ᠡᠨᠳᠡᠬᠢ ᠡᠯᠡᠰᠦᠡᠴᠡ ᠭᠤᠯᠭᠤᠨ ᠪᠠᠭᠤᠬᠤᠳᠤ ᠬᠥᠩᠭᠢᠨᠡᠮᠡ ᠪᠦᠷᠢᠶᠡᠨ ᠳᠠᠭᠤ ᠰᠣᠨᠣᠰᠳᠠᠬᠤ ᠪᠣᠯᠬᠣᠷ ᠪᠦᠷᠢᠶᠡ ᠮᠠᠩᠬᠠ ᠭᠡᠮᠡᠨ ᠨᠡᠷᠡᠯᠡᠭᠳᠡᠭᠰᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ AAAA ᠳᠡᠰᠦᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶᠢᠨ ᠣᠷᠣᠨ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠣᠷᠳᠣᠰᠤᠨ ᠬᠥᠪᠴᠢᠶᠢᠨ ᠡᠯᠡᠰᠦᠶ᠋ᠢᠨ ᠵᠡᠭᠦᠨ ᠵᠠᠬᠠᠳᠤ ᠪᠠᠢᠷᠢᠯᠠᠵᠤ ᠪᠤᠢ᠃ 《ᠬᠥᠪᠴᠢ》 ᠭᠡᠳᠡᠭ ᠨᠢ ᠮᠣᠩᠭᠣᠯ ᠦᠭᠡ᠂ ᠬᠢᠲᠠᠳ ᠬᠡᠯᠡᠨᠦ《ᠨᠤᠮᠤᠶᠢᠨ ᠬᠥᠪᠴᠢ》ᠭᠡᠰᠡᠨ ᠤᠳᠬᠠ ᠲᠠᠢ᠂ ᠡᠯᠡᠰᠦᠨ ᠴᠥᠯᠦᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 16000 ᠺᠦᠸᠠᠳ᠋ ᠺᠢᠯᠣᠮᠧᠲ᠋ᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠭᠤᠷᠪᠠᠨ ᠶᠡᠬᠡ ᠡᠯᠡᠰᠦᠨ ᠴᠥᠯᠦᠨ ᠨᠢᠭᠡ ᠪᠣᠯᠣᠨᠠ᠃ ᠬᠡᠷᠪᠡ ᠬᠥᠪᠴᠢᠶᠢᠨ ᠡᠯᠡᠰᠦᠶ᠋ᠢ ᠨᠢᠭᠡᠨ ᠨᠤᠮᠤᠪᠡᠷ ᠵᠦᠢᠷᠯᠡᠪᠡᠯ᠂ ᠪᠦᠷᠢᠶᠡ ᠮᠠᠩᠬᠠ ᠪᠣᠯ ᠳᠠᠷᠤᠢ ᠡᠨᠡ ᠬᠦ᠌ 《ᠨᠤᠮᠤᠶᠢᠨ ᠬᠥᠪᠴᠢ 》 ᠪᠣᠯᠣᠨᠠ᠃
ᠪᠦᠷᠢᠶᠡ ᠮᠠᠩᠬᠠ ᠬᠢᠭᠡᠳ ᠱᠠ ᠫᠦᠸ ᠲᠧᠦ （ᠨᠢᠩᠰᠢᠶᠠᠶᠢᠨ ᠵᠥᠩ ᠸᠧᠢ）᠂ ᠮᠢᠩ ᠱᠠ ᠱᠠᠨ （ᠭᠠᠨᠰᠦᠶᠢᠨ ᠳ᠋ᠦᠨᠬᠤᠸᠠᠩ）ᠢ ᠬᠠᠮᠲᠤᠳᠤ ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠭᠤᠷᠪᠠᠨ ᠶᠡᠬᠡ ᠳᠠᠭᠤᠲᠤ ᠡᠯᠡᠰᠦ ᠭᠡᠳᠡᠭ᠂ ᠬᠥᠪᠴᠢᠶᠢᠨ ᠡᠯᠡᠰᠦ ᠪᠣᠯ ᠳᠣᠯᠣᠳᠤᠭᠠᠷ ᠶᠡᠬᠡ ᠡᠯᠡᠰᠦᠨ ᠴᠥᠯ ᠪᠣᠯᠣᠨᠠ᠂ ᠨᠥᠭᠦᠭᠡ ᠵᠢᠷᠭᠤᠭᠠᠨ ᠶᠡᠬᠡ ᠡᠯᠡᠰᠦᠨ ᠴᠥᠯ ᠨᠢ᠄ ᠲᠠᠺᠯᠢᠮᠠᠺᠠᠨ ᠡᠯᠡᠰᠦᠨ ᠴᠥᠯ᠂ ᠭᠤᠷᠪᠠᠨ ᠲᠦᠩᠭᠦᠳ ᠡᠯᠡᠰᠦᠨ ᠴᠥᠯ᠂ ᠪᠠᠳᠠᠢᠶᠢᠨ ᠵᠢᠷᠠᠨᠤ ᠡᠯᠡᠰᠦᠨ ᠴᠥᠯ᠂ ᠲᠡᠭᠷᠢ ᠡᠯᠡᠰᠦ᠂ ᠴᠠᠢᠳᠠᠮᠤᠨ ᠡᠯᠡᠰᠦᠨ ᠴᠥᠯ᠂ ᠺᠦᠨᠲ᠋ᠠᠭᠠ ᠡᠯᠡᠰᠦᠨ ᠴᠥᠯ᠂ ᠤᠯᠠᠭᠠᠨᠪᠤᠬᠠᠶᠢᠨ ᠡᠯᠡᠰᠦᠨ ᠴᠥᠯ ᠪᠣᠯᠣᠨᠠ᠃ ᠪᠦᠷᠢᠶᠡ ᠮᠠᠩᠬᠠ ᠨᠢ ᠱᠠᠨᠰᠢ᠂ ᠱᠠᠨ ᠰᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠭᠦᠷᠡᠰᠦᠨ ᠭᠠᠷᠤᠯᠲᠠᠶ᠋ᠢᠨ ᠭᠤᠷᠪᠠᠯᠵᠢᠨ ᠪᠦᠰᠡᠳᠦ ᠪᠠᠢᠷᠢᠯᠠᠨ᠂ ᠬᠥᠬᠡᠬᠣᠲᠠ᠂ ᠪᠤᠭᠤᠲᠤ ᠬᠣᠲᠠ᠂ ᠣᠷᠳᠣᠰ ᠬᠣᠲᠠᠶᠢᠨ 《ᠠᠯᠲᠠᠨ ᠭᠤᠷᠪᠠᠯᠵᠢᠨ》 ᠨᠡᠭᠡᠭᠡᠯᠲᠡᠶᠢᠨ ᠲᠣᠭᠣᠷᠢᠭ᠋ᠤᠨ ᠲᠥᠪᠲᠦ ᠪᠠᠢᠷᠢᠱᠢᠵᠤ᠂ 《ᠬᠠᠲᠤᠨ ᠭᠣᠣᠯᠤᠨ ᠠᠯᠲᠠᠨ ᠪᠦᠰᠡᠨᠤ ᠠᠯᠲᠠᠨ ᠲᠣᠪᠴᠢ 》 ᠬᠡᠮᠡᠭᠳᠡᠵᠦ᠂ ᠤᠮᠠᠷᠠᠰᠢᠪᠠᠨ ᠪᠤᠭᠤᠲᠤ ᠬᠣᠲᠠᠠᠴᠠ 48.5 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠢ᠂ ᠡᠮᠦᠨᠡᠰᠢᠪᠡᠨ ᠣᠷᠳᠣᠰ ᠬᠣᠲᠠᠠᠴᠠ 45 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠢ᠂ ᠪᠣᠭᠤᠲᠤᠠᠴᠠ ᠳ᠋ᠦᠩᠱᠧᠩ ᠬᠦᠷᠬᠦ᠌ ᠳᠡᠭᠡᠳᠦ ᠬᠤᠷᠳᠤᠶᠢᠨ ᠵᠠᠰᠠᠮᠠᠯ ᠵᠠᠮᠠᠴᠠ ᠪᠠᠷᠤᠭ 3 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠢ ᠪᠠᠢᠳᠠᠭ᠃
ᠪᠦᠷᠢᠶᠡ ᠮᠠᠩᠬᠠ ᠥᠨᠳᠥᠷᠢᠶᠠᠷᠢᠶᠠᠨ 110 ᠮᠧᠲ᠋ᠷ᠂ ᠥᠷᠭᠡᠨᠢᠶᠠᠷᠢᠶᠠᠨ 200 ᠮᠧᠲ᠋ᠷ᠂ ᠨᠠᠯᠠᠤᠴᠠ ᠨᠢ 45 ᠭᠷᠡᠳᠦ᠋ᠰ ᠪᠠᠢᠵᠤ᠂ ᠭᠠᠵᠠᠷᠤᠨ ᠪᠠᠢᠴᠠ ᠨᠢ ᠬᠠᠪᠢᠷᠭᠠᠨ ᠰᠠᠷᠠ ᠬᠡᠯᠪᠡᠷᠢᠲᠡᠢ᠂ ᠴᠤᠤᠷᠢᠶᠠ ᠲᠠᠲᠠᠳᠠᠭ ᠨᠢᠭᠡᠨ ᠭᠠᠢᠬᠠᠮᠰᠢᠭᠲᠠᠢ ᠠᠪᠤᠷᠭᠤ ᠶᠡᠬᠡ ᠮᠠᠩᠬᠠᠨ ᠬᠠᠨᠠ ᠪᠣᠯᠵᠤ ᠪᠦᠷᠢᠯᠳᠦᠭ᠌ᠰᠡᠨ ᠪᠠᠢᠨᠠ᠃ ᠨᠠᠷᠠᠨᠤ ᠳᠤᠰᠤᠯᠲᠠ ᠭᠦᠢᠴᠡᠳ᠂ ᠡᠯᠡᠰᠦᠨ ᠮᠥᠬᠥᠯᠢᠭ ᠬᠠᠭᠤᠷᠠᠢ ᠦᠶᠡᠳᠦ᠂ ᠡᠯᠡᠰᠦᠨ ᠳᠣᠪᠣ ᠳᠡᠭᠡᠷᠡᠠᠴᠠ ᠤᠷᠤᠭᠤᠳᠠᠨ ᠭᠤᠯᠭᠤᠵᠤ ᠪᠠᠭᠤᠬᠤᠳᠤ ᠬᠥᠩᠭᠢᠨᠡᠮᠡ ᠰᠠᠢᠬᠠᠨ ᠪᠦᠷᠢᠶᠡᠨ ᠳᠠᠭᠤ ᠰᠣᠨᠣᠰᠳᠠᠳᠠᠭ᠃ ᠡᠯᠡᠰᠦ ᠶᠠᠭᠠᠬᠢᠭᠠᠳ ᠳᠤᠤᠭᠠᠷᠴᠤ ᠴᠢᠳᠠᠳᠠᠭ ᠪᠣᠶ？ ᠣᠳᠣᠬᠠᠨ ᠪᠣᠯᠲᠠᠯᠠ ᠨᠢᠭᠡᠨ ᠲᠠᠢᠯᠤᠭᠳᠠᠰᠢ ᠦᠭᠡᠢ ᠣᠨᠢᠰᠤᠭᠠ ᠪᠣᠯᠣᠭ᠍ᠰᠠᠭᠠᠷ ᠪᠠᠢᠨᠠ᠂ ᠡᠨᠡ ᠨᠢ ᠪᠦᠷᠢᠶᠡ ᠮᠠᠩᠬᠠᠨᠳᠤ ᠭᠠᠢᠬᠠᠮᠰᠢᠭ᠍ᠲᠤ ᠷᠢᠳᠢ ᠰᠢᠳᠢ ᠲᠠᠢ ᠪᠠᠢᠳᠠᠭᠤᠨ ᠤᠴᠢᠷ ᠪᠤᠯᠠᠢ᠃ ᠴᠥᠭᠡᠨ ᠪᠤᠰᠤ ᠡᠷᠳᠡᠮᠲᠡᠳ 《ᠭᠠᠵᠠᠷ ᠵᠦᠢᠶᠢᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠣᠨᠣᠯ》᠂ 《ᠴᠤᠤᠷᠢᠶᠠᠶ᠋ᠢᠨ ᠬᠠᠢᠷᠴᠠᠭᠤᠨ ᠤᠭ ᠶᠣᠰᠣ᠌》᠂ 《ᠠᠭᠠᠷᠤᠨ ᠬᠡᠯᠪᠡᠯᠵᠡᠬᠦ᠌ ᠣᠨᠣᠯ》 ᠵᠡᠷᠭᠡᠶᠢ ᠳᠤᠷᠠᠳᠤᠨ ᠭᠠᠷᠭᠠᠵᠤ᠂ ᠴᠥᠮ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠵᠣᠭᠰᠣᠴᠠᠠᠴᠠ ᠪᠦᠷᠢᠶᠡ ᠮᠠᠩᠬᠠ ᠪᠣᠶ ᠪᠣᠯᠤᠭᠰᠠᠨ ᠰᠢᠯᠲᠠᠭᠠᠨᠢ ᠲᠠᠢᠯᠪᠤᠷᠢᠯᠠᠬᠤᠪᠠᠷ ᠣᠷᠣᠯᠳᠤᠵᠠᠢ᠃
ᠪᠦᠷᠢᠶᠡ ᠮᠠᠩᠬᠠ ᠨᠢ ᠰᠦᠷ ᠵᠢᠪᠬᠤᠯᠠᠩᠲᠤ ᠡᠯᠡᠰᠦᠨ ᠴᠥᠯᠦᠨ ᠰᠣᠶᠣᠯ ᠪᠠ ᠭᠦᠨ ᠵᠤᠵᠠᠭᠠᠨ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠠᠭᠤᠯᠬᠤᠨᠢ ᠠᠭᠤᠰᠬᠠᠭᠠᠳ᠂ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠡᠯᠡᠰᠦᠨ ᠴᠥᠯᠦᠨ ᠠᠵᠢᠯᠯᠠᠭᠠ ᠪᠣᠯᠣᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ᠋ ᠪᠦᠬᠦᠢ ᠦᠨᠳᠦᠰᠦᠲᠡᠨᠦ ᠵᠠᠩ ᠦᠢᠯᠡᠶᠢ ᠬᠤᠷᠠᠭᠤᠯᠵᠠᠢ᠃ ᠲᠡᠷᠡ ᠪᠣᠯ 《 ᠳᠤᠮᠳᠠᠳᠤ ᠤᠯᠤᠰᠤᠨ AAAA ᠳᠡᠰᠦᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶᠢᠨ ᠣᠷᠣᠨ 》 ᠪᠠ 《ᠳᠤᠮᠳᠠᠳᠤ ᠤᠯᠤᠰᠤᠨ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠬᠠᠮᠤᠭᠠᠴᠠ ᠬᠥᠭᠵᠢᠯᠲᠡᠶᠢᠨ ᠳᠠᠯᠳᠠ ᠬᠦᠴᠦᠨ ᠲᠠᠢ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶᠢᠨ ᠣᠷᠣᠨ》 ᠪᠣᠯᠣᠨᠠ᠂ ᠳᠡᠯᠡᠬᠡᠢᠶ᠋ᠢᠨ ᠠᠩᠬᠠᠳᠠᠭᠴᠢ ᠡᠯᠡᠰᠦᠨ ᠴᠥᠯᠦᠨ ᠳᠡᠭᠦᠵᠢᠩ ᠵᠠᠮ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠮᠤᠭᠤᠨ ᠲᠣᠮᠣ᠌ ᠲᠡᠮᠡᠭᠡᠨ ᠰᠦᠷᠦᠭ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠷᠢᠭᠦᠨ ᠵᠡᠷᠭᠡᠶᠢᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮ ᠲᠠᠢ ᠪᠠᠢᠳᠠᠭ᠂ ᠪᠠᠰᠠ ᠬᠡᠳᠦᠨ ᠠᠷᠪᠠᠨ ᠵᠦᠢᠯᠦᠨ ᠡᠯᠡᠰᠦᠨ ᠴᠥᠯᠢᠶᠠᠷ ᠵᠤᠭᠠᠯᠠᠨ ᠲᠣᠭ᠍ᠯᠠᠬᠤ ᠰᠣᠨᠢᠨ ᠵᠢᠭ᠌ᠲᠡᠢ ᠲᠥᠷᠥᠯ ᠵᠦᠢᠯ ᠪᠣᠶ᠃
ᠪᠦᠷᠢᠶᠡ ᠮᠠᠩᠬᠠᠨᠳᠦ ᠳᠣᠣᠷᠠᠬᠢ ᠮᠡᠲᠦ ᠭᠢᠯᠠᠯᠵᠠᠭᠰᠠᠨ ᠦᠵᠡᠮᠵᠢᠶᠢᠨ ᠭᠠᠵᠠᠷ ᠪᠣᠢ᠄ ᠨᠢᠭᠡᠳᠦᠭᠡᠷ ᠨᠢ ᠶᠡᠷᠦᠩᠬᠡᠢᠯᠡᠭᠰᠡᠨ ᠦᠢᠯᠡᠴᠢᠯᠡᠭᠡᠨᠦ ᠲᠣᠭᠤᠷᠢᠭ᠄ ᠶᠡᠷᠦᠩᠬᠡᠢᠯᠡᠭᠰᠡᠨ ᠦᠢᠯᠡᠴᠢᠯᠡᠭᠡᠨᠦ ᠲᠣᠭᠤᠷᠢᠭ ᠪᠣᠯ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠡᠯᠡᠰᠦᠨ ᠴᠥᠯᠢᠶᠠᠷ ᠵᠢᠭᠤᠯᠴᠢᠯᠠᠬᠤ᠂ ᠵᠤᠭᠠᠴᠠᠬᠤᠳᠤ ᠬᠠᠩᠭᠠᠭ᠍ᠰᠠᠨ ᠣᠯᠠᠨ ᠴᠢᠳᠠᠮᠵᠢᠲᠤ ᠦᠢᠯᠡᠴᠢᠯᠡᠭᠡᠨᠦ ᠰᠠᠭᠤᠷᠢᠨ ᠪᠣᠯᠣᠨᠠ᠃ ᠬᠣᠶᠠᠳᠤᠭᠠᠷ ᠨᠢ ᠪᠦᠷᠢᠶᠡ ᠮᠠᠩᠬᠠᠨᠤ ᠭᠠᠷᠠᠮ᠄ ᠪᠦᠷᠢᠶᠡ ᠮᠠᠩᠬᠠ ᠭᠠᠷᠠᠮ ᠪᠣᠯ ᠡᠯᠡᠰᠦᠨ ᠴᠥᠯᠳᠦ ᠣᠷᠣᠵᠤ ᠵᠤᠭᠠᠴᠠᠨ ᠨᠠᠭᠠᠳᠬᠤ ᠠᠩᠬᠠᠨᠤ ᠥᠷᠲᠡᠭᠡ ᠪᠣᠯᠣᠨᠠ᠂ ᠬᠠᠴᠢᠨ ᠭᠠᠢᠬᠠᠯᠲᠠᠢ ᠪᠦᠷᠢᠶᠡᠨ ᠳᠠᠭᠤ ᠲᠠᠢ ᠭᠠᠢᠬᠠᠮᠰᠢᠭᠲᠤ ᠦᠵᠡᠮᠵᠢ ᠨᠢ ᠡᠨᠳᠡ ᠪᠠᠢᠳᠠᠭ᠃ ᠭᠤᠷᠪᠠᠳᠤᠭᠠᠷ ᠨᠢ ᠠᠷᠰᠢᠶ᠋ᠢᠨ ᠡᠯᠡᠰᠦᠨ ᠠᠷᠠᠯ᠄ ᠬᠠᠯᠠᠭᠤᠮᠰᠤᠭ ᠰᠠᠢᠬᠠᠨ ᠡᠯᠡᠰᠦᠨ ᠴᠦᠯᠳᠡᠬᠢ ᠭᠣᠢᠳᠠ ᠰᠠᠢᠬᠠᠨ ᠵᠤᠭᠠ ᠴᠡᠩᠭᠡᠯ᠃ ᠳᠥᠷᠪᠡᠳᠦᠭᠡᠷ ᠨᠢ ᠪᠠᠶᠠᠰᠤᠯᠤᠨ ᠡᠯᠡᠰᠦᠨ ᠠᠷᠠᠯ ᠄ ᠪᠠᠶᠠᠰᠤᠯᠤᠨ ᠡᠯᠡᠰᠦᠨ ᠠᠷᠠᠯ ᠨᠢ ᠡᠯᠡᠰᠦᠨ ᠴᠥᠯᠦᠨ ᠰᠣᠶᠣᠯ ᠪᠠ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠰᠣᠶᠣᠯᠢ ᠵᠣᠬᠢᠴᠠᠩᠭᠤᠢᠪᠠᠷ ᠠᠭᠤᠰᠤᠯᠴᠠᠭᠤᠯᠵᠠᠢ᠂ ᠡᠯᠡᠰᠦᠨ ᠴᠥᠯᠦᠨ ᠤᠷᠠᠯᠢᠭ᠋ᠤᠨ ᠣᠷᠳᠣᠨᠳᠤ 《ᠣᠷᠳᠣᠰ ᠬᠤᠷᠢᠮ》ᠢ᠋ ᠰᠣᠨᠢᠷᠬᠠᠵᠤ ᠪᠣᠯᠣᠨᠠ᠂ ᠪᠠᠰᠠ ᠡᠯᠡᠰᠦᠨ ᠱᠤᠭᠤᠮᠠᠯᠤᠨ ᠬᠦᠷᠢᠶᠡᠯᠡᠩᠳᠠᠬᠢ ᠡᠯᠡᠰᠦᠨᠦ ᠤᠷᠠᠯᠢᠭ᠋ᠤᠨ ᠷᠢᠳᠢ ᠰᠢᠳᠢ ᠶ᠋ᠢ ᠮᠡᠳᠡᠷᠡᠵᠦ ᠪᠣᠯᠣᠨᠠ᠃ ᠲᠠᠪᠤᠳᠤᠭᠠᠷ ᠨᠢ ᠯᠢᠩᠬᠤᠠᠶ᠋ᠢᠨ ᠡᠯᠡᠰᠦᠨ ᠠᠷᠠᠯ᠄ ᠡᠯᠡᠰᠦᠨᠦ ᠶᠢᠷᠲᠢᠨᠴᠦ᠂ ᠬᠣᠭ ᠲᠣᠭᠣᠰᠤᠨᠠᠴᠠ ᠬᠣᠯᠠᠬᠢ ᠴᠡᠪᠡᠷ ᠬᠥᠷᠥᠰᠥ᠂ ᠰᠡᠳᠭᠢᠯ ᠰᠠᠨᠠᠭᠠᠪᠠᠨ ᠨᠠᠮᠵᠢᠭᠤᠨ ᠠᠮᠤᠷᠵᠢᠭᠤᠯᠬᠤ ᠭᠠᠷᠠᠮ ᠪᠣᠯᠣᠨᠠ᠂ ᠯᠢᠩᠬᠤᠠᠶ᠋ᠢᠨ ᠡᠯᠡᠰᠦᠨ ᠠᠷᠠᠯ ᠳᠡᠭᠡᠷᠡᠪᠡᠨ ᠡᠯᠡᠰᠦᠨ ᠴᠥᠯᠦᠨ ᠠᠮᠠᠷᠠᠯᠲᠠᠶᠢᠨ ᠺᠯᠦ᠋ᠪ ᠪᠠᠢᠳᠠᠭ᠃
