2019 ᠤᠨᠤ ᠦᠪᠤᠷ ᠮᠤᠩᠭᠤᠯᠤᠨ ᠬᠤᠤᠷᠳᠤ ᠡᠳ᠋ᠲᠠᠢ
ᠬᠤᠯᠪᠤᠭᠳᠠᠭᠰᠠᠨ ᠠᠷᠪᠠᠨ ᠨᠡᠶ᠋ᠢᠲᠡᠯᠢᠭ ᠬᠡᠷᠡᠭᠤᠨ ᠵᠢᠱ᠌ᠢᠶᠡ
ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠣᠲᠣᠭ᠋ᠠᠳᠣ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠢᠩᠬᠢᠮ 2019 ᠤᠨᠤ ᠦᠪᠤᠷ ᠮᠤᠩᠭᠤᠯᠤᠨ ᠬᠤᠤᠷᠳᠤ ᠡᠳ᠋ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠠᠷᠪᠠᠨ ᠨᠡᠶ᠋ᠢᠳᠡᠯᠢᠭ ᠬᠡᠷᠡᠭᠤᠨ ᠵᠢᠱ᠌ᠢᠶᠡ ᠵᠢ ᠨᠡᠶ᠋ᠢᠲᠡᠯᠡᠪᠡ᠃
ᠨᠢᠭᠡ᠂ ᠬᠦᠬᠡᠬᠤᠲᠡ ᠵᠢᠨ ᠢᠤᠢ ᠴᠢᠤᠸᠠᠨ ᠲᠤᠭᠤᠷᠢᠭᠤᠨ ᠳᠣᠲᠣᠭ᠋ᠠᠳᠣ ᠵᠢ ᠬᠠᠮᠠᠭ᠋ᠠᠯᠠᠬᠤ ᠬᠤᠪᠢᠶᠠᠷᠢ ᠲᠤᠪᠴᠢᠶᠠ ᠵᠢᠨ ᠳᠠᠩᠨᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠬᠦᠬᠡᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠢᠤᠢ ᠴᠢᠤᠸᠠᠨ ᠳᠤᠭᠤᠷᠢᠭᠤᠨ ᠬᠤᠪᠢᠶᠠᠷᠢ ᠲᠤᠪᠴᠢᠶᠠ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠶᠡᠭᠡ ᠠᠩᠭᠢ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠶᠠᠮᠤᠨᠤ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠨᠢᠭᠡᠳᠤᠯᠳᠡᠢ ᠵᠤᠬᠢᠴᠠᠭᠤᠯᠭᠠ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ᠂ ᠭᠤᠸᠠᠩᠳᠦ᠋ᠩ᠂ ᠵᠢᠶᠠᠩᠰᠢ᠂ ᠵᠢᠶᠠᠩᠰᠤ᠂ ᠶᠦᠨᠨᠠᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠪᠠᠶ᠋ᠢᠭᠤᠯᠭᠠᠲᠠᠢ ᠬᠠᠮᠵᠢᠯᠴᠠᠨ ᠯᠢ ᠤᠪᠤᠭᠳᠤᠪᠠᠷ ᠲᠣᠯᠣᠭ᠋ᠠᠶ᠋ᠢᠯᠠᠭᠤᠯᠣᠭᠰᠠᠨ ᠬᠤᠤᠷ ᠰᠠᠷᠢᠭ᠋ᠠᠯᠠᠬᠤ ᠡᠪᠰᠡᠯ ᠪᠦᠯᠦᠭᠢ ᠰᠤᠶ᠋ᠢᠷᠡᠭᠤᠯᠪᠠ᠃ ᠲᠣᠰ ᠬᠡᠷᠡᠭᠤᠨ 18 ᠶᠠᠯᠠ ᠵᠢᠨ ᠰᠡᠵᠢᠭᠲᠡᠨᠢ ᠪᠠᠷᠢᠪᠴᠢᠯᠠᠵᠤ᠂ 2 ᠳᠦᠮᠡᠨ ᠦᠷᠢᠯ ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠬᠤᠤᠷᠳᠤ ᠡᠳ᠋ᠤᠨ ᠬᠤᠮᠵᠢᠶᠠ ᠡᠮᠢ ᠤᠯᠵᠠᠯᠠᠵᠤ᠂ ᠡᠯᠡ ᠵᠦᠢ᠍ᠯᠤᠨ ᠬᠤᠤᠷᠳᠤ ᠡᠳ᠋ᠤᠨ ᠬᠤᠮᠵᠢᠶᠠ ᠡᠮᠢ 1200 ᠭᠠᠷᠤᠢ ᠦᠷᠢᠯ ᠬᠤᠷᠢᠶᠠᠮᠵᠢᠯᠠᠵᠦ᠂ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ 86600 ᠲᠦᠭᠦᠷᠢᠭ ᠪᠡᠯᠡᠨ ᠵᠣᠭᠤᠰᠢ ᠬᠤᠷᠢᠶᠠᠮᠵᠢᠯᠠᠵᠣ᠂ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ ᠪᠠᠩᠭᠢ ᠵᠢᠨ ᠺᠠᠷᠲᠤᠨ ᠪᠠᠯᠠ ᠮᠦᠩᠬᠦ ᠵᠢ 50 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭ ᠴᠡᠪᠳᠡᠭᠯᠡᠵᠦ᠂ ᠨᠢᠭᠡ ᠤᠷᠤᠨ ᠰᠠᠭᠤᠴᠠ᠂ 4 ᠬᠡᠷᠡᠭ ᠤᠶ᠋ᠢᠯᠡᠳᠤᠭ᠌ᠰᠡᠨ ᠲᠡᠷᠭᠡ ᠪᠠ ᠶᠡᠭᠡ ᠬᠡᠮᠵᠢᠶᠡᠨᠤ ᠬᠡᠷᠡᠭ ᠦᠢ᠍ᠯᠡᠳᠬᠦ ᠪᠠᠭ᠋ᠠᠵᠢ ᠵᠢ ᠪᠠᠶ᠋ᠢᠴᠠᠭ᠋ᠠᠨ ᠪᠢᠳᠡᠭᠦᠮᠵᠢᠯᠡᠵᠦ ᠪᠠᠷᠢᠴᠠᠭ᠋ᠠᠨᠳᠤ ᠦᠯᠡᠳᠡᠭᠡᠵᠡᠢ᠃
ᠬᠤᠶᠠᠷ᠂ ᠤᠯᠠᠭ᠋ᠠᠨᠴᠠᠪ ᠬᠤᠲᠡ ᠵᠢᠨ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠶ᠋ᠢᠳᠤ ᠬᠤᠰᠢᠭᠤᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠲᠡᠩᠨᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠤᠯᠠᠭ᠋ᠠᠨᠴᠠᠪ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠪᠠᠶ᠋ᠢᠭᠤᠯᠭᠠ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠰᠠᠯᠠᠭᠠ ᠮᠦᠴᠢᠷ 1 ᠬᠤᠤᠷ ᠲᠠᠲᠠᠭᠴᠢ ᠪᠠ 0.18 ᠭ᠋ᠷᠡᠮ ᠬᠤᠤᠷᠳᠤ ᠡᠳ᠋ᠠᠴᠠ ᠭᠠᠷ ᠤᠷᠤᠵᠤ᠂ ᠬᠢᠯᠢ ᠵᠢᠨ ᠭᠠᠳᠠᠨᠠᠬᠢ 《ᠠᠯᠳᠠᠨ ᠭᠤᠷᠪᠠᠯᠵᠢᠨ ᠤᠷᠤᠨ》ᠠᠴᠠ ᠶᠦᠨᠨᠠᠨᠳᠤ ᠬᠦᠷᠴᠦ ᠤᠨᠴᠠ ᠶᠡᠭᠡ ᠤᠯᠤᠰ ᠠᠯᠤᠰᠯᠠᠭᠰᠠᠨ ᠬᠤᠤᠷ ᠰᠠᠷᠢᠭ᠋ᠠᠯᠠᠬᠤ ᠵᠠᠮᠢ ᠪᠠᠶ᠋ᠢᠴᠠᠭ᠋ᠠᠨ ᠳᠤᠳᠤᠯᠠᠪᠠ᠃ ᠴᠠᠭᠳᠠᠭᠠ ᠨᠠᠷ ᠲᠤᠰ ᠬᠡᠷᠡᠭᠢ ᠠᠮᠵᠢᠯᠲᠠᠲᠠᠢ ᠢᠯᠡᠷᠡᠭᠦᠯᠵᠦ᠂ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ 23 ᠬᠦᠮᠦᠨᠢ ᠪᠠᠷᠢᠪᠴᠢᠯᠠᠵᠦ᠂ 1344.93 ᠭ᠋ᠷᠡᠮ ᠾᠧᠷᠦᠶᠢᠨ ᠬᠤᠷᠢᠶᠠᠮᠵᠢᠯᠠᠵᠦ᠂ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ 120 ᠭᠠᠷᠤᠢ ᠳᠦᠮᠡᠨ ᠳᠦᠭᠦᠷᠢᠭ ᠵᠤᠭᠤᠰ ᠪᠠ 2 ᠮᠠᠰᠢᠨ ᠲᠡᠷᠭᠡ ᠵᠢ ᠪᠠᠷᠢᠴᠠᠭ᠋ᠠᠨᠳᠤ ᠦᠯᠡᠳᠡᠭᠡᠵᠡᠢ᠃
ᠭᠤᠷᠪᠠ᠂ ᠤᠯᠠᠭ᠋ᠠᠬᠠᠨᠳᠠ ᠬᠤᠳᠠ ᠵᠢᠨ ᠨᠢᠩᠴᠸᠡᠭ ᠰᠢᠶᠠᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠲᠠᠩᠨᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
2019 ᠤᠨᠤ 2 ᠰᠠᠷᠠᠳᠤ᠂ ᠨᠢᠩᠴᠸᠡᠭ ᠰᠢᠶᠠᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠶᠡᠭᠡ ᠠᠩᠭᠢ ᠵᠸᠡᠭ ᠤᠪᠤᠭᠳᠤ ᠵᠢᠨ ᠤᠨᠴᠠ ᠶᠡᠭᠡ ᠬᠤᠤᠷ ᠰᠠᠷᠢᠭ᠋ᠠᠯᠠᠬᠤ ᠳᠤᠤᠷᠤᠨ ᠰᠦᠪᠡᠭᠴᠢ ᠵᠢ ᠤᠯᠵᠤ᠂ ᠡᠪᠡᠰᠡᠯ ᠪᠦᠯᠦᠭᠤᠨ ᠳᠦᠷᠦᠭᠦᠦᠨᠢ ᠾᠧᠪᠸᠢ ᠵᠢᠨ ᠯᠠᠩᠹᠡᠩ ᠬᠤᠲᠡᠳᠤ ᠰᠠᠭᠤᠨ ᠪᠦᠬᠦ ᠤᠯᠤᠰᠲᠤ ᠨᠢᠳᠦ ᠬᠠᠶᠠᠵᠦ᠂ ᠬᠠᠭᠤᠷᠮᠠᠭ ᠪᠡᠶᠡ ᠵᠢᠨ ᠭᠠᠷᠤᠯ ᠵᠶ᠋ᠠᠷ ᠭᠠᠷ ᠳᠤᠤᠷᠠᠬᠢ ᠬᠦᠮᠦᠰ ᠵᠶ᠋ᠠᠨ ᠵᠢᠯᠤᠭᠤᠳᠤᠨ ᠤᠯᠠᠨ ᠮᠤᠵᠢᠳᠤ ᠳᠡᠯᠡᠰᠳᠤ ᠬᠤᠤᠷ ᠰᠠᠷᠢᠭ᠋ᠠᠯᠠᠨ ᠵᠦᠭᠡᠭᠡᠪᠤᠷᠢᠯᠡᠵᠤ ᠪᠠᠶ᠋ᠢᠬᠤ ᠵᠢ ᠪᠠᠶ᠋ᠢᠴᠠᠭ᠋ᠠᠨ ᠳᠤᠳᠤᠯᠠᠪᠠ᠃ 5 ᠰᠠᠷᠠ ᠵᠢᠨ 1ᠠᠴᠠ ᠡᠬᠢᠯᠡᠨ ᠴᠠᠭᠳᠠᠭᠠ ᠨᠠᠷ ᠬᠡᠷᠡᠭᠲᠤ ᠬᠤᠯᠪᠣᠭᠳᠠᠭᠰᠠᠨ 15 ᠶᠠᠯᠠ ᠵᠢᠨ ᠰᠡᠵᠢᠭᠲᠡᠨᠢ ᠪᠦᠭᠦᠨᠢ ᠪᠠᠷᠢᠪᠴᠢᠯᠠᠵᠤ᠂ 3.7 ᠺᠢᠯᠣᠭ᠌ᠷᠠᠮ ᠳᠠᠯᠠᠰᠳᠤ ᠬᠤᠤᠷ ᠬᠤᠷᠢᠶᠠᠮᠵᠢᠯᠠᠵᠠᠢ᠃
ᠳᠦᠷᠪᠠ᠂ ᠪᠤᠭᠤᠳᠤ ᠬᠤᠲᠡ ᠵᠢᠨ ᠬᠦᠨᠳᠡᠯᠡᠨ ᠳᠤᠭᠤᠷᠢᠭᠤᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠬᠤᠪᠢᠶᠠᠷᠢ ᠲᠤᠪᠴᠢᠶᠠ ᠵᠢᠨ ᠲᠠᠩᠨᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠪᠤᠭᠤᠳᠤ ᠬᠤᠳᠠ ᠵᠢᠨ ᠬᠦᠨᠳᠡᠯᠡᠨ ᠳᠤᠭᠤᠷᠢᠭᠤᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠬᠤᠪᠢᠶᠠᠷᠢ ᠲᠤᠪᠴᠢᠶᠠ ᠵᠢᠨ ᠴᠠᠭᠳᠠᠭᠠ ᠨᠠᠷ ᠦᠪᠤᠷ ᠮᠤᠩᠭᠤᠯ᠂ ᠾᠧᠪᠸᠢ ᠬᠤᠶᠠᠷ ᠮᠤᠵᠢ ᠤᠷᠤᠨᠢ ᠠᠯᠤᠰᠯᠠᠭᠰᠠᠨ ᠬᠤᠤᠷ ᠰᠠᠷᠢᠭ᠋ᠠᠯᠠᠨ ᠦᠢ᠍ᠯᠡᠳᠬᠦ ᠳᠤᠤᠷᠤᠨ ᠰᠦᠪᠡᠭᠴᠢ ᠵᠢ ᠪᠠᠶ᠋ᠢᠴᠠᠭ᠋ᠠᠨ ᠡᠵᠡᠮᠰᠢᠵᠦ᠂ 2019 ᠤᠨᠤ 8 ᠰᠠᠷᠠ ᠵᠢᠨ 17ᠤ ᠤᠷᠤᠢ ᠪᠠᠷᠢᠪᠴᠢᠯᠠᠬᠤ ᠠᠵᠢᠯᠯᠠᠭᠠ ᠠᠪᠴᠤ᠂ ᠬᠤᠤᠷᠲᠠᠢ ᠬᠤᠯᠪᠤᠭᠳᠠᠭᠰᠠᠨ 16 ᠬᠦᠮᠦᠨᠢ ᠪᠠᠷᠢᠪᠴᠢᠯᠠᠵᠦ᠂ 113.86 ᠭ᠋ᠷᠡᠮ ᠲᠠᠯᠠᠰᠳᠤ ᠬᠤᠤᠷ᠂ 270 ᠭ᠋ᠷᠡᠮ ᠰᠢᠩᠭᠡᠨ ᠪᠠᠶᠠᠳᠤ ᠳᠠᠯᠠᠰᠳᠤ ᠬᠤᠤᠷ ᠪᠠ ᠶᠡᠭᠡ ᠬᠡᠮᠵᠢᠶᠠᠨᠤ ᠬᠤᠤᠷ ᠦᠢ᠍ᠯᠡᠳᠬᠦ ᠪᠠᠭ᠋ᠠᠵᠢ ᠵᠢ ᠬᠤᠷᠢᠶᠠᠮᠵᠢᠯᠠᠵᠠᠢ᠃
ᠲᠠᠪᠤ᠂ ᠤᠷᠳᠤᠰ ᠬᠤᠳᠠ ᠵᠢᠨ ᠵᠡᠭᠦᠨᠭ᠋ᠠᠷ ᠬᠤᠰᠢᠭᠤᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠳᠤᠪᠴᠢᠶᠠ ᠵᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
2018 ᠤᠨᠤ 11 ᠰᠠᠷᠠᠳᠤ᠂ ᠤᠷᠳᠤᠰ ᠬᠤᠳᠠ ᠵᠢᠨ ᠵᠡᠭᠦᠨᠭ᠋ᠠᠷ ᠬᠤᠰᠢᠭᠤᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠳᠤᠪᠴᠢᠶᠠ ᠱᠠᠨ ᠰᠢ᠂ ᠱᠠᠨᠰᠢ ᠦᠪᠤᠷ ᠮᠤᠩᠭᠤᠯ ᠭᠤᠷᠪᠠᠨ ᠮᠤᠵᠢ ᠤᠷᠤᠨᠢ ᠠᠯᠤᠰᠯᠠᠭᠰᠠᠨ ᠬᠤᠤᠷ ᠰᠠᠷᠢᠭ᠋ᠠᠯᠠᠬᠤ ᠳᠤᠤᠷᠢ ᠪᠠᠶ᠋ᠢᠴᠠᠭ᠋ᠠᠨ ᠳᠤᠳᠤᠯᠠᠵᠤ᠂ ᠳᠤᠰᠬᠠᠢ ᠬᠡᠷᠡᠭᠤᠨ ᠳᠤᠭᠤᠶ᠋ᠢᠯᠠᠩ ᠪᠠᠶ᠋ᠢᠭᠤᠯᠤᠨ ᠭᠡᠳᠤᠨ ᠰᠠᠷᠠ ᠳᠠᠩᠨᠡᠨ ᠪᠠᠶ᠋ᠢᠴᠠᠭ᠋ᠠᠬᠤᠪᠠᠷ ᠳᠡᠮᠵᠢᠨ᠂ ᠲᠤᠰ ᠶᠠᠯᠠᠳᠤ ᠡᠪᠰᠡᠯ ᠪᠦᠯᠦᠭᠢ ᠰᠦᠢ᠍ᠷᠡᠭᠦᠯᠵᠦ᠂ ᠳᠠᠯᠠᠰᠳᠤ ᠬᠤᠤᠷ ᠺᠣᠹᠧᠶᠢᠨᠢ ᠵᠦᠭᠡᠭᠡᠪᠦᠷᠢᠯᠡᠨ ᠦᠢ᠍ᠯᠡᠳᠴᠦ ᠰᠠᠷᠢᠭ᠋ᠠᠯᠠᠨ ᠬᠤᠳᠠᠯᠳᠤᠳᠠᠭ ᠴᠢᠬᠤᠯᠠ ᠵᠠᠮᠢ ᠳᠠᠰᠤᠯᠵᠦ᠂ 17 ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ ᠬᠦᠮᠦᠨᠢ ᠪᠠᠷᠢᠪᠴᠢᠯᠠᠵᠦ᠂ 2300 ᠭᠠᠷᠤᠢ ᠭ᠋ᠷᠡᠮ ᠺᠣᠹᠧᠶᠢᠨ᠂ 30 ᠭᠠᠷᠤᠢ ᠭ᠋ᠷᠡᠮ ᠬᠠᠷᠠ ᠲᠡᠮᠡᠬᠢ ᠵᠢᠨ ᠨᠠᠭ᠋ᠠᠯᠲᠠ᠂ 6 ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ ᠲᠡᠷᠭᠡ᠂ 29 ᠳᠦᠮᠠ ᠭᠠᠷᠤᠢ ᠲᠦᠭᠦᠷᠢᠭ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ ᠵᠤᠭᠤᠰᠢ ᠬᠤᠷᠢᠶᠠᠮᠵᠢᠯᠠᠵᠠᠢ᠃
ᠵᠢᠷᠭᠤᠭᠠ᠂ ᠪᠠᠶᠠᠨᠨᠠᠭᠤᠷ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠲᠠᠩᠨᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠪᠠᠶᠠᠨᠨᠠᠭᠤᠷ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠪᠠᠶ᠋ᠢᠭᠤᠯᠭᠠ ᠭᠤᠷᠪᠠᠨ ᠰᠠᠷᠠ ᠰᠢᠬᠠᠮ ᠨᠠᠷᠢᠨ ᠨᠢᠭᠲᠠ ᠲᠠᠩᠨᠡᠨ ᠪᠠᠶ᠋ᠢᠴᠠᠭ᠋ᠠᠬᠤᠪᠠᠷ ᠳᠡᠮᠵᠢᠨ᠂ ᠦᠪᠤᠷ ᠮᠤᠩᠭᠤᠯ᠂ ᠱᠠᠨ ᠰᠢ ᠱᠠᠨᠰᠢ᠂ ᠭᠤᠷᠪᠠᠨ ᠮᠤᠵᠢ ᠤᠷᠤᠨᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠨᠢᠭᠡᠨ ᠤᠨᠴᠨ ᠶᠡᠭᠡ ᠬᠠᠤᠯᠢ ᠪᠤᠰᠤᠪᠠᠷ ᠤᠯᠤᠰᠠᠴᠠ ᠵᠡᠬᠢᠷᠤᠨ ᠬᠠᠮᠢᠶᠠᠷᠴᠤ ᠪᠠᠶ᠋ᠢᠭᠠ ᠬᠤᠶᠠᠳᠤᠭ᠋ᠠᠷ ᠲᠦᠷᠤᠯᠤᠨ ᠤᠶᠤᠨ ᠰᠠᠨᠠᠭᠠ ᠮᠢᠨᠴᠤᠷᠡᠭᠦᠯᠬᠦ ᠡᠮᠤᠨ ᠵᠦᠢ᠍ᠯᠡᠰ ᠪᠤᠯᠬᠤ ᠺᠣᠹᠧᠶᠢᠨᠢ ᠦᠢ᠍ᠯᠡᠳᠪᠦᠷᠢᠯᠡᠨ ᠪᠤᠯᠪᠰᠤᠷᠠᠭᠤᠯᠵᠦ ᠰᠠᠷᠢᠭ᠋ᠠᠯᠠᠨ ᠬᠤᠳᠠᠯᠳᠤᠵᠤ ᠪᠠᠶ᠋ᠢᠭᠰᠠᠨ ᠬᠡᠷᠡᠭᠢ ᠢᠯᠡᠷᠡᠭᠦᠯᠵᠦ᠂ ᠬᠡᠷᠡᠭ ᠲᠤ ᠬᠤᠯᠪᠤᠭᠳᠠᠭᠰᠠᠨ 51 ᠬᠦᠮᠦᠨᠢ ᠪᠠᠷᠢᠪᠴᠢᠯᠠᠵᠦ᠂ 2.8 ᠲᠣᠨ ᠺᠤᠹᠧᠶᠢᠨ ᠬᠤᠷᠢᠶᠠᠮᠵᠢᠯᠠᠵᠦ᠂ 1 ᠬᠡᠶ᠋ᠢᠳᠤ ᠫᠤᠤ ᠪᠠᠶ᠋ᠢᠴᠠᠭ᠋ᠠᠨ ᠤᠯᠵᠠᠯᠠᠵᠤ᠂ 3 ᠦᠢ᠍ᠯᠡᠳᠪᠦᠷᠢᠯᠡᠨ ᠪᠣᠯᠪᠠᠰᠣᠷᠠᠭᠤᠯᠬᠤ ᠡᠭᠦᠷᠢ ᠰᠦᠢ᠍ᠷᠡᠭᠦᠯᠦᠨ᠂ ᠡᠳᠤᠢ ᠲᠠᠳᠤᠢ ᠬᠤᠤᠷ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠪᠠᠭ᠋ᠠᠵᠢ ᠵᠢ ᠬᠤᠷᠢᠶᠠᠮᠵᠢᠯᠠᠪᠠ᠃
ᠳᠤᠯᠤᠭᠠ᠂ ᠦᠬᠠᠢ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠳᠤᠪᠴᠢᠶᠠ ᠵᠢᠨ ᠬᠠᠶ᠋ᠢᠨᠠᠨ ᠳᠤᠭᠤᠷᠢᠭᠤᠨ ᠬᠤᠪᠢᠶᠠᠷᠢ ᠳᠤᠪᠴᠢᠶᠠ ᠵᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠦᠬᠠᠢ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠳᠤᠪᠴᠢᠶᠠ ᠵᠢᠨ ᠬᠠᠶ᠋ᠢᠨᠠᠨ ᠳᠤᠭᠤᠷᠢᠭᠤᠨ ᠬᠤᠪᠢᠶᠠᠷᠢ ᠳᠤᠪᠴᠢᠶᠠ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠶᠡᠭᠡ ᠠᠩᠭᠢ ᠴᠧᠩᠳᠦ᠋ ᠬᠤᠲᠡ᠂ ᠱ᠌ᠢ ᠵᠢᠶᠨ ᠵᠤᠸᠠᠩ ᠬᠤᠲᠡ᠂ ᠰᠦᠢ ᠬᠤᠸᠨ ᠬᠤᠲᠡ᠂ ᠹᠦᠵᠸᠦ ᠬᠤᠲᠡ᠂ ᠦᠬᠠᠢ ᠬᠤᠲᠡ ᠵᠡᠷᠭᠡ ᠳᠠᠪᠤᠨ ᠮᠤᠵᠢ ᠤᠷᠤᠨᠤ ᠲᠠᠪᠤᠨ ᠬᠤᠲᠡ ᠵᠢ ᠪᠦᠷᠭᠦᠭᠰᠡᠨ ᠲᠠᠪᠤᠨ ᠳᠡᠰ ᠳᠠᠪᠬᠤᠷᠭᠠ ᠵᠢᠨ ᠬᠤᠤᠷ ᠰᠠᠷᠢᠭ᠋ᠠᠯᠠᠬᠤ ᠳᠤᠤᠷᠤᠨ ᠰᠦᠪᠡᠭᠴᠢ ᠵᠢ ᠤᠯᠵᠤ ᠮᠡᠳᠡᠵᠡᠢ᠃ ᠳᠤᠰᠬᠠᠢ ᠬᠡᠷᠡᠭᠤᠨ ᠳᠤᠭᠤᠶ᠋ᠢᠯᠠᠩᠤᠨ ᠴᠠᠭᠳᠠᠭᠠ ᠨᠠᠷ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ 13 ᠬᠦᠮᠦᠨᠢ ᠪᠠᠷᠢᠪᠴᠢᠯᠠᠵᠤ᠂ 1228.4 ᠭ᠋ᠷᠡᠮ ᠳᠠᠯᠠᠰᠳᠤ ᠬᠤᠤᠷ᠂ 92 ᠲᠦᠮᠠ ᠭᠠᠷᠤᠢ ᠲᠦᠭᠦᠷᠢᠭ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ ᠵᠤᠭᠤᠰᠢ ᠬᠤᠷᠢᠶᠠᠮᠵᠢᠯᠠᠵᠤ᠂ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ 1 ᠮᠠᠰᠢᠨ ᠲᠡᠷᠭᠡ ᠵᠢ ᠬᠤᠷᠢᠶᠠᠮᠵᠢᠯᠠᠵᠤ ᠪᠠᠷᠢᠴᠠᠭ᠋ᠠᠨᠳᠤ ᠦᠯᠡᠳᠡᠭᠡᠵᠡᠢ᠃
ᠨᠠᠢ᠍ᠮᠠ᠂ ᠬᠦᠯᠦᠨ ᠪᠦᠢ᠍ᠷ ᠬᠤᠲᠡ ᠵᠢᠨ ᠵᠠᠯᠠᠨ ᠠᠶ᠋ᠢᠯ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠵᠠᠯᠠᠨ ᠠᠶ᠋ᠢᠯ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠶᠡᠭᠡ ᠠᠩᠭᠢ ᠬᠤᠨᠠᠨ ᠮᠤᠵᠢ ᠵᠢᠨ ᠬᠤᠸᠠᠢ ᠬᠤᠸᠨ ᠬᠤᠲᠡ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠰᠠᠯᠪᠤᠷᠢ ᠠᠩᠭᠢᠲᠠᠢ ᠬᠠᠮᠳᠤᠷᠠᠨ 10 ᠰᠠᠷᠠ ᠵᠢᠨ ᠬᠤᠭᠤᠴᠠᠭᠠ ᠵᠢ ᠬᠡᠷᠡᠭᠰᠡᠨ 4 ᠲᠦᠮᠠ ᠭᠠᠷᠤᠢ ᠺᠢᠯᠤᠮᠧᠳ᠋ᠷ ᠠᠶᠠᠯᠠᠨ ᠨᠢᠭᠡᠨ ᠬᠤᠤᠷᠳᠤ ᠡᠳ᠋ᠤᠨ ᠬᠡᠷᠡᠭᠢ ᠢᠯᠡᠷᠡᠭᠦᠯᠵᠦ᠂ 28 ᠶᠠᠯᠠ ᠵᠢᠨ ᠰᠡᠵᠢᠭᠲᠡᠨᠢ ᠪᠠᠷᠢᠪᠴᠢᠯᠠᠵᠣ᠂ 28.414 ᠺᠢᠯᠣᠭ᠌ᠷᠠᠮ ᠬᠤᠣᠷᠲᠣ ᠡᠳ᠋ ᠬᠤᠷᠢᠶᠠᠮᠵᠢᠯᠠᠵᠤ᠂ 2 ᠬᠤᠤᠷ ᠦᠢ᠍ᠯᠡᠳᠬᠦ ᠡᠭᠦᠷᠢ ᠰᠦᠢ᠍ᠷᠡᠭᠦᠯᠵᠦ᠂ 1 ᠬᠤᠤᠷ ᠦᠢ᠍ᠯᠡᠳᠬᠦ ᠮᠠᠲ᠋ᠧᠷᠢᠶᠠᠯᠢ ᠬᠠᠳᠠᠭ᠋ᠠᠯᠠᠳᠠᠭ ᠬᠦᠮᠦᠷᠭᠡ ᠵᠢ ᠪᠠᠶ᠋ᠢᠴᠠᠭ᠋ᠠᠨ ᠢᠯᠡᠷᠡᠭᠦᠯᠵᠦ᠂ 1.5 ᠲᠤᠨ ᠬᠤᠤᠷ ᠦᠢ᠍ᠯᠡᠳᠬᠦ ᠲᠦᠭᠦᠭᠡᠢ ᠮᠠᠲ᠋ᠧᠷᠢᠶᠠᠯᠢ ᠪᠠᠶ᠋ᠢᠴᠠᠭ᠋ᠠᠨ ᠤᠯᠵᠠᠯᠠᠵᠠᠢ᠃
ᠶᠢᠰᠦ᠂ ᠬᠦᠬᠡᠬᠤᠲᠡ ᠵᠢᠨ ᠲᠡᠮᠦᠷ ᠵᠠᠮᠤᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠪᠠ ᠪᠤᠭᠤᠳᠤ ᠵᠢᠨ ᠳᠡᠮᠤᠷ ᠵᠠᠮᠤᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠭᠠᠵᠠᠷᠤᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
ᠪᠤᠭᠤᠲᠤ ᠵᠢᠨ ᠲᠡᠮᠦᠷ ᠵᠠᠮᠤᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠭᠠᠵᠠᠷ ᠰᠧᠴᠤᠸᠠᠨᠤ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠪᠠᠶ᠋ᠢᠭᠤᠯᠭᠠᠲᠠᠢ ᠬᠠᠮᠵᠢᠯᠴᠠᠨ ᠨᠢᠭᠡᠨ ᠬᠤᠤᠷᠳᠤ ᠡᠳ᠋ᠤᠨ ᠬᠡᠷᠡᠭᠢ ᠢᠯᠡᠷᠡᠭᠦᠯᠵᠦ᠂ ᠬᠤᠤᠷᠲᠠᠢ ᠬᠤᠯᠪᠤᠭᠳᠠᠭᠰᠠᠨ 18 ᠶᠠᠯᠠ ᠵᠢᠨ ᠰᠡᠵᠢᠭᠲᠡᠨᠢ ᠪᠠᠷᠢᠪᠴᠢᠯᠠᠵᠤ᠂ 15.86 ᠺᠢᠯᠦᠭᠷᠡᠮ ᠾᠧᠷᠤᠶᠢᠨ ᠬᠤᠷᠢᠶᠠᠮᠵᠢᠯᠠᠪᠠ᠃
ᠠᠷᠪᠠ᠂ ᠬᠦᠯᠦᠨ ᠪᠦᠢ᠍ᠷ ᠬᠤᠲᠡ ᠵᠢᠨ ᠡᠷᠭᠦᠨᠡ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠬᠡᠷᠡᠭ
2019 ᠤᠨᠤ 3 ᠰᠠᠷᠠᠳᠤ᠂ ᠡᠷᠭᠦᠨᠡ ᠬᠤᠲᠡ ᠵᠢᠨ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠬᠤᠤᠷ ᠴᠠᠭ᠋ᠠᠵᠠᠯᠠᠬᠤ ᠶᠡᠭᠡ ᠠᠩᠭᠢ ᠰᠧᠴᠤᠸᠠᠨ ᠮᠤᠵᠢ ᠵᠢᠨ ᠴᠧᠩᠳᠦ᠋ ᠬᠤᠲᠡᠲᠠᠢ ᠬᠤᠯᠪᠤᠭᠠᠲᠠᠢ ᠤᠨᠴᠠ ᠶᠡᠭᠡ ᠮᠤᠵᠢ ᠠᠯᠤᠰᠯᠠᠭᠰᠠᠨ ᠬᠤᠤᠷ ᠰᠠᠷᠢᠭ᠋ᠠᠯᠠᠨ ᠵᠦᠭᠡᠭᠡᠪᠦᠷᠢᠯᠡᠬᠦ ᠳᠤᠤᠷᠤᠨ ᠰᠦᠪᠡᠭᠴᠢ ᠵᠢ ᠤᠯᠵᠤ᠂ ᠴᠧᠩᠳᠦ᠋ ᠬᠤᠲᠡᠳᠤ ᠬᠦᠷᠴᠦ ᠳᠠᠩᠨᠡᠨ ᠪᠠᠶ᠋ᠢᠴᠠᠭ᠋ᠠᠬᠤ ᠠᠵᠢᠯ ᠦᠷᠨᠢᠭᠦᠯᠵᠦ᠂ ᠡᠪᠰᠡᠯ ᠪᠦᠯᠦᠭ ᠪᠦᠷᠢᠯᠳᠦᠭᠦᠨ 28 ᠬᠦᠮᠦᠨᠢ ᠨᠢᠭᠡᠯᠨ ᠳᠡᠭᠡᠷᠡ ᠪᠠᠷᠢᠪᠴᠢᠯᠡᠵᠦ᠂ ᠳᠠᠯᠠᠰᠳᠤ ᠬᠤᠤᠷ ᠵᠡᠷᠭᠡ ᠡᠯᠡ ᠵᠦᠢ᠍ᠯᠤᠨ ᠬᠤᠤᠷᠳᠤ ᠡᠳ᠋ᠢ ᠨᠡᠶ᠋ᠢᠲᠡ 2176. 64 ᠭ᠋ᠷᠡᠮ ᠬᠤᠷᠢᠶᠠᠮᠵᠢᠯᠠᠵᠤ᠂ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠭᠰᠠᠨ 13.9 ᠲᠦᠮᠡᠨ ᠲᠦᠭᠦᠷᠢᠭ ᠵᠤᠭᠤᠰ᠂ 1 ᠮᠠᠰᠢᠨ ᠲᠡᠷᠭᠡ ᠵᠢ ᠪᠠᠷᠢᠴᠠᠭ᠋ᠠᠨᠳᠤ ᠦᠯᠡᠳᠡᠭᠡᠵᠡᠢ᠃
