ᠶᠡᠬᠡ ᠵᠤᠤ ᠰᠦᠮᠡᠶᠢᠨ ᠬᠢᠲᠠᠳ ᠨᠡᠷᠡ ᠨᠢ 《ᠡᠦ ᠯᠢᠶᠠᠩ ᠰᠧ （无量寺） 》 ᠭᠡᠳᠡᠭ᠂ ᠮᠣᠩᠭᠣᠯᠢᠶᠠᠷ 《ᠶᠡᠬᠡ ᠵᠤᠤ》 ᠭᠡᠵᠦ᠂ 《ᠶᠡᠬᠡ ᠰᠦᠮᠡ》 ᠭᠡᠰᠡᠨ ᠤᠳᠬᠠ ᠲᠠᠢ᠃ ᠬᠥᠬᠡᠬᠣᠲᠠᠶᠢᠨ ᠢᠦᠢ ᠴᠤᠸᠠᠨ ᠲᠣᠭᠣᠷᠢᠭ᠋ᠤᠨ ᠶᠡᠬᠡ ᠵᠤᠤ ᠡᠮᠦᠨᠡ ᠵᠡᠭᠡᠯᠢᠳᠤ ᠪᠠᠢᠷᠢᠯᠠᠵᠤ᠂ ᠮᠢᠩ ᠤᠯᠤᠰᠤᠨ ᠸᠠᠨ ᠯᠢᠶᠢᠨ ᠳᠣᠯᠣᠳᠤᠭᠠᠷ ᠣᠨ （1579 ᠣᠨ）ᠠᠴᠠ ᠡᠬᠢᠯᠡᠨ ᠪᠠᠢᠭᠤᠯᠪᠠ᠂ ᠮᠢᠩ ᠤᠯᠤᠰᠤᠨ ᠦᠶᠡᠳᠦ 《ᠾᠥᠩ ᠼᠢ ᠰᠧ （弘慈寺） 》 ᠭᠡᠳᠡᠭ᠂ ᠲᠡᠦᠬᠡᠨ ᠳᠡᠭᠡᠷᠡ ᠪᠠᠰᠠ 《ᠮᠥᠩᠭᠥᠨ ᠪᠤᠷᠬᠠᠨᠲᠤ ᠰᠦᠮᠡ》᠂ 《ᠶᠡᠬᠡ ᠬᠥᠯᠭᠡᠨ ᠨᠣᠮᠣᠨ ᠬᠦᠷᠳᠦᠨ ᠰᠦᠮᠡ》᠂ 《ᠭᠠᠨᠵᠤᠤᠷ ᠰᠦᠮᠡ》᠂ 《ᠬᠠᠭᠠᠨᠤ ᠰᠦᠮᠡ》 ᠭᠡᠬᠦ ᠮᠡᠲᠦᠶᠢᠨ ᠤᠯᠠᠨ ᠵᠦᠢᠯᠦᠨ ᠨᠡᠷᠡᠢᠳᠦᠯᠲᠠᠢ᠂ ᠴᠢᠩ ᠤᠯᠤᠰᠤᠨ ᠳᠡᠭᠡᠳᠦ ᠡᠷᠳᠡᠮᠲᠦᠶᠢᠨ ᠲᠠᠪᠤᠳᠤᠭᠠᠷ ᠣᠨ （1640 ᠣᠨ）ᠳᠤ ᠰᠡᠯᠪᠢᠨ ᠵᠠᠰᠠᠭᠰᠠᠨᠤ ᠲᠠᠷᠠᠭᠠ ᠴᠠᠭᠯᠠᠰᠢ ᠦᠭᠡᠢ ᠰᠦᠮᠡ ᠬᠡᠮᠡᠭᠡᠳ ᠣᠳᠣ᠌ ᠪᠣᠯᠵᠠᠢ᠃
ᠶᠡᠬᠡ ᠵᠣᠣᠶᠢᠨ ᠲᠠᠯᠠᠪᠠᠶ ᠨᠢ ᠪᠠᠷᠤᠭ 3 ᠲᠦᠮᠡᠨ ᠺᠤᠸᠠᠳ᠋ ᠮᠧᠲᠷ᠂ ᠰᠦᠮᠡ ᠬᠡᠢᠳᠢᠶᠡᠨ ᠡᠮᠦᠨᠡᠰᠢ ᠬᠠᠨᠳᠤᠭᠤᠯᠤᠨ ᠪᠠᠷᠢᠪᠠ᠂ ᠭᠣᠣᠯ ᠪᠠᠷᠢᠯᠭᠠᠪᠠᠨ ᠳᠣᠯᠣᠭᠠᠨ ᠲᠠᠩᠬᠢᠮᠲᠤ ᠰᠦᠮᠡ ᠬᠡᠯᠪᠡᠷᠢ ᠲᠡᠢ ᠪᠠᠢᠷᠢᠯᠠᠭᠤᠯᠵᠤ᠂ ᠭᠣᠣᠯ ᠲᠡᠩᠭᠡᠯᠢᠭᠦᠨ ᠱᠤᠭᠤᠮᠢ ᠳᠠᠭᠠᠵᠤ ᠴᠠᠮᠬᠠᠭ ᠡᠭᠦᠳᠡ᠂ ᠰᠦᠮᠡᠶᠢᠨ ᠬᠠᠭᠠᠯᠭᠠ᠂ ᠮᠠᠬᠠᠷᠠᠨᠽᠠᠶᠢᠨ ᠳᠤᠭᠠᠩ᠂ ᠪᠣᠳᠢᠶᠢᠨ ᠳᠤᠭᠠᠩ᠂ ᠶᠡᠬᠡ ᠳᠤᠭᠠᠩ᠂ ᠰᠤᠳᠤᠷ ᠬᠠᠳᠠᠭᠠᠯᠠᠬᠤ ᠲᠠᠭᠲᠤ᠂ ᠵᠡᠭᠦᠨ ᠪᠠᠷᠠᠭᠤᠨ ᠵᠢᠭᠦᠷᠦᠨ ᠬᠠᠷᠰᠢ᠂ ᠵᠢᠭᠦᠷᠦᠨ ᠭᠡᠷ ᠵᠡᠷᠭᠡ ᠪᠠᠷᠢᠯᠭᠠᠶᠢ ᠪᠠᠢᠭᠤᠯᠵᠠᠢ᠂ ᠳᠠᠭᠠᠯᠲᠠ ᠪᠠᠷᠢᠯᠭᠠᠳᠤ ᠨᠢ ᠷᠠᠭᠢᠨ ᠰᠦᠮᠡ᠂ ᠬᠠᠰ ᠪᠤᠷᠬᠠᠨᠤ ᠲᠣᠭᠠᠩ᠂ ᠪᠣᠳᠢᠰᠠᠳ᠋ᠸᠠᠶᠢᠨ ᠳᠤᠭᠠᠩ᠂ ᠮᠠᠢᠳᠠᠷᠢᠶᠢᠨ ᠳᠤᠭᠠᠩ ᠵᠡᠷᠭᠡ ᠪᠠᠢᠳᠠᠭ ᠮᠥᠷᠲᠡᠭᠡᠨ ᠰᠦᠮᠡᠶᠢᠨ ᠭᠠᠳᠠᠭᠤᠷ ᠨᠢ ᠪᠠᠰᠠ ᠰᠦᠮᠡᠶᠢ ᠲᠣᠭᠣᠷᠢᠭ᠍ᠰᠠᠨ ᠭᠣᠣᠯ ᠵᠠᠮ ᠵᠢᠴᠢ ᠵᠡᠭᠦᠨ ᠪᠠᠷᠠᠭᠤᠨ ᠰᠠᠩ ᠬᠠᠭᠠᠯᠭᠠ ᠲᠠᠢ᠂ ᠶᠡᠬᠡ ᠳᠤᠭᠠᠩ ᠨᠢ ᠰᠦᠮᠡᠶᠢᠨ ᠳᠣᠲᠣᠷᠠᠬᠢ ᠭᠣᠣᠯ ᠪᠠᠷᠢᠯᠭᠠ ᠪᠣᠯᠣᠨᠠ᠂ ᠲᠥᠪᠡᠳ ᠬᠢᠲᠠᠳ ᠬᠡᠪ ᠨᠠᠮᠪᠠ ᠤᠶᠠᠯᠳᠤᠭᠰᠠᠨ ᠪᠠᠷᠢᠯᠭᠠ ᠶ᠋ᠢᠨ ᠬᠡᠯᠪᠡᠷᠢᠶᠢ ᠬᠡᠷᠡᠭᠯᠡᠭᠰᠡᠨᠢᠶᠡᠷ ᠪᠦᠬᠦᠶ᠋ᠢᠯᠡ ᠳᠤᠭᠠᠩ ᠨᠢ ᠥᠩᠭᠡ ᠭᠢᠯᠪᠠᠭᠠ ᠰᠠᠴᠤᠷᠠᠨ᠂ ᠲᠥᠪ ᠶᠡᠬᠡᠮᠰᠦᠭ ᠪᠠᠢᠳᠠᠭ᠃
ᠡᠨᠳᠡ ᠪᠠᠰᠠ ᠬᠣᠶᠠᠷ ᠵᠡᠭᠡᠯᠢᠶᠢ ᠳᠤᠷᠠᠳᠤᠭᠤᠰᠢᠲᠠᠢ᠂ ᠨᠢᠭᠡ ᠨᠢ ᠰᠠᠢ ᠱᠠᠩ ᠬᠠᠭᠤᠴᠢᠨ ᠵᠡᠭᠡᠯᠢ᠂ ᠨᠦᠭᠦᠭᠡ ᠨᠢ ᠲᠦᠩ ᠱᠦᠨ ᠶᠡᠬᠡ ᠭᠤᠳᠤᠮᠵᠢ ᠪᠣᠯᠣᠨᠠ᠂ ᠰᠠᠢ ᠱᠠᠩ ᠬᠠᠭᠤᠴᠢᠨ ᠵᠡᠭᠡᠯᠢᠳᠦ ᠡᠷᠲᠡᠨᠦ ᠡᠳ᠋ᠯᠡᠯ᠂ ᠠᠷᠠᠳᠤᠨ ᠵᠠᠩ ᠦᠢᠯᠡ᠂ ᠪᠦᠷᠢᠨ ᠪᠠᠷᠠᠭᠠ᠂ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨ ᠨᠢ ᠨᠢᠳᠦ ᠳᠦᠭᠦᠷᠡᠩ ᠨᠡᠯ ᠡᠷᠳᠡᠨᠢ ᠪᠠᠢᠳᠠᠭ᠃
ᠲᠦᠩ ᠱᠦᠨ ᠶᠡᠬᠡ ᠭᠤᠳᠤᠮᠵᠢ ᠨᠢ ᠶᠡᠬᠡ ᠵᠤᠤ ᠠᠭᠤᠳᠠᠮ ᠲᠠᠯᠠᠪᠠᠢᠶᠢᠨ ᠪᠠᠷᠠᠭᠤᠨ ᠲᠠᠯᠠᠪᠠᠷ᠂ ᠰᠠᠢ ᠱᠠᠩ ᠬᠠᠭᠤᠴᠢᠨ ᠵᠡᠭᠡᠯᠢᠶᠢᠨ ᠡᠮᠦᠨᠡ ᠲᠠᠯᠠᠳᠤ ᠪᠠᠢᠷᠢᠯᠠᠵᠤ ᠪᠠᠢᠳᠠᠭ᠂ 2013 ᠣᠨᠤ ᠰᠡᠭᠦᠯᠴᠢᠡᠴᠡ ᠡᠬᠢᠯᠡᠨ ᠪᠠᠢᠭᠤᠯᠤᠭᠰᠠᠨ ᠪᠦᠬᠦ ᠤᠷᠳᠤ ᠨᠢ 250 ᠮᠧᠲ᠋ᠷ᠂ ᠪᠠᠷᠤᠭ 5600 ᠺᠤᠸᠠᠳ᠋ ᠮᠧᠲ᠋ᠷ ᠲᠠᠯᠠᠪᠠᠢᠲᠠᠢ ᠰᠠᠢ ᠱᠠᠩ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ ᠪᠣᠯᠣᠨᠠ᠃ ᠲᠦᠩ ᠱᠦᠨ ᠶᠡᠬᠡ ᠭᠤᠳᠤᠮᠵᠢᠶᠢᠨ ᠵᠠᠮ ᠳᠠᠭᠠᠤ ᠬᠤᠳᠠᠯᠳᠤᠭᠠᠨᠤ ᠫᠦᠰᠡ ᠤᠯᠠᠨ ᠪᠠᠢᠵᠤ᠂ ᠭᠤᠳᠤᠮᠵᠢᠨᠳᠤ ᠭᠣᠣᠯᠳᠠᠭᠤ ᠱᠣᠣᠮᠠᠢ᠂ ᠮᠣᠩᠭᠣᠯ ᠱᠠᠯᠪᠢᠩ᠂ ᠴᠤᠪᠤᠳᠠᠢ᠂ ᠪᠣᠷᠴᠠ᠂ ᠭᠠᠷ ᠦᠢᠯᠡᠳᠪᠦᠷᠢᠶᠢᠨ ᠳ᠋ᠧᠦᠹᠦ᠋ ᠵᠡᠷᠭᠡ ᠨᠢ ᠪᠦᠷ ᠥᠪᠥᠷ ᠮᠣᠩᠭᠣᠯᠤᠨ ᠵᠢᠴᠢ ᠡᠯᠡ ᠭᠠᠵᠠᠷᠤᠨ ᠭᠠᠷ ᠦᠢᠯᠡᠳᠪᠦᠷᠢᠶᠢᠨ ᠰᠤᠯᠠ ᠢᠳᠡᠭᠡᠨ ᠪᠠᠢᠵᠤ᠂ ᠲᠤᠬᠠᠢᠶᠢᠨ ᠦᠶᠡᠶᠢᠨ ᠬᠦᠢ ᠬᠤᠸᠠ ᠬᠤᠳᠠᠶᠢᠨ ᠬᠠᠭᠤᠴᠢᠨ ᠦᠨᠦᠷ ᠠᠮᠲᠠᠶᠢ ᠲᠠᠬᠢᠨ ᠢᠯᠡᠷᠡᠭᠦᠯᠬᠦᠪᠡᠷ ᠳᠠᠮᠵᠢᠭᠤᠯᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ᠋ᠲᠠᠢ ᠬᠤᠳᠠᠯᠳᠤᠭᠠᠨᠤ ᠵᠡᠭᠡᠯᠢᠶᠢ ᠪᠦᠷᠢᠯᠳᠦᠭᠦᠯᠵᠡᠢ᠃ ᠲᠦᠩ ᠱᠦ᠋ᠨ ᠶᠡᠬᠡ ᠭᠤᠳᠤᠮᠵᠢᠶᠢᠨ ᠪᠦᠬᠦ ᠪᠠᠷᠢᠯᠭᠠ ᠨᠢ ᠮᠢᠩ ᠤᠯᠤᠰ ᠴᠢᠩ ᠤᠯᠤᠰᠤᠨ ᠦᠶᠡᠶᠢᠨ ᠣᠨᠴᠠᠯᠢᠭ᠋ᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠦᠨ᠂ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠣᠷᠣᠨ ᠨᠤᠲᠤᠭᠤᠨ ᠵᠢᠩᠬᠢᠨᠢ ᠠᠮᠲᠠᠲᠤ ᠢᠳᠡᠭᠡᠨᠢ ᠠᠮᠲᠠᠯᠠᠭᠤᠯᠬᠤᠶᠢᠨ ᠵᠡᠷᠭᠡᠳᠦ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ᠋ᠲᠠᠢ ᠭᠠᠵᠠᠷ ᠣᠷᠣᠨ ᠪᠠ ᠦᠨᠳᠦᠰᠦᠲᠡᠨᠦ ᠵᠠᠩ ᠦᠢᠯᠡᠶᠢ ᠨᠡᠩ ᠢᠯᠡᠭᠦᠦ ᠮᠡᠳᠡᠷᠡᠭᠦᠯᠵᠦ᠂ ᠬᠤᠳᠠᠶᠢᠨ ᠲᠥᠪᠦᠨ ᠠᠯᠭᠤᠷ ᠲᠠᠢᠪᠤᠭᠤ ᠠᠮᠢᠳᠤᠷᠠᠯᠢ ᠪᠦᠷᠢᠨ ᠲᠡᠭᠦᠯᠳᠡᠷ ᠣᠢᠯᠠᠭᠠᠭᠤᠯᠳᠠᠭ᠃
2014 ᠣᠨᠳᠤ ᠢᠦᠢ ᠴᠤᠸᠠᠨ ᠲᠣᠭᠣᠷᠢᠭ ᠨᠢ ᠶᠡᠬᠡ ᠵᠤᠤᠶᠢᠨ ᠲᠡᠦᠬᠡ ᠰᠣᠶᠣᠯᠤᠨ ᠵᠢᠭᠤᠯᠴᠢᠯᠠᠯᠤᠨ ᠣᠷᠣᠨᠤ ᠤᠯᠤᠰᠤᠨ 4A ᠳᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶᠢᠨ ᠣᠷᠣᠨᠢ ᠡᠭᠦᠳᠦᠨ ᠪᠠᠶ᠋ᠢᠭᠤᠯᠬᠤ ᠠᠵᠢᠯᠢ ᠡᠬᠢᠯᠡᠭᠦᠯᠵᠦ᠂ 2016 ᠣᠨᠤ 2 ᠳ᠋ᠤᠭᠠᠷ ᠰᠠᠷᠠᠳᠤ ᠤᠯᠤᠰᠤᠨ 4A ᠳᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶᠢᠨ ᠣᠷᠣᠨᠢᠶᠠᠷ ᠦᠨᠡᠯᠡᠭᠳᠡᠪᠡ᠃
