9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 16 ᠤ ᠦᠳᠡᠶᠢᠨ ᠬᠣᠢᠨᠠ᠂ ᠭᠤᠸᠠᠩᠵᠧᠦᠶ᠋ᠢᠨ ᠭᠤᠸᠠᠩᠳᠦ᠋ᠩ ᠵᠦᠴᠦᠭᠡᠶᠢᠨ ᠬᠦᠷᠢᠶᠡᠯᠡᠩᠳᠦ ᠠᠯᠠᠭᠠ ᠲᠡᠰᠢᠯᠲᠡᠶ᠋ᠢᠨ ᠳᠠᠭᠤᠨ ᠨᠢᠵᠢᠭᠢᠨᠡᠵᠦ᠂ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠰᠣᠶᠣᠯᠤᠨ ᠪᠦᠬᠦ᠌ ᠤᠯᠤᠰᠲᠠᠬᠢ ᠠᠶᠠᠯᠠᠯ — ᠤᠯᠠᠭᠠᠨᠮᠥ᠋ᠴᠢᠷᠦᠨ ᠪᠦᠬᠦ ᠤᠯᠤᠰᠲᠤ ᠲᠣᠭᠣᠷᠢᠨ ᠲᠣᠭ᠍ᠯᠠᠬᠤ 60 ᠵᠢᠯᠦᠨ ᠤᠢᠶᠢ ᠳᠤᠷᠠᠰᠬᠠᠬᠤ ᠲᠣᠭᠯᠠᠯᠲᠠ （ᠭᠤᠸᠠᠩᠵᠧᠦ ᠦᠷᠳᠡᠬᠡ） ᠦᠪᠡᠳᠡᠭᠰᠢ ᠶᠡᠬᠡᠪᠠᠷ ᠬᠥᠰᠢᠭᠡᠪᠡᠨ ᠰᠡᠬᠦᠪᠡ᠃ ᠬᠢᠩᠭᠠᠨ ᠠᠢᠮᠠᠭᠠᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠤᠯᠠᠭᠠᠨᠮᠥ᠋ᠴᠢᠷᠦᠨ 3 ᠪᠠᠭᠤᠨ ᠬᠢᠨ ᠭᠦᠨ ᠵᠤᠵᠠᠭᠠᠨ ᠦᠨᠳᠦᠰᠦᠲᠡᠨᠦ ᠣᠨᠴᠠᠯᠢᠭᠢᠶᠠᠷᠢᠶᠠᠨ ᠭᠤᠸᠠᠩᠵᠧᠦᠶ᠋ᠢᠨ ᠦᠵᠡᠭᠴᠢᠳ ᠯᠦ᠍ᠭᠡ ᠠᠭᠤᠯᠠ ᠤᠰᠤᠶᠢ ᠠᠯᠤᠰᠯᠠᠭᠰᠠᠨ ᠤᠷᠠᠯᠢᠭ᠋ᠤᠨ ᠶᠠᠷᠢᠯᠴᠠᠭᠠ ᠬᠢᠵᠡᠢ᠃
ᠲᠣᠰ ᠤᠳᠠᠭᠠᠨᠤ ᠲᠣᠭᠯᠠᠯᠲᠠᠶᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠣᠷᠢᠶᠠᠶᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠣᠶᠣᠯ ᠪᠠ ᠵᠢᠭᠤᠯᠴᠢᠯᠠᠯᠤᠨ ᠲᠢᠩᠬᠢᠮᠡᠴᠡ ᠬᠠᠮᠲᠤᠷᠠᠨ ᠡᠷᠭᠢᠯᠡᠵᠦ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠢᠭᠤᠳ ᠬᠠᠷᠢᠶᠠ ᠤᠯᠠᠭᠠᠨᠮᠥ᠋ᠴᠢᠷ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠨᠠᠮᠤᠨ ᠬᠣᠷᠢᠶᠠᠶᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰᠡᠴᠡ ᠳᠠᠭᠠᠭᠠᠨ ᠡᠷᠭᠢᠯᠡᠵᠦ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠤᠯᠠᠭᠠᠨᠮᠥ᠋ᠴᠢᠷ᠂ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷ᠂ ᠷᠠᠰᠢᠶᠠᠨ ᠬᠣᠲᠠᠶᠢᠨ ᠤᠯᠠᠭᠠᠨᠮᠥ᠋ᠴᠢᠷᠦᠨ 35 ᠲᠣᠭᠯᠠᠭ᠍ᠴᠢᠶᠢ ᠱᠢᠯᠢᠨ ᠰᠤᠩᠭᠤᠵᠤ ᠲᠣᠭᠣᠷᠢᠨ ᠲᠣᠭᠯᠠᠬᠤ ᠡᠩᠨᠡᠭᠡᠶᠢ ᠪᠦᠷᠢᠯᠳᠦᠭᠦᠯᠪᠡ᠃
ᠳᠠᠭᠤᠤ ᠪᠥᠵᠢᠭ ᠬᠥᠭᠵᠢᠮᠢ ᠬᠠᠪᠰᠤᠷᠭᠠᠭ᠍ᠰᠠᠨ 《ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠮᠠᠭ᠍ᠲᠠᠭᠤ》ᠳᠤ᠂ ᠲᠣᠭᠯᠠᠭ᠍ᠴᠢᠳ ᠭᠣᠶᠣ ᠰᠠᠢᠬᠠᠨ ᠦᠨᠳᠦᠰᠦᠲᠡᠨᠦ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠨ ᠡᠮᠦᠰᠴᠦ᠂ ᠳᠠᠭᠤᠤ ᠪᠥᠵᠢᠭᠢᠶᠡᠷᠢᠶᠡᠨ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠭᠦᠨ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠬᠢᠯᠭᠡᠪᠠᠨ ᠢᠯᠡᠳᠭᠡᠵᠡᠢ； 《ᠲᠠᠰᠢᠭᠤᠷ ᠨᠡᠮᠡᠨ ᠳᠠᠪᠬᠢᠭᠤᠯᠬᠤ ᠰᠢᠨᠡ ᠠᠶᠠᠨ》 ᠭᠡᠬᠦ᠌ ᠦᠯᠢᠭᠡᠷ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠤᠯᠠᠮᠵᠢᠯᠠᠯᠲᠤ ᠤᠷᠠᠯᠢᠭ᠋ᠤᠨ ᠥᠪᠡᠷᠮᠢᠴᠡ ᠷᠢᠳᠢ ᠰᠢᠳᠢᠶᠢ ᠢᠯᠡᠷᠡᠭᠦᠯᠪᠡ； 《ᠲᠦᠮᠡᠨ ᠠᠭᠲᠠᠶᠢᠨ ᠲᠥᠪᠡᠷᠭᠡᠨ》 ᠭᠡᠬᠦ᠌ ᠮᠣᠷᠢᠨ ᠬᠤᠭᠤᠷᠤᠨ ᠨᠠᠢᠷᠠᠯ ᠬᠥᠭ᠌ᠵᠢᠮ ᠨᠢ ᠦᠵᠡᠭᠴᠢᠳᠲᠦ ᠬᠥᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠲᠠᠯᠠ ᠨᠤᠲᠤᠭᠲᠤ ᠠᠵᠢᠨᠠᠢ ᠬᠦᠯᠦᠭ ᠳᠠᠪᠬᠢᠵᠤ ᠪᠠᠢᠭᠠ ᠪᠠᠢᠳᠠᠯᠢ ᠬᠠᠷᠠᠭᠤᠯᠪᠠ； 《ᠦᠩᠭᠡᠲᠦ ᠡᠭᠦᠯᠡᠰ ᠰᠠᠷᠠᠨᠢ ᠲᠠᠭᠤᠭ᠍ᠰᠠᠨ》 ᠭᠡᠬᠦ᠌ ᠭᠤᠸᠠᠩᠳᠦ᠋ᠩ ᠠᠷᠠᠳᠤᠨ ᠳᠠᠭᠤᠤ ᠨᠢ ᠪᠦᠬᠦ᠌ ᠲᠠᠯᠠᠪᠡᠢ ᠲᠣᠭ᠍ᠯᠠᠯᠲᠠᠶ᠋ᠢᠨ ᠬᠢᠯᠠᠰ ᠴᠡᠭ ᠪᠣᠯᠵᠤ᠂ ᠥᠪᠥᠷ ᠮᠣᠩᠭᠣᠯ ᠭᠤᠸᠠᠩᠳᠦ᠋ᠩ ᠬᠣᠶᠠᠷ ᠭᠠᠵᠠᠷᠤᠨ ᠰᠣᠶᠣᠯᠢ ᠬᠦᠭ ᠠᠶᠠᠰᠤᠨ ᠳᠤᠮᠳᠠ ᠠᠭᠤᠰᠤᠯᠴᠠᠭᠤᠯᠤᠨ ᠴᠤᠤᠷᠢᠶᠠᠲᠤᠭᠤᠯᠪᠠ； ᠪᠠᠬᠠᠷᠤᠮᠠ ᠰᠠᠢᠬᠠᠨ ᠬᠠᠷᠢᠯᠴᠠᠨ ᠦᠢᠯᠡᠳᠦᠯᠴᠡᠬᠦ᠌ ᠭᠣᠭ᠍ᠴᠣᠭᠠ ᠨᠢ ᠦᠵᠡᠭᠴᠢᠳᠦᠨ ᠤᠷᠮᠠ ᠵᠣᠷᠢᠭ᠋ᠢ ᠬᠥᠭᠵᠢᠭᠡᠵᠦ᠂ ᠦᠵᠡᠭᠴᠢᠳ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠᠶᠢᠨ ᠳᠤᠮᠳᠠ ᠥᠪᠥᠷ ᠮᠣᠩᠭᠣᠯᠤᠨ ᠲᠤᠬᠠᠢ ᠣᠢᠯᠠᠭᠠᠯᠲᠠᠪᠠᠨ ᠭᠦᠨᠵᠡᠭᠡᠢᠷᠡᠭᠦᠯᠪᠡ ᠁ ᠲᠣᠭᠣᠷᠢᠨ ᠲᠣᠭᠯᠠᠯᠲᠠ ᠨᠢ ᠤᠯᠠᠭᠠᠨᠮᠥ᠋ᠴᠢᠷᠦᠨ 60 ᠵᠢᠯᠦᠨ ᠲᠤᠷᠰᠢᠬᠢ ᠤᠷᠠᠯᠢᠭ᠋ᠤᠨ ᠠᠮᠵᠢᠯᠲᠠᠶᠢ ᠪᠦᠬᠦ ᠲᠠᠯᠠᠪᠠᠷ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠥᠪᠥᠷ ᠮᠣᠩᠭᠣᠯ ᠭᠤᠸᠠᠩᠳᠦ᠋ᠩ ᠬᠣᠶᠠᠷ ᠭᠠᠵᠠᠷᠤᠨ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠᠶᠢ ᠠᠬᠢᠭᠤᠯᠤᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠤᠯᠠᠨ ᠠᠷᠠᠳ ᠲᠦᠮᠡᠨᠳᠦ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠰᠣᠶᠣᠯᠤᠨ ᠥᠪᠡᠷᠮᠢᠴᠡ ᠷᠢᠳᠢ ᠰᠢᠳᠢᠶᠢ ᠣᠢᠯᠠᠭᠠᠭᠤᠯᠵᠠᠢ᠃ ᠲᠣᠭᠯᠠᠯᠲᠠ ᠦᠨᠳᠦᠷᠯᠡᠬᠦ᠌ ᠦᠶᠡᠰ᠂ ᠪᠦᠬᠦ ᠲᠣᠭᠯᠠᠭ᠍ᠴᠢᠳ ᠪᠠ ᠦᠵᠡᠭᠴᠢᠳ ᠬᠠᠮᠲᠤᠪᠠᠷ 《ᠡᠬᠡ ᠤᠯᠤᠰᠢᠶᠠᠨ ᠮᠠᠭᠲᠠᠨ ᠳᠠᠭᠤᠯᠠᠶᠠ》ᠭᠡᠬᠦ ᠳᠠᠭᠤᠤᠶᠢ ᠬᠠᠩᠭᠢᠨᠠᠲᠠᠯᠠ ᠳᠠᠭᠤᠯᠠᠵᠤ᠂ ᠬᠠᠯᠠᠭᠤᠨ ᠠᠯᠠᠭᠠ ᠲᠡᠰᠢᠯᠲᠡᠶᠢᠨ ᠲᠠᠭᠤᠨ ᠪᠣᠯᠣᠨ ᠤᠷᠠᠢᠯᠠᠬᠤ ᠲᠠᠭᠤᠨ ᠤᠳᠠᠲᠠᠯᠠ ᠦᠷᠭᠦᠯᠵᠢᠯᠡᠪᠡ᠃
《ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ！ ᠲᠠ ᠨᠠᠷᠤᠨ ᠳᠠᠷᠠᠭᠠᠴᠢᠶᠢᠨ ᠲᠣᠭᠯᠠᠯᠲᠠᠶᠢᠨ ᠠᠮᠵᠢᠯᠲᠠᠶ᠋ᠢ ᠢᠷᠦᠭᠡᠶᠡ！》 ᠲᠣᠭᠯᠠᠯᠲᠠ ᠳᠠᠭᠤᠰᠤᠭᠰᠠᠨᠤ ᠲᠠᠷᠠᠭᠠ᠂ ᠦᠵᠡᠭ᠌ᠴᠢ ᠸᠠᠩ ᠴᠠᠩ ᠦᠨᠳᠦᠷ ᠲᠠᠭᠤᠨᠢᠶᠠᠷ ᠲᠠᠢᠰᠠᠨ ᠳᠡᠭᠡᠷᠡᠬᠢ ᠲᠣᠭᠯᠠᠭ᠍ᠴᠢᠳᠲᠤ ᠵᠥᠩᠨᠡᠯ ᠳᠡᠪᠰᠢᠭᠦᠯᠵᠦ᠂ ᠲᠡᠷᠡ ᠬᠡᠯᠡᠬᠦ᠌ᠳᠦᠪᠡᠨ᠄ 《ᠲᠣᠭᠯᠠᠯᠲᠠ ᠭᠠᠢᠬᠠᠯᠲᠠᠢ ᠰᠠᠢᠬᠠᠨ ᠪᠠᠢᠨᠠ᠂ ᠠᠩᠬᠠ ᠤᠳᠠᠭᠠ ᠢᠩᠭᠢᠵᠦ ᠤᠮᠠᠷᠠᠲᠤ ᠬᠢᠵᠠᠭᠠᠷᠤᠨ ᠰᠣᠶᠣᠯᠤᠨ ᠭᠠᠢᠬᠠᠮᠱᠢᠭ᠍ᠲᠤ ᠲᠠᠯᠠᠶᠢ ᠣᠯᠵᠤ ᠬᠠᠷᠠᠵᠠᠢ᠂ ᠪᠢ ᠨᠠᠢᠵᠠᠲᠠᠢᠪᠠᠨ ᠴᠦᠮ ᠥᠪᠥᠷ ᠮᠣᠩᠭᠣᠯᠳᠤ ᠣᠴᠢᠵᠤ ᠵᠢᠭᠤᠯᠴᠢᠯᠠᠬᠤᠪᠠᠷ ᠲᠥᠯᠥᠪᠯᠡᠵᠦ ᠪᠠᠢᠨᠠ》 ᠭᠡᠪᠡ᠃
ᠤᠯᠠᠭᠠᠨᠮᠥ᠋ᠴᠢᠷ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠳᠬᠠ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠦᠨ ᠥᠪᠡᠷᠮᠢᠴᠡ ᠬᠡᠯᠪᠡᠷᠢ ᠪᠣᠯᠣᠨᠠ᠂ ᠪᠦᠯᠬᠦᠮ ᠪᠠᠢᠭᠤᠯᠤᠭᠳᠠᠭᠰᠠᠨᠡᠴᠡ ᠨᠠᠭᠠᠰᠢ᠂ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠭᠦᠨᠵᠡᠭᠡᠢᠷᠡᠬᠦ᠂ ᠤᠯᠠᠨ ᠲᠦᠮᠡᠨᠳᠦ ᠦᠢᠯᠡᠴᠢᠯᠡᠬᠦ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠢᠶᠡᠨ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠵᠤ᠂ ᠲᠠᠯᠠ ᠨᠤᠲᠤᠭᠤᠨ 《ᠬᠤᠪᠢᠰᠬᠠᠯᠲᠤ ᠤᠳᠬᠠ ᠤᠷᠠᠯᠢᠭ᠋ᠤᠨ ᠬᠥᠩᠭᠡᠨ ᠮᠣᠷᠢᠲᠤ ᠴᠡᠷᠢᠭ》 ᠬᠡᠮᠡᠭᠳᠡᠪᠡ᠃ ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠭᠡᠰᠢᠭᠦᠳ 9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 17 ᠤ ᠡᠳᠦᠷ ᠭᠤᠸᠠᠩᠵᠧᠦ ᠬᠣᠲᠠᠶᠢᠨ ᠪᠠᠢ ᠧ ᠲᠠᠨ ᠶᠡᠬᠡ ᠲᠠᠢᠰᠠ᠂ ᠭᠤᠸᠠᠩᠵᠧᠦ ᠬᠣᠲᠠᠶᠢᠨ ᠰᠣᠶᠣᠯᠤᠨ ᠣᠷᠳᠣᠨᠳᠤ ᠬᠦᠷᠴᠦ᠍᠂ 9 ᠳ᠋ᠦ᠍ᠭᠡᠷ ᠰᠠᠷᠠᠶᠢᠨ 19 ᠦ ᠡᠳᠦᠷ᠂ 20ᠤ ᠡᠳᠦᠷ ᠳ᠋ᠦᠩᠭᠤᠸᠠᠨ ᠬᠣᠲᠠᠳᠤ ᠦᠷᠭᠦᠯᠵᠢᠯᠡᠨ ᠲᠣᠭᠯᠠᠯᠲᠠ ᠭᠠᠷᠭᠠᠨᠠ᠃ ᠲᠠᠷᠠᠭᠠᠴᠢᠶᠢᠨ ᠠᠵᠢᠯᠯᠠᠭᠠᠳᠤ ᠪᠠᠰᠠ ᠬᠢᠩᠭᠠᠨ ᠠᠢᠮᠠᠭᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭ᠋᠂ ᠬᠢᠩᠭᠠᠨᠤ ᠰᠠᠢᠨ ᠪᠠᠷᠠᠭᠠ ᠲᠠᠸᠠᠷ ᠭᠡᠬᠦ᠌ ᠬᠣᠶᠠᠷ ᠶᠡᠬᠡ ᠣᠨᠴᠠᠯᠢᠭ᠍ᠲᠤ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭᠤᠷᠢᠭᠢ ᠲᠣᠬᠢᠷᠠᠭᠤᠯᠵᠤ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠲᠤᠲᠤᠷᠭᠠ᠂ ᠦᠬᠡᠷ ᠬᠤᠨᠢᠨᠤ ᠮᠢᠬᠠ᠂ ᠠᠮᠲᠠᠲᠤ ᠬᠣᠪᠣᠷ ᠢᠳᠡᠭᠡᠨ᠂ ᠬᠤᠰᠤ ᠮᠣᠳᠣᠨᠤ ᠰᠢᠭᠦᠰᠦ ᠵᠡᠷᠭᠡ ᠲᠠᠷᠢᠶᠠᠯᠠᠩᠤᠨ ᠣᠨᠴᠠ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠤᠯᠠᠨ ᠲᠦᠮᠡᠨᠳᠦ ᠠᠮᠲᠠᠯᠠᠭᠤᠯᠬᠤ ᠪᠣᠯᠣᠨᠠ᠃
