| | 26 ᠤ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠬᠦᠷᠢᠶᠡᠨ ᠳᠤ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ | ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠯᠢᠶᠤᠤ ᠣᠯᠣᠰ ᠤᠨ ᠦᠶᠡ ᠶᠢᠨ ᠬᠦᠶ ᠹᠸᠢ ᠬᠠᠲᠤᠨ ᠤ | ᠣᠩᠭᠤᠨ ᠤ ᠡᠵᠡᠨ ᠪᠡᠶᠡ ᠶᠢᠨ ᠰᠣᠳᠣᠯᠣᠯ ᠰᠢᠨᠡ ᠳᠠᠪᠠᠯᠲᠠ ᠲᠠᠢ ᠪᠣᠯᠪᠠ᠃ ᠲᠤᠬᠠᠢ ᠶᠢᠨ ᠡᠳᠦᠷ᠂ ᠥᠪᠥᠷ | ᠮᠣᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯ ᠤᠨ ᠬᠠᠭᠤᠴᠢ ᠰᠤᠳᠤᠯᠬᠤ ᠭᠠᠵᠠᠷ ᠤᠨ ᠳᠡᠳ᠋ ᠳᠠᠷᠤᠭᠠ ᠭᠠᠢ ᡁᠢ | ᠶᠥᠡᠭ ᠰᠤᠳᠤᠯᠤᠭᠴᠢ ᠤᠷᠳᠤ ᠬᠤᠭᠤᠴᠠᠭᠠ ᠰᠢᠯᠭᠠᠨ ᠨᠣᠳ᠋ᠯᠠᠬᠤ ᠪᠠᠷ ᠳᠠᠮᠵᠢᠭᠠᠳ ᠲᠤᠰ ᠣᠩᠭᠤᠨ ᠤ ᠡᠵᠡᠨ ᠪᠣᠯ | ᠳᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠦᠬᠡᠨ ᠳᠡᠭᠡᠷᠡ ᠨᠡᠷᠡ ᠴᠤᠤᠲᠠᠢ ᠰᠢᠶᠤᠤ ᠲᠠᠶᠢᠬᠡᠦ ᠶᠢᠨ ᠵᠢᠭᠡ ᠣᠮᠪᠣᠯᠣ ᠥᠬᠢᠨ ᠪᠣᠯᠬᠤ ᠶᠢ | ᠨᠣᠳ᠋ᠯᠠᠭᠰᠠᠨ ᠪᠠᠶᠢᠨᠠ᠃ | ᠡᠨᠡ ᠬᠦ ᠢᠯᠡᠷᠡᠭᠦᠯᠦᠯᠲᠡ ᠳᠤ ᠴᠢᠭᠯᠡᠭᠦᠯᠦᠨ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯ ᠤᠨ | ᠬᠠᠭᠤᠴᠢ ᠰᠤᠳᠤᠯᠬᠤ ᠭᠠᠵᠠᠷ ᠤᠨ ᠣᠯᠠᠩᠬᠢ ᠲᠤᠰᠬᠠᠶ ᠮᠡᠷᠭᠡᠵᠢᠯᠲᠡᠳ ᠤᠨ ᠦᠵᠡᠬᠦ ᠪᠠᠷ᠂ ᠯᠢᠶᠤᠤ ᠣᠯᠣᠰ ᠤᠨ | ᠦᠶᠡ ᠶᠢᠨ ᠬᠦᠶ ᠹᠸᠢ ᠬᠠᠲᠤᠨ ᠤ ᠣᠩᠭᠤᠨ ᠪᠣᠯᠬᠤ ᠶᠢ ᠲᠣᠭᠲᠠᠭᠠᠭᠰᠠᠨ ᠤ ᠦᠨᠡ ᠴᠡᠨᠡ ᠬᠢᠭᠡᠳ ᠠᠴᠢ | ᠬᠤᠯᠪᠣᠭᠳᠠᠯ ᠨᠢ ᠡᠮᠦᠨᠡᠬᠢ ᠨᠢᠭᠡᠨ ᠦᠶᠡ ᠶᠡᠭᠡ ᠪᠠᠷ ᠲᠣᠷᠬᠢᠶᠠᠨ ᠡᠭᠦᠰᠭᠡᠭᠰᠡᠨ ᠬᠠᠶᠢᠬᠤᠨ ᠾᠧᠦ ᠶᠢᠨ ᠪᠤᠯᠠᠰᠢ ᠶᠢ | ᠮᠠᠯᠲᠠᠨ ᠢᠯᠡᠷᠡᠭᠦᠯᠦᠭᠰᠡᠨ ᠶᠠᠪᠤᠳᠠᠯ ᠲᠠᠢ ᠮᠥᠷᠦ ᠵᠡᠷᠭᠡᠴᠡᠵᠦ ᠪᠣᠯᠣᠨᠠ᠃ ᠡᠮᠦᠨᠡᠲᠦ ᠳᠤ ᠬᠠᠶᠢᠬᠤᠨ ᠾᠧᠦ ᠶᠢᠨ | ᠪᠣᠯᠠᠰᠢ ᠪᠠᠶᠢᠵᠤ᠂ ᠤᠮᠠᠷᠠᠲᠤ ᠳᠤ ᠬᠦᠶ ᠹᠸᠢ ᠬᠠᠲᠤᠨ ᠤ ᠣᠡᠭᠭᠤᠨ ᠪᠠᠶᠢᠨᠠ ᠭᠡᠵᠦ ᠠᠯᠳᠠᠷᠰᠢᠭᠤᠯᠤᠨ ᠬᠡᠯᠡᠵᠦ | ᠪᠣᠯᠣᠨᠠ᠃ | ᠯᠢᠶᠤᠤ ᠣᠯᠣᠰ ᠪᠣᠯ ᠳᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠬᠢᠳᠠᠨ ᠦᠨᠳᠦᠰᠦᠲᠡᠨ ᠤ ᠳᠤᠮᠳᠠᠳᠤ | ᠤᠯᠤᠰ ᠤᠨ ᠤᠮᠠᠷᠠᠲᠤ ᠳᠤ ᠪᠠᠶᠢᠭᠤᠯᠤᠭᠰᠠᠨ ᠹᠸᠤᠳᠠᠯ ᠤᠨ ᠬᠠᠭᠠᠨᠲᠤ ᠲᠥᠷᠥ ᠪᠣᠯᠤᠨᠠ᠂ ᠰᠢᠶᠤᠤ ᠣᠪᠣᠭᠲᠤ | ᠢᠵᠠᠭᠤᠷᠲᠠᠨ ᠪᠣᠯ ᠯᠢᠶᠤᠤ ᠣᠯᠣᠰ ᠤᠨ ᠦᠶᠡ ᠶᠢᠨ ᠦᠶᠡ ᠶᠢᠨ ᠨᠡᠷᠡ ᠲᠥᠷᠥ ᠲᠠᠢ ᠬᠠᠭᠠᠨ ᠤ ᠡᠷᠬᠡᠮ ᠢᠵᠠᠭᠤᠷᠲᠠᠨ | ᠮᠦᠨ᠃ ᠭᠠᠶ ᡁᠢ ᠶᠦᠩ ᠤᠨ ᠦᠵᠡᠬᠦ ᠪᠠᠷ᠂ ᠣᠩᠭᠤᠨ ᠤ ᠡᠵᠡᠨ ᠪᠡᠶᠡ ᠶᠢ ᠰᠢᠨᠡ ᠪᠠᠷ ᠨᠤᠲᠠᠯᠠᠭᠰᠠᠨ ᠶᠠᠪᠤᠳᠠᠯ ᠪᠣᠯ | ᠯᠢᠶᠤᠤ ᠣᠯᠣᠰ ᠤᠨ ᠦᠶᠡ ᠶᠢᠨ ᠦᠶᠡ ᠶᠢᠨ ᠭᠡᠷ ᠪᠦᠯᠢ ᠶᠢᠨ ᠤᠳᠤᠮ ᠤᠭᠰᠠᠭᠠ ᠶᠢᠨ ᠬᠠᠷᠢᠴᠠᠭᠠ ᠳᠤ ᠲᠦᠢᠯ ᠤᠨ | ᠶᠡᠭᠡ ᠨᠥᠬᠦᠪᠥᠷᠢᠯᠡᠬᠦ ᠦᠢᠯᠡᠳᠦᠯ ᠦᠵᠡᠭᠦᠯᠬᠦ ᠶᠢᠨ ᠬᠠᠮᠲᠤ ︽ᠯᠢᠶᠣᠤ ᠤᠯᠤᠰ ᠤᠨ ᠲᠡᠦᠬᠡ︾ ᠶᠢᠨ ᠰᠣᠳᠣᠯᠭᠠ ᠳᠤ | ᠴᠤ ᠪᠤᠷᠤᠭᠤ ᠶᠢ ᠵᠠᠯᠠᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠪᠢᠯᠡ᠃ | ᠣᠩᠭᠤᠨ ᠤ ᠡᠵᠡᠨ ᠪᠡᠶᠡ ᠶᠢ ᠴᠤᠬᠤᠮ ᠬᠡᠷᠬᠢᠨ ᠲᠣᠭᠲᠠᠭᠠᠬᠤ ᠪᠤᠢ︖ ᠭᠠᠶ ᡁᠢ ᠶᠦᠩ ᠬᠡᠯᠡᠭᠰᠡᠨ ᠨᠢ᠂ | ᠣᠶᠢᠷᠠ ᠳᠤ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠲᠤᠰᠬᠠᠶ ᠮᠡᠷᠭᠡᠵᠢᠯᠲᠡᠳ ᠥᠪᠥᠷ ᠮᠣᠩᠭᠤᠯ ᠤᠨ ᠳᠣᠯᠣᠨ ᠨᠠᠭᠤᠷ ᠰᠢᠶᠠᠨ ᠳᠤ | ᠢᠯᠡᠷᠡᠭᠰᠡᠨ ᠯᠢᠶᠤ ᠣᠯᠣᠰ ᠤᠨ ᠦᠶᠡ ᠶᠢᠨ ᠦᠶᠡ ᠶᠢᠨ ᠬᠦᠶ ᠹᠸᠢ ᠬᠠᠲᠤᠨ ᠤ ᠣᠩᠭᠤᠨ ᠤ ᠬᠥᠰᠢᠶᠡᠨ | ᠢᠯᠡᠷᠬᠡᠶᠢᠯᠡᠯ ᠢ ︽ᠨᠡᠬᠡᠬᠡᠭᠰᠡᠨ︾ ᠤ ᠳᠠᠷᠠᠭᠠ᠂ ᠣᠯᠠᠨ ᠲᠠᠯᠠ ᠶᠢᠨ ᠲᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ ᠢ ᠰᠡᠭᠦᠨ ᠡᠷᠢᠬᠦ ᠪᠠᠷ | ᠳᠠᠮᠵᠢᠭᠤᠯᠤᠨ᠂ ᠣᠩᠭᠤᠨ ᠤ ᠡᠵᠡᠨ ᠪᠡᠶᠡ ᠪᠣᠯ ᠰᠢᠶᠤᠤ ᠲᠠᠶᠢᠬᠡᠦ ᠶᠢᠨ ᠵᠢᠭᠡ ᠣᠮᠪᠣᠯᠣ ᠥᠬᠢᠨ ᠪᠣᠯᠬᠤ ᠶᠢ ᠡᠴᠦᠰ | ᠲᠡᠭᠡᠨ ᠲᠣᠳᠣᠯᠠᠪᠠ ᠭᠡᠵᠡᠢ᠃ | ᠮᠡᠳᠡᠭᠡᠯᠡᠭᠰᠡᠨ ᠢᠶᠠᠷ᠂ ᠲᠤᠰ ᠣᠩᠭᠤᠨ ᠤ ᠬᠥᠰᠢᠶᠡᠨ ᠢᠯᠡᠷᠬᠡᠶᠢᠯᠡᠯ ᠳᠤ ᠬᠦᠶ ᠹᠸᠢ ᠬᠠᠲᠤᠨ ᠤ ᠭᠠᠷᠤᠯ ᠢ | ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠵᠠᠢ᠂ ᠲᠡᠷᠡ ᠪᠣᠯ ᠯᠢᠶᠣᠤ ᠤᠯᠤᠰ ᠤᠨ ᠱᠸᠡᠭᠽᠦ᠋ᠡᠭ ᠬᠦᠶ ᠹᠸᠢ ᠬᠠᠲᠤᠨ ᠪᠣᠯᠬᠤ ᠪᠥᠭᠡᠳ ᠨᠢᠭᠡ | ᠬᠦᠦ ᠬᠤᠶᠠᠷ ᠬᠡᠦᠬᠡᠨ ᠲᠠᠢ᠂ ᠲᠡᠭᠦᠨ ᠤ ᠡᠴᠢᠭᠡ ᠪᠣᠯ ᠰᠦᠩ ᠤᠯᠤᠰ ᠲᠠᠢ ᠪᠠᠶᠢᠯᠳᠤᠵᠤ ᠪᠠᠶᠢᠭᠰᠠᠨ ᠯᠢᠶᠤᠤ | ᠤᠯᠤᠰ ᠤᠨ ᠨᠡᠷᠡᠲᠦ ᠵᠠᠩᠵᠤᠨ ᠰᠢᠶᠤᠤ ᠫᠠᠢ ᠶᠠ ᠪᠣᠯᠣᠨᠠ᠂ ᠲᠡᠭᠦᠨ ᠤ ᠡᠬᠡ ᠪᠣᠯ ᠸᠧᠶ ᠤᠯᠤᠰ ᠤᠨ ᠭᠦᠩᠵᠦ | ᠪᠣᠯᠬᠤ ᠶᠢ ᠲᠣᠳᠣᠷᠠᠭᠤᠯᠪᠠ᠃ ᠤᠯᠠᠮ ᠨᠢᠭᠡ ᠠᠯᠬᠤᠮ ᠰᠢᠯᠭᠠᠨ ᠨᠣᠳ᠋ᠯᠠᠬᠤ ᠪᠠᠷ ᠳᠠᠮᠵᠢᠨ ᠰᠢᠶᠤᠤ ᠲᠠᠶᠢᠬᠡᠦ ᠶᠢᠨ | ᠵᠢᠭᠡ ᠣᠮᠪᠣᠯᠣ ᠥᠬᠢᠨ ᠪᠣᠯᠬᠤ ᠶᠢ ᠲᠣᠳᠣᠯᠠᠵᠠᠢ᠃ | ᠢᠯᠡ ᠪᠠᠶᠢᠭᠠ ᠮᠠᠲ᠋ᠧᠷᠢᠶᠠᠯ ᠠᠴᠠ ᠦᠵᠡᠪᠡᠯ᠂ ᠰᠢᠶᠤᠤ ᠲᠠᠶᠢᠬᠡᠦ ᠶᠢᠨ ᠨᠡᠷᠡ ᠨᠢ ᠰᠢᠶᠤᠤ ᠴᠦᠸᠧ ᠭᠡᠳᠡᠭ᠂ | ᠡᠩᠭᠦᠷᠡᠶᠢᠯᠡᠭᠰᠡᠨ ᠨᠡᠷᠡ ᠨᠢ ᠶᠠᠨ ᠶᠠᠨ᠂ ᠪᠠᠯᠢ ᠣᠪᠣᠭ ᠲᠠᠢ᠂ ᠪᠠᠯᠢ ᠣᠪᠣᠭ ᠢ ᠶᠧ ᠯᠢᠦᠢ ᠠᠪᠤᠵᠢ ᠠᠴᠠ ᠲᠡᠭᠦᠨ ᠳᠤ | ᠬᠠᠶᠢᠷᠠᠯᠠᠵᠠᠢ︔ ᠯᠢᠶᠤᠤ ᠤᠯᠤᠰ ᠤᠨ ᠬᠠᠭᠠᠨ ᠤ ᠬᠠᠲᠤᠨ᠂ ᠤᠯᠤᠰ ᠲᠥᠷᠥᠴᠢᠨ᠂ ᠯᠢᠶᠣᠤ ᠤᠯᠤᠰ ᠤᠨ ᠵᠢᠩᠽᠦ᠋ᠡᠭ | ᠶᠧ ᠯᠢᠦᠢ ᠰᠢᠶᠠᠨ ᠤ ᠬᠠᠲᠤᠨ᠂ ᠠᠷᠠᠳ ᠤᠨ ᠰᠢ ᠲᠠᠭᠤᠷᠢᠯᠢᠭ ᠲᠤ ᠲᠡᠭᠦᠨ ᠢ ᠰᠢᠶᠤᠤ ᠲᠠᠶᠢᠬᠡᠦ ᠭᠡᠵᠦ ᠳᠠᠭᠤᠳᠠᠳᠠᠭ᠃ | |