ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡᠨ ᠤ ᠲᠡᠯᠪᠡᠷᠡᠯᠳᠡ ≠ ᠴᠦᠮᠡ ᠶᠢᠨ ᠲᠡᠯᠪᠡᠷᠡᠯᠳᠡ
ᠶᠠᠫᠤᠨ ᠤ ᠭᠠᠵᠠᠷ ᠬᠦᠳᠡᠯᠦᠯᠳᠡ ᠳᠤ ᠶᠠᠫᠤᠨ ᠤ ᠹᠦᠺᠤᠰᠢᠮᠠ ᠶᠢᠨ ᠨᠢᠭᠡᠳᠦᠭᠡᠷ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠤᠳᠠᠭᠠ ᠲᠠᠷᠠᠭᠠ ᠪᠠᠷ ᠲᠡᠯᠪᠡᠷᠡᠭᠰᠡᠨ ᠳᠤ ᠮᠠᠰᠢ ᠤᠯᠠᠨ ᠬᠦᠮᠦᠰ ᠡᠨᠡ ᠨᠢ ︽ᠴᠦᠮᠡ ᠶᠢᠨ ᠲᠡᠯᠪᠡᠷᠡᠯᠳᠡ︾ ᠪᠤᠯᠪᠠᠤ ᠭᠡᠵᠦ ᠠᠶᠤᠳᠠᠰᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ ᠦᠨᠡᠨᠳᠡᠭᠡᠨ ᠭᠡᠳᠦᠨ ᠤᠳᠠᠭᠠᠨ ᠤ ᠲᠡᠯᠪᠡᠷᠡᠯᠳᠡ ᠨᠢ ᠪᠦᠷ ᠴᠤ ᠤᠰᠤᠳᠦ᠋ᠷᠦᠭᠴᠢ ᠶᠢᠨ ᠲᠡᠯᠪᠡᠷᠡᠯᠳᠡ ᠪᠤᠯᠤᠨᠠ᠃ ᠲᠡᠭᠡᠪᠡᠯ ᠡᠨᠡ ᠬᠦ ᠰᠢᠰᠲ᠋ᠧᠮ ᠳᠤ ᠶᠠᠭᠠᠬᠢᠬᠰᠠᠨ ᠪᠠᠰᠠ ᠤᠰᠤᠳᠦ᠋ᠷᠦᠭᠴᠢ ᠪᠠᠶᠢᠳᠠᠬ ᠪᠤᠢ︖ ᠭᠡᠪᠡᠯ᠂ ᠴᠦᠮᠡ ᠶᠢᠨ ᠰᠢᠳᠠᠭᠠᠯᠭᠠ ᠶᠢᠨ ᠲᠤᠨᠤᠬ ᠤᠨ ᠪᠤᠭᠤᠯᠳᠠ ᠪᠤᠯᠬᠤ zr ︵ᠲᠡᠮᠦᠷᠯᠢᠭ ᠼᠢᠷᠺᠤᠨ︶ ᠨᠢ ᠤᠰᠤ ᠲᠠᠢ ᠤᠷᠪᠠᠯ ᠡᠭᠦᠰᠴᠦ ᠤᠰᠤᠳᠦ᠋ᠷᠦᠭᠴᠢ ᠨᠢ ᠠᠶᠤᠯᠭᠦᠢ ᠪᠦᠷᠭᠦᠭᠦᠯ ᠳᠤ ᠤᠷᠤᠵᠤ ᠤᠰᠤᠨ ᠠᠭᠤᠷ ᠲᠠᠢ ᠨᠡᠶᠢᠯᠡᠵᠦ ᠦᠨᠳᠦᠷ ᠲᠠᠷᠤᠯᠳᠠ ᠡᠭᠦᠰᠭᠡᠳᠡᠭ᠃ ᠡᠨᠡ ᠦᠶᠡ ᠳᠤ ᠦᠨᠳᠦᠷ ᠲᠠᠷᠤᠯᠳᠠ ᠨᠢ ᠠᠶᠤᠯᠭᠦᠢ ᠪᠦᠷᠭᠦᠭᠦᠯ ᠤᠨ ᠵᠢᠷᠤᠵᠤ ᠲᠦᠯᠦᠪᠯᠡᠭᠰᠡᠨ ᠲᠠᠷᠤᠯᠳᠠ ᠶᠢᠨ 1.5 ᠲᠠᠬᠢᠨ ᠳᠤ ᠬᠦᠷᠦᠭᠰᠡᠨ ᠲᠤᠯᠠ ᠭᠡᠰᠡᠭ ᠭᠡᠶᠢᠳᠦ ᠪᠡᠶᠡ ᠶᠢ ᠲᠠᠯᠪᠢᠨ ᠭᠠᠷᠭᠠᠵᠤ ᠲᠠᠷᠤᠯᠳᠠ ᠶᠢ ᠪᠠᠭᠠᠰᠬᠠᠨ ᠲᠠᠷᠤᠯᠳᠠ ᠶᠢ ᠲᠡᠩᠴᠡᠭᠦᠯᠳᠡᠭ᠃ ᠲᠠᠯᠪᠢᠨ ᠭᠠᠷᠭᠠᠬᠰᠠᠨ ᠤᠰᠤᠳᠦ᠋ᠷᠦᠭᠴᠢ ᠨᠢ ᠠᠶᠤᠯᠭᠦᠢ ᠪᠦᠷᠭᠦᠭᠦᠯ ᠪᠤᠯᠤᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠦᠢᠯᠡᠳᠪᠦᠷᠢ ᠶᠢᠨ ᠲᠠᠰᠤᠬ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠭᠤᠰᠤᠨ ᠵᠠᠢ ᠳᠤ ᠤᠷᠤᠵᠤ ᠬᠦᠴᠢᠯᠳᠦ᠋ᠷᠦᠭᠴᠢ ᠲᠠᠢ ᠨᠡᠶᠢᠯᠡᠳᠡᠭ᠃ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠦᠢᠯᠡᠳᠪᠦᠷᠢ ᠶᠢᠨ ᠲᠠᠰᠤᠬ ᠨᠢ ᠨᠢᠬᠳᠠ ᠪᠢᠳᠡᠭᠦᠮᠵᠢ ᠲᠠᠢ ᠲᠤᠯᠠ ᠭᠡᠷ ᠤᠨ ᠭᠠᠳᠠᠨᠠᠬᠢ ᠤᠰᠤᠳᠦ᠋ᠷᠦᠭᠴᠢ ᠨᠢ ᠠᠷᠪᠢᠳᠤᠭᠠᠳ ᠭᠡᠮᠵᠢᠶᠡᠨ ᠠᠴᠠ ᠪᠠᠨ ᠭᠡᠳᠦᠷᠡᠪᠡᠯ ᠲᠠᠷᠤᠢ ᠲᠠᠯᠪᠠᠷᠠᠳᠡᠭ ᠪᠠᠶᠢᠨᠠ᠃
︽ᠴᠦᠮᠡ ᠶᠢᠨ ᠲᠠᠯᠪᠠᠷᠠᠯᠳᠠ︾ ᠪᠤᠯ ᠦᠨᠳᠦᠷ ᠴᠠᠪᠠᠷᠴᠡᠳᠦ ᠦᠷᠡᠨ ᠲᠠᠬᠢᠨ ᠢᠶᠠᠷ ᠨᠡᠮᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠡᠭᠦᠰᠳᠡᠭ ᠤᠷᠪᠠᠯ ᠮᠦᠨ᠃ ᠨᠧᠲᠷᠤᠨ ︵中子︶ ᠤ ᠲᠠᠬᠢᠨ ᠢᠶᠠᠷ ᠨᠡᠮᠡᠭᠳᠡᠭᠦ ᠪᠠᠷ ᠲᠡᠮᠵᠢᠵᠦ ᠪᠦᠭᠦ᠋ᠢᠯᠡ ᠴᠦᠮᠡ ᠶᠢᠨ ᠬᠠᠭᠠᠷᠠᠯᠳᠠ ᠶᠢ ᠭᠱᠠᠨ ᠵᠠᠭᠤᠷᠠ ᠡᠭᠦᠰᠭᠡᠳᠡᠭ᠂ ᠭᠡᠳᠡᠯᠡ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠶᠢᠨ ᠤᠷᠪᠠᠯ ᠤᠨ ᠵᠤᠬᠠ ᠨᠢ ᠡᠭᠦᠨ ᠲᠠᠢ ᠦᠰᠦᠳ ᠦᠭᠡᠷᠡ ᠪᠠᠶᠢᠳᠠᠬ᠃ ᠤᠷᠪᠠᠯ ᠤᠨ ᠵᠤᠤᠬᠠ ᠳᠤ ᠭᠡᠯᠬᠢᠶᠡᠵᠢᠭᠰᠡᠨ ᠤᠷᠪᠠᠯ ᠠᠯᠭᠤᠷ ᠢᠶᠠᠷ ᠡᠭᠦᠰᠳᠡᠭ ᠠᠴᠠ ᠪᠢᠰᠢ ᠭᠱᠠᠨ ᠵᠠᠭᠤᠷᠠ ᠤᠷᠪᠠᠯ ᠡᠭᠦᠰᠳᠡᠭ ᠦᠭᠡᠢ᠂ ᠤᠷᠪᠠᠯ ᠤᠨ ᠬᠤᠷᠳᠤᠴᠠ ᠨᠢ ᠴᠤ ᠭᠡᠳᠦᠨ ᠮᠢᠩᠭᠠᠨ ᠲᠦᠮᠡᠨ ᠲᠠᠬᠢᠨ ᠤ ᠵᠦᠷᠢᠶᠡ ᠲᠠᠢ᠃ ᠤᠷᠪᠠᠯ ᠤᠨ ᠵᠤᠤᠬᠠ ᠳᠤ ᠵᠦᠪᠭᠡᠨ 3％ ᠤᠷᠴᠢᠮ ᠴᠡᠪᠡᠷᠴᠡ ᠲᠠᠢ ᠦᠷᠡᠨ -235 ᠶᠢ ᠭᠡᠷᠡᠭᠯᠡᠵᠦ᠂ ᠠᠲ᠋ᠤᠮ ᠤᠨ ᠪᠦᠮᠪᠦᠭᠡ ᠳᠤ ᠬᠠᠷᠢᠨ ᠴᠡᠪᠡᠷᠴᠡ ᠨᠢ 90％ ᠠᠴᠠ ᠲᠡᠭᠡᠭᠰᠢ ᠪᠠᠶᠢᠳᠠᠬ ᠦᠷᠡᠨ -235 ᠶᠢ ᠭᠡᠷᠡᠭᠯᠡᠳᠡᠭ ᠶᠤᠮ᠃ ᠡᠶᠢᠮᠦ ᠠᠴᠠ ᠴᠦᠮᠡ ᠵᠨ ᠴᠠᠬᠢᠯᠭᠠᠨ ᠤ ᠤᠷᠪᠠᠯ ᠤᠨ ᠵᠤᠤᠬᠠ ᠨᠢ ᠶᠠᠭᠠᠬᠢᠬᠰᠠᠨ ᠴᠤ ︽ᠴᠦᠮᠡ ᠶᠢᠨ ᠲᠡᠯᠪᠡᠷᠡᠯᠳᠡ︾ ᠪᠤᠯᠵᠤ ᠴᠢᠳᠠᠬᠤ ᠦᠭᠡᠢ᠃ ᠡᠨᠡ ᠨᠢ ᠶᠠᠬ ᠯᠠ ᠬᠠᠷᠠ ᠠᠷᠢᠬᠢ ᠨᠤᠴᠤᠵᠤ ᠪᠠᠶᠢᠳᠠᠯᠠ ᠪᠠᠨ ᠫᠢᠸᠤ᠋ ᠨᠤᠴᠤᠳᠠᠬ ᠦᠭᠡᠢ ᠪᠠᠶᠢᠳᠠᠬ ᠤᠨ ᠶᠤᠰᠤ ᠲᠠᠢ ᠠᠳᠠᠯᠢ ᠶᠤᠮ᠃
ᠴᠦᠮᠡ ᠶᠢᠨ ᠰᠠᠴᠤᠷᠠᠬ ᠪᠤᠳᠠᠰ ᠭᠡᠭᠴᠢ ᠶᠠᠭᠤ ᠪᠤᠢ︖
ᠴᠦᠮᠡ ᠶᠢᠨ ᠯᠠᠪᠠᠷᠠᠯᠳᠠ ᠳᠠᠬᠢ ᠲᠦᠷᠪᠡᠨ ᠵᠦᠢᠯ ᠤᠨ ᠰᠠᠴᠤᠷᠠᠬ ᠴᠢᠨᠠᠷᠳᠠᠢ ᠢᠵᠢᠯ ᠪᠠᠶᠢᠷᠢᠳᠤ ᠡᠯᠧᠮᠧᠨ᠋ᠲ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠤᠤᠷᠠᠳᠠᠢ ᠪᠠᠶᠢᠳᠠᠬ᠄ ᠢᠤᠳ᠋ -131᠂ ᠼᠧᠽᠢ -137 ︵铯︶᠂ ᠰᠲᠷᠤᠨ᠋ᠲ -90 ︵锶︶᠂ ᠵᠢᠴᠢ ᠫᠯᠦ᠋ᠲ᠋ᠤᠨ -139 ︵钚︶᠃ ᠡᠳᠡᠭᠡᠷ ᠰᠠᠴᠤᠷᠠᠬ ᠴᠢᠨᠠᠷᠳᠠᠢ ᠡᠯᠧᠮᠧᠨ᠋ᠲ ᠨᠢ ᠭᠤᠤᠯᠳᠠᠭᠤ ａ᠂βｒ ᠵᠡᠷᠭᠡ ᠰᠠᠴᠤᠷᠠᠬ ᠭᠡᠯᠪᠡᠷᠢ ᠪᠠᠷ ᠰᠠᠴᠤᠷᠠᠳᠠᠬ᠃ ａ ᠰᠠᠴᠤᠷᠠᠬ ᠨᠢ ᠨᠢᠭᠡ ᠯᠡ ᠬᠠᠭᠤᠳᠠᠰᠤ ᠴᠠᠭᠠᠰᠤ ᠪᠠᠷ ᠴᠤ ᠬᠠᠯᠬᠠᠯᠠᠵᠤ ᠴᠢᠳᠠᠳᠠᠬ᠂ ᠭᠡᠪᠡᠴᠦ ᠬᠦᠮᠦᠨ ᠤ ᠪᠡᠶᠡ ᠳᠤ ᠤᠷᠤᠪᠠᠯ ᠶᠡᠭᠡ ᠬᠤᠤᠷᠠᠳᠠᠢ᠃ ᠰᠠᠴᠤᠷᠠᠬ ᠪᠤᠯ ᠲᠡᠭᠡᠳᠦ ᠬᠤᠷᠳᠤᠴᠠᠳᠤ ᠡᠯᠧᠺᠲᠷᠤᠨ ᠮᠦᠨ᠂ ᠡᠩ ᠤᠨ ᠲᠡᠮᠦᠷᠯᠢᠭ ᠢᠶᠠᠷ ᠬᠠᠯᠬᠠᠯᠠᠵᠤ ᠴᠢᠳᠠᠨᠠ᠂ ᠬᠦᠮᠦᠨ ᠤ ᠠᠷᠠᠰᠤᠨ ᠲᠡᠭᠡᠷᠡ ᠬᠦᠷᠪᠡᠯ ᠬᠠᠯᠠᠭᠠᠵᠤ ᠤᠯᠠᠶᠢᠯᠭᠠᠳᠠᠬ᠃ ｒ ᠰᠠᠴᠤᠷᠠᠬ ᠨᠢ x ᠰᠠᠴᠤᠷᠠᠬ ᠲᠦᠯᠦᠪᠳᠡᠢ᠂ ᠬᠦᠮᠦᠨ ᠤ ᠪᠡᠶᠡ ᠪᠠ ᠭᠡᠷᠡᠮ ᠢ ᠨᠡᠪᠳᠡᠯᠳᠡᠭ ᠲᠤᠯᠠ ᠰᠢᠷᠬᠠᠳᠠᠭᠤᠯᠬᠤ ᠬᠦᠴᠦᠨ ᠨᠢ ᠶᠡᠭᠡ᠂ ᠬᠦᠮᠦᠨ ᠤᠢᠢᠷᠠ ᠪᠠᠶᠢᠭᠠᠳ ᠤᠨᠤᠬᠳᠠᠪᠠᠯ ᠡᠪᠡᠳᠴᠢᠨ ᠲᠠᠷᠢᠵᠤ᠂ ᠴᠢᠨᠠᠬᠰᠢᠯᠠᠪᠠᠯ ᠬᠤᠶᠢᠴᠢ ᠦᠶᠡ ᠶᠢ ᠨᠢ ᠴᠤ ᠨᠦᠯᠦᠭᠡᠯᠡᠨᠡ᠃
ᠢᠤᠳ᠋ -131 ᠬᠠᠮᠤᠬ ᠤᠨ ᠠᠶᠤᠯᠳᠠᠢ᠂ ᠤᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠤ ᠲᠤᠳᠤᠷᠠ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠡᠰ ᠢ ᠦᠮᠡᠨᠵᠢᠭᠦᠯᠳᠡᠭ᠃ ᠢᠤᠳ᠋ -131 ᠶᠢᠨ ᠬᠠᠭᠠᠰ ᠴᠤᠴᠠᠷᠠᠯᠳᠠ ᠶᠢᠨ ᠬᠤᠭᠤᠴᠠᠭᠠ ᠨᠢ 8.3 ᠡᠳᠦᠷ᠂ 3 ᠰᠠᠷᠠ ᠶᠢᠨ ᠲᠤᠳᠤᠷᠠ ᠴᠦᠮ ᠴᠤᠴᠠᠷᠠᠵᠤ ᠠᠷᠢᠯᠳᠠᠬ᠃
ᠼᠧᠽᠢ -137 ᠶᠢᠨ ᠬᠤᠤᠷᠠ ᠨᠢ ᠢᠤᠳ᠋ -131 ᠶᠢᠨ ᠲᠠᠷᠠᠭᠠ ᠤᠷᠤᠵᠤ᠂ ᠡᠯᠢᠭᠡᠨ ᠤ ᠦᠮᠡᠨ ᠪᠠ ᠪᠦᠭᠡᠷᠡ ᠶᠢᠨ ᠦᠮᠠᠨ ᠡᠭᠦᠰᠭᠡᠳᠡᠭ᠃ ᠲᠡᠷᠡ ᠨᠢ ᠬᠦᠮᠦᠨ ᠤ ᠶᠠᠰᠤᠨ ᠳᠤ ᠤᠳᠠᠭᠠᠨ ᠨᠢᠭᠤᠬᠳᠠᠨᠠ᠂ ᠬᠠᠭᠠᠰ ᠴᠤᠴᠠᠷᠠᠯᠳᠠ ᠶᠢᠨ ᠬᠤᠭᠤᠴᠠᠭᠠ ᠨᠢ 30 ᠵᠢᠯ᠃
ᠰᠲᠷᠤᠨ᠋ᠲ -90 ᠶᠢᠨ ᠬᠠᠭᠠᠰ ᠴᠤᠴᠠᠷᠠᠯᠳᠠ ᠶᠢᠨ ᠬᠤᠭᠤᠴᠠᠭᠠ ᠨᠢ 29.1 ᠵᠢᠯ ᠪᠠᠶᠢᠵᠤ᠂ ᠬᠦᠮᠦᠨ ᠤ ᠶᠠᠰᠤ᠂ ᠰᠢᠳᠦᠨ ᠳᠤ ᠠᠮᠠᠷᠬᠠᠨ ᠤᠷᠤᠳᠠᠬ᠃ ᠢᠳᠡᠭᠡᠨ ᠤᠮᠳᠠᠭᠠᠨ ᠵᠢᠷ ᠬᠦᠮᠦᠨ ᠤ ᠪᠡᠶᠡ ᠳᠤ ᠤᠷᠤᠨᠠ᠂ ᠭᠡᠮᠵᠢᠶᠡ ᠨᠢ ᠠᠷᠪᠢᠳᠪᠠᠯ ᠶᠠᠰᠤᠨ ᠤ ᠦᠮᠡᠨ ᠪᠠ ᠴᠢᠰᠤ ᠴᠠᠶᠢᠬᠤ ᠡᠪᠡᠳᠴᠢᠨ ᠡᠭᠦᠰᠭᠡᠳᠡᠭ᠃ ᠭᠡᠪᠡᠴᠦ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡᠨ ᠤ ᠭᠡᠷᠡᠭ ᠲᠤ ᠶᠡᠭᠡ ᠭᠡᠮᠵᠢᠶᠡᠨ ᠤ ᠰᠲᠷᠤᠨ᠋ᠲ -90 ᠶᠢ ᠭᠠᠷᠭᠠᠳᠠᠬ ᠦᠭᠡᠢ ᠶᠤᠮ᠃
ᠫᠯᠦ᠋ᠲ᠋ᠤᠨ -139 ᠶᠡᠭᠡ ᠠᠶᠤᠯᠳᠠᠢ᠂ ᠫᠯᠦ᠋ᠲ᠋ᠤᠨ ᠪᠤᠯ ᠲᠦᠯᠡᠰᠢ ᠶᠢᠨ ᠰᠢᠰᠲ᠋ᠧᠮ ᠤᠨ ᠭᠤᠤᠯ ᠪᠦᠷᠢᠯᠳᠦᠭᠦᠨ ᠪᠤᠳᠠᠰ ᠮᠦᠨ᠂ ᠬᠤᠤᠷᠠ ᠨᠢ ᠲᠤᠩ ᠶᠡᠭᠡ᠂ ᠠᠮᠢᠰᠬᠤᠯ ᠢᠶᠠᠷ ᠲᠠᠮᠵᠢᠳᠠᠬ ᠲᠤᠯᠠ ᠠᠭᠤᠰᠬᠢᠨ ᠦᠮᠡᠨ ᠠᠮᠠᠷᠬᠠᠨ ᠡᠭᠦᠰᠭᠡᠳᠡᠭ᠃
ᠲᠡᠤᠭᠡᠨ ᠲᠡᠭᠡᠷᠡᠬᠢ 10 ᠶᠡᠭᠡ ᠴᠦᠮᠡ ᠶᠢᠨ ᠯᠠᠪᠠᠷᠠᠯᠳᠠ ᠶᠢᠨ ᠭᠡᠷᠡᠭ
1. 1957 ᠤᠨ ᠤ 10 ᠰᠠᠷᠠ ᠶᠢᠨ 10 ᠤ ᠡᠳᠦᠷ ᠤᠨ ᠠᠩᠭ᠍ᠯᠢ ᠶᠢᠨ ᠸᠧᠨᠳᠠᠷᠰᠭᠧᠯ ᠤᠨ ᠴᠦᠮᠡ ᠶᠢᠨ ᠭᠠᠯ ᠤᠨ ᠠᠶᠤᠯ᠃ ᠴᠦᠮᠡ ᠶᠢᠨ ᠤᠷᠪᠠᠯ ᠤᠨ ᠵᠤᠤᠬᠠ ᠶᠢᠨ ᠪᠠᠯ ᠴᠢᠯᠠᠭᠤ ᠶᠢᠨ ᠵᠤᠤᠬᠠ ᠶᠢᠨ ᠭᠤᠤᠯ ᠨᠢ ᠭᠡᠳᠦ ᠬᠠᠯᠠᠭᠤᠷᠠᠵᠤ᠂ ᠲᠤᠯᠠᠭᠠᠨ ᠤ ᠭᠡᠮᠵᠢᠭᠦᠷᠯᠢᠭ ᠨᠢ ᠲᠦᠭᠵᠢᠷᠡᠨ᠂ ᠪᠦᠭᠦ ᠰᠢᠰᠲ᠋ᠧᠮ ᠨᠢ ᠡᠵᠡᠮᠰᠢᠯ ᠢᠶᠠᠨ ᠠᠯᠳᠠᠵᠤ᠂ ᠲᠦᠯᠡᠰᠢ ᠨᠢ ᠰᠢᠳᠠᠵᠤ᠂ ᠪᠠᠯ ᠴᠢᠯᠠᠭᠤ ᠨᠢ ᠴᠤ ᠰᠢᠳᠠᠭᠠᠳ᠂ ᠤᠷᠪᠠᠯ ᠤᠨ ᠵᠤᠤᠬᠠ ᠶᠢᠨ ᠭᠤᠤᠯ ᠨᠢ ᠭᠠᠯ ᠭᠠᠷᠴᠤ᠂ ᠦᠯᠡᠮᠵᠢᠭᠡᠨ ᠰᠠᠴᠤᠷᠠᠬ ᠪᠤᠳᠠᠰ ᠢ ᠭᠠᠳᠠᠬᠰᠢ ᠭᠠᠷᠭᠠᠪᠠ᠃ ᠵᠤᠯ ᠢᠶᠠᠷ 120 ᠮᠧᠲᠷ ᠦᠨᠳᠦᠷ ᠬᠤᠯᠠᠩ ᠢᠶᠠᠷ ᠭᠠᠳᠠᠬᠰᠢᠯᠠᠬᠰᠠᠨ ᠲᠤᠯᠠ ᠬᠦᠮᠦᠨ ᠤ ᠪᠡᠶᠡ ᠳᠤ ᠴᠦᠭᠡᠨ ᠬᠦᠷᠦᠯᠴᠡᠵᠡᠢ᠃
2. 1966 ᠤᠨ ᠤ 1 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠤᠨ ᠢᠰᠫᠠᠨᠢ ᠶᠢᠨ ᠫᠠᠯᠦ᠋ᠮᠡᠯᠧᠰ ᠤᠨ ᠤᠰᠤᠳᠦ᠋ᠷᠦᠭᠴᠢ ᠪᠦᠮᠪᠦᠭᠡ ᠶᠢᠨ ᠭᠡᠷᠡᠭ᠃ ᠢᠰᠫᠠᠨᠢ ᠶᠢᠨ ᠲᠠᠯᠠᠢ ᠲᠠᠭᠤ ᠤᠷᠤᠨ ᠤ ᠠᠭᠠᠷ ᠲᠡᠭᠡᠷᠡ ᠠᠮᠧᠷᠢᠺᠠ ᠶᠢᠨ B-52 ᠲᠡᠯᠪᠡᠴᠡᠭᠦ ᠨᠢᠰᠭᠡᠯ ᠪᠠ KC -135 ᠠᠭᠠᠷ ᠲᠡᠭᠡᠷᠡ ᠲᠤᠰᠤ ᠨᠠᠮᠠᠭᠦ ᠨᠢᠰᠭᠡᠯ ᠲᠤᠰᠤ ᠨᠡᠮᠡᠭᠦ ᠪᠤᠯᠪᠠᠰᠤᠷᠠᠯ ᠤᠨ ᠲᠤᠮᠳᠠ 3100 ᠮᠧᠲᠷ ᠦᠨᠳᠦᠷ ᠲᠡᠭᠡᠷᠡ ᠮᠦᠷᠭᠦᠯᠳᠦᠭᠡᠳ ᠲᠡᠯᠪᠡᠷᠡᠪᠡ᠃ ᠰᠢᠭᠦᠷ ᠤᠨ ᠲᠤᠤᠷᠠ ᠵᠢᠯᠤᠭᠤᠳᠤᠬᠴᠢ ᠠᠴᠠ ᠭᠠᠳᠠᠨᠠ ᠪᠠᠰᠠ ᠠᠶᠤᠮᠠᠷ ᠶᠡᠭᠡ ᠬᠦᠴᠦᠨ ᠲᠠᠢ 4 ᠤᠰᠤᠳᠦ᠋ᠷᠦᠭᠴᠢ ᠪᠦᠮᠪᠦᠭᠡ ᠪᠠᠶᠢᠪᠠ᠃ ᠬᠤᠶᠠᠷ ᠨᠢ ᠭᠠᠵᠠᠷ ᠤᠨᠠᠵᠤ ᠲᠡᠯᠪᠡᠷᠡᠭᠡᠳ ᠤᠢᠢᠷᠠ ᠬᠠᠪᠢ ᠶᠢᠨ 2 ᠺᠢᠯᠤᠮᠧᠲᠷ ᠤᠨ ᠤᠷᠤᠨ ᠢ ᠬᠦᠨᠳᠦ ᠨᠤᠴᠢᠳᠠᠢ ᠰᠠᠴᠤᠷᠠᠬ ᠢᠶᠠᠷ ᠪᠤᠬᠢᠷᠳᠤᠭᠤᠯᠪᠠ᠃ ᠠᠮᠧᠷᠢᠺᠠ ᠶᠢᠨ ᠴᠡᠷᠢᠭ 3000 ᠬᠦᠮᠦᠨ ᠢ ᠬᠦᠳᠡᠯᠭᠡᠵᠦ᠂ ᠲᠠᠯᠠᠢ ᠶᠢᠨ ᠢᠷᠤᠭᠠᠷ ᠠᠴᠠ 3 ᠰᠠᠷᠠ ᠡᠷᠢᠵᠦ ᠪᠠᠶᠢᠭᠠᠳ 4 ᠰᠠᠷᠠ ᠶᠢᠨ 7 ᠤ ᠡᠳᠦᠷ ᠨᠢᠭᠡ ᠤᠰᠤᠳᠦ᠋ᠷᠦᠭᠴᠢ ᠪᠦᠮᠪᠦᠭᠡ ᠶᠢ ᠨᠢ ᠱᠦᠭᠦᠵᠦ ᠭᠠᠷᠭᠠᠪᠠ᠃
3. 1968 ᠤᠨ ᠤ 1 ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠤᠨ ᠭᠷᠢᠨᠯᠠᠨᠳ᠋ ᠤᠨ ᠲᠦᠯᠧ ᠶᠢᠨ ᠠᠲ᠋ᠤᠮ ᠤᠨ ᠪᠦᠮᠪᠦᠭᠡ ᠶᠢᠨ ᠯᠠᠪᠠᠷᠠᠯᠳᠠ᠃ ᠲᠦᠯᠧ ᠶᠢᠨ ᠠᠭᠠᠷ ᠤᠨ ᠴᠡᠷᠢᠭ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠲᠤ ᠠᠮᠧᠷᠢᠺᠠ ᠶᠢᠨ B-52 ᠲᠡᠯᠪᠡᠴᠡᠭᠦ ᠨᠢᠰᠭᠡᠯ ᠤᠨ ᠮᠠᠰᠢᠨ ᠤ ᠦᠷᠦᠭᠡᠨ ᠳᠤ ᠭᠠᠯ ᠭᠠᠷᠴᠤ᠂ ᠨᠢᠰᠭᠡᠯ ᠤᠨ ᠬᠦᠮᠦᠰ ᠨᠢ ᠨᠢᠰᠭᠡᠯ ᠢᠶᠠᠨ ᠤᠷᠬᠢᠵᠤ ᠠᠮᠢ ᠵᠢᠭᠤᠳᠠᠪᠠ᠃ ᠲᠡᠯᠪᠡᠴᠡᠭᠦ ᠨᠢᠰᠭᠡᠯ ᠨᠢ ᠤᠢᠢᠷᠠ ᠬᠠᠪᠢ ᠶᠢᠨ ᠮᠦᠰᠦᠨ ᠲᠡᠭᠡᠷᠡ ᠤᠨᠠᠵᠤ ᠰᠦᠢᠷᠡᠭᠡᠳ᠂ ᠨᠢᠰᠭᠡᠯ ᠲᠡᠭᠡᠷᠡᠬᠢ ᠠᠲ᠋ᠤᠮ ᠤᠨ ᠪᠦᠮᠪᠦᠭᠡ ᠨᠢ ᠬᠠᠭᠠᠷᠠᠵᠤ᠂ ᠶᠡᠭᠡ ᠭᠡᠪᠴᠢᠶᠡᠨ ᠤ ᠭᠠᠵᠠᠷ ᠲᠤ ᠰᠠᠴᠤᠷᠠᠬ ᠤᠨ ᠪᠤᠬᠢᠷᠳᠤᠯ ᠢ ᠪᠤᠢ ᠪᠤᠯᠭᠠᠪᠠ᠃
4. 1970 ᠤᠨ ᠤ 12 ᠰᠠᠷᠠ ᠶᠢᠨ 18 ᠤ ᠡᠳᠦᠷ ᠤᠨ ᠠᠮᠧᠷᠢᠺᠠ ᠶᠢᠨ ᠨᠸᠧᠨᠳᠡ ᠵᠸᠦ ᠶᠢᠨ ᠰᠯᠠᠨ ᠠᠭᠤᠯᠠ ᠶᠢᠨ ᠴᠦᠮᠡ ᠶᠢᠨ ᠲᠡᠯᠪᠡᠷᠡᠯᠳᠡ ᠶᠢᠨ ᠭᠡᠷᠡᠭ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ︽ᠪᠢᠨᠪᠠᠯᠠᠢ︾ ᠨᠠᠷᠠᠮᠵᠢᠳᠦ ᠲᠦᠮᠡᠨ ᠲᠤᠨ ᠤ ᠲᠠᠩᠴᠡᠯ ᠤᠨ ᠴᠦᠮᠡ ᠶᠢᠨ ᠪᠦᠮᠪᠦᠭᠡ ᠲᠡᠯᠪᠡᠷᠡᠪᠡ᠃ ᠡᠨᠡ ᠴᠦᠮᠡ ᠶᠢᠨ ᠪᠦᠮᠪᠦᠭᠡ ᠶᠢ 900 ᠠᠩᠭ᠍ᠯᠢ ᠲᠤᠬᠤᠢ ᠬᠦᠨ ᠪᠤᠰᠤᠭᠠ ᠬᠤᠳᠳᠤᠬ ᠲᠤ ᠲᠤᠬᠢᠷᠠᠭᠤᠯᠵᠠᠢ᠃ ᠪᠢᠳᠡᠭᠦᠮᠵᠢᠯᠡᠯᠳᠡ ᠨᠢ ᠰᠤᠯᠠ ᠪᠤᠯᠤᠬᠰᠠᠨ ᠠᠴᠠ 300 ᠲᠦᠮᠡᠨ ᠺᠶᠤᠷᠢ ︵居里︶ ᠰᠠᠴᠤᠷᠠᠬ ᠪᠤᠳᠠᠰ ᠢ 8000 ᠠᠩᠭ᠍ᠯᠢ ᠲᠤᠬᠤᠢ ᠦᠨᠳᠦᠷ ᠠᠭᠠᠷ ᠮᠠᠨᠳᠠᠯ ᠳᠤ ᠰᠦᠷᠴᠢᠨ ᠭᠠᠷᠭᠠᠭᠠᠳ ᠰᠠᠴᠤᠷᠠᠬᠰᠠᠨ ᠬᠤᠬ ᠲᠤᠭᠤᠰᠤ ᠨᠢ ᠤᠮᠠᠷᠠᠳᠤ ᠳ᠋ᠡᠺᠦᠳᠡ ᠵᠸᠦ ᠬᠦᠷᠳᠡᠯᠡ ᠰᠠᠷᠨᠢᠪᠠ᠃
5. 1979 ᠤᠨ ᠤ 3 ᠰᠠᠷᠠ ᠶᠢᠨ 28 ᠤ ᠡᠳᠦᠷ ᠤᠨ ᠠᠮᠧᠷᠢᠺᠠ ᠶᠢᠨ ᠰᠠᠯᠠᠢ ᠲᠤᠤ ᠠᠷᠠᠯ ᠤᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠶᠢᠨ ᠭᠡᠷᠡᠭ᠃ ᠲᠤᠰ ᠦᠷᠳᠡᠭᠡᠨ ᠤ 2 ᠳ᠋ᠤᠭᠠᠷ ᠤᠷᠪᠠᠯ ᠤᠨ ᠵᠤᠤᠬᠠ ᠶᠢᠨ ᠤᠰᠤ ᠬᠠᠨᠭ᠍ᠭᠠᠬᠤ ᠭᠦᠭᠡᠷᠭᠡ ᠨᠢ ᠭᠡᠨᠡᠳᠳᠡ ᠵᠤᠬᠰᠤᠬᠰᠠᠨ ᠠᠴᠠ ᠵᠤᠤᠬᠠ ᠶᠢᠨ ᠭᠤᠤᠯ ᠤᠨ ᠲᠦᠯᠡᠰᠢ ᠶᠢᠨ 47％ ᠨᠢ ᠠᠭᠤᠰᠴᠤ ᠭᠠᠳᠠᠬᠰᠢ ᠯᠠᠪᠠᠷᠠᠪᠠ᠃ ᠡᠨᠡ ᠪᠤᠯ ᠠᠮᠧᠷᠢᠺᠠ ᠶᠢᠨ ᠲᠡᠤᠭᠡᠨ ᠳᠠᠬᠢ ᠬᠠᠮᠤᠬ ᠤᠨ ᠬᠦᠨᠳᠦ ᠨᠤᠴᠢᠳᠠᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡᠨ ᠤ ᠭᠡᠷᠡᠭ ᠪᠤᠯᠤᠨᠠ᠃
6. 1985 ᠤᠨ ᠤ 8 ᠰᠠᠷᠠ ᠶᠢᠨ 10 ᠤ ᠡᠳᠦᠷ ᠤᠨ ᠵᠦᠪᠯᠡᠯᠳᠦ ᠶᠢᠨ K-431 ᠴᠦᠮᠡ ᠶᠢᠨ ᠱᠤᠩᠭᠤᠯ ᠤᠡᠭᠭᠤᠴᠠ ᠶᠢᠨ ᠭᠡᠷᠡᠭ᠃ ᠲᠤᠰ ᠤᠡᠭᠭᠤᠴᠠ ᠸᠯᠠᠳᠢᠸᠤᠰᠲ᠋ᠤᠺ ᠭᠠᠷᠠᠮ ᠳᠤ ᠲᠤᠰᠤ ᠨᠠᠮᠡᠭᠦ ᠭᠡᠳ ᠬᠠᠷᠰᠢᠯᠠᠯ ᠢ ᠠᠷᠢᠯᠭᠠᠬᠤ ᠦᠶᠡ ᠳᠡᠭᠡᠨ ᠪᠤᠷᠤᠭᠤ ᠠᠵᠢᠯᠯᠠᠬᠰᠠᠨ ᠠᠴᠠ ᠤᠷᠪᠠᠯ ᠤᠨ ᠵᠤᠤᠬᠠ ᠨᠢ ᠲᠡᠯᠪᠡᠷᠡᠵᠦ 10 ᠭᠠᠷᠤᠢ ᠬᠦᠮᠦᠨ ᠦᠭᠦᠵᠦ᠂ 49 ᠬᠦᠮᠦᠨ ᠴᠦᠮᠡ ᠶᠢᠨ ᠰᠠᠴᠤᠷᠠᠬ ᠲᠤ ᠰᠢᠷᠬᠠᠳᠤᠪᠠ᠃
7. 1986 ᠤᠨ ᠤ 4 ᠰᠠᠷᠠ ᠶᠢᠨ 28 ᠤ ᠡᠳᠦᠷ ᠤᠨ ᠵᠦᠪᠯᠡᠯᠳᠦ ᠶᠢᠨ ᠴᠧᠷᠨᠤᠪᠢᠯᠢ ᠶᠢᠨ ᠴᠦᠮᠡ ᠶᠢᠨ ᠲᠡᠯᠪᠡᠷᠡᠯᠳᠡ ᠶᠢᠨ ᠭᠡᠷᠡᠭ᠃ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡᠨ ᠤ 4 ᠳ᠋ᠤᠭᠡᠷ ᠤᠷᠪᠠᠯ ᠤᠨ ᠵᠤᠤᠬᠠ ᠲᠡᠯᠪᠡᠷᠡᠵᠦ᠂ 8 ᠲᠤᠨ ᠬᠠᠯᠠᠭᠤᠨ ᠴᠢᠯᠠᠭᠤᠨ ᠪᠠᠯ ᠤᠨ ᠭᠡᠮᠭᠡᠷᠭᠡᠢ ᠪᠠ ᠴᠦᠮᠡ ᠶᠢᠨ ᠲᠦᠯᠡᠰᠢ ᠪᠤᠷᠬᠢᠯᠤᠨ ᠭᠠᠷᠪᠠ᠃ ᠤᠢᠢᠷᠠ ᠬᠠᠪᠢ ᠶᠢᠨ 30 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ ᠭᠠᠵᠠᠷ ᠢ ᠴᠦᠮ ᠲᠤᠰᠭᠠᠷᠯᠠᠨ ᠵᠠᠶᠢᠳᠠᠭᠤᠯᠬᠤ ᠤᠷᠤᠨ ᠪᠤᠯᠭᠠᠵᠤ᠂ ᠲᠤᠰ ᠤᠷᠤᠨ ᠢ ᠬᠦᠮᠦᠰ ︽ᠦᠭᠦᠯ ᠤᠨ ᠤᠷᠤᠨ︾ ᠭᠡᠵᠡᠭᠡᠪᠡ᠃
8. 1978 ᠤᠨ ᠤ 9 ᠰᠠᠷᠠ ᠶᠢᠨ 13 ᠤ ᠡᠳᠦᠷ ᠤᠨ ᠪᠷᠠᠽᠢᠯ ᠤᠨ ᠭᠸᠡᠨᠢᠶᠠ ᠶᠢᠨ ᠼᠧᠽᠢ -137 ᠶᠢᠨ ᠭᠡᠷᠡᠭ᠃ ᠬᠤᠪᠢ ᠬᠦᠮᠦᠨ ᠤ ᠰᠠᠴᠤᠷᠠᠬ ᠢᠶᠠᠷ ᠵᠠᠰᠠᠯ ᠬᠢᠭᠦ ᠶᠢ ᠰᠤᠳᠤᠯᠬᠤ ᠭᠠᠵᠠᠷ ᠨᠢ ᠨᠡᠭᠦᠭᠦ ᠳᠡᠭᠡᠨ ᠼᠧᠽᠢ -137 ᠶᠢᠨ ᠠᠯᠤᠰ ᠵᠠᠰᠠᠯᠳᠠ ᠶᠢᠨ ᠲᠤᠨᠤᠬᠯᠠᠯ ᠢᠶᠠᠨ ᠤᠬ ᠭᠠᠵᠠᠷ ᠲᠠᠭᠠᠨ ᠤᠷᠬᠢᠪᠠ᠃ ᠬᠤᠶᠠᠷ ᠴᠡᠪᠡᠷᠯᠡᠭᠴᠢ ᠲᠤᠨᠤᠬᠯᠠᠯ ᠢ ᠭᠡᠷ ᠲᠡᠭᠡᠨ ᠠᠪᠠᠴᠢᠵᠤ ᠵᠠᠳᠠᠯᠬᠤ ᠭᠡᠳ ᠬᠠᠶᠢᠷᠴᠠᠬ ᠨᠢ ᠬᠠᠭᠠᠷᠠᠵᠤ ᠰᠠᠴᠤᠷᠠᠬ ᠨᠢ ᠰᠠᠷᠨᠢᠪᠠ᠃ 14 ᠬᠦᠮᠦᠨ ᠰᠠᠴᠤᠷᠠᠬ ᠲᠤ ᠬᠤᠤᠷᠠᠳᠠᠵᠤ᠂ 4 ᠬᠦᠮᠦᠨ ᠨᠢ ᠤᠳᠠᠯ ᠦᠭᠡᠢ ᠦᠭᠦᠵᠦ᠂ ᠭᠡᠷ ᠪᠠᠶᠢᠰᠢᠩ ᠨᠢ ᠴᠦᠮ ᠡᠪᠳᠡᠭᠳᠡᠪᠡ᠃
9. 1993 ᠤᠨ ᠤ 4 ᠰᠠᠷᠠ ᠶᠢᠨ 6 ᠤ ᠡᠳᠦᠷ ᠤᠨ ᠤᠷᠤᠰ ᠤᠨ ᠲᠤᠮᠰᠺ ᠤᠨ -7 ᠶᠢᠨ ᠴᠦᠮᠡ ᠶᠢᠨ ᠲᠡᠯᠪᠡᠷᠡᠯᠳᠡ ᠶᠢᠨ ᠭᠡᠷᠡᠭ᠃ ᠰᠢᠪᠧᠷᠢᠶᠠ ᠶᠢᠨ ᠬᠢᠮᠢ ᠶᠢᠨ ᠠᠵᠤ ᠠᠬᠤᠢᠢᠯᠠᠯ ᠤᠨ ᠭᠡᠷᠡᠭ᠃ ᠰᠢᠪᠧᠷᠢᠶᠠ ᠶᠢᠨ ᠬᠢᠮᠢ ᠶᠢᠨ ᠠᠵᠤ ᠠᠬᠤᠢᠢᠯᠠᠯ ᠤᠨ ᠺᠤᠮᠫᠠᠨᠢ ᠠᠽᠤᠲ ᠬᠦᠴᠢᠯ ᠢᠶᠠᠷ ᠰᠠᠪᠠ ᠪᠠᠭᠠᠵᠢ ᠶᠢ ᠤᠬᠢᠶᠠᠨ ᠴᠡᠪᠡᠷᠯᠡᠵᠦ ᠪᠠᠶᠢᠭᠠᠳ ᠲᠡᠯᠪᠡᠷᠡᠯᠳᠡ ᠭᠠᠷᠴᠤ ᠲᠤᠮᠰᠤᠺ -7 ᠶᠢᠨ ᠬᠤᠷᠢᠶᠠᠨ ᠠᠪᠴᠤ ᠰᠢᠢᠳᠪᠦᠷᠢᠯᠡᠭᠦ ᠲᠦᠭᠦᠭᠡᠷᠦᠮᠵᠢ ᠠᠴᠠ ᠰᠠᠴᠤᠷᠠᠬ ᠴᠢᠨᠠᠷᠳᠠᠢ ᠭᠡᠶᠢᠳᠦ ᠡᠭᠦᠯᠡ ᠮᠡᠨᠳᠦᠪᠠ᠃
10. 1999 ᠤᠨ ᠤ 9 ᠰᠠᠷᠠ ᠶᠢᠨ 30 ᠤ ᠡᠳᠦᠷ ᠤᠨ ᠶᠠᠫᠤᠨ ᠤ ᠵᠡᠭᠦᠨ ᠲᠠᠯᠠᠢ ᠲᠤᠰᠬᠤᠨ ᠤ ᠴᠦᠮᠡ ᠶᠢᠨ ᠬᠢᠵᠠᠭᠠᠷ ᠤᠨ ᠭᠡᠷᠡᠭ᠃ ᠲᠤᠰᠬᠤᠨ ᠤ jco ᠺᠤᠮᠫᠠᠨᠢ ᠶᠢᠨ ᠨᠢᠭᠡ ᠰᠠᠭᠤᠷᠢ ᠦᠷᠡᠨ ᠰᠢᠯᠵᠢᠭᠦᠯᠭᠦ ᠦᠢᠯᠡᠳᠪᠦᠷᠢ ᠶᠢᠨ ᠠᠵᠢᠯᠴᠢᠨ ᠠᠵᠢᠯᠯᠠᠬᠤ ᠲᠦᠷᠢᠮ ᠠᠴᠠ ᠵᠦᠷᠢᠴᠡᠵᠦ᠂ ᠦᠳᠭᠡᠴᠡ ᠨᠢ 18.8％ ᠶᠢᠨ ᠦᠷᠡᠨ ᠤ ᠠᠭᠤᠰᠤᠮᠠᠯ ︵16 ᠺᠢᠯᠦᠭᠷᠡᠮ ᠦᠷᠡᠨ ᠲᠠᠢ ᠲᠡᠩᠴᠡᠨᠡ︶ ᠢ ᠰᠢᠭᠤᠳ ᠲᠤᠩᠭᠠᠬᠤ ᠤᠡᠭᠭᠤᠴᠠᠨ ᠳᠤ ᠴᠢᠳᠬᠤᠪᠠ᠃ ᠦᠷᠡᠨ ᠨᠢ ᠬᠢᠵᠠᠭᠠᠷ ᠮᠡᠰ ᠤᠨ 2.9 ᠲᠠᠬᠢᠨ ᠠᠴᠠ ᠲᠠᠪᠠᠭᠰᠠᠨ ᠲᠤᠯᠠ ᠲᠡᠷᠡ ᠲᠤᠤᠷᠠ ᠨᠢ r ᠪᠠ ᠨᠧᠲᠷᠤᠨ ᠤ ᠰᠠᠴᠤᠷᠠᠬ ᠡᠭᠦᠰᠪᠡ᠃ ᠢᠡᠭᠬᠢᠭᠰᠡᠨ ᠠᠴᠠ 350 ᠮᠧᠲᠷ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠰᠠᠭᠤᠭᠠᠯᠢ ᠠᠷᠠᠳ ᠢ ᠴᠦᠮ ᠵᠠᠶᠢᠯᠠᠭᠤᠯᠵᠤ᠂ 10 ᠺᠢᠯᠤᠮᠧᠲᠷ ᠤᠢᠢᠷᠠ ᠬᠠᠪᠢ ᠶᠢᠨ ᠬᠦᠮᠦᠰ ᠢ ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠶᠢ ᠨᠢ ᠬᠤᠷᠢᠬᠯᠠᠪᠠ᠃
ᠲᠡᠯᠡᠭᠡᠢ ᠳᠠᠬᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠶᠢᠨ ᠲᠠᠷᠬᠠᠯᠳᠠ
ᠤᠯᠠᠨ ᠤᠯᠤᠰ ᠤᠨ ᠴᠦᠮᠡ ᠶᠢᠨ ᠡᠨᠧᠷᠬᠢ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢᠨ 2011 ᠤᠨ ᠤ 1 ᠰᠠᠷᠠ ᠳᠤ ᠨᠡᠶᠢᠳᠡᠯᠡᠭᠰᠡᠨ ᠬᠠᠮᠤᠬ ᠤᠨ ᠰᠢᠨᠡ ᠲᠤᠭᠠ ᠪᠦᠷᠢᠳᠭᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠤᠳᠤ ᠲᠡᠯᠡᠭᠡᠢ ᠲᠡᠭᠡᠷᠡ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ ᠨᠡᠶᠢᠳᠡ 442 ᠪᠤᠢ᠂ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠦᠷᠳᠡᠭᠡᠨ ᠤ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠭᠡᠮᠵᠢᠶᠡ ᠨᠢ ᠴᠠᠬᠢᠯᠭᠠᠨ ᠤ ᠶᠡᠷᠦᠩᠭᠡᠢ ᠭᠡᠮᠵᠢᠶᠡᠨ ᠤ 16％ ᠶᠢ ᠡᠵᠡᠯᠡᠨᠡ᠂ ᠶᠠᠬ ᠪᠠᠶᠢᠭᠤᠯᠵᠤ ᠪᠠᠶᠢᠭᠠ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ 65 ᠪᠠᠶᠢᠨᠠ᠃
ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ ᠲᠠᠢ ᠤᠯᠤᠰ ᠢ ᠠᠷᠪᠢᠨ ᠠᠴᠠ ᠴᠦᠭᠡᠨ ᠲᠡᠰᠢ ᠵᠢᠬᠰᠠᠭᠠᠪᠠᠯ᠂ ᠠᠮᠧᠷᠢᠺᠠ 104᠂ ᠹᠷᠠᠨᠼᠢ 58᠂ ᠶᠠᠫᠤᠨ 54᠂ ᠤᠷᠤᠰ 32᠂ ᠺᠤᠷᠢᠶᠠ ᠤᠯᠤᠰ 21᠂ ᠡᠨᠡᠳᠭᠡᠭ 20᠂ ᠠᠩᠭ᠍ᠯᠢ 19᠂ ᠺᠠᠨᠠᠳᠠ 18᠂ ᠭᠧᠷᠮᠠᠨ 17᠂ ᠦᠺᠷᠡᠶᠢᠨ 15᠂ ᠲᠤᠮᠳᠠᠳᠤ ᠤᠯᠤᠰ 13᠃
ᠤᠳᠤᠬᠠᠨ ᠳᠤ ᠪᠦᠭᠦ ᠲᠡᠯᠡᠭᠡᠢ ᠶᠢᠨ 60 ᠭᠠᠷᠤᠢ ᠤᠯᠤᠰ ᠴᠦᠮᠡ ᠶᠢᠨ ᠡᠨᠧᠷᠬᠢ ᠪᠠᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠶᠢ ᠪᠤᠳᠤᠯᠬᠢᠯᠠᠵᠤ ᠪᠠᠶᠢᠨᠠ᠃ ᠤᠯᠠᠨ ᠤᠯᠤᠰ ᠤᠨ ᠴᠦᠮᠡ ᠶᠢᠨ ᠡᠨᠧᠷᠬᠢ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠲᠦᠰᠦᠭᠡᠯᠡᠯ ᠢᠶᠠᠷ᠂ 2030 ᠤᠨ ᠪᠤᠯᠬᠤ ᠳᠤ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠤᠳᠤᠬᠢ ᠰᠠᠭᠤᠷᠢᠨ ᠲᠡᠭᠡᠷᠡ ᠪᠠᠨ ᠪᠠᠰᠠ 300 ᠨᠡᠮᠡᠭᠳᠡᠭᠦ ᠪᠤᠯᠤᠨᠠ᠃
ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡᠨ ᠤ ᠭᠦᠭᠵᠢᠯᠳᠡ ᠶᠢᠨ ᠶᠠᠪᠤᠴᠠ
ᠪᠦᠭᠦ ᠲᠡᠯᠡᠭᠡᠢ ᠶᠢᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠭᠦᠭᠵᠢᠯᠳᠡ ᠶᠢ 4 ᠱᠠᠳᠤ ᠬᠤᠪᠢᠶᠠᠵᠤ ᠪᠤᠯᠤᠨᠠ᠄
ᠲᠤᠷᠰᠢᠯᠳᠠ ᠬᠢᠵᠦ ᠵᠢᠱᠢᠶᠡ ᠦᠵᠡᠭᠦᠯᠭᠦ ᠱᠠᠳᠤ ᠦᠶᠡ᠄ ᠲᠡᠭᠡᠷᠡ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠤ ᠲᠤᠮᠳᠠᠴᠢ ᠠᠴᠠ ᠵᠢᠷᠠᠭᠠᠳ ᠤᠨ ᠤ ᠡᠬᠢᠨ ᠬᠦᠷᠳᠡᠯᠡ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠲᠡᠯᠡᠭᠡᠢ ᠲᠡᠭᠡᠷᠡ ᠨᠡᠶᠢᠳᠡ 38 ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ ᠠᠵᠢᠯᠯᠠᠵᠤ ᠪᠠᠶᠢᠪᠠ᠃ ᠡᠷᠳᠡ ᠦᠶᠡ ᠶᠢᠨ ᠤᠵᠤᠭᠤᠷ ᠮᠠᠶ᠋ᠢᠬ ᠤᠨ ᠤᠷᠪᠠᠯ ᠤᠨ ᠵᠤᠤᠬᠠ᠂ ᠲᠠᠷᠤᠢ ︽ᠨᠢᠭᠡᠳᠦᠭᠡᠷ ᠦᠶᠡ︾ ᠶᠢᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠪᠤᠯᠤᠨᠠ᠃ 1954 ᠤᠨ ᠳᠤ ᠵᠦᠪᠯᠡᠯᠳᠦ ᠬᠤᠯᠪᠤᠭᠠᠳᠤ ᠤᠯᠤᠰ ᠤᠨ ᠠᠩᠬᠠᠳᠠᠬᠴᠢ ᠰᠠᠭᠤᠷᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠪᠠᠶᠢᠭᠤᠯᠤᠬᠳᠠᠪᠠ᠃
ᠲᠡᠭᠡᠳᠦ ᠬᠤᠷᠳᠤᠴᠠ ᠪᠠᠷ ᠬᠦᠭᠵᠢᠭᠰᠡᠨ ᠱᠠᠳᠤ ᠦᠶᠡ᠄ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠲᠤᠮᠳᠠᠴᠢ ᠠᠴᠠ ᠨᠠᠶᠠᠭᠠᠳ ᠤᠨ ᠤ ᠡᠬᠢᠨ ᠬᠦᠷᠳᠡᠯᠡ᠃ ᠡᠨᠡ ᠬᠤᠭᠤᠴᠠᠭᠠ ᠳᠤ ᠲᠡᠯᠡᠭᠡᠢ ᠲᠡᠭᠡᠷᠡ ᠨᠡᠶᠢᠳᠡ 242 ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ ᠠᠵᠢᠯᠯᠠᠵᠤ ᠪᠠᠶᠢᠪᠠ᠂ ᠲᠡᠷᠤᠢ ︽ᠬᠤᠶᠠᠳᠤᠭᠠᠷ ᠦᠶᠡ︾ ᠶᠢᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠪᠤᠯᠤᠨᠠ᠃ ᠶᠡᠭᠡ ᠭᠦᠭᠵᠢᠯᠳᠡ ᠶᠢᠨ ᠦᠶᠡ ᠳᠤ ᠲᠤᠮᠳᠠᠴᠢ ᠪᠠᠷ 17 ᠡᠳᠦᠷ ᠲᠤ ᠨᠢᠭᠡ ᠦᠷᠳᠡᠭᠡ ᠠᠰᠢᠬᠯᠠᠯᠳᠠ ᠳᠤ ᠤᠷᠤᠵᠤ ᠪᠠᠶᠢᠪᠠ᠃
ᠬᠦᠭᠵᠢᠯ ᠤᠳᠠᠭᠠᠰᠢᠷᠠᠬᠰᠠᠨ ᠱᠠᠳᠤ ᠦᠶᠡ᠄ ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠡᠬᠢᠨ ᠠᠴᠠ ᠲᠤᠰ ᠵᠠᠭᠤᠨ ᠤ ᠡᠬᠢᠨ ᠬᠦᠷᠳᠡᠯᠡ᠃ ᠤᠳᠠᠭᠠ ᠲᠠᠷᠠᠭᠠ ᠪᠠᠷ ᠴᠦᠮᠡ ᠶᠢᠨ ᠲᠠᠯᠪᠡᠷᠡᠯᠳᠡ ᠡᠭᠦᠰᠦᠭᠰᠡᠨ ᠠᠴᠠ ᠪᠤᠯᠵᠤ ᠤᠯᠠᠨ ᠤᠯᠤᠰ ᠨᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠠᠮᠤᠷ ᠲᠦᠪᠰᠢᠨ ᠢ ᠪᠤᠳᠤᠯᠬᠢᠯᠠᠬᠤ ᠪᠤᠯᠪᠠ᠃ 1990 ᠤᠨ ᠠᠴᠠ 2004 ᠤᠨ ᠬᠦᠷᠳᠡᠯᠡ ᠪᠦᠭᠦ ᠲᠡᠯᠡᠭᠡᠢ ᠶᠢᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠶᠡᠷᠦᠩᠭᠡᠢ ᠦᠰᠦᠯᠳᠡ ᠨᠢ 17％ ᠪᠠᠶᠢᠬᠰᠠᠨ ᠠᠴᠠ ᠪᠠᠨ 4％ ᠪᠤᠯᠵᠤ ᠪᠠᠭᠤᠷᠠᠪᠠ᠃
ᠰᠡᠷᠭᠦᠨ ᠡᠬᠢᠯᠡᠭᠰᠡᠨ ᠱᠠᠳᠤ ᠦᠶᠡ᠄ 21 ᠳ᠋ᠤᠭᠡᠷ ᠵᠠᠭᠤᠨ ᠪᠤᠯᠤᠮᠠᠬᠴᠠ ᠡᠨᠧᠷᠬᠢ ᠶᠢᠨ ᠬᠢᠮᠦᠷᠡᠯ ᠠᠴᠠ ᠪᠤᠯᠵᠤ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠢ ᠬᠦᠮᠦᠰ ᠤᠯᠠᠮ ᠢᠶᠠᠷ ᠴᠢᠬᠤᠯᠠᠴᠢᠯᠠᠬᠤ ᠪᠤᠯᠪᠠ᠃ ᠤᠯᠠᠨ ᠵᠢᠯ ᠤᠨ ᠮᠡᠷᠭᠡᠵᠢᠯ ᠤᠨ ᠲᠡᠪᠰᠢᠯᠳᠠ ᠪᠠᠷ ᠲᠠᠮᠵᠢᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠴᠤ ᠨᠡᠯᠢᠶᠡᠳ ᠠᠮᠤᠷ ᠲᠦᠪᠰᠢᠨ ᠪᠤᠯᠵᠤ᠂ ᠠᠮᠧᠷᠢᠺᠠ᠂ ᠡᠸᠦ᠋ᠷᠦᠫᠡ᠂ ᠶᠠᠫᠤᠨ ᠵᠡᠷᠭᠡ ᠤᠯᠤᠰ ᠬᠦᠡᠭᠭᠡᠨ ᠤᠰᠤᠳᠤ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠢ ᠨᠡᠭᠡᠭᠡᠨ ᠬᠦᠭᠵᠢᠭᠦᠯᠪᠡ᠃ ᠡᠭᠦᠨ ᠢ ︽ᠭᠤᠷᠪᠠᠳᠤᠭᠠᠷ ᠦᠶᠡ︾ ᠶᠢᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠭᠡᠳᠡᠭ᠃
ᠮᠠᠨ ᠤ ᠤᠯᠤᠰ ᠤᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠲᠦᠢᠮᠤ
ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠪᠤᠯ ᠴᠦᠮᠡ ᠶᠢᠨ ᠡᠨᠧᠷᠬᠢ ︵ᠴᠦᠮᠡ ᠶᠢᠨ ᠬᠤᠪᠢᠷᠠᠯᠳᠠ ᠠᠴᠠ ᠡᠭᠦᠰᠦᠭᠰᠡᠨ ᠡᠨᠧᠷᠬᠢ︶ ᠶᠢ ᠠᠰᠢᠬᠯᠠᠨ ᠴᠠᠬᠢᠯᠭᠠᠨ ᠭᠠᠷᠭᠠᠳᠠᠬ᠂ ᠲᠡᠭᠦᠨ ᠤ ᠭᠤᠤᠯ ᠲᠤᠨᠤᠬ ᠲᠦᠭᠦᠭᠡᠷᠦᠮᠵᠢ ᠪᠤᠯ ᠤᠷᠪᠠᠯ ᠤᠨ ᠵᠤᠤᠬᠠ ᠪᠤᠯᠤᠨᠠ᠃ ᠵᠤᠤᠬᠠ ᠶᠢᠨ ᠬᠦᠷᠦᠭᠡᠭᠴᠢ ᠡᠳ᠋ ᠨᠢ ᠬᠠᠭᠠᠷᠠᠯᠳᠠ ᠶᠢᠨ ᠡᠨᠧᠷᠬᠢ ︵ᠢᠯᠴᠢ ᠶᠢᠨ ᠡᠨᠧᠷᠬᠢ︶ ᠶᠢ ᠠᠪᠴᠤ ᠭᠠᠷᠭᠠᠨ᠂ ᠮᠤᠨᠳᠠᠬ ᠶᠡᠭᠡ ᠠᠭᠤᠷ ᠡᠭᠦᠰᠭᠡᠭᠦᠷ ᠲᠤ ᠢᠯᠴᠢ ᠶᠢᠨ ᠡᠨᠧᠷᠬᠢ ᠶᠢ ᠤᠰᠤᠨ ᠳᠤ ᠬᠠᠨᠭ᠍ᠭᠠᠪᠠᠯ ᠲᠤᠩ ᠦᠨᠳᠦᠷ ᠬᠠᠯᠠᠭᠤᠨ ᠠᠭᠤᠷ ᠢ ᠪᠤᠢ ᠪᠤᠯᠭᠠᠨᠠ᠃ ᠡᠨᠡ ᠬᠦ ᠢᠯᠴᠢ ᠨᠢ ᠲᠠᠬᠢᠭᠠᠳ ᠤᠷᠪᠠᠯ ᠤᠨ ᠵᠤᠤᠬᠠ ᠳᠠᠭᠠᠨ ᠪᠤᠴᠠᠳᠠᠬ᠃ ᠡᠭᠦᠨ ᠢ ᠨᠢᠭᠡᠳᠦᠭᠡᠷ ᠪᠤᠴᠠᠯᠳᠠ ᠶᠢᠨ ᠰᠢᠰᠲ᠋ᠧᠮ᠂ ᠪᠠᠰᠠ ᠴᠦᠮᠡ ᠶᠢᠨ ᠠᠭᠤᠷ ᠬᠠᠨᠭ᠍ᠭᠠᠬᠤ ᠰᠢᠰᠲ᠋ᠧᠮ ᠴᠤ ᠭᠡᠳᠡᠭ᠃ ᠠᠭᠤᠷ ᠡᠭᠦᠰᠭᠡᠭᠦᠷ ᠤᠨ ᠪᠤᠢ ᠪᠤᠯᠭᠠᠬᠰᠠᠨ ᠦᠨᠳᠦᠷ ᠬᠠᠯᠠᠭᠤᠨ ᠲᠠᠷᠤᠯᠳᠠᠳᠤ ᠠᠭᠤᠷ ᠨᠢ ᠠᠭᠤᠷ ᠤᠨ ᠮᠠᠰᠢᠨ ᠢ ᠬᠦᠳᠡᠯᠭᠡᠵᠦ ᠴᠠᠬᠢᠯᠭᠠᠨ ᠭᠠᠷᠭᠠᠳᠠᠬ᠂ ᠡᠭᠦᠨ ᠢ ᠬᠤᠶᠠᠳᠤᠭᠠᠷ ᠪᠤᠴᠠᠯᠳᠠ ᠶᠢᠨ ᠰᠢᠰᠲ᠋ᠧᠮ᠂ ᠪᠠᠰᠠ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠮᠠᠰᠢᠨ ᠤ ᠰᠢᠰᠲ᠋ᠧᠮ ᠴᠤ ᠭᠡᠳᠡᠭ᠃
ᠮᠠᠨ ᠤ ᠤᠯᠤᠰ ᠤᠨ ᠠᠩᠬᠠᠳᠠᠬᠴᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠪᠤᠯ ᠵᠧᠵᠢᠶᠠᠩ ᠮᠤᠵᠢ ᠳᠠᠬᠢ ᠴᠢᠨᠱᠠᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠪᠤᠯᠤᠨᠠ᠃ ᠲᠤᠰ ᠦᠷᠳᠡᠭᠡ ᠶᠢ 1985 ᠤᠨ ᠤ 3 ᠰᠠᠷᠠ ᠳᠤ ᠡᠬᠢᠯᠡᠨ ᠪᠠᠶᠢᠭᠤᠯᠤᠭᠠᠳ 1991 ᠤᠨ ᠤ 6 ᠰᠠᠷᠠ ᠳᠤ ᠴᠠᠬᠢᠯᠭᠠᠨ ᠭᠠᠷᠭᠠᠵᠤ ᠡᠬᠢᠯᠡᠪᠡ᠃ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠪᠠᠷᠢᠯᠭᠠ ᠶᠢᠨ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠴᠢᠳᠠᠪᠤᠷᠢ ᠨᠢ 30 ᠲᠦᠮᠡᠨ ᠺᠢᠯᠤᠸᠠᠲ ᠪᠠᠶᠢᠳᠠᠬ᠃ ᠢᠡᠭᠬᠢᠭᠰᠡᠨ ᠠᠴᠠ ᠮᠠᠨ ᠤ ᠤᠯᠤᠰ ᠤᠨ ᠡᠭᠡ ᠬᠠᠭᠤᠷᠠᠢ ᠳᠤ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠭᠡᠢ ᠲᠡᠤᠭᠡ ᠶᠢ ᠡᠴᠦᠰᠯᠡᠭᠦᠯᠪᠡ᠃
ᠤᠳᠤ ᠮᠠᠨ ᠤ ᠤᠯᠤᠰ ᠲᠤ ᠵᠧᠵᠢᠶᠠᠩ ᠤᠨ ᠴᠢᠨᠱᠠᠨ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ᠂ ᠭᠤᠸᠠᠩᠳᠦ᠋ᠩ ᠤᠨ ᠳ᠋ᠠ ᠶᠠ ᠸᠠᠨ ᠪᠠ ᠯᠢᠩ ᠤ᠊ ᠤ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠵᠢᠴᠢ ᠵᠢᠶᠠᠩᠰᠦ ᠶᠢᠨ ᠲᠢᠶᠠᠨ ᠸᠠᠨ ᠵᠡᠷᠭᠡ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠦᠷᠳᠡᠭᠡ ᠳᠤ ᠨᠡᠶᠢᠳᠡ 13 ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ ᠡᠭᠡᠯᠵᠢᠯᠡᠨ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃
ᠴᠦᠮᠡ ᠶᠢᠨ ᠡᠨᠧᠷᠬᠢ ᠶᠢ ᠬᠦᠮᠦᠰ ᠬᠠᠮᠤᠬ ᠤᠨ ᠠᠶᠤᠯᠭᠦᠢ ᠪᠦᠭᠡᠳ ᠴᠡᠪᠡᠷ ᠡᠨᠧᠷᠬᠢ ᠶᠢᠨ ᠡᠬᠢ ᠰᠤᠷᠪᠤᠯᠵᠢ ᠪᠠᠷ ᠦᠵᠡᠵᠦ ᠪᠠᠶᠢᠪᠠ᠃ ᠤᠳᠤ ᠶᠠᠫᠤᠨ ᠤ ᠴᠦᠮᠡ ᠶᠢᠨ ᠭᠡᠷᠡᠭ ᠭᠠᠷᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠲᠡᠯᠡᠭᠡᠢ ᠲᠠᠶᠠᠭᠠᠷ ᠡᠭᠦᠨ ᠢ ᠰᠠᠨᠠᠭᠠᠰᠢᠷᠠᠬᠤ ᠪᠤᠯᠪᠠ᠃ ᠮᠠᠨ ᠤ ᠤᠯᠤᠰ ᠤᠨ ᠪᠤᠢ ᠪᠦᠭᠦᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠲᠦᠯᠦᠪᠯᠡᠭᠡ ᠶᠢ ᠰᠠᠶᠢᠳᠤᠷ ᠬᠢᠨᠠᠵᠤ᠂ ᠤᠳᠤ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠭᠠ᠂ ᠪᠠᠶᠢᠭᠤᠯᠵᠤ ᠪᠠᠶᠢᠭᠠ ᠪᠠ ᠪᠠᠶᠢᠭᠤᠯᠬᠤ ᠪᠠᠷ ᠪᠡᠯᠡᠳᠭᠡᠵᠦ ᠪᠠᠶᠢᠭᠠ ᠪᠤᠢ ᠪᠦᠭᠦᠢ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠦᠷᠳᠡᠭᠡ ᠳᠤ ᠨᠢᠭᠡ ᠤᠳᠠᠭᠠ ᠶᠢᠨ ᠲᠦᠢᠯᠪᠤᠷᠢᠳᠠᠢ ᠠᠶᠤᠯᠭᠦᠢ ᠶᠢᠨ ᠪᠠᠶᠢᠴᠠᠭᠠᠯᠳᠠ ᠬᠢᠵᠦ ᠪᠠᠶᠢᠨᠠ᠃ ᠤᠳᠤ ᠮᠠᠨ ᠤ ᠤᠯᠤᠰ ᠲᠤ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠴᠦᠮᠡ ᠶᠢᠨ ᠴᠠᠬᠢᠯᠭᠠᠨ ᠤ ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ 13᠂ ᠪᠠᠶᠢᠭᠤᠯᠵᠤ ᠪᠠᠶᠢᠭᠠ ᠨᠢ 30᠂ ᠪᠠᠶᠢᠭᠤᠯᠬᠤ ᠪᠠᠷ ᠪᠠᠶᠢᠭᠠ ᠨᠢ 90 ᠪᠤᠢ᠃ ᠪᠠᠶᠢᠴᠠᠭᠠᠯᠳᠠ ᠪᠠᠷ ᠲᠠᠮᠵᠢᠵᠤ ᠠᠵᠢᠯᠯᠠᠵᠤ ᠪᠦᠭᠦᠢ ᠮᠠᠰᠢᠨ ᠴᠤᠬᠴᠠᠯᠠᠪᠤᠷᠢ ᠶᠢᠨ ᠠᠶᠤᠯᠭᠦᠢ ᠬᠠᠮᠢᠶᠠᠷᠤᠯᠳᠠ ᠶᠢ ᠴᠢᠩᠭᠠᠳᠬᠠᠵᠤ᠂ ᠪᠠᠶᠢᠭᠤᠯᠵᠤ ᠪᠦᠭᠦᠢ ᠨᠢ ᠠᠶᠤᠯᠭᠦᠢ ᠶᠢᠨ ᠪᠡᠷᠢᠮᠵᠢᠶᠠ ᠳᠤ ᠬᠦᠷᠭᠦ ᠦᠭᠡᠢ ᠪᠤᠯ ᠪᠠᠶᠢᠭᠤᠯᠬᠤ ᠶᠢ ᠵᠤᠬᠰᠤᠭᠠᠨᠠ᠂ ᠰᠢᠨᠡ ᠪᠠᠷ ᠪᠠᠶᠢᠭᠤᠯᠬᠤ ᠲᠦᠷᠦᠯ ᠵᠦᠢᠯ ᠳᠤ ᠴᠢᠩᠭᠠ ᠬᠢᠨᠠᠯᠳᠠ ᠬᠢᠵᠦ᠂ ᠠᠶᠤᠯᠭᠦᠢ ᠶᠢ ᠪᠠᠳᠤᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯ ᠪᠠᠶᠢᠭᠤᠯᠬᠤ ᠶᠢ ᠦᠯᠦ ᠵᠦᠪᠰᠢᠶᠡᠷᠡᠭᠦ ᠪᠠᠷ ᠲᠤᠬᠳᠠᠪᠠ᠃