|
| ᠠᠮᠢᠳᠤ ᠪᠤᠳᠠᠰ ᠤᠨ ᠵᠡᠪᠰᠡᠭ ᠭᠡᠭᠴᠢ ᠶᠠᠭᠤ ᠪᠤᠢ︖ |
|
|
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/11/30
|
|
ᠰᠦᠷᠳᠡᠭᠦᠯᠦᠭᠴᠢᠳ ᠮᠠᠰᠢ ᠤᠯᠠᠨ ᠪᠠᠺᠲ᠋ᠧᠷᠢ ᠶᠢ ᠠᠰᠢᠬᠯᠠᠵᠤ ᠶᠠᠯᠠ ᠬᠢᠵᠤ ᠪᠤᠯᠤᠨᠠ᠂ ᠡᠭᠦᠨ ᠤ ᠲᠤᠳᠤᠷᠠ ᠬᠠᠮᠤᠬ ᠤᠨ ᠬᠤᠤᠷᠠ ᠲᠠᠢ᠂ ᠬᠠᠯᠳᠠᠪᠤᠷᠢᠯᠠᠬᠤ ᠨᠢ ᠲᠦᠷᠭᠡᠨ ᠪᠠᠶᠢᠳᠠᠬ ᠨᠢ ᠴᠡᠴᠡᠭ ᠡᠪᠡᠳᠴᠢᠨ᠂ ᠬᠤᠯᠤᠭᠠᠨᠠ ᠬᠢᠵᠢᠭ ᠪᠠ ᠪᠤᠭᠤᠮᠠ ︵炭疽︶ ᠪᠤᠯᠤᠨᠠ᠂ ᠡᠳᠡᠭᠡᠷ ᠪᠠᠺᠲ᠋ᠧᠷᠢ ᠶᠢ ᠨᠢᠭᠡ ᠯᠡ ᠤᠳᠠᠭᠠ ᠭᠡᠷᠡᠭᠯᠡᠪᠡᠯ ᠲᠠᠷᠤᠢ ᠮᠠᠰᠢ ᠠᠷᠪᠢᠨ ᠬᠦᠮᠦᠨ ᠢ ᠬᠦᠨᠦᠭᠡᠨᠡ᠃ ᠬᠦᠮᠦᠨ ᠠᠯᠠᠳᠠᠬ ᠬᠤᠤᠷᠠᠳᠤ ᠪᠠᠺᠲ᠋ᠧᠷᠢ ᠪᠤᠯ ᠲᠠᠷᠤᠢ ᠠᠮᠢᠳᠤ ᠪᠤᠳᠠᠰ ᠤᠨ ᠵᠡᠪᠰᠡᠭ ᠮᠦᠨ᠃
ᠴᠡᠴᠡᠭ ᠡᠪᠡᠳᠴᠢᠨ
ᠴᠡᠴᠡᠭ ᠡᠪᠡᠳᠴᠢᠨ ᠪᠤᠯ ᠰᠦᠷᠳᠡᠭᠦᠯᠦᠭᠴᠢᠳ ᠤᠨ ᠭᠡᠷᠡᠭᠯᠡᠵᠦ ᠪᠤᠯᠬᠤ ᠬᠠᠮᠤᠬ ᠤᠨ ᠠᠶᠤᠮᠰᠢᠬᠳᠠᠢ ᠪᠠᠺᠲ᠋ᠧᠷᠢ ᠶᠢᠨ ᠨᠢᠭᠡ ᠵᠦᠢᠯ ᠮᠦᠨ᠃ ᠲᠡᠷᠡ ᠨᠢ ᠬᠤᠤᠷᠠ ᠶᠡᠭᠡᠳᠡᠢ᠂ ᠬᠠᠯᠳᠠᠪᠤᠷᠢᠯᠠᠯᠳᠠ ᠨᠢ ᠴᠢᠩᠭᠠ᠂ ᠠᠮᠢᠰᠬᠤᠯ ᠪᠠ ᠠᠷᠠᠰᠤ ᠪᠠᠷ ᠲᠠᠮᠵᠢᠵᠤ ᠬᠠᠯᠳᠠᠪᠤᠷᠢᠯᠠᠳᠠᠬ᠃ ᠭᠡᠪᠡᠴᠦ ᠤᠳᠤᠬᠠᠨ ᠳᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠳᠤ ᠲᠡᠭᠦᠨ ᠢ ᠡᠰᠡᠷᠭᠦᠴᠡᠭᠦ ᠡᠮ ᠤᠯᠳᠠᠭᠠᠳᠤᠢ᠃ ᠪᠤᠳᠤ ᠶᠢᠨ ᠲᠠᠷᠢᠯᠭᠠ ᠶᠢ ᠬᠢᠭᠦ ᠦᠭᠡᠢ ᠪᠤᠯᠤᠭᠠᠳ 20 ᠭᠠᠷᠤᠢ ᠵᠢᠯ ᠪᠤᠯᠵᠤ ᠪᠠᠶᠢᠨᠠ᠂ ᠤᠴᠢᠷ ᠨᠢ 1979 ᠤᠨ ᠪᠤᠯᠬᠤ ᠳᠤ ᠴᠡᠴᠡᠭ ᠡᠪᠡᠳᠴᠢᠨ ᠢ ᠤᠰᠠᠳᠬᠠᠪᠠ ᠭᠡᠵᠦ ᠬᠦᠮᠦᠰ ᠪᠤᠳᠤᠵᠤ ᠪᠠᠶᠢᠪᠠ᠃ ᠡᠶᠢᠮᠦ ᠠᠴᠠ ᠬᠡᠷᠪᠡ ᠴᠡᠴᠡᠭ ᠡᠪᠡᠳᠴᠢᠨ ᠲᠠᠬᠢᠭᠠᠳ ᠲᠡᠯᠭᠡᠷᠡᠪᠡᠯ ᠬᠤᠶᠢᠰᠢᠳᠠ ᠲᠦᠷᠦᠭᠦ ᠬᠦᠮᠦᠨ ᠴᠦᠮ ᠨᠡᠷᠪᠡᠭᠳᠡᠭᠦ ᠳᠤ ᠬᠦᠷᠦᠨᠡ᠂ ᠦᠳᠡᠯᠦᠭᠰᠡᠨ ᠬᠦᠮᠦᠨ ᠨᠡᠷᠪᠡᠭᠳᠡᠭᠦ ᠦᠭᠡᠢ ᠭᠡᠵᠦ ᠭᠡᠯᠡᠭᠦ ᠪᠠᠷᠢᠮᠳᠠ ᠪᠠᠰᠠ ᠦᠭᠡᠢ ᠪᠠᠶᠢᠬᠰᠠᠭᠠᠷ᠃
ᠬᠤᠯᠤᠭᠠᠨᠠ ᠭᠢᠵᠢᠭ
ᠤᠨ ᠲᠤᠭᠠᠯᠠᠯ ᠲᠠᠢ ᠪᠤᠯᠤᠬᠰᠠᠨ ᠠᠴᠠ ᠨᠠᠰᠢ᠂ ᠬᠤᠯᠤᠭᠠᠨᠠ ᠬᠢᠵᠢᠭ ᠪᠠᠷᠤᠬ 2 ᠳ᠋ᠦᠡᠭᠰᠢᠭᠤᠷ ᠬᠦᠮᠦᠨ ᠤ ᠠᠮᠢ ᠶᠢ ᠪᠤᠯᠢᠶᠠᠨ ᠠᠪᠴᠤ ᠪᠠᠶᠢᠨᠠ᠃ ᠭᠦᠭᠵᠢᠭᠰᠡᠨ ᠤᠯᠤᠰ ᠲᠤ ᠬᠤᠯᠤᠭᠠᠨᠠ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠭᠰᠡᠨ ᠭᠡᠳᠦᠭᠡᠨ ᠬᠦᠮᠦᠨ ᠭᠠᠷᠪᠠᠯ ᠬᠦᠮᠦᠰ ᠪᠦᠷ ᠴᠤ ᠠᠶᠤᠨ ᠰᠦᠷᠳᠡᠭᠳᠡᠨᠡ᠃ ᠬᠤᠯᠤᠭᠠᠨᠠ ᠬᠢᠵᠢᠭ ᠨᠢ ᠬᠤᠯᠤᠭᠠᠨᠠ᠂ ᠮᠤᠤᠷ ᠵᠢᠴᠢ ᠲᠡᠮᠡᠭᠡ᠂ ᠢᠮᠠᠭᠠ ᠵᠡᠷᠭᠡ ᠮᠠᠰᠢ ᠤᠯᠠᠨ ᠠᠮᠢᠳᠠᠨ ᠳᠤ ᠪᠦᠷ ᠬᠠᠯᠳᠠᠪᠤᠷᠢᠯᠠᠳᠠᠬ ᠶᠤᠮ᠃
ᠬᠤᠯᠤᠭᠠᠨᠠ ᠪᠤᠯ ᠬᠤᠯᠤᠭᠠᠨᠠ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠭᠰᠡᠨ ᠨᠤᠬᠠᠢ ᠶᠢᠨ ᠪᠦᠭᠡᠰᠦ ᠪᠠᠷ ᠲᠠᠮᠵᠢᠵᠤ ᠬᠤᠯᠤᠭᠠᠨᠠ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠳᠡᠭ᠃ ᠡᠳᠡᠭᠡᠷ ᠨᠤᠬᠠᠢ ᠶᠢᠨ ᠪᠦᠭᠡᠰᠦ ᠨᠢ ᠬᠦᠮᠦᠨ ᠢ ᠬᠠᠵᠠᠬᠤ᠂ ᠡᠰᠡᠭᠦᠯᠡ ᠬᠤᠯᠤᠭᠠᠨᠠ ᠨᠢ ᠬᠦᠮᠦᠨ ᠢ ᠬᠠᠵᠠᠬᠤ ᠳᠤ ᠭᠦᠷᠪᠡᠯ ᠬᠦᠮᠦᠨ ᠲᠤᠤᠷᠠ ᠪᠠᠨ ᠬᠤᠯᠤᠭᠠᠨᠠ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠳᠡᠭ᠃ ᠪᠤᠰᠤᠳ ᠬᠦᠭᠦᠳᠡᠨ᠂ ᠢᠯᠠᠩᠭᠤᠶᠠ ᠨᠤᠬᠠᠢ ᠵᠡᠷᠭᠡ ᠠᠮᠢᠳᠠᠨ ᠬᠢᠵᠢᠭ ᠲᠤ ᠨᠤᠬᠠᠢ ᠶᠢᠨ ᠪᠦᠭᠡᠰᠦ ᠶᠢ ᠡᠨᠡ ᠭᠠᠵᠠᠷ ᠠᠴᠠ ᠲᠡᠷᠡ ᠭᠠᠵᠠᠷ ᠲᠤ ᠠᠪᠠᠴᠢᠵᠤ ᠲᠠᠷᠬᠠᠭᠠᠳᠠᠬ᠃ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠷᠤᠬᠠᠢ ᠰᠢᠪᠠᠵᠢ ᠪᠤᠶᠤ ᠭᠡᠢ ᠠᠭᠠᠷ ᠢᠶᠠᠷ ᠲᠠᠮᠵᠢᠵᠤ ᠬᠠᠯᠳᠠᠪᠤᠷᠢᠯᠠᠳᠠᠬ ᠶᠤᠮ᠃ ᠠᠮᠢᠳᠤ ᠪᠤᠳᠠᠰ ᠤᠨ ᠵᠡᠪᠰᠡᠭ ᠪᠤᠯᠤᠬᠰᠠᠨ ᠤ ᠬᠤᠪᠢ ᠳᠤ ᠬᠤᠯᠤᠭᠠᠨᠠ ᠬᠢᠵᠢᠭ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠳᠤ ᠲᠤᠩ ᠶᠡᠭᠡ ᠠᠶᠤᠯ ᠭᠠᠮᠰᠢᠬ ᠲᠠᠢ ᠶᠤᠮ᠃
ᠪᠤᠭᠤᠮᠠ
ᠲᠡᠭᠡᠷᠡ ᠲᠤᠷᠠᠳᠤᠬᠰᠠᠨ ᠬᠤᠶᠠᠷ ᠵᠦᠢᠯ ᠤᠨ ᠪᠠᠺᠲ᠋ᠧᠷᠢ ᠲᠠᠢ ᠠᠳᠠᠯᠢᠳᠬᠠᠪᠠᠯ ᠪᠤᠭᠤᠮᠠ ᠪᠤᠯ ᠬᠦᠮᠦᠨ ᠤ ᠬᠤᠭᠤᠷᠤᠨᠳᠤᠬᠢ ᠤᠢᠢᠷᠠᠳᠤᠬᠤ ᠠᠴᠠ ᠬᠠᠯᠳᠠᠪᠤᠷᠢᠯᠠᠳᠠᠬ ᠦᠭᠡᠢ ᠶᠤᠮ᠃ ᠭᠡᠷᠪᠡ ᠪᠦᠳᠦᠮᠵᠢᠳᠡᠢ ᠡᠮᠨᠡᠪᠡᠯ ᠲᠡᠭᠦᠨ ᠤ ᠬᠤᠤᠷ ᠬᠦᠨᠦᠭᠡᠯ ᠨᠢ ᠡᠮᠦᠨᠡᠬᠢ ᠬᠤᠶᠠᠷ ᠵᠦᠢᠯ ᠤᠨ ᠪᠠᠺᠲ᠋ᠧᠷᠢ ᠠᠴᠠ ᠬᠦᠡᠭᠭᠡᠨ ᠪᠠᠶᠢᠳᠠᠬ᠃ ᠭᠡᠷᠪᠡ ᠤᠨᠴᠠ ᠪᠠᠶᠢᠳᠠᠯ ᠮᠡᠳᠡᠭᠳᠡᠭᠦ ᠦᠭᠡᠢ ᠪᠤᠯ ᠲᠡᠭᠦᠨ ᠢ ᠤᠨᠤᠰᠢᠯᠠᠬᠤ ᠳᠤ ᠬᠦᠴᠢᠷᠳᠡᠢ᠂ ᠬᠢᠮᠤᠷᠠᠭᠠ ᠪᠤᠶᠤ ᠠᠮᠢᠰᠬᠤᠯ ᠤᠨ ᠰᠢᠰᠲ᠋ᠧᠮ ᠤᠨ ᠡᠪᠡᠳᠴᠢᠨ ᠲᠠᠢ ᠬᠤᠳᠬᠤᠵᠤ ᠮᠡᠳᠡᠨᠡ᠃
ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢᠯᠡᠷᠡᠮᠡᠭᠴᠡ᠂ ᠤᠯᠠᠩᠬᠢ ᠳᠠᠭᠠᠨ 1 — 3 ᠡᠳᠦᠷ ᠤᠨ ᠲᠤᠳᠤᠷᠠ ᠦᠭᠦᠭᠦ ᠠᠶᠤᠯᠳᠠᠢ᠃ ᠡᠶᠢᠮᠦ ᠠᠴᠠ ᠬᠠᠯᠳᠠᠪᠤᠷᠢᠯᠠᠬᠤ ᠠᠶᠤᠯᠳᠠᠢ ᠰᠠᠭᠤᠭᠠᠯᠢ ᠠᠷᠠᠳ ᠪᠦᠭᠦᠨ ᠢ ᠡᠷᠳᠡᠭᠡᠨ ᠵᠠᠪᠳᠤᠵᠤ ᠪᠠᠶᠢᠴᠠᠭᠠᠨ ᠡᠮᠨᠡᠭᠦᠯᠭᠦ ᠭᠡᠷᠡᠭᠳᠡᠢ᠃ ᠡᠮᠨᠡᠨ ᠡᠳᠡᠭᠡᠷᠡᠭᠦᠯᠭᠦ ᠳᠤ ᠪᠠᠷᠤᠬ 8 ᠭᠠᠷᠠᠬ ᠤᠨ ᠬᠤᠭᠤᠴᠠᠭᠠ ᠭᠡᠷᠡᠭᠰᠡᠨᠡ᠃ ᠭᠡᠭᠦ ᠳᠡᠭᠡᠨ ᠡᠪᠡᠳᠴᠢᠳᠡᠨ ᠪᠠ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠬᠠᠯᠳᠠᠪᠤᠷᠢᠯᠠᠬᠰᠠᠨ ᠪᠤᠭᠤᠮᠠ ᠶᠢᠨ ᠰᠫᠤᠷ ︵孢子︶ ᠢ ᠠᠷᠢᠯᠭᠠᠬᠤ ᠭᠡᠷᠡᠭᠳᠡᠢ᠂ ᠬᠠᠮᠠᠷ ᠤᠨ ᠨᠦᠭᠡ᠂ ᠠᠷᠠᠰᠤ ᠪᠠ ᠭᠡᠵᠢᠭᠡ ᠪᠤᠯ ᠪᠤᠭᠤᠮᠠ ᠶᠢᠨ ᠰᠫᠤᠷ ᠠᠮᠠᠷᠬᠠᠨ ᠬᠠᠳᠠᠭᠠᠯᠠᠬᠳᠠᠬᠤ ᠭᠠᠵᠠᠷ ᠪᠤᠯᠤᠨᠠ᠃ |
|
|
|
ᠢᠷᠡᠯᠲᠡ᠄
ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
|