ᠪᠠᠭᠠᠷᠢᠨ ᠲᠠᠨᠢᠬᠢᠷᠤᠨ ᠰᠡᠢᠯᠤᠮᠡᠯ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨᠳᠦ ᠣᠨᠴᠠ ᠭᠠᠷᠤᠯᠲᠠᠲᠠᠢ ᠪᠠᠭᠠᠷᠢᠨ ᠲᠠᠨᠢᠬᠢᠷᠢᠶᠠᠷ ᠰᠡᠢᠯᠦᠮᠡᠯᠦᠨ ᠤᠷᠠᠯᠢᠭ᠋ᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠬᠢᠳᠡᠭ ᠭᠠᠷ ᠤᠷᠠᠯᠠᠯ ᠤᠷᠠᠨ ᠵᠢᠷᠤᠭᠤᠨ ᠤᠷᠠ ᠮᠡᠷᠭᠡᠱᠢᠯ ᠪᠣᠯᠣᠨᠠ᠂ ᠭᠣᠣᠯᠳᠠᠭᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠯᠠᠭᠠᠨᠬᠠᠳᠠ ᠬᠣᠲᠠᠶᠢᠨ 12 ᠬᠣᠰᠢᠭᠤ ᠰᠢᠶᠠᠨ ᠲᠣᠭᠣᠷᠢᠭ᠋ᠲᠤ ᠲᠠᠷᠬᠠᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠤᠰᠤᠳ ᠭᠠᠵᠠᠷ ᠣᠷᠣᠨ ᠪᠠ ᠹᠦᠵᠢᠶᠠᠨ᠂ ᠵᠧᠵᠢᠶᠠᠩ ᠵᠡᠷᠭᠡ ᠭᠠᠵᠠᠷᠲᠤ ᠴᠤ᠌ ᠲᠠᠷᠬᠠᠵᠤ ᠪᠠᠢᠳᠠᠭ᠃
ᠪᠠᠭᠠᠷᠢᠨ ᠲᠠᠨᠢᠬᠢᠷᠤᠨ ᠰᠡᠢᠯᠦᠮᠡᠯᠦᠨ ᠭᠣᠣᠯ ᠲᠦᠭᠦᠬᠡᠢ ᠮᠠᠲᠧᠷᠢᠶᠠᠯ ᠨᠢ ᠪᠠᠭᠠᠷᠢᠨ ᠲᠠᠨᠢᠬᠢᠷ᠂ ᠱᠢᠨᠵᠢᠯᠡᠭᠡᠨᠦ ᠨᠡᠷᠡ ᠨᠢ 《ᠲᠠᠮᠠᠭᠠᠶ᠋ᠢᠨ ᠴᠢᠯᠠᠭᠤ》᠂ ᠲᠠᠨᠢᠬᠢᠷ ᠴᠢᠯᠠᠭᠤ᠂ ᠹᠦ᠋ ᠬᠤᠸᠠᠩ ᠴᠢᠯᠠᠭᠤ᠂ ᠦᠭᠡᠬᠦᠨ ᠴᠢᠯᠠᠭᠤ᠂ ᠦᠩᠭᠡᠲᠤ ᠴᠢᠯᠠᠭᠤ᠂ ᠬᠡ ᠤᠭᠠᠯᠵᠠᠲᠤ ᠴᠢᠯᠠᠭᠤ ᠵᠡᠷᠭᠡ ᠲᠠᠪᠤᠨ ᠶᠡᠬᠡ ᠲᠥᠷᠥᠯᠤᠨ ᠵᠠᠭᠤ ᠭᠠᠷᠤᠢ ᠵᠦᠢᠯ ᠬᠤᠪᠢᠶᠠᠭᠳᠠᠵᠤ᠂ ᠨᠠᠷᠢᠯᠢᠭ᠂ ᠠᠷᠢᠭᠤᠨ᠂ ᠵᠥᠭᠡᠯᠡᠨ᠂ ᠲᠣᠰᠣᠯᠢᠭ᠋᠂ ᠲᠦᠯᠭᠡᠨ᠂ ᠴᠠᠷᠴᠠᠮᠠᠯᠢᠶᠠᠷ ᠨᠡᠢᠲᠡᠯᠢᠭ ᠣᠨᠴᠠᠯᠢᠭ᠋ᠢᠶᠠᠨ ᠪᠣᠯᠭᠠᠵᠣ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠳᠠᠭᠠᠯᠠᠮᠵᠢᠪᠠᠷ ᠨᠡᠯᠢᠶᠡᠳ ᠶᠡᠬᠡ ᠲᠠᠮᠠᠭᠠᠶᠢᠨ ᠴᠢᠯᠠᠭᠤᠨᠤ ᠲᠥᠷᠥᠯ ᠵᠦᠢᠯ ᠪᠣᠯᠣᠨᠠ᠃ ᠰᠡᠢᠯᠦᠭ᠌ᠴᠢᠳ ᠲᠥᠷᠥᠯ ᠵᠦᠢᠯᠢ ᠨᠢ ᠦᠨᠳᠦᠰᠦᠯᠡᠵᠦ᠍ ᠤᠷᠠ ᠮᠡᠷᠭᠡᠵᠢᠯᠢᠶᠠᠨ ᠲᠣᠬᠢᠷᠠᠭᠤᠯᠤᠨ ᠪᠠᠳᠠᠷᠠᠭᠤᠯᠵᠤ᠂ ᠣᠨᠴᠠ ᠦᠢᠯᠡᠳᠦᠭ᠌ᠰᠡᠨ ᠬᠢᠲᠤᠭᠠ᠂ ᠴᠦᠴᠡ᠂ ᠬᠤᠰᠤᠭᠤᠷ᠂ ᠬᠢᠷᠦᠭᠡ᠂ ᠭᠢᠯᠠᠢᠯᠭᠠᠬᠤ ᠮᠠᠰᠢᠨ ᠵᠡᠷᠭᠡ ᠰᠡᠢᠯᠦᠮᠡᠯᠦᠨ ᠪᠠᠭᠠᠵᠢᠶ᠋ᠢ ᠠᠱᠢᠭ᠍ᠯᠠᠨ᠂ ᠭᠦᠳᠦᠭᠦᠷ ᠰᠡᠢᠯᠦᠮᠡᠯ᠂ ᠪᠣᠰᠣᠭᠠ ᠰᠡᠢᠯᠦᠮᠡᠯ᠂ ᠴᠣᠭᠣᠯᠪᠣᠷᠢ ᠰᠡᠢᠯᠦᠮᠡᠯ ᠵᠡᠷᠭᠡ ᠣᠯᠠᠨ ᠵᠦᠢᠯᠦᠨ ᠮᠡᠷᠭᠡᠵᠢᠯᠦᠨ ᠠᠷᠭᠠ ᠪᠠᠷᠢᠯᠢᠶᠠᠷ ᠨᠠᠷᠢᠯᠢᠭ᠋ ᠰᠠᠢᠬᠠᠨ ᠪᠠᠭᠠᠷᠢᠨ ᠲᠠᠨᠢᠬᠢᠷᠤᠨ ᠰᠡᠢᠯᠦᠮᠡᠯᠦᠨ ᠤᠷᠠᠨ ᠪᠦᠲᠦᠭᠡᠯᠢ ᠵᠣᠬᠢᠶᠠᠨ ᠪᠦᠲᠦᠭᠡᠳᠡᠭ᠃
ᠲᠡᠭᠦᠨᠤ ᠦᠢᠯᠡᠳᠬᠦ ᠠᠯᠬᠤᠮ ᠳᠠᠷᠠᠭᠠ ᠨᠢ ᠭᠣᠣᠯᠳᠠᠭᠤ ᠴᠢᠯᠠᠭᠤ ᠰᠣᠩᠭᠣᠬᠣ ᠪᠠ ᠲᠦᠰᠦᠪᠯᠡᠬᠦ᠌᠂ ᠵᠤᠬᠢᠶᠠᠨ ᠰᠡᠳᠭᠢᠮᠵᠢᠯᠡᠬᠦ᠌᠂ ᠣᠷᠠᠯᠠᠨ ᠵᠢᠷᠤᠬᠤ᠂ ᠬᠢᠲᠤᠭᠠ ᠪᠠᠷᠢᠬᠤ᠂ ᠰᠡᠢᠯᠦᠨ ᠪᠦᠲᠦᠭᠡᠬᠦ᠌᠂ ᠱᠦᠷᠭᠦᠭᠡᠨ ᠭᠢᠯᠠᠢᠯᠭᠠᠬᠤ ᠵᠡᠷᠭᠡ ᠪᠠᠢᠳᠠᠭ᠃ ᠡᠩᠦᠨ ᠪᠠᠭᠠᠷᠢᠨ ᠲᠠᠨᠢᠬᠢᠷ ᠨᠢ ᠤᠷᠠᠯᠢᠭ᠋ᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠪᠡᠷ ᠳᠡᠮᠵᠢᠨ᠂ ᠨᠠᠷᠢᠯᠢᠭ᠋ ᠰᠠᠢᠬᠠᠨ ᠰᠡᠢᠯᠦᠮᠡᠯ ᠪᠠ ᠲᠠᠮᠠᠭᠠ ᠪᠤᠯᠠᠭᠠᠨ ᠬᠣᠪᠢᠷᠠᠭᠤᠯᠵᠤ᠂ ᠤᠷᠠᠯᠢᠭ᠋ᠤᠨ ᠦᠨᠡ ᠥᠷᠲᠡᠭ ᠨᠢ ᠳᠠᠬᠢᠨᠢᠶᠠᠷ ᠨᠡᠮᠡᠭᠳᠡᠨ᠂ ᠭᠠᠷᠮᠠᠭᠠᠢ ᠤᠷᠠᠨ ᠳᠠᠷᠬᠠᠨᠤ ᠵᠣᠷᠢᠭ᠋ ᠰᠠᠨᠠᠭᠠᠶ᠋ᠢ ᠢᠯᠡᠷᠡᠭᠦᠯᠵᠦ᠂ ᠨᠡᠯᠢᠶᠡᠳ ᠥᠷᠭᠡᠨ ᠠᠭᠤᠳᠠᠮ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠢᠷᠡᠭᠡᠳᠤᠢᠶ᠋ᠢᠨ ᠲᠦᠯᠦᠪ ᠲᠠᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃
2021 ᠣᠨᠳᠤ᠂ ᠪᠠᠭᠠᠷᠢᠨ ᠲᠠᠨᠢᠬᠢᠷᠤᠨ ᠰᠡᠢᠯᠤᠮᠡᠯ ᠨᠢ ᠲᠠᠪᠤᠳᠤᠭᠠᠷ ᠪᠦᠯᠦᠭᠤᠨ ᠤᠯᠤᠰᠤᠨ ᠲᠡᠰᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯᠤᠨ ᠨᠡᠷᠡᠰᠦᠨ ᠵᠢᠭ᠍ᠰᠠᠭᠠᠯᠲᠠᠶ᠋ᠢᠨ ᠦᠷᠭᠡᠳᠭᠡᠯ ᠲᠦᠷᠦᠯ ᠵᠦᠢᠯᠳᠦ ᠰᠣᠩᠭᠣᠭᠳᠠᠪᠠ᠃
