᠡᠯ ᠪᠣᠯᠣᠨᠠ᠃
ᠳᠠᠭᠤᠷᠢ 《ᠵᠠᠩᠭᠠᠷ》ᠢ ᠺᠧ ᠮᠢᠩ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠭᠤᠷᠪᠠᠨ ᠶᠠᠬᠡ ᠲᠤᠤᠯᠢᠶ᠋ᠢᠨ ᠨᠢᠭᠡ ᠪᠣᠯᠬᠤ 《ᠵᠠᠩᠭᠠᠷ》ᠢᠶᠡᠷ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶ᠋ᠢᠨ ᠡᠬᠡ ᠳᠡᠪᠲᠡᠷᠢᠶᠡᠨ ᠪᠣᠯᠭᠠᠵᠠᠢ᠂ ᠬᠦᠮᠦᠨ ᠣᠯᠠᠨᠤ ᠬᠠᠢᠷᠠ ᠬᠠᠯᠠᠮᠵᠢᠪᠠᠷ ᠵᠠᠩᠭᠠᠷ ᠦᠰᠦᠨ ᠪᠣᠢᠵᠢᠵᠤ᠂ ᠠᠷᠠᠳ ᠣᠯᠠᠨᠢᠶᠠᠨ ᠳᠠᠭᠠᠭᠤᠯᠤᠨ ᠰᠡᠳᠭᠢᠯ ᠨᠢᠭᠡᠳᠬᠡᠨ ᠬᠦᠴᠦᠪᠡᠨ ᠬᠠᠮᠲᠤᠳᠬᠠᠵᠤ ᠮᠠᠩᠭᠤᠰᠢ ᠳᠠᠷᠤᠵᠤ᠂ ᠪᠠᠲᠤ ᠴᠢᠩᠭᠠ ᠢᠲᠡᠭᠡᠯ ᠵᠣᠷᠢᠭ᠋ ᠪᠠ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠯᠢᠶᠠᠷ ᠰᠠᠢᠨ ᠰᠠᠢᠬᠠᠨ ᠭᠡᠷ ᠣᠷᠣᠨᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠨ ᠥᠯᠢᠭᠡᠷᠢ ᠶᠠᠷᠢᠵᠠᠢ᠃
ᠶᠡᠷᠦᠩᠬᠡᠢ ᠤᠳᠤᠷᠢᠳᠤᠭᠠᠴᠢ ᠴᠧᠨ ᠸᠧᠢ᠄ 《ᠳᠠᠭᠤᠷᠢ 〈ᠵᠠᠩᠭᠠᠷ〉 ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠯᠪᠡᠷᠢ ᠮᠠᠶᠢᠭ᠋᠂ ᠦᠨᠳᠦᠰᠦᠲᠡᠨᠦ ᠵᠣᠷᠢᠭ᠋ ᠰᠠᠨᠠᠭᠠ᠂ ᠣᠲᠣ᠌ ᠦᠶᠡᠶ᠋ᠢᠨ ᠭᠣᠸᠠ ᠲᠠᠭᠠᠰᠢᠶᠠᠯ᠂ ᠣᠯᠠᠨ ᠤᠯᠤᠰᠤᠨ ᠬᠡᠪ ᠨᠠᠮᠪᠠᠭᠠ ᠵᠡᠷᠭᠡ ᠳᠥᠷᠪᠡᠨ ᠣᠨᠴᠠᠯᠢᠭ᠋ᠲᠠᠢ᠂ ᠦᠨᠳᠦᠰᠦᠲᠡᠨᠦ ᠲᠤᠤᠯᠢᠶ᠋ᠢᠨ ᠲᠠᠢᠰᠠᠨᠳᠡᠬᠢ ᠱᠢᠨᠡ ᠠᠮᠢᠯᠠᠯ ᠪᠣᠯᠣᠨᠠ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠷᠠᠯᠢᠭ᠋ᠤᠨ ᠨᠠᠢᠷᠤᠨ ᠲᠠᠪᠴᠠᠩᠢᠶᠠᠷ ᠡᠨᠡ ᠬᠦ᠌ ᠥᠯᠢᠭᠡᠷᠢ ᠨᠠᠩ ᠣᠯᠠᠨ ᠬᠥᠮᠥᠨᠳᠦ ᠰᠣᠨᠢᠷᠬᠠᠭᠤᠯᠵᠤ ᠰᠣᠨᠣᠷᠳᠠᠭᠤᠯᠤᠭ᠍ᠰᠠᠨ ᠨᠢ ᠮᠠᠰᠢ ᠶᠡᠬᠡ ᠤᠳᠬᠠ ᠠᠭᠤᠯᠭᠠᠲᠠᠢ ᠰᠠᠨᠠᠭᠳᠠᠭᠰᠠᠨ ᠶᠤᠮ》 ᠭᠡᠵᠡᠢ᠃
ᠲᠤᠰ ᠳᠠᠭᠤᠷᠢᠶ᠋ᠢ 2023 ᠣᠨᠤ 12 ᠳ᠋ᠤᠭᠠᠷ ᠰᠠᠷᠠᠶᠢᠨ 25 ᠤ ᠡᠳᠦᠷ ᠬᠥᠬᠡᠬᠣᠲᠠᠳᠤ ᠠᠩᠬᠠ ᠲᠣᠭᠯᠠᠵᠤ᠂ ᠡᠳᠦᠭᠡ ᠪᠣᠯᠲᠠᠯᠠ ᠨᠢᠭᠡᠨᠲᠡ 20 ᠭᠠᠷᠤᠢ ᠲᠠᠯᠠᠪᠠᠢ ᠲᠣᠭᠯᠠᠵᠠᠢ᠃ ᠡᠨᠡ ᠵᠢᠯᠦᠨ 8 ᠳ᠋ᠤᠭᠠᠷ ᠰᠠᠷᠠᠳᠤ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠸᠸᠨ ᠬᠤᠸᠠ ᠵᠦᠴᠦᠭᠡᠶ᠋ᠢᠨ ᠪᠦᠲᠦᠭᠡᠯᠦᠨ ᠱᠠᠩᠨᠠᠯᠤᠨ ᠡᠴᠦᠰᠦᠨ ᠰᠢᠯᠭᠠᠷᠠᠭᠤᠯᠤᠯᠲᠠᠳᠤ ᠨᠡᠷᠡ ᠳᠤᠷᠠᠳᠤᠭᠳᠠᠭᠰᠠᠨ ᠪᠥᠭᠡᠳ ᠤᠷᠢᠯᠭᠠᠪᠠᠷ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠷᠠᠯᠢᠭ᠋ᠤᠨ ᠨᠠᠢᠷᠲᠤ ᠣᠷᠣᠯᠴᠠᠭ᠍ᠰᠠᠨ ᠪᠠᠢᠨᠠ᠃
