|
| ᠯᠣᠬᠠᠱᠧᠩ ᠤᠨ ᠲᠠᠷᠢᠶᠠ ᠶᠢ ᠬᠠᠮᠢᠶᠠᠷᠬᠤ ᠮᠡᠷᠭᠡᠵᠢᠯ ᠤᠨ ᠭᠤᠣᠯᠳᠠᠯᠭᠠ |
|
|
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/12/6
|
|
ᠴᠢᠬᠢ ᠶᠢ ᠪᠠᠶᠢᠴᠠᠭᠠᠵᠤ ᠨᠥᠬᠦᠵᠦ ᠲᠠᠷᠢᠬᠤ᠄ ᠯᠣᠬᠠᠱᠧᠩ ᠴᠢᠬᠢᠯᠡᠭᠰᠡᠨ ᠤ ᠰᠡᠭᠦᠯᠡᠷ ᠬᠡᠷᠪᠡ ᠴᠢᠬᠢ ᠳᠤᠲᠠᠭᠰᠠᠨ ᠪᠠᠶᠢᠪᠠᠯ ᠴᠠᠭ ᠲᠤᠬᠠᠢ ᠳᠤᠨᠢ ᠨᠥᠬᠦᠵᠦ ᠲᠠᠷᠢᠨᠠ᠃
ᠲᠠᠷᠢᠶᠠ ᠲᠠᠩᠨᠠᠵᠤ ᠰᠢᠷᠤᠢ ᠨᠡᠮᠡᠬᠦ᠄ ᠨᠢᠭᠡᠳᠦᠭᠡᠷ ᠤᠳᠠᠭᠠ ᠲᠠᠩᠨᠠᠬᠤ ᠶᠢ ᠴᠢᠬᠢᠯᠡᠬᠦ ᠦᠶᠡ ᠳᠤ ᠶᠠᠪᠤᠭᠳᠠᠭᠤᠯᠵᠤ᠂ ᠭᠦᠶᠦᠬᠡᠨ ᠰᠢᠭ ᠲᠠᠩᠨᠠᠵᠤ᠂ ᠡᠰᠢᠨ ᠤ ᠬᠡᠰᠡᠭ ᠢ ᠠᠷᠪᠢᠨ ᠪᠤᠯᠠᠵᠤ᠂ ᠬᠠᠵᠠᠭᠤ ᠶᠢᠨ ᠰᠠᠯᠠᠭᠠ ᠶᠢᠨ ᠤᠷᠭᠤᠯᠲᠠ ᠶᠢ ᠨᠥᠯᠥᠭᠡᠯᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠨᠡ︔ ᠬᠤᠶᠠᠳᠤᠭᠠᠷ ᠤᠳᠠᠭᠠ ᠲᠠᠩᠨᠠᠬᠤ ᠶᠢ ᠦᠨᠳᠦᠰᠦᠨ ᠪᠠᠳᠡᠬᠢ ᠪᠦᠷᠢᠯᠳᠦᠬᠦ ᠬᠤᠭᠤᠴᠠᠭᠠᠨ ᠳᠤ ᠶᠠᠪᠤᠭᠳᠠᠭᠤᠯᠵᠤ᠂ ᠲᠠᠩᠨᠠᠬᠤ ᠭᠦᠨ ᠤ ᠬᠡᠮᠵᠢᠶᠡ ᠶᠢ 60cm ᠣᠷᠴᠢᠮ ᠪᠠᠶᠢᠯᠭᠠᠨᠠ︔ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨ ᠤ ᠲᠠᠩᠨᠠᠯᠲᠠ ᠶᠢ ᠬᠤᠸᠠᠷᠯᠠᠵᠤ ᠪᠠᠶᠢᠭᠠ ᠬᠤᠭᠤᠴᠠᠭᠠᠨ ᠳᠤ ᠶᠠᠪᠤᠭᠳᠠᠭᠤᠯᠵᠤ᠂ ᠲᠠᠩᠨᠠᠬᠤ ᠭᠦᠨ ᠤ ᠬᠡᠮᠵᠢᠶᠡ ᠶᠢ 5cm ᠣᠷᠴᠢᠮ ᠪᠠᠶᠢᠯᠭᠠᠵᠦ᠂ ᠵᠢᠮᠢᠰ ᠤᠨ ᠵᠡᠭᠦᠦ ᠶᠢ ᠭᠡᠮᠲᠦᠭᠡᠬᠦ ᠠᠴᠠ ᠵᠠᠶᠢᠯᠠᠰᠬᠢᠨᠡ᠃
ᠦᠨᠳᠦᠰᠦᠨ ᠤ ᠭᠠᠳᠠᠭᠤᠷ ᠪᠣᠷᠳᠣᠭᠤᠷ ᠨᠡᠮᠡᠵᠦ ᠣᠷᠣᠭᠤᠯᠬᠤ᠄ ᠥᠷᠨᠢᠨ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠ ᠶᠢᠨ ᠳᠠᠷᠠᠭᠠ᠂ ᠮᠦ ᠪᠦᠷᠢ ᠳᠤ 100 ᠭᠷᠡᠮ ᠹᠣᠰᠹᠣᠷ ᠬᠦᠴᠢᠯ ᠤᠨ ᠬᠤᠶᠠᠷ ᠤᠰᠤᠲᠥ᠋ᠷᠥᠭᠴᠢᠲᠤ ᠺᠠᠯᠢ ᠳᠡᠭᠡᠷᠡ 100 ᠭᠷᠡᠮ ᠪᠤᠷ ᠡᠯᠡᠰᠦ ᠨᠡᠮᠡᠵᠦ 60 ᠺᠢᠯᠣᠭ᠍ᠷᠠᠮ ᠤᠰᠤ ᠬᠤᠯᠢᠵᠤ ᠰᠦᠷᠴᠢᠨᠡ᠂ 10 ᠡᠳᠦᠷ ᠠᠯᠤᠰᠯᠠᠬᠤ ᠪᠦᠷᠢ ᠨᠢᠭᠡ ᠤᠳᠠᠭᠠ ᠰᠦᠷᠴᠢᠵᠦ᠂ ᠦᠷᠭᠦᠯᠵᠢᠯᠡᠨ 3 ᠤᠳᠠᠭᠠ ᠰᠦᠷᠴᠢᠨᠡ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠤᠰᠤᠯᠠᠬᠤ᠄ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠪᠣᠷᠣᠭᠠᠨ ᠤᠰᠤ ᠡᠯᠪᠡᠭ ᠤᠯᠠᠷᠢᠯ ᠪᠣᠯᠬᠤᠷ ᠭᠤᠤ ᠭᠠᠷᠭᠠᠵᠤ ᠤᠰᠤ ᠭᠠᠳᠠᠭᠰᠢᠯᠠᠭᠤᠯᠬᠤ ᠠᠵᠢᠯ ᠢ ᠰᠠᠶᠢᠳᠤᠷ ᠬᠢᠨᠡ︔ ᠬᠡᠷᠪᠡ ᠭᠠᠩᠳᠠᠭᠠᠳ ᠪᠣᠷᠣᠭᠠᠨ ᠦᠭᠡᠢ ᠪᠣᠯ ᠰᠣᠪᠠᠭᠯᠠᠨ ᠤᠰᠤᠯᠠᠨᠠ᠂ ᠭᠡᠪᠡᠴᠦ ᠶᠡᠭᠡ ᠤᠰᠤ ᠪᠠᠷ ᠤᠰᠤᠯᠠᠵᠤ ᠪᠣᠯᠬᠤ ᠦᠭᠡᠢ᠃
ᠭᠡᠮ ᠬᠤᠷᠣᠬᠠᠢ ᠶᠢ ᠰᠡᠷᠭᠡᠶᠢᠯᠡᠵᠦ ᠵᠠᠰᠠᠬᠤ᠄ ᠯᠣᠬᠠᠱᠧᠩ ᠤᠨ ᠭᠤᠣᠯ ᠪᠣᠯᠬᠤ ᠬᠦᠨᠦᠭᠡᠯᠲᠦ ᠬᠤᠷᠤᠬᠠᠢ ᠳᠤ ᠬᠦᠬᠡ ᠪᠠᠷ ᠬᠤᠪᠠᠭ᠋ᠠᠶᠢᠷᠠᠬᠤ ᠭᠡᠮ᠂ ᠨᠠᠪᠴᠢᠨ ᠳᠤᠯᠪᠤ ᠶᠢᠨ ᠭᠡᠮ᠂ ᠪᠠᠭᠠᠷᠠᠩ ᠬᠤᠷᠣᠬᠠᠢ᠂ ᠡᠷᠢᠶᠡᠨ ᠳᠠᠯᠠᠪᠴᠢᠲᠤ ᠰᠦᠨᠢ ᠶᠢᠨ ᠡᠷᠪᠡᠬᠡᠢ ᠵᠡᠷᠭᠡ ᠪᠤᠢ᠂ ᠦᠷᠭᠦᠯᠵᠢ ᠲᠠᠷᠢᠶᠠᠨ ᠳᠤ ᠣᠷᠣᠵᠤ ᠪᠠᠶᠢᠴᠠᠭᠠᠨ᠂ ᠴᠠᠭ ᠲᠤᠬᠠᠢ ᠳᠤᠨᠢ ᠰᠡᠷᠭᠡᠶᠢᠯᠡᠨᠡ᠃ |
|
|
|
ᠢᠷᠡᠯᠲᠡ᠄
ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
|